EUR-Lex Access to European Union law
This document is an excerpt from the EUR-Lex website
Document 02019R0006-20220128
Regulation (EU) 2019/6 of the European Parliament and of the Council of 11 December 2018 on veterinary medicinal products and repealing Directive 2001/82/EC (Text with EEA relevance)Text with EEA relevance
Consolidated text: Regolament (UE) 2019/6 tal-Parlament Ewropew u tal-Kunsill tal-11 ta’ Diċembru 2018 dwar prodotti mediċinali veterinarji u li jħassar id-Direttiva 2001/82/KE (Test b’rilevanza għaż-ŻEE)Test b’relevanza għaż-ŻEE
Regolament (UE) 2019/6 tal-Parlament Ewropew u tal-Kunsill tal-11 ta’ Diċembru 2018 dwar prodotti mediċinali veterinarji u li jħassar id-Direttiva 2001/82/KE (Test b’rilevanza għaż-ŻEE)Test b’relevanza għaż-ŻEE
02019R0006 — MT — 28.01.2022 — 001.006
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
REGOLAMENT (UE) 2019/6 TAL-PARLAMENT EWROPEW U TAL-KUNSILL tal-11 ta’ Diċembru 2018 dwar prodotti mediċinali veterinarji u li jħassar id-Direttiva 2001/82/KE (ĠU L 004 7.1.2019, p. 43) |
Emendat bi:
|
|
Il-Ġurnal Uffiċjali |
||
Nru |
Paġna |
Data |
||
REGOLAMENT DELEGAT TAL-KUMMISSJONI (UE) 2021/805 tat-8 ta’ Marzu 2021 |
L 180 |
3 |
21.5.2021 |
|
REGOLAMENT DELEGAT TAL-KUMMISSJONI (UE) 2023/183 tat-23 ta’ Novembru 2022 |
L 26 |
7 |
30.1.2023 |
Ikkoreġut bi:
REGOLAMENT (UE) 2019/6 TAL-PARLAMENT EWROPEW U TAL-KUNSILL
tal-11 ta’ Diċembru 2018
dwar prodotti mediċinali veterinarji u li jħassar id-Direttiva 2001/82/KE
(Test b’rilevanza għaż-ŻEE)
KAPITOLU I
SUĠĠETT, KAMP TA’ APPLIKAZZJONI U DEFINIZZJONIJIET
Artikolu 1
Suġġett
Dan ir-Regolament jistabbilixxi r-regoli dwar it-tqegħid fis-suq, il-manifattura, l-importazzjoni, l-esportazzjoni, il-forniment, id-distribuzzjoni, il-farmakoviġilanza, il-kontroll u l-użu ta’ prodotti mediċinali veterinarji.
Artikolu 2
Kamp ta’ applikazzjoni
Minbarra l-prodotti msemmija fil-paragrafu 1 ta’ dan l-Artikolu, il-Kapitolu VII għandu japplika wkoll:
għas-sustanzi li fihom proprjetajiet anaboliċi, antiinfettivi, antiparassitiċi, antiinfjammatorji, ormonali, narkotiċi jew psikotropiċi u li jistgħu jintużaw fl-annimali;
prodotti mediċinali veterinarji mħejjija fi spiżerija jew minn persuna li għandha l-permess li tagħmel dan mil-liġi nazzjonali, skont riċetta veterinarja għal annimal individwali jew grupp żgħir ta’ annimali (“formula maġistrali”);
prodotti mediċinali veterinarji mħejjija fi spiżerija skont istruzzjonijiet ta’ farmakopea u maħsuba biex jiġu forniti direttament lill-utent aħħari (“formola offiċinali”). Tali formola offiċinali għandha tkun soġġetta għal riċetta veterinarja meta maħsuba għal annimali li jipproduċu l-ikel.
Dan ir-Regolament ma japplikax għal:
prodotti mediċinali veterinarji li fihom ċelloli jew tessuti awtoloġi jew alloġeneiċi li ma ġewx sottomessi għal proċess industrijali;
prodotti mediċinali veterinarji bbażati fuq iżotopi radju-attivi;
additivi tal-għalf kif definiti fil-punt (a) tal-Artikolu 2(2) fir-Regolament (KE) Nru 1831/2003 tal-Parlament Ewropew u tal-Kunsill ( 1 );
prodotti mediċinali veterinarji maħsuba għar-riċerka u l-iżvilupp;
għalf medikat u prodotti intermedji kif definit fil-punti (a) u (b) tal-Artikolu 3(2) tar-Regolament (UE) 2019/4.
Artikolu 3
Kunflitt ta’ liġijiet
Artikolu 4
Definizzjonijiet
Għall-finijiet ta’ dan ir-Regolament, japplikaw id-definizzjonijiet li ġejjin:
“prodott mediċinali veterinarju” tfisser kwalunkwe sustanza jew taħlita ta’ sustanzi li tissodisfa mill-inqas waħda mill-kundizzjonijiet li ġejjin:
hija ppreżentata bħala li għandha proprjetajiet għat-trattament jew għall-prevenzjoni ta’ mard fl-annimali;
l-iskop tagħha huwa li tintuża fl-annimali, jew tiġi ssomministrata lilhom, bl-għan li tirkupra, tikkoreġi jew tibdel funzjonijiet fiżjoloġiċi billi twettaq azzjoni farmakoloġika, immunoloġika jew metabolika;
l-iskop tagħha huwa li tintuża fl-annimali bil-ħsieb li ssir dijanjożi medika;
l-iskop tagħha huwa li tintuża għall-ewtanasja tal-annimali;
“sustanza” tfisser kwalunkwe materja ta’ oriġini minn dawn li ġejjin:
bnedmin;
annimali;
veġetali;
kimika;
“sustanza attiva” tfisser kull sustanza jew taħlita ta’ sustanzi maħsuba biex tintuża fil-manifattura ta’ prodott mediċinali veterinarju li, meta tintuża fil-produzzjoni tiegħu, issir ingredjent attiv ta’ dak il-prodott.
“eċċipjent” tfisser kwalunkwe kostitwent ta’ prodott mediċinali veterinarju barra minn sustanza attiva jew materjal tal-imballaġġ;
“prodott mediċinali veterinarju immunoloġiku” tfisser prodott mediċinali veterinarju maħsub biex jiġi ssomministrat lil xi annimal sabiex jipproduċi immunità attiva jew passiva jew sabiex jiddijanjostika l-istat ta’ immunità tiegħu;
“prodott mediċinali veterinarju bijoloġiku” tfisser prodott mediċinali veterinarju fejn is-sustanza attiva hija sustanza bijoloġika;
“sustanza bijoloġika” tfisser sustanza li hija prodotta jew estratta minn sors bijoloġiku u li teħtieġ għall-karatterizzazzjoni tagħha u għad-determinazzjoni tal-kwalità tagħha taħlita ta’ testijiet fiżiko-kimiċi-bijoloġiċi, flimkien ma’ għarfien tal-proċess ta’ produzzjoni u l-kontroll tagħha;
“prodott mediċinali veterinarju ta’ referenza” tfisser prodott mediċinali veterinarju awtorizzat skont l-Artikoli 44, 47, 49, 52, 53 jew 54 kif imsemmi fl-Artikolu 5(1) abbażi ta’ applikazzjoni ppreżentata skont l-Artikolu 8;
“prodott mediċinali veterinarju ġeneriku” tfisser prodott mediċinali veterinarju li għandu l-istess kompożizzjoni kwalitattiva u kwantitattiva ta’ sustanzi attivi u l-istess forma farmaċewtika tal-prodott mediċinali veterinarju ta’ referenza, u li fir-rigward tiegħu ntweriet il-bijoekwivalenza mal-prodott mediċinali veterinarju ta’ referenza;
“prodott mediċinali veterinarju omeopatiku” tfisser prodott mediċinali veterinarju mħejji minn ħażniet omeopatiċi skont proċedura ta’ manifattura omeopatika deskritta mill-Farmakopea Ewropea jew, fin-nuqqas ta’ dan, mill-farmakopej użati fl-Istati Membri b’mod uffiċjali;
“reżistenza għall-antimikrobiċi” tfisser il-kapaċità ta’ mikroorganiżmi li jibqgħu jgħixu jew jiżdiedu fil-preżenza ta’ konċentrazzjoni ta’ sustanza antimikrobika li normalment tkun biżżejjed sabiex trażżan jew toqtol mikroorganiżmi tal-istess speċi;
“antimikrobiku” tfisser kwalunkwe sustanza b’azzjoni diretta fuq mikroorganiżmi użata għat-trattament jew il-prevenzjoni ta’ infezzjonijiet jew ta’ mard infettiv, inkluż antibijotiċi, antivirali, antifungali u antiprotozoals.
“antiparassitiku” tfisser sustanza li toqtol jew tinterrompi l-iżvilupp ta’ parassiti, użata għall-finijiet ta’ trattament jew prevenzjoni ta’ infestazzjoni, infezzjoni jew mard ikkawżati jew trażmessi minn parassiti, inklużi sustanzi b’attività repellenti;
“antibijotiku” tfisser sustanza b’azzjoni diretta fuq batterji li tkun użata għat-trattament jew il-prevenzjoni ta’ infezzjonijiet jew ta’ mard infettiv;
“metafilassi” tfisser is-somministrazzjoni ta’ prodott mediċinali lil grupp ta’ annimali wara dijanjożi li tistabbilixxi marda klinika f’parti mill-grupp, bl-għan li jiġu trattati l-annimali klinikament morda u jiġi kkontrollat it-tixrid ta’ din il-marda f’annimali f’kuntatt mill-qrib u li jinsabu f’riskju u li jistgħu jkunu diġà subklinikament infettati;
“profilassi” tfisser is-somministrazzjoni ta’ prodott mediċinali lil annimal jew grupp ta’ annimali qabel ma jkun hemm sinjali kliniċi ta’ marda, sabiex tiġi evitata l-okkorrenza ta’ mard jew infezzjoni;
“prova klinika” tfisser studju li għandu l-għan li jeżamina f’kundizzjonijiet prattiċi, is-sikurezza jew l-effikaċja ta’ prodott mediċinali veterinarju li huma taħt kundizzjonijiet normali ta’ trobbija tal-annimali jew bħala parti minn prattika veterinarja normali biex tinkiseb awtorizzazzjoni għall-kummerċjalizzazzjoni jew tibdil fiha;
“studju prekliniku” tfisser studju mhux kopert mid-definizzjoni ta’ prova klinika li għandu l-għan li jinvestiga s-sikurezza jew l-effikaċja ta’ prodott mediċinali veterinarju biex tinkiseb awtorizzazzjoni għall-kummerċjalizzazzjoni jew tibdil fiha;
“bilanċ bejn il-benefiċċji u r-riskji” tfisser valutazzjoni tal-effetti pożittivi tal-prodott mediċinali veterinarju b’rabta mar-riskji li ġejjin relatati mal-użu ta’ dak il-prodott:
kwalunkwe riskju relatat mal-kwalità, is-sikurezza u l-effikaċja tal-prodotti mediċinali veterinarji fir-rigward tas-saħħa tal-bniedem jew ta’ annimal;
kull riskju ta’ effetti mhux mixtieqa fuq l-ambjent;
kull riskju relatat mal-iżvilupp ta’ reżistenza;
“isem komuni” tfisser l-isem internazzjonali mhux proprjetarju rrakkomandat mill-Organizzazzjoni Dinjija tas-Saħħa (WHO) għal sustanza jew, jekk ma jeżistix wieħed, l-isem użat ġeneralment;
“l-isem tal-prodott mediċinali veterinarju” tfisser jew isem ivvintat li ma joħloqx konfużjoni mal-isem komuni, jew isem komuni jew isem xjentifiku akkumpanjat mill-marka kummerċjali jew l-isem tad-detentur tal-awtorizzazzjoni għall-kummerċjalizzazzjoni;
“qawwa” tfisser il-kontenut ta’ sustanzi attivi fi prodott mediċinali veterinarju, espress fi kwantità għal kull unità ta’ dożaġġ, kull unità ta’ volum jew kull unità ta’ piż skont il-forma farmaċewtika;
“awtorità kompetenti” tfisser awtorità maħtura minn Stat Membru skont l-Artikolu 137;
“tikkettar” tfisser informazzjoni dwar l-imballaġġ ta’ ġewwa jew l-imballaġġ ta’ barra;
“imballaġġ ta’ ġewwa” tfisser il-kontenitur jew kwalunkwe forma oħra ta’ imballaġġ li jkun f’kuntatt dirett mal-prodott mediċinali veterinarju;
“imballaġġ ta’ barra” tfisser l-imballaġġ li fih jitqiegħed l-imballaġġ ta’ ġewwa;
“fuljett ta’ tagħrif” tfisser fuljett ta’ dokumentazzjoni dwar prodott mediċinali veterinarju li fih informazzjoni biex ikun żgurat l-użu mingħajr periklu u effikaċi tiegħu;
“ittra ta’ aċċess” tfisser dokument oriġinali, iffirmat minn sid id-data jew ir-rappreżentant tiegħu, li jiddikjara li d-data tista’ tkun użata għall-benefiċċju tal-applikant fir-rigward tal-awtoritajiet kompetenti, l-Aġenzija Ewropea għall-Mediċini, stabbilita permezz tar-Regolament (KE) Nru 726/2004 (“l-Aġenzija”) jew il-Kummissjoni għall-finijiet ta’ dan ir-Regolament;
“suq limitat” tfisser suq għal wieħed mit-tipi ta’ prodotti mediċinali li ġejjin:
prodotti mediċinali veterinarji għat-trattament jew il-prevenzjoni ta’ mard li ma jseħħx spiss jew li jseħħ f’żoni ġeografiċi limitati;
prodotti mediċinali veterinarji għal speċijiet ta’ annimali minbarra frat, nagħaġ imrobbija għal-laħam, ħnieżer, tiġieġ, klieb u qtates;
“farmakoviġilanza” tfisser ix-xjenza u l-attivitajiet relatati għad-detezzjoni, il-valutazzjoni, il-fehim u l-prevenzjoni ta’ avvenimenti avversi suspettati jew kwalunkwe problema oħra relatata ma’ prodott mediċinali;
“master file tas-sistema ta’ farmakoviġilanza” tfisser deskrizzjoni dettaljata tas-sistema ta’ farmakoviġilanza użata mid-detentur tal-awtorizzazzjoni għall-kummerċjalizzazzjoni fir-rigward ta’ prodott mediċinali veterinarju awtorizzat wieħed jew aktar;
“kontroll” tfisser kwalunkwe kompitu mwettaq mill-awtorità kompetenti għall-verifika ta’ konformità ma’ dan ir-Regolament;
“riċetta veterinarja” tfisser dokument maħruġ minn veterinarju għal prodott mediċinali veterinarju jew prodott mediċinali għall-użu mill-bniedem destinat biex jintuża għall-annimali;
“ ►C4 perjodu ta' stennija ◄ ” tfisser il-perjodu minimu bejn l-aħħar somministrazzjoni ta’ prodott mediċinali veterinarju lil xi annimal u l-produzzjoni ta’ prodotti tal-ikel minn dak l-annimal li taħt kundizzjonijiet normali ta’ użu huwa meħtieġ sabiex ikun żgurat li dawn l-prodotti tal-ikel ma fihomx residwi fi kwantitajiet li jagħmlu ħsara lis-saħħa pubblika;
“tqegħid fis-suq” tfisser l-ewwel prodott mediċinali veterinarju disponibbli fis-suq kollu tal-Unjoni jew fi Stat Membru wieħed jew aktar, kif applikabbli;
“distribuzzjoni bl-ingrossa” tfisser l-attivitajiet kollha li jikkonsistu fil-kisba, iż-żamma, il-forniment jew l-esportazzjoni ta’ prodotti mediċinali veterinarji, kemm jekk għall-profitt u kemm jekk le, apparti mill-forniment bl-imnut ta’ prodott mediċinali veterinarju lill-pubbliku;
“speċijiet akkwatiċi” tfisser speċijiet imsemmija fil-punt (3) tal-Artikolu 4 tar-Regolament (KE) Nru 2016/429 tal-Parlament Ewropew u tal-Kunsill ( 3 );
“annimali li jipproduċu l-ikel” tfisser annimali li jipproduċu l-ikel kif definit fil-punt (b) tal-Artikolu 2 tar-Regolament (KE) Nru 470/2009;
“varjazzjoni” tfisser bidla fit-termini ta’ awtorizzazzjoni għall-kummerċjalizzazzjoni għal prodott mediċinali veterinarju kif imsemmi fl-Artikolu 36;
“reklamar ta’ prodotti mediċinali veterinarji” tfisser kwalunkwe forma ta’ rappreżentazzjoni b’konnessjoni ma’ prodotti mediċinali veterinarji sabiex tippromwovi l-forniment, id-distribuzzjoni, il-bejgħ, l-għoti ta’ riċetta jew l-użu tal-prodotti mediċinali veterinarji u li jinkludu wkoll il-forniment ta’ kampjuni u sponsorizzazzjonijiet;
“proċess ta’ ġestjoni tas-sinjali” tfisser proċess biex issir sorveljanza attiva ta’ data ta’ farmakoviġilanza għall-prodotti mediċinali veterinarji bil-ħsieb li ssir valutazzjoni tad-data tal-farmokoviġilanza u jiġi determinat jekk ikunx hemm xi bidla fil-bilanċ bejn il-benefiċċji u r-riskji tal-prodotti mediċinali veterinarji bil-għan li jinstabu riskji għas-saħħa tal-annimali jew is-saħħa pubblika jew il-protezzjoni tal-ambjent;
“riskju serju potenzjali għas-saħħa tal-bniedem jew tal-annimali jew għall-ambjent” tfisser sitwazzjoni fejn hemm probabbiltà għolja b’mod sinifikanti li periklu serju li jirriżulta mill-użu ta’ prodott mediċinali veterinarju se jaffettwa saħħet il-bniedem jew l-annimali jew l-ambjent;
“prodott mediċinali veterinarju għal terapija ġdida” tfisser:
prodott mediċinali veterinarju maħsub speċifikament għal terapija tal-ġeni, għall-mediċina riġenerattiva, għall-inġinerija tat-tessuti, għat-terapija tal-prodott tad-demm, għat-terapija tal-fagi;
prodott mediċinali veterinarju maħruġ minn nanoteknoloġiji; jew
terapija oħra li hija kkunsidrata bħala qasam naxxenti fil-mediċina veterinarja;
“unità epidemjoloġika” tfisser unità epidemjoloġika kif definit fil-punt (39) tal-Artikolu 4 tar-Regolament (UE) 2016/429.
KAPITLU II
AWTORIZZAZZJONIJIET GĦALL-KUMMERĊJALIZZAZZJONI – DISPOŻIZZJONIJIET ĠENERALI U REGOLI DWAR L-APPLIKAZZJONIJIET
Artikolu 5
Awtorizzazzjonijiet għall-kummerċjalizzazzjoni
Artikolu 6
It-tressiq ta’ applikazzjonijiet għal awtorizzazzjonijiet għall-kummerċjalizzazzjoni
L-applikazzjonijiet għal awtorizzazzjonijiet għall-kummerċjalizzazzjoni għandhom jitressqu lill-awtorità kompetenti meta jirrigwardaw l-għoti ta’ awtorizzazzjonijiet għall-kummerċjalizzazzjoni skont kwalunkwe waħda mill-proċeduri li ġejjin:
il-proċedura nazzjonali stipulata fl-Artikoli 46 u 47;
il-proċedura deċentralizzata stipulata fl-Artikoli 48 u 49;
il-proċedura ta’ rikonoxximent reċiproku stipulata fl-Artikolu 51 u 52.
il-proċedura ta’ rikonoxximent reċiproku stipulata fl-Artikolu 53.
Artikolu 7
Lingwi
Artikolu 8
Data li għandha titressaq mal-applikazzjoni
Applikazzjoni għal awtorizzazzjoni għall-kummerċjalizzazzjoni għandha tinkludi dan li ġej:
l-informazzjoni mniżżla fl-Anness I;
id-dokumentazzjoni teknika meħtieġa biex tintwera l-kwalità, is-sikurezza u l-effikaċja tal-prodott mediċinali veterinarju skont ir-rekwiżiti stabbiliti fl-Anness II;
sommarju tal-master file tas-sistema ta’ farmakoviġilanza.
Meta l-applikazzjoni tirrigwarda prodott mediċinali veterinarju antimikrobiku, dan li ġej għandu jitressaq flimkien mal-informazzjoni, id-dokumentazzjoni teknika u s-sommarju elenkati fil-paragrafu 1:
id-dokumentazzjoni dwar ir-riskji diretti jew mhux diretti għas-saħħa tal-pubbliku jew tal-annimali jew tal-ambjent mill-użu tal-prodott mediċinali veterinarju antimikrobiku fl-annimali,
l-informazzjoni dwar il-miżuri ta’ mitigazzjoni tar-riskju li jillimitaw l-iżvilupp tar-reżistenza għall-antimikrobiċi relatata mal-użu tal-prodott mediċinali veterinarju.
Meta l-applikazzjoni tirrigwarda prodott mediċinali veterinarju li fih jew li jikkonsisti minn organiżmi modifikati ġenetikament fit-tifsira tal-Artikolu 2 tad-Direttiva 2001/18/KE tal-Parlament Ewropew u tal-Kunsill ( 4 ), l-applikazzjoni għandha, minbarra l-informazzjoni, id-dokumentazzjoni teknika u s-sommarju elenkati fil-paragrafu 1 ta’ dan l-Artikolu, tkun akkumpanjata minn:
kopja tal-kunsens bil-miktub tal-awtoritajiet kompetenti għar-rilaxx intenzjonat fl-ambjent ta’ organiżmi modifikati ġenetikament għal finijiet ta’ riċerka u żvilupp, kif ipprovdut fil-Parti B tad-Direttiva 2001/18/KE;
il-fajl tekniku sħiħ li jipprovdi l-informazzjoni meħtieġa taħt l-Annessi III u IV tad-Direttiva 2001/18/KE;
il-valutazzjoni tar-riskju ambjentali skont il-prinċipji stipulati fl-Anness II għad-Direttiva 2001/18/KE; kif ukoll
ir-riżultati ta’ kull stħarriġ imwettaq għal skopijiet ta’ riċerka jew żvilupp.
Artikolu 9
Provi kliniċi
Artikolu 10
Tikkettar tal-imballaġġ ta’ ġewwa ta’ prodotti mediċinali veterinarji
L-imballaġġ ta’ ġewwa ta’ prodott mediċinali veterinarju għandu jinkludi din l-informazzjoni u, soġġett għall-Artikolu 11(4), ma għandu jkun fih l-ebda informazzjoni oħra għajr:
l-isem tal-prodott mediċinali veterinarju, segwit mill-qawwa tiegħu u l-forma farmaċewtika;
dikjarazzjoni tas-sustanzi attivi espressi f’termini kwalitattivi u kwantitattivi għal kull unità jew skont il-forma tas-somministrazzjoni għal volum jew piż partikolari, bl-użu tal-ismijiet komuni tagħhom;
in-numru tal-lott, ippreċedut mill-kelma “Lott”;
l-isem jew l-isem tal-kumpanija jew l-isem tal-logo tad-detentur tal-awtorizzazzjoni għall-kummerċjalizzazzjoni;
l-ispeċi fil-mira;
id-data ta’ skadenza, fil-format: “xx/ssss”, ippreċeduta mill-abbrevjazzjoni “Ska.”;
prekawzjonijiet speċjali dwar ħażna, jekk ikun hemm;
rotta ta’ somministrazzjoni; kif ukoll
jekk applikabbli, ►C4 il-perjodu ta' stennija, ◄ anki jekk tali perjodu jkun żero.
Artikolu 11
Tikkettar tal-imballaġġ ta’ barra ta’ prodotti mediċinali veterinarji
L-imballaġġ ta’ barra ta’ prodott mediċinali veterinarju għandu jinkludi din l-informazzjoni u ma’ għandu jkun fih ebda informazzjoni oħra għajr:
l-informazzjoni msemmija fl-Artikolu 10(1);
il-kontenut skont il-piż, il-volum jew in-numru ta’ unitajiet ta’ imballaġġi ta’ ġewwa tal-prodott mediċinali veterinarju;
twissija li l-prodott mediċinali veterinarju għandu jinżamm fejn ma jidhirx u ma jintlaħaqx mit-tfal;
twissija li l-prodott mediċinali veterinarju huwa “għat-trattament tal-annimali biss”;
mingħajr preġudizzju għall-Artikolu 14(4) rakkomandazzjoni biex jinqara l-fuljett ta’ tagħrif;
fil-każ ta’ prodotti mediċinali veterinarji omeopatiċi, id-dikjarazzjoni “prodott mediċinali veterinarju omeopatiku”.
fil-każ ta’ prodotti mediċinali veterinarji li mhumiex soġġetti għal riċetta veterinarja, l-indikazzjoni jew l-indikazzjonijiet;
in-numru tal-awtorizzazzjoni għall-kummerċjalizzazzjoni.
Artikolu 12
Tikkettar ta’ unitajiet żgħar ta’ imballaġġ ta’ ġewwa ta’ prodotti mediċinali veterinarji
B’deroga mill-Artikolu 10, l-unitajiet tal-imballaġġi ta’ ġewwa li jkunu żgħar wisq biex ikun fihom informazzjoni f’forma li tinqara msemmija f’dak l-Artikolu għandu jkollhom din l-informazzjoni u ma għandu jkun fihom ebda informazzjoni oħra għajr:
l-isem ta’ prodott mediċinali veterinarju;
id-dettalji kwantitattivi tas-sustanzi attivi;
in-numru tal-lott, ippreċedut mill-kelma “Lott”;
id-data ta’ skadenza, fil-format: “xx/ssss”, ippreċeduta mill-abbrevjazzjoni “Ska.”.
Artikolu 13
Informazzjoni addizzjonali fuq l-imballaġġ ta’ ġewwa jew l-imballaġġ ta’ barra ta’ prodotti mediċinali veterinarji
B’deroga mill-Artikoli 10(1), 11(1) u 12(1), l-Istati Membri jistgħu, fit-territorju tagħhom, u fuq talba tal-applikant, jippermettu applikant jinkludi fuq l-imballaġġ ta’ ġewwa jew l-imballaġġ ta’ barra ta’ prodott mediċinali veterinarju informazzjoni addizzjonali utli li tkun kompatibbli mas-sommarju tal-karatteristiċi tal-prodott u li ma hijiex riklam għal prodott mediċinali veterinarju.
Artikolu 14
Il-fuljett ta’ tagħrif ta’ prodotti mediċinali veterinarji
Id-detentur tal-awtorizzazzjoni għall-kummerċjalizzazzjoni għandu jagħmel disponibbli fuljett ta’ tagħrif għal kull prodott mediċinali veterinarju. Dak il-fuljett ta’ tagħrif għandu jinkludi mill-inqas l-informazzjoni li ġejja:
l-isem jew l-isem tal-kumpanija u l-indirizz permanenti jew il-post irreġistrat tan-negozju tad-detentur tal-awtorizzazzjoni għall-kummerċjalizzazzjoni u l-manifattur u, fejn japplika, tar-rappreżentant tad-detentur tal-awtorizzazzjoni għall-kummerċjalizzazzjoni;
l-isem tal-prodott mediċinali veterinarju, segwit mill-qawwa tiegħu u l-forma farmaċewtika;
il-kompożizzjoni kwalitattiva u kwantitattiva tas-sustanza jew sustanzi attivi.
l-ispeċijiet fil-mira, id-dożaġġ għal kull speċi, il-metodu u r-rotta tas-somministrazzjoni u, jekk ikun meħtieġ, parir dwar is-somministrazzjoni korretta;
l-indikazzjonijiet għall-użu,
il-kontraindikazzjonijiet u l-avvenimenti avversi;
jekk applikabbli, ►C4 il-perjodu ta' stennija, ◄ anki jekk tali perjodu jkun żero;
prekawzjonijiet speċjali dwar ħażna, jekk ikun hemm;
informazzjoni essenzjali għas-sikurezza jew għall-protezzjoni tas-saħħa, li tinkludi kwalunkwe prekawzjoni speċjali relatata mal-użu u kwalunkwe twissija oħra;
informazzjoni dwar is-sistemi ta’ ġbir imsemmija fl-Artikolu 117 applikabbli għall-prodott mediċinali veterinarju kkonċernat;
in-numru tal-awtorizzazzjoni għall-kummerċjalizzazzjoni;
id-dettalji ta’ kuntatt tad-detentur tal-awtorizzazzjoni għall-kummerċjalizzazzjoni jew tar-rappreżentant tiegħu, kif xieraq, biex jiġu rrappurtati avvenimenti avversi ssuspettati;
klassifikazzjoni tal-prodott mediċinali veterinarju kif imsemmi fl-Artikolu 34.
Artikolu 15
Rekwiżiti ġenerali fir-rigward tal-informazzjoni tal-prodott
L-informazzjoni elenkata fl-Artikoli 10 sa 14 għandhom ikunu konformi mas-sommarju tal-karatteristiċi tal-prodott kif stabbiliti fl-Artikolu 35.
Artikolu 16
Il-fuljett ta’ tagħrif ta’ prodotti mediċinali veterinarji reġistrati
B’deroga mill-Artikolu 14(1), il-fuljett ta’ tagħrif ta’ prodotti mediċinali veterinarji omeopatiċi rreġistrati skont l-Artikoli 86 għandu jkun fih tal-inqas l-informazzjoni li ġejja:
l-isem xjentifiku tal-istokk jew stokkijiet segwit mill-grad ta’ dilwizzjoni, bl-użu tas-simboli tal-Farmakopea Ewropea jew, fin-nuqqas tagħhom, tal-farmakopej użati b’mod uffiċjali fl-Istati Membri;
l-isem jew l-isem tal-kumpanija u l-indirizz permanenti jew il-post irreġistrat tan-negozju tad-detentur tar-reġistrazzjoni u, fejn xieraq, tal-manifattur,
il-metodu tas-somministrazzjoni, u jekk meħtieġ, ir-rotta tas-somministrazzjoni;
il-forma farmaċewtika;
prekawzjonijiet speċjali dwar ħażna, jekk ikun hemm;
l-ispeċijiet fil-mira u, fejn xieraq, id-dożaġġ għal tali speċijiet;
twissija speċjali, jekk ikun hemm bżonn, għall-prodott mediċinali veterinarju omeopatiku;
in-numru tar-reġistrazzjoni;
►C4 il-perjodu ta' stennihja, ◄ jekk applikabbli;
id-dikjarazzjoni “prodott mediċinali veterinarju omeopatiku”.
Artikolu 17
Setgħat ta’ implimentazzjoni fir-rigward ta’ din it-Taqsima
Artikolu 18
Prodotti mediċinali veterinarji ġeneriċi
B’deroga mill-punt (b) tal-Artikolu 8(1), m’għandux ikun meħtieġ li applikazzjoni għal awtorizzazzjoni għall-kummerċjalizzazzjoni għal prodott mediċinali veterinarju ġeneriku tinkludi d-dokumentazzjoni dwar is-sikurezza u l-effikaċja jekk dawn il-kundizzjonijiet kollha li ġejjin ikunu ssodisfati:
studji ta’ bijodisponibbiltà urew il-bijoekwivalenza ta’ prodott mediċinali veterinarju ġeneriku mal-prodott mediċinali veterinarju ta’ referenza jew tiġi provduta ġustifikazzjoni għaliex studji bħal dawn ma kinux twettqu;
l-applikazzjoni tissodisfa r-rekwiżiti stabbiliti fl-Anness II;
l-applikant juri li l-applikazzjoni tirrigwarda prodott mediċinali veterinarju ġeneriku ta’ prodott mediċinali veterinarju ta’ referenza li l-perjodu ta’ protezzjoni tad-dokumentazzjoni teknika stabbilit fl-Artikoli 39 u 40 ikun għadda jew wasal biex jgħaddi f’inqas minn sentejn.
Artikolu 19
Prodotti mediċinali veterinarji ibridi
B’deroga mill-Artikolu 18(1), ir-riżultati ta’ studji prekliniċi xierqa jew provi kliniċi għandhom ikunu meħtieġa meta l-prodott mediċinali veterinarju ma jkunx jissodisfa l-karatteristiċi kollha ta’ prodott mediċinali veterinarju ġeneriku minħabba wieħed jew aktar minn dawn ir-raġunijiet li ġejjin:
hemm bidliet fis-sustanza jew sustanzi attivi, fl-indikazzjonijiet għall-użu, il-qawwa, il-forma farmaċewtika, jew ir-rotta tas-somministrazzjoni tal-prodott mediċinali veterinarju ġeneriku b’paragun mal-prodott mediċinali veterinarju ta’ referenza;
studji ta’ bijodisponibbiltà ma jistgħux jintużaw sabiex tintwera l-bijoekwivalenza mal-prodott mediċinali veterinarju ta’ referenza; jew
hemm differenzi relatati mal-materjal mhux maħdum jew fil-proċessi ta’ manifattura tal-prodott mediċinali veterinarju bijoloġiku u l-prodott mediċinali veterinarju bijoloġiku ta’ referenza.
L-applikant għandu juri li l-prodott mediċinali veterinarju ta’ referenza awtorizzat f’pajjiż terz ikun ġie awtorizzat f’konformità ma’ rekwiżiti ekwivalenti għal dawk stabbiliti fl-Unjoni għall-prodott mediċinali veterinarju ta’ referenza u huma tant simili li jistgħu jissostitwixxu lil xulxin fil-provi kliniċi.
Artikolu 20
Prodotti mediċinali veterinarji kkumbinati
B’deroga mill-punt (b) tal-Artikolu 8(1), fil-każ ta’ prodotti mediċinali veterinarji li fihom sustanzi attivi użati fil-kompożizzjoni ta’ prodotti mediċinali veterinarji awtorizzati ma għandux ikun meħtieġ li tiġi provduta data dwar is-sikurezza u l-effikaċja ta’ kull sustanza attiva individwali.
Artikolu 21
Applikazzjoni bbażata fuq kunsens informat
B’deroga mill-punt (b) tal-Artikolu 8(1), applikant għal awtorizzazzjoni għall-kummerċjalizzazzjoni għal prodott mediċinali veterinarju m’għandux ikun meħtieġ jipprovdi d-dokumentazzjoni teknika dwar il-kwalità, is-sikurezza u l-effikaċja jekk dak l-applikant juri l-permess, fil-forma ta’ ittra ta’ aċċess, li juża tali dokumentazzjoni ppreżentata fir-rigward tal-prodott mediċinali veterinarju diġà awtorizzat.
Artikolu 22
Applikazzjoni bbażata fuq data bibljografika
Artikolu 23
Applikazzjonijiet għal swieq limitati
B’deroga mill-punt (b) tal-Artikolu 8(1), l-applikant m’għandux jiġi mitlub jipprovdi d-dokumentazzjoni komprensiva dwar is-sikurezza jew l-effikaċja meħtieġa skont l-Anness II, jekk il-kundizzjonijiet kollha li ġejjin ikunu ssodisfati
il-benefiċċju tad-disponibbiltà fis-suq tal-prodott mediċinali veterinarju għas-saħħa tal-annimal jew tal-pubbliku jegħleb ir-riskju inerenti fil-fatt li ċerta dokumentazzjoni ma ġietx ipprovduta;
l-applikant jipprovdi l-evidenza li l-prodott mediċinali veterinarju huwa maħsub għal suq limitat.
Artikolu 24
Validità ta’ awtorizzazzjoni għall-kummerċjalizzazzjoni għal suq limitat u l-proċedura għar-rieżami tagħha
Abbażi ta’ dik il-valutazzjoni, jekk il-bilanċ bejn il-benefiċċji u r-riskji jibqa’ pożittiv, l-awtorità kompetenti jew il-Kummissjoni, kif applikabbli, għandha testendi l-validità tal-awtorizzazzjoni għall-kummerċjalizzazzjoni b’perjodi addizzjonali ta’ ħames snin.
Artikolu 25
Applikazzjonijiet f’ċirkostanzi eċċezzjonali
B’deroga mill-punt (b) tal-Artikolu 8(1), f’ċirkostanzi eċċezzjonali relatati mas-saħħa tal-annimali jew is-saħħa pubblika, applikant jista’ jippreżenta applikazzjoni li ma tissodisfax ir-rekwiżiti kollha ta’ dak il-punt, li għaliha l-benefiċċju tad-disponibbiltà immedjata fis-suq tal-prodott mediċinali veterinarju kkonċernat għall-annimal jew għas-saħħa pubblika jegħleb ir-riskju inerenti fil-fatt li ċerta dokumentazzjoni dwar il-kwalità, is-sikurezza jew l-effikaċja ma ġietx ipprovduta. F’każ bħal dan, l-applikant għandu jkun meħtieġ juri li għal raġunijiet oġġettivi u verifikabbli ċerta dokumentazzjoni dwar il-kwalità, is-sikurezza jew l-effikaċja meħtieġa skont l-Anness II ma tistax tiġi pprovduta.
Artikolu 26
Termini tal-awtorizzazzjoni għall-kummerċjalizzazzjoni f’ċirkustanzi eċċezzjonali
Fiċ-ċirkostanzi eċċezzjonali msemmija fl-Artikolu 25, tista’ tingħata awtorizzazzjoni għall-kummerċjalizzazzjoni soġġetta għal waħda jew iżjed minn dawn ir-rekwiżiti għad-detentur tal-awtorizzazzjoni għall-kummerċjalizzazzjoni:
rekwiżit ta’ introduzzjoni ta’ kundizzjonijiet jew restrizzjonijiet, b’mod partikolari dwar is-sikurezza tal-prodott mediċinali veterinarju;
rekwiżit ta’ notifika lill-awtoritajiet kompetenti jew lill-Aġenzija, kif applikabbli, dwar kwalunkwe avveniment avvers relatat mal-użu tal-prodott mediċinali veterinarju;
rekwiżit ta’ twettiq ta’ studji wara l-awtorizzazzjoni.
Artikolu 27
Validità ta’ awtorizzazzjoni għall-kummerċjalizzazzjoni f’ċirkustanzi eċċezzjonali u l-proċedura għar-rieżami tagħha
Abbażi ta’ dik il-valutazzjoni, jekk il-bilanċ bejn il-benefiċċji u r-riskji jibqa’ pożittiv, l-awtorità kompetenti jew il-Kummissjoni, kif applikabbli, għandha testendi l-validità tal-awtorizzazzjoni għall-kummerċjalizzazzjoni għal sena.
Artikolu 28
Eżami tal-applikazzjonijiet
L-awtorità kompetenti jew l-Aġenzija, kif applikabbli, li quddiemhom tkun tressqet l-applikazzjoni skont l-Artikolu 6 għandha:
tivverifika li d-data mressqa tikkonforma mar-rekwiżiti stabbiliti fl-Artikolu 8;
tivvaluta l-prodott mediċinali veterinarju fir-rigward tad-dokumentazzjoni dwar il-kwalità, is-sikurezza u l-effikaċja pprovduta;
tiġbed konklużjoni dwar il-bilanċ bejn il-benefiċċji u r-riskji għall-prodott mediċinali veterinarju.
Artikolu 29
Talbiet lil laboratorji matul l-eżami tal-applikazzjonijiet
L-awtorità kompetenti jew l-Aġenzija, kif applikabbli, li tkun qiegħda teżamina l-applikazzjoni tista’ titlob lil applikant jipprovdi lil-laboratorju ta’ referenza tal-Unjoni Ewropea, laboratorju uffiċjali ta’ kontroll tal-mediċini jew laboratorju li Stat Membru jkun għażel għal dak il-għan kampjuni li huma meħtieġa sabiex:
tittestja l-prodott mediċinali veterinarju, il-materjali tal-bidu tiegħu u, jekk ikun meħtieġ, il-prodotti intermedji u materjali kostitwenti oħrajn sabiex tiżgura li l-metodi ta’ kontroll użati mill-manifattur u deskritti fid-dokumenti tal-applikazzjoni huma sodisfaċenti;
tivverifika, li, fil-każ ta’ prodotti mediċinali veterinarji maħsuba għal annimali li jipproduċu l-ikel, il-metodu ta’ detezzjoni analitiku propost mill-applikant għall-finijiet ta’ testijiet ta’ tnaqqis ta’ residwi jkunu sodisfaċenti u adatti għall-użu sabiex jiżvelaw il-preżenza ta’ livelli ta’ residwi, b’mod partikolari dawk li jaqbżu l-livell massimu ta’ residwi tas-sustanza farmakoloġikament attiva stabbilit mill-Kummissjoni skont ir-Regolament (KE) Nru 470/2009, u għall-finijiet ta’ kontrolli uffiċjali ta’ annimali u prodotti li joriġinaw mill-annimali skont ir-Regolament (UE) 2017/625.
Artikolu 30
Informazzjoni dwar manifatturi f’pajjiżi terzi
L-awtorità kompetenti, jew l-Aġenzija, kif applikabbli, li għandha tressqet l-applikazzjoni skont l-Artikolu 6 għandha taċċerta, permezz tal-proċedura mniżżla fl-Artikoli 88, 89 u 90, li l-manifatturi ta’ prodotti mediċinali veterinarji minn pajjiżi terzi huma kapaċi jimmanifatturaw il-prodott mediċinali veterinarju kkonċernat jew iwettqu testijiet ta’ kontroll skont il-metodi deskritti fid-dokumentazzjoni mressqa b’appoġġ għall-applikazzjoni skont l-Artikolu 8(1). Awtorità kompetenti jew l-Aġenzija, kif applikabbli, jistgħu jitolbu lill-awtorità kompetenti rilevanti biex tippreżenta informazzjoni li taċċerta li l-manifatturi ta’ prodotti mediċinali veterinarji huma kapaċi jwettqu l-attivitajiet imsemmija f’dan l-Artikolu.
Artikolu 31
Informazzjoni addizzjonali mill-applikant
L-awtorità kompetenti jew l-Aġenzija, kif applikabbli, li quddiemha tkun tressqet l-applikazzjoni skont l-Artikolu 6, għandha tinforma lill-applikant jekk id-dokumentazzjoni mressqa b’appoġġ għall-applikazzjoni hijiex insuffiċjenti. L-awtorità kompetenti jew l-Aġenzija, kif applikabbli, għandha titlob lill-applikant jipprovdi informazzjoni addizzjonali f’limitu ta’ żmien speċifiku. F’dan il-każ il-limiti ta’ żmien stipulati fl-Artikoli 44, 47, 49, 52 u 53 għandhom ikunu sospiżi sakemm tkun ġiet provduta l-informazzjoni addizzjonali.
Artikolu 32
Irtirar ta’ applikazzjonijiet
Artikolu 33
L-eżitu tal-valutazzjoni
L-awtorità kompetenti jew l-Aġenzija, kif applikabbli, li teżamina l-applikazzjoni skont l-Artikolu 28, għandha tħejji, rispettivament, rapport ta’ valutazzjoni jew opinjoni. F’każ ta’ valutazzjoni favorevoli, dak ir-rapport ta’ valutazzjoni jew l-opinjoni għandha tinkludi dan li ġej:
sommarju tal-karatteristiċi tal-prodott li jkun jinkludi l-informazzjoni stipulata fl-Artikolu 35;
dettalji ta’ kwalunkwe kundizzjoni jew restrizzjoni li għandha tkun imposta fir-rigward tal-forniment jew l-użu sikur u effettiv tal-prodott mediċinali veterinarju kkonċernat, inkluża l-klassifikazzjoni ta’ prodott mediċinali veterinarju skont l-Artikolu 34;
it-test fuq it-tikketti u l-fuljett ta’ tagħrif imsemmi fl-Artikoli 10 sa 14.
Artikolu 34
Klassifikazzjoni tal-prodotti mediċinali veterinarji
L-Awtorità kompetenti jew il-Kummissjoni, kif applikabbli, li tagħti awtorizzazzjoni għall-kummerċjalizzazzjoni kif imsemmi fl-Artikolu 5(1) għandha tikklassifika l-prodotti mediċinali veterinarji li ġejjin bħala soġġetti għal riċetta veterinarja:
prodotti mediċinali veterinarji li fihom drogi narkotiċi jew sustanzi psikotropiċi, jew sustanzi użati b’mod frekwenti fil-manifattura illegali ta’ dawk id-drogi jew sustanzi, inklużi dawk koperti mill-Konvenzjoni Unika tan-Nazzjonijiet Uniti dwar id-Drogi Narkotiċi tal-1961 kif emendata mill-Protokoll tal-1972, il-Konvenzjoni tan-Nazzjonijiet Uniti dwar is-Sustanzi Psikotropiċi tal-1971, il-Konvenzjoni tan-Nazzjonijiet Uniti kontra t-Traffiku Illeċitu fi Drogi Narkotiċi u Sustanzi Psikotropiċi tal-1988 jew mil-leġislazzjoni tal-Unjoni dwar il-prekursuri tad-droga;
prodotti mediċinali veterinarji għall-annimali li jipproduċu l-ikel;
prodotti mediċinali veterinarji antimikrobiċi;
prodotti mediċinali veterinarji maħsuba għat-trattament ta’ proċessi patoloġiċi li jeħtieġu dijanjosi preċedenti preċiża jew li l-użu tagħhom jista’ jkollu effetti li jostakolaw jew ifixklu miżuri dijanjostiċi jew terapewtiċi sussegwenti;
prodotti mediċinali veterinarji użati għall-ewtanasja tal-annimali;
prodotti mediċinali veterinarji li fihom sustanza attiva li ilha awtorizzata inqas minn ħames snin fl-Unjoni;
prodotti mediċinali veterinarji immunoloġiċi;
mingħajr preġudizzju għad-Direttiva tal-Kunsill 96/22/KE ( 5 ), prodotti mediċinali veterinarji li fihom sustanzi attivi b’azzjoni ormonali jew tirostatika jew beta-agonists.
B’deroga mill-paragrafu 1, l-awtorità kompetenti jew il-Kummissjoni, kif applikabbli, jistgħu, minbarra fir-rigward ta’ prodotti mediċinali veterinarji msemmija fil-punti (a), (c), (e) u (h) tal-paragrafu 1, jikklassifikaw prodott mediċinali veterinarju bħala mhux suġġetti għal riċetta veterinarja jekk il-kundizzjonijiet kollha li ġejjin ikunu ssodisfati:
is-somministrazzjoni tal-prodott mediċinali veterinarju hija ristretta għal forom farmaċewtiċi li ma jeħtieġu l-ebda għarfien jew ħila partikolari fl-użu tal-prodotti;
il-prodott mediċinali veterinarju ma jippreżenta l-ebda riskju dirett jew indirett, anke jekk jiġi ssomministrat ħażin, lill-annimal jew l-annimali ttrattati jew lil annimali oħra, lill-persuna li tissomministrah jew lill-ambjent;
is-sommarju tal-karatteristiċi tal-prodott mediċinali veterinarju ma fihx twissijiet ta’ avvenimenti avversi serji potenzjali li ġejjin mill-użu korrett tiegħu;
la l-prodott mediċinali veterinarju u l-ebda prodott ieħor li fih l-istess sustanza attiva ma kien preċedentement is-suġġett ta’ rappurtar frekwenti ta’ avvenimenti avversi;
is-sommarju tal-karatteristiċi tal-prodott ma jirreferix għal kontraindikazzjonijiet relatati mal-użu tal-prodott ikkonċernat flimkien ma prodotti mediċinali veterinarji oħrajn użati normalment mingħajr riċetta;
ma hemm l-ebda riskju għas-saħħa pubblika fir-rigward ta’ residwi fl-ikel miksub minn annimali ttrattati anki meta l-prodott mediċinali veterinarju jintuża ħażin;
ma hemm l-ebda riskju għas-saħħa pubblika jew tal-annimali rigward l-iżvilupp ta’ reżistenza għal sustanzi anki meta l-prodott mediċinali veterinarju li fih dawk is-sustanzi jintuża ħażin.
Artikolu 35
Sommarju tal-karatteristiċi tal-prodott
Is-sommarju tal-karatteristiċi tal-prodott imsemmi fil-punt (a) tal-Artikolu 33(1) għandu jinkludi, fl-ordni indikat hawn taħt, din l-informazzjoni li ġejja:
l-isem tal-prodott mediċinali veterinarju, segwit bil-qawwa u l-forma farmaċewtika u, fejn applikabbli, lista ta’ ismijiet tal-prodott mediċinali veterinarju, kif awtorizzati f’diversi Stati Membri;
il-kompożizzjoni kwalitattiva u kwantitattiva tas-sustanza jew sustanzi attivi u kompożizzjoni kwalitattiva ta’ eċċipjenti u kostitwenti oħrajn fejn jingħad l-isem komuni tagħhom jew id-deskrizzjoni kimika tagħhom u l-kompożizzjoni kwantitattiva tagħhom, jekk dik l-informazzjoni hija essenzjali għas-somministrazzjoni xierqa tal-prodott mediċinali veterinarju;
tagħrif kliniku:
l-ispeċijiet fil-mira;
l-indikazzjonijiet tal-użu għal kull speċi fil-mira;
il-kontraindikazzjonijiet;
twissijiet speċjali;
prekawzjonijiet speċjali għall-użu, inklużi b’mod partikolari prekawzjonijiet speċjali għal użu sikur fl-ispeċijiet fil-mira, prekawzjonijiet speċjali li għandhom jittieħdu mill-persuna li tissomministra l-prodott mediċinali veterinarju lill-annimali u prekawzjonijiet speċjali għall-protezzjoni tal-ambjent;
il-frekwenza u s-serjetà tal-avvenimenti avversi;
l-użu waqt it-tqala, it-treddigħ jew fiż-żmien li fih l-annimali jbidu;
l-interazzjoni ma’ prodotti mediċinali oħrajn u forom oħrajn ta’ interazzjoni;
ir-rotta tas-somministrazzjoni u d-dożaġġ;
is-sintomi ta’ doża eċċessiva u, fejn applikabbli, il-proċeduri ta’ emerġenza u l-antidoti f’każ ta’ doża eċċessiva;
restrizzjonijiet speċjali għall-użu;
kundizzjonijiet speċjali għall-użu, inklużi restrizzjonijiet dwar l-użu ta’ prodotti mediċinali veterinarji antimikrobiċi u antiparassitiċi sabiex jiġi mnaqqas ir-riskju ta’ żvilupp ta’ reżistenza;
jekk applikabbli, il-perjodi ta’ rtirar, anki jekk tali perjodi jkunu żero;
tagħrif farmakoloġiku:
Kodiċi Anatomiku Terapewtiku Kimiku Veterinarju (“ATC vet Code”);
farmakodinamika;
farmakokinetika.
Fil-każ ta’ prodott mediċinali veterinarju immunoloġiku, minflok il-punti (i), (ii) u (iii), informazzjoni immunoloġika;
partikolaritajiet farmaċewtiċi:
l-inkompatibbiltajiet ewlenin;
iż-żmien kemm idum tajjeb il-prodott, fejn applikabbli wara r-rikostituzzjoni tal-prodott mediċinali jew wara li l-imballaġġ ta’ ġewwa jinfetaħ għall-ewwel darba;
prekawzjonijiet speċjali għall-ħażna;
in-natura u l-għamla tal-imballaġġ ta’ ġewwa;
rekwiżit sabiex jintużaw l-iskemi ta’ teħid lura għal prodotti mediċinali veterinarji għar-rimi ta’ prodotti mediċinali veterinarji mhux użati jew materjal ta’ skart li jkun ġej mill-użu ta’ dawn il-prodotti, u jekk xieraq, prekawzjonijiet addizzjonali dwar ir-rimi ta’ skart perikoluż ta’ prodotti mediċinali mhux użati jew materjali ta’ skart miksubin mill-użu ta’ tali prodotti;
l-isem tad-detentur tal-awtorizzazzjoni għall-kummerċjalizzazzjoni;
numru jew numri tal-awtorizzazzjoni għall-kummerċjalizzazzjoni;
data tal-ewwel awtorizzazzjoni għall-kummerċjalizzazzjoni;
data tal-aħħar reviżjoni tas-sommarju tal-karatteristiċi tal-prodott;
jekk applikabbli, għall-prodotti mediċinali veterinarji msemmija fl-Artikolu 23 jew l-Artikolu 25, id-dikjarazzjoni:
“awtorizzazzjoni għall-kummerċjalizzazzjoni mogħtija għal suq limitat u għaldaqstant il-valutazzjoni hija bbażata fuq rekwiżiti apposta għad-dokumentazzjoni”; jew
“awtorizzazzjoni għall-kummerċjalizzazzjoni f’ċirkostanzi eċċezzjonali u għaldaqstant il-valutazzjoni hija bbażata fuq rekwiżiti apposta għad-dokumentazzjoni”;
informazzjoni dwar is-sistemi tal-ġbir imsemmija fl-Artikolu 117 applikabbli għall-prodott mediċinali veterinarju kkonċernat;
klassifikazzjoni tal-prodott mediċinali veterinarju kif imsemmi fl-Artikolu 34 għal kull Stat Membru li fih hu awtorizzat.
Artikolu 36
Deċiżjonijiet li jagħtu awtorizzazzjonijiet għall-kummerċjalizzazzjoni
Artikolu 37
Deċiżjonijiet li jirrifjutaw awtorizzazzjonijiet għall-kummerċjalizzazzjoni
Awtorizzazzjoni għall-kummerċjalizzazzjoni għandha tkun irrifjutata jekk kwalunkwe waħda minn dawn il-kundizzjonijiet tiġi ssodisfatta:
l-applikazzjoni ma tkunx konformi ma’ dan il-Kapitolu;
il-bilanċ bejn il-benefiċċji u r-riskji tal-prodott mediċinali veterinarju jkun negattiv;
l-applikant ma pprovdiex biżżejjed informazzjoni dwar il-kwalità, is-sikurezza jew l-effikaċja tal-prodott mediċinali veterinarju;
il-prodott mediċinali veterinarju huwa prodott mediċinali veterinarju antimikrobiku ppreżentat għall-użu bħala stimulant sabiex jinkoraġġixxi l-iżvilupp tal-annimali ttrattati jew sabiex iżid il-prodott mill-annimali ttrattati;
►C4 il-perjodu ta' stennija, ◄ propost mhuwiex twil biżżejjed biex jiżgura s-sikurezza tal-ikel jew mhux biżżejjed sostanzjat;
ir-riskju għas-saħħa pubblika fil-każ tal-iżvilupp ta’ reżistenza għall-antimikrobiċi jew reżistenza antiparassitika jisboq il-benefiċċji tal-prodott mediċinali veterinarju għas-saħħa tal-annimal;
l-applikant ma tax prova biżżejjed tal-effikaċja fir-rigward tal-ispeċijiet fil-mira;
il-kompożizzjoni kwalitattiva jew kwantitattiva tal-prodott mediċinali veterinarju mhijiex kif iddikjarata fl-applikazzjoni;
ir-riskji għas-saħħa pubblika jew tal-annimali jew għall-ambjent mhumiex indirizzati biżżejjed; jew
is-sustanza attiva fi ħdan il-prodott mediċinali veterinarju tissodisfa l-kriterji sabiex titqies persistenti, bijoakkumulattiva u tossika jew persistenti ħafna u bijoakkumulattiva ħafna u l-prodott mediċinali veterinarju hu maħsub biex jintuża f’annimali li jipproduċu l-ikel, sakemm ma jintweriex li s-sustanza attiva hija essenzjali sabiex jiġi evitat jew ikkontrollat riskju serju għas-saħħa tal-annimali.
Artikolu 38
Protezzjoni ta’ dokumentazzjoni teknika
Mingħajr preġudizzju għar-rekwiżiti u l-obbligi stabbiliti fid-Direttiva 2010/63/UE, id-dokumentazzjoni teknika dwar il-kwalità, is-sikurezza u l-effikaċja oriġinarjament imressqa bil-ħsieb li tinkiseb awtorizzazzjoni għall-kummerċjalizzazzjoni jew varjazzjoni tagħha m’għandhiex issir referenza għaliha minn applikanti oħrajn għal awtorizzazzjoni għall-kummerċjalizzazzjoni jew varjazzjoni tat-termini ta’ awtorizzazzjoni għall-kummerċjalizzazzjoni għal prodott mediċinali veterinarju sakemm:
il-perjodu ta’ protezzjoni tad-dokumentazzjoni teknika skont kif inhi stabbilita fl-Artikoli 39 u 40 ta’ dan ir-Regolament ma jkunx għadda, jew ma jkunx wasal biex jiskadi f’inqas minn sentejn;
l-applikanti ma jkunux kisbu ftehim bil-miktub fil-forma ta’ ittra ta’ aċċess fir-rigward ta’ dik id-dokumentazzjoni.
Artikolu 39
Il-perjodi ta’ protezzjoni tad-dokumentazzjoni teknika
Il-perjodu ta’ protezzjoni tad-dokumentazzjoni teknika għandu jkun:
10 snin għall-prodotti mediċinali veterinarji għall-frat, nagħaġ imrobbija għal-laħam, ħnieżer, tiġieġ, klieb u qtates;
l4-il sena għall-prodotti mediċinali veterinarji antimikrobiċi għall-frat, nagħaġ imrobbija għal-laħam, ħnieżer, tiġieġ, klieb u qtates li jkollhom sustanza attiva antimikrobika li ma kinitx sustanza attiva fi prodott mediċinali veterinarju awtorizzat fl-Unjoni fid-data tat-tressiq tal-applikazzjoni;
l8-il sena għall-prodotti mediċinali veterinarji għan-naħal;
l4-il sena għall-prodotti mediċinali veterinarji għal speċijiet ta’ annimali minbarra dawk elenkati fil-punti (a) u (c).
Artikolu 40
L-estensjoni u perjodi addizzjonali ta’ protezzjoni tad-dokumentazzjoni teknika
Jekk varjazzjoni fit-termini tal-awtorizzazzjoni għall-kummerċjalizzazzjoni approvata skont l-Artikolu 67 tkun tinvolvi bidla fil-forma farmaċewtika, fir-rotta jew fid-doża tas-somministrazzjoni, li tiġi vvalutata mill-Aġenzija jew mill-awtoritajiet kompetenti msemmija fl-Artikolu 66 li tkun tat prova ta’:
tnaqqis fir-reżistenza antimikrobika jew antiparassitika; jew
titjib fil-bilanċ bejn il-benefiċċji u r-riskji tal-prodott mediċinali veterinarju,
ir-riżultati tal-istudji prekliniċi jew il-provi kliniċi kkonċernati, għandhom jibbenefikaw minn protezzjoni ta’ erba’ snin.
Il-projbizzjoni fuq l-użu ta’ dawk ir-riżultati ma għandhiex tapplika jekk l-applikanti l-oħra jkunu kisbu ittra ta’ aċċess fir-rigward ta’ dawk l-istudji u l-provi.
Artikolu 41
Drittijiet relatati mal-privattivi
It-twettiq tat-testijiet, l-istudji u l-provi meħtieġa bil-ħsieb li titressaq applikazzjoni għal awtorizzazzjoni għall-kummerċjalizzazzjoni skont l-Artikolu 18 m’għandhomx jitqiesu kuntrarji għad-drittijiet relatati mal-privattivi jew ma’ ċertifikati ta’ protezzjoni supplimentari għal prodotti mediċinali veterinarji u għal prodotti mediċinali għall-użu mill-bniedem.
KAPITOLU III
PROĊEDURI GĦAL AWTORIZZAZZJONIJIET GĦALL-KUMMERĊJALIZZAZZJONI
Artikolu 42
Ambitu tal-proċedura għal awtorizzazzjoni għall-kummerċjalizzazzjoni ċentralizzata
Il-proċedura għal awtorizzazzjoni għall-kummerċjalizzazzjoni ċentralizzata għandha tapplika fir-rigward tal-prodotti mediċinali veterinarji li ġejjin:
prodotti mediċinali veterinarji żviluppati permezz ta’ wieħed minn dawn il-proċessi bijoteknoloġiċi:
teknoloġija DNA rikombinanti;
espressjoni kontrollata ta’ kkowdjar tal-ġene għall-proteini li huma attivi b’mod bijoloġiku fil-“prokaryotes” u l-“eukaryotes” inklużi ċelloli tal-mammiferi trasformati;
ibridoma u metodi ta’ antikorpi monoklonali;
prodotti mediċinali veterinarji maħsuba primarjament għall-użu bħala stimulanti sabiex jippromwovu l-iżvilupp ta’ annimali ttrattati jew sabiex iżidu r-rendiment mill-annimali ttrattati;
prodotti mediċinali veterinarji li jkun fihom sustanza attiva li ma tkunx ġiet awtorizzata bħala prodott mediċinali veterinarju fl-Unjoni fid-data tas-sottomissjoni tal-applikazzjoni;
prodotti mediċinali veterinarji bijoloġiċi li jkun fihom jew ikunu jikkonsistu f’tessuti jew ċelloli alloġeniċi b’inġinerija;
prodotti mediċinali veterinarji għal terapija ġdida.
Artikolu 43
Applikazzjoni għal awtorizzazzjoni għall-kummerċjalizzazzjoni ċentralizzata
Artikolu 44
Proċedura għal awtorizzazzjoni għall-kummerċjalizzazzjoni ċentralizzata
Artikolu 45
Eżami mill-ġdid tal-opinjoni tal-Aġenzija
Artikolu 46
Ambitu tal-awtorizzazzjoni nazzjonali għall-kummerċjalizzazzjoni
Artikolu 47
Proċedura għal awtorizzazzjoni nazzjonali għall-kummerċjalizzazzjoni
Artikolu 48
Ambitu tal-awtorizzazzjoni deċentralizzata għall-kummerċjalizzazzjoni
Artikolu 49
Proċedura għal awtorizzazzjoni deċentralizzata għall-kummerċjalizzazzjoni
Artikolu 50
Talba mill-applikant għal rieżami tar-rapport ta’ valutazzjoni
Artikolu 51
Ambitu tar-rikonoxximent reċiproku ta’ awtorizzazzjonijiet nazzjonali għall-kummerċjalizzazzjoni
Awtorizzazzjoni nazzjonali għall-kummerċjalizzazzjoni għal prodott mediċinali veterinarju mogħtija f’konformità mal-Artikolu 47, għandha tkun rikonoxxuta fi Stati Membri oħrajn f’konformità mal-proċedura stabbilita fl-Artikolu 52.
Artikolu 52
Proċedura għar-rikonoxximent reċiproku ta’ awtorizzazzjonijiet nazzjonali għall-kummerċjalizzazzjoni
Artikolu 53
Rikonoxximent sussegwenti ta’ awtorizzazzjonijiet għall-kummerċjalizzazzjoni minn Stati Membri kkonċernati addizzjonali
Wara li titlesta l-proċedura deċentralizzata stipulata fl-Artikolu 49 jew il-proċedura ta’ rikonoxximent reċiproku stipulata fl-Artikolu 52, li tagħti awtorizzazzjoni għall-kummerċjalizzazzjoni, id-detentur tal-awtorizzazzjoni għall-kummerċjalizzazzjoni jista’ jissottometti applikazzjoni għal awtorizzazzjoni għall-kummerċjalizzazzjoni għall-prodott mediċinali veterinarju lill-awtoritajiet kompetenti fl-Istati Membri kkonċernati addizzjonali u lill-awtorità kompetenti fl-Istat Membru ta’ referenza msemmija fl-Artikolu 49 jew 52, kif applikabbli, f’konformità mal-proċedura stabbilita f’dan l-Artikolu. Minbarra d-data msemmija fil-paragrafu 8, l-applikazzjoni għandha tinkludi wkoll dan li ġej:
lista tad-deċiżjonijiet kollha li jagħtu, jissospendu jew jirrevokaw awtorizzazzjonijiet għall-kummerċjalizzazzjoni li jikkonċernaw il-prodott mediċinali veterinarju;
informazzjoni dwar il-varjazzjonijiet li jkunu ġew introdotti minn meta tkun ingħatat l-awtorizzazzjoni għall-kummerċjalizzazzjoni permezz tal-proċedura deċentralizzata stipulata fl-Artikolu 49(7) jew permezz tal-proċedura ta’ rikonoxximent reċiproku stipulata fl-Artikolu 52(8);
rapport ta’ sinteżi dwar id-data ta’ farmakoviġilanza.
Artikolu 54
Proċedura ta’ reviżjoni
KAPITOLU IV
MIŻURI TA’ WARA L-AWTORIZZAZZJONI GĦALL-KUMMERĊJALIZZAZZJONI
Artikolu 55
Database tal-Unjoni dwar il-prodotti mediċinali veterinarji
Id-database tal-prodotti għandha tinkludi mill-inqas l-informazzjoni li ġejja:
għal prodotti mediċinali veterinarji awtorizzati fl-Unjoni mill-Kummissjoni u mill-awtoritajiet kompetenti:
l-isem tal-prodott mediċinali veterinarju;
is-sustanza jew sustanzi attivi, u l-qawwa tal-prodott mediċinali veterinarju;
is-sommarju tal-karatteristiċi tal-prodott;
il-fuljetti ta’ tagħrif;
ir-rapport ta’ valutazzjoni;
il-listi ta’ postijiet fejn il-prodott mediċinali veterinarju huwa mmanifatturat; u
d-dati tat-tqegħid fis-suq tal-prodott mediċinali veterinarju fi Stat Membru;
għal prodotti mediċinali veterinarji omeopatiċi rreġistrati f’konformità mal-Kapitolu V fl-Unjoni mill-awtoritajiet kompetenti:
l-isem tal-prodott mediċinali veterinarju omeopatiku rreġistrat;
il-fuljetti ta’ tagħrif; u
l-listi ta’ postijiet fejn il-prodott mediċinali veterinarju omeopatiku rreġistrat huwa mmanifatturat;
prodotti mediċinali veterinarji li għandhom permess jintużaw fi Stat Membru skont l-Artikolu 5(6).
il-volum annwali ta’ bejgħ u informazzjoni dwar id-disponibbiltà għal kull prodott mediċinali veterinarju.
Il-Kummissjoni għandha tadotta, permezz ta’ atti ta’ implimentazzjoni, il-miżuri meħtieġa u l-arranġamenti prattiċi li jistabbilixxu:
l-ispeċifikazzjonijiet tekniċi tad-database tal-prodotti, inklużi l-mekkaniżmu għall-iskambju elettroniku ta’ data mas-sistemi nazzjonali eżistenti u l-format għas-sottomissjoni elettronika;
l-arranġamenti prattiċi għall-funzjonament tad-database tal-prodotti, b’mod partikolari biex jiġu żgurati l-protezzjoni tal-informazzjoni kummerċjalment kunfidenzjali u s-sigurtà tal-iskambju ta’ informazzjoni;
speċifikazzjonijiet dettaljati tal-informazzjoni li għandha tiġi inkluża, aġġornata u kondiviża fid-database tal-prodotti u minn min;
l-arranġamenti ta’ kontinġenza li għandhom jiġu applikati f’każ ta’ nuqqas ta’ disponibbiltà ta’ kwalunkwe funzjonalità tad-database tal-prodotti;
fejn xieraq, id-data li għandha tiġi inkluża fid-database tal-prodotti flimkien mal-informazzjoni kif imsemmi fil-paragrafu 2 ta’ dan l-Artikolu.
Dawk l-atti ta ’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 145(2).
