Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62016CN0626

Kawża C-626/16: Rikors ippreżentat fit-30 ta’ Novembru 2016 – Il-Kummissjoni Ewropea vs Ir-Repubblika Slovakka

ĠU C 78, 13.3.2017, p. 9–10 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

13.3.2017   

MT

Il-Ġurnal Uffiċjali tal-Unjoni Ewropea

C 78/9

Rikors ippreżentat fit-30 ta’ Novembru 2016 – Il-Kummissjoni Ewropea vs Ir-Repubblika Slovakka

(Kawża C-626/16)

(2017/C 078/13)

Lingwa tal-kawża: is-Slovakk

Partijiet

Rikorrenti: Il-Kummissjoni Ewropea (rappreżentanti: E. Sanfrutos Cano u A. Tokár, bħala aġenti)

Konvenuta: Ir-Repubblika Slovakka

Talbiet

Il-Kummissjoni Ewropea titlob lill-Qorti tal-Ġustizzja jogħġobha:

1.

tiddikjara li, billi naqset milli tadotta l-miżuri neċessarji sabiex tikkonforma ruħha mas-sentenza tal-Qorti tal-Ġustizzja fil-Kawża C-331/11, Il-Kummissjoni vs Is-Slovakkja, li fiha l-Qorti tal-Ġustizzja ddikjarat li r-Repubblika Slovakka kienet naqset milli twettaq l-obbligi tagħha taħt l-Artikolu 14(a)(b) u (c) tad-Direttiva tal-Kunsill 1999/31/KE, tas-26 ta’ April 1999, dwar ir-rimi ta’ skart f’terraferma [landfill], ir-Repubblika Slovakka naqset milli twettaq l-obbligi tagħha taħt l-Artikolu 260(1) tat-Trattat dwar il-Funzjonament tal-Unjoni Ewropea,

2.

tordna lir-Repubblika Slovakka tħallas lill-Kummissjoni Ewropea, fil-kont “riżorsi proprji tal-Unjoni Ewropea”:

(a)

pagamenti ta’ penalità ta’ EUR 6 793,80 għal kull jum ta’ dewmien fl-adozzjoni tal-miżuri neċessarji sabiex ir-Repubblika Slovakka tikkonforma ruħha mas-sentenza tal-Qorti tal-Ġustizzja fil-Kawża C-331/11, Il-Kummissjoni vs Is-Slovakkja, dekorribbli mid-data tal-għoti tas-sentenza f’din il-kawża sad-data tal-adozzjoni tal-miżuri neċessarji sabiex ir-Repubblika Slovakka tikkonforma ruħha mas-sentenza tal-Qorti tal-Ġustizzja fil-Kawża C-331/11, Il-Kummissjoni vs Is-Slovakkja;

(b)

somma f’daqqa ta’ EUR 743,60 kull jum, b’ammont totali minimu ta’ EUR 939 000, għal kull jum ta’ dewmien fl-adozzjoni tal-miżuri neċessarji sabiex ir-Repubblika Slovakka tikkonforma ruħha mas-sentenza tal-Qorti tal-Ġustizzja fil-Kawża C-331/11, Il-Kummissjoni vs Is-Slovakkja, pagabbli mid-data tal-għoti ta’ din is-sentenza fil-25 ta’ April 2013:

—

sad-data tal-għoti tas-sentenza f’din il-kawża, jew

—

sad-data tal-adozzjoni tal-miżuri neċessarji sabiex ir-Repubblika Slovakka tikkonforma ruħha mas-sentenza tal-Qorti tal-Ġustizzja fil-Kawża C-331/11, Il-Kummissjoni vs Is-Slovakkja, jekk din id-data tippreċedi d-data tal-għoti tas-sentenza f’din il-kawża, u

3.

tikkundanna lir-Repubblika Slovakka għall-ispejjeż.

Motivi u argumenti prinċipali

Fil-25 ta’ April 2013, il-Qorti tal-Ġustizzja tat is-sentenza fil-Kawża C-331/11, Il-Kummissjoni vs Is-Slovakkja, li fiha kkonstatat li, billi awtorizzat l-operat tal-landfill tal-iskart Žilina-Považský Chlmec mingħajr pjan ta’ żvilupp tas-sit u fin-nuqqas ta’ deċiżjoni finali dwar l-operat kontinwu abbażi ta’ pjan ta’ żvilupp tas-sit approvat, ir-Repubblika Slovakka naqset milli twettaq l-obbligi tagħha taħt l-Artikolu 14(a)(b) u (c) tad-Direttiva tal-Kunsill 1999/31/KE, tas-26 ta’ April 1999, dwar ir-rimi ta’ skart f’terraferma [landfill].

Matul il-proċedura prekontenzjuża, ir-Repubblika Slovakka ddikjarat li riedet tikkonforma ruħha mas-sentenza tal-Qorti tal-Ġustizzja fil-Kawża C-331/11 peress li għalqet is-sit tal-iskart ta’ Žilina-Považský Chlmec, u kienu diġà ttieħdu ċerti passi f’dan ir-rigward.

Madankollu, l-Unjoni Ewropea kkonkludiet li, minkejja d-dikjarazzjonijiet tar-Repubblika Slovakka, il-miżuri meħtieġa mis-sentenza tal-Qorti tal-Ġustizzja fil-Kawża C-331/11 għadhom ma ġewx adottati. Għaldaqstant, il-Kummissjoni Ewropea ddeċidiet li tressaq rikors skont l-Artikolu 260 tat-Trattat dwar il-Funzjonament tal-Unjoni Ewropea.

Top