Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62019TN0099

Kawża T-99/19: Rikors ippreżentat fit-18 ta’ Frar 2019 — Magnan vs Il-Kummissjoni

ĠU C 206, 17.6.2019, p. 42–44 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

17.6.2019   

MT

Il-Ġurnal Uffiċjali tal-Unjoni Ewropea

C 206/42

Rikors ippreżentat fit-18 ta’ Frar 2019 — Magnan vs Il-Kummissjoni

(Kawża T-99/19)

(2019/C 206/47)

Lingwa tal-kawża: il-Franċiż

Partijiet

Rikorrent: Nathaniel Magnan (Aix-en-Provence, Franza) (rappreżentant: J. Fayolle, avukat)

Konvenuta: Il-Kummissjoni Ewropea

Talbiet

Ir-rikorrent jitlob li l-Qorti Ġenerali jogħġobha:

—

tiddikjara dan ir-rikors ammissibbli kontra n-nuqqas tal-Kummissjoni li tieħu azzjoni u li tinvolvi r-responsabbiltà mhux kuntrattwali tal-Kummissjoni abbażi tal-Artikolu 340 TFUE;

—

tiddikjara ammissibbli dan ir-rikors għal annullament tad-deċiżjoni impliċita tal-Kummissjoni ta’ rifjut tal-Kummissjoni Ewropea li tieħu azzjoni, f’ittra tal-20 ta’ Diċembru 2018;

—

fil-mertu, l-ewwel nett,

—

taqta’ u tiddeċiedi li l-Artikolu 55(a) tal-Loi sur l’Assurance-maladie (il-Liġi dwar l-Assigurazzjoni għall-Mard) (l-hekk imsejjaħ LAMal) jikser:

—

l-Artikoli 2 (nondiskriminazzjoni), 7 (id-dritt għal ugwaljanza fit-trattament) u 13 (l-obbligu ta’ stand sill) tal-FMĦP;

—

l-Artikolu 55 tad-Direttiva 2005/36/KE dwar ir-Rikonoxximent ta’ Kwalifiki Professjonali;

—

tikkonstata li d-direttiva trasversali tal-Canton de Genève dwar il-“Proċedura ta’ reklutaġġ fl-istituzzjonijiet ta’ dritt pubbliku u ta’ entitajiet sussidjati” tikser il-Ftehim dwar il-Moviment Ħieles tal-Persuni bejn l-Isvizzera u l-Unjoni Ewropea (FMĦP) u li l-liġijiet federali Svizzeri l-oħra kollha dwar il-preferenza nazzjonali jiksru l-FMĦP;

—

tikkonstata, min-naħa l-oħra, l-assenza ta’ miżuri diskriminatorji kontra tobba li huma ċittadini Svizzeri mill-Istati Membri tal-Unjoni Ewropea;

—

tikkonstata n-nuqqas illegali tal-Kummissjoni Ewropea li tieħu azzjoni, li din tal-aħħar għandha tissorvelja l-applikazzjoni tat-Trattati, u b’hekk iddgħajjef il-prinċipju ta’ aspettattivi leġittimi u l-prinċipju tas-sigurtà tad-drittijiet akkwistati ta’ Dr Magnan Nathaniel;

—

tikkonstata rabta kawżali bejn in-nuqqas illegali li tittieħed azzjoni tal-Kummissjoni Ewropea u d-dannu ta’ Dr Magnan Nathaniel;

—

tikkundanna l-Kummissjoni Ewropea għal nuqqas li tittieħed azzjoni;

—

tikkundanna lill-Kummissjoni Ewropea tħallas is-somma ta’ EUR 1141 198.10 (miljun u mija u erbgħin elf mija u tmienja u disgħin euro u u għaxar ċenteżmi, rata tal-kambju fis-7 ta’ Jannar 2019 fil-11:39 UTC) korripondenti għal 1 281 444 CHF (miljun mitejn u wieħed tmenin u tmenin elf erba’ mija u erbgħa u erbgħin Frank Svizzeru) lil Dr. Magnan Nathaniel, korrispondenti għad-dannu diġà sostnut sa mill-2013 minħabba r-responsabbiltà mhux kuntrattwali tal-Kummissjoni abbażi tal-Artikolu 340 TFUE;