Artikolu 56
Aċċess għad-database tal-prodotti
Artikolu 57
Ġbir ta’ data dwar prodotti mediċinali antimikrobiċi użati fl-annimali
Il-Kummissjoni għandha tadotta atti delegati f’konformità mal-Artikolu 147, sabiex tissupplementa dan l-Artikolu, li jistabbilixxu r-rekwiżiti fir-rigward ta’:
it-tipi ta’ prodotti mediċinali antimikrobiċi użati fl-annimali li għandha tinġabar id-data fir-rigward tagħhom;
l-assigurazzjoni tal-kwalità li l-Istati Membri u l-Aġenzija għandhom idaħħlu fis-seħħ biex jiżguraw il-kwalità u l-komparabbiltà tad-data; u
ir-regoli dwar il-metodi ta’ ġbir ta’ data dwar l-użu ta’ prodotti mediċinali antimikrobiċi użati fl-annimali u l-metodu ta’ trasferiment ta’ dik id-data lill-Aġenzija.
L-Istati Membri għandhom jitħallew japplikaw approċċ gradwali progressiv rigward l-obbligi stabbiliti f’dan l-Artikolu sabiex:
fi żmien sentejn mit-28 ta’ Jannar 2022, id-data għandha tinġabar mill-inqas għall-ispeċijiet u l-kategoriji inklużi fid-Deċiżjoni ta’ Implimentazzjoni tal-Kummissjoni 2013/652/UE ( 6 ) fil-verżjoni tagħha tal-11 ta’ Diċembru 2018;
fi żmien ħames snin mit-28 ta’ Jannar 2022, id-data għandha tinġabar għall-ispeċijiet kollha ta’ annimali li jipproduċu l-ikel;
fi żmien tmien snin mit-28 ta’ Jannar 2022, id-data għandha tinġabar għall-annimali l-oħra kollha miżmuma jew għat-tnissil.
Artikolu 58
Responsabbiltajiet ta’ detenturi ta’ awtorizzazzjoni għall-kummerċjalizzazzjoni
Artikolu 59
Impriżi żgħar u ta’ daqs medju
L-Istati Membri għandhom, f’konformità mad-dritt nazzjonali tagħhom, jieħdu miżuri xierqa biex joffru konsulenza lill-SMEs dwar il-konformità mar-rekwiżiti ta’ dan ir-Regolament.
Artikolu 60
Varjazzjonijiet
Il-Kummissjoni għandha tikkunsidra l-kriterji li ġejjin meta tadotta l-atti ta’ implimentazzjoni msemmija fil-paragrafu 1:
il-ħtieġa għal valutazzjoni xjentifika tal-bidliet sabiex tiddetermina r-riskju għas-saħħa pubblika jew tal-annimal jew għall-ambjent;
jekk il-bidliet għandhomx impatt fuq il-kwalità, is-sikurezza jew l-effikaċja tal-prodott mediċinali veterinarju;
jekk il-bidliet jimplikawx xejn iżjed minn bidla minuri fis-sommarju tal-karatteristiċi tal-prodott.
jekk il-bidliet humiex ta’ natura amministrattiva.
Artikolu 61
Varjazzjonijiet li ma jeħtiġux valutazzjoni
Artikolu 62
Applikazzjoni għal varjazzjonijiet li jeħtieġu valutazzjoni
L-applikazzjoni msemmija fil-paragrafu 1 għandha tinkludi:
deskrizzjoni tal-varjazzjoni;
id-data msemmija fl-Artikolu 8 rilevanti għall-varjazzjoni;
dettalji tal-awtorizzazzjonijiet għall-kummerċjalizzazzjoni affettwati mill-applikazzjoni;
meta l-varjazzjoni twassal għal varjazzjonijiet konsegwenzjali fit-termini tal-istess awtorizzazzjoni għall-kummerċjalizzazzjoni, deskrizzjoni ta’ dawk il-varjazzjonijiet konsegwenzjali;
meta l-varjazzjoni tirrigwarda awtorizzazzjonijiet għall-kummerċjalizzazzjoni mogħtija skont proċedura ta’ rikonoxximent reċiproku jew deċentralizzata, lista tal-Istati Membri li jkunu ħarġu dawk l-awtorizzazzjonijiet għall-kummerċjalizzazzjoni.
Artikolu 63
Bidliet konsegwenzjali fl-informazzjoni dwar il-prodott
Meta varjazzjoni tinvolvi bidliet konsegwenzjali fis-sommarju tal-karatteristiċi tal-prodott, it-tikkettar jew il-fuljett ta’ tagħrif, dawk il-bidliet għandhom jitqiesu bħala parti minn dik il-varjazzjoni għall-finijiet tal-eżami tal-applikazzjoni għal varjazzjoni.
Artikolu 64
Gruppi ta’ varjazzjonijiet
Meta d-detentur tal-awtorizzazzjoni għall-kummerċjalizzazzjoni japplika għal diversi varjazzjonijiet li mhumiex inklużi fil-lista stabbilita skont l-Artikolu 60(1) fir-rigward tal-istess awtorizzazzjoni għall-kummerċjalizzazzjoni jew għal varjazzjoni waħda li ma tkunx tidher f’dik il-lista fir-rigward ta’ diversi awtorizzazzjonijiet għall-kummerċjalizzazzjoni, dak id-detentur tal-awtorizzazzjoni għall-kummerċjalizzazzjoni jista’ jressaq applikazzjoni waħda għall-varjazzjonijiet kollha.
Artikolu 65
Proċedura ta’ qsim tax-xogħol
Artikolu 66
Proċedura għall-varjazzjonijiet li jeħtieġu valutazzjoni
Artikolu 67
Miżuri għall-għeluq tal-proċedura għal varjazzjonijiet li jeħtieġu valutazzjoni
Artikolu 68
Implimentazzjoni ta’ varjazzjonijiet li jeħtieġu valutazzjoni
Artikolu 69
Kamp ta’ applikazzjoni tal-armonizzazzjoni tas-sommarji tal-karatteristiċi tal-prodott ta’ prodott mediċinali veterinarju
Għandu jiġi ppreparat sommarju tal-karatteristiċi tal-prodott armonizzat skont il-proċedura stabbilita fl-Artikoli 70 u 71 għal:
prodotti mediċinali veterinarji ta’ referenza li jkollhom l-istess għamla kwalitattiva u kwantitattiva tas-sustanzi attivi tagħhom u l-istess forma farmaċewtika u li għalihom ikunu ngħataw awtorizzazzjonijiet għall-kummerċjalizzazzjoni skont l-Artikolu 47 fi Stat Membri differenti għall-istess detentur tal-awtorizzazzjoni għall-kummerċjalizzazzjoni;
prodotti mediċinali veterinarji ġeneriċi u ibridi
Artikolu 70
Proċedura għall-armonizzazzjoni tas-sommarji tal-karatteristiċi tal-prodott għall-prodotti mediċinali veterinarji ta’ referenza
Artikolu 71
Proċedura għall-armonizzazzjoni tas-sommarji tal-karatteristiċi tal-prodott għal prodotti mediċinali veterinarji ġeneriċi u ibridi
Meta l-proċedura msemmija fl-Artikolu 70 tkun ingħalqet u jkun intlaħaq ftehim dwar sommarju armonizzat tal-karatteristiċi tal-prodott għal prodott mediċinali veterinarju ta’ referenza, id-detenturi tal-awtorizzazzjoni għall-kummerċjalizzazzjoni ta’ prodotti mediċinali veterinarji ġeneriċi għandhom japplikaw, fi żmien 60 jum mid-deċiżjoni tal-awtoritajiet kompetenti f’kull Stat Membru u f’konformità mal-Artikolu 62, għall-armonizzazzjoni ta’ dawn it-taqsimiet li ġejjin tas-sommarju tal-karatteristiċi tal-prodott għal prodotti mediċinali veterinarji ġeneriċi kkonċernati, kif applikabbli:
l-ispeċijiet fil-mira;
l-informazzjoni klinika msemmija fil-punt (c) tal-Artikolu 35(1);
►C4 il-perjodu ta' stennija. ◄
Artikolu 72
Dokumentazzjoni tas-sikurezza ambjentali u valutazzjoni tar-riskju ambjentali ta’ ċerti prodotti mediċinali veterinarji
Il-lista msemmija fl-Artikolu 70(1) m’għandu jkun fiha l-ebda prodott mediċinali veterinarju ta’ referenza awtorizzat qabel l-1 ta’ Ottubru 2005 u li jkun identifikat bħala potenzjalment ta’ ħsara għall-ambjent u li ma jkunx ġie soġġett għal valutazzjoni tar-riskju ambjentali.
F’każ li l-prodott mediċinali veterinarju ta’ referenza huwa awtorizzat qabel l-1 ta’ Ottubru 2005 u huwa identifikat bħala potenzjalment ta’ ħsara għall-ambjent u ma kienx soġġett għal valutazzjoni tar-riskju ambjentali, l-awtorità kompetenti għandha titlob lid-detentur tal-awtorizzazzjoni għall-kummerċjalizzazzjoni biex jaġġorna d-dokumentazzjoni tas-sikurezza ambjentali relevanti msemmija fil-punt (b) tal-Artikolu 8(1), b’kont meħud tar-reviżjoni msemmija fl-Artikolu 156, u, jekk applikabbli, tal-valutazzjoni tar-riskju ambjentali tal-prodotti mediċinali veterinarji ġeneriċi ta’ tali prodotti mediċinali.
Artikolu 73
Sistema ta’ farmakoviġilanza tal-Unjoni
L-awtoritajiet kompetenti, l-Aġenzija u d-detenturi tal-awtorizzazzjoni għall-kummerċjalizzazzjoni għandhom jieħdu l-miżuri neċessarji biex jagħmlu disponibbli mezzi biex jiġu rrapportati u jitħeġġeġ ir-rapportar tal-avvenimenti avversi suspettati li ġejjin:
kwalunkwe reazzjoni mhux favorevoli u mhux intenzjonata fi kwalunkwe annimal għal prodott mediċinali veterinarju;
kwalunkwe osservazzjoni ta’ nuqqas ta’ effikaċja ta’ prodott mediċinali veterinarju wara s-somministrazzjoni lil annimal, irrispettivament minn jekk ikunx skont is-sommarju tal-karatteristiċi tal-prodott jew le;
kwalunkwe inċident ambjentali osservat wara s-somministrazzjoni ta’ prodott mediċinali veterinarju lil annimal;
kwalunkwe reazzjoni noċiva fil-bniedem esposti għal prodott mediċinali veterinarju;
kwalunkwe sejba ta’ sustanza farmakoloġikament attiva jew residwu markatur fi prodott li joriġina mill-annimali li jaqbżu l-livelli massimi ta’ residwi stabbiliti skont ir-Regolament (KE) Nru 470/2009 wara li jkun ġie osservat ►C4 il-perjodu ta' stennija ◄ stipulat;
kwalunkwe trażmissjoni suspettata ta’ aġent infettiv permezz ta’ prodott mediċinali veterinarju;
kwalunkwe reazzjoni mhux favorevoli u mhux intenzjonata f’annimal għal prodott mediċinali għall-użu mill-bniedem.
Artikolu 74
Database dwar il-farmakoviġilanza tal-Unjoni
Artikolu 75
Aċċess għad-database dwar il-farmakoviġilanza
Il-pubbliku ġenerali għandu jkollu aċċess għad-database dwar il-farmakoviġilanza, mingħajr il-possibbiltà li jibdel l-informazzjoni li jkun fiha, fir-rigward tal-informazzjoni li ġejja:
in-numru u l-aktar tard fi żmien sentejn mit-28 ta’ Jannar 2022 l-inċidenza ta’ avvenimenti avversi suspettati kull sena, maqsuma skont il-prodott mediċinali veterinarju, l-ispeċi tal-annimal u t-tip ta’ avveniment avvers suspettat;
ir-riżultati u l-eżiti msemmija fl-Artikolu 81(1) li jirriżultaw minn proċess ta’ ġestjoni tas-sinjali mwettqa mid-detentur tal-awtorizzazzjoni għall-kummerċjalizzazzjoni għal prodotti mediċinali veterinarji jew gruppi ta’ prodotti mediċinali veterinarji.
Artikolu 76
Rappurtar u reġistrazzjoni ta’ avvenimenti avversi suspettati
Artikolu 77
Responsabbiltajiet ta ’ farmakoviġilanza tad-detentur tal-awtorizzazzjoni għall-kummerċjalizzazzjoni
Id-detentur tal-awtorizzazzjoni għall-kummerċjalizzazzjoni għandu jiżgura li tali avviż pubbliku jiġi ppreżentat b’mod oġġettiv u li ma jkunx ta’ żgwida.
Artikolu 78
Persuna kwalifikata responsabbli għall-farmakoviġilanza
Il-persuna kwalifikata responsabbli għall-farmakoviġilanza kif imsemmija fl-Artikolu 77(8) għandha tiżgura li jitwettqu l-kompiti li ġejjin:
l-elaborazzjoni u ż-żamma tal-master file tas-sistema ta’ farmakoviġilanza;
l-allokazzjoni ta’ numri ta’ referenza għall-master file tas-sistema ta’ farmakoviġilanza u l-komunikazzjoni ta’ dak in-numru ta’ referenza lid-database dwar il-farmakoviġilanza għal kull prodott;
in-notifika lill-awtoritajiet kompetenti u lill-Aġenzija, kif applikabbli, tal-post tal-operazzjoni;
jistabbilixxu u jżommu sistema li tiżgura li l-avvenimenti avversi suspettati kollha li jinġiebu għall-attenzjoni tad-detentur tal-awtorizzazzjoni għall-kummerċjalizzazzjoni jinġabru u jiġu rreġistrati sabiex ikunu aċċessibbli tal-anqas f’sit wieħed fl-Unjoni;
il-ġbir tar-rapporti tal-avvenimenti avversi suspettati msemmija fl-Artikolu 76(2), il-valutazzjoni tagħhom, fejn meħtieġ, u r-reġistrazzjoni tagħhom fid-database dwar il-farmakoviġilanza;
l-iżgurar li kwalunkwe talba mill-awtoritajiet kompetenti jew l-Aġenzija għall-għoti ta’ informazzjoni addizzjonali neċessarja għall-evalwazzjoni tal-bilanċ bejn il-benefiċċji u r-riskji ta’ prodott mediċinali veterinarju tiġi mwieġba b’mod sħiħ u mingħajr dewmien;
l-għoti, lill-awtoritajiet kompetenti jew lill-Aġenzija, kif applikabbli, ta’ kwalunkwe informazzjoni rilevanti għas-sejbien ta’ bidla fil-bilanċ bejn il-benefiċċji u r-riskji ta’ prodott mediċinali veterinarju, inkluża informazzjoni xierqa dwar l-istudji tas-sorveljanza ta’ wara l-kummerċjalizzazzjoni:
L-applikazzjoni tal-proċess ta’ ġestjoni tas-sinjali msemmi fl-Artikolu 81 u l-iżgurar li kwalunkwe arranġament għat-twettiq tar-responsabbiltajiet imsemmija fl-Artikolu 77(4) ikun fis-seħħ;
il-monitoraġġ tas-is-sistema ta’ farmakoviġilanza u l-iżgurar li jekk ikun meħtieġ, jiġi ppreparat u implimentat pjan ta’ azzjoni korrettiva jew preventiva xieraq u, fejn ikun meħtieġ, l-iżgurar tal-bidliet fil-master file tas-sistema ta’ farmakoviġilanza;
l-iżgurar li l-persunal kollu, tad-detentur tal-awtorizzazzjoni għall-kummerċjalizzazzjoni, involut fit-twettiq tal-attivitajiet ta’ farmakoviġilanza jirċievi taħriġ kontinwu;
il-komunikazzjoni ta’ kwalunkwe miżura regolatorja li tittieħed f’pajjiż terz u li tkun relatata ma’ data ta’ farmakoviġilanza lill-awtoritajiet kompetenti u lill-Aġenzija fi żmien 21 jum mill-wasla ta’ tali informazzjoni.
Artikolu 79
Responsabbiltajiet ta ’ farmakoviġilanza tal-awtoritajiet kompetenti u tal-Aġenzija
Artikolu 80
Delega ta’ kompiti minn awtorità kompetenti
Artikolu 81
Proċess ta’ ġestjoni tas-sinjali
Id-detentur tal-awtorizzazzjoni għall-kummerċjalizzazzjoni għandu jirreġistra, minn tal-inqas annwalment, ir-riżultati u l-eżiti kollha tal-proċess ta’ ġestjoni tas-sinjali, inkluża konklużjoni dwar il-bilanċ bejn il-benefiċċji u r-riskji, u, jekk applikabbli, r-referenzi għal artikoli xjentifiċi relevanti fid-database dwar il-farmakoviġilanza mill-inqas kull sena.
Fil-każ tal-prodotti mediċinali veterinarji msemmija fil-punt (c) tal-Artikolu 42(2), id-detentur tal-awtorizzazzjoni għall-kummerċjalizzazzjoni għandu jirreġistra fid-database dwar il-farmakoviġilanza r-riżultati u l-eżiti kollha tal-proċess ta’ ġestjoni tas-sinjali, inkluża konklużjoni dwar il-bilanċ bejn il-benefiċċji u r-riskji, u, jekk applikabbli, ir-referenzi għall-artikoli xjentifiċi relevanti skont il-frekwenza speċifikata fl-awtorizzazzjoni għall-kummerċjalizzazzjoni.
Artikolu 82
Kamp ta’ applikazzjoni tar-riferiment tal-interessi tal-Unjoni
Artikolu 83
Proċedura ta’ riferiment tal-interessi tal-Unjoni
Artikolu 84
Deċiżjoni wara r-riferiment tal-interessi tal-Unjoni
KAPITOLU V
PRODOTTI MEDIĊINALI VETERINARJI OMEOPATIĊI
Artikolu 85
Prodotti mediċinali veterinarji omeopatiċi
Artikolu 86
Reġistrazzjoni ta’ prodotti mediċinali veterinarji omeopatiċi
Prodott mediċinali veterinarju omeopatiku li jissodisfa l-kundizzjonijiet kollha li ġejjin għandu jkun soġġett għal proċedura ta’ reġistrazzjoni:
ikun issomministrat b’rotta deskritta fil-Pharmacopoeia Ewropea jew, fin-nuqqas, mill-farmakopea użati uffiċjalment fl-Istati Membri;
ikollu grad suffiċjenti ta’ dilwizzjoni sabiex jiggarantixxi s-sikurezza tiegħu u m’għandux ikun fih aktar minn parti waħda f’kull 10 000 tat-tintura prinċipali
ma jkollu l-ebda indikazzjoni terapewtika li tidher fuq it-tikkettar jew f’xi informazzjoni li għandha x’taqsam miegħu.
Artikolu 87
Applikazzjoni u proċedura għar-reġistrazzjoni ta’ prodotti mediċinali veterinarji omeopatiċi
Id-dokumenti li ġejjin għandhom jiġu inklużi fl-applikazzjoni għal reġistrazzjoni ta’ prodott mediċinali veterinarju omeopatiku:
isem xjentifiku jew isem ieħor mogħti f’xi farmakopea tal-ħażna jew ħażniet omeopatiċi, flimkien ma dikjarazzjoni tar-rotta tas-somministrazzjoni, il-forma farmaċewtika u l-grad ta’ dilwizzjoni li għandhom ikunu rreġistrati;
dossier li jiddeskrivi kif il-ħażna jew ħażniet omeopatiċi jiġu miksuba u kkontrollati, u li jiġġustifika l-użu omeopatiku tagħhom, fuq il-bażi ta’ biblijografija adegwata; fil-każ ta’ prodotti mediċinali veterinarji omeopatiċi li fihom sustanzi bijoloġiċi, deskrizzjoni tal-miżuri meħuda sabiex ikun żgurat in-nuqqas ta’ patoġeni;
il-fajl dwar il-manifattura u l-kontroll għal kull forma farmaċewtika u deskrizzjoni tal-metodu ta’ dilwizzjoni u potenzazzjoni;
l-awtorizzazzjoni tal-manifattura għall-prodotti mediċinali veterinarji omeopatiċi kkonċernati;
kopji ta ’ kwalunkwe reġistrazzjoni miksuba għall-istess prodotti mediċinali veterinarji omeopatiċi fi Stati Membri oħra;
it-test li għandu jidher fuq il-fuljett ta’ tagħrif, l-imballaġġ ta’ barra u l-imballaġġ ta’ ġewwa tal-prodotti mediċinali veterinarji omeopatiċi li jridu jiġu rreġistrati;
data dwar l-istabbiltà tal-prodott mediċinali veterinarju omeopatiku;
fil-każ ta’ prodotti mediċinali veterinarji omeopatiċi maħsuba għal speċijiet tal-annimali li jipproduċu l-ikel, is-sustanzi attivi għandhom ikunu dawk is-sustanzi farmakoloġikament attivi awtorizzati f’konformità mar-Regolament (KE) Nru 470/2009 u kwalunkwe att adottat abbażi tiegħu.
KAPITOLU VI
MANIFATTURA, IMPORTAZZJONI U ESPORTAZZJONI
Artikolu 88
Awtorizzazzjonijiet tal-manifattura
Għandha tkun meħtieġa awtorizzazzjoni tal-manifattura sabiex titwettaq kwalunkwe waħda mill-attivitajiet li ġejjin:
biex jiġu manifatturati prodotti mediċinali veterinarji anki jekk maħsuba biss għall-esportazzjoni;
biex ikun hemm involviment fi kwalunkwe parti tal-proċess ta’ manifattura ta’ prodott mediċinali veterinarju jew sabiex prodott mediċinali veterinarju jinġieb fl-istat finali tiegħu, inkluż l-involviment fl-ipproċessar, l-assemblaġġ, l-ippakkjar u l-ippakkjar mill-ġdid, it-tikkettar u t-tikkettar mill-ġdid, il-ħażna, l-isterilizzar, l-ittestjar jew ir-rilaxx tiegħu għall-forniment bħala parti minn dak il-proċess; jew
biex jiġu importati prodotti mediċinali veterinarji.
Artikolu 89
Applikazzjoni għall-awtorizzazzjoni tal-manifattura
L-applikazzjoni għall-awtorizzazzjoni tal-manifattura għandu jkun fiha mill-anqas l-informazzjoni li ġejja:
il-prodotti mediċinali veterinarji li jridu jiġu mmanifatturati jew impurtati;
l-isem jew l-isem tal-kumpanija u l-indirizz permanenti jew il-post irreġistrat tan-negozju tal-applikant;
il-forom farmaċewtiċi li jridu jiġu mmanifatturati jew impurtati;
id-dettalji dwar is-sit tal-manifattura fejn il-prodotti mediċinali veterinarji jridu jiġu mmanifatturati jew impurtati;
dikjarazzjoni li tgħid li l-applikant jissodisfa r-rekwiżiti stabbiliti fl-Artikoli 93 u 97.
Artikolu 90
Proċedura għall-għoti tal-awtorizzazzjonijiet tal-manifattura
Artikolu 91
Database dwar il-manifattura u d-distribuzzjoni bl-ingrossa
Artikolu 92
Tibdil fl-awtorizzazzjonijiet tal-manifattura fuq talba
Artikolu 93
Obbligi tad-detentur ta’ awtorizzazzjoni tal-manifattura
Id-detentur ta’ awtorizzazzjoni tal-manifattura għandu:
ikollu għad-dispożizzjoni tiegħu bini, tagħmir tekniku u faċilitajiet tal-ittestjar xierqa u suffiċjenti, għall-attivitajiet imsemmija fl-awtorizzazzjoni tal-manifattura tiegħu;
ikollu għad-dispożizzjoni tiegħu s-servizzi ta’ mill-anqas persuna waħda kwalifikata msemmija fl-Artikolu 97 u jiżgura li l-persuna kwalifikata topera f’konformità ma’ dak l-Artikolu;
jippermetti lill-persuna kwalifikata msemmija fl-Artikolu 97 twettaq il-kompiti tagħha, b’mod partikolari billi jipprovdi aċċess għas-siti u d-dokumenti neċessarji kollha, u billi jpoġġi għad-dispożizzjoni tagħha t-tagħmir tekniku u l-faċilitajiet tal-ittestjar kollha neċessarji;
jagħti mill-inqas 30 jum preavviż lill-awtorità kompetenti qabel is-sostituzzjoni tal-persuna kwalifikata msemmija fl-Artikolu 97 jew, jekk ma jkunx possibbli li tingħata notifika minn qabel minħabba li s-sostituzzjoni ma tkunx mistennija, jinforma immedjatament lill-awtorità kompetenti;
ikollu għad-dispożizzjoni tiegħu is-servizzi ta’ persunal li jikkonformaw mar-rekwiżiti legali li jeżistu fl-Istati Membri rilevanti dwar kemm il-manifattura u kemm il-kontrolli;
jippermetti lir-rappreżentanti tal-awtorità kompetenti aċċess għall-bini fi kwalunkwe ħin;
iżomm rekords dettaljati tal-prodotti mediċinali veterinarji kollha fornuti mid-detentur ta’ awtorizzazzjoni tal-manifattura, skont l-Artikolu 96, u jżomm kampjuni ta’ kull lott;
iforni prodotti mediċinali veterinarji lid-distributuri bl-ingrossa ta’ prodotti mediċinali veterinarji biss;
jinforma lill-awtorità kompetenti u lid-detentur ta’ awtorizzazzjoni għall-kummerċjalizzazzjoni immedjatament jekk id-detentur ta’ awtorizzazzjoni tal-manifattura jikseb informazzjoni li l-prodotti mediċinali veterinarji li jaqgħu fl-ambitu tal-awtorizzazzjoni tal-manifattura tiegħu huma, jew huma suspettati li huma, iffalsifikati irrispettivament minn jekk dawk il-prodotti mediċinali veterinarji ġewx distribwiti fil-katina legali tal-provvista jew b’mezzi illegali, inkluż il-bejgħ illegali permezz ta’ servizzi tas-soċjetà tal-informatika;
jikkonforma mal-prattika tajba tal-manifattura għall-prodotti mediċinali veterinarji u juża biss bħala materjali tal-bidu sustanzi attivi manifatturati skont prattika tajba tal-manifattura għal sustanzi attivi u distribwiti skont prattika tajba tad-distribuzzjoni għal sustanzi attivi.
jivverifika li kull manifattur, distributur u importatur fl-Unjoni li minnu d-detentur ta’ awtorizzazzjoni tal-manifattura jikseb is-sustanzi attivi ikun irreġistrat mal-awtorità kompetenti tal-Istat Membru fejn il-manifattur, id-distributur u l-importatur ikunu stabbiliti, f’konformità mal-Artikolu 95;
iwettaq verifiki bbażati fuq valutazzjoni tar-riskju fuq il-manifatturi, id-distributuri u l-importaturi li mingħandhom id-detentur ta’ awtorizzazzjoni tal-manifattura jikseb is-sustanzi attivi.
Artikolu 94
Ċertifikati ta’ prattiki tajba ta’ manifattura
Artikolu 95
Importaturi, manifatturi u distributuri ta’ sustanzi attivi stabbiliti fl-Unjoni
Il-formola tar-reġistrazzjoni għar-reġistrazzjoni tal-attività mal-awtorità kompetenti għandha tinkludi mill-inqas l-informazzjoni li ġejja:
l-isem jew l-isem tal-kumpanija u l-indirizz permanenti jew il-post irreġistrat tan-negozju;
is-sustanzi attivi li għandhom jiġu impurtati, manifatturati jew distribwiti;
id-dettalji dwar il-bini u t-tagħmir tekniku.
Artikolu 96
Żamma ta’ rekords
Id-detentur ta’ awtorizzazzjoni tal-manifattura għandu jirreġistra l-informazzjoni li ġejja fir-rigward tal-prodotti mediċinali veterinarji kollha li tforni:
id-data tat-tranżazzjoni;
l-isem tal-prodott mediċinali veterinarju, u jekk applikabbli, in-numru tal-awtorizzazzjoni għall-kummerċjalizzazzjoni, kif ukoll il-forma farmaċewtika u l-qawwa, kif xieraq;
il-kwantità fornuta;
l-isem jew l-isem tal-kumpanija u l-indirizz permanenti jew il-post irreġistrat tan-negozju tar-riċevitur;
in-numru tal-lott;
id-data tal-iskadenza.
Artikolu 97
Persuna kwalifikata responsabbli għall-manifattura u l-ħruġ tal-lott
It-tul ta’ żmien ta’ esperjenza prattika meħtieġ fl-ewwel subparagrafu jista’ jitnaqqas b’sena meta kors universitarju jdum mill-anqas ħames snin, u b’sena u nofs meta l-kors universitarju jdum mill-anqas sitt snin.
Artikolu 98
Ċertifikati ta’ prodotti mediċinali veterinarji
Fuq talba ta’ manifattur jew esportatur ta’ prodotti mediċinali veterinarji, jew tal-awtoritajiet ta’ pajjiż terz importatur, l-awtorità kompetenti jew l-Aġenzija għandha tiċċertifika li:
il-manifattur ikollu awtorizzazzjoni tal-manifattura;
il-manifattur ikollu ċertifikat ta’ prattika tajba ta’ manifattura kif imsemmi fl-Artikolu 94; jew
il-prodott mediċinali veterinarju kkonċernat ikun ingħata awtorizzazzjoni għall-kummerċjalizzazzjoni f’dak l-Istat Membru jew, fil-każ ta’ talba lill-Aġenzija, li tkun ingħatat awtorizzazzjoni għall-kummerċjalizzazzjoni ċentralizzata.
KAPITOLU VII
FORNIMENT U UŻU
Artikolu 99
Awtorizzazzjonijiet ta’ distribuzzjoni bl-ingrossa
Artikolu 100
Applikazzjoni u proċedura għal awtorizzazzjonijiet ta’ distribuzzjoni bl-ingrossa
L-applikant għandu juri fl-applikazzjoni li r-rekwiżiti li ġejjin huma ssodisfatti:
l-applikant għandu għad-dispożizzjoni tiegħu persunal teknikament kompetenti u b’mod partikolari tal-anqas persuna waħda nnominata bħala l-persuna responsabbli, li tissodisfa l-kundizzjonijiet previsti fid-dritt nazzjonali;
l-applikant għandu bini xieraq u suffiċjenti li jikkonforma mar-rekwiżiti stabbiliti mill-Istat Membru rilevanti fir-rigward tal-ħażna u l-immaniġġjar tal-prodotti mediċinali veterinarji;
l-applikant ikollu pjan ta’ emerġenza li jiggarantixxi l-implimentazzjoni effettiva ta’ kwalunkwe rtirar jew sejħa lura mis-suq ordnati mill-awtoritajiet kompetenti jew mill-Kummissjoni jew li jitwettaq f’kooperazzjoni mal-manifattur jew id-detentur tal-awtorizzazzjoni għall-kummerċjalizzazzjoni tal-prodott mediċinali veterinarju kkonċernat;
l-applikant ikollu sistema ta’ żamma tar-rekords adegwata li tassigura l-konformità mar-rekwiżiti msemmija fl-Artikolu 101;
l-applikant ikollu dikjarazzjoni li tgħid li huwa jissodisfa r-rekwiżiti msemmija fl-Artikolu 101.
L-awtorità kompetenti għandha:
tinforma lill-applikant dwar l-eżitu tal-evalwazzjoni;
tagħti, tirrifjuta jew tibdel l-awtorizzazzjoni tad-distribuzzjoni bl-ingrossa; u
ttella’ l-informazzjoni rilevanti tal-awtorizzazzjoni fid-database dwar il-manifattura u d-distribuzzjoni bl-ingrossa msemmija fl-Artikolu 91.
Artikolu 101
Obbligu tad-distributuri bl-ingrossa
Distributur bl-ingrossa għandu jżomm rekords dettaljati ta’ mill-inqas l-informazzjoni li ġejja fir-rigward ta’ kull tranżazzjoni:
id-data tat-tranżazzjoni;
l-isem tal-prodott mediċinali veterinarji inklużi, kif xieraq il-forma farmaċewtika u l-qawwa;
in-numru tal-lott;
id-data ta’ skadenza tal-prodott mediċinali veterinarju;
il-kwantità riċevuta jew fornuta, bid-dikjarazzjoni tad-daqs tal-pakkett u l-għadd ta’ pakketti;
l-isem jew l-isem tal-kumpanija u l-indirizz permanenti jew il-post irreġistrat tan-negozju tal-fornitur fil-każ ta’ xiri jew tar-riċevitur fil-każ ta’ bejgħ.
Artikolu 102
Kummerċ parallel fi prodotti mediċinali veterinarji
Għall-finijiet ta’ kummerċ parallel fil-prodotti mediċinali veterinarji, id-distributur bl-ingrossa għandu jiżgura li l-prodott mediċinali veterinarju li jkun biħsiebu jikseb minn Stat Membru (“Stat Membru tas-sors”) u jqassam fi Stat Membru ieħor (“Stat Membru ta’ destinazzjoni”) jikkondividi oriġini komuni mal-prodott mediċinali veterinarju diġà awtorizzat fl-Istat Membru ta’ destinazzjoni. Il-prodotti mediċinali veterinarji huma kkunsidrati bħala li jikkondividu oriġini komuni jekk jissodisfaw il-kundizzjonijiet kollha li ġejjin:
ikollhom l-istess kompożizzjoni kwalitattiva u kwantitattiva f’termini ta’ sustanzi attivi u eċċipjenti;
ikollhom l-istess forma farmaċewtika;
ikollhom l-istess informazzjoni klinika u, jekk applikabbli, ►C4 perjodu ta' stennija; u ◄
jkunu ġew manifatturati mill-istess manifattur jew minn manifattur li jaħdem taħt liċenzja mogħtija li jsegwi l-istess formula.
Kull distributur bl-ingrossa li jkollu l-ħsieb li jagħmel kummerċ parallel ta’ prodott mediċinali veterinarju fi Stat Membru ta’ destinazzjoni għandu jikkonforma mill-inqas mal-obbligi li ġejjin:
jissottometti dikjarazzjoni lill-awtorità kompetenti fl-Istat Membru ta’ destinazzjoni u jieħdu miżuri xierqa biex jiżgura li d-distributur bl-ingrossa fl-Istat Membru sors se jżommha infurmata dwar kwalunkwe kwistjonijiet ta’ farmakoviġilanza;
jinnotifika lid-detentur ta’ awtorizzazzjoni għall-kummerċjalizzazzjoni fl-Istat Membru ta’ destinazzjoni dwar il-prodott mediċinali veterinarju li għandu jinkiseb mill-Istat Membru sors u maħsub biex jitqiegħed fis-suq fl-Istat Membru ta’ destinazzjoni mill-inqas xahar qabel ma jippreżenta lill-awtorità kompetenti l-applikazzjoni għal kummerċ parallel f’dak il-prodott mediċinali veterinarju;
jippreżenta dikjarazzjoni bil-miktub lill-awtorità kompetenti tal-Istat Membru ta’ destinazzjoni li d-detentur tal-awtorizzazzjoni għall-kummerċjalizzazzjoni fl-Istat Membru ta’ destinazzjoni kien ġie nnotifikat skont il-punt (b) flimkien ma’ kopja ta’ dik in-notifika;
ma jagħmilx kummerċ bi prodott mediċinali veterinarju li jkun ġie msejjaħ lura mis-suq tal-Istat Membru sors jew l-Istat Membru ta’ destinazzjoni għal raġunijiet ta’ kwalità, sikurezza jew effikaċja;
jiġbor l-avvenimenti avversi suspettati u jirrapportawhom lid-detentur tal-awtorizzazzjoni għall-kummerċjalizzazzjoni ta’ prodott mediċinali veterinarju kkummerċjat b’mod parallel.
L-informazzjoni li ġejja għandha tkun mehmuża mal-lista msemmija fil-paragrafu 4 fir-rigward tal-prodotti mediċinali veterinarji kollha:
l-isem tal-prodotti mediċinali veterinarji;
is-sustanzi attivi;
il-forom farmaċewtiċi;
il-klassifikazzjoni tal-prodotti mediċinali veterinarji fl-Istat Membru ta’ destinazzjoni;
in-numru tal-awtorizzazzjoni għall-kummerċjalizzazzjoni tal-prodotti mediċinali veterinarji fl-Istat Membru sors;
in-numru tal-awtorizzazzjonijiet għall-kummerċjalizzazzjoni tal-prodotti mediċinali veterinarji fl-Istati Membri ta’ destinazzjoni;
l-isem jew l-isem tal-kumpanija u l-indirizz permanenti jew il-post irreġistrat tan-negozju tad-distributur bl-ingrossa fl-Istat Membru sors u tad-distributur bl-ingrossa fl-Istat Membru ta’ destinazzjoni.
Artikolu 103
Bejgħ bl-imnut ta’ prodotti mediċinali veterinarji u żamma ta’ rekords
Il-bejjiegħa bl-imnut ta’ prodotti mediċinali veterinarji għandhom iżommu rekords dettaljati tal-informazzjoni li ġejja fir-rigward ta’ kull tranżazzjoni ta’ prodotti mediċinali veterinarji, li tirrikjedi riċetta veterinarja skont l-Artikolu 34:
id-data tat-tranżazzjoni;
l-isem tal-prodott mediċinali veterinarji inklużi, kif xieraq, il-forma farmaċewtika u l-qawwa;
in-numru tal-lott;
il-kwantità riċevuta jew fornuta;
l-isem jew l-isem tal-kumpanija u l-indirizz permanenti jew il-post irreġistrat tan-negozju tal-fornitur fil-każ ta’ xiri, jew tar-riċevitur fil-każ ta’ bejgħ;
l-isem u d-dettalji ta’ kuntatt tal-veterinarju li jkun ippreskriva u, fejn xieraq, kopja tar-riċetta veterinarja;
in-numru tal-awtorizzazzjoni għall-kummerċjalizzazzjoni.
Artikolu 104
Bejgħ bl-imnut ta’ prodotti mediċinali veterinarji mill-bogħod
Minbarra r-rekwiżiti ta’ informazzjoni stabbiliti fl-Artikolu 6 tad-Direttiva 2000/31/KE tal-Parlament Ewropew u tal-Kunsill ( 8 ), il-bejjiegħa bl-imnut li joffru prodotti mediċinali veterinarji permezz tas-servizzi tas-soċjetà tal-informazzjoni għandhom jipprovdu, mill-anqas, l-informazzjoni li ġejja:
id-dettalji ta’ kuntatt tal-awtorità kompetenti tal-Istat Membru li fih ikun stabbilit il-bejjiegħ bl-imnut li joffri l-prodotti mediċinali veterinarji;
hyperlink għas-sit elettroniku tal-Istat Membru tal-istabbiliment stabbilit skont il-paragrafu 8 ta’ dan l-Artikolu;
il-logo komuni stabbilit skont il-paragrafu 6 ta’ dan l-Artikolu muri b’mod ċar fuq kull paġna tas-sit elettroniku li jirrigwarda l-offerta għall-bejgħ mill-bogħod ta’ prodotti mediċinali veterinarji, u li jinkludi hyperlink għad-dħul tal-bejjiegħ bl-imnut fil-lista tal-bejjiegħa bl-imnut permessi msemmija fil-punt (c) tal-paragrafu 8 ta’ dan l-Artikolu.
Kull Stat Membru għandu jistabbilixxi sit elettroniku dwar il-bejgħ ta’ prodotti mediċinali veterinarji mill-bogħod, li mill-anqas jipprovdi l-informazzjoni li ġejja:
informazzjoni dwar il-liġi nazzjonali tiegħu applikabbli għall-offerta ta’ prodotti mediċinali veterinarji għall-bejgħ mill-bogħod permezz tas-servizzi tas-soċjetà tal-informazzjoni, skont il-paragrafi 1 u 2, inkluża informazzjoni dwar il-fatt li jista’ jkun hemm differenzi bejn l-Istati Membri rigward il-klassifikazzjoni tal-provvista tal-prodotti mediċinali veterinarji;
informazzjoni dwar il-logo komuni;
lista tal-bejjiegħa bl-imnut stabbiliti fl-Istat Membru permessi li jipprovdu prodotti mediċinali veterinarji għall-bejgħ mill-bogħod permezz ta’ servizzi tas-soċjetà tal-informazzjoni skont il-paragrafi 1 u 2 kif ukoll l-indirizzi tas-siti elettroniċi ta’ dawk il-bejjiegħa bl-imnut.
Artikolu 105
Riċetti veterinarji
Riċetti veterinarji maħruġa minn professjonist, minbarra veterinarju għandhom ikunu, mutatis mutandis, suġġetti għall-paragrafi 5, 6, 8, 9 u 11 ta’ dan l-Artikolu.
Riċetta veterinarja għandu jkun fiha mill-anqas l-elementi li ġejjin:
identifikazzjoni tal-annimal jew gruppi ta’ annimali li għandhom jingħataw it-trattament;
l-isem sħiħ u d-dettalji ta’ kuntatt tas-sid jew l-indokratur tal-annimal;
id-data tal-ħruġ:
l-isem sħiħ u d-dettalji ta’ kuntatt tal-veterinarju inkluż, jekk disponibbli, in-numru professjonali;
firma jew forma elettronika ekwivalenti tal-identifikazzjoni tal-veterinarju;
l-isem tal-prodott mediċinali ordnat, inkluż is-sustanzi attivi tiegħu;
il-forma farmaċewtika u l-qawwa;
il-kwantità ordnata, jew l-għadd ta’ pakketti, inkluż id-daqs tal-pakkett;
l-iskeda ta’ dożaġġ;
għall-ispeċijiet tal-annimali li jipproduċu l-ikel, ►C4 il-perjodu ta' stennija ◄ anke jekk tali perjodu jkun żero;
kwalunkwe twissija neċessarja biex tiżgura l-użu xieraq inkluż, fejn rilevanti, biex tiżgura l-użu prudenti tal-antimikrobiċi;
jekk prodott mediċinali jiġi ordnat skont l-Artikoli 112, 113 u 114, dikjarazzjoni f’dak ir-rigward;
jekk prodott mediċinali jiġi ordnat skont l-Artikoli 107(3) u (4), dikjarazzjoni f’dak ir-rigward.
Artikolu 106
Użu ta’ prodotti mediċinali
Artikolu 107
Użu ta’ prodotti mediċinali veterinarji
F’każijiet bħal dawn, l-użu ta’ prodotti mediċinali antibijotiċi għall-profilassi bl-antibijotiċi għandu jkun limitat għas-somministrazzjoni lil annimal individwali biss, skont il-kundizzjonijiet stabbiliti fl-ewwel subparagrafu.
Il-Kummissjoni tista’, permezz ta’ atti ta’ implimentazzjoni, u filwaqt illi tqis il-parir xjentifiku tal-Aġenzija, tistabbilixxi lista ta’ antimikrobiċi li:
m’għandhomx jintużaw skont l-Artikoli 112, 113 u 114; jew
għandhom jintużaw biss skont l-Artikoli 112, 113 u 114 soġġetti għal ċerti kundizzjonijiet.
Meta tadotta dawk l-atti ta’ implimentazzjoni, il-Kummissjoni għandha tikkunsidra l-kriterji li ġejjin:
ir-riskji għas-saħħa tal-annimal jew is-saħħa pubblika jekk l-antimikrobiku jintuża skont l-Artikoli 112, 113 u 114;
ir-riskju għas-saħħa tal-annimali jew is-saħħa pubblika f’każ ta’ żvilupp tar-reżistenza għall-antimikrobiċi;
id-disponibbiltà ta’ trattamenti oħrajn għall-annimali;
id-disponibbiltà ta’ trattamenti antimikrobiċi oħrajn għall-bnedmin;
l-impatt fuq l-akkwakultura u s-sajd jekk l-annimal affettwat mill-kundizzjoni ma jirċievi l-ebda trattament.
Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 145(2).
Artikolu 108
Żamma ta’ rekords minn sidien u indokraturi ta’ annimali li jipproduċu l-ikel
Ir-rekords imsemmija fil-paragrafu 1 għandhom jinkludu:
id-data tal-ewwel somministrazzjoni tal-prodott mediċinali veterinarju lill-annimali;
l-isem tal-prodott mediċinali;
il-kwantità tal-prodott mediċinali ssomministrat;
l-isem jew l-isem tal-kumpanija u l-indirizz permanenti jew il-post irreġistrat tan-negozju tal-fornitur;
l-evidenza tal-akkwist tal-prodott mediċinali li huma jużaw;
l-identifikazzjoni tal-annimal jew tal-grupp tal-annimali ttrattati;
l-isem u d-dettalji ta’ kuntatt tal-veterinarju li ħareġ ir-riċetta, jekk applikabbli;
►C4 il-perjodu ta' stennija ◄ anke jekk tali perjodu jkun żero;
id-durata tat-trattament.
Artikolu 109
Obbligi dwar iż-żamma ta’ rekords għall-annimali ekwini
Artikolu 110
Użu ta’ prodotti mediċinali veterinarji immunoloġiċi
L-awtoritajiet kompetenti jistgħu, skont il-leġislazzjoni nazzjonali applikabbli tagħhom, jipprojbixxu l-manifattura, l-importazzjoni, id-distribuzzjoni, il-pussess, il-bejgħ, il-provvista jew l-użu ta’ prodotti mediċinali veterinarji immunoloġiċi fit-territorju tagħhom jew f’parti minnu jekk tiġi ssodisfata mill-anqas waħda mill-kundizzjonijiet li ġejjin:
is-somministrazzjoni tal-prodott lill-annimali tista’ tinterferixxi mal-implimentazzjoni ta’ programm nazzjonali għad-dijanjożi, il-kontroll jew il-qerda ta’ marda tal-annimali;
is-somministrazzjoni tal-prodott lill-annimali tista’ tikkawża diffikultajiet fiċ-ċertifikazzjoni tan-nuqqas ta’ mard f’annimali ħajjin jew kontaminazzjoni tal-prodotti tal-ikel jew prodotti oħra miksuba minn annimali ttrattati;
ir-razez tal-aġenti tal-mard li għalihom il-prodott ikun maħsub li jipprovdi immunità jkunu fil-biċċa l-kbira assenti f’termini ta’ firxa ġeografika mit-territorju kkonċernat.
Artikolu 111
Użu ta’ prodotti mediċinali veterinarji minn veterinarji li jipprovdu servizzi fi Stati Membri oħra
Veterinarju li jipprovdi servizzi fi Stat Membru li ma jkunx dak fejn il-veterinarju jkun stabbilit (“Istat Membru ospitanti”) għandu jkun permess jippossjedi u jissomministra prodotti mediċinali veterinarji li mhumiex awtorizzati fl-Istat Membru ospitanti lil annimali jew gruppi ta’ annimali li jkunu taħt it-trattament tal-veterinarju fil-kwantità meħtieġa li ma taqbiżx l-ammont meħtieġ għat-trattament ordnata mill-veterinarju, dment li l-kundizzjonijiet li ġejjin jiġu ssodisfati:
l-awtorizzazzjoni għall-kummerċjalizzazzjoni tal-prodott mediċinali veterinarju li għandha tiġi ssomministrata lill-annimali tkun ingħatat mill-awtoritajiet kompetenti tal-Istat Membru fejn il-veterinarju jkun stabbilit jew mill-Kummissjoni;
il-prodotti mediċinali veterinarji kkonċernati jiġu trasportati mill-veterinarju fil-pakkett oriġinali tagħhom;
il-veterinarju jsegwi l-prattika veterinarja tajba applikata fl-Istat Membru ospitanti;
il-veterinarju jistabbilixxi ►C4 l-perjodu ta' stennija ◄ speċifikat fuq it-tikkettar jew il-fuljett ta’ tagħrif tal-prodott mediċinali veterinarju użat;
il-veterinarju ma jbigħ l-ebda prodott mediċinali veterinarju lil sid jew indokratur ta’ annimali ttrattati fl-Istat Membru ospitanti sakemm dan ma jkunx permissibbli skont ir-regoli tal-Istat Membru ospitanti.
Artikolu 112
Użu ta ’ prodotti mediċinali barra mit-termini tal-awtorizzazzjoni għall-kummerċjalizzazzjoni fi speċijiet tal-annimali li ma jipproduċux l-ikel
B’deroga mill-Artikolu 106(1), meta ma jkun hemm l-ebda prodott mediċinali veterinarju awtorizzat fi Stat Membru għal indikazzjoni dwar speċijiet tal-annimali li ma jipproduċux l-ikel, il-veterinarju responsabbli jista’, taħt ir-responsabbiltà personali diretta tiegħu jew tagħha u b’mod partikolari biex jevita l-ikkawżar ta’ tbatija mhux aċċettabbli, jikkura b’mod eċċezzjonali lill-annimal ikkonċernat bil-prodott mediċinali li ġej:
prodott mediċinali veterinarju awtorizzat skont dan ir-Regolament fl-Istat Membru rilevanti jew fi Stat Membru ieħor sabiex jintuża fl-istess speċijiet jew fi speċi oħra tal-annimal għall-istess indikazzjoni jew għal indikazzjoni oħra;
jekk ma jkun hemm l-ebda prodott mediċinali veterinarju kif imsemmi fil-punt (a) ta’ dan il-paragrafu, prodott mediċinali għall-użu mill-bniedem awtorizzat skont id-Direttiva 2001/83/KE jew ir-Regolament (KE) Nru 726/2004;
jekk ma hemm l-ebda prodott mediċinali kif imsemmi fil-punt (a) jew (b) ta’ dan il-paragrafu, prodott mediċinali veterinarju ppreparat b’mod estemporanju skont it-termini ta’ riċetta veterinarja.
Artikolu 113
Użu ta’ prodotti mediċinali barra mit-termini tal-awtorizzazzjoni għall-kummerċjalizzazzjoni fi speċijiet tal-annimali terrestri li jipproduċu l-ikel
B’deroga mill-Artikolu 106(1), meta ma jkun hemm l-ebda prodott mediċinali veterinarju awtorizzat fi Stat Membru għal indikazzjoni dwar speċijiet tal-annimali terrestri li jipproduċu l-ikel, il-veterinarju responsabbli jista’, taħt ir-responsabbiltà personali diretta tiegħu jew tagħha u b’mod partikolari biex jevita l-ikkawżar ta’ tbatija mhux aċċettabbli, jikkura b’mod eċċezzjonali lill-annimal ikkonċernat bil-prodott mediċinali li ġej:
prodott mediċinali veterinarju awtorizzat skont dan ir-Regolament fl-Istat Membru rilevanti jew fi Stat Membru ieħor sabiex jintuża fl-istess speċi jew fi speċi tal-annimali terrestri oħra li jipproduċi l-ikel għall-istess indikazzjoni, jew għal indikazzjoni oħra;
jekk ma jkun hemm l-ebda prodott mediċinali veterinarju kif imsemmi fil-punt (a) ta’ dan il-paragrafu, prodott mediċinali awtorizzat skont dan ir-Regolament fl-Istat Membru rilevanti għall-użu fi speċijiet ta’ annimali li ma jipproduċux l-ikel għall-istess indikazzjoni;
jekk ma jkun hemm l-ebda prodott mediċinali veterinarju kif imsemmi fil-punt (a) jew (b) ta’ dan il-paragrafu, prodott mediċinali għall-użu mill-bniedem awtorizzat skont id-Direttiva 2001/83/KE jew ir-Regolament (KE) Nru 726/2004; jew
jekk ma jkun hemm l-ebda prodott mediċinali kif imsemmi fil-punt (a), (b) jew (c) ta’ dan il-paragrafu, prodott mediċinali veterinarju ppreparat b’mod estemporanju skont it-termini ta’ riċetta veterinarja.
Artikolu 114
Użu ta’ prodotti mediċinali għal speċijiet akkwatiċi li jipproduċu l-ikel
B’deroga mill-Artikolu 106(1), meta ma jkun hemm l-ebda prodott mediċinali veterinarju awtorizzat fi Stat Membru għal indikazzjoni dwar speċijiet akkwatiċi li jipproduċu l-ikel, il-veterinarju responsabbli jista’, taħt ir-responsabbiltà personali diretta tiegħu jew tagħha, u b’mod partikolari biex jevita l-ikkawżar ta’ tbatija mhux aċċettabbli, jikkura lill-annimal ikkonċernat bil-prodott mediċinali li ġej:
prodott mediċinali veterinarju awtorizzat skont dan ir-Regolament fl-Istat Membru rilevanti jew fi Stat Membru ieħor sabiex jintuża fl-istess speċi jew fi speċi akkwatiku ieħor li jipproduċi l-ikel għall-istess indikazzjoni, jew għal indikazzjoni oħra;
jekk ma jkun hemm l-ebda prodott mediċinali veterinarju kif imsemmi fil-punt (a) ta’ dan il-paragrafu, prodott mediċinali veterinarju awtorizzat skont dan ir-Regolament fl-Istat Membru rilevanti jew fi Stat Membru ieħor għall-użu ma’ speċijiet terrestri li jipproduċu l-ikel li fihom sustanza preżenti fil-lista stabbilita skont il-paragrafu 3;
jekk ma jkun hemm l-ebda prodott mediċinali veterinarju kif imsemmi fil-punti (a) jew (b) ta’ dan il-paragrafu, prodott mediċinali għall-użu mill-bniedem awtorizzat skont id-Direttiva 2001/83/KE jew ir-Regolament (KE) Nru 726/2004 u li fih sustanzi preżenti fil-lista stabbilita skont il-paragrafu 3 ta’ dan l-Artikolu; jew
jekk ma hemm l-ebda prodott mediċinali kif imsemmi fil-punti (a), (b) jew (c) ta’ dan il-paragrafu, prodott mediċinali veterinarju ppreparat b’mod estemporanju skont it-termini ta’ riċetta veterinarja.
B’deroga mill-punti (b) u (c) tal-paragrafu 1, u sakemm il-lista msemmija fil-paragrafu 3 hija stabbilita, il-veterinarju responsabbli jista’, taħt ir-responsabbiltà personali diretta tiegħu u b’mod partikolari biex jevita l-ikkawżar ta’ tbatija mhux aċċettabbli, b’mod eċċezzjonali jittratta speċijiet akkwatiċi li jipproduċu l-ikel ta’ azjenda partikolari bil-prodott mediċinali li ġej:
prodott mediċinali veterinarju awtorizzat skont dan ir-Regolament fl-Istat Membru rilevanti jew fi Stat Membru ieħor għal użu ma’ speċi tal-annimali terrestri li jipproduċu l-ikel;
jekk ma jkun hemm l-ebda prodott veterinarju kif imsemmi fil-punt (a) ta’ dan il-paragrafu, prodott mediċinali għall-użu mill-bniedem awtorizzat skont id-Direttiva 2001/83/KE jew ir-Regolament (KE) Nru 726/2004.
Il-Kummissjoni, meta tadotta dawk l-atti ta’ implimentazzjoni, għandha tikkunsidra l-kriterji li ġejjin:
ir-riskji għall-ambjent jekk l-ispeċijiet akkwatiċi li jipproduċu l-ikel huma ttrattati b’dawk is-sustanzi;
l-impatt fuq is-saħħa tal-annimali u s-saħħa pubblika jekk l-ispeċijiet akkwatiċi li jipproduċu l-ikel affettwati ma jistgħux jirċievu antimikrobiku elenkat skont l-Artikolu 107(6);
id-disponibbiltà jew in-nuqqas ta’ disponibbiltà ta’ prodotti mediċinali, kuri jew miżuri għall-prevenzjoni jew it-trattament ta’ mard jew ċerti indikazzjonijiet fi speċijiet akkwatiċi li jipproduċu l-ikel.
Artikolu 115
►C4 Perjodu ta' stennija ◄ għal prodotti mediċinali użati barra mit-termini tal-awtorizzazzjoni għall-kummerċjalizzazzjoni fi speċijiet tal-annimali li jipproduċu l-ikel
Għall-finijiet tal-Artikolu 113 u 114, sakemm prodott mediċinali użat ma jkollux ►C4 perjodu ta' stennija ◄ previst fis-sommarju tal-karatteristiċi tal-prodott għall-ispeċi tal-annimal inkwistjoni, il-veterinarju għandu jistabbilixxi ►C4 perjodu ta' stennija ◄ skont il-kriterji li ġejjin:
għal-laħam u l-ġewwieni minn mammiferi u pollam u tajr tal-kaċċa mrobbija fl-irziezet għall-konsum, ►C4 il-perjodu ta' stennija ◄ ma għandux ikun anqas minn:
l-itwal ►C4 perjodu ta' stennija ◄ previst fis-sommarju tal-karatteristiċi tal-prodott tiegħu għal-laħam u l-ġewwieni mmultiplikat b’ fattur ta’ 1,5;
28 jum jekk il-prodott mediċinali ma jkunx awtorizzat għal annimali li jipproduċu l-ikel;
jum wieħed, jekk il-prodott mediċinali ikollu ►C4 perjodu ta' stennija ◄ ta’ żero u huwa użat f’familja tassonomika differenti mill-ispeċi fil-mira awtorizzat;
għal ħalib minn annimali li jipproduċu ħalib għall-konsum mill-bniedem, ►C4 il-perjodu ta' stennija ◄ ma għandux ikun anqas minn:
l-itwal ►C4 perjodu ta' stennija ◄ għall-ħalib previst fis-sommarju tal-karatteristiċi tal-prodott tiegħu għal kwalunkwe speċi tal-annimali, immultiplikat b’fattur ta’ 1,5;
sebat-ijiem, jekk il-prodott mediċinali ma jkunx awtorizzat għall-annimali li jipproduċu l-ħalib għall-konsum tal-bniedem;
jum wieħed, jekk il-prodott mediċinali għandu ►C4 perjodu ta' stennija ◄ ta’ żero;
għal bajd minn annimali li jipproduċu l-bajd għall-konsum mill-bniedem, ►C4 il-perjodu ta' stennija ◄ ma għandux ikun anqas minn:
l-itwal ►C4 perjodu ta' stennija ◄ għall-bajd previst fis-sommarju tal-karatteristiċi tal-prodott għal kwalunkwe speċi tal-annimali immultiplikat b’fattur ta’ 1.5;
10 ijiem, jekk il-prodott ma jkun awtorizzat għall-annimali li jipproduċu l-bajd għall-konsum tal-bniedem;
għall-ispeċijiet akkwatiċi li jipproduċu laħam għall-konsum mill-bniedem ►C4 il-perjodu ta' stennija ◄ ma għandux ikun anqas minn:
l-itwal ►C4 perjodu ta' stennija ◄ għal kwalunkwe waħda mill-ispeċijiet akkwatiċi indikati fis-sommarju tal-karatteristiċi tal-prodott, immultiplikat b’fattur ta’ 1,5 u espress bħala grad-jiem;
jekk il-prodott mediċinali jkun awtorizzat għall-isspeċijiet tal-annimali terrestri li jipproduċu l-ikel, l-itwal ►C4 perjodu ta' stennija ◄ għal kwalunkwe speċi tal-annimali li tipproduċi l-ikel indikat fis-sommarju tal-karatteristiċi tal-prodott, immultiplikat b’fattur ta’ 50 u espress bħala grad-jiem, iżda li ma jaqbiżx 500 grad-jum;
500 grad-jum, jekk il-prodott mediċinali ma jkunx awtorizzat għal speċijiet tal-annimali li jipproduċu l-ikel;
25 grad-jum jekk l-itwal ►C4 perjodu ta' stennija ◄ għal kwalunkwe speċi ta’ annimal ikun żero.
Artikolu 116
Sitwazzjoni tas-saħħa
B’deroga mill-Artikolu 106(1), awtorità kompetenti tista’ tippermetti l-użu, fit-territorju tagħha, ta’ prodotti mediċinali veterinarji mhux awtorizzati f’dak l-Istat Membru, meta s-sitwazzjoni tas-saħħa tal-annimali jew tal-pubbliku titlob dan, u t-tqegħid fis-suq ta’ dawk il-prodotti mediċinali veterinarji jkun awtorizzat fi Stat Membru ieħor.
Artikolu 117
Ġbir u rimi ta’ skart ta’ prodotti mediċinali veterinarji
L-Istati Membri għandhom jiżguraw li jkun hemm fis-seħħ sistemi xierqa għall-ġbir u r-rimi ta’ skart tal-prodotti mediċinali veterinarji.
Artikolu 118
Annimali jew prodotti li joriġinaw mill-annimali importati fl-Unjoni
Artikolu 119
Reklamar ta’ prodotti mediċinali veterinarji
Artikolu 120
Reklamar ta’ prodotti mediċinali veterinarji soġġetti għal riċetta veterinarja
Ir-reklamar ta’ prodotti mediċinali veterinarji li huma soġġetti għal riċetta veterinarja skont l-Artikolu 34 għandhom ikunu permessi biss meta jsiru esklussivament għall-persuni li ġejjin:
veterinarji;
persuni permessi li jfornu prodotti mediċinali veterinarji skont il-liġi nazzjonali.
B’deroga mill-paragrafu 1 ta’ dan l-Artikolu, ir-reklamar ta’ prodotti mediċinali veterinarji li huma soġġetti għal riċetta veterinarja skont l-Artikolu 34 lill-indokraturi professjonali tal-annimali jista’ jiġi permess mill-Istat Membru dment li jiġu ssodisfati l-kundizzjonijiet li ġejjin:
ir-reklamar huwa limitat għal prodotti mediċinali veterinarji immunoloġiċi;
ir-reklamar jinkludi stedina espliċita lill-indokraturi professjonali tal-annimali biex jikkonsultaw lill-veterinarju dwar il-prodott mediċinali veterinarju immunoloġiku.
Artikolu 121
Promozzjoni ta’ prodotti mediċinali użati fl-annimali
Artikolu 122
Implimentazzjoni ta’ dispożizzjonijiet tar-reklamar
L-Istati Membri jistgħu jistabbilixxu kwalunkwe proċedura li huma jqisu meħtieġa għall-implimentazzjoni tal-Artikoli 119, 120 u 121.
KAPITOLU VIII
SPEZZJONIJIET U KONTROLLI
Artikolu 123
Kontrolli
L-awtoritajiet kompetenti għandhom iwettqu kontrolli lill-persuni li ġejjin:
il-manifatturi u l-importaturi ta’ prodotti mediċinali veterinarji u sustanzi attivi;
id-distributuri ta’ sustanzi attivi;
id-detenturi tal-awtorizzazzjoni għall-kummerċjalizzazzjoni;
id-detenturi ta’ awtorizzazzjoni tad-distribuzzjoni bl-ingrossa;
il-bejjiegħa bl-imnut;
is-sidien u l-indokraturi ta’ annimali li jipproduċu l-ikel;
il-veterinarji;
id-detenturi ta’ reġistrazzjoni għal prodotti mediċinali veterinarji omeopatiċi;
id-detenturi ta’ prodotti mediċinali veterinarji msemmija fl-Artikolu 5(6); u
kwalunkwe persuna oħra li għandha l-obbligi taħt dan ir-Regolament.
Il-kontrolli bbażati fuq ir-riskju msemmija fil-paragrafu 2 għandhom jitwettqu mill-awtoritajiet kompetenti billi jqisu, tal-anqas:
ir-riskji intrinsiċi assoċjati mal-attivitajiet tal-persuni msemmija mal-paragrafu 1 u l-pożizzjoni tal-attivitajiet tagħhom;
ir-rekord preċedenti tal-persuni msemmija fil-paragrafu 1 fir-rigward tar-riżultati tal-kontrolli mwettqa fuqha u l-konformità preċedenti;
kwalunkwe informazzjoni li tista’ tindika nuqqas ta’ konformità;
l-impatt potenzjali fuq is-saħħa pubblika, is-saħħa tal-annimali, il-benessri tal-annimali u l-ambjent minħabba nuqqas ta’ konformità.
L-ispezzjonijiet jistgħu jitwettqu bħala parti mill-kontrolli. Spezzjonijiet bħal dawn jistgħu jsiru mingħajr ma jitħabbru minn qabel. Matul dawk l-ispezzjonijiet, ir-rappreżentanti ta’ awtorità kompetenti għandhom tal-anqas jingħataw is-setgħa li:
jispezzjonaw l-istabbilimenti, it-tagħmir, il-mezzi ta’ trasport, ir-rekords, id-dokumenti u s-sistemi, relatati mal-objettiv tal-ispezzjoni;
jispezzjonaw u jieħdu kampjuni bil-għan li jissottomettuhom għal analiżi indipendenti minn Laboratorju Uffiċjali għall-Kontroll tal-Mediċini jew minn laboratorju maħtur għal dak il-għan minn Stat Membru;
jiddokumentaw kwalunkwe evidenza meqjusa meħtieġa mir-rappreżentanti;
iwettqu l-istess kontrolli fuq kwalunkwe parti li twettaq il-kompiti meħtieġa taħt dan ir-Regolament ma’, bi jew f’isem il-persuni msemmija fil-paragrafu 1.
Artikolu 124
Verifiki mill-Kummissjoni
Il-Kummissjoni tista’ twettaq verifiki fl-Istati Membri fuq l-awtoritajiet kompetenti tagħhom bl-iskop li tikkonferma l-adegwatezza tal-kontrolli mwettqa minn dawk l-awtoritajiet kompetenti. Dawn il-verifiki għandhom ikunu kkoordinati mal-Istat Membru rilevanti u għandhom jitwettqu b’mod li jevita piż amministrattiv żejjed.
Wara kull verifika, il-Kummissjoni għandha tfassal rapport li jinkludi, fejn ikun xieraq, rakkomandazzjonijiet lill-Istat Membru rilevanti. Il-Kummissjoni għandha tibgħat l-abbozz ta’ rapport lill-awtorità kompetenti għall-kummenti u għandha tqis kwalunkwe kumment bħal dan fit-tfassil tar-rapport finali. Ir-rapport finali u l-kummenti għandhom isiru pubbliċi mill-Kummissjoni.
Artikolu 125
Ċertifikat tal-idoneità
Sabiex jivverifika jekk id-dejta ppreżentata sabiex jinkiseb ċertifikat tal-idoneità tkunx tikkonforma mal-monografiji tal-Farmakopea Ewropea, il-korp tal-istandardizzazzjoni għan-nomenklaturi u n-normi tal-kwalità fis-sens tal-Konvenzjoni dwar l-elaborazzjoni ta’ Farmakopea Ewropea aċċettata bid-Deċiżjoni tal-Kunsill 94/358/KE ( 9 ) (Direttorat Ewropew għall-Kwalità tal-Mediċini u l-Kura tas-Saħħa (“EDQM”)) jista’ jitlob lill-Kummissjoni jew lill-Aġenzija biex titlob spezzjoni minn awtorità kompetenti meta l-materjal tal-bidu kkonċernat ikun soġġett għal monografija tal-Pharmacopea Ewropea.
Artikolu 126
Regoli speċifiċi dwar l-ispezzjonijiet tal-farmakoviġilanza
Artikolu 127
Prova tal-kwalità tal-prodott għal prodotti mediċinali veterinarji
Artikolu 128
Prova tal-kwalità tal-prodott speċifika għal prodotti mediċinali veterinarji immunoloġiċi
Għall-prodotti mediċinali veterinarji immunoloġiċi awtorizzati bil-proċedura ċentralizzata, il-lista tat-testijiet li għandhom jiġu ripetuti mil-laboratorju tal-kontroll tista’ titnaqqas biss jekk taqbel l-Aġenzija.
