Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 52021AP0456

P9_TA(2021)0456 Politika Agrikola Komuni – l-appoġġ għall-pjanijiet strateġiċi li jridu jitfasslu mill-Istati Membri u ffinanzjati mill-FAEG u mill-FAEŻR ***I Riżoluzzjoni leġiżlattiva tal-Parlament Ewropew tat-23 ta' Novembru 2021 dwar il-proposta għal regolament tal-Parlament Ewropew u tal-Kunsill li jistabbilixxi regoli dwar l-appoġġ għall-pjanijiet strateġiċi li jridu jitfasslu mill-Istati Membri taħt il-Politika Agrikola Komuni (il-Pjanijiet Strateġiċi tal-PAK) u ffinanzjati mill-Fond Agrikolu Ewropew ta' Garanzija (FAEG) u mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolament (UE) Nru 1305/2013 tal-Parlament Ewropew u tal-Kunsill u r-Regolament (UE) Nru 1307/2013 tal-Parlament Ewropew u tal-Kunsill (COM(2018)0392 – C8-0248/2018 – 2018/0216(COD)) P9_TC1-COD(2018)0216 Pożizzjoni tal-Parlament Ewropew adottata fl-ewwel qari fit-23 ta’ Novembru 2021 bil-ħsieb li jiġi adottat ir-Regolament (UE) 2021/… tal-Parlament Ewropew u tal-Kunsill li jistabbilixxi regoli dwar l-appoġġ għall-pjanijiet strateġiċi li għandhom jitfasslu mill-Istati Membri skont il-Politika Agrikola Komuni (Pjanijiet Strateġiċi tal-PAK) u ffinanzjati mill-Fond Agrikolu Ewropew ta' Garanzija (FAEG) u mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolamenti (UE) Nru 1305/2013 u (UE) Nru 1307/2013

ĠU C 224, 8.6.2022, p. 115–117 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

8.6.2022   

MT

Il-Ġurnal Uffiċjali tal-Unjoni Ewropea

C 224/115

P9_TA(2021)0456

Politika Agrikola Komuni – l-appoġġ għall-pjanijiet strateġiċi li jridu jitfasslu mill-Istati Membri u ffinanzjati mill-FAEG u mill-FAEŻR ***I

Riżoluzzjoni leġiżlattiva tal-Parlament Ewropew tat-23 ta' Novembru 2021 dwar il-proposta għal regolament tal-Parlament Ewropew u tal-Kunsill li jistabbilixxi regoli dwar l-appoġġ għall-pjanijiet strateġiċi li jridu jitfasslu mill-Istati Membri taħt il-Politika Agrikola Komuni (il-Pjanijiet Strateġiċi tal-PAK) u ffinanzjati mill-Fond Agrikolu Ewropew ta' Garanzija (FAEG) u mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolament (UE) Nru 1305/2013 tal-Parlament Ewropew u tal-Kunsill u r-Regolament (UE) Nru 1307/2013 tal-Parlament Ewropew u tal-Kunsill (COM(2018)0392 – C8-0248/2018 – 2018/0216(COD))

(Proċedura leġiżlattiva ordinarja: l-ewwel qari)

(2022/C 224/13)

Il-Parlament Ewropew,

—

wara li kkunsidra l-proposta tal-Kummissjoni lill-Parlament u lill-Kunsill (COM(2018)0392),

—

wara li kkunsidra l-Artikolu 294(2) u l-Artikoli 42 u 43(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8-0248/2018),

—

wara li kkunsidra l-Artikolu 13 tat-Trattat dwar il-Funzjonament tal-Unjoni Ewropea,

—

wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

—

wara li kkunsidra l-Att ta' Adeżjoni tal-1979, u b'mod partikolari l-paragrafu 6 tal-Protokoll Nru 4 dwar il-qoton mehmuż miegħu,

—

wara li kkunsidra l-opinjoni motivata preżentata mill-Assemblea Nazzjonali Franċiża, fil-qafas tal-Protokoll Nru 2 dwar l-applikazzjoni tal-prinċipji ta' sussidjarjetà u proporzjonalità li tiddikjara li l-abbozz ta' att leġiżlattiv ma jimxix mal-prinċipju ta' sussidjarjetà,