—

tikkundanna lill-Kummissjoni Ewropea tħallas penali ta’ EUR 500 (ħames mitt euro) għal kull ġurnata ta’ xogħol lil Dr Magnan Nathaniel minħabba d-dannu ekonomiku kontinwu, permanenti u attwali, li jikkorrispondi għad-dannu ekonomiku ta’ kuljum sal-osservanza tal-Konfederazzjoni Svizzera tal-FMĦP jew l-irtirar ta’ waħda mill-partijiet għall-ftehim abbażi tal-Artikolu 340 TFUE għal nuqqas li tittieħed azzjoni;

—

it-tieni nett,

—

tikkonstata li l-ittra ta’ tweġiba tal-Kummissjoni Ewropea tal-20 ta’ Diċembru 2018 tikkostitwixxi deċiżjoni ta’ rifjut;

—

tannulla din id-deċiżjoni impliċita ta’ rifjut li tittieħed azzjoni tal-Kummissjoni Ewropea kontra l-Konfederazzjoni Svizzera għal ksur tat-Trattati u li ma tikkumpensax id-dannu sostnut.

Motivi u argumenti prinċipali

Insostenn tar-rikors tiegħu, ir-rikorrent jinvoka ħames motivi.

1.

L-ewwel motiv ibbażat fuq in-nuqqas ta’ osservanza tal-Ftehim bejn il-Komunità Ewropea u l-Istati Membri tagħha, minn naħa, u l-Konfederazzjoni Svizzera, min-naħa l-oħra, dwar il-moviment liberu tal-persuni (ĠU 2002, L 114, p. 6) u d-Direttiva Nru 2005/36/KE tal-Parlament Ewropew u tal-Kunsill tas-7 ta’ Settembru 2005 dwar ir-Rikonoxximent ta’ Kwalifiki Professjonali (ĠU L 255, p. 22) mill-Isvizzera. Fil-fatt, ir-rikorrent jikkunsidra li l-Konfederazzjoni Svizzera ħadet f’Lulju 2013 provvediment sabiex tillimita l-istallazzjoni ta’ tobba f’żoni fejn hemm persunal żejjed kopert mill-assigurazzjoni għall-mard obbligatorja Svizzera, li tikkostitwixxi diskriminazzjoni indiretta fuq in-nazzjonalità, sa fejn din il-limitazzjoni ma tapplikax għal tobba li għandhom 3 snin esperjenza fi sptarijiet universitarji Svizzeri.

2.

It-tieni motiv huwa bbażat fuq l-assenza ta’ diskriminazzjoni mill-Unjoni Ewropea kontra tobba ċittadini Svizzeri, f’isem il-prinċipju tar-reċiproċità fid-dritt internazzjonali u li, skont ir-rikorrent, għandu jiġi stabbilit mill-Qorti Ġeenrali.

3.

It-tielet motiv, ibbażat fuq in-nuqqas illegali tal-Kummissjoni li tieħu azzjoni fis-sens li din tal-aħħar kienet obbligata taġixxi minħabba li hija tiggarantixxi t-Trattati skont l-Artikolu 17(1) TUE u d-drittijiet fundamentali taċ-ċittadini tal-Unjoni Ewropea. F’dan ir-rigward, ir-rikorrent jinvoka l-prinċipji tal-aspettattivi leġittimi lejn l-istituzzjonijiet u ċ-ċertezza legali tad-drittijiet miksuba.

4.

Ir-raba’ motiv, ibbażat fatt il-fatt li l-assenza ta’ passi ulterjuri meħuda fuq l-istedina tar-rikorrent lill-Kummissjoni sabiex tieħy azzjoni b’mod urġenti tikkostitwixxi b’hekk rifjut impliċitu u għaldaqstant deċiżjoni li tikkawżalu preġudizzju.

5.

Il-ħames motiv, ibbażat fuq ir-responsabbiltà mhux kuntrattwali tal-Kummissjoni abbażi tal-Artikolu 340 TFUE għal nuqqas li tittieħed azzjoni.
Top