KAPITOLU IX
RESTRIZZJONIJIET U PENALI
Artikolu 129
Restrizzjonijiet temporanji tas-sigurtà
L-awtorità kompetenti u, fil-każ ta’ prodotti mediċinali veterinarji awtorizzati b’mod ċentrali, anke l-Kummissjoni jistgħu, f’każ ta’ riskju għas-saħħa pubblika jew tal-annimali jew għall-ambjent li jkun jeħtieġ azzjoni urġenti, jimponu restrizzjonijiet temporanji tas-sigurtà fuq id-detentur tal-awtorizzazzjoni għall-kummerċjalizzazzjoni u persuni oħra li għandhom obbligi taħt dan ir-Regolament. Dawk ir-restrizzjonijiet temporanji ta’ sikurezza jistgħu jinkludu:
ir-restrizzjoni tal-forniment tal-prodott mediċinali veterinarju fuq talba tal-awtorità kompetenti u, fil-każ ta’ prodotti mediċinali veterinarji awtorizzati b’mod ċentrali, ukoll fuq talba tal-Kummissjoni lill-awtorità kompetenti;
ir-restrizzjoni tal-użu tal-prodott mediċinali veterinarju fuq talba tal-awtorità kompetenti u, fil-każ ta’ prodotti mediċinali veterinarji awtorizzati b’mod ċentrali, ukoll fuq talba tal-Kummissjoni lill-awtorità kompetenti;
is-sospensjoni ta’ awtorizzazzjoni għall-kummerċjalizzazzjoni mill-awtorità kompetenti li tkun tat dik l-awtorizzazzjoni għall-kummerċjalizzazzjoni u, fil-każ ta’ prodotti mediċinali veterinarji awtorizzati b’mod ċentrali, mill-Kummissjoni.
Artikolu 130
Sospensjoni, revoka, jew varjazzjoni tat-termini, ta’ awtorizzazzjonijiet għall-kummerċjalizzazzjoni
L-awtorità kompetenti jew, fil-każ tal-awtorizzazzjonijiet ċentralizzati għall-kummerċjalizzazzjoni, il-Kummissjoni għandhom jissospendu jew jirrevokaw l-awtorizzazzjoni għall-kummerċjalizzazzjoni jew jitolbu lid-detentur tal-awtorizzazzjoni għall-kummerċjalizzazzjoni sabiex jissottometti applikazzjoni għal varjazzjoni fit-termini tal-awtorizzazzjoni għall-kummerċjalizzazzjoni, kif applikabbli, fil-każ ta’ xi waħda jew aktar mir-raġunijiet li ġejjin:
id-detentur tal-awtorizzazzjoni għall-kummerċjalizzazzjoni ma jikkonformax mar-rekwiżiti stabbiliti fl-Artikolu 58;
id-detentur tal-awtorizzazzjoni għall-kummerċjalizzazzjoni ma jikkonformax mar-rekwiżiti stabbiliti fl-Artikolu 127;
is-sistema ta’ farmakoviġilanza stabbilita skont l-Artikolu 77(1) ma tkunx adegwata;
id-detentur tal-awtorizzazzjoni għall-kummerċjalizzazzjoni ma jissodisfax l-obbligi tiegħu stabbiliti fl-Artikolu 77;
il-persuna kwalifikata responsabbli għall-farmakoviġilanza ma tissodisfax il-kompiti tagħha kif stabbiliti fl-Artikolu 78.
Wara opinjoni mill-Aġenzija, il-Kummissjoni għandha tadotta, fejn ikun neċessarju, miżuri provviżorji, li għandhom jiġu applikati mill-ewwel. Il-Kummissjoni għandha, permezz ta’ atti ta’ implimentazzjoni, tieħu deċiżjoni finali. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 145(2).
Artikolu 131
Sospensjoni jew revoka ta’ awtorizzazzjoni għad-distribuzzjoni bl-ingrossa
F’każ ta’ nuqqas ta’ konformità mar-rekwiżiti stabbiliti fl-Artikolu 101, għajr il-paragrafu 3 tiegħu, l-awtorità kompetenti tista’, mingħajr preġudizzju għal kwalunkwe miżura oħra xierqa taħt il-liġi nazzjonali, tieħu waħda jew aktar mill-miżuri li ġejjin:
tissospendi l-awtorizzazzjoni tad-distribuzzjoni bl-ingrossa;
tissospendi l-awtorizzazzjoni tad-distribuzzjoni bl-ingrossa ta’ kategorija waħda jew aktar ta’ prodotti mediċinali veterinarji;
tirrevoka l-awtorizzazzjoni tad-distribuzzjoni bl-ingrossa ta’ kategorija waħda jew aktar ta’ prodotti mediċinali veterinarji.
Artikolu 132
Tneħħija ta’ importaturi, manifatturi u distributuri ta’ sustanzi attivi mid-database dwar il-manifattura u d-distribuzzjoni bl-ingrossa
F’każ ta’ nuqqas ta’ konformità minn importaturi, manifatturi u distributuri ta’ sustanzi attivi mar-rekwiżiti stabbiliti fl-Artikolu 95, l-awtorità kompetenti għandha, temporanjament jew definittivament, tneħħi dawk l-importaturi, il-manifatturi u d-distributuri mid-database dwar il-manifattura u d-distribuzzjoni bl-ingrossa.
Artikolu 133
Sospensjoni jew revoka ta’ awtorizzazzjonijiet tal-manifattura
F’każ ta’ nuqqas ta’ konformità mar-rekwiżiti stabbiliti fl-Artikolu 93, l-awtorità kompetenti għandha, mingħajr preġudizzju lil kwalunkwe miżura xierqa oħra taħt il-liġi nazzjonali, tieħu miżura waħda jew aktar minn dawn li ġejjin:
tissospendi l-manifattura ta’ prodotti mediċinali veterinarji;
tissospendi l-importazzjonijiet ta’ prodotti mediċinali veterinarji minn pajjiżi terzi;
tissospendi jew tirrevoka l-awtorizzazzjoni tal-manifattura għal forma farmaċewtika waħda jew aktar;
tissospendi jew tirrevoka l-awtorizzazzjoni tal-manifattura għal attività waħda jew aktar f’sit ta’ manifattura wieħed jew aktar;
Artikolu 134
Projbizzjoni tal-provvista ta’ prodotti mediċinali veterinarji
F’każ ta’ riskju għas-saħħa pubblika jew tal-annimal jew tal-ambjent, l-awtorità kompetenti jew, fil-każ ta’ prodotti mediċinali veterinarji awtorizzati ċentralment, il-Kummissjoni għandhom jipprojbixxu l-provvista ta’ prodott mediċinali veterinarju jew jitolbu li d-detentur tal-awtorizzazzjoni għall-kummerċjalizzazzjoni jew fornituri biex jieqfu jfornu jew jirtiraw mis-suq il-prodott mediċinali veterinarju f’każ li tapplika xi waħda mill-kundizzjonijiet li ġejjin:
il-bilanċ bejn il-benefiċċji u r-riskji tal-prodott mediċinali veterinarju ma jkunx aktar pożittiv;
l-għamla kwalitattiva jew kwantitattiva tal-prodott mediċinali veterinarju ma tkunx kif iddikjarata fis-sommarju tal-karatteristiċi tal-prodott imsemmi fl-Artikolu 35;
►C4 il-perjodu ta' stennija ◄ rakkomandat ma jkunx biżżejjed biex jiżgura s-sikurezza tal-ikel;
it-testijiet ta’ kontroll imsemmija fl-Artikolu 127(1) ma jkunux twettqu; jew
it-tikkettar mhux korrett jista’ jwassal għal riskju serju għas-saħħa pubblika u tal-annimal.
Artikolu 135
Penali imposti mill-Istati Membri
L-Istati Membri għandhom, sat-28 ta’ Jannar 2022, jinnotifikaw lill-Kummissjoni b’dawk ir-regoli u dawk il-miżuri u għandhom jinnotifikawha, mingħajr dewmien, bi kwalunkwe emenda sussegwenti li tolqothom.
Artikolu 136
Penali finanzjarji imposti mill-Kummissjoni fuq detenturi tal-awtorizzazzjoni għall-kummerċjalizzazzjoni għal prodotti mediċinali veterinarji awtorizzati b’mod ċentrali
Il-Kummissjoni tista’, sa fejn previst speċifikament fl-atti delegati msemmija fil-punt (b) tal-paragrafu 7, timponi l-penali finanzjarji msemmija fil-paragrafu 1 anke fuq entità legali jew entitajiet legali minbarra d-detentur tal-awtorizzazzjoni għall-kummerċjalizzazzjoni sakemm dawn l-entitajiet jifformaw parti mill-istess entità ekonomika bħad-detentur tal-awtorizzazzjoni għall-kummerċjalizzazzjoni u li tali entitajiet legali oħra:
ikunu eżerċitaw influwenza deċiżiva fuq id-detentur tal-awtorizzazzjoni għall-kummerċjalizzazzjoni; jew
kienu involuti fi, jew setgħu indirizzaw, tali nuqqas li jikkonformaw mal-obbligu mid-detentur tal-awtorizzazzjoni għall-kummerċjalizzazzjoni.
Għall-finijiet tal-paragrafu 1, il-Kummissjoni għandha tikkunsidra wkoll:
kwalunkwe proċedura ta’ ksur li nbdiet minn Stat Membru kontra l-istess detentur tal-awtorizzazzjoni għall-kummerċjalizzazzjoni fuq il-bażi tal-istess raġunijiet legali u l-istess fatti; kif ukoll
kwalunkwe sanzjoni diġà imposta kontra l-istess detentur tal-awtorizzazzjoni għall-kummerċjalizzazzjoni fuq il-bażi tal-istess raġunijiet legali u l-istess fatti;
Fejn id-detentur tal-awtorizzazzjoni għall-kummerċjalizzazzjoni jibqa’ ma jikkonformax mal-obbligi tiegħu msemmija fil-paragrafu 1, il-Kummissjoni tista’ tadotta deċiżjoni li timponi pagamenti perjodiċi ta’ penali għal kull ġurnata li ma jkunux jaqbżu t-2,5 % tal-fatturat medju ta’ kuljum tad-detentur ta’ awtorizzazzjoni għall-kummerċjalizzazzjoni fl-Unjoni fis-sena kummerċjali li tippreċedi d-data ta’ dik id-deċiżjoni.
Il-pagamenti perjodiċi ta’ penali jistgħu jiġu imposti għal perjodu li jiddekorri mid-data tan-notifika tad-deċiżjoni rilevanti tal-Kummissjoni sat-tmiem tan-nuqqas ta’ konformità mal-obbligu mid-detentur ta’ awtorizzazzjoni għall-kummerċjalizzazzjoni, kif imsemmi fil-paragrafu 1.
Il-Kummissjoni għandha tadotta atti delegati skont l-Artikolu 147 sabiex jissupplimentaw dan ir-Regolament billi jistabbilixxu:
proċeduri li jridu jkunu applikati mill-Kummissjoni meta timponi multi jew pagamenti perjodiċi ta’ penali, inklużi regoli dwar l-inizjazzjoni tal-proċedura, miżuri ta’ inkjesta, drittijiet ta’ difiża, aċċess għall-fajl, rappreżentanza legali u kunfidenzjalità;
regoli dettaljati oħra dwar l-impożizzjoni mill-Kummissjoni ta’ penali finanzjarji fuq entitajiet legali minbarra d-detentur tal-awtorizzazzjoni għall-kummerċjalizzazzjoni;
regoli dwar id-dewmien tal-proċedura u l-perjodi ta’ limitazzjoni;
elementi li għandhom jitqiesu mill-Kummissjoni meta jiġi ffissat il-livell u l-impożizzjoni ta’ penali u l-pagamenti perjodiċi ta’ penali u l-impożizzjoni tagħhom, kif ukoll il-kundizzjonijiet u l-metodi tal-ġbir tagħhom.
KAPITOLU X
QAFAS REGOLATORJU
Artikolu 137
Awtoritajiet kompetenti
Artikolu 138
Opinjoni xjentifika għall-organizzazzjonijiet internazzjonali għas-saħħa tal-annimali
Artikolu 139
Kumitat għall-Prodotti Mediċinali Veterinarji
Il-Kumitat għandu jistabbilixxi r-regoli ta’ proċedura tiegħu stess. B’mod partikolari, dawn ir-regoli għandhom jistabbilixxu:
proċeduri għall-ħatra u s-sostituzzjoni tal-President;
il-ħatra tal-membri ta’ kwalunkwe grupp ta ’ ħidma jew grupp ta’ konsulenza xjentifika fuq il-bażi tal-listi ta’ esperti akkreditati msemmija fit-tieni subparagrafu tal-Artikolu 62(2) tar-Regolament (KE) Nru 726/2004 u l-proċeduri għall-konsultazzjoni tal-gruppi ta’ ħidma u l-gruppi ta’ konsulenza xjentifika;
proċedura għall-adozzjoni urġenti ta’ opinjonijiet, b’mod partikolari fir-rigward tad-dispożizzjonijiet ta’ dan ir-Regolament dwar is-sorveljanza tas-suq u l-farmakoviġilanza.
Ir-regoli ta’ proċedura għandhom jidħlu fis-seħħ wara r-riċeviment ta’ opinjoni favorevoli mill-Kummissjoni u l-Bord tat-Tmexxija tal-Aġenzija.
Artikolu 140
Membri tal-Kumitat
Artikolu 141
Kompiti tal-Kumitat
Il-Kumitat għandu jkollu l-kompiti li ġejjin:
iwettaq il-kompiti mogħtija lilu skont dan ir-Regolament u r-Regolament (KE) Nru 726/2004;
jipprepara opinjonijiet xjentifiċi tal-Aġenzija dwar kwistjonijiet relatati mal-evalwazzjoni u l-użu ta ’ prodotti mediċinali veterinarji;
jipprepara opinjonijiet dwar kwistjonijiet xjentifiċi rigward l-evalwazzjoni u l-użu ta ’ prodotti mediċinali veterinarji fuq it-talba mid-Direttur Eżekuttiv tal-Aġenzija jew mill-Kummissjoni;
jipprepara opinjonijiet tal-Aġenzija rigward l-ammissibbiltà tal-applikazzjonijiet ippreżentati skont il-proċedura ċentralizzata, u dwar l-għoti, il-varjazzjoni, is-sospensjoni jew ir-revoka ta’ awtorizzazzjonijiet għall-kummerċjalizzazzjoni għal prodotti mediċinali veterinarji awtorizzati b’mod ċentrali;
jikkunsidra kwalunkwe talba mill-Istati Membri għal opinjonijiet xjentifiċi;
jipprovdi gwida dwar kwistjonijiet importanti u kwistjonijiet ta’ natura xjentifika;
jagħti opinjoni xjentifika, fil-kuntest tal-kooperazzjoni mal-Organizzazzjoni Dinjija għas-Saħħa tal-Annimali, dwar l-evalwazzjoni ta’ ċerti prodotti mediċinali veterinarji maħsuba esklussivament għal swieq barra mill-Unjoni.
jagħti pariri dwar il-limiti massimi għar-residwi ta’ prodotti mediċinali veterinarji u bijoċidi użati fit-trobbija tal-annimali li jistgħu jiġu aċċettati fl-oġġetti fl-ikel li joriġinaw mill-annimali skont ir-Regolament (KE) Nru 470/2009;
jipprovdi pariri xjentifiċi dwar l-użu ta’ antimikrobiċi u antiparassitiċi f’annimali biex kemm jista’ jkun titnaqqas l-okkorrenza tar-reżistenza fl-Unjoni, u jaġġorna dak il-parir meta jkun hemm bżonn;
jipprovdi opinjonijiet xjentifiċi oġġettivi lill-Istati Membri dwar kwistjonijiet li jkunu riferuti lil Kumitat.
Artikolu 142
Grupp ta’ koordinazzjoni għall-proċeduri ta’ rikonoxximent reċiproku u deċentralizzati għal prodotti mediċinali veterinarji
Artikolu 143
Membri tal-Grupp ta’ koordinazzjoni
Artikolu 144
Kompiti tal-Grupp ta’ koordinazzjoni
Il-grupp ta’ koordinazzjoni għandu jkollu l-kompiti li ġejjin:
jeżamina kwistjonijiet li jirrigwardaw il-proċeduri ta’ rikonoxximent reċiproku u deċentralizzati;
jeżamina pariri mill-grupp ta’ ħidma tal-farmakoviġilanza tal-Kumitat dwar il-miżuri tal-ġestjoni tar-riskju tal-farmakoviġilanza relatati ma’ prodotti mediċinali veterinarji awtorizzati fl-Istati Membri u joħroġ rakkomandazzjonijiet lill-Istati Membri u lid-detenturi tal-awtorizzazzjoni għall-kummerċjalizzazzjoni, kif meħtieġ;
jeżamina kwistjonijiet li jirrigwardaw varjazzjonijiet fit-termini tal-awtorizzazzjonijiet għall-kummerċjalizzazzjoni mogħtija mill-Istati Membri;
jipprovdi rakkomandazzjonijiet lill-Istati Membri dwar jekk prodott mediċinali veterinarju speċifiku jew grupp ta’ prodotti mediċinali veterinarji għandhomx jitqiesu bħala prodott mediċinali veterinarju fi ħdan il-kamp ta’ applikazzjoni ta’ dan ir-Regolament;
jikkoordina l-għażla tal-awtorità tat-tmexxija responsabbli għall-valutazzjoni tar-riżultati tal-proċess ta’ ġestjoni tas-sinjali msemmi fl-Artikolu 81(4);
ifassal u jippubblika lista annwali ta’ prodotti mediċinali veterinarji ta’ referenza li għandha tkun soġġetta għall-armonizzazzjoni tas-sommarji tal-karatteristiċi tal-prodott skont l-Artikolu 70(3).
KAPITOLU XI
DISPOŻIZZJONIJIET KOMUNI U PROĊEDURALI
Artikolu 145
Kumitat Permanenti dwar Prodotti Mediċinali Veterinarji
Artikolu 146
Emendi għall-Anness II
Artikolu 147
Eżerċizzju tad-delega
Artikolu 148
Protezzjoni tad-data
KAPITOLU XII
DISPOŻIZZJONIJIET TRANŻIZZJONALI U FINALI
Artikolu 149
Revoka
Id-Direttiva 2001/82/KE titħassar.
Ir-referenzi għad-Direttiva mħassra għandhom jinftiehmu bħala referenzi għal dan ir-Regolament u għandhom jinqraw skont it-tabella ta’ korrelazzjoni stabbilita fl-Anness IV.
Artikolu 150
Relazzjoni ma’ atti oħra tal-Unjoni
Artikolu 151
Applikazzjonijiet minn qabel
Artikolu 152
Prodotti mediċinali veterinarji, awtorizzazzjonijiet għall-kummerċjalizzazzjoni u reġistrazzjonijiet eżistenti
L-ewwel subparagrafu ta’ dan il-paragrafu ma għandux japplika għal awtorizzazzjonijiet għall-kummerċjalizzazzjoni għal prodotti mediċinali veterinarji antimikrobiċi li jkun fihom antimikrobiċi li ġew riservati għat-trattament tal-bniedem skont l-atti ta’ implimentazzjoni msemmija fl-Artikolu 37(5).
Artikolu 153
Dispożizzjonijiet tranżizzjonali rigward atti delegati u ta’ implimentazzjoni
Meta jiġu adottati l-atti delegati u ta’ implimentazzjoni msemmija f’dan l-Artikolu, il-Kummissjoni għandha tħalli biżżejjed żmien bejn l-adozzjoni u l-bidu tal-applikazzjoni tagħhom.
Artikolu 154
Stabbiliment tad-database dwar il-farmakoviġilanza u tad-database dwar il-manifattura u d-distribuzzjoni bl-ingrossa
Mingħajr preġudizzju għad-data tal-applikazzjoni ta’ dan ir-Regolament, l-Aġenzija, f’kollaborazzjoni mal-Istati Membri u l-Kummissjoni, għandha, skont l-Artikoli 74 u 91 rispettivament, tiżgura l-istabbiliment tad-database dwar il-farmakoviġilanza u tad-database dwar il-manifattura u d-distribuzzjoni bl-ingrossa sa mhux aktar tard mit-28 ta’ Jannar 2022.
Artikolu 155
Input inizjali għad-database tal-prodotti mill-awtoritajiet kompetenti
Sa mhux aktar tard mit-28 ta’ Jannar 2022, l-awtoritajiet kompetenti għandhom jissottomettu, b’mod elettroniku, informazzjoni dwar il-prodotti mediċinali veterinarji kollha awtorizzati fl-Istat Membru tagħhom ta’ dak iż-żmien lill-Aġenzija, bl-użu tal-format imsemmi fil-punt (a) tal-Artikolu 55(3).
Artikolu 156
Rieżami tar-regoli għal valutazzjoni tar-riskju ambjentali
Sat-28 ta’ Jannar 2022, il-Kummissjoni għandha tippreżenta rapport lill-Parlament Ewropew u l-Kunsill dwar studju ta’ fattibbiltà ta’ sustanza attiva bbażat fuq sistemi ta’ rieżami (“monografiji”) u alternattivi oħra potenzjali għall-valutazzjoni tar-riskju ambjentali tal-prodotti mediċinali veterinarji, li għandu jkun akkumpanjat, jekk xieraq, minn proposta leġislattiva.
Artikolu 157
Rapport tal-Kummissjoni dwar prodotti erbali tradizzjonali użati biex jikkuraw l-annimali
Il-Kummissjoni għandha tirrapporta lill-Parlament Ewropew u lill-Kunsill sad-29 ta’ Jannar 2027 dwar prodotti erbali tradizzjonali użati għat-trattament tal-annimali fl-Unjoni. Jekk ikun xieraq, il-Kummissjoni għandha tagħmel proposta leġislattiva sabiex tintroduċi sistema simplifikata għar-reġistrazzjoni ta’ prodotti erbali tradizzjonali użati biex jikkuraw l-annimali.
L-Istati Membri għandhom jipprovdu informazzjoni lill-Kummissjoni dwar tali prodotti erbali tradizzjonali fit-territorji tagħhom.
Artikolu 158
Rieżami ta’ miżuri dwar annimali ta’ speċijiet ekwini
Sa mhux iktar tard mid-29 ta’ Jannar 2025, il-Kummissjoni għandha tippreżenta rapport lill-Parlament Ewropew u lill-Kunsill dwar il-valutazzjoni tagħha tas-sitwazzjoni f’dak li jirrigwarda t-trattament bi prodotti mediċinali ta’ annimali tal-ispeċijiet ekwini u l-esklużjoni tagħhom fil-katina alimentari, inkluż fir-rigward tal-importazzjonijiet ta’ annimali tal-ispeċijiet ekwini minn pajjiżi terzi, li jkunu akkumpanjati minn kwalunkwe azzjoni xierqa mill-Kummissjoni b’kunsiderazzjoni, b’mod partikolari, tas-saħħa pubblika, il-benessri tal-annimali, ir-riskji ta’ frodi u l-livell ekwu ma’ pajjiżi terzi.
Artikolu 159
Dispożizzjonijiet tranżizzjonali rigward ċerti ċertifikati ta’ prassi tajba ta’ manifattura
Mingħajr preġudizzju għad-data tal-applikazzjoni ta’ dan ir-Regolament, l-obbligi rigward iċ-ċertifikati ta’ prassi tajba ta’ manifattura għal prodotti mediċinali veterinarji immunoloġiċi inattivati li huma manifatturati minn patoġeni u antiġeni miksuba minn annimal jew annimali f’unità epidemjoloġika u użati għat-trattament ta’ dak l-annimal jew dawk l-annimali fl-istess unità epidemjoloġika jew għat-trattament ta’ annimal jew annimali f’unità li kkonfermat rabta epidemjoloġika għandhom jibdew japplikaw mid-data tal-applikazzjoni tal-atti ta’ implimentazzjoni li jistabbilixxu miżuri speċifiċi dwar prassi tajba ta’ manifattura għal dawk il-prodotti mediċinali veterinarji msemmija fl-Artikolu 93(2).
Artikolu 160
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Huwa għandu japplika mit-28 ta’ Jannar 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
ANNESS I
INFORMAZZJONI MSEMMIJA FIL-PUNT (A) TAL-ARTIKOLU 8(1)
1. Bażi legali għall-applikazzjoni għal awtorizzazzjoni għall-kummerċjalizzazzjoni.
2. Applikant
2.1. L-isem jew l-isem tal-kumpanija u l-indirizz permanenti jew il-post irreġistrat tan-negozju tal-applikant
2.2. L-isem jew l-isem tal-kumpanija u l-indirizz permanenti jew il-post irreġistrat tan-negozju tal-manifattur(i) jew l-importatur(i) tal-prodott mediċinali veterinarju lest u l-isem jew l-isem tal-kumpannija u l-indirizz permanenti jew il-post irreġistrat tan-negozju tal-manifattur tas-sustanza/i attiva/i
2.3. L-isem u l-indirizz tas-siti involuti fl-istadji differenti tal-manifattura, l-importazzjoni, il-kontroll u l-ħruġ tal-lott
3. Identifikazzjoni tal-prodott mediċinali veterinarju
3.1. L-isem tal-prodott mediċinali veterinarju u l-kodiċi Anatomiku Terapewtiku Kimiku Veterinarju (ATC vet Code)
3.2. Sustanzi Attivi u, jekk applikabbli, dilwent(i)
3.3. Qawwa jew, f’każ ta’ prodott mediċinali veterinarju immunoloġiku, attività bijoloġika, potenza jew titolu
3.4. Forma Farmaċewtika
3.5. Rotta ta’ somministrazzjoni
3.6. Speċijiet fil-mira
4. Manifattura u informazzjoni dwar il-farmakoviġilanza
4.1. Prova ta’ awtorizzazzjoni għall-manifattura jew ċertifikat ta’ prassi tajba ta’ manifattura
4.2. Numru ta’ referenza tal-master file tas-sistema ta’ farmakoviġilanza
5. Informazzjoni dwar il-Prodott mediċinali veterinarju
5.1. Abbozz ta’ sommarju propost tal-karatteristiċi tal-prodott imħejji skont l-Artikolu 35
5.2. Deskrizzjoni tal-preżentazzjoni finali tal-prodott mediċinali veterinarju, inkluż l-imballaġġ u t-tikkettar.
5.3. Test tal-informazzjoni propost li għandu jiġi pprovdut fl-imballaġġ ta’ ġewwa, l-imballaġġ ta’ barra u l-fuljett ta’ tagħrif skont l-Artikoli 10 sa 16
6. Informazzjoni oħra
6.1. Lista ta’ pajjiżi li fihom tkun ingħatat jew ġiet revokata l-awtorizzazzjoni għall-kummerċjalizzazzjoni għall-prodott mediċinali veterinarju
6.2. Kopji tas-sommarji kollha tal-karatteristiċi tal-prodott kif inklużi fil-kundizzjonijiet tal-awtorizzazzjonijiet għall-kummerċjalizzazzjoni mogħtija mill-Istati Membri
6.3. Lista ta’ pajjiżi li fihom ġiet ippreżentata jew rifjutata applikazzjoni
6.4. Lista ta’ Stati Membri li fihom il-prodott mediċinali veterinarju għandu jitqiegħed fis-suq
6.5. Rapporti ta’ esperti kritiċi dwar il-kwalità, is-sikurezza u l-effikaċja tal-prodott mediċinali veterinarju.
ANNESS II
REKWIŻITI MSEMMIJA FL-ARTIKOLU 8(1), IL-PUNT (B)
Werrej |
|
TAQSIMA I |
PRINĊIPJI ĠENERALI U REKWIŻITI |
I.1. |
Prinċipji ġenerali |
I.2. |
Rekwiżiti tal-kompożizzjoni tal-fajl |
I.2.1. |
Parti 1: Sommarju tal-fajl |
I.2.2. |
Parti 2: Dokumentazzjoni dwar il-kwalità (informazzjoni fiżikokimika, bijoloġika jew mikrobijoloġika) |
I.2.3. |
Parti 3: Dokumentazzjoni dwar is- ►C3 sikurezza ◄ (testijiet tas- ►C3 sikurezza ◄ u tar-residwi) |
I.2.4. |
Parti 4: Dokumentazzjoni dwar l-effikaċja (studji prekliniċi u prova(i) klinika(ċi)) |
I.2.5. |
Rekwiżiti dettaljati għal tipi differenti ta’ prodotti mediċinali veterinarji jew fajls tal-awtorizzazzjoni għat-tqegħid fis-suq |
TAQSIMA II |
REKWIŻITI GĦAL PRODOTTI MEDIĊINALI VETERINARJI GĦAJR PRODOTTI MEDIĊINALI VETERINARJI BIJOLOĠIĊI |
II.1. |
Parti 1: Sommarju tal-fajl |
II.2. |
Parti 2: Dokumentazzjoni dwar il-kwalità (informazzjoni fiżikokimika, bijoloġika jew mikrobijoloġika) |
II.2 A. |
Deskrizzjoni tal-prodott |
II.2A1. |
Kompożizzjoni kwalitattiva u kwantitattiva |
II.2A2. |
Żvilupp tal-prodott |
II.2B. |
Deskrizzjoni tal-metodu ta’ manifattura |
II.2C. |
Produzzjoni u kontroll tal-materjal tal-bidu |
II.2C1. |
Sustanza(i) attiva(i) |
II.2C1.1. |
Sustanzi attivi elenkati fil-farmakopej |
II.2C1.2. |
Sustanzi attivi mhux elenkati f’farmakopea |
II. 2C1.3. |
Karatteristiċi fiżikokimiċi li jistgħu jaffettwaw il-bijodisponibbiltà |
II. 2C2. |
Eċċipjenti |
II.2C3. |
Imballaġġ (kontenituri u sistemi ta’ għeluq) |
II. 2C3.1. |
Sustanza attiva |
II. 2C3.2. |
Prodott lest |
II.2C4. |
Sustanzi ta’ oriġini bijoloġika |
II.2D. |
Testijiet ta’ kontroll imwettqa fuq prodotti intermedji iżolati matul il-proċess tal-manifattura |
II.2E. |
Testijiet ta’ kontroll fuq il-prodott lest |
II.2E1. |
Karatteristiċi ġenerali tal-prodott lest |
II. 2E2. |
Identifikazzjoni u assaġġ tas-sustanza(i) attiva(i) |
II. 2E3. |
Identifikazzjoni u assaġġ tal-komponenti tal-eċċipjenti |
II. 2E4. |
Kontrolli mikrobijoloġiċi |
II. 2E5. |
Konsistenza minn lott għall-ieħor |
II. 2E6. |
Kontrolli oħra |
II.2F. |
Test tal-istabbiltà |
II.2F1. |
Sustanza(i) attiva(i) |
II.2F2. |
Prodott lest |
II.2G. |
Informazzjoni oħra |
II.3 |
Parti 3: Dokumentazzjoni dwar is- ►C3 sikurezza ◄ (testijiet tas- ►C3 sikurezza ◄ u tar-residwi) |
II.3 A. |
Testijiet dwar is- ►C3 sikurezza ◄ |
II.3A1. |
Identifikazzjoni preċiża tal-prodott u tas-sustanza(i) attiva(i) tiegħu |
II.3A2. |
Farmakoloġija |
II.3A 2.1 |
Farmakodinamika |
II.3A 2.2 |
Farmakokinetika |
II.3A3. |
Tossikoloġija |
II.3A4. |
Rekwiżiti oħrajn |
II.3A.4.1 |
Studji speċjali |
II.3A.4.2. |
Osservazzjonijiet fil-bnedmin |
II.3 A. 4.3. |
Żvilupp tar-reżistenza u r-riskju relatat fil-bnedmin |
II.3A5. |
►C3 Sikurezza ◄ tal-utent |
II.3A6. |
Valutazzjoni tar-riskju ambjentali |
II.3B. |
Testijiet tar-residwi |
II.3B1. |
Identifikazzjoni tal-prodott |
II.3B2. |
Tnaqqis tar-residwi (metaboliżmu u kinetika tar-residwi) |
II.3B3. |
Metodu analitiku tar-residwi |
II.4. |
Parti 4: Dokumentazzjoni dwar l-effikaċja (studji prekliniċi u prova(i) klinika(ċi)) |
II.4 A. |
Studji prekliniċi |
II.4A1. |
Farmakoloġija |
II.4 A.1.1. |
Farmakodinamika |
II.4 A.1.2. |
Farmakokinetika |
II.4A2. |
Żvilupp tar-reżistenza u r-riskju relatat fl-annimali |
II.4A3. |
Determinazzjoni u konferma tad-doża |
II.4A4. |
Tolleranza fl-ispeċijiet ta’ annimali fil-mira |
II.4B. |
Prova(i) klinika(ċi) |
II.4B1. |
Prinċipji ġenerali |
II.4B2. |
Dokumentazzjoni |
II.4B2.1. |
Riżultati tal-istudji prekliniċi |
II.4B2.2. |
Riżultati tal-provi kliniċi |
TAQSIMA III |
REKWIŻITI GĦALL-PRODOTTI MEDIĊINALI VETERINARJI BIJOLOĠIĊI |
TAQSIMA IIIa |
REKWIŻITI GĦAL PRODOTTI MEDIĊINALI VETERINARJI BIJOLOĠIĊI GĦAJR PRODOTTI MEDIĊINALI VETERINARJI IMMUNOLOĠIĊI |
IIIa.1. |
Parti 1: Sommarju tal-fajl |
IIIa.2. |
Parti 2: Dokumentazzjoni dwar il-kwalità (informazzjoni fiżikokimika, bijoloġika jew mikrobijoloġika) |
IIIa.2 A. |
Deskrizzjoni tal-prodott |
IIIa.2A1. |
Kompożizzjoni kwalitattiva u kwantitattiva |
IIIa.2A2. |
Żvilupp tal-prodott |
IIIa.2A3. |
Karatterizzazzjoni |
IIIa.2A3.1. |
Eluċidazzjoni tal-istruttura u karatteristiċi oħra |
IIIa.2A3.2. |
Impuritajiet |
IIIa.2B. |
Deskrizzjoni tal-metodu ta’ manifattura |
IIIa.2C. |
Produzzjoni u kontroll tal-materjali tal-bidu |
IIIa.2C1. |
Materjali tal-bidu elenkati fil-farmakopej |
IIIa.2C2. |
Materjali tal-bidu mhux elenkati f’farmakopea |
IIIa.2C2.1. |
Materjali tal-bidu ta’ oriġini bijoloġika |
IIIa.2C2.2. |
Materjali tal-bidu ta’ oriġini mhux bijoloġika |
IIIa.2D. |
Testijiet ta’ kontroll matul il-proċess tal-manifattura |
IIIa.2E. |
Testijiet ta’ kontroll fuq il-prodott lest |
IIIa.2E1 |
Speċifikazzjoni tal-Prodott lest |
IIIa.2E2 |
Deskrizzjonijiet tal-metodu u validazzjoni tat-testijiet tar-rilaxx |
IIIa.2E3. |
Standards jew materjali ta’ referenza |
IIIa.2F. |
Konsistenza minn lott għall-ieħor |
IIIa.2F1. |
Sustanza attiva |
IIIa.2F2. |
Prodott lest |
IIIa.2G. |
Testijiet tal-istabbiltà |
IIIa.2H. |
Informazzjoni oħra |
IIIa.3. |
Parti 3: Dokumentazzjoni dwar is- ►C3 sikurezza ◄ (testijiet tas- ►C3 sikurezza ◄ u tar-residwi) |
IIIa.3A. |
Testijiet dwar is- ►C3 sikurezza ◄ |
IIIa.3A1. |
Identifikazzjoni preċiża tal-prodott u tas-sustanza(i) attiva(i) tiegħu: |
IIIa.3A2. |
Farmakoloġija |
IIIa.3A2.1. |
Farmakodinamika |
IIIa.3A2.2. |
Farmakokinetika |
IIIa.3A3. |
Tossikoloġija |
IIIa.3A3.1. |
Tossiċità b’doża waħda |
IIIa.3A3.2. |
Tossiċità b’doża ripetuta |
IIIa.3A3.3. |
Tolleranza fl-ispeċi fil-mira |
IIIa.3A3.4. |
Tossiċità riproduttiva li tinkludi t-tossiċità tal-iżvilupp |
IIIa.3A3.5. |
Ġenotossiċità |
IIIa.3A3.6. |
Karċinoġeniċità |
IIIa.3A3.7. |
Eċċezzjonijiet |
IIIa.3A4. |
Rekwiżiti oħrajn |
IIIa.3A4.1. |
Studji speċjali |
IIIa.3A4.2. |
Osservazzjonijiet fil-bnedmin |
IIIa.3A4.3. |
Żvilupp tar-reżistenza u r-riskju relatat fil-bnedmin |
IIIa.3A5. |
►C3 Sikurezza ◄ tal-utent |
IIIa.3A6. |
Valutazzjoni tar-riskju ambjentali |
IIIa.3A6.1. |
Valutazzjoni tar-riskju ambjentali ta’ prodotti mediċinali veterinarji li ma fihomx jew li ma jikkonsistux minn organiżmi ġenetikament modifikati |
IIIa.3A6.2. |
Valutazzjoni tar-riskju ambjentali għal prodotti mediċinali veterinarji li fihom jew li jikkonsistu minn organiżmi ġenetikament modifikati |
IIIa.3B. |
Testijiet tar-residwi |
IIIa.3B1. |
Identifikazzjoni tal-prodott |
IIIa.3B2. |
Tnaqqis tar-residwi |
IIIa.3B3. |
Metodu analitiku tar-residwi |
IIIa.4. |
Parti 4: Dokumentazzjoni dwar l-effikaċja (studji prekliniċi u prova(i) klinika(ċi)) |
IIIa.4 A. |
Studji prekliniċi |
IIIa.4A1. |
Farmakoloġija |
IIIa.4A1.1. |
Farmakodinamika |
IIIa.4A1.2. |
Farmakokinetika |
IIIa.4A2. |
Żvilupp tar-reżistenza u r-riskju relatat fl-annimali |
IIIa.4A3. |
Determinazzjoni u konferma tad-doża |
IIIa.4A4. |
Tolleranza fl-ispeċijiet ta’ annimali fil-mira |
IIIa.4B. |
Provi kliniċi |
IIIa.4B1. |
Prinċipji ġenerali |
IIIa.4B2. |
Dokumentazzjoni |
IIIa.4B2.1. |
Riżultati tal-istudji prekliniċi |
IIIa.4B2.2. |
Riżultati tal-provi kliniċi |
TAQSIMA IIIb |
REKWIŻITI GĦALL-PRODOTTI MEDIĊINALI VETERINARJI IMMUNOLOĠIĊI |
IIIb.1. |
Parti 1: Sommarju tal-fajl |
IIIb.2. |
Parti 2: Dokumentazzjoni dwar il-kwalità (informazzjoni fiżikokimika, bijoloġika u mikrobijoloġika) |
IIIb.2.A. |
Deskrizzjoni tal-prodott |
IIIb.2A1. |
Kompożizzjoni kwalitattiva u kwantitattiva |
IIIb.2A2. |
Żvilupp tal-prodott |
IIIb.2B. |
Deskrizzjoni tal-metodu ta’ manifattura |
IIIb.2C. |
Produzzjoni u kontroll tal-materjali tal-bidu |
IIIb.2C1. |
Materjali tal-bidu elenkati fil-farmakopej |
IIIb.2C2. |
Materjali tal-bidu mhux elenkati f’farmakopea |
IIIb.2C2.1. |
Materjali tal-bidu ta’ oriġini bijoloġika |
IIIb.2C2.2. |
Materjali tal-bidu ta’ oriġini mhux bijoloġika |
IIIb.2D. |
Testijiet ta’ kontroll matul il-proċess tal-manifattura |
IIIb.2E. |
Testijiet ta’ kontroll fuq il-prodott lest |
IIIb.2F. |
Konsistenza minn lott għall-ieħor |
IIIb.2G. |
Testijiet tal-istabbiltà |
IIIb.2H. |
Informazzjoni oħra |
IIIb.3. |
Parti 3: Dokumentazzjoni dwar is- ►C3 sikurezza ◄ (testijiet tas- ►C3 sikurezza ◄ u tar-residwi) |
IIIb.3A. |
Rekwiżiti ġenerali |
IIIb.3B. |
Studji prekliniċi |
IIIb.3C. |
Provi kliniċi |
IIIb.3D. |
Valutazzjoni tar-riskju ambjentali |
IIIb.3E. |
Valutazzjoni meħtieġa għal prodotti mediċinali veterinarji li fihom jew li jikkonsistu minn organiżmi ġenetikament modifikati |
IIIb.3F. |
Testijiet tar-residwi li għandhom jiġu inklużi fl-istudji prekliniċi |
IIIb.4. |
Parti 4: Dokumentazzjoni dwar l-effikaċja (studji prekliniċi u prova(i) klinika(ċi)) |
IIIb.4A. |
Rekwiżiti ġenerali |
IIIb.4B. |
Studji prekliniċi |
IIIb.4C. |
Provi kliniċi |
TAQSIMA IV |
REKWIŻITI GĦAL APPLIKAZZJONIJIET GĦALL-AWTORIZZAZZJONI GĦAT-TQEGĦID FIS-SUQ SPEĊIFIĊI |
IV.1. |
Applikazzjonijiet għal prodotti mediċinali veterinarji ġeneriċi |
IV.2. |
Applikazzjonijiet għal prodotti mediċinali veterinarji ibridi |
IV.3. |
Applikazzjonijiet għal prodotti mediċinali veterinarji kkombinati |
IV.4. |
Applikazzjonijiet ibbażati fuq kunsens infurmat |
IV.5. |
Applikazzjonijiet ibbażati fuq data bibljografika |
IV.6. |
Applikazzjonijiet għal swieq limitati |
IV.7. |
Applikazzjonijiet f’ċirkostanzi eċċezzjonali |
TAQSIMA V |
REKWIŻITI GĦALL-APPLIKAZZJONIJIET GĦALL-AWTORIZZAZZJONI GĦAT-TQEGĦID FIS-SUQ GĦAL PRODOTTI MEDIĊINALI VETERINARJI PARTIKOLARI |
V.1. |
Prodotti mediċinali veterinarji għal terapiji ġodda |
V.1.1 |
Rekwiżiti ġenerali |
V.1.2. |
Rekwiżiti tal-kwalità |
V.1.3. |
Rekwiżiti ta’ ►C3 sikurezza ◄ |
V.1.4. |
Rekwiżiti tal-effikaċja |
V.1.5. |
Rekwiżiti speċifiċi ta’ data għal tipi partikolari ta’ prodotti għal terapija ġdida |
V.1.5.1. |
Prinċipji |
V.1.5.2. |
Prodotti mediċinali veterinarji għal terapija tal-ġeni |
V.1.5.3. |
Prodotti mediċinali veterinarji għal mediċina riġenerattiva, inġinerija tat-tessuti u terapija taċ-ċelloli |
V.1.5.4. |
Prodott mediċinali veterinarju ddisinjat speċifikament għall-fagoterapija |
V.1.5.5. |
Prodott mediċinali veterinarju maħruġ min-nanoteknoloġiji |
V.1.5.6. |
Prodotti ta’ terapija bl-RNA antisens jew ta’ terapija ta’ interferenza tal-RNA |
V.2. |
Master File tal-Antiġen tal-Vaċċin |
V.3. |
Fajl b’aktar minn razza waħda |
V.4. |
Teknoloġija ta’ pjattaforma vaċċinali |
V.5. |
Prodotti mediċinali veterinarji omeopatiċi awtorizzati |
TAQSIMA I
PRINĊIPJI ĠENERALI U REKWIŻITI
I.1. Prinċipji ġenerali
I.1.1. Id-dokumentazzjoni li takkumpanja applikazzjoni għal awtorizzazzjoni għat-tqegħid fis-suq skont l-Artikoli 8, u minn 18 sa 25 għandha tiġi ppreżentata skont ir-rekwiżiti stabbiliti f’dan l-Anness u għandha tqis id-dokumenti ta’ gwida ppubblikati mill-Kummissjoni u r-rekwiżiti għall-format elettroniku ppubblikati mill-Aġenzija.
I.1.2. Meta jkunu qed jiġbru l-fajl għall-applikazzjoni għal awtorizzazzjoni għat-tqegħid fis-suq, l-applikanti għandhom iqisu wkoll l-għarfien mediċinali veterinarju l-aktar aġġornat u l-linji gwida xjentifiċi relatati mal-kwalità, is- ►C3 sikurezza ◄ u l-effikaċja tal-prodotti mediċinali veterinarji ppubblikati mill-Aġenzija.
I.1.3. Għall-prodotti mediċinali veterinarji, il-monografiji rilevanti kollha tal-Farmakopea Ewropea, inklużi l-monografiji ġenerali u l-kapitoli ġenerali, huma applikabbli għall-partijiet xierqa tal-fajl.
I.1.4. Il-proċessi tal-manifattura għas-sustanza(i) attiva(i) u għall-prodott lest għandhom jikkonformaw mal-Prassi Tajba ta’ Manifattura (PTM).
I.1.5. L-informazzjoni kollha li tkun rilevanti għall-evalwazzjoni tal-prodott mediċinali veterinarju kkonċernat għandha tiġi inkluża fl-applikazzjoni, kemm jekk tkun favorevoli kif ukoll jekk ma tkunx favorevoli għall-prodott. B’mod partikolari, għandhom jingħataw id-dettalji rilevanti kollha relatati ma’ kwalunkwe studju jew prova mhux kompluti jew abbandunati relatati mal-prodott mediċinali veterinarju.
I.1.6. L-istudji farmakoloġiċi, tossikoloġiċi, tar-residwi u prekliniċi dwar is-sikurezza għandhom jitwettqu f’konformità mad-dispożizzjonijiet relatati mal-Prattika Tajba tal-Laboratorju (GLP) stabbiliti fid-Direttivi 2004/10/KE ( 14 ) u 2004/9/KE ( 15 )tal-Parlament Ewropew u tal-Kunsill.
I.1.7. L-esperimenti kollha fuq l-annimali għandhom jitwettqu b’kont meħud tal-prinċipji stabbiliti fid-Direttiva 2010/63/UE, irrispettivament mill-post tat-twettiq tal-esperimenti.
I.1.8. Il-valutazzjoni tar-riskju ambjentali marbuta mar-rilaxx ta’ prodotti mediċinali veterinarji li fihom Organiżmi Ġenetikament Modifikati (OĠM) jew li jikkonsistu minnhom skont it-tifsira tal-Artikolu 2 tad-Direttiva 2001/18/KE għandha tiġi pprovduta fil-fajl bħala dokument separat. L-informazzjoni għandha tiġi ppreżentata skont id-dispożizzjonijiet tad-Direttiva 2001/18/KE, b’kont meħud tal-gwida ppubblikata mill-Kummissjoni.
I.1.9. L-applikant għandu jikkonferma fil-Parti 1 tal-fajl għal applikazzjoni għall-awtorizzazzjoni għat-tqegħid fis-suq li d-data kollha ppreżentata rilevanti għall-kwalità, is- ►C3 sikurezza ◄ u l-effikaċja tal-prodott mediċinali veterinarju, inkluża d-data pubblikament disponibbli, ma tkunx soġġetta għall-protezzjoni tad-dokumentazzjoni teknika.
I.2. Rekwiżiti tal-kompożizzjoni tal-fajl
Kwalunkwe fajl għal applikazzjoni għall-awtorizzazzjoni għat-tqegħid fis-suq għal prodott mediċinali veterinarju għandu jikkonsisti mill-partijiet li ġejjin:
I.2.1. Parti 1: Sommarju tal-fajl
Il-Parti 1 għandha tinkludi informazzjoni amministrattiva kif deskritt fl-Anness I, kif ġej:
Parti 1 A: il-punti 1 sa 4 u 6.1 sa 6.4;
Parti 1B: il-punt 5;
Parti 1C: il-punt 6.5.
Fir-rigward tal-Parti 1B, il-punt 5.1, b’rabta mal-Artikolu 35(1), il-punt (l), applikazzjoni li tipproponi l-klassifikazzjoni ta’ prodott mediċinali veterinarju bħala “mhux suġġett għal riċetta veterinarja” għandha tinkludi rieżami kritiku tal-karatteristiċi tal-prodott sabiex tiġġustifika l-idoneità ta’ tali klassifikazzjoni b’kont meħud tas- ►C3 sikurezza ◄ tal-annimali fil-mira u mhux fil-mira, is-saħħa pubblika kif ukoll is- ►C3 sikurezza ◄ ambjentali, kif deskritt fil-kriterji mogħtija fl-Artikolu 34 (3), il-punti (a) sa (g).
Kull rapport kritiku tal-esperti għandu jitħejja fir-rigward tal-istat tal-għarfien xjentifiku fiż-żmien tas-sottomissjoni tal-applikazzjoni. Dan għandu jinkludi evalwazzjoni tad-diversi testijiet u provi li jikkostitwixxu l-fajl tal-awtorizzazzjoni għat-tqegħid fis-suq, u għandu jindirizza l-aspetti kollha rilevanti għall-valutazzjoni tal-kwalità, is- ►C3 sikurezza ◄ u l-effikaċja tal-prodott mediċinali veterinarju. Huwa għandu jagħti riżultati dettaljati tat-testijiet u l-provi ppreżentati u referenzi biblijografiċi preċiżi. Għandhom jiġu pprovduti kopji tar-referenzi bibljografiċi kkwotati.
Ir-rapporti kritiċi tal-esperti għandhom jiġu ffirmati u datati mill-awtur ta’ dawk ir-rapporti, u għandha tiġi mehmuża informazzjoni dwar l-isfond edukattiv, it-taħriġ u l-esperjenza professjonali tal-awtur. Għandha tiġi ddikjarata r-relazzjoni professjonali tal-awtur mal-applikant.
Ir-rapporti kritiċi tal-esperti u l-appendiċijiet għandu jkun fihom kontroreferenzi preċiżi u ċari għall-informazzjoni kontenuta fid-dokumentazzjoni teknika.
Meta l-Parti 2 tiġi ppreżentata bl-użu tal-format tad-Dokument Tekniku Komuni (CTD), għandu jintuża s-sommarju ġenerali tal-kwalità (QOS) għar-rapport kritiku tal-esperti dwar il-kwalità.
Għall-Partijiet 3 u 4, ir-rapport kritiku tal-esperti għandu jinkludi wkoll sommarju tabulat tad-dokumentazzjoni teknika u d-data rilevanti kollha ppreżentata.
I.2.2. Parti 2: Dokumentazzjoni dwar il-kwalità (informazzjoni fiżikokimika, bijoloġika jew mikrobijoloġika)
(1) Id-data dwar il-kwalità farmaċewtika (fiżikokimika, bijoloġika jew mikrobijoloġika) għandha tinkludi għas-sustanza(i) attiva(i) u għall-prodott mediċinali veterinarju lest, informazzjoni dwar il-proċess tal-manifattura, il-karatterizzazzjoni u l-proprjetajiet, il-proċeduri u r-rekwiżiti tal-kontroll tal-kwalità, l-istabbiltà kif ukoll deskrizzjoni tal-kompożizzjoni, l-iżvilupp u l-preżentazzjoni tal-prodott mediċinali veterinarju.
(2) Huma applikabbli l-monografiji kollha, inklużi monografiji speċifiċi, monografi ġenerali u kapitoli ġenerali tal-Farmakopea Ewropea. Għall-prodotti mediċinali veterinarji immunoloġiċi, huma applikabbli l-monografiji kollha, inklużi monografiji speċifiċi, monografi ġenerali u kapitoli ġenerali tal-Farmakopea Ewropea, sakemm ma jkunx iġġustifikat mod ieħor. Fin-nuqqas ta’ monografija tal-Farmakopea Ewropea, tista’ tiġi applikata l-monografija tal-farmakopea ta’ Stat Membru. F’każijiet fejn sustanza ma tkun deskritta la fil-Farmakopea Ewropea u lanqas fil-farmakopea ta’ Stat Membru, tista’ tiġi aċċettata l-konformità mal-monografija ta’ farmakopea ta’ pajjiż terz jekk tintwera l-idoneità tagħha; f’każijiet bħal dawn, l-applikant għandu jissottometti kopja tal-monografija akkumpanjata minn traduzzjoni fejn dan ikun xieraq. Għandha tiġi ppreżentata data li turi l-kapaċità tal-monografija li tikkontrolla adegwatament il-kwalità tas-sustanza.
(3) Jekk jintużaw testijiet differenti minn dawk imsemmija fil-farmakopea, l-użu ta’ dawn it-testijiet għandu jiġi ġġustifikat billi tingħata prova li l-materjali, jekk jiġu ttestjati skont il-farmakopea, jissodisfaw ir-rekwiżiti tal-kwalità tal-monografija tal-farmakopea rilevanti.
(4) Il-proċeduri kollha tal-ittestjar għall-analiżi u l-kontroll tal-kwalità għandhom iqisu l-gwida u r-rekwiżiti stabbiliti. Għandhom jiġu pprovduti r-riżultati tal-istudji ta’ validazzjoni. Il-proċedura(i) kollha tal-ittestjar għandhom jiġu deskritti f’dettall suffiċjenti sabiex ikunu riproduċibbli f’testijiet ta’ kontroll, imwettqa fuq talba tal-awtorità kompetenti u sabiex jiġu valutati b’mod xieraq mill-awtorità kompetenti. Kwalunkwe apparat u tagħmir speċjali, li jista’ jintuża għandu jiġi deskritt b’mod adegwat, akkumpanjat minn dijagramma, jekk ikun rilevanti. Il-formuli tar-reaġenti tal-laboratorju għandhom jiġu supplimentati, jekk ikun meħtieġ, bil-metodu ta’ preparazzjoni. Fil-każ ta’ proċeduri ta’ ttestjar inklużi fil-Farmakopea Ewropea jew fil-farmakopea ta’ Stat Membru, din id-deskrizzjoni tista’ tiġi sostitwita b’referenza dettaljata għall-farmakopea inkwistjoni.
(5) Meta jkun disponibbli, għandu jintuża materjal ta’ referenza kimika u bijoloġika tal-Farmakopea Ewropea. Jekk jintużaw preparazzjonijiet u standards oħra ta’ referenza, dawn għandhom jiġu identifikati u deskritti fid-dettall.
(6) Id-data dwar il-kwalità farmaċewtika (fiżikokimika, bijoloġika jew mikrobijoloġika) għas-sustanza attiva u/jew għall-prodott lest tista’ tiġi inkluża fil-fajl fil-format tad-Dokument Tekniku Komuni (CTD).
(7) Għall-prodotti mediċinali veterinarji bijoloġiċi, inklużi l-immunoloġiċi, l-informazzjoni dwar is-solventi meħtieġa biex issir il-preparazzjoni tal-prodott finali għandha tiġi inkluża fil-fajl. Prodott mediċinali veterinarju bijoloġiku jitqies bħala prodott wieħed anki meta jkun meħtieġ aktar minn solvent wieħed sabiex ikunu jistgħu jiġu ppreparati preparazzjonijiet differenti tal-prodott finali, li jistgħu jkunu għall-amministrazzjoni permezz ta’ rotot jew metodi differenti ta’ amministrazzjoni. Is-solventi fornuti mal-prodotti mediċinali veterinarji bijoloġiċi jistgħu jiġu ppakkjati flimkien mal-kunjetti tas-sustanza attiva jew separatament.
(8) Skont id-Direttiva 2010/63/UE u l-Konvenzjoni Ewropea għall-Protezzjoni tal-Annimali Vertebrati Użati għal Skopijiet Sperimentali u Skopijiet Xjentifiċi Oħra, it-testijiet għandhom jitwettqu b’mod li jużaw l-anqas għadd ta’ annimali u jikkawżaw l-anqas uġigħ, tbatija, skonfort jew ħsara dejjiema. Jekk ikun disponibbli, għandu jintuża test in vitro alternattiv meta dan iwassal għas-sostituzzjoni jew it-tnaqqis fl-użu tal-annimali jew għat-tnaqqis tat-tbatija.
I.2.3. Parti 3: Dokumentazzjoni dwar is- ►C3 sikurezza ◄ (testijiet tas- ►C3 sikurezza ◄ u tar-residwi)
(1) Il-fajl dwar l-istudji dwar is- ►C3 sikurezza ◄ għandu jinkludi dan li ġej:
sinteżi tat-testijiet li twettqu f’konformità ma’ din il-Parti, b’referenzi dettaljati għal-letteratura ppubblikata li tinkludi diskussjoni oġġettiva tar-riżultati kollha miksuba. It-tħollija barra ta’ kwalunkwe test jew prova elenkata u l-inklużjoni ta’ tip alternattiv ta’ studju għandhom jiġu indikati u diskussi;
dikjarazzjoni ta’ konformità mal-GLP għall-istudji prekliniċi dwar is-sikurezza, fejn applikabbli, flimkien ma’ diskussjoni dwar il-kontribut li jista’ jagħti kwalunkwe studju mhux ta’ GLP għall-valutazzjoni ġenerali tar-riskju, u ġustifikazzjoni tal-istatus mhux ta’ GLP.
(2) Il-fajl għandu jinkludi dan li ġej:
indiċi tal-istudji u l-provi kollha inklużi fil-fajl;
ġustifikazzjoni għat-tħollija barra ta’ kwalunkwe tip ta’ studju u prova;
spjegazzjoni tal-inklużjoni ta’ tip alternattiv ta’ studju jew prova;
diskussjoni tal-kontribut li kwalunkwe studju jew prova mhux ta’ GLP jistgħu jagħtu għall-valutazzjoni ġenerali tar-riskju u l-ġustifikazzjoni tal-istatus mhux ta’ GLP.
I.2.4. Parti 4: Dokumentazzjoni dwar l-effikaċja (studji prekliniċi u prova(i) klinika(ċi))
(1) Il-fajl dwar l-effikaċja għandu jinkludi d-dokumentazzjoni kollha preklinika u klinika, kemm jekk favorevoli kif ukoll jekk le għall-prodotti mediċinali veterinarji, sabiex tkun tista’ ssir valutazzjoni ġenerali oġġettiva tal-bilanċ bejn il-benefiċċju u r-riskju tal-prodott.
(2) Il-fajl dwar l-istudji dwar l-effikaċja għandu jinkludi dan li ġej:
sinteżi tat-testijiet li twettqu f’konformità ma’ din il-Parti, b’referenzi dettaljati għal-letteratura ppubblikata li tinkludi diskussjoni oġġettiva tar-riżultati kollha miksuba. It-tħollija barra ta’ kwalunkwe test jew prova elenkata u l-inklużjoni ta’ tip alternattiv ta’ studju għandhom jiġu indikati u diskussi;
dikjarazzjoni ta’ konformità mal-GLP għall-istudji prekliniċi dwar is-sikurezza, fejn applikabbli, flimkien ma’ diskussjoni dwar il-kontribut li jista’ jagħti kwalunkwe studju mhux ta’ GLP għall-valutazzjoni ġenerali tar-riskju, u ġustifikazzjoni tal-istatus mhux ta’ GLP.
(3) Il-fajl għandu jinkludi dan li ġej:
indiċi tal-istudji kollha inklużi fil-fajl;
ġustifikazzjoni għat-tħollija barra ta’ kwalunkwe tip ta’ studju;
spjegazzjoni tal-inklużjoni ta’ tip alternattiv ta’ studju.
(4) L-għan tal-provi deskritti f’din il-Parti huwa li juru l-effikaċja tal-prodott mediċinali veterinarju. Id-dikjarazzjonijiet kollha magħmula mill-applikant fir-rigward tal-proprjetajiet, l-effetti u l-użu tal-prodott għandhom ikunu appoġġati b’mod sħiħ mir-riżultati ta’ provi speċifiċi kontenuti fl-applikazzjoni għall-awtorizzazzjoni għat-tqegħid fis-suq.
(5) Il-provi kollha tal-effikaċja għandhom jitwettqu skont protokoll dettaljat ikkunsidrat b’mod sħiħ, li għandu jiġi rreġistrat bil-miktub qabel ma tinbeda l-prova. It-trattament xieraq tal-annimali tal-provi għandu jkun soġġett għal superviżjoni veterinarja u għandu jitqies b’mod sħiħ matul l-elaborazzjoni ta’ kwalunkwe protokoll ta’ prova u matul it-twettiq tal-prova.
(6) Il-provi kliniċi (provi fuq il-post) għandhom jitwettqu skont il-prinċipji stabbiliti ta’ prassi klinika tajba, sakemm ma jkunx iġġustifikat mod ieħor.
(7) Qabel ma tinbeda kwalunkwe prova fuq il-post, għandu jinkiseb u jiġi dokumentat il-kunsens infurmat tas-sid tal-annimali li jkunu se jintużaw fil-prova. B’mod partikolari, sid l-annimali għandu jiġi infurmat bil-miktub dwar il-konsegwenzi tal-parteċipazzjoni fil-prova għar-rimi sussegwenti tal-annimali ttrattati jew għat-teħid ta’ prodotti tal-ikel mill-annimali ttrattati.
I.2.5. Rekwiżiti dettaljati għal tipi differenti ta’ prodotti mediċinali veterinarji jew fajls tal-awtorizzazzjoni għat-tqegħid fis-suq
(1) Ir-rekwiżiti dettaljati għal tipi differenti ta’ prodotti mediċinali veterinarji jew tipi speċifiċi ta’ fajls tal-awtorizzazzjoni għat-tqegħid fis-suq huma deskritti fit-Taqsimiet li ġejjin ta’ dan l-Anness:
It-Taqsima II tiddeskrivi r-rekwiżiti standardizzati għall-applikazzjonijiet għal prodotti mediċinali veterinarji għajr prodotti mediċinali veterinarji bijoloġiċi;
It-Taqsima III tiddeskrivi r-rekwiżiti standardizzati għall-applikazzjonijiet għal prodotti mediċinali veterinarji bijoloġiċi:
It-Taqsima IIIa tiddeskrivi r-rekwiżiti standardizzati għall-applikazzjonijiet għal prodotti mediċinali veterinarji bijoloġiċi għajr prodotti mediċinali veterinarji immunoloġiċi;
It-Taqsima IIIb tiddeskrivi r-rekwiżiti standardizzati għall-applikazzjonijiet għal prodotti mediċinali veterinarji immunoloġiċi;
It-Taqsima IV tiddeskrivi r-rekwiżiti tal-fajl għal tipi speċifiċi ta’ fajls tal-awtorizzazzjoni għat-tqegħid fis-suq;
It-Taqsima V tiddeskrivi r-rekwiżiti tal-fajl għal tipi partikolari ta’ prodotti mediċinali veterinarji.
TAQSIMA II
REKWIŻITI GĦAL PRODOTTI MEDIĊINALI VETERINARJI GĦAJR PRODOTTI MEDIĊINALI VETERINARJI BIJOLOĠIĊI
Ir-rekwiżiti dettaljati li ġejjin għandhom japplikaw għal prodotti mediċinali veterinarji għajr prodotti mediċinali veterinarji bijoloġiċi, ħlief fejn stipulat mod ieħor fit-Taqsima IV.
II.1. Parti 1: Sommarju tal-fajl
Jekk jogħġbok irreferi għat-Taqsima I.
II.2. Parti 2: Dokumentazzjoni dwar il-kwalità (informazzjoni fiżikokimika, bijoloġika jew mikrobijoloġika)
II.2 A. Deskrizzjoni tal-prodott
II.2A1. Kompożizzjoni kwalitattiva u kwantitattiva
(1) Il-kompożizzjoni kwalitattiva tal-kostitwenti kollha tal-prodott mediċinali għandha tfisser id-denominazzjoni jew id-deskrizzjoni ta’:
is-sustanza(i) attiva(i);
l-eċċipjenti, il-kostitwenti tal-eċċipjenti, tkun xi tkun in-natura tagħhom jew il-kwantità użata, inklużi s-sustanzi kuluranti, il-preservattivi, l-aġġuvanti, l-istabbilizzaturi, is-sustanzi li jħaxxnu, l-emulsjonanti, is-sustanzi li jagħtu t-togħma u aromatiċi;
kostitwenti oħra, maħsuba biex jinbelgħu jew jingħataw mod ieħor lill-annimali, tal-kisja ta’ barra tal-prodotti mediċinali veterinarji, bħal kapsuli, kapsuli tal-ġelatina, apparati li jerħu l-mediċina fil-kirxa ta’ bhima li tixtarr;
kwalunkwe data rilevanti li tikkonċerna l-imballaġġ primarju u jekk rilevanti l-imballaġġ ta’ barra u, fejn ikun xieraq, il-mod tal-għeluq tiegħu, flimkien ma’ dettalji tal-apparati li bihom il-prodott mediċinali veterinarju jkun se jintuża jew jingħata u li se jiġu fornuti mal-prodott mediċinali.
(2) It-terminoloġija normali li għandha tintuża biex tiddeskrivi l-kostitwenti tal-prodotti mediċinali veterinarji tfisser, minkejja l-applikazzjoni tad-dispożizzjonijiet l-oħra tal-Artikolu 8:
fir-rigward tas-sustanzi li jidhru fil-Farmakopea Ewropea jew, fin-nuqqas ta’ dan, fil-farmakopea nazzjonali ta’ wieħed mill-Istati Membri, it-titolu prinċipali fir-ras tal-monografija inkwistjoni, b’referenza għall-farmakopea kkonċernata;
dwar sustanzi oħra, l-isem komuni internazzjonali (INN) irrakkomandat mill-Organizzazzjoni Dinjija tas-Saħħa (WHO), li jista’ jkun flimkien ma’ isem komuni ieħor, jew, fin-nuqqas ta’ dawn, id-denominazzjoni xjentifika eżatta;
il-kostitwenti li ma jkollhomx denominazzjoni internazzjonali komuni jew denominazzjoni xjentifika eżatta għandhom jiġu deskritti permezz ta’ dikjarazzjoni ta’ kif u minn xiex ġew ippreparati, supplimentata, fejn ikun xieraq, bi kwalunkwe dettall rilevanti ieħor;
fir-rigward tas-sustanzi kuluranti, id-denominazzjoni bil-kodiċi “E” assenjat lilhom mid-Direttiva 2009/35/KE tal-Parlament Ewropew u tal-Kunsill.
(3) Sabiex tingħata l-kompożizzjoni kwantitattiva tas-sustanzi attivi u tal-eċċipjenti kollha tal-prodotti mediċinali veterinarji, huwa neċessarju, skont il-forma farmaċewtika kkonċernata, li tiġi speċifikata l-massa, jew l-għadd ta’ unitajiet ta’ attività bijoloġika, għal kull unità ta’ dożaġġ jew għal kull unità ta’ massa jew volum, ta’ kull sustanza attiva u eċċipjent.
(4) L-unitajiet ta’ attività bijoloġika għandhom jintużaw għal sustanzi li ma jistgħux jiġu definiti kimikament. Meta unità internazzjonali ta’ attività bijoloġika tkun ġiet definita, din għandha tintuża. Meta ma tkun ġiet definita l-ebda unità internazzjonali, l-unitajiet ta’ attività bijoloġika għandhom jiġu espressi b’mod li jipprovdu informazzjoni mhux ambigwa dwar l-attività tas-sustanzi billi jintużaw fejn applikabbli l-Unitajiet tal-Farmakopea Ewropea.
