EUR-Lex Access to European Union law
This document is an excerpt from the EUR-Lex website
Document L:2014:174:FULL
Official Journal of the European Union, L 174, 13 June 2014
Il-Ġurnal Uffiċjali tal-Unjoni Ewropea, L 174, 13 ta' Ġunju 2014
Il-Ġurnal Uffiċjali tal-Unjoni Ewropea, L 174, 13 ta' Ġunju 2014
Display all documents published in this Official Journal
|
ISSN 1977-074X |
||
|
Il-Ġurnal Uffiċjali tal-Unjoni Ewropea |
L 174 |
|
|
||
|
Edizzjoni bil-Malti |
Leġiżlazzjoni |
Volum 57 |
|
|
|
|
|
(1) Test b'rilevanza għaż-ŻEE |
|
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
FTEHIMIET INTERNAZZJONALI
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/1 |
DEĊIŻJONI TAL-KUNSILL
tal-20 ta' Frar 2014
dwar il-konklużjoni ta' Protokoll għall-Ftehim ta' Sħubija u Kooperazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Armenja, min-naħa l-oħra, dwar Ftehim Qafas bejn l-Unjoni Ewropea u r-Repubblika tal-Armenja dwar il-prinċipji ġenerali għall-parteċipazzjoni tar-Repubblika tal-Armenja fil-programmi tal-Unjoni
(2014/347/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikoli 114, 168, 169 u 172, l-Artikolu 173(3), u l-Artikoli 188 u 192, flimkien mal-Artikolu 218(6)(a) tiegħu,
Wara li kkunsidra l-proposta li saret mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
|
(1) |
F'konformità mad-Deċiżjoni tal-Kunsill 2012/777/UE (1), il-Protokoll għall-Ftehim ta' Sħubija u Kooperazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Armenja, min-naħa l-oħra, dwar Ftehim Qafas bejn l-Unjoni Ewropea u r-Repubblika tal-Armenja dwar il-prinċipji ġenerali għall-parteċipazzjoni tar-Repubblika tal-Armenja fil-programmi tal-Unjoni (2) (“il-Protokoll”) ġie ffirmat f'isem l-Unjoni fis-17 ta' Diċembru 2012. |
|
(2) |
Il-Protokoll għandu jiġi approvat, |
ADOTTA DIN ID-DEĊIŻJONI:
Artikolu 1
Il-Protokoll għall-Ftehim ta' Sħubija u Kooperazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Armenja, min-naħa l-oħra, dwar Ftehim Qafas bejn l-Unjoni Ewropea u r-Repubblika tal-Armenja dwar il-prinċipji ġenerali għall-parteċipazzjoni tar-Repubblika tal-Armenja fil-programmi tal-Unjoni permezz ta' dan qiegħed jiġi approvat f'isem l-Unjoni.
It-test tal-Protokoll huwa mehmuż ma' din id-Deċiżjoni.
Artikolu 2
Il-President tal-Kunsill għandu, f'isem l-Unjoni, jagħti n-notifika prevista fl-Artikolu 10 tal-Protokoll (3).
Artikolu 3
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, l-20 ta' Frar 2014.
Għall-Kunsill
Il-President
K. HATZIDAKIS
(1) ĠU L 340, 13.12.2012, p. 26.
(2) Ara l-paġna 3 ta' dan il-Ġurnal Uffiċjali.
(3) Id-data tad-dħul fis-seħħ tal-Protokoll se tkun ippubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/3 |
PROTOKOLL
għall-Ftehim ta' Sħubija u Kooperazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Armenja, min-naħa l-oħra, dwar Ftehim qafas bejn l-Unjoni Ewropea u r-Repubblika tal-Armenja dwar il-prinċipji ġenerali għall-parteċipazzjoni tar-Repubblika tal-Armenja Fil-programmi tal-Unjoni
L-UNJONI EWROPEA, minn hawn 'il quddiem imsejħa “l-Unjoni”,
minn naħa waħda,
u
IR-REPUBBLIKA TAL-ARMENJA, minn hawn 'il quddiem imsejħa “l-Armenja”
min-naħa l-oħra,
minn hawn 'il quddiem imsejħa “il-Partijiet”
Billi:
|
(1) |
L-Armenja kkonkludiet Ftehim ta' Sħubija u Kooperazzjoni bejn il-Komunitajiet Ewropej u l-Istati Membri tagħhom, minn naħa l-waħda, u l-Armenja, min-naħa l-oħra, (minn hawn 'il quddiem imsejjaħ “il-Ftehim”), li daħal fis-seħħ fl-1 ta' Lulju 1999. |
|
(2) |
Il-Kunsill Ewropew ta' Brussell tas-17 u t-18 ta' Ġunju 2004 laqa' b'mod favorevoli l-proposti tal-Kummissjoni Ewropea għal Politika Ewropea tal-Viċinat (PEV) u approva l-konklużjonijiet tal-Kunsill tal-14 ta' Ġunju 2004. |
|
(3) |
Il-Kunsill, f'bosta okkażjonijiet oħrajn, ikkonkluda ripetutament favur din il-politika. |
|
(4) |
Il-Kunsill, fil-5 ta' Marzu 2007, esprima appoġġ għall-approċċ ġenerali u globali deskritt fil-Komunikazzjoni tal-Kummissjoni tal-4 ta' Diċembru 2006 sabiex l-imsieħba tal-Politika Ewropea tal-Viċinat jipparteċipaw fl-aġenzi Komunitarji u l-programmi Komunitarji fuq il-merti tagħhom u fejn hekk jippermettu l-bażijiet legali. |
|
(5) |
L-Armenja esprimiet ix-xewqa li tipparteċipa f'għadd ta' programmi tal-Unjoni. |
|
(6) |
It-termini u l-kondizzjonijiet speċifiċi, b'mod partikolari, il-kontribuzzjoni finanzjarja u l-proċeduri ta' rapportar u ta' evalwazzjoni, dwar il-parteċipazzjoni tal-Armenja f'kull programm partikolari għandhom jiġu ddeterminati f'Memorandum ta' Ftehim bejn il-Kummissjoni u l-awtoritajiet kompetenti tal-Armenja, |
FTEHMU KIF ĠEJ:
Artikolu 1
L-Armenja għandha titħalla tipparteċipa fil-programmi tal-Unjoni attwali u futuri kollha miftuħa għall-parteċipazzjoni tal-Armenja skont id-dispożizzjonijiet relevanti li jadottaw dawn il-programmi.
Artikolu 2
L-Armenja għandha tikkontribwixxi finanzjarjament għall-baġit ġenerali tal-Unjoni Ewropea li jikkorrispondi għall-programmi speċifiċi li fihom tipparteċipa l-Armenja.
Artikolu 3
Ir-rappreżentanti tal-Armenja għandhom jitħallew jieħdu sehem, bħala osservaturi u għall-punti li jirrigwardaw l-Armenja, fil-kumitati ta' ġestjoni responsabbli għas-sorveljanza tal-programmi li fihom l-Armenja tikkontribwixxi finanzjarjament.
Artikolu 4
Proġetti u inizjattivi mressqa minn parteċipanti mill-Armenja għandhom, kemm jista' jkun, ikunu suġġetti għall-istess kondizzjonijiet, regoli u proċeduri li għandhom x'jaqsmu mal-programmi kkonċernati kif huma applikati għall-Istati Membri.
Artikolu 5
It-termini u l-kondizzjonijiet speċifiċi dwar il-parteċipazzjoni tal-Armenja f'kull programm partikolari tal-Unjoni, b'mod partikolari l-kontribuzzjoni finanzjarja pagabbli, u l-proċeduri ta' rapportar u ta' evalwazzjoni, għandhom jiġu ddeterminati f'Memorandum ta' Ftehim bejn il-Kummissjoni u l-awtoritajiet kompetenti tal-Armenja abbażi tal-kriterji stabbiliti mill-programmi kkonċernati.
Jekk l-Armenja tapplika għall-assistenza esterna tal-Unjoni biex jipparteċipa fi programm partikolari tal-Unjoni abbażi l-Artikolu 3 tar-Regolament (KE) Nru 1638/2006 tal-Parlament Ewropew u tal-Kunsill tal-24 ta' Ottubru 2006 li jistabbilixxi dispożizzjonijiet ġenerali għat-twaqqif ta' Strument Ewropew ta' Viċinat u Sħubija jew skont kwalunkwe Regolament simili li jipprovdi għall-assistenza esterna tal-Unjoni lill-Armenja li jista' jiġi adottat fil-ġejjieni, il-kondizzjonijiet li jirregolaw l-użu mill-Armenja tal-assistenza esterna tal-Unjoni għandhom jiġu ddeterminati bi ftehim dwar l-iffinanzjar, li jirrispetta b'mod partikolari l-Artikolu 20 tar-Regolament (KE) Nru 1638/2006.
Artikolu 6
Kull Memorandum ta' Ftehim konkluż skont l-Artikolu 5, għandu jistipula, skont ir-Regolament tal-Kunsill (KE, Euratom) Nru 1605/2002 tal-25 ta' Gunju 2002 rigward ir-Regolament Finanazjarju applikabbli għall-bagit generali tal-Komunitajiet Ewropej, li l-kontroll jew awditjar finanzjarju jew verifikazzjonijiet oħra, inklużi investigazzjonijiet amministrattivi se jitwettqu minn, jew taħt l-awtorità tal-Kummissjoni Ewropea, tal-Uffiċċju Ewropew Kontra l-Frodi u tal-Qorti tal-Awdituri.
Għandhom isiru dispożizzjonijiet dettaljati dwar kontroll u awditjar finanzjarju, miżuri amministrattivi, penali u rkupru li jippermettu lill-Kummissjoni Ewropea, l-Uffiċċju Ewropew Kontra l-Frodi u l-Qorti tal-Awdituri li jiġu mogħtija setgħat li jkunu ekwivalenti għas-setgħat tagħhom rigward il-benefiċjarji jew il-kuntratturi stabbiliti fl-Unjoni.
Artikolu 7
Dan il-Protokoll għandu japplika għall-perjodu li fih il-Ftehim ikun fis-seħħ.
Dan il-Protokoll għandu jiġi ffirmat u approvat mill-Partijiet skont il-proċeduri rispettivi tagħhom.
Kwalunkwe Parti tista' tiddenunzja dan il-Protokoll b'notifika bil-miktub lill-Parti Kontraenti l-oħra.
Dan il-Protokoll għandu jintemm sitt xhur wara d-data ta' din in-notifika.
It-terminazzjoni ta' dan il-Protokoll wara d-denunzja minn kwalunkwe waħda mill-Partijiet m'għandu jkollu l-ebda influwenza dwar l-ispezzjonijiet u kontrolli li jkollhom jitwettqu skont id-dispożizzjonijiet stabbiliti kif previst fl-Artikoli 5 u 6 fejn xieraq.
Artikolu 8
Mhux aktar tard minn tliet snin wara d-dħul fis-seħħ ta' dan il-Protokoll, u wara kull tliet snin sussegwenti, iż-żewġ Partijiet Kontraenti jistgħu jirrevedu l-implimentazzjoni ta' dan il-Protokoll abbażi tal-parteċipazzjoni effettiva tal-Armenja fi programmi tal-Unjoni.
Artikolu 9
Dan il-Protokoll għandu japplika, min-naħa waħda, għat-territorji li fihom japplika t-Trattat dwar il-Funzjonament tal-Unjoni Ewropea u taħt il-kundizzjonijiet stabbiliti f'dak it-Trattat, u min-naħa l-oħra, għat-territorju tal-Armenja.
Artikolu 10
Dan il-Protokoll għandu jidħol fis-seħħ fl-ewwel jum tax-xahar wara d-data li fiha l-Partijiet jinnotifikaw lil xulxin permezz ta' mezzi diplomatiċi dwar it-tlestija tal-proċeduri tagħhom meħtieġa għad-dħul fis-seħħ tiegħu.
Artikolu 11
Dan il-Protokoll għandu jagħmel parti integrali mill-Ftehim.
Artikolu 12
Dan il-Ftehim huwa miktub b'żewġ kopji fil-lingwa Bulgara, Ċeka, Daniża, Olandiża, Ingliża, Estonjana, Finlandiża, Franċiża, Ġermaniża, Griega, Ungeriża, Taljana, Latvjana, Litwana, Maltija, Pollakka, Portugiża, Rumena, Slovakka, Slovena, Spanjola, Svediża u Armena u kull wieħed minn dawn it-testi huwa ugwalment awtentiku.
Съставено в Брюксел на седемнадесети декември две хиляди и дванадесета година.
Hecho en Bruselas, el diecisiete de diciembre de dos mil doce.
V Bruselu dne sedmnáctého prosince dva tisíce dvanáct.
Udfærdiget i Bruxelles den syttende december to tusind og tolv.
Geschehen zu Brüssel am siebzehnten Dezember zweitausendzwölf.
Kahe tuhande kaheteistkümnenda aasta detsembrikuu seitsmeteistkümnendal päeval Brüsselis.
Έγινε στις Βρυξέλλες, στις δέκα εφτά Δεκεμβρίου δύο χιλιάδες δώδεκα.
Done at Brussels on the seventeenth day of December in the year two thousand and twelve.
Fait à Bruxelles, le dix-sept décembre deux mille douze.
Fatto a Bruxelles, addì diciassette dicembre duemiladodici.
Briselē, divi tūkstoši divpadsmitā gada septiņpadsmitajā decembrī.
Priimta du tūkstančiai dvyliktų metų gruodžio septynioliktą dieną Briuselyje.
Kelt Brüsszelben, a kétezer-tizenkettedik év december havának tizenhetedik napján.
Magħmul fi Brussell, fis-sbatax-il jum ta’ Diċembru tas-sena elfejn u tnax.
Gedaan te Brussel, de zeventiende december tweeduizend twaalf.
Sporządzono w Brukseli dnia siedemnastego grudnia roku dwa tysiące dwunastego.
Feito em Bruxelas, em dezassete de dezembro de dois mil e doze.
Întocmit la Bruxelles la șaptesprezece decembrie două mii doisprezece.
V Bruseli sedemnásteho decembra dvetisícdvanásť.
V Bruslju, dne sedemnajstega decembra leta dva tisoč dvanajst.
Tehty Brysselissä seitsemäntenätoista päivänä joulukuuta vuonna kaksituhattakaksitoista.
Som skedde i Bryssel den sjuttonde december tjugohundratolv.
За Европейския съюз
Por la Unión Europea
Za Evropskou unii
For Den Europæiske Union
Für die Europäische Union
Euroopa Liidu nimel
Για την Ευρωπαϊκή Ένωση
For the European Union
Pour l'Union européenne
Per l'Unione europea
Eiropas Savienības vārdā -
Europos Sąjungos vardu
Az Európai Unió részéről
Ghall-Unjoni Ewropea
Voor de Europese Unie
W imieniu Unii Europejskiej
Pela União Europeia
Pentru Uniunea Europeană
Za Európsku úniu
Za Evropsko unijo
Euroopan unionin puolesta
För Europeiska unionen
За Република Армения
Por la Republica de Armenia
Za Arménskou republiku
For Republikken Armenien
Für die Republik Armenien
Armeenia Vabariigi nimel
Για τη Δημοκρατία της Αρμενίας
For the Republic of Armenia
Pour la Republique dArménie
Per la Repubblica di Armenia
Armēnijas Republikas vārdā -
Armėnijos Respublikos vardu
Örmény Köztársaság részéről
Ghar-Repubblika tal-Armenja
Voor de Republiek Armenië
W imieniu Republiki Armenii
Pela República da Armenia
Pentru Republica Armenia
Za Armensku republiku
Za Republiko Armenijo
Armenian tasavallan puolesta
För Republiken Armenien
REGOLAMENTI
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/7 |
REGOLAMENT TA' DELEGA TAL-KUMMISSJONI (UE) Nru 622/2014
tal-14 ta' Frar 2014
li jistabbilixxi deroga mir-Regolament (UE) Nru 1290/2013 tal-Parlament Ewropew u tal-Kunsill li jistabbilixxi r-regoli għal parteċipazzjoni u disseminazzjoni f'“Orizzont 2020 — il-Programm Qafas għar-Riċerka u l-Innovazzjoni (2014-2020)” fir-rigward tal-Impriża Konġunta tal-Inizjattiva tal-Mediċini Innovattivi 2
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1290/2013 tal-Parlament Ewropew u tal-Kunsill tal-11 ta' Diċembru 2013 li jistabbilixxi r-regoli għal parteċipazzjoni u disseminazzjoni f'“Orizzont 2020 — il-Programm Qafas għar-Riċerka u l-Innovazzjoni (2014-2020)” u li jħassar ir-Regolament (KE) Nru 1906/2006 (1), u b'mod partikolari l-Artikolu 1(3)(b) u l-punti (i) sa (vii) tal-Artikolu 1(3)(c) tiegħu,
Billi:
|
(1) |
Ir-Regolament (UE) Nru 1291/2013 tal-Parlament Ewropew u tal-Kunsill (2) jistabbilixxi il-Programm Qafas għar-Riċerka u l-Innovazzjoni (2014-2020) (Orizzont 2020) u jipprevedi l-involviment tal-Unjoni fi sħubijiet pubbliċi-privati, inkluż f'impriżi konġunti, f'oqsma ewlenin fejn ir-riċerka u l-innovazzjoni jistgħu jikkontribwixxu għall-miri kompetittivi usa' tal-Unjoni u jgħinu biex jiġu indirizzati l-isfidi tas-soċjetà. |
|
(2) |
Il-parteċipazzjoni f'azzjonijiet indiretti skont Orizzont 2020 għandha tikkonforma mar-Regolament (UE) Nru 1290/2013. Madankollu, sabiex jitqiesu l-ħtiġijiet operattivi speċifiċi tal-impriżi konġunti stabbiliti skont l-Artikolu 187 tat-Trattat fil-qasam tal-mediċini innovattivi, is-setgħa li tadotta atti skont l- Artikolu 290 tat-Trattat ġiet iddelegata lill-Kummissjoni għat-tul ta' żmien ta' Orizzont 2020 bil-ħsieb li l-korpi ta' finanzjament stabbiliti skont l-Artikolu 187 tat-Trattat jitħallew jillimitaw l-eliġibbiltà għall-finanzjament għal tipi speċifiċi ta' parteċipanti u jadottaw regoli speċifiċi dwar il-proprjetà intellettwali. |
|
(3) |
L-Impriża Konġunta tal-Inizjattiva tal-Mediċini Innovattivi ġiet stabbilita bir-Regolament tal-Kunsill (KE) Nru 73/2008 (3) għal perjodu sal- 31 ta' Diċembru 2017 sabiex trawwem il-kollaborazzjoni bejn il-partijiet kollha interessati bħalma huma l-industrija, l-awtoritajiet pubbliċi (inklużi r-regolaturi), l-organizzazzjonijiet tal-pazjenti, l-universitajiet u ċ-ċentri kliniċi u ttejjeb l-effiċjenza u l-effettività tal-proċess tal-iżvilupp tal-mediċini bl-għan fit-tul li s-settur farmaċewtiku jipproduċi mediċini innovattivi aktar effettivi u sikuri. |
|
(4) |
L-għan tal-Inizjattiva dwar il-Mediċini Innovattivi (IMI), li huwa li tgħaqqad flimkien l-imsieħba industrijali l-kbar mal-organizzazzjonijiet mingħajr skop ta' qligħ, l-entitajiet pubbliċi jew entitajiet oħra u li timmassimizza l-isfruttament tar-riżultati tal-proġetti sabiex titħaffef il-provvista tal-mediċini lill-pazjenti, jiġġustifika l-eżistenza ta' ħtiġijiet operattivi speċifiċi f'dak li għandu x'jaqsam mal-eliġibbiltà għall-finanzjament u r-regoli dwar il-proprjetà intellettwali. L-Impriża Konġunta tal-Inizjattiva tal-Mediċini Innovattivi 2 stabbilita bir-Regolament tal-Kunsill (UE) Nru 557/2014 (4) għandha tissokta tipprovdi finanzjament lil entitatjiet bħal intrapriżi mikro, żgħar u medji, istituzzjonijiet tal-edukazzjoni sekondarja u għolja, u organizzazzjonijiet mingħajr skop ta' qligħ, u għalhekk tinħtieġ deroga mill-Artikolu 10(1) tar-Regolament (UE) Nru 1290/2013. |
|
(5) |
Il-ħtiġijiet operattivi speċifiċi ġew identifikati fir-rigward ta' regoli dwar il-proprjetà intellettwali fil-kuntest tal-objettivi tal-Inizjattiva tal-Mediċini Innovattivi 2, sabiex jinkisbu mudell ta' innovazzjoni miftuħ, sistema dinamika ta' qsim tal-għarfien li tipprovdi possibbiltajiet usa' li jinħoloq u jiġi sfruttat l-għarfien li jirriżulta mill-proġetti tal-IMI u aċċess wiesa' tal-parteċipanti, l-affiljati u partijiet terzi għal dan l-għarfien, bl-għan aħħari li jitħaffef l-iżvilupp ta' dijanjostika u intervent mediku għall-benefiċċju tal-pazjenti, anki billi jiġu stimolati r-riċerka traslazzjonali u klinika u l-provi kliniċi, b'mod partikolari fl-oqsma ta' interess tas-saħħa pubblika u ħtieġa medika kbira mhux sodisfatta, kif identifikat fir-rapport dwar il-mediċini ta' prijorità tal-Organizzazzjoni Dinjija tas-Saħħa maħruġ fid-9 ta' Lulju 2013 (5). Dawk il-kundizzjonijiet għandhom japplikaw għall-parteċipanti kollha sabiex jipproteġu l-għarfien preeżistenti tagħhom, ir-riżultati u l-għarfien miksub b'mod parallel. Huwa xieraq li jitħallew isiru t-trasferiment u l-liċenzjar tar-riżultati u tal-għarfien preeżistenti kif ukoll id-drittijiet ta' aċċess għar-riżultati u għall-għarfien preeżistenti ta' parteċipanti oħra sabiex tkun tista' titwettaq ir-riċerka. Huwa xieraq f'dak il-kuntest li ssir distinzjoni, fil-kuntest tal-isfruttament, bejn l-użu tar-riċerka u l-isfruttament dirett. Dawk il-kundizzjonijiet għandhom iqisu wkoll l-obbligi preċedenti tal-parteċipanti, filwaqt li jipprevedu l-isfruttament dirett potenzjali tar-riżultati, inklużi provi kliniċi fuq ir-riżultati per se. Sabiex ir-riżultati jiġu sfruttati b'mod wiesa' u jiġi ffaċilitat it-twassil ta' mediċini innovattivi lill-pazjenti u biex jitjiebu r-riċerka u l-iżvilupp tal-mediċini, jeħtieġ li jiġu stabbiliti derogi mill-Artikoli 41 u 44 sa 48 tar-Regolament (UE) Nru 1290/2013, |
ADOTTAT DAN IR-REGOLAMENT:
Artikolu 1
B'deroga mill-Artikolu 10(1) tar-Regolament (UE) Nru 1290/2013, fir-rigward tal-Impriża Konġunta tal-Inizjattiva tal-Mediċini Innovattivi 2, il-parteċipanti li ġejjin biss għandhom ikunu eliġibbli għal finanzjament mill-Impriża Konġunta tal-Inizjattiva tal-Mediċini Innovattivi 2:
|
(a) |
entitajiet ġuridiċi stabbiliti fi Stat Membru jew f'pajjiż assoċjat, jew maħluqa skont il-liġi tal-Unjoni; kif ukoll |
|
(b) |
li jaqgħu taħt waħda mill-kategoriji li ġejjin:
|
|
(c) |
iċ-Ċentru Konġunt tar-Riċerka; |
|
(d) |
organizzazzjonijiet internazzjonali ta' interess Ewropew. |
Artikolu 2
B'deroga mill-Artikoli 41(2) u 45 sa 48 tar- Regolament (UE) Nru 1290/2013, id-dispożizzjonijiet li ġejjin għandhom japplikaw għas-sjieda u l-aċċess għal għarfien miksub b'mod parallel:
|
(a) |
ir-riżultati ma għandhomx jinkludu għarfien miksub b'mod parallel, f'għamla ta' elementi tanġibbli jew mhux tanġibbli ġġenerati minn parteċipant fi ħdan l-azzjoni, bħal dejta, għarfien u informazzjoni hi x'inhi l-forma jew in-natura tagħhom, li jistgħu jew ma jistgħux ikunu protetti, iżda li huma barra mill-objettivi tal-azzjoni kif definiti fil-ftehim dwar l-għoti u li għalhekk mhumiex meħtieġa għall-implimentazzjoni tal-azzjoni jew għall-użu tar-riżultati għal finijiet ta' riċerka; |
|
(b) |
kull parteċipant għandu jibqa' l-proprjetarju esklussiv tal-għarfien tiegħu miksub b'mod parallel iżda jista' jintlaħaq qbil dwar allokazzjoni differenti tas-sjieda; |
|
(c) |
il-parteċipanti mhumiex marbuta li jagħtu d-drittijiet ta' aċċess għall-għarfien miksub b'mod parallel. |
Artikolu 3
B'deroga mir-raba' subparagrafu tal-Artikolu 44(1) tar-Regolament (UE) Nru 1290/2013, ir-regoli li ġejjin għandhom japplikaw għat-trasferiment u l-liċenzjar tar-riżultati u tal-għarfien preeżistenti għal entitajiet affiljati, xerrejja u kwalunkwe entità suċċessur oħra:
|
(a) |
parteċipant jista', mingħajr il-kunsens tal-parteċipanti l-oħra, iżda b'kundizzjoni li l-parteċipanti l-oħra jiġu infurmati mingħajr dewmien bla bżonn u li ċ-ċessjonarju jaqbel bil-miktub li jintrabat bil-ftehim tal-għotja u l-ftehim tal-konsorzju, jittrasferixxi r-riżultati tiegħu lil kwalunkwe waħda minn dawn li ġejjin:
Id-dewmien imsemmi fl-ewwel subparagrafu għandu jintlaħaq qbil dwaru mill-parteċipanti fil-ftehim tal-konsorzju |
|
(b) |
kull parteċipant għandu jibqa' ħieles li jilliċenzja jew jittrasferixxi d-drittijiet tas-sjieda tiegħu fuq l-għarfien preeżistenti, kif ukoll jiddisponi minnhom b'mod ieħor, suġġett għal kwalunkwe dritt u obbligu tal-ftehim tal-għotja u l-ftehim tal-konsorzju. |
|
(c) |
fejn parteċipant jittrasferixxi s-sjieda tal-għarfien preeżistenti, dan għandu jgħaddi liċ-ċessjonarju l-obbligi tiegħu speċifikati skont il-ftehim tal-għotja u l-ftehim tal-konsorzju, fir-rigward ta' dak l-għarfien preeżistenti, inkluż l-obbligu li jittrasferixxi dawk l-obbligi lil kwalunkwe ċessjonarju sussegwenti. |
|
(d) |
parteċipant jista', mingħajr il-kunsens tal-parteċipanti l-oħra, iżda b'kundizzjoni li l-parteċipanti l-oħra jiġu infurmati mingħajr dewmien bla bżonn u li ċ-ċessjonarju jaqbel bil-miktub li jintrabat bil-ftehim tal-għotja u l-ftehim tal-konsorzju, jittrasferixxi l-għarfien preeżistenti tiegħu lil kwalunkwe waħda minn dawn li ġejjin:
Id-dewmien imsemmi fl-ewwel subparagrafu għandu jintlaħaq qbil dwaru mill-parteċipanti fil-ftehim tal-konsorzju. |
Artikolu 4
B'deroga mill-Artikolu 44(2) tar-Regolament (UE) Nru 1290/2013, għandu japplika dan li ġej għat-trasferiment u l-liċenzjar tar-riżultati:
|
|
Sakemm kull dritt ta' aċċess għar-riżultati jista' jiġi eżerċitat u li kull obbligu addizzjonali skont il-ftehim tal-għotja jew il-ftehim tal-konsorzju jiġi rrispettat mill-parteċipant li jippossiedi r-riżultati, dan tal-aħħar jista' jagħti l-liċenzji jew inkella jagħti d-dritt ta' sfruttament tar-riżultati lil kwalunkwe entità ġuridika. |
Artikolu 5
B'deroga mill-Artikolu 46(2) tar-Regolament (UE) Nru 1290/2013, għandu japplika dan li ġej għall-prinċipji marbuta mad-drittijiet ta' aċċess:
|
|
Kwalunkwe entità ġuridika li tkun tgawdi d-drittijiet ta' aċċess sabiex tlesti l-azzjoni jew għall-użu fir-riċerka, tista' tawtorizza entità ġuridika oħra biex teżerċita dawk id-drittijiet f'isimha b'kundizzjoni li jiġu sodisfatti l-kundizzjonijiet li ġejjin:
|
Artikolu 6
B'deroga mill-Artikolu 47 tar-Regolament (UE) Nru 1290/2013, għandu japplika dan li ġej għad-drittijiet ta' aċċess għall-implimentazzjoni:
|
(a) |
waqt it-twettiq tal-azzjoni, il-parteċipanti għandhom igawdu mid-drittijiet ta' aċċess għar-riżultati tal-parteċipanti l-oħra biss għall-iskop u sa fejn huwa meħtieġ għat-teħid u t-twettiq tal-azzjoni. Tali aċċess għandu jingħata ħieles mir-royalties; |
|
(b) |
waqt it-twettiq tal-azzjoni, il-parteċipanti għandhom, ħlief jekk ma jitħallewx jew ikunu ristretti milli jagħmlu dan minħabba obbligi lejn l-oħrajn li jeżistu fid-data tal-adeżjoni għall-ftehim tal-għotja, igawdu mid-drittijiet ta' aċċess għall-għarfien preeżistenti tal-parteċipanti l-oħra biss għall-fini u safejn huwa meħtieġ għat-teħid u t-twettiq tal-azzjoni. Tali aċċess għandu jingħata ħieles mir-royalties. |
Artikolu 7
B'deroga mill-Artikolu 48 tar-Regolament (UE) Nru 1290/2013, għandhom japplikaw ir-regoli li ġejjin:
|
(a) |
Għandhom japplikaw id-definizzjonijiet li ġejjin fir-rigward tal-isfruttament:
|
|
(b) |
Matul u wara t-twettiq tal-azzjoni, il-parteċipanti u l-entitajiet affiljati tagħhom għandhom igawdu mid-drittijiet ta' aċċess għar-riżultati tal-parteċipanti l-oħra għall-użu għar-riċerka. Id-drittijiet ta' aċċess għall-użu għar-riċerka għandhom jingħataw fuq bażi mhux esklussiva b'kundizzjonijiet ġusti u raġonevoli, jiġifieri kundizzjonijiet xierqa, inklużi t-termini finanzjarji jew ħielsa mir-royalties, filwaqt li jitqies il-valur effettiv jew potenzjali tar-riżultati li għalihom jintalab l-aċċess u karatteristiċi oħra tal-użu previst għar-riċerka. Meta l-isfruttament dirett minn parteċipant jew parti terza jkun jeżiġi riżultati li huma fil-pussess ta' parteċipant ieħor, id-drittijiet tal-aċċess jistgħu jiġu nnegozjati bejn il-partijiet involuti. |
|
(c) |
Matul u wara t-twettiq tal-azzjoni, il-parteċipanti u l-entitajiet affiljati tagħhom għandhom igawdu mid-drittijiet ta' aċċess għall-għarfien preeżistenti tal-parteċipanti l-oħra, sa fejn huwa meħtieġ biss b'mod raġonevoli għall-fini tal-użu tar-riżultati għar-riċerka. Tali drittijiet ta' aċċess għall-użu għar-riċerka għandhom jingħataw fuq bażi mhux esklussiva b'kundizzjonijiet ġusti u raġonevoli, jiġifieri kundizzjonijiet xierqa, inklużi t-termini finanzjarji jew ħielsa mir-royalties, filwaqt li jitqies il-valur effettiv jew potenzjali tal-għarfien preeżistenti li għalih jintalab l-aċċess u karatteristiċi oħra tal-użu previst għar-riċerka. Il-parteċipanti mhumiex meħtieġa jagħtu d-drittijiet ta' aċċess għal sfruttament dirett għall-għarfien preeżistenti tagħhom u jistgħu jużaw jew jisfruttaw l-għarfien preeżistenti tagħhom, joħorġu subliċenzji fuq dan tal-aħħar jew inkella jikkumerċjalizzawh kif jidhrilhom xieraq, suġġett għal drittijiet ta' aċċess għall-użu għar-riċerka. Meta l-isfruttament dirett minn parteċipant jew parti terza jkun jeżiġi għarfien preeżistenti meħtieġ għall-użu tar-riżultati li huma fil-pussess ta' parteċipant ieħor, id-drittijiet tal-aċċess jistgħu jiġu nnegozjati bejn il-partijiet involuti. |
|
(d) |
Wara t-twettiq tal-azzjoni, il-partijiet terzi għandu jkollhom id-dritt li jitolbu u jirċievu d-drittijiet ta' aċċess għar-riżultati tal-parteċipanti għall-użu għar-riċerka. Dawn id-drittijiet ta' aċċess għandhom jingħataw fuq bażi mhux esklussiva skont il-kundizzjonijiet meqjusa xierqa mis-sid tar-riżultati u l-parti terza kkonċernata. Dawk il-kundizzjonijiet ma għandhomx ikunu aktar favorevoli mill-kundizzjonijiet applikati għall-parteċipanti u l-affiljati għall-użu għar-riċerka. |
|
(e) |
Wara t-twettiq tal-azzjoni, il-partijiet terzi għandu jkollhom id-dritt li jitolbu u jirċievu d-drittijiet ta' aċċess għall-għarfien preeżistenti tal-parteċipanti, sa fejn hu meħtieġ biss b'mod raġonevoli għall-fini tal-użu tar-riżultati għar-riċerka. Dawn id-drittijiet ta' aċċess għandhom jingħataw fuq bażi mhux esklussiva skont il-kundizzjonijiet meqjusa xierqa mis-sid tal-għarfien preeżistenti u l-parti terza kkonċernata. |
|
(f) |
Qabel l-iffirmar tal-ftehim tal-għotja, parteċipant jista' jidentifika elementi speċifiċi tal-għarfien preeżistenti u jipprovdi talba raġunata lill-uffiċċju tal-Programm tal-Impriża Konġunta tal-Inizjattiva tal-Mediċini Innovattivi 2 li tali elementi għandhom ikunu esklużi b'mod sħiħ jew parzjali mill-obbligi msemmija fl-Artikolu 7(e). L-uffiċċju tal-Programm tal-Impriża Konġunta tal-Inizjattiva tal-Mediċini Innovattivi 2 għandu jilqa' talba bħal din biss f'ċirkostanzi eċċezzjonali u fit-teħid tad-deċiżjoni tiegħu għandu jqis l-objettivi msemmija fl-Artikolu 2 tar-Regolament (UE) Nru 557/2014, il-kompiti tal-Impriża Konġunta tal-Inizjattiva tal-Mediċini Innovattivi 2 imsemmija fl-istatuti tiegħu u l-interessi leġittimi tal-parteċipant ikkonċernat. Dan jista' jilqa' din it-talba bil-kundizzjonijiet kif miftiehma mal-parteċipant. Kwalunkwe eċċezzjoni għandha tkun inkluża fil-ftehim tal-għotja u ma tistax tinbidel sakemm din il-bidla ma tkunx permessa mill-ftehim tal-għotja. |
|
(g) |
Il-parteċipanti għandhom jaqblu fil-ftehim tal-konsorzju dwar il-limitu ta' żmien fir-rigward tat-talbiet għal aċċess skont il-punti (b) sa (e). |
Artikolu 8
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Frar 2014.
Għall-Kummissjoni
Il-President
José Manuel BARROSO
(1) ĠU L 347, 20.12.2013, p. 81.
(2) ĠU L 347, 20.12.2013, p. 104.
