Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32010L0004

Direttiva tal-Kummissjoni 2010/4/UE tat- 8 ta’ Frar 2010 li temenda, għall-fini tal-adattament għall-progress tekniku, l-Anness III mad-Direttiva tal-Kunsill 76/768/KEE rigward prodotti kożmetiċi (Test b’relevanza għaż-ŻEE)

ĠU L 36, 9.2.2010, p. 21–23 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 11/07/2013; Impliċitament imħassar minn 32009R1223

ELI: http://data.europa.eu/eli/dir/2010/4/oj

9.2.2010   

MT

Il-Ġurnal Uffiċjali tal-Unjoni Ewropea

L 36/21

DIRETTIVA TAL-KUMMISSJONI 2010/4/UE

tat-8 ta’ Frar 2010

li temenda, għall-fini tal-adattament għall-progress tekniku, l-Anness III mad-Direttiva tal-Kunsill 76/768/KEE rigward prodotti kożmetiċi

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 76/768/KEE tas-27 ta' Lulju 1976 dwar l-approssimazzjoni tal-liġijiet tal-Istati Membri dwar prodotti kożmetiċi (1), u b'mod partikolari l-Artikolu 8 (2) tagħha,

Wara li kkonsultat mal-Kumitat Xjentifiku dwar is-Sikurezza tal-Konsumatur,

Billi:

(1)

Bħalissa, hemm żewġ sustanzi taż-żebgħa tax-xagħar mhux ossidativi li huma provviżjorjament permessi għall-użu fi prodotti kożmetiċi sal-31 ta’ Diċembru 2010 skont ir-restrizzjonijiet u l-kundizzjonijiet stipulati fil-Parti 2 tal-Anness III mad-Direttiva 76/768/KEE.

(2)

Għal dawn iż-żewġ sustanzi taż-żebgħa tax-xagħar mhux ossidativi, HC Orange No. 2 u 2-hydroxyethylamino-5-nitroanisole, elenkati taħt in-numri ta' referenza 26 u 29 tal-Parti 2 tal-Anness III, il-Kumitat Xjentifiku dwar is-Sikurezza tal-Konsumatur (minn hawn 'il quddiem jissejjaħ KXSK) ta l-opinjonijiet finali tiegħu dwar is-sikurezza tagħhom. Il-konċentrazzjonijiet massimi awtorizzati rakkomandati mill-KXSK fil-prodott kożmetiku finali ta' 1,0 % għal HC Orange No. 2 u ta' 0,2 % għal 2-hydroxyethylamino-5-nitroanisole. Għaldaqstant, HC Orange No. 2 u 2-hydroxyethylamino-5-nitroanisole jistgħu jkunu regolati definittivament fil-Parti 1 tal-Anness III.

(3)

Id-Direttiva 76/768/KEE għandha għalhekk tiġi emendata skont dan.

(4)

Sabiex ikun żgurat progress bla xkiel għat-tqegħid fis-suq ta’ prodotti li fihom l-HC Orange No. 2 li ma jikkonformawx mar-rekwiżiti tal-ittikkettjar stipulati f’din id-Direttiva, huwa meħtieġ li jkunu previsti perjodi ta’ tranżizzjoni xierqa.

(5)

Il-miżuri stipulati f'din id-Direttiva huma skont l-opinjoni tal-Kumitat Permanenti dwar il-Prodotti Kożmetiċi,

ADOTTAT DIN ID-DIRETTIVA:

Artikolu 1

Amenda lid-Direttiva 76/768/KEE

L-Anness III tad-Direttiva 76/768/KEE hu emendat skont l-Anness ta’ din id-Direttiva.

Artikolu 2

Traspożizzjoni

1.   L-Istati Membri għandhom jadottaw u jippubblikaw, sa mhux aktar tard mill-1 ta’ Settembru 2010, il-liġijiet, ir-regolamenti u d-dispożizzjonijiet amministrattivi meħtieġa biex ikunu konformi ma’ din id-Direttiva. Huma għandhom jikkomunikaw minnufih lill-Kummissjoni t-test ta’ dawk id-dispożizzjonijiet.

L-Istati Membri għandhom japplikaw id-dispożizzjonijiet stabbiliti fl-Anness ta’ din id-Direttiva, għajr l-obbligi li jikkonċernaw l-ittikkettjar stipulati fil-kolonna (f) tal-annotazzjoni 208, mill-1 ta’ Diċembru 2010.

Meta l-Istati Membri jadottaw dawn il-miżuri, dawn għandhom jinkludu referenza għal din id-Direttiva jew għandhom ikunu akkumpanjati b'tali referenza fil-ħin tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir tali referenza.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.

