Il-Ġurnal Uffiċjali |
MT Serje L |
2024/435 |
1.2.2024 |
DEĊIŻJONI TAL-KUNSILL (UE) 2024/435
tad-29 ta’ Jannar 2024
dwar il-pożizzjoni li għandha tiġi adottata f’isem l-Unjoni Ewropea fi ħdanB il-Kumitat Konġunt tas-CETA stabbilit skont il-Ftehim Ekonomiku u Kummerċjali Komprensiv (CETA) bejn il-Kanada, min-naħa waħda, u l-Unjoni Ewropea u l-Istati Membri tagħha, min-naħa l-oħra, fir-rigward tal-adozzjoni ta’ Interpretazzjoni tal-Artikolu 8.10, l-Anness 8 -A, l-Artikolu 8.9 u l-Artikolu 8.39 tiegħu f’konformità mal-Artikolu 26.1.5(e) tiegħu
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4), l-ewwel subparagrafu, flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Id-Deċiżjoni tal-Kunsill (UE) 2017/37 (1) tistipula l-iffirmar f’isem l-Unjoni Ewropea tal-Ftehim Ekonomiku u Kummerċjali Komprensiv (CETA) bejn il-Kanada, min-naħa waħda, u l-Unjoni Ewropea u l-Istati Membri tagħha, min-naħa l-oħra (2) (“il-Ftehim”). Il-Ftehim ġie ffirmat fit-30 ta’ Ottubru 2016. |
(2) |
Id-Deċiżjoni tal-Kunsill (UE) 2017/38 (3) tipprevedi l-applikazzjoni proviżorja ta’ partijiet mill-Ftehim. Il-Ftehim ilu jiġi applikat b’mod proviżorju mill-21 ta’ Settembru 2017. |
(3) |
Skont l-Artikolu 26.1.5(e) tal-Ftehim, il-Kumitat Konġunt tas-CETA għandu s-setgħa jadotta interpretazzjonijiet tad-dispożizzjonijiet tal-Ftehim, li għandhom ikunu vinkolanti għat-tribunali stabbiliti skont it-Taqsima F tal-Kapitolu Tmienja (Soluzzjoni tat-tilwim dwar l-investiment bejn l-investituri u l-istati) u l-Kapitolu Disgħa u Għoxrin (Soluzzjoni tat-Tilwim) tal-Ftehim. |
(4) |
Skont l-Artikolu 10(3) tar-Regoli ta’ Proċedura tiegħu mehmuż mad-Deċiżjoni tal-Kunsill (UE) 2018/1062 (4), il-Kumitat Konġunt tas-CETA għandu s-setgħa li jadotta Interpretazzjonijiet tal-Ftehim. |
(5) |
Il-Kumitat Konġunt tas-CETA għandu jadotta bi proċedura bil-miktub Interpretazzjoni tal-Artikolu 8.10, l-Anness 8-A, l-Artikolu 8.9 u l-Artikolu 8.39 tal-Ftehim. |
(6) |
Għalhekk huwa xieraq li tiġi stabbilita l-pożizzjoni li għandha tiġi adottata f’isem l-Unjoni fi ħdan il-Kumitat Konġunt tas-CETA abbażi tal-abbozz ta’ Interpretazzjoni mehmuż tal-Kumitat Konġunt tas-CETA, peress li jiċċara l-Artikolu 8.10, l-Anness 8-A, l-Artikolu 8.9 u l-Artikolu 8.39 tal-Ftehim, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottataf’isem l-Unjoni fi ħdan il-Kumitat Konġunt tas-CETA fir-rigward tal-adozzjoni ta’ Interpretazzjoni tal-Artikolu 8.10, l-Anness 8-A, l-Artikolu 8.9 u l-Artikolu 8.39 tal-Ftehim, f’konformità mal-Artikolu 26.1.5(e) tiegħu, għandha tkun ibbażata fuq l-abbozz ta’ Interpretazzjoni tal-Kumitat Konġunt tas-CETA mehmuż ma’ din id-Deċiżjoni.
Artikolu 2
Wara l-adozzjoni tagħha, l-Interpretazzjoni msemmija fl-Artikolu 1 għandha tiġi ppubblikata f’Il-Ġurnal Uffiċjali tal-Unjoni Ewropea.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, id-29 ta’ Jannar 2024.
Għall-Kunsill
Il-President
H. LAHBIB
(1) Id-Deċiżjoni tal-Kunsill (UE) 2017/37 tat-28 ta’ Ottubru 2016 dwar l-iffirmar f’isem l-Unjoni Ewropea tal-Ftehim Ekonomiku u Kummerċjali Komprensiv (CETA) bejn il-Kanada, min-naħa waħda, u l-Unjoni Ewropea u l-Istati Membri tagħha, min-naħa l-oħra (ĠU L 11, 14.1.2017, p. 1).
