Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 52005AP0120

Riżoluzzjoni leġislattiva tal-Parlament Ewropew dwar l-applikazzjoni tar-Rumanija sabiex issir membru fl-Unjoni Ewropea (AA1/2/2005 - C6-0086/2005 - 2005/0902(AVC)) (Proċedura ta' kunsens)

ĠU L 157, 21.6.2005, p. 7–8 (BG, ES, CS, DA, DE, ET, EL, EN, FR, GA, IT, LV, LT, HU, MT, NL, PL, PT, RO, SK, SL, FI, SV)

ELI: http://data.europa.eu/eli/res/2005/120/oj

21.6.2005   

MT

Il-Ġurnal Uffiċjali ta’ l-Unjoni Ewropea

7

RIŻOLUZZJONI LEĠISLATTIVA TAL-PARLAMENT EWROPEW

dwar l-applikazzjoni tar-Rumanija sabiex issir membru fl-Unjoni Ewropea (AA1/2/2005 - C6-0086/2005 - 2005/0902(AVC))

(Proċedura ta' kunsens)

Il-Parlament Ewropew,

wara li kkunsidra t-talba tar-Rumanija sabiex issir membru ta' l-Unjoni Ewropea,

wara li kkunsidra t-talba għal kunsens magħmula mill-Kunsill skond l-Artikolu 49 tat-Trattat UE (C6‐0086/2005),

wara li kkunsidra l-opinjoni tal-Kummissjoni COM (2005)0055),

wara li kkunsidra l-abbozz tat-trattat tar-Rumanija fl-Unjoni Ewropea,

wara li kkunsidra l-iskambju ta' ittri bejn il-President tal-Parlament Ewropew u l-President tal-Kummissjoni dwar l-assoċjazzjoni sħiħa tal-Parlament Ewropew fuq il-possibiltà ta' rikors għal waħda mill-klawżoli ta' salvagwardja fit-Trattat ta' Adeżjoni,

wara li kkunsidra ir-riżoluzzjoni tiegħu tat-13 ta' April 2005 dwar l-implikazzjonijiet finanzjarji ta' l-adeżjoni tal-Bulgarija u r-Rumanija (1).

wara li kkunsidra l-Artikoli 75 u 82(6) tar-Regoli ta' Proċedura tiegħu,

wara li kkunsidra r-rakkomandazzjoni tal-Kumitat għall-Affarijiet Barranin (A6-0083/2005),

A.

billi l-kundizzjonijiet għal ammissjoni ta' pajjiżi applikanti u l-modifiki li l-adeżjoni tagħhom iġġib huma stabbiliti fit-trattat ta' adeżjoni u billi l-Parlament għandu jkun ikkonsultat dwar kwalunkwe modifika sostanzjali f'dan it-trattat,

B.

billi l-Kunsill u l-Kummissjoni iridu jinvolvu l-Parlament Ewropew fis-segwitu tal-proċess ta' adeżjoni tar-Rumanija u fit-teħid ta' deċiżjonijiet fil-każ tal-possibiltà ta' rikors għal waħda mill-klawżoli ta' salvagwardja li jinsabu fit-trattat ta' adeżjoni fid-dawl ta' l-adeżjoni tar-Rumanija,

Ċ.

billi dan il-kunsens kien preċedut minn ftehim konġunt taż-żewġ fergħat tal-awtorità baġitarja dwar il-pakkett finanzjarju li għandu jkun inkluż fit-trattat ta' adeżjoni u l-adozzjoni ta' dikjarazzjoni fuq il-konsegwenzi baġitarji u istituzzjonali ta' dan,

1.

Jagħti l-kunsens tiegħu għat-talba tar-Rumanija sabiex issir membru ta' l-Unjoni Ewropea;

2.

Jagħti istruzzjonijiet lill-President tiegħu sabiex jgħaddi l-posizzjoni tal-Parlament lill-unsill u lill-Kummissjoni u lill-gvernijiet u l-parlamenti ta' l-Istati Membri u r-Rumanija.

(1)  P6_TA(2005)0116.

Top