EUR-Lex Access to European Union law
This document is an excerpt from the EUR-Lex website
Document 62007CA0566
Case C-566/07: Judgment of the Court (Third Chamber) of 18 June 2009 (reference for a preliminary ruling from the Hoge Raad der Nederlanden Den Haag (Netherlands)) — Staatssecretaris van Financiën v Stadeco BV (Sixth VAT Directive — Article 21(1)(c) — Tax due solely as a result of being mentioned on the invoice — Refund of tax improperly invoiced — Unjust enrichment)
Kawża C-566/07: Sentenza tal-Qorti tal-Ġustizzja (It-Tielet Awla) tat- 18 ta' Ġunju 2009 (talba għal deċiżjoni preliminari mill-Hoge Raad der Nederlanden Den Haag — l-Olanda) — Staatssecretaris van Financiën vs Stadeco BV (Sitt Direttiva tal-VAT — Artikolu 21(1)(c) — Taxxa dovuta esklużivament peress li tinsab mniżżla fil-fattura — Aġġustament tat-taxxa żbaljatament iffatturata — Arrikkament indebitu)
Kawża C-566/07: Sentenza tal-Qorti tal-Ġustizzja (It-Tielet Awla) tat- 18 ta' Ġunju 2009 (talba għal deċiżjoni preliminari mill-Hoge Raad der Nederlanden Den Haag — l-Olanda) — Staatssecretaris van Financiën vs Stadeco BV (Sitt Direttiva tal-VAT — Artikolu 21(1)(c) — Taxxa dovuta esklużivament peress li tinsab mniżżla fil-fattura — Aġġustament tat-taxxa żbaljatament iffatturata — Arrikkament indebitu)
ĠU C 180, 1.8.2009, p. 11–11
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
1.8.2009 |
MT |
Il-Ġurnal Uffiċjali tal-Unjoni Ewropea |
C 180/11 |
Sentenza tal-Qorti tal-Ġustizzja (It-Tielet Awla) tat-18 ta' Ġunju 2009 (talba għal deċiżjoni preliminari mill-Hoge Raad der Nederlanden Den Haag — l-Olanda) — Staatssecretaris van Financiën vs Stadeco BV
(Kawża C-566/07) (1)
(Sitt Direttiva tal-VAT - Artikolu 21(1)(c) - Taxxa dovuta esklużivament peress li tinsab mniżżla fil-fattura - Aġġustament tat-taxxa żbaljatament iffatturata - Arrikkament indebitu)
2009/C 180/17
Lingwa tal-kawża: L-Olandiż
Qorti tar-rinviju
Hoge Raad der Nederlanden Den Haag
Partijiet fil-kawża prinċipali
Rikorrenti: Staatssecretaris van Financiën
Konvenuti: Stadeco BV
Suġġett
Talba għal deċiżjoni preliminary — Hoge Raad der Nederlanden Den Haag — Interpretazzjoni tal-Artikolu 21(1)(ċ) tad-Direttiva 77/388/KEE: Sitt Direttiva tal-Kunsill tas-17 ta’ Mejju 1977, fuq l-armonizzazzjoni tal-liġijiet ta’ l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima (ĠU L 145, p. 1) — Taxxa mhux dovuta fl-Istat Membru ta’ residenza ta’ min joħroġ il-fattura fuq operazzjoni li saret fi Stat Membru ieħor jew fi Stat terz — Aġġustament tat-taxxa żbaljatament iffatturata
Dispożittiv
|
1) |
L-Artikolu 21(1)(c) tas-tas-Sitt Direttiva 77/388/KEE tal-Kunsill tas-17 ta’ Mejju 1977, fuq l-armonizzazzjoni tal-liġijiet ta’ l-Istati Membri dwar taxxi fuq id-dħul mill-bejgħ — Sistema komuni ta’ taxxa fuq il-valur miżjud: bażi uniformi ta’ stima (ĠU L 145, p. 1), kif emendata mid-Direttiva 91/680/KEE tal-Kunsill, tas-16 ta’ Diċembru 1991, għandu jiġi interpretat fis-sens li t-taxxa fuq il-valur miżjud hija dovuta, skont din id-dispożizzjoni, lill-Istat Membru li għalih tikkorrispondi t-taxxa fuq il-valur miżjud indikata fuq il-fattura jew fuq dokument ieħor li jservi bħala fattura, anki jekk it-tranżazzjoni inkwistjoni ma kinitx taxxabbli f’dan l-Istat Membru. Hija l-qorti tar-rinviju li għandha tivverifika, fid-dawl taċ-ċirkustanzi rilevanti kollha, lil liema Stat Membru hija dovuta t-taxxa fuq il-valur miżjud indikata fuq il-fattura inkwistjoni. F’dan ir-rigward, jistgħu jkunu rilevanti, b’mod partikolari, it-taxxa indikata, il-munita li qed tintuża għall-ammont li għandu jitħallas, il-lingwa tal-kitba, il-kontenut u l-kuntest tal-fattura inkwistjoni, il-postijiet ta’ stabbiliment ta’ dak li ħareġ il-fattura u tal-benefiċjarju tas-servizzi mwettqa kif ukoll l-imġieba tagħhom. |
|
2) |
Il-prinċipju tan-newtralità fiskali ma jipprekludix, fil-prinċipju, Stat Membru milli jissuġġetta l-aġġustament tat-taxxa fuq il-valur miżjud dovuta f’dan l-Istat Membru biss minħabba li din hija indikata bi żball fuq il-fattura mibgħuta għall-kundizzjoni li l-persuna taxxabbli tkun bagħtet lill-benefiċjarju tas-servizzi mwettqa fattura ratifikata li ma ssemmix l-imsemmija VAT, jekk dan il-persuna taxxabbli ma eliminax, fi żmien utli, kompletament ir-riskju ta’ telf ta’ dħul fiskali. |