(2) ĠU L 11, 14.1.2017, p. 23.
(3) Id-Deċiżjoni tal-Kunsill (UE) 2017/38 tat-28 ta’ Ottubru 2016 dwar l-applikazzjoni provviżorja tal-Ftehim Ekonomiku u Kummerċjali Komprensiv (CETA) bejn il-Kanada, min-naħa waħda, u l-Unjoni Ewropea u l-Istati Membri tagħha, min-naħa l-oħra (ĠU L 11, 14.1.2017, p. 1080).
(4) Id-Deċiżjoni tal-Kunsill (UE) 2018/1062 tas-16 ta’ Lulju 2018 dwar il-pożizzjoni li trid tiġi adottata f’isem l-Unjoni Ewropea fil-Kumitat Konġunt CETA stabbilit mill-Ftehim Ekonomiku u Kummerċjali Komprensiv bejn il-Kanada, min-naħa waħda, u l-Unjoni Ewropea u l-Istati Membri tagħha, min-naħa l-oħra, fir-rigward tal-adozzjoni tar-Regoli ta’ Proċedura għall-Kumitat Konġunt CETA u l-kumitati speċjaliżżati (ĠU L 190, 27.7.2018, p. 13).
Abbozz
INTERPRETAZZJONI Nru …/2024 TAL-KUMITAT KONĠUNT TAS-CETA
ta’ …
rigward l-Artikolu 8.10, l-Anness 8-A, l-Artikolu 8.9 u l-Artikolu 8.39 tal-Ftehim Ekonomiku u Kummerċjali Komprensiv (CETA)
IL-KUMITAT KONĠUNT TAS-CETA,
Wara li kkunsidra l-Artikolu 26.1.5(e) tal-Ftehim Ekonomiku u Kummerċjali Komprensiv (Comprehensive Economic and Trade Agreement, CETA) bejn il-Kanada, min-naħa waħda, u l-Unjoni Ewropea u l-Istati Membri tagħha, min-naħa l-oħra (1) (“il-Ftehim”), magħmul fi Brussell fit-30 ta’ Ottubru 2016,
Filwaqt li jfakkar fil-fehim komuni espress fit-Taqsima 6 tal-Istrument Interpretattiv Konġunt dwar il-Ftehim Ekonomiku u Kummerċjali Komprensiv (CETA) bejn il-Kanada u l-Unjoni Ewropea u l-Istati Membri tagħha (2),
Bl-għan li jiġu ċċarati aktar l-intenzjonijiet tal-Partijiet skont il-Kapitolu Tmienja (Investiment), fir-rigward ta’ ċerti elementi tal-Artikolu 8.10 (Trattament tal-investituri u l-investimenti koperti) u l-Anness 8-A (Esproprjazzjoni), l-Artikolu 8.9 (Investiment u miżuri regolatorji) u l-Artikolu 8.39 (Għoti finali) tal-Ftehim,
ADOTTA L-INTERPRETAZZJONI LI ĠEJJA:
1. |
Trattament ġust u ekwu
Għal ċertezza akbar, l-obbligu tat-trattament ġust u ekwu fl-Artikolu 8.10 tal-Ftehim għandu jiġi interpretat kif ġej:
|
2. |
Esproprjazzjoni indiretta
|
3. |
Tibdil fil-Klima
|
4. |
Ħarsien tal-interessi essenzjali tas-sigurtà
Il-partijiet jaffermaw mill-ġdid li, skont l-Artikolu 28.6 tal-Ftehim, xejn fil-Ftehim ma għandu jiġi interpretat li jipprevjeni lill-Parti milli tieħu azzjoni li hija tqis neċessarja sabiex tipproteġi l-interessi essenzjali tas-sigurtà tagħha fi żmien ta’ gwerra jew emerġenza oħra fir-relazzjonijiet internazzjonali, inkluż kwalunkwe miżura li taffettwa lill-investituri jew l-investimenti tagħhom. |
5. |
Ħarsien tad-drittijiet fundamentali
Għal aktar ċertezza, id-dritt tal-Partijiet li jirregolaw sabiex jiksbu objettivi leġittimi ta’ politika, kif imsemmi fl-Artikolu 8.9.1 tal-Ftehim , jinkludi miżuri meħuda għall-ħarsien tad-drittijiet fundamentali, kif stabbilit fid-Dikjarazzjoni Universali tad-Drittijiet tal-Bniedem, adottata f’Pariġi fl-10 ta’ Diċembru 1948. |
6. |
Kalkolu tad-danni monetarji li jirriżultaw mill-pretensjonijiet tal-investituri
|
Magħmul fi …, ….
Għall-Kumitat Konġunt tas-CETA
Il-Kopresidenti
(1) ĠU UE L 11, 14.1.2017, p.23.
ELI: http://data.europa.eu/eli/dec/2024/435/oj
ISSN 1977-074X (electronic edition)