(3) Ir-Regolament tal-Kunsill (KE) Nru 73/2008 tal-20 ta' Diċembru 2007 li jistabbilixxi l-Impriża Konġunta għall-Inizjattiva Teknoloġika Konġunta dwar il-Mediċini Innovattivi (ĠU L 30, 4.2.2008, p. 38).
(4) Regolament tal-Kunsill (UE) Nru 557/2014 tas-6 ta' Mejju 2014 li jistabbilixxi Impriża Konġunta tal-Inizjattiva tal-Mediċini Innovattivi 2 (ĠU L 169, 7.6.2014, p. 54).
(5) Rapport ta' Aġġornament dwar il-Mediċini ta' Prijorità għall-Ewropa u għad-Dinja, 2013, WHO, ISBN 978 92 4 150575 8 — http://www.who.int/medicines/areas/priority_medicines/en/.
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/12 |
REGOLAMENT TA' DELEGA TAL-KUMMISSJONI (UE) Nru 623/2014
tal-14 ta' Frar 2014
li jistabbilixxi deroga mir-Regolament (UE) Nru 1290/2013 tal-Parlament Ewropew u tal-Kunsill li jistabbilixxi r-regoli għal parteċipazzjoni u disseminazzjoni f'“Orizzont 2020 — il-Programm Qafas għar-Riċerka u l-Innovazzjoni (2014-2020)” fir-rigward tal-Impriża Konġunta tal-Industriji b'Bażi Bijoloġika
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1290/2013 tal-Parlament Ewropew u tal-Kunsill tal-11 ta' Diċembru 2013 li jistabilixxi r-regoli għal parteċipazzjoni u disseminazzjoni f'“Orizzont 2020 — il-Programm Qafas għar-Riċerka u l-Innovazzjoni (2014-2020)” u li jħassar ir-Regolament (KE) Nru 1906/2006 (1), u b'mod partikolari l-Artikolu 1(3)(b) tiegħu,
Billi:
|
(1) |
Ir-Regolament (UE) Nru 1291/2013 tal-Parlament Ewropew u tal-Kunsill (2) jistabbilixxi l-Programm Qafas għar-Riċerka u l-Innovazzjoni (2014-2020) (Orizzont 2020) u jistipula l-involviment tal-Unjoni fi sħubiji pubbliċi u privati, inklużi f'impriżi konġunti, f'oqsma ewlenin fejn ir-riċerka u l-innovazzjoni jistgħu jikkontribwixxu għall-miri kompetittivi usa' tal-Unjoni u jgħinu jittrattaw l-isfidi soċjetali. |
|
(2) |
Il-parteċipazzjoni f'azzjonijiet indiretti skont Orizzont 2020 għandha tkun konformi mar-Regolament (UE) Nru 1290/2013. Madankollu, sabiex jitqiesu l-ħtiġijiet operattivi speċifiċi tal-impriżi konġunti stabbiliti skont l-Artikolu 187 tat-Trattat fil-qasam tal-industriji b'bażi bijoloġika, is-setgħa li tadotta atti skont l-Artikolu 290 tat-Trattat ġiet delegata lill-Kummissjoni għat-tul kollu ta' Orizzont 2020. |
|
(3) |
L-Impriża Konġunta tal-Industriji b'Bażi Bijoloġika (IK BBI) twaqqfet bir-[Regolament tal-Kunsill (UE) Nru 560/2014 (3) fil-qasam tal-industriji b'bażi bijoloġika għal perjodu sal-31 ta' Diċembru 2024 sabiex tiġi implimentata l-Inizjattiva Tekonoloġika Konġunta dwar l-Industriji b'Bażi Bijoloġika. |
|
(4) |
Ġew identifikati ħtiġijiet operattivi speċifiċi sabiex jiffaċilitaw u jħeġġu l-parteċipazzjoni ta' tipi speċifiċi ta' parteċipanti. Dawk il-ħtiġijiet operattivi speċifiċi huma r-riżultat tal-frammentazzjoni attwali ta' dan is-settur industrijali li għadu jibda b'ħafna partijiet interessati industrijali żgħar u medji. Il-parteċipazzjoni ta' dawk il-partijiet interessati flimkien mal-istabbilimenti ta' edukazzjoni sekondarja u għolja u stabbilimenti oħra fl-Impriża Konġunta tal-Industriji b'Bażi Bijoloġika għandha tiġi ffaċilitata u mħeġġa wkoll minħabba l-importanza rikonoxxuta tagħhom fir-riċerka u l-iżvilupp. Sabiex jinkiseb livell ottimali ta' effett ta' lieva fuq l-investiment privat, dawk il-partijiet interessati biss għandhom ikunu eliġibbli għall-finanzjament ta' azzjonijiet minbarra azzjonijiet ta' innovazzjoni mill-Impriża Konġunta tal-Industriji b'Bażi Bijoloġika. |
|
(5) |
Għaldaqstant, huwa xieraq li tiġi stabbilita deroga mill-Artikolu 10(1) tar-Regolament (UE) Nru 1290/2013 sabiex tiġi limitata l-eliġibbiltà għall-finanzjament, għal azzjonijiet minbarra azzjonijiet ta' innovazzjoni, għal entitajiet bħal intrapriżi żgħar u medji jew stabbilimenti tal-edukazzjoni sekondarja u għolja, |
ADOTTAT DAN IR-REGOLAMENT:
Artikolu 1
B'deroga mill-Artikolu 10(1) tar-Regolament (UE) Nru 1290/2013, fir-rigward tal-Impriża Konġunta tal-Industriji b'Bażi Bijoloġika, il-parteċipanti li ġejjin biss għandhom ikunu eliġibbli għall-finanzjament mill-Impriża Konġunta tal-Industriji b'Bażi Bijoloġika għal azzjonijiet fil-qasam tal-industriji b'bażi bijoloġika minbarra l-azzjonijiet innovattivi:
|
(a) |
intrapriżi żgħar u medji; |
|
(b) |
stabbilimenti tal-edukazzjoni sekondarja u għolja; |
|
(c) |
entitajiet legali mingħajr skop ta' qligħ, inklużi dawk li jwettqu r-riċerka jew l-iżvilupp teknoloġiku bħala wieħed mill-għanijiet prinċipali tagħhom; |
|
(d) |
iċ-Ċentru Konġunt tar-Riċerka; |
|
(e) |
organizzazzjonijiet internazzjonali b'interess Ewropew. |
Artikolu 2
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Frar 2014.
Għall-Kummissjoni
Il-President
José Manuel BARROSO
(1) ĠU L 347, 20.12.2013, p. 81
(2) Regolament (UE) Nru 1291/2013 tal-Parlament Ewropew u tal-Kunsill tal-11 ta' Diċembru 2013 li jistabbilixxi Orizzont 2020 — il-Programm Qafas għar-Riċerka u l-Innovazzjoni (2014-2020) u li jħassar id-Deċiżjoni Nru 1982/2006/KE (ĠU L 347, 20.12.2013, p. 104).
(3) Regolament tal-Kunsill (UE) Nru 560/2014 tas-6 ta' Mejju 2014 li jistabbilixxi l-Impriża Konġunta dwar l-Industriji b'bażi Bijoloġika (ĠU L 169, 7.6.2014, p. 130).
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/14 |
REGOLAMENT TA' DELEGA TAL-KUMMISSJONI (UE) Nru 624/2014
tal-14 ta' Frar 2014
li jistabbilixxi deroga mir-Regolament (UE) Nru 1290/2013 tal-Parlament Ewropew u tal-Kunsill li jistabbilixxi r-regoli għal parteċipazzjoni u disseminazzjoni f'“Orizzont 2020 — il-Programm Qafas għar-Riċerka u l-Innovazzjoni (2014-2020)” fir-rigward tal-Impriża Konġunta Clean Sky 2
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1290/2013 tal-Parlament Ewropew u tal-Kunsill tal-11 ta' Diċembru 2013 li jistabbilixxi r-regoli għal parteċipazzjoni u disseminazzjoni f'“Orizzont 2020 — il-Programm Qafas għar-Riċerka u l-Innovazzjoni (2014-2020)” u li jħassar ir-Regolament (KE) Nru 1906/2006 (1), u b'mod partikolari l-Artikolu 1(3)(a) tiegħu,
Billi:
|
(1) |
Ir-Regolament (UE) Nru 1291/2013 tal-Parlament Ewropew u tal-Kunsill (2) jistabbilixxi l-Programm Qafas għar-Riċerka u l-Innovazzjoni (2014-2020) (Orizzont 2020) u jistipula l-involviment tal-Unjoni fi sħubiji pubbliċi u privati, inklużi f'impriżi konġunti, f'oqsma ewlenin fejn ir-riċerka u l-innovazzjoni jistgħu jikkontribwixxu għall-miri kompetittivi usa' tal-Unjoni u jgħinu jittrattaw l-isfidi soċjetali. |
|
(2) |
Il-parteċipazzjoni f'azzjonijiet indiretti skont Orizzont 2020 għandha tkun konformi mar-Regolament (UE) Nru 1290/2013. Madankollu, sabiex jitqiesu l-ħtiġijiet operattivi speċifiċi tal-impriżi konġunti stabbiliti skont l-Artikolu 187 tat-Trattat fil-qasam tal-ajrunawtika, is-setgħa li tadotta atti skont l-Artikolu 290 tat-Trattat ġiet delegata lill-Kummissjoni għat-tul kollu ta' Orizzont 2020, bil-għan li tippermetti li l-korpi ta' finanzjament stabbiliti skont l-Artikolu 187 tat-Trattat fil-qasam tal-ajrunawtika jnaqqsu l-għadd minimu ta' parteċipanti. |
|
(3) |
L-Impriża Konġunta Clean Sky 2 twaqqfet bir-[Regolament tal-Kunsill (UE) Nru 558/2014 (3) fil-qasam tal-ajrunawtika għal perjodu sal-31 ta' Diċembru 2024. L-għan tagħha huwa li ttejjeb l-impatt ambjentali tat-teknoloġiji ajrunawtiċi Ewropej u tassigura l-kompetittività internazzjonali futura tal-industrija ajrunawtika Ewropea. |
|
(4) |
Ġew identifikati ħtiġijiet operattivi speċifiċi rigward ir-regoli għall-parteċipazzjoni f'Orizzont 2020, u b'mod partikolari l-għadd minimu ta' parteċipanti. Is-sejħiet għall-proposti mnedija mill-Impriża Konġunta huma speċifiċi u mmirati ħafna, biex joħolqu soluzzjonijiet innovattivi li jridu jiġu ffukati fuq proġetti ta' dimostrazzjoni finali. Barra minn hekk, il-fatt li entitajiet individwali tħallew iwieġbu għal sejħa għall-proposti tal-Impriża Konġunta Clean Sky kien effettiv ħafna biex jattira l-parteċipazzjoni ta' intrapriżi żgħar u medji (SMEs) kif ukoll ta' organizazzjonijiet tar-riċerka u universitajiet. |
|
(5) |
Sabiex jitkompla l-appoġġ għal parteċipazzjoni wiesa' ta' SMEs kif ukoll ta' organizzazzjonijiet tar-riċerka u universitajiet, huwa xieraq li tiġi provduta deroga mill-għadd minimu ta' parteċipanti stabbilit fl-Artikolu 9(1) tar-Regolament (UE) Nru 1290/2013 sabiex entitajiet individwali jitħallew iwieġbu għal sejħa għall-proposti mnedija mill-Impriża Konġunta Clean Sky 2, |
ADOTTAT DAN IR-REGOLAMENT:
Artikolu 1
B'deroga mill-Artikolu 9(1) tar-Regolament (UE) Nru 1290/2013, fir-rigward ta' sejħiet għall-proposti maħruġa mill-Impriża Konġunta Clean Sky 2, il-kundizzjoni minima għandha tkun il-parteċipazzjoni ta' entità legali waħda stabbilita fi Stat Membru jew f'pajjiż assoċjat.
Artikolu 2
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Frar 2014.
Għall-Kummissjoni
Il-President
José Manuel BARROSO
(1) ĠU L 347, 20.12.2013, p. 81.
(2) Regolament (UE) Nru 1291/2013 tal-Parlament Ewropew u tal-Kunsill tal-11 ta' Diċembru 2013 li jistabbilixxi Orizzont 2020 — il-Programm Qafas għar-Riċerka u l-Innovazzjoni (2014-2020) u li jħassar id-Deċiżjoni Nru 1982/2006/KE (ĠU L 347, 20.12.2013, p. 104).
(3) Regolament tal-Kunsill (UE) Nru 558/2014 tas-6 ta' Mejju 2014 li jistabbilixxi l-Impriża Konġunta Clean Sky 2 (ĠU L 169, 7.6.2014, p. 77).
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/16 |
REGOLAMENT TA' DELEGA TAL-KUMMISSJONI (UE) Nru 625/2014
tat-13 ta' Marzu 2014
li jissupplimenta r-Regolament (UE) Nru 575/2013 tal-Parlament Ewropew u tal-Kunsill permezz ta' standards tekniċi regolatorji li jispeċifikaw ir-rekwiżiti tal-istituzzjonijiet investituri, sponsors, mutwanti oriġinali u oriġinaturi marbuta ma' skoperturi għar-riskju tal-kreditu trasferit
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012 (1) u b'mod partikolari l-Artikolu 410(2) tiegħu,
Billi:
|
(1) |
Ir-ritenzjoni ta' interess ekonomiku għandha l-għan li tallinja interessi bejn il-partijiet billi rispettivament tittrasferixxi u tassumi r-riskju tal-kreditu tal-iskoperturi titolizzati. Meta entità tittitolizza l-obbligazzjonijiet tagħha stess, l-allinjament tal-interessi huwa stabbilit awtomatikament, irrispettivament minn jekk id-debitur finali jikkollateralizzax id-dejn tiegħu. Meta jkun ċar li r-riskju ta' kreditu jibqa' mal-oriġinatur, ir-ritenzjoni tal-interess mill-oriġinatur mhijiex neċessarja u ma ttejjibx il-pożizzjoni pre-eżistenti. |
|
(2) |
Huwa xieraq li jiġi ċċarat meta l-iskopertura għal riskju ta' kreditu trasferit titqies li sseħħ f'relazzjoni ma' ċerti każijiet speċifiċi fejn l-istituzzjonijiet, għajr meta jaġixxu bħala oriġinaturi, sponsors jew mutwanti oriġinali, jistgħu jsiru esposti għar-risku tal-kreditu ta' pożizzjoni ta' titolizzazzjoni, inkluż meta jaġixxu bħala kontraparti għal strument derivattiv bit-tranżazzjoni tat-titolizzazzjoni, bħala kontroparti ta' ħeġġ mat-tranżazzjoni tat-titolizzazzjoni, bħala fornitur ta' faċilità ta' likwidità għat-tranżazzjoni u fejn l-istituzzjonijiet ikollhom pożizzjonijiet ta' titolizzazzjoni fil-portafoll tan-negozju fil-kuntest ta' attivitajiet tal-ġenerazzjoni tas-suq. |
|
(3) |
Fi tranżazzjonijiet ta' rititolizzazzjoni, it-trasferiment ta' riskju tal-kreditu jseħħ fil-livell tal-ewwel titolizzazzjoni tal-assi u fit-tieni livell “ripakkeġġat” tat-tranżazzjoni. Iż-żewġ livelli tat-tranżazzjoni, u ż-żewġ każijiet ta' trasferiment korrispondenti tar-riskju tal-kreditu, huma indipendenti fir-rigward tar-rekwiżiti stipulati f'dan ir-Regolament. Ir-ritenzjoni ta' interess ekonomiku nett u d-diliġenza dovuta għandhom ikunu żgurati f'kull livell tat-tranżazzjoni mill-istituzzjonijiet li jsiru esposti għal riskju ta' kreditu trasferit f'dak il-livell partikolari. Għalhekk jekk istituzzjoni tiġi esposta biss għat-tieni livell ripakkeġġat tat-tranżazzjoni, ir-rekwiżiti marbuta mar-ritenzjoni ta' interess ekonomiku nett u d-diliġenza dovuta japplikaw biss għal dik l-istituzzjoni fir-rigward tat-tieni livell tat-tranżazzjoni. Fl-istess tranżazzjoni ta' rititolizzazzjoni, dawk l-istituzzjonijiet li saru esposti għall-ewwel livell ta' titolizzazzjoni tal-assi għandhom jikkonformaw mar-rekwiżiti tar-ritenzjoni u tad-diliġenza xierqa fir-rigward tal-ewwel livell ta' titolizzazzjoni fit-tranżazzjoni. |
|
(4) |
Huwa xieraq li tiġi speċifikata f'aktar dettall l-applikazzjoni tal-impenn tar-ritenzjoni inkluża l-konformità meta jkun hemm oriġinaturi multipli, sponsors jew mutwanti oriġinali, dettalji dwar opzjonijiet differenti tar-ritenzjoni, dwar kif għandu jitkejjel ir-rekwiżit tar-ritenzjoni fl-oriġinazzjoni u fuq bażi kontinwa, u kif jiġu applikati l-eżenzjonijiet. |
|
(5) |
Il-Punti (a) sa (e) tal-Artikolu 405(1) tar-Regolament (UE) Nru 575/2013 jistabbilixxu diversi opzjonijiet skont liema r-ritenzjoni rekwiżita tal-interess tista' tiġi ssodisfata. Dan ir-Regolament, jiċċara fid-dettall il-modi biex jiġi rrispettat kull wieħed minn dawk l-opzjonijiet. |
|
(6) |
Ir-ritenzjoni ta' interess tista' tinkiseb permezz ta' forma ta' ritenzjoni sintetika jew kontinġenti, sakemm dawn il-metodi jkunu konformi bis-sħiħ ma' waħda mill-opzjonijiet stipulati fi-punti (a) sa (e) tal-Artikolu 405(1) tar-Regolament (UE) Nru 575/2013, li għalihom il-forma sintetika jew kontinġenti ta' ritenzjoni tista' tiġi egwaljata, u bil-kundizzjoni li l-konformità mar-rekwiżiti tad-divulgazzjoni tkun żgurata. |
|
(7) |
L-iħħeġġjar jew il-bejgħ tal-interess ritenut huma pprojbiti fejn dawn it-tekniki jimminaw l-għan tar-rekwiżit tar-ritenzjoni, bl-implikazzjoni li dawn jistgħu jkunu permessi fejn ma jiħħeġġjawx ir-ritenitur kontra r-riskju tal-kreditu jew tal-pożizzjonijiet ta' titolizzazzjoni ritenuti jew tal-iskoperturi ritenuti. |
|
(8) |
Sabiex tiġi żgurata ż-żamma kontinwa tal-interess ekonomiku nett, l-istituzzjonijiet għandhom jiżguraw li ma jkunx hemm xi mekkaniżmu inkorporat fl-istruttura ta' titolizzazzjoni li bih ir-rekwiżit ta' ritenzjoni minima fl-oriġini neċessarjament jonqos aktar malajr milli l-interess trasferit. Bl-istess mod, l-interess ritenut ma għandux jingħata prijorità f'termini ta' flussi ta' flus biex preferenzjalment jibbenefika minn ħlas lura jew amortizzament b'tali mod li jaqa' taħt il-5 % tal-valur nominali tas-segmenti mibjugħa jew tal-iskoperturi titolizzati. Barra minn hekk, l-appoġġ tal-kreditu pprovdut lill-istituzzjoni jekk wieħed jassumi li dan ikun ġie espost għal xi pożizzjoni ta' titolizzazzjoni ma għandux jonqos b'mod sproporzjonat meta mqabbel mar-rata ta' ħlas lura fuq l-iskoperturi sottostanti. |
|
(9) |
L-istituzzjonijiet għandhom ikunu jistgħu jagħmlu użu minn mudelli finanzjarji żviluppati minn partijiet terzi, barra mill-ECAIs, sabiex jitnaqqsu l-piż amministrattiv u l-ispejjeż tal-konformità biex jiġu ssodisfati l-obbligi tad-diliġenza dovuta. L-istituzzjonijiet għandhom jużaw biss mudelli finanzjarji ta' parti terza ladarba jkunu ħadu ħsieb qabel ma jkunu investew, li jivvalidaw is-suppożizzjonijiet rilevanti, jagħtu struttura lill-mudelli u li jifhmu l-metodoloġija, is-suppożizzjonijiet u r-riżultati ta' dawn it-tip ta' mudelli. |
|
(10) |
Huwa essenzjali li jiġi speċifikat aktar kemm spiss l-istituzzjonijiet għandhom jirrieżaminaw il-konformità tagħhom mar-rekwiżiti ta' diliġenza dovuta, kif wieħed jivvaluta jekk huwiex xieraq jew le l-użu ta' politiki u proċeduri differenti għall-portafoll tan-negozjar u għall-portafoll mhux tan-negozjar, sabiex tiġi valutata l-konformità meta l-pożizzjonijiet jirrigwardaw il-korrelazzjoni tal-portafoll tan-negozju u jiġu ċċarati ċerti termini skont l-Artikolu 406, ir-Regolament (UE) Nru 575/2013, bħall-“karatteristiċi ta' riskju” u l-“karatteristiċi strutturali”. |
|
(11) |
Skont l-Artikolu 14(2)tar-Regolament (UE) Nru 575/2013, entitajiet stabbiliti f'pajjiżi terzi li huma inklużi fil-konsolidazzjoni skont l-Artikolu 18 tar-Regolament (UE) Nru 575/2013, iżda li ma jaqgħux direttament fl-ambitu ta' applikazzjoni tal-ponderazzjonijiet ta' riskju addizzjonali, għandhom, f'ċirkostanzi limitati, bħal għal skoperturi miżmuma fil-portafoll tan-negozjar għall-finijiet ta' attivitajiet ta' ġenerazzjoni tas-swieq, ma jitqisux li jkunu qed jiksru l-Artikolu 405 tar-Regolament (UE) Nru 575/2013. L-istituzzjonijiet ma għandhomx jitqiesu li huma fi ksur ta' dak l-Artikolu fejn tali skoperturi jew pożizzjonijiet fil-portafoll tan-negozjar ma jkunux materjali u ma jiffurmawx sehem sproporzjonat tal-attivitajiet tan-negozju, sakemm ikun hemm fehim sħiħ tal-iskoperturi jew pożizzjonijiet, u li jkunu ġew implimentati l-politiki u l-proċeduri formali li jkunu xierqa u proporzjonati ma' dik l-entità u għall-profil ġenerali tar-riskju tal-grupp. |
|
(12) |
Id-divulgazzjoni inizjali u kontinwa lill-investituri fil-livell tal-impenn tar-ritenzjoni u tad-dejta materjalment rilevanti kollha, inkluż dwar il-kwalità kreditizja u l-prestazzjoni tal-iskopertura sottostanti, hi neċessarja biex tiggarantixxi d-diliġenza dovuta fuq il-pożizzjonijiet ta' titolizzazzjoni. Id-dejta żvelata għandha tinkludi d-dettalji tal-identità tar-ritenitur, l-opzjoni tar-ritenzjoni magħżula u l-impenn oriġinali u kontinwu biex jiġi ritenut interess ekonomiku. Fejn eżenzjonijiet previsti fl-Artikolu 405(3) u (4) tar-Regolament (UE) Nru 575/2013 huma applikabbli, għandu jkun hemm divulgazzjoni espliċita ta' skoperturi titolizzati fejn ir-rekwiżit ta' ritenzjoni ma japplikax u r-raġuni għan-nuqqas ta' applikazzjoni. |
|
(13) |
Dan ir-Regolament huwa bbażat fuq l-istandards tekniċi regolatorji abbozzati sottomessi mill-Awtorità Superviżorja Ewropea (l-Awtorità Bankarja Ewropea) lill-Kummissjoni. |
|
(14) |
L-Awtorità Superviżorja Ewropea (l-Awtorità Bankarja Ewropea) wettqet konsultazzjonijiet pubbliċi miftuħa dwar l-istandards tekniċi regolatorji abbozzati li fuqhom huwa bbażat dan ir-Regolament, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati Bankarji stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (2), |
ADOTTAT DAN IR-REGOLAMENT:
KAPITOLU I
DEFINIZZJONIJIET U SKOPERTURA GĦAR-RISKJU TA' TITOLIZZAZZJONI
Artikolu 1
Definizzjonijiet
Għall-finijiet ta' dan ir-Regolament għandhom japplikaw id-definizzjonijiet li ġejjin:
|
(a) |
“ritenitur” tfisser entità li taġixxi bħala oriġinatur, sponsor jew mutwant oriġinali li żżomm interess ekonomiku nett fit-titolizzazzjoni skont l-Artikolu 405(1) tar-Regolament (UE) Nru 575/2013. |
|
(b) |
“Forma sintetika ta' ritenzjoni” tfisser ir-ritenzjoni ta' interess ekonomiku permezz tal-użu ta' strumenti derivattivi. |
|
(c) |
“Forma kontinġenti ta' ritenzjoni” tfisser ir-ritenzjoni ta' interess ekonomiku permezz tal-użu tal-garanziji, ittra ta' krediti u forom simili oħra ta' appoġġ ta' kreditu li jiżguraw l-infurzar immedjat tar-ritenzjoni. |
|
(d) |
“Porzjon vertikali” tfisser porzjon li jesponi lid-detentur tiegħu għar-riskju tal-kreditu ta' kull porzjon maħruġ tat-tranżazzjoni tat-titolizzazzjoni fuq bażi prorata. |
KAPITOLU II
SKOPERTURA GĦAR-RISKJU TAL-KREDITU TA' POŻIZZJONI TAT-TITOLIZZAZZJONI
Artikolu 2
Każijiet partikolari ta' skopertura għar-riskju tal-kreditu ta' pożizzjoni ta' titolizzazzjoni
1. Fejn istituzzjoni taġixxi bħala kontroparti tad-derivattivi tal-kreditu jew kontroparti li tipprovdi l-ħeġġ jew bħala fornitur ta' faċilità ta' likwidità għal tranżazzjoni ta' titolizzazzjoni, hija għandha titqies li tkun esposta għar-riskju tal-kreditu ta' pożizzjoni ta' titolizzazzjoni meta d-derivattiva, il-ħeġġ jew il-faċilità ta' likwidità tassumi r-riskju tal-kreditu tal-iskoperturi titolizzati jew il-pożizzjonijiet ta' titolizzazzjoni.
2. Għall-finijiet tal-Artikolu 405 u 406 tar-Regolament (UE) Nru 575/2013, fejn faċilità ta' likwidità tikkonforma mal-kundizzjonijiet speċifikati fil-paragrafu 2 tal-Artikolu 255 tar-Regolament (UE) Nru 575/2013, il-fornitur ta' likwidità ma għandux jitqies li jkun espost għar-riskju tal-kreditu ta' pożizzjoni ta' titolizzazzjoni.
3. Fil-kuntest ta' rititolizzazzjoni b'aktar minn livell wieħed jew titolizzazzjoni b'diversi tranżazzjonijiet diskreti sottostanti, istituzzjoni titqies li tkun esposta għar-riskju tal-kreditu biss tal-pożizzjoni jew tranżazzjoni individwali ta' titolizzazzjoni li tkun qed tassumi skopertura għaliha.
4. L-istituzzjonijiet ma għandhomx jiġu kkunsidrati li jkunu qed jiksru l-Artikolu 405 tar-Regolament (UE) Nru 575/2013 skont l-Artikolu 14(2) tar-Regolament (UE) Nru 575/2013 fuq bażi konsolidata sakemm jiġu ssodisfati l-kundizzjonijiet li ġejjin:
|
(a) |
l-entità li żżomm pożizzjonijiet ta' titolizzazzjoni tkun stabbilita f'pajjiż terz u tkun inkluża fil-grupp konsolidat skont l-Artikolu 18 tar-Regolament (UE) Nru 575/2013; |
|
(b) |
il-pożizzjonijiet ta' titolizzazzjoni jkunu ritenuti fil-portafoll tan-negozjar tal-entità msemmija fil-punt a) għall-finijiet ta' attivitajiet ta' ġenerazzjoni tas-suq; |
|
(c) |
il-pożizzjonijiet ta' titolizzazzjoni ma jkunux materjali rigward il-profil tar-riskju globali tal-portafoll tan-negozjar tal-grupp imsemmi fil-punt a) u ma jiffurmawx sehem sproporzjonat tal-attivitajiet tan-negozju tal-grupp. |
KAPITOLU III
RITENZJONI TA' INTERESS EKONOMIKU NETT
Artikolu 3
Ritenituri ta' interess ekonomiku materjali nett
1. L-interess materjali ekonomiku nett ritenut ma jinqasamx bejn tipi differenti ta' ritenitur. Ir-rekwiżit li jinżamm interess materjali ekonomiku nett għandu jiġi ssodisfat b'mod sħiħ minn xi wieħed minn dawn li ġejjin:
|
(a) |
l-oriġinatur jew oriġinaturi multipli; |
|
(b) |
l-isponsor jew sponsors multipli; |
|
(c) |
il-mutwanti oriġinali jew il-mutwanti oriġinali multipli. |
2. Fejn l-iskoperturi titolizzati jkunu maħluqa minn oriġinaturi multipli, ir-rekwiżit tar-ritenzjoni jiġi ssodisfat minn kull oriġinatur, fir-rigward tal-proporzjon tat-total tal-iskoperturi titolizzati li tagħhom ikun l-oriġinatur.
3. Meta l-iskoperturi titolizzati jinħolqu minn diversi mutwanti oriġinali, ir-rekwiżit tar-ritenzjoni jitwettaq minn kull mutwant oriġinali, fir-rigward tal-proporzjon tat-total tal-iskoperturi titolizzati kollha li tagħhom huwa l-mutwant oriġinali.
4. B'deroga mill-paragrafi 2 u 3, fejn l-iskoperturi titolizzati jinħolqu minn oriġinaturi multipli jew minn mutwanti oriġinali multipli, ir-rekwiżit ta' ritenzjoni jista' jiġi ssodisfat b'mod sħiħ minn oriġinatur wieħed jew mill-oriġinatur oriġinali sakemm tkun issodisfata waħda mill-kundizzjonijiet li ġejjin:
|
(a) |
l-oriġinatur jew il-mutwant oriġinali jkun stabbilixxa u qed imexxi l-programm jew l-iskema tat-titolizzazzjoni; |
|
(b) |
l-oriġinatur jew il-mutwanti oriġinali jkunu stabbilixxew il-programm jew l-iskema tat-titolizzazzjoni u jkunu kkontribwixxew iktar minn 50 % tat-total tal-iskoperturi titolizzati. |
5. Fejn l-iskoperturi titolizzati kienu sponsorjati minn diversi sponsors, ir-rekwiżit tar-ritenzjoni jiġi ssodisfat minn jew:
|
(a) |
l-isponsor li l-interess ekonomiku tiegħu huwa allinjat bl-aktar mod xieraq mal-investituri kif maqbul mill-isponsors multipli fuq il-bażi ta' kriterji oġġettivi inklużi l-istrutturi tal-miżati, l-involviment fl-istabbiliment u l-immaniġġar tal-programm jew l-iskema tat-titolizzazzjoni u l-iskopertura għar-riskju tal-kreditu tat-titolizzazzjonijiet; |
|
(b) |
minn kull wieħed mill-isponsors b'mod proporzjonali f'relazzjoni mal-għadd ta' sponsors. |
Artikolu 4
L-issodisfar tar-rekwiżit tar-ritenzjoni permezz ta' forma sintetika jew kontinġenti ta' ritenzjoni
1. Ir-rekwiżit tar-ritenzjoni jista' jiġi ssodisfat b'mod ekwivalenti għal waħda mill-opzjonijiet stipulati fit-tieni subparagrafu tal-Artikolu 405(1) tar-Regolament (UE) Nru 575/2013 permezz ta' forma sintetika jew kontinġenti ta' ritenzjoni, fejn jiġu ssodisfati l-kundizzjonijiet li ġejjin:
|
(a) |
l-ammont ritenut huwa mill-inqas ugwali għar-rekwiżit taħt l-opzjoni li għalih il-forma sintetika jew kontinġenti tar-ritenzjoni tista' tkun ekwata; |
|
(b) |
ir-ritenitur iddivulga espliċitament li se jżomm, fuq bażi kontinwa, interess materjali ekonomiku nett b'dak il-mod, inklużi d-dettalji tal-formola ta' ritenzjoni, il-metodoloġija użata fid-determinazzjoni tagħha u l-ekwivalenza ma' waħda minn dawk l-opzjonijiet. |
2. Fejn entità oħra għajr istituzzjoni ta' kreditu kif definit fl-Artikolu 4(1) (1) tar-Regolament (UE) Nru 575/2013 taġixxi bħala ritenitur permezz ta' forma ta' ritenzjoni sintetika jew kontinġenti, l-interess ritenut fuq bażi sintetika jew kontinġenti jkun kollateralizzat kompletament fi flus likwidi u jinżamm fuq bażi segregata bħala fondi tal-klijenti kif imsemmi fl-Artikolu 13(8) tad-Direttiva 2004/39/KE tal-Parlament Ewropew u tal-Kunsill (3).
Artikolu 5
L-opzjoni ta' ritenzjoni (a) ritenzjoni prorata f'kull wieħed mill-porzjonijiet mibjugħa jew trasferiti lill-investituri
1. Ritenzjoni ta' mhux inqas minn 5 % tal-valur nominali ta' kull segment mibjugħ jew trasferit kif imsemmi f'punt (a) tal-Artikolu 405(1) tar-Regolament (UE) Nru 575/2013 jista' wkoll jinkiseb permezz ta' dawn li ġejjin:
|
(a) |
ir-ritenzjoni ta' mill-inqas 5 % tal-valur nominali ta' kull waħda mill-iskoperturi titolizzati, sakemm ir-riskju tal-kreditu ta' tali skoperturi jkun kklassifikat pari passu jew ikun subordinat għal riskju tal-kreditu għall-istess skoperturi titolizzati. Fil-każ ta' titolizzazzjoni ċirkulanti, kif definita fl-Artikolu 242(13) tar-Regolament (UE) Nru 575/2013, dan jista' jseħħ permezz ta' ritenzjoni tal-interess tal-oriġinatur jekk wieħed jassumi li l-interess tal-oriġinatur kien ta' mill-inqas 5 % tal-valur nominali ta' kull waħda mill-iskoperturi titolizzati u kien ikklassifikat pari passu jew subordinat għar-riskju ta' kreditu li ġie titolizzat fir-rigward ta' dawk l-istess skoperturi; |
|
(b) |
il-provvediment, fil-kuntest ta' programm ABCP, ta' faċilità ta' likwidità li tista' tkun superjuri fil-waterfall kuntrattwali, meta jiġu ssodisfati l-kundizzjonijiet li ġejjin:
|
|
(c) |
Ritenzjoni ta' segment vertikali li għandu valur nominali ta' mhux inqas minn 5 % tal-valur nominali totali tal-porzjonijiet kollha maħruġa tan-noti. |
Artikolu 6
L-opzjoni tar-ritenzjoni (b): ritenzjoni tal-interess tal-orġinatur għal skoperturi ċirkulanti
Ritenzjoni kif imsemmija fil-punt (b) tal-Artikolu 405(1) tar-Regolament (UE) Nru 575/2013 tista' tinkiseb billi jinżamm mill-inqas 5 % tal-valur nominali ta' kull waħda mill-iskoperturi titolizzati, sakemm ir-riskju tal-kreditu ritenut ta' tali skoperturi jkun ikkategorizzat pari passu jew subordinat għar-riskju tal-kreditu titolizzat għall-istess skoperturi.
