EUR-Lex Access to European Union law
This document is an excerpt from the EUR-Lex website
Document 32020R1419
Commission Regulation (EU) 2020/1419 of 7 October 2020 amending Annex II to Regulation (EC) No 1333/2008 of the European Parliament and of the Council as regards the use of ascorbic acid (E 300) and citric acid (E 330) on white vegetables intended for further processing (Text with EEA relevance)
Regolament tal-Kummissjoni (UE) 2020/1419 tas-7 ta’ Ottubru 2020 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill fir-rigward tal-użu tal-aċidu askorbiku (E 300) u tal-aċidu ċitriku (E 330) fuq il-ħxejjex bojod maħsuba biex jiġu pproċessati ulterjorment (Test b’rilevanza għaż-ŻEE)
Regolament tal-Kummissjoni (UE) 2020/1419 tas-7 ta’ Ottubru 2020 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill fir-rigward tal-użu tal-aċidu askorbiku (E 300) u tal-aċidu ċitriku (E 330) fuq il-ħxejjex bojod maħsuba biex jiġu pproċessati ulterjorment (Test b’rilevanza għaż-ŻEE)
C/2020/6804
ĠU L 326, 8.10.2020, p. 11–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
8.10.2020 |
MT |
Il-Ġurnal Uffiċjali tal-Unjoni Ewropea |
L 326/11 |
REGOLAMENT TAL-KUMMISSJONI (UE) 2020/1419
tas-7 ta’ Ottubru 2020
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill fir-rigward tal-użu tal-aċidu askorbiku (E 300) u tal-aċidu ċitriku (E 330) fuq il-ħxejjex bojod maħsuba biex jiġu pproċessati ulterjorment
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikolu 10(3) tiegħu,
Billi:
(1) |
L-Anness II tar-Regolament (KE) Nru 1333/2008 jistabbilixxi lista tal-Unjoni ta’ addittivi tal-ikel approvati għall-użu fl-ikel u l-kundizzjonijiet tal-użu tagħhom. |
(2) |
Din il-lista tista’ tiġi aġġornata f’konformità mal-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2), fuq inizjattiva tal-Kummissjoni jew wara li ssir applikazzjoni. |
(3) |
Skont l-Anness II tar-Regolament (KE) Nru 1333/2008, l-aċidu askorbiku (E 300) u l-aċidu ċitriku (E 330) bħalissa huma awtorizzati għall-użu bħala addittivi tal-ikel f’varjetà kbira ta’ ikel. |
(4) |
Fis-17 ta’ Diċembru 2018, il-Kummissjoni rċeviet applikazzjoni għall-modifika tal-kundizzjonijiet tal-użu tal-aċidu askorbiku (E 300) u tal-aċidu ċitriku (E 330) li jinsabu fil-kategorija tal-ikel 04.1.2 “Frott u ħxejjex imqaxxra, imqatta’ u mqatta’ bċejjeċ bċejjeċ”, biex jiġi awtorizzat l-użu ta’ dawn is-sustanzi fuq il-ħxejjex bojod maħsuba biex jiġu pproċessati ulterjorment, inkluż it-trattament bis-sħana bħal pereżempju l-inkaljar, is-sajran bl-istim jew ix-xiwi, qabel ma jiġu kkunsmati mill-konsumaturi finali. |
(5) |
Meta jinqatgħu jew jitqattgħu f’fetti, fi bċejjeċ jew f’dadi, il-ħxejjex bojod huma suxxettibbli għal skurar enzimatiku minħabba li ċ-ċelloli jinkisru u jilliberaw l-enzimi, b’mod partikolari l-ossidażi tal-polifenol, mit-tessuti. L-iskurar enzimatiku jista’ jiġi kkontrollat billi l-ħxejjex jitpoġġew għal ftit minuti f’soluzzjoni ta’ ilma li jkun fiha l-aċidu askorbiku (E 300) u l-aċidu ċitriku (E 330) b’konċentrazzjoni massima ta’ 1 %. Mill-applikazzjoni jirriżulta li l-użu propost ta’ dawn l-addittivi bħala antiossidanti fuq ħxejjex mhux ipproċessati maħsuba biex jiġu pproċessati ulterjorment, inkluż it-trattament bis-sħana, qabel il-konsum, jirriżulta f’inqas ħela ta’ ikel billi tittejjeb l-kwalità globali tal-ikel u tiżdied il-ħajja fuq l-ixkaffa tal-ħxejjex ittrattati, sa ħamest ijiem. |
(6) |
Skont l-Artikolu 3(2) tar-Regolament (KE) Nru 1331/2008, il-Kummissjoni trid titlob l-opinjoni tal-Awtorità Ewropea dwar is-Sigurtà fl-Ikel (“l-Awtorità”) biex taġġorna l-lista tal-Unjoni tal-addittivi tal-ikel stabbilita fl-Anness II tar-Regolament (KE) Nru 1333/2008, għajr meta l-aġġornament inkwistjoni x’aktarx ma jkollux effett fuq is-saħħa tal-bniedem. |
(7) |
