7.6.2006   

MT

Il-Ġurnal Uffiċjali ta’ l-Unjoni Ewropea

98

(1)

F'talba preżentata lill-Kummissjoni u reġistrata mis-Segretarjat Ġenerali tal-Kummissjoni fit-3 ta' Marzu 2004, il-Gvern Awstrijak talab l-awtorizzazzjoni li jintroduċi tliet miżuri li jidderogaw minn Artikolu 21(1) (a) tad-Direttiva 77/388/KEE.

(2)

L-għan tad-deroga mitluba mill-Awstrija huwa li tagħmel ir-riċevitur responsabbli għall-VAT dovuta fi tliet każijiet speċifiċi: L-ewwel, fuq il-provista ta' merkanzija bħala sigurtà provduti minn persuna waħda taxxabbli bil-VAT għal persuna oħra fl-eżekuzzjoni ta' dik is-sigurtà, it-tieni, fuq il-provista ta' merkanzija wara ċ-ċessjoni fuq ir-riserva tal-pussess lil ċessjonarju u l-eżeċizzju ta' dan id-dritt miċ-ċessjonarju; u t-tielet, fuq il-provista ta' proprjetà immobbli minn debitur ġudizzjarju fi proċedura ta' bejgħ mandatorju lil persuna oħra. Il-miżuri mitluba għandhom ikunu kkunsidrati bħala miżuri li jimpedixxu ċerti tipi ta' evażjoni jew skartar ta' taxxa fis-setturi hawn fuq.

(3)

Fejn merkanzija tkun provduta bħala kollaterali minn persuna waħda taxxabbli bil-VAT għar-riċevitur tas-sigurta' fl-eżekuzzjoni tas-sigurtà, dan normalment jirrifletti sitwazzjoni fejn il-garanti li jipprovdi l-merkanzija għandu kapaċità limitata biex iħallas id-djun tiegħu, inklużi id-djun tat-taxxi. Meta r-reċivitur tal-kollaterali li jirċievi l-merkanzija jeżerċita d-drittijiet tiegħu u jbiegħ il-kollaterali lil terza parti, dan il-bejgħ jiġġenera ukoll provista mill-garanti lir-reċivitur tal-kollaterali. F'xenarji bħal dawn iseħħ telf ta' VAT f'ħafna każijiet għaliex ir-riċevitur tal-kollaterali ma setax ikun imċaħħad mid-dritt tiegħu li jnaqqas u l-garanti li jipprovdi ma setax jinżamm responsabbli għaliex kien fallut jew għeb. Id-dimensjoni tal-problemi iffaċċjati bihom l-amministrazzjoni Awstrijaka teħtieġ miżuri legali. Deroga simili diġà ngħatat lill-Ġermanja b' Deċiżjoni 2002/439/KE (2).

(4)

F'każijiet fejn ix-xerrej tal-merkanzija għandu kapaċità biex iħallas id-djun tiegħu għax-xiri, il-fornitur tal-merkanzija se jirriserva l-pussess u jista' jċedi d-dritt li jeżerċita din ir-riserva kif ukoll it-talba tal-prezz tax-xiri lil terza parti, normalment bank, bħala sigurtà fuq self mogħtija minn terza parti lix-xerrej. Jekk ix-xerrej tal-merkanzija ma jkomplix iħallas id-djun tiegħu fuq is-self, il-bank jeżerċita id-dritt tiegħu ta' pussess; dan jinvolvi provista ta' merkanzija mix-xerrej oriġinali lill-bank. F'każ bħal dan il-bank normalment ma jħallasx it-taxxa mit-turnover dovuta lix-xerrej oriġinali fuq il-provista li jirċievi, imma jużaha biex iħallas id-dejn fuq is-self tax-xerrej oriġinali, bil-konsegwenza ta' telf ta' VAT għall-awtoritajiet fiskali Awstrijaċi għaliex ix-xerrejja oriġinali huma normalment falluti jew sparixxew qabel ma l-amministrazzjoni tat-taxxa tista' tidentifikahom u tirkupra l-VAT. Għalhekk dan ix-xenarju hu simili għall-eżekuzzjoni ta' sigurtà deskritta hawn fuq.

(5)

Telf ta' VAT seħħ ukoll f'każijiet ta' provisti taxxabbli ta' proprjetà immobbli mibjugħa mid-debitur tas-sentenza fi proċedura ta' bejgħ mandatorju lil persuna oħra. Dan huwa partikolarment relevanti għal dawk il-każijiet fejn il-fornitur kien għażel ir-responsabbilta fiskali minkejja li fiż-żmien tal-forniment ma kienx f' pożizzjoni finanzjarja li jħallas lill-awtoritajiet tat-taxxa it-taxxa li kien għadda b' fattura lix-xerrej. Ix-xerrej normalment seta' jeżerċita id-dritt tiegħu li jnaqqas u l-fornitur ma jħallasx l-ebda VAT lill-awtoritajiet fiskali. Id-dimensjoni tal-problema iffaċċjata biha l-amministrazzjoni Awstrijaka għandha bżonn miżuri legali. Il-proprjetà immobbli hi prodott ta' valur għoli; allura anke l-ammont taxxabbli u t-telf f'termini ta' VAT – anke fuq transazzjoni waħda – hu partikolarment għoli. Il-valur tal-proprjetà immobbli normalment ikollu VAT moħbija u għaldaqstant iż-żamma ta' l-għażla hi għalhekk neċessarja biex iżżomm is-sistema tal-VAT newtrali. F'dan l-isfond, jidher li r-responsabbiltà prevista tar-riċevitur tal-VAT hi in fatti s-soluzzjoni l-aktar propizja fiċ-ċirkonstanzi speċifiċi u għar-riskju partikolament għoli li tinvolvi. Id-deroga rikjesta tevita t-telf tal-VAT għaliex m'hemmx VAT imħallsa mill-awtoritajiet fiskali lil wieħed mill-operaturi ekonomiċi involuti. Is-soluzzjoni tevita wkoll responsabbiltà ta' taxxa doppja ta' dak li jipprovdi u ta' dak li jirċievi, li tista' tinvolvi riskju ekonomiku akbar għar-riċevitur u l-proċedura tqila ta' l-irkupru teħles lill-awtoritajiet fiskali, fejn jistgħu biss jindirizzaw lir-riċevitur meta l-irkupru mill-fornitur ikun impossbbli. Tevita r-responsabbiltà fiskali ta' terza persuna bħal nutar, li normalment tirriżulta fi spejjeż akbar għall-fornitur u għar-riċevitur. Derogi simili diġà ngħataw lill-Ġermanja b' Deċiżjonijiet 2002/439/KE u 2004/291/KE (3).

(6)

Id-deroga in kwistjoni ma taffettwax l-ammont ta' VAT dovuta fl-istadju finali tal-konsum u m'għandhiex impatti negattivi fuq ir-riżorsi proprji tal-Komunitajiet ġejjin mit-taxxa fuq il-valur miżjud,

1.

Il-provista ta' merkanzija provduta bħala sigurtà minn persuna taxxabbli bil-VAT għal persuna oħra fl-eżekuzzjoni ta' dik is-sigurtà;

2.

Il-provista ta' merkanzija wara ċ-ċessjoni tar-riserva tal-pussess liċ-ċessjonarju u l-eżerċizzju ta' dan id-dritt miċ-ċessjonarju;

3.

Il-provista ta' proprjetà immobbli mibjugħa mid-debitur ġudizzjarju fi proċedura ta' bejgħ mandatorju lil persuna oħra.