Artikolu 7
Opzjoni ta' ritenzjoni (c): ritenzjoni ta' skoperturi magħżula b'mod aleatorju
1. Il-ġabra ta' mill-inqas 100 skopertura potenzjalment titolizzati li minnhom l-iskoperturi miżmuma u titolizzati għandhom ikunu magħżula b'mod aleatorju, imsemmi fil-punt (c) tat-tieni subparagrafu tal-Artikolu 405(1) tar-Regolament (UE) Nru 575/2013, ikunu differenti biżżejjed biex tiġi evitata l-konċentrazzjoni eċċessiva tal-interess ritenut. Meta jkun qed iħejji l-proċess tal-għażla, ir-ritenitur jieħu kont tal-fatturi kwantitattivi u kwalitattivi sabiex jiżgura li d-distinzjoni bejn skoperturi ritenuti u titolizzati tkun ġenwinament aleatorja. Ir-ritenitur ta' skoperturi magħżula b'mod aleatorju jikkunsidra, fejn xieraq, fatturi bħall-epoka, il-prodott, il-ġeografija, id-data tal-oriġini, id-data tal-maturità, il-proporzjon tas-self mal-valur, it-tip ta' proprjetà, is-settur tal-industrija, u self pendenti tal-bilanċ meta jagħżel l-iskoperturi.
2. Ir-ritenitur ma jikklassifikax skoperturi individwali differenti bħala skoperturi ritenuti f'punti differenti fiż-żmien, sakemm dan mhuwiex meħtieġ biex jiġi ssodisfat ir-rekwiżit tar-ritenzjoni fir-rigward ta' titolizzazzjoni fejn l-iskoperturi titolizzati jvarjaw matul iż-żmien, jew minħabba skoperturi ġodda miżjuda mat-titolizzazzjoni jew minħabba tibdil fil-livell ta' skoperturi titolizzati individwali.
Artikolu 8
Opzjoni ta' ritenzjoni (d): ritenzjoni tas-segment tal-ewwel telf
1. Ir-ritenzjoni tas-segment tal-ewwel telf skont il-punt (d) tat-tieni subparagrafu tal-Artikolu 405(1) tar-Regolament (UE) Nru 575/2013 tiġi ssodisfata jew minn pożizzjonijiet fil-karta bilanċjali jew minn pożizzjonijiet mhux fil-karta bilanċjali u tista' tiġi ssodisfata wkoll minn xi waħda minn dawn li ġejjin:
|
(a) |
il-forniment ta' forma kontinġenti ta' ritenzjoni kif imsemmija fl-Artikolu 1(1)(c), jew ta' faċilità ta' likwidità fil-kuntest ta' programm ABCP, li tissodisfa l-kriterji li ġejjin:
|
|
(b) |
il-kollateralizzazzjoni żejda, bħala forma ta' tisħiħ tal-kreditu, jekk dik il-kollateralizzazzjoni żejda taġixxi bħala ritenzjoni tal-“ewwel telf” ta' mhux inqas minn 5 % tal-valur nominali tas-segmenti maħruġa mit-titolizzazzjoni. |
2. Fejn is-segment tal-ewwel telf jaqbeż il-5 % tal-valur nominali tal-iskoperturi titolizzati, ikun possibbli li r-ritenitur iżomm biss parti mit-tali porzjon tal-ewwel telf, fejn dan il-porzjoni huwa ekwivalenti għal mill-inqas 5 % tal-valur nominali tal-iskoperturi titolizzati.
3. Għat-twettiq tar-rekwiżit tar-retenzjoni tar-riskju fil-livell tal-iskema tat-titolizzazzjoni, l-istituzzjonijiet iqisu l-eżistenza ta' tranżazzjonijiet sottostanti li fihom l-oriġinaturi jew il-mutwanti oriġinali jirritjenu skopertura tal-ewwel telf fil-livell speċifiku għat-tranżazzjonijiet.
Artikolu 9
Opzjoni ta' ritenzjoni (e): ritenzjoni tal-ewwel telf f'kull skopertura titolizzata
1. Ir-ritenzjoni tal-iskopertura tal-ewwel telf fil-livell ta' kull skopertura titolizzata skont il-punt (e) tat-tieni subparagrafu tal-Artikolu 405(1) tiġi applikata sabiex ir-riskju ta' kreditu ritenut ikun dejjem subordinat għar-riskju ta' kreditu li jkun ġie titolizzat fir-rigward ta' dawk l-istess skoperturi.
2. Ir-ritenzjoni msemmija fil-paragrafu 1 tista' titwettaq permezz tal-bejgħ b'valur skontat tal-iskoperturi sottostanti mill-oriġinatur jew mil-mutwant oriġinali, fejn l-ammont tal-iskont ikun mhux inqas minn 5 % tal-valur nominali ta' kull skopertura fejn l-ammont tal-bejgħ bi skont ikun ripagabbli biss lill-oriġinatur jew lill-mutwant oriġinali, fejn mhux assorbit minn telf relatat mar-riskju tal-kreditu assoċjat mal-iskoperturi titolizzati.
Artikolu 10
Il-kejl tal-livell ta' ritenzjoni
1. Fejn ikun qed jitkejjel il-livell ta' ritenzjoni ta' interess ekonomiku nett, ikunu applikabbli l-kriterji li ġejjin:
|
(a) |
l-oriġinazzjoni titqies bħala l-mument li fih kienu titolizzati l-ewwel skoperturi; |
|
(b) |
il-kalkolu tal-livell ta' ritenzjoni jkun ibbażat fuq il-valuri nominali u l-prezz tal-akkwist ta' assi ma jitqiesx; |
|
(c) |
“marġni pożittiv” kif definit fl-Artikolu 242(1) tar-Regolament (UE) Nru 575/2013 ma jitqiesx meta jiġi kkalkulat l-interess ekonomiku nett tar-ritenitur; |
|
(d) |
L-istess opzjoni u metodoloġija tar-ritenzjoni tintuża sabiex jiġi kkalkulat l-interess ekonomiku nett matul il-ħajja tat-tranżazzjoni ta' titolizzazzjoni, sakemm ċirkostanzi eċċezzjonali ma jitolbux bidla u l-bidla ma tintużax bħala mezz sabiex jitnaqqas l-ammont tal-interess ritenut; |
2. Flimkien mal-kriterji stabbiliti fil-paragrafu 1, sakemm ma jkunx hemm mekkaniżmu inkorporat li bih l-interess ritenut fl-oriġinazzjoni jonqos aktar malajr mill-interess trasferit, l-issodisfar tar-rekwiżit ta' ritenzjoni ma jitqiesx bħala affettwat mill-amortizzament tar-ritenzjoni permezz tal-allokazzjoni ta' fluss ta' flus jew permezz tal-allokazzjoni ta' telf, li, effettivament inaqqas il-livell ta' ritenzjoni matul iż-żmien. Ritenitur ma jintalabx biex kontinwament jerġa' jimla jew jaġġusta mill-ġdid l-interess ritenut tiegħu għal mill-inqas 5 % hekk kif it-telf jiġi realizzat fuq l-iskoperturi jew allokat għall-pożizzjoni ritenuta tiegħu.
Artikolu 11
Kejl ta' ritenzjoni għal ammonti mhux użati fi skoperturi fil-forma ta' faċilitajiet ta' kreditu
Il-kalkolu tal-interess ekonomiku nett li għandu jiġi ritenut għall-faċilitajiet ta' kreditu, inklużi karti ta' kreditu, ikun ibbażat biss fuq l-ammonti li diġà ġew miġbuda, realizzati jew riċevuti u jiġu aġġustati skont it-tibdiliet f'dawk l-ammonti.
Artikolu 12
Projbizzjoni tal-iħħeġġjar jew il-bejgħ tal-interess ritenut
1. L-obbligu fit-tielet subparagrafu tal-Artikolu 405(1) tar-Regolament (UE) Nru 575/2013 li ma jkunx hemm assoġġettar tal-interess ekonomiku nett ritenut għal kwalunkwe mitigazzjoni tar-riskju tal-kreditu, pożizzjonijiet qosra, jew ħeġġ jew bejgħ ieħor, għandha tiġi applikata b'kunsiderazzjoni għall-għan tar-rekwiżit ta' ritenzjoni u bil-kunsiderazzjoni tas-sustanza ekonomika tat-tranżazzjoni. Ħeġġijiet tal-interess ekonomiku nett ma jitqiesux bħala ħeġġ għall-finijiet tat-tielet subparagrafu tal-Artikolu 405(1) tar-Regolament (UE) Nru 575/2013 u jistgħu għaldaqstant ikunu permessi biss fejn dawn ma jiħħeġġjawx ir-ritenitur kontra r-riskju tal-kreditu jew tal-pożizzjonijiet ta' titolizzazzjoni ritenuti jew l-iskoperturi ritenuti.
2. Ir-ritenitur jista' juża kwalunkwe skopertura jew pożizzjonijiet ta' titolizzazzjoni ritenuti bħala kollateral għal skopijiet ta' finanzjament assigurat, sakemm dan l-użu ma jittrasferixxix ir-riskju ta' kreditu ta' dawn l-skoperturi ritenuti jew pożizzjonijiet ta' titolizzazzjoni lil parti terza.
Artikolu 13
Eżenzjonijiet għall-Artikolu 405(1) tar-Regolament (UE) Nru 575/2013
It-tranżazzjonijiet imsemmija fl-Artikolu 405(4) tar-Regolament (UE) Nru 575/2013 jinkludu pożizzjonijiet ta' titolizzazzjoni fil-portafoll tan-negozjar ta' korrelazzjoni, li huma strumenti ta' referenza li jissodisfaw il-kriterju fl-Artikolu 338(1)(b) tar-Regolament (UE) Nru 575/2013 jew huma eliġibbli għall-inklużjoni fil-portafoll tan-negozjar ta' korrelazzjoni.
Artikolu 14
Ritenzjoni fuq bażi ta' konsolidament
Istituzzjoni li tissodisfa r-rekwiżit ta' ritenzjoni fuq il-bażi tas-sitwazzjoni konsolidata tal-istituzzjoni ta' kreditu prinċipali relatata tal-UE, kumpanija azzjonarja finanzjarja tal-UE, jew kumpanija azzjonarja finanzjarja mħallta tal-UE skont l-Artikolu 405(2) tar-Regolament (UE) Nru 575/2013, fil-każ li r-ritenitur ma jkunx għadu inkluż fl-ambitu tas-superviżjoni fuq bażi konsolidata, tiżgura li waħda jew aktar mill-entitajiet li jibqgħu li jkunu inklużi fl-ambitu tas-superviżjoni fuq bażi konsolidata tassumi skopertura għat-titolizzazzjoni sabiex jiġi żgurat it-twettiq kurrenti tar-rekwiżit.
KAPITOLU IV
REKWIŻITI TA' DILIĠENZA DOVUTA GĦALL-ISTITUZZJONIJIET LI JSIRU ESPOSTI GĦAL POŻIZZJONI TA' TITOLIZZAZZJONI
Artikolu 15
L-esternalizzazzjoni u kunsiderazzjonijiet ġenerali oħrajn
1. Fejn ma hemm l-ebda informazzjoni oħra disponibbli dwar l-iskoperturi speċifiċi li jridu jiġu titolizzati, inkluż fejn skoperturi jakkumulaw qabel it-titolizzazzjoni tagħhom jew jekk ikunux jistgħu jiġu sostitwiti f'titolizzazzjoni ċirkolanti eżistenti, istituzzjoni tkun meqjusa li tissodisfa l-obbligi tagħha ta' diliġenza dovuta msemmija fl-Artikolu 406 tar-Regolament (UE) Nru 575/2013, għal kull waħda mill-pożizzjonijiet tat-titolizzazzjoni tagħha fuq il-bażi tal-kriterji ta' eliġibbiltà rilevanti għal dawn l-iskoperturi.
2. Meta jiġu esternalizzati ċerti kompiti tal-proċess għat-twettiq tal-obbligi stipulati fl-Artikolu 406 tar-Regolament (UE) Nru 575/2013, inkluż iż-żamma tar-rekords, l-istituzzjonijiet li jsiru esposti għar-riskji ta' titolizzazzjoni jżommu kontroll sħiħ ta' dak il-proċess.
Artikolu 16
L-ispeċifikazzjoni ta' karatteristiki ta' riskju u karatteristiki strutturali
1. Il-karatteristiki tar-riskju tal-pożizzjoni individwali ta' titolizzazzjoni msemmija fl-Artikolu 406(1)(b) tar-Regolament (UE) Nru 575/2013 jinkludu l-karatteristiki l-aktar xierqa u materjali li ġejjin, bħal:
|
(a) |
segment tal-livell ta' superjorità; |
|
(b) |
profil tal-fluss ta' flus; |
|
(c) |
kwalunkwe klassifikazzjoni eżistenti; |
|
(d) |
prestazzjoni storika ta' segmenti simili; |
|
(e) |
obbligazzjonijiet relatati mal-porzjonijiet inklużi fid-dokumentazzjoni relatata mat-titolizzazzjoni; |
|
(f) |
tisħiħ fil-kreditu. |
2. Il-karatteristiċi tar-riskju tal-iskoperturi sottostanti għall-pożizzjoni ta' titolizzazzjoni msemmija fl-Artikolu 406(1)(c) tar-Regolament (UE) Nru 575/2013 għandhom jinkludu l-karatteristiċi l-aktar xierqa u materjali, inkluża l-informazzjoni tal-prestazzjoni msemmija fl-Artikolu 406(2) tar-Regolament (UE) Nru 575/2013 fir-rigward ta' skoperturi għal ipoteki residenzjali. L-istituzzjonijiet jidentifikaw metriċi xierqa u komparabbli għall-analiżi tal-karatteristiki tar-riskju ta' klassijiet oħra tal-assi.
3. Karatteristiki strutturali addizzjonali kif imsemmi fl-Artikolu 406(1)(g) tar-Regolament (UE) Nru 575/2013, jinkludu strumenti derivattivi, garanziji, ittra ta' krediti u forom simili oħra ta' appoġġ ta' kreditu.
Artikolu 17
Frekwenza tar-rieżami
L-istituzzjonijiet jirrieżaminaw il-konformità tagħhom mal-Artikolu 406 tar-Regolament (UE) Nru 575/2013 wara li jkunu saru esposti għal pożizzjonijiet ta' titolizzazzjoni mill-anqas darba fis-sena u aktar spiss, hekk kif l-istituzzjonijiet isiru konxji minn ksur tal-obbligi inklużi fid-dokumentazzjoni dwar it-titolizzazzjoni jew ta' bidla materjali f'xi wieħed minn dawn li ġejjin:
|
(a) |
karatteristiki strutturali li jista' jkollhom impatt materjali fuq il-prestazzjoni tal-pożizzjoni ta' titolizzazzjoni; |
|
(b) |
il-karatteristiki tar-riskju tal-pożizzjonijiet ta' titolizzazzjoni u tal-iskoperturi sottostanti. |
Artikolu 18
Testijiet tal-istress
1. It-testijiet tal-istress imsemmija fit-tieni subparagrafu tal-Artikolu 406(1) tar-Regolament (UE) Nru 575/2013, jinkludu l-pożizzjonijiet ta' titolizzazzjoni kollha rilevanti u jiġu inkorporati fl-istrateġiji u l-proċessi tal-ittestjar tal-istress li l-istituzzjonijiet iwettqu skont il-proċess ta' valutazzjoni tal-adegwatezza kapitali interna speċifikat fl-Artikolu 73 tad-Direttiva 2013/36/UE tal-Parlament Ewropew u tal-Kunsill (4).
2. Sabiex jissodisfaw ir-rekwiżiti tat-testijiet tal-istress imsemmija fit-tieni subparagrafu tal-Artikolu 406(1) tar-Regolament (UE) Nru 575/2013, l-istituzzjonijiet jistgħu jużaw mudelli finanzjarji komparabbli żviluppati minn partijiet terzi, barra minn dawk żviluppati minn ECAIs, sakemm jistgħu juru, meta mitluba, li jkunu taw l-attenzjoni dovuta, qabel ma investew li jivvalidaw is-suppożizzjonijiet rilevanti u l-istrutturar tal-mudelli tagħhom u biex jifhmu l-metodoloġija, is-suppożizzjonijiet u r-riżultati.
3. Waqt it-twettiq tat-testijiet tal-istress imsemmija fl-Artikolu 406(1) tar-Regolament (UE) Nru 575/2013 fi programm ABCP kif imsemmi fl-Artikolu 242(9) tar-Regolament (UE) Nru 575/2013, li huwa appoġġat minn faċilità ta' likwidità li tkopri kompletament ir-riskju tal-kreditu tal-iskoperturi titolizzati, l-istituzzjonijiet jistgħu jwettqu test tal-istress dwar l-affidabbiltà kreditizja tal-fornitur tal-faċilità ta' likwidità aktar milli fuq l-iskoperturi titolizzati.
Artikolu 19
Skoperturi fil-portafoll tan-negozjar u l-portafoll mhux tan-negozjar
1. Iż-żamma ta' pożizzjoni ta' titolizzazzjoni fil-portafoll tan-negozjar jew fil-portafoll mhux tan-negozjar rispettivament ma jirrappreżentawx ġustifikazzjoni biżżejjed fiha nnifisha għall-applikazzjoni ta' politiki u proċeduri differenti jew ta' rieżami ta' intensità differenti biex jiġu ssodisfati l-obbligi tad-diliġenza dovuta msemmija fl-Artikolu 406 tar-Regolament (UE) Nru 575/2013. Fid-determinazzjoni ta' jekk politiki u proċeduri differenti jew rieżami ta' intensità differenti għandhomx jiġu applikati, jiġu kkunsidrati l-fatturi rilevanti kollha li jkollhom impatt materjali fuq il-profil tar-riskju ta' kull wieħed mill-portafolli u tal-pożizzjonijiet rilevanti ta' titolizzazzjoni, inkluż id-daqs tal-pożizzjonijiet, l-impatt fuq il-bażi kapitali istituzzjonali matul perjodu ta' stress, u l-konċentrazzjoni ta' riskju fuq tranżazzjoni, emittent, jew klassi ta' assi waħda specifika.
2. L-istituzzjonijiet jiżguraw li kull bidla materjali li żżid il-profil ta' riskju tal-pożizzjonijiet tat-titolizzazzjoni fil-portafoll tan-negozjar u fil-portafoll mhux tan-negozjar tagħhom tkun riflessa b'mod xieraq b'bidla xierqa fil-proċeduri tagħhom ta' diliġenza dovuta fir-rigward ta' dawk il-pożizzjonijiet ta' titolizzazzjoni. F'dan ir-rigward, l-istituzzjonijiet jidentifikaw fil-politiki u l-proċeduri formali tagħhom tal-portafoll tan-negozjar u tal-portafoll mhux tan-negozjar, iċ-ċirkostanzi li jiskattaw rieżami tal-obbligi ta' diliġenza dovuta.
Artikolu 20
Pożizzjonijiet fil-portafoll tan-negozjar ta' korrelazzjoni
L-Artikolu 406 tar-Regolament (UE) Nru 575/2013 jitqies li jkun ġie rrispettat meta jkunu ssodisfati l-kundizzjonijiet li ġejjin:
|
(a) |
pożizzjonijiet ta' titolizzazzjoni jew huma miżmuma fil-portafoll tan-negozjar ta' korrelazzjoni, u huma strumenti ta' referenza kif imsemmi fl-Artikolu 338(1)(b) ta' dak ir-Regolament, jew huma eliġibbli għall-inklużjoni fil-portafoll tan-negozjar ta' korrelazzjoni; |
|
(b) |
l-istituzzjoni tikkonforma mal-Artikolu 377 ta' dak ir-Regolament fir-rigward tal-ikkalkular tar-rekwiżiti ta' fondi proprji fir-rigward tal-portafoll tan-negozjar ta' korrelazzjoni; |
|
(c) |
l-approċċ tal-istituzzjoni għall-kalkolu tal-fondi proprji fir-rigward tal-portafoll tan-negozjar tagħha tirriżulta f'fehim komprensiv u sħiħ tal-profil tar-riskju tal-investiment tagħha fil-pożizzjonijiet ta' titolizzazzjoni; |
|
(d) |
l-istituzzjoni implimentat politiki u proċeduri formali xierqa għall-portafoll tan-negozjar ta' korrelazzjoni tagħha u b'mod proporzjonali mal-profil tar-riskju tal-investimenti tagħha fil-pożizzjonijiet titolizzati korrispondenti, għall-analiżi u r-reġistrazzjoni tal-informazzjoni rilevanti msemmija fl-Artikolu 406(1) tar-Regolament (UE) Nru 575/2013 |
KAPITOLU V
REKWIŻITI GĦALL-ORIĠINATURI, L-ISPONSORS U L-MUTWANTI ORIĠINALI
Artikolu 21
Politiki għall-għoti ta' kreditu
1. It-twettiq tal-obbligu msemmi fl-Artikolu 408 tar-Regolament (UE) Nru 575/2013 mill-istituzzjonijiet oriġinaturi jew sponsors ma jimplikax li t-tipi ta' min jissellef u prodotti ta' self għandhom ikunu l-istess għal skoperturi titolizzati u mhux titolizzati
2. Fejn l-istituzzjonijiet sponsor u oriġinatur ma jkunux involuti fl-għoti tal-kreditu oriġinali tal-skoperturi li jkunu se jiġu titolizzati, jew ma jkunux attivi fl-għoti tal-kreditu tat-tipi speċifiċi ta' skoperturi li jkunu se jiġu titolizzati, dawk l-istituzzjonijiet jiżguraw li huma jiksbu l-informazzjoni kollha meħtieġa biex jivvalutaw jekk il-kriterji applikati fl-għoti ta' kreditu għal dawn l-iskoperturi humiex sodi u definiti sew bl-istess mod bħall-kriterji applikati għal skoperturi mhux titolizzati.
Artikolu 22
Divulgazzjoni tal-livell tal-impenn li jinżamm interess ekonomiku nett
1. Ir-ritenitur għandu, skont l-Artikolu 409 tar-Regolament (UE) Nru 575/2013, jiddivulga lill-investituri tal-anqas l-informazzjoni li ġejja dwar il-livell tal-impenn tiegħu li jżomm interess ekonomiku nett fit-titolizzazzjoni:
|
(a) |
il-konferma tal-identità tar-ritenitur u dwar jekk hux qiegħed jirritjeni bħala oriġinatur, sponsor jew muwanti oriġinali; |
|
(b) |
jekk il-modalitajiet previsti fil-punti (a), (b), (c), (d) jew (e) tat-tieni subparagrafu tal-Artikolu 405(1) tar-Regolament (UE) Nru 575/2013 ikunux ġew applikati sabiex jinżamm interess ekonomiku nett; |
|
(c) |
kull bidla għall-modalità biex jinżamm interess ekonomiku nett kif imsemmi fil-punt (b) skont l-Artikolu 10(1)(d); |
|
(d) |
konferma tal-livell tar-ritenzjoni fl-oriġinazzjoni u tal-impenn biex issir ir-ritenzjoni fuq bażi kontinwa, li tirrelata biss mal-kontinwazzjoni tal-issodisfar tal-obbligu oriġinali u ma tirrikjedix dejta fuq il-valur nominali jew tas-suq, jew kwalunkwe indeboliment jew valwazzjoni 'l isfel fuq l-interess ritenut. |
2. Fejn l-eżenzjonijiet imsemmija fil-paragrafi 3 jew 4 tal-Artikolu 405 tar-Regolament (UE) Nru 575/2013 japplikaw għal tranżazzjoni ta' titolizzazzjoni, l-istituzzjonijiet li jaġixxu bħala oriġinatur, sponsor jew mutwant oriġinali jiżvelaw informazzjoni dwar l-eżenzjoni applikabbli għall-investituri.
3. Id-divulgazzjoni ddokumentata fil-paragrafi 1 u 2 tkun iddokumentata b'mod xieraq u titqiegħed għad-dispożizzjoni tal-pubbliku, ħlief fi tranżazzjonijiet bilaterali jew privati fejn divulgazzjoni privata tkun meqjusa suffiċjenti mill-partijiet. L-inklużjoni ta' dikjarazzjoni dwar l-impenn tar-ritenzjoni fil-prospett għat-titoli maħruġa taħt il-programm ta' titolizzazzjoni titqies bħala mezz xieraq biex jiġi ssodisfat ir-rekwiżit.
4. Id-divulgazzjoni tiġi kkonfermata wkoll wara l-oriġinazzjoni bl-istess regolarità bħall-frekwenza tar-rappurtar tat-tranżazzjoni, mill-inqas kull sena u f'kull waħda miċ-ċirkustanzi li ġejjin:
|
(a) |
fejn iseħħ ksur tal-impenn tar-ritenzjoni msemmi fl-Artikolu 405(1) tar-Regolament (UE) Nru 575/2013; |
|
(b) |
fejn il-prestazzjoni tal-pożizzjoni ta' titolizzazzjoni jew il-karatteristiki tar-riskju tat-titolizzazzjoni jew tal-iskoperturi sottostanti jinbidlu materjalment; |
|
(c) |
wara ksur ta' obbligi inklużi fid-dokumentazzjoni relatata mat-titolizzazzjoni; |
Artikolu 23
Divulgazzjoni ta' dejta materjalment rilevanti
1. L-oriġinaturi, l-isponsors u l-mutwanti oriġinali jiżguraw li d-dejta materjalment rilevanti skont l-Artikolu 409 tar-Regolament (UE) Nru 575/2013 tkun faċilment aċċessibbli għall-investituri, mingħajr piż amministrattiv eċċessiv.
2. Id-divulgazzjoni xierqa msemmija fl-Artikolu 409 tar-Regolament (UE) Nru 575/2013 issir mill-inqas kull sena u fiċ-ċirkostanzi li ġejjin:
|
(a) |
fejn il-prestazzjoni tal-pożizzjoni ta' titolizzazzjoni jew il-karatteristiki tar-riskju tat-titolizzazzjoni jew tal-iskoperturi sottostanti jinbidlu materjalment; |
|
(b) |
wara ksur ta' obbligi inklużi fid-dokumentazzjoni relatata mat-titolizzazzjoni; |
|
(c) |
Sabiex id-dejta tiġi kkunsidrata bħala materjalment rilevanti fir-rigward tal-iskoperturi sottostanti individwali, hija, b'mod ġenerali, tiġi pprovduta separatament għal kull self. Madankollu hemm każijiet fejn l-informazzjoni tista' tiġi pprovduta fuq bażi aggregata. Fl-ivvalutar ta' jekk l-informazzjoni aggregata hijiex biżżejjed, il-fatturi li għandhom jiġu kkunsidrati jinkludu l-granularità tal-pool sottostanti u jekk l-immaniġġar tal-iskoperturi f'dak il-pool huwiex ibbażat fuq il-pool innifsu jew fuq bażi ta' self b'self. |
3. L-obbligu tad-divulgazzjoni huwa suġġett għal kull rekwiżit ġuridiku u regolatorju ieħor applikabbli għar-ritenitur.
KAPITOLU VI
DISPOŻIZZJONIJIET FINALI
Artikolu 24
Id-dħul fis-seħħ
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta' Marzu 2014.
Għall-Kummissjoni
Il-President
José Manuel BARROSO
(2) Regolament (UE) Nru 1093/2010 tal-Parlament Ewropew u tal-Kunsill tal- 24 ta' Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).
(3) Id-Direttiva 2004/39/KE tal-Parlament Ewropew u tal-Kunsill tal-21 ta' April 2004 dwar is-swieq fl-istrumenti finanzjarji li temenda d-Direttivi tal-Kunsill 85/611/KEE u 93/6/KEE u d-Direttiva 2000/12/KE tal-Parlament Ewropew u tal-Kunsill u li tħassar id-Direttiva tal-Kunsill 93/22/KEE (ĠU L 145, 30.4.2004, p. 1).
(4) Id-Direttiva 2013/36/UE tal-Parlament Ewropew u tal-Kunsill tas-26 ta' Ġunju 2013 dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta' kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/26 |
REGOLAMENT TA' IMPLIMENTAZZJONI TAL-KUMMISSJONI (UE) Nru 626/2014
tal-10 ta' Ġunju 2014
li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b'mod partikolari l-Artikolu 9(1)(a) tiegħu,
Billi:
|
(1) |
Ir-Regolament (KEE) Nru 2658/87 stabbilixxa nomenklatura tal-oġġetti, minn hawn 'il quddiem imsejħa bħala n-“Nomenklatura Magħquda” jew “NM”, li hija stabbilita fl-Anness I għal dak ir-Regolament. |
|
(2) |
Jeżistu opinjonijiet diverġenti fir-rigward tal-klassifikazzjoni (fl-intestaturi tan-NM 2207 u 3824) ta' taħlitiet li fihom l-alkoħol etiliku użat bħala materja prima għall-produzzjoni tal-fjuwils għall-vetturi bil-mutur. |
|
(3) |
Fl-interess taċ-ċertezza legali, huwa għalhekk meħtieġ li jiġi ċċarat l-ambitu tas-subintestatura tan-NM 2207 20 rigward l-alkoħol etiliku denaturat. |
|
(4) |
Is-subintestatura tan-NM 2207 20 għandha tkopri alkoħol etiliku b'saħħa alkoħolika skont il-volum ta' 50 % jew ogħla, b'mod partikolari taħlitiet ibbażati fuq l-alkoħol etiliku użati għall-produzzjoni ta' fjuwil għall-vetturi motorizzati, denaturat biż-żieda ta' ċerti sustanzi mal-alkoħol etiliku sabiex isir inadegwat għall-konsum uman b'mod irriversibbli. |
|
(5) |
L-istandard Ewropew EN 15376, intitolat “Karburanti għall-karozzi — Etanol bħala bażi għat-taħlit mal-petrol — Rekwiżiti u metodi ta' ttestjar” u approvat mill-Kumitat Ewropew għall-Istandardizzazzjoni fl-24 ta' Diċembru 2010, jikkontribwixxi għall-objettivi tal-Unjoni Ewropea bl-istandards tekniċi volontarji li jippromwovi l-kummerċ ħieles u jikkompletaw is-suq uniku. Fil-punt 4.3 huwa jipprovdi lista tad-denaturanti rrakkomandati li mhumiex ta' ħsara għas-sistemi tal-vetturi. Is-sustanzi msemmija fil-lista huma: petrol tal-karozzi li jikkonforma ma' EN 228, etil terzjarju butil eteru (ETBE), metil terzjarju butil eteru (MTBE), alkoħol butil terzjarju (TBA), 2-metil-1-propanol (isobutanol), u 2-propanol (isopropanol). Wieħed jew aktar minn dawn id-denaturanti jistgħu jintużaw fit-taħlita, ħlief l-isobutanol u l-isopropanol li huma faċilment separabbli mit-taħlita. Għalhekk huma meħtieġ li huma dejjem jintużaw flimkien ma' denaturant ieħor. |
|
(6) |
Nota Addizzjonali ġdida għandha għalhekk tiżdied fil-Kapitolu 22 tal-Parti Tnejn tan-NM biex tiġi żgurata l-interpretazzjoni uniformi tagħha madwar l-Unjoni. |
|
(7) |
Il-Kumitat tal-Kodiċi Doganali ma ħariġx opinjoni fil-limiti ta' żmien preskritt mill-president tal-kumitat, |
ADOTTAT DAN IR-REGOLAMENT:
Artikolu 1
Fil-Kapitolu 22 ta' Parti Tnejn tan-Nomenklatura Magħquda stipulata fl-Anness I tar-Regolament (KEE) Nru 2658/87, tiddaħħal in-Nota addizzjonali 12 li ġejja:
|
“12. |
Is-subintestatura 2207 20 tkopri taħlit ta' alkoħol etiliku użat bħala materja prima għall-produzzjoni tal-fjuwils għal vetturi bil-mutur ta' qawwa alkoħolika skont il-volum, ta' 50 % jew ogħla u denaturat permezz ta' sustanza minn dawn li ġejjin jew aktar:
Id-denaturanti msemmija fil-punti (e) u (f) tal-ewwel paragrafu għandhom jintużaw f'kombinazzjoni ma' tal-anqas waħda mis-sustanzi denaturanti elenkati fil-punti minn (a) sa (d) tal-ewwel paragrafu.” |
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta' Ġunju 2014.
Għall-Kummissjoni
F'isem il-President
Algirdas ŠEMETA
Membru tal-Kummissjoni
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/28 |
REGOLAMENT TAL-KUMMISSJONI (UE) Nru 627/2014
tat-12 ta' Ġunju 2014
li jemenda r-Regolament (UE) Nru 582/2011 biex jiġi adattat għall-progress tekniku fir-rigward ta' monitoraġġ ta' materja partikolata tas-sistema dijanjostika abbord il-vettura
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 595/2009 tal-Parlament Ewropew u tal-Kunsill tat-18 ta' Ġunju 2009 dwar l-approvazzjoni tat-tip ta' vetturi bil-mutur u magni rigward l-emissjonijiet minn vetturi heavy-duty (Euro VI) u dwar l-aċċess għal informazzjoni dwar it-tiswija u l-manutenzjoni tal-vetturi u li jemenda r-Regolament (KE) Nru 715/2007 u d-Direttiva 2007/46/KE u li jħassar id-Direttivi 80/1269/KEE, 2005/55/KE u 2005/78/KE (1), u b'mod partikolari l-Artikolu 5(4) u l-Artikolu 12(3) tiegħu,
Billi:
|
(1) |
Ir-Regolament tal-Kummissjoni (UE) Nru 582/2011 (2) jistabbilixxi l-obbligu tal-Kummissjoni li twettaq reviżjoni dwar il-fattibbiltà teknika ta' monitoraġġ, għal vetturi ta' tqabbid bil-kompressjoni, il-prestazzjoni ta' filtru tal-partikuli tad-diżil (DPF) meta mqabbla mal-ogħla limiti tas-sistema dijanjostika abbord il-vettura (OTLs) stabbiliti fit-Tabella 1 tal-Anness X ta' dak ir-Regolament. |
|
(2) |
Il-Kummissjoni wettqet dik ir-reviżjoni u kkonkludiet li t-teknoloġija kapaċi mill-monitoraġġ tal-prestazzjoni tad-DPF meta mqabbla mal-OTLs hija disponibbli. Madankollu, minn dik ir-reviżjoni jirriżulta wkoll li huwa xieraq li tiġi diferita d-data tal-implimentazzjoni ta' dawk ir-rekwiżiti tal-prestazzjoni tad-DPF sabiex jingħata biżżejjed żmien lill-industrija biex tiżgura d-disponibilità tat-tagħmir f'termini ta' produzzjoni tal-massa u l-adattament tagħha għall-vetturi. Huwa għalhekk meħtieġ li tiġi adattata t-Tabella 1 tal-Appendiċi 9 tal-Anness I tar-Regolament (UE) Nru 582/2011, sabiex tiġi inkluża d-data ta' implimentazzjoni l-ġdida. |
|
(3) |
Barra minn hekk, u fil-każ ta' magni ta' tqabbid bl-ispark plaggs, it-Tabella 1 tal-Appendiċi 9 tal-Anness I tar-Regolament (UE) Nru 582/2011 għandha tiġi adattata wkoll billi tiddaħħal kolonna li tirreferi għall-ħtieġa li l-livelli ta' monossidu tal-karbonju jiġu mmonitorjati waqt li jiġu mqabbla mal-OTLs stabbiliti fit-Tabella 2 tal-Anness X tar-Regolament (UE) Nru 582/2011, kif ukoll il-kolonna li tirreferi għar-rekwiżiti stabbiliti fil-punti 6. sa 6.5.5.1 tal-Anness X ta' dak ir-Regolament |
|
(4) |
Ir-Regolament (UE) Nru 582/2011 għandu għalhekk jigi emendat skont dan. |
|
(5) |
Il-miżuri stipulati f'dan ir-Regolament huma skont l-opinjoni tal-Kumitat Tekniku — Vetturi bil-Mutur, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 582/2011 huwa emendat kif ġej:
|
(1) |
fl-Artikolu 4, il-paragrafu 8 jinbidel b'dan li ġej: “8. Fuq talba tal-manifattur, sal-31 ta' Diċembru 2015, fil-każ ta' tipi ġodda ta' vetturi jew magni u sal-31 ta' Diċembru 2016 għall-vetturi ġodda kollha mibjugħa, irreġistrati jew imqiegħda fis-servizz fl-Unjoni, il-fabbrikant jista' jekk irid, juża dispożizzjonijiet alternattivi għall-monitoraġġ tad-DPF kif stipulat fil-Punt 2.3.3.3 tal-Anness X.”; |
|
(2) |
L-Anness I huwa emendat skont l-Anness ta' dan ir-Regolament. |
Artikolu 2
L-approvazzjonijiet tat-tip mogħtija għal magni ta' tqabbid bil-kompressjoni u vetturi skont l-Ittra B fit-Tabella 1 tal-Appendiċi 9 tal-Anness I qabel id-data tal-applikazzjoni ta' dan ir-Regolament, għandhom jibqgħu validi wara dik id-data.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Ġunju 2014.