(5) Il-kompożizzjoni kwantitattiva għandha tiġi supplimentata:
fir-rigward tal-preparazzjonijiet f’doża waħda: bil-massa jew l-unitajiet ta’ attività bijoloġika ta’ kull sustanza attiva fil-kontenitur tal-unità, b’kont meħud tal-volum li jista’ jintuża tal-prodott, wara r-rikostituzzjoni, fejn ikun xieraq;
fir-rigward ta’ prodotti mediċinali veterinarji li għandhom jingħataw permezz ta’ qtar: bil-massa jew l-unitajiet ta’ attività bijoloġika ta’ kull sustanza attiva li tinsab f’kull qatra jew li tinsab fl-għadd ta’ qatriet li jikkorrispondu għal 1 ml jew 1 g tal-preparazzjoni;
fir-rigward ta’ forom farmaċewtiċi li għandhom jingħataw fi kwantitajiet imkejla: bil-massa jew l-unitajiet ta’ attività bijoloġika ta’ kull sustanza attiva għal kull kwantità mkejla.
(6) Is-sustanzi attivi preżenti fil-forma ta’ komposti jew derivattivi għandhom jiġu deskritti b’mod kwantitattiv bil-massa totali tagħhom, u jekk ikun meħtieġ jew rilevanti, bil-massa tal-entità jew entitajiet attivi tal-molekula.
(7) Għall-prodotti mediċinali veterinarji li jkun fihom sustanza attiva li tkun is-suġġett ta’ applikazzjoni għall-awtorizzazzjoni għat-tqegħid fis-suq fl-Unjoni għall-ewwel darba, id-dikjarazzjoni kwantitattiva ta’ sustanza attiva li tkun melħ jew idrat għandha tiġi espressa b’mod sistematiku f’termini tal-massa tal-entità jew entitajiet attivi fil-molekula. Il-prodotti mediċinali veterinarji kollha sussegwentement awtorizzati fl-Istati Membri għandu jkollhom il-kompożizzjoni kwantitattiva tagħhom iddikjarata bl-istess mod għall-istess sustanza attiva.
II.2A2. Żvilupp tal-prodott
(1) Għandha tiġi pprovduta spjegazzjoni fir-rigward tal-għażla tal-kompożizzjoni, il-kostitwenti, l-imballaġġ, il-funzjoni maħsuba tal-eċċipjenti fil-prodott lest u l-metodu tal-manifattura li jinkludi ġustifikazzjoni tal-għażla tal-metodu u dettalji tal-proċessi ta’ sterilizzazzjoni u/jew tal-proċeduri asettiċi użati tal-prodott lest. Din l-ispjegazzjoni għandha tkun appoġġata minn data xjentifika dwar il-farmaċewtiċi ta’ żvilupp. Għandu jiġi ddikjarat kwalunkwe ammont żejjed, bil-ġustifikazzjoni għalih. Il-karatteristiċi mikrobijoloġiċi (il-purità mikrobijoloġika u l-attività antimikrobika) u l-istruzzjonijiet dwar l-użu għandhom jiġu ppruvati li jkunu xierqa għall-użu maħsub tal-prodott mediċinali veterinarju kif speċifikat fil-fajl tal-applikazzjoni għall-awtorizzazzjoni għat-tqegħid fis-suq.
(2) Għandu jiġi ppreżentat studju tal-interazzjoni bejn il-prodott lest u l-imballaġġ primarju kull meta r-riskju ta’ interazzjoni bħal din jitqies bħala possibbli, speċjalment fir-rigward ta’ preparazzjonijiet injettabbli.
(3) Id-daqsijiet proposti tal-pakketti għandhom ikunu ġġustifikati fir-rigward tal-metodu propost ta’ amministrazzjoni, il-pożoloġija u l-ispeċi fil-mira, b’mod partikolari għas-sustanzi (attivi) antimikrobiċi.
(4) Meta jiġi pprovdut apparat ta’ dożaġġ mal-prodott lest, għandha tintwera l-preċiżjoni tad-doża(i).
(5) Meta jiġi rakkomandat test ta’ akkumpanjament biex jintuża mal-prodott lest (eż. test dijanjostiku), għandha tiġi pprovduta l-informazzjoni rilevanti dwar it-test.
(6) Għall-prodotti mediċinali veterinarji maħsuba biex jiġu inkorporati fl-għalf, għandha tiġi pprovduta informazzjoni dwar ir-rati ta’ inklużjoni, l-istruzzjonijiet għall-inkorporazzjoni, l-omoġeneità fl-għalf u l-kompatibbiltà/għalf adattat.
II.2B. Deskrizzjoni tal-metodu ta’ manifattura
(1) Id-deskrizzjoni tal-metodu ta’ manifattura li takkumpanja l-applikazzjoni għall-awtorizzazzjoni għat-tqegħid fis-suq skont l-Artikolu 8 għandha tkun imfassla b’mod li tagħti sommarju adegwat tan-natura tal-operazzjonijiet użati.
(2) Għal dak il-għan, hija għandha tinkludi mill-anqas:
il-formula reali tal-manifattura għad-daqs(ijiet) kummerċjali proposti tal-lott, bid-dettalji kwantitattivi tas-sustanzi kollha użati. Għandha tiġi ddikjarata kwalunkwe sustanza li tista’ tgħib matul il-manifattura; għandu jiġi indikat kwalunkwe ammont żejjed;
deskrizzjoni tad-diversi stadji tal-manifattura b’informazzjoni dwar il-kundizzjonijiet operattivi tal-proċess, b’mod narrattiv akkumpanjat minn dijagramma sekwenzjali tal-proċess;
fil-każ ta’ manifattura kontinwa, id-dettalji sħaħ tal-prekawzjonijiet meħuda biex tiġi żgurata l-omoġeneità tal-prodott lest. Għandha tiġi pprovduta informazzjoni dwar kif ikun definit lott (eżempju, espress f’termini ta’ perjodu ta’ żmien jew kwantità tal-prodott, u jista’ jiġi espress bħala meded);
lista tal-kontrolli waqt il-proċess, inkluż l-istadju tal-manifattura li fih jitwettqu u l-kriterji ta’ aċċettazzjoni;
l-istudji sperimentali li jivvalidaw il-proċess tal-manifattura u, fejn ikun xieraq, skema ta’ validazzjoni tal-proċess għal-lottijiet fuq skala ta’ produzzjoni;
għall-prodotti sterili, meta jintużaw kundizzjonijiet ta’ sterilizzazzjoni mhux tal-farmakopea, id-dettalji tal-proċessi ta’ sterilizzazzjoni u/jew tal-proċeduri asettiċi użati.
II.2C. Produzzjoni u kontroll tal-materjal tal-bidu
(1) Għall-finijiet ta’ dan il-punt, il-“materjali tal-bidu” għandhom ifissru s-sustanzi attivi, l-eċċipjenti u l-imballaġġ (l-imballaġġ primarju bis-sistema tal-għeluq tiegħu u, jekk applikabbli, l-imballaġġ ta’ barra u kwalunkwe strument ta’ dożaġġ fornut mal-prodott mediċinali veterinarju).
(2) Il-fajl għandu jinkludi l-ispeċifikazzjonijiet u l-informazzjoni dwar it-testijiet li għandhom jitwettqu għall-kontroll tal-kwalità tal-lottijiet kollha tal-materjali tal-bidu.
(3) It-testijiet ta’ rutina mwettqa fuq il-materjali tal-bidu għandhom jitwettqu bl-istess mod kif iddikjarat fil-fajl.
(4) Fejn ikun inħareġ ċertifikat ta’ idoneità mid-Direttorat Ewropew għall-Kwalità tal-Mediċini u tal-Kura tas-Saħħa għal materjal tal-bidu, sustanza attiva jew eċċipjent, dak iċ-ċertifikat jikkostitwixxi r-referenza għall-monografija rilevanti tal-Farmakopea Ewropea.
(5) Meta ssir referenza għal ċertifikat ta’ idoneità, il-manifattur għandu jagħti assigurazzjoni bil-miktub lill-applikant li l-proċess tal-manifattura ma jkunx ġie modifikat mill-għoti taċ-ċertifikat ta’ idoneità mid-Direttorat Ewropew għall-Kwalità tal-Mediċini u tal-Kura tas-Saħħa. F’każ li t-taqsima “kaxxa ta’ aċċess” fiċ-ċertifikat tkun mimlija u ffirmata, dak ir-rekwiżit għandu jitqies li jkun issodisfat mingħajr il-ħtieġa ta’ garanziji addizzjonali.
(6) Għandhom jiġu ppreżentati ċertifikati tal-analiżi għall-materjali tal-bidu sabiex tintwera l-konformità mal-ispeċifikazzjoni definita.
II.2C1. Sustanza(i) attiva(i)
(1) Id-data meħtieġa għandha tiġi ppreżentata b’wieħed mit-tliet modi kif spjegat fil-punti (2) sa (4).
(2) Għandhom jiġu ppreżentati d-dettalji li ġejjin:
għandha tiġi pprovduta informazzjoni dwar l-identità, l-istruttura u lista tal-proprjetajiet fiżikokimiċi u proprjetajiet rilevanti oħra tas-sustanza attiva, b’mod partikolari l-proprjetajiet fiżikokimiċi li potenzjalment jaffettwaw is- ►C3 sikurezza ◄ u l-effikaċja tas-sustanza attiva. Fejn ikun rilevanti, l-evidenza tal-istruttura molekulari għandha tinkludi s-sekwenza skematika tal-aċidu amminiku u l-massa molekulari relattiva;
l-informazzjoni dwar il-proċess tal-manifattura għandha tinkludi deskrizzjoni tal-proċess tal-manifattura tas-sustanza attiva li tirrappreżenta l-impenn tal-applikant għall-manifattura tas-sustanza attiva. Għandhom jiġu elenkati l-materjali kollha meħtieġa biex tiġi manifatturata s-sustanza attiva, u jiġi identifikat fejn jintuża kull materjal fil-proċess. Għandha tiġi pprovduta informazzjoni dwar il-kwalità u l-kontroll ta’ dawk il-materjali. Għandha tiġi pprovduta informazzjoni li turi li l-materjali jissodisfaw standards li jkunu xierqa għall-użu maħsub tagħhom;
l-informazzjoni dwar il-kontroll tal-kwalità għandha tinkludi t-testijiet (inklużi l-kriterji ta’ aċċettazzjoni) imwettqa f’kull fażi kritika, informazzjoni dwar il-kwalità u l-kontroll tal-prodotti intermedji u l-validazzjoni tal-proċess u/jew l-istudji ta’ evalwazzjoni kif jixraq. Hija għandha tinkludi wkoll id-data ta’ validazzjoni għall-metodi analitiċi applikati għas-sustanza attiva, fejn ikun xieraq;
l-informazzjoni dwar l-impuritajiet għandha tindika l-impuritajiet prevedibbli flimkien mal-livelli u n-natura tal-impuritajiet osservati. Għandu jkun fiha wkoll informazzjoni dwar is- ►C3 sikurezza ◄ ta’ dawk l-impuritajiet fejn ikun rilevanti.
(3) Master File tas-Sustanza Attiva
Għal sustanza attiva mhux bijoloġika, l-applikant jista’ jirranġa biex l-informazzjoni dwar is-sustanza attiva fil-punt (2) tingħata direttament lill-awtoritajiet kompetenti mill-manifattur tas-sustanza attiva bħala Master File tas-Sustanza Attiva. F’dan il-każ, il-manifattur tas-sustanza attiva għandu jipprovdi lill-applikant id-data kollha (il-parti tal-applikant tal-Master File tas-Sustanza Attiva) li tista’ tkun meħtieġa biex dan tal-aħħar jieħu r-responsabbiltà għall-prodott mediċinali veterinarju. Kopja tad-data pprovduta mill-manifattur tas-sustanza attiva lill-applikant għandha tiġi inkluża fil-fajl tal-prodott mediċinali. Il-manifattur tas-sustanza attiva għandu jikkonferma bil-miktub lill-applikant li huwa għandu jiżgura l-konsistenza minn lott għall-ieħor u ma jimmodifikax il-proċess tal-manifattura jew l-ispeċifikazzjonijiet mingħajr ma jinforma lill-applikant.
(4) Ċertifikat ta’ idoneità maħruġ mid-Direttorat Ewropew għall-Kwalità tal-Mediċini u tal-Kura tas-Saħħa
Għandu jiġi pprovdut iċ-ċertifikat ta’ idoneità u kwalunkwe data addizzjonali rilevanti għall-forma tad-dożaġġ mhux koperta miċ-ċertifikat ta’ idoneità.
II.2C1.1. Sustanzi attivi elenkati fil-farmakopej
(1) Is-sustanzi attivi li jissodisfaw ir-rekwiżiti tal-Farmakopea Ewropea jew, fin-nuqqas ta’ monografija tal-Farmakopea Ewropea, il-farmakopea ta’ wieħed mill-Istati Membri, għandhom jitqiesu li jikkonformaw b’mod suffiċjenti mal-Artikolu 8. F’dan il-każ id-deskrizzjoni tal-metodi u l-proċeduri analitiċi għandha tiġi sostitwita f’kull taqsima rilevanti b’referenza xierqa għall-farmakopea inkwistjoni.
(2) F’każijiet fejn speċifikazzjoni kontenuta f’monografija tal-Farmakopea Ewropea jew fil-farmakopea nazzjonali ta’ Stat Membru ma tkunx suffiċjenti biex tiżgura l-kwalità tas-sustanza, l-awtoritajiet kompetenti jistgħu jitolbu aktar speċifikazzjonijiet xierqa mill-applikant, inklużi l-kriterji ta’ aċċettazzjoni għal impuritajiet speċifiċi bi proċeduri ta’ ttestjar ivvalidati.
(3) L-awtoritajiet kompetenti għandhom jinfurmaw lill-awtoritajiet responsabbli għall-farmakopea inkwistjoni. Id-detentur tal-awtorizzazzjoni għat-tqegħid fis-suq għandu jipprovdi lill-awtoritajiet ta’ dik il-farmakopea bid-dettalji tal-insuffiċjenza allegata u l-ispeċifikazzjonijiet addizzjonali applikati.
II.2C1.2. Sustanzi attivi mhux elenkati f’farmakopea
(1) Is-sustanzi attivi li ma jkunu elenkati fl-ebda farmakopea għandhom jiġu deskritti fil-forma ta’ monografija taħt l-intestaturi li ġejjin:
l-isem tal-kostitwent, li jissodisfa r-rekwiżiti tal-Parti II.2A1, il-punt (2) għandu jiġi supplimentat bi kwalunkwe sinonimu kummerċjali jew xjentifiku;
id-definizzjoni tas-sustanza, stabbilita f’forma simili għal dik użata fil-Farmakopea Ewropea, għandha tkun akkumpanjata bi kwalunkwe evidenza ta’ spjegazzjoni neċessarja, b’mod partikolari dwar l-istruttura molekulari. Fejn is-sustanzi jkunu jistgħu jiġu deskritti biss bil-metodu tal-manifattura tagħhom, id-deskrizzjoni għandha tkun dettaljata b’mod suffiċjenti biex tikkaratterizza sustanza li tkun kostanti kemm fil-kompożizzjoni kif ukoll fl-effetti tagħha;
il-metodi ta’ identifikazzjoni jistgħu jiġu deskritti fil-forma ta’ tekniki kompleti kif użati għall-produzzjoni tas-sustanza, u fil-forma ta’ testijiet li għandhom jitwettqu bħala rutina;
it-testijiet tal-purità għandhom jiġu deskritti fir-rigward ta’ kull impurità prevedibbli individwali, speċjalment dawk li jista’ jkollhom effett ta’ ħsara, u, jekk ikun meħtieġ, dawk li, meta titqies il-kombinazzjoni tas-sustanzi li għalihom tirreferi l-applikazzjoni, jistgħu jaffettwaw b’mod avvers l-istabbiltà tal-prodott mediċinali jew jgħawġu r-riżultati analitiċi;
fejn ikun rilevanti, it-testijiet u l-kriterji ta’ aċċettazzjoni għall-parametri ta’ kontroll rilevanti għall-prodott lest, bħall-isterilità, għandhom jiġu deskritti u l-metodi għandhom jiġu validati;
fir-rigward ta’ sustanzi kumplessi li joriġinaw minn pjanti jew minn annimali, għandha ssir distinzjoni bejn il-każ fejn l-effetti farmakoloġiċi multipli jrendu neċessarju l-kontroll kimiku, fiżiku jew bijoloġiku tal-komponenti prinċipali, u l-każ ta’ sustanzi li jkun fihom grupp wieħed jew aktar ta’ prinċipji li jkollhom attività simili, li fir-rigward tagħhom jista’ jiġi aċċettat metodu ġenerali ta’ assaġġ.
(2) Dik id-data għandha turi li s-sett propost ta’ proċeduri ta’ ttestjar huwa suffiċjenti biex tiġi kkontrollata l-kwalità tas-sustanza attiva mis-sors definit.
II. 2C1.3. Karatteristiċi fiżikokimiċi li jistgħu jaffettwaw il-bijodisponibbiltà
Id-data li ġejja dwar is-sustanzi attivi għandha tiġi pprovduta bħala parti mid-deskrizzjoni ġenerali tas-sustanzi attivi jekk il-bijodisponibbiltà tal-prodott mediċinali veterinarju tkun tiddependi fuqhom:
il-forma kristallina u s-solubilità;
id-daqs tal-partiċelli;
l-istat ta’ idratazzjoni;
il-koeffiċjent ta’ partizzjoni żejt/ilma;
il-valuri pK/pH.
Il-punti (a) sa (c) ma japplikawx għal sustanzi li jintużaw biss f’soluzzjoni.
II.2C2. Eċċipjenti
(1) L-eċċipjenti li jissodisfaw ir-rekwiżiti tal-Farmakopea Ewropea jew, fin-nuqqas ta’ monografija tal-Farmakopea Ewropea, il-farmakopea ta’ wieħed mill-Istati Membri, għandhom jitqiesu li jikkonformaw b’mod suffiċjenti mal-Artikolu 8. F’dak il-każ, id-deskrizzjoni tal-metodi u l-proċeduri analitiċi għandha tiġi sostitwita f’kull taqsima rilevanti b’referenza xierqa għall-farmakopea inkwistjoni. Fejn ikun xieraq, testijiet addizzjonali biex jiġu kkontrollati parametri bħad-daqs tal-partiċelli, l-isterilità, u/jew is-solventi residwi, għandhom jissupplimentaw ir-rekwiżiti tal-monografija.
(2) Fin-nuqqas ta’ monografija tal-farmakopea, għandha tiġi proposta u ġustifikata speċifikazzjoni. Għandhom jiġu segwiti r-rekwiżiti għall-ispeċifikazzjonijiet kif stabbiliti fil-Parti II.2C1.2(1), il-punti (a) sa (e) għas-sustanza attiva. Għandhom jiġu ppreżentati l-metodi proposti u d-data ta’ validazzjoni li tappoġġahom.
(3) Għandha tiġi ppreżentata dikjarazzjoni li tikkonferma li s-sustanzi kuluranti għall-inklużjoni fi prodotti mediċinali veterinarji jissodisfaw ir-rekwiżiti tad-Direttiva 2009/35/KE tal-Parlament Ewropew u tal-Kunsill ( 16 ) ħlief fejn l-applikazzjoni għal awtorizzazzjoni għat-tqegħid fis-suq tkun tikkonċerna ċerti prodotti mediċinali veterinarji għal użu topiku, bħall-kullari medikati u ċ-ċomb tal-widnejn.
(4) Għandha tiġi ppreżentata dikjarazzjoni li tikkonferma li s-sustanzi kuluranti li jintużaw jissodisfaw il-kriterji ta’ purità stabbiliti fir-Regolament tal-Kummissjoni (UE) Nru 231/2012 ( 17 ).
(5) Għall-eċċipjenti ġodda, jiġifieri eċċipjent(i) użat(i) għall-ewwel darba fl-Unjoni fi prodott mediċinali veterinarju jew b’rotta ġdida ta’ amministrazzjoni, għandhom jiġu pprovduti d-dettalji tal-manifattura, il-karatterizzazzjoni, u l-kontrolli, b’kontroreferenzi biex jappoġġaw id-data kemm klinika kif ukoll dik mhux klinika dwar is- ►C3 sikurezza ◄ . Għas-sustanzi kuluranti, id-dikjarazzjonijiet ta’ konformità fil-punti (3) u (4) għandhom jitqiesu bħala suffiċjenti.
II.2C3. Imballaġġ (kontenituri u sistemi ta’ għeluq)
II. 2C3.1. Sustanza attiva
(1) Għandha tingħata informazzjoni dwar il-kontenitur u s-sistema ta’ għeluq tiegħu għas-sustanza attiva, inkluża l-identità ta’ kull materjal tal-imballaġġ primarju u l-ispeċifikazzjonijiet tagħhom. Il-livell ta’ informazzjoni meħtieġ għandu jiġi determinat mill-istat fiżiku (likwidu, solidu) tas-sustanza attiva.
(2) Meta jiġi ppreżentat ċertifikat ta’ idoneità għas-sustanza attiva mis-sors propost u dan jispeċifika kontenitur u sistema ta’ għeluq tiegħu, l-informazzjoni dettaljata dwar dawn għas-sustanza attiva minn dak is-sors tista’ tiġi sostitwita b’referenza għaċ-ċertifikat validu tal-idoneità.
(3) Fejn jiġi ppreżentat Master File tas-Sustanza Attiva mis-sors propost u dan jispeċifika kontenitur u sistema ta’ għeluq tiegħu, l-informazzjoni dettaljata dwar dawn għas-sustanza attiva minn dak is-sors tista’ tiġi sostitwita b’referenza għall-Master File tas-Sustanza Attiva.
II. 2C3.2. Prodott lest
(1) Għandha tingħata informazzjoni dwar il-kontenitur u s-sistema ta’ għeluq tiegħu u dwar kwalunkwe strument għall-prodott lest, inkluża l-identità ta’ kull materjal tal-imballaġġ primarju u l-ispeċifikazzjonijiet tagħhom. Il-livell ta’ informazzjoni meħtieġ għandu jiġi determinat mir-rotta ta’ amministrazzjoni tal-prodott mediċinali veterinarju u l-istat fiżiku (likwidu, solidu) tal-forma tad-dożaġġ.
(2) Fin-nuqqas ta’ monografija tal-farmakopea, għandha tiġi proposta u ġustifikata speċifikazzjoni għall-materjal tal-imballaġġ.
(3) Għall-materjali tal-imballaġġ li jintużaw għall-ewwel darba fl-Unjoni u li jkunu f’kuntatt mal-prodott, għandha tiġi ppreżentata informazzjoni dwar il-kompożizzjoni, il-manifattura u s- ►C3 sikurezza ◄ tagħhom.
II.2C4. Sustanzi ta’ oriġini bijoloġika
(1) Għandha tiġi pprovduta informazzjoni dwar is-sors, l-ipproċessar, il-karatterizzazzjoni u l-kontroll tal-materjali kollha ta’ oriġini bijoloġika (umana, mill-annimali, erbali jew minn mikroorganiżmi) użati fil-manifattura tal-prodotti mediċinali veterinarji, inkluża data dwar is- ►C3 sikurezza ◄ virali, skont il-linji gwida rilevanti.
(2) Għandha tiġi pprovduta dokumentazzjoni li turi li l-materjali li joriġinaw minn speċijiet ta’ annimali rilevanti għat-trażmissjoni ta’ enċefalopatiji sponġiformi trażmissibbli (TSE) jikkonformaw man-Nota ta’ Gwida dwar il-minimizzazzjoni tar-riskju tat-trażmissjoni ta’ aġenti tal-enċefalopatija sponġiformi tal-annimali permezz ta’ prodotti mediċinali umani u veterinarji, kif ukoll mal-monografija korrispondenti tal-Farmakopea Ewropea. Iċ-Ċertifikati ta’ Idoneità maħruġin mid-Direttorat Ewropew għall-Kwalità tal-Mediċini u tal-Kura tas-Saħħa, b’referenza għall-monografija rilevanti tal-Farmakopea Ewropea, jistgħu jintużaw biex tintwera l-konformità.
II.2D. Testijiet ta’ kontroll imwettqa fuq prodotti intermedji iżolati matul il-proċess tal-manifattura
(1) Għall-finijiet ta’ din it-taqsima, “prodott intermedju iżolat” għandu jfisser materjal parzjalment ipproċessat li jista’ jinħażen għal ammont definit ta’ żmien u li għandu jgħaddi minn aktar stadju(i) ta’ pproċessar qabel ma jsir prodott lest.
(2) Għandha tiġi stabbilita speċifikazzjoni għal kull prodott intermedju u għandhom jiġu deskritti u validati l-metodi analitiċi, jekk applikabbli.
(3) Għandha tiġi pprovduta informazzjoni dwar l-imballaġġ primarju tal-prodott intermedju jekk ikun differenti minn dak għall-prodott lest.
(4) Il-ħajja fuq l-ixkaffa u l-kundizzjonijiet tal-ħżin għall-prodott intermedju għandhom jiġu definiti abbażi tad-data li tirriżulta mill-istudji dwar l-istabbiltà.
II.2E. Testijiet ta’ kontroll fuq il-prodott lest
(1) Għall-kontroll tal-prodott lest, lott ta’ prodott lest jinkludi l-unitajiet kollha ta’ forma farmaċewtika li jkunu magħmula mill-istess kwantità inizjali ta’ materjal u li jkunu għaddew mill-istess sensiela ta’ operazzjonijiet ta’ manifattura u/jew sterilizzazzjoni. Fil-każ ta’ manifattura kontinwa, id-daqs tal-lott jista’ jiġi espress f’termini ta’ perjodu ta’ żmien jew kwantità tal-prodott, u jista’ jiġi espress bħala meded.
(2) It-testijiet li jitwettqu fuq il-prodott lest għandhom jiġu elenkati. Għandha tiġi pprovduta ġustifikazzjoni għall-ispeċifikazzjoni proposta. Il-frekwenza tat-testijiet li ma jitwettqux bħala rutina għandha tiġi ddikjarata u ġġustifikata. Għandhom jiġu indikati l-kriterji ta’ aċċettazzjoni għar-rilaxx.
(3) Il-fajl għandu jinkludi d-dettalji relatati mat-testijiet ta’ kontroll fuq il-prodott lest fil-mument tar-rilaxx u l-validazzjoni tagħhom. Dawn għandhom jiġu ppreżentati skont ir-rekwiżiti li ġejjin.
(4) Jekk jintużaw proċeduri ta’ ttestjar u kriterji ta’ aċċettazzjoni differenti minn dawk imsemmija fil-monografiji rilevanti u l-kapitoli ġenerali tal-Farmakopea Ewropea, jew fin-nuqqas ta’ dan, fil-farmakopea ta’ Stat Membru, dawk il-proċeduri u l-kriterji għandhom jiġu ġġustifikati billi tingħata prova li l-prodott lest, jekk jiġi ttestjat skont dawk il-monografiji, jissodisfa r-rekwiżiti tal-kwalità ta’ dik il-farmakopea għall-forma farmaċewtika kkonċernata.
II.2E1. Karatteristiċi ġenerali tal-prodott lest
(1) Ċerti testijiet tal-karatteristiċi ġenerali ta’ prodott għandhom dejjem jiġu inklużi fost it-testijiet fuq il-prodott lest. Dawk it-testijiet għandhom, kull fejn ikun applikabbli, jirrigwardaw il-kontroll tal-mases/volumi medji u d-devjazzjonijiet massimi, it-testijiet mekkaniċi, fiżiċi, id-dehra viżwali, karatteristiċi fiżiċi bħall-pH jew id-daqs tal-partiċelli. Għal kull waħda minn dawk il-karatteristiċi, l-applikant għandu jispeċifika l-istandards u l-kriterji ta’ aċċettazzjoni.
(2) Il-kundizzjonijiet tat-testijiet, fejn ikun xieraq, it-tagħmir/apparat użat u l-istandards għandhom ikunu deskritti f’dettall suffiċjenti kull meta ma jkunux mogħtija fil-Farmakopea Ewropea jew fil-farmakopea ta’ Stat Membru; l-istess għandu japplika f’każijiet fejn il-metodi preskritti minn dawn il-farmakopej ma japplikawx.
II. 2E2. Identifikazzjoni u assaġġ tas-sustanza(i) attiva(i)
(1) L-identifikazzjoni u l-assaġġ tas-sustanza(i) attiva(i) għandhom jitwettqu f’kampjun rappreżentattiv mil-lott tal-produzzjoni jew f’għadd ta’ unitajiet tad-dożaġġ analizzati individwalment.
(2) Sakemm ma jkunx hemm ġustifikazzjoni xierqa, id-devjazzjoni massima aċċettabbli fil-kontenut tas-sustanza attiva tal-prodott lest ma għandhiex taqbeż ± 5 % fil-ħin tal-manifattura.
(3) F’ċerti każijiet ta’ taħlitiet partikolarment kumplessi, fejn l-assaġġ ta’ sustanzi attivi li jkunu numerużi ħafna jew preżenti f’ammonti baxxi ħafna jkun jeħtieġ investigazzjoni kumplessa li diffiċli titwettaq fir-rigward ta’ kull lott tal-produzzjoni, l-assaġġ ta’ sustanza attiva waħda jew aktar fil-prodott lest jista’ jitħalla barra, bil-kundizzjoni ċara li dawk l-assaġġi jsiru fi stadji intermedji fil-proċess tal-produzzjoni. Dik it-teknika simplifikata ma tistax tiġi estiża għall-karatterizzazzjoni tas-sustanzi kkonċernati. Hija għandha tiġi supplimentata b’metodu ta’ evalwazzjoni kwantitattiva, li jippermetti lill-awtorità kompetenti li jkollha l-konformità tal-prodott mediċinali mal-ispeċifikazzjoni tiegħu vverifikata wara li jkun tqiegħed fis-suq.
(4) Assaġġ bijoloġiku in vivo jew in vitro għandu jkun obbligatorju meta l-metodi fiżikokimiċi ma jkunux jistgħu jipprovdu informazzjoni adegwata dwar il-kwalità tal-prodott. Assaġġ bħal dan għandu, kull meta jkun possibbli, jinkludi materjali ta’ referenza u analiżi statistika li jippermettu l-kalkolu tal-limiti ta’ kunfidenza. Meta dawk it-testijiet ma jkunux jistgħu jitwettqu fuq il-prodott lest, huma jistgħu jitwettqu fi stadju intermedju, kemm jista’ jkun tard fil-proċess tal-manifattura.
(5) Għandhom jiġu indikati l-livelli massimi aċċettabbli tal-prodotti ta’ degradazzjoni individwali u totali immedjatament wara l-manifattura. Għandu jiġi ppreżentat ir-raġunament għall-inklużjoni jew l-esklużjoni tal-prodotti ta’ degradazzjoni fl-ispeċifikazzjoni.
II. 2E3. Identifikazzjoni u assaġġ tal-komponenti tal-eċċipjenti
Test ta’ identifikazzjoni u test tal-limitu massimu u minimu għandhom ikunu obbligatorji għal kull preservattiv antimikrobiku individwali u għal kwalunkwe eċċipjent li jista’ jaffettwa l-bijodisponibbiltà tas-sustanza attiva, sakemm il-bijodisponibbiltà ma tkunx garantita b’testijiet xierqa oħra. Test ta’ identifikazzjoni u test tal-limitu massimu għandhom ikunu obbligatorji għal kwalunkwe antiossidant u għal kwalunkwe eċċipjent li jista’ jaffettwa ħażin il-funzjonijiet fiżjoloġiċi, b’test tal-limitu minimu jiġi inkluż ukoll għall-antiossidanti fil-ħin tar-rilaxx.
II. 2E4. Kontrolli mikrobijoloġiċi
Id-dettalji tat-testijiet mikrobijoloġiċi, bħall-isterilità u l-endotossini batteriċi, għandhom jiġu inklużi fid-dettalji analitiċi kull meta dawk it-testijiet ikunu jridu jitwettqu bħala rutina sabiex tiġi verifikata l-kwalità tal-prodott.
II. 2E5. Konsistenza minn lott għall-ieħor
Sabiex jiġi żgurat li l-kwalità tal-prodott tkun konsistenti minn lott għall-ieħor u biex tintwera l-konformità mal-ispeċifikazzjoni, għandha tiġi pprovduta data dwar il-lott li tagħti r-riżultati għat-testijiet kollha mwettqa b’mod ġenerali fuq [3] lottijiet immanifatturati fis-sit(i) tal-manifattura propost(i) skont il-proċess ta’ produzzjoni deskritt.
II. 2E6. Kontrolli oħra
Għandu jiġi kkontrollat kwalunkwe test ieħor meqjus neċessarju biex tiġi kkonfermata l-kwalità tal-prodott mediċinali.
II.2F. Test tal-istabbiltà
II.2F1. Sustanza(i) attiva(i)
(1) Għandhom jiġu speċifikati perjodu ta’ ttestjar mill-ġdid u l-kundizzjonijiet tal-ħżin għas-sustanza attiva ħlief meta l-manifattur tal-prodott lest jerġa’ jittestja kompletament is-sustanza attiva immedjatament qabel l-użu tagħha fil-manifattura tal-prodott lest.
(2) Għandha tiġi ppreżentata data dwar l-istabbiltà biex tipprovdi evidenza dwar kif il-kwalità ta’ sustanza attiva tvarja maż-żmien taħt l-influwenza ta’ varjetà ta’ fatturi ambjentali u biex tappoġġa l-perjodu ta’ ttestjar mill-ġdid u l-kundizzjonijiet tal-ħżin definiti, jekk applikabbli. Għandhom jiġu ppreżentati t-tip ta’ studji tal-istabbiltà mwettqa, il-protokolli użati, il-proċeduri analitiċi użati u l-validazzjoni tagħhom flimkien mar-riżultati dettaljati.
(3) Meta jkun disponibbli ċertifikat ta’ idoneità għas-sustanza attiva mis-sors propost u dan jispeċifika perjodu ta’ ttestjar mill-ġdid u l-kundizzjonijiet tal-ħżin, id-data dwar l-istabbiltà għas-sustanza attiva minn dak is-sors tista’ tiġi sostitwita b’referenza għaċ-ċertifikat validu tal-idoneità.
(4) Fejn jiġi ppreżentat Master File tas-Sustanza Attiva mis-sors propost u dan jispeċifika d-data dwar l-istabbiltà, l-informazzjoni dettaljata dwar l-istabbiltà għas-sustanza attiva minn dak is-sors tista’ tiġi sostitwita b’referenza għall-Master File tas-Sustanza Attiva.
II.2F2. Prodott lest
(1) Għandha tingħata deskrizzjoni tal-investigazzjonijiet li bihom ikunu ġew determinati l-perjodu ta’ stabilità, il-kundizzjonijiet tal-ħżin rakkomandati u l-ispeċifikazzjonijiet fit-tmiem il-ħajja fuq l-ixkaffa proposta mill-applikant.
(2) Għandhom jiġu ppreżentati t-tip ta’ studji tal-istabbiltà mwettqa, il-protokolli użati, il-proċeduri analitiċi użati u l-validazzjoni tagħhom flimkien mar-riżultati dettaljati.
(3) Meta prodott lest ikun jeħtieġ rikostituzzjoni jew dilwizzjoni qabel l-għoti, ikunu meħtieġa dettalji tal-ħajja fuq l-ixkaffa proposta u l-ispeċifikazzjoni għall-prodott rikostitwit/dilwit, appoġġati b’data rilevanti dwar l-istabbiltà.
(4) Fil-każ ta’ kontenituri b’ħafna dożi, fejn ikun rilevanti, għandha tiġi ppreżentata d-data dwar l-istabbiltà biex tiġġustifikaħajja fuq l-ixkaffa għall-prodott wara li jkun ittaqqab jew infetaħ għall-ewwel darba u għandha tiġi definita speċifikazzjoni waqt l-użu.
(5) Meta prodott lest jista’ jwassal għal prodotti ta’ degradazzjoni, l-applikant għandu jiddikjara dawk il-prodotti u jindika l-metodi ta’ identifikazzjoni u l-proċeduri ta’ ttestjar użati.
(6) Meta d-data dwar l-istabbiltà turi li l-assaġġ tas-sustanza attiva jonqos mal-ħżin, id-deskrizzjoni tat-testijiet ta’ kontroll fuq il-prodott lest għandha tinkludi, fejn ikun xieraq, l-investigazzjoni kimika u, jekk ikun meħtieġ, l-investigazzjoni tossikofarmakoloġika tal-bidliet li tkun għaddiet minnhom din is-sustanza, u possibbilment il-karatterizzazzjoni u/jew l-assaġġ tal-prodotti ta’ degradazzjoni.
(7) Għandu jiġi indikat u ġġustifikat il-livell massimu aċċettabbli tal-prodotti ta’ degradazzjoni individwali u totali fit-tmiem tal-ħajja fuq l-ixkaffa.
(8) Abbażi tar-riżultati tat-testijiet tal-istabbilità, it-testijiet u l-kriterji ta’ aċċettazzjoni tagħhom, li jitwettqu fuq il-prodott lest matul il-ħajja fuq l-ixkaffa għandhom jiġu elenkati u ġustifikati.
(9) Il-konklużjonijiet għandhom jinkludu r-riżultati tal-analiżijiet, li jiġġustifikaw il-perjodu propost ta’ stabbilità u jekk ikun xieraq, il-ħajja fuq l-ixkaffa waqt l-użu, fil-kundizzjonijiet tal-ħżin rakkomandati.
(10) Barra minn hekk, għall-prodotti mediċinali veterinarji maħsuba biex jiġu inkorporati fl-għalf, għandha tiġi pprovduta informazzjoni dwar l-istabbilità u l-ħajja fuq l-ixkaffa proposta wara l-inkorporazzjoni fl-għalf. Għandha tiġi pprovduta wkoll speċifikazzjoni għall-għalf medikat immanifatturat bl-użu ta’ dawk il-prodotti mediċinali veterinarji skont l-istruzzjonijiet rakkomandati għall-użu.
II.2G. Informazzjoni oħra
L-informazzjoni relatata mal-kwalità tal-prodott mediċinali veterinarju li mhijiex koperta xi mkien ieħor f’din il-Parti tista’ tiġi inkluża fil-fajl taħt dan il-punt.
II.3 Parti 3: Dokumentazzjoni dwar is- ►C3 sikurezza ◄ (testijiet tas- ►C3 sikurezza ◄ u tar-residwi)
(1) Kull rapport ta’ studju għandu jinkludi:
kopja tal-pjan tal-istudju (protokoll);
dikjarazzjoni ta’ konformità mal-prattika tajba tal-laboratorju, fejn applikabbli;
deskrizzjoni tal-metodi, l-apparat u l-materjali użati;
deskrizzjoni u ġustifikazzjoni tas-sistema tat-test;
deskrizzjoni tar-riżultati miksuba, f’dettall suffiċjenti, biex tippermetti li r-riżultati jkunu jistgħu jiġu evalwati b’mod kritiku indipendentement mill-interpretazzjoni tagħhom mill-awtur;
analiżi statistika tar-riżultati fejn ikun xieraq;
diskussjoni tar-riżultati, b’kumment dwar il-livelli ta’ effetti osservati u mhux osservati, u dwar kwalunkwe riżultat mhux tas-soltu;
l-isem tal-laboratorju;
l-isem tad-direttur tal-istudju;
il-firma u d-data;
il-post u l-perjodu ta’ żmien li matulu sar l-istudju;
il-kjavi għall-abbrevjazzjonijiet u l-kodiċijiet, irrispettivament minn jekk ikunux aċċettati internazzjonalment jew le;
deskrizzjoni tal-proċeduri matematiċi u statistiċi.
(2) L-istudji ppubblikati jistgħu jiġu aċċettati jekk ikun fihom ammont suffiċjenti ta’ data u dettalji suffiċjenti biex jippermettu valutazzjoni indipendenti. It-tekniki sperimentali għandhom jiġu deskritti f’dettall tali li jkunu jistgħu jiġu riprodotti, u l-investigatur għandu jistabbilixxi l-validità tagħhom. Is-sommarji ta’ studji li għalihom ma jkunux disponibbli rapporti dettaljati m’għandhomx jiġu aċċettati bħala dokumentazzjoni valida. Meta s-sustanza tkun ġiet evalwata qabel għall-istabbiliment tal-limitu massimu ta’ residwi (“MRL”) biex jiġu indirizzati ċerti rekwiżiti tas- ►C3 sikurezza ◄ , tista’ ssir referenza għar-rapporti pubbliċi Ewropej ta’ valutazzjoni tal-MRLs (“EPMARs”). Meta ssir referenza għall-EPMAR, ma jkunx hemm bżonn li jiġu ppreżentati studji diġà evalwati bħala parti mill-evalwazzjoni tal-MRL; għandhom jiġu pprovduti biss l-istudji ġodda mhux disponibbli għall-valutazzjoni tal-MRL. Jekk ir-rotta tal-esponiment (pereżempju, għall-utent) ma tkunx identika għar-rotta użata skont ir-Regolament tal-Kummissjoni (UE) 2018/782 ( 18 ), jistgħu jkunu meħtieġa studji ġodda.
II.3 A. Testijiet dwar is- ►C3 sikurezza ◄
(1) Id-dokumentazzjoni dwar is- ►C3 sikurezza ◄ għandha tkun adegwata għall-valutazzjoni ta’:
it-tossiċità potenzjali tal-prodott mediċinali veterinarju u kwalunkwe effett perikoluż jew mhux mixtieq fl-ispeċi fil-mira, li jista’ jseħħ fil-kundizzjonijiet proposti tal-użu;
ir-riskji potenzjali li jistgħu jirriżultaw mill-esponiment tal-bnedmin għall-prodott mediċinali veterinarju, pereżempju, waqt l-għoti tiegħu lill-annimal;
ir-riskji potenzjali għall-ambjent li jirriżultaw mill-użu tal-prodott mediċinali veterinarju.
(2) F’xi każijiet jista’ jkun meħtieġ li jiġu ttestjati l-metaboliti tal-kompost oriġinarju meta dawn jirrappreżentaw ir-residwi ta’ tħassib.
(3) Eċċipjent użat għall-ewwel darba fi prodott mediċinali veterinarju jew b’rotta ġdida ta’ amministrazzjoni għandu jiġi ttrattat bl-istess mod bħal sustanza attiva.
II.3A1. Identifikazzjoni preċiża tal-prodott u tas-sustanza(i) attiva(i) tiegħu
id-Denominazzjoni Internazzjonali Komuni (INN);
l-Isem tal-Unjoni Internazzjonali tal-Kimika Pura u Applikata (IUPAC);
in-numru tal-Chemical Abstract Service (CAS);
il-klassifikazzjoni terapewtika, farmakoloġika u kimika;
is-sinonimi u l-abbrevjazzjonijiet;
il-formula strutturali;
il-formula molekulari,
il-piż molekulari;
il-grad ta’ purità;
il-kompożizzjoni kwalitattiva u kwantitattiva tal-impuritajiet;
deskrizzjoni tal-proprjetajiet fiżiċi:
il-punt tat-tidwib,
il-punt tat-togħlija,
il-pressjoni tal-fwar,
is-solubilità fl-ilma u s-solventi organiċi espressi f’g/l, b’indikazzjoni tat-temperatura,
id-densità,
ir-rifrazzjoni tad-dawl, ir-rotazzjoni ottika, eċċ.;
il-formulazzjoni tal-prodott.
II.3A2. Farmakoloġija
(1) L-istudji farmakoloġiċi huma ta’ importanza fundamentali biex jiġu ċċarati l-mekkaniżmi li bihom il-prodott mediċinali veterinarju jipproduċi l-effetti terapewtiċi tiegħu, u għalhekk għandhom jiġu inklużi l-istudji farmakoloġiċi li jitwettqu fuq speċijiet ta’ annimali sperimentali u fuq speċijiet ta’ annimali fil-mira. Tista’ ssir kontroreferenza, jekk applikabbli, għall-istudji ppreżentati fil-Parti 4 tal-fajl.
(2) Meta prodott mediċinali veterinarju jipproduċi effetti farmakoloġiċi fin-nuqqas ta’ rispons tossiku, jew b’dożi aktar baxxi minn dawk meħtieġa biex tiġi kkawżata t-tossiċità, dawk l-effetti farmakoloġiċi għandhom jiġu kkunsidrati matul l-evalwazzjoni tas- ►C3 sikurezza ◄ għall-utent tal-prodott mediċinali veterinarju.
(3) Id-dokumentazzjoni dwar is- ►C3 sikurezza ◄ għandha dejjem tkun preċeduta mid-dettalji tal-investigazzjonijiet farmakoloġiċi mwettqa fuq annimali tal-laboratorju u l-informazzjoni rilevanti kollha osservata matul l-istudji kliniċi fuq l-annimal fil-mira.
II.3A2.1 Farmakodinamika
Għandha tiġi pprovduta informazzjoni dwar il-mekkaniżmu ta’ azzjoni tas-sustanza(i) attiva(i), flimkien ma’ informazzjoni dwar l-effetti farmakodinamiċi primarji u sekondarji sabiex tgħin fil-fehim ta’ kwalunkwe effett avvers fl-istudji fuq l-annimali. Ir-rappurtar dettaljat tal-proprjetajiet farmakodinamiċi relatati mal-effett terapewtiku għandu jiġi rrappurtat fil-Parti 4 A tal-fajl.
II.3A2.2 Farmakokinetika
Għandha tiġi pprovduta data dwar id-destin tas-sustanza attiva u tal-metaboliti tagħha fl-annimali tal-laboratorju, li tkopri l-assorbiment, id-distribuzzjoni, il-metaboliżmu u l-eskrezzjoni (ADME). Id-data għandha tkun relatata mas-sejbiet dwar id-doża/effett fl-istudji farmakoloġiċi u tossikoloġiċi, biex jiġi determinat l-esponiment adegwat.
II.3A3. Tossikoloġija
(1) Id-dokumentazzjoni dwar it-tossikoloġija għandha ssegwi l-gwida ppubblikata mill-Aġenzija dwar l-approċċ ġenerali għall-ittestjar u l-gwida dwar studji partikolari. Ġeneralment, l-istudji dwar it-tossiċità għandhom jitwettqu bis-sustanza(i) attiva(i), u mhux bil-prodott ifformulat, sakemm ma jkunx meħtieġ speċifikament mod ieħor.
(2) L-istudji fuq l-annimali għandhom jitwettqu f’razez stabbiliti ta’ annimali tal-laboratorju li għalihom (preferibbilment) tkun disponibbli data storika.
(3) Tossiċità b’doża waħda
L-istudji dwar it-tossiċità b’doża waħda jistgħu jintużaw biex ibassru:
l-effetti possibbli ta’ doża eċċessiva akuta fl-ispeċi fil-mira;
l-effetti possibbli ta’ amministrazzjoni aċċidentali lill-bnedmin;
id-dożi li jistgħu jintużaw b’mod utli fl-istudji b’dożi ripetuti.
L-istudji dwar it-tossiċità b’doża waħda għandhom jiżvelaw l-effetti tossiċi akuti tas-sustanza u ż-żmien għall-bidu u r-remissjoni tagħhom.
L-istudji li għandhom jitwettqu għandhom jintgħażlu bil-ħsieb li tiġi pprovduta informazzjoni dwar is- ►C3 sikurezza ◄ tal-utent, pereżempju, jekk ikun antiċipat esponiment sostanzjali permezz ta’ inalazzjoni jew kuntatt dermali tal-utent tal-prodott mediċinali veterinarju, għandhom jiġu studjati dawk ir-rotot ta’ esponiment.
(4) Tossiċità b’doża ripetuta
It-testijiet tat-tossiċità b’dożi ripetuti huma maħsuba biex jiżvelaw kwalunkwe bidla fiżjoloġika u/jew patoloġika kkawżata mill-għoti ripetut tas-sustanza attiva jew ta’ kombinazzjoni tas-sustanzi attivi taħt eżami, u biex jiddeterminaw kif dawk il-bidliet huma relatati mad-dożaġġ.
Studju dwar it-tossiċità b’doża ripetuta fi speċi waħda ta’ annimal sperimentali normalment għandu jkun biżżejjed. Dan l-istudju jista’ jiġi sostitwit bi studju mwettaq fl-annimal fil-mira. Il-frekwenza u r-rotta ta’ amministrazzjoni, u t-tul tal-istudju għandhom jintgħażlu b’kont meħud tal-kundizzjonijiet proposti tal-użu kliniku u/jew tal-esponiment tal-utent. L-applikant għandu jagħti r-raġunijiet tiegħu għall-firxa u t-tul tal-istudji u d-dożaġġi magħżula.
(5) Tolleranza fl-ispeċi fil-mira
Għandu jiġi pprovdut sommarju ta’ kwalunkwe sinjal ta’ intolleranza li jkun ġie osservat matul l-istudji mwettqa, normalment bil-formulazzjoni finali, fl-ispeċi fil-mira skont ir-rekwiżiti tal-Parti II.4A4 (Tolleranza fl-ispeċi fil-mira). Għandhom jiġu identifikati l-istudji kkonċernati, id-dożaġġi li bihom tkun seħħet l-intolleranza, u l-ispeċijiet u r-razez ikkonċernati. Għandhom jiġu pprovduti wkoll id-dettalji ta’ kwalunkwe bidla fiżjoloġika mhux mistennija. Ir-rapporti sħaħ ta’ dawk l-istudji għandhom jiġu inklużi fil-Parti 4 tal-fajl.
(6) Tossiċità riproduttiva li tinkludi t-tossiċità tal-iżvilupp
Studju tal-effetti fuq ir-riproduzzjoni
Għall-prodotti maħsuba biex jintużaw f’annimali għat-tnissil, għandhom jiġu pprovduti studji dwar is- ►C3 sikurezza ◄ riproduttiva f’konformità mal-VICH GL43. Mhumiex mistennija studji dwar it-tossiċità riproduttiva f’annimali tal-laboratorju għall-evalwazzjoni tal-effetti fuq l-utent.
(7) Studju tat-tossiċità tal-iżvilupp
Għall-evalwazzjoni tal-effetti fl-ispeċijiet ta’ annimali fil-mira, mhumiex meħtieġa studji dwar it-tossiċità tal-iżvilupp għal prodotti maħsuba biss biex jintużaw f’annimali mhux għat-tnissil. Għal prodotti oħra, għandu jsir studju dwar it-tossiċità tal-iżvilupp f’mill-anqas speċi waħda, li tista’ tkun l-ispeċi fil-mira. Għandu jingħata sommarju hawnhekk jekk l-istudju jitwettaq fl-ispeċijiet fil-mira, u r-rapport sħiħ tal-istudju għandu jiġi inkluż fil-Parti 4 tal-fajl.
Għall-evalwazzjoni tas- ►C3 sikurezza ◄ tal-utent, għandu jsir ittestjar standard tat-tossiċità tal-iżvilupp skont it-testijiet standard ibbażati fuq gwida stabbilita (inkluża l-VICH GL32 u t-testijiet tal-OECD) fil-każijiet kollha fejn jista’ jkun mistenni esponiment sinifikanti tal-utent.
(8) Ġenotossiċità
Għandhom jitwettqu testijiet għall-potenzjal ġenotossiku biex jiġu żvelati l-bidliet li sustanza tista’ tikkawża fil-materjal ġenetiku taċ-ċelloli. Kwalunkwe sustanza maħsuba biex tiġi inkluża fi prodott mediċinali veterinarju għall-ewwel darba għandha tiġi valutata għall-proprjetajiet ġenotossiċi.
Għandha titwettaq sensiela standard ta’ testijiet tal-ġenotossiċità skont testijiet standard ibbażati fuq gwida stabbilita (inklużi l-VICH GL23 u t-testijiet tal-OECD) fuq is-sustanza(i) attiva(i).
(9) Karċinoġeniċità
Id-deċiżjoni dwar jekk ikunx meħtieġ ittestjar tal-karċinoġeniċità għandha tqis ir-riżultati tat-testijiet tal-ġenotossiċità, ir-relazzjonijiet bejn l-istruttura u l-attività u s-sejbiet f’testijiet tat-tossiċità b’dożi ripetuti li jistgħu juru l-potenzjal għal bidliet iper-/neoplastiċi.
Għandha tiġi kkunsidrata kwalunkwe speċifiċità magħrufa għall-ispeċi tal-mekkaniżmu ta’ tossiċità, kif ukoll kwalunkwe differenza fil-metaboliżmu bejn l-ispeċi tat-test, l-ispeċi ta’ annimal fil-mira, u l-bnedmin.
L-ittestjar tal-karċinoġeniċità għandu jitwettaq skont testijiet standard ibbażati fuq gwida stabbilita (inklużi l-VICH GL28 u t-testijiet tal-OECD).
(10) Eċċezzjonijiet
Meta prodott mediċinali veterinarju jkun maħsub għal użu topiku, l-assorbiment sistemiku għandu jiġi investigat fl-ispeċijiet ta’ annimali fil-mira. Jekk jiġi ppruvat li l-assorbiment sistemiku jkun negliġibbli, it-testijiet tat-tossiċità b’doża ripetuta, it-testijiet għat-tossiċità riproduttiva u tal-iżvilupp u t-testijiet tal-karċinoġeniċità jistgħu jitħallew barra, sakemm:
fil-kundizzjonijiet maħsuba tal-użu, wieħed jistenna l-inġestjoni orali tal-prodott mediċinali veterinarju mill-annimal, jew
fil-kundizzjonijiet maħsuba tal-użu, wieħed jistenna l-esponiment orali tal-utent tal-prodott mediċinali veterinarju.
II.3A4. Rekwiżiti oħrajn
II.3A.4.1 Studji speċjali
Għal gruppi partikolari ta’ sustanzi jew jekk l-effetti osservati waqt studji b’dożi ripetuti fl-annimali jinkludu bidliet indikattivi ta’, pereżempju, immunotossiċità, newrotossiċità jew disfunzjoni endokrinali, għandu jkun meħtieġ ittestjar ulterjuri, pereżempju, studji ta’ sensitizzazzjoni jew testijiet ta’ newrotossiċità ttardjata. Skont in-natura tal-prodott, jista’ jkun meħtieġ li jsiru studji addizzjonali biex jiġi valutat il-mekkaniżmu sottostanti tal-effett tossiku jew il-potenzjal ta’ irritazzjoni.
Għall-prodotti li għalihom jista’ jkun hemm esponiment għall-ġilda u l-għajnejn, għandhom jiġu pprovduti studji dwar l-irritazzjoni u s-sensitizzazzjoni. Dawk l-istudji għandhom jitwettqu bil-formulazzjoni finali.
Fit-tfassil ta’ dawn l-istudji u fl-evalwazzjoni tar-riżultati tagħhom għandhom jiġu kkunsidrati l-istat tal-aħħar għarfien xjentifiku u l-gwida stabbilita.
II.3A.4.2. Osservazzjonijiet fil-bnedmin
Għandha tiġi pprovduta informazzjoni li turi jekk is-sustanzi farmakoloġikament attivi tal-prodott mediċinali veterinarju jintużawx bħala prodotti mediċinali fit-terapija tal-bniedem. Jekk dan ikun il-każ, għandha ssir kumpilazzjoni tal-effetti kollha osservati (inklużi r-reazzjonijiet avversi) fil-bnedmin u tal-kawża tagħhom, sa fejn dawn jistgħu jkunu importanti għall-valutazzjoni tas- ►C3 sikurezza ◄ tal-prodott mediċinali veterinarju, u fejn ikun xieraq jiġu inklużi r-riżultati mill-istudji ppubblikati; meta l-kostitwenti tal-prodotti mediċinali veterinarji ma jintużawx jew ma jkunux għadhom jintużaw bħala prodotti mediċinali fit-terapija tal-bniedem, għandhom jingħataw ir-raġunijiet, jekk ikunu disponibbli għall-pubbliku.
II.3 A.4.3. Żvilupp tar-reżistenza u r-riskju relatat fil-bnedmin
Ir-rekwiżiti tad-data deskritti f’dan il-punt huma relatati ma’ sustanzi antibatteriċi u jistgħu ma jkunux applikabbli b’mod sħiħ għal tipi oħra ta’ antimikrobiċi (jiġifieri antivirali, antifungali u aġenti antiprotożoarji) għalkemm, fil-prinċipju, ir-rekwiżiti jistgħu jiġu segwiti, fejn applikabbli.
Għal dawk il-prodotti hija neċessarja data dwar it-tfaċċar potenzjali ta’ batterji reżistenti jew id-determinanti tar-reżistenza ta’ rilevanza għas-saħħa tal-bniedem u li jkunu assoċjati mal-użu ta’ prodotti mediċinali veterinarji. Il-mekkaniżmu tal-iżvilupp u tal-għażla ta’ din ir-reżistenza huwa partikolarment importanti f’dan ir-rigward. Fejn ikun meħtieġ, l-applikant għandu jipproponi miżuri biex jiġi limitat l-iżvilupp ta’ reżistenza mill-użu maħsub tal-prodott mediċinali veterinarju.
Id-data dwar ir-reżistenza rilevanti għall-użu kliniku tal-prodott fl-annimali fil-mira għandha tiġi indirizzata skont il-Parti II.4A2. Fejn ikun rilevanti, għandha ssir kontroreferenza għad-data stabbilita fil-Parti II.4A2.
(1) Fil-każ tal-annimali li jipproduċu l-ikel, il-valutazzjoni tar-riskju għandha tindirizza:
l-identifikazzjoni ta’ batterji reżistenti jew ta’ determinanti tar-reżistenza li jistgħu jkunu assoċjati ma’ mard tal-bniedem (batterji żoonotiċi u/jew kommensali) u jintgħażlu bl-użu tal-prodott mediċinali veterinarju antimikrobiku fl-annimali fil-mira (identifikazzjoni tal-periklu);
il-probabbiltà ta’ rilaxx tal-periklu(i) identifikat(i) mill-ispeċi ta’ annimal fil-mira bħala riżultat tal-użu tal-prodott mediċinali veterinarju li jkun qed jiġi eżaminat;
il-probabbiltà ta’ esponiment sussegwenti tal-bniedem għall-periklu(i) identifikat(i) permezz tal-ikel jew permezz ta’ kuntatt dirett, u l-konsegwenzi li jirriżultaw (effetti avversi fuq is-saħħa) għas-saħħa tal-bniedem. Hemm gwida disponibbli fil-VICH GL27 u fl-EU GLs.
(2) Għall-annimali tal-kumpanija, il-konsiderazzjoni tar-riskju għas-saħħa tal-bniedem jew għas-saħħa pubblika għandha tindirizza:
l-identifikazzjoni ta’ batterji reżistenti jew ta’ determinanti tar-reżistenza li jistgħu jkunu assoċjati ma’ mard tal-bniedem u jintgħażlu bl-użu tal-prodott mediċinali veterinarju antimikrobiku fl-annimali fil-mira;
stima tal-esponiment tal-batterji żoonotiċi u kommensali fl-ispeċijiet ta’ annimali fil-mira abbażi tal-kundizzjonijiet tal-użu tal-prodott mediċinali veterinarju li jkun qed jiġi eżaminat;
il-konsiderazzjoni tal-esponiment sussegwenti tal-bniedem għar-reżistenza għall-antimikrobiċi (AMR), u l-konsegwenzi li jirriżultaw għas-saħħa tal-bniedem.
(3) Għandha tiġi indirizzata r-reżistenza fl-ambjent.
II.3A5. ►C3 Sikurezza ◄ tal-utent
Din it-taqsima għandha tinkludi valutazzjoni tal-effetti misjuba fil-Parti II.3 A sa II.3A4 u torbotha mat-tip u l-firxa ta’ esponiment tal-bniedem għall-prodott bil-għan li jiġu fformulati twissijiet xierqa għall-utent u miżuri oħra għall-ġestjoni tar-riskju.
Is- ►C3 sikurezza ◄ tal-utent għandha tiġi indirizzata skont il-linji gwida tal-Kumitat għall-Prodotti Mediċinali għall-Użu Veterinarju (CVMP).
II.3A6. Valutazzjoni tar-riskju ambjentali
(1) Għandha titwettaq valutazzjoni tar-riskju ambjentali biex jiġu valutati l-effetti potenzjali ta’ ħsara li l-użu tal-prodott mediċinali veterinarju jista’ jikkawża lill-ambjent u biex jiġi identifikat ir-riskju ta’ tali effetti. Il-valutazzjoni għandha tidentifika wkoll kwalunkwe miżura ta’ prekawzjoni li tista’ tkun meħtieġa biex jitnaqqas dan ir-riskju.
(2) Din il-valutazzjoni tikkonsisti minn żewġ fażijiet. L-ewwel fażi tal-valutazzjoni għandha dejjem titwettaq. Id-dettalji tal-valutazzjoni għandhom jiġu pprovduti skont il-gwida ppubblikata mill-Aġenzija. Din għandha tindika l-esponiment potenzjali tal-ambjent għall-prodott u l-livell ta’ riskju assoċjat ma’ kwalunkwe esponiment bħal dan, billi jitqiesu b’mod partikolari l-elementi li ġejjin:
l-ispeċijiet ta’ annimali fil-mira, u l-mudell propost tal-użu;
il-metodu ta’ amministrazzjoni, b’mod partikolari kemm ikun probabbli li l-prodott jidħol direttament fis-sistemi ambjentali;
l-eskrezzjoni possibbli tal-prodott, is-sustanzi attivi tiegħu jew il-metaboliti rilevanti fl-ambjent mill-annimali ttrattati; il-persistenza f’dawn l-eskrementi;
ir-rimi ta’ prodott mediċinali veterinarju mhux użat jew prodott ieħor ta’ skart.
(3) Fit-tieni fażi, għandha ssir aktar investigazzjoni speċifika tad-destin u l-effetti tal-prodott fuq ekosistemi partikolari, skont il-gwida ppubblikata mill-Aġenzija. Għandhom jiġu kkunsidrati l-firxa tal-esponiment tal-prodott għall-ambjent, u l-informazzjoni disponibbli dwar il-proprjetajiet fiżiċi/kimiċi, farmakoloġiċi u/jew tossikoloġiċi tas-sustanza(i) kkonċernata(i), inklużi l-metaboliti fil-każ ta’ riskju mhux identifikat, li tkun inkisbet matul it-twettiq tat-testijiet u l-provi l-oħra meħtieġa minn dan ir-Regolament.
(4) Fil-każ ta’ prodotti maħsuba għal speċijiet li jipproduċu l-ikel, is-sustanzi persistenti, bijoakkumulattivi u tossiċi (PBT) jew persistenti ħafna u bijoakkumulattivi ħafna (vPvB) għandhom jiġu kklassifikati skont il-kriterji fl-Anness XIII tar-Regolament (KE) Nru 1907/2006 tal-Parlament Ewropew u tal-Kunsill ( 19 ) (ir-Regolament REACH) u valutati skont il-gwida għall-valutazzjoni PBT u vPvB tas-sustanzi fil-mediċini veterinarji ppubblikata mill-Aġenzija.
II.3B. Testijiet tar-residwi
(1) Għall-finijiet ta’ dan il-punt, għandhom japplikaw id-definizzjonijiet tar-Regolament (KE) Nru 470/2009.
(2) L-għan li jiġi studjat it-tnaqqis tar-residwi mit-tessut li jittiekel jew mill-bajd, il-ħalib u l-għasel (ix-xama’, jekk ikun xieraq) derivati minn annimali ttrattati huwa li jiġi stabbilit f’liema kundizzjonijiet u sa liema punt ir-residwi jistgħu jippersistu f’oġġetti tal-ikel prodotti minn dawk l-annimali. Barra minn hekk, l-istudji għandhom jippermettu d-determinazzjoni ta’ ►C5 perjodu ta’ stennija ◄ .
(3) Fil-każ ta’ prodotti mediċinali veterinarji maħsuba għall-użu f’annimali li jipproduċu l-ikel, id-dokumentazzjoni dwar ir-residwi għandha turi:
sa fejn, u għal kemm żmien ir-residwi tal-prodott mediċinali veterinarju jew il-metaboliti tiegħu jippersistu fit-tessuti li jittieklu tal-annimal ittrattat jew fil-ħalib, il-bajd u/jew l-għasel (ix-xama’, jekk ikun xieraq) miksuba minnu;
li sabiex jiġi evitat kwalunkwe riskju għas-saħħa tal-konsumatur ta’ oġġetti tal-ikel minn annimali ttrattati, huwa possibbli li jiġu stabbiliti ►C5 perjodi realistiċi ta’ stennija ◄ li jistgħu jiġu osservati f’kundizzjonijiet prattiċi ta’ biedja;
li l-metodi analitiċi użati fl-istudju dwar it-tnaqqis tar-residwi jkunu validati b’mod suffiċjenti biex jipprovdu l-garanziji neċessarji li d-data ppreżentata dwar ir-residwi hija adatta bħala bażi għal ►C5 perjodu ta’ stennija ◄ .
II.3B1. Identifikazzjoni tal-prodott
Għandha tiġi pprovduta identifikazzjoni tal-prodott(i) mediċinali veterinarju(i) użat(i) fl-ittestjar, li tinkludi:
il-kompożizzjoni;
ir-riżultati tat-testijiet fiżiċi u kimiċi (potenza u purità) għal-lott(ijiet) rilevanti;
l-identifikazzjoni tal-lott.
II.3B2. Tnaqqis tar-residwi (metaboliżmu u kinetika tar-residwi)
(1) L-għan ta’ dawn l-istudji, li jkejlu r-rata li biha r-residwi jonqsu fl-annimal fil-mira wara l-aħħar għoti tal-prodott mediċinali veterinarju, huwa li jippermettu d-determinazzjoni ►C5 tal-perjodi ta’ stennija neċessarji biex jiġi żgurat ◄ li ma jkun hemm l-ebda residwu li jista’ jikkostitwixxi periklu għall-konsumaturi fl-oġġetti tal-ikel miksuba mill-annimali ttrattati.
(2) Għandu jiġi rrappurtat l-istatus attwali tal-MRL għall-komponenti tal-prodott mediċinali veterinarju fl-ispeċi fil-mira rilevanti.
(3) Il-livelli tar-residwi preżenti għandhom jiġu determinati f’għadd suffiċjenti ta’ punti ta’ żmien wara li l-annimali tat-test ikunu rċevew id-doża finali tal-prodott mediċinali veterinarju. L-istudji fuq il-mammiferi u t-tjur għandhom jitwettqu skont il-VICH GL48 u linji gwida rilevanti oħra. L-istudji dwar ir-residwi fl-għasel għandhom jitwettqu skont il-VICH GL56 u l-istudji dwar it-tnaqqis fl-ispeċijiet akkwatiċi skont il-VICH GL57.
(4) Fuq il-bażi tal-evalwazzjoni, għandu jiġi indirizzat ir-raġunament għall- ►C5 perjodu ta’ stennija ◄ propost.
II.3B3. Metodu analitiku tar-residwi
L-istudju (studji) dwar it-tnaqqis tar-residwi, il-metodi analitiċi u l-validazzjoni tiegħu (tagħhom) għandhom jitwettqu skont il-VICH GL49.
