Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32023R1490

Regolament tal-Kummissjoni (UE) 2023/1490 tad-19 ta’ Lulju 2023 li jemenda r-Regolament (KE) Nru 1223/2009 tal-Parlament Ewropew u tal-Kunsill rigward l-użu ta’ ċerti sustanzi kklassifikati bħala karċinoġeniċi, mutaġeniċi jew tossiċi għar-riproduzzjoni fil-prodotti kożmetiċi (Test b’rilevanza għaż-ŻEE)

C/2023/4766

ĠU L 183, 20.7.2023, p. 7–10 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2023/1490/oj

20.7.2023   

MT

Il-Ġurnal Uffiċjali tal-Unjoni Ewropea

L 183/7

REGOLAMENT TAL-KUMMISSJONI (UE) 2023/1490

tad-19 ta’ Lulju 2023

li jemenda r-Regolament (KE) Nru 1223/2009 tal-Parlament Ewropew u tal-Kunsill rigward l-użu ta’ ċerti sustanzi kklassifikati bħala karċinoġeniċi, mutaġeniċi jew tossiċi għar-riproduzzjoni fil-prodotti kożmetiċi

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1223/2009 tal-Parlament Ewropew u tal-Kunsill tat-30 ta’ Novembru 2009 dwar il-prodotti kożmetiċi (1), u b’mod partikolari l-Artikolu 15(1) u l-Artikolu 15(2), ir-raba’ subparagrafu, tiegħu,

Billi:

(1)

Ir-Regolament (KE) Nru 1272/2008 tal-Parlament Ewropew u tal-Kunsill (2) jipprevedi klassifikazzjoni armonizzata tas-sustanzi bħala karċinoġeniċi, mutaġeniċi jew tossiċi għar-riproduzzjoni (CMR) abbażi ta’ valutazzjoni xjentifika mwettqa mill-Kumitat għall-Istima tar-Riskji tal-Aġenzija Ewropea għas-Sustanzi Kimiċi. Is-sustanzi huma kklassifikati bħala sustanzi CMR tal-kategorija 1 A, sustanzi CMR tal-kategorija 1B jew sustanzi CMR tal-kategorija 2 skont il-livell tal-evidenza tal-proprjetajiet CMR tagħhom.

(2)

L-Artikolu 15 tar-Regolament (KE) Nru 1223/2009 jipprevedi li għandu jiġi pprojbit li s-sustanzi kklassifikati bħala sustanzi CMR tal-kategorija 1 A, tal-kategorija 1B jew tal-kategorija 2 tal-Parti 3 tal-Anness VI tar-Regolament (KE) Nru 1272/2008 (sustanzi CMR) jintużaw fil-prodotti kożmetiċi. Madankollu, sustanza CMR tista’ tintuża fil-prodotti kożmetiċi meta jiġu ssodisfati l-kundizzjonijiet stabbiliti fl-Artikolu 15(1), it-tieni sentenza, tar-Regolament (KE) Nru 1223/2009 jew fl-Artikolu 15(2), it-tieni subparagrafu ta’ dak ir-Regolament.

(3)

Sabiex tiġi implimentata b’mod uniformi l-projbizzjoni tas-sustanzi CMR fis-suq intern, ħalli tiġi żgurata ċ-ċertezza legali, b’mod partikolari għall-operaturi ekonomiċi u għall-awtoritajiet nazzjonali kompetenti, u sabiex jiġi żgurat livell għoli tal-protezzjoni tas-saħħa tal-bniedem, jenħtieġ li s-sustanzi CMR kollha jiġu inklużi fil-lista ta’ sustanzi pprojbiti fl-Anness II tar-Regolament (KE) Nru 1223/2009 u, fejn rilevanti, jitħassru mil-listi ta’ sustanzi ristretti jew permessi fl-Annessi III sa VI ta’ dak ir-Regolament. Meta jiġu ssodisfati l-kundizzjonijiet stabbiliti fl-Artikolu 15(1), it-tieni sentenza, tar-Regolament (KE) Nru 1223/2009 jew fl-Artikolu 15(2), it-tieni subparagrafu ta’ dak ir-Regolament, jenħtieġ li l-listi ta’ sustanzi ristretti jew permessi fl-Annessi III sa VI ta’ dak ir-Regolament jiġu emendati kif xieraq.