Għall-Kummissjoni
Il-President
José Manuel BARROSO
(1) ĠU L 188, 18.7.2009, p. 1.
(2) Ir-Regolament tal-Kummissjoni (UE) Nru 582/2011 tal-25 ta' Mejju 2011 li jimplimenta u jemenda r-Regolament (KE) Nru 595/2009 tal-Parlament Ewropew u tal-Kunsill rigward l-emissjonijiet minn vetturi heavy-duty (Euro VI) u li jemenda l-Annessi I u III għad-Direttiva 2007/46/KE tal-Parlament Ewropew u tal-Kunsill (ĠU L 167, 25.6.2011, p. 1).
ANNESS
It-Tabella 1 fl-Appendiċi 9 tal-Anness tar-Regolament (UE) Nru 582/2011 jinbidel b'dan li ġej:
“Tabella 1
|
Ittra |
NOx OTL (1) |
PM OTL (2) |
CO OTL (6) |
IUPR |
Reaġent tal-kwalità u l-konsum |
Dati tal-implimentazzjoni: tipi ġodda |
Dati tal-implimentazzjoni: il-vetturi kollha |
L-aħħar data ta' reġistrazzjoni |
|
A |
Ir-ringiela ‘il-perjodu ta' dħul gradwali’ tat-Tabella 1 jew tat-Tabella 2 |
Monitoraġġ tal- prestazzjoni (3) |
|
Id-dħul gradwali (7) |
Id-dħul gradwali (4) |
31.12.2012 |
31.12.2013 |
31.8.2015 (9) 30.12.2016 (10) |
|
B (11) |
Ir-ringiela ‘il-perjodu ta' dħul gradwali’ tat-Tabella 2 |
|
Ir-ringiela ‘il-perjodu ta' dħul gradwali’ tat-Tabella 2 |
Id-dħul gradwali (7) |
Id-dħul gradwali (4) |
1.9.2014 |
1.9.2015 |
30.12.2016 |
|
C |
Ir-ringiela ‘rekwiżiti ġenerali’ tat-Tabella 1 jew tat-Tabella 2 |
Ir-ringiela ‘rekwiżiti ġenerali’ tat-Tabella 1 |
Ir-ringiela ‘rekwiżiti ġenerali’ tat-Tabella 2 |
Ġenerali (8) |
Ġenerali (5) |
31.12.2015 |
31.12.2016 |
|
(1) ‘NOx OTL’ rekwiżiti ta' monitoraġġ kif stipulati fit-Tabella 1 u 2 tal-Anness X.
(2) ‘PM OTL’ rekwiżiti ta' monitoraġġ kif stipulati fit-Tabella 1 tal-Anness X.
(3) Ir-rekwiżiti tal-‘monitoraġġ tal-prestazzjoni’ kif stipulati fil-Punt 2.1.1 tal-Anness X.
(4) Ir-rekwiżiti ta' ‘dħul gradwali’ tar-reaġent tal-kwalità u l-konsum kif stipulati fil-Punti 7.1.1.1 u 8.4.1.1. tal-Anness XIII.
(5) Ir-rekwiżiti ‘ġenerali’ tar-reaġent tal-kwalità u l-konsum kif stipulati fil-Punti 7.1.1. u 8.4.1. tal-Anness XIII.
(6) ‘CO OTL’ rekwiżiti ta' monitoraġġ kif stipulati fit-Tabella 2 tal-Anness X.
(7) Ir-rekwiżiti ta' ‘dħul gradwali’ IUPR kif stipulati fil-punti 6.4.4, 6.5.5 u 6.5.5.1 tal-Anness X.
(8) Ir-rekwiżiti ‘ġenerali’ IUPR kif stipulati fit-Taqsima 6 tal-Anness X.
(9) Għal magni u vetturi bi starjar pożittiv mgħammra b'tali magni.
(10) Għal magni u vetturi bi startjar bil-kompressjoni mgħammra b'tali magni.
(11) Applikabbli biss għal magni u vetturi bi startjar pożittiv mgħammra b'tali magni.”
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/31 |
REGOLAMENT TA' IMPLIMENTAZZJONI TAL-KUMMISSJONI (UE) Nru 628/2014
tat-12 ta' Ġunju 2014
li jemenda r-Regolament (KE) Nru 341/2007 fir-rigward tal-kwota tariffarja għall-importazzjoni ta' tewm li joriġina ċ-Ċina
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-punt (a) tal-Artikolu 187 tiegħu,
Billi:
|
(1) |
Ir-Regolament tal-Kummissjoni (KE) Nru 341/2007 (2) jintroduċi u jipprovdi għall-amministrazzjoni ta' kwoti tariffarji għat-tewm u għal ċerti prodotti agrikoli oħra importati minn pajjiżi terzi. |
|
(2) |
Il-Ftehim fil-forma ta' Skambju ta' Ittri bejn l-Unjoni Ewropea u r-Repubblika Popolari taċ-Ċina skont l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) tal-1994 rigward il-modifika tal-konċessjonijiet fl-iskedi tar-Repubblika tal-Bulgarija u tar-Rumanija matul l-adeżjoni tagħhom mal-Unjoni Ewropea (3), approvata bid-Deċiżjoni tal-Kunsill 2014/116/UE (4), jipprevedi żieda ta' 12 375 tunnellata fl-allokazzjoni għar-Repubblika Popolari taċ-Ċina taħt il-kwota tar-rata tariffarja tal-UE għat-tewm. |
|
(3) |
Iż-żieda fil-kwota tar-rata tariffarja għandha tkun riflessa fl-Anness I tar-Regolament (KE) Nru 341/2007. Billi l-Ftehim bejn l-Unjoni Ewropea u r-Repubblika Popolari taċ-Ċina approvah il-Kunsill fit-28 ta' Jannar 2014, l-importaturi għandu jkollhom aċċess għal kwantitajiet akbar mit-tieni subperjodu tal-perjodu tal-kwota tariffarja tal-importazzjoni 2014/2015. |
|
(4) |
Għalhekk ir-Regolament (KE) Nru 341/2007 għandu jiġi emendat skont dan. |
|
(5) |
Il-miżuri previsti f'dan ir-Regolament huma skont l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Emendi fir-Regolament (KE) Nru 341/2007
L-Anness I tar-Regolament (KE) Nru 341/2007 jinbidel bit-test tal-Anness ta' dan ir-Regolament.
Artikolu 2
Id-dħul fis-seħħ
Dan ir-Regolament jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan japplika mill-1 ta' Lulju 2014.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Ġunju 2014.
Għall-Kummissjoni
Il-President
José Manuel BARROSO
(1) ĠU L 347, 20.12.2013, p. 671.
(2) Ir-Regolament tal-Kummissjoni (KE) Nru 341/2007 tad-29 ta' Marzu 2007 li jiftaħ u jipprovdi għall-amministrazzjoni ta' kwoti tariffarji u li jintroduċi sistema għal liċenzji tal-importazzjoni u ċertifikati ta' oriġini għat-tewm u għal ċertu prodotti agrikoli oħra importati minn pajjiżi terzi (ĠU L 90, 30.3.2007, p. 12).
(4) Id-Deċiżjoni tal-Kunsill 2014/116/UE tat-28 ta' Jannar 2014 dwar il-konklużjoni tal-Ftehim fil-forma ta' Skambju ta' Ittri bejn l-Unjoni Ewropea u r-Repubblika Popolari taċ-Ċina skont l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) tal-1994 fir-rigward tal-modifika tal-konċessjonijiet fl-iskedi tar-Repubblika tal-Bulgarija u tar-Rumanija matul l-adeżjoni tagħhom mal-Unjoni Ewropea (ĠU L 64, 4.3.2014, p. 1).
ANNESS
“ANNESS I
Kwoti tariffarji introdotti skont id-Deċiżjoni 2001/404/KE, id-Deċiżjoni 2006/398/KE u d-Deċiżjoni 2014/116/UE għal importazzjonijiet ta' tewm bil-kodiċi NM 0703 20 00
|
L-oriġini |
In-numru tal-ordni |
Il-kwota (f'tunnellati) |
||||
|
L-ewwel subperjodu (Ġunju-Awwissu) |
It-tieni subperjodu (Settembru-Novembru) |
It-tielet subperjodu (Diċembru-Frar) |
Ir-raba' subperjodu (Marzu-Mejju) |
Total |
||
|
L-Arġentina |
|
|
|
|
|
19 147 |
|
Importaturi tradizzjonali |
09.4104 |
— |
— |
9 590 |
3 813 |
|
|
Importaturi ġodda |
09.4099 |
— |
— |
4 110 |
1 634 |
|
|
Total |
|
— |
— |
13 700 |
5 447 |
|
|
Iċ-Ċina |
|
|
|
|
|
46 075 |
|
Importaturi tradizzjonali |
09.4105 |
8 278 |
8 278 |
7 210 |
8 488 |
|
|
Importaturi ġodda |
09.4100 |
3 547 |
3 547 |
3 090 |
3 637 |
|
|
Total |
|
11 825 |
11 825 |
10 300 |
12 125 |
|
|
Pajjiżi terzi oħra |
|
|
|
|
|
6 023 |
|
Importaturi tradizzjonali |
09.4106 |
941 |
1 960 |
929 |
386 |
|
|
Importaturi ġodda |
09.4102 |
403 |
840 |
398 |
166 |
|
|
Total |
|
1 344 |
2 800 |
1 327 |
552 |
|
|
Total |
|
13 169 |
14 625 |
25 327 |
18 124 |
71 245 ” |
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/33 |
REGOLAMENT TA' IMPLIMENTAZZJONI TAL-KUMMISSJONI (UE) Nru 629/2014
tat-12 ta' Ġunju 2014
li jemenda r-Regolament ta' Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva metilnonilketon
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u partikolarment it-tieni alternattiva tal-Artikolu 21(3) u l-Artikolu 78(2) tiegħu,
Billi:
|
(1) |
Ir-Regolament ta' Implimentazzjoni tal-Kummissjoni (UE) Nru 608/2012 (2) emenda r-Regolament ta' Implimentazzjoni (UE) Nru 540/2011 (3) fir-rigward tal-kundizzjonijiet ta' approvazzjoni tas-sustanza attiva metilnonilketon billi ffissal-kundizzjoni li n-notifikatur għandu jipprovdi informazzjoni ulterjuri ta' konferma fil-forma ta' studji dwar l-ispeċifikazzjoni mad-dejta ta' appoġġ tal-lott u metodi vvalidati tal-analiżi. |
|
(2) |
In-notifikatur ippreżenta informazzjoni addizzjonali fil-forma ta' studji dwar l-ispeċifikazzjoni b'dejta ta' appoġġ tal-lott u metodi vvalidati ta' analiżi lill-Istat Membru relatur, il-Belġju, fil-perjodu ta' żmien stipulat għal-preżentazzjoni tiegħu. |
|
(3) |
Il-Belġju vvaluta l-informazzjoni addizzjonali mressqa min-notifikatur. Fil-25 ta' Novembru 2013 dan ressaq il-valutazzjoni tiegħu, fil-forma ta' abbozz tar-rapport ta' valutazzjoni rivedut, lill-Istati Membri l-oħra, lill-Kummissjoni u lill-Awtorità Ewropea dwar is-Sigurtà fl-Ikel, minn hawn 'il quddiem “l-Awtorità”. |
|
(4) |
L-abbozz tar-rapport ta' valutazzjoni rivedut, ġie rivedut mill-Istati Membri u l-Kummissjoni fi ħdan il-Kumitat Permanenti dwar il-Katina Alimentari u s-Saħħa tal-Annimali u ġie ffinalizzat fis-16 ta' Mejju 2014 fil-format tar-rapport ta' reviżjoni tal-Kummissjoni għall-metilnonilketon. |
|
(5) |
Il-Kummissjoni stiednet lin-notifikatur jippreżenta l-kummenti tiegħu dwar ir-rapport ta' reviżjoni għal metilnonilketon. |
|
(6) |
Il-Kummissjoni waslet għall-konklużjoni li informazzjoni ta' konferma ulterjuri wriet li l-purità minima tas-sustanza attiva għandha tiġi ffissata għal 985 g/kg. |
|
(7) |
Ir-Regolament ta' Implimentazzjoni (UE) Nru 540/2011 għandu għalhekk jigi emendat skont dan. L-Istati Membri għandhom jingħataw iż-żmien biex jemendaw jew jirtiraw l-awtorizzazzjonijiet ta' prodotti għall-protezzjoni tal-pjanti li fihom il-metilnonilketon fejn jixraq. |
|
(8) |
Fejn l-Istati Membri jagħtu xi perjodu ta' konċessjoni skont l-Artikolu 46 tar-Regolament (KE) Nru 1107/2009 għal prodotti għall-protezzjoni tal-pjanti li fihom il-metilnonilketon, dan il-perjodu għandu jiskadi sa mhux aktar tard minn tmintax-il xahar wara d-dħul fis-seħħ ta' dan ir-Regolament. |
|
(9) |
Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Emenda tar-Regolament ta' Implimentazzjoni (UE) Nru 540/2011,
Fil-kolonna “Purità” tar-ringiela 238, metilnonilketon, tal-Parti A tal-Anness tar-Regolament ta' Implimentazzjoni (UE) Nru 540/2011, il-purità tinbidel b'dan “≥ 985 g/kg”.
Artikolu 2
Miżuri tranżizzjonali
Fejn hu meħtieġ, l-Istati Membri għandhom, f'konformità mar-Regolament (KE) Nru 1107/2009, jemendaw jew jirtiraw awtorizzazzjonijiet eżistenti għal prodotti għall-protezzjoni tal-pjanti li fihom il-metilnonilketon bħala sustanza attiva sat-3 ta' Jannar 2015.
Artikolu 3
Perjodu ta' konċessjoni
Kwalunkwe perjodu ta' konċessjoni mogħti mill-Istati Membri f'konformità mal-Artikolu 46 tar-Regolament (KE) Nru 1107/2009, għandu jkun qasir kemm jista' jkun u għandu jiskadi fit-3 ta' Jannar 2016.
Artikolu 4
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Ġunju 2014.
Għall-Kummissjoni
Il-President
José Manuel BARROSO
(1) ĠU L 309, 24.11.2009, p. 1.
(2) Ir-Regolament ta' Implimentazzjoni tal-Kummissjoni (UE) Nru 608/2012 tas-6 ta' Lulju 2012 li jemenda r-Regolament ta' Implimentazzjoni (UE) Nru 540/2011 fir-rigward tal-kundizzjonijiet ta' approvazzjoni tas-sustanzi attivi benżoat tad-denatonju, metilnonilketon u ż-żjut veġetali/żejt tan-nagħniegħ (ĠU L 177, 7.7.2012, p. 19).
(3) Ir-Regolament ta' Implimentazzjoni tal-Kummissjoni (UE) Nru 540/2011 tal- 25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f'dak li għandu x'jaqsam mal-lista ta' sustanzi attivi approvati (ĠU L 153, 11.6.2011, p.1).
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/35 |
REGOLAMENT TA' IMPLIMENTAZZJONI TAL-KUMMISSJONI (UE) Nru 630/2014
tat-12 ta' Ġunju 2014
li jemenda għall-215-il darba r-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati man-netwerk ta' Al-Qaida
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 881/2002 tas-27 ta' Mejju 2002 li jimponi ċerti miżuri restrittivi speċifiċi diretti kontra ċerti persuni u entitajiet assoċjati man-network ta' Al-Qaida (1), u b'mod partikolari l-Artikolu 7(1)(a), 7a(1) u 7a(5) tiegħu,
Billi:
|
(1) |
L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u riżorsi ekonomiċi skont dan ir-Regolament. |
|
(2) |
Fit-2 ta' Ġunju 2014, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti (KSNU) ddeċieda li jżid tliet persuni fiżiċi mal-lista ta' persuni, gruppi u entitajiet li għalihom japplika l-iffriżar ta' fondi u riżorsi ekonomiċi. Fil-istess jum, il-Kumitat tas-Sanzjonijiet tal-KSNU ddeċieda li jneħħi żewġ persuni mil-lista tiegħu u li jemenda tliet annotazzjonijiet fil-lista ta' persuni, gruppi u entitajiet li għalihom japplika l-iffriżar tal-fondi u r-riżorsi ekonomiċi. |
|
(3) |
L-Anness I tar-Regolament (KE) Nru 881/2002 għandu għalhekk jiġi aġġornat skont dan, |
ADOTTAT DAN IR-REGOLAMENT:
Artikolu 1
L-Anness I tar-Regolament (KE) Nru 881/2002 huwa emendat skont l-Anness ta' dan ir-Regolament.
Artikolu 2
Dan ir-Regolament jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Ġunju 2014.
Għall-Kummissjoni
F'isem il-President
Il-Kap tas-Servizz tal-Istrumenti tal-Politika Strumenti
(1) ĠU L 139, 29.5.2002, p. 9.
ANNESS
L-Anness I tar-Regolament (KE) Nru 881/2002 għandu jiġi emendat kif ġej:
|
(1) |
L-entrati li ġejjin għandhom jiżdiedu taħt l-intestatura “Persuni ġuridiċi, gruppi u entitajiet”:
|
|
(2) |
L-annotazzjonijiet li ġejjin taħt l-intestatura “Persuni fiżiċi” jitħassru:
|
|
(3) |
L-annotazzjoni “Abu Mohammed Al-Jawlani (psewdonimu (a) Abu Mohamed al-Jawlani, (b) Abu Muhammad al-Jawlani, (c) Abu Mohammed al-Julani, (d) Abu Mohammed al-Golani, (e) Abu Muhammad al-Golani, (f) Abu Muhammad Aljawlani, (g) Muhammad al-Jawlani, (h) Shaykh al-Fatih; (i) Al Fatih. Data tat-twelid: Bejn l-1975 u l-1979. Post tat-twelid: Is-Sirja Nazzjonalità: Sirjana Indirizz: Fis-Sirja minn Ġunju 2013. Data tad-deżinjazzjoni msemmija fl-Artikolu 2a(4)(b): 24.7.2013.” taħt l-intestatura “Persuni fiżiċi” tiġi ssostitwita b'dan li ġej: “Abu Mohammed Al-Jawlani (psewdonimu (a) Abu Mohamed al-Jawlani, (b) Abu Muhammad al-Jawlani, (c) Abu Mohammed al-Julani, (d) Abu Mohammed al-Golani, (e) Abu Muhammad al-Golani, (f) Abu Muhammad Aljawlani, (g) Muhammad al-Jawlani, (h) Shaykh al-Fatih; (i) Al Fatih. Data tat-twelid: Bejn l-1975 u l-1979. Post tat-twelid: Is-Sirja Nazzjonalità: Sirjana Indirizz: Fis-Sirja minn Ġunju 2013. Informazzjoni oħra: Minn Jannar 2012, il-kap ta' Al-Nusrah Front for the People of the Levant. Data tad-deżinjazzjoni msemmija fl-Artikolu 2a(4)(b): 24.7.2013.” |
|
(4) |
L-annotazzjoni “Doku Khamatovich Umarov (psewdonimu Умаров Доку Хаматович). Data tat-twelid: 12.5.1964. Post tat-twelid: Ir-raħal ta' Kharsenoy, id-Distrett ta' Shatoyskiy (Sovetskiy), Chechenskaya Respublika, Nazzjonalità tal-Federazzjoni Russa: (a) Russu, (b) USSR (sal-1991). Informazzjoni oħra: (a) Jgħix fil-Federazzjoni Russa minn Novembru 2010; (b) Mandat ta' arrest internazzjonali maħruġ fis-sena 2000. Id-data tad-deżinjazzjoni msemmija fl-Artikolu 2a(4)(b): 10.3.2011.” taħt l-intestatura “Persuni fiżiċi” tiġi ssostitwita b'dan li ġej: “Doku Khamatovich Umarov (psewdonimu Умаров Доку Хаматович). Data tat-twelid: 12.5.1964. Post tat-twelid: Ir-raħal ta' Kharsenoy, id-Distrett ta' Shatoyskiy (Sovetskiy), Chechenskaya Respublika, il-Federazzjoni Russa. Nazzjonalità: (a) Russu, (b) USSR (sal-1991). Informazzjoni oħra: (a) Jgħix fil-Federazzjoni Russa minn Novembru 2010; (b) Mandat ta' arrest internazzjonali maħruġ fis-sena 2000; (c) Rappurtat mejjet minn April 2014. Id-data tad-deżinjazzjoni msemmija fl-Artikolu 2a(4)(b): 10.3.2011.” |
|
(5) |
L-entrata “Al-Qaida in Iraq (psewdonimu (a) AQI, (b) al-Tawhid, (c) the Monotheism and Jihad Group, (d) Qaida of the Jihad in the Land of the Two Rivers, (e) Al-Qaida of Jihad in the Land of the Two Rivers, (f) The Organization of Jihad's Base in the Country of the Two Rivers, (g) The Organization Base of Jihad/Country of the Two Rivers, (h) The Organization Base of Jihad/Mesopotamia, (i) Tanzim Qa'idat Al-Jihad fi Bilad al-Rafidayn, (j) Tanzeem Qa'idat al Jihad/Bilad al Raafidaini, (k) Jama'at Al-Tawhid Wa'al-Jihad, (l) JTJ, (m) Islamic State of Iraq, (n) ISI, (o) al-Zarqawi network, (p) Jabhat al Nusrah, (q) Jabhet al-Nusra, (r) Al-Nusrah Front, (s) The Victory Front, (u) Islamic State in Iraq and the Levant). Data tad-deżinjazzjoni msemmija fl-Artikolu 2a(4)(b): 18.10.2004.” taħt l-intestatura “Persuni, gruppi u entitajiet ġuridiċi” tiġi ssostitwita b'dan li ġej: “Al-Qaida in Iraq (psewdonimu (a) AQI, (b) al-Tawhid, (c) the Monotheism and Jihad Group, (d) Qaida of the Jihad in the Land of the Two Rivers, (e) Al-Qaida of Jihad in the Land of the Two Rivers, (f) The Organization of Jihad's Base in the Country of the Two Rivers, (g) The Organization Base of Jihad/Country of the Two Rivers, (h) The Organization Base of Jihad/Mesopotamia, (i) Tanzim Qa'idat Al-Jihad fi Bilad al-Rafidayn, (j) Tanzeem Qa'idat al Jihad/Bilad al Raafidaini, (k) Jama'at Al-Tawhid Wa'al-Jihad, (l) JTJ, (m) Islamic State of Iraq, (n) ISI, (o) al-Zarqawi network, (p) Islamic State in Iraq and the Levant). Data tad-deżinjazzjoni msemmija fl-Artikolu 2a(4)(b): 18.10.2004.” |
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/38 |
REGOLAMENT TA' IMPLIMENTAZZJONI TAL-KUMMISSJONI (UE) Nru 631/2014
tat-12 ta’ Ġunju 2014
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament dwar l-OKS unika) (1),
Wara li kkunsidrat ir-Regolament ta' Implimentazzjoni tal-Kummissjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,
Billi:
|
(1) |
Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
|
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta’ Ġunju 2014.
Għall-Kummissjoni,
F'isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
|
(EUR/100 KG) |
||
|
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
|
0702 00 00 |
MK |
62,3 |
|
TR |
71,7 |
|
|
ZZ |
67,0 |
|
|
0707 00 05 |
MK |
50,6 |
|
TR |
105,0 |
|
|
ZZ |
77,8 |
|
|
0709 93 10 |
MA |
68,1 |
|
TR |
109,3 |
|
|
ZA |
27,3 |
|
|
ZZ |
68,2 |
|
|
0805 50 10 |
AR |
103,3 |
|
TR |
120,8 |
|
|
ZA |
121,5 |
|
|
ZZ |
115,2 |
|
|
0808 10 80 |
AR |
135,5 |
|
BR |
76,6 |
|
|
CL |
96,5 |
|
|
CN |
99,1 |
|
|
NZ |
133,4 |
|
|
US |
183,9 |
|
|
UY |
168,2 |
|
|
ZA |
99,1 |
|
|
ZZ |
124,0 |
|
|
0809 10 00 |
TR |
248,2 |
|
ZZ |
248,2 |
|
|
0809 29 00 |
TR |
456,1 |
|
ZZ |
456,1 |
|
|
0809 30 |
MA |
135,6 |
|
ZZ |
135,6 |
|
(1) In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta' oriġini oħra”.
DEĊIŻJONIJIET
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/40 |
DEĊIŻJONI TAL-KUNSILL
tal-5 ta' Ġunju 2014
dwar il-pożizzjoni li għandha tiġi adottata, f'isem l-Unjoni Ewropea, fil-Kumitat Konġunt taż-ŻEE rigward emenda għall-Protokoll 31 għall-Ftehim ŻEE, dwar il-kooperazzjoni f'oqsma speċifiċi li ma jagħmlux parti mill-erba' libertajiet
(2014/348/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 46(d), l-Artikolu 149, l-Artikolu 153(2)(a), l-Artikolu 175, it-tielet paragrafu, u l-Artikolu 218(9) tiegħu,
Wara li kkunsidra r-Regolament tal-Kunsill (KE) Nru 2894/94 tat-28 ta' Novembru 1994 dwar l-arranġamenti għall-implimentazzjoni tal-Ftehim dwar iż-Żona Ekonomika Ewropea (1), u b'mod partikolari l-Artikolu 1(3) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Il-Protokoll 31 tal-Ftehim dwar iż-Żona Ekonomika Ewropea (“il-Ftehim ŻEE”) fih dispożizzjonijiet u arranġamenti speċifiċi rigward kooperazzjoni f'oqsma speċifiċi li ma jagħmlux parti mill-erba' libertajiet. |
|
(2) |
Huwa xieraq li l-kooperazzjoni tal-Partijiet Kontraenti fil-Ftehim ŻEE tiġi estiża u tinkludi r-Regolament (UE) Nru 1296/2013 tal-Parlament Ewropew u tal-Kunsill (2). |
|
(3) |
Għaldaqstant, il-Protokoll 31 għall-Ftehim ŻEE għandu jiġi emendat skont dan, sabiex din il-kooperazzjoni estiża tkun tista' tibda sseħħ mill-1 ta' Jannar 2014. |
|
(4) |
Il-pożizzjoni tal-Unjoni fil-Kumitat Konġunt taż-ŻEE għandha għalhekk tkun ibbażata fuq l-abbozz ta' Deċiżjoni mehmuż, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata, f'isem l-Unjoni Ewropea fil-Kumitat Konġunt taż-ŻEE rigward l-emenda proposta għall-Protokoll 31 għall-Ftehim ŻEE, dwar kooperazzjoni f'oqsma speċifiċi li ma jagħmlux parti mill-erba' libertajiet, għandha tkun ibbażata fuq l-abbozz ta' Deċiżjoni tal-Kumitat Konġunt taż-ŻEE mehmuż ma' din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, il-5 ta' Ġunju 2014.
Għall-Kunsill
Il-President
N. DENDIAS
(1) ĠU L 305, 30.11.1994, p. 6.
(2) Regolament (UE) Nru 1296/2013 tal-Parlament Ewropew u tal-Kunsill tal-11 ta' Diċembru 2013 dwar Programm Ewropew għall-Impjiegi u l-Innovazzjoni Soċjali (“EaSI”) u li jemenda d-Deċiżjoni Nru 283/2010/UE li tistabbilixxi Faċilità Ewropea ta' Mikrofinanzjament Progress għall-impjiegi u l-inklużjoni soċjali (ĠU L 347, 20.12.2013, p. 238).
ABBOZZ
DEĊIŻJONI TAL-KUMITAT KONĠUNT TAŻ-ŻEE Nru …/2014
ta'
li temenda l-Protokoll 31 tal-Ftehim ŻEE, dwar kooperazzjoni f'oqsma speċifiċi li ma jagħmlux parti mill-erba' libertajiet
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim taż-ŻEE”), u partikolarment l-Artikoli 86 u 98 tiegħu,
Billi:
|
(1) |
Huwa xieraq li l-kooperazzjoni tal-Partijiet Kontraenti fil-Ftehim taż-ŻEE tiġi estiża u tinkludi r-Regolament (UE) Nru 1296/2013 tal-Parlament Ewropew u tal-Kunsill tal-11 ta' Diċembru 2013 dwar Programm tal-Unjoni Ewropea għall-Impjiegi u l-Innovazzjoni Soċjali (“EaSI”) u li jemenda d-Deċiżjoni Nru 283/2010/UE li tistabbilixxi Faċilità Ewropea ta' Mikrofinanzjament Progress għall-impjiegi u l-inklużjoni Soċjali (1). |
|
(2) |
Il-Protokoll 31 tal-Ftehim taż-ŻEE għandu għalhekk jiġi emendat sabiex din il-kooperazzjoni estiża tkun tista' tibda sseħħ mill-1 ta' Jannar 2014, |
ADOTTA DIN ID-DEĊIŻJONI:
Artikolu 1
L-Artikolu 15 tal-Protokoll 31 tal-Ftehim ŻEE għandu jiġi emendat kif ġej:
|
1. |
Fil-paragrafu 2, il-kliem “u li huma mwettqa qabel l-1 ta' Jannar 2014,” jiżdiedu wara l-kliem “paragrafu 1”. |
|
2. |
Dan li ġej jiżdied fil-paragrafu 8:
|
|
3. |
It-test tal-paragrafu 5 huwa sostitwit b'dan li ġej: “L-Istati tal-EFTA jipparteċipaw fl-attivitajiet tal-Komunità li hemm referenza għalihom fl-ewwel inċiż tal-paragrafu 8 sa mill-1 ta' Jannar 1999, fl-attivitajiet imsemmija fit-tieni inċiż sa mill-1 ta' Jannar 2003 u fl-attivitajiet li hemm referenza għalihom fit-tielet inċiż sa mill-1 ta' Jannar 2014.” |
Artikolu 2
Din id-Deċiżjoni għandha tidħol fis-seħħ fil-jum wara l-aħħar notifika skont l-Artikolu 103(1) tal-Ftehim ŻEE (*).
Għandu japplika mill-1 ta' Jannar 2014.
Artikolu 3
Din id-Deċiżjoni għandha tiġi ppubblikata fit-Taqsima taż-ŻEE tal-Ġurnal Uffiċjali tal-Unjoni Ewropea u fis-Suppliment taż-ŻEE tiegħu.
Magħmul fi Brussell,
Għall-Kumitat Konġunt taż-ŻEE
Il-President
Is-Segretarji
għall-Kumitat Konġunt taż-ŻEE
(1) ĠU L 347, 20.12.2013, p. 238.
(*) [L-ebda rekwiżiti kostituzzjonali ma huma indikati.] [Rekwiżiti kostituzzjonali indikati.]
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/42 |
DEĊIŻJONI TAL-KUNSILL 2014/349/PESK
tat-12 ta' Ġunju 2014
li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo (1), EULEX KOSOVO
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 28, l-Artikolu 42(4) u l-Artikolu 43(2) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
|
(1) |
Fl-4 ta' Frar 2008, il-Kunsill adotta l-Azzjoni Konġunta 2008/124/PESK (2). |
|
(2) |
Fit-8 ta' Ġunju 2010, il-Kunsill adotta d-Deċiżjoni 2010/322/PESK (3) li emendat l-Azzjoni Konġunta 2008/124/PESK u estendiet it-tul tal-Missjoni tal-Unjoni Ewropea għall-Istat tad-Dritt fil-Kosovo (EULEX KOSOVO) għal perijodu ta' sentejn sal-14 ta' Ġunju 2012. |
|
(3) |
Fis-6 ta' Ġunju 2012, il-Kunsill adotta d-Deċiżjoni 2012/291/PESK (4) li emendat l-Azzjoni Konġunta 2008/124/PESK u estendiet it-tul tal-EULEX KOSOVO għal perijodu ta' sentejn sal-14 ta' Ġunju 2014. |
|
(4) |
Wara r-rakkomandazzjonijiet fir-Reviżjoni Strateġika adottata fl-2014, huwa meħtieġ li t-tul tal-EULEX KOSOVO jiġi estiż għal perijodu ulterjuri ta' sentejn. |
|
(5) |
Fis-27 ta' Mejju 2013, il-Kunsill adotta d-Deċiżjoni 2013/241/PESK (5) li emendat l-Azzjoni Konġunta 2008/124/PESK biex tipprovdi għal ammont ta' referenza finanzjarja maħsub biex ikopri l-perijodu mill-15 ta' Ġunju 2013 sal-14 ta' Ġunju 2014. L-Azzjoni Konġunta 2008/124/PESK għandha tiġi emendata biex tipprovdi ammont ġdid ta' referenza finanzjarja maħsub sabiex ikopri l-perijodu mill-15 ta' Ġunju 2014 sal-14 ta' Ottubru 2014. |
|
(6) |
Il-EULEX KOSOVO ser titmexxa fil-kuntest ta' sitwazzjoni li tista' tiddeterjora u li tista' timpedixxi l-ksib tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat. |
|
(7) |
L-Azzjoni Konġunta 2008/124/PESK għandha għalhekk tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
L-Azzjoni Konġunta 2008/124/PESK hija emendata kif ġej:
|
(1) |
L-Artikolu 8 huwa emendat kif ġej:
|
|
(2) |
L-Artikolu 9(4) huwa sostitwit b'dan li ġej: “4. Il-persunal kollu għandu jwettaq dmirijietu u jaġixxi fl-interess tal-Missjoni. Il-persunal kollu għandu jirrispetta l-prinċipji tas-sigurtà u l-istandards minimi stabbiliti mid-Deċiżjoni tal-Kunsill 2013/488/UE (*). (*) Deċiżjoni tal-Kunsill 2013/488/UE tat-23 ta' Settembru 2013 dwar ir-regoli ta' sigurtà għall-protezzjoni ta' informazzjoni klassifikata tal-UE (ĠU L 274, 15.10.2013, p. 1).”;" |
|
(3) |
L-Artikolu 10(3) huwa sostitwit b'dan li ġej: “3. Il-kondizzjonijiet tal-impjieg u d-drittijiet u l-obbligi tal-persunal internazzjonali u lokali għandhom jiġu stabbiliti fil-kuntratti li għandhom jiġu konklużi bejn il-EULEX KOSOVO u l-membri tal-persunal ikkonċernati.”; |
|
(4) |
L-Artikolu 14(7) huwa sostitwit b'dan li ġej: “7. Il-Kap tal-Missjoni għandu jiżgura l-protezzjoni tal-informazzjoni klassifikata tal-UE f'konformità mad-Deċiżjoni 2013/488/UE.”; |
|
(5) |
Jiżdied l-Artikolu li ġej: “Artikolu 15a. Arranġamenti legali Il-EULEX KOSOVO għandha l-kapaċità li takkwista servizzi u provvisti, li tikkonkludi kuntratti u arranġamenti amministrattivi, li timpjega persunal, li jkollha kontijiet bankarji, li takkwista u tiddisponi mill-assi u tħallas l-obbligazzjonijiet tagħha, u li tkun parti għal proċeduri legali, kif meħtieġ sabiex tiġi implimentata din l-Azzjoni Konġunta.”; |
|
(6) |
L-Artikolu 16 huwa emendat kif ġej:
|
|
(7) |
Jiżdied l-Artikolu li ġej: “Artikolu 16a. Ċellula ta' proġetti 1. L-EULEX KOSOVO għandu jkollha Ċellula ta' Proġetti għall-identifikazzjoni u l-implimentazzjoni tal-proġetti. Il-EULEX KOSOVO għandha, skont kif ikun meħtieġ, tikkoordina, tiffaċilita, u tipprovdi parir dwar proġetti implimentati mill-Istati Membri u Stati terzi taħt ir-responsabbiltà tagħhom f'oqsma marbutin mal-EULEX KOSOVO u b'appoġġ għall-objettivi tagħha. 2. L-EULEX KOSOVO hija awtorizzata li tuża l-kontribuzzjonijiet finanzjarji tal-Istati Membri jew ta' Stati terzi għall-implimentazzjoni ta' proġetti identifikati bħala li jissupplimentaw b'mod konsistenti azzjonijiet oħra tal-EULEX KOSOVO, jekk il-proġett ikun:
3. Il-KPS għandu jaqbel dwar l-aċċettazzjoni ta' kontribuzzjoni finanzjarja minn Stati terzi għaċ-Ċellula ta' proġetti.” |
|
(8) |
Fl-Artikolu 18, il-paragrafi 1 u 2 huma emendati kif ġej: “1. Ir-RGħ huwa awtorizzat li jirrilaxxa lin-Nazzjonijiet Uniti, lin-NATO/KFOR u lil partijiet terzi oħrajn, assoċjati ma' din l-Azzjoni Konġunta, informazzjoni klassifikata tal-UE u dokumenti ġġenerati għall-finijiet tal-EULEX KOSOVO sal-livell tal-klassifikazzjoni rilevanti rispettivament għal kull wieħed minnhom, f'konformità mad-Deċiżjoni 2001/488/UE. Għandhom jitfasslu arranġamenti tekniċi lokali biex dan jiġi ffaċilitat. 2. Fil-każ ta' ħtieġa operazzjonali speċifika u immedjata, ir-RGħ huwa awtorizzat ukoll li jirrilaxxa lill-awtoritajiet lokali kompetenti informazzjoni u dokumenti klassifikati tal-UE sal-livell ‘RESTREINT UE/ EU RESTRICTED’ iġġenerati għall-finijiet tal-EULEX KOSOVO, f'konformità mad-Deċiżjoni 2013/488/UE. Fil-każijiet l-oħrajn kollha, tali informazzjoni u dokumenti għandhom jiġu rilaxxati lill-awtoritajiet lokali kompetenti f'konformità mal-proċeduri adatti għal-livell ta' kooperazzjoni ta' dawk l-awtoritajiet mal-UE.”; |
|
(9) |
Fl-Artikolu 20, it-tieni subparagrafu huwa sostitwit b'dan li ġej: “Hija għandha tiskadi fl-14 ta' Ġunju 2016.”. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, it-12 ta' Ġunju 2014.