Il-metodu analitiku għandu jikkunsidra l-istat tal-għarfien xjentifiku u tekniku fil-mument li tiġi ppreżentata l-applikazzjoni.
II.4. Parti 4: Dokumentazzjoni dwar l-effikaċja (studji prekliniċi u prova(i) klinika(ċi))
II.4 A. Studji prekliniċi
L-istudji prekliniċi għandhom l-għan li jinvestigaw is- ►C3 sikurezza ◄ u l-effikaċja tal-prodott fl-annimali fil-mira u huma meħtieġa li jistabbilixxu l-attività farmakoloġika, il-proprjetajiet farmakokinetiċi, id-doża u l-intervall tad-dożaġġ, ir-reżistenza (jekk applikabbli) u t-tolleranza tal-prodott tal-annimali fil-mira.
II.4A1. Farmakoloġija
II.4 A.1.1. Farmakodinamika
(1) Għandhom jiġu kkaratterizzati l-effetti farmakodinamiċi tas-sustanza(i) attiva(i) inkluża/inklużi fil-prodott mediċinali veterinarju.
(2) Il-mod ta’ azzjoni u l-effetti farmakoloġiċi li fuqhom tkun ibbażata l-applikazzjoni rakkomandata fil-prattika għandhom jiġu deskritti b’mod adegwat, inklużi l-effetti sekondarji (jekk ikun hemm). B’mod ġenerali, għandhom jiġu investigati l-effetti fuq il-funzjonijiet prinċipali tal-ġisem. Ir-riżultati għandhom jiġu espressi f’termini kwantitattivi (pereżempju, bl-użu ta’ kurvi tal-effett skont id-doża u/jew ta’ kurvi tal-effett mal-ħin) u, kull fejn ikun possibbli, bi tqabbil ma’ sustanza li l-attività tagħha tkun magħrufa sewwa (fejn l-attività tingħad li tkun ogħla meta mqabbla mas-sustanza li l-attività tagħha tkun magħrufa sewwa, id-differenza għandha tiġi dimostrata u murija li tkun statistikament sinifikanti).
(3) Għandu jiġi investigat kwalunkwe effett tal-karatteristiċi l-oħra tal-prodotti (bħar-rotta ta’ amministrazzjoni jew il-formulazzjoni) fuq l-attività farmakoloġika tas-sustanza attiva.
(4) It-tekniki sperimentali, sakemm ma jkunux proċeduri standard, għandhom jiġu deskritt f’dettall tali li jippermettilhom li jiġu riprodotti, u li tiġi stabbilita l-validità tagħhom. Ir-riżultati sperimentali għandhom jiġu stabbiliti b’mod ċar u għandu jiġi ppreżentat ir-riżultat ta’ kwalunkwe tqabbil statistiku.
(5) Sakemm ma jingħatawx raġunijiet tajba għall-kuntrarju, għandha tiġi investigata wkoll kwalunkwe modifika kwantitattiva tar-risponsi li jirriżultaw minn amministrazzjoni ripetuta tas-sustanza.
II.4 A.1.2. Farmakokinetika
(1) Hija meħtieġa data farmakokinetika bażika dwar is-sustanza attiva fil-kuntest tal-valutazzjoni tas- ►C3 sikurezza ◄ tal-annimali fil-mira u l-effikaċja tal-prodott mediċinali veterinarju fl-ispeċijiet fil-mira, b’mod partikolari jekk dan jikkonċerna sustanza jew formulazzjoni ġdida.
(2) L-objettivi tal-istudji farmakokinetiċi fl-ispeċijiet ta’ annimali fil-mira jistgħu jinqasmu f’erba’ oqsma ewlenin:
li jiddeskrivu l-karatteristiċi farmakokinetiċi bażiċi (jiġifieri l-assorbiment, id-distribuzzjoni, il-metaboliżmu u l-eskrezzjoni) tas-sustanza attiva fil-formulazzjoni;
l-użu ta’ dawn il-karatteristiċi farmakokinetiċi bażiċi biex jiġu investigati r-relazzjonijiet bejn ir-reġim tad-dożaġġ, il-konċentrazzjoni fil-plażma u fit-tessuti mal-ħin u l-effetti farmakoloġiċi, terapewtiċi jew tossiċi;
fejn ikun xieraq, li jqabblu l-parametri farmakokinetiċi bejn speċijiet fil-mira differenti u li jesploraw differenzi possibbli bejn l-ispeċijiet li jkollhom impatt fuq is- ►C3 sikurezza ◄ u l-effikaċja tal-prodott mediċinali veterinarju fl-annimali fil-mira;
fejn ikun xieraq, li jqabblu l-bijodisponibbiltà biex jappoġġaw ir-rabta tal-informazzjoni dwar is- ►C3 sikurezza ◄ u l-effikaċja bejn prodotti, forom farmaċewtiċi, qawwiet jew rotot ta’ amministrazzjoni differenti, jew li jqabblu l-impatt tal-bidliet fil-manifattura jew il-kompożizzjoni.
(3) Fl-ispeċijiet ta’ annimali fil-mira, l-istudji farmakokinetiċi huma, bħala regola, neċessarji bħala komplement għall-istudji farmakodinamiċi biex jappoġġaw l-istabbiliment ta’ reġimi ta’ dożaġġ siguri u effettivi (rotta u sit ta’ amministrazzjoni, doża, intervall tad-dożaġġ, numru ta’ amministrazzjonijiet, eċċ.). Jistgħu jkunu meħtieġa studji farmakokinetiċi addizzjonali biex jiġu stabbiliti reġimi ta’ dożaġġ skont ċerti varjabbli tal-popolazzjoni.
(4) Fejn ikunu ġew ippreżentati studji farmakokinetiċi taħt il-Parti 3 tal-fajl, tista’ ssir kontroreferenza għal dawk l-istudji. Għall-kombinazzjonijiet fissi, jekk jogħġbok irreferi għall-Parti IV.
II.4A2. Żvilupp tar-reżistenza u r-riskju relatat fl-annimali
(1) Għall-prodotti mediċinali veterinarji rilevanti (pereżempju, antimikrobiċi, antiparassitiċi), għandha tiġi pprovduta informazzjoni dwar ir-reżistenza attwali (jekk applikabbli) u dwar it-tfaċċar potenzjali ta’ reżistenza ta’ rilevanza klinika għall-indikazzjoni msemmija fl-ispeċijiet ta’ annimali fil-mira. Fejn ikun possibbli, għandha tiġi ppreżentata informazzjoni dwar il-mekkaniżmu(i) ta’ reżistenza, il-bażi ġenetika molekulari tar-reżistenza, u r-rata ta’ trasferiment tad-determinanti tar-reżistenza. Kull fejn ikun rilevanti, għandha tiġi ppreżentata informazzjoni dwar il-koreżistenza u r-reżistenza inkroċjata. L-applikant għandu jipproponi miżuri biex jiġi limitat l-iżvilupp tar-reżistenza f’organiżmi ta’ rilevanza klinika għall-użu maħsub tal-prodott mediċinali veterinarju.
(2) Ir-reżistenza rilevanti għar-riskji għall-bnedmin għandha tiġi indirizzata skont il-Parti II.3A4, il-punt (3). Fejn ikun rilevanti, għandha ssir kontroreferenza għad-data stabbilita fil-Parti II.3A4, il-punt (3).
II.4A3. Determinazzjoni u konferma tad-doża
Għandha tiġi pprovduta data xierqa biex tiġġustifika d-doża proposta, l-intervall tad-dożaġġ, it-tul tat-trattament u kwalunkwe intervall għat-trattament mill-ġdid.
Għall-istudji mwettqa fil-kundizzjonijiet proprja tal-użu, għandha tiġi pprovduta informazzjoni rilevanti kif spjegat fil-Parti II.4B, sakemm ma jkunx ġustifikat kif xieraq.
II.4A4. Tolleranza fl-ispeċijiet ta’ annimali fil-mira
Għandha tiġi investigata t-tolleranza lokali u sistemika tal-prodott mediċinali veterinarju fl-ispeċijiet ta’ annimali fil-mira. L-għan tal-istudji dwar is- ►C3 sikurezza ◄ tal-annimali fil-mira huwa li jikkaratterizzaw is-sinjali ta’ intolleranza u li jistabbilixxu marġini adegwat ta’ ►C3 sikurezza ◄ bl-użu tar-rotta/rotot rakkomandata(i) ta’ amministrazzjoni. Dan jista’ jinkiseb billi tiżdied id-doża u/jew billi jiżdied it-tul tat-trattament. Ir-rapport(i) tal-istudji għandu jkun fihom dettalji tal-effetti farmakoloġiċi mistennija kollha u r-reazzjonijiet avversi kollha. It-twettiq tal-istudji dwar is- ►C3 sikurezza ◄ tal-annimali fil-mira għandu jsir skont il-linji gwida internazzjonali tal-Kooperazzjoni Internazzjonali dwar l-Armonizzazzjoni tal-Ħtiġiet Tekniċi għar-Reġistrazzjoni ta’ Prodotti Veterinarji (“VICH”) u l-linji gwida rilevanti ppubblikati mill-Aġenzija.. Studji prekliniċi oħrajn, inklużi studji pprovduti fil-parti 3 u provi kliniċi, flimkien ma’ informazzjoni rilevanti mil-letteratura ppubblikata, jistgħu jipprovdu wkoll informazzjoni dwar is- ►C3 sikurezza ◄ fl-ispeċijiet fil-mira. L-istudji dwar it-tossiċità tal-iżvilupp imwettqa fl-ispeċijiet ta’ annimali fil-mira għandhom jiġu inklużi hawnhekk, u għandu jingħata sommarju fil-Parti 3 tal-fajl.
II.4B. Prova(i) klinika(ċi)
II.4B1. Prinċipji ġenerali
(1) Il-provi kliniċi għandhom jitfasslu, jitwettqu u jiġi rrappurtati b’kont meħud tal-linji gwida internazzjonali dwar il-prassi klinika tajba tal-VICH u l-gwida rilevanti ppubblikata mill-Aġenzija. Id-data li toħroġ minn provi kliniċi mwettqa barra mill-Unjoni tista’ tiġi kkunsidrata għall-valutazzjoni ta’ applikazzjoni għall-awtorizzazzjoni għat-tqegħid fis-suq biss jekk id-data tkun rappreżentattiva b’mod suffiċjenti għas-sitwazzjoni tal-Unjoni.
(2) Id-data sperimentali bħall-provi esploratorji/pilota, jew ir-riżultati minn approċċi mhux sperimentali għandhom jiġu kkonfermati minn provi kliniċi, sakemm ma jkunx iġġustifikat mod ieħor.
(3) L-għan tal-provi kliniċi huwa li jeżaminaw f’kundizzjonijiet normali tal-użu, is- ►C3 sikurezza ◄ u l-effikaċja ta’ prodott mediċinali veterinarju għall-annimali fil-mira f’kundizzjonijiet normali ta’ trobbija tal-annimali u/jew bħala parti minn prattika veterinarja tajba. Huma għandhom juru l-effett tal-prodott mediċinali veterinarju wara li jingħata lill-ispeċi fil-mira bl-użu tar-reġim ta’ dożaġġ propost u bir-rotta/rotot proposti ta’ amministrazzjoni. It-tfassil tal-prova għandu jkollu l-għan li jappoġġa l-indikazzjonijiet u li jqis kwalunkwe kontraindikazzjoni skont l-ispeċi, l-età, ir-razza u s-sess, l-istruzzjonijiet għall-użu tal-prodott mediċinali veterinarju kif ukoll kwalunkwe reazzjoni avversa li jista’ jkollu.
(4) Il-provi kliniċi veterinarji kollha għandhom jitwettqu skont protokoll dettaljat tal-prova.
(5) Fil-każ ta’ formulazzjonijiet maħsuba għall-użu fi provi kliniċi veterinarji fl-Unjoni, il-kliem “għall-użu fi provi kliniċi veterinarji biss” għandu jidher b’mod prominenti u li ma jitħassarx fuq it-tikketta.
(6) Sakemm ma jkunx iġġustifikat mod ieħor, il-provi kliniċi għandhom jitwettqu b’annimali ta’ kontroll (provi kliniċi kkontrollati). Ir-riżultati tal-effikaċja miksuba bil-prodott il-ġdid għandhom jitqabblu ma’ dawk mill-ispeċijiet ta’ annimali fil-mira li jkunu rċevew prodott mediċinali veterinarju awtorizzat fl-Unjoni li jkun wera livell aċċettabbli ta’ effikaċja u li jkun ġie approvat għall-indikazzjoni(jiet) proposta(i) għall-użu fl-istess speċijiet ta’ annimali fil-mira, jew plaċebo jew l-ebda trattament. Għandhom jiġu rrappurtati r-riżultati kollha miksuba, kemm pożittivi kif ukoll negattivi.
(7) Fit-tfassil, l-analiżi u l-evalwazzjoni tal-provi kliniċi għandhom jintużaw il-prinċipji statistiċi stabbiliti skont il-gwida rilevanti ppubblikata mill-Aġenzija, sakemm ma jkunx iġġustifikat mod ieħor.
II.4B2. Dokumentazzjoni
II.4B2.1. Riżultati tal-istudji prekliniċi
Kull fejn ikun possibbli, għandhom jingħataw dettalji tar-riżultati ta’:
it-testijiet li juru l-attività farmakoloġika, inklużi t-testijiet li juru l-mekkaniżmi farmakodinamiċi sottostanti għall-effett terapewtiku u t-testijiet li juru l-profil farmakokinetiku prinċipali;
it-testijiet u l-investigazzjonijiet dwar ir-reżistenza, jekk applikabbli;
it-testijiet li juru s- ►C3 sikurezza ◄ tal-annimali fil-mira;
it-testijiet biex tiġi determinata u kkonfermata d-doża (inkluż l-intervall tad-doża, it-tul tat-trattament u kwalunkwe intervall għat-trattament mill-ġdid).
Meta matul it-testijiet iseħħu riżultati mhux mistennija, dawk ir-riżultati għandhom jiġu deskritti fid-dettall. It-tħollija barra ta’ kwalunkwe data minn din għandha tiġi ġġustifikata. Id-dettalji li ġejjin għandhom jiġu pprovduti fir-rapporti kollha tal-istudji prekliniċi:
sommarju;
protokoll tal-istudju;
deskrizzjoni dettaljata tal-għanijiet, it-tfassil u t-twettiq li għandha tinkludi l-metodi, l-apparat u l-materjali użati, dettalji bħall-ispeċi, l-età, il-piż, is-sess, in-numru, ir-razza jew il-varjetà tal-annimali, l-identifikazzjoni tal-annimali, id-doża, ir-rotta u l-iskeda ta’ amministrazzjoni;
analiżi statistika tar-riżultati, jekk applikabbli;
diskussjoni oġġettiva tar-riżultati miksuba, li twassal għal konklużjonijiet dwar l-effikaċja u s- ►C3 sikurezza ◄ tal-prodott mediċinali veterinarju fl-annimali fil-mira.
II.4B2.2. Riżultati tal-provi kliniċi
Id-dettalji kollha għandhom jiġu pprovduti minn kull wieħed mill-investigaturi fuq folji ta’ rekords individwali fil-każ ta’ trattament individwali u fuq folji ta’ rekords kollettivi fil-każ ta’ trattament kollettiv.
Id-detentur tal-awtorizzazzjoni għat-tqegħid fis-suq għandu jagħmel l-arranġamenti kollha neċessarji biex jiżgura li d-dokumenti oriġinali, li kienu jiffurmaw il-bażi tad-data pprovduta, jinżammu għal mill-anqas ħames snin wara li l-prodott mediċinali veterinarju ma jibqax awtorizzat.
Fir-rigward ta’ kull prova klinika, l-osservazzjonijiet kliniċi għandhom jinġabru fil-qosor f’sinopsi tal-provi u r-riżultati tagħhom, li tindika b’mod partikolari:
l-għadd ta’ annimali ta’ kontroll u annimali tat-test ittrattati individwalment jew kollettivament, bi tqassim skont l-ispeċi, ir-razza jew il-varjetà, l-età u s-sess;
l-għadd ta’ annimali rtirati qabel iż-żmien mill-provi u r-raġunijiet għal dak l-irtirar;
fil-każ tal-annimali ta’ kontroll, jekk:
ma rċevew l-ebda trattament,
irċevew plaċebo, jew
irċevew prodott mediċinali veterinarju ieħor awtorizzat fl-Unjoni li wera livell aċċettabbli ta’ effikaċja u li ġie approvat għall-indikazzjoni(jiet) proposta(i) għall-użu fl-istess speċijiet ta’ annimali fil-mira, jew
irċevew l-istess sustanza attiva li tkun qed tiġi investigata, f’formulazzjoni differenti jew minn rotta differenti;
il-frekwenza tar-reazzjonijiet avversi osservati;
osservazzjonijiet dwar l-effett fuq il-prestazzjoni tal-annimali, jekk ikun xieraq;
dettalji dwar l-annimali tat-test li jistgħu jkunu f’riskju akbar minħabba l-età tagħhom, il-mod ta’ trobbija jew l-għalf tagħhom, jew l-iskop li għalih ikun maħsuba, jew annimali li l-kundizzjoni fiżjoloġika jew patoloġika tagħhom tkun tirrikjedi konsiderazzjoni speċjali;
evalwazzjoni statistika tar-riżultati.
L-investigatur prinċipali għandu jislet konklużjonijiet ġenerali dwar l-effikaċja u s- ►C3 sikurezza ◄ tal-prodott mediċinali veterinarju għall-annimali fil-mira fil-kundizzjonijiet proposti tal-użu u b’mod partikolari kwalunkwe informazzjoni relatata mal-indikazzjonijiet u l-kontraindikazzjonijiet, id-dożaġġ u t-tul medju tat-trattament u, fejn ikun xieraq, kwalunkwe interazzjoni osservata ma’ prodotti mediċinali veterinarji oħra jew addittivi tal-għalf kif ukoll kwalunkwe prekawzjoni speċjali li għandha tittieħed waqt it-trattament u s-sinjali kliniċi ta’ doża eċċessiva, meta tiġi osservata.
TAQSIMA III
REKWIŻITI GĦALL-PRODOTTI MEDIĊINALI VETERINARJI BIJOLOĠIĊI
Mingħajr preġudizzju għar-rekwiżiti speċifiċi stabbiliti fil-leġiżlazzjoni tal-Unjoni għall-kontroll u l-eradikazzjoni ta’ mard infettiv speċifiku tal-annimali, ir-rekwiżiti li ġejjin għandhom japplikaw għall-prodotti mediċinali veterinarji bijoloġiċi, ħlief meta l-prodotti jkunu maħsuba għall-użu f’xi speċijiet jew b’indikazzjonijiet speċifiċi kif definiti fit-Taqsimiet IV u V u fil-linji gwida rilevanti.
TAQSIMA IIIa
REKWIŻITI GĦAL PRODOTTI MEDIĊINALI VETERINARJI BIJOLOĠIĊI GĦAJR PRODOTTI MEDIĊINALI VETERINARJI IMMUNOLOĠIĊI
Ir-rekwiżiti li ġejjin għandhom japplikaw għall-prodotti mediċinali veterinarji bijoloġiċi kif definiti fl-Artikolu 4(6), ħlief għall-prodotti definiti fl-Artikolu 4(5) jew fejn stabbilit mod ieħor fit-Taqsima IV.
Hija permessa flessibbiltà fir-rigward tal-konformità mar-rekwiżiti speċifikati f’din it-Taqsima, iżda kwalunkwe devjazzjoni mir-rekwiżiti f’dan l-Anness għandha tkun iġġustifikata xjentifikament u bbażata fuq proprjetajiet speċifiċi tal-prodott bijoloġiku. Għal sustanzi partikolari, tista’ tkun meħtieġa data dwar is- ►C3 sikurezza ◄ minbarra r-rekwiżiti elenkati f’din it-Taqsima skont in-natura tal-prodott.
IIIa.1. Parti 1: Sommarju tal-fajl
Jekk jogħġbok irreferi għat-Taqsima I.
IIIa.2. Parti 2: Dokumentazzjoni dwar il-kwalità (informazzjoni fiżikokimika, bijoloġika jew mikrobijoloġika)
IIIa.2 A. Deskrizzjoni tal-prodott
IIIa.2A1. Kompożizzjoni kwalitattiva u kwantitattiva
(1) Għandha tiġi ddikjarata l-kompożizzjoni kwalitattiva u kwantitattiva tal-prodott mediċinali veterinarju bijoloġiku. Din it-taqsima għandha tinkludi informazzjoni dwar:
is-sustanza(i) attiva(i);
il-kostitwent(i) tal-eċċipjenti, tkun xi tkun in-natura tagħhom jew il-kwantità użata, inklużi l-aġġuvanti, il-preservattivi, l-istabbilizzaturi, is-sustanzi li jħaxxnu, l-emulsjonanti, is-sustanzi kuluranti, is-sustanzi li jagħtu t-togħma u aromatiċi, il-markaturi, eċċ.;
il-kompożizzjoni, jiġifieri, lista tal-komponenti kollha tal-forma tad-dożaġġ u l-ammont tagħhom fuq bażi ta’ kull unità (inklużi l-ammonti żejda, jekk ikun hemm), il-funzjoni tal-komponenti, u referenza għall-istandards tal-kwalità tagħhom (pereżempju, monografiji kompendjarji jew speċifikazzjonijiet tal-manifattur);
►C3 is-solvent(i) ta’ akkumpanjament għar-rikostituzzjoni; ◄
►C3 it-tip ta’ kontenitur u l-għeluq tiegħu użati għall-forma tad-dożaġġ u għal kwalunkwe solvent u apparat ta’ akkumpanjament għar-rikostituzzjoni, jekk applikabbli. ◄ Jekk l-apparat ma jiġix fornut flimkien mal-prodott mediċinali veterinarju bijoloġiku, għandha tiġi pprovduta informazzjoni rilevanti dwar l-apparat.
(2) Sabiex tingħata l-kompożizzjoni kwantitattiva tas-sustanzi attivi u tal-eċċipjenti kollha tal-prodotti mediċinali veterinarji, huwa neċessarju, skont il-forma farmaċewtika kkonċernata, li tiġi speċifikata l-massa, jew l-għadd ta’ unitajiet ta’ attività bijoloġika, għal kull unità ta’ dożaġġ jew għal kull unità ta’ massa jew volum, ta’ kull sustanza attiva u eċċipjent.
(3) Fejn ikun possibbli, għandha tiġi indikata l-attività bijoloġika għal kull unità ta’ massa jew volum. Meta unità internazzjonali ta’ attività bijoloġika tkun ġiet definita, din għandha tintuża, sakemm ma jkunx iġġustifikat mod ieħor. Meta ma tkun ġiet definita l-ebda unità internazzjonali, l-unitajiet ta’ attività bijoloġika għandhom jiġu espressi b’mod li jipprovdu informazzjoni mhux ambigwa dwar l-attività tas-sustanzi billi jintużaw, fejn applikabbli, l-Unitajiet tal-Farmakopea Ewropea.
(4) It-“terminoloġija normali” li għandha tintuża biex tiddeskrivi l-kostitwenti tal-prodotti mediċinali veterinarji bijoloġiċi minkejja l-applikazzjoni tad-dispożizzjonijiet l-oħra tal-Artikolu 8, għandha tfisser:
fir-rigward tas-sustanzi li jidhru fil-Farmakopea Ewropea jew, fin-nuqqas ta’ dan, fil-farmakopea ta’ wieħed mill-Istati Membri, it-titolu prinċipali tal-monografija inkwistjoni, li jkun obbligatorju għal dawn is-sustanzi kollha, b’referenza għall-farmakopea kkonċernata;
fir-rigward ta’ sustanzi oħra, l-INN rakkomandata mid-WHO, li tista’ tkun akkumpanjata minn denominazzjoni komuni oħra jew, fin-nuqqas ta’ dawn, id-denominazzjoni xjentifika eżatta; is-sustanzi li ma jkollhomx denominazzjoni internazzjonali komuni jew denominazzjoni xjentifika eżatta għandhom jiġu deskritti permezz ta’ dikjarazzjoni ta’ kif u minn xiex ġew ippreparati, supplimentata, fejn ikun xieraq, bi kwalunkwe dettall rilevanti ieħor;
fir-rigward tas-sustanzi kuluranti, id-denominazzjoni bil-kodiċi “E” assenjat lilhom fid-Direttiva 2009/35/KE.
IIIa.2A2. Żvilupp tal-prodott
Għandha tiġi pprovduta spjegazzjoni li tinkludi iżda li mhijiex limitata għal:
l-għażla tal-kompożizzjoni u l-għażla tal-kostitwenti, b’mod partikolari fir-rigward tal-funzjonijiet maħsuba tagħhom u l-konċentrazzjonijiet rispettivi tagħhom;
għandha tingħata ġustifikazzjoni għall-inklużjoni ta’ preservattiv fil-kompożizzjoni;
l-imballaġġ primarju u l-idoneità tal-kontenitur u tas-sistema ta’ għeluq tiegħu użati għall-ħażna u l-użu tal-prodott lest. Għandu jiġi ppreżentat studju tal-interazzjoni bejn il-prodott lest u l-imballaġġ primarju kull meta r-riskju ta’ interazzjoni bħal din jitqies bħala possibbli, speċjalment fir-rigward ta’ preparazzjonijiet injettabbli;
il-karatteristiċi mikrobijoloġiċi (il-purità mikrobijoloġika u l-attività antimikrobika) u l-istruzzjonijiet dwar l-użu;
l-imballaġġ ulterjuri possibbli, l-imballaġġ ta’ barra, jekk rilevanti;
id-daqsijiet proposti tal-pakkett relatati mar-rotta proposta ta’ amministrazzjoni, il-pożoloġija u l-ispeċijiet fil-mira;
kwalunkwe ammont(i) żejda fil-formulazzjoni biex tiġi garantita l-potenza minima fi tmiem il-ħajja fuq l-ixkaffa b’ġustifikazzjoni;
l-għażla tal-proċess ta’ manifattura tas-sustanza attiva u tal-prodott lest;
għandhom jiġu diskussi d-differenzi bejn il-proċess(i) tal-manifattura użati għall-produzzjoni tal-lottijiet użati fil-provi kliniċi u l-proċess deskritt fl-applikazzjoni għall-awtorizzazzjoni għat-tqegħid fis-suq;
meta jiġi pprovdut apparat ta’ dożaġġ mal-prodott lest, għandha tintwera l-preċiżjoni tad-doża(i);
meta jiġi rakkomandat test ta’ akkumpanjament biex jintuża mal-prodott lest (eż. test dijanjostiku), għandha tiġi pprovduta l-informazzjoni rilevanti dwar it-test.
Din l-ispjegazzjoni għandha tkun appoġġata minn data xjentifika dwar l-iżvilupp tal-prodott.
IIIa.2A3. Karatterizzazzjoni
IIIa.2A3.1. Eluċidazzjoni tal-istruttura u karatteristiċi oħra
(1) Il-karatterizzazzjoni ta’ sustanza bijoteknoloġika jew bijoloġika (li tinkludi d-determinazzjoni tal-proprjetajiet fiżikokimiċi, l-attività bijoloġika, il-proprjetajiet immunokimiċi, il-purità u l-impuritajiet) permezz ta’ tekniki xierqa hija neċessarja biex tkun tista’ tiġi stabbilita speċifikazzjoni xierqa. Ir-referenza għad-data tal-letteratura biss mhijiex aċċettabbli, sakemm ma jkunx iġġustifikat mod ieħor mill-għarfien preċedenti minn molekuli simili għal modifiki fejn ma jkun hemm l-ebda tħassib dwar is- ►C3 sikurezza ◄ . Għandha ssir karatterizzazzjoni adegwata fil-fażi tal-iżvilupp u, fejn ikun meħtieġ, wara bidliet sinifikanti fil-proċess.
(2) Għandha tiġi pprovduta l-informazzjoni rilevanti kollha disponibbli dwar l-istruttura primarja, sekondarja u ta’ ordni ogħla, inklużi l-modifiki posttraduzzjonali (pereżempju, il-glikoformi) u modifiki oħra tas-sustanza attiva.
(3) Għandhom jiġu pprovduti dettalji dwar l-attività bijoloġika (jiġifieri l-abbiltà jew il-kapaċità speċifika ta’ prodott li jikseb effett bijoloġiku definit). Ġeneralment, l-attività bijoloġika għandha tiġi determinata jew evalwata bl-użu ta’ metodu xieraq, affidabbli u kwalifikat. Għandha tingħata ġustifikazzjoni għan-nuqqas ta’ analiżi bħal din. Huwa rikonoxxut li l-firxa tad-data ta’ karatterizzazzjoni se tiżdied matul l-iżvilupp.
(4) Għandu jiġi pprovdut ir-raġunament għall-għażla tal-metodi użati għall-karatterizzazzjoni u għandha tiġi ġġustifikata l-idoneità tagħhom.
IIIa.2A3.2. Impuritajiet
(1) Għandhom jiġu indirizzati l-impuritajiet relatati mal-proċess (pereżempju, il-proteini taċ-ċelloli ospitanti, id-DNA taċ-ċelloli ospitanti, ir-residwi tal-media, il-kolonni lixxivjabbli) u l-impuritajiet relatati mal-prodott (pereżempju, il-prekursuri, il-forom maqsumin, il-prodotti ta’ degradazzjoni, l-aggregati). Għandha tiġi pprovduta informazzjoni kwantitattiva dwar l-impuritajiet, inkluż l-ammont massimu għall-ogħla doża. Għal ċerti impuritajiet relatati mal-proċess (pereżempju, l-aġenti kontra r-ragħwa), tista’ tkun ġustifikata stima tat-tneħħija.
(2) Fil-każ li tiġi pprovduta biss data kwalitattiva għal ċerti impuritajiet, dan għandu jiġi ġġustifikat.
IIIa.2B. Deskrizzjoni tal-metodu ta’ manifattura
(1) Id-deskrizzjoni tal-metodu tal-manifattura li takkumpanja l-applikazzjoni għall-awtorizzazzjoni għat-tqegħid fis-suq skont l-Artikolu 8 għandha tkun imfassla b’mod li tagħti deskrizzjoni adegwata tan-natura tal-operazzjonijiet użati.
(2) Għandhom jiġu pprovduti l-isem/ismijiet u l-indirizz(i) u r-responsabbiltajiet ta’ kull manifattur, inklużi l-kuntratturi, u kull sit propost tal-produzzjoni jew ta’ faċilità involuta fil-manifattura, l-ittestjar u l-ħruġ tal-lottijiet.
(3) Id-deskrizzjoni tal-proċess tal-manifattura għandha tinkludi tal-anqas:
l-istadji varji tal-manifattura, inkluża l-produzzjoni tas-sustanza attiva u deskrizzjoni tal-passi ta’ purifikazzjoni;
għandha tingħata dijagramma sekwenzjali tal-passi suċċessivi kollha sabiex tkun tista’ ssir valutazzjoni tar-riproduċibbiltà tal-proċedura tal-manifattura u tar-riskji ta’ effetti avversi fuq il-prodotti lesti, bħall-kontaminazzjoni mikrobijoloġika;
fil-każ ta’ manifattura kontinwa, id-dettalji sħaħ dwar il-prekawzjonijiet meħuda biex tiġi żgurata l-omoġeneità u l-konsistenza ta’ kull lott tal-prodott lest. Għandha tiġi pprovduta informazzjoni dwar kif ikun definit lott u dwar id-daqsijiet proposti tal-lott(ijiet) kummerċjali;
l-elenkar tas-sustanzi kollha fl-istadji xierqa fejn jintużaw, inklużi dawk li ma jistgħux jiġu rkuprati waqt il-manifattura;
id-dettalji tat-taħlit, bid-dettalji kwantitattivi tas-sustanzi kollha użati, inkluż eżempju għal lott ta’ produzzjoni rappreżentattiv;
lista tal-kontrolli waqt il-proċess, inkluż l-istadju tal-manifattura li fih jitwettqu u l-kriterji ta’ aċċettazzjoni;
għall-prodotti sterili, meta jintużaw kundizzjonijiet ta’ sterilizzazzjoni mhux tal-farmakopea, id-dettalji tal-proċessi ta’ sterilizzazzjoni u/jew tal-proċeduri asettiċi użati.
(4) Għandhom jiġu pprovduti d-deskrizzjoni, id-dokumentazzjoni u r-riżultati tal-istudji ta’ validazzjoni u/jew ta’ evalwazzjoni għall-istadji kritiċi jew l-assaġġi kritiċi użati fil-proċess tal-manifattura (pereżempju, il-validazzjoni tal-proċess ta’ sterilizzazzjoni jew l-ipproċessar jew il-miri asettiku) u l-validazzjoni tal-proċess tal-produzzjoni kollu għandha tintwera billi jiġu forniti r-riżultati ta’ tliet lottijiet konsekuttivi prodotti bl-użu tal-metodu deskritt.
IIIa.2C. Produzzjoni u kontroll tal-materjali tal-bidu
(1) Għall-finijiet ta’ dan il-punt, “materjali tal-bidu” tfisser il-komponenti kollha, inklużi s-sustanzi attivi użati fil-produzzjoni tal-prodott mediċinali veterinarju bijoloġiku. Il-media ta’ tkabbir użati għall-produzzjoni tas-sustanzi attivi għandhom jitqiesu bħala materjal tal-bidu wieħed.
(2) Il-kompożizzjoni kwalitattiva u kwantitattiva għandha tiġi ppreżentata sa fejn l-awtoritajiet iqisu li din l-informazzjoni tkun rilevanti għall-kwalità tal-prodott lest u għal kwalunkwe riskju li jista’ jinħoloq.
(3) Jekk jintużaw materjali ta’ oriġini mill-annimali għall-preparazzjoni ta’ dawk il-media ta’ tkabbir, iridu jiġu inklużi l-ispeċi tal-annimali u t-tessut użat u għandha tintwera l-konformità mal-monografiji rilevanti, inklużi l-monografiji ġenerali u kapitoli ġenerali tal-Farmakopea Ewropea.
(4) L-applikant għandu jipprovdi dokumentazzjoni biex juri li l-materjali tal-bidu, inklużi l-materjali taż-żerriegħa, iż-żrieragħ taċ-ċelloli, il-lottijiet tas-seru u materjal ieħor li joriġina minn speċijiet ta’ annimali rilevanti għat-trażmissjoni tat-TSE u l-manifattura tal-prodott mediċinali veterinarju jkunu konformi mar-rekwiżiti tan-Nota ta’ Gwida dwar il-minimizzazzjoni tar-riskju tat-trażmissjoni ta’ aġenti tal-enċefalopatija sponġiformi tal-annimali permezz ta’ prodotti mediċinali umani u veterinarji, kif ukoll mar-rekwiżiti tal-monografija korrispondenti tal-Farmakopea Ewropea.
(5) Iċ-Ċertifikati ta’ Idoneità maħruġin mid-Direttorat Ewropew għall-Kwalità tal-Mediċini u tal-Kura tas-Saħħa, b’referenza għall-monografija rilevanti tal-Farmakopea Ewropea, jistgħu jintużaw biex tintwera l-konformità.
(6) Il-fajl għandu jinkludi l-ispeċifikazzjonijiet, informazzjoni dwar it-testijiet li għandhom jitwettqu għall-kontroll tal-kwalità tal-lottijiet kollha tal-materjali tal-bidu u r-riżultati minn lott tal-komponenti kollha użati u għandu jiġi ppreżentat skont id-dispożizzjonijiet li ġejjin.
(7) Għandhom jiġu ppreżentati Ċertifikati tal-Analiżi għall-materjali tal-bidu sabiex tintwera l-konformità mal-ispeċifikazzjoni definita.
(8) Is-sustanzi kuluranti għandhom fil-każijiet kollha jissodisfaw ir-rekwiżiti tad-Direttiva 2009/35/KE.
(9) L-użu tal-antibijotiċi matul il-produzzjoni u tal-preservattivi għandu jkun konformi mal-Farmakopea Ewropea.
(10) Għall-eċċipjenti ġodda - eċċipjent(i) użat(i) għall-ewwel darba fl-Unjoni fi prodott mediċinali veterinarju jew b’rotta ġdida ta’ amministrazzjoni - għandhom jiġu pprovduti d-dettalji tal-manifattura, il-karatterizzazzjoni, u l-kontrolli, b’kontroreferenzi għal data ta’ appoġġ dwar is- ►C3 sikurezza ◄ , kemm klinika kif ukoll mhux klinika. Għas-sustanzi kuluranti, id-dikjarazzjonijiet ta’ konformità kif imsemmija fil-Parti II.2C2, il-punti (3) u (4), għandhom jitqiesu bħala suffiċjenti.
IIIa.2C1. Materjali tal-bidu elenkati fil-farmakopej
(1) Il-monografiji tal-Farmakopea Ewropea għandhom japplikaw għall-materjali tal-bidu kollha li jidhru fiha, sakemm ma tiġix ipprovduta ġustifikazzjoni adegwata.
(2) Fir-rigward ta’ sustanzi oħra, kull Stat Membru jista’ jirrikjedi l-osservanza tal-farmakopea nazzjonali proprja tiegħu fir-rigward tal-prodotti mmanifatturati fit-territorju tiegħu.
(3) Id-deskrizzjoni tal-metodi analitiċi tista’ tiġi sostitwita b’referenza dettaljata għall-farmakopea inkwistjoni.
(4) It-testijiet ta’ rutina mwettqa fuq kull lott ta’ materjali tal-bidu għandhom jiġu ddikjarati fl-applikazzjoni għall-awtorizzazzjoni għat-tqegħid fis-suq. Jekk jintużaw testijiet differenti minn dawk imsemmija fil-farmakopea, għandha tingħata prova li l-materjali tal-bidu jissodisfaw ir-rekwiżiti tal-kwalità ta’ dik il-farmakopea.
(5) Meta xi speċifikazzjoni jew dispożizzjonijiet oħra li jkun hemm f’monografija tal-Farmakopea Ewropea jew fil-farmakopea ta’ Stat Membru tista’ ma tkunx suffiċjenti biex tiżgura l-kwalità tas-sustanza, l-awtoritajiet kompetenti jistgħu jitolbu aktar speċifikazzjonijiet xierqa mill-applikant għall-awtorizzazzjoni għat-tqegħid fis-suq. L-allegata insuffiċjenza għandha tiġi rrappurtata lill-awtoritajiet responsabbli għall-farmakopea inkwistjoni.
IIIa.2C2. Materjali tal-bidu mhux elenkati f’farmakopea
IIIa.2C2.1. Materjali tal-bidu ta’ oriġini bijoloġika
(1) Fejn jintużaw materjali tas-sors bħal mikroorganiżmi, tessuti li joriġinaw mill-pjanti jew mill-annimali, ċelloli jew fluwidi (inkluż demm) ta’ oriġini mill-bniedem jew mill-annimali jew kostruzzjonijiet ta’ ċelloli bijoteknoloġiċi fil-manifattura ta’ prodotti mediċinali veterinarji, għandhom jiġu deskritti u dokumentati l-oriġini, inkluż ir-reġjun ġeografiku, u l-istorja tal-materjali tal-bidu. Għandhom jiġu indikati l-oriġini, is-saħħa ġenerali u l-istat immunoloġiku tal-annimali użati għall-produzzjoni u għandhom jintużaw ġabriet definiti ta’ materjali tas-sors.
(2) Il-ħelsien minn aġenti estranji (batterji, mikoplażma, fungi u viruses) għandu jintwera b’konformità mal-Farmakopea Ewropea għall-materjali taż-żerriegħa, inklużi ż-żrieragħ taċ-ċelloli u l-ġabriet tas-seru u, kull meta jkun possibbli, għall-materjali tas-sors li minnhom ikunu derivati.
(3) Għandha tiġi pprovduta informazzjoni dwar is-sustanzi kollha ta’ oriġini bijoloġika użati fi kwalunkwe stadju tal-proċedura tal-manifattura. L-informazzjoni għandha tinkludi l-istrateġija tal-manifattura, il-proċeduri ta’ purifikazzjoni u ta’ inattivazzjoni bil-validazzjoni tagħhom u l-proċeduri kollha ta’ kontroll waqt il-proċess imfassla biex jiżguraw il-kwalità, is- ►C3 sikurezza ◄ u l-konsistenza minn lott għall-ieħor tal-prodott lest kif ukoll dettalji ta’ kwalunkwe test għall-kontaminazzjoni mwettaq fuq kull lott tas-sustanza. Għandha tingħata kwalunkwe prekawzjoni speċjali li tista’ tkun meħtieġa waqt il-ħażna tal-materjal tal-bidu u, jekk ikun meħtieġ, il-ħajja tal-ħżin tiegħu.
(4) Meta jintużaw materjali tal-bidu ta’ oriġini mill-annimali jew mill-bniedem, għandhom jiġu deskritti l-miżuri użati biex jiġi żgurat il-ħelsien minn aġenti estranji. Jekk tinstab jew tiġi suspettata l-preżenza ta’ aġenti estranji, il-materjal korrispondenti għandu jintrema jew għandu jiġi pproċessat biex jitnaqqas ir-riskju ta’ preżenza bi trattament validat. Jekk tinstab jew tiġi suspettata l-preżenza wara t-trattament, il-materjal korrispondenti għandu jintuża biss meta pproċessar ulterjuri tal-prodott jiżgura l-eliminazzjoni u/jew l-inattivazzjoni tagħhom; għandha tintwera l-eliminazzjoni u/jew l-inattivazzjoni ta’ dawn l-aġenti estranji.
(5) Meta jintużaw żrieragħ taċ-ċelloli, il-karatteristiċi taċ-ċelloli għandhom jintwerew li baqgħu ma nbidlux sal-ogħla livell ta’ passaġġ użat għall-produzzjoni.
(6) Għall-materjali tal-bidu modifikati ġenetikament, din l-informazzjoni għandha tinkludi dettalji bħad-deskrizzjoni taċ-ċelloli jew ir-razez tal-bidu, il-kostruzzjoni tal-vettur ta’ espressjoni (isem, oriġini, funzjoni tar-replikon, promotur u elementi regolatorji oħra), il-kontroll tas-sekwenza tad-DNA jew tal-RNA effettivament imdaħħla, is-sekwenzi oligonucleotide tal-vettur tal-plażmid fiċ-ċelloli, il-plażmid użat għall-kotrasfezzjoni, il-ġeni miżjuda jew imħassra, il-proprjetajiet bijoloġiċi tal-kostruzzjoni finali u l-ġeni espressi, l-għadd ta’ kopji u l-istabbiltà ġenetika.
(7) Fil-każ ta’ prodotti mediċinali veterinarji li jkun fihom jew li jkunu jikkonsistu minn organiżmi ġenetikament modifikati (OĠM), il-parti dwar il-kwalità tal-applikazzjoni għandha tkun akkumpanjata wkoll mid-dokumenti meħtieġa skont id-Direttiva 2001/18/KE.
(8) Meta jkun meħtieġ, għandhom jiġu pprovduti kampjuni tal-materjal bijoloġiku tal-bidu jew tar-reaġenti użati fil-proċeduri tal-ittestjar sabiex l-awtorità kompetenti tkun tista’ tirranġa biex jitwettqu t-testijiet ta’ kontroll.
IIIa.2C2.2. Materjali tal-bidu ta’ oriġini mhux bijoloġika
(1) Id-deskrizzjoni għandha tingħata fil-forma ta’ monografija taħt l-intestaturi li ġejjin:
l-isem tal-materjal tal-bidu li jissodisfa r-rekwiżiti tal-punt IIIa.2A1(4) għandu jiġi supplimentat bi kwalunkwe sinonimu kummerċjali jew xjentifiku;
id-deskrizzjoni tal-materjal tal-bidu, ippreżentata f’forma simili għal dik użata f’punt deskrittiv fil-Farmakopea Ewropea;
il-funzjoni tal-materjal tal-bidu;
il-metodi ta’ identifikazzjoni;
għandha tingħata kwalunkwe prekawzjoni speċjali li tista’ tkun meħtieġa waqt il-ħażna tal-materjal tal-bidu u, jekk ikun meħtieġ, il-ħajja tal-ħżin tiegħu.
IIIa.2D. Testijiet ta’ kontroll matul il-proċess tal-manifattura
(1) Il-fajl għandu jinkludi dettalji relatati mat-testijiet ta’ kontroll waqt il-proċess, li jitwettqu fi stadji intermedji tal-manifattura bil-għan li tiġi verifikata l-konsistenza tal-proċess tal-manifattura u tal-prodott finali. Għandhom jiġu stabbiliti speċifikazzjonijiet għal kull test ta’ kontroll u għandhom jiġu deskritti l-metodi analitiċi. Għandha tiġi pprovduta l-validazzjoni tat-testijiet ta’ kontroll, sakemm ma jkunx iġġustifikat mod ieħor.
(2) L-ispeċifikazzjoni għal-lott(ijiet) tas-sustanza attiva għandha tiddefinixxi l-kriterji ta’ aċċettazzjoni flimkien mat-testijiet użati biex jiġi eżerċitat kontroll suffiċjenti tal-kwalità tas-sustanza attiva. Għandu jiġi inkluż test għall-attività bijoloġika sakemm ma jkunx iġġustifikat mod ieħor. Għandhom jiġu stabbiliti limiti massimi għall-impuritajiet, b’kont meħud tal-konsiderazzjonijiet tas- ►C3 sikurezza ◄ . Għandha tiġi speċifikata l-kwalità mikrobijoloġika għas-sustanza attiva. Il-ħelsien minn aġenti estranji (batterji, mikoplażma, fungi u viruses) għandu jintwera skont il-Farmakopea Ewropea.
(3) Skont id-Direttiva 2010/63/UE u l-Konvenzjoni Ewropea għall-Protezzjoni tal-Annimali Vertebrati Użati għal Skopijiet Sperimentali u Skopijiet Xjentifiċi Oħra, it-testijiet għandhom jitwettqu b’mod li jużaw l-anqas għadd ta’ annimali u jikkawżaw l-anqas uġigħ, tbatija, skonfort jew ħsara dejjiema. Jekk ikun disponibbli, għandu jintuża test in vitro alternattiv meta dan iwassal għas-sostituzzjoni jew it-tnaqqis fl-użu tal-annimali jew għat-tnaqqis tat-tbatija.
IIIa.2E. Testijiet ta’ kontroll fuq il-prodott lest
IIIa.2E1 Speċifikazzjoni tal-Prodott lest
Għat-testijiet kollha, id-deskrizzjoni tat-tekniki għall-analiżi tal-prodott lest għandha tiġi stabbilita f’dettall suffiċjenti għall-valutazzjoni tal-kwalità.
Fejn ikunu jeżistu monografiji xierqa, jekk jintużaw proċeduri ta’ ttestjar u limiti differenti minn dawk imsemmija fil-monografiji tal-Farmakopea Ewropea, jew fin-nuqqas ta’ dan, fil-farmakopea ta’ Stat Membru, trid tiġi pprovduta prova li l-prodott lest, jekk jiġi ttestjat skont dawk il-monografiji, jissodisfa r-rekwiżiti tal-kwalità ta’ dik il-farmakopea għall-forma farmaċewtika kkonċernata. L-applikazzjoni għall-awtorizzazzjoni għat-tqegħid fis-suq għandha telenka dawk it-testijiet, li jitwettqu fuq kampjuni rappreżentattivi ta’ kull lott tal-prodott lest. Għandha tiġi ddikjarata l-frekwenza tat-testijiet imwettqa fuq il-kwantità finali minflok fuq il-lott jew il-lottijiet ippreparati minnha, jekk applikabbli. Għandha tiġi ġġustifikata l-frekwenza tat-testijiet li ma jitwettqux bħala rutina. Għandhom jiġu indikati u ġġustifikati l-kriterji ta’ aċċettazzjoni għar-rilaxx. Għandha tiġi pprovduta l-validazzjoni tat-testijiet ta’ kontroll imwettqa fuq il-prodott lest.
Għandhom jiġu stabbiliti limiti massimi għall-impuritajiet, b’kont meħud tal-konsiderazzjonijiet tas- ►C3 sikurezza ◄ .
IIIa.2E2 Deskrizzjonijiet tal-metodu u validazzjoni tat-testijiet tar-rilaxx
(1) Karatteristiċi ġenerali
It-testijiet tal-karatteristiċi ġenerali għandhom, fejn applikabbli, jirreferu għad-dehra tal-prodott lest u għat-testijiet fiżiċi jew kimiċi, bħall-pH, l-ożmolalità, eċċ. Għal kull waħda minn dawk il-karatteristiċi, l-applikant għandu jistabbilixxi speċifikazzjonijiet, b’limiti ta’ kunfidenza xierqa, f’kull każ partikolari.
(2) Identifikazzjoni u test tal-potenza
Fejn ikun meħtieġ, għandu jitwettaq test speċifiku għall-identifikazzjoni tas-sustanza attiva. Meta jkun xieraq, it-test ta’ identifikazzjoni jista’ jiġi kkombinat mat-test tal-potenza.
Għandu jiġi implimentat test tal-attività jew test għall-kwantifikazzjoni tas-sustanza attiva jew test biex titkejjel b’mod kwantitattiv il-funzjonalità (attività bijoloġika/effett funzjonali) li tkun marbuta mal-proprjetajiet bijoloġiċi rilevanti sabiex jintwera li kull lott ikollu l-potenza xierqa biex jiġu żgurati s- ►C3 sikurezza ◄ u l-effikaċja tiegħu.
Assaġġ bijoloġiku għandu jkun obbligatorju meta l-metodi fiżikokimiċi ma jipprovdux informazzjoni adegwata dwar il-kwalità tal-prodott. Assaġġ bħal dan għandu, kull meta jkun possibbli, jinkludi materjali ta’ referenza u analiżi statistika li jippermettu l-kalkolu tal-limiti ta’ kunfidenza. Meta dawk it-testijiet ma jkunux jistgħu jitwettqu fuq il-prodott lest, huma jistgħu jitwettqu fi stadju intermedju, kemm jista’ jkun tard fil-proċess tal-manifattura.
Fejn isseħħ degradazzjoni waqt il-manifattura tal-prodott lest, għandhom jiġu indikati l-livelli massimi aċċettabbli tal-prodotti ta’ degradazzjoni individwali u totali immedjatament wara l-manifattura.
(3) Identifikazzjoni u assaġġ tal-komponenti tal-eċċipjenti
Sa fejn ikun meħtieġ, l-eċċipjenti għandhom ikunu soġġetti tal-anqas għat-testijiet ta’ identifikazzjoni. Test tal-limitu massimu u minimu għandu jkun obbligatorju fir-rigward tas-sustanzi ta’ preservazzjoni. Għandu jkun obbligatorju test tal-limitu massimu għal kwalunkwe komponent ta’ eċċipjent ieħor li jista’ jwassal għal reazzjoni avversa. Jekk applikabbli, il-kwantità u n-natura tal-aġġuvant u tal-komponenti tiegħu għandhom jiġu verifikati fuq il-prodott lest, sakemm ma jkunx iġġustifikat mod ieħor.
(4) Testijiet dwar l-isterilità u l-purità
Il-ħelsien minn aġenti estranji (batterji, mikoplażma, fungi u endotossini batteriċi meta jkun rilevanti) għandu jintwera f’konformità mal-Farmakopea Ewropea. Għandhom jitwettqu testijiet xierqa sabiex jintwera n-nuqqas ta’ kontaminazzjoni minn sustanzi oħra skont in-natura tal-prodott mediċinali veterinarju bijoloġiku, il-metodu u l-kundizzjonijiet tal-manifattura. Jekk jintużaw b’mod regolari anqas testijiet milli meħtieġ mill-Farmakopea Ewropea rilevanti għal kull lott, it-testijiet imwettqa għandhom ikunu kritiċi għall-konformità mal-monografija. Għandha tiġi fornuta prova li l-prodott mediċinali veterinarju bijoloġiku jissodisfa r-rekwiżiti, jekk jiġi ttestjat b’mod sħiħ skont il-monografija.
(5) Umdità residwa
Kull lott ta’ prodott jew pillola lijofilizzat għandu jiġi ttestjat għall-umdità residwa.
(6) Volum tal-mili
Għandhom jitwettqu testijiet xierqa biex jintwera l-volum korrett tal-mili.
IIIa.2E3. Standards jew materjali ta’ referenza
Għandha tiġi pprovduta informazzjoni dwar il-proċess ta’ manifattura użat biex jiġi stabbilit il-materjal ta’ referenza. Jekk ikun intuża aktar minn standard ta’ referenza wieħed għal test partikolari matul l-iżvilupp tal-prodott, għandha tiġi pprovduta storja tal-kwalifika li tiddeskrivi kif inżammet ir-relazzjoni bejn l-istandards differenti.
Jekk jintużaw preparazzjonijiet u standards ta’ referenza differenti minn dawk tal-Farmakopea Ewropea, dawn għandhom jiġu identifikati u deskritti fid-dettall.
IIIa.2F. Konsistenza minn lott għall-ieħor
IIIa.2F1. Sustanza attiva
Sabiex jiġi żgurat li l-kwalità tas-sustanza attiva tkun konsistenti minn lott għall-ieħor u biex tintwera l-konformità mal-ispeċifikazzjonijiet, għandha tiġi pprovduta data minn lottijiet rappreżentattivi.
IIIa.2F2. Prodott lest
Sabiex jiġi żgurat li l-kwalità tal-prodott tkun konsistenti minn lott għall-ieħor u biex tintwera l-konformità mal-ispeċifikazzjonijiet, għandu jiġi pprovdut protokoll sħiħ ta’ tliet lottijiet konsekuttivi rappreżentattivi tal-produzzjoni ta’ rutina.
IIIa.2G. Testijiet tal-istabbiltà
(1) It-testijiet tal-istabbiltà jkopru l-istabbiltà tas-sustanza attiva u tal-prodott lest, inkluż(i) is-solvent(i), jekk rilevanti. Jekk is-sustanzi attivi jinħażnu, il-kundizzjonijiet u t-tul maħsuba tal-ħażna għandhom jiġu definiti abbażi tad-data dwar l-istabbiltà; dawn jistgħu jinkisbu jew permezz tal-ittestjar tas-sustanzi attivi nfushom jew permezz ta’ ttestjar xieraq tal-prodott lest.
(2) Għandha tingħata deskrizzjoni tat-testijiet imwettqa biex jappoġġaw il-ħajja fuq l-ixkaffa, il-kundizzjonijiet tal-ħżin rakkomandati u l-ispeċifikazzjonijiet fit-tmiem tal-perjodu ta’ stabbiltà propost mill-applikant. Dawk it-testijiet għandhom dejjem ikunu studji f’ħin reali; huma għandhom jitwettqu fuq mhux anqas minn tliet lottijiet rappreżentattivi prodotti skont il-proċess tal-produzzjoni deskritt u fuq prodotti maħżuna fil-kontenitur(i) finali; dawk it-testijiet jinkludu testijiet tal-istabbiltà bijoloġika u fiżikokimika mwettqa f’intervalli regolari, għall-prodott lest sat-tmiem il-ħajja fuq l-ixkaffa ddikjarata.
(3) Il-konklużjonijiet għandhom jinkludu r-riżultati tal-analiżijiet, li jiġġustifikaw il-ħajja fuq l-ixkaffa proposta fil-kundizzjonijiet tal-ħżin kollha proposti. Ir-riżultati miksuba matul l-istudju tal-istabbiltà għandhom jiġu kkunsidrati meta jiġu definiti l-ispeċifikazzjonijiet xierqa tal-formulazzjoni u r-rilaxx biex tiġi żgurata l-konformità tal-prodott mal-ħajja fuq l-ixkaffa ddikjarata.
(4) Fil-każ ta’ prodotti mogħtija fl-għalf, għandha tingħata wkoll informazzjoni kif meħtieġ dwar il-ħajja fuq l-ixkaffa tal-prodott, fl-istadji differenti tat-taħlit, meta jitħallat skont l-istruzzjonijiet rakkomandati.
(5) Meta prodott lest ikun jeħtieġ rikostituzzjoni qabel jingħata jew jingħata fl-ilma tax-xorb, huma meħtieġa d-dettalji tal-ħajja fuq l-ixkaffa proposta għall-prodott rikostitwit kif rakkomandat. Għandha tiġi ppreżentata data li tappoġġa l-ħajja fuq l-ixkaffa proposta għall-prodott rikostitwit.
(6) Fil-każ ta’ kontenituri b’ħafna dożi, fejn ikun rilevanti, għandha tiġi ppreżentata d-data dwar l-istabbiltà biex tiġġustifika ħajja fuq l-ixkaffa għall-prodott wara li jkun ittaqqab jew infetaħ għall-ewwel darba u għandha tiġi definita speċifikazzjoni waqt l-użu.
(7) Meta prodott lest jista’ jwassal għal prodotti ta’ degradazzjoni, l-applikant għandu jiddikjara dawk il-prodotti u jindika l-metodi ta’ identifikazzjoni u l-proċeduri ta’ ttestjar użati.
(8) Id-data dwar l-istabbiltà miksuba minn prodotti kkombinati tista’ tintuża meta dan ikun iġġustifikat b’mod adegwat għal prodotti derivati li jkun fihom wieħed jew aktar mill-istess komponenti.
(9) Għandha tintwera l-effikaċja ta’ kwalunkwe sistema preżervattiva. L-informazzjoni dwar l-effikaċja tal-preservattivi fi prodotti mediċinali veterinarji bijoloġiċi simili oħra mill-istess manifattur tista’ tkun suffiċjenti.
IIIa.2H. Informazzjoni oħra
L-informazzjoni relatata mal-kwalità tal-prodott mediċinali veterinarju bijoloġiku li mhijiex koperta mill-Parti IIIa.2 sa IIIa2G tista’ tiġi inkluża fil-fajl.
IIIa.3. Parti 3: Dokumentazzjoni dwar is- ►C3 sikurezza ◄ (testijiet tas- ►C3 sikurezza ◄ u tar-residwi)
(1) Kull rapport ta’ studju għandu jinkludi:
kopja tal-pjan tal-istudju (protokoll);
dikjarazzjoni ta’ konformità mal-prattika tajba tal-laboratorju, fejn applikabbli;
deskrizzjoni tal-metodi, l-apparat u l-materjali użati;
deskrizzjoni u ġustifikazzjoni tas-sistema tat-test;
deskrizzjoni tar-riżultati miksuba, f’dettall suffiċjenti biex tippermetti li r-riżultati jkunu jistgħu jiġu evalwati b’mod kritiku indipendentement mill-interpretazzjoni tagħhom mill-awtur;
analiżi statistika tar-riżultati fejn ikun xieraq;
diskussjoni tar-riżultati, b’kumment dwar il-livelli ta’ effetti osservati u mhux osservati, u dwar kwalunkwe riżultat mhux tas-soltu;
l-isem tal-laboratorju;
l-isem tad-direttur tal-istudju;
il-firma u d-data;
il-post u l-perjodu ta’ żmien li matulu sar l-istudju;
il-kjavi għall-abbrevjazzjonijiet u l-kodiċijiet, irrispettivament minn jekk ikunux aċċettati internazzjonalment jew le;
deskrizzjoni tal-proċeduri matematiċi u statistiċi.
(2) L-istudji ppubblikati jistgħu jiġu aċċettati jekk ikun fihom ammont suffiċjenti ta’ data u dettalji suffiċjenti biex jippermettu valutazzjoni indipendenti. It-tekniki sperimentali għandhom jiġu deskritti f’dettall tali li jkunu jistgħu jiġu riprodotti, u l-investigatur għandu jistabbilixxi l-validità tagħhom. Is-sommarji ta’ studji li għalihom ma jkunux disponibbli rapporti dettaljati m’għandhomx jiġu aċċettati bħala dokumentazzjoni valida. Biex jiġu indirizzati ċerti rekwiżiti tas- ►C3 sikurezza ◄ tista’ ssir referenza għall-EPMAR meta s-sustanza tkun ġiet evalwata qabel għall-istabbiliment tal-MRLs. Meta ssir referenza għall-EPMARs, ma jkunx hemm bżonn li jiġu ppreżentati studji diġà evalwati bħala parti mill-evalwazzjoni tal-MRL; għandhom jiġu pprovduti biss l-istudji ġodda mhux disponibbli għall-valutazzjoni tal-MRL. Jekk ir-rotta tal-esponiment (pereżempju, għall-utent) ma tkunx identika għar-rotta użata skont ir-Regolament (UE) 2018/782, jistgħu jkunu meħtieġa studji ġodda.
IIIa.3A. Testijiet dwar is- ►C3 sikurezza ◄
(1) Id-dokumentazzjoni dwar is- ►C3 sikurezza ◄ għandha tkun adegwata għall-valutazzjoni ta’:
it-tossiċità potenzjali tal-prodott mediċinali veterinarju u kwalunkwe effett perikoluż jew mhux mixtieq fl-ispeċi fil-mira, li jista’ jseħħ fil-kundizzjonijiet proposti tal-użu;
ir-riskji potenzjali li jistgħu jirriżultaw mill-esponiment tal-bnedmin għall-prodott mediċinali veterinarju, pereżempju, waqt l-għoti tiegħu lill-annimal;
ir-riskji potenzjali għall-ambjent li jirriżultaw mill-użu tal-prodott mediċinali veterinarju.
(2) F’xi każijiet, jista’ jkun meħtieġ li jiġu ttestjati l-metaboliti tal-kompost oriġinarju meta dawn jirrappreżentaw ir-residwi ta’ tħassib.
(3) Eċċipjent użat għall-ewwel darba fi prodott mediċinali veterinarju jew b’mezz ġdid ta’ amministrazzjoni għandu jiġi ttrattat bħal sustanza attiva.
(4) Għandhom jiġu indirizzati t-taqsimiet kollha elenkati fil-Parti IIIa.3 A. Skont in-natura tal-prodott, ċerti taqsimiet jistgħu ma jkunux rilevanti u l-istudji jistgħu jitħallew barra, fejn ikun ġustifikat.
IIIa.3A1. Identifikazzjoni preċiża tal-prodott u tas-sustanza(i) attiva(i) tiegħu:
id-denominazzjoni internazzjonali komuni (INN);
l-Isem tal-Unjoni Internazzjonali tal-Kimika Pura u Applikata (IUPAC);
in-numru tal-Chemical Abstract Service (CAS);
il-klassifikazzjoni terapewtika, farmakoloġika u kimika;
is-sinonimi u l-abbrevjazzjonijiet;
il-formula strutturali;
il-formula molekulari;
il-piż molekulari;
il-grad ta’ impurità;
il-kompożizzjoni kwalitattiva u kwantitattiva tal-impuritajiet;
deskrizzjoni tal-proprjetajiet fiżiċi;
is-solubilità fl-ilma u s-solventi organiċi espressi f’g/l, b’indikazzjoni tat-temperatura;
ir-rifrazzjoni tad-dawl, ir-rotazzjoni ottika, eċċ.;
il-formulazzjoni tal-prodott.
IIIa.3A2. Farmakoloġija
(1) L-istudji farmakoloġiċi huma ta’ importanza fundamentali biex jiġu ċċarati l-mekkaniżmi li bihom il-prodott mediċinali veterinarju jipproduċi l-effetti terapewtiċi tiegħu, u għalhekk għandhom jiġu inklużi l-istudji farmakoloġiċi li jitwettqu fuq l-ispeċi ta’ annimal fil-mira u, fejn applikabbli, fuq speċijiet ta’ annimali mhux fil-mira. Tista’ ssir kontroreferenza, jekk applikabbli, għall-istudji ppreżentati fil-Parti 4 tal-fajl.
(2) L-istudji farmakoloġiċi jistgħu jassistu wkoll biex wieħed jifhem il-fenomeni tossikoloġiċi. Meta prodott mediċinali veterinarju jipproduċi effetti farmakoloġiċi fin-nuqqas ta’ rispons tossiku, jew b’dożi aktar baxxi minn dawk meħtieġa biex tiġi kkawżata t-tossiċità, dawk l-effetti farmakoloġiċi għandhom jiġu kkunsidrati matul l-evalwazzjoni tas- ►C3 sikurezza ◄ tal-prodott mediċinali veterinarju.
(3) Id-dokumentazzjoni dwar is- ►C3 sikurezza ◄ għandha dejjem tkun preċeduta mid-dettalji tal-investigazzjonijiet farmakoloġiċi mwettqa fuq annimali tal-laboratorju u l-informazzjoni rilevanti kollha osservata matul l-istudji kliniċi fuq l-annimal fil-mira.
IIIa.3A2.1. Farmakodinamika
Għandha tiġi pprovduta informazzjoni dwar il-mekkaniżmu ta’ azzjoni tas-sustanza(i) attiva(i), flimkien ma’ informazzjoni dwar l-effetti farmakodinamiċi primarji u sekondarji sabiex tgħin fil-fehim ta’ kwalunkwe effett avvers fl-istudji fuq l-annimali. Ir-rappurtar dettaljat tal-proprjetajiet farmakodinamiċi relatati mal-effett terapewtiku għandu jiġi rrappurtat fil-Parti 4 A tal-fajl.
IIIa.3A2.2. Farmakokinetika
Għandha tiġi pprovduta data dwar id-destin tas-sustanza attiva u tal-metaboliti tagħha fl-annimali tal-laboratorju, li tkopri l-assorbiment, id-distribuzzjoni, il-metaboliżmu u l-eskrezzjoni (ADME). Id-data għandha tkun relatata mas-sejbiet dwar id-doża/effett fl-istudji farmakoloġiċi u tossikoloġiċi, biex jiġi determinat l-esponiment adegwat.
IIIa.3A3. Tossikoloġija
(1) Id-dokumentazzjoni dwar it-tossikoloġija għandha ssegwi l-gwida ppubblikata mill-Aġenzija dwar l-approċċ ġenerali għall-ittestjar u l-gwida dwar studji partikolari. Din il-gwida tinkludi d-data tossikoloġika meħtieġa għall-istabbiliment tas- ►C3 sikurezza ◄ tal-utent, u l-valutazzjoni tal-effetti avversi fl-annimali fil-mira u fl-ambjent.
(2) L-istudji dwar it-tossiċità għandhom jitwettqu bis-sustanza(i) attiva(i), u mhux bil-prodott ifformulat, sakemm ma jkunx meħtieġ speċifikament mod ieħor.
(3) L-istudji fuq l-annimali għandhom jitwettqu f’razez stabbiliti ta’ annimali tal-laboratorju li għalihom (preferibbilment) tkun disponibbli data storika.
IIIa.3A3.1. Tossiċità b’doża waħda
L-istudji dwar it-tossiċità b’doża waħda jistgħu jintużaw biex ibassru:
l-effetti possibbli ta’ doża eċċessiva akuta fl-ispeċi fil-mira;
l-effetti possibbli ta’ amministrazzjoni aċċidentali lill-bnedmin;
id-dożi li jistgħu jintużaw b’mod utli fl-istudji b’dożi ripetuti.
L-istudji dwar it-tossiċità b’doża waħda għandhom jiżvelaw l-effetti tossiċi akuti tas-sustanza u ż-żmien għall-bidu u r-remissjoni tagħhom.