(4)

Dan ir-Regolament ikopri s-sustanzi kklassifikati bħala sustanzi CMR bir-Regolament Delegat tal-Kummissjoni (UE) 2022/692 (3) (“is-sustanzi rilevanti”). Ir-Regolament Delegat (UE) 2022/692 se japplika mill-1 ta’ Diċembru 2023.

(5)

Ma tressqet l-ebda talba għall-użu fil-prodotti kożmetiċi bħala eċċezzjoni għas-sustanzi rilevanti.

(6)

Is-sustanzi rilevanti bħalissa la huma ristretti fl-Anness III tar-Regolament (KE) Nru 1223/2009, u lanqas permessi fl-Annessi IV, V jew VI ta’ dak ir-Regolament.

(7)

Is-sustanza aċidu 2-etileżanojku (Nru CAS 149-57-5) bħalissa hija elenkata fl-entrata 1024 tal-Anness II tar-Regolament (KE) Nru 1223/2009. Madankollu, l-imlieħ ta’ dik is-sustanzi, li ġew ikklassifikati bħala sustanzi CMR [tal-kategorija 1B] bir-Regolament Delegat (UE) 2022/692, mhumiex inklużi f’dik l-entrata. Bħalissa, l-ebda waħda mis-sustanzi rilevanti l-oħra ma hija elenkata fl-Anness II tar-Regolament (KE) Nru 1223/2009. Għalhekk, jenħtieġ li dawk is-sustanzi jiżdiedu mal-lista ta’ sustanzi pprojbiti fil-prodotti kożmetiċi fl-Anness II tar-Regolament (KE) Nru 1223/2009 u jenħtieġ li l-imlieħ tas-sustanza aċidu 2-etileżanojku jiżdiedu fl-entrata 1024 ta’ dak l-Anness.

(8)

Għaldaqstant ir-Regolament (KE) Nru 1223/2009 jenħtieġ li jiġi emendat skont dan.

(9)

L-emendi għar-Regolament (KE) Nru 1223/2009 huma bbażati fuq il-klassifikazzjonijiet tas-sustanzi rilevanti bħala sustanzi CMR u għalhekk jenħtieġ li japplikaw mill-istess data ta’ dawk il-klassifikazzjonijiet.

(10)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Prodotti Kożmetiċi,

ADOTTAT DAN IR-REGOLAMENT:

Artikolu 1

L-Anness II tar-Regolament (KE) Nru 1223/2009 huwa emendat f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Diċembru 2023.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-19 ta’ Lulju 2023.

Għall-Kummissjoni

Il-President

Ursula VON DER LEYEN

(1)  ĠU L 342, 22.12.2009, p. 59.

(2)  Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).

(3)  Ir-Regolament Delegat tal-Kummissjoni (UE) 2022/692 tas-16 ta’ Frar 2022 li jemenda, għall-finijiet tal-adattament tiegħu għall-progress tekniku u xjentifiku, ir-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, l-ittikkettar u l-imballaġġ tas-sustanzi u t-taħlitiet (ĠU L 129, 3.5.2022, p. 1).

ANNESS

L-Anness II mar-Regolament (KE) Nru 1223/2009 huwa emendat kif ġej:

(1)

l-entrata 1024 hija sostitwita b’dan li ġej:

Numru ta’ referenza

Identifikazzjoni tas-sustanza

Isem kimiku/INN

Nru CAS

Nru KE

a

b

c

d

“1024

Aċidu 2-etileżanojku u l-imlieħ tiegħu minbarra dawk speċifikati banda oħra fl-Anness VI tar-Regolament (KE) Nru 1272/2008

149-57-5/-

205-743-6/-”

(2)

jiżdiedu l-entrati li ġejjin:

Numru ta’ referenza

Identifikazzjoni tas-sustanza

Isem kimiku/INN

Nru CAS

Nru KE

a

b

c

d

“1695

Bromur tal-ammonju

12124-97-9

235-183-8

1696

Dibutilin bis(2-etileżanoat)

2781-10-4

220-481-2

1697

Di(aċetat) tad-dibutiltin

1067-33-0

213-928-8

1698

Diossidu tat-tellurju

7446-07-3

231-193-1

1699

Tetraossidu tal-barju diboron

13701-59-2

237-222-4

1700

2,2-dimetilpropan-1-ol, derivattiv tat-tribromo; 3-bromo-2,2-bis(bromometil)propan-1-ol

