EUR-Lex Access to European Union law
This document is an excerpt from the EUR-Lex website
Document 32012R1149
Commission Regulation (EU) No 1149/2012 of 4 December 2012 amending Annex II to Regulation (EC) No 1333/2008 of the European Parliament and of the Council as regards the use of extracts of rosemary (E 392) in fillings of stuffed dry pasta Text with EEA relevance
Regolament tal-Kummissjoni (UE) Nru 1149/2012 tal- 4 ta' Diċembru 2012 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill fir-rigward tal-użu ta’ Estratti tal-klin (E 392) fil-mili ta’ għaġin niexef mimli Test b’relevanza għaż-ŻEE
Regolament tal-Kummissjoni (UE) Nru 1149/2012 tal- 4 ta' Diċembru 2012 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill fir-rigward tal-użu ta’ Estratti tal-klin (E 392) fil-mili ta’ għaġin niexef mimli Test b’relevanza għaż-ŻEE
ĠU L 333, 5.12.2012, p. 40–42
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
5.12.2012 |
MT |
Il-Ġurnal Uffiċjali tal-Unjoni Ewropea |
L 333/40 |
REGOLAMENT TAL-KUMMISSJONI (UE) Nru 1149/2012
tal-4 ta' Diċembru 2012
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill fir-rigward tal-użu ta’ Estratti tal-klin (E 392) fil-mili ta’ għaġin niexef mimli
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikolu 10(3), u l-Artikolu 30(5) tiegħu,
Billi:
(1) |
L-Anness II tar-Regolament (KE) Nru 1333/2008 jistabbilixxi lista tal-Unjoni ta’ addittivi tal-ikel approvati għall-użu fl-ikel u l-kondizzjonijiet tal-użu tagħhom. |
(2) |
Din il-lista tista’ tiġi emendata bil-proċedura msemmija fir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (2). |
(3) |
Skont l-Artikolu 3(1) tar-Regolament (KE) Nru 1331/2008, il-lista ta’ addittivi tal-ikel tal-Unjoni tista’ tiġi aġġornata jew fuq inizjattiva tal-Kummissjoni jew wara li ssir applikazzjoni. |
(4) |
Ġiet ippreżentata applikazzjoni għall-awtorizzazzjoni tal-użu ta’ Estratti tal-klin (E 392) bħala antiossidant fil-mili ta’ għaġin niexef mimli u saret disponibbli għall-Istati Membri. |
(5) |
L-antiossidanti huma sustanzi li jipproteġu l-ikel kontra d-deterjorazzjoni kkawżata mill-ossidazzjoni, bħas-snuħija tax-xaħam u t-tibdil fil-kulur. L-estratti tal-klin (E 392) użati fil-mili ta’ għaġin niexef mimli jtejbu l-istabbiltà tax-xaħmijiet u ż-żjut fir-riċetta (eż. żejt veġetali, xaħam fil-laħam, ġobon u ingredjenti tal-ħalib) matul il-ħajja tal-ħażna tal-prodott sħiħ. It-togħma tal-għaġin niexef mimli hija aktar stabbli mingħajr id-difetti organolettiċi u t-togħmiet strambi kkawżati mill-ossidazzjoni tax-xaħam. |
(6) |
L-Awtorità Ewropea għas-Sigurtà fl-Ikel evalwat l-użu tal-estratti tal-klin bħala addittiv fl-ikel (3). Skont il-marġini tas-sigurtà identifikati bl-użu tal-NOAELs (4) minn studji differenti, li fihom ġeneralment l-NOAELs kienu l-ogħla livelli ta’doża ttestjati, u bl-bl-użu ta’ stimi ta’ espożizzjoni djetetika konservattivi, ġie konkluż li l-użu ta’ estratti tal-klin deskritt fl-opinjoni xjentifika fl-użi u l-livelli tal-użu proposti ma jkunux ta’ tħassib għas-sigurtà. Dan il-konsum addizzjonali bbażat fuq l-użu l-ġdid fil-mili ta’ għaġin niexef ma jikkontribwixxix b’mod sinifikanti għall-konsum ġenerali. Huwa għalhekk xieraq li jkun permess l-użu ta’ estratti tal-klin (E 392) bħala antiossidant fil-mili ta’ għaġin niexef mimli. |
(7) |
Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità Ewropea dwar is-Sigurtà fl-Ikel biex taġġorna l-lista tal-Unjoni ta’ addittivi tal-ikel stipulata fl-Anness II tar-Regolament (KE) Nru 1333/2008, ħlief meta l-aġġornament inkwistjoni ma jkunx mistenni li jħalli effett fuq is-saħħa tal-bniedem. Billi l-awtorizzazzjoni tal-użu ta’ estratti tal-klin (E 392) bħala antiossidant fil-mili ta’ għaġin niexef mimli jikkostitwixxi aġġornament ta’ dik il-lista li mhux mistenni li jkollu effett fuq is-saħħa tal-bniedem, l-opinjoni tal-Awtorità Ewropea għas-Sigurtà tal-Ikel mhix meħtieġa. |
(8) |
Skont id-dispożizzjonijiet transitorji tar-Regolament tal-Kummissjoni (UE) Nru 1129/2011 tal-11 ta’ Novembru 2011 li jemenda l-Anness II għar-Regolament (KE) Nru 1333/2008 tal-Parlament Ewropew u tal-Kunsill billi jistabbilixxi lista tal-Unjoni tal-addittivi tal-ikel (5), l-Anness II li jistabbilixxi l-lista tal-Unjoni tal-addittivi tal-ikel approvati għall-użu fl-ikel u l-kundizzjonijiet tal-użu, jibda japplika mill-1 ta’ Ġunju 2013. Sabiex l-użu ta’ Estratti tal-klin (E 392) f’mili ta’ għaġin niexef ikun permess qabel dik id-data, huwa meħtieġ li wieħed jispeċifika data aktar bikrija tal-applikazzjoni fir-rigward ta’ dan l-użu ta’ dak l-addittiv. |
(9) |
Għaldaqstant, l-Anness II għar-Regolament (KE) Nru 1333/2008 għandu jiġi emendat skont dan. |
(10) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 huwa emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Diċembru 2012.
Għall-Kummissjoni
Il-President
José Manuel BARROSO
(1) ĠU L 354, 31.12.2008, p. 16.
(2) ĠU L 354, 31.12.2008, p. 1.
(3) EFSA Journal (2008) 721, 1-29.
(4) NOAEL (Livell Bla Effett Ħażin Osservat) — doża jew konċentrazzjoni ta’ sustanza ttestjata li ma nstab l-ebda effett negattiv fiha.
(5) ĠU L 295, 12.11.2011, p. 1.
ANNESS
Fil-Parti E tal-Anness II tar-Regolament (KE) Nru 1333/2008, fil-kategorija tal-ikel 06.4.5 “Mili ta’ għaġin mimli (ravjul u simili)”:
(a) |
tiddaħħal l-annotazzjoni li ġejja wara l-annotazzjoni għal E 200-203:
|
(b) |
in-noti ta’ qiegħ il-paġna li ġejjin huma miżjuda wara n-nota ta' qiegħ il-paġna 2:
|