Għall-Kunsill
Il-President
Y. MANIATIS
(1) Dan l-isem huwa mingħajr preġudizzju għal pożizzjonijiet dwar l-istatus, u huwa konformi mal-UNSCR 1244 (1999) u mal-Opinjoni tal-QIĠ dwar id-dikjarazzjoni ta' indipendenza tal-Kosovo.
(2) Azzjoni Konġunta tal-Kunsill 2008/124/PESK tal-4 ta' Frar 2008 dwar il-Missjoni tal-Unjoni Ewropea għall-Istat tad-Dritt fil-Kosovo, EULEX KOSOVO (ĠU L 42, 16.2.2008, p. 92).
(3) Deċiżjoni tal-Kunsill 2010/322/PESK tat-8 ta' Ġunju 2010 li temenda u testendi l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo, EULEX KOSOVO (ĠU L 145, 11.6.2010, p. 13).
(4) Deċiżjoni tal-Kunsill 2012/291/PESK tal-5 ta' Ġunju 2012 li temenda u testendi l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo, EULEX KOSOVO (ĠU L 146, 6.6.2012, p. 46).
(5) Deċiżjoni tal-Kunsill 2013/241/PESK tas-27 ta' Mejju 2013 li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo, EULEX KOSOVO (ĠU L 141, 28.5.2013, p. 47).
|
13.6.2014 |
MT |
Il-Ġurnal Uffiċjali tal-Unjoni Ewropea |
L 174/45 |
DEĊIŻJONI TAL-KUMMISSJONI
tal-5 ta' Ġunju 2014
li tistabbilixxi l-kriterji ekoloġiċi għall-għoti tal-Ekotikketta tal-UE għall-prodotti tessili
(notifikata bid-dokument C(2014) 3677)
(Test b'rilevanza għaż-ŻEE)
(2014/350/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta' Novembru 2009 dwar skema ta' Ekotikketta tal-UE (1), u b'mod partikolari l-Artikolu 8(2) tiegħu,
Wara li kkonsultat il-Bord tal-Ekotikkettar tal-Unjoni Ewropea,
Billi:
|
(1) |
Skont ir-Regolament (KE) Nru 66/2010, l-Ekotikketta tal-UE tista' tingħata lill-prodotti b'impatt ambjentali mnaqqas matul iċ-ċiklu kollu ta' ħajjithom. |
|
(2) |
Ir-Regolament (KE) Nru 66/2010 jipprevedi li kriterji speċifiċi tal-Ekotikketta tal-UE għandhom jiġu stabbiliti skont il-gruppi tal-prodotti. |
|
(3) |
Id-Deċiżjoni tal-Kummissjoni 2009/567/KE (2) stabbilixxiet il-kriterji ekoloġiċi u r-rekwiżiti relatati tal-valutazzjoni u l-verifika għall-prodotti tessili, li huma validi sat-30 ta' Ġunju 2014. |
|
(4) |
Sabiex tkun riflessa aħjar l-aktar teknoloġija aġġornata tas-suq għal dan il-grupp ta' prodotti, u sabiex titqies l-innovazzjoni li tkun saret matul il-perjodu intermedjarju, jitqies xieraq li jiġi modifikat l-ambitu tal-grupp ta' prodotti u jiġi stabbilit sett rivedut ta' kriterji ekoloġiċi. |
|
(5) |
Il-kriterji għandhom l-għan, b'mod partikolari, li jidentifikaw il-prodotti li għandhom impatt ambjentali iktar baxx matul iċ-ċiklu ta' ħajjithom, b'titjib speċifiku biex b'hekk: jinkisbu minn forom aktar sostenibbli tal-agrikoltura u tal-forestrija, jiġu mmanifatturati bl-użu aktar effiċjenti tar-riżorsi u tal-enerġija, jintużaw proċessi li jniġġsu anqas, immanifatturati billi jintużaw sustanzi anqas perikolużi, u ddisinjati u speċifikati biex ikunu ta' kwalità għolja u durabbli. Il-kriterji għall-għoti tal-Ekotikketta tal-UE għat-tessuti huma stabbiliti għall-aspetti msemmija qabel u għandhom jiġu promossi dawk il-prodotti bi prestazzjoni mtejba f'dawn l-aspetti. Għalhekk jixraq li jiġu stabbiliti kriterji tal-Ekotikketta tal-UE għall-grupp ta' prodotti “tessuti”. |
|
(6) |
Il-kriterji riveduti, kif ukoll ir-rekwiżiti relatati tal-valutazzjoni u tal-verifika, għandhom ikunu validi għal erba' snin mid-data tal-adozzjoni ta' din id-Deċiżjoni, filwaqt li jitqies iċ-ċiklu ta' innovazzjoni għal dan il-grupp ta' prodotti. |
|
(7) |
Għaldaqstant, id-Deċiżjoni 2009/567/KE għandha tinbidel b'din id-Deċiżjoni. |
|
(8) |
Għandu jingħata perjodu tranżitorju għall-produtturi li l-prodotti tagħhom ingħataw l-Ekotikketta tal-UE għall-prodotti tessili abbażi tal-kriterji stabbiliti fid-Deċiżjoni 2009/567/KE, sabiex ikollhom żmien biżżejjed biex jadattaw il-prodotti tagħhom biex isiru konformi mal-kriterji u r-rekwiżiti riveduti. |
|
(9) |
Il-miżuri previsti f'din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
1. Il-grupp ta' prodotti “prodotti tessili” għandu jinkludi:
|
(a) |
Ħwejjeġ tal-ilbies u aċċessorji tessili: ħwejjeġ tal-ilbies u aċċessorji li jikkonsistu f'mill-inqas 80 % bil-piż ta' fibri tessili f'forma minsuġa, mhux minsuġa jew maħduma bil-labar. |
|
(b) |
Tessuti għal ġewwa: prodotti tessili għal użu fuq ġewwa li jikkonsistu f'mill-inqas 80 % bil-piż ta' fibri tessili f'forma minsuġa, mhux minsuġa jew maħduma bil-labar; |
|
(c) |
Fibri, ħajt, drapp u pannelli maħduma bil-labar: maħsuba għall-użu fi ħwejjeġ tal-ilbies u aċċessorji tessili u tessuti għal ġewwa, inklużi drapp għat-tappizzerija u kisi għall-mili tal-imtieraħ qabel l-applikazzjoni tar-rinforz u tat-trattamenti marbuta mal-prodott finali; |
|
(d) |
Elementi mhux ta' fibra: żippijiet, buttuni u aċċessorji oħra li huma inkorporati fil-prodott. Membrani, kisi u laminati. |
|
(e) |
Prodotti tat-tindif: prodotti tad-drapp minsuġa jew mhux minsuġa maħsuba għat-tindif fl-umdità jew fix-xott tal-uċuħ u l-ixxuttar ta' oġġetti tal-kċina. |
2. Il-prodotti li ġejjin mhumiex inklużi fil-grupp ta' prodotti “prodotti tessili”:
|
(a) |
prodotti li huma maħsuba biex jintremew wara li jintużaw darba biss; |
|
(b) |
kisi tal-art, kopert mid-Deċiżjoni tal-Kummissjoni 2009/967/KE (3) |
|
(c) |
drappijiet li jiffurmaw parti minn strutturi maħsuba għall-użu fuq barra. |
3. Ħwejjeġ, drappijiet u fibri li fihom dawn li ġejjin u huma esklużi mill-grupp ta' prodotti.
|
(a) |
tagħmir elettriku jew li jifforma parti integrali miċ-ċirkwiterija elettrika; |
|
(b) |
tagħmir jew sustanzi mimlija maħsuba biex iħossu l-bidliet fil-kundizzjonijiet ambjentali jew biex jirreaġixxu għalihom. |
Artikolu 2
Id-definizzjonijiet li ġejjin għandhom japplikaw għall-fini ta' din id-Deċiżjoni:
|
(a) |
“fibri tessili” tfisser fibri naturali, fibri sintetiċi u fibri ċellulożi magħmula mill-bniedem; |
|
(b) |
“Fibri naturali” tfisser qoton u fibri oħra ta' żrieragħ ċellulożi naturali, kittien u fibri oħra tat-tilju, suf u fibri oħra tal-keratina; |
|
(c) |
“Fibri sintetiċi” tfisser akriliku, elastane, poliammid, poliester u polipropilen; |
|
(d) |
“Fibri ċellulożi magħmula mill-bniedem” tfisser lijoċell, modal u viskuż. |
Artikolu 3
Għal “ħwejjeġ tal-ilbies u aċċessorji tessili” u għal mili ta' “tessuti għal ġewwa”, inforor, padding, membrani, u kisjiet magħmula minn fibri inklużi fil-kamp ta' applikazzjoni ta' din id-Deċiżjoni ma għandhomx għalfejn jitqiesu fil-kalkolu tal-perċentwal tal-fibri tessili.
Artikolu 4
Il-materjali tal-mili li mhumiex magħmula minn fibri tessili għandhom jikkonformaw mar-restrizzjonijiet elenkati fil-kriterju 10 stabbiliti fl-Anness u li jikkonċernaw l-awżiljarji, tensjoattivi, bijoċidi u formaldeid.
Artikolu 5
Il-kriterji biex tingħata l-Ekotikketta tal-UE skont ir-Regolament (KE) Nru 66/2010, għal prodott li jaqa' fil-grupp ta' prodotti “prodotti tessili” kif definit fl-Artikolu 1 ta' din id-Deċiżjoni, kif ukoll ir-rekwiżiti relatati tal-valutazzjoni u tal-verifika huma stabbiliti fl-Anness.
Artikolu 6
Il-kriterji u r-rekwiżiti tal-valutazzjoni relatati stabbiliti fl-Anness, għandhom ikunu validi għal erba' snin mid-data tal-adozzjoni ta' din id-Deċiżjoni.
Artikolu 7
Għall-finijiet amministrattivi, in-numru tal-kodiċi assenjat lill-grupp ta' prodotti “prodotti tessili” għandu jkun “016”.
Artikolu 8
Id-Deċiżjoni 2009/567/KE hija mħassra.
Artikolu 9
1. L-applikazzjonijiet għall-Ekotikketta tal-UE għal prodotti li jaqgħu fil-grupp tal-prodotti “prodotti tessili” ppreżentati fi żmien xahrejn mid-data tal-adozzjoni ta' din id-Deċiżjoni jistgħu jkunu bbażati jew fuq il-kriterji stabbiliti fid-Deċiżjoni 2009/567/KE, jew fuq il-kriterji stabbiliti f'din id-Deċiżjoni. L-applikazzjonijiet għandhom ikunu evalwati skont il-kriterji li huma bbażati fuqhom.
2. Il-liċenzji għall-Ekotikketta tal-UE mogħtija skont il-kriterji stabbiliti fid-Deċiżjoni 2009/567/KE jistgħu jintużaw għal 12-il xahar mid-data tal-adozzjoni ta' din id-Deċiżjoni.
Artikolu 10
Din id-Deċiżjoni hija indirizzata lill-Istati Membri.
Magħmul fi Brussell, il-5 ta' Ġunju 2014.
Għall-Kummissjoni
Janez POTOČNIK
Membru tal-Kummissjoni
(2) Id-Deċiżjoni tal-Kummissjoni 2009/567/KE tad-9 ta' Lulju 2009 li tistabbilixxi l-kriterji ekoloġiċi għall-għoti tal-Ekotikketta Komunitarja lill-prodotti tessili (ĠU L 197, 29.7.2009, p. 70).
(3) Id-Deċiżjoni tal-Kummissjoni 2009/967/KE tat-30 ta' Novembru 2009 li tistabbilixxi l-kriterji ekoloġiċi għall-għoti tal-Ekotikketta Komunitarja għall-kisi tessili tal-art (ĠU L 332, 17.12.2009, p. 1).
ANNESS
Il-kriterji għall-aġġudikazzjoni tal-Ekotikketta tal-UE għall-prodotti tat-tessut, kif ukoll is-sottokategoriji li taħthom huma miġbura, huma kif ġej:
Fibri tessili
|
1. |
Fibri tal-qoton u ta' żrieragħ ċellulożi naturali oħrajn |
|
2. |
Kittien u fibri oħrajn tat-tilju |
|
3. |
Suf u fibri oħrajn tal-keratina |
|
4. |
Akrilik |
|
5. |
Elastane |
|
6. |
Poljamide |
|
7. |
Poliester |
|
8. |
Polipropilen |
|
9. |
Fibri ċellulożi magħmula mill-bniedem (lijoċell, modal u visk) |
Komponenti u aċċessorji
|
10. |
Mili |
|
11. |
Kisjiet, laminati u membrani |
|
12. |
Aċċessorji |
Sustanzi kimiċi u proċessi
|
13. |
Lista ta' Sustanzi Ristretti (RSL) |
|
14. |
Sostituzzjoni ta' sustanzi perikolużi fl-għoti tal-kulur taż-żebgħa, fl-istampar u fl-irfinatura |
|
15. |
L-effiċjenza fl-użu tal-enerġija għall-ħasil, għat-tnixxif u għat-tqaddid |
|
16. |
It-trattament tal-emissjonijiet fl-arja u fl-ilma |
L-adegwatezza għall-użu
|
17. |
Bidliet dimensjonali matul il-ħasil u t-tnixxif |
|
18. |
Iż-żamma tal-kulur fil-ħasil |
|
19. |
Iż-żamma tal-kulur fil-għaraq (aċidu, alkalin) |
|
20. |
Iż-żamma tal-kulur fit-tagħrik bit-tixrib |
|
21. |
Iż-żamma tal-kulur fit-tagħrik bit-tnixxif |
|
22. |
Iż-żamma tal-kulur fid-dawl |
|
23. |
Ir-reżistenza tal-prodotti tat-tindif għall-ħasil |
|
24. |
Ir-reżistenza tad-drappijiet għall-ifformar f'għamla ta' pilloli u għall-brix |
|
25. |
Id-durabbiltà tal-funzjoni |
Ir-Responsabbiltà Soċjali Korporattiva
|
26. |
Il-prinċipji u d-drittijiet fundamentali fuq il-post tax-xogħol |
|
27. |
Restrizzjoni fuq it-tindif bit-tfigħ tar-ramel (sandblasting) tad-denim |
Informazzjoni ta' appoġġ
|
28. |
L-informazzjoni li tidher fuq l-Ekotikketta |
Barra minn hekk, l-Appendiċi 1 jinkludi l-RSL imsemmija fil-kriterju 13. Din telenka r-restrizzjonijiet li japplikaw għal sustanzi perikolużi li jistgħu jintużaw fil-manifattura ta' prodotti tessili u li jistgħu jkunu preżenti fil-prodott finali.
Il-kriterji tal-Ekotikketta jirriflettu l-prodotti bl-aqwa prestazzjoni ambjentali fis-suq tat-tessuti. Filwaqt li l-użu ta' prodotti kimiċi u r-rilaxx tas-sustanzi li jniġġsu huma parti mill-proċess tal-produzzjoni, prodott li jkollu l-Ekotikketta tal-UE jiggarantixxi lill-konsumatur li l-użu ta' tali sustanzi kien limitat kemm jista' jkun teknikament possibbli mingħajr ħsara għall-adegwatezza tiegħu għall-użu.
Kull meta jkun possibbli, il-kriterji jeskludu, jew inkella jirrestrinġu għall-minimu, il-konċentrazzjoni (meħtieġa għall-provvista ta' funzjonijiet u karatteristiċi speċifiċi) ta' numru ta' sustanzi identifikati bħala perikolużi jew potenzjalment perikolużi għas-saħħa tal-bniedem u għall-ambjent li jistgħu jintużaw għall-manifattura tat-tessuti. Huwa biss meta s-sustanza tkun meħtieġa sabiex jintlaħqu l-aspettattivi tal-prestazzjoni tal-konsumaturi jew ir-rekwiżiti obbligatorji għall-prodott (pereżempju r-reżistenza għall-fjammi), u meta ma jkunx hemm alternattivi disponibbli li jkunu ġew applikati u ttestjati, li tkun tista' tingħata deroga sabiex tintuża tali sustanza fl-Ekotikketta.
Id-derogi jiġu evalwati fuq il-bażi tal-prinċipju ta' prekawzjoni u fuq il-bażi tal-evidenza teknika u xjentifika, speċjalment jekk ikun hemm prodotti aktar sikuri fis-suq.
L-ittestjar tal-prodotti għal sustanzi perikolużi ristretti jintalab sabiex tiġi pprovduta assigurazzjoni ta' livell għoli lill-konsumaturi. Qegħdin jiġu imposti wkoll kondizzjonijiet stretti fuq il-proċessi tal-manifattura tat-tessuti sabiex jiġi kkontrollat it-tniġġis tal-ilma u tal-arja, kif ukoll sabiex titnaqqas l-espożizzjoni tal-forza tax-xogħol. Il-verifika tal-konformità mal-kriterji tiġi fformulata b'tali mod li tipprovdi livell għoli ta' assigurazzjoni lill-konsumaturi, tirrifletti l-potenzjal prattiku għall-applikanti sabiex jiksbu informazzjoni mill-katina tal-provvista u teskludi l-potenzjal għal “parassitiżmu” mill-applikanti.
Sabiex juri l-konformità mal-kriterji, l-applikant għandu jiddikjara l-informazzjoni li ġejja dwar il-prodott(i) u l-katina tal-provvista tagħhom:
Kull kriterju jinkludi rekwiżiti ddettaljati tal-verifika li jitolbu lill-applikant jiġbor id-dikjarazzjonijiet, id-dokumentazzjoni, l-analiżi, ir-rapporti tal-ittestjar u evidenza oħra relatata mal-prodott(i) u l-katina tal-provvista tagħhom.
Il-validità tal-liċenzja hija bbażata fuq verifika mal-applikazzjoni u, fejn speċifikat taħt il-kriterju 13, ittestjar tal-prodott li għandu jiġi sottomess lill-korpi kompetenti għal verifika. Il-bidliet fil-fornituri u fis-siti tal-produzzjoni li jappartjenu għall-prodotti liċenzjati għandhom jiġu nnotifikati lill-korpi kompetenti, flimkien ma' informazzjoni ta' appoġġ sabiex tiġi vverifikata l-konformità kontinwa mal-kondizzjonijiet tal-liċenzja.
Il-korpi kompetenti għandhom jirrikonoxxu preferenzjalment it-testijiet mil-laboratorji akkreditati skont l-ISO 17025 u l-verifiki mwettqa minn korpi li huma akkreditati skont l-istandard EN 45011 jew standard internazzjonali ekwivalenti.
L-unità funzjonali, li magħha għandhom ikunu relatati d-dħul u l-ħruġ, hija ta' 1 kg tal-prodott tessili f'kondizzjonijiet normali (65 % RH ± 4 % u 20 °C ± 2 °C; dawn il-kondizzjonijiet tan-normi huma speċifikati fl-ISO 139 Tessuti — l-atmosferi standard għall-kondizzjonament u l-ittestjar).
Meta l-applikant juża sistema ta' ċertifikazzjoni sabiex jipprovdi verifiki indipendenti, is-sistema magħżula u s-sistemi assoċjati għall-akkreditazzjoni tal-verifikaturi għandhom jissodisfaw ir-rekwiżiti ġenerali ta' EN 45011 u ISO 17065. Fejn ikun xieraq, il-korpi kompetenti jista' jkollhom bżonn dokumentazzjoni ta' appoġġ u jistgħu jwettqu verifiki indipendenti u żjarat fuq il-post.
Huwa rrakkomandat li l-korpi kompetenti jieħdu f'kunsiderazzjoni l-implimentazzjoni ta' skemi rikonoxxuti ta' ġestjoni ambjentali, bħal EMAS, ISO 14001 u ISO 50001, meta jivvalutaw l-applikazzjonijiet u jimmonitorjaw il-konformità mal-kriterji (nota: mhuwiex meħtieġ li jiġu implimentati tali skemi ta' ġestjoni).
IL-KRITERJI TAL-EKOTIKKETTA TAL-UE
L-applikanti għandhom juru l-konformità mal-kriterji rilevanti għall-kompożizzjoni tal-materjal, għall-formulazzjonijiet kimiċi, għas-siti tal-produzzjoni u l-adegwatezza għall-użu tal-prodotti li jixtiequ li jkollhom l-Ekotikketta.
1. IL-KRITERJI TAL-FIBRI TESSILI
Il-kriterji speċifiċi għall-fibri huma stipulati f'din it-taqsima għat-tipi ta' fibri li ġejjin:
|
(a) |
Fibri naturali: Il-qoton u fibri ta' żrieragħ ċellulożi naturali oħrajn, il-kittien u fibri oħrajn tat-tilju, is-suf u fibri oħrajn tal-keratina; |
|
(b) |
Fibri sintetiċi: L-akrilik, l-elastane, il-poljamide, il-poliester u l-polipropilene; |
|
(c) |
Fibri ċellulożi magħmula mill-bniedem: il-lijoċell, il-modal u l-visk. |
Il-kriterji għal tip ta' fibra partikolari ma għandhomx bżonn jiġu ssodisfati jekk fibra tikkontribwixxi għal inqas minn 5 % tal-piż totali tal-prodott jew jekk hija tikkostitwixxi kkuttunar jew lining. Bl-eċċezzjoni tal-poljamide u tal-poliester, dawn il-kriterji ma għandhomx bżonn jiġu ssodisfati:
|
(a) |
Mill-prodott kollu jekk dan ikun fih fibri b'kontenut irriċiklat li jikkostitwixxi mill-inqas 70 % skont il-piż tal-fibri kollha fil-prodott, |
|
(b) |
Minn fibri individwali li jifformaw parti mill-prodott bl-ekotikketta li jikkostitwixxi mill-inqas 70 % skont il-piż tal-kontenut irriċiklat. |
F'dan il-kuntest, il-fibri li fihom kontenut irriċiklat huma definiti bħala fibri li joriġinaw minn skart qabel jasal għand il-konsumaturi (inklużi skart mill-produzzjoni tal-polimer u tal-fibra, xtur ta' tessuti u skart ieħor prodott mill-manifatturi tal-ilbies), kif ukoll minn skart li jħallu l-konsumaturi (tessut u kull xorta ta' prodotti tessili u tal-fibri, kif ukoll skart mhux tessili, fosthom fliexken tax-xorb tal-PET u xbieki tas-sajd).
Il-kontenut irriċiklat għandu, bl-eċċezzjoni tal-fliexken tal-PET użati għall-manifattura tal-poliester, jissodisfa r-rekwiżiti tal-kriterju 13 RSL. Dan għandu jinkludi ttestjar analitiku aleatorju u annwali għall-gruppi ta' sustanzi speċifikati.
: il-kontenut irriċiklat għandu jkun rintraċċabbli lura għall-ipproċessar mill-ġdid tal-materja prima. Dan għandu jiġi vverifikat permezz ta' ċertifikazzjoni minn parti terza indipendenti tal-katina tal-kustodja jew permezz ta' dokumentazzjoni pprovduta mill-fornituri u mir-riproċessuri tal-materja prima. Fejn ikun meħtieġ mill-kriterju 13, għandhom jiġu pprovduti d-dikjarazzjonijiet u r-riżultati tal-ittestjar fil-laboratorju mill-manifatturi tal-fibri u mill-fornituri tal-materja prima.
Kriterju 1. Fibri tal-qoton u ta' żrieragħ ċellulożi naturali oħrajn (inkluż kapok)
Il-fibri tal-qoton u ta' żrieragħ ċellulożi naturali oħrajn (li minn hawn 'il quddiem issir referenza għalihom bħala qoton) għandu jkollhom kontenut minimu ta' qoton organiku (ara l-kriterju 1a) jew ta' qoton b'ġestjoni integrata tal-pesti (integrated pest management — IPM) (ara l-kriterju 1b). Minbarra dan:
|
— |
Il-qoton konvenzjonali u l-qoton IPM kollu li jintuża għandu jkun konformi mar-restrizzjonijiet fuq il-pestiċidi msemmija fil-kriterju 1c; |
|
— |
Għall-istandard tal-produzzjoni organika 1(a), il-qoton konvenzjonali u l-qoton IPM kollu li jintuża għandu jkun ġej minn varjetajiet mhux immodifikati ġenetikament; |
|
— |
Il-qoton organiku u l-qoton IPM kollu għandu jkun kompletament rintraċċabbli skont il-kriterju 1d. |
|
— |
L-ilbies għat-trabi ta' taħt it-3 snin għandu jkun fih minimu ta' 95 % qoton organiku |
Il-prodotti li jissodisfaw il-livelli limiti tal-kontenut speċifiku għall-qoton organiku jew IPM għandhom jitħallew juru test addizzjonali ħdejn l-Ekotikketta li jikkomunika l-pretensjoni tal-kontenut. Għal dan il-għan, qiegħda tiġi pprovduta gwida fil-kriterju 28.
1(a) Standard tal-produzzjoni organika
Bl-eċċezzjoni tal-prodotti elenkati hawn taħt, minimu ta' 10 % tal-qoton għandu jitkabbar skont ir-rekwiżiti stipulati fir-Regolament tal-Kunsill (KE) Nru 834/2007 (1), fil-Programm Organiku Nazzjonali (NOP) tal-Istati Uniti jew fl-obbligi legali ekwivalenti stabbiliti mill-imsieħba kummerċjali tal-UE. Il-kontenut tal-qoton organiku jista' jinkludi qoton imkabbar b'mod organiku u qoton organiku tranżitorju.
Il-kontenut ta' qoton tal-prodotti li ġejjin għandu jinkludi minimu ta' 95 % qoton organiku: T-shirts, flokkijiet tan-nisa, qomos każwali, jeans, piġami u lbies ta' bil-lejl, ħwejjeġ ta' taħt u kalzetti.
: Il-kontenut organiku għandu jiġi ċċertifikat minn korp ta' kontroll indipendenti u għandu jkun ġie prodott skont ir-rekwiżiti tal-produzzjoni u tal-ispezzjoni stipulati fir-Regolament (KE) Nru 834/2007, tal-Programm Organiku Nazzjonali (NOP) tal-Istati Uniti jew dawk stabbiliti minn imsieħba kummerċjali oħrajn. Il-verifika għandha tiġi pprovduta fuq bażi annwali għal kull pajjiż ta' oriġini.
Il-varjetajiet mhux immodifikati ġenetikament tal-qoton għandhom jiġu vverifikati skont ir-Regolament (KE) Nru 1830/2003 tal-Parlament Ewropew u tal-Kunsill (2).
1(b) Il-produzzjoni tal-qoton skont il-prinċipji tal-IPM
Minimu ta' 20 % tal-qoton għandu jitkabbar skont il-prinċipji tal-IPM kif definiti mill-programm IPM tal-Organizzazzjoni tal-Ikel u l-Agrikoltura tan-Nazzjonijiet Uniti (FAO) jew skont is-sistemi tal-Ġestjoni Integrata tal-Uċuh tar-Raba' (ICM) li jinkorporaw il-prinċipji tal-IPM, filwaqt li għandu jikkonforma mar-restrizzjonijiet fuq il-pestiċidi stipulati fil-kriterju 1(c).
Għall-prodotti li ġejjin, il-perċentwal minimu tal-qoton li għandu jitkabbar skont il-prinċipji tal-IPM kif definit hawn fuq għandu jkun ta' 60 %: T-shirts, flokkijiet tan-nisa, qomos każwali, jeans, piġami u lbies ta' bil-lejl, ħwejjeġ ta' taħt u kalzetti.
: L-applikant għandu jipprovdi evidenza li l-qoton tkabbar minn bdiewa li pparteċipaw fi programmi ta' taħriġ informali tal-FAO tan-Nazzjonijiet Uniti jew fil-programmi IPM u ICM tal-Gvern u/jew li l-qoton ġie vverifikat bħala parti mill-iskemi tal-IPM iċċertifikati minn parti terza. Il-verifika għandha tiġi pprovduta jew fuq bażi annwali għal kull pajjiż ta' oriġini jew inkella fuq il-bażi ta' ċertifikazzjonijiet għall-balal kollha tal-qoton IPM mixtrija għall-manifattura tal-prodott.
Il-konformità mar-restrizzjoni fuq il-pestiċidi ma għandhiex tkun meħtieġa għal dawk l-iskemi li jipprojbixxu l-użu tas-sustanzi elenkati fil-kriterju 1(c) u fejn l-ittestjar jitwettaq jew id-dikjarazzjonijiet tan-nuqqas ta' użu jinkisbu minn bdiewa u/jew gruppi ta' produtturi agrikoli li jiġu vverifikati permezz ta' żjarat fuq il-post imwettqa minn korpi ta' kontroll akkreditati minn gvernijiet nazzjonali jew skemi rikonoxxuti għaċ-ċertifikazzjoni tal-qoton organiku jew IPM.
Il-qoton IPM mhux immodifikat ġenetikament, li jintuża flimkien mal-qoton organiku, għandu jiġi vverifikat skont ir-Regolament (KE) Nru 1830/2003. L-iskemi tal-IPM li jeskludu l-qoton immodifikat ġenetikament għandhom jiġu aċċettati bħala prova tal-konformità għall-kontenut tal-IPM.
1(c) Restrizzjonijiet fuq il-pestiċidi li japplikaw għall-qoton konvenzjonali u għall-qoton IPM
Il-qoton kollu li jintuża fi prodotti tessili bl-ekotikketta, bl-eċċezzjoni tal-qoton organiku u l-qoton mill-iskemi applikabbli tal-IPM eżentati f'1(b), għandu jitkabbar mingħajr l-użu ta' kwalunkwe waħda mis-sustanzi li ġejjin:
Alaklor, aldikarb, aldrin, kamfeklor (toksafen), kaptafol, klordan, 2,4,5-T, klordimeform, klorobenżilat, ċipermetrina, DDT, dieldrin, dinoseb u l-imluħa tiegħu, endosulfan, endrin, glifosulfat, heptaklor, eżaklorobenżen, eżakloroċikloeżan (isomeri totali), metamidofos, metil-o-dematon, metilparatjon, monokrotofos, neonikotinojdi (klotjanidin, imidakloprid, tijametoksam), paratjon, fosfamidon, pentaklorofenol, tjofaneż, triafaneż, triażofos
B'kollox, il-qoton għandu jkun fih aktar minn 0,5 ppm tas-sustanzi elenkati hawn fuq.
: Il-qoton għandu jiġi ttestjat għas-sustanzi elenkati. Barra minn hekk, għandu jiġi pprovdut rapport tat-test abbażi tal-metodi tal-ittestjar li ġejjin, skont kif xieraq:
|
— |
US EPA 8081 B (il-pestiċidi tal-organoklorin, bl-estrazzjoni ultrasonika jew Soxhlet u s-solventi apolari (l-isoottane jew l-eżan)), |
|
— |
US EPA 8151 A (l-erbiċidi kklorinati, bl-użu tal-metanol), |
|
— |
US EPA 8141 B (il-komposti tal-organofosfru), |
|
— |
US EPA 8270 D (il-komposti organiċi semivolatili). |
It-testijiet għandhom isiru fuq kampjuni ta' qoton mhux ipproċessat minn kull pajjiż ta' oriġini qabel jgħaddi minn xi trattament bit-tixrib. Għal kull pajjiż ta' oriġini, l-ittestjar għandu jitwettaq fuq il-bażi li ġejja:
|
(i) |
Fejn jintuża lott wieħed biss ta' qoton fis-sena, għandu jittieħed kampjun minn balla magħżula b'mod aleatorju, |
|
(ii) |
Jekk jintużaw żewġ lottijiet jew aktar ta' qoton fis-sena, għandhom jittieħdu kampjuni komposti minn 5 % tal-balal. |
Mhuwiex meħtieġ li l-qoton jiġi ttestjat meta dan ikun ġie ċċertifikat minn skema tal-IPM li tipprojbixxi l-użu tas-sustanzi elenkati.
1(d) Ir-rekwiżiti tat-traċċabilità li japplikaw għall-qoton organiku u għall-qoton IPM
Il-qoton kollu li jitkabbar skont l-istandards tal-produzzjoni organika u tal-IPM u li jintuża għall-manifattura ta' prodott tessili bl-Ekotikketta għandu jkun rintraċċabbli mill-punt tal-verifika tal-istandard tal-produzzjoni sa, bħala minimu, il-produzzjoni tat-tessuti greige.
: l-applikant għandu juri l-konformità mar-rekwiżit tal-kontenut minimu tal-qoton jew għall-volum annwali tal-qoton mixtri jew inkella għat-taħlita ta' qoton li tintuża għall-manifattura tal-prodott(i) finali u skont kull linja tal-prodott:
|
(i) |
Fuq bażi annwalizzata: Għandhom jiġu pprovduti reġistri tat-tranżazzjonijiet u/jew fatturi li jiddokumentaw il-kwantità ta' qoton mixtri fuq bażi annwali minn bdiewa jew gruppi ta' produtturi, u/jew il-piż totali tal-balal iċċertifikati, sal-produzzjoni tat-tessuti greige. |
|
(ii) |
Fuq bażi tal-prodott finali: Għandha tiġi pprovduta dokumentazzjoni mill-istadji tal-għażel u/jew tal-produzzjoni tad-drappijiet. Id-dokumentazzjoni kollha għandha tagħmel referenza għall-Korp ta' Kontroll jew għaċ-ċertifikatur tal-forom differenti ta' qoton. |
Kriterju 2. Kittien u fibri oħrajn tat-tilju (inklużi l-qanneb, il-ġuta u r-rami)
2(a) Il-kittien u fibri oħrajn tat-tilju għandhom jitrattbu f'kondizzjonijiet ambjentali u mingħajr inputs tal-enerġija termali.
