EUR-Lex Access to European Union law
This document is an excerpt from the EUR-Lex website
Document 32024D0435
Council Decision (EU) 2024/435 of 29 January 2024 on the position to be adopted on behalf of the European Union within the CETA Joint Committee established under the Comprehensive Economic and Trade Agreement (CETA) between Canada, of the one part, and the European Union and its Member States, of the other part, as regards the adoption of an Interpretation of Article 8.10, Annex 8-A, Article 8.9 and Article 8.39 thereof in accordance with its Article 26.1.5(e)
Cinneadh (AE) 2024/435 ón gComhairle an 29 Eanáir 2024 maidir leis an seasamh atá le glacadh thar ceann an Aontais Eorpaigh i gComhchoiste CETA arna bhunú faoin gComhaontú Cuimsitheach Eacnamaíoch agus Trádála (CETA) idir Ceanada, de pháirt, agus an tAontas Eorpach agus a Bhallstáit, den pháirt eile, a mhéid a bhaineann le Léirmhíniúcháin ar Airteagal 8.10, Iarscríbhinn 8-A, Airteagal 8.9 agus Airteagal 8.39 de a ghlacadh, i gcomhréir le hAirteagal 26.1.5(e) den Chomhaontú sin
Cinneadh (AE) 2024/435 ón gComhairle an 29 Eanáir 2024 maidir leis an seasamh atá le glacadh thar ceann an Aontais Eorpaigh i gComhchoiste CETA arna bhunú faoin gComhaontú Cuimsitheach Eacnamaíoch agus Trádála (CETA) idir Ceanada, de pháirt, agus an tAontas Eorpach agus a Bhallstáit, den pháirt eile, a mhéid a bhaineann le Léirmhíniúcháin ar Airteagal 8.10, Iarscríbhinn 8-A, Airteagal 8.9 agus Airteagal 8.39 de a ghlacadh, i gcomhréir le hAirteagal 26.1.5(e) den Chomhaontú sin
ST/15639/2023/INIT
IO L, 2024/435, 1.2.2024, ELI: http://data.europa.eu/eli/dec/2024/435/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Iris Oifigiúil |
GA Sraith L |
2024/435 |
1.2.2024 |
CINNEADH (AE) 2024/435 ÓN gCOMHAIRLE
an 29 Eanáir 2024
maidir leis an seasamh atá le glacadh thar ceann an Aontais Eorpaigh i gComhchoiste CETA arna bhunú faoin gComhaontú Cuimsitheach Eacnamaíoch agus Trádála (CETA) idir Ceanada, de pháirt, agus an tAontas Eorpach agus a Bhallstáit, den pháirt eile, a mhéid a bhaineann le Léirmhíniúcháin ar Airteagal 8.10, Iarscríbhinn 8-A, Airteagal 8.9 agus Airteagal 8.39 de a ghlacadh, i gcomhréir le hAirteagal 26.1.5(e) den Chomhaontú sin
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 207(4), an chéad fhomhír, i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
(1) |
Le Cinneadh (AE) 2017/37 (1) ón gComhairle, déantar foráil maidir le síniú, thar ceann an Aontais Eorpaigh, an Chomhaontaithe Chuimsithigh Eacnamaíoch agus Trádála (CETA) idir Ceanada, de pháirt, agus an tAontas Eorpach agus a Bhallstáit, den pháirt eile (2) (‘an Comhaontú’). Síníodh an Comhaontú an 30 Deireadh Fómhair 2016. |
(2) |
Le Cinneadh (AE) 2017/38 (3) ón gComhairle, déantar foráil maidir le codanna den Chomhaontú a chur i bhfeidhm go sealadach. Tá an Comhaontú á chur i bhfeidhm go sealadach ón 21 Meán Fómhair 2017 i leith. |
(3) |
De bhun Airteagal 26.1.5(e) den Chomhaontú, tá sé de chumhacht ag Comhchoiste CETA léirmhíniúcháin a ghlacadh ar fhorálacha an Chomhaontaithe, atá le bheith ina gceangal ar bhinsí arna mbunú faoi Roinn F de Chaibidil a hOcht (Díospóidí infheistíochta idir infheisteoirí agus stáit a réiteach) agus Caibidil a Fiche a Naoi (Réiteach Díospóidí) den Chomhaontú. |
(4) |
De bhun Riail 10(3) dá Rialacha Nós Imeachta atá i gceangal le Cinneadh (AE) 2018/1062 ón gComhairle (4), tá sé de chumhacht ag Comhchoiste CETA Léirmhíniúcháin an Chomhaontaithe a ghlacadh. |
(5) |
Trí nós imeachta i scríbhinn, tá Léirmhíniúcháin ar Airteagal 8.10, Iarscríbhinn 8-A, Airteagal 8.9 agus Airteagal 8.39 den Chomhaontú, le glacadh ag Comhchoiste CETA. |
(6) |
Is iomchuí, dá bhrí sin, an seasamh atá le glacadh thar ceann an Aontais i gComhchoiste CETA a bhunú ar bhonn an dréacht-Léirmhíniúcháin ó Chomhchoiste CETA atá i gceangal, ós rud é go soiléiríonn sé Airteagal 8.10, Iarscríbhinn 8-A, Airteagal 8.9 agus Airteagal 8.39 den Chomhaontú, |
TAR ÉIS AN CINNEADH SEO A GHLACADH:
Airteagal 1
An seasamh atá le glacadh thar ceann an Aontais i gComhchoiste CETA a mhéid a bhaineann le Léirmhíniúcháin ar Airteagal 8.10, Iarscríbhinn 8-A, Airteagal 8.9 agus Airteagal 8.39 den Chomhaontú a ghlacadh, i gcomhréir le hAirteagal 26.1.5(e) de, beidh sé bunaithe ar an dréacht-Léirmhíniúcháin ó Chomhchoiste CETA atá i gceangal leis an gCinneadh seo.
