(a)

Is liosta uileghabhálach é liosta na n-eilimintí in Airteagal 8.10.2;

(b)

I dtaca le séanadh ceartais faoi Airteagal 8.10.2(a) is gá gach leigheas áitiúil a úsáid roimh ré ach amháin mura bhfuil aon leigheas áitiúil ar fáil go réasúnach chun sásamh éifeachtach a sholáthar, nó mura féidir go réasúnach sásamh den sórt sin a fháil leis na leigheasanna áitiúla.

Agus cinneadh á dhéanamh an bhfuil séanadh ceartais ann, ba cheart don Bhinse a bheith aireach nach cúirt achomhairc ar bhreitheanna cúirte náisiúnta é agus níor cheart dó tabhairt faoi athbhreithniú a dhéanamh ar fhiúntas na gcinntí cúirte náisiúnta.

(c)

Chun go mbeidh séanadh ceartais agus sárú bunúsach ar phróis chuí de réir bhrí Airteagal 8.10.2(a) agus (b), is gá gur ann d’iompar míchuí agus tromchúiseach nós imeachta in imeachtaí breithiúnacha nó riaracháin, nach gcomhlíonann na bunchaighdeáin maidir le riar an cheartais agus le próis chuí a bhfuil glacadh leo go hidirnáisiúnta, agus a chuireann isteach ar an gcuibheas breithiúnach amhail diúltú gan bhunús do rochtain a fháil ar chúirteanna nó ar ionadaíocht dhlíthiúil, gan deis éisteachta a thabhairt, cóir idirdhealaitheach ag na cúirteanna, breithneoirí atá claonta go soiléir agus éillitheach, easpa trédhearcachta iomlán nó dhochosanta sna himeachtaí amhail gan fógra a thabhairt i leith na n-imeachtaí nó na gcúiseanna leis an gcinneadh.

(d)

Is follasach go bhfuil beart treallach de réir bhrí Airteagal 8.10.2(c) nuair is léir nach bhfuil baint réasúnach ag an mbeart le cuspóir beartais dlisteanach, amhail nuair atá beart bunaithe ar chlaontacht seachas ar an réasún nó ar fhíorais.

(e)

Is éard atá i mbeart nó i dtacar beart ‘idirdhealú spriocdhírithe ar fhorais atá éagórach go follasach, amhail inscne, cine nó creideamh reiligiúnach’ de réir bhrí Airteagal 8.10.2(d) más rud é, leis an mbeart nó leis an tacar beart, go ndéantar an t-infheisteoir a shonrú ar leithligh maidir le cóir dhifreálach a sholáthar bunaithe ar an bhforas neamhdhlisteanach amhail inscne, cine nó creideamh reiligiúnach. Ní fhorléireofar Airteagal 8.10.2(d) mar Airteagal lena gcuirtear cosc ar na Páirtithe cóir fhabhrach a dheonú chun comhionannas inscne nó ciníoch a chur chun cinn nó ar chaoi eile chun aghaidh a thabhairt ar ghannionadaíocht na ngrúpaí atá faoi mhíbhuntáiste socheacnamaíoch.

(f)

Chun cinneadh a dhéanamh gurb éard atá i mbeart nó i dtacar beart ‘cóir dhrochídeach d’infheisteoirí, amhail comhéigean, éigeantas agus ciapadh’ de réir bhrí Airteagal 8.10.2(e), is gá toradh a fháil go bhfuil Páirtí i mbun mí-iompar tromchúiseach. Agus cinneadh den sórt sin á dhéanamh, d’fhéadfadh sé go n-áireofaí le breithnithe ábhartha an díobháil nó an bhagairt díobhála don infheisteoir amhail an ndearnadh na heachtraí ciaptha nó comhéigin líomhnaithe arís agus arís eile agus an ndearnadh an díobháil sin ar bhonn marthanach; agus an réasúnaíocht atá le gníomhaíochtaí an Pháirtí, an raibh na húdaráis ag gníomhú laistigh de raon feidhme a n-údaráis nó ar tharla mí-úsáid cumhachta, cuir i gcás.

(g)

Faoi Airteagal 8.10.4, ní fhéadfar uiríll a chur chuig infheisteoir a chur san áireamh ach a mhéid atá siad ábhartha agus sárú ar chóir chothrom agus chomhionann mar a leagtar amach in Airteagal 8.10.2 á chinneadh. Ní féidir ionchais dhlisteanacha a bhaint as uiríll mura mbeadh infheisteoir stuama agus feasach ag brath go réasúnach ar na huiríll chun an infheistíocht a dhéanamh, go háirithe toisc nach raibh na huiríll sonrach go leor ná nach raibh siad gan débhríocht go leor agus nach raibh an méid foirmiúlachta is gá acu mar shampla toisc nach ndearna údarás inniúil Páirtí iad i scríbhinn.

