Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62016TN0055

Kawża T-55/16: Appell ippreżentat fid-9 ta’ Frar 2016 minn Carlo De Nicola mis-sentenza mogħtija fit-18 ta’ Diċembru 2015 mit-Tribunal għas-Servizz Pubbliku fil-Kawża 45/11, De Nicola vs BEI

ĠU C 106, 21.3.2016, p. 45–46 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

21.3.2016   

MT

Il-Ġurnal Uffiċjali tal-Unjoni Ewropea

C 106/45

Appell ippreżentat fid-9 ta’ Frar 2016 minn Carlo De Nicola mis-sentenza mogħtija fit-18 ta’ Diċembru 2015 mit-Tribunal għas-Servizz Pubbliku fil-Kawża 45/11, De Nicola vs BEI

(Kawża T-55/16)

(2016/C 106/54)

Lingwa tal-kawża: it-Taljan

Partijiet

Appellant: Carlo De Nicola (Strassen, il-Lussemburgu) (rappreżentant: G. Ferabecoli, avukat)

Appellat: Il-Bank Ewropew tal-Investiment

Talbiet

—

tilqa’ dan l-appell u, permezz ta’ riforma parzjali tas-sentenza appellata, tannulla l-paragrafi 2 u 3 tad-dispożittiv kif ukoll il-punti 61 sa 67 tas-sentenza stess;

—

konsegwentement, tikkundanna lill-BEI għar-riżarċiment tad-danni subiti minn C. De Nicola, kif mitlub fir-rikors promotur jew, sussidjarjament, tirrinvijja l-kawża quddiem Awla oħra tat-Tribunal għas-Servizz Pubbliku, diversament presedut, bil-għan li mill-ġdid tingħata deċiżjoni fuq il-punti annullati. Tikkundanna lill-appellat għall-ispejjeż.

Aggravji u argumenti prinċipali

Il-kawża odjerna hija, essenzjalment, l-istess bħall-kawżi F-55/08 u F-59/09 li ġew ippreżentati kontra l-Bank Ewropew.

F’dan ir-rigward, ir-rikorrenti jispeċifika li s-sentenza appellata ma tatx deċiżjoni fuq it-talbiet intiżi għall-annullament tar-rapport ta’ evalwazzjoni relattiv għas-sena 2009, tad-deċiżjoni tal-25 ta’ Marzu 2010 li tirrifjuta l-promozzjoni, tal-linji gwida għas-sena 2009, taż-żewġ ittri tal-President tal-BEI datati s-17 u t-30 ta’ Novembru 2010 u ta’ “l-atti kollha konnessi, konsekuttivi u preliminari”.

Insostenn tal-appell tiegħu l-appellant jinvoka tliet aggravji.

1.

L-ewwel aggravju huwa bbażat fuq l-obbligu li jiġu annullati l-linji gwida għas-sena 2009 u l-ittri tal-President tal-BEI tas-17 ta’ Novembru 2010 u tat-30 ta’ Novembru 2010.

—

F’dan ir-rigward, l-appellant jikkonferma b’mod partikolari li kieku t-Tribunal kellu jiddeċiedi li l-linji gwida inkwistjoni huma illegali, l-annullament tagħhom ikun jobbliga lill-appellat iwettaq l-evalwazzjoni tiegħu skont kriterji iktar korretti u iktar rispettużi fir-rigward tal-appellat u d-drittijiet tiegħu.

2.

It-tieni aggravju huwa bbażat fuq in-natura kuntrattwali tar-rapport bejn l-appellat u l-BEI.

—

F’dan ir-rigward, l-appellat isostni li huwa talab ir-riżarċiment tad-danni abbażi tar-responsabbiltà kuntrattwali tal-appellat u mhux inkonnessjoni mar-responsabblità mhux kuntrattwali tal-Unjoni Ewropea. Is-sentenza appellata tassimila, inter alia, l-aġenti tal-BEI mal-uffiċċjali ta’ istituzzjonijiet oħra tal-Unjoni, filwaqt li r-relazzjoni ta’ xogħol inkwistjoni taqa’ taħt id-dritt privat, fatt li għaldaqstant jirrendi l-leġiżlazzjoni marbuta mal-uffiċjali inapplikabbli għall-każ odjern.

3.

It-tielet aggravju huwa bbażat fuq it-talba għall-kundanna għar-riżarċiment tad-danni materjali u morali

—

L-appellant jikkunsidra li l-konklużjonijiet li jinsabu fid-deċiżjoni kkontestata f’dan ir-rigward huma manifestament żbaljati kemm fil-fatt kif ukoll fid-dritt u li, konsegwentement, huma sodisfatti l-kundizzjonijiet kollha sabiex jiġi rrikonoxxut id-dritt tiegħu għal tali riżarċiment.
Top