Airteagal 2
Tar éis a ghlactha, déanfar an Léirmhíniúcháin dá dtagraítear in Airteagal 1 a fhoilsiú in Iris Oifigiúil an Aontais Eorpaigh.
Airteagal 3
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 29 Eanáir 2024.
Thar ceann na Comhairle
An tUachtarán
H. LAHBIB
(1) Cinneadh (AE) 2017/37 ón gComhairle an 28 Deireadh Fómhair 2016 maidir le síniú, thar ceann an Aontais Eorpaigh, an Chomhaontaithe Chuimsithigh Eacnamaíoch agus Trádála (CETA) idir Ceanada, de pháirt, agus an tAontas Eorpach agus a Bhallstáit, den pháirt eile (IO L 11, 14.1.2017, lch. 1).
(2) IO L 11, 14.1.2017, lch. 23.
(3) Cinneadh (AE) 2017/38 ón gComhairle an 28 Deireadh Fómhair 2016 maidir le cur i bhfeidhm sealadach an Chomhaontaithe Chuimsithigh Eacnamaíoch agus Trádála (CETA) idir Ceanada, de pháirt amháin, agus an tAontas Eorpach agus a Bhallstáit, den pháirt eile (IO L 11, 14.1.2017, lch. 1080).
(4) Cinneadh (AE) 2018/1062 ón gComhairle an 16 Iúil 2018 maidir leis an seasamh atá le glacadh thar ceann an Aontais Eorpaigh i gCoiste Comhpháirteach CETA arna bhunú leis an gComhaontú Cuimsitheach Eacnamaíoch agus Trádála idir Ceanada, de pháirt, agus an tAontas Eorpach agus a Bhallstáit, den pháirt eile a mhéid a bhaineann le glacadh Rialacha Nós Imeachta Chomhchoiste CETA agus coistí speisialaithe (IO L 190, 27.7.2018, lch. 13).
Dréacht
LÉIRMHÍNIÚCHÁN Uimh. …/2024 Ó CHOMHCHOISTE CETA
an ...
maidir le hAirteagal 8.10, Iarscríbhinn 8-A, Airteagal 8.9 agus Airteagal 8.39 den Chomhaontú Cuimsitheach Eacnamaíoch agus Trádála (CETA)
TÁ COMHCHOISTE CETA,
Ag féachaint d’Airteagal 26.1.5.(e) den Chomhaontú Cuimsitheach Eacnamaíoch agus Trádála (CETA) idir Ceanada, de pháirt, agus an tAontas Eorpach agus a Bhallstáit, den pháirt eile (1), (‘an Comhaontú’), a rinneadh sa Bhruiséil an 30 Deireadh Fómhair 2016,
Ag meabhrú dó an chomhthuiscint a chuirtear in iúl i Roinn 6 den Ionstraim Léirmhínitheach Chomhpháirteach maidir leis an gComhaontú Cuimsitheach Eacnamaíoch agus Trádála (CETA) idir Ceanada agus an tAontas Eorpach agus a Bhallstáit (2),
Arb é is aidhm dó soiléiriú breise a thabhairt ar rún na bPáirtithe faoi Chaibidil a hOcht (Infheistíocht), maidir le heilimintí áirithe d’Airteagal 8.10 (Cóir d’infheisteoirí agus d’infheistíochtaí cumhdaithe) agus Iarscríbhinn 8-A (Díshealbhú), Airteagal 8.9 (Infheistíocht agus bearta rialála) agus Airteagal 8.39 (Dámhachtain deiridh) den Chomhaontú,
TAR ÉIS AN LÉIRMHÍNIÚCHÁN SEO A LEANAS A GHLACADH:
1. |
Cóir chothrom agus chomhionann
Ar mhaithe le cinnteacht níos fearr, déanfar an oibleagáid maidir le cóir chothrom agus chomhionann in Airteagal 8.10 den Chomhaontú a léirmhíniú mar seo a leanas:
|
2. |
Díshealbhú indíreach
|
3. |
Athrú Aeráide
|
4. |
Leasanna slándála bunriachtanacha a chosaint
Athdhearbhaíonn na Páirtithe, de bhun Airteagal 28.6 den Chomhaontú, nach ndéanfar aon ní sa Chomhaontú a fhorléiriú chun cosc a chur ar Pháirtí beart a dhéanamh a mheasann ceachtar Páirtí a bheith riachtanach chun a leasanna slándála bunriachtanacha a chosaint in aimsir chogaidh nó in éigeandáil eile sa chaidreamh idirnáisiúnta, lena n-áirítear aon bheart a dhéanann difear d’infheisteoirí nó dá n-infheistíochtaí. |
5. |
Cearta bunúsacha a chosaint
Ar mhaithe le cinnteacht níos fearr, ceart na bPáirtithe rialáil a dhéanamh chun cuspóirí dlisteanacha beartais a bhaint amach, dá dtagraítear in Airteagal 8.9.1 den Chomhaontú, áirítear leis sin bearta arna ndéanamh chun cearta bunúsacha a chosaint, mar a leagtar síos i nDearbhú Uilechoiteann Chearta an Duine, a glacadh i bPáras an 10 Nollaig 1948. |
6. |
Damáistí airgeadaíochta a ríomh a eascraíonn as éilimh ó infheisteoirí
|
Arna dhéanamh i/sa …, ….
Thar ceann Chomhchoiste CETA
Na Comhchathaoirligh
(1) IO AE L 11, 14.1.2017, lch. 23.
ELI: http://data.europa.eu/eli/dec/2024/435/oj
ISSN 1977-0839 (electronic edition)