EUR-Lex Access to European Union law
This document is an excerpt from the EUR-Lex website
Document 62014CN0223
Case C-223/14: Request for a preliminary ruling from the Juzgado de Primera Instancia No 7 de Las Palmas de Gran Canaria (Spain) lodged on 7 May 2014 — Tecom Mican, S.L. v Man Diesel & Turbo SE
Kawża C-223/14: Talba għal deċiżjoni preliminari mressqa mill-Juzgado de Primera Instancia n °7 de Las Palmas de Gran Canaria (Spanja) fis- 7 ta’ Mejju 2014 – Tecom Mican S.L. vs Man Diesel & Turbo SE
Kawża C-223/14: Talba għal deċiżjoni preliminari mressqa mill-Juzgado de Primera Instancia n °7 de Las Palmas de Gran Canaria (Spanja) fis- 7 ta’ Mejju 2014 – Tecom Mican S.L. vs Man Diesel & Turbo SE
ĠU C 223, 14.7.2014, p. 8–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
14.7.2014 |
MT |
Il-Ġurnal Uffiċjali tal-Unjoni Ewropea |
C 223/8 |
Talba għal deċiżjoni preliminari mressqa mill-Juzgado de Primera Instancia no 7 de Las Palmas de Gran Canaria (Spanja) fis-7 ta’ Mejju 2014 – Tecom Mican S.L. vs Man Diesel & Turbo SE
(Kawża C-223/14)
2014/C 223/12
Lingwa tal-kawża: l-Ispanjol
Qorti tar-rinviju
Juzgado de Primera Instancia no 7 de Las Palmas de Gran Canaria
Partijiet fil-kawża prinċipali
Rikorrenti: Tecom Mican S.L.
Konvenuta: Man Diesel & Turbo SE
Domandi preliminari
1) |
Dokument purament privat jista’ jitqies bħala “dokument extra-ġudizzjarju” fis-sens tal-Artikolu 16 tar-Regolament Nru 1393/2007 (1) tal-Parlament Ewropew u tal-Kunsill, tat-13 ta’ Novembru 2007, irrispettivament mill-fatt li dan ma nħariġx minn awtorità pubblika mhux ġudizzjarja jew minn uffiċjal pubbliku mhux ġudizzjarju? |
2. |
Jekk dan ikun il-każ, kull dokument privat jista’ jitqies bħala dokument extra-ġudizzjarju, jew dan id-dokument privat għandu jissodisfa ċerti karatteristiċi preċiżi? |
3. |
Anki meta d-dokument privat jissodisfa dawn il-karatteristiċi, ċittadin tal-Unjoni jista’ jitlob in-notifika permezz tal-proċedura prevista fl-Artikolu 16 ta’ dan ir-Regolament Nru 1393/2007 tal-Parlament Ewropew u tal-Kunsill, tat-13 ta’ Novembru 2007, meta huwa jkun diġà wettaq din in-notifika permezz ta’ awtorità pubblika oħra mhux ġudizzjarja bħal, per eżempju, nutar? |
4. |
Fl-aħħar nett, għall-finijiet tal-Artikolu 16 tar-Regolament Nru 1393/2007, hemm lok li jittieħed inkunsiderazzjoni l-fatt li din il-kooperazzjoni għandha implikazzjonijiet transkonfinali u hija neċessarja għall-funzjonament tajjeb tas-suq intern? Meta hemm lok li jitqies li l-kooperazzjoni għandha “implikazzjoni transkonfinali u hija neċessarja għall-funzjonament tajjeb tas-suq intern”? |
(1) Regolament (KE) Nru 1393/2007 tal-Parlament Ewropew u tal-Kunsill, tat-13 ta’ Novembru 2007, dwar is-servizz fl-Istati Membri ta’ dokumenti ġudizzjarji u extra-ġudizzjarji fi kwistjonijiet ċivili jew kummerċjali (servizz [notifika] ta’ dokumenti) u li jħassar ir-Regolament tal-Kunsill (KE) Nru 1348/2000 (ĠU L 324, p. 79).