: l-applikant għandu jipprovdi dikjarazzjoni tal-metodu tat-trattib użat mill-bdiewa u/jew l-imtieħen tal-imxit li jfornu l-fibra.
2(b) Meta jintuża l-metodu tat-trattib bl-ilma, l-ilma mormi mill-għadajjar tat-trattib għandu jiġi ttrattat b'tali mod li jnaqqas is-COD jew it-TOC b'mill-inqas 75 % għall-fibri tal-qanneb u b'mill-inqas 95 % għall-kittien u għal fibri oħrajn tat-tilju.
: jekk jintuża l-metodu tat-trattib bl-ilma, l-applikant għandu jipprovdi rapport tat-test li juri l-konformità u l-użu tal-metodu tal-ittestjar li ġej: ISO 6060 (COD).
Kriterju 3. Suf u fibri oħrajn tal-keratina (inkluż suf minn nagħaġ u ħrief, u xagħar minn iġmla, alpaka u mogħoż)
3(a) It-totali tas-somma pprovduti fit-tabella 2 ma għandhomx jinqabżu għall-konċentrazzjonijiet ektoparassitiċi tas-suf fuq suf mhux ipproċessat qabel it-tagħrik.
Dawn ir-rekwiżiti ma għandhomx japplikaw jekk tkun tista' tiġi ppreżentata evidenza dokumentarja li tistabbilixxi l-identità tal-impriżi agrikoli li jipproduċu mill-inqas 75 % tal-fibri tas-suf jew tal-keratina inkwistjoni, flimkien ma' verifika indipendenti bbażata fuq żjarat fuq il-post li s-sustanzi elenkati hawn fuq ma ġewx applikati għall-oqsma jew għall-annimali kkonċernati.
Tabella
Ir-restrizzjonijiet tas-somma totali fuq il-konċentrazzjonijiet ektoparassitiċi fis-suf
|
Gruppi ektoparassitiċi |
Il-valur limitu tas-somma totali |
|
γ-eżakloroċikloeżan (lindan), α-eżakloroċikloeżan, β-eżakloroċikloeżan, δ-eżakloroċikloeżan, aldrin, dieldrin, endrin, p,p'-DDT, p,p'-DDD |
0,5 ppm |
|
Ċipermetrina, deltametrin, fenvalerat, ċjalotrin, flumetrin |
0,5 ppm |
|
Diażinon, propetamfos, klorfenvinfos, diklofentjon, klorprifos, fenchlorphos |
2 ppm |
|
Diflubenżuron, triflumuron, diċiklanil |
2 ppm |
Il-barraxa tas-suf li joperaw sistemi tal-ilma b'ċirkwit magħluq mingħajr ir-rilaxx tal-effluwent tal-ilma li jintrema u li jkissru l-ektoparassitiċidi msemmija fuq, li jistgħu jkunu preżenti fir-residwi tat-tagħrik u fil-ħama permezz ta' inċinerazzjoni, huma derogati mir-rekwiżit għall-ittestjar tas-suf, iżda għandhom jikkonformaw ma' mill-inqas tnejn mill-miżuri msemmija fil-punt 3(c).
: l-applikant għandu jew jipprovdi d-dokumentazzjoni indikata hawn fuq jew inkella jikkompila r-rapporti tat-testijiet, bl-użu tal-metodu tal-ittestjar li ġej: l-abbozz tal-metodu tal-ittestjar 59 tal-IWTO. It-test għandu jsir fuq lottijiet tal-bejgħ ta' suf mhux ipproċessat, skont il-pajjiż tal-oriġini (jekk ikunu mħalltin) u qabel isir kwalunkwe pproċessar bit-tixrib. Għandu jiġi ttestjat minimu ta' kampjun kompost wieħed ta' diversi lottijiet minn kull pajjiż ta' oriġini għal kull lott tal-ipproċessar. Kampjun kompost għandu jkun jikkonsisti minn:
|
(i) |
Fibri tas-suf minn mill-inqas 10 lottijiet ta' impriżi agrikoli magħżula b'mod aleatorju fi ħdan il-lott tal-bejgħ, jew |
|
(ii) |
Kampjun kompost wieħed għal kull impriża organika li tforni l-lottijiet fejn ikun hemm inqas minn 10 lottijiet tal-bejgħ fi ħdan il-lott tal-ipproċessar. |
B'mod alternattiv, jistgħu jiġu sottomessi ċertifikati tat-testijiet residwi għal-lottijiet tal-bejgħ kollha f'lott tal-ipproċessar.
Fejn tapplika deroga, l-applikant imbagħad ikun irid jipprovdi evidenza li tikkonferma l-konfigurazzjoni tal-impjant tat-tagħrik tas-suf flimkien ma' rapporti tat-testijiet fil-laboratorji li juru t-tkissir tal-ektoparassitiċidi li jistgħu jkunu preżenti fir-residwi tat-tagħrik u fil-ħama.
3(b) L-operazzjonijiet tat-tagħrik tas-suf għandhom inaqqsu s-COD effluwenti billi jimmassimizzaw it-tneħħija tal-ħmieġ u l-irkupru tal-grass, segwiti minn trattament skont il-valur speċifikat fit-tabella 3 fuq is-sit jew barra minnu. Il-limiti COD li ġejjin għandhom japplikaw għat-tagħrik tas-suf mhux ipproċessat u tas-suf fin u żejtni. Suf fin huwa definit bħala suf merino b'dijametru ta' ≤ 23,5 mikron.
Tabella 3
Il-valuri tas-COD għar-rilaxx finali tal-effluwent mit-tagħrik tas-suf
|
Tip ta' suf |
Rilaxx finali fl-ambjent (g COD/kg ta' suf żejtni) |
|
Suf oħxon |
25 g/kg |
|
Suf fin |
45 g/kg |
: l-applikant għandu jipprovdi dejta rilevanti u rapporti tat-testijiet relatati ma' dan il-kriterju, bl-użu tal-metodu tal-ittestjar li ġej: ISO 6060. Id-dejta għandha turi konformità mis-sit tat-tagħrik tas-suf jew, jekk l-effluwent jiġi ttrattat barra mis-sit, mill-operatur tat-trattament tal-ilma tal-iskart. Il-konformità ma' dan il-kriterju għandha tkun il-bażi tal-medji ta' kull xahar għas-sitt xhur ta' qabel l-applikazzjoni.
3(c) Il-barraxa tas-suf għandhom jimplimentaw mill-inqas waħda mill-miżuri li ġejjin sabiex jirkupraw il-valur minn grass ossidizzat, fibri, suint jew ħama li jirriżultaw mis-sit tat-tagħrik li jintuża għall-prodotti tas-suf bl-ekotikketta:
|
(i) |
l-irkupru għall-bejgħ bħala materja prima kimika, |
|
(ii) |
il-produzzjoni ta' kompost jew fertilizzant likwidu, |
|
(iii) |
il-manifattura ta' prodotti bħal materjal tal-bini, |
|
(iv) |
it-trattament u l-irkupru tal-enerġija permezz ta' diġestjoni anerobika jew inċinerazzjoni. |
: l-applikant għandu jipprovdi rapport u noti dwar it-trasferiment tal-iskart li jikkonfermaw it-tip u l-proporzjon ta' skart irkuprat u l-metodu użat.
Kriterju 4. Akrilik
4(a) L-emissjonijiet tal-akrilonitril fl-arja (matul il-polimerizzazzjoni sas-soluzzjoni lesta għall-għażil), espressi bħala medja annwali, għandhom ikunu inqas minn 1,0 g/kg ta' fibra prodotta.
: l-applikant għandu jipprovdi dokumentazzjoni ddettaljata u/jew rapporti tat-testijiet li juru l-konformità ma' dan il-kriterju, flimkien ma' dikjarazzjoni tal-konformità mill-manifattur(i) tal-fibri.
4(b) L-emissjonijiet mill-postijiet tax-xogħol tal-N,N-dimetilaċetammid (127-19-5) fl-arja matul il-polimerizzazzjoni u l-għażil ma għandhomx jaqbżu Valur Limitu Indikattiv ta' Espożizzjoni Professjonali (IOELV) ta' 10,0 ppm.
: il-valuri tal-emissjonijiet għandhom jitkejlu f'dawk l-istadji tal-proċess li fihom jintużaw is-sustanzi, espressi bħala valur medju fuq medda ta' 8 sigħat (valur medju ta' xift). L-applikant għandu jipprovdi rapporti tat-testijiet u dejta dwar il-monitoraġġ mingħand il-manifattur(i) tal-fibri li juru l-konformità ma' dan il-kriterju.
Kriterju 5. Elastan
5(a) Ma għandhomx jintużaw komposti tal-organotin għall-manifattura tal-fibri.
: l-applikant għandu jipprovdi dikjarazzjoni tan-nuqqas ta' użu mingħand il-manifattur(i) tal-fibri.
5(b) L-emissjonijiet mill-postijiet tax-xogħol tas-sustanzi li ġejjin fl-arja matul il-polimerizzazzjoni u l-għażil ma għandhomx jaqbżu l-valuri limiti indikattivi tal-espożizzjoni professjonali (IOELV) li ġejjin:
|
(i) |
difenilmetan-4,4'-diisoċjanat (101-68-8) 0,005 ppm |
|
(ii) |
toluen-2,4-diisoċjanat (584-84-9) 0,005 ppm |
|
(iii) |
N,N-dimetilaċetammid (127-19-5) 10,0 ppm |
: il-valuri tal-emissjonijiet għandhom jitkejlu f'dawk l-istadji tal-proċess li fihom jintużaw is-sustanzi, espressi bħala valur medju fuq medda ta' 8 sigħat (valur medju ta' xift). L-applikant għandu jipprovdi rapporti tat-testijiet u dejta dwar il-monitoraġġ mingħand il-manifattur(i) tal-fibri li juru l-konformità ma' dan il-kriterju.
Kriterju 6. Poliammid (jew najlon)
Il-prodotti tal-poliammid għandhom jikkonformaw ma' mill-inqas wieħed mill-istandards tal-produzzjoni elenkati fis-subkriterji 6(a) u 6(b).
Kwalunkwe prodott li jissodisfa l-limitu massimu tal-kontenut irriċiklat minimu għandu jitħalla juri test addizzjonali ħdejn l-Ekotikketta li jikkomunika pretensjoni dwar il-kontenut. Għal dan il-għan, qiegħda tiġi pprovduta gwida fil-kriterju 28.
6(a) Standard tal-produzzjoni 1: Il-kontenut irriċiklat minimu.
Il-fibri għandhom jiġu mmanifatturati bl-użu ta' kontenut minimu ta' 20 % najlon li jkun ġie rriċiklat minn skart iġġenerat qabel jasal għand il-konsumaturi u/jew skart li jħallu l-konsumaturi.
: il-kontenut irriċiklat għandu jkun rintraċċabbli lura għall-ipproċessar mill-ġdid tal-materja prima. Dan għandu jiġi vverifikat permezz ta' ċertifikazzjoni indipendenti tal-katina tal-kustodja jew permezz ta' dokumentazzjoni pprovduta mill-fornituri u mill-proċessuri.
6(b) Standard tal-produzzjoni 2: L-emissjonijiet tal-N2O mill-produzzjoni tal-monomeri.
L-emissjonijiet tal-N2O mill-produzzjoni tal-monomeri tan-najlon fl-arja, espressi bħala medja annwali, ma għandhomx jaqbżu d-9,0 g N2O/kg ta' kaprolaktam (għal najlon 6) jew ta' aċidu adipiku (għal najlon 6,6).
: l-applikant għandu jipprovdi dokumentazzjoni jew rapporti tat-testijiet li juru l-konformità abbażi tad-dejta dwar il-monitoraġġ, flimkien ma' dikjarazzjoni tal-konformità mill-manifattur(i) tal-fibri u mill-fornituri tal-materja prima.
Kriterju 7. Poliester
Il-prodotti tessili li huma primarjament għall-bejgħ lill-konsumaturi għandhom jikkonformaw mas-subkriterji (a) u (b). Il-prodotti tessili li huma primarjament għall-bejgħ lil klijenti kummerċjali jew fis-settur pubbliku għandhom jikkonformaw ma' (a) u (b) jew (c).
Kwalunkwe prodott li jissodisfa l-limitu massimu tal-kontenut irriċiklat minimu għandu jitħalla juri test addizzjonali ħdejn l-Ekotikketta li jikkomunika pretensjoni dwar il-kontenut. Għal dan il-għan, qiegħda tiġi pprovduta gwida fil-kriterju 28.
7(a) Il-livell ta' antimonju preżenti fil-fibri tal-poliester ma għandux jaqbeż il-260 ppm. Il-fibri tal-poliester immanifatturati minn fliexken irriċiklati tal-PET huma derogati minn dan ir-rekwiżit.
: l-applikant għandu jipprovdi dikjarazzjoni tan-nuqqas ta' użu jew rapport tat-test bl-użu tal-metodi tal-ittestjar li ġejjin: determinazzjoni diretta permezz ta' Spettrometrija tal-Assorbiment Atomiku jew permezz ta' Spettrometrija tal-Emissjoni Atomika bi Plażma Akkoppjata Induttivament (ICP). It-test għandu jitwettaq fuq kampjun kompost ta' fibri mhux ipproċessati qabel kwalunkwe pproċessar bit-tixrib. Għaldaqstant, għandha tiġi pprovduta dikjarazzjoni għall-fibri li jiġu mmanifatturati minn fliexken irriċiklati tal-PET.
7(b) Il-fibri għandhom jiġu mmanifatturati bl-użu ta' kontenut minimu ta' PET li jkun ġie rriċiklat minn skart iġġenerat qabel jasal għand il-konsumaturi u/jew skart li jħallu l-konsumaturi. Il-fibri diskontinwi għandu jkollhom kontenut minimu ta' 50 %, filwaqt li l-fibri b'filament għandu jkollhom kontenut minimu ta' 20 %. Il-mikrofibri huma derogati minn dan ir-rekwiżit u minflok għandhom jikkonformaw ma' (c).
: il-kontenut irriċiklat għandu jkun rintraċċabbli lura għall-ipproċessar mill-ġdid tal-materja prima. Dan għandu jiġi vverifikat permezz ta' ċertifikazzjoni indipendenti tal-katina tal-kustodja jew permezz ta' dokumentazzjoni pprovduta mill-fornituri u mill-proċessuri.
7(c) L-emissjonijiet tal-VOCs matul il-produzzjoni tal-poliester, espressi bħala medja annwali, inklużi kemm is-sorsi lokalizzati kif ukoll l-emissjonijiet fuġittivi, ma għandhomx jaqbżu 1.2 g/kg għal-laqx tal-PET u 10.3 g/kg għall-fibri b'filament.
: l-applikant għandu jipprovdi dejta dwar il-monitoraġġ u/jew rapporti tat-testijiet li juru l-konformità ma' EN 12619 jew standards b'metodu ta' ttestjar ekwivalenti. Il-medji ta' kull xahar għall-emissjonijiet totali tal-komposti organiċi mis-siti tal-produzzjoni għall-prodotti b'ekotikketta għandhom jiġu pprovduti għal minimu ta' sitt xhur qabel l-applikazzjoni.
Kriterju 8. Polipropilen
Ma għandhomx jintużaw pigmenti bbażati fuq iċ-ċomb.
: l-applikant għandu jipprovdi dikjarazzjoni tan-nuqqas ta' użu.
Kriterju 9. Fibri ċellulożi magħmula mill-bniedem (lijoċell, modal u visk)
Is-subkriterji tal-produzzjoni tal-polpa
9(a) Minimu ta' 25 % ta' fibri tal-polpa għandhom jiġu mmanifatturati minn injam li jkun tkabbar skont il-prinċipji tal-ġestjoni tal-forestrija sostenibbli kif definit mill-FAO tan-Nazzjonijiet Uniti. Il-proporzjon li jifdal tal-fibri tal-polpa għandu jkun ġej minn polpa li tittieħed minn pjantaġġuni u forestrija legali.
: l-applikant għandu jikseb mingħand il-manifattur(i) tal-fibri ċertifikati validi u ċċertifikati b'mod indipendenti tal-katina tal-kustodja li juru li l-fibri tal-injam tkabbru skont il-prinċipji tal-ġestjoni tal-forestrija sostenibbli u/jew ittieħdu minn sorsi legali. L-iskemi tal-FSC, tal-PEFC jew skemi ekwivalenti għandhom jiġu aċċettati bħala ċertifikazzjoni indipendenti.
Il-manifattur tal-fibri għandu juri li ġew segwiti proċessi ta' diliġenza xierqa kif speċifikat fir-Regolament (UE) Nru 995/2010 tal-Parlament Ewropew u tal-Kunsill (3) sabiex jiġi żgurat li l-injam ikun inħasad legalment. Il-liċenzji validi tal-EU FLEGT (L-Infurzar tal-Liġi tal-Foresta, il-Governanza u l-Kummerċ) jew is-CITES tan-Nazzjonijiet Uniti (il-Konvenzjoni dwar il-Kummerċ Internazzjonali fl-Ispeċijiet ta' Fawna u Flora Selvaġġi fil-Periklu) u/jew iċ-ċertifikazzjoni minn parti terza għandhom jiġu aċċettati bħala evidenza ta' provenjenza legali.
9(b) Il-polpa li tiġi prodotta minn linterni tal-qoton għandha, bħala minimu, tissodisfa r-rekwiżiti tal-kriterju 1a jew 1b għall-qoton.
: kif indikat fil-kriterji korrispondenti
9(c) Il-polpa li tintuża għall-manifattura tal-fibri għandha tiġi bbliċjata mingħajr l-użu ta' klorin elementali. L-ammont totali li jirriżulta ta' klorin u ta' klorin organiku fil-fibri maħduma (OX) ma għandux jaqbeż il-150 ppm, filwaqt li l-ammont totali ta' klorin u ta' klorin organiku fl-ilma tal-iskart mill-manifattura tal-polpa (AOX) ma għandux jaqbeż 0.170 kg/ADt ta' polpa.
: l-applikant għandu jipprovdi rapport tat-test li juri l-konformità mar-rekwiżit OX jew mar-rekwiżit AOX, bl-użu tal-metodu tal-ittestjar xieraq: OX: ISO 11480 (kombustjoni kkontrollata u l-mikrokulometrija).
AOX: ISO 9562
9(d) Minimu ta' 50 % tal-polpa użata għall-manifattura tal-fibri għandha tinxtara minn imtieħen li jħollu l-polpa u li jirkupraw il-valur mil-likuri użati permezz ta':
|
i. |
Ġenerazzjoni tal-elettriku u tal-fwar fuq il-post; jew |
|
ii. |
Manifattura ta' koprodotti kimiċi. |
: l-applikant għandu jipprovdi lista ta' fornituri tal-polpa li jfornu l-materja prima li tintuża għall-manifattura tal-fibri bl-ekottikketta, kif ukoll il-proporzjon ta' polpa li jfornu. Għandha tiġi pprovduta dokumentazzjoni u evidenza li turi li l-proporzjon meħtieġ ta' fornituri għandhom it-tagħmir xieraq għall-ġenerazzjoni tal-enerġija u/jew sistemi għall-manifattura u l-irkupru ta' koprodotti installati fis-siti tal-produzzjoni relatati.
Is-subkriterji tal-produzzjoni tal-fibri
9(e) Għall-visk u l-fibri modali, il-kontenut ta' kubrit fl-emissjonijiet ta' komposti tal-kubrit fl-arja mill-proċessi tal-produzzjoni tal-fibri, espress bħala medja annwali, ma għandux jaqbeż il-valuri tal-prestazzjoni li ġejjin indikati fit-tabella 4.
Tabella 4
Il-valuri tal-emissjonijiet ta' kubrit mill-visk u minn fibri modali
|
Tip ta' fibra |
Valur tal-prestazzjoni (g S/kg) |
||||
|
Fibra diskontinwa |
30 g/kg |
||||
|
Fibra b'filament |
|
||||
|
40 g/kg 170 g/kg |
: l-applikant għandu jipprovdi dokumentazzjoni ddettaljata u/jew rapporti tat-testijiet li juru l-konformità ma' dan il-kriterju, flimkien ma' dikjarazzjoni tal-konformità.
2. IL-KRITERJI TAL-KOMPONENTI U L-AĊĊESSORJI
Il-kriterji f'din it-taqsima japplikaw għall-komponenti u l-aċċessorji li jifformaw parti minn prodott finali.
Kriterju 10. Mili
10(a) Il-materjali tal-mili li jikkonsistu minn fibri tessili għandhom jikkonformaw mal-kriterji tal-fibri tessili (1–9), fejn ikun xieraq.
10(b) Il-materjali tal-mili għandhom jikkonformaw mar-rekwiżiti tat-tessuti RSL għall-bijoċidi u l-formaldeid (ara l-Appendiċi 1).
10(c) Id-deterġenti u sustanzi kimiċi oħrajn li jintużaw għall-ħasil tal-mili (rix irqiq artab, rix, fibri naturali jew sintetiċi) għandhom jikkonformaw mar-rekwiżiti tat-tessuti RSL għas-sustanzi kimiċi awżiljarji u għad-deterġenti, għar-rattaba tad-drapp u għall-aġenti li jikkumplessaw (ara l-Appendiċi 1).
: kif indikat fil-kriterji korrispondenti
Kriterju 11. Kisjiet, laminati u membrani
11(a) Il-komponenti magħmula mill-poliuretan għandhom jikkonformaw mal-kriterji tal-fibri tessili 5(a) fir-rigward tal-landa organika u 5(b) fir-rigward tal-espożizzjoni tal-postijiet tax-xogħol għad-diisoċjanati aromatiċi u d-DMAc.
11(b) Il-komponenti magħmula mill-poliester għandhom jikkonformaw mal-kriterji tal-fibri tessili 7(a) u 7(c) fir-rigward tal-kontenut tal-antimonju u l-emissjoni tal-VOCs matul il-polimerizzazzjoni.
11(c) Il-polimeri għandhom jikkonformaw mar-restrizzjoni g(v) tal-RSL fl-Appendiċi 1 ta' din id-Deċiżjoni.
: kif indikat fil-kriterji korrispondenti u/jew fl-Appendiċi 1 għal din id-Deċiżjoni.
Kriterju 12. Aċċessorji
Il-komponenti tal-metall u tal-plastik, bħal żippijiet, buttuni u qfieli, għandhom jikkonformaw mar-rekwiżiti tal-RSL għall-aċċessorji (ara l-Appendiċi 1).
: kif indikat fil-kriterji korrispondenti.
3. KRITERJI TAS-SUSTANZI KIMIĊI U PROĊESSI
Il-kriterji f'din it-taqsima japplikaw, fejn jiġi speċifikat, għall-istadji tal-produzzjoni li ġejjin:
|
(i) |
L-għażil |
|
(ii) |
Il-formazzjoni tad-drappijiet |
|
(iii) |
Il-proċess ta' qabel it-trattament |
|
(iv) |
L-għoti taż-żebgħa |
|
(v) |
L-istampar |
|
(vi) |
L-irfinatura |
|
(vii) |
Il-qtugħ/il-ħidma/it-tirqim |
Sakemm ma jiġix speċifikat mod ieħor, dawn il-kriterji, inklużi r-rekwiżiti għall-ittestjar b'mod aleatorju, għandhom japplikaw ukoll għall-fibri li fihom kontenut irriċiklat.
Kriterju 13. Lista ta' Sustanzi Ristretti (RSL)
13(a) Rekwiżiti ġenerali
Il-prodott finali u r-riċetti tal-produzzjoni użati għall-manifattura tal-prodott finali ma għandhomx jinkludu s-sustanzi perikolużi elenkati fil-Lista ta' Sustanzi Ristretti fi ħdan jew 'il fuq mil-limiti tal-konċentrazzjonijiet speċifikati jew skont ir-restrizzjonijiet speċifikati. L-RSL tista' tinstab fl-Appendiċi 1. Ir-restrizzjonijiet fl-RSL jieħdu preċedenza fuq id-derogi elenkati fil-Kriterju 14, it-Tabella 6.
L-RSL għandha tiġi kkomunikata lill-fornituri u l-aġenti responsabbli mill-istadji tal-għażil, tal-għoti taż-żebgħa, tal-istampar u tal-irfinatura tal-produzzjoni. Ir-rekwiżiti tal-verifika u tal-ittestjar huma speċifikati fl-RSL għal kull stadju tal-produzzjoni u għall-prodott finali.
L-ittestjar fil-laboratorji, fejn ikun meħtieġ, għandu jitwettaq għal kull linja tal-prodott abbażi ta' teħid ta' kampjun aleatorju. L-ittestjar għandu jsir kull sena matul il-perjodu tal-liċenzja sabiex tintwera l-konformità kontinwa mal-RSL.
: l-applikant għandu jipprovdi dikjarazzjoni tal-konformità mal-RSL appoġġjata minn evidenza kif applikabbli għas-sustanzi u r-riċetti tal-produzzjoni użati għall-manifattura tal-prodott finali. Ir-rekwiżiti huma indikati fl-RSL u jinkludu d-dikjarazzjonijiet miksuba minn dawk responsabbli għall-istadji tal-produzzjoni relatati, id-dikjarazzjonijiet miksuba mingħand il-fornituri tas-sustanzi kimiċi u r-riżultati tat-testijiet mill-analiżi fil-laboratorji tal-kampjuni tal-prodott finali. Id-dikjarazzjonijiet miksuba mill-istadji tal-produzzjoni għandhom jiġu appoġġjati minn skedi ta' dejta tas-sigurtà (SDS) għar-riċetti tal-produzzjoni u, fejn meħtieġ, minn dikjarazzjonijiet mill-fornituri tas-sustanzi kimiċi. L-SDS għandhom jimtlew skont il-gwida pprovduta fit-Taqsimiet 2, 3, 9, 10, 11 u 12 tal-Anness II għar-Regolament (KE) Nru 1907/2006 tal-Parlament Ewropew u tal-Kunsill (4)(Gwida għall-kompilazzjoni tal-iskedi ta' dejta tas-sigurtà). SDS inkompleti għandhom jiġu ssupplimentati b'dikjarazzjonijiet mill-fornituri tas-sustanzi kimiċi.
L-analiżi f'laboratorju tal-prodott finali għandha titwettaq b'mod rappreżentattiv għal-linji tal-prodotti liċenzjati, fejn speċifikat, fl-RSL u skont il-metodi tal-ittestjar elenkati. Meta jkun meħtieġ, l-ittestjar għandu jsir mal-applikazzjoni u darba fis-sena minn hemm 'il quddiem għal kull linja ta' prodott abbażi ta' kampjun aleatorju, bir-riżultati mbagħad jiġu kkomunikati lill-korp kompetenti rilevanti. Id-dejta tat-test miksuba għall-finijiet tal-konformità mal-RSL's tal-industrija u ma' skemi oħrajn għandha tiġi aċċettata meta l-metodi tal-ittestjar ikunu ekwivalenti u jkunu twettqu fuq kampjun rappreżentattiv tal-prodott finali.
In-nuqqas ta' riżultat tat-test matul perjodu ta' liċenzja għandu jirriżulta fl-ittestjar mill-ġdid għal-linja speċifika tal-prodott. Jekk it-tieni test ifalli, allura l-liċenzja tiġi sospiża għal-linja speċifika tal-prodott. Għaldaqstant, imbagħad ikun hemm bżonn ta' azzjoni ta' rimedju sabiex terġa' tiddaħħal il-liċenzja.
13(b) Sustanzi ta' Tħassib Serju Ħafna (SVHC's)
Sakemm ma jkunx idderogat b'mod speċifiku, il-prodott finali, inkluż kwalunkwe komponent jew aċċessorju, ma għandux ikun fih sustanzi li:
|
(i) |
Jissodisfaw il-kriterji fl-Artikolu 57 tar-Regolament (KE) Nru 1907/2006, |
|
(ii) |
Ġew identifikati skont il-proċedura deskritta fl-Artikolu 59(1) tar-Regolament (KE) Nru 1907/2006 li tistabbilixxi l-lista kandidata ta' sustanzi ta' tħassib serju ħafna. |
Dan japplika għas-sustanzi li jintużaw sabiex jagħtu funzjoni lill-prodott finali, kif ukoll għas-sustanzi li ntużaw intenzjonalment fil-formuli tal-produzzjoni.
Ma għandha tingħata ebda deroga fir-rigward tas-sustanzi li jissodisfaw kwalunkwe waħda minn dawn iż-żewġ kondizzjonijiet u li huma preżenti f'oġġett tessili, jew fi kwalunkwe parti omoġenja ta' oġġett tessili kumpless, f'konċentrazzjonijiet ogħla minn 0,10 % (piż skont il-piż).
: Is-sustanzi u r-riċetti li jintużaw f'kull stadju tal-produzzjoni għandhom jiġu eżaminati fl-isfond tal-aħħar verżjoni tal-lista kandidata ppubblikata mill-ECHA. L-applikant għandu jikkompila d-dikjarazzjonijiet ta' konformità minn kull stadju tal-produzzjoni appoġġjati minn dokumentazzjoni tal-eżaminazzjoni.
Meta tkun ingħatat deroga, l-applikant għandu juri li l-użu tas-sustanza huwa f'konformità mal-limiti tal-konċentrazzjoni u mal-kondizzjonijiet tad-deroga stabbiliti fl-RSL.
Kriterju 14. Sostituzzjoni ta' sustanzi perikolużi użati fl-għoti tal-kulur taż-żebgħa, fl-istampar u fl-irfinatura
Is-sustanzi applikati għad-drappijiet u għall-panewijiet maħduma bil-labar matul il-proċessi tal-għoti taż-żebgħa, tal-istampar u tal-irfinatura li jibqgħu fuq il-prodott finali u li, b'konformità mar-Regolament (KE) Nru 1272/2008 tal-Parlament Ewropew u tal-Kunsill (5) jew mad-Direttiva tal-Kunsill 67/548/KEE (6), jissodisfaw il-kriterji għall-klassifikazzjoni bil-klassijiet ta' periklu jew bil-frażijiet ta' riskju elenkati fit-tabella 5, ma għandhomx jintużaw sakemm ma jkunux ġew derogati b'mod speċifiku. Dawn ir-restrizzjonijiet għandhom japplikaw ukoll għas-sustanzi funzjonali inkorporati fil-fibri magħmula mill-bniedem matul il-manifattura tagħhom.
14(a) Restrizzjonijiet fuq il-klassifikazzjoni tal-perikli
Il-klassifikazzjonijiet tal-perikli ristretti huma elenkati fit-tabella 5. L-aktar regoli tal-klassifikazzjoni riċenti adottati mill-Unjoni Ewropea għandhom jieħdu preċedenza fuq il-klassifikazzjonijiet tal-perikli u l-frażijiet ta' riskju elenkati. Għaldaqstant, l-applikanti għandhom jiżguraw li l-klassifikazzjonijiet ikunu bbażati fuq l-aktar regoli tal-klassifikazzjoni riċenti.
L-użu tas-sustanzi jew tat-taħlitiet li jbiddlu l-karatteristiċi tagħhom mal-ipproċessar (pereżempju ma jibqgħux aktar bijodisponibbli jew jgħaddu minn modifika kimika) tant li ma jibqax japplika l-periklu identifikat, huma eżentati mir-rekwiżiti msemmija fuq. Dawn għandhom jinkludu l-polimeri li ġew immodifikati sabiex jinkorporaw funzjoni, kif ukoll il-monomeri jew l-addittivi li saru marbuta b'mod kovalenti mal-polimeri.
Tabella 5
Klassifikazzjonijiet ta' perikli u frażijiet ta' riskju ristretti u l-kategorizzazzjoni CLP tagħhom
|
Tossiċità akuta |
|
|
Il-Kategoriji 1 u 2 |
Il-Kategorija 3 |
|
H300 Fatali jekk jinbela' (R28) |
H301 Tossiku jekk jinbela' (R25) |
|
H310 Fatali jekk imiss mal-ġilda (R27) |
H311 Tossiku meta jmiss mal-ġilda (R24) |
|
H330 Fatali jekk jinxtamm (R23/26) |
H331 Tossiku jekk jinxtamm (R23) |
|
H304 Jista' jkun fatali jekk jinbela' u jidħol fil-pajpijiet tan-nifs (R65) |
EUH070 Tossiku meta jmiss mal-għajnejn (R39/41) |
|
Tossiċità għall-organi speċifiċi fil-mira |
|
|
Il-Kategorija 1 |
Il-Kategorija 2 |
|
H370 Jagħmel ħsara lill-organi (R39/23, R39/24, R39/25, R39/26, R39/27, R39/28) |
H371 Jista' jikkawża ħsara lill-organi (R68/20, R68/21, R68/22) |
|
H372 Jikkawża ħsara lill-organi jekk ikun hemm espożizzjoni fit-tul jew ripetuta (R48/25, R48/24, R48/23) |
H373 Jista' jikkawża ħsara lill-organi ikun hemm espożizzjoni fit-tul jew ripetuta (R48/20, R48/21, R48/22) |
|
Sensitizzazzjoni respiratorja u tal-ġilda |
|
|
Il-Kategorija 1 A |
Il-Kategorija 1B |
|
H317: Jista' jikkawża reazzjoni allerġika tal-ġilda (R43) |
H317: Jista' jikkawża reazzjoni allerġika tal-ġilda (R43) |
|
H334: Jista' jikkawża l-allerġija jew sintomi tal-ażma jew problemi biex jieħu n-nifs jekk jinxtamm (R42) |
H334: Jista' jikkawża l-allerġija jew sintomi tal-ażma jew problemi biex jieħu n-nifs jekk jinxtamm (R42) |
|
Karċinoġeniċi, mutaġeniċi jew tossiċi għar-riproduzzjoni |
|
|
Il-Kategoriji 1 A u 1B |
Il-Kategorija 2 |
|
H340 Jista' jikkawża difetti ġenetiċi (R46) |
H341 Suspettat li jikkawża difetti ġenetiċi (R68) |
|
H350 Jista' jikkawża l-kanċer (R45) |
H351 Suspettat li jikkawża l-kanċer (R40) |
|
H350i Jista' jikkawża l-kanċer jekk jinxtamm (R49) |
|
|
H360F Jista' jagħmel ħsara lill-fertilità (R60) |
H361f Suspettat li jista' jagħmel il-ħsara lill-fertilità (R62) |
|
H360D Jista' jagħmel ħsara lit-tarbija li għadha ma twelditx (R61) |
H361d Suspettat li jista' jagħmel ħsara lit-tarbija li għadha ma twelditx (R63) |
|
H360FD Jista' jagħmel ħsara lill-fertilità. Jista' jagħmel ħsara lit-tarbija li għadha fil-ġuf (R60, R60/61) |
H361fd Suspettat li jagħmel il-ħsara lill-fertilità. Suspettat li jagħmel ħsara lit-tarbija li għadha ma twelditx (R62/63) |
|
H360Fd Jista' jagħmel ħsara lill-fertilità. Jista' jagħmel ħsara lit-tarbija li għadha ma twelditx (R60/63) |
H362 Jista' jagħmel ħsara lit-tfal imreddgħa (R64) |
|
H360Df Jista' jagħmel ħsara lit-tarbija li għadha ma twelditx. Suspettat li jagħmel il-ħsara lill-fertilità (R61/62) |
|
|
Perikolużi għall-ambjent akwatiku |
|
|
Il-Kategoriji 1 u 2 |
Il-Kategoriji 3 u 4 |
|
H400 Tossiku ħafna għall-organiżmi akwatiċi (R50) |
H412 Jagħmel ħsara lill-organiżmi li jgħixu fl-ilma b'mod li jħalli effetti dejjiema (R52/53) |
|
H410 Tossiku ħafna għall-organiżmi li jgħixu fl-ilma b'mod li jħalli effetti dejjiema (R50/53) |
H413 Jista' jikkawża effetti dejjiema li jagħmlu ħsara lill-organiżmi li jgħixu fl-ilma (R53) |
|
H411 Tossiku għall-organiżmi li jgħixu fl-ilma b'mod li jħalli effetti dejjiema (R51/53) |
|
|
Perikolużi għas-saff tal-ożonu |
|
|
EUH059 Perikoluż għas-saff tal-ożonu (R59) |
|
14(b) Derogi li japplikaw għall-gruppi ta' sustanzi tessili
Skont l-Artikolu 6(7) tar-Regolament (KE) Nru 66/2010, il-gruppi ta' sustanzi elenkati fit-tabella 6 huma speċifikament derogati mir-rekwiżiti stabbiliti fil-Kriterju 14(a) u skont il-kondizzjonijiet tad-deroga deskritti fit-tabella 6. Għal kull grupp ta' sustanzi, il-kondizzjonijiet kollha tad-deroga huma pprovduti għall-klassifikazzjonijiet tal-perikli speċifikati. Dawn id-derogi japplikaw ukoll għas-sustanzi miżjuda mal-fibri sintetiċi u ċellulożiċi u magħmula mill-bniedem matul il-manifattura tagħhom.
