EUR-Lex Access to European Union law
This document is an excerpt from the EUR-Lex website
Document 62008CA0581
Case C-581/08: Judgment of the Court (Third Chamber) of 30 September 2010 (reference for a preliminary ruling from the VAT and Duties Tribunal, London Tribunal Centre (United Kingdom)) — EMI Group Ltd v The Commissioners for Her Majesty’s Revenue and Customs (Sixth VAT Directive — Second sentence of Article 5(6) — Concept of samples — Concept of gifts of small value — Recorded music — Distribution free of charge for promotional purposes)
Kawża C-581/08: Sentenza tal-Qorti tal-Ġustizzja (It-Tielet Awla) tat- 30 ta’ Settembru 2010 (talba għal deċiżjoni preliminari tal-VAT and Duties Tribunal, London Tribunal centre — Ir-Renju Unit) — EMI Group Ltd vs The Commissioners for Her Majesty’s Revenue & Customs ( Sitt Direttiva tal-VAT — It-tieni sentenza tal-Artikolu 5(6) — Kunċett ta’ kampjuni — Kunċett ta’ rigali ta’ valur żgħir — Mużika reġistrata — Distribuzzjoni bla ħlas għal skopijiet promozzjonali )
Kawża C-581/08: Sentenza tal-Qorti tal-Ġustizzja (It-Tielet Awla) tat- 30 ta’ Settembru 2010 (talba għal deċiżjoni preliminari tal-VAT and Duties Tribunal, London Tribunal centre — Ir-Renju Unit) — EMI Group Ltd vs The Commissioners for Her Majesty’s Revenue & Customs ( Sitt Direttiva tal-VAT — It-tieni sentenza tal-Artikolu 5(6) — Kunċett ta’ kampjuni — Kunċett ta’ rigali ta’ valur żgħir — Mużika reġistrata — Distribuzzjoni bla ħlas għal skopijiet promozzjonali )
ĠU C 317, 20.11.2010, p. 7–7
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
20.11.2010 |
MT |
Il-Ġurnal Uffiċjali tal-Unjoni Ewropea |
C 317/7 |
Sentenza tal-Qorti tal-Ġustizzja (It-Tielet Awla) tat-30 ta’ Settembru 2010 (talba għal deċiżjoni preliminari tal-VAT and Duties Tribunal, London Tribunal centre — Ir-Renju Unit) — EMI Group Ltd vs The Commissioners for Her Majesty’s Revenue & Customs
(Kawża C-581/08) (1)
(Sitt Direttiva tal-VAT - It-tieni sentenza tal-Artikolu 5(6) - Kunċett ta’‘kampjuni’ - Kunċett ta’ ‘rigali ta’ valur żgħir’ - Mużika reġistrata - Distribuzzjoni bla ħlas għal skopijiet promozzjonali)
2010/C 317/13
Lingwa tal-kawża: l-Ingliż
Qorti tar-rinviju
VAT and Duties Tribunal, London Tribunal Centre
Partijiet fil-kawża prinċipali
Rikorrenti: EMI Group Ltd
Konvenut: The Commissioners for Her Majesty’s Revenue Customs
Suġġett
Talba għal deċiżjoni preliminari — VAT and Duties Tribunal, London — Interpretazzjoni tal-Artikolu 5(6) tad-Direttiva 77/388/KE: Is-Sitt Direttiva tal-Kunsill 77/388/KEE tas-17 ta’ Mejju 1977, fuq l-armonizzazzjoni tal-liġijiet tal-Istati Membri dwar taxxi fuq id-dħul mill-bejgħ — Sistema komuni ta’ taxxa fuq il-valur miżjud: bażi uniformi ta’ stima (ĠU Edizzjoni Speċjali bil-Malti, Kapitolu 9, Vol. 1 p. 23) — Applikazzjoni ta’ oġġetti għall-bżonnijiet tal-impriża sabiex jingħataw rigali ta’ valur baxx u kampjuni — Kunċett ta’ “kampjun” — Karatteristiċi essenzjali — Reġistrazzjonijiet mużikali taħt il-forma ta’ CD mogħtija mingħajr ħlas għal finijiet promozzjonali
Dispożittiv
|
(1) |
“Kampjun” fis-sens tat-tieni sentenza tal-Artikolu 5(6), tas-Sitt Direttiva tal-Kunsill 77/388/KEE, tas-17 ta’ Mejju 1977, fuq l-armonizzazzjoni tal-liġijiet tal-Istati Membri dwar taxxi fuq id-dħul mill-bejgħ — Sistema komuni ta’ taxxa fuq il-valur miżjud: bażi uniformi ta’ stima, huwa eżemplari ta’ prodott li għandu l-għan li jippromwovi l-bejgħ ta’ dak il-prodott u li jippermetti li jiġu evalwati l-karatteristiċi u l-kwalitajiet ta’ dan il-prodott mingħajr ma jwasslu għal konsum finali minbarra dak li huwa inerenti għal tali tranżazzjonijiet ta’ promozzjoni. Dan il-kunċett ma jkunx limitat b’mod ġenerali minn leġiżlazzjoni nazzjonali għall-kampjuni mogħtija f’forma mhux disponibbli għall-bejgħ jew għal kull wieħed minn serje ta’ kampjuni identiċi mogħtija minn persuna taxxabbli lill-istess destinatarju mingħajr ma din il-leġiżlazzjoni tippermetti li tiġi kkunsidrata n-natura tal-prodott rappreżentat u tal-kuntest kummerċjali speċifiku għal kull tranżazzjoni li fiha dawn il-kampjuni huma ddistribwiti. |
|
(2) |
Il-kunċett ta’ “rigali ta’ valur żgħir” fis-sens tat-tieni sentenza tal-Artikolu 5(6), tas-Sitt Direttiva 77/388 għandu jiġi interpretat fis-sens li huwa ma jipprekludix li leġiżlazzjoni nazzjonali tiffissa limitu monetarju hekk kif stabbilit mil-leġiżlazzjoni inkwistjoni fil-kawża prinċipali, jiġifieri GBP 50, għar-rigali li saru lill-istess persuna fil-perijodu ta’ tnax-il xahar jew inkella li jiffurmaw parti minn serje jew sensiela ta’ rigali. |
|
(3) |
It-tieni sentenza tal-Artikolu 5(6), tas-Sitt Direttiva 77/388 tipprekludi leġiżlazzjoni nazzjonali li tistabbilixxi preżunzjoni li oġġetti li jammontaw għal “rigali ta’ valur żgħir” fis-sens ta’ din id-dispożizzjoni ddistribwiti minn persuna taxxabbli lil persuni differenti li huma mħaddma minn l-istess persuna huma kkunsidrati li saru lill-istess persuna. |
|
(4) |
L-istatus fiskali tad-destinatarju ta’ kampjuni ma għandux effett fuq ir-risposti mogħtija għad domandi l-oħra. |