EUR-Lex Access to European Union law
This document is an excerpt from the EUR-Lex website
Document 62020TN0736
Case T-736/20: Action brought on 11 December 2020 — OP v Commission
Kawża T-736/20: Rikors ippreżentat fil-11 ta’ Diċembru 2020 – OP vs Il-Kummissjoni
Kawża T-736/20: Rikors ippreżentat fil-11 ta’ Diċembru 2020 – OP vs Il-Kummissjoni
ĠU C 79, 8.3.2021, p. 31–32
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
8.3.2021 |
MT |
Il-Ġurnal Uffiċjali tal-Unjoni Ewropea |
C 79/31 |
Rikors ippreżentat fil-11 ta’ Diċembru 2020 – OP vs Il-Kummissjoni
(Kawża T-736/20)
(2021/C 79/41)
Lingwa tal-kawża: l-Ingliż
Partijiet
Rikorrent: OP (rappreżentant: S. Pappas, avukat)
Konvenut: Il-Kummissjoni Ewropea
Talbiet
Ir-rikorrent jitlob li l-Qorti Ġenerali jogħġobha:
— |
tannulla i) id-deċiżjoni tal-Bord tal-Għażla tal-5 ta’ Frar 2020, li permezz tagħha r-rikorrent ma ġiex inkluż fil-lista ta’ riżerva tal-Kompetizzjoni Ġenerali EPSO/AST/147/19 u ii) id-deċiżjoni tal-Awtorità tal-Ħatra tat-3 ta’ Settembru 2020, li permezz tagħha ġie miċħud l-ilment tar-rikorrent kontra d-deċiżjoni tal-Bord tal-Għażla tal-5 ta’ Frar 2020, sa fejn tinkludi motivazzjoni addizzjonali; |
— |
tikkundanna lill-konvenuta għall-ispejjeż tagħha kif ukoll għal dawk sostnuti mir-rikorrent għal dawn il-proċeduri. |
Motivi u argumenti prinċipali
Insostenn tar-rikors tiegħu, ir-rikorrent jinvoka erba’ motivi.
1. |
L-ewwel motiv ibbażat fuq allegat ksur tal-prinċipji ta’ ugwaljanza fit-trattament, trasparenza, oġġettività u tal-Artikolu 1d(5) tar-Regolamenti tal-Persunal. |
2. |
It-tieni motiv ibbażat fuq allegat ksur tad-dritt għal amministrazzjoni tajba. |
3. |
It-tielet motiv ibbażat fuq allegata motivazzjoni insuffiċjenti u inadegwata. |
4. |
Ir-raba’ motiv ibbażat fuq allegat ksur tal-Artikolu 27 tar-Regolamenti tal-Persunal. |