Tabella 6
Klassifikazzjonijiet ta' perikli derogati skont il-grupp ta' sustanzi
|
Sustanzi li jagħtu funzjoni lill-prodott finali |
|||||||||||
|
Grupp ta' sustanzi |
Klassifikazzjonijiet tal-perikli derogati |
Il-kondizzjonijiet tad-deroga |
|||||||||
|
H301, H311, H331, H317, H334 |
Għandhom jintużaw formulazzjonijiet taż-żebgħa ħielsa mit-trab jew dożaġġ u distribuzzjoni awtomatiċi taż-żebgħat mill-kumpaniji li jipproduċu ż-żebgħa u mill-istampaturi sabiex titnaqqas l-espożizzjoni tal-ħaddiema; |
|||||||||
|
H411, H412, H413 |
Il-proċessi tal-għoti taż-żebgħa li jagħmlu użu minn żebgħat reattivi, diretti, likwidi b'żebgħa mdewba fihom u żebgħa tal-kubrit għandhom jissodisfaw minimu ta' waħda mill-kondizzjonijiet li ġejjin:
L-użu ta' żebgħa ta' soluzzjoni u/jew l-istampar diġitali huma eżentati minn dawn il-kondizzjonijiet. |
||||||||||
|
H317 (1B), H373, H411, H412, H413 |
|
|||||||||
|
H351 huwa derogat għall-applikazzjoni tat-trijossidu tal-antimonju sinerġizzant għall-kisi minn wara tat-tessuti. |
|
||||||||||
|
H411, H412, H413 |
Is-sustanzi li joħolqu luminożità ottika jistgħu jiġu applikati biss fil-każijiet li ġejjin:
|
|||||||||
|
H413 |
|
|||||||||
|
Sustanzi residwi oħrajn li jistgħu jinstabu fuq il-prodott finali |
|||||||||||
|
H301, H311, H331, H371, H373, H317 (1B), H334, H411, H412, H413, EUH070, |
Ir-riċetti għandhom jiġu fformulati bl-użu ta' sistemi ta' dożaġġ awtomatiċi u l-proċessi għandhom isegwu l-proċeduri operattivi standard. Sustanzi kklassifikati b'H311, H331 u H317 (1B) ma għandhomx ikunu preżenti fuq il-prodott finali f'konċentrazzjonijiet ta' aktar minn 1,0 % w/w. |
|||||||||
: l-applikant għandu jikseb dikjarazzjonijiet tal-konformità minn kull sit tal-produzzjoni taż-żebgħa, tal-istampar u tal-irfinatura u, fejn meħtieġ, mill-fornituri tas-sustanzi kimiċi tagħhom. Huwa għandu jiddikjara li, meta jintużaw fir-riċetti tal-produzzjoni, is-sustanzi li ġejjin, flimkien ma' kwalunkwe sustanzi funzjonali addizzjonali użati li jistgħu jibqgħu fuq il-prodott finali, ma jissodisfawx il-kriterji għall-klassifikazzjoni b'wieħed jew aktar mill-klassifikazzjonijiet tal-periklu u l-frażijiet ta' riskju elenkati fit-tabella 5:
|
— |
bijoċidi |
|
— |
kuluranti u pigmenti |
|
— |
trasportaturi awżiljarji, aġenti tal-invellar u aġenti ta' dispersjoni |
|
— |
sustanzi li joħolqu luminożità ottika |
|
— |
aġenti tat-tgħaqqid, aġenti leganti u plastifikanti użati fl-istampar |
|
— |
aġenti li jqassmu (minn irfinaturi u stampar b'kura faċli) |
|
— |
ritardanti tal-fjammi u sinerġizzanti |
|
— |
sustanzi li jbarru l-ilma, il-ħmieġ u t-tbajja' |
|
— |
rattaba tad-drapp |
Meta s-sustanzi jiġu derogati fit-tabella 6, id-dikjarazzjoni għandha tidentifika b'mod speċifiku dawk is-sustanzi derogati u tipprovdi evidenza ta' appoġġ li turi kif għandhom jiġu ssodisfati l-kondizzjonijiet tad-derogi.
Id-deroga (v) dwar l-Awżiljarji għandha titlob verifika, li tkun ibbażata fuq ittestjar fil-laboratorji, tal-prodott finali, jekk il-formuli tal-produzzjoni jkunu jinkludu sustanzi li jġorru l-klassifikazzjonijiet tal-perikli speċifikati.
L-informazzjoni teknika li ġejja għandha tiġi pprovduta sabiex tappoġġja d-dikjarazzjoni tal-klassifikazzjoni jew tan-nonklassifikazzjoni għal kull sustanza:
|
(i) |
Għas-sustanzi li ma ġewx irreġistrati skont ir-Regolament (KE) Nru 1907/2006 jew li sa issa għad ma għandhomx klassifikazzjoni armonizzata ta' CLP: Informazzjoni li tissodisfa r-rekwiżiti elenkati fl-Anness VII għal dak ir-Regolament; |
|
(ii) |
Għas-sustanzi li ġew irreġistrati skont ir-Regolament (KE) Nru 1907/2006 u li ma jissodisfawx ir-rekwiżiti għall-klassifikazzjoni ta' CLP: Informazzjoni bbażata fuq id-dossier tar-reġistrazzjoni ta' REACH li tikkonferma l-istatus mhux ikklassifikat tas-sustanza; |
|
(iii) |
Għas-sustanzi li għandhom klassifikazzjoni armonizzata jew li huma awtokklassifikati: SDS, fejn ikunu disponibbli. Jekk dawn ma jkunux disponibbli jew is-sustanza tkun awtokklassifikata, l-informazzjoni pprovduta għandha tkun rilevanti għall-klassifikazzjoni tal-perikli tas-sustanzi skont l-Anness II għar-Regolament (KE) Nru 1907/2006; |
|
(iv) |
Fil-każ tat-taħlitiet: skedi ta' dejta tas-sigurtà, fejn ikunu disponibbli. Jekk dawn ma jkunux disponibbli, il-kalkolazzjoni tal-klassifikazzjoni tat-taħlita għandha tiġi pprovduta skont ir-regoli tar-Regolament (KE) Nru 1272/2008, flimkien ma' informazzjoni rilevanti għall-klassifikazzjoni tal-perikli tat-taħlitiet skont l-Anness II għar-Regolament (KE) Nru 1907/2006. |
SDS għandhom jimtlew skont il-gwida pprovduta fit-Taqsimiet 2, 3, 9, 10, 11 u 12 tal-Anness II għar-Regolament (KE) Nru 1907/2006 (ir-rekwiżiti għall-kompilazzjoni tal-SDS). SDS inkompleti għandhom jiġu ssupplimentati b'dikjarazzjonijiet mill-fornituri tas-sustanzi kimiċi.
Kriterju 15. L-effiċjenza fl-użu tal-enerġija għall-ħasil, għat-tnixxif u għat-tqaddid
L-applikant għandu juri li l-enerġija użata fil-passi tal-ħasil, tat-tnixxif u tat-tqaddid assoċjati mal-passi tal-għoti taż-żebgħa, tal-istampar u tal-irfinatura għall-prodotti bl-ekotikketta titkejjel u titqabbel bħala parti minn sistema ta' ġestjoni tal-enerġija jew tal-emissjonijiet tad-dijossidu tal-karbonju.
Barra minn hekk, huma għandhom juru li s-siti tal-produzzjoni implimentaw numru minimu ta' tekniki għall-effiċjenza fl-użu tal-enerġija, imsejħa l-Aqwa Tekniki Disponibbli (BAT), kif speċifikat fit-tabella 7 u kif elenkat fl-Appendiċi 3 għal din id-deċiżjoni.
Tabella 7
Tekniki għall-effiċjenza fl-użu tal-enerġija matul il-ħasil, it-tlaħliħ u t-tnixxif
|
Temi tal-BAT |
Il-volum tal-produzzjoni |
|||
|
< 10 tunnellati/ġurnata |
> 10 tunnellati/ġurnata |
|||
|
Żewġ tekniki |
Tliet tekniki |
||
|
Teknika waħda |
Żewġ tekniki |
||
|
Teknika waħda |
Żewġ tekniki |
||
: l-applikant għandu jikkompila r-rapportaġġ mis-sistemi tal-ġestjoni tal-enerġija għal kull sit ta' produzzjoni tal-għoti taż-żebgħa, tal-istampar u tal-irfinatura. Is-sistema ISO 50001 jew is-sistemi ekwivalenti għall-enerġija jew għall-emissjonijiet tad-dijossidu tal-karbonju għandhom jiġu aċċettati bħala evidenza għas-sistema ta' ġestjoni tal-enerġija.
L-evidenza meħtieġa dwar l-implimentazzjoni tal-BAT għandha tinkludi, bħala minimu, ritratti tas-sit, deskrizzjonijiet tekniċi ta' kull teknika u evalwazzjonijiet tal-iffrankar fl-użu tal-enerġija.
Kriterju 16. It-trattament tal-emissjonijiet fl-arja u fl-ilma
16(a) Ir-rilaxxi tal-ilma tal-iskart mill-ipproċessar bit-tixrib
Ir-rilaxxi tal-ilma tal-iskart fl-ambjent ma għandhomx jaqbżu l-20 g ta' COD/kg proċessati. Dan ir-rekwiżit għandu japplika għall-proċessi tal-insiġ, tal-għoti taż-żebgħa, tal-istampar u tal-irfinatura użati għall-manifattura tal-prodott(i). Ir-rekwiżit għandu jitkejjel 'l isfel mill-impjant għat-trattament tal-ilma tal-iskart fis-sit u/jew mill-impjant għat-trattament tal-ilma tal-iskart barra mis-sit li jirċievi l-ilma tal-iskart minn dawn is-siti tal-ipproċessar.
Jekk l-effluwent jiġi ttrattat fuq il-post u rrilaxxat direttament fl-ilma tas-superfiċje, huwa għandu jissodisfa wkoll ir-rekwiżiti li ġejjin:
|
(i) |
pH ta' bejn 6,0 u 9,0 (sakemm il-pH tal-ilma li jasal ma jkunx jaqa' barra minn din il-medda) |
|
(ii) |
temperatura ta' inqas minn 35 °C (sakemm it-temperatura tal-ilma li jasal ma tkunx ogħla minn dan il-valur) |
Jekk ikun hemm bżonn li jitneħħa l-kulur permezz ta' kondizzjoni ta' deroga msemmija fil-kriterju 14, allura għandhom jiġu ssodisfati l-koeffiċjenti tal-assorbiment spettrali li ġejjin:
|
(i) |
436 nm (settur isfar) 7 m-1 |
|
(ii) |
525 nm (settur aħmar) 5 m-1 |
|
(iii) |
620 nm (settur ikħal) 3 m-1 |
: l-applikant għandu jipprovdi dokumentazzjoni ddettaljata u rapporti tat-testijiet, bl-użu tal-ISO 6060 u l-ISO 7887, kif rilevanti, filwaqt li juri l-konformità ma' dan il-kriterju fuq il-bażi ta' medji ta' kull xahar għas-sitt xhur ta' qabel l-applikazzjoni, flimkien ma' dikjarazzjoni tal-konformità. Id-dejta għandha turi l-konformità mis-sit tal-produzzjoni jew, jekk l-effluwent jiġi ttrattat barra s-sit, mill-operatur tat-trattament tal-ilma tal-iskart.
16(b) L-emissjonijiet fl-arja mill-proċessi tal-istampar u tal-irfinatura
L-emissjonijiet totali ta' komposti organiċi, kif definiti fid-Direttiva tal-Kunsill 1999/13/KE (7), mis-siti tal-produzzjoni tal-istampar u tal-irfinatura tat-tessuti li jintużaw għall-manifattura tal-prodott(i) bl-ekotikketta ma għandhomx jaqbżu l-100,0 mg C/Nm3.
Meta l-proċessi tal-kisi u tat-tnixxif tat-tessuti jippermettu l-irkupru u l-użu mill-ġdid tas-solventi, għandu japplika limitu ta' 150,0 mg C/Nm3 fuq l-emissjonijiet.
Il-proċessi tal-irfinatura jinkludu t-thermosetting, it-thermosoling, il-kisi u l-mili tat-tessuti, inklużi l-faċilitajiet rispettivi tagħhom għat-tnixxif (stenter).
: l-applikant għandu juri l-konformità skont l-istandard EN 12619 jew standards ekwivalenti oħrajn. Il-medji ta' kull xahar għall-emissjonijiet totali tal-komposti organiċi mis-siti tal-produzzjoni għandhom jiġu pprovduti għas-sitt xhur ta' qabel l-applikazzjoni. Meta jitwettqu l-irkupru u l-użu mill-ġdid tas-solventi, allura tkun trid tiġi pprovduta dejta dwar il-monitoraġġ bil-għan li sservi bħala evidenza tat-tħaddim ta' dawn is-sistemi.
4. KRITERJI DWAR L-ADEGWATEZZA GĦALL-UŻU
Il-kriterji f'din it-taqsima japplikaw għal drapp intermedju u prodott maħdum bil-labar, kif ukoll għall-prodott finali.
Kriterju 17. Bidliet dimensjonali matul il-ħasil u t-tnixxif
Il-bidliet dimensjonali wara l-ħasil u t-tnixxif fit-temperaturi u l-kondizzjonijiet tal-ħasil domestiku jew industrijali ma għandhomx jaqbżu dawk speċifikati fit-tabella 8.
Tabella 8
It-tolleranzi għall-bidliet dimensjonali matul il-ħasil u t-tnixxif
|
Prodotti tessili jew tip ta' materjal |
Bidliet dimensjonali matul il-ħasil u t-tnixxif |
||||||
|
Drappijiet maħduma bil-labar |
± 4,0 % |
||||||
|
Maħduma bil-labar fil-kobor |
± 6,0 % |
||||||
|
Maħduma b'ponti rqaq ħafna |
± 5,0 % |
||||||
|
Drappijiet minsuġa: |
|
||||||
|
± 3,0 % ± 2,0 % ± 2,0 % |
||||||
|
Kalzetti u maljerija għas-saqajn |
± 8,0 % |
||||||
|
Bjankerija tal-banju, inklużi xugamani terry u drappijiet bi ħjata fina |
± 8,0 % |
||||||
|
Tapizzerija minsuġa li tinqala' minn postha u tinħasel — Purtieri u drappijiet għall-għamara |
± 2,0 % |
||||||
|
± 3,0 % |
||||||
|
Drappijiet mhux minsuġa |
|
||||||
|
± 5,0 % ± 6,0 % |
Dan il-kriterju ma japplikax għal:
|
(a) |
fibri jew ħjut, |
|
(b) |
prodotti ttikkettjati b'mod ċar bħala “dry clean only” (naddaf fix-xott biss) jew l-ekwivalenti, |
|
(c) |
drappijiet għall-għamara li ma jinqalgħux u ma jinħaslux. |
: l-applikant għandu jipprovdi rapporti tal-ittestjar bl-użu tal-istandards xierqa għall-prodott.
Għall-ħasil domestiku, għandu jintuża l-istandard EN ISO 6330 flimkien ma' EN ISO 5077 kif ġej: tliet ħasliet f'temperaturi kif indikati fuq il-prodott, li jitnixxfu bit-tumble drier wara kull ċiklu ta' ħasil.
Għall-ħasil kummerċjali f'postijiet industrijali fejn jinħaslu l-ħwejjeġ, għandu jintuża l-ISO 15797 flimkien mal-ISO 5077 f'temperatura minima ta' 75 °C jew kif indikat fl-istandard għall-kombinazzjoni tal-fibra u l-ibbliċjar. It-tnixxif għandu jsir kif indikat fuq it-tikketta tal-prodott.
B'mod alternattiv, għall-kisi tal-mili tas-saqqijiet li jista' jinqala' u jinħasel, għandu jintuża l-istandard EN ISO 6330 flimkien mal-istandard EN 25077. Il-kondizzjonijiet default għandhom ikunu ħasil 3 A (60 °C) u tnixxif C (flat drying) sakemm ma jkunx speċifikat mod ieħor fuq it-tikketta tal-prodott.
Kriterju 18. Iż-żamma tal-kulur fil-ħasil
Iż-żamma tal-kulur fil-ħasil għandha tkun mill-inqas fil-livelli 3-4 għall-bidla tal-kulur u mill-inqas fil-livelli 3-4 għat-tbajja'.
Dan il-kriterju ma japplikax għall-prodotti ttikkettjati bħala “dry clean only” (naddaf fix-xott biss) jew l-ekwivalenti (sakemm tkun il-prattika normali li tali prodotti jġorru din it-tikketta), għall-prodotti bojod jew għall-prodotti li la jinżebgħu u lanqas jiġu stampati, jew inkella għad-drapp tal-għamara li ma jinħasilx.
: għall-ħasil domestiku, l-applikant għandu jipprovdi rapporti tal-ittestjar bl-użu tal-metodu tal-ittestjar li ġej: ISO 105 C06 (ħasla waħda f'temperatura kif immarkata fuq il-prodott, bit-trab tal-perborat).
Għall-ħasil kummerċjali f'postijiet industrijali fejn jinħaslu l-ħwejjeġ, għandu jintuża l-ISO 15797 flimkien mal-ISO 105 C06 f'temperatura minima ta' 75 °C jew kif indikat fl-istandard għall-kombinazzjoni tal-fibra u l-ibbliċjar.
Kriterju 19. Iż-żamma tal-kulur fil-għaraq (aċidu, alkalin)
Iż-żamma tal-kulur fil-għaraq (aċidu u alkalin) għandha tkun mill-inqas fil-livelli 3-4 (bidla tal-kulur u tbajja'). Madankollu, huwa permess il-livell 3 meta d-drapp ikun miżbugħ skur (qawwa standard > 1/1) u magħmul minn suf riġenerat. Dan il-kriterju ma japplikax għall-prodotti bojod li la huma miżbugħin u lanqas stampati, għad-drapp tal-għamara, għall-purtieri jew għal tessuti simili intiżi għat-tiżjin fuq ġewwa.
: l-applikant għandu jipprovdi rapporti tal-ittestjar bl-użu tal-metodu tal-ittestjar li ġej: ISO 105 E04 (aċidu u alkalin, paragun mad-drapp ta' ħafna kwalitajiet ta' fibri).
Kriterju 20. Iż-żamma tal-kulur fit-tagħrik bit-tixrib
Iż-żamma tal-kulur fit-tagħrik bit-tixrib għandha tkun mill-inqas fil-livelli 2-3. Madankollu, huwa permess il-livell 2 għad-denim miżbugħ ikħal skur (indigo).
Dan il-kriterju ma japplikax għall-prodotti bojod jew għal prodotti li la huma miżbugħin u lanqas stampati.
: l-applikant għandu jipprovdi rapporti tal-ittestjar bl-użu tal-metodu tal-ittestjar li ġej: ISO 105 X12.
Kriterju 21. Iż-żamma tal-kulur fit-tagħrik bit-tnixxif
Iż-żamma tal-kulur fit-tagħrik bit-tnixxif għandha tkun mill-inqas fil-livell 4. Madankollu, huwa permess livell ta' 3-4 għad-denim miżbugħ ikħal skur (indigo).
Dan il-kriterju ma japplikax għall-prodotti bojod jew għal prodotti li la huma miżbugħin u lanqas stampati, għall-purtieri jew għal tessuti simili intiżi għat-tiżjin fuq ġewwa.
: l-applikant għandu jipprovdi rapporti tal-ittestjar bl-użu tal-metodu tal-ittestjar li ġej: ISO 105 X12.
Kriterju 22. Iż-żamma tal-kulur fid-dawl
Għad-drappijiet intiżi għall-għamara, għall-purtieri jew li jiddendlu, iż-żamma tal-kulur fid-dawl għandha tkun mill-inqas fil-livell 5. Għall-prodotti l-oħrajn kollha, iż-żamma tal-kulur fid-dawl għandha tkun mill-inqas fil-livell 4.
Madankollu, huwa permess il-livell 4 meta d-drappijiet intiżi għall-għamara, għall-purtieri jew li jiddendlu jkollhom kulur ċar (qawwa standard < 1/12) u jkunu magħmula minn aktar minn 20 % suf jew fibri oħrajn tal-keratin, jew minn aktar minn 20 % għażel jew fibri oħrajn tat-tilju.
Dan ir-rekwiżit ma japplikax għall-kisi tal-mili tas-saqqijiet, għall-protezzjoni tas-saqqijiet jew għall-ħwejjeġ ta' taħt.
: l-applikant għandu jipprovdi rapporti tal-ittestjar bl-użu tal-metodu tal-ittestjar li ġej: ISO 105 B02.
Kriterju 23. Ir-reżistenza u l-assorbiment tal-prodotti tat-tindif għall-ħasil
Il-prodotti tat-tindif għandhom ikunu reżistenti u assorbenti għall-ħasil skont il-parametri tal-ittestjar rilevanti identifikati fit-tabelli 9 u 10. L-ittestjar speċifikat għall-assorbiment ma għandux japplika għal prodotti bi ħjut mibrumin.
Tabella 9
Il-valuri u l-parametri għar-reżistenza tal-prodotti tat-tindif għall-ħasil
|
Prodotti tessili għat-tindif jew tip ta' materjal |
Numru ta' ħasliet |
Temperatura |
Ir-referenza tat-test EN ISO 6630 |
|
Prodotti minsuġa u mhux minsuġa għat-tindif bit-tixrib |
80 |
40 °C |
Proċedura 4N |
|
Prodotti tal-mikrofibra għat-tfarfir |
200 |
40 °C |
Proċedura 4N |
|
Prodotti li ġejjin minn fibri tessili rriċiklati |
20 |
30 °C |
Proċedura 3G |
|
Moppijiet għall-ħasil tal-art |
200 |
60 °C |
Proċedura 6N |
|
Biċċiet għall-ħasil tal-art |
5 |
30 °C |
Proċedura 3G |
Tabella 10.
Il-valuri u l-parametri għall-assorbiment tal-prodotti tat-tindif
|
Prodotti tessili għat-tindif jew tip ta' materjal |
Il-ħin għall-assorbiment tal-likwidu |
|
Prodotti li ġejjin minn fibri tessili rriċiklati |
≤ 10 sekondi |
|
Prodotti tal-mikrofibra għat-tindif tal-uċuh u tal-art |
≤ 10 sekondi |
|
Prodotti minsuġa u mhux minsuġa għat-tindif bit-tixrib |
≤ 10 sekondi |
|
Prodotti għall-ħasil tal-art |
≤ 10 sekondi |
: l-applikant għandu jipprovdi r-rapporti tal-ittestjar bl-użu tal-metodi tal-ittestjar li ġejjin, skont kif rilevanti: EN ISO 6330 u EN ISO 9073-6. L-ittestjar skont il-metodu EN ISO 6330 għandu jitwettaq bl-użu ta' magna tal-ħasil tal-ħwejjeġ tat-tip A għall-prodotti u l-materjali kollha.
Kriterju 24. Ir-reżistenza tad-drappijiet għall-ifformar f'għamla ta' pilloli u għall-brix
Id-drappijiet mhux minsuġa u l-ħwejjeġ maħduma bil-labar, l-aċċessorji u l-kutri magħmula mis-suf, taħlitiet ta' suf u polyester (inkluż suf verġni), għandhom jirreżistu l-ifformar f'għamla ta' pilloli għal klassifikazzjoni ta' minimu ta' 3.
Id-drappijiet tal-qoton minsuġa li jintużaw għall-ħwejjeġ għandhom jirreżistu l-ifformar f'għamla ta' pilloli għal klassifikazzjoni ta' minimu ta' 3. It-tights u l-leggings tal-poliammid għandhom jirreżistu għal klassifikazzjoni ta' minimu ta' 2.
: l-applikant għandu jipprovdi rapporti mit-testijiet imwettqa kif xieraq għas-sottostrat:
|
— |
Prodotti maħduma bil-labar u mhux minsuġa: ISO 12945-1 Il-metodu pill box |
|
— |
Drappijiet minsuġa: ISO 12945-2 Il-metodu martindale |
Kriterju 25. Id-durabbiltà tal-funzjoni
L-irfinaturi, it-trattamenti u l-addittivi li jagħtu l-karatteristiċi tar-reżistenza għall-fjammi u l-kura faċli lis-sustanzi li jbarru l-ilma, iż-żejt u t-tbajja' (li ssir referenza għalihom ukoll bħala non-crease jew pressa permanenti) għall-prodott tessili meta jkun qiegħed jintuża, għandhom ikunu reżiljenti skont il-valuri u l-parametri stabbiliti fis-sub-kriterji 25(a), (b) u (c).
Għas-sustanzi li jbarru l-ilma, iż-żejt u t-tbajja', il-konsumaturi għandhom jiġu pprovduti bi gwida dwar kif għandha tinżamm il-funzjonalità tal-irfinaturi applikati għall-prodott.
Il-fibri tessili, id-drappijiet u l-membrani li jagħtu l-karatteristiċi funzjonali intrinsiċi lill-prodott finali huma eżentati minn dawn ir-rekwiżiti.
: għall-prodotti bi karatteristiċi intrinsiċi, l-applikanti għandhom jipprovdu rapporti tal-ittestjar li juru l-prestazzjoni mtejba jew komparabbli mqabbla ma' alternattivi li jistgħu jiġu applikati bħala rfinaturi.
25(a) Il-funzjonijiet tas-sustanzi li jbarru l-ilma, iż-żejt u t-tbajja'
Is-sustanzi li jbarru l-ilma għandhom iżommu funzjonalità ta' 80 minn 90 wara 20 ċiklu ta' ħasil domestiku u tnixxif bit-tumble drier f'temperatura ta' 40 °C jew wara 10 ċikli ta' ħasil u tnixxif industrijali f'temperatura minima ta' 75 °C.
Is-sustanzi li jbarru ż-żejt għandhom iżommu funzjonalità ta' 3,5 minn 4,0 wara 20 ċiklu ta' ħasil domestiku u tnixxif bit-tumble drier f'temperatura ta' 40 °C jew wara 10 ċikli ta' ħasil u tnixxif industrijali f'temperatura minima ta' 75 °C.
Is-sustanzi li jbarru t-tbajja' għandhom iżommu funzjonalità ta' 3,0 minn 5,0 wara 20 ċiklu ta' ħasil domestiku u tnixxif bit-tumble drier f'temperatura ta' 40 °C jew wara 10 ċikli ta' ħasil u tnixxif industrijali f'temperatura minima ta' 75 °C.
It-temperaturi tal-ħasil industrijali jistgħu jitnaqqsu għal 60 °C għal ħwejjeġ bil-ħjatat issiġillati b'materjal li ma jħallix l-ilma jgħaddi (“taped seams”).
: l-applikant għandu jipprovdi rapporti mit-testijiet imwettqa skont l-istandards li ġejjin, skont kif ikun xieraq għall-prodott:
Għall-prodotti kollha, iċ-ċikli tal-ħasil domestiku ISO 6330 jew iċ-ċikli tal-ħasil industrijali ISO 15797 flimkien ma':
|
— |
sustanzi li jbarru l-ilma: ISO 4920 |
|
— |
sustanzi li jbarru ż-żejt: ISO 14419 |
|
— |
sustanzi li jbarru t-tbajja': ISO 22958 |
25(b) Il-funzjonijiet ta' sustanzi reżistenti għall-fjammi
Il-prodotti li jistgħu jinħaslu għandhom iżommu l-funzjonalità tagħhom wara 50 ċiklu ta' ħasil industrijali u tnixxif bit-tumble drier f'temperatura minima ta' 75 °C. Il-prodotti li ma jistgħux jinħaslu għandhom iżommu l-funzjonalità tagħhom wara test bit-tgħaddis.
: L-applikant għandu jipprovdi rapporti mit-testijiet imwettqa skont l-istandards li ġejjin, skont kif ikun xieraq għall-prodott:
L-ISO 6330 għaċ-ċikli tal-ħasil domestiku jew l-EN ISO 10528 għaċ-ċikli tal-ħasil kummerċjali, it-tnejn flimkien mal-EN ISO 12138. Meta t-tessut ma jkunx jinqala', għandu jintuża l-BS 5651 jew l-ekwivalenti għalih.
25(c) Kura faċli (li ssir referenza għaliha wkoll bħala non-crease jew pressa permanenti)
Il-prodotti magħmula minn fibri naturali għandhom jilħqu grad ta' fabric smoothness ta' SA-3, filwaqt li l-prodotti magħmula minn taħlita ta' fibri naturali u sintetiċi għandhom jilħqu grad ta' fabric smoothness ta' SA-4 wara 10 ċikli ta' ħasil domestiku u tnixxif bit-tumble drier f'temperatura ta' 40 °C.
: l-applikant għandu jipprovdi rapporti mit-testijiet imwettqa skont il-metodu tal-ittestjar ISO 7768 għall-valutazzjoni tad-dehra lixxa tad-drappijiet wara li jinħaslu.
5. KRITERJI TAR-RESPONSABBILTÀ SOĊJALI KORPORATTIVA
Il-kriterji msemmija f'din it-taqsima japplikaw għall-istadji tal-qtugħ/ħidma/tirqim fil-produzzjoni għall-prodotti tessili.
Kriterju 26. Il-prinċipji u d-drittijiet fundamentali fuq il-post tax-xogħol
L-applikanti għandhom jiżguraw li l-prinċipji u d-drittijiet fundamentali fuq il-post tax-xogħol, kif deskritti fl-Istandards Fundamentali tax-Xogħol tal-Organizzazzjoni Internazzjonali tax-Xogħol (ILO), fil-Patt Globali tan-Nazzjonijiet Uniti u fil-Linji Gwida tal-OECD għall-Impriżi Multi-Nazzjonali, jiġu osservati mis-siti kollha tal-produzzjoni fl-istadji tal-qtugħ/ħidma/tirqim użati għall-manifattura tal-prodott(i) liċenzjat(i). Għall-finijiet ta' verifika, għandha ssir referenza għal dawn l-Istandards Fundamentali tax-Xogħol tal-ILO:
|
029 |
Ix-Xogħol Sfurzat |
|
087 |
Il-Libertà tal-Assoċjazzjoni u l-Ħarsien tad-Dritt għall-Organizzazzjoni |
|
098 |
Id-Dritt għall-Organizzazzjoni u għan-Negozjar Kollettiv |
|
100 |
Ħlas indaqs |
|
105 |
L-Abolizzjoni tax-Xogħol Sfurzat |
|
111 |
Id-Diskriminazzjoni (fl-Impjiegi u x-Xogħol) |
|
155 |
Is-saħħa u s-sigurtà fuq il-post tax-xogħol |
|
138 |
Il-Konvenzjoni dwar l-Età Minima |
|
182 |
L-Eliminazzjoni tal-Agħar Forom tat-Tħaddim tat-Tfal |
Dawn l-istandards għandhom jiġu kkomunikati lis-siti tal-produzzjoni fl-istadji tal-qtugħ/ħidma/tirqim li jintużaw għall-manifattura tal-prodott finali.
: l-applikant għandu juri verifika tal-konformità minn parti terza, bl-użu ta' verifika indipendenti jew evidenza dokumentarja, inklużi żjarat fuq is-sit minn awdituri matul il-proċess ta' verifika tal-Ekotikketta għas-siti tal-produzzjoni fl-istadji tal-qtugħ/ħidma/tirqim fil-katina tal-provvista għall-prodotti liċenzjati tagħhom. Dan għandu jsir mal-applikazzjoni u sussegwentement matul il-perjodu tal-liċenzja, jekk jiġu introdotti siti ta' produzzjoni ġodda.
Kriterju 27. Restrizzjoni fuq it-tindif bit-tfigħ tar-ramel (sandblasting) tad-denim
Ma għandux ikun permess l-użu ta' sandblasting manwali u mekkaniku sabiex id-denim jiġi jidher qisu użat jew qadim.
: l-applikant għandu jipprovdi dettalji dwar is-siti ta' produzzjoni kollha użati għall-produzzjoni ta' prodotti tad-denim bl-ekotikketta, flimkien ma' evidenza dokumentarja u fotografika tal-proċessi alternattivi sabiex id-denim jiġi jidher qisu użat jew qadim.
Kriterju 28. L-informazzjoni li tidher fuq l-Ekotikketta
It-tikketta fakultattiva b'kaxxa għat-test tista' tinludi kliem magħżul minn dan li ġej:
|
— |
Il-produzzjoni aktar sostenibbli tal-fibri (jew test magħżul mit-tabella 11 hawn taħt) |
|
— |
Proċessi tal-produzzjoni li jniġġsu inqas |
|
— |
Restrizzjonijiet fuq sustanzi perikolużi |
|
— |
Ittestjar għad-durabbiltà |
Tabella 11
It-test li jista' jkun jidher tul l-Ekotikketta, skont il-kontenut tal-prodott
|
Fibri użati |
Speċifikazzjoni tal-produzzjoni |
It-test li jista' jintwera |
|
Fibri tal-qoton |
Kontenut organiku ta' aktar minn 50 % |
Magħmula minn xx % ta' qoton organiku |
|
Kontenut organiku ta' aktar minn 95 % |
Magħmula minn qoton organiku |
|
|
Kontenut ta' IPM ta' aktar minn 70 % |
Qoton imkabbar b'inqas użu ta' pestiċidi |
|
|
Fibri ċellulożi magħmula mill-bniedem |
Polpa sostenibbli ċċertifikata ta' aktar minn 25 % |
Magħmula bl-użu ta' xx % ta' injam minn foresti sostenibbli |
|
Polpa sostenibbli ċċertifikata ta' aktar minn 95 % |
Magħmula bl-użu ta' injam minn foresti sostenibbli |
|
|
Poliammid |
Kontenut irriċiklat ta' aktar minn 20 % |
Magħmula minn xx % ta' najlon irriċiklat |
|
Kontenut irriċiklat ta' aktar minn 95 % |
Magħmula minn najlon irriċiklat |
|
|
Poliester |
Kontenut irriċiklat ta' aktar minn 50 % |
Magħmula minn xx % ta' poliester irriċiklat |
|
Kontenut irriċiklat ta' aktar minn 95 % |
Magħmula minn poliester irriċiklat |
: l-applikant għandu jipprovdi kampjun tal-imballaġġ tal-prodott li juri t-tikketta, flimkien ma' dikjarazzjoni tal-konformità ma' dan il-kriterju.
(1) Ir-Regolament tal-Kunsill (KE) Nru 834/2007 tat-28 ta' Ġunju 2007 dwar il-produzzjoni organika u t-tikkettar ta' prodotti organiċi u li jemenda r-Regolament (KEE) Nru 2092/91 (ĠU L 189, 20.7.2007, p. 1)
(2) Regolament (KE) Nru 1830/2003 tal-Parlament Ewropew u tal-Kunsill tat-22 ta' Settembru 2003 dwar it-traċċjabilità u l-ittikkettjar ta' organiżmi modifikati ġenetikament u t-traċċjabilità ta' prodotti ta' l-ikel u għalf manifatturati minn organiżmi modifikati ġenetikament u li jemenda d-Direttiva 2001/18/KE (ĠU L 268, 18.10.2003, p. 24).