36483-57-5/1522-92-5

253-057-0/-

1701

2,4,6-tri-tert-butilfenol

732-26-3

211-989-5

1702

4,4’-sulfonildifenol; bisfenol S

80-09-1

201-250-5

1703

Benzofenon

119-61-9

204-337-6

1704

Kinoklammina (ISO); 2-ammino-3-kloro-1,4-naftokinon

2797-51-5

220-529-2

1705

Aċidu perfluworoettanojku; aċidu tridekafluworoettanojku

375-85-9

206-798-9

1706

N-(isopropossikarbonil)-L-valil-(3RS)-3-(4-klorofenil)-β-alaninat tal-metil; valifenalat

283159-90-0

608-192-3

1707

aċidu 6-[C12-18-alkil-(ramifikat, mhux saturat)-2,5-diossopirrolidin-1-il]eżanojku, sodju u l-imlieħ tat-tris(2-idrossietil)ammonju

-

701-271-4

1708

aċidu 6-[(C10-C13)-alkil-(ramifikat, mhux saturat)-2,5-diossopirrolidin-1-il]eżanojku

2156592-54-8

701-118-1

1709

aċidu 6-[C12-18-alkil-(ramifikat, mhux saturat)-2,5-diossopirrolidin-1-il]eżanojku

-

701-162-1

1710

Teofillina; 1,3-dimetil-3,7-diidro-1H-purina-2,6-dion

58-55-9

200-385-7

1711

1,3,5-triażina-2,4,6-triammina; melammina

108-78-1

203-615-4

1712

Fluwopikolid (ISO); 2,6-dikloro-N-[3-kloro-5-(trifluworometil)-2-piridilmetil]benżammid

607-285-6

239110-15-7

1713

triammid N-(2-nitrofenil)fosforiku

874819-71-3

477-690-9

1714

N-(5-kloro-2-isopropilbenżil)-N-ċiklopropil-3-(difluworometil)-5-fluworo-1-metil-1H-pirażol-4-karbossammid; isofluċipram

1255734-28-1

811-438-4

1715

Massa ta’ reazzjoni ta’ 3-(difluworometil)-1-metil-N-[(1RS,4SR,9RS)-1,2,3,4-tetraidro-9-isopropil-1,4-metanonaftalen-5-il]pirażol-4-karboksammid u 3-(difluworometil)-1-metil-N-[(1RS,4SR,9SR)-1,2,3,4-tetraidro-9-isopropil-1,4-metanonaftalen-5-il]pirażol-4-karboksammid [kontenut relattiv [≥ 78 % sin iżomeri ≤ 15 % anti iżomeri]; isopirażam

881685-58-1

632-619-2

1716

Margosa, ext. [mill-ħabb tal-Azadirachta indica estratta bl-ilma u proċessata ulterjorment b’solventi organiċi]

84696-25-3

283-644-7

1717

Kumen

98-82-8

202-704-5

1718

diakrilat tat-2-etil-2-[[(1-ossoallil)ossi]metil]-1,3-propanedil; akrilat tat-2,2-bis(akriloilossimetil)butil; triakrilat tat-trimetilolpropan;

15625-89-5

239-701-3

1719

Pentapotassju 2,2’,2”,2”’,2”"-(etan-1,2-diilnitrilo)pentaaċetat

7216-95-7

404-290-3

1720

N-karbossimetiliminobis(etilenenitrilo)tetra(aċidu aċetiku); Aċidu Pentetiku (INCI)

67-43-6

200-652-8

1721

(Karbossilatometil)iminobis(etilenenitrilo)tetraaċetat tal-pentasodju; Pentetat tal-Pentasodju (INCI)

140-01-2

205-391-3

1722

Aċetamiprid (ISO); (1E)-N-[(6-kloropiridin-3-il)metil]-N’-ċjano-N-metiletanimidammid; (E)--N1-[(6-kloro-3-piridil)metil]-N2-ċjano-N1-metilaċetammidina

135410-20-7/

160430-64-8

603-921-1/

682-791-8

1723

Pendimetalina (ISO); N-(1-etilpropil)-2,6-dinitro-3,4-ksiliden

40487-42-1

254-938-2

1724

Bentażon (ISO); 3-isopropil-2,1,3-benżotijadijażina-4-on-2,2-diossidu

25057-89-0

246-585-8”
Top