Artikolu 3

Id-dispożizzjonijiet tranżizzjonali

L-Istati Membri għandhom jieħdu l-miżuri kollha neċessarji biex jiżguraw li wara l-1 ta’ Novembru 2011 ebda prodott kożmetiku li jonqos milli jikkonforma mal-obbligi li jikkonċernaw l-ittikkettjar stabbiliti fil-kolonna (f) tal-annotazzjoni 208 tal-Parti I tal-Anness III tad-Direttiva 76/768/KEE, kif emendat b’din id-Direttiva, m’għandu jitqiegħed fis-suq mill-manifatturi mill-Unjoni jew mill-importaturi stabbiliti fi ħdan l-Unjoni.

L-Istati Membri għandhom jieħdu l-miżuri kollha neċessarji biex jiżguraw li wara l-1 ta’ Novembru 2012 ebda prodott kożmetiku li jonqos milli jikkonforma mal-obbligi li jikkonċernaw l-ittikkettjar stabbiliti fil-kolonna (f) tal-annotazzjonijiet 208 tal-Parti I tal-Anness III tad-Direttiva 76/768/KEE, kif emendat b’din id-Direttiva, m’għandu jinbiegħ jew jingħata lill-konsumaturi finali fi ħdan l-Unjoni.

Artikolu 4

Id-dħul fis-seħħ

Din id-Direttiva għandha tidħol fis-seħħ fl-għoxrin jum wara dak li fih tiġi pubblikata f'Il-Ġurnal Uffiċjali tal-Unjoni Ewropea.

Artikolu 5

Destinatarji

Din id-Direttiva hija indirizzata lill-Istati Membri.

Magħmul fi Brussell, it-8 ta’ Frar 2010.

Għall-Kummissjoni

Il-President

José Manuel BARROSO

(1)  ĠU L 262, 27.9.1976, p. 169.

ANNESS

L-Anness III tad-Direttiva 76/768/KEE jiġi emendat kif ġej:

(1)

Fil-Parti 1 għandhom jiżdiedu dawn li ġejjin:

Numru ta’ Referenza

Sustanza

Restrizzjonijiet

Kundizzjonijiet dwar l-użu u twissijiet li għandhom jiġu stampati fuq it-tikketta

Qasam ta’ applikazzjoni u/jew użu

Konċentrazzjoni massima awtorizzata fil-prodott kożmetiku finali

Limitazzjonijiet u rekwiżiti oħrajn

a

b

c

d

e

f

“208

1-(beta-Aminoethyl)amino-4-(beta-hydroxyethyl)oxy-2-nitrobenzene u l-imluħa tiegħu

HC Orange No. 2

CAS Nru 85765-48-6

EINECS 416-410-1

Sustanza taż-żebgħa tax-xagħar fi prodotti taż-żebgħa tax-xagħar mhux ossidativi

1,0  %

—

Tużax ma sistemi ta’ nitrosazzjoni

—

Kontenut massimu ta' nitrosamin: 50 μg/kg

—

Żomm f'kontenituri ħielsa min-nitriti

Image

Iż-żebgħat tax-xagħar jistgħu jikkawżaw reazzjonijiet allerġiċi qawwija.

Aqra u segwi l-istruzzjonijiet ta’ hawn taħt.

Dan il-prodott mhuwiex għall-użu għal min għandu taħt is-16-il sena.

It-tpinġija mhux permanenti fuq il-ġilda permezz tal-‘ħenna sewda’ tista’ żżidlek ir-riskju li tiżviluppa allerġija.

Tiżbax xagħrek jekk:

—

Għandek raxx fuq wiċċek jew għandek xi irritazzjoni fuq il-ġilda ta’ rasek.

—

Qatt kellek xi reazzjoni ħażina wara li tkun żbajt xagħrek.

—

Qatt kellek xi reazzjoni lejn xi tpinġija tal-ġilda mhux permanenti bil-‘ħenna sewda’.”

209

2-[(2-methoxy-4-nitrophenyl)amino]ethanol u l-imluħa tiegħu

2-Hydroxyethylamino-5-nitroanisole

CAS Nru 66095-81-6

EINECS 266-138-0

Sustanza taż-żebgħa tax-xagħar fi prodotti taż-żebgħa tax-xagħar mhux ossidativi

0,2  %

—

Tużax ma sistemi ta’ nitrosazzjoni

—

Kontenut massimu ta' nitrosamin: 50 μg/kg

—

Żomm f'kontenituri ħielsa min-nitriti

 

(2)

Fil-Parti 2 tal-annotazzjonijiet relatati man-numri ta' referenza 26 u 29 huma mħassra.
Top