(3) Regolament (UE) Nru 995/2010 tal-Parlament Ewropew u tal-Kunsill tal-20 ta' Ottubru 2010 li jistabbilixxi l-obbligi tal-operaturi li jqiegħdu fis-suq injam u prodotti tal-injam (ĠU L 295, 12.11.2010, p. 23).
(4) Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta' Sustanzi Kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni, kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).
(5) Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta' Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).
(6) Id-Direttiva tal-Kunsill 67/548/KEE tas-27 ta' Ġunju 1967 rigward l-approssimazzjoni tal-liġijiet, tar-regolamenti u tad-dispożizzjonijiet amministrattivi dwar il-klassifikazzjoni, l-imballaġġ u l-ittikkettar ta' sustanzi perikolużi (ĠU 196, 16.8.1967, p. 1).
(7) Id-Direttiva tal-Kunsill 1999/13/KE tal-11 ta' Marzu 1999 dwar il-limitazzjoni ta' taħlit volatili organiku minħabba l-użu ta' solventi organiċi f'ċerti attivitajiet u stallazzjonijiet (ĠU L 85, 29.3.1999, p. 1).
Appendiċi 1
LISTA TA' SUSTANZI RISTRETTI GĦAT-TESSUT TAL-EKOTIKKETTA TAL-UE
L-RSL tal-Ekotikketta tal-UE tikkonsisti minn restrizzjonijiet li japplikaw għall-istadji tal-produzzjoni li ġejjin fil-katina tal-provvista tat-tessuti:
|
(a) |
għażil tal-fibri u tal-ħjut |
|
(b) |
ibbliċjar u trattament minn qabel |
|
(c) |
il-kumpaniji li jipproduċu ż-żebgħa |
|
(d) |
il-proċessi tal-istampar |
|
(e) |
il-proċessi tal-irfinar |
|
(f) |
l-istadji kollha tal-produzzjoni |
|
(g) |
il-prodott finali |
Hemm ukoll numru ta' restrizzjonijiet taħt (g) li japplikaw għall-prodott finali, li għalihom jista' jkun hemm bżonn li jsir ittestjar analitiku.
(a) Restrizzjonijiet li japplikaw għall-għażil u l-insiġ tal-fibri u tal-ħjut
|
Grupp ta' sustanzi |
Kamp ta' applikazzjoni tar-restrizzjoni |
Valuri limiti |
Rekwiżiti tal-verifika |
||
|
Mill-inqas 95 % (skont il-piż niexef) tas-sustanzi tal-komponenti għandhom ikunu faċilment bijodegradabbli. Fil-każijiet kollha, għandha tittieħed f'kunsiderazzjoni s-somma ta' kull komponent. |
Faċilment bijodegradabbli: 70 % degradazzjoni tal-karbonju organiku maħlul fi żmien 28 ġurnata jew 60 % tnaqqis tal-ossiġenu massimu teoretiku jew ġenerazzjoni tad-dijossidu tal-karbonju fi żmien 28 ġurnata. |
Verifika: Dikjarazzjoni mill-fornitur tas-sustanzi kimiċi appoġġjata mir-riżultati tat-testijiet tal-OECD jew tal-ISO Metodu tal-ittestjar: OECD 301 A, ISO 7827 OECD 301 B, ISO 9439 OECD 301 C, (2) OECD 301 D, ISO 10708 OECD 301 E, OECD 301 F, ISO 9408 |
||
|
Mill-inqas 90 % (skont il-piż niexef) tas-sustanzi tal-komponenti għandhom ikunu faċilment bijodegradabbli, inerentement bijodegradabbli jew li jistgħu jiġu eliminati fl-impjanti tat-trattament tal-ilma tal-iskart. Fil-każijiet kollha, għandha tittieħed f'kunsiderazzjoni s-somma ta' kull komponent. |
Faċilment bijodegradabbli: Ara d-definizzjoni taħt (a)(ii) Inerentement bijodegradabbli: 70 % degradazzjoni tal-karbonju organiku maħlul fi żmien 28 ġurnata jew 60 % tnaqqis tal-ossiġenu massimu teoretiku jew ġenerazzjoni tad-dijossidu tal-karbonju fi żmien 28 ġurnata. Eliminabbiltà: 80 % degradazzjoni tal-karbonju organiku maħlul fi żmien 28 ġurnata |
Verifika: Dikjarazzjoni mill-fornitur tas-sustanzi kimiċi appoġġjata mir-riżultati tat-testijiet tal-OECD jew tal-ISO Metodu tal-ittestjar: Ara (a)(ii) għat-testijiet faċilment bijodegradabbli. Testijiet inerentement bijodegradabbli jiġu aċċettati: ISO 14593 OECD 302 A, ISO 9887, OECD 302 B, ISO 9888 OECD 302 C, Testijiet għall-eliminabbiltà: OECD 303 A/B ISO 11733 |
(b) Restrizzjonijiet li japplikaw għall-ibbliċjar
|
Grupp ta' sustanzi |
Kamp ta' applikazzjoni tar-restrizzjoni |
Valuri limiti |
Rekwiżiti tal-verifika |
|
(i) L-ibbliċjar ta' ħjut, drappijiet u prodotti finali Applikabbiltà: It-tipi kollha ta' fibri |
Ma għandhomx jintużaw aġenti tal-klorin għall-ibbliċjar ta' ħjut, drappijiet, panewijiet maħduma bil-labar jew prodotti finali, bl-eċċezzjoni ta' fibri ċellulożi magħmula mill-bniedem. |
m/a |
Verifika: Dikjarazzjoni tan-nuqqas ta' użu mill-istadju/i tal-produzzjoni |
(c) Restrizzjonijiet li japplikaw għall-kumpaniji li jipproduċu ż-żebgħa
|
Grupp ta' sustanzi |
Kamp ta' applikazzjoni tar-restrizzjoni |
Valuri limiti |
Rekwiżiti tal-verifika |
||||||||
|
Ma għandhomx jintużaw aċċelleranti (trasportaturi) aloġenati għall-għoti taż-żebgħa fuq fibri u drappijiet sintetiċi jew taħlitiet ta' poliester u suf. L-eżempji ta' trasportaturi jinkludu 1,2-diklorobenżen, 1,2,4-triklorobenżen, klorofenossietanol. |
m/a |
Verifika: Dikjarazzjoni tan-nuqqas ta' użu mill-fornitur tas-sustanzi kimiċi appoġġjata minn SDS. |
||||||||
|
Ma għandhomx jintużaw żebgħat ażo li jistgħu jaqbdu ma' ammini aromatiċi li huma magħrufa bħala li huma karċinoġeniċi. L-Appendiċi 2 fih lista ta'arilammini ristretti u lista indikattiva ta' żebgħat ażo li jistgħu jaqbdu ma' dawn l-arilammini. Din tal-aħħar għandha tintuża bħala gwida għaż-żebgħat li ma għandhomx jintużaw. Il-valur limitu għall-arilammini għandu jiġi applikat għall-prodott finali. |
30 mg/kg għal kull amina (1) |
Verifika: Ittestjar tal-prodott finali li għandu jitwettaq kif speċifikat. Metodu tal-ittestjar: EN 14362-1 u 3. |
||||||||
|
Ma għandhomx jintużaw żebgħat li jkunu karċinoġeniċi, mutaġeniċi jew tossiċi għar-riproduzzjoni. L-Appendiċi 2 fih lista ta' żebgħat CMR li ma għandhomx jintużaw. |
m/a |
Verifika: Dikjarazzjoni tan-nuqqas ta' użu mill-fornitur tas-sustanzi kimiċi appoġġjata minn SDS. |
||||||||
|
Ma għandhomx jintużaw żebgħat li potenzjalment jissensitizzaw. L-Appendiċi 2 fih lista ta' żebgħat li jissensitizzaw li ma għandhomx jintużaw. |
Verifika: Dikjarazzjoni tan-nuqqas ta' użu mill-fornitur tas-sustanzi kimiċi appoġġjata minn SDS. |
|||||||||
|
Ma għandhiex tintuża żebgħa korrużiva tal-kromju. |
m/a |
Verifika: Dikjarazzjoni tan-nuqqas ta' użu mill-fornitur tas-sustanzi kimiċi appoġġjata minn SDS. |
||||||||
|
Iż-żebgħat ta' metalli kumplessi bbażati fuq ir-ram, il-kromju u n-nikil għandhom ikunu permessi biss għall-għoti taż-żebgħa fuq:
|
m/a |
Verifika: Dikjarazzjoni tan-nuqqas ta' użu mill-fornitur tas-sustanzi kimiċi appoġġjata minn SDS. |
(d) Restrizzjonijiet li japplikaw għall-proċessi tal-istampar
|
Stampar |
|||||||||||||||||||||
|
Iż-żebgħat u l-pigmenti li jintużaw għall-istampar ta' tessuti b'ekotikketta għandhom jikkonformaw mar-restrizzjonijiet li japplikaw għall-kumpaniji li jipproduċu ż-żebgħa (it-Taqsima C ta' dan l-Appendiċi). |
Jekk jogħġbok irreferi għar-restrizzjonijiet tal-kumpaniji li jipproduċu ż-żebgħa (Taqsima C) |
Verifika: Kif speċifikat għall-kumpaniji li jipproduċu ż-żebgħa |
||||||||||||||||||
|
Il-pejsts li jintużaw għall-istampar ma għandux ikollhom aktar minn 5 % ta' Komposti Organiċi Volatili (VOC's). Dawn jistgħu jinkludu:
|
< 5,0 % w/w kontenut ta' VOC |
Verifika: Dikjarazzjoni mill-applikant li ma sar ebda stampar jew Dikjarazzjoni mill-istampatur appoġġjata minn SDS u/jew il-kalkoli għall-pejst li jintuża għall-istampar. |
||||||||||||||||||
|
Ma għandhomx jintużaw sustanzi addittivi tal-“plastisol” għall-istampar tal-leganti, inklużi PVC u ftalati ristretti. |
m/a |
Verifika: Dikjarazzjoni mill-applikant li ma sar ebda stampar jew Dikjarazzjoni tan-nuqqas ta' użu minn fornituri ta' sustanzi kimiċi appoġġjata minn SDS għall-addittivi. |
||||||||||||||||||
(e) Restrizzjonijiet li japplikaw għall-proċessi tal-irfinaturi
|
Irfinaturi, trattamenti u addittivi funzjonali |
|||||
|
Il-bijoċidi ma għandhomx jiġu inkorporati fil-fibri, fid-drappijiet jew fil-prodott finali sabiex jagħtu karatteristiċi bijoċidali. Eżempji komuni jinkludu triklosan, nanofidda, komposti organiċi taż-żingu, komposti organiċi tal-landa, komposti tad-diklorofenil(ester), derivattivi tal-benżimidażol u isotjażolinoni. |
m/a |
Verifika: Dikjarazzjoni tan-nuqqas ta' użu mill-applikant |
||
|
Is-sustanzi jew il-preparazzjonijiet aloġenati għandhom jiġu applikati biss ma' biċċiet irqaq tas-suq u ma' biċċiet tas-suf maħlulin u mogħrkin. |
m/a |
Verifika: Dikjarazzjoni tan-nuqqas ta' użu mill-proċessuri tas-suf. |
||
|
Ma għandhomx jintużaw trattamenti fluworinati li jbarru l-ilma, it-tbajja' u ż-żejt. Dawn għandhom jinkludu trattamenti perfluworinati u polifluworinati. It-trattamenti mhux fluworinati għandhom ikunu faċilment bijodegradabbli u mhux bijoakkumulattivi fl-ambjent akkwatiku, inkluż f'sediment akkwatiku. Barra minn hekk, huma għandhom ikunu konformi mal-kriterju tal-adegwatezza għall-użu 25(a). |
m/a |
Verifika: Dikjarazzjoni tan-nuqqas ta' użu appoġġjata minn SDS għas-sustanzi li jbarru użati sabiex jiġu pprovduti mill-ħaddiema li jirfinaw. Metodu tal-ittestjar: m/a |
||
|
Is-sustanzi reżistenti għall-fjammi li ġejjin ma għandhomx jintużaw: HBCDD — Eżabromoċiklododekan PeBDE — Etere pentabromodifenil OcBDE — Etere oktabromidifenil DecaBDE — Etere dekabromodifenil PBBs — Bifenili polibrominati TEPA — Fosfinossidu tris(aziridinil) TRIS — Fosfat tris (2,3 dibromopropil) TCEP — Fosfat tris (2, kloroetil) Paraffina, C10-C13, klorinata (SCCP) |
m/a |
Verifika: Dikjarazzjoni tan-nuqqas ta' użu appoġġjata minn SDS |
||
|
It-trijossidu tal-antimonju sinerġizzant (H351) huwa derogat sabiex jintuża biss bħala sustanza sinerġika għall-kisi minn wara tat-tessuti intiżi għat-tiżjin fuq ġewwa bil-kondizzjoni li l-prodott irid ikun reżistenti għall-fjammi u li jintlaħqu l-valuri limiti tal-espożizzjoni okkupazzjonali fuq il-post tax-xogħol. |
Valur medju ELV ta' xift ta' tmien sigħat għal 0,50 mg/m3 |
Verifika: Id-dejta dwar il-monitoraġġ għandha tiġi pprovduta mill-ħaddiem li jirfina meta jiġi applikat it-trijossidu tal-antimonju. |
|||
(f) Restrizzjonijiet li japplikaw għall-istadji kollha tal-produzzjoni
|
Sustanzi ta' Tħassib Serju Ħafna (SVHC's) |
|||||||||||||||||||||||||
|
L-SVHC's li ġew identifikati skont l-Artikolu 59 tar-Regolament (KE) Nru 1907/2006 (REACH) bħala li jissodisfaw il-kriterji tal-Artikolu 57 ta' dak ir-Regolament u li huma elenkati fil-lista ta' kandidati għall-inklużjoni eventwali fl-Anness XIV ta' REACH (“Lista ta' Kandidati”), li bħalissa tinsab fl-istadju tal-applikazzjoni, ma għandhomx ikunu preżenti fil-prodott finali, bil-għan li jagħtu funzjoni lill-prodott finali jew li ntużaw b'mod intenzjonali matul l-istadji tal-produzzjoni, sakemm ma tkunx ġiet approvata deroga. Il-Lista ta' Kandidati attwali tista' tiġi kkonsultata fuq: http://echa.europa.eu/web/guest/candidate-list-table Ma għandha tingħata ebda deroga mill-esklużjoni f'dan il-kriterju dwar is-sustanzi li ġew identifikati bħala SVHC's u li ddaħħlu fil-lista prevista fl-Artikolu 59 tar-Regolament (KE) Nru 1907/2006, kif ukoll li huma preżenti fl-Artikolu jew fi kwalunkwe parti omoġenja tiegħu f'konċentrazzjonijiet ta' aktar minn 0,10 %. |
m/a |
Verifika: Dikjarazzjoni tal-konformità minn kull stadju tal-produzzjoni u l-fornituri tas-sustanzi kimiċi tagħhom. |
||||||||||||||||||||||
|
Aġenti tensjoattivi, rattaba tad-drapp u aġenti li jikkumplessaw |
|||||||||||||||||||||||||
|
Mill-inqas 95 % (skont il-piż) tar-rattaba tad-drapp, tal-aġenti li jikkumplessaw u tal-aġenti tensjoattivi għandhom ikunu:
L-aħħar reviżjoni tad-Database tal-Ingredjenti tad-Diterġenti għandha tintuża bħala punt ta' referenza għall-bijodegradabbiltà: http://ec.europa.eu/environment/ecolabel/documents/did_list/didlist_part_a_en.pdf |
m/a |
Verifika: Dikjarazzjoni mill-fornitur tas-sustanzi kimiċi appoġġjata minn SDS u/jew mir-riżultati tat-testijiet tal-OECD jew tal-ISO Metodu tal-ittestjar: Ara l-aġenti tal-kejl u tal-għażil (Appendiċi 1(a) i/ii) |
||||||||||||||||||||||
|
L-aġenti tensjoattivi kollha li mhumiex joniċi u katjoniċi għandhom ikunu wkoll faċilment bijodegradabbli f'kondizzjonijiet anaerobiċi Id-database bl-ingredjenti tad-diterġenti għandha tintuża bħala punt ta' referenza għall-bijodegradabbiltà: http://ec.europa.eu/environment/ecolabel/documents/did_list/didlist_part_a_en.pdf |
m/a |
Verifika: Dikjarazzjoni minn SDS u/jew minn fornitur tas-sustanzi kimiċi appoġġjata mir-riżultati tat-testijiet tal-OECD jew tal-ISO Metodu tal-ittestjar: EN ISO 11734, ECETOC Nru 28 OECD 311 |
||||||||||||||||||||||
|
Awżiljarji |
|||||||||||||||||||||||||
|
Is-sustanzi li ġejjin ma għandhomx jintużaw fi kwalunkwe preparazzjonijiet jew formulazzjonijiet użati għat-tessuti u huma soġġetti għall-valuri limiti għall-preżenza tas-sustanzi fuq il-prodott finali:
|
25 mg/kg totali |
Verifika: L-ittestjar tal-prodott finali għandu jsir kif speċifikat għall-alkifenoli. Metodu tal-ittestjar: Estrazzjoni tas-solventi segwita minn LCMS |
||||||||||||||||||||||
|
|
Is-sustanzi li ġejjin ma għandhomx jintużaw fi kwalunkwe preparazzjonijiet jew formulazzjonijiet tat-tessuti:
Aċidu nitrilotrijaċetiku (NTA) |
m/a |
Verifika: Dikjarazzjoni tan-nuqqas ta' użu mill-fornituri tas-sustanzi kimiċi appoġġjata minn SDS għall-istadji kollha tal-produzzjoni. |
||||||||||||||||||||||
(g) Restrizzjonijiet li japplikaw għall-prodott finali
|
N,N-Dimetilaċetammid (127-19-5) Il-valuri limiti li ġejjin japplikaw għall-prodotti finali li fihom l-elastane u l-akrilik: |
|
Verifika: Ittestjar tal-prodott finali Metodu tal-ittestjar: Estrazzjoni ta' solventi, GCMS jew LCMS |
|||||||||||||||||||||
|
0,001 % w/w |
|||||||||||||||||||||||
|
0,005 % w/w |
|||||||||||||||||||||||
|
0,005 % w/w |
|||||||||||||||||||||||
|
Il-valuri limiti li ġejjin japplikaw għar-residwi tal-formaldeid minn irfinaturi b'kura faċli: |
|
Verifika: Ittestjar tal-prodott finali għal prodotti b'irfinatura li tirrikjedi kura faċli. Hemm bżonn ta' dikjarazzjoni tan-nuqqas ta' użu għall-prodotti l-oħrajn kollha. Metodu tal-ittestjar: EN ISO 14184-1 |
|||||||||||||||||||||
|
16 ppm |
|||||||||||||||||||||||
|
16 ppm |
|||||||||||||||||||||||
|
75 ppm |
|||||||||||||||||||||||
|
Huma biss il-bijoċidi li huma awtorizzati skont id-Direttiva 98/8/KE tal-Parlament Ewropew u tal-Kunsill (2) u skont ir-Regolament (KE) Nru 528/2012 tal-Parlament Ewropew u tal-Kunsill (3) li huma permessi sabiex jintużaw. L-applikanti għandhom jikkonsultaw l-aktar lista ta' awtorizzazzjoni attwali: http://ec.europa.eu/environment/biocides/annexi_and_ia.htm Il-bijoċidi speċifiċi li ġejjin huma ristretti:
|
m/a |
Verifika: Dikjarazzjoni tan-nuqqas ta' użu qabel it-trasportazzjoni bil-baħar u l-ħażna appoġġjata minn SDS. |
|||||||||||||||||||||
|
Il-valuri limiti li ġejjin japplikaw għal prodotti maħsuba għal trabi u tfal ta' taħt it-3 snin: |
mg/kg |
Verifika: Ittestjar tal-prodott finali Metodu tal-ittestjar: Estrazzjoni — EN ISO 105-E04-2013 (Soluzzjoni ta' għaraq aċiduż) Detezzjoni — ICP-MS jew ICP-OES |
|||||||||||||||||||||
|
Antimonju (Sb) |
30,0 |
|||||||||||||||||||||||
|
Arseniku (As) |
0,2 |
|||||||||||||||||||||||
|
Kadmju (Cd) |
0,1 |
|||||||||||||||||||||||
|
Kromju (Cr) |
|
|||||||||||||||||||||||
|
1,0 |
|||||||||||||||||||||||
|
0,5 |
|||||||||||||||||||||||
|
Kobalt (Co) |
1,0 |
|||||||||||||||||||||||
|
Ram (Cu) |
25,0 |
|||||||||||||||||||||||
|
Ċomb (Pb) |
0,2 |
|||||||||||||||||||||||
|
Nikil (Ni) |
|
|||||||||||||||||||||||
|
1,0 |
|||||||||||||||||||||||
|
0,5 |
|||||||||||||||||||||||
|
Merkurju (Hg) |
0,02 |
|||||||||||||||||||||||
|
Il-valuri limiti li ġejjin japplikaw għall-prodotti l-oħrajn kollha, inklużi tessuti intiżi għat-tiżjin fuq ġewwa: |
mg/kg |
Verifika: Ittestjar tal-prodott finali Metodu tal-ittestjar: Estrazzjoni — DIN EN ISO 105-E04-2013 (Soluzzjoni ta' għaraq aċiduż) Detezzjoni — ICP-MS jew ICP-OES |
||||||||||||||||||||||
|
Antimonju (Sb) |
30,0 |
|||||||||||||||||||||||
|
Arseniku (As) |
1,0 |
|||||||||||||||||||||||
|
Kadmju (Cd) |
0,1 |
|||||||||||||||||||||||
|
Kromju (Cr) |
|
|||||||||||||||||||||||
|
2,0 |
|||||||||||||||||||||||
|
1,0 |
|||||||||||||||||||||||
|
Kobalt (Co) |
|
|||||||||||||||||||||||
|
4,0 |
|||||||||||||||||||||||
|
1,0 |
|||||||||||||||||||||||
|
Ram (Cu) |
|
|||||||||||||||||||||||
|
Ċomb (Pb) |
50,0 |
|||||||||||||||||||||||
|
Nikil (Ni) |
1,0 |
|||||||||||||||||||||||
|
Merkurju (Hg) |
1,0 0,02 |
|||||||||||||||||||||||
|
Il-polimeri ma għandhomx jinkludu l-ftalati li ġejjin: DEHP (Ftalat tal-bis-(2-etileżil) BBP (Ftalat benżil butil) DBP (Ftalat tad-dibutil) DMEP Ftalat tal-(bis2-metożetil) DIBP (Ftalat tad-diisobutil) DIHP (Alkiftalati di-C6-8-f'fergħat) DHNUP (Alkiftalati di-C7-11-f'fergħat) DHP (Di-n-eżilftalat) |
Somma totali 0,10 % w/w |
Verifika: Dikjarazzjoni tan-nuqqas ta' użu minn manifattur tal-polimeru appoġġjata minn SDS għall-plastiċizzanti użati fil-formulazzjoni. Meta l-informazzjoni ma tkunx disponibbli, jista' jintalab l-ittestjar. Metodu tal-ittestjar: EN ISO 14389 |
|||||||||||||||||||||
|
Il-membrani u l-laminati tal-fluworopolimeru jistgħu jintużaw għall-ilbies għal barra u għall-ilbies tekniku għal barra. Dawn ma għandhomx jiġu manifatturati bl-użu tal-PFOA jew kwalunkwe omologu ogħla kif definit mill-OECD. |
|
Verifika: Dikjarazzjoni tal-konformità mill-manifattur ta' membrani jew prodotti laminati fir-rigward tal-produzzjoni tal-polimeru. |
||||||||||||||||||||||
|
Għall-aċċessorji tal-metall: |
|
Verifika: L-ittestjar tal-kompożizzjoni tal-komponenti tal-metall. Metodi tal-ittestjar: Għall-migrazzjoni tan-nikil EN 12472-2005 EN 1811-1998+A1-2008 Għal metalli oħrajn Detezzjoni — GC-ICP-MS |
|||||||||||||||||||||
|
Għandu japplika limitu ta' migrazzjoni għal-ligi tal-metall li jkun fihom in-nikil u li jiġu f'kuntatt dirett u prolongat mal-ġilda. |
Nikil 0.5 μg/ċm2/ġimgħa |
|||||||||||||||||||||||
|
Barra minn hekk, għandu jsir ittestjar għall-preżenza tal-metalli li ġejjin, li għalihom għandhom japplikaw il-valuri limiti li ġejjin: |
|
|||||||||||||||||||||||
|
Ċomb (Pb), |
90 mg/kg |
|||||||||||||||||||||||
|
Kadmju (Cd) |
|
|||||||||||||||||||||||
|
50 mg/kg |
|||||||||||||||||||||||
|
100 mg/kg |
|||||||||||||||||||||||
|
Kromju (Cr), fejn ikun hemm kisi bil-kromju |
60 mg/kg |
|||||||||||||||||||||||
|
Merkurju (Hg) |
60 mg/kg |
|||||||||||||||||||||||
|
Il-ftalati li ġejjin ma għandhomx jintużaw f'aċċessorji tal-plastik:
Il-ftalati li ġejjin ma għandhomx jintużaw fil-ħwejjeġ tat-tfal meta jkun hemm riskju li l-aċċessorju jista' jitqiegħed fil-ħalq, pereżempju; l-aċċessorji minn fejn jinqabdu ż-żippijiet:
|
m/a |
Verifika: Għandha tiġi pprovduta SDS għall-formulazzjoni tal-plastik. |
(1) Għandhom jittieħdu miżuri bil-għan li jiġu evitati pożittivi foloz mill-preżenza ta' 4-amminoażobenżen.
(2) Id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegħid fis-suq tal-prodotti bijoċidali (ĠU L 123, 24.4.1998, p. 1).
(3) Ir-Regolament (UE) Nru 528/2012 tal-Parlament Ewropew u tal-Kunsill tat-22 ta' Mejju 2012 dwar it-tqegħid fis-suq u l-użu tal-prodotti bijoċidali (ĠU L 167, 27.6.2012, p. 1).
Appendiċi 2
RESTRIZZJONIJIET FUQ IŻ-ŻEBGĦA
(a) Ammini aromatiċi karċinoġeniċi
|
Aril ammina |
In-Numru CAS |
|
4-amminodifenil |
92-67-1 |
|
Benżidina |
92-87-5 |
|
4-kloro-o-tolwidina |
95-69-2 |
|
2-naftilammina |
91-59-8 |
|
o-ammino-ażotoluwen |
97-56-3 |
|
2-ammino-4-nitrotoluwen |
99-55-8 |
|
4-kloroanilina |
106-47-8 |
|
2,4-diaminoanisol |
615-05-4 |
|
4,4′-diaminodifenilmetan |
101-77-9 |
|
3,3′-diklorobenżidina |
91-94-1 |
|
3,3′-dimetossibenżidina |
119-90-4 |
|
3,3′-dimetilbenżidina |
119-93-7 |
|
3,3′-dimetil-4,4′-diaminodifenilmetan |
838-88-0 |
|
p-kresidina |
120-71-8 |
|
4,4'-metilen-bis-(2-kloro-anilina) |
101-14-4 |
|
4,4′-ossidianilina |
101-80-4 |
|
4,4′-tijodianilina |
139-65-1 |
|
o-tolwidina |
95-53-4 |
|
2,4-diamminotoluwen |
95-80-7 |
|
2,4,5-trimetilanilina |
137-17-7 |
|
4-amminoażobenżen |
60-09-3 |
|
o-anisidina |
90-04-0 |
|
2,4-Ksilidina |
95-68-1 |
|
2,6-Ksilidina |
87-62-7 |
(b) Lista indikattiva ta' żebgħat li jistgħu jaqbdu ma' ammini aromatiċi karċinoġeniċi
|
Żebgħat mifruxa |
||
|
Oranġjo Mifrux 60 |
Isfar Mifrux 7 |
|
|
Oranġjo Mifrux 149 |
Isfar Mifrux 23 |
|
|
Aħmar Mifrux 151 |
Isfar Mifrux 56 |
|
|
Aħmar Mifrux 221 |
Isfar Mifrux 218 |
|
|
Żebgħat bażiċi |
||
|
Kannella Bażiku 4 |
Aħmar Bażiku 114 |
|
|
Aħmar Bażiku 42 |
Isfar Bażiku 82 |
|
|
Aħmar Bażiku 76 |
Isfar Bażiku 103 |
|
|
Aħmar Bażiku 111 |
|
|
|
Żebgħat Aċidużi |
||
|
CI Iswed Aċiduż 29 |
CI Aħmar Aċiduż 24 |
CI Aħmar Aċiduż 128 |
|
CI Iswed Aċiduż 94 |
CI Aħmar Aċiduż 26 |
CI Aħmar Aċiduż 115 |
|
CI Iswed Aċiduż 131 |
CI Aħmar Aċiduż 26:1 |
CI Aħmar Aċiduż 128 |
|
CI Iswed Aċiduż 132 |
CI Aħmar Aċiduż 26:2 |
CI Aħmar Aċiduż 135 |
|
CI Iswed Aċiduż 209 |
CI Aħmar Aċiduż 35 |
CI Aħmar Aċiduż 148 |
|
CI Iswed Aċiduż 232 |
CI Aħmar Aċiduż 48 |
CI Aħmar Aċiduż 150 |
|
CI Kannella Aċiduż 415 |
CI Aħmar Aċiduż 73 |
CI Aħmar Aċiduż 158 |
|
CI Oranġjo Aċiduż 17 |
CI Aħmar Aċiduż 85 |
CI Aħmar Aċiduż 167 |
|
CI Oranġjo Aċiduż 24 |
CI Aħmar Aċiduż 104 |
CI Aħmar Aċiduż 170 |
|
CI Oranġjo Aċiduż 45 |
CI Aħmar Aċiduż 114 |
CI Aħmar Aċiduż 264 |
|
CI Aħmar Aċiduż 4 |
CI Aħmar Aċiduż 115 |
CI Aħmar Aċiduż 265 |
|
CI Aħmar Aċiduż 5 |
CI Aħmar Aċiduż 116 |
CI Aħmar Aċiduż 420 |
|
CI Aħmar Aċiduż 8 |
CI Aħmar Aċiduż 119:1 |
CI Vjola Aċiduż 12 |
|
Żebgħat Diretti |
||
|
Iswed Dirett 4 |
Kannella Bażiku 4 |
Aħmar Dirett 13 |
|
Iswed Dirett 29 |
Kannella Dirett 6 |
Aħmar Dirett 17 |
|
Iswed Dirett 38 |
Kannella Dirett 25 |
Aħmar Dirett 21 |
|
Iswed Dirett 154 |
Kannella Dirett 27 |
Aħmar Dirett 24 |
|
Ikħal Dirett 1 |
Kannella Dirett 31 |
Aħmar Dirett 26 |
|
Ikħal Dirett 2 |
Kannella Dirett 33 |
Aħmar Dirett 22 |
|
Ikħal Dirett 3 |
Kannella Dirett 51 |
Aħmar Dirett 28 |
|
Ikħal Dirett 6 |
Kannella Dirett 59 |
Aħmar Dirett 37 |
|
Ikħal Dirett 8 |
Kannella Dirett 74 |
Aħmar Dirett 39 |
|
Ikħal Dirett 9 |
Kannella Dirett 79 |
Aħmar Dirett 44 |
|
Ikħal Dirett 10 |
Kannella Dirett 95 |
Aħmar Dirett 46 |
|
Ikħal Dirett 14 |
Kannella Dirett 101 |
Aħmar Dirett 62 |
|
Ikħal Dirett 15 |
Kannella Dirett 154 |
Aħmar Dirett 67 |
|
Ikħal Dirett 21 |
Kannella Dirett 222 |
Aħmar Dirett 72 |
|
Ikħal Dirett 22 |
Kannella Dirett 223 |
Aħmar Dirett 126 |
|
Ikħal Dirett 25 |
Aħdar Dirett 1 |
Aħmar Dirett 168 |
|
Ikħal Dirett 35 |
Aħdar Dirett 6 |
Aħmar Dirett 216 |
|
Ikħal Dirett 76 |
Aħdar Dirett 8 |
Aħmar Dirett 264 |
|
Ikħal Dirett 116 |
Aħdar Dirett 8.1 |
Vjola Dirett 1 |
|
Ikħal Dirett 151 |
Aħdar Dirett 85 |
Vjola Dirett 4 |
|
Ikħal Dirett 160 |
Oranġjo Dirett 1 |
Vjola Dirett 12 |
|
Ikħal Dirett 173 |
Oranġjo Dirett 6 |
Vjola Dirett 13 |
|
Ikħal Dirett 192 |
Oranġjo Dirett 7 |
Vjola Dirett 14 |
|
Ikħal Dirett 201 |
Oranġjo Dirett 8 |
Vjola Dirett 21 |
|
Ikħal Dirett 215 |
Oranġjo Dirett 10 |
Vjola Dirett 22 |
|
Ikħal Dirett 295 |
Oranġjo Dirett 108 |
Isfar Dirett 1 |
|
Ikħal Dirett 306 |
Aħmar Dirett 1 |
Isfar Dirett 24 |
|
Kannella Dirett 1 |
Aħmar Dirett 2 |
Isfar Dirett 48 |
|
Kannella Dirett 1:2 |
Aħmar Dirett 7 |
|
|
Kannella Dirett 2 |
Aħmar Dirett 10 |
|
(c) Żebgħat li huma CMR jew li potenzjalment jissensitizzaw
|
Żebgħat li huma karċinoġeniċi, mutaġeniċi jew tossiċi għar-riproduzzjoni |
||
|
C.I. Aħmar Aċiduż 26 |
C. I. Iswed Dirett 38 |
C.I. Ikħal Mifrux 1 |
|
C.I. Aħmar Bażiku 9 |
C. I. Ikħal Dirett 6 |
C.I. Oranġjo Mifrux 11 |
|
C.I. Vjola Bażiku 14 |
C. I. Aħmar Dirett 28 |
C. I. Isfar Mifrux 3 |
|
Żebgħat mifruxa li potenzjalment jissensitizzaw |
||
|
C.I. Ikħal Mifrux 1 |
C.I. Ikħal Mifrux 124 |
C.I. Aħmar Mifrux 11 |
|
C.I. Ikħal Mifrux 3 |
C.I. Kannella Mifrux 1 |
C.I. Aħmar Mifrux 17 |
|
C.I. Ikħal Mifrux 7 |
C.I. Oranġjo Mifrux 1 |
C.I. Isfar Mifrux 1 |
|
C.I. Ikħal Mifrux 26 |
C.I. Oranġjo Mifrux 3 |
C.I. Isfar Mifrux 3 |
|
C.I. Ikħal Mifrux 35 |
C.I. Oranġjo Mifrux 37 |
C.I. Isfar Mifrux 9 |
|
C.I. Ikħal Mifrux 102 |
C.I. Oranġjo Mifrux 76 |
C.I. Isfar Mifrux 39 |
|
C.I. Ikħal Mifrux 106 |
C.I. Aħmar Mifrux 1 |
C.I. Isfar Mifrux 49 |
Appendiċi 3
L-AQWA TEKNIKA DISPONIBBLI FIL-QASAM TAL-EFFIĊJENZA FL-UŻU TAL-ENERĠIJA GĦALL-ĦASIL, GĦAT-TNIXXIF U GĦAT-TQADDID
|
Qasam |
Tekniki tal-BAT |
||||||||||||||||
|
|
||||||||||||||||
|
|
||||||||||||||||
|
|
||||||||||||||||
|
|||||||||||||||||