(a)

Ar mhaithe le cinnteacht níos fearr, ní fhéadfaidh díshealbhú indíreach a dhéanamh ach amháin más rud é gur baineadh a cheart den infheisteoir go huile is go hiomlán a infheistíocht a úsáid, a theachtadh agus a dhiúscairt, amhail is dá mba rud é gur scoir na cearta sin de bheith aige.

(b)

Agus measúnú á dhéanamh ar ‘fad an bhirt nó an tacair beart’ de réir bhrí mhír 2(b) d’Iarscríbhinn 8-A den Chomhaontú, ba cheart breithniú a dhéanamh an bhfuil an sárú ar an gceart maoine sealadach, agus sa chás sin ní dócha gur díshealbhú indíreach, nó buan, a thiocfaidh as, cé nach suitear le beart a bheith buan gur cuireadh díshealbhú indíreach i gcrích.

(c)

Tagraíonn ‘ionchais réasúnacha ar leith a dtugtar tacaíocht infheistíochta dóibh’ i mír 2(c) d’Iarscríbhinn 8-A den Chomhaontú do na hionchais a d’fhéadfadh infheisteoir stuama feasach a bheith aige go réasúnach agus a rabhthas ag brath orthu chun an infheistíocht a dhéanamh. Ar mhaithe le cinnteacht níos fearr, cibé acu atá nó nach bhfuil ionchais infheisteora réasúnacha, braitheann sin, a mhéid is ábhartha, ar thosca amhail ar thug an Páirtí lena mbaineann dearbhuithe ceangailteacha i scríbhinn don infheisteoir agus cineál agus méid na rialála rialtais nó an deis maidir le rialáil rialtais san earnáil ábhartha.

(d)

Is róléir go bhfuil tionchar birt nó tacair beart ‘iomarcach’ de réir bhrí mhír 3 d’Iarscríbhinn 8-A den Chomhaontú más léir go bhfuil sé iomarcach i bhfianaise na gcuspóirí beartais atá beartaithe.

(e)

Ar mhaithe le cinnteacht níos fearr, bearta de chuid Páirtí a cheaptar agus a chuirtear i bhfeidhm chun cuspóirí dlisteanacha leasa phoiblí dá dtagraítear i mír 3 d’Iarscríbhinn 8-A den Chomhaontú a chosaint, áirítear orthu sin bearta arna ndéanamh chun an t-athrú aeráide a chomhrac nó chun aghaidh a thabhairt ar na hiarmhairtí atá aige faoi láthair nó a bheidh aige amach anseo. Níl díshealbhú indíreach i gceist le bearta den sórt sin ach amháin más léir agus más follasach go bhfuil a dtionchar iomarcach i bhfianaise na gcuspóirí beartais atá beartaithe.

(a)

Athdhearbhaíonn na Páirtithe a gceart rialála laistigh dá gcríoch chun cuspóirí dlisteanacha beartais phoiblí a bhaint amach d’fhonn an comhshaol a chosaint mar a leagtar amach in Airteagal 8.9.1 den Chomhaontú, lena n-áirítear trí bhearta a dhéanamh chun an t-athrú aeráide a mhaolú nó a chomhrac nó chun aghaidh a thabhairt ar na hiarmhairtí atá aige faoi láthair nó a bheidh ann amach anseo.

(b)

Agus forálacha Caibidil a hOcht (Infheistíocht) den Chomhaontú á léirmhíniú aige, tabharfaidh an Binse aird chuí ar ghealltanais na bPáirtithe faoi chomhaontuithe comhshaoil iltaobhacha, lena n-áirítear Comhaontú Pháras (3), a rinneadh i bPáras an 12 Nollaig 2015. Go háirithe, ba cheart cearta agus oibleagáidí na bPáirtithe faoi Chaibidil a hOcht (Infheistíocht) den Chomhaontú a léirmhíniú ar bhealach a thacaíonn le cumas na bPáirtithe éifeacht a thabhairt dá ngealltanais féin astaíochtaí gás ceaptha teasa a laghdú trí bhearta a ghlacadh nó a choinneáil ar bun a cheaptar agus a chuirtear i bhfeidhm chun an t-athrú aeráide a mhaolú nó a chomhrac nó chun aghaidh a thabhairt ar na hiarmhairtí atá aige faoi láthair nó a bheidh aige amach anseo.

(a)

Ar mhaithe le cinnteacht níos fearr, ní bheidh damáistí airgeadaíochta faoi Airteagal 8.39.3 den Chomhaontú,

(b)

Déanfaidh an Binse damáistí airgeadaíochta a ríomh bunaithe ar aighneachtaí na bpáirtithe díospóideacha, agus orthu sin amháin, agus breithneoidh sé na nithe seo a leanas más infheidhme: