AN COIMISIÚN EORPACH

An Bhruiséil,26.10.2022

COM(2022) 540 final

2022/0344(COD)

Togra le haghaidh

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoir 2000/60/CE lena mbunaítear creat do ghníomhaíocht Chomhphobail i réimse an bheartais uisce, Treoir 2006/118/CE maidir le screamhuisce a chosaint ar thruailliú agus ar mheath agus Treoir 2008/105/CE maidir le caighdeáin cáilíochta comhshaoil i réimse an bheartais uisce

(Téacs atá ábhartha maidir le LEE)

{SEC(2022) 540 final} - {SWD(2022) 540 final} - {SWD(2022) 543 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Is é an comhchuspóir uileghabhálach atá ag reachtaíocht uisce an Aontais sláinte an duine a chosaint mar aon leis an gcomhshaol ar na héifeachtaí ó thruailleáin thocsaineacha agus/nó mharthanacha le chéile. Baineann an tionscnamh seo le Treoir 2000/60/CE 1 (an Treoir Réime maidir le hUisce), agus an dá threoir ar leith dá cuid, Treoir 2006/118/CE 2 (an Treoir maidir le Screamhuisce, nó GWD) agus Treoir 2008/105/CE 3 (an Treoir maidir le Caighdeáin Cáilíochta Comhshaoil nó EQSD), atá dírithe le chéile ar screamhuisce agus ar uiscí dromchla a chosaint 4 . Comhlánaítear leo píosaí ábhartha eile de reachtaíocht uisce, i.e. Treoir (AE) 2020/2184 (an Treoir maidir le hUisce Óil, nó DWD) 5 , Treoir 91/271/CEE ón gComhairle 6 (an Treoir maidir le Cóireáil Fuíolluisce Uirbigh, nó UWWTD), Treoir 2008/56/CE 7 (an Treoir Réime um Straitéis Mhuirí, nó MSFD), Treoir 2006/7/CE 8 (an Treoir um Uisce Snámha nó BD), Treoir 2007/60/CE 9 (an Treoir maidir le Tuilte, nó FD) agus Treoir 91/676/CEE ón gComhairle 10 (an Treoir maidir le Níotráití, nó ND).

Áirítear leis an reachtaíocht liostaí de thruailleáin agus de chaighdeáin cháilíochta, agus san áireamh leo sin, ceanglais maidir le hathbhreithniú a dhéanamh orthu go tráthrialta 11 . Le hAirteagal 16(4) den Treoir Réime maidir le hUisce ceanglaítear ar an gCoimisiún athbhreithniú a dhéanamh go tráthrialta, ar eatraimh ar a laghad gach 4 bliana, ar liosta na substaintí tosaíochta lena mbaineann riosca don timpeallacht uisceach, i.e. uisce dromchla agus screamhuisce araon. Go sonrach, le haghaidh uisce dromchla, ceanglaítear le hAirteagal 8 de EQSD ar an gCoimisiún athbhreithniú a dhéanamh ar Iarscríbhinn X a ghabhann leis an Treoir Réime maidir le hUisce(liosta na substaintí tosaíochta) ach le haghaidh na n‑uiscí dromchla, ceanglaítear le hAirteagal 10 de GWD ar an gCoimisiún athbhreithniú a dhéanamh gach 6 bliana ar Iarscríbhinní I agus II a ghabhann le GWD féin. Leis an athbhreithniú sin, agus leis an measúnú tionchair, tuairisceofar chuig Parlaimint na hEorpa agus chuig an gComhairle freisin, dá dtagraítear in Airteagal 8 de EQSD.

Deimhníodh an gá leis na liostaí a thabhairt cothrom le dáta i seiceáil oiriúnachta 2019 12 , lenar thángthas ar an gconclúid freisin go méadófaí éifeachtacht, éifeachtúlacht agus comhleanúnachas na reachtaíochta ach feabhsuithe eile a dhéanamh uirthi. Agus cuspóir uileghabhálach bheartas uisce an Aontais á chur san áireamh, is iad seo a leanas cuspóirí ginearálta an tionscnaimh seo:

(1)cosaint shaoránaigh agus éiceachórais nádúrtha an Aontais a mhéadú i gcomhréir leis an Straitéis Bhithéagsúlachta 13 agus leis an bPlean Gníomhaíochta maidir le Truailliú Nialasach 14 atá leabaithe araon sa Chomhaontú Glas don Eoraip 15 ;

(2)éifeachtacht na reachtaíochta a mhéadú agus a hualach riaracháin a laghdú, chun é a chur ar a chumas don Aontas freagairt níos tapúla ar rioscaí a thagann chun cinn.

Is féidir le héifeachtaí sláinte gearrthéarmacha agus fadtéarmacha éagsúla eascairt as an nochtadh do cheimiceáin tríd an uisce óil. Cuirtear an timpeallacht uisceach i mbaol le ceimiceáin freisin, rud as a n‑eascraíonn athruithe ar speicis cheannasacha agus laghdú nó caillteanas bithéagsúlachta. Le caighdeáin cáilíochta comhshaoil (EQS) a leagan síos agus a rialú le haghaidh ceimiceáin i ndobharlaigh, comhlánaítear reachtaíocht fhoinseach agus reachtaíocht chonaire, trí bhrú a chur le caighdeáin níos doichte a fháil maidir le táirgeadh, astú nó úsáid i gcás inar gá, agus trí laghdú a dhéanamh ar na costais chun uisce óil a chóireáil.

1.na liostaí truailleán lena ndéantar difear don uisce dromchla agus don screamhuisce a thabhairt cothrom le dáta trí shubstaintí a chur leo agus a bhaint díobh agus trí chaighdeáin cháilíochta atá ann cheana a thabhairt cothrom le dáta;

2.feabhas a chur ar fhaireachán na meascán ceimiceach chun measúnú níos fearr a dhéanamh ar a n‑éifeachtaí le chéile agus chun athruithe séasúracha ar thiúchain truailleán a chur san áireamh;

3.cibé cás inarb ábhartha, an bealach lena dtugtar aghaidh ar thruailleáin in uisce dromchla agus i screamhuisce a chomhchuibhiú ar fud an Aontais;

4.áirithiú gur féidir an creat dlíthiúil a ailíniú le torthaí eolaíocha ar bhealach níos gasta chun freagairt níos praise ar éilleáin ar ábhar imní atá ag teacht chun cinn iad;

5.feabhas a chur ar an rochtain ar shonraí, trédhearcacht agus athúsáid na sonraí sin, chun an chomhlíontacht a fheabhsú, an t‑ualach riaracháin a laghdú agus feabhas a chur ar an gcomhleanúnachas le creat dlíthiúil níos leithne an Aontais lena ndéileáiltear le ceimiceáin.

Is éard is aidhm don tionscnamh ar deireadh caighdeáin nua a leagan síos le haghaidh sraith substaintí ceimiceacha ar ábhar imní iad chun aghaidh a thabhairt ar an truailliú ceimiceach in uisce, chun an forfheidhmiú a éascú bunaithe ar chreat dlíthiúil simplithe agus atá níos comhleanúnaí, chun faisnéis dhinimiciúil agus atá níos cothroime le dáta a áirithiú maidir leis an stádas uisce, á éascú ag an nGníomhaireacht Eorpach Chomhshaoil (‘EEA’), agus creat níos solúbtha a chruthú chun aghaidh a thabhairt ar thruailleáin ar ábhar imní atá ag teacht chun cinn iad. Bheadh sé sin bunaithe ar rannpháirtíocht leathan ó pháirtithe leasmhara mar aon le tacaíocht eolaíoch fhónta ón nGníomhaireacht Eorpach Ceimiceán (‘ECHA’) chun a oiread sineirgí agus comhleanúnachais a áirithiú agus is féidir ar fud dhlíthe an Aontais maidir le ceimiceáin.

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

·An Straitéis Bhithéagsúlachta agus an Straitéis ón bhFeirm go dtí an Forc 18 , a bhfuil sé d’aidhm acu an úsáid lotnaidicídí, an úsáid leasachán, caillteanais cothaitheach agus díolacháin frithmhiocróbach a laghdú faoi 2030. Tá cuid mhór den laghdú ar an úsáid lotnaidicídí le baint amach leis an togra ón gCoimisiún 19 le haghaidh Rialachán ó Pharlaimint na hEorpa agus ón gComhairle maidir le húsáid inbhuanaithe táirgí cosanta plandaí agus lena leasaítear Rialachán (AE) 2021/2115. Athbhreithniú a dhéanfar amach anseo ar Rialachán (CE) Uimh. 1107/2009 20 a bhaineann le táirgí cosanta plandaí (PPPanna) a chur ar an margadh, d’fhéadfadh ról a bheith aige sin freisin;

·Straitéis an Aontais maidir le Plaisteach 21 agus an tionscnamh de chuid an Aontais maidir le micreaphlaistigh atá ar na bacáin, arb é is aidhm dóibh spriocanna an Phlean Gníomhaíochta maidir le Truailliú Nialasach a chomhlíonadh i dtaca le dramhaíl, bruscar plaisteach ar muir agus micreaphlaistigh a scaoiltear sa chomhshaol a laghdú faoi 2030;

·Treoir (AE) 2019/904 22 (an Treoir maidir le Plaistigh Aon Úsáide nó SUPD), arb é is aidhm di úsáid táirgí plaisteacha aon úsáide a theorannú, trí oibleagáidí a thabhairt isteach le haghaidh táirgeoirí maidir le bainistíocht dramhaíola agus glanadh mar shampla (lena n‑áirítear scéimeanna freagrachta táirgeoirí leathnaithe);

·An Plean Gníomhaíochta don Gheilleagar Ciorclach 23 , lena bhfógraítear bearta chun micreaphlaistigh a laghdú go háirithe agus meastóireacht ar Threoir 86/278/CEE ón gComhairle 24 (an Treoir maidir le Sloda Séaraigh, nó SSD), lena ndéantar cáilíocht an tsloda a úsáidtear sa talmhaíocht a rialáil;

·An Straitéis Ceimiceán um an Inbhuanaitheacht 25 , lena aithnítear go bhfuil ceimiceáin fíor‑riachtanach le haghaidh folláine sochaí nua‑aimseartha, ach a bhfuil sé d’aidhm aici saoránaigh agus an comhshaol a chosaint ar bhealach níos fearr ar a n‑airíonna guaiseacha féideartha. Leagtar síos an cuspóir leis an Straitéis freisin go ngluaisfear i dtreo cur chuige ‘substaint amháin, measúnú amháin’ trí fheabhas a chur ar éifeachtúlacht, éifeachtacht, comhleanúnachas agus trédhearcacht na measúnuithe sábháilteachta ar cheimiceáin ar fud na reachtaíochta ábhartha uile. Ar an gcúis sin, sanntar ról lárnach leis an togra seo do ECHA chun tabhairt faoi ról na tacaíochta eolaíche chun truailleáin uisce a shainaithint amach anseo mar aon le caighdeáin cháilíochta ábhartha a mholadh; Cur chuige Straitéiseach 2019 maidir le hEarraí Cógaisíochta sa Timpeallacht 26 (a eascraíonn go díreach as athbhreithniú 2013 ar EQSD) agus the Pharmaceuticals Strategy for Europe [an Straitéis um Earraí Cógaisíochta don Eoraip] 27 , cuireann siad araon tionchair fhéideartha an truaillithe ó iarmhair chógaisíochta ar an gcomhshaol agus ar an tsláinte i dtábhacht agus liostaítear leo raon gníomhaíochtaí atá deartha chun dul i ngleic leis na dúshláin sin. An t‑athbhreithniú atá ar na bacáin ar an reachtaíocht maidir le táirgí íocshláinte lena n‑úsáid ag an duine, tá coinne leis go soláthrófar bearta leantacha iomchuí. Mar an gcéanna, trí dhrugaí fhrithmhiocróbacha éagsúla a liostú mar aon leis an miotal airgead, tá an togra sin comhsheasmhach le straitéis an Aontais i réimse na frithsheasmhachta frithmhiocróbaí;

·An Straitéis Eorpach maidir le Sonraí 28 , lena gcuirtear i dtábhacht gur cheart sonraí arna nginiúint ag an earnáil phoiblí a bheith ar fáil ar mhaithe le leas an phobail, chun gur féidir iad a úsáid go hiomchuí, ag taighdeoirí, institiúidí poiblí eile, agus fiontair bheaga agus mheánmhéide (FBManna) mar shampla.

·Tá an togra seo comhsheasmhach freisin le tuarascáil deiridh na Comhdhála ar Thodhchaí na hEorpa agus leis na moltaí sainráite atá inti ó shaoránaigh maidir leis an truailliú nialasach i gcoitinne agus go háirithe leis na tograí chun dul i ngleic leis an truailliú. Tá na tograí críochnaitheacha seo a leanas ábhartha sa chomhthéacs seo go sonrach:

oTogra 1.4 chun: ‘Laghdú mór a dhéanamh ar an úsáid lotnaidicídí agus leasachán ceimiceach, i gcomhréir leis na spriocanna atá ann cheana, agus an tslándáil bhia á háirithiú fós, agus tacaíocht le haghaidh taighde chun roghanna malartacha a fhorbairt a bheidh níos inbhuanaithe agus níos dúlrabhunaithe;

oTogra 2.7 chun: ‘Foinsí uisce a chosaint agus truailliú aibhneacha agus aigéan a chomhrac, lena n‑áirítear trí thaighde ar an truailliú micreaphlaisteach agus tríd an truailliú sin a throid’:

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht (i gcás inniúlacht neamheisiach)

Truaillítear dobharlaigh dromchla agus screamhuisce san Aontas le truailleáin éagsúla. Bíonn an truailliú ag taisteal le sruth agus faoi thalamh, agus is ceantair abhantraigh idirnáisiúnta 60 % de cheantair abhantraí na hEorpa (agus iad á gcomhroinnt idir na Ballstáit nó idir Ballstát agus tír nach de chuid an Aontais Eorpaigh í). Ar an gcúis sin, tá an comhar idir na Ballstáit fíor‑riachtanach agus is gá gníomhaíocht ar leibhéal an Aontais Eorpaigh chun aghaidh a thabhairt ar an truailliú agus ar thionchair thrasteorann eile trí chaighdeáin chomhchuibhithe a leagan síos agus trí chórais chomhchuibhithe a bhunú chun sonraí a bhailiú agus a chomhroinnt. Gan gníomhaíocht ar leibhéal an Aontais Eorpaigh, thiocfadh sé chun bheith i bhfad róchostasach, go háirithe le haghaidh na mBallstát atá lonnaithe i dtreo béal abhann, chun aghaidh a thabhairt ar an truailliú.

Le seiceáil oiriúnachta 2019 ar reachtaíocht uisce an Aontais, deimhníodh gur spreag nó gur treisíodh leis an Treoir Réime maidir le hUisce agus leis an dá threoir ar leith a ghabhann leis an Treoir Réime gníomhaíocht chun aghaidh a thabhairt ar na brúnna trasteorann ar acmhainní uisce ar leibhéal abhantraí, go náisiúnta agus go hidirnáisiúnta araon.

I ndáil le truailleáin go sonrach, déantar idirdhealú leis an reachtaíocht idir substaintí a mheastar riosca a bheith ag baint leo ar leibhéal an Aontais Eorpaigh agus substaintí ar ábhar imní réigiúnach nó náisiúnta iad, agus tugtar aghaidh ar bhealaí difriúla orthu. Féachtar leis an tionscnamh seo le feabhas a chur ar an mbealach a láimhseálann na Ballstáit substaintí ar ábhar imní réigiúnach agus náisiúnta iad.

I gcás ina leagtar caighdeáin cáilíochta comhshaoil an Aontais síos, tugann an tAontas cuspóirí coiteanna isteach chun an uaillmhian maidir leis an truailliú nialasach a ghnóthú ar bhonn fianaise eolaíoch, ach fágtar faoi na Ballstáit an tsolúbthacht chun cinneadh a dhéanamh faoin mbealach is costéifeachtaí chun na cuspóirí sin a ghnóthú, agus reachtaíocht fhoinse‑bhunaithe ábhartha an Aontais á cur san áireamh. Ar an mbealach sin (cuspóirí coiteanna lena mbaineann an tsolúbthacht chun iad sin a ghnóthú), cruthaítear nasc leis an reachtaíocht fhoinse‑bhunaithe ar leibhéal an Aontais Eorpaigh (amhail an úsáid inbhuanaithe lotnaidicídí) agus cuidítear lena áirithiú go gcomhlíonfar na haidhmeanna a leagtar síos sa reachtaíocht sin go héifeachtach.

•Comhréireacht

•An rogha ionstraime

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

In 2019, cuireadh meastóireacht seiceála oiriúnachta ar reachtaíocht uisce an Aontais i gcrích, lenar cumhdaíodh an Treoir Réime maidir le hUisce, EQSD, GWD agus FD. Thángthas ar an gconclúid leis an tseiceáil oiriúnachta gurbh amhlaidh, cé go bhfuil an reachtaíocht oiriúnach don fheidhm den chuid is mó, gur féidir feabhsuithe eile a dhéanamh i ndáil le bheith ag dul i ngleic leis an truailliú ceimiceach. Cinneadh leis an tseiceáil oiriúnachta, ar an iomlán, go bhfuil trí chúis ann nach ndearnadh ach dul chun cinn teoranta i dtreo cuspóirí foriomlána na reachtaíochta a ghnóthú:

comhtháthú neamhleor na gcuspóirí uisce i mbeartais ábhartha eile;

infheistíocht neamhleor sna Ballstáit i dtionscadail agus i gcláir a bhaineann le huisce;

iarrachtaí cur chun feidhme neamhleora.

A mhéid a bhaineann le cur chun feidhme, cuireadh easnaimh éagsúla i dtábhacht i ndáil leis an truailliú ceimiceach: an éagsúlacht mhór sna caighdeáin cháilíochta le haghaidh truailleáin is truailleáin ábhartha náisiúnta, an t‑ualach riaracháin atá bainteach leis an tuairisciú, easpa shainiúlacht agus thráthúlacht na faisnéise tuairiscithe agus an próiseas chun na liostaí truailleán a thabhairt cothrom le dáta atá fadálach agus dian ar acmhainní. Tugtar aghaidh ar na heasnaimh sin leis an togra seo. Ina theannta sin, cuirtear san áireamh leis torthaí ábhartha ó sheiceáil oiriúnachta 2019 ar an reachtaíocht is ábhartha maidir le ceimiceáin 30 agus na gealltanais a rinneadh sa Straitéis Ceimiceán um an Inbhuanaitheacht. Go háirithe, déantar céim i dtreo (meascán) faireachán níos iomlánaíche trí úsáid modhanna éifeachtbhunaithe a thabhairt isteach, agus áirítear forálacha leis an togra chun feabhas a thabhairt ar thráthúlacht, éifeachtúlacht agus comhleanúnachas an mheasúnúcháin ghuaise agus riosca (trí chomhroinnt sonraí a éascú agus tríd an gcur chuige ‘substaint amháin, measúnú amháin’ a chur i bhfeidhm mar shampla).

Oiriúnacht rialála agus simpliú (REFIT)

Breithníodh roghanna leis an Measúnú Tionchair i dtaca leis an simpliú agus chun ualaí a laghdú. Maidir le substaintí a bhaint de liosta na dtruailleán uisce dromchla, is laghdú teoranta ar ualaí é, mar a dhéantar leis an athrú ar an athbhreithniú ar an liosta faire go ndéanfar gach 3 bliana seachas gach 2 bhliain é, agus leis an athbhreithniú ar na liostaí truailleán uisce dromchla agus screamhuisce trí ghníomhartha tarmligthe seachas trí chomhchinneadh. Le sásra um sheachadadh uathoibríoch sonraí faoin Treoir Réime maidir le hUisce agus faoi EQSD, laghdófar an t‑ualach tuairiscithe ar na Ballstáit, mar a dhéanfar le cur ar ceal na tuarascála eatramhaí ar chlár na mbearta faoi Airteagal 15(3) den Treoir Réime maidir le hUisce. Ach feabhas a chur ar na treoirlínte atá ann cheana maidir le Modhanna Éifeachtbhunaithe agus modheolaíocht chomhchuibhithe a fhorbairt maidir le faireachán a dhéanamh ar phlaistigh, simpleofar obair na mBallstát sna réimsí sin.

Agus an Measúnú Tionchair á fhorbairt, cuireadh bun‑saintréithe na tástála FBM i bhfeidhm agus tugadh torthaí faoi deara go háirithe i roinn 6. Tá FBManna gníomhach i dtáirgeadh agus in úsáid na dtruailleán ábhartha. Ba cheart a thabhairt faoi deara nach féidir tionchair a shainaithint agus a chainníochtú go beacht i gcoitinne toisc go mbraithfidh an tionchar ar bhearta a dhéanann na Ballstáit chun cuspóirí na reachtaíochta a ghnóthú.

Tuairim an Bhoird um Ghrinnscrúdú Rialála

D’eisigh an Bord um Ghrinnscrúdú Rialála tuairim dhearfach, an 24 Meitheamh 2022, ach bhí roinnt agús léi. D’iarr an Bord athruithe chun trí ghné a chur ina gceart go háirithe: (1) dearadh na roghanna, a measadh a bheith róchasta agus nár soiléiríodh go leor leo na príomhroghanna beartais; (2) na tionchair ar FBManna agus ar shaoránaigh, nár measadh anailís leormhaith a bheith déanta orthu, agus nach ndearnadh measúnú leis an tuarascáil ar an mbealach a d’fhéadfaí difear a dhéanamh do na Ballstáit aonair; (3) níor measadh go raibh an tuarascáil soiléir faoi ord méide na dtionchar lena raibh coinne, nach ndearnadh measúnú criticiúil ar bhailíocht na meastachán léiritheach sochar agus costas agus ar a n‑ábharthacht leis an tionscnamh, agus níor ceapadh go raibh comparáid na roghanna bunaithe ar an éifeachtacht, éifeachtúlacht agus comhleanúnachas a bhain leo.

Mar fhreagairt air sin, simplíodh na roghanna beartais, tríd an líon roghanna a laghdú agus trí roghanna a chomhiomlánú. Forbraíodh na tionchair ar FBManna a thuilleadh sa téacs tríd síos, mar a rinneadh leis an bhfaisnéis ar thionchair ar thomhaltóirí agus ar na Ballstáit. Soiléiríodh an léirmhíniú ar fhigiúirí maidir le costais agus sochair chun seachaint nach smaoineofar gur féidir iad a léirmhíniú mar chostais agus sochair atá nasctha leis na tionscnamh seo amháin. Tá an téacs maidir le Ceann Isteach, Ceann Amach curtha i gcrích. Ar deireadh, cuireadh an measúnú ar éifeachtacht, éifeachtúlacht agus comhleanúnachas le haghaidh na roghanna leis an téacs.

•Comhairliúcháin leis na páirtithe leasmhara

•Saineolas a bhailiú agus a úsáid

Sholáthair JRC saineolas inmheánach, go háirithe chun na truailleáin uisce dromchla a roghnú agus na caighdeáin cáilíochta comhshaoil (EQS) a dhíorthú. Sholáthair saineolaithe ó na Meithleacha maidir le Ceimiceáin agus Screamhuisce saineolas teicniúil seachtrach, lena n‑áirítear maidir le truailleáin screamhuisce. Thacaigh staidéar a d’ullmhaigh sainchomhairleoirí seachtracha le measúnú tionchair an Choimisiúin, staidéar lena ndearnadh athbhreithniú ar na tionchair eacnamaíocha, shóisialta agus chomhshaoil a bhaineann le raon roghanna beartais féideartha, agus na tionchair lena bhfuil coinne a bhaineann le beartais atá ann cheana agus le beartais atá beartaithe ar leibhéal an Aontais Eorpaigh á gcur san áireamh mar aon le hionchuir ó pháirtithe leasmhara. Tá sainchomhaid JRC maidir le substaintí, tuarascálacha ón Meitheal maidir le Screamhuisce, tuarascáil staidéir na sainchomhairleoirí agus tuarascálacha ó cheardlann na bpáirtithe leasmhara ar fáil in CIRCABC 31 .

•Measúnú tionchair

Áirithítear leis an bpacáiste beartas atá beartaithe go mbeidh athruithe reachtacha comhréireach fós, agus gur mó na sochair eacnamaíocha, shóisialta agus chomhshaoil ná na costais chomhfhreagracha, agus go mbeidh siad dírithe ar fhadhbanna ar fearr aghaidh a thabhairt orthu ar leibhéal an Aontais Eorpaigh.

Tá sé deacair costais an tionscnaimh seo a chainníochtú, agus go háirithe a shochair, i ngeall ar a idirghníomhaíocht le tionscnaimh beartais eile le haghaidh bearta áirithe ar fud an Aontais (agus i ngeall ar spleáchas an tionscnaimh orthu siúd). Thairis sin, is féidir leis na Ballstáit, a bheag nó a mhór, roghnú cé na bearta a chuirfidh siad chun feidhme chun an chomhlíontacht a ghnóthú: beidh siad sin éagsúil dá bhrí sin de réir imthosca áitiúla/náisiúnta.

I gcás screamhuisce, tá coinne le costais dhíreacha mhóra, as iobúpróifein, gliofosáit, PFAS agus bisfeanól A a chur leis an liosta substaintí tosaíochta, agus as an gcaighdeán cáilíochta comhshaoil a leasú i gcás hidreacarbón il‑timthriallach aramatach (HIA), mearcaire agus nicile chomh maith. Is dócha go mbeidh sé sin ina údar le costais forbartha táirgí le haghaidh an tionscail agus costais ionadaíochta le haghaidh úsáideoirí na substaintí sin, lena n‑áirítear san earnáil talmhaíochta.

I ndáil le screamhuisce, is dócha gur as caighdeáin cháilíochta a chur isteach le haghaidh PFAS a eascróidh na costais is suntasaí. Féadfaidh baint a bheith ag costais le srianadh úsáide na lotnaidicídí nó na ceimiceáin tionsclaíocha, mar shampla, agus le bithsholaid éillithe a bhainistiú agus dlús a chur leis an gcóireáil fuíolluisce. Costas na roghanna tosaíochta a bhaineann leis an digitiú, cuíchóiriú riaracháin agus bainistíocht riosca níos fearr, is de chineál riaracháin iad na costais sin, agus ar leibhéal an Aontais Eorpaigh a thiocfaidís chun cinn i dtosach báire agus bheidís íseal i gcoitinne, seachas an sásra um sheachadadh sonraí uathoibrithe b’fhéidir. Ní féidir costais a chur i leith an tionscnaimh seo go haonarach, i ngeall nach féidir idirghníomhaíochtaí agus sineirgí le go leor beartas eile de chuid an Aontais a sheachaint, ar beartais iad lena dtéitear i ngleic leis na substaintí céanna. Déantar inmheánú ar fhormhór chostais an truaillithe trí IED agus UWWTD, an toirmeasc todhchaí ar gach PFA ach amháin in úsáidí fíor‑riachtanacha, cur chun feidhme an tionscnaimh maidir le micreaphlaistigh atá ar na bacáin agus trí nithe eile. Mar shampla, leis an athbhreithniú ar UWWTD, cuirfear borradh faoi uasghrádú go leor UWWTPanna, agus tabharfar freagracht táirgeoirí leathnaithe isteach chun na costais a chumhdach, rud lena laghdófar go mór ualach na micreathruailleán a théann in uiscí dromchla agus screamhuiscí.

•Cearta bunúsacha

4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

•Doiciméid mhíniúcháin

•Míniúchán mionsonraithe ar fhorálacha sonracha an togra

(1)Leasuithe ar Threoir 2000/60/CE

Airteagail 1, 7(2), 11(3)(k), 4(1) agus Iarscríbhinní V (pointí 1.4.3, 2.3.2 and 2.4.5) agus VII (pointe 7.7) , leasaítear iad chun scriosadh beartaithe Airteagal 16 agus 17 a chur san áireamh (féach thíos).

Leasaítear Airteagal 2 maidir le sainmhínithe chun na sainmhínithe a thabhairt cothrom le dáta ar ‘Stádas ceimiceach maith san uisce dromchla’ agus ‘Caighdeáin Cáilíochta Comhshaoil’ agus na sainmhínithe a thabhairt isteach ar ‘Substaintí guaiseacha tosaíochta’ agus ar ‘Truailleáin a bhaineann a bhaineann go sonrach le habhantracha’. Is gá na hathruithe sin chun an méid seo a leanas a dhéanamh: 1) an togra chun an nós imeachta comhchinnteoireachta atá ann faoi láthair chun EQS a ghlacadh le gníomhartha tarmligthe, é sin a chur san áireamh; 2) raon feidhme an choincheapa maidir le ‘stádas ceimiceach’ a leathnú chun go gcumhdófar na ‘truailleáin a bhaineann go sonrach le habhantracha’ freisin, truailleáin a bhí ina gcuid roimhe seo den sainmhíniú maidir le ‘stádas éiceolaíoch’ faoi Iarscríbhinn V; 3) na spreag‑luachanna éifeachtbhunaithe todhchaí féideartha a chur san áireamh mar chuid den sainmhíniú maidir le ‘caighdeáin cáilíochta comhshaoil’.

Leasaítear Airteagal 3 maidir leis an gcomhordú riaracháin laistigh de cheantair abhantraí chun oibleagáid a thabhairt isteach, i gcás imthosca eisceachtúla de thionscnamh nádúrtha nó force majeure, go háirithe tuilte foircneacha, tréimhsí triomaigh fada, nó teagmhais truaillithe mhóra, ar oibleagáid a bheidh ann le haghaidh údarás inniúil na ndobharlach uile dá ndéantar difear b’fhéidir, lena n‑áirítear i mBallstáit atá lonnaithe i dtreo béal abhann, chun foláireamh a thabhairt dá chéile agus chun dul i gcomhar chun damáiste a íoslaghdú agus aghaidh a thabhairt ar iarmhairtí.

In aice leis an gcoigeartú a luaitear thuas chun scriosadh Airteagal 16 a chur san áireamh, leasaítear Airteagal 4 maidir le cuspóirí chun a áirithiú go n‑áireofar le mír (a)(iv) den Airteagal sin oibleagáid shainráite ar na Ballstáit chun truailliú ó thruailleáin a bhaineann go sonrach le habhantracha a laghdú de réir a chéile freisin, seachas díreach truailliú ó shubstaintí tosaíochta.

Leasaítear Airteagal 8, mír 3 maidir le modhanna chun anailís agus faireachán a dhéanamh ar an stádas uisce chun an nós imeachta coiste a ailíniú le Conradh Liospóin tríd an ‘nós imeachta scrúdúcháin’ a leagtar amach in Airteagal 21 a chur in ionad an ‘nós imeachta rialúcháin lena ngabhann grinnscrúdú’ a bhí ann roimhe. Ina theannta sin, tugtar cumhachtú nua isteach sa mhír chéanna chun go mbeifear in ann gníomhartha cur chun feidhme a ghlacadh chun tuilleadh mionsonraí a leagan síos a mhéid a bhaineann leis na hoibleagáidí nua chun sonraí faireacháin a chur ar fáil do EEA, mar aon le sonraí stádais a chur ar fáil ar bhonn níos tráthrialta, i gcomhréir lemíreanna nua 4 agus 5. Tá na leasuithe sin go hiomlán i gcomhréir le hoibleagáidí atá ann cheana faoi Threoir 2007/2/CE (Inspire), lena gcuirtear d’oibleagáid ar na Ballstáit tacair sonraí spásúla a chur ar fáil go poiblí lena n‑áirítear tacair sonraí maidir le háit agus le hoibriú saoráidí faireacháin comhshaoil, tomhais astaíochtaí ghaolmhara agus staid na meán comhshaoil (aer, uisce, ithir). Chun an t‑ualach riaracháin a laghdú, ba cheart scaipeadh sonraí a chuíchóiriú a thuilleadh freisin, i gcomhréir le Straitéis Dhigiteach an Aontais, Treoir (AE) 2019/1024 maidir le sonraí oscailte agus an cur chuige ‘substaint amháin measúnú amháin’ faoin Straitéis maidir le Ceimiceáin Inbhuanaithe.

Leasaítear Airteagal 10 maidir leis an gcur chuige comhcheangailte i leith poncfhoinsí agus foinsí idirleata chun na tagairtí do threoracha éagsúla, lena dtugtar aghaidh ar an truailliú ó phoncfhoinsí agus ó fhoinsí idirleata, a thabhairt cothrom le dáta (anuas ar na tagairtí sin a aisghairm agus a ionadú).

Modhnaítear Airteagal 12 maidir le fadhbanna nach féidir le haon Bhallstát amháin déileáil leo chun an nós imeachta um chomhar idir na Ballstáit a láidriú agus a chur ar bhonn foirmiúil.

Scriostar Airteagal 15(3) maidir leis an tuairisciú eatramhach a dhéantar gach 3 bliana ar dhul chun cinn na gclár beart, toisc go meastar gur díréireach an t‑ualach oibre a eascraíonn as an tuairisciú sin i gcomparáid leis na gnóthachain i dtéarmaí rialú agus stiúradh cur chun feidhme níos fearr.

Toisc go bhfuil siad imithe i léig, scriostar Airteagail 16 agus 17 maidir leis an nós imeachta lenar ceanglaíodh ar an gCoimisiún tograí reachtacha a bhunú chun EQS a liostú agus a shainaithint le haghaidh dobharlaigh dhromchla agus screamhuisce.

Leasaítear Airteagal 18(2)(e) chun scriosadh beartaithe Airteagal 16 a chur san áireamh, ach leasaítear Airteagal 18(4) chun scriosadh beartaithe Airteagal 15(3) a chur san áireamh.

Leasaítear Airteagal 20 maidir le hoiriúnuithe teicniúla chun an méid seo a leanas a dhéanamh: 1) an nós imeachta um ghníomhartha tarmligthe a chur in ionad an nós imeachta rialúcháin lena ngabhann grinnscrúdú atá ann faoi láthair chun Iarscríbhinní I agus III a mhodhnú; 2) an nós imeachta scrúdúcháin a chur ionad an nós imeachta rialúcháin atá ann faoi láthair maidir le treoirlínte a ghlacadh i dtaca le hIarscríbhinní II agus V a chur chun feidhme agus i dtaca le formáidí a leagan síos maidir le sonraí a tharchur agus a phróiseáil.

Le hAirteagal nua 20a tugtar isteach na forálacha a bhaineann leis an nós imeachta chun gníomhartha tarmligthe a ghlacadh, i gcomhréir le Conradh Liospóin.

Is é is aidhm don leasú ar Airteagal 21 maidir leis an nós imeachta Coiste, an tagairt don ‘rialachán maidir leis an nós imeachta coiste’ is infheidhme faoi láthair a chur in ionad na tagartha don ‘chinneadh maidir leis an nós imeachta coiste’ a bhí ann roimhe.

Leasaítear Airteagal 22 maidir le haisghairmeacha agus forálacha idirthréimhseacha, chun na tagairtí a thabhairt cothrom le dáta agus cuirtear san áireamh na hathruithe atá beartaithe ar Iarscríbhinní ábhartha a ghabhann le Treoracha 2000/60/CE agus 2008/105/CE.

In aice leis na coigeartuithe a luaitear thuas chun scriosadh Airteagal 16 a chur san áireamh, leasaítear Iarscríbhinn V chun an méid seo a leanas a dhéanamh: 1) na truailleáin a bhaineann go sonrach le habhantracha a bhaint amach as na sainmhínithe ar stádas éiceolaíoch agus iad a áireamh ar an sainmhíniú maidir le stádas ceimiceach, d’fhonn a áirithiú go ndéanfar an faireachán ar shubstaintí tosaíochta agus ar thruailleáin a bhaineann le habhantrach araon, ní díreach i gcás ina sceitear na truailleáin sin san uisce, ach freisin i gcás ina ndéanfar iad a dheascadh tríd an aer; 2) cumhachtaí a thabhairt don Choimisiún chun torthaí an chleachtaidh idirchalabraithe a ghlacadh le gníomhartha tarmligthe; 3) é a chur ar a chumas do na Ballstáit úsáid a bhaint as teicnící faireacháin nua lena n‑áirítear faire na cruinne agus an chianbhraiteacht.

Leasaítear Iarscríbhinn VIII maidir le liosta táscach de phríomhthruailleáin chun micreaphlaistigh agus géinte frithsheasmheastachta frithmhiocróbaí a áireamh.

Scriostar Iarscríbhinn X, toisc go gcuirtear an liosta i gCuid A d’Iarscríbhinn I a ghabhann le Treoir 2008/105/CE in ionad an liosta atá sa chéad Iarscríbhinn sin.

(2)Leasuithe ar an Treoir maidir le Screamhuisce 2006/118/CE (GWD)

Leasaítear an teideal chun a shoiléiriú nach mbaineann an Treoir seo ach amháin leis an truailliú seachas le stádas cainníochtúil na screamhuiscí.

Leasaítear Airteagal 1 maidir le cuspóir na Treorach chun an tagairt d’Airteagal 17 den Treoir Réime maidir le hUisce a bhaint amach, i bhfianaise gurbh é an tAirteagal sin an bunús chun GWD féin a ghlacadh agus dá réir sin, go bhfuil sé imithe i léig.

Leasaítear Airteagal 2 maidir leis na sainmhínithe chun an sainmhíniú maidir le luachanna tairsí a leagtar síos ar leibhéal an Aontais Eorpaigh a áireamh, in aice leo siúd a leagtar síos ar leibhéal na mBallstát.

Leasaítear Airteagal 3 maidir leis na critéir chun measúnú a dhéanamh ar stádas ceimiceach screamhuisce chun an sainmhíniú nua ar ‘luachanna tairsí a leagtar síos ar leibhéal an Aontais Eorpaigh’ a chur áireamh.

Leasaítear Airteagal 4 maidir leis an nós imeachta chun measúnú a dhéanamh ar stádas ceimiceach screamhuisce ar an gcúis chéanna leis an leasú a dhéantar ar Airteagal 3.

Cuirtear isteach Airteagal 6a nua chun gur sásra éigeantach é an ‘Sásra Liosta Faire’ le haghaidh dobharlaigh screamhuisce, rud atá comhsheasmhach leis an bhforáil a leagtar síos le hAirteagal 8b de EQSD. Leis an sásra sin, leagtar síos próiseas a dhéantar gach 3 bliana, lena dtugann an Coimisiún, le hionchur ó ECHA agus i ndlúthchomhairle leis na Ballstáit, tosaíocht do shubstaintí maidir leis an bhfaireachán orthu i screamhuisce. Cuirfidh an fhaisnéis a eascróidh as sin leis an athbhreithniú a dhéantar gach 6 bliana ar chaighdeáin cháilíochta lena n‑áireamh in Iarscríbhinn I. Áirítear freisin leis an bhforáil oibleagáid ar ECHA chun na tuarascálacha eolaíocha a ullmhaítear i ndáil leis an Liosta Faire a chur ar fáil go poiblí.

Leasaítear Airteagal 8 maidir le hoiriúnuithe teicniúla chun an méid seo a leanas a dhéanamh: 1) an nós imeachta le haghaidh gníomhartha tarmligthe a chur in ionad an nós imeachta le haghaidh gníomhartha cur chun feidhme, chun oiriúnú don dul chun cinn eolaíoch agus teicniúil Codanna A agus C d’Iarscríbhinn II mar aon le hIarscríbhinní III agus IV; 2) cumhachtaí tarmligthe a thabhairt don Choimisiún chun truailleáin nua screamhuisce a liostú in Iarscríbhinn I agus chun caighdeáin cháilíochta nua ar fud an Aontais a leagan síos le haghaidh na dtruailleán sin, mar aon le liosta a dhéanamh, i gCuid B d’Iarscríbhinn II, de na truailleáin nach mór do na Ballstáit cuimhneamh ar luachanna tairsí náisiúnta a leagan síos lena n‑aghaidh; 3) cumhachtaí tarmligthe a thabhairt don Choimisiún luachanna tairsí a leagan síos ar leibhéal an Aontais Eorpaigh, i gcás inar gá agus fiú i gcás truailleáin nó grúpaí truailleán nach ábhar imní ar fud an Aontais iad, chun leibhéal chosaint shláinte an duine agus an chomhshaoil a fheabhsú agus cur chun feidhme níos comhchuibhithe a ghnóthú; 4) ról lárnach ECHA sa chreat sin a shoiléiriú, mar aon leis an oibleagáid ar ECHA tuarascálacha eolaíocha i ndáil le leasuithe féideartha a chur ar fáil go poiblí.

Cuirtear Airteagal nua 8a isteach chun na forálacha a thabhairt isteach, ar forálacha iad a bhaineann leis an nós imeachta chun gníomhartha tarmligthe a ghlacadh, i gcomhréir le Conradh Liospóin.

Leasaítear Airteagal 9 maidir leis an nós imeachta Coiste chun an ‘rialachán maidir leis an nós imeachta coiste’ a tháinig chun bheith ann níos déanaí, a chur in ionad an ‘chinnidh maidir leis an nós imeachta coiste’ a bhí ann roimhe.

