15.8.2009   

MT

Il-Ġurnal Uffiċjali tal-Unjoni Ewropea

C 193/4

1.

L-obbligu ta’ interpretazzjoni b’mod konformi mad-direttiva jimplika li l-obbligi tad-Direttiva 96/61/KE (1) dwar il-prevenzjoni u l-kontroll integrat tat-tniġġis (li issa hija d-Direttiva 2008/1/KE (2) dwar il-prevenzjoni u l-kontroll integrati tat-tniġġiż) trasposti fil-Wet milieubeheer jistgħu u għandhom jiġu interpretati fis-sens li, meta tittieħed deċiżjoni dwar applikazzjoni għal awtorizzazzjoni ambjentali, għandhom jittieħdu inkunsiderazzjoni b’mod sħiħ il-livelli massimi għal SO2 u/jew NOx tad-Direttiva 2001/81/KE (3) ta’ emissjonijiet nazzjonali għal ċerti sustanzi atmosferiċi li jniġġsu (iktar ’il quddiem id-“Direttiva NEC”), b’mod partikolari f’dak li jirrigwarda l-obbligi taħt l-Artikolu 9(4) tad-Direttiva 96/61/KE, li issa hija d-Direttiva 2008/1/KE?

2.a

L-obbligu ta’ Stat Membru li jastjeni milli jadotta miżuri ta’ natura li jikkompromettu serjament it-twettiq tar-riżultat stabbilit minn direttiva japplika wkoll għall-perijodu bejn is-27 ta’ Novembru 2002 sal-31 ta’ Diċembru 2010, previst fl-Artikolu 4(1) tad-Direttiva NEC?

2.b

Matul il-perijodu bejn is-27 ta’ Novembru 2002 u l-31 ta’ Diċembru 2010, obbligi pożittivi huma imposti fuq l-Istat Membri kkonċernati, flimkien mal-obbligu li jastjenu jew minfloku, jekk il-limiti massimi ta’ SO2 u/jew NOx tal-livelli nazzjonali ta’ emissjoni jinqabżu jew jekk jeżisti riskju li huma jinqabżu fi tmiem dan il-perijodu?

2.ċ

Sabiex tingħata risposta għad-domandi 2.a u 2.b, huwa importanti li mill-applikazzjoni għal awtorizzazzjoni ambjentali, fir-rigward ta’ installazzjonijiet li jikkontibwixxu jew jistgħu jikkontribwixxu għall-qbiż tal-livelli massimi ta’ emissjonijiet nazzjonali ta’ SO2 u/jew NOx tad-Direttiva NEC, jirriżulta li l-installazzjonijiet awtorizzati ser jibdew joperaw mhux iktar kmieni mill-2011?

3.a

L-obbligi msemmija fit-tieni domanda għandhom bħala konsegwenza li l-Istat Membru kkonċernat għandu jirrifjuta applikazzjoni għal awtorizzazzjoni ambjentali jew jissuġġettaha għal rekwiżiti jew għal restrizzjonijiet oħrajn, jekk xejn ma jippermetti li jiġi ggarantit li l-installazzjonijiet li għalihom intalbet l-awtorizzazzjoni mhumiex ser jikkontibwixxu għall-qbiż tal-livelli ta’ emissjonijiet nazzjonali ta’ SO2 u/jew NOx tad-Direttiva NEC? Għandha tiġi kkunsidrata, sabiex tingħata risposta għal din id-domanda, il-miżura li fiha l-installazzjonijiet inkwistjoni jikkontibwixxu jew jistgħu jikkontribwixxu għal dan il-qbiż?

3.b

Bil-kontra, jirriżulta mid-Direttiva NEC li Stat Membru, anki fil-każ ta’ qbiż jew tar-riskju ta’ qbiż tal-livelli massimi ta’ emissjonijiet nazzjonali ta’ SO2 u/jew NOx, jkollu marġni ta’ diskrezzjoni sabiex jiżgura t-twettiq tal-għanijiet previsti mid-Direttiva, u jista’ b’hekk ma jirrifjutax li joħroġ l-awtorizzazzjoni jew li ma jissuġġettahiex għal rekwiżiti jew restrizzjonijiet, iżda jieħu miżuri oħra minflok dawn, bħal miżuri ta’ kumpens?

4.

Fejn l-obbligi previsti fid-domandi 2 u 3 huma imposti fuq l-Istati Membri, jista’ individwu jinvoka l-osservanza tal-imsemmija obbligi quddiem qorti nazzjonali?

5.a

Individwu jista’ jinvoka direttament l-Artikolu 4 tad-Direttiva NEC?

5.b

Jekk iva, dan l-individwu jista’ jinvoka dan l-Artikolu mis-27 ta’ Novembru 2002, jew biss mill-31 ta’ Diċembru 2010? Sabiex tingħata risposta għal din id-domanda, huwa importanti li mill-applikazzjoni għal awtorizzazzjoni ambjentali jirriżulta li l-installazzjonijiet awtorizzati ser jibdew joperaw mhux iktar kmieni mill-2011?

6.

B’mod iktar partikolari, individwu jista’, jekk l-għoti ta’ awtorizzazzjoni ambjentali u/jew miżuri oħrajn jikkontibwixxu għall-qbiż tal-livelli ta’ emissjonijiet nazzjonali ta’ SO2 u/jew NOx tad-Direttiva NEC, jew jistgħu jikkontribwixxu għal dan il-qbiż, ikun intitolat, abbażi tal-Artikolu 4 ta’ din id-direttiva: