25.10.2006   

MT

Il-Ġurnal Uffiċjali ta’ l-Unjoni Ewropea

184

(1)

Taħt l-Artikolu 27(1) tad-Direttiva 77/388/KEE, il-Kunsill, filwaqt li jaġixxi unanimament fuq proposta mill-Kummissjoni, jista' jawtorizza lil kwalunkwe Stat Membru sabiex jintroduċi miżuri speċjali għal deroga minn dik id-Direttiva sabiex jissimplifika l-proċedura ta' l-impożizzjoni tat-taxxa jew sabiex jimpedixxi ċerti tipi ta' evażjoni jew ta' evitar tat-taxxa.

(2)

F'ittri datati 3 ta' Awissu 2004 u 16 ta' Diċembru 2004 ir-Repubblika tal-Litwanja (minn hawn 'il quddiem imsemmija “l-Litwanja”) talbet awtorizzazzjoni sabiex tintroduċi miżura li tidderoga mid-dispożizzjonijiet tad-Direttiva 77/388/KEE li jirregolaw l-ammont taxxabbli għall-finijiet tat-taxxa fuq il-valur miżjud (VAT).

(3)

Konformement ma' l-Artikolu 27(2) tad-Direttiva 77/388/KEE, il-Kummissjoni informat lill-Istati Membri l-oħra bit-talba magħmula mil-Litwanja permezz ta' ittra datata 7 ta' Ġunju 2005. B'ittra datata 14 ta' Ġunju 2005, il-Kummissjoni nnotifikat lil-Litwanja li hija kellha t-tagħrif kollu meqjus minnha bħala meħtieġ sabiex tivvaluta t-talba.

(4)

L-Artikolu 11(A)(1)(a) tad-Direttiva 77/388/KEE jistabbilixxi l-ammont taxxabbli ta' fornitura għall-finijiet tal-VAT bħala dak kollu li jikkostitwixxi l-ħlas magħmul għall-fornitura. L-Artikolu 28e(1) ta' dik id-Direttiva jirregola l-ammont taxxabbli ta' akkwisti intra-Komunitarji, b'referenza għall-Artikolu 11(A).

(5)

Il-miżura li teħtieġ deroga hija maħsuba sabiex timpedixxi t-telf tat-taxxa li jirriżulta mill-manipolazzjoni ta' l-ammont taxxabbli ta' fornituri ta' prodotti, servizzi, u akkwisti intra-Komunitarji suġġetti għall-VAT fejn bejjiegħ iżomm prezz imnaqqas lil xerrej konness li ma jkollux id-dritt tat-tnaqqis sħiħ.

(6)

Il-miżura għandha tkun immirata sabiex tapplika biss fil-każijiet ta' l-evitar jew ta' l-evażjoni tal-VAT u biss meta jkun sodisfatt numru ta' kundizzjonijiet. Il-miżura hija għalhekk proporzjonata għall-għan segwit.

(7)

Derogi simili ngħataw lill-Stati Membri oħra sabiex jimpedixxu l-evitar jew l-evażjoni tat-taxxa u nstabu li kienu effettivi.

(8)

Derogi taħt l-Artikolu 27 tad-Direttiva 77/388/KEE li jimpedixxu l-evitar tal-VAT konness ma' l-ammont taxxabbli ta' fornituri bejn partijiet relatati huma inklużi fil-proposta tal-Kummissjoni tas-16 ta' Marzu 2005 ta' Direttiva li tirrazzjonalizza wħud mid-derogi skond dak l-Artikolu (2). Huwa għalhekk meħtieġ li l-perjodu ta' l-applikazzjoni ta' din id-deroga jiġi terminat meta dik id-Direttiva tidħol fis-seħħ.

(9)

Din id-deroga għandha tissalvagwardja l-ammont tal-VAT dovut fil-fażi finali tal-konsum u ma għandha l-ebda impatt negattiv fuq ir-riżorsi proprji tal-Komunitajiet li jiġu mill-VAT,

(a)

fejn il-korrispettiv ikun sinifikattivament anqas mill-valur tas-suq miftuħ u ir-riċevitur tal-fornitura, jew fil-każ ta' akkwist intra-Komunitarju, l-akkwirenti, ma jkollux dritt għal tnaqqis sħiħ taħt l-Artikolu 17 tad-Direttiva 77/388/KEE,

(b)

fejn il-korrispettiv ikun sinifikattivament ogħla mill-valur tas-suq miftuħ u il-fornitur ma jkollux dritt għal tnaqqis sħiħ taħt l-Artikolu 17 tad-Direttiva 77/388/KEE.