Scriostar Airteagal 10 maidir leis an athbhreithniú ar Iarscríbhinní I agus II tríd an nós imeachta comhchinnteoireachta, chun an nós imeachta nua maidir le gníomhartha tarmligthe a leagtar amach in Airteagail 8 agus 8a a chur san áireamh.

Leasaítear Iarscríbhinn I maidir le caighdeáin cháilíochta ar fud an Aontais i dtaca le truailleáin screamhuisce chun truailleáin nua screamhuisce a chur isteach agus caighdeáin cháilíochta ghaolmhara le haghaidh substaintí sárfhluarailcile agus polafluarailcile (PFAS), earraí cógaisíochta agus meitibilítí lotnaidicídí (nrMs) neamhábhartha.

Leasaítear Iarscríbhinn II maidir le luachanna tairsí náisiúnta le haghaidh truailleáin screamhuisce chun an méid seo a leanas a dhéanamh: 1) an tsubstaint cógaisíochta primeadón a chur sa liosta substaintí sintéiseacha a gcuimhneoidh na Ballstáit ar luachanna tairsí náisiúnta a leagan síos lena n‑aghaidh; 2) soiléiriú nach mbaineann na Codanna B agus C den Iarscríbhinn sin ach amháin leis an sásra chun tairseacha a leagan síos ar an leibhéal náisiúnta; 3) áirithiú go gcuirfidh na Ballstáit ECHA ar an eolas chun go mbeidh ECHA in ann an fhaisnéis sin a chur ar fáil go poiblí agus 4) Cuid D nua a chur leis an Iarscríbhinn chun luachanna tairsí comhchuibhithe a áireamh le haghaidh an ghrúpa substaintí ‘suim Teitreaclóireitiléine agus Tríchlóireitiléine’.

Leasaítear Airteagal III maidir leis an measúnú a dhéanamh ar stádas ceimiceach screamhuisce agus Iarscríbhinn IV maidir le treochtaí marthanacha mhóra in airde a shainaithint agus a aisiompú, chun an coincheap nua ‘luachanna tairsí a leagtar síos ar leibhéal an Aontais Eorpaigh’ a chur san áireamh.

(3)Leasuithe ar an Treoir maidir le Caighdeáin Cáilíochta Comhshaoil 2008/105/CE (EQSD)

Leasaítear an teideal chun a shoiléiriú go mbaineann an Treoir le truailliú na n‑uiscí dromchla.

Leasaítear Airteagal 3 maidir le caighdeán cáilíochta comhshaoil chun na dátaí cur i bhfeidhm le haghaidh na gcaighdeán cáilíochta comhshaoil nua agus athbhreithnithe a shoiléiriú. Déantar na hoibleagáidí maidir le faireachán i mbithra i mír 2 agus maidir le measúnuithe treochta fadtéarmaí i mír 6 a shimpliú freisin, tríd a raon feidhme a shoiléiriú san Iarscríbhinn. Scriostar mír 7 d’Airteagal 3 chun a bhfuil beartaithe a chur san áireamh maidir leis an nós imeachta um ghníomhartha tarmligthe a chur in ionad an nós imeachta comhchinnteoireachta, chun liosta na substaintí tosaíochta a athrú.

Leasaítear Airteagal 5 maidir le fardail astaíochtaí chun an oibleagáid tuairiscithe a shimpliú agus a chuíchóiriú, i gcás inar féidir, leis an oibleagáid tuairiscithe atá ann faoi reachtaíocht an Aontais chun aghaidh a thabhairt ar astaíochtaí ó shuiteálacha móra tionsclaíocha (a bhfuil athbhreithniú á dhéanamh air faoi láthair) agus chun go mbeifear in ann tuairisciú simplithe a dhéanamh don Tairseach um Astaíochtaí Tionsclaíocha, agus leagfar na mionsonraí síos trí ghníomh cur chun feidhme a bheidh ann amach anseo. Maidir leis an tuairisciú faoi chuimsiú na bPleananna Bainistíochta Abhantraí, is maidir le hastaíochtaí idirleata amháin a bheidh feidhm ag an tuairisciú sin fós dá bhrí sin.

Leasaítear Airteagal 7a maidir leis an gcomhordú idir píosaí éagsúla de dhlí an Aontais maidir le ceimiceáin chun go n‑áireofar tagairt do dhlí an Aontais maidir le hearraí cógaisíochta, agus chun a bhfuil beartaithe a chur san áireamh, maidir leis an nós imeachta i dtaca le gníomhartha tarmligthe a chur in ionad an nós imeachta comhchinnteoireachta, chun EQS a thabhairt cothrom le dáta nó EQS nua a leagan síos.

Leasaítear Airteagal 8 chun an méid seo a leanas a dhéanamh: 1) cumhachtaí tarmligthe a thabhairt don Choimisiún Eorpach chun athbhreithniú a dhéanamh gach 6 bliana ar Iarscríbhinn I chun cuimhneamh ar shubstaintí tosaíochta nua a liostú agus ar chaighdeáin cáilíochta comhshaoil ghaolmhara, bunaithe ar ionchur ó ECHA; 2) cumhachtaí tarmligthe a thabhairt don Choimisiún Eorpach chun athbhreithniú a dhéanamh go tráthrialta ar an liosta catagóirí de thruailleáin a bhaineann go sonrach le habhantracha agus a áirítear i gCuid B den Iarscríbhinn II nua (tagann an Iarscríbhinn II sin in ionad phointe 1.2.6 chun na críche sin, mar aon le hIarscríbhinn VIII den Treoir Réime maidir le hUisce, a dhéanfar a mhodhnú dá réir chun na truailleáin a bhaineann go sonrach le habhantracha a bhaint as an sainmhíniú maidir le stádas éiceolaíoch agus iad a chur isteach ina gcuid den chóras is infheidhme maidir le stádas ceimiceach); 3) cumhachtaí tarmligthe a thabhairt don Choimisiún Eorpach chun EQS ar fud an Aontais a ghlacadh, i gcás inar gá, le haghaidh truailleáin a bhaineann go sonrach le habhantracha agus iad sin a liostú i gCuid C d’Iarscríbhinn II (liostaítear leis an togra sa Chuid C sin ceithre shubstaint tosaíochta a áiríodh in Iarscríbhinn I roimhe ach atá ‘díliostaithe’ toisc nach meastar gur ábhar imní ar fud an Aontais iad); 4) soiléiriú a dhéanamh ar an ról lárnach atá le bheith ag ECHA maidir le EQS a cheapadh, i ndlúthchomhar leis na Ballstáit agus le páirtithe leasmhara, mar aon le soiléiriú ar a hoibleagáid tuarascálacha eolaíocha a bhaineann le leasú na nIarscríbhinní a chur ar fáil go poiblí.

Leasaítear Airteagal 8a chun an méid seo a leanas a dhéanamh: 1) simpliú a dhéanamh ar an mbealach a fhéadfaidh na Ballstáit stádas ceimiceach a chur i láthair le haghaidh PBTanna uileláithreacha ar leithligh ón stádas ceimiceach foriomlán; 2) ceadú do na Ballstáit faireachán a dhéanamh nach mbeidh chomh dian i gcás substaintí éagsúla; 3) é a chur de cheangal ar na Ballstáit faireachán éifeachtbhunaithe a dhéanamh chun measúnú a dhéanamh ar láithreacht hormón éastraigineach i ndobharlaigh, i bhfianaise spreag‑luachanna éifeachtbhunaithe a d’fhéadfaí a leagan síos sa todhchaí.

Leasaítear Airteagal 8b chun an méid seo a leanas a dhéanamh: 1) feabhas a chur ar thimthriall faireacháin agus athbhreithniúcháin an tsásra Liosta Faire, agus timthriall 3 bliana á leagan síos in áit an timthrialla 2 bhliain atá ann faoi láthair. Tabharfar tuilleadh ama leis sin chun na sonraí a phróiseáil sula ndéanfar athbhreithniú ar an liosta, i gcomhpháirt leis an síneadh a bhfuil sé beartaithe a chur leis an timthriall faireacháin ó 12 go 24 mhí chun gur fearr a bheifear in ann minicíochtaí difriúla a bhreithniú i gcás truailleáin ag a bhfuil patrúin astaíochta shéasúracha (e.g. lotnaidicídí/bithicídí); 2) ceadú go n‑áireofar micreaphlaistigh agus géinte frithsheasmheastachta frithmhiocróbaí roghnaithe sa chéad Liosta Faire eile, ach modhanna faireacháin agus modhanna iomchuí a bheith sainaitheanta, le hionchur ó ECHA.