L-istudji li għandhom jitwettqu għandhom jintgħażlu bil-ħsieb li tiġi pprovduta informazzjoni dwar is- ►C3 sikurezza ◄ tal-utent, pereżempju, jekk ikun antiċipat esponiment sostanzjali permezz ta’ inalazzjoni jew kuntatt dermali tal-utent tal-prodott mediċinali veterinarju, għandhom jiġu studjati dawk ir-rotot ta’ esponiment.
IIIa.3A3.2. Tossiċità b’doża ripetuta
It-testijiet tat-tossiċità b’dożi ripetuti huma maħsuba biex jiżvelaw kwalunkwe bidla fiżjoloġika u/jew patoloġika kkawżata mill-għoti ripetut tas-sustanza attiva jew ta’ kombinazzjoni tas-sustanzi attivi taħt eżami, u biex jiddeterminaw kif dawk il-bidliet huma relatati mad-dożaġġ.
Studju dwar it-tossiċità b’doża ripetuta fi speċi waħda ta’ annimal sperimentali normalment għandu jkun biżżejjed. Dan l-istudju jista’ jiġi sostitwit bi studju mwettaq fl-annimal fil-mira. Il-frekwenza u r-rotta ta’ amministrazzjoni, u t-tul tal-istudju għandhom jintgħażlu b’kont meħud tal-kundizzjonijiet proposti tal-użu kliniku u/jew tal-esponiment tal-utent. L-applikant għandu jagħti r-raġunijiet tiegħu għall-firxa u t-tul tal-istudji u d-dożaġġi magħżula.
IIIa.3A3.3. Tolleranza fl-ispeċi fil-mira
Għandu jiġi pprovdut sommarju ta’ kwalunkwe sinjal ta’ intolleranza li jkun ġie osservat matul l-istudji mwettqa, normalment bil-formulazzjoni finali, fl-ispeċi fil-mira skont ir-rekwiżiti tal-Parti IIIa.4A4 ( ►C3 sikurezza ◄ tal-annimal fil-mira). Għandhom jiġu identifikati l-istudji kkonċernati, id-dożaġġi li bihom tkun seħħet l-intolleranza, u l-ispeċijiet u r-razez ikkonċernati. Għandhom jiġu pprovduti wkoll id-dettalji ta’ kwalunkwe bidla fiżjoloġika mhux mistennija. Ir-rapporti sħaħ ta’ dawk l-istudji għandhom jiġu inklużi fil-Parti 4 tal-fajl.
IIIa.3A3.4. Tossiċità riproduttiva li tinkludi t-tossiċità tal-iżvilupp
(1) Studju tal-effetti fuq ir-riproduzzjoni
Għall-prodotti maħsuba biex jintużaw f’annimali għat-tnissil, għandhom jiġu pprovduti studji dwar is- ►C3 sikurezza ◄ riproduttiva f’konformità mal-VICH GL43. Mhumiex mistennija studji dwar it-tossiċità riproduttiva f’annimali tal-laboratorju għall-evalwazzjoni tal-effetti fuq l-utent.
(2) Studju tat-tossiċità tal-iżvilupp
Għall-evalwazzjoni tal-effetti fl-ispeċijiet ta’ annimali fil-mira, mhumiex meħtieġa studji dwar it-tossiċità tal-iżvilupp għal prodotti maħsuba biss biex jintużaw f’annimali mhux għat-tnissil. Għal prodotti oħra, għandu jsir studju dwar it-tossiċità tal-iżvilupp f’mill-anqas speċi waħda, li tista’ tkun l-ispeċi fil-mira.
Għall-evalwazzjoni tas- ►C3 sikurezza ◄ tal-utent, għandu jsir ittestjar standard tat-tossiċità tal-iżvilupp skont it-testijiet standard ibbażati fuq gwida stabbilita (inkluża l-VICH GL32 u t-testijiet tal-OECD) fil-każijiet kollha fejn jista’ jkun mistenni esponiment sinifikanti tal-utent.
IIIa.3A3.5. Ġenotossiċità
Sakemm ma jkunx iġġustifikat mod ieħor, għandhom jitwettqu testijiet għall-potenzjal ġenotossiku biex jiġu żvelati l-bidliet li sustanza tista’ tikkawża fil-materjal ġenetiku taċ-ċelloli. Kwalunkwe sustanza maħsuba biex tiġi inkluża fi prodott mediċinali veterinarju għall-ewwel darba għandha tiġi valutata għall-proprjetajiet ġenotossiċi.
Ġeneralment għandha titwettaq batterija standard ta’ testijiet tal-ġenotossiċità skont testijiet standard ibbażati fuq gwida stabbilita (inklużi l-VICH GL23 u t-testijiet tal-OECD) fuq is-sustanza(i) attiva(i).
IIIa.3A3.6. Karċinoġeniċità
Id-deċiżjoni dwar jekk ikunx meħtieġ ittestjar tal-karċinoġeniċità għandha tqis ir-riżultati tat-testijiet tal-ġenotossiċità, ir-relazzjonijiet bejn l-istruttura u l-attività u s-sejbiet f’testijiet tat-tossiċità b’dożi ripetuti li jistgħu juru l-potenzjal għal bidliet iper-/neoplastiċi.
Għandha tiġi kkunsidrata kwalunkwe speċifiċità magħrufa għall-ispeċi tal-mekkaniżmu ta’ tossiċità, kif ukoll kwalunkwe differenza fil-metaboliżmu bejn l-ispeċi tat-test, l-ispeċi ta’ annimal fil-mira, u l-bnedmin.
L-ittestjar tal-karċinoġeniċità għandu jitwettaq skont testijiet standard ibbażati fuq gwida stabbilita (inklużi l-VICH GL28 u t-testijiet tal-OECD).
IIIa.3A3.7. Eċċezzjonijiet
Meta prodott mediċinali veterinarju jkun maħsub għal użu topiku, l-assorbiment sistemiku għandu jiġi investigat fl-ispeċijiet ta’ annimali fil-mira. Jekk jiġi ppruvat li l-assorbiment sistemiku jkun negliġibbli, it-testijiet tat-tossiċità b’doża ripetuta, it-testijiet għat-tossiċità tal-iżvilupp u t-testijiet tal-karċinoġeniċità jistgħu jitħallew barra, sakemm:
fil-kundizzjonijiet maħsuba tal-użu, wieħed jistenna l-inġestjoni orali tal-prodott mediċinali veterinarju mill-annimal, jew
fil-kundizzjonijiet maħsuba tal-użu, wieħed jistenna l-esponiment orali tal-utent tal-prodott mediċinali veterinarju.
IIIa.3A4. Rekwiżiti oħrajn
IIIa.3A4.1. Studji speċjali
Għal gruppi partikolari ta’ sustanzi, jew jekk l-effetti osservati waqt studji b’dożi ripetuti fl-annimali jinkludu bidliet indikattivi ta’, pereżempju, immunoġeniċità, immunotossiċità, newrotossiċità jew disfunzjoni endokrinali, għandu jkun meħtieġ ittestjar ulterjuri, pereżempju, studji ta’ sensitizzazzjoni jew testijiet ta’ newrotossiċità ttardjata. Skont in-natura tal-prodott, jista’ jkun meħtieġ li jsiru studji addizzjonali biex jiġi valutat il-mekkaniżmu sottostanti tal-effett tossiku jew il-potenzjal ta’ irritazzjoni.
Għall-prodotti li għalihom jista’ jkun hemm esponiment għall-ġilda u l-għajnejn, għandhom jiġu pprovduti studji dwar l-irritazzjoni u s-sensitizzazzjoni. Dawk l-istudji normalment għandhom jitwettqu bil-formulazzjoni finali.
Fit-tfassil ta’ dawn l-istudji u fl-evalwazzjoni tar-riżultati tagħhom għandhom jiġu kkunsidrati l-istat tal-għarfien xjentifiku u l-gwida stabbilita.
IIIa.3A4.2. Osservazzjonijiet fil-bnedmin
Għandha tiġi pprovduta informazzjoni dwar jekk is-sustanzi farmakoloġikament attivi tal-prodott mediċinali veterinarju jintużawx bħala prodotti mediċinali fit-terapija tal-bniedem; jekk dan ikun il-każ, għandha ssir kumpilazzjoni mill-istudji ppubblikati tal-effetti kollha osservati (inklużi r-reazzjonijiet avversi) fil-bnedmin u tal-kawża tagħhom, sa fejn dawn jistgħu jkunu importanti għall-valutazzjoni tas- ►C3 sikurezza ◄ tal-prodott mediċinali veterinarju, meta l-kostitwenti tal-prodotti mediċinali veterinarji nfushom ma jintużawx jew ma jkunux għadhom jintużaw bħala prodotti mediċinali fit-terapija tal-bniedem għal raġunijiet ta’ ►C3 sikurezza ◄ , dawn għandhom jiġu ddikjarati jekk ikunu disponibbli għall-pubbliku.
IIIa.3A4.3. Żvilupp tar-reżistenza u r-riskju relatat fil-bnedmin
Ir-rekwiżiti tad-data msemmija f’dan il-punt huma relatati ma’ sustanzi antibatteriċi u jistgħu ma jkunux applikabbli għal tipi oħra ta’ antimikrobiċi (jiġifieri antivirali, antifungali u aġenti antiprotożoarji); għal sustanzi għajr antibatteriċi li għalihom l-eżistenza ta’ reżistenza għall-antimikrobiċi tkun stabbilita sewwa, jistgħu jiġu segwiti l-istess rekwiżiti, fejn applikabbli.
Hija neċessarja data dwar it-tfaċċar potenzjali ta’ batterji reżistenti jew id-determinanti tar-reżistenza ta’ rilevanza għas-saħħa tal-bniedem li jkunu assoċjati mal-użu ta’ prodotti mediċinali veterinarji. Il-mekkaniżmu tal-iżvilupp u tal-għażla ta’ din ir-reżistenza huwa partikolarment importanti f’dan ir-rigward. Fejn ikun meħtieġ, għandhom jiġu proposti miżuri biex jiġi limitat l-iżvilupp tar-reżistenza mill-użu maħsub tal-prodott mediċinali veterinarju.
Id-data dwar ir-reżistenza rilevanti għall-użu kliniku tal-prodott fl-annimali fil-mira għandha tiġi indirizzata skont il-Parti IIIa.4A2. Fejn ikun rilevanti, għandha ssir kontroreferenza għad-data stabbilita fil-Parti IIIa.4A2.
(1) Fil-każ tal-annimali li jipproduċu l-ikel, il-valutazzjoni tar-riskju għandha tindirizza:
l-identifikazzjoni ta’ batterji reżistenti jew ta’ determinanti tar-reżistenza li jistgħu jkunu assoċjati ma’ mard tal-bniedem (batterji żoonotiċi u/jew kommensali) u jintgħażlu bl-użu tal-prodott mediċinali veterinarju antimikrobiku fl-annimali fil-mira (identifikazzjoni tal-periklu);
il-probabbiltà ta’ rilaxx tal-periklu(i) identifikat(i) mill-ispeċi ta’ annimal fil-mira bħala riżultat tal-użu tal-prodott mediċinali veterinarju li jkun qed jiġi eżaminat;
il-probabbiltà ta’ esponiment sussegwenti tal-bniedem għall-periklu(i) identifikat(i) permezz tal-ikel jew permezz ta’ kuntatt dirett, u l-konsegwenzi li jirriżultaw (effetti avversi fuq is-saħħa) għas-saħħa tal-bniedem. Hemm gwida disponibbli fil-VICH GL27 u fl-EU GLs.
(2) Għall-annimali tal-kumpanija, il-konsiderazzjoni tar-riskju għas-saħħa tal-bniedem jew għas-saħħa pubblika għandha tindirizza:
l-identifikazzjoni ta’ batterji reżistenti jew ta’ determinanti tar-reżistenza li jistgħu jkunu assoċjati ma’ mard tal-bniedem u jintgħażlu bl-użu tal-prodott mediċinali veterinarju antimikrobiku fl-annimali fil-mira;
stima tal-esponiment tal-batterji żoonotiċi u kommensali fl-ispeċijiet ta’ annimali fil-mira abbażi tal-kundizzjonijiet tal-użu tal-prodott mediċinali veterinarju li jkun qed jiġi eżaminat;
il-konsiderazzjoni tal-esponiment sussegwenti tal-bniedem għall-AMR, u l-konsegwenzi li jirriżultaw għas-saħħa tal-bniedem.
(3) Għandha tiġi indirizzata r-reżistenza fl-ambjent.
IIIa.3A5. ►C3 Sikurezza ◄ tal-utent
It-taqsima dwar is- ►C3 sikurezza ◄ tal-utent għandha tinkludi valutazzjoni tal-effetti misjuba fil-Parti IIIa.3 A sa IIIa.3A4 u torbotha mat-tip u l-firxa ta’ esponiment tal-bniedem għall-prodott bil-għan li jiġu fformulati twissijiet xierqa għall-utent u miżuri oħra għall-ġestjoni tar-riskju.
Is- ►C3 sikurezza ◄ tal-utent għandha tiġi indirizzata skont il-linji gwida tas-CVMP.
IIIa.3A6. Valutazzjoni tar-riskju ambjentali
IIIa.3A6.1. Valutazzjoni tar-riskju ambjentali ta’ prodotti mediċinali veterinarji li ma fihomx jew li ma jikkonsistux minn organiżmi ġenetikament modifikati
(1) Għandha titwettaq valutazzjoni tar-riskju ambjentali biex jiġu valutati l-effetti potenzjali ta’ ħsara, li l-użu tal-prodott mediċinali veterinarju jista’ jikkawża lill-ambjent u biex jiġi identifikat ir-riskju ta’ dawk l-effetti. Il-valutazzjoni għandha tidentifika wkoll kwalunkwe miżura ta’ prekawzjoni li tista’ tkun meħtieġa biex jitnaqqas dan ir-riskju.
(2) Din il-valutazzjoni tikkonsisti minn żewġ fażijiet. L-ewwel fażi tal-valutazzjoni għandha dejjem titwettaq. Id-dettalji tal-valutazzjoni għandhom jiġu pprovduti skont il-gwida ppubblikata mill-Aġenzija. Din għandha tindika l-esponiment potenzjali tal-ambjent għall-prodott u l-livell ta’ riskju assoċjat ma’ kwalunkwe esponiment bħal dan billi jitqiesu b’mod partikolari l-elementi li ġejjin:
l-ispeċijiet ta’ annimali fil-mira, u l-mudell propost tal-użu;
il-metodu ta’ amministrazzjoni, b’mod partikolari kemm ikun probabbli li l-prodott jidħol direttament fis-sistemi ambjentali;
l-eskrezzjoni possibbli tal-prodott, is-sustanzi attivi tiegħu jew il-metaboliti rilevanti fl-ambjent mill-annimali ttrattati; il-persistenza f’dawn l-eskrementi;
ir-rimi ta’ prodott mediċinali veterinarju mhux użat jew prodott ieħor ta’ skart.
(3) Fit-tieni fażi, għandha ssir aktar investigazzjoni speċifika tad-destin u l-effetti tal-prodott fuq ekosistemi partikolari, skont il-gwida ppubblikata mill-Aġenzija. Għandhom jiġu kkunsidrati l-firxa tal-esponiment tal-prodott għall-ambjent, u l-informazzjoni disponibbli dwar il-proprjetajiet fiżiċi/kimiċi, farmakoloġiċi u/jew tossikoloġiċi tas-sustanza(i) kkonċernata(i), inklużi l-metaboliti fil-każ ta’ riskju mhux identifikat, li tkun inkisbet matul it-twettiq tat-testijiet u l-provi l-oħra meħtieġa minn dan ir-Regolament.
Fil-każ ta’ prodotti maħsuba għal speċijiet li jipproduċu l-ikel, is-sustanzi persistenti, bijoakkumulattivi u tossiċi (PBT) jew persistenti ħafna u bijoakkumulattivi ħafna (vPvB) għandhom jiġu kklassifikati skont il-kriterji fl-Anness XIII tar-Regolament REACH u jiġu valutati skont il-gwida għall-valutazzjoni PBT u vPvB tas-sustanzi fil-mediċini veterinarji ppubblikata mill-Aġenzija
IIIa.3A6.2. Valutazzjoni tar-riskju ambjentali għal prodotti mediċinali veterinarji li fihom jew li jikkonsistu minn organiżmi ġenetikament modifikati
(1) Fil-każ ta’ prodott mediċinali veterinarju li jkun fih jew li jkun jikkonsisti minn organiżmi ġenetikament modifikati, l-applikazzjoni għandha tkun akkumpanjata wkoll mid-dokumenti meħtieġa skont l-Artikolu 2 u l-Parti C tad-Direttiva 2001/18/KE.
(2) L-effetti avversi potenzjali fuq is-saħħa tal-bniedem u l-ambjent, li jistgħu jseħħu permezz ta’ trasferiment tal-ġeni minn OĠM għal organiżmi oħra jew li jirriżultaw minn modifiki ġenetiċi, għandhom jiġu valutati b’mod preċiż fuq bażi ta’ każ b’każ. L-għan ta’ valutazzjoni tar-riskju ambjentali bħal din huwa li jiġu identifikati u evalwati l-effetti avversi potenzjali diretti u indiretti, immedjati jew ittardjati tal-OĠM fuq is-saħħa tal-bniedem u l-ambjent (inklużi l-pjanti u l-annimali) u għandha titwettaq skont il-prinċipji tal-Anness II tad-Direttiva 2001/18/KE.
IIIa.3B. Testijiet tar-residwi
(1) Għall-finijiet ta’ dan il-punt, għandhom japplikaw id-definizzjonijiet tar-Regolament (KE) Nru 470/2009.
(2) L-għan li jiġi studjat it-tnaqqis tar-residwi mit-tessut li jittiekel jew mill-bajd, il-ħalib u l-għasel (ix-xama’ jekk ikun xieraq) derivati minn annimali ttrattati huwa li jiġi stabbilit f’liema kundizzjonijiet u sa liema punt ir-residwi jistgħu jippersistu f’oġġetti tal-ikel prodotti minn dawk l-annimali. Barra minn hekk, l-istudji għandhom jippermettu d-determinazzjoni ta’ ►C5 perjodu ta’ stennija ◄ .
(3) Fil-każ ta’ prodotti mediċinali veterinarji maħsuba għall-użu f’annimali li jipproduċu l-ikel, id-dokumentazzjoni dwar ir-residwi għandha turi:
sa fejn, u għal kemm żmien, ir-residwi tal-prodott mediċinali veterinarju jew il-metaboliti tiegħu jippersistu fit-tessuti li jittieklu tal-annimal ittrattat jew fil-ħalib, il-bajd u/jew l-għasel (ix-xama’ jekk ikun xieraq) miksuba minnu;
li sabiex jiġi evitat kwalunkwe riskju għas-saħħa tal-konsumatur ta’ oġġetti tal-ikel minn annimali ttrattati, huwa possibbli li jiġu stabbiliti ►C5 perjodi realistiċi ta’ stennija ◄ li jistgħu jiġu osservati f’kundizzjonijiet prattiċi ta’ biedja;
li l-metodi analitiċi użati fl-istudju dwar it-tnaqqis tar-residwi jkunu validati b’mod suffiċjenti biex jipprovdu l-garanziji neċessarji li d-data ppreżentata dwar ir-residwi tkun adatta bħala bażi għal ►C5 perjodu ta’ stennija ◄ .
IIIa.3B1. Identifikazzjoni tal-prodott
Għandha tiġi pprovduta identifikazzjoni tal-prodott(i) mediċinali veterinarju(i) użat(i) fl-ittestjar, li tinkludi:
il-kompożizzjoni;
ir-riżultati tat-testijiet fiżiċi u kimiċi (potenza u purità) għal-lott(ijiet) rilevanti;
l-identifikazzjoni tal-lott.
IIIa.3B2. Tnaqqis tar-residwi
(1) L-għan ta’ dawn l-istudji, li jkejlu r-rata li biha r-residwi jonqsu fl-annimal fil-mira wara l-aħħar għoti tal-prodott mediċinali veterinarju, huwa li jippermettu d-determinazzjoni ►C5 tal-perjodi ta’ stennija neċessarji biex jiġi żgurat ◄ li ma jkun hemm l-ebda residwu li jista’ jikkostitwixxi periklu għall-konsumaturi fl-oġġetti tal-ikel miksuba mill-annimali ttrattati.
(2) Għandu jiġi rrappurtat l-istatus attwali tal-limiti massimi ta’ residwi għall-komponenti tal-prodott mediċinali veterinarju fl-ispeċi fil-mira rilevanti.
(3) Il-livelli tar-residwi preżenti għandhom jiġu determinati f’għadd suffiċjenti ta’ punti ta’ żmien wara li l-annimali tat-test ikunu rċevew id-doża finali tal-prodott mediċinali veterinarju. L-istudji fuq il-mammiferi u t-tjur għandhom jitwettqu skont il-VICH GL48 u linji gwida rilevanti oħra. L-istudji dwar ir-residwi fl-għasel għandhom jitwettqu skont il-VICH GL56 u l-istudji dwar it-tnaqqis fl-ispeċijiet akkwatiċi skont il-VICH GL57.
(4) Fuq il-bażi tal-evalwazzjoni, għandu jiġi indirizzat ir-raġunament għall- ►C5 perjodu ta’ stennija ◄ propost.
IIIa.3B3. Metodu analitiku tar-residwi
(1) L-istudju (studji) dwar it-tnaqqis tar-residwi, il-metodi analitiċi u l-validazzjoni tiegħu (tagħhom) għandhom jitwettqu skont il-VICH GL49.
(2) L-idoneità tal-metodu analitiku propost għandha tiġi evalwata fir-rigward tal-istat tal-għarfien xjentifiku u tekniku fil-mument li tiġi ppreżentata l-applikazzjoni.
IIIa.4. Parti 4: Dokumentazzjoni dwar l-effikaċja (studji prekliniċi u prova(i) klinika(ċi))
IIIa.4 A. Studji prekliniċi
L-istudji prekliniċi għandhom l-għan li jinvestigaw is- ►C3 sikurezza ◄ u l-effikaċja tal-prodott fl-annimali fil-mira u huma meħtieġa li jistabbilixxu l-attività farmakoloġika, il-proprjetajiet farmakokinetiċi, id-doża u l-intervall tad-dożaġġ, ir-reżistenza (jekk applikabbli) u t-tolleranza tal-prodott tal-annimali fil-mira.
IIIa.4A1. Farmakoloġija
IIIa.4A1.1. Farmakodinamika
(1) Għandhom jiġu kkaratterizzati l-effetti farmakodinamiċi tas-sustanza(i) attiva(i) inkluża/inklużi fil-prodott mediċinali veterinarju.
(2) Il-mod ta’ azzjoni u l-effetti farmakoloġiċi li fuqhom tkun ibbażata l-applikazzjoni rakkomandata fil-prattika għandhom jiġu deskritti b’mod adegwat, inklużi l-effetti sekondarji (jekk ikun hemm). B’mod ġenerali, għandhom jiġu investigati l-effetti fuq il-funzjonijiet prinċipali tal-ġisem. Ir-riżultati għandhom jiġu espressi f’termini kwantitattivi (bl-użu, pereżempju, ta’ kurvi tal-effett skont id-doża, kurvi tal-effett mal-ħin, eċċ.) u, fejn ikun possibbli, bi tqabbil ma’ sustanza li l-attività tagħha tkun magħrufa sewwa. Fejn jingħad li jkun hemm attività ogħla għal sustanza attiva, id-differenza għandha tiġi dimostrata u murija li tkun statistikament sinifikanti.
(3) Għandu jiġi investigat kwalunkwe effett tal-karatteristiċi l-oħra tal-prodotti (bħar-rotta ta’ amministrazzjoni jew il-formulazzjoni) fuq l-attività farmakoloġika tas-sustanza attiva.
(4) It-tekniki sperimentali, sakemm ma jkunux proċeduri standard, għandhom jiġu deskritt f’dettall tali li jippermettilhom li jiġu riprodotti, u li tiġi stabbilita l-validità tagħhom. Ir-riżultati sperimentali għandhom jiġu stabbiliti b’mod ċar u għandu jiġi ppreżentat ir-riżultat ta’ kwalunkwe tqabbil statistiku.
(5) Sakemm ma jingħatawx raġunijiet adegwati għall-kuntrarju, għandha tiġi investigata wkoll kwalunkwe modifika kwantitattiva tar-risponsi li jirriżultaw mill-amministrazzjoni ripetuta tas-sustanza.
IIIa.4A1.2. Farmakokinetika
(1) Hija meħtieġa data farmakokinetika bażika dwar is-sustanza attiva fil-kuntest ta’ valutazzjoni tas- ►C3 sikurezza ◄ tal-annimali fil-mira u l-effikaċja tal-prodott mediċinali veterinarju fl-ispeċijiet fil-mira, b’mod partikolari jekk dan jikkonċerna sustanza jew formulazzjoni ġdida.
(2) L-objettivi tal-istudji farmakokinetiċi fl-ispeċijiet ta’ annimali fil-mira jistgħu jinqasmu f’erba’ oqsma ewlenin:
li jiddeskrivu l-karatteristiċi farmakokinetiċi bażiċi (jiġifieri l-assorbiment, id-distribuzzjoni, il-metaboliżmu u l-eskrezzjoni) tas-sustanza attiva fil-formulazzjoni;
li jinvestigaw ir-relazzjonijiet bejn ir-reġim tad-dożaġġ, il-konċentrazzjoni fil-plażma u fit-tessuti mal-ħin u l-effetti farmakoloġiċi, terapewtiċi jew tossiċi;
fejn ikun xieraq, li jqabblu l-parametri farmakokinetiċi bejn speċijiet fil-mira differenti u li jesploraw differenzi possibbli bejn l-ispeċijiet li jkollhom impatt fuq is- ►C3 sikurezza ◄ u l-effikaċja tal-prodott mediċinali veterinarju fl-annimali fil-mira;
fejn ikun xieraq, li jqabblu l-bijodisponibbiltà biex jappoġġaw ir-rabta tal-informazzjoni dwar is- ►C3 sikurezza ◄ u l-effikaċja bejn prodotti, forom farmaċewtiċi, qawwiet jew rotot ta’ amministrazzjoni differenti, jew li jqabblu l-impatt tal-bidliet fil-manifattura jew il-kompożizzjoni, inklużi l-formulazzjonijiet pilota u finali.
(3) Fl-ispeċijiet ta’ annimali fil-mira, l-istudji farmakokinetiċi huma, bħala regola, neċessarji bħala komplement għall-istudji farmakodinamiċi biex jappoġġaw l-istabbiliment ta’ reġimi ta’ dożaġġ siguri u effettivi (rotta u sit ta’ amministrazzjoni, doża, intervall tad-dożaġġ, numru ta’ amministrazzjonijiet, eċċ.). Jistgħu jkunu meħtieġa studji farmakokinetiċi addizzjonali biex jiġu stabbiliti reġimi ta’ dożaġġ skont ċerti varjabbli tal-popolazzjoni.
(4) Fejn ikunu ġew ippreżentati studji farmakokinetiċi taħt il-Parti 3 tal-fajl, tista’ ssir kontroreferenza għal dawk l-istudji.
(5) Għall-kombinazzjonijiet fissi, jekk jogħġbok irreferi għall-Parti IV.
IIIa.4A2. Żvilupp tar-reżistenza u r-riskju relatat fl-annimali
(1) Għall-prodotti mediċinali veterinarji bijoloġiċi rilevanti (pereżempju, sustanzi b’attività antimikrobika u antiparassitika), għandha tiġi pprovduta informazzjoni dwar ir-reżistenza attwali (jekk applikabbli) u dwar it-tfaċċar potenzjali ta’ reżistenza ta’ rilevanza klinika għall-indikazzjoni msemmija fl-ispeċijiet ta’ annimali fil-mira. Fejn ikun possibbli, għandha tiġi ppreżentata informazzjoni dwar il-mekkaniżmu(i) ta’ reżistenza, il-bażi ġenetika molekulari tar-reżistenza, u r-rata ta’ trasferiment tad-determinanti tar-reżistenza. Kull fejn ikun rilevanti, għandha tiġi ppreżentata informazzjoni dwar il-koreżistenza u r-reżistenza inkroċjata. L-applikant għandu jipproponi miżuri biex jiġi limitat l-iżvilupp tar-reżistenza f’organiżmi ta’ rilevanza klinika għall-użu maħsub tal-prodott mediċinali veterinarju.
(2) Ir-reżistenza rilevanti għar-riskji għall-bnedmin għandha tiġi indirizzata fil-Parti 3 tal-fajl. Fejn ikun rilevanti, għandha ssir kontroreferenza għad-data stabbilita fil-Parti 3 tal-fajl.
IIIa.4A3. Determinazzjoni u konferma tad-doża
(1) Għandha tiġi pprovduta data xierqa biex tiġġustifika d-doża proposta, l-intervall tad-dożaġġ, it-tul tat-trattament u kwalunkwe intervall għat-trattament mill-ġdid.
(2) Għall-istudji mwettqa fil-kundizzjonijiet proprji tal-użu, għandha tiġi pprovduta informazzjoni rilevanti kif spjegat taħt l-istudji kliniċi.
IIIa.4A4. Tolleranza fl-ispeċijiet ta’ annimali fil-mira
(1) Għandha tiġi investigata t-tolleranza lokali u sistemika tal-prodott mediċinali veterinarju fl-ispeċijiet ta’ annimali fil-mira. L-għan tal-istudji dwar is- ►C3 sikurezza ◄ tal-annimali fil-mira huwa li jikkaratterizzaw is-sinjali ta’ intolleranza u li jistabbilixxu marġini adegwat ta’ ►C3 sikurezza ◄ bl-użu tar-rotta/rotot rakkomandata(i) ta’ amministrazzjoni. Dan jista’ jinkiseb billi tiżdied id-doża u/jew billi jiżdied it-tul tat-trattament.
(2) Ir-rapport(i) tal-istudji għandu jkun fihom dettalji tal-effetti farmakoloġiċi mistennija kollha u r-reazzjonijiet avversi kollha. It-twettiq tal-istudji dwar is- ►C3 sikurezza ◄ tal-annimali fil-mira għandu jkun skont il-VICH u l-gwida rilevanti ppubblikata mill-Aġenzija. Studji prekliniċi u provi kliniċi oħra, flimkien ma’ informazzjoni rilevanti mil-letteratura ppubblikata, jistgħu jipprovdu wkoll informazzjoni dwar is- ►C3 sikurezza ◄ fl-ispeċijiet fil-mira.
IIIa.4B. Provi kliniċi
IIIa.4B1. Prinċipji ġenerali
(1) Il-provi kliniċi għandhom jitfasslu, jitwettqu u jiġi rrappurtati b’kont meħud tal-VICH u l-gwida rilevanti ppubblikata mill-Aġenzija. Id-data li toħroġ minn provi kliniċi mwettqa barra mill-Unjoni tista’ tiġi kkunsidrata għall-valutazzjoni ta’ applikazzjoni għall-awtorizzazzjoni għat-tqegħid fis-suq biss jekk id-data tkun rappreżentattiva b’mod suffiċjenti tas-sitwazzjoni tal-Unjoni.
(2) Id-data sperimentali bħall-provi esploratorji/pilota, jew ir-riżultati minn approċċi mhux sperimentali għandhom jiġu kkonfermati b’data miksuba f’kundizzjonijiet normali ta’ użu, sakemm ma jkunx iġġustifikat mod ieħor.
(3) L-għan tal-provi kliniċi huwa li jeżaminaw f’kundizzjonijiet normali tal-użu, is- ►C3 sikurezza ◄ u l-effikaċja ta’ prodott mediċinali veterinarju għall-annimali fil-mira f’kundizzjonijiet normali ta’ trobbija tal-annimali u/jew bħala parti minn prattika veterinarja tajba. Huma għandhom juru l-effett tal-prodott mediċinali veterinarju wara li jingħata lill-ispeċi fil-mira bl-użu tar-reġim ta’ dożaġġ propost u bir-rotta/rotot proposti ta’ amministrazzjoni. It-tfassil tal-prova għandu jkollu l-għan li jappoġġa l-indikazzjonijiet u jqis kwalunkwe kontraindikazzjoni skont l-ispeċi, l-età, ir-razza u s-sess, l-istruzzjonijiet għall-użu tal-prodott mediċinali veterinarju kif ukoll kwalunkwe reazzjoni avversa li jista’ jkollu.
(4) Il-provi kliniċi veterinarji kollha għandhom jitwettqu skont protokoll dettaljat tal-prova. Fil-każ ta’ formulazzjonijiet maħsuba għall-użu fi provi kliniċi veterinarji fl-Unjoni, il-kliem “għall-użu fi provi kliniċi veterinarji biss” għandu jidher b’mod prominenti u li ma jitħassarx fuq it-tikketta.
(5) Sakemm ma jkunx iġġustifikat mod ieħor, il-provi kliniċi għandhom jitwettqu b’annimali ta’ kontroll (provi kliniċi kkontrollati). Ir-riżultati tal-effikaċja miksuba bil-prodott il-ġdid għandhom jitqabblu ma’ dawk mill-ispeċijiet ta’ annimali fil-mira li jkunu rċevew prodott mediċinali veterinarju awtorizzat fl-Unjoni li jkun wera livell aċċettabbli ta’ effikaċja u li jkun ġie approvat għall-indikazzjoni(jiet) proposta(i) għall-użu fl-istess speċijiet ta’ annimali fil-mira, jew plaċebo jew l-ebda trattament. Għandhom jiġu rrappurtati r-riżultati kollha miksuba, kemm pożittivi kif ukoll negattivi.
(6) Fit-tfassil, l-analiżi u l-evalwazzjoni tal-provi kliniċi għandhom jintużaw il-prinċipji statistiċi stabbiliti skont il-gwida rilevanti ppubblikata mill-Aġenzija, sakemm ma jkunx iġġustifikat mod ieħor.
IIIa.4B2. Dokumentazzjoni
Il-fajl dwar l-effikaċja għandu jinkludi d-dokumentazzjoni kollha preklinika u klinika, kemm jekk favorevoli kif ukoll jekk le għall-prodotti mediċinali veterinarji, sabiex tkun tista’ ssir valutazzjoni ġenerali oġġettiva tal-bilanċ bejn il-benefiċċju u r-riskju tal-prodott.
IIIa.4B2.1. Riżultati tal-istudji prekliniċi
Kull fejn ikun possibbli, għandhom jingħataw dettalji tar-riżultati ta’:
it-testijiet li juru l-attività farmakoloġika;
it-testijiet li juru l-mekkaniżmi farmakodinamiċi sottostanti għall-effett terapewtiku;
it-testijiet li juru l-profil farmakokinetiku prinċipali;
it-testijiet li juru is- ►C3 sikurezza ◄ tal-annimali fil-mira;
it-testijiet biex tiġi determinata u kkonfermata d-doża (inkluż l-intervall tad-doża, it-tul tat-trattament u kwalunkwe intervall għat-trattament mill-ġdid);
it-testijiet u l-investigazzjonijiet dwar ir-reżistenza, jekk applikabbli.
Fil-każ fejn iseħħu riżultati mhux mistennija matul it-testijiet, dawk ir-riżultati għandhom ikunu dettaljati b’mod suffiċjenti. Barra minn hekk, id-dettalji li ġejjin għandhom jiġu pprovduti fir-rapporti kollha tal-istudji prekliniċi.
sommarju;
protokoll tal-istudju;
deskrizzjoni dettaljata tal-għanijiet, it-tfassil u t-twettiq li għandha tinkludi l-metodi, l-apparat u l-materjali użati, dettalji bħall-ispeċi, l-età, il-piż, is-sess, in-numru, ir-razza jew il-varjetà tal-annimali, l-identifikazzjoni tal-annimali, id-doża, ir-rotta u l-iskeda ta’ amministrazzjoni;
analiżi statistika tar-riżultati;
diskussjoni oġġettiva tar-riżultati miksuba, li twassal għal konklużjonijiet dwar l-effikaċja u s- ►C3 sikurezza ◄ tal-prodott mediċinali veterinarju fl-annimali fil-mira.
It-tħollija barra ta’ kwalunkwe data minn din għandha tiġi ġġustifikata.
IIIa.4B2.2. Riżultati tal-provi kliniċi
Id-dettalji kollha għandhom jiġu pprovduti minn kull wieħed mill-investigaturi fuq folji ta’ rekords individwali fil-każ ta’ trattament individwali u fuq folji ta’ rekords kollettivi fil-każ ta’ trattament kollettiv.
Id-detentur tal-awtorizzazzjoni għat-tqegħid fis-suq għandu jagħmel l-arranġamenti kollha neċessarji biex jiżgura li d-dokumenti oriġinali, li kienu jiffurmaw il-bażi tad-data pprovduta, jinżammu għal mill-anqas ħames snin wara li l-prodott mediċinali veterinarju ma jibqax awtorizzat.
Fir-rigward ta’ kull prova klinika, l-osservazzjonijiet kliniċi għandhom jinġabru fil-qosor f’sinopsi tal-provi u r-riżultati tagħhom, li tindika b’mod partikolari:
l-għadd ta’ annimali ta’ kontroll u annimali tat-test ittrattati individwalment jew kollettivament, bi tqassim skont l-ispeċi, ir-razza jew il-varjetà, l-età u s-sess;
l-għadd ta’ annimali rtirati qabel iż-żmien mill-provi u r-raġunijiet għal dak l-irtirar;
fil-każ tal-annimali ta’ kontroll, jekk:
ma rċevew l-ebda trattament;
irċevew plaċebo;
irċevew prodott mediċinali veterinarju ieħor awtorizzat fl-Unjoni li wera livell aċċettabbli ta’ effikaċja u li ġie approvat għall-indikazzjoni(jiet) proposta(i) għall-użu fl-istess speċijiet ta’ annimali fil-mira; jew
irċevew l-istess sustanza attiva li tkun qed tiġi investigata, f’formulazzjoni differenti jew minn rotta differenti;
il-frekwenza tar-reazzjonijiet avversi osservati;
osservazzjonijiet dwar l-effett fuq il-prestazzjoni tal-annimali, jekk ikun xieraq;
dettalji dwar l-annimali tat-test li jistgħu jkunu f’riskju akbar minħabba l-età tagħhom, il-mod ta’ trobbija jew l-għalf tagħhom, jew l-iskop li għalih ikun maħsuba, jew annimali li l-kundizzjoni fiżjoloġika jew patoloġika tagħhom tkun tirrikjedi konsiderazzjoni speċjali;
evalwazzjoni statistika tar-riżultati.
L-investigatur prinċipali għandu jislet konklużjonijiet ġenerali dwar l-effikaċja u s- ►C3 sikurezza ◄ tal-prodott mediċinali veterinarju għall-annimali fil-mira fil-kundizzjonijiet proposti tal-użu u b’mod partikolari kwalunkwe informazzjoni relatata mal-indikazzjonijiet u l-kontraindikazzjonijiet, id-dożaġġ u t-tul medju tat-trattament u, fejn ikun xieraq, kwalunkwe interazzjoni osservata ma’ prodotti mediċinali veterinarji oħra jew addittivi tal-għalf kif ukoll kwalunkwe prekawzjoni speċjali li għandha tittieħed waqt it-trattament u s-sinjali kliniċi ta’ doża eċċessiva, meta tiġi osservata.
TAQSIMA IIIb
REKWIŻITI GĦALL-PRODOTTI MEDIĊINALI VETERINARJI IMMUNOLOĠIĊI
Ir-rekwiżiti li ġejjin għandhom japplikaw għall-prodotti mediċinali veterinarji immunoloġiċi kif definiti fl-Artikolu 4(5), ħlief fejn stipulat mod ieħor fit-Taqsima IV.
IIIb.1. Parti 1: Sommarju tal-fajl
Jekk jogħġbok irreferi għat-Taqsima I.
IIIb.2. Parti 2: Dokumentazzjoni dwar il-kwalità (informazzjoni fiżikokimika, bijoloġika u mikrobijoloġika)
IIIb.2.A. Deskrizzjoni tal-prodott
IIIb.2A1. Kompożizzjoni kwalitattiva u kwantitattiva
(1) Il-kompożizzjoni kwalitattiva tal-kostitwenti kollha tal-prodott mediċinali veterinarju immunoloġiku għandha tfisser id-denominazzjoni jew id-deskrizzjoni ta’:
is-sustanza(i) attiva(i);
il-kostitwenti tal-aġġuvanti;
il-kostitwent(i) ta’ eċċipjenti oħra, tkun xi tkun in-natura tagħhom jew il-kwantità użata, inklużi l-preservattivi, l-istabbilizzaturi, is-sustanzi kuluranti, is-sustanzi li jagħtu t-togħma u aromatiċi, il-markaturi, eċċ.
►C3 is-solventi ta’ akkumpanjament għar-rikostituzzjoni. ◄
(2) Dik id-data fil-punt (1) għandha tiġi supplimentata bi kwalunkwe data rilevanti dwar l-imballaġġ primarju u jekk ikun rilevanti l-imballaġġ ta’ barra u, fejn ikun xieraq, il-mod tal-għeluq tiegħu, flimkien ma’ dettalji tal-apparat li bih il-prodott mediċinali veterinarju immunoloġiku jkun se jintuża jew jingħata u li se jiġi pprovdut mal-prodott mediċinali. Jekk l-apparat ma jiġix ipprovdut flimkien mal-prodott mediċinali veterinarju immunoloġiku, għandha tiġi pprovduta informazzjoni rilevanti dwar l-apparat, fejn meħtieġ għall-valutazzjoni tal-prodott.
(3) It-terminoloġija normali li għandha tintuża biex tiddeskrivi l-kostitwenti tal-prodotti mediċinali veterinarji immunoloġiċi, minkejja l-applikazzjoni tad-dispożizzjonijiet l-oħra tal-Artikolu 8, tfisser:
fir-rigward tas-sustanzi li jidhru fil-Farmakopea Ewropea jew, fin-nuqqas ta’ dan, fil-farmakopea ta’ wieħed mill-Istati Membri, it-titolu prinċipali tal-monografija inkwistjoni, li jkun obbligatorju għal dawn is-sustanzi kollha, b’referenza għall-farmakopea kkonċernata;
fir-rigward ta’ sustanzi oħra, l-INN rakkomandata mid-WHO, li tista’ tkun akkumpanjata minn denominazzjoni komuni oħra jew, fin-nuqqas ta’ dawn, id-denominazzjoni xjentifika eżatta; is-sustanzi li ma jkollhomx denominazzjoni internazzjonali komuni jew denominazzjoni xjentifika eżatta għandhom jiġu deskritti permezz ta’ dikjarazzjoni ta’ kif u minn xiex ġew ippreparati, supplimentata, fejn ikun xieraq, bi kwalunkwe dettall rilevanti ieħor;
fir-rigward tas-sustanzi kuluranti, id-denominazzjoni bil-kodiċi “E” assenjat lilhom fid-Direttiva 2009/35/KE.
(4) Sabiex tingħata l-kompożizzjoni kwantitattiva tas-sustanzi attivi ta’ prodott mediċinali veterinarju immunoloġiku, huwa neċessarju li jiġi speċifikat kull meta jkun possibbli l-għadd ta’ organiżmi, il-kontenut speċifiku ta’ proteina, il-massa, l-għadd ta’ Unitajiet Internazzjonali (IU) jew unitajiet ta’ attività bijoloġika, għal kull unità ta’ dożaġġ jew volum, u fir-rigward tal-aġġuvant u tal-kostitwenti tal-eċċipjenti, il-massa jew il-volum ta’ kull wieħed minnhom, b’konsiderazzjoni xierqa għad-dettalji pprovduti fil-Parti IIb.2B.
(5) Meta unità internazzjonali ta’ attività bijoloġika tkun ġiet definita, din għandha tintuża.
(6) L-unitajiet ta’ attività bijoloġika li għalihom ma tkun teżisti l-ebda data ppubblikata għandhom jiġu espressi b’mod li jipprovdu informazzjoni mhux ambigwa dwar l-attività tal-ingredjenti, pereżempju, billi jingħata l-ammont kif determinat bit-titrazzjoni jew l-ittestjar tal-potenza tal-prodott finali.
(7) Il-kompożizzjoni għandha tingħata f’termini ta’ kwantitajiet minimi u, jekk ikun xieraq, bil-kwantitajiet massimi.
IIIb.2A2. Żvilupp tal-prodott
(1) Għandha tiġi pprovduta spjegazzjoni fir-rigward ta’, iżda tista’ ma tkunx limitata għal:
l-għażla tal-kompożizzjoni u l-għażla tal-kostitwenti, b’mod partikolari fir-rigward tal-funzjonijiet maħsuba tagħhom u l-konċentrazzjonijiet rispettivi tagħhom;
għandha tingħata ġustifikazzjoni għall-inklużjoni ta’ preservattiv fil-kompożizzjoni;
l-imballaġġ primarju u l-idoneità tal-kontenitur u tas-sistema ta’ għeluq tiegħu użati għall-ħażna u l-użu tal-prodott lest. Għandu jiġi ppreżentat studju tal-interazzjoni bejn il-prodott lest u l-imballaġġ primarju kull meta r-riskju ta’ interazzjoni bħal din jitqies bħala possibbli, speċjalment fir-rigward ta’ preparazzjonijiet injettabbli;
l-imballaġġ ulterjuri possibbli, l-imballaġġ ta’ barra jekk rilevanti;
id-daqsijiet proposti tal-pakkett relatati mar-rotta proposta ta’ amministrazzjoni, il-pożoloġija u l-ispeċijiet fil-mira;
kwalunkwe ammont(i) żejda fil-formulazzjoni biex jiġi garantit kontenut minimu ta’ potenza/antiġeni fi tmiem il-ħajja fuq l-ixkaffa b’ġustifikazzjoni;
l-għażla tal-proċess ta’ manifattura tas-sustanza attiva u tal-prodott lest;
għandhom jiġu diskussi d-differenzi bejn il-proċess(i) tal-manifattura użati għall-produzzjoni tal-lottijiet użati fil-provi kliniċi u l-proċess deskritt fl-applikazzjoni għall-awtorizzazzjoni għat-tqegħid fis-suq;
meta jiġi rakkomandat test ta’ akkumpanjament biex jintuża mal-prodott lest (eż. test dijanjostiku), għandha tiġi pprovduta l-informazzjoni rilevanti dwar it-test.
(2) Din l-ispjegazzjoni għandha tkun appoġġata minn data xjentifika dwar l-iżvilupp tal-prodott.
IIIb.2B. Deskrizzjoni tal-metodu ta’ manifattura
(1) Id-deskrizzjoni tal-metodu ta’ manifattura li takkumpanja l-applikazzjoni għall-awtorizzazzjoni għat-tqegħid fis-suq skont l-Artikolu 8 għandha tkun imfassla b’mod li tagħti deskrizzjoni adegwata tan-natura tal-operazzjonijiet użati, inkluża l-identifikazzjoni tal-istadji ewlenin fil-proċess tal-produzzjoni.
(2) Id-deskrizzjoni tal-proċess tal-manifattura għandha tinkludi tal-anqas:
id-diversi stadji tal-manifattura (inkluża l-produzzjoni tal-antiġen u l-proċeduri ta’ purifikazzjoni) akkumpanjati minn dijagramma sekwenzjali tal-proċess sabiex tkun tista’ ssir valutazzjoni tar-riproduċibbiltà tal-proċedura tal-manifattura u tar-riskji ta’ effetti avversi fuq il-prodotti lesti, bħall-kontaminazzjoni mikrobijoloġika;
fil-każ ta’ manifattura kontinwa, id-dettalji sħaħ dwar il-prekawzjonijiet meħuda biex tiġi żgurata l-omoġeneità u l-konsistenza ta’ kull lott tal-prodott lest. Għandha tiġi pprovduta informazzjoni dwar kif ikun definit lott u dwar id-daqsijiet proposti tal-lott(ijiet) kummerċjali;
l-elenkar tas-sustanzi kollha fl-istadji xierqa fejn jintużaw, inklużi dawk li ma jistgħux jiġu rkuprati waqt il-manifattura;
id-dettalji tat-taħlit, bid-dettalji kwantitattivi tas-sustanzi kollha użati, inkluż eżempju għal lott ta’ produzzjoni rappreżentattiv;
lista tal-kontrolli waqt il-proċess, inkluż l-istadju tal-manifattura li fih jitwettqu;
għall-prodotti sterili, meta jintużaw kundizzjonijiet ta’ sterilizzazzjoni mhux tal-farmakopea, id-dettalji tal-proċessi ta’ sterilizzazzjoni u/jew tal-proċeduri asettiċi użati.
(3) Il-validazzjoni tal-metodi kollha ta’ kontroll użati fil-proċess tal-manifattura għandhom jiġu deskritti, dokumentati u jiġu pprovduti r-riżultati, sakemm ma jkunx iġġustifikat mod ieħor. Għandha tintwera l-validazzjoni tal-istadji ewlenin fil-proċess tal-produzzjoni u għandha tintwera l-validazzjoni tal-proċess tal-produzzjoni kollu billi jiġu pprovduti r-riżultati ta’ tliet lottijiet konsekuttivi prodotti bl-użu tal-metodu deskritt.
IIIb.2C. Produzzjoni u kontroll tal-materjali tal-bidu
(1) Għall-finijiet ta’ din il-Parti, “materjali tal-bidu” tfisser il-komponenti kollha użati fil-produzzjoni tal-prodott mediċinali veterinarju immunoloġiku.
(2) Is-sistemi aġġuvanti lesti għall-użu disponibbli kummerċjalment, denominati b’isem tad-ditta kif ukoll il-media ta’ tkabbir użati għall-produzzjoni tas-sustanza attiva li jikkonsistu minn diversi komponenti, għandhom jitqiesu bħala materjal tal-bidu wieħed. Madankollu, il-kompożizzjoni kwalitattiva u kwantitattiva għandha tiġi ppreżentata sa fejn l-awtoritajiet iqisu li din l-informazzjoni tkun rilevanti għall-kwalità tal-prodott lest u għal kwalunkwe riskju li jista’ jinħoloq.
(3) Jekk jintużaw materjali ta’ oriġini mill-annimali għall-preparazzjoni ta’ dawk il-media ta’ tkabbir jew sistemi aġġuvanti, iridu jiġu inklużi l-ispeċi tal-annimali u t-tessut użat u għandha tintwera l-konformità mal-monografiji rilevanti, inklużi l-monografiji ġenerali u l-kapitoli ġenerali tal-Farmakopea Ewropea.
(4) L-applikant għandu jipprovdi dokumentazzjoni biex juri li l-materjali tal-bidu, inklużi l-materjali taż-żerriegħa, iż-żrieragħ taċ-ċelloli, il-lottijiet tas-seru u materjal ieħor li joriġina minn speċijiet ta’ annimali rilevanti għat-trażmissjoni tat-TSE u l-manifattura tal-prodott mediċinali veterinarju jkunu konformi mar-rekwiżiti tan-Nota ta’ Gwida dwar il-minimizzazzjoni tar-riskju tat-trażmissjoni ta’ aġenti tal-enċefalopatija sponġiformi tal-annimali permezz ta’ prodotti mediċinali umani u veterinarji, kif ukoll mar-rekwiżiti tal-monografija korrispondenti tal-Farmakopea Ewropea. Iċ-Ċertifikati ta’ Idoneità maħruġin mid-Direttorat Ewropew għall-Kwalità tal-Mediċini u tal-Kura tas-Saħħa, b’referenza għall-monografija rilevanti tal-Farmakopea Ewropea, jistgħu jintużaw biex tintwera l-konformità.
(5) Il-fajl għandu jinkludi l-ispeċifikazzjonijiet, l-informazzjoni dwar it-testijiet li għandhom jitwettqu għall-kontroll tal-kwalità tal-lottijiet kollha tal-materjali tal-bidu u r-riżultati għal lott għall-komponenti kollha użati u għandu jiġi ppreżentat skont ir-rekwiżiti ta’ din il-Parti.
(6) Għandhom jiġu ppreżentati ċertifikati tal-analiżi għall-materjali tal-bidu sabiex tintwera l-konformità mal-ispeċifikazzjoni definita.
(7) Is-sustanzi kuluranti għandhom, fil-każijiet kollha, jissodisfaw ir-rekwiżiti tad-Direttiva 2009/35/KE.
(8) L-użu tal-antibijotiċi matul il-produzzjoni u l-inklużjoni tal-preservattivi fil-kompożizzjoni tal-prodott lest għandhom ikunu ġustifikati u konformi mal-Farmakopea Ewropea.
(9) Għall-eċċipjenti ġodda, jiġifieri eċċipjent(i) użat(i) għall-ewwel darba fl-Unjoni fi prodott mediċinali veterinarju jew b’rotta ġdida ta’ amministrazzjoni, għandhom jiġu pprovduti d-dettalji tal-manifattura, il-karatterizzazzjoni, u l-kontrolli, b’kontroreferenzi għal data ta’ appoġġ dwar is- ►C3 sikurezzà ◄ , kemm klinika kif ukoll mhux klinika. Għas-sustanzi kuluranti, id-dikjarazzjonijiet ta’ konformità kif imsemmija fil-Parti II.2C2, il-punti (3) u (4), għandhom jitqiesu bħala suffiċjenti.
IIIb.2C1. Materjali tal-bidu elenkati fil-farmakopej
(1) Il-monografiji tal-Farmakopea Ewropea għandhom ikunu applikabbli għall-materjali tal-bidu kollha li jidhru fiha, sakemm ma tiġix ipprovduta ġustifikazzjoni xierqa.
(2) Fir-rigward ta’ sustanzi oħra, kull Stat Membru jista’ jirrikjedi l-osservanza tal-farmakopea nazzjonali proprja tiegħu fir-rigward tal-prodotti mmanifatturati fit-territorju tiegħu.
(3) Id-deskrizzjoni tal-metodi analitiċi tista’ tiġi sostitwita b’referenza dettaljata għall-farmakopea inkwistjoni.
(4) It-testijiet ta’ rutina mwettqa fuq kull lott ta’ materjali tal-bidu għandhom jiġu ddikjarati fl-applikazzjoni għall-awtorizzazzjoni għat-tqegħid fis-suq. Jekk jintużaw testijiet differenti minn dawk imsemmija fil-farmakopea, għandha tingħata prova li l-materjali tal-bidu jissodisfaw ir-rekwiżiti tal-kwalità ta’ dik il-farmakopea.
(5) F’każijiet fejn speċifikazzjoni jew dispożizzjonijiet oħra li jkun hemm f’monografija tal-Farmakopea Ewropea jew fil-farmakopea ta’ Stat Membru jistgħu ma jkunux suffiċjenti biex jiżguraw il-kwalità tas-sustanza, l-awtoritajiet kompetenti jistgħu jitolbu aktar speċifikazzjonijiet xierqa mill-applikant għall-awtorizzazzjoni għat-tqegħid fis-suq. L-allegata insuffiċjenza għandha tiġi rrappurtata lill-awtoritajiet responsabbli għall-farmakopea inkwistjoni.
IIIb.2C2. Materjali tal-bidu mhux elenkati f’farmakopea
IIIb.2C2.1. Materjali tal-bidu ta’ oriġini bijoloġika
(1) Id-deskrizzjoni għandha tingħata fil-forma ta’ monografija.
(2) Kull meta jkun possibbli, il-produzzjoni tal-vaċċini għandha tkun ibbażata fuq sistema ta’ lott taż-żrieragħ u fuq żrieragħ taċ-ċelloli stabbiliti. Għall-produzzjoni ta’ prodotti mediċinali veterinarji immunoloġiċi li jikkonsistu mis-seru, għandhom jiġu indikati l-oriġini, is-saħħa ġenerali u l-istat immunoloġiku tal-annimali użati għall-produzzjoni u għandhom jintużaw ġabriet definiti ta’ materjali tas-sors.
(3) Għandhom jiġu deskritti u dokumentati l-oriġini, inkluż ir-reġjun ġeografiku, u l-istorja tal-materjali tal-bidu.
(4) Għall-materjali tal-bidu modifikati ġenetikament, din l-informazzjoni għandha tinkludi dettalji bħad-deskrizzjoni taċ-ċelloli jew ir-razez tal-bidu, il-kostruzzjoni tal-vettur ta’ espressjoni (isem, oriġini, funzjoni tar-replikon, promotur u elementi regolatorji oħra), il-kontroll tas-sekwenza tad-DNA jew tal-RNA effettivament imdaħħla, is-sekwenzi oligonucleotide tal-vettur tal-plażmid fiċ-ċelloli, il-plażmid użat għall-kotrasfezzjoni, il-ġeni miżjuda jew imħassra, il-proprjetajiet bijoloġiċi tal-kostruzzjoni finali u l-ġeni espressi, l-għadd ta’ kopji u l-istabbiltà ġenetika.
(5) Fil-każ ta’ prodotti mediċinali veterinarji li jkun fihom jew li jkunu jikkonsistu minn organiżmi ġenetikament modifikati (OĠM), il-parti dwar il-kwalità tal-applikazzjoni għandha tkun akkumpanjata wkoll mid-dokumenti meħtieġa skont id-Direttiva 2001/18/KE.
(6) Il-materjali taż-żerriegħa, inklużi ż-żrieragħ taċ-ċelloli u s-seru mhux ipproċessat għall-produzzjoni tal-antiseru, għandhom jiġu ttestjati għall-identità u n-nuqqas ta’ aġenti estranji għandu jintwera skont il-Farmakopea Ewropea.
(7) Għandha tiġi pprovduta informazzjoni dwar is-sustanzi kollha ta’ oriġini bijoloġika użati fi kwalunkwe stadju tal-proċedura tal-manifattura. L-informazzjoni għandha tinkludi:
dettalji tas-sors tal-materjali;
dettalji ta’ kwalunkwe pproċessar, purifikazzjoni u inattivazzjoni applikati, b’data dwar il-validazzjoni ta’ dawk il-proċessi u l-kontrolli matul il-produzzjoni;
dettalji ta’ kwalunkwe test għall-kontaminazzjoni mwettaq fuq kull lott tas-sustanza.
(8) Jekk tinstab jew tiġi suspettata l-preżenza ta’ aġenti estranji, il-materjal korrispondenti għandu jintrema jew għandu jiġi pproċessat biex jitnaqqas ir-riskju ta’ preżenza bi trattament validat. Jekk tinstab jew tiġi suspettata l-preżenza wara t-trattament, il-materjal korrispondenti għandu jintuża biss meta pproċessar ulterjuri tal-prodott jiżgura l-eliminazzjoni u/jew l-inattivazzjoni tagħhom; għandha tintwera l-eliminazzjoni u/jew l-inattivazzjoni ta’ dawn l-aġenti estranji.
(9) Meta jintużaw żrieragħ taċ-ċelloli, il-karatteristiċi taċ-ċelloli għandhom jintwerew li baqgħu ma nbidlux sal-ogħla livell ta’ passaġġ użat għall-produzzjoni.
(10) Għall-vaċċini ħajjin attenwati, għandha tiġi provduta konferma tal-istabbiltà tal-karatteristiċi ta’ attenwazzjoni taż-żerriegħa. Sakemm karatteristika speċifika ma tkunx assoċjata mal-attenwazzjoni (eż. markatur ġenetiku, stabbiltà termali), din tinkiseb tipikament permezz ta’ nuqqas ta’ riverżjoni għall-virulenza fl-ispeċijiet ta’ annimali fil-mira.
(11) Meta jkun meħtieġ, għandhom jiġu pprovduti kampjuni tal-materjal bijoloġiku tal-bidu jew tar-reaġenti użati fil-proċeduri tal-ittestjar sabiex l-awtorità kompetenti tkun tista’ tirranġa biex jitwettqu t-testijiet ta’ kontroll.
IIIb.2C2.2. Materjali tal-bidu ta’ oriġini mhux bijoloġika
Id-deskrizzjoni għandha tingħata fil-forma ta’ monografija taħt l-intestaturi li ġejjin:
l-isem tal-materjal tal-bidu li jissodisfa r-rekwiżiti tal-punt (3) tal-Parti IIIb.2A1. għandu jiġi supplimentat bi kwalunkwe sinonimu kummerċjali jew xjentifiku;
id-deskrizzjoni tal-materjal tal-bidu, ippreżentata f’forma simili għal dik użata f’punt deskrittiv fil-Farmakopea Ewropea;
il-funzjoni tal-materjal tal-bidu;
il-metodi ta’ identifikazzjoni;
għandha tingħata kwalunkwe prekawzjoni speċjali li tista’ tkun meħtieġa waqt il-ħażna tal-materjal tal-bidu u, jekk ikun meħtieġ, il-ħajja tal-ħżin tiegħu.
IIIb.2D. Testijiet ta’ kontroll matul il-proċess tal-manifattura
(1) Il-fajl għandu jinkludi dettalji relatati mat-testijiet ta’ kontroll, li jitwettqu fi stadji intermedji tal-manifattura bil-għan li jivverifikaw il-konsistenza tal-proċess tal-manifattura u tal-prodott finali. Għandhom jiġu stabbiliti speċifikazzjonijiet għal kull test ta’ kontroll u għandhom jiġu deskritti l-metodi analitiċi. Sakemm ma jkunx iġġustifikat mod ieħor, għandha tiġi pprovduta l-validazzjoni tat-testijiet ta’ kontroll għall-parametri meqjusa bħala kritiċi għall-proċess tal-manifattura.
(2) Għall-vaċċini inattivati jew detossifikati, l-inattivazzjoni jew id-ditossifikazzjoni għandhom jiġu ttestjati matul kull tiratura kemm jista’ jkun malajr wara t-tmiem tal-proċess ta’ inattivazzjoni jew ta’ ditossifikazzjoni u wara n-newtralizzazzjoni jekk din isseħħ, iżda qabel l-istadju li jmiss tal-produzzjoni.
(3) Skont id-dispożizzjonijiet tad-Direttiva 2010/63/UE u l-Konvenzjoni Ewropea għall-Protezzjoni tal-Annimali Vertebrati Użati għal Skopijiet Sperimentali u Skopijiet Xjentifiċi Oħra, it-testijiet għandhom jitwettqu b’mod li jużaw l-anqas għadd ta’ annimali u jikkawżaw l-anqas uġigħ, tbatija, skonfort jew ħsara dejjiema. Jekk ikun disponibbli, għandu jintuża test in vitro alternattiv meta dan iwassal għas-sostituzzjoni jew it-tnaqqis fl-użu tal-annimali jew għat-tnaqqis tat-tbatija.
IIIb.2E. Testijiet ta’ kontroll fuq il-prodott lest
(1) Għat-testijiet kollha, id-deskrizzjoni tat-tekniki għall-analiżi tal-prodott lest għandha tiġi stabbilita f’dettall suffiċjenti għal valutazzjoni tal-kwalità.
(2) Fejn ikunu jeżistu monografiji xierqa, jekk jintużaw proċeduri ta’ ttestjar u limiti differenti minn dawk imsemmija fil-monografiji tal-Farmakopea Ewropea, jew fin-nuqqas ta’ dan, fil-farmakopea ta’ Stat Membru, għandha tiġi fornuta prova li l-prodott lest, jekk jiġi ttestjat skont dawk il-monografiji, jissodisfa r-rekwiżiti tal-kwalità ta’ dik il-farmakopea għall-forma farmaċewtika kkonċernata. L-applikazzjoni għall-awtorizzazzjoni għat-tqegħid fis-suq għandha telenka dawk it-testijiet, li jitwettqu fuq kampjuni rappreżentattivi ta’ kull lott tal-prodott lest. Għandha tiġi ddikjarata l-frekwenza tat-testijiet imwettqa fuq il-kwantità finali tal-vaċċin minflok fuq il-lott jew il-lottijiet ippreparati minnha. Għandhom jiġu indikati u ġġustifikati l-limiti tar-rilaxx. Għandha tiġi pprovduta l-validazzjoni tat-testijiet ta’ kontroll imwettqa fuq il-prodott lest.
(3) Għandha tiġi pprovduta informazzjoni dwar l-istabbiliment u s-sostituzzjoni tal-materjal ta’ referenza. Jekk ikun intuża aktar minn standard ta’ referenza wieħed, għandha tiġi pprovduta storja tal-kwalifika li tiddeskrivi kif inżammet ir-relazzjoni bejn l-istandards differenti.
(4) Meta jkun disponibbli, għandu jintuża materjal ta’ referenza kimika u bijoloġika tal-Farmakopea Ewropea. Jekk jintużaw preparazzjonijiet u standards oħra ta’ referenza, dawn għandhom jiġu identifikati u deskritti fid-dettall.
(5) Skont id-dispożizzjonijiet tad-Direttiva 2010/63/UE u l-Konvenzjoni Ewropea għall-Protezzjoni tal-Annimali Vertebrati Użati għal Skopijiet Sperimentali u Skopijiet Xjentifiċi Oħra, it-testijiet għandhom jitwettqu b’mod li jużaw l-anqas għadd ta’ annimali u jikkawżaw l-anqas uġigħ, tbatija, skonfort jew ħsara dejjiema. Jekk ikun disponibbli, għandu jintuża test in vitro alternattiv meta dan iwassal għas-sostituzzjoni jew it-tnaqqis fl-użu tal-annimali jew għat-tnaqqis tat-tbatija.
(6) Karatteristiċi ġenerali tal-prodott lest
It-testijiet tal-karatteristiċi ġenerali għandhom, fejn applikabbli, jirreferu għad-dehra u għat-testijiet fiżiċi jew kimiċi, bħall-konduttività, il-pH, il-viskożità, eċċ. Għal kull waħda minn dawk il-karatteristiċi, l-applikant għandu jistabbilixxi speċifikazzjonijiet, b’limiti ta’ aċċettazzjoni xierqa.
(7) Identifikazzjoni tas-sustanza(i) attiva(i)
Fejn ikun meħtieġ, għandu jitwettaq test speċifiku għall-identifikazzjoni. Meta jkun xieraq, it-test tal-identifikazzjoni jista’ jiġi kkombinat mat-test tat-titru jew tal-potenza tal-lott.
(8) Titru jew potenza tal-lott
Għandha titwettaq kwantifikazzjoni tas-sustanza attiva fuq kull lott biex jintwera li kull lott ikun fih il-potenza jew it-titru xierqa biex jiġu żgurati s- ►C3 sikurezza ◄ u l-effikaċja tiegħu.
(9) Identifikazzjoni u assaġġ tal-aġġuvanti
Il-kwantità u n-natura tal-aġġuvant u tal-komponenti tiegħu għandhom jiġu verifikati fuq il-prodott lest, sakemm ma jkunx iġġustifikat mod ieħor.
(10) Identifikazzjoni u assaġġ tal-komponenti tal-eċċipjenti
Sa fejn ikun meħtieġ, l-eċċipjenti għandhom ikunu soġġetti tal-anqas għat-testijiet ta’ identifikazzjoni.
Test tal-limitu massimu u minimu għandu jkun obbligatorju fir-rigward tas-sustanzi ta’ preservazzjoni. Għandu jkun obbligatorju test tal-limitu massimu għal kwalunkwe komponent ta’ eċċipjent ieħor li jista’ jwassal għal reazzjoni avversa.
