—

Airteagal 2, mír 2 de Chinneadh Cur Chun Feidhme (AE) 2022/2506 ón gComhairle an 15 Nollaig 2022 (1) a neamhniú go páirteach, a mhéid a fhoráiltear léi ‘nó aon eintiteas arna chothabháil ag iontaobhas leasa phoiblí den sórt sin’ agus a mhéid a bhaineann an fhoráil sin de Chinneadh 2022/2506 leis an iarratasóir;

—

Ráiteas Comhpháirteach an 26 Eanáir 2023 ó Choimisinéir Hahn agus ó Choimisinéir Gabriel maidir le cur i bhfeidhm Chinneadh Cur Chun Feidhme ón gComhairle an 15 Nollaig 2022 maidir le hiontaobhais leasa phoiblí san Ungáir a neamhniú a mhéid a bhaineann leis an iarratasóir;

—

na teachtaireachtaí ón gCoimisiún an 20 Eanáir, an 21 Feabhra agus an 3 Márta 2023, a foilsíodh mar ‘S[h]éanadh’ nó ‘Ceisteanna coitianta’ ar thairseacha ERASMUS+ agus Fís Eorpach, dá dtagraítear sa Ráiteas Comhpháirteach thuasluaite, a neamhniú a mhéid a bhaineann siad leis an iarratasóir;

—

gníomh an Choimisiúin atá leabaithe i ríomhphoist ón nGníomhaireacht Feidhmiúcháin Eorpach um an tSláinte agus an Digitiú (HaDEA) an 25 Eanair 2023, a seoladh chuig comhordaitheoir an chuibhreannais sa Tionscadal de chuid Thionscadal Eoraip Dhigiteach i réimse theicneaolaíocht an eolais agus na teicneolaíochta bia (TRACE4EU), a neamhniú a mhéid a bhaineann leis an iarratasóir;

—

a ordú don Chomhairle agus don Choimisiún agus d’aon idiragraí atá ag cur i gcoinne an iarratais seo na costais a íoc.

1.

An chéad shaincheist dlí, lena n-éilítear gur sáraíodh an Rialachán Coinníollachta (2), an dualgas cúiseanna leordhóthanacha a thabhairt, prionsabal na comhréireachta, Airteagal 16 den Chairt um Chearta Bunúsacha an Aontais Eorpaigh, agus Rialachán (AE, Euratom) 2018/1046 ó Pharlaimint na hEorpa agus ón gComhairle an 18 Iúil 2018. (3)

2.

An dara saincheist dlí, lena n-éilítear gur sáraíodh prionsabal thoimhde na neamhchiontachta agus gur sáraíodh prionsabal na córa comhionainne agus an neamh-idirdhealaithe.

3.

An tríú saincheist dlí, lena n-éilítear gur sáraíodh an ceart chun oibriú ar mhargadh neamhshaofa (Airteagal 16 den Chairt um Chearta Bunúsacha an Aontais Eorpaigh i gcomhar le hAirteagal 101 go dtí Airteagal 108 CFAE).

4.

An ceathrú saincheist dlí, lena n-éilítear gur sáraíodh prionsabail na deimhneachta dlíthiúla, na n-ionchas dlisteanach agus gur sáraíodh ceanglais riachtanacha nós imeachta.