—

wara li kkunsidra l-opinjoni tal-Kumitat Ekonomiku u Soċjali Ewropew tas-17 ta' Ottubru 2018 (1),

—

wara li kkunsidra l-opinjoni tal-Kumitat tar-Reġjuni tal-5 ta' Diċembru 2018 (2),

—

wara li kkunsidra l-opinjoni tal-Qorti tal-Awdituri tal-25 ta' Ottubru 2018 (3),

—

wara li kkunsidra l-ftehim proviżorju approvat mill-kumitat responsabbli fis-sens tal-Artikolu 74(4) tar-Regoli ta' Proċedura tiegħu u l-impenn meħud mir-rappreżentant tal-Kunsill, permezz tal-ittra tat-23 ta’ Lulju 2021, li japprova l-pożizzjoni tal-Parlament, skont l-Artikolu 294(4) tat-Trattat dwar il-Funzjonament tal-Unjoni Ewropea,

—

wara li kkunsidra l-Artikolu 59 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Agrikoltura u l-Iżvilupp Rurali kif ukoll l-opinjonijiet tal-Kumitat għall-Ambjent, Saħħa Pubblika u Sikurezza tal-Ikel, il-Kumitat għall-Iżvilupp, il-Kumitat għall-Baġits, il-Kumitat għall-Kontroll tal-Baġit, il-Kumitat għall-Iżvilupp Reġjonali u l-Kumitat għad-Drittijiet tan-Nisa u l-Ugwaljanza bejn is-Sessi (A8-0200/2019),

1.

 Jadotta l-pożizzjoni fl-ewwel qari li tidher hawn taħt (4);

2.

 Japprova d-dikjarazzjoni tiegħu kif ukoll id-dikjarazzjoni konġunta tal-Parlament u tal-Kunsill annessa għal din ir-riżoluzzjoni, li ser jiġu ppubblikati fis-serje C ta’Il-Ġurnal Uffiċjali tal-Unjoni Ewropea;

3.

 Jieħu nota tad-dikjarazzjoni tal-Kummissjoni annessa għal din ir-riżoluzzjoni, li ser tiġi ppubblikata fis-serje C ta’Il-Ġurnal Uffiċjali tal-Unjoni Ewropea;

4.

 Jitlob lill-Kummissjoni biex terġa' tirreferi l-kwistjoni lill-Parlament jekk tibdel il-proposta tagħha, temendaha b'mod sustanzjali jew ikollha l-ħsieb li temendaha b'mod sustanzjali;

5.

 Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

(1)  ĠU C 62, 15.2.2019, p. 214.

(2)  ĠU C 86, 7.3.2019, p. 173.

(3)  ĠU C 41, 1.2.2019, p. 1.

(4)  Din il-pożizzjoni tissostitwixxi l-emendi adottati fit-23 ta’ Ottubru 2020 (Testi adottati, P9_TA(2020)0287).

P9_TC1-COD(2018)0216

Pożizzjoni tal-Parlament Ewropew adottata fl-ewwel qari fit-23 ta’ Novembru 2021 bil-ħsieb li jiġi adottat ir-Regolament (UE) 2021/… tal-Parlament Ewropew u tal-Kunsill li jistabbilixxi regoli dwar l-appoġġ għall-pjanijiet strateġiċi li għandhom jitfasslu mill-Istati Membri skont il-Politika Agrikola Komuni (Pjanijiet Strateġiċi tal-PAK) u ffinanzjati mill-Fond Agrikolu Ewropew ta' Garanzija (FAEG) u mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolamenti (UE) Nru 1305/2013 u (UE) Nru 1307/2013

(Peress li ntlaħaq ftehim bejn il-Parlament u l-Kunsill, il-pożizzjoni tal-Parlament taqbel mal-att leġislattiv finali, r-Regolament (UE) 2021/2115.)