Fis-6 ta’ Mejju 2015, l-Awtorità ppubblikat opinjoni xjentifika li fost oħrajn tirrivaluta s-sikurezza tal-aċidu askorbiku (E 300) bħala addittiv tal-ikel. L-Awtorità kkonkludiet li ma hemm l-ebda tħassib dwar is-sikurezza għall-użu tal-aċidu askorbiku (E 300) bħala addittiv tal-ikel fl-użi u fil-livell tal-użu rrappurtati u ma hemmx bżonn ta’ doża aċċettabbli ta’ kuljum (“ADI”) għall-aċidu askorbiku u l-imlieħ tiegħu. Din il-konklużjoni tfisser li s-sustanza hija ta’ tħassib żgħir ħafna rigward is-sikurezza, li teżisti informazzjoni affidabbli kemm dwar l-esponiment kif ukoll dwar it-tossiċità u li l-probabbiltà li jkun hemm effetti negattivi fuq is-saħħa tal-bniedem f’dożi li ma jwasslux għal żbilanċ nutrittiv fl-annimali hija żgħira (3). |
(8) |
Is-sikurezza tal-aċidu ċitriku (E 330) ġiet evalwata fl-1990 mill-Kumitat Xjentifiku dwar l-Ikel, li stabbilixxa l-ADI tiegħu bħala “mhux speċifikat” (4). It-terminu “mhux speċifikat” ifisser li, abbażi tad-data tossikoloġika, bijokimika u klinika disponibbli, id-doża aċċettabbli ta’ kuljum tas-sustanza, li tittieħed mill-preżenza naturali tagħha fl-ikel u mill-użu jew l-użi attwali tagħha fl-ikel fil-livelli meħtieġa biex jinkiseb l-effett teknoloġiku mixtieq, ma tipperikolax is-saħħa. Sakemm issir rivalutazzjoni tal-aċidu ċitriku (E 330) skont il-programm għar-rivalutazzjoni tal-addittivi tal-ikel stabbilit fir-Regolament tal-Kummissjoni (UE) Nru 257/2010 (5), il-Kummissjoni tqis li din il-valutazzjoni dwar is-sikurezza tibqa’ bażi valida għad-deċiżjoni tagħha għall-istess raġunijiet ta’ dak iż-żmien meta, abbażi tal-kriterji msemmijin fil-premessa 5 ta’ dak ir-Regolament, qieset li l-aċidu ċitriku (E 330) kien ta’ tħassib żgħir u li r-rivalutazzjoni ma kinitx prijorità għolja. |
(9) |
Minħabba li l-użu tal-aċidu askorbiku (E 300) u tal-aċidu ċitriku (E 330) bħala antiossidanti fuq ħxejjex bojod ippakkjati minn qabel maħsuba biex jiġu pproċessat ulterjorment, inkluż it-trattament bis-sħana, qabel il-konsum mhuwiex mistenni li jkollu effett fuq is-saħħa tal-bniedem, mhuwiex meħtieġ li tintalab l-opinjoni tal-Awtorità. |
(10) |
Għalhekk, l-Anness II tar-Regolament (KE) Nru 1333/2008 jenħtieġ li jiġi emendat skont dan. |
(11) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Ottubru 2020.
Għall-Kummissjoni
Il-President
Ursula VON DER LEYEN
(1) ĠU L 354, 31.12.2008, p. 16.
(2) Ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enzimi tal-ikel u l-aromatizzanti tal-ikel (ĠU L 354, 31.12.2008, p. 1).
(3) EFSA Journal 2014;12(6):3697.
(4) Reports of the Scientific Committee for Food, Twenty-fifth series, 1991, p. 13 (https://ec.europa.eu/food/sites/food/files/safety/docs/sci-com_scf_reports_25.pdf).
(5) Ir-Regolament tal-Kummissjoni (UE) Nru 257/2010 tal-25 ta’ Marzu 2010 li jistabbilixxi programm għar-rivalutazzjoni tal-addittivi tal-ikel approvati skont ir-Regolament (KE) Nru 1333/2008 tal-Parlament Ewropew u tal-Kunsill dwar l-addittivi tal-ikel (ĠU L 80, 26.3.2010, p. 19).
ANNESS
Il-Parti E tal-Anness II tar-Regolament (KE) Nru 1333/2008 hija emendata kif ġej:
(1)
fil-kategorija tal-ikel 04.1.2 “Frott u ħxejjex imqaxxra, imqatta’ u mqatta’ bċejjeċ bċejjeċ” l-entrata għall-aċidu askorbiku (E 300) hija sostitwita b’dan li ġej:
|
“E 300 |
Aċidu askorbiku |
quantum satis |
|
frott u ħxejjex refriġerati, mhux ipproċessati u ppakkjati minn qabel lesti għall-konsum, patata mqaxxra, mhux ipproċessata u ppakkjata minn qabel u ħxejjex bojod ippakkjati minn qabel maħsuba biex jiġu pproċessat ulterjorment, inkluż it-trattament bis-sħana, qabel il-konsum biss” |
(2)
fil-kategorija tal-ikel 04.1.2 “Frott u ħxejjex imqaxxra, imqatta’ u mqatta’ bċejjeċ bċejjeċ” l-entrata għall-aċidu ċitriku (E 330) hija sostitwita b’dan li ġej:
|
“E 330 |
Aċidu ċitriku |
quantum satis |
|
frott u ħxejjex refriġerati, mhux ipproċessati u ppakkjati minn qabel lesti għall-konsum, patata mqaxxra, mhux ipproċessata u ppakkjata minn qabel u ħxejjex bojod ippakkjati minn qabel maħsuba biex jiġu pproċessat ulterjorment, inkluż it-trattament bis-sħana, qabel il-konsum biss” |