EUR-Lex Access to European Union law
This document is an excerpt from the EUR-Lex website
Document 62010FN0031
Case F-31/10: Action brought on 14 May 2010 — Guittet v Commission
Kawża F-31/10: Rikors ippreżentat fl- 14 ta’ Mejju 2010 — Guittet vs Il-Kummissjoni
Kawża F-31/10: Rikors ippreżentat fl- 14 ta’ Mejju 2010 — Guittet vs Il-Kummissjoni
ĠU C 179, 3.7.2010, p. 59–60
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
3.7.2010 |
MT |
Il-Ġurnal Uffiċjali tal-Unjoni Ewropea |
C 179/59 |
Rikors ippreżentat fl-14 ta’ Mejju 2010 — Guittet vs Il-Kummissjoni
(Kawża F-31/10)
(2010/C 179/105)
Lingwa tal-kawża: il-Franċiż
Partijiet
Rikorrent: Christian Guittet (Cannes, Franza) (rappreżentant: L. Levi, avukat)
Konvenuta: Il-Kummissjoni Ewropea
Suġġett
Minn naħa, l-annullament tad-deċiżjoni ta’ għeluq tal-proċedura miftuħa taħt l-Artikolu 73 tar-Regolamenti tal-Persunal li tirrikonoxxi lir-rikorrent rata ta’ invalidità permanenti ta’ 64,5 % u, min-naħa l-oħra, talba għall-kumpens għad-danni materjali u morali mġarrba.
Talbiet tar-rikorrent
— |
Tannulla d-deċiżjoni tal-Awtorità tal-Ħatra tas-27 ta’ Lulju 2009 li tagħlaq il-proċedura miftuħa taħt l-Artikolu 73 tar-Regolamenti tal-Persunal insegwitu għall-inċident tar-rikorrent tat-8 ta’ Diċembru 2003; |
— |
sa fejn ikun meħtieġ, tannulla d-deċiżjoni tas-16 ta’ Frar 2010 li tiċħad l-ilment tar-rikorrent; |
— |
konsegwentement, tasal għall-evalwazzjoni tar-rata ta’ invalidità parzjali permanenti (IPP) fuq il-bażi tar-regoli u tal-kriterji ta’ evalwazzjoni fis-seħħ fil-ġurnata tal-inċident u sal-1 ta’ Jannar 2006, wara li terġa’ tiġi eżaminata t-talba mressqa mir-rikorrent taħt l-Artikolu 73 tar-Regolamenti tal-Persunal minn kumitat mediku kompost b’mod imparzjali, indipendenti u newtrali li jista’ jaħdem malajr, indipendentement u mingħajr preġudizzju; |
— |
tikkundanna lill-konvenuta għall-ħlas ta’ interessi moratorji fuq il-kapital dovut taħt l-Artikolu 73 tar-Regolamenti tal-Persunal b’rata ta’ 12 % fuq perijodu li jibda l-iktar tard fit-8 ta’ Diċembru 2004 sal-ħlas kollu tal-kapital; |
— |
tikkundanna lill-konvenuta għall-ħlas tad-danni, iffissati ex aequo et bono għal EUR 50 000 għad-dannu morali mġarrab minħabba fid-deċiżjoni meħuda; |
— |
tikkundanna lill-konvenuta għall-ħlas tad-danni, iffissati għal EUR 15 000 għad-dannu materjali mġarrab minħabba fid-deċiżjoni meħuda; |
— |
tikkundanna lill-Kummissjoni Ewropea għall-ispejjeż. |