Le hAirteagal 8d nua áirítear an oibleagáid ar na Ballstáit EQS a leagan síos le haghaidh na truailleáin a bhaineann go sonrach le habhantracha agus a liostaítear i gCuid A den Iarscríbhinn II nua. Tagann sé sin in ionad na hoibleagáide atá foirmlithe faoi láthair i bpointe 1.2.6 d’Iarscríbhinn V a ghabhann leis an Treoir Réime maidir le hUisce, i gcomhréir leis an togra chun a dhaingniú go dtiocfaidh truailleáin a bhaineann go sonrach le habhantracha chun bheith ina gcuid den mheasúnú ar stádas ceimiceach na ndobharlach dromchla, seachas stádas éiceolaíoch na ndobharlach sin. Is é is aidhm freisin don fhoráil a áirithiú, i gcás ina mbeidh EQS ar fud an Aontais leagtha síos le haghaidh truailleáin áirithe a bhaineann go sonrach le habhantracha, go dtabharfar tús áite dóibh siúd thar EQS a leagtar síos ar an leibhéal náisiúnta. Ar deireadh leis an leasú, cuirtear d’oibleagáid ar na Ballstáit ECHA a chur ar an eolas chun é a chur ar a chumas don Ghníomhaireacht sin poibliú a dhéanamh ar aon intinn a bheidh aici i leith truailleáin a liostú agus/nó EQS a leagan síos, chun an trédhearcacht agus sineirgí a mhéadú.

Airteagal 10, lena soiléirítear go bhfuil an téacs a leagtar amach in Iarscríbhinn II a ghabhann le Treoir 2008/105/CE le cur in ionad Iarscríbhinn X a ghabhann leis an Treoir Réime maidir le hUisce, scriostar an tAirteagal 10 sin toisc nárbh ann d’Iarscríbhinn II a ghabhann le Treoir 2008/105/CE agus toisc go scriostar Iarscríbhinn X de bhun nós imeachta a bheith á áireamh, i dTreoir 2008/105/CE, maidir le gníomhartha tarmligthe chun liosta na substaintí tosaíochta a oiriúnú agus chun EQS comhfhreagrach a leagan síos.

Modhnaítear teideal Iarscríbhinn I chun an coincheap maidir le ‘truailleáin eile’ a thógáil amach, ar coincheap é atá imithe i léig, toisc go dtagraítear leis do shubstaintí a cumhdaíodh le reachtaíocht eile roimh ghlacadh EQSD; ní gá a thuilleadh idirdhealú a dhéanamh idir substaintí tosaíochta agus na ‘truailleáin eile’ sin. Cuid A, lena liostaítear na substaintí agus EQS a bhaineann leo, cuirtear Iarscríbhinn nua ina hionad lena liostaítear 23 shubstaint bhreise anois a bhaineann le liosta na substaintí tosaíochta: earraí cógaisíochta, substaintí tionsclaíocha, lotnaidicídí agus miotail. Tugtar le fios freisin leis an Iarscríbhinn na substaintí atá guaiseach, iad siúd ar PBTanna uileláithreacha iad mar aon leo siúd nach mór measúnú treochta fadtéarmaí a dhéanamh orthu.

Cuirtear Iarscríbhinn II nua isteach, lena leagtar amach i gCuid A liosta táscach de thruailleáin a bhaineann go sonrach le habhantracha nach mór do na Ballstáit cuimhneamh ar chaighdeáin cáilíochta comhshaoil a leagan síos lena n‑aghaidh agus na caighdeáin sin a chur i bhfeidhm i gcás inar údar imní iad. Áirítear i gCuid B na prionsabail ghinearálta agus tagraítear do threoraíocht chun déanamh amhlaidh, agus i gCuid C, áirítear stór EQS comhchuibhithe le haghaidh truailleáin a bhaineann go sonrach le habhantracha. Déanfar Cuid C a oiriúnú trí ghníomhartha tarmligthe a bheidh ann amach anseo trína ndéanfaidh an Coimisiún EQS comhchuibhithe a leagan síos le haghaidh truailleáin áirithe eile a bhaineann go sonrach le habhantracha i gcás inar ghá sin chun cosaint chomhchuibhithe leordhóthanach an chomhshaoil a áirithiú, fiú i gcás truailleáin nach ábhar imní iad nó nach ábhar imní ar fud an Aontais fós iad.

2022/0344 (COD)

Togra le haghaidh

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoir 2000/60/CE lena mbunaítear creat do ghníomhaíocht Chomhphobail i réimse an bheartais uisce, Treoir 2006/118/CE maidir le screamhuisce a chosaint ar thruailliú agus ar mheath agus Treoir 2008/105/CE maidir le caighdeáin cáilíochta comhshaoil i réimse an bheartais uisce

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 192(1) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a tarchur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 33 ,

Ag féachaint don tuairim ó Choiste na Réigiún 34 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Is bagairt é truailliú ceimiceach uisce dromchla agus screamhuisce don timpeallacht uisceach, agus éifeachtaí i gceist leis amhail géarthocsaineacht agus tocsaineacht ainsealach in orgánaigh uisceacha, carnadh truailleán san éiceachóras agus caillteanas gnáthóg agus bithéagsúlachta, mar aon le bagairt ar shláinte an duine. Trí chaighdeáin cáilíochta comhshaoil a leagan síos, cuidítear leis an uaillmhian maidir le truailliú nialasach le haghaidh timpeallacht saor ó thocsainí a chur chun feidhme.

(2)De bhun Airteagal 191(2), an dara habairt, den Chonradh ar Fheidhmiú an Aontais Eorpaigh (CFAE), tá beartas an Aontais maidir leis an gcomhshaol le bunú ar phrionsabal an réamhchúraim agus ar na prionsabail go bhfuil gníomhaíocht choisctheach le déanamh, go bhfuil damáiste don chomhshaol le cur ina cheart, mar thosaíocht, ag an bhfoinse agus gurb é an truaillitheoir a íocfaidh as.

(3)An Comhaontú Glas don Eoraip 35 is é sin straitéis an Aontais chun geilleagar ciorclach, glan agus aeráidneodrach a áirithiú, faoi 2050, agus bainistíocht acmhainní á barrfheabhsú agus an truailliú á íoslaghdú. Le Straitéis Ceimiceán an Aontais um an Inbhuanaitheacht 36 agus leis an bPlean Gníomhaíochta maidir le Truailliú Nialasach 37 tugtar aghaidh go sonrach ar ghnéithe den Chomhaontú Glas don Eoraip a bhaineann leis an truailliú. Ar na beartais chomhlántacha eile atá ábhartha go háirithe, áirítear Straitéis an Aontais um Plaistigh 2018 38 , an Straitéis Chógaisíochta don Eoraip 2021 39 , an Straitéis Bhithéagsúlachta 40 , an Straitéis ón bhFeirm go dtí an Forc 41 , Straitéis Ithreach an Aontais Eorpaigh le haghaidh 2030 42 , Straitéis Dhigiteach an Aontais 43 agus an Straitéis Eorpach maidir le Sonraí 44 .

(4)Le Treoir 2000/60/CE ó Pharlaimint na hEorpa agus ón gComhairle 45 leagtar síos creat chun uiscí dromchla intíre, uiscí trasdultacha, uiscí cósta agus screamhuisce a chosaint. Is éard atá i gceist leis an gcreat sin substaintí tosaíochta a shainaithint ina measc siúd lena mbaineann riosca substaintiúil don timpeallacht uisceach, nó tríd an timpeallacht sin, ar leibhéal an Aontais. Le Treoir 2008/105/CE ó Pharlaimint na hEorpa agus ón gComhairle 46 leagtar síos caighdeáin cáilíochta comhshaoil (EQS) uile-Aontais le haghaidh na 45 shubstaint tosaíochta a liostaítear in Iarscríbhinn X a ghabhann le Treoir 2000/60/CE agus ocht dtruailleán eile a bhí á rialáil ar leibhéal an Aontais cheana féin sular tugadh Iarscríbhinn X isteach le Cinneadh Uimh. 2455/2001/CE ó Pharlaimint na hEorpa agus ón gComhairle 47 . Le Treoir 2006/118/CE ó Pharlaimint na hEorpa agus ón gComhairle 48 leagtar caighdeáin cáilíochta uile-Aontais síos le haghaidh níotráití agus substaintí gníomhacha i lotnaidicídí agus critéir maidir le luachanna tairsí náisiúnta a leagan síos le haghaidh truailleáin screamhuisce eile. Leagtar síos freisin leis íosliosta de 12 thruailleán agus a dtáscairí a gceanglaítear ar na Ballstáit cuimhneamh ar luachanna tairsí náisiúnta den sórt sin a leagan síos lena n‑aghaidh. Leagtar na caighdeáin cáilíochta screamhuisce amach in Iarscríbhinn I a ghabhann le Treoir 2006/118/CE.