ANNESS GĦAR-RIŻOLUZZJONI LEĠIŻLATTIVA

Dikjarazzjoni tal-Parlament Ewropew dwar ir-rwol tal-Kunsill Ewropew fir-rigward tal-elementi leġiżlattivi tal-politika agrikola komuni

Il-Parlament Ewropew jiddeplora l-fatt li l-Kunsill Ewropew ħa deċiżjonijiet, fil-konklużjonijiet tiegħu tal-21 ta' Lulju 2020, dwar elementi leġiżlattivi tal-politika agrikola komuni li kellhom jiġu deċiżi skont il-proċedura leġiżlattiva ordinarja f'konformità mat-Trattati. Il-Parlament Ewropew iqis li dawn id-deċiżjonijiet preventivi unilaterali huma inaċċettabbli u li għandhom impatt fuq id-drittijiet tal-Parlament Ewropew bħala koleġiżlatur li jaġixxi fuq l-istess livell tal-Kunsill.

Il-Parlament Ewropew jiddeplora l-fatt li l-Kunsill għaldaqstant ma kienx lest li jidħol f'negozjati sinifikanti mal-Parlament Ewropew dwar dawn l-elementi minħabba li kienu diġà ġew deċiżi mill-Kunsill Ewropew.

B'mod partikolari, il-Parlament Ewropew jinnota li l-Kunsill ma daħalx f'negozjati sinifikanti dwar id-dispożizzjonijiet tal-iffissar ta' limiti massimi u tad-digressività stabbiliti fl-Artikolu 17 u dwar il-flessibbiltà bejn l-allokazzjonijiet tal-pagamenti diretti u l-allokazzjonijiet tal-FAEŻR stipulati fl-Artikolu 96, u jqis li l-eżitu tan-negozjati dwar dawn l-Artikoli mhuwiex sodisfaċenti.

Il-Parlament Ewropew jiddispjaċih ħafna dwar l-approċċ tal-Kunsill u jqis li dan idgħajjef il-funzjonament adegwat tal-proċedura leġiżlattiva ordinarja. Il-Parlament Ewropew għaldaqstant jinsisti li dan m'għandux jerġa' jseħħ fi kwalunkwe negozjati futuri fil-kuntest tal-proċedura leġiżlattiva ordinarja.

Dikjarazzjoni konġunta tal-Parlament Ewropew u tal-Kunsill dwar id-dimensjoni soċjali tal-politika agrikola komuni

Il-Parlament Ewropew u l-Kunsill jistiednu lill-Kummissjoni biex tissorvelja, permezz ta' studju li għandu jsir sentejn wara l-ewwel sentejn ta' applikazzjoni tal-kundizzjonalità soċjali mill-Istati Membri kollha, l-impatt tal-mekkaniżmu fuq il-kundizzjonijiet tal-ħaddiema u l-funzjonament tas-sistema ta' penali u, fejn xieraq, biex tressaq proposti biex tissaħħaħ id-dimensjoni soċjali tal-PAK.

Sal-2025, il-Kummissjoni ser tivvaluta l-fattibbiltà li l-Artikolu 7(1) tar-Regolament (UE) Nru 492/2011 dwar il-moviment liberu tal-ħaddiema jiġi inkluż fl-Anness XX u, fejn xieraq, tressaq proposti għal dak il-għan.

Dikjarazzjoni tal-Kummissjoni dwar il-possibbiltà li l-Belġju jippreżenta żewġ Pjanijiet Strateġiċi tal-PAK

Fid-dawl tad-dispożizzjonijiet tal-Artikolu 104 tar-Regolament dwar il-Pjan Strateġiku tal-PAK maqbul mill-koleġiżlaturi u filwaqt li jitqies il-qafas kostituzzjonali partikolari tal-Belġju, il-Kummissjoni tikkonferma li se taċċetta li l-Belġju jippreżenta Pjan Strateġiku tal-PAK għal kull waħda mill-entitajiet federati rilevanti tiegħu. Dan ma jaffettwax jew ibiddel l-obbligi legali tal-Belġju skont ir-Regolament dwar il-Pjan Strateġiku tal-PAK.

Top