(11) Test dwar l-isterilità u l-purità
Għandu jintwera l-ħelsien minn aġenti estranji (batterji, mikoplażma, fungi u endotossini batteriċi meta jkun rilevanti) għall-prodotti amministrati b’mod parenterali f’konformità mal-Farmakopea Ewropea. Għall-prodotti mhux likwidi li ma jiġux amministrati b’mod parenterali, fejn ikun iġġustifikat b’mod adegwat, tista’ tkun aċċettabbli l-konformità ma’ limitu massimu ta’ livell mikrobiku minflok it-test tal-isterilità.
Għandhom jitwettqu testijiet xierqa sabiex jintwera n-nuqqas ta’ kontaminazzjoni b’aġenti estranji jew sustanzi oħra skont in-natura tal-prodott mediċinali veterinarju immunoloġiku, il-metodu u l-kundizzjonijiet tal-manifattura. Għandu jintuża approċċ ibbażat fuq ir-riskju biex jintwera n-nuqqas ta’ aġenti estranji kif deskritt fil-Farmakopea Ewropea.
(12) Umdità residwa
Kull lott ta’ prodott lijofilizzat għandu jiġi ttestjat għall-umdità residwa.
(13) Volum tal-mili
Għandhom jitwettqu testijiet xierqa biex jintwera l-volum korrett tal-mili.
IIIb.2F. Konsistenza minn lott għall-ieħor
Sabiex jiġi żgurat li l-kwalità tal-prodott tkun konsistenti minn lott għall-ieħor u biex tintwera l-konformità mal-ispeċifikazzjonijiet, għandu jiġi pprovdut protokoll sħiħ ta’ tliet lottijiet konsekuttivi rappreżentattivi tal-produzzjoni ta’ rutina li jagħti r-riżultati għat-testijiet kollha mwettqa matul il-produzzjoni u fuq il-prodott lest. Id-data dwar il-konsistenza miksuba minn prodotti kkombinati tista’ tintuża għal prodotti derivati li jkun fihom wieħed jew aktar mill-istess komponenti.
IIIb.2G. Testijiet tal-istabbiltà
(1) It-testijiet tal-istabbiltà jkopru l-istabbiltà tas-sustanza attiva u tal-prodott lest, inkluż(i) is-solvent(i), jekk rilevanti.
(2) Għandha tingħata deskrizzjoni tat-testijiet imwettqa biex jappoġġaw il-ħajja fuq l-ixkaffa, il-kundizzjonijiet tal-ħżin rakkomandati u l-ispeċifikazzjonijiet fit-tmiem tal-perjodu ta’ stabbiltà propost għas-sustanza attiva u għall-prodott lest. Dawk it-testijiet għandhom dejjem ikunu studji f’ħin reali.
Jekk il-prodotti intermedji miksuba f’diversi stadji tal-proċess tal-manifattura jinħażnu, il-kundizzjonijiet maħsuba u t-tul tal-ħażna għandhom jiġu ġġustifikati adegwatament abbażi tad-data disponibbli dwar l-istabbiltà.
(3) It-testijiet tal-istabbiltà għall-prodott lest għandhom jitwettqu fuq mhux anqas minn tliet lottijiet rappreżentattivi prodotti skont il-proċess ta’ produzzjoni deskritt u fuq prodotti maħżuna fil-kontenitur(i) finali; dawk it-testijiet jinkludu testijiet tal-istabbiltà bijoloġika u fiżikokimika mwettqa f’intervalli regolari, għall-prodott lest sa 3 xhur lil hinn mit-tmiem tal-ħajja fuq l-ixkaffa ddikjarata.
(4) Il-konklużjonijiet għandhom jinkludu r-riżultati tal-analiżijiet, li jiġġustifikaw il-ħajja fuq l-ixkaffa proposta fil-kundizzjonijiet tal-ħżin kollha proposti. Ir-riżultati miksuba matul l-istudju tal-istabbiltà għandhom jiġu kkunsidrati meta jiġu definiti l-ispeċifikazzjonijiet xierqa tal-formulazzjoni u r-rilaxx biex tiġi żgurata l-konformità tal-prodott mal-ħajja fuq l-ixkaffa ddikjarata
(5) Fil-każ ta’ prodotti mogħtija fl-għalf, għandha tingħata wkoll informazzjoni kif meħtieġ dwar il-ħajja fuq l-ixkaffa tal-prodott, fl-istadji differenti tat-taħlit, meta jitħallat skont l-istruzzjonijiet rakkomandati.
(6) Meta prodott lest ikun jeħtieġ rikostituzzjoni qabel jingħata jew jingħata fl-ilma tax-xorb, huma meħtieġa d-dettalji tal-ħajja fuq l-ixkaffa proposta għall-prodott rikostitwit kif rakkomandat. Għandha tiġi ppreżentata data li tappoġġa l-ħajja fuq l-ixkaffa proposta għall-prodott rikostitwit.
(7) Id-data dwar l-istabbiltà miksuba minn prodotti kkombinati tista’ tintuża meta dan ikun iġġustifikat b’mod adegwat għal prodotti derivati li jkun fihom wieħed jew aktar mill-istess komponenti.
(8) Fil-każ ta’ kontenituri b’ħafna dożi, fejn ikun rilevanti, għandha tiġi ppreżentata d-data dwar l-istabbiltà biex tiġġustifika ħajja fuq l-ixkaffa għall-prodott wara li jkun ittaqqab jew infetaħ għall-ewwel darba u għandha tiġi definita speċifikazzjoni tal-perjodu ta’ stabbilità waqt l-użu.
(9) Għandha tintwera l-effikaċja ta’ kwalunkwe sistema preżervattiva.
(10) L-informazzjoni dwar l-effikaċja tal-preservattivi fi prodotti mediċinali veterinarji immunoloġiċi simili oħra mill-istess manifattur tista’ tkun suffiċjenti.
(11) Jekk is-sustanzi attivi jinħażnu, il-kundizzjonijiet u t-tul maħsuba tal-ħażna għandhom jiġu definiti abbażi tad-data dwar l-istabbiltà. Dik id-data tista’ tinkiseb jew permezz tal-ittestjar tas-sustanzi attivi nfushom jew permezz ta’ ttestjar xieraq tal-prodott lest.
IIIb.2H. Informazzjoni oħra
L-informazzjoni relatata mal-kwalità tal-prodott mediċinali veterinarju immunoloġiku li mhijiex koperta minn din it-Taqsima tista’ tiġi inkluża fil-fajl.
IIIb.3. Parti 3: Dokumentazzjoni dwar is- ►C3 sikurezza ◄ (testijiet tas- ►C3 sikurezza ◄ u tar-residwi)
IIIb.3A. Rekwiżiti ġenerali
(1) Id-dokumentazzjoni dwar is- ►C3 sikurezza ◄ għandha tkun adegwata għall-valutazzjoni ta’:
is- ►C3 sikurezza ◄ tal-prodott mediċinali veterinarju immunoloġiku meta jingħata lill-ispeċi fil-mira u kwalunkwe effett mhux mixtieq li jista’ jseħħ fil-kundizzjonijiet proposti tal-użu; dawk l-effetti mhux mixtieqa għandhom jiġu evalwati fir-rigward tal-benefiċċji potenzjali tal-prodott;
l-effetti ta’ ħsara potenzjali għall-bniedem tar-residwi tal-prodott mediċinali veterinarju jew tas-sustanza fl-oġġetti tal-ikel miksuba minn annimali ttrattati;
ir-riskji potenzjali li jistgħu jirriżultaw mill-esponiment tal-bnedmin għall-prodott mediċinali veterinarju, pereżempju, waqt l-għoti tiegħu lill-annimal;
ir-riskji potenzjali għall-ambjent li jirriżultaw mill-użu tal-prodott mediċinali veterinarju.
(2) L-istudji prekliniċi dwar is-sikurezza għandhom jitwettqu f’konformità mar-rekwiżiti tal-GLP.
L-istudji mhux GLP jistgħu jiġu aċċettati għal studji dwar speċijiet mhux fil-mira kif ukoll studji li jevalwaw il-proprjetajiet immunoloġiċi, bijoloġiċi jew ġenetiċi tar-razez tal-vaċċin, f’kundizzjonijiet ikkontrollati b’mod adegwat. Devjazzjonijiet oħra għandhom jiġu ġġustifikati.
(3) Il-provi kollha tas- ►C3 sikurezza ◄ għandhom jitwettqu skont protokoll dettaljat ikkunsidrat b’mod sħiħ, li għandu jiġi rreġistrat bil-miktub qabel ma tinbeda l-prova. It-trattament xieraq tal-annimali tal-provi għandu jkun soġġett għal superviżjoni veterinarja u għandu jitqies b’mod sħiħ matul l-elaborazzjoni ta’ kwalunkwe protokoll ta’ prova u matul it-twettiq tal-prova.
(4) Għandhom ikunu meħtieġa proċeduri sistematiċi bil-miktub stabbiliti minn qabel għall-organizzazzjoni, it-twettiq, il-ġbir tad-data, id-dokumentazzjoni u l-verifika tal-provi dwar is- ►C3 sikkurezza ◄ .
(5) Il-provi kliniċi (provi fuq il-post) għandhom jitwettqu f’konformità mal-prinċipji stabbiliti ta’ prassi klinika tajba (PKT). Id-devjazzjonijiet għandhom jiġu ġġustifikati.
(6) L-istudji dwar is- ►C3 sikurezza ◄ għandhom ikunu konformi mar-rekwiżiti rilevanti tal-Farmakopea Ewropea. Id-devjazzjonijiet għandhom jiġu ġġustifikati.
(7) L-istudji dwar is- ►C3 sikurezza ◄ għandhom jitwettqu fuq l-ispeċijiet fil-mira. Id-doża li għandha tintuża għandha tkun il-kwantità tal-prodott li għandu jiġi rakkomandat għall-użu u l-lott użat għall-ittestjar tas- ►C3 sikurezza ◄ għandu jittieħed minn lott jew lottijiet prodotti skont il-proċess tal-manifattura deskritt fil-Parti 2 tal-applikazzjoni.
(8) Għat-testijiet tal-laboratorju deskritti fit-Taqsimiet B.1, B.2 u B.3, id-doża tal-prodott mediċinali veterinarju għandu jkun fiha t-titru, il-kontenut ta’ antiġen jew il-potenza massimi. Jekk ikun meħtieġ, il-konċentrazzjoni tal-antiġen tista’ tiġi aġġustata biex tinkiseb id-doża meħtieġa.
(9) Is- ►C3 sikurezza ◄ ta’ prodott mediċinali veterinarju immunoloġiku għandha tintwera għal kull kategorija ta’ speċi ta’ annimali fil-mira li fiha jkun rakkomandat l-użu tiegħu, b’kull rotta u metodu rakkomandati ta’ amministrazzjoni u billi tintuża l-iskeda proposta ta’ amministrazzjoni. Jista’ jintuża l-agħar xenarju possibbli għar-rotta u l-metodu ta’ amministrazzjoni jekk dan ikun ġustifikat xjentifikament.
(10) Fil-każ ta’ prodotti mediċinali veterinarji immunoloġiċi li jikkonsistu minn organiżmi ħajjin, huma inklużi rekwiżiti speċjali taħt B.6.
(11) Id-dettalji u d-dokumenti li għandhom jakkumpanjaw l-applikazzjoni għall-awtorizzazzjoni għat-tqegħid fis-suq għandhom jiġu ppreżentati skont ir-rekwiżiti għall-istudji prekliniċi u l-provi kliniċi deskritti fil-Partijiet IIIb.4B, il-punt (4), u IIIb.4C, il-punt (3)..
IIIb.3B. Studji prekliniċi
(1) Is- ►C3 sikurezza ◄ tal-amministrazzjoni ta’ doża waħda
Il-prodott mediċinali veterinarju immunoloġiku għandu jiġi amministrat fid-doża rakkomandata u b’kull rotta u metodu rakkomandati ta’ amministrazzjoni lil annimali ta’ kull speċi u kull kategorija rilevanti (eż. età minima, annimali tqal, kif xieraq) li fihom ikun maħsub biex jintuża.
L-annimali għandhom jiġu osservati u eżaminati kuljum għal sinjali ta’ reazzjonijiet sistemiċi u lokali sakemm ma jkunux aktar mistennija reazzjonijiet, iżda fil-każijiet kollha, mill-anqas 14-il jum wara l-għoti. Fejn ikun xieraq, dawk l-istudji għandhom jinkludu eżamijiet makroskopiċi u mikroskopiċi dettaljati post mortem tas-sit tal-injezzjoni. Għandhom jiġu rreġistrati kriterji oġġettivi oħra, bħat-temperatura tar-rektum u l-kejl tal-prestazzjoni.
Dan l-istudju jista’ jkun parti mill-istudju b’doża ripetuta meħtieġ skont il-punt 3 jew jitħalla barra jekk ir-riżultati tal-istudju dwar doża eċċessiva meħtieġ skont il-punt 2 ma jkunu żvelaw l-ebda sinjali maġġuri ta’ reazzjonijiet sistemiċi jew lokali. Jekk jitħalla barra, ir-reazzjonijiet sistemiċi jew lokali li jidhru fl-istudju dwar doża eċċessiva għandhom jittieħdu bħala l-bażi għad-deskrizzjoni tas- ►C3 sikurezza ◄ tal-prodott fis-Sommarju tal-Karatteristiċi tal-Prodott.
(2) Is- ►C3 sikurezza ◄ tal-amministrazzjoni ta’ doża eċċessiva waħda
Il-prodotti mediċinali veterinarji immunoloġiċi ħajjin biss jeħtieġu testijiet ta’ doża eċċessiva.
Doża eċċessiva tal-prodott mediċinali veterinarju immunoloġiku, li normalment tikkonsisti f’għaxar dożi, għandha tiġi amministrata b’kull rotta u metodu rakkomandati ta’ amministrazzjoni lil annimali tal-kategoriji l-aktar sensittivi tal-ispeċi fil-mira, sakemm l-għażla tal-aktar rotta sensittiva minn diversi rotot simili ma tkunx ġustifikata. Fil-każ ta’ prodotti mediċinali veterinarji immunoloġiċi mogħtija permezz ta’ injezzjoni, id-dożi u r-rotta/rotot u l-metodu(i) ta’ amministrazzjoni għandhom jintgħażlu biex iqisu l-volum massimu, li jista’ jingħata fi kwalunkwe sit wieħed ta’ injezzjoni.
L-annimali għandhom jiġu osservati u eżaminati kuljum għal mill-anqas 14-il jum wara l-għoti għal sinjali ta’ reazzjonijiet sistemiċi u lokali. Għandhom jiġu rreġistrati kriterji oħra, bħat-temperatura tar-rektum u l-kejl tal-prestazzjoni.
Fejn ikun xieraq, dawk l-istudji għandhom jinkludu eżamijiet makroskopiċi u mikroskopiċi dettaljati post mortem tas-sit tal-injezzjoni jekk dan ma jkunx sar taħt il-punt 1.
(3) Is- ►C3 sikurezza ◄ tal-għoti ripetut ta’ doża waħda
Fil-każ ta’ prodotti mediċinali veterinarji immunoloġiċi li jridu jingħataw aktar minn darba, bħala parti mill-iskema bażika ta’ amministrazzjoni, għandu jkun meħtieġ studju dwar l-għoti ripetut ta’ doża waħda biex jiżvela kwalunkwe effett avvers ikkawżat minn tali għoti.
It-test għandu jitwettaq fuq l-aktar kategoriji sensittivi tal-ispeċi fil-mira (bħal ċerti razez, gruppi ta’ età), billi jintużaw kull rotta u metodu rakkomandati ta’ amministrazzjoni.
L-għadd ta’ amministrazzjonijiet ma għandux ikun anqas mill-għadd massimu rakkomandat; għall-vaċċini, dan għandu jqis l-għadd ta’ amministrazzjonijiet għall-vaċċinazzjoni primarja u l-ewwel rivaċċinazzjoni.
L-intervall bejn l-amministrazzjonijiet jista’ jkun iqsar minn dak imsemmi fis-Sommarju tal-Karatteristiċi tal-Prodott. L-intervall magħżul għandu jiġi ġġustifikat fir-rigward tal-kundizzjonijiet proposti tal-użu.
L-annimali għandhom jiġu osservati u eżaminati kuljum għal mill-anqas 14-il jum wara l-aħħar għoti għal sinjali ta’ reazzjonijiet sistemiċi u lokali. Għandhom jiġu rreġistrati kriterji oġġettivi oħra, bħat-temperatura tar-rektum u l-kejl tal-prestazzjoni.
(4) Eżami tal-prestazzjoni riproduttiva
L-eżami tal-prestazzjoni riproduttiva għandu jiġi kkunsidrat meta l-prodott veterinarju immunoloġiku jkun maħsub għall-użu jew jista’ jintuża f’annimali tqal jew fi tjur li jbidu u meta d-data tissuġġerixxi li l-materjal tal-bidu li minnu jkun derivat il-prodott jista’ jkun fattur ta’ riskju potenzjali.
Il-prestazzjoni riproduttiva tal-irġiel u tan-nisa tqal u mhux tqal għandha tiġi investigata bid-doża rakkomandata u bl-aktar rotta u metodu sensittivi ta’ amministrazzjoni.
Għall-prodotti mediċinali veterinarji immunoloġiċi li huma rakkomandati għall-użu f’annimali tqal, l-eżami tal-prestazzjoni riproduttiva għandu jindirizza s- ►C3 sikurezza ◄ tal-għoti matul il-perjodu kollu tal-ġestazzjoni jew matul perjodu speċifiku tal-ġestazzjoni li jqis l-użu maħsub tal-prodott.
Il-perjodu ta’ osservazzjoni għandu jiġi estiż sal-ħlas biex jiġu investigati l-effetti ta’ ħsara possibbli fuq il-wild, inklużi l-effetti teratoġeniċi u abortivi.
Dawk l-istudji jistgħu jiffurmaw parti mill-istudji dwar is- ►C3 sikurezza ◄ deskritti fil-punti 1, 2, 3 jew mill-provi fuq il-post previsti fit-Taqsima IIIb.3C.
(5) Eżami tal-funzjonijiet immunoloġiċi
Fejn il-prodott mediċinali veterinarju immunoloġiku jista’ jaffettwa ħażin ir-rispons immuni tal-annimal vaċċinat jew tal-wild tiegħu, għandhom jitwettqu testijiet xierqa dwar il-funzjoni immunoloġika.
(6) Rekwiżiti speċjali għall-vaċċini ħajjin
(1) Tixrid tar-razza tal-vaċċin
Għandu jiġi investigat it-tixrid tar-razza tal-vaċċin minn annimali vaċċinati għal dawk mhux vaċċinati, billi tintuża r-rotta rakkomandata ta’ amministrazzjoni l-aktar probabbli li twassal għat-tixrid. Barra minn hekk, jista’ jkun meħtieġ li jiġi investigat it-tixrid għal speċi ta’ annimali mhux fil-mira li jistgħu jkunu suxxettibbli ħafna għal razza ta’ vaċċin ħaj. Għandha tiġi pprovduta valutazzjoni tal-għadd ta’ passaġġi minn annimal għall-ieħor li jkunu probabbli li jseħħu f’kundizzjonijiet normali ta’ użu u tal-konsegwenzi potenzjali.
(2) Tixrid fl-annimal vaċċinat
Ir-rawt, l-awrina, il-ħalib, il-bajd, is-sekrezzjonijiet orali, nażali u sekrezzjonijiet oħra għandhom jiġu ttestjati għall-preżenza tal-organiżmu kif ikun xieraq. Barra minn hekk, jistgħu jkunu meħtieġa studji tat-tixrid tar-razza tal-vaċċin fil-ġisem, waqt li tingħata attenzjoni partikolari għas-siti preferuti għar-replikazzjoni tal-organiżmu. Fil-każ tal-vaċċini ħajjin għaż-żoonożi skont it-tifsira tad-Direttiva 2003/99/KE tal-Parlament Ewropew u tal-Kunsill li għandhom jintużaw għall-annimali li jipproduċu l-ikel, dawk l-istudji għandhom iqisu b’mod partikolari l-persistenza tal-organiżmu fis-sit tal-injezzjoni.
(3) Żieda fil-virulenza
Iż-żieda fil-virulenza jew ir-riverżjoni għaliha għandhom jiġu investigati biż-żerriegħa ewlenija. Jekk iż-żerriegħa ewlenija ma tkunx disponibbli fi kwantità suffiċjenti, għandha tiġi eżaminata ż-żerriegħa bl-aktar passaġġ baxx użata għall-produzzjoni. L-użu ta’ opzjoni oħra ta’ passaġġ għandu jiġi ġġustifikat. Il-vaċċinazzjoni inizjali għandha titwettaq billi jintużaw ir-rotta u l-metodu ta’ amministrazzjoni l-aktar probabbli li jwasslu għal żieda fil-virulenza indikattiva ta’ riverżjoni għall-virulenza. Għandhom isiru passaġġi serjali fl-annimali fil-mira permezz ta’ ħames gruppi ta’ annimali, sakemm ma jkunx hemm ġustifikazzjoni biex isiru aktar passaġġi jew l-organiżmu jgħib mill-annimali tat-test aktar malajr. Meta l-organiżmu jonqos milli jirreplika adegwatament, għandhom jitwettqu l-akbar numru ta’ passaġġi possibbli fl-ispeċi fil-mira.
(4) Proprjetajiet bijoloġiċi tar-razza tal-vaċċin
Jistgħu jkunu meħtieġa testijiet oħra biex jiġu determinati bl-aktar mod preċiż possibbli l-proprjetajiet bijoloġiċi intrinsiċi tar-razza tal-vaċċin (eż. in-newrotropiżmu).
Għall-vaċċini li fihom organiżmu(i) ġenetikament modifikat(i) ħajj(in), fejn il-prodott ta’ ġene barrani jiġi inkorporat fir-razza bħala proteina strutturali, għandu jiġi indirizzat ir-riskju li jinbidlu t-tropiżmu jew il-virulenza tar-razza u, fejn ikun meħtieġ, għandhom jitwettqu testijiet speċifiċi.
(5) Rikombinazzjoni jew riassortiment ġenomiku ta’ razez
Il-probabbiltà ta’ rikombinazzjoni jew riassortiment ġenomiku ma’ razez tal-kamp jew razez oħra għandha tiġi evalwata u l-konsegwenzi ta’ avvenimenti bħal dawn għandhom jiġu diskussi.
(7) ►C3 Sikurezza ◄ tal-utent
Din it-taqsima għandha tinkludi diskussjoni tal-effetti misjuba fil-Parti IIIb.3 A sa IIIb.3B u torbot dawk l-effetti mat-tip u l-firxa tal-esponiment tal-bniedem għall-prodott bil-għan li jiġu fformulati twissijiet xierqa għall-utent u miżuri oħra għall-ġestjoni tar-riskju.
Is- ►C3 sikurezza ◄ tal-utent għandha tiġi indirizzata skont il-gwida rilevanti ppubblikata mill-Aġenzija.
(8) Interazzjonijiet
Jekk ikun hemm dikjarazzjoni ta’ kompatibbiltà ma’ prodotti mediċinali veterinarji oħra fis-sommarju tal-karatteristiċi tal-prodott, għandha tiġi investigata s- ►C3 sikurezza ◄ tal-assoċjazzjoni. Għandha tiġi deskritta kwalunkwe interazzjoni magħrufa oħra ma’ prodotti mediċinali veterinarji.
IIIb.3C. Provi kliniċi
Sakemm ma jkunx iġġustifikat mod ieħor, ir-riżultati minn studji prekliniċi għandhom jiġu supplimentati b’data minn provi kliniċi, billi jintużaw lottijiet rappreżentattivi tal-proċess tal-manifattura deskritt fl-applikazzjoni għall-awtorizzazzjoni għat-tqegħid fis-suq. Kemm is- ►C3 sikurezza ◄ kif ukoll l-effikaċja jistgħu jiġu investigati fl-istess provi kliniċi.
IIIb.3D. Valutazzjoni tar-riskju ambjentali
(1) Għandha titwettaq valutazzjoni tar-riskju ambjentali biex jiġu valutati l-effetti potenzjali ta’ ħsara, li l-użu tal-prodott mediċinali veterinarju jista’ jikkawża lill-ambjent u biex jiġi identifikat ir-riskju ta’ dawk l-effetti. Il-valutazzjoni għandha tidentifika wkoll kwalunkwe miżura ta’ prekawzjoni li tista’ tkun meħtieġa biex jitnaqqas dan ir-riskju.
(2) Din il-valutazzjoni tikkonsisti minn żewġ fażijiet. L-ewwel fażi tal-valutazzjoni għandha dejjem titwettaq. Id-dettalji tal-valutazzjoni għandhom jiġu pprovduti skont il-gwida ppubblikata mill-Aġenzija. Din għandha tindika l-esponiment potenzjali tal-ambjent għall-prodott u l-livell ta’ riskju assoċjat ma’ kwalunkwe esponiment bħal dan, billi jitqiesu b’mod partikolari l-elementi li ġejjin:
l-ispeċijiet ta’ annimali fil-mira, u l-mudell propost tal-użu;
ir-rotta u l-metodu ta’ amministrazzjoni, b’mod partikolari kemm ikun probabbli li l-prodott jidħol direttament fis-sistema ambjentali;
l-eskrezzjoni jew is-sekrezzjoni possibbli tal-prodott, is-sustanzi attivi tiegħu fl-ambjent mill-annimali ttrattati, il-persistenza f’dawn l-eskrementi jew sekrezzjonijiet;
ir-rimi ta’ prodott mhux użat jew skart tal-prodott.
(3) Fil-każ ta’ razez ta’ vaċċini ħajjin li jistgħu jkunu żoonotiċi, għandu jiġi valutat ir-riskju għall-bnedmin.
(4) Fejn il-konklużjonijiet tal-ewwel fażi jindikaw riskju potenzjali rilevanti għall-ambjent mill-prodott, l-applikant għandu jipproċedi għat-tieni fażi u jevalwa r-riskju(i) potenzjali li l-prodott mediċinali veterinarju jista’ joħloq għall-ambjent. Fejn ikun meħtieġ, għandhom jitwettqu aktar investigazzjonijiet dwar l-impatt tal-prodott (ħamrija, ilma, arja, sistemi akkwatiċi, organiżmi mhux fil-mira).
(5) Għall-vaċċini abbażi tad-DNA, tħassib speċifiku għas- ►C3 sikurezza ◄ huwa r-riskju potenzjali ta’ migrazzjoni tad-DNA għat-tessuti gonadali u t-trasferiment potenzjali tad-DNA fiċ-ċelloli tal-linja ġerminali tal-annimali rġiel u nisa vaċċinati u għalhekk it-trażmissjoni potenzjali għall-wild. L-applikant għandu jevalwa u jiddiskuti r-riskju(i) potenzjali li tali prodotti mediċinali veterinarji immunoloġiċi jistgħu joħolqu għas-saħħa tal-bniedem u l-ambjent (inklużi l-pjanti u l-annimali). Jekk jiġu identifikati riskji potenzjali, għandhom jitwettqu investigazzjonijiet dwar l-impatt tal-vaċċin skont l-użu tiegħu f’annimali tal-kumpanija jew f’annimali li jipproduċu l-ikel biex tiġi pprovduta informazzjoni dwar dan il-punt.
IIIb.3E. Valutazzjoni meħtieġa għal prodotti mediċinali veterinarji li fihom jew li jikkonsistu minn organiżmi ġenetikament modifikati
(1) Fil-każ ta’ prodotti mediċinali veterinarji li jkun fihom jew li jkunu jikkonsistu minn organiżmi ġenetikament modifikati (OĠM), l-applikazzjoni għandha tkun akkumpanjata wkoll mid-dokumenti meħtieġa skont l-Artikolu 2 u l-Parti C tad-Direttiva 2001/18/KE u l-gwida speċifika li tittratta l-OĠM.
(2) L-effetti avversi potenzjali fuq is-saħħa tal-bniedem u l-ambjent, li jistgħu jseħħu permezz ta’ trasferiment tal-ġeni minn OĠM għal organiżmi oħra jew li jirriżultaw minn modifiki ġenetiċi, għandhom jiġu valutati b’mod preċiż fuq bażi ta’ każ b’każ. L-għan ta’ valutazzjoni tar-riskju ambjentali bħal din huwa li jiġu identifikati u evalwati l-effetti avversi potenzjali diretti u indiretti, immedjati jew ittardjati tal-OĠM fuq is-saħħa tal-bniedem u l-ambjent (inklużi l-pjanti u l-annimali) u għandha titwettaq skont il-prinċipji tal-Anness II tad-Direttiva 2001/18/KE.
IIIb.3F. Testijiet tar-residwi li għandhom jiġu inklużi fl-istudji prekliniċi
(1) Għall-prodotti mediċinali veterinarji immunoloġiċi, normalment ma jkunx meħtieġ li jitwettaq studju tar-residwi.
(2) Fejn jintużaw antibijotiċi, aġġuvanti, preservattivi jew kwalunkwe eċċipjent ieħor fil-manifattura ta’ prodotti mediċinali veterinarji immunoloġiċi maħsuba għal annimali li jipproduċu l-ikel u/jew ikunu inklużi fil-formulazzjoni finali, għandha tiġi kkunsidrata l-possibbiltà li l-konsumatur ikun espost għar-residwi fl-oġġetti tal-ikel derivati minn annimali ttrattati u l-konformità mal-leġiżlazzjoni dwar l-MRLs. Għandhom jiġu indirizzati l-implikazzjonijiet għas- ►C3 sikurezza ◄ tal-konsumatur li jirriżultaw mill-preżenza potenzjali tagħhom fil-prodott lest.
(3) Fil-każ ta’ vaċċini ħajjin għal mard żoonotiku stabbilit sewwa, minbarra l-istudji tat-tixrid, tista’ tkun meħtieġa d-determinazzjoni tal-organiżmi residwi tal-vaċċin fis-sit tal-injezzjoni. Jekk ikun meħtieġ, għandhom jiġu investigati l-effetti ta’ dawn ir-residwi.
(4) Għandha tiġi ppreżentata proposta għal ►C5 perjodu ta’ stennija ◄ u l-adegwatezza tagħha għandha tiġi diskussa fir-rigward ta’ kwalunkwe studju dwar ir-residwi li jkun sar.
IIIb.4. Parti 4: Dokumentazzjoni dwar l-effikaċja (studji prekliniċi u prova(i) klinika(ċi))
IIIb.4A. Rekwiżiti ġenerali
(1) Għandhom jiġu osservati r-rekwiżiti ġenerali li ġejjin:
l-istudji dwar l-effikaċja għandhom ikunu konformi mar-rekwiżiti ġenerali tal-Farmakopea Ewropea; Id-devjazzjonijiet għandhom jiġu ġġustifikati.
il-parametru primarju li fuqu tkun ibbażata d-determinazzjoni tal-effikaċja jeħtieġ li jiġi definit mill-investigatur fil-ħin tat-tfassil tal-istudju u ma għandux jinbidel wara li jitlesta l-istudju;
l-analiżi statistika ppjanata għandha tiġi deskritta fid-dettall fil-protokolli tal-istudju;
l-għażla tal-antiġeni jew tar-razez tal-vaċċin għandha tiġi ġġustifikata abbażi ta’ data epiżoologika;
il-provi tal-effikaċja li jitwettqu fil-laboratorju għandhom ikunu provi kkontrollati, li jinkludu annimali ta’ kontroll mhux ittrattati sakemm dan ma jkunx iġġustifikat għal raġunijiet ta’ benesseri tal-annimali u l-effikaċja tkun tista’ tintwera b’mod ieħor.
(2) B’mod ġenerali, l-istudji prekliniċi għandhom jiġu appoġġati minn provi mwettqa fil-kundizzjonijiet proprji tal-użu.
Meta l-istudji prekliniċi jappoġġaw b’mod sħiħ l-affermazzjonijiet magħmula fis-sommarju tal-karatteristiċi tal-prodott, ma jkunux meħtieġa provi mwettqa fil-kundizzjonijiet proprji tal-użu.
Sakemm ma jkunx iġġustifikat mod ieħor, ir-riżultati minn studji prekliniċi għandhom jiġu supplimentati b’data minn provi kliniċi, billi jintużaw lottijiet rappreżentattivi tal-proċess tal-manifattura deskritt fl-applikazzjoni għall-awtorizzazzjoni għat-tqegħid fis-suq. Kemm is- ►C3 sikurezza ◄ kif ukoll l-effikaċja jistgħu jiġu investigati fl-istess provi kliniċi.
(3) Il-provi kollha għandhom jiġu deskritti f’dettall suffiċjenti sabiex ikunu jistgħu jiġu valutati b’mod xieraq mill-awtoritajiet kompetenti. Għandha tintwera l-validità tat-tekniki kollha użati fil-prova.
(4) Għandhom jiġu rrappurtati r-riżultati kollha miksuba, kemm jekk favorevoli kif ukoll jekk mhux favorevoli:
L-effikaċja ta’ prodott mediċinali veterinarju immunoloġiku għandha tintwera għal kull kategorija ta’ speċi ta’ annimali fil-mira li fiha jkun rakkomandat l-użu tiegħu, b’kull rotta u metodu rakkomandati ta’ amministrazzjoni u billi tintuża l-iskeda proposta ta’ amministrazzjoni. Sakemm ma jkunx iġġustifikat mod ieħor, il-bidu u t-tul tal-immunità għandhom jiġu stabbiliti u appoġġati b’data mill-provi.
L-influwenza ta’ antikorpi derivati mill-omm akkwiżiti b’mod passiv, fuq l-effikaċja tal-vaċċini meta jingħataw lill-annimali f’età li fiha l-immunità akkwiżita mill-omm tkun għadha preżenti, għandha tiġi evalwata b’mod adegwat, jekk ikun xieraq.
Għandha tintwera l-effikaċja ta’ kull wieħed mill-komponenti ta’ prodotti mediċinali veterinarji immunoloġiċi multivalenti u kkombinati. Jekk il-prodott ikun rakkomandat li jingħata flimkien ma’ jew fl-istess ħin ma’ prodott mediċinali veterinarju ieħor, l-effikaċja tal-assoċjazzjoni għandha tintwera permezz ta’ studji xierqa. Għandha tiġi deskritta kwalunkwe interazzjoni magħrufa ma’ kwalunkwe prodott mediċinali veterinarju ieħor.
Kull meta prodott ikun jifforma parti minn skema ta’ vaċċinazzjoni rakkomandata mill-applikant, għandu jintwera l-effett ta’ priming jew ta’ booster jew il-kontribut tal-prodott veterinarju immunoloġiku għall-effikaċja tal-iskema kollha kemm hi.
Id-doża li għandha tintuża għandha tkun il-kwantità tal-prodott li għandu jiġi rakkomandat għall-użu u l-lott użat għall-ittestjar tal-effikaċja għandu jittieħed minn lott jew lottijiet prodotti skont il-proċess tal-manifattura deskritt fil-Parti 2 tal-applikazzjoni.
Għall-prodotti mediċinali veterinarji immunoloġiċi dijanjostiċi mogħtija lill-annimali, l-applikant għandu jindika kif għandhom jiġu interpretati r-reazzjonijiet għall-prodott.
Għall-vaċċini maħsuba biex jippermettu distinzjoni bejn annimali vaċċinati u annimali infettati (vaċċini markaturi), fejn id-dikjarazzjoni dwar l-effikaċja tkun ibbażata fuq testijiet dijanjostiċi in vitro, għandha tiġi pprovduta data suffiċjenti dwar it-testijiet dijanjostiċi biex tkun tista’ ssir valutazzjoni adegwata tad-dikjarazzjonijiet relatati mal-proprjetajiet tal-markaturi.
IIIb.4B. Studji prekliniċi
(1) Fil-prinċipju, it-turija tal-effikaċja għandha ssir f’kundizzjonijiet tal-laboratorju kkontrollati sewwa permezz ta’ sfida wara l-għoti tal-prodott mediċinali veterinarju immunoloġiku lill-annimal fil-mira fil-kundizzjonijiet rakkomandati tal-użu. Sa fejn ikun possibbli, il-kundizzjonijiet li fihom titwettaq l-isfida għandhom jirriflettu l-kundizzjonijiet normali għall-infezzjoni. Għandhom jiġu pprovduti d-dettalji tar-razza ta’ sfida u r-rilevanza tagħha.
(2) Għall-vaċċini ħajjin, il-prodott li jintuża għall-ittestjar tal-effikaċja għandu jittieħed minn lott jew lottijiet li jkun fihom it-titru jew il-potenza minimi. Għal prodotti oħra, għandu jintuża prodott minn lottijiet li jkun fihom il-kontenut attiv minimu mistenni fi tmiem il-perjodu ta’ validità, sakemm ma jkunx iġġustifikat mod ieħor.
(3) Jekk ikun possibbli, il-mekkaniżmu immuni (medjat miċ-ċelloli/umorali, klassijiet lokali/ġenerali ta’ immunoglobulina) li jinbeda wara l-għoti tal-prodott mediċinali veterinarju immunoloġiku lill-annimali fil-mira permezz tar-rotta rakkomandata ta’ amministrazzjoni għandu jiġi speċifikat u dokumentat.
(4) Dawn li ġejjin għandhom jiġu pprovduti għall-istudji prekliniċi kollha:
sommarju;
▼M2 —————
l-isem tal-korp li jkun wettaq l-istudji;
protokoll sperimentali dettaljat li jagħti deskrizzjoni tal-metodi, l-apparat u l-materjali użati, dettalji bħall-ispeċi jew ir-razza tal-annimali, il-kategoriji tal-annimali, minn fejn ikunu nkisbu, l-identifikazzjoni u n-numru tagħhom, il-kundizzjonijiet li fihom kienu miżmuma u mitmugħa (billi jiġi ddikjarat, fost l-oħrajn, jekk kinux ħielsa minn kwalunkwe patoġenu speċifikat u/jew antikorp speċifikat, in-natura u l-kwantità ta’ kwalunkwe addittiv li jkun hemm fl-għalf), id-doża, ir-rotta, l-iskeda u d-dati tal-għoti, deskrizzjoni u ġustifikazzjoni tal-metodi statistiċi użati;
fil-każ tal-annimali ta’ kontroll, jekk ikunux irċevew plaċebo jew l-ebda trattament;
fil-każ tal-annimali ttrattati u, fejn ikun xieraq, jekk ikunux irċevew il-prodott tat-test jew prodott ieħor awtorizzat fl-Unjoni;
l-osservazzjonijiet u r-riżultati ġenerali u individwali kollha miksuba (bil-medji u d-devjazzjonijiet standard), kemm jekk favorevoli kif ukoll jekk le. Id-data għandha tiġi deskritta f’dettall suffiċjenti biex tippermetti li r-riżultati jkunu jistgħu jiġu evalwati b’mod kritiku indipendentement mill-interpretazzjoni tagħhom mill-awtur. Id-data individwali għandha tiġi ppreżentata f’forma ta’ tabella. Bħala spjegazzjoni u illustrazzjoni, ir-riżultati jistgħu jkunu akkumpanjati minn riproduzzjonijiet ta’ reġistrazzjonijiet, fotomikrografiji, eċċ.;
in-natura, il-frekwenza u t-tul tar-reazzjonijiet avversi osservati;
l-għadd ta’ annimali rtirati qabel iż-żmien mill-istudji u r-raġunijiet għal dak l-irtirar;
analiżi statistika tar-riżultati, meta din tkun mitluba mill-programm tat-test, u l-varjanza fi ħdan id-data;
l-okkorrenza u l-kors ta’ kwalunkwe marda interkurrenti;
id-dettalji kollha dwar prodotti mediċinali veterinarji (għajr il-prodott li jkun qed jiġi studjat), li l-għoti tagħhom kien meħtieġ matul l-istudju;
kwalunkwe osservazzjoni u devjazzjoni oħra mill-protokoll u l-impatt possibbli fuq ir-riżultati;
diskussjoni oġġettiva tar-riżultati miksuba, li twassal għal konklużjonijiet dwar is- ►C3 sikurezza ◄ u l-effikaċja tal-prodott.
IIIb.4C. Provi kliniċi
(1) Sakemm ma jkunx iġġustifikat mod ieħor, ir-riżultati minn studji prekliniċi għandhom jiġu supplimentati b’data minn provi fuq il-post, billi jintużaw lottijiet rappreżentattivi tal-proċess tal-manifattura deskritt fl-applikazzjoni għall-awtorizzazzjoni għat-tqegħid fis-suq. Kemm is- ►C3 sikurezza ◄ kif ukoll l-effikaċja jistgħu jiġu investigati fl-istess prova fuq il-post.
(2) Meta l-istudji prekliniċi ma jkunux jistgħu jkunu ta’ appoġġ għall-effikaċja, it-twettiq ta’ provi fuq il-post biss jista’ jkun aċċettabbli.
(3) Id-dettalji dwar il-provi fuq il-post għandhom ikunu dettaljati biżżejjed biex jippermettu li jsir ġudizzju oġġettiv. Huma għandhom jinkludu dawn li ġejjin:
sommarju;
dikjarazzjoni ta’ konformità ma’ prassi klinika tajba;
l-isem, l-indirizz, il-funzjoni u l-kwalifiki tal-investigatur responsabbli;
il-post u d-data tal-amministrazzjoni, il-kodiċi tal-identità li jista’ jkun marbut mal-isem u l-indirizz tas-sid tal-annimal(i);
dettalji tal-protokoll tal-prova, li jagħtu deskrizzjoni tal-metodi, l-apparat u l-materjali użati, dettalji bħar-rotta u l-metodu ta’ amministrazzjoni, l-iskeda tal-għoti, id-doża, il-kategoriji tal-annimali, it-tul ta’ żmien tal-osservazzjoni, ir-reazzjoni seroloġika u investigazzjonijiet oħra mwettqa fuq l-annimali wara l-għoti;
fil-każ tal-annimali ta’ kontroll, jekk ikunux irċevew plaċebo, prodott kompetitur jew l-ebda trattament;
l-identifikazzjoni tal-annimali ttrattati u tal-annimali ta’ kontroll (kollettiva jew individwali, kif xieraq), bħall-ispeċijiet, ir-razez jew il-varjetajiet, l-età, il-piż, is-sess, l-istatus fiżjoloġiku;
deskrizzjoni fil-qosor tal-metodu tat-trobbija u tal-għalf, li tindika n-natura u l-kwantità ta’ kwalunkwe addittiv li jkun hemm fl-għalf;
id-dettalji kollha dwar l-osservazzjonijiet, il-prestazzjonijiet u r-riżultati (bil-medji u d-devjazzjoni standard); għandha tiġi indikata d-data individwali meta jkunu twettqu testijiet u kejl fuq individwi;
analiżi statistika tar-riżultati, meta din tkun mitluba mill-programm tat-test, u l-varjanza fi ħdan id-data;
l-osservazzjonijiet u r-riżultati kollha tal-provi, kemm jekk favorevoli kif ukoll jekk le, b’dikjarazzjoni sħiħa tal-osservazzjonijiet u r-riżultati tat-testijiet oġġettivi tal-attività meħtieġa għall-evalwazzjoni tal-prodott; għandhom jiġu speċifikati t-tekniki użati u għandu jiġi spjegat is-sinifikat ta’ kwalunkwe varjazzjoni fir-riżultati;
l-effetti fuq il-prestazzjoni tal-annimali;
l-għadd ta’ annimali rtirati qabel iż-żmien mill-provi u r-raġunijiet għal dak l-irtirar;
in-natura, il-frekwenza u t-tul tar-reazzjonijiet avversi osservati;
l-okkorrenza u l-kors ta’ kwalunkwe marda interkurrenti;
id-dettalji kollha dwar prodotti mediċinali veterinarji (għajr il-prodott li jkun qed jiġi studjat) li jkunu ngħataw qabel jew fl-istess ħin mal-prodott tat-test jew matul il-perjodu ta’ osservazzjoni; dettalji ta’ kwalunkwe interazzjoni osservata;
kwalunkwe osservazzjoni u devjazzjoni oħra għall-protokoll u l-impatt possibbli fuq ir-riżultati;
diskussjoni oġġettiva tar-riżultati miksuba, li twassal għal konklużjonijiet dwar is- ►C3 sikurezza ◄ u l-effikaċja tal-prodott.
TAQSIMA IV
REKWIŻITI GĦAL APPLIKAZZJONIJIET GĦALL-AWTORIZZAZZJONI GĦAT-TQEGĦID FIS-SUQ SPEĊIFIĊI
IV.1. Applikazzjonijiet għal prodotti mediċinali veterinarji ġeneriċi
IV.1.1. L-applikazzjonijiet ibbażati fuq l-Artikolu 18 (prodotti mediċinali veterinarji ġeneriċi) għandu jkun fihom id-data msemmija fil-Partijiet 1 u 2 tat-Taqsima II ta’ dan l-Anness. Jekk ikun meħtieġ, skont l-Artikolu 18(7), għandha tiġi inkluża valutazzjoni tar-riskju ambjentali. Barra minn hekk, il-fajl għandu jkun fih data li turi li l-prodott ikollu l-istess kompożizzjoni kwalitattiva u kwantitattiva fis-sustanza(i) attiva(i) u l-istess forma farmaċewtika tal-prodott mediċinali ta’ referenza; u data, li turi l-bijoekwivalenza mal-prodott mediċinali ta’ referenza jew ġustifikazzjoni għaliex dawn l-istudji ma sarux b’referenza għall-gwida stabbilita. Il-forom farmaċewtiċi orali kollha ta’ rilaxx immedjat għandhom jitqiesu bħala l-istess forma farmaċewtika.
Għall-prodotti mediċinali veterinarji bijoloġiċi (inklużi dawk immunoloġiċi), l-approċċ ġeneriku standard mhuwiex fil-prinċipju meqjus bħala xieraq, u għandu jiġi segwit approċċ ibridu (ara l-Parti IV.2.).
IV.1.2. Għall-prodotti mediċinali veterinarji ġeneriċi, ir-rapporti kritiċi tal-esperti għandhom jiffukaw b’mod partikolari fuq l-elementi li ġejjin:
ir-raġunijiet biex tiġi sostnuta l-bijoekwivalenza;
sommarju tal-impuritajiet preżenti fil-lottijiet tas-sustanza(i) attiva(i) kif ukoll dawk tal-prodott mediċinali lest (u fejn ikun rilevanti, il-prodotti ta’ dekompożizzjoni li jinħolqu matul il-ħażna) flimkien ma’ evalwazzjoni ta’ dawk l-impuritajiet;
evalwazzjoni tal-istudji ta’ bijoekwivalenza jew informazzjoni oħra li tista’ tipprovdi appoġġ biex tiġi sostnuta l-bijoekwivalenza skont il-gwida rilevanti ppubblikata mill-Aġenzija;
kwalunkwe data addizzjonali sabiex tintwera l-ekwivalenza tal-proprjetajiet tas- ►C3 sikurezza ◄ u l-effikaċja ta’ mluħa, esteri jew derivattivi differenti ta’ sustanza attiva awtorizzata;
rieżami tal-valutazzjoni tar-riskju għas- ►C3 sikurezza ◄ tal-utent li jiffoka fuq id-differenzi bejn il-prodotti mediċinali veterinarji ġeneriċi u dawk ta’ referenza (pereżempju, il-kompożizzjoni fl-eċċipjenti);
rieżami tal-valutazzjoni tar-riskju ambjentali, fejn ikun rilevanti.
IV.1.3. Għal prodott mediċinali veterinarju ġeneriku li jkun fih sustanza antimikrobika, għandha tiġi pprovduta informazzjoni dwar il-livell ta’ reżistenza, kif magħruf mid-data bibljografika.
IV.1.4. Għal prodott mediċinali veterinarju ġeneriku li jkun fih sustanza antiparassitika, għandha tiġi pprovduta informazzjoni dwar il-livell ta’ reżistenza, kif magħruf mid-data bibljografika.
IV.1.5. Għall-prodotti mediċinali veterinarji ġeneriċi maħsuba biex jingħataw b’rotot intramuskolari, taħt il-ġilda jew transdermali, għandha tiġi pprovduta d-data addizzjonali li ġejja:
evidenza li turi tnaqqis ekwivalenti jew differenti tar-residwi mis-sit tal-għoti, li tista’ tiġi ssostanzjata bi studji xierqa dwar it-tnaqqis tar-residwi;
evidenza li turi t-tolleranza tal-annimali fil-mira fis-sit tal-għoti, li tista’ tiġi ssostanzjata bi studji xierqa dwar it-tolleranza tal-annimali fil-mira.
IV.2. Applikazzjonijiet għal prodotti mediċinali veterinarji ibridi
IV.2.1. L-applikazzjonijiet ibbażati fuq l-Artikolu 19 (prodotti mediċinali veterinarji ibridi) jikkonċernaw prodotti mediċinali veterinarji, li huma simili għal prodott mediċinali veterinarju ta’ referenza, iżda li ma jissodisfawx il-kundizzjonijiet fid-definizzjoni ta’ prodott mediċinali veterinarju ġeneriku.
IV.2.2. Għal dawn l-applikazzjonijiet, għandha tingħata l-informazzjoni li ġejja:
id-data kollha msemmija fil-Partijiet 1 u 2 tat-Taqsimiet II jew III, kif ikun xieraq, ta’ dan l-Anness;
għall-Partijiet 3 u 4 tal-fajl, l-applikazzjonijiet ibridi jistgħu jkunu bbażati parzjalment fuq ir-riżultati tal-provi xierqa dwar is- ►C3 sikurezza ◄ , ir-residwi, l-istudji prekliniċi u l-provi kliniċi għal prodott mediċinali veterinarju ta’ referenza diġà awtorizzat, u parzjalment fuq data ġdida. Id-data l-ġdida għandha tinkludi valutazzjoni tar-riskju għas- ►C3 sikurezza ◄ tal-utent u valutazzjoni tar-riskju ambjentali skont l-Artikolu 18(7), jekk applikabbli. Barra minn hekk, għall-prodotti rilevanti (pereżempju, antimikrobiċi, antiparassitiċi), għandu jiġi indirizzat ir-riskju tal-iżvilupp ta’ reżistenza, jekk applikabbli.
IV.2.3. Fil-każ ta’ prodotti mediċinali veterinarji bijoloġiċi (inklużi dawk immunoloġiċi), għandu jiġi provdut rieżami komprensiv ta’ komparabbiltà, li jindirizza l-parti tal-kwalità, is- ►C3 sikurezza ◄ u l-effikaċja.
IV.2.4. Meta ssir referenza għal data li toriġina minn prodott mediċinali veterinarju awtorizzat ieħor, għandha tiġi pprovduta ġustifikazzjoni għall-użu u r-rilevanza ta’ dik id-data għall-prodott il-ġdid.
IV.2.5. L-ammont ta’ data ġdida meħtieġa biex tappoġġa s- ►C3 sikurezza ◄ u l-effikaċja se jiddependi fuq il-karatteristiċi speċifiċi tal-prodott ġdid individwali, u d-differenzi tiegħu mill-prodott mediċinali veterinarju ta’ referenza, u għandu jiġi determinat fuq bażi ta’ każ b’każ. Id-data preklinika u klinika ġdida għall-prodott il-ġdid għandha tiġi ppreżentata għall-aspetti kollha fejn il-prodott mediċinali veterinarju ta’ referenza ma jipprovdix appoġġ rilevanti.
IV.2.6. Jekk isiru studji ġodda b’lottijiet ta’ prodott mediċinali veterinarju ta’ referenza awtorizzat f’pajjiż terz, l-applikant għandu juri li l-prodott mediċinali veterinarju ta’ referenza jkun ġie awtorizzat skont rekwiżiti ekwivalenti għal dawk stabbiliti fl-Unjoni, u dawn ikunu tant simili li jistgħu jissostitwixxu lil xulxin fl-istudji prekliniċi jew fil-provi kliniċi.
IV.3. Applikazzjonijiet għal prodotti mediċinali veterinarji kkombinati
IV.3.1. Applikazzjoni għal prodott ikkombinat fiss b’sustanzi attivi individwali, li diġà kien l-oġġett ta’ awtorizzazzjoni għat-tqegħid fis-suq għal prodott mediċinali veterinarju fiż-ŻEE, għandha tiġi ppreżentata skont l-Artikolu 20.
Prodott ikkombinat fiss li jkun fih mill-anqas sustanza attiva waħda ġdida li tkun għadha ma ġietx awtorizzata għal prodott mediċinali veterinarju fiż-ŻEE, għandu jiġi ppreżentat skont l-Artikolu 8.
IV.3.2. Għall-applikazzjonijiet ippreżentati skont l-Artikolu 20, għandu jiġi pprovdut fajl sħiħ li jkun fih il-Partijiet 1, 2, 3 u 4.
IV.3.3. Għandha tiġi pprovduta ġustifikazzjoni xjentifika soda bbażata fuq prinċipji terapewtiċi validi għall-kombinazzjoni ta’ sustanzi attivi, inkluża d-data klinika, li turi l-ħtieġa u l-kontribut tas-sustanzi attivi kollha fil-mument tat-trattament.
IV.3.4. B’mod ġenerali, għandha tiġi pprovduta d-data kollha dwar is- ►C3 sikurezza ◄ u l-effikaċja għall-prodott ikkombinat fiss, u mhijiex meħtieġa d-data dwar is- ►C3 sikurezza ◄ u l-effikaċja għas-sustanzi attivi individwali, ħlief biex jiġu ċċarati l-proprjetajiet farmakoloġiċi individwali tagħhom.
IV.3.5. Jekk l-applikant ikollu għad-dispożizzjoni tiegħu data dwar is- ►C3 sikurezza ◄ u l-effikaċja ta’ sustanza attiva magħrufa individwali b’ammont suffiċjenti ta’ dettall, dik id-data tista’ tiġi pprovduta biex tiġi evitata l-ħtieġa ta’ xi studji bil-kombinazzjoni fissa, jew biex tiġi kkontribwita informazzjoni rilevanti. F’dak il-każ, għandha tiġi investigata wkoll l-interazzjoni possibbli bejn is-sustanzi attivi.
IV.3.6. Il-valutazzjoni tas- ►C3 sikurezza ◄ għall-utent, il-valutazzjoni tar-riskju ambjentali, l-istudji dwar it-tnaqqis tar-residwi, u l-istudji kliniċi għandhom jitwettqu bil-prodott ikkombinat fiss.
IV.3.7. Sakemm l-ommissjoni ma tkunx iġġustifikata, għandu jiġi pprovdut studju dwar is- ►C3 sikurezza ◄ tal-annimali fil-mira bil-formulazzjoni finali.
IV.4. Applikazzjonijiet ibbażati fuq kunsens infurmat
IV.4.1. L-applikazzjonijiet ibbażati fuq l-Artikolu 21 jikkonċernaw prodotti b’kompożizzjoni, forma farmaċewtika u proċess tal-manifattura identiċi (inklużi l-materja prima u l-materjal tal-bidu, il-parametri tal-proċess u s-siti tal-manifattura) bħall-prodotti mediċinali veterinarji diġà awtorizzati.
IV.4.2. Il-fajl għal dawn l-applikazzjonijiet għandu jinkludi biss data għall-Parti 1 A u 1B, kif deskritt fl-Anness I (il-punti 1 sa 6.4), bil-kundizzjoni li d-detentur tal-awtorizzazzjoni għat-tqegħid fis-suq għall-prodott mediċinali veterinarju diġà awtorizzat ikun ta lill-applikant il-kunsens bil-miktub tiegħu biex jirreferi għall-kontenut tal-Partijiet 1C, 2, 3 u 4 tal-fajl ta’ dak il-prodott. F’dak il-każ, ma jkunx hemm bżonn ukoll li jiġu ppreżentati rapporti kritiċi tal-esperti dwar il-kwalità, is- ►C3 sikurezza ◄ u l-effikaċja. L-applikant għandu jipprovdi prova tal-kunsens bil-miktub mal-applikazzjoni tiegħu.
IV.5. Applikazzjonijiet ibbażati fuq data bibljografika
IV.5.1. Għall-prodotti mediċinali veterinarji li għalihom is-sustanza(i) attiva(i) kienet jew kienu f’użu veterinarju stabbilit sewwa kif imsemmi fl-Artikolu 22, b’effikaċja rikonoxxuta u livell aċċettabbli ta’ ►C3 sikurezza ◄ , għandhom japplikaw ir-regoli speċifiċi li ġejjin.
IV.5.2. Għandu jiġi pprovdut fajl sħiħ (li jkun fih il-Partijiet 1, 2, 3 u 4). L-applikant għandu jissottometti l-Partijiet 1 u 2 kif deskritt f’dan l-Anness. Għall-Partijiet 3 u 4, għandha tiġi ppreżentata bibljografija xjentifika dettaljata flimkien ma’ informazzjoni li turi r-rabta xierqa bejn ir-referenzi bibljografiċi u l-prodott mediċinali veterinarju biex jiġu indirizzati s- ►C3 sikurezza ◄ u l-effikaċja. ►C5 Jista’ jkun meħtieġ li d-data bibljografika tiġi komplementata b’xi dokumentazzjoni speċifika għall-prodott, pereżempju, valutazzjonijiet tas-sikurezza għall-utent u tar-riskju ambjentali, jew data minn studji dwar ir-residwi biex jiġi ġġustifikat kwalunkwe perjodu ta’ stennija propost. ◄
IV.5.3. Sabiex jintwera użu veterinarju stabbilit sewwa għandhom japplikaw ir-regoli speċifiċi stabbiliti fil-Parti IV.5.3.1 sa IV.5.3.12.
IV.5.3.1. Sabiex jiġi stabbilit l-użu mediċinali veterinarju stabbilit sewwa tal-kostitwenti ta’ prodotti mediċinali veterinarji, għandhom jiġu kkunsidrati l-fatturi li ġejjin:
iż-żmien li matulu sustanza attiva tkun intużat b’mod regolari fl-ispeċijiet fil-mira bl-użu tar-rotta ta’ amministrazzjoni u r-reġim tad-dożaġġ proposti;
aspetti kwantitattivi tal-użu tas-sustanza(i) attiva(i), b’kont meħud ta’ kemm is-sustanza(i) intużat/intużaw fil-prattika, u l-firxa tal-użu fuq bażi ġeografika;
il-grad ta’ interess xjentifiku fl-użu tas-sustanza(i) attiva(i) (rifless fil-letteratura xjentifika ppubblikata);
il-koerenza tal-valutazzjonijiet xjentifiċi.
IV.5.3.2. Jistgħu jkunu meħtieġa perjodi ta’ żmien differenti biex jiġi stabbilit l-użu stabbilit sewwa ta’ sustanzi attivi differenti. Fi kwalunkwe każ, il-perjodu ta’ żmien meħtieġ biex jiġi stabbilit użu veterinarju stabbilit sewwa ta’ kostitwent ta’ prodott mediċinali ma għandux ikun anqas minn 10 snin mill-ewwel użu sistematiku u dokumentat ta’ dik is-sustanza bħala prodott mediċinali veterinarju fl-Unjoni.
IV.5.3.3. L-użu veterinarju ma jfissirx esklussivament l-użu bħala prodott mediċinali veterinarju awtorizzat. L-użu veterinarju stabbilit sewwa jirreferi għall-użu għal għan terapewtiku speċifiku fl-ispeċi fil-mira.
IV.5.3.4. Jekk sustanza f’użu stabbilit sewwa tiġi proposta għal indikazzjonijiet terapewtiċi kompletament ġodda, mhuwiex possibbli li ssir referenza biss għal użu veterinarju stabbilit sewwa. Għandha tiġi pprovduta data addizzjonali dwar l-indikazzjoni terapewtika l-ġdida, flimkien ma’ testijiet xierqa dwar is- ►C3 sikurezza ◄ u r-residwi u data preklinika u klinika u, f’każ bħal dan, ma jkunux possibbli applikazzjonijiet ibbażati fuq l-Artikolu 21.
IV.5.3.5. Id-dokumentazzjoni ppubblikata ppreżentata mill-applikant għandha tkun disponibbli liberament għall-pubbliku u ppubblikata minn sors ta’ reputazzjoni tajba, preferibbilment evalwata bejn il-pari.
IV.5.3.6. Id-dokumentazzjoni għandu jkun fiha dettalji suffiċjenti biex tkun tista’ ssir valutazzjoni indipendenti.
IV.5.3.7. Id-dokumentazzjoni għandha tkopri l-aspetti kollha tal-valutazzjoni tas- ►C3 sikurezza ◄ u/jew tal-effikaċja tal-prodott għall-indikazzjoni proposta fl-ispeċi fil-mira bl-użu tar-rotta ta’ amministrazzjoni u r-reġim tad-dożaġġ proposti. Hija għandha tinkludi jew tirreferi għal analiżi tal-letteratura rilevanti, b’kont meħud tal-istudji ta’ qabel u ta’ wara t-tqegħid fis-suq u l-letteratura xjentifika ppubblikata dwar l-esperjenza fil-forma ta’ studji epidemjoloġiċi u, b’mod partikolari, ta’ studji epidemjoloġiċi komparattivi.
IV.5.3.8. Għandha tiġi kkomunikata d-dokumentazzjoni kollha, kemm dik favorevoli kif ukoll dik mhux favorevoli. Fir-rigward tad-dispożizzjonijiet dwar l-użu veterinarju stabbilit sewwa, huwa partikolarment neċessarju li jiġi ċċarat li r-referenza bibljografika għal sorsi oħra ta’ evidenza (studji ta’ wara t-tqegħid fis-suq, studji epidemjoloġiċi, eċċ.) u mhux biss id-data relatata mat-testijiet u l-provi tista’ sservi bħala prova valida tas- ►C3 sikurezza ◄ u l-effikaċja ta’ prodott jekk l-applikant jispjega u jiġġustifika l-użu ta’ dawk is-sorsi ta’ evidenza b’mod sodisfaċenti.
IV.5.3.9. Ir-rapporti pubbliċi ta’ valutazzjoni jew is-sommarji tal-libertà tal-informazzjoni ma jistgħux jitqiesu li jipprovdu informazzjoni suffiċjenti, apparti mir-rapport ta’ valutazzjoni ppubblikat mill-Aġenzija wara l-evalwazzjoni ta’ applikazzjoni għall-istabbiliment tal-limiti massimi ta’ residwi, li jista’ jintuża b’mod xieraq bħala letteratura, b’mod partikolari għat-testijiet dwar is- ►C3 sikurezza ◄ .
IV.5.3.10. Għandha tingħata attenzjoni partikolari għal kwalunkwe informazzjoni nieqsa, u għandha tingħata ġustifikazzjoni għaliex it-turija ta’ livell aċċettabbli ta’ ►C3 sikukrezza ◄ u/jew ta’ effikaċja tista’ tiġi appoġġata għalkemm tkun nieqsa xi informazzjoni.
IV.5.3.11. Ir-rapporti kritiċi tal-esperti dwar is- ►C3 sikurezza ◄ u l-effikaċja għandhom jispjegaw ir-rilevanza ta’ kwalunkwe data ppreżentata, li tikkonċerna prodott differenti mill-prodott maħsub għat-tqegħid fis-suq. Għandu jiġi valutat jekk il-prodott studjat fil-bibljografija jistax jiġi marbut jew le b’mod sodisfaċenti jew xjentifiku mal-prodott, li għalih tkun saret l-applikazzjoni għall-awtorizzazzjoni għat-tqegħid fis-suq minkejja d-differenzi eżistenti.
IV.5.3.12. L-esperjenza ta’ wara t-tqegħid fis-suq bi prodotti li fihom l-istess kostitwenti hija ta’ importanza partikolari u l-applikanti għandhom jagħmlu enfasi speċjali fuq din il-kwistjoni.
IV.6. Applikazzjonijiet għal swieq limitati
IV.6.1. Awtorizzazzjoni għat-tqegħid fis-suq tista’ tingħata għal suq limitat fin-nuqqas ta’ data komprensiva dwar is- ►C3 sikurezza ◄ u/jew l-effikaċja meta, kif previst fl-Artikolu 23, l-applikant juri li l-prodott ikun maħsub għall-użu f’suq limitat u li l-benefiċċju tad-disponibbiltà tal-prodott il-ġdid ikun akbar mir-riskju assoċjat mat-tħollija barra ta’ xi data dwar is- ►C3 sikurezza ◄ jew l-effikaċja meħtieġa minn dan l-Anness.
IV.6.2. Għal applikazzjonijiet bħal dawn, l-applikant għandu jissottometti l-Partijiet 1 u 2 kif deskritt f’dan l-Anness.
IV.6.3. Għall-Partijiet 3 u 4, xi data dwar is- ►C3 sikurezza ◄ jew l-effikaċja meħtieġa minn dan l-Anness tista’ titħalla barra. Fir-rigward tal-firxa tad-data dwar is- ►C3 sikurezza ◄ u l-effikaċja li tista’ titħalla barra, għandha titqies il-gwida rilevanti ppubblikata mill-Aġenzija.
IV.7. Applikazzjonijiet f’ċirkostanzi eċċezzjonali
IV.7.1. F’ċirkostanzi eċċezzjonali relatati mas-saħħa tal-annimali jew is-saħħa pubblika, tista’ tingħata awtorizzazzjoni għat-tqegħid fis-suq skont l-Artikolu 25 għal prodott mediċinali veterinarju, soġġett għal ċerti obbligi, kundizzjonijiet u/jew restrizzjonijiet speċifiċi.
IV.7.2. Għal dawn l-applikazzjonijiet, l-applikant għandu jissottometti l-Parti 1 kif deskritt f’dan l-Anness, flimkien ma’ ġustifikazzjoni dwar għaliex il-benefiċċju tad-disponibbiltà immedjata fis-suq tal-prodott mediċinali veterinarju kkonċernat jegħleb ir-riskju inerenti fil-fatt li ma tkunx ġiet ipprovduta ċerta dokumentazzjoni dwar il-kwalità, is- ►C3 sikurezza ◄ jew l-effikaċja.
IV.7.3. Għall-Partijiet 2, 3 u 4, ċerta data dwar il-kwalità, is- ►C3 sikurezza ◄ jew l-effikaċja meħtieġa minn dan l-Anness tista’ titħalla barra, jekk l-applikant jiġġustifika li dik id-data ma tkunx tista’ tiġi pprovduta fil-ħin tas-sottomissjoni. Għall-identifikazzjoni tar-rekwiżiti essenzjali għal dawn it-tipi kollha ta’ applikazzjonijiet, għandha titqies il-gwida rilevanti ppubblikata mill-Aġenzija.
IV.7.4. Jistgħu jintalbu studji ta’ wara l-awtorizzazzjoni bħala parti mill-kundizzjonijiet għall-awtorizzazzjoni għat-tqegħid fis-suq, u dawn għandhom jitfasslu, jitwettqu, jiġu analizzati u ppreżentati skont il-prinċipji ġenerali għat-testijiet dwar il-kwalità, is- ►C3 sikurezza ◄ u l-effikaċja stabbiliti f’dan l-Anness, u d-dokumenti ta’ gwida rilevanti, kif applikabbli, skont il-kwistjoni li tkun trid tiġi indirizzata fl-istudju.