(5)Meastar substaintí lena liostú in Iarscríbhinn X a ghabhann le Treoir 2000/60/CE nó in Iarscríbhinn I nó in Iarscríbhinn II a ghabhann le Treoir 2006/118/CE bunaithe ar mheasúnú ar an riosca a bhaineann leo do dhaoine agus don timpeallacht uisceach. Is iad príomh‑chomhpháirteanna an mheasúnaithe sin eolas ar thiúchain na substaintí sa chomhshaol, lena n‑áirítear faisnéis a bhailítear ón bhfaireachán a dhéantar ar an liosta faire, agus ar (éicea)thoscaineolaíocht na substaintí, mar aon lena marthanacht, bithbhailiú, carcanaigineacht, só‑ghineacht, tocsaineacht maidir le síolrú agus poitéinseal suaite inchríneach.

(6)Rinne an Coimisiún athbhreithniú ar liosta na substaintí tosaíochta in Iarscríbhinn X a ghabhann le Treoir 2000/60/CE i gcomhréir le hAirteagal 16(4) den Treoir sin agus le hAirteagal 8 de Threoir 2008/105/CE, agus ar an liosta substaintí in Iarscríbhinní I agus II a ghabhann le Treoir 2006/118/CE i gcomhréir le hAirteagal 10 den Treoir sin agus chinn sé, i bhfianaise eolas eolaíoch nua, gurb iomchuí na liostaí sin a leasú trí shubstaintí nua a chur leo, EQS nó caighdeáin cáilíochta screamhuisce a leagan síos le haghaidh na substaintí sin a chuirtear leis na liostaí sin den chéad uair, athbhreithniú a dhéanamh ar EQS le haghaidh substaintí áirithe atá ann cheana i gcomhréir leis an dul chun cinn eolaíoch agus EQS maidir le bithra a leagan síos le haghaidh substaintí áirithe atá ann cheana agus substaintí a cuireadh leis an liosta den chéad uair. Shainaithin an Coimisiún freisin cé na substaintí breise is dócha a charnfaidh i ndríodar nó i mbithra, agus shoiléirigh gur cheart faireachán a dhéanamh ar threochtaí na substaintí sin i ndríodar nó i mbithra. Bhí comhairliúchán fairsing le saineolaithe ó sheirbhísí an Choimisiúin, ó na Ballstáit, ó ghrúpaí páirtithe leasmhara agus ón gCoiste Eolaíoch um Rioscaí Sláinte agus Comhshaoil, agus Rioscaí atá ag Teacht chun Cinn (SCHEER) ina thacaíocht leis na hathbhreithnithe ar na liostaí substaintí.

(7) Tá gá le meascán de bhearta, lena ndéantar rialú ag an bhfoinse agus ag deireadh an phíopa araon, chun déileáil go héifeachtach le formhór na dtruailleán ar feadh a saolré, lena n‑áirítear, de réir mar is ábhartha, dearadh ceimiceach, údarú nó formheas, rialú astaíochtaí le linn monaraíochta agus úsáide agus próisis eile, agus láimhseáil dramhaíola. Dá bhrí sin, trí chaighdeáin cháilíochta nua nó níos déine i ndobharlaigh a leagan síos, comhlánaítear reachtaíocht eile de chuid an Aontais agus bíonn na caighdeáin ag teacht leis an reachtaíocht sin, reachtaíocht lena dtugtar aghaidh ar fhadhb an truaillithe nó lena bhféadfaí déanamh amhlaidh ag ceann amháin nó níos mó de na céimeanna sin, lena n‑áirítear Rialachán (CE) Uimh. 1907/2006 ó Pharlaimint na hEorpa agus ón gComhairle 49 , Rialachán (CE) Uimh. 1107/2009 ó Pharlaimint na hEorpa agus ón gComhairle 50 , Rialachán (AE) Uimh. 528/2012 ó Pharlaimint na hEorpa agus ón gComhairle 51 , Rialachán (AE) 2019/6 ó Pharlaimint na hEorpa agus ón gComhairle 52 , Treoir 2001/83/CE ó Pharlaimint na hEorpa agus ón gComhairle 53 , Treoir 2009/128/CE ó Pharlaimint na hEorpa agus ón gComhairle 54 , Treoir 2010/75/AE ó Pharlaimint na hEorpa agus ón gComhairle 55 agus Treoir 91/271/CEE ón gComhairle 56 .

(8)Tugtar le fios leis an eolas eolaíoch nua go mbaineann riosca mór le truailleáin éagsúla eile a bhíonn le fáil i ndobharlaigh, i dteannta na dtruailleán a rialáiltear cheana féin. I gcás screamhuisce, sainaithníodh fadhb áirithe tríd an bhfaireachán deonach le haghaidh substaintí sárfhluarailcile agus polafluarailcile (PFAS) agus earraí cógaisíochta. Braitheadh PFAS ag breis agus 70 % de na pointí tomhais screamhuisce san Aontas agus is léir go sáraítear tairseacha náisiúnta atá ann cheana ag líon nach beag áiteanna, agus go mbíonn substaintí cógaisíochta le fáil go forleathan freisin. I gcás uiscí dromchla, tá aigéad sulfónach sárfhluarochtáin agus a dhíorthaigh liostaithe cheana féin mar shubstaintí tosaíochta, ach aithnítear anois go mbaineann riosca le PFAS eile freisin. Leis an bhfaireachán a dhéantar faoin Liosta faire faoi Airteagal 8b de Threoir 2008/105/CE, deimhníodh riosca ó roinnt substaintí cógaisíochta in uiscí dromchla, substaintí ar cheart iad a chur leis an liosta substaintí tosaíochta dá bhrí sin.

(9)Le Treoir 2000/60/CE, ceanglaítear ar na Ballstáit dobharlaigh a shainaithint ar dobharlaigh iad a úsáidtear chun uisce a asbhaint atá beartaithe lena thomhailt ag an duine, faireachán a dhéanamh orthu, agus na bearta is gá a dhéanamh chun meath ar a gcáilíocht a sheachaint agus laghdú a dhéanamh ar an leibhéal cóireála íonghlanta is gá chun uisce atá oiriúnach lena thomhailt ag an duine a tháirgeadh. Sa chomhthéacs sin, sainaithníodh micreaphlaistigh mar riosca féideartha do shláinte an duine, ach tá gá le tuilleadh sonraí faireacháin chun a dheimhniú gur gá caighdeán cáilíochta comhshaoil a leagan síos le haghaidh micreaphlaistigh in uiscí dromchla agus screamhuisce. Ba cheart micreaphlaistigh a áireamh dá bhrí sin sna liostaí faire uisce dromchla agus screamhuisce agus ba cheart faireachán a dhéanamh orthu a luaithe a bheidh modhanna faireacháin oiriúnacha sainaitheanta ag an gCoimisiún. Sa chomhthéacs sin, ba cheart na modheolaíochtaí a chur san áireamh chun faireachán agus measúnú a dhéanamh ar na rioscaí ó mhicreaphlaistigh in uisce óil, modheolaíochtaí a forbraíodh faoi Threoir (AE) 2020/2184 ó Pharlaimint na hEorpa agus ón gComhairle 57 .

(10)Cuireadh imní in iúl faoin riosca a bhaineann le forbairt na frithsheasmheastachta frithmhiocróbaí de dheasca microrgánaigh frithsheasmheastachta frithmhiocróbaí agus géinte frithsheasmheastachta frithmhiocróbaí a bheith i láthair sa timpeallacht uisceach, ach is beag faireachán atá déanta go dtí seo. Ba cheart géinte frithsheasmheastachta frithmhiocróbaí ábhartha a áireamh freisin sna liostaí faire uisce dromchla agus screamhuisce agus ba cheart faireachán a dhéanamh orthu a luaithe a bheidh modhanna faireacháin oiriúnacha forbartha. Tá sé sin i gcomhréir leis an bