Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62022TN0648

Cás T-648/22: Caingean arna tabhairt an 13 Deireadh Fómhair 2022 – ClientEarth v an Chomhairle

IO C 482, 19.12.2022, p. 25–26 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

19.12.2022   

GA

Iris Oifigiúil an Aontais Eorpaigh

C 482/25

Caingean arna tabhairt an 13 Deireadh Fómhair 2022 – ClientEarth v an Chomhairle

(Cás T-648/22)

(2022/C 482/34)

Teanga an cháis: an Béarla

Páirtithe

Iarratasóir: ClientEarth AISBL (an Bhruiséil, an Bheilg) (ionadaí: C. Ziegler, Dlíodóir)

Cosantóir: Comhairle an Aontais Eorpaigh

An t-ordú atá á lorg

Iarrann an t-iarratasóir ar an gCúirt Ghinearálta:

—

Cinneadh dár dáta an 3 Lúnasa 2022 (SGS 22/3264) i ndáil leis an iarratas ar athbhreithniú inmheánach faoi Theideal IV de Rialachán Aarhus i ndáil le Rialachán (AE) 2022/515 ón gComhairle an 31 Márta 2022 lena leasaítear Rialachán (AE) 2022/109 lena socraítear le haghaidh 2022 na deiseanna iascaireachta le haghaidh stoic éisc áirithe agus grúpaí stoc éisc is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad (IO 2022 L 104, lch. 1) a chur ar neamhní; agus

—

a ordú don Chomhairle a costais féin a íoc chomh maith leis na costais arna dtabhú ag an iarratasóir.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir ceithre shaincheist dlí.

1.

An chéad saincheist dlí, lena n-éilítear earráid dlí agus mheasúnaithe fhollasach maidir le raon feidhme rochtain an iarratasóra ar chearta achomhairc faoi Rialachán Aarhus, toisc gur dhearbhaigh an Chomhairle go raibh pléadálacha an iarratasóra, lena líomhnaíodh easpa inniúlachta na Comhairle agus mí-úsáid a cumhachtaí trí Rialachán Leasaitheach TAC a ghlacadh, do-ghlactha toisc iad a bheith lasmuigh de raon feidhme Airteagal 10 de Rialachán Aarhus.

2.

An dara saincheist dlí, lena n-éilítear earráidí dlí agus mheasúnaithe follasacha i ndáil le heilimintí riachtanacha den dlí tánaisteach agus le raon feidhme inniúlacht na Comhairle TACanna a shocrú faoi Airteagal 43(3) CFAE, toisc an méid seo a leanas a bheith déanta ag an gComhairle:

—

Earráid dlí fhollasach i ndáil leis an tionchar a líomhnaítear i leith an Chomhaontaithe Trádala agus Comhair ar inniúlacht na Comhairle TACanna a shocrú ar bhealach a thagann salach ar reachtaíocht iascaigh an Aontais;

—

Earráidí dlí follasacha i ndáil leis an gcorrlach breithmheasa atá aici deiseanna iascaireachta a shocrú, mar a theorannaítear le Cuspóir uileghabhálach MSY d’Airteagal 2(2) de bhun-Rialachán CBI; agus

—

Earráidí dlí agus measúnaithe follasacha i ndáil le teorainneacha a inniúlachta faoi Airteagal 43(3) CFAE.

3.

An tríú saincheist dlí, lena n-éilítear earráidí measúnaithe follasacha i ndáil le hoibleagáidí na Comhairle:

—

cur chuige an réamhchúraim a chur chun feidhme, mar a cheanglaítear faoin gcéad agus faoin dara fomhír d’Airteagal 2(2) agus faoi Airteagail 4(1)(8) agus 9(2) de bhun-Rialachán CBI, agus arna gcur faoi theorann docht ag Cuspóir MSY;

—

an cur chuige bunaithe ar éiceachórais a chur chun feidhme, mar a cheanglaítear faoi Airteagal 2(3) de bhun-Rialachán CBI.

4.

An ceathrú saincheist dlí, lena n-éilítear earráid mheasúnaithe fhollasach i ndáil leis an mí-úsáid a bhain an Chomhairle as a cumhachtaí agus í ag glacadh Rialachán (AE) 2022/515 ón gComhairle an 31 Márta 2022 lena leasaítear Rialachán (AE) 2022/109 lena socraítear le haghaidh 2022 na deiseanna iascaireachta le haghaidh stoic éisc áirithe agus grúpaí stoc éisc is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad (IO 2022 L 104, lch. 1).
Top