TAQSIMA V
REKWIŻITI GĦALL-APPLIKAZZJONIJIET GĦALL-AWTORIZZAZZJONI GĦAT-TQEGĦID FIS-SUQ GĦAL PRODOTTI MEDIĊINALI VETERINARJI PARTIKOLARI
Din it-Taqsima tistabbilixxi rekwiżiti speċifiċi għal prodotti mediċinali veterinarji identifikati relatati man-natura tas-sustanzi attivi li jkun hemm fihom.
V.1. Prodotti mediċinali veterinarji għal terapiji ġodda
V.1.1 Rekwiżiti ġenerali
V.1.1.1. Skont is-sustanza attiva u l-mod ta’ azzjoni, prodott mediċinali veterinarju għal terapija ġdida jista’ jaqa’ taħt kwalunkwe waħda mit-tliet kategoriji ta’ prodotti:
prodotti mediċinali veterinarji għajr prodotti mediċinali veterinarji bijoloġiċi;
prodotti mediċinali veterinarji bijoloġiċi għajr prodotti mediċinali veterinarji immunoloġiċi;
prodotti mediċinali veterinarji immunoloġiċi.
V.1.1.2. B’mod ġenerali, l-applikazzjonijiet għall-awtorizzazzjoni għat-tqegħid fis-suq għal prodotti mediċinali veterinarji għal terapija ġdida, kif definiti fl-Artikolu 4 (43), għandhom isegwu l-format u r-rekwiżiti tad-data deskritti fit-Taqsima II jew III ta’ dan l-Anness skont kif tkun ikklassifikata t-terapija l-ġdida. Normalment għandu jiġi pprovdut fajl sħiħ li jkun fih il-Partijiet 1, 2, 3 u 4 skont ir-rekwiżiti deskritti fit-Taqsima II jew III u kwalunkwe gwida rilevanti ppubblikata mill-Aġenzija. Jistgħu jkunu possibbli devjazzjonijiet mir-rekwiżiti ta’ dan l-Anness meta jkunu ġustifikati. Fejn ikun xieraq u b’kont meħud tal-ispeċifiċitajiet tal-prodotti għal terapija ġdida, jistgħu jkunu rilevanti rekwiżiti addizzjonali għal tipi partikolari ta’ prodotti.
V.1.1.3. Il-proċessi tal-manifattura għal prodotti mediċinali veterinarji għal terapija ġdida għandhom jikkonformaw mal-prinċipji ta’ Prassi Tajba ta’ Manifattura (PTM) adattati fejn meħtieġ, biex jirriflettu n-natura speċifika ta’ dawk il-prodotti. Għandhom jitfasslu linji gwida speċifiċi għall-prodotti mediċinali għal terapija ġdida, biex jirriflettu b’mod xieraq in-natura partikolari tal-proċess tal-manifattura tagħhom.
V.1.1.4. Skont in-natura speċifika ta’ prodott għal terapija ġdida, l-użu tal-prodott jista’ potenzjalment ikun assoċjat ma’ riskji speċifiċi. Dawk ir-riskji għandhom jiġu identifikati billi tiġi applikata metodoloġija ta’ profilar tar-riskju biex jiġu identifikati r-riskji inerenti għall-prodott speċifiku u l-fatturi ta’ riskju li jikkontribwixxu għal dawk ir-riskji. F’dan il-kuntest, ir-riskji jkunu kwalunkwe effett sfavorevoli potenzjali li jista’ jiġi attribwit għall-użu tal-prodott għal terapija ġdida, li jkun ta’ tħassib għall-popolazzjoni fil-mira u/jew għall-utent, il-konsumatur, u/jew l-ambjent. L-analiżi tar-riskju tista’ tkopri l-iżvilupp kollu. Il-fatturi ta’ riskju li jistgħu jiġu kkunsidrati jinkludu l-oriġini tal-materjal tal-bidu (ċelloli, eċċ.), il-mod ta’ azzjoni fl-annimal (proliferazzjoni, bidu ta’ rispons immuni, permanenza fil-ġisem, eċċ.), il-livell ta’ manipulazzjoni taċ-ċelloli (pereżempju, il-proċess tal-manifattura), il-kombinazzjoni tas-sustanza attiva ma’ molekuli bijoattivi jew materjali strutturali, il-firxa tal-kompetenza ta’ replikazzjoni tal-viruses jew tal-mikroorganiżmi użati in vivo, il-livell ta’ integrazzjoni ta’ sekwenzi ta’ aċidi nuklejċi jew ta’ ġeni fil-ġenoma, il-funzjonalità fit-tul, ir-riskju ta’ onkoġeniċita, l-effetti off-target u l-mod ta’ amministrazzjoni jew użu.
V.1.1.5. Abbażi tal-evalwazzjoni tal-informazzjoni dwar ir-riskji u l-fatturi ta’ riskju identifikati, għandu jiġi stabbilit profil speċifiku ta’ kull riskju individwali assoċjat ma’ prodott speċifiku u dan jista’ jintuża biex jiddetermina u jiġġustifika kif is-sett ta’ data pprovdut jagħti l-garanziji neċessarji għall-kwalità, is- ►C3 sikurezza ◄ u l-effikaċja u jkun adegwat biex jappoġġa applikazzjoni għall-awtorizzazzjoni tat-tqegħid fis-suq, speċjalment għal dawk l-aspetti ta’ prodotti għal terapija ġdida li jkunu lil hinn mill-għarfien attwali.
V.1.1.6. Biex jiġu indirizzati l-lakuni jew l-inċertezzi fid-data fiż-żmien tal-awtorizzazzjoni tal-prodott, jistgħu jiġu kkunsidrati miżuri jew studji ta’ wara l-awtorizzazzjoni fuq bażi ta’ każ b’każ. Sabiex jiġu identifikati sinjali bikrija jew ittardjati ta’ reazzjonijiet avversi, biex jiġu evitati l-konsegwenzi kliniċi ta’ tali reazzjonijiet u biex jiġi żgurat it-trattament f’waqtu u biex tinkiseb informazzjoni dwar is- ►C3 sikurezza ◄ u l-effikaċja fit-tul tal-prodotti mediċinali veterinarji għal terapija ġdida, pjan ta’ ġestjoni tar-riskju għandu jispjega fid-dettall il-miżuri previsti biex jiġi żgurat tali segwitu.
V.1.1.7. Għal kwalunkwe prodott għal terapija ġdida, b’mod partikolari dawk meqjusa bħala qasam emerġenti fil-mediċina veterinarja, huwa rakkomandat li jintalab il-parir tal-Aġenzija fi żmien xieraq qabel is-sottomissjoni tal-fajl tal-awtorizzazzjoni għat-tqegħid fis-suq sabiex il-prodott jiġi kklassifikat, tiġi determinata l-istruttura applikabbli tal-fajl u tinkiseb informazzjoni rilevanti dwar id-data addizzjonali li tista’ tkun meħtieġa biex tappoġġa l-kwalità, is- ►C3 sikurezza ◄ u l-effikaċja.
V.1.2. Rekwiżiti tal-kwalità
V.1.2.1. B’mod ġenerali, għandhom jiġu ppreżentati d-deskrizzjoni tal-kompożizzjoni, il-metodu tal-manifattura, il-konsistenza tal-produzzjoni, il-kontrolli tal-materjali tal-bidu, il-kontrolli implimentati matul il-proċess tal-manifattura, l-ittestjar tal-prodott lest li jinkludi l-implimentazzjoni ta’ test tal-attività jew kwantifikazzjoni tas-sustanza attiva u d-data dwar l-istabbiltà.
V.1.2.2. Ir-rekwiżiti tad-data għall-manifattura u l-ittestjar għall-prodotti mediċinali veterinarji għal terapija ġdida, ta’ oriġini bijoloġika u kklassifikati bħala prodott bijoloġiku jew bħala prodott immunoloġiku, għandhom b’mod ġenerali jkunu skont dawk għall-prodotti mediċinali bijoloġiċi jew immunoloġiċi (kif deskritt fit-Taqsima III ta’ dan l-Anness), inkluża l-ħtieġa ta’ test tal-potenza rilevanti. Jista’ jkun hemm każijiet fejn japplikaw rekwiżiti addizzjonali, pereżempju, iċ-ċelloli u l-kostruzzjonijiet ta’ ġeni vettorjali.
V.1.2.3. Għall-prodotti mediċinali veterinarji għal terapija ġdida kostruwiti permezz ta’ sinteżi kimika, ġeneralment japplikaw ir-rekwiżiti tad-data bħal tal-prodotti mediċinali veterinarji għajr il-prodotti bijoloġiċi (kif deskritt fit-Taqsima II ta’ dan l-Anness). Jista’ jkun hemm każijiet fejn japplikaw rekwiżiti addizzjonali, pereżempju, test tal-potenza rilevanti.
V.1.3. Rekwiżiti ta’ ►C3 sikurezza ◄
V.1.3.1. Skont in-natura tal-prodott u l-użu maħsub tiegħu, tista’ tkun rilevanti aktar data biex tiġi evalwata s- ►C3 sikurezza ◄ għall-annimal fil-mira, l-utent, il-konsumatur jew l-ambjent kif determinat minn analiżi tar-riskju f’kull każ.
V.1.3.2. Ir-rekwiżiti tad-Direttiva 2001/18/KE għandhom jiġu kkunsidrati meta l-annimal ittrattat innifsu jista’ jsir organiżmu ġenetikament modifikat. Filwaqt li d-Direttiva 2001/18/KE tapplika għal prodotti lesti li fihom organiżmi ġenetikament modifikati, hija tibqa’ l-aħjar gwida teknika disponibbli bħalissa għall-elenkar tad-data meħtieġa. B’mod partikolari, kwistjoni ewlenija hija r-rata ta’ integrazzjoni tad-DNA fiċ-ċelloli ġerminali (b’hekk trasmissibbli għall-wild) jew it-trażmissjoni potenzjali taċ-ċelloli ġenetikament modifikati lill-wild. Għandu jiġi nnotat ukoll li din il-problema mhijiex kompletament l-istess meta jiġu kkunsidrati annimali tal-kumpanija u l-annimali li jipproduċu l-ikel (il-konsum mill-bniedem ta’ prodotti li fihom organiżmi ġenetikament modifikati).
V.1.3.3. Għas-sustanzi maħsuba biex jiġu integrati fil-ġenoma jew biex jeditjawha, għandhom jitwettqu testijiet xierqa biex jiġi evalwat ir-riskju ta’ modifiki off-target u/jew ta’ mutaġenesi inserzjonali.
V.1.4. Rekwiżiti tal-effikaċja
V.1.4.1. Ir-rekwiżiti tad-data dwar l-effikaċja jvarjaw prinċipalment skont l-indikazzjonijiet maħsuba għall-użu fl-ispeċi fil-mira. Skont il-kategorizzazzjoni tal-prodott għal terapija ġdida u l-użu maħsub fl-ispeċi fil-mira, ir-rekwiżiti tal-effikaċja stabbiliti fit-Taqsimiet II jew III jistgħu jkunu applikabbli għal prodott mediċinali veterinarju għal terapija ġdida.
V.1.4.2. L-indikazzjonijiet imsemmija għandhom jiġu appoġġati minn data xierqa fl-ispeċi fil-mira.
V.1.5. Rekwiżiti speċifiċi ta’ data għal tipi partikolari ta’ prodotti għal terapija ġdida
V.1.5.1. Prinċipji
V.1.5.1.1. B’kont meħud tal-ispeċifiċitajiet tal-prodotti għal terapija ġdida, jistgħu jkunu xierqa rekwiżiti speċifiċi minbarra r-rekwiżiti standard għall-evalwazzjoni tal-kwalità, is- ►C3 sikurezza ◄ u l-effikaċja.
V.1.5.1.2. It-taqsimiet li ġejjin jissottolinjaw ir-rekwiżiti speċifiċi li għandhom jiġu kkunsidrati għal tip partikolari ta’ prodotti għal terapija ġdida. Dawk ir-rekwiżiti speċifiċi stabbiliti għal tip partikolari ta’ prodott għal terapija ġdida jirrappreżentaw lista mhux eżawrjenti ta’ rekwiżiti li jista’ jkollhom bżonn jiġu adattati għall-prodott speċifiku kkonċernat fuq bażi ta’ każ b’każ u abbażi ta’ analiżi tar-riskju.
V.1.5.1.3. Fil-każijiet kollha u speċjalment għal terapiji ġodda li jkunu meqjusa bħala emerġenti fil-qasam tal-mediċina veterinarja, l-applikanti jridu jqisu l-istat attwali tal-għarfien mediċinali veterinarju u l-gwida xjentifika ppubblikata mill-Aġenzija u l-Kummissjoni, b’mod konsistenti mat-Taqsima I ta’ dan l-Anness.
V.1.5.2. Prodotti mediċinali veterinarji għal terapija tal-ġeni
V.1.5.2.1. Il-prodotti għal terapija tal-ġeni huma prodotti mediċinali veterinarji bijoloġiċi li fihom sustanza attiva li fiha jew tikkonsisti minn aċidu nuklejku rikombinanti użat fi jew mogħti lill-annimali bil-għan li tiġi regolata, imsewwija, sostitwita, miżjuda jew imħassra sekwenza ġenetika. L-effett terapewtiku, profilattiku jew dijanjostiku tagħhom huwa relatat direttament mas-sekwenza tal-aċidu nuklejku rikombinanti li fihom, jew mal-prodott tal-espressjoni ġenetika ta’ din is-sekwenza.
V.1.5.2.2. Minbarra r-rekwiżiti tad-data stabbiliti fit-Taqsimiet II jew III, għandhom japplikaw ir-rekwiżiti li ġejjin:
għandha tiġi pprovduta informazzjoni dwar il-materjali tal-bidu kollha użati għall-manifattura tas-sustanza attiva, inklużi l-prodotti meħtieġa għall-modifika ġenetika taċ-ċelloli, kif applikabbli, it-tkabbir u l-preservazzjoni sussegwenti taċ-ċelloli ġenetikament modifikati, b’kont meħud tan-nuqqas possibbli ta’ passi ta’ purifikazzjoni;
għall-prodotti li jkun fihom mikroorganiżmu jew virus, għandha tiġi pprovduta data dwar il-modifika ġenetika, l-analiżi tas-sekwenza, l-attenwazzjoni tal-virulenza, it-tropiżmu għal tessuti u tipi ta’ ċelloli speċifiċi, id-dipendenza taċ-ċiklu taċ-ċellola tal-mikroorganiżmu jew tal-virus, il-patoġeniċità u l-karatteristiċi tar-razza parentali;
l-impuritajiet relatati mal-proċess u l-impuritajiet relatati mal-prodott għandhom jiġu deskritti fit-taqsimiet rilevanti tal-fajl u b’mod partikolari l-kontaminanti tal-virus li kapaċi jirreplikaw jekk il-vettur ikun iddisinjat biex ma jkunx jista’ jirreplika;
għall-plażmidi, għandha ssir kwantifikazzjoni tal-forom differenti ta’ plażmidi matul il-ħajja fuq l-ixkaffa tal-prodott;
għaċ-ċelloli ġenetikament modifikati, għandhom jiġu ttestjati l-karatteristiċi taċ-ċelloli qabel u wara l-modifika ġenetika, kif ukoll qabel u wara kwalunkwe proċedura sussegwenti ta’ ffriżar/ħażna. Għaċ-ċelloli ġenetikament modifikati, minbarra r-rekwiżiti speċifiċi għall-prodotti mediċinali għal terapija tal-ġeni, għandhom japplikaw ir-rekwiżiti tal-kwalità għall-prodotti mediċinali għal terapija taċ-ċelloli u l-prodotti tal-inġinerija tat-tessuti;
jeħtieġ li jiġu kkunsidrati l-inserzjonijiet off-target (li jwasslu, pereżempju, għal tumuri/kanċer, disfunzjonijiet metaboliċi) u l-mutaġenesi inserzjonali u l-ġenotossiċità (inserzjoni ta’ elementi ġenetiċi u l-espressjoni ta’ proteini li jimmodifikaw id-DNA bħala medjaturi ta’ effetti sekondarji ġenotossiċi) fl-ispeċi fil-mira;
għandhom jiġu pprovduti studji dwar it-trasmissjoni fil-linja ġerminali, sakemm ma jkunx iġġustifikat mod ieħor.
V.1.5.3. Prodotti mediċinali veterinarji għal mediċina riġenerattiva, inġinerija tat-tessuti u terapija taċ-ċelloli
V.1.5.3.1. Il-mediċini riġenerattivi huma kkunsidrati li jinkludu firxa wiesgħa ta’ prodotti u terapiji bil-għan ġenerali li jerġgħu jistabbilixxu l-funzjonijiet. Dawn il-mediċini jinkludu terapiji bbażati fuq iċ-ċelloli li fihom huma inklużi prodotti tal-inġinerija tat-tessuti.
V.1.5.3.2. Il-prodotti mediċinali veterinarji għal terapija taċ-ċelloli huma prodotti mediċinali veterinarji bijoloġiċi li fihom jew li jikkonsistu minn ċelloli jew tessuti li kienu soġġetti għal manipulazzjoni sostanzjali fin-natura jew fil-funzjoni sabiex il-karatteristiċi bijoloġiċi, il-funzjonijiet fiżjoloġiċi jew il-proprjetajiet strutturali rilevanti għall-użu kliniku maħsub ikunu nbidlu, jew minn ċelloli jew tessuti li ma jkunux maħsuba biex jintużaw għall-istess funzjoni(jiet) essenzjali fir-riċevitur u d-donatur. Huma ppreżentati bħala li għandhom proprjetajiet għal, jew jintużaw fi jew jingħataw lill-annimali bil-għan li jittrattaw, jipprevjenu jew jiddijanjostikaw marda permezz tal-azzjoni farmakoloġika, immunoloġika jew metabolika taċ-ċelloli jew it-tessuti tagħhom jew biex jirriġeneraw, isewwu jew jissostitwixxu tessut.
V.1.5.3.3. Minbarra r-rekwiżiti tad-data stabbiliti fit-Taqsimiet II jew III, għandhom japplikaw ir-rekwiżiti li ġejjin:
għandha tiġi pprovduta informazzjoni fil-qosor dwar l-akkwist u l-ittestjar tat-tessuti u ċ-ċelloli tal-annimali użati bħala materjali tal-bidu. Jekk jintużaw ċelloli jew tessuti mhux b’saħħithom bħala materjali tal-bidu, l-użu tagħhom għandu jiġi ġġustifikat;
il-varjabbiltà potenzjali introdotta permezz tat-tessuti u ċ-ċelloli tal-annimali għandha tiġi indirizzata bħala parti mill-validazzjoni tal-proċess tal-manifattura, il-karatterizzazzjoni tas-sustanza attiva u l-prodott lest, l-iżvilupp tal-assaġġi, l-istabbiliment tal-ispeċifikazzjonijiet u l-istabbiltà;
għall-modifika ġenetika taċ-ċelloli, għandhom japplikaw ir-rekwiżiti tekniċi speċifikati għall-prodotti għal terapija tal-ġeni;
għandha tiġi pprovduta informazzjoni rilevanti dwar il-karatterizzazzjoni tal-popolazzjoni taċ-ċelloli jew it-taħlita taċ-ċelluli f’termini ta’ identità, purità (pereżempju, aġenti estranji u kontaminanti ċellulari), vijabbiltà, potenza, karjoloġija, tumoroġeniċità u idoneità għall-użu mediċinali maħsub. Għandha tintwera l-istabbiltà ġenetika taċ-ċelloli;
għandhom jiġu investigati l-impatt u l-interazzjonijiet ta’ kwalunkwe komponent li jkun probabbli li jinteraġixxi (direttament jew b’riżultat ta’ degradazzjoni jew metaboliżmu) mas-sustanza attiva;
fejn struttura tridimensjonali tkun parti mill-funzjoni maħsuba, l-istat tad-differenzjazzjoni, l-organizzazzjoni strutturali u funzjonali taċ-ċelloli u, fejn ikun applikabbli, il-matriċi ekstraċellulari ġġenerata għandhom ikunu parti mill-karatterizzazzjoni għal dawk il-prodotti bbażati fuq iċ-ċelloli.
V.1.5.4. Prodott mediċinali veterinarju ddisinjat speċifikament għall-fagoterapija
V.1.5.4.1. Il-batterjofagi huma viruses li jiddependu fuq l-ospiti batteriċi għall-proliferazzjoni u jaġixxu b’mod speċifiku ħafna fuq ċerti razez batteriċi. Il-fagoterapija tista’ tintuża, pereżempju, bħala alternattiva għall-antibijotiċi. Ġeneralment, il-batterjofagi jikkonsistu f’ġenoma, magħmula minn DNA jew RNA b’filament wieħed jew doppju, inkapsulat minn kapsid tal-proteina. Minħabba d-diversità tal-miri maħsuba għat-trattament u l-ispeċifiċità tal-batterjofagi, ikun neċessarju li tintgħażel ir-razza xierqa ta’ batterjofagi kontra r-razza batterika li tikkawża l-marda fuq bażi ta’ każ b’każ għat-tifqigħa individwali tal-marda.
V.1.5.4.2 Il-kwalità u l-kwantità tal-batterjofagi li għandhom jintużaw fil-prodott lest huma normalment varjabbli. Għalhekk, kompożizzjoni kwalitattiva u kwantitattiva fissa tal-batterjofagi mhux se tkun is-sitwazzjoni normali billi l-fagi jeħtieġ li jiġu adattati fuq bażi kontinwa. Fuq din il-bażi, jeħtieġ li jiġi stabbilit u jinżamm stokk ta’ żerriegħa ta’ razez ta’ batterjofagi (komparabbli ma’ approċċ b’ħafna razez).
V.1.5.4.3. Il-batterjofagi kif ukoll il-batterji ospitanti/banek taċ-ċelloli ewlenin għall-manifattura għandhom preferibbilment jiġu prodotti abbażi ta’ sistema ta’ żerriegħa ewlenija. Għandha tiġi pprovduta konferma li l-batterjofagu użat ikun litiku.
V.1.5.4.4. In-nuqqas ta’ ġene(i) ta’ reżistenza u n-nuqqas ta’ kodifikazzjoni tal-ġeni għall-fatturi ta’ virulenza għandhom jintwerew fuq iż-żrieragħ ewlenin kollha.
V.1.5.4.5. L-indikazzjoni għandha tkun għat-trattament profilattiku, metafilattiku u/jew terapewtiku ta’ infezzjoni jew marda infettiva waħda jew aktar. L-effikaċja tat-trattament hija marbuta mal-attività litika tal-fagi li tagħti attività batteriċida lil dawk il-batterjofagi bi speċifiċità għar-razza batterika kkonċernata.
V.1.5.4.6. Għall-fagi ġenetikament modifikati, għandha tiġi deskritta l-modifika ġenetika.
V.1.5.5. Prodott mediċinali veterinarju maħruġ min-nanoteknoloġiji
V.1.5.5.1. In-nanoteknoloġiji huma meqjusa prinċipalment bħala teknoloġija biex jiġu ġġenerati trasportaturi għal sustanzi sintetizzati kimikament iżda jistgħu jkunu wkoll trasportaturi għas-sustanzi bijoloġiċi. L-użu tan-nanopartiċelli jista’ jkun mod ta’ kontroll tat-twassil ta’ sustanzi b’solubilità baxxa jew ta’ komposti tossiċi.
V.1.5.5.2. In-“nanoteknoloġija” tikkorrispondi għat-tfassil, il-karatterizzazzjoni, u l-produzzjoni tan-nanomaterjali billi jiġu kkontrollati l-forma u d-daqs fin-nanoskala (sa madwar 100 nm).
V.1.5.5.3. In-“nanopartiċelli” huma kkunsidrati li għandhom żewġ dimensjonijiet jew aktar fin-nanoskala.
V.1.5.5.4. Fil-kamp veterinarju, in-nanopartiċelli għas-sistema ta’ twassil tal-mediċina huma rilevanti bħala “prodotti maħruġa min-nanoteknoloġiji”: in-nanopartiċelli jiġu konjugati ma’ sustanzi sabiex jinbidlu l-proprjetajiet farmakokinetiċi u/jew farmakodinamiċi. Il-mediċini mRNA huma pjuttost inkapsulati f’sistemi ta’ twassil tan-nanopartiċelli.
V.1.5.5.5. Minbarra r-rekwiżiti tad-data tal-kwalità stabbiliti fit-Taqsimiet II jew III, għandhom japplikaw ir-rekwiżiti li ġejjin:
għandha tiġi stabbilita d-distribuzzjoni tad-daqs tal-partiċelli;
għandu jintuża test in vitro xieraq għall-funzjoni u l-kapaċità ta’ twassil possibbli tagħhom (jekk jintużaw bħala sistema ta’ twassil tal-mediċina).
V.1.5.5.6. Fir-rigward tas- ►C3 sikurezza ◄ , it-tip ta’ perikli li jiġu introdotti bl-użu tan-nanopartiċelli għat-twassil tal-mediċini jista’ jkun lil hinn mill-perikli konvenzjonali imposti mis-sustanzi kimiċi fil-matriċi klassiċi tat-twassil. Għalhekk, għandhom jiġu kkunsidrati l-aspetti li ġejjin fir-rigward tas- ►C3 sikurezza ◄ :
In-nanopartiċelli għat-twassil tal-mediċini jistgħu jinfluwenzaw it-tossiċità tal-prodott mediċinali. It-tossiċità tas-sustanza attiva hija kruċjali għall-prodott iżda għandha tiġi kkunsidrata wkoll it-tossiċità tan-nanopartiċelli għat-twassil tal-mediċina, peress li dawn jistgħu jintroduċu riskji speċifiċi (agglomerati, ċitotossiċità), jistgħu jwasslu impuritajiet permezz ta’ assorbiment, jistgħu jiġġeneraw materjali tossiċi permezz ta’ degradazzjoni jew solubilizzazzjoni, jew jistgħu jiġu trasferiti permezz ta’ barriera fiżjoloġika (emato-enċefalika, fetu-plaċentali, membrani ċellolari u nukleari, eċċ.). F’dan il-kuntest:
meta jinqasmu l-barrieri fiżjoloġiċi, għandu jiġi investigat l-impatt tan-nanopartiċelli għat-twassil tal-mediċina fuq l-organu(i) korrispondenti;
għandu jiġi investigat l-impatt tal-agglomerati fl-organi differenti fil-mira, b’enfasi partikolari fuq ir-riskju ta’ emboliżmu fil-vażi ż-żgħar;
il-kwistjonijiet tas- ►C3 sikurezza ◄ tan-nanopartiċelli għat-twassil tal-mediċina jistgħu jkunu marbuta ma’ effett kumulattiv, profil ta’ degradazzjoni jew persistenza fil-ġisem b’effetti negattivi fuq il-funzjonijiet tal-organi fil-mira;
il-kwistjonijiet tas- ►C3 sikurezza ◄ jistgħu jiġu perċepiti wkoll fil-livell taċ-ċellola. Iċ-ċelloli jistgħu mhux dejjem ikunu kapaċi jeliminaw in-nanopartiċelli li jgħaddu mill-membrana taċ-ċelloli, li jwassal għal ċitotossiċità speċjalment permezz tal-induzzjoni ta’ stress ossidattiv. L-assaġġi tossikoloġiċi li għandhom jiġu implimentati għandhom ikunu kapaċi jivvalutaw din iċ-ċitotossiċità u l-aspetti relatati, bħall-ġenerazzjoni ta’ radikali liberi tossiċi u l-bijopersistenza.
Il-profil tossikoloġiku tas-sustanzi attivi kontenuti fin-nanopartiċelli għat-twassil tal-mediċina jista’ jvarja minħabba li dawn jistgħu jiġu distribwiti b’mod differenti f’diversi organi interni (solubilità differenti fil-matriċi bijoloġiċi), jew minħabba li jistgħu jaqsmu bla mistenni diversi barrieri bijoloġiċi fil-ġisem, bħall-barriera tal-moħħ.
L-effetti sekondarji marbuta mas-sustanzi attivi jistgħu jiggravaw meta dawn jitwasslu permezz ta’ nanopartiċelli.
►C3 Kienu diġà identifikati kwistjonijiet ta’ immunosikurezza bħall-immunotossiċità (ħsara diretta liċ-ċelloli immuni), l-immunostimulazzjoni, l-immunosoppressjoni u l-immunomodulazzjoni (bħall-attivazzjoni komplementari, l-infjammazzjoni, l-attivazzjoni tal-immunità naturali jew adattiva) għan-nanomediċini. ◄
Għandha tiġi kkunsidrata l-kapaċità tan-nanopartiċelli li joħolqu reazzjonijiet infjammatorji jew allerġiċi. Il-kapaċità li jippenetraw fiċ-ċirkolazzjoni tad-demm u li jikkawżaw reazzjonijiet infjammatorji tista’ twassal għal koagulazzjoni intravaskulari mifruxa jew fibrinoliżi b’konsegwenzi ulterjuri bħal trombożi. Għalhekk għandha tiġi verifikata l-emokompatibbiltà tan-nanopartiċelli.
V.1.5.6. Prodotti ta’ terapija bl-RNA antisens jew ta’ terapija ta’ interferenza tal-RNA
V.1.5.6.1. Il-prodotti għal terapija antisens u terapija ta’ interferenza jistgħu jiġu ġġenerati permezz ta’ sinteżi jew permezz ta’ tekniki rikombinanti.
V.1.5.6.2. L-RNA antisens huwa RNA b’filament wieħed li huwa komplementari għal RNA messaġġier li jikkodifika l-proteina li jibridizza miegħu, u b’hekk jimblokka t-traduzzjoni tiegħu fi proteina.
V.1.5.6.3. L-interferenza tal-RNA hija proċess bijoloġiku li fih il-molekuli tal-RNA jinibixxu l-espressjoni jew it-traduzzjoni tal-ġeni, billi jinnewtralizzaw molekuli mRNA fil-mira.
V.1.5.6.4. Minbarra r-rekwiżiti tad-data stabbiliti fit-Taqsimiet II jew III, għandhom japplikaw ir-rekwiżiti li ġejjin:
l-ammont minimu ta’ segmenti tal-RNA għal kull volum jeħtieġ li jiġi stabbilit bħala parti mit-testijiet ta’ kontroll tal-prodott lest, kif ukoll il-konferma li s-segmenti tal-RNA jippreżentaw is-sekwenza korretta;
għal ċerti prodotti ta’ terapija antisens li jaqgħu taħt it-Taqsima II ta’ dan l-Anness jista’ jkun meħtieġ bijoassaġġ ta’ potenza għall-ittestjar tar-rilaxx tagħhom;
l-istudji dwar l-istabbiltà għandhom jinkludu test biex tiġi mmonitorjata r-rata ta’ degradazzjoni tas-segmenti tal-RNA matul iż-żmien;
għall-prodotti ta’ terapija bl-RNA antisens, għandhom jiġu indirizzati l-effetti ta’ ħsara possibbli minħabba t-twaħħil on-target jew off-target kif ukoll l-effetti ta’ ħsara mhux antisens possibbli minħabba, pereżempju, l-akkumulazzjoni, ir-risponsi proinfjammatorji u t-twaħħil aptameriku;
għall-prodotti tat-terapija RNAi għandhom jiġu indirizzati l-effetti ta’ ħsara possibbli ta’ interferenza off-target (minħabba l-filament pożittiv ta’ RNAi), kif ukoll il-possibbiltà li tinqasam il-barriera ematoenċefalika u jiġu kkawżati disturbi fis-sistema nervuża ċentrali;
għall-prodotti ta’ terapija bl-RNA antisens u ta’ terapija ta’ interferenza tal-RNA maħsuba għal terapija tal-ġeni, għandhom jiġu kkunsidrati r-rekwiżiti għall-prodotti mediċinali veterinarji għal terapija tal-ġeni.
V.2. Master File tal-Antiġen tal-Vaċċin
Għal prodotti mediċinali veterinarji immunoloġiċi partikolari u b’deroga mit-Taqsima IIIb, il-Parti 2, huwa introdott il-kunċett ta’ Master File tal-Antiġen tal-Vaċċin.
V.2.1. Prinċipji
V.2.1.1. Għall-finijiet ta’ dan l-Anness, Master File tal-Antiġen tal-Vaċċin tfisser parti awtonoma tal-fajl tal-applikazzjoni għall-awtorizzazzjoni għat-tqegħid fis-suq għal vaċċin, li jkun fiha l-informazzjoni kollha rilevanti dwar il-kwalità fir-rigward ta’ kull waħda mis-sustanzi attivi, li jkunu parti mill-prodott mediċinali veterinarju. Il-parti awtonoma tista’ tkun komuni għal vaċċin monovalenti u/jew ikkombinat wieħed jew aktar ippreżentati mill-istess applikant jew detentur tal-awtorizzazzjoni għat-tqegħid fis-suq.
V.2.1.2. L-użu tal-Master Files tal-Antiġen tal-Vaċċin huwa fakultattiv. Għall-vaċċini kkombinati, għandhom jiġu speċifikati l-antiġen(i) tal-vaċċin li għandhom jiġu inklużi fil-Master File(s) tal-Antiġen tal-Vaċċin u għandu jkun meħtieġ Master File tal-Antiġen tal-Vaċċin separat għal kull wieħed minnhom.
V.2.1.3. Is-sottomissjoni u l-approvazzjoni ta’ Master File tal-Antiġen tal-Vaċċin għandhom jikkonformaw mal-gwida rilevanti ppubblikata mill-Aġenzija.
V.2.2. Werrej
Il-fajl tal-Master File tal-Antiġen tal-Vaċċin għandu jkun fih l-informazzjoni fil-Partijiet V.2.2.1 sa V.2.3.3 estratta mit-taqsimiet rilevanti tal-Parti 1 (Sommarju tal-fajl) u l-Parti 2 (Dokumentazzjoni dwar il-kwalità) kif stabbilit fit-Taqsima IIIb ta’ dan l-Anness:
V.2.2.1. Sommarju tal-fajl (Parti 1)
Għandhom jingħataw l-isem u l-indirizz tal-manifattur(i) u s-sit(i) involut(i) fl-istadji differenti tal-manifattura u l-kontroll tas-sustanza attiva, akkumpanjati minn kopji tal-awtorizzazzjonijiet tal-manifattura korrispondenti.
V.2.2.2. Dettalji kwalitattivi u kwantitattivi tal-kostitwenti (Parti 2.A)
Għandu jiġi pprovdut l-isem sħiħ u eżatt tas-sustanza attiva (pereżempju, ir-razza tal-virus jew tal-batterji, l-antiġen), bl-istess mod kif imsemmi fi kwalunkwe prodott lest. Għandha tiġi pprovduta informazzjoni dwar l-iżvilupp tal-prodott rilevanti għas-sustanza attiva.
V.2.2.3. Deskrizzjoni tal-proċess tal-manifattura (Parti 2.B)
Għandha tiġi pprovduta d-deskrizzjoni tal-metodu ta’ manifattura għas-sustanza attiva, inkluża l-validazzjoni tal-istadji ewlenin tal-produzzjoni u l-ġustifikazzjoni, jekk rilevanti, ta’ kwalunkwe ħażna intermedja proposta. Għall-vaċċini inattivati, għandha tiġi pprovduta d-data rilevanti għall-inattivazzjoni tas-sustanza attiva, inkluża l-validazzjoni tal-proċess ta’ inattivazzjoni.
V.2.2.4. Produzzjoni u kontroll tal-materjali tal-bidu (Parti 2.C)
V.2.2.4.1. Għandhom japplikaw ir-rekwiżiti standard deskritti fit-Taqsima IIIb.2C u rilevanti għas-sustanza attiva.
V.2.2.4.2. Għandha tiġi pprovduta informazzjoni dwar is-sustanza attiva (pereżempju, ir-razza tal-virus/batterji), is-substrat(i) (ċelloli, medium ta’ tkabbir) u l-materja prima kollha (farmakopea jew mhux farmakopea, bijoloġika jew mhux bijoloġika) użata fil-produzzjoni tas-sustanza attiva.
V.2.2.4.3. Il-fajl għandu jinkludi l-ispeċifikazzjonijiet, informazzjoni dwar il-proċessi implimentati u dwar it-testijiet li għandhom jitwettqu għall-kontroll tal-kwalità tal-lottijiet kollha tal-materjali tal-bidu u r-riżultati għal lott għall-komponenti kollha użati.
V.2.2.4.4. Fejn applikabbli, għandha tiġi pprovduta valutazzjoni tar-riskju tat-TSE u tal-aġenti estranji (EA). Għandu jiġi nnutat li l-ispeċijiet fil-mira miżmuma għall-prodotti lesti li jagħmlu referenza għall-Master File tal-Antiġen tal-Vaċċin għandhom jiġu kkunsidrati għall-valutazzjoni tar-riskju tat-TSE u tal-EA. Jistgħu jiddaħħlu twissijiet jew restrizzjonijiet tal-użu fil-livell tal-Master File tal-Antiġen tal-Vaċċin skont l-informazzjoni ppreżentata, li jistgħu jiġu mitigati matul l-analiżi tar-riskju fil-livell tal-prodott lest.
V.2.2.4.5. Jekk is-sustanza attiva tinkiseb permezz ta’ tekniki rikombinanti, għandha tiġi pprovduta d-data rilevanti kollha korrispondenti dwar il-virus/batterji ġenetikament modifikati.
V.2.2.5. Testijiet ta’ kontroll matul il-proċess tal-manifattura (Parti 2.D)
Ir-rekwiżiti standard deskritti fit-Taqsima IIIb.2D għandhom japplikaw għat-testijiet ta’ kontroll waqt il-proċess imwettqa matul il-manifattura tas-sustanza attiva, inklużi l-validazzjonijiet tat-testijiet ta’ kontroll ewlenin u, jekk rilevanti, kwalunkwe ħażna intermedja proposta (qabel it-taħlit).
V.2.2.6. Konsistenza minn lott għall-ieħor (Parti 2.F)
Ir-rekwiżiti standard deskritti fit-Taqsima IIIb.2F għandhom japplikaw għat-turija tal-konsistenza fil-manifattura tal-antiġen.
V.2.2.7. Stabbiltà (Parti 2.G)
Għandhom japplikaw ir-rekwiżiti standard deskritti fit-Taqsima IIIb.2G biex tintwera l-istabbiltà tal-antiġen u, fejn ikun rilevanti, kwalunkwe ħażna intermedja.
V.2.3. Evalwazzjoni u ċertifikazzjoni
V.2.3.1. Għal vaċċini li jkun fihom antiġen(i) ġdid/ġodda tal-vaċċin fejn ma jkunx jeżisti diġà Master File tal-Antiġen tal-Vaċċin, l-applikant għandu jissottometti lill-Aġenzija fajl sħiħ tal-applikazzjoni għall-awtorizzazzjoni għat-tqegħid fis-suq li jinkludi l-Master Files tal-Antiġen tal-Vaċċin li jikkorrispondu għal kull antiġen tal-vaċċin waħdieni li għalih ikun maħsub l-użu ta’ Master File tal-Antiġen tal-Vaċċin. L-Aġenzija għandha twettaq evalwazzjoni xjentifika u teknika ta’ kull Master File tal-Antiġen tal-Vaċċin. Evalwazzjoni pożittiva għandha tirriżulta f’ċertifikat ta’ konformità mal-leġiżlazzjoni tal-Unjoni għal kull Master File tal-Antiġen tal-Vaċċin, li għandu jkun akkumpanjat mir-rapport tal-evalwazzjoni. Iċ-ċertifikat għandu japplika fl-Unjoni kollha.
V.2.3.2. Il-Parti V.2.3.1 għandha tapplika wkoll għal kull vaċċin, li jikkonsisti minn kombinazzjoni ġdida ta’ antiġeni tal-vaċċin, irrispettivament minn jekk wieħed jew aktar minn dawk l-antiġeni tal-vaċċin ikunux parti minn vaċċini diġà awtorizzati fl-Unjoni.
V.2.3.3. Il-bidliet fil-kontenut ta’ Master File tal-Antiġen tal-Vaċċin għal vaċċin awtorizzat fl-Unjoni għandhom ikunu soġġetti għal evalwazzjoni xjentifika u teknika mwettqa mill-Aġenzija. Fil-każ ta’ evalwazzjoni pożittiva, l-Aġenzija għandha toħroġ ċertifikat ta’ konformità mal-leġiżlazzjoni tal-Unjoni għall-Master File tal-Antiġen tal-Vaċċin. Iċ-ċertifikat maħruġ għandu japplika fl-Unjoni kollha.
V.3. Fajl b’aktar minn razza waħda
V.3.1. Għal ċerti prodotti mediċinali veterinarji immunoloġiċi u b’deroga mid-dispożizzjonijiet tat-Taqsima IIIb, il-Parti 2, huwa introdott il-kunċett ta’ fajl b’aktar minn razza waħda.
V.3.2. Fajl b’aktar minn razza waħda jfisser fajl wieħed li jkun fih id-data rilevanti għal valutazzjoni xjentifika unika u komprensiva tal-opzjonijiet differenti ta’ razez/kombinazzjonijiet ta’ razez li tippermetti l-awtorizzazzjoni ta’ vaċċini inattivati kontra viruses jew batterji antiġenetikament varjabbli li għalihom tkun meħtieġa bidla rapida jew frekwenti fil-kompożizzjoni tal-formulazzjonijiet tal-vaċċini biex tiġi żgurata l-effikaċja fir-rigward tas-sitwazzjoni epidemjoloġika fuq il-post. Skont is-sitwazzjoni epidemjoloġika fejn ikun maħsub li jintuża l-vaċċin, jistgħu jintgħażlu għadd ta’ razez minn dawk inklużi fil-fajl biex jiġi fformulat prodott finali.
V.3.3. Kull fajl b’aktar minn razza waħda huwa applikabbli biss għal speċi ta’ virus, ġeneru ta’ batterju jew vettur wieħed għal marda partikolari; taħlitiet ta’ diversi viruses li jappartjenu għal familji, ġeneri, speċijiet jew batterji differenti li jappartjenu għal familji jew ġeneri differenti ma jistgħux jiġu approvati fil-kuntest ta’ fajl b’aktar minn razza waħda.
V.3.4. Fil-każ ta’ applikazzjonijiet ġodda għal awtorizzazzjonijiet għat-tqegħid fis-suq ta’ fajl b’aktar minn razza waħda fejn ma jkun jeżisti l-ebda vaċċin awtorizzat b’ħafna razez għal virus/batterju/marda partikolari, l-eliġibbiltà għall-approċċ ta’ fajl b’aktar minn razza waħda għandha tiġi kkonfermata mill-Aġenzija qabel is-sottomissjoni tal-applikazzjoni.
V.3.5. Is-sottomissjoni ta’ fajls b’aktar minn razza waħda għandha tikkonforma mal-gwida rilevanti ppubblikata mill-Aġenzija.
V.4. Teknoloġija ta’ pjattaforma vaċċinali
V.4.1. Prinċipji
V.4.1.1. It-teknoloġija ta’ pjattaforma vaċċinali hija ġabra ta’ teknoloġiji li għandhom komuni l-użu ta’ trasportatur jew vettur “sinsla” li jiġi modifikat b’antiġen jew sett ta’ antiġeni differenti għal kull vaċċin derivat mill-pjattaforma. Dan jinkludi, iżda jista’ ma jkunx limitat għal, pjattaformi bbażati fuq il-proteini (partiċelli qishom virus), pjattaformi vaċċinali tad-DNA, pjattaformi bbażati fuq mRNA, replicons (RNA li jirreplika ruħu) u vaċċini ta’ vettur virali u batteriku.
V.4.1.2. L-applikazzjonijiet għall-awtorizzazzjonijiet għat-tqegħid fis-suq ta’ prodotti mediċinali veterinarji immunoloġiċi mmanifatturati abbażi ta’ teknoloġiji ta’ pjattaforma vaċċinali huma meqjusa bħala eliġibbli għal rekwiżiti mnaqqsa tad-data. Huwa meħtieġ fajl sħiħ għall-ewwel prodott minn manifattur ibbażat fuq teknoloġija pjattaforma partikolari għal speċi fil-mira partikolari. Meta jiġi ppreżentat l-ewwel fajl (sħiħ) ibbażat fuq it-teknoloġija pjattaforma, l-applikant jista’ jissottometti b’mod parallel “Master File tat-Teknoloġija ta’ Pjattaforma” li jinkludi d-data kollha relattiva għall-pjattaforma li għaliha jkun hemm ċertezza xjentifika raġonevoli li se tibqa’ ma tinbidilx irrispettivament mill-antiġen(i)/ġene(i) ta’ interess miżjuda mal-pjattaforma. In-natura tad-data li għandha tiġi inkluża fil-Master File tat-Teknoloġija ta’ Pjattaforma se tiddependi fuq it-tip ta’ pjattaforma.
V.4.1.3. Ladarba Master File tat-Teknoloġija ta’ Pjattaforma jiġi ċċertifikat, iċ-ċertifikat jista’ jintuża biex jiġu ssodisfati r-rekwiżiti tad-data rilevanti f’applikazzjonijiet sussegwenti għal awtorizzazzjonijiet għat-tqegħid fis-suq ibbażati fuq l-istess pjattaforma u maħsuba għall-istess speċi fil-mira.
V.4.2. Evalwazzjoni u ċertifikazzjoni
V.4.2.1. Is-sottomissjoni tal-Master Files tat-Teknoloġija ta’ Pjattaforma għandha tikkonforma mal-gwida rilevanti ppubblikata mill-Aġenzija. L-Aġenzija għandha twettaq evalwazzjoni xjentifika u teknika tal-Master File tat-Teknoloġija ta’ Pjattaforma. Evalwazzjoni pożittiva għandha tirriżulta f’ċertifikat ta’ konformità mal-leġiżlazzjoni tal-Unjoni għall-Master File tat-Teknoloġija ta’ Pjattaforma, li għandu jkun akkumpanjat mir-rapport tal-evalwazzjoni. Iċ-ċertifikat għandu japplika fl-Unjoni kollha.
V.4.2.2. Il-bidliet fil-kontenut ta’ Master File tat-Teknoloġija ta’ Pjattaforma għal vaċċin awtorizzat fl-Unjoni għandhom ikunu soġġetti għal evalwazzjoni xjentifika u teknika mwettqa mill-Aġenzija.
V.4.2.3. Fil-każ ta’ evalwazzjoni pożittiva, l-Aġenzija għandha toħroġ ċertifikat ta’ konformità mal-leġiżlazzjoni tal-Unjoni għall-Master File tat-Teknoloġija ta’ Pjattaforma.
V.5. Prodotti mediċinali veterinarji omeopatiċi awtorizzati
V.5.1 Kwalità (Parti 2)
Id-dispożizzjonijiet tat-Taqsima II.2. Il-Parti 2 għandha tapplika għad-dokumenti għall-awtorizzazzjoni ta’ prodotti mediċinali veterinarji omeopatiċi msemmija fl-Artikolu 85(2) bil-modifiki li ġejjin.
V.5.2 Terminoloġija
L-isem bil-Latin tal-istokk omeopatiku deskritt fl-applikazzjoni għall-awtorizzazzjoni għat-tqegħid fis-suq għandu jkun skont it-titolu bil-Latin tal-Farmakopea Ewropea jew, fin-nuqqas tagħha, ta’ farmakopea uffiċjali ta’ Stat Membru. Fejn ikun rilevanti, għandhom jiġu pprovduti l-isem/ismijiet tradizzjonali użati f’kull Stat Membru.
V.5.3 Kontroll tal-materjali tal-bidu
Id-dettalji u d-dokumenti dwar il-materjali tal-bidu, jiġifieri, il-materjali kollha użati, inklużi l-materja prima u l-prodotti intermedji sad-dilwizzjoni finali li għandhom jiġu inkorporati fil-prodott mediċinali veterinarju omeopatiku lest awtorizzat, li jakkumpanjaw l-applikazzjoni, għandhom jiġu supplimentati b’data addizzjonali dwar l-istokk omeopatiku.
Ir-rekwiżiti ġenerali tal-kwalità għandhom japplikaw għall-materjali tal-bidu kollha u l-materja prima kollha kif ukoll għall-passi intermedji kollha tal-proċess tal-manifattura sad-dilwizzjoni finali li għandhom jiġu inkorporati fil-prodott omeopatiku lest. Meta jkun hemm komponent tossiku, dan għandu jiġi kkontrollat, jekk ikun possibbli, fid-dilwizzjoni finali. Jekk dan ma jkunx possibbli minħabba d-dilwizzjoni għolja, il-komponent tossiku għandu normalment jiġi kkontrollat fi stadju aktar bikri. Kull pass tal-proċess tal-manifattura mill-materjali tal-bidu sad-dilwizzjoni finali li għandha tiġi inkorporata fil-prodott lest għandu jiġi deskritt b’mod sħiħ.
Fejn ikunu involuti dilwizzjonijiet, dawk il-passi ta’ dilwizzjoni għandhom isiru skont il-metodi ta’ manifattura omeopatiċi stabbiliti fil-monografija rilevanti tal-Farmakopea Ewropea jew, fin-nuqqas tagħha, fil-farmakopea uffiċjali ta’ Stat Membru.
V.5.4 Testijiet ta’ kontroll fuq il-prodott mediċinali lest
Ir-rekwiżiti ġenerali tal-kwalità għandhom japplikaw għall-prodotti mediċinali veterinarji omeopatiċi lesti. Kwalunkwe eċċezzjoni għandha tiġi ġġustifikata b’mod xieraq mill-applikant.
Għandhom jitwettqu identifikazzjoni u assaġġ tal-kostitwenti kollha tossikoloġikament rilevanti. Jekk ikun ġustifikat li l-identifikazzjoni u/jew l-assaġġ fuq il-kostitwenti tossikoloġikament rilevanti kollha ma tkunx possibbli, pereżempju, minħabba d-dilwizzjoni tagħhom fil-prodott mediċinali lest, il-kwalità għandha tintwera permezz ta’ validazzjoni sħiħa tal-proċess ta’ manifattura u dilwizzjoni.
V.5.5 Testijiet tal-istabbiltà
Għandha tintwera l-istabbiltà tal-prodott lest. Id-data dwar l-istabbiltà mill-istokkijiet omeopatiċi hija ġeneralment trasferibbli għad-dilwizzjonijiet/potentizzazzjonijiet miksuba minnhom. Jekk ma jkunu possibbli l-ebda identifikazzjoni jew assaġġ tas-sustanza attiva minħabba l-grad ta’ dilwizzjoni, tista’ tiġi kkunsidrata data dwar l-istabbiltà tal-forma farmaċewtika.
V.5.6 Dokumentazzjoni dwar is- ►C3 sikurezza ◄ (Parti 3)
Il-Parti 3 għandha tapplika għall-prodotti mediċinali veterinarji omeopatiċi msemmija fl-Artikolu 4(10) ta’ dan ir-Regolament bl-ispeċifikazzjoni li ġejja, mingħajr preġudizzju għad-dispożizzjonijiet tar-Regolament tal-Kummissjoni (UE) Nru 37/2010 ( 20 ) dwar is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwu fl-oġġetti tal-ikel li ġejjin mill-annimali.
Kwalunkwe informazzjoni nieqsa għandha tiġi ġġustifikata, pereżempju, għandha tingħata ġustifikazzjoni għaliex jista’ jiġi appoġġat il-wiri ta’ livell aċċettabbli ta’ ►C3 sikurezza ◄ , anki meta jkunu neqsin xi studji.
ANNESS III
LISTA TAL-OBBLIGI MSEMMIJA FL-ARTIKOLU 136(1)
L-obbligu, bħala applikant, li jipprovdi informazzjoni u dokumentazzjoni preċiżi kif imsemmija fl-Artikolu 6(4);
L-obbligu li jipprovdi, f’applikazzjoni ppreżentata skont l-Artikolu 62, id-data msemmija fil-punt (b) tal-paragrafu 2 ta’ dak l-Artikolu:
L-obbligu għall-konformità mal-kundizzjonijiet imsemmija fl-Artikoli 23 u 25;
L-obbligu li jikkonforma mal-kundizzjonijiet inklużi fl-awtorizzazzjoni għall-kummerċjalizzazzjoni għall-prodott mediċinali veterinarju kif imsemmi fl-Artikolu 36(1);
L-obbligu li jintroduċi kwalunkwe varjazzjoni neċessarja fit-termini tal-awtorizzazzjoni għall-kummerċjalizzazzjoni biex jitqies il-progress tekniku u xjentifiku u jippermetti li l-prodotti mediċinali veterinarji jiġu mmanifatturati u kkontrollati permezz ta’ metodi xjentifiċi aċċettati b’mod ġenerali, kif previst fl-Artikolu 58(3);
L-obbligu li jżomm aġġornat is-sommarju tal-karatteristiċi tal-prodott, il-fuljett ta’ tagħrif u t-tikkettar ma’ għarfien xjentifiku kurrenti, kif previst fl-Artikolu 58(4);
L-obbligu li jirreġistra, fid-database tal-prodott, id-dati meta l-prodotti mediċinali veterinarji awtorizzati tiegħu jitqiegħdu fis-suq u l-informazzjoni dwar id-disponibbiltà ta’ kull prodott mediċinali veterinarju f’kull Stat Membru rilevanti u, kif applikabbli, id-dati ta’ kwalunkwe sospensjoni jew revoka ta’ awtorizzazzjoni ta’ kummerċjalizzazzjoni kkonċernata, kif ukoll id-data relatata mal-volum tal-bejgħ tal-prodott mediċinali, kif previst fl-Artikolu 58(6) u (11) rispettivament;
L-obbligu li jipprovdi, fiż-żmien stabbilit fuq talba tal-awtorità kompetenti jew l-Aġenzija, kwalunkwe data li turi li l-bilanċ bejn il-benefiċċji u r-riskji jibqa’ pożittiv, kif previst fl-Artikolu 58(9);
L-obbligu li jipprovdi kwalunkwe informazzjoni ġdida li tista’ tinvolvi varjazzjoni fit-termini tal-awtorizzazzjoni għall-kummerċjalizzazzjoni, li jinnotifika kwalunkwe projbizzjoni jew restrizzjoni imposti mill-awtoritajiet kompetenti ta’ kwalunkwe pajjiż li fih il-prodott mediċinali veterinarju jkun ikkummerċjalizzat, jew biex iforni kwalunkwe informazzjoni li tista’ tinfluwenza l-evalwazzjoni tar-riskji u l-benefiċċji tal-prodott mediċinali, kif previst fl-Artikolu 58(10);
L-obbligu biex iqiegħed il-prodott mediċinali veterinarju fis-suq skont il-kontenut tas-sommarju tal-karatteristiċi tal-prodott u t-tikkettar u l-fuljett ta’ tagħrif kif jinsabu fl-awtorizzazzjoni għall-kummerċjalizzazzjoni;
L-obbligu li jirreġistra u jirrapporta avvenimenti negattivi ssuspettati għall-prodotti mediċinali veterinarji tagħhom, skont l-Artikolu 76(2);
L-obbligu li jiġbor data speċifika dwar il-farmakoviġilanza li tkun addizzjonali għad-data elenkata fl-Artikolu 73(2) u biex iwettaq studji ta’ sorveljanza ta’ wara l-kummerċjalizzazzjoni skont l-Artikolu 76(3);
L-obbligu li jiżgura li l-avviżi pubbliċi marbuta mal-informazzjoni dwar il-farmakoviġilanza jiġu ppreżentati oġġettivament u ma jkunux qarrieqa u li tiġi ppreżentata lill-Aġenzija, kif previst fl-Artikolu 77(11);
L-obbligu li jopera sistema ta’ farmakoviġilanza għat-twettiq ta’ kompiti ta’ farmakoviġilanza, inkluż iż-żamma ta’ fajl ewlieni ta’ sistema tal-farmakoviġilanza skont l-Artikolu 77;
L-obbligu li jippreżenta, fuq talba tal-Aġenzija, kopja tal-master fajl(s) għas-sistema ta’ farmakoviġilanza, kif previst fl-Artikolu 79(6);
L-obbligu li jwettaq proċess għall-immaniġġjar tas-sinjali u jirreġistra r-riżultati u l-eżiti ta’ dak il-proċess bi qbil mal-Artikoli 81(1) u (2);
L-obbligu li jipprovdi lill-Aġenzija bl-informazzjoni disponibbli kollha relatata mar-riferiment tal-interessi tal-Unjoni, kif imsemmi fl-Artikolu 82(3)
ANNESS IV
TABELLA TA’ KORRELAZZJONI
Direttiva 2001/82/KE |
Dan ir-Regolament |
Artikolu 1 |
Artikolu 4 |
Artikolu 2(1) |
Artikolu 2(1) |
Artikolu 2(2) |
Artikolu 3 |
Artikolu 2(3) |
Artikolu 2(2),(3) u (4) |
Artikolu 3 |
Artikolu 2(4) |
Artikolu 4(2) |
Artikolu 5(6) |
Artikolu 5 |
Artikolu 5 |
Artikolu 5(1) it-tieni sentenza |
Artikolu 38(3) |
Artikolu 5(2) |
Artikolu 58(1) |
Artikolu 6 (1), (2) |
Artikolu 8(3) |
Artikolu 6(3) |
Artikolu 8(4) |
Artikolu 7 |
Artikolu 116 |
Artikolu 8 |
Artikolu 116 |
Artikolu 8 it-tielet sentenza |
|
Artikolu 9 |
Artikolu 9 |
Artikolu 10 |
Artikolu 112 |
Artikolu 11 |
Artikoli 113, 114 u 115 |
Artikolu 12 |
Artikolu 8 |
Artikolu 13(1) |
Artikolu 18 |
Artikolu 13(2) |
Artikolu 4 (8) u (9) |
Artikolu 13(3),(4) |
Artikolu 19 |
Article 13(5) |
Artikoli 38, 39 u 40 |
Article 13(6) |
Artikolu 41 |
Artikolu 13a |
Artikolu 22 |
Artikolu 13b |
Artikolu 20 |
Artikolu 13c |
Artikolu 21 |
Artikolu 14 |
Artikolu 35 |
Artikolu 16 |
Artikolu 85 |
Artikolu 17 |
Artikolu 86 |
Artikolu 18 |
Artikolu 87 |
Artikolu 19 |
Artikolu 85 |
Artikolu 20 |
Artikolu 85 |
Artikolu 21(1) |
Artikolu 47 |
Artikolu 21(2) |
Artikolu 46 |
Artikolu 22 |
Artikolu 48 |
Artikolu 23 |
Artikoli 28 u 29 |
Artikolu 24 |
Artikolu 30 |
Artikolu 25 |
Artikolu 33 |
Artikolu 26(3) |
Artikoli 25 u 26 |
Artikolu 27 |
Artikolu 58 |
Artikolu 27a |
Artikolu 58(6) |
Artikolu 27b |
Artikolu 60 |
Artikolu 28 |
Artikolu 5(2) |
Artikolu 30 |
Artikolu 37 |
Artikolu 31 |
Artikoli 142 u 143 |
Artikolu 32 |
Artikoli 49 u 52 |
Artikolu 33 |
Artikolu 54 |
Artikolu 35 |
Artikolu 82 |
Artikolu 36 |
Artikolu 83 |
Artikolu 37 |
Artikolu 84 |
Artikolu 38 |
Artikolu 84 |
Artikolu 39 |
Artikolu 60 |
Artikolu 40 |
Artikolu 129 |
Artikolu 44 |
Artikolu 88 |
Artikolu 45 |
Artikolu 89 |
Artikolu 46 |
Artikolu 90 |
Artikolu 47 |
Artikolu 90 |
Artikolu 48 |
Artikolu 92 |
Artikolu 49 |
Artikolu 90 |
Artikolu 50 |
Artikoli 93 u 96 |
Artikolu 50a |
Artikolu 95 |
Artikolu 51 |
Artikolu 89 |
Artikolu 52 |
Artikolu 97 |
Artikolu 53 |
Artikolu 97 |
Artikolu 55 |
Artikolu 97 |
Artikolu 56 |
Artikolu 97 |
Artikolu 58 |
Artikoli 10 u 11 |
Artikolu 59 |
Artikolu 12 |
Artikolu 60 |
Artikolu 11(4) |
Artikolu 61 |
Artikolu 14 |
Artikolu 64 |
Artikolu 16 |
Artikolu 65 |
Artikoli 99 u 100 |
Artikolu 66 |
Artikolu 103 |
Artikolu 67 |
Artikolu 34 |
Artikolu 68 |
Artikolu 103 |
Artikolu 69 |
Artikolu 108 |
Artikolu 70 |
Artikolu 111 |
Artikolu 71 |
Artikolu 110 |
Artikolu 72 |
Artikolu 73 |
Artikolu 73 |
Artikoli 73 u 74 |
Artikolu 74 |
Artikolu 78 |
Artikolu 75 |
Artikolu 77 |
Artikolu 76 |
Artikolu 79 |
Artikolu 78(2) |
Artikolu 130 |
Artikolu 80 |
Artikolu 123 |
Artikolu 81 |
Artikolu 127 |
Artikolu 82 |
Artikolu 128 |
Artikolu 83 |
Artikoli 129 u 130 |
Artikolu 84 |
Artikolu 134 |
Artikolu 85(1),(2) |
Artikolu 133 |
Artikolu 85(3) |
Artikoli 119 u 120 |
Artikolu 87 |
Artikolu 79(2) |
Artikolu 88 |
Artikolu 146 |
Artikolu 89 |
Artikolu 145 |
Artikolu 90 |
Artikolu 137 |
Artikolu 93 |
Artikolu 98 |
Artikolu 95 |
Artikolu 9(2) |
Artikolu 95a |
Artikolu 117 |
( 1 ) Ir-Regolament (KE) Nru 1831/2003 tal-Parlament Ewropew u l-Kunsill tat-22 ta’ Settembru 2003 fuq l-additivi għall-użu fl-għalf tal-annimali (ĠU L 268, 18.10.2003, p. 29).
( 2 ) Ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar il-kummerċjalizzazzjoni u l-użu tal-prodotti bijoċidali (ĠU L 167, 27.6.2012, p. 1).
( 3 ) Ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trasmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (ĠU L 84, 31.3.2016, p. 1).
( 4 ) Id-Direttiva 2001/18/KE tal-Parlament Ewropew u tal-Kunsill tat-12 ta’ Marzu 2001 dwar ir-rilaxx intenzjonat fl-ambjent ta’ organiżmi modifikati ġenetikament u li tħassar id-Direttiva tal-Kunsill 90/220/KEE (ĠU L 106, 17.4.2001, p. 1).
( 5 ) Id-Direttiva tal-Kunsill 96/22/KE tad-29 ta’ April 1996 li tikkonċerna l-projbizzjoni tal-użu fl-istockfarming ta’ ċerti sustanzi li jkollhom azzjoni ormonika u tirostatika u ta’ ßagonisti u li tħassar id-Direttivi 81/602/KEE, 88/146/KEE u 88/299/KEE (ĠU L 125, 23.5.1996, p. 3).
( 6 ) Id-Deċiżjoni ta’ Implimentazzjoni tal-Kummissjoni 2013/652/UE tat-12 ta’ Novembru 2013 dwar il-monitoraġġ u r-rapportar ta’ reżistenza antimikrobika f’batterji żoonotiċi u kommensali (ĠU L 303, 14.11.2013, p. 26).
( 7 ) Id-Direttiva (UE) 2015/1535 tal-Parlament Ewropew u tal-Kunsill tad-9 ta’ Settembru 2015 li tistabbilixxi proċedura għall-għoti ta’ informazzjoni fil-qasam tar-regolamenti tekniċi u tar-regoli dwar is-servizzi tas-Soċjetà tal-Informatika (ĠU L 241, 17.9.2015, p. 1).
( 8 ) Id-Direttiva 2000/31/KE tal-Parlament Ewropew u tal-Kunsill tat-8 ta’ Ġunju 2000 dwar ċerti aspetti ta’ servizzi tas-soċjetà tal-informazzjoni, b’mod partikolari l-kummerċ elettroniku, fis-Suq Intern (“Direttiva dwar kummerċ elettroniku”) (ĠU L 178, 17.7.2000, p. 1).
( 9 ) Id-Deċiżjoni tal-Kunsill 94/358/KE tas-16 ta’ Ġunju 1994 li taċċetta, għan-nom tal-Komunità Ewropea, il-Konvenzjoni dwar l-elaborazzjoni ta’ Pharmacopea Ewropea (ĠU L 158, 25.6.1994, p. 17).
( 10 ) Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).
( 11 ) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).
( 12 ) Ir-Regolament tal-Kummissjoni (KE) Nru 1234/2008 tal-24 ta’ Novembru 2008 li jikkonċerna l-eżami ta’ varjazzjonijiet fit-termini tal-awtorizzazzjonijiet għat-tqegħid fis-suq tal-prodotti mediċinali għall-użu mill-bniedem u tal-prodotti mediċinali veterinarji (ĠU L 334, 12.12.2008, p. 7).
( 13 ) Ir-Regolament tal-Kummissjoni (KE) Nru 658/2007 tal-14 ta’ Ġunju 2007 li jikkonċerna l-penali finanzjarji għall-ksur ta’ ċerti obbligi fir-rigward ta’ awtorizzazzjoni għat-tqegħid fis-suq li ngħataw skont ir-Regolament (KE) Nru 726/2004 tal-Parlament Ewropew u tal-Kunsill (ĠU L 155, 15.6.2007, p. 10).
( 14 ) Id-Direttiva 2004/10/KE tal-Parlament Ewropew u tal-Kunsill tal-11 ta’ Frar 2004 dwar l-armonizzazzjoni tal-liġijiet, regolamenti u dispożizzjonijiet amministrattivi li għandhom x’jaqsmu mal-applikazzjoni tal-prinċipji ta’ prattika tajba tal-laboratorju u l-verifikazzjoni tal-applikazzjonijiet tagħhom għal provi fuq sustanzi kimiċi (ĠU L 50, 20.2.2004, p. 44).
( 15 ) Id-Direttiva 2004/9/KE tal-Parlament Ewropew u tal-Kunsill tal-11 ta’ Frar 2004 dwar l-ispezzjoni u verifika ta’ prassi tajba ta’ laboratorji (GLP) (ĠU L 50, 20.2.2004, p. 28).
( 16 ) Id-Direttiva 2009/35/KE tal-Parlament Ewropew u tal-Kunsill tat-23 ta’ April 2009 dwar materji koloranti li jistgħu jiżdiedu ma’ prodotti mediċinali (ĠU L 109, 30.4.2009, p. 10).
( 17 ) Ir-Regolament tal-Kummissjoni (UE) Nru 231/2012 tad-9 ta’ Marzu 2012 li jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill (ĠU L 83, 22.3.2012, p. 1).
( 18 ) Ir-Regolament tal-Kummissjoni (UE) 2018/782 tad-29 ta’ Mejju 2018 li jistabbilixxi l-prinċipji metodoloġiċi għall-valutazzjoni tar-riskju u għar-rakkomandazzjonijiet dwar il-ġestjoni tar-riskju msemmija fir-Regolament (KE) Nru 470/2009 (ĠU L 132, 30.5.2018, p. 5).
( 19 ) Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).
( 20 ) Ir-Regolament tal-Kummissjoni (UE) Nru 37/2010 tat-22 ta’ Diċembru 2009 dwar is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwu fl-oġġetti tal-ikel li ġejjin mill-annimali (ĠU L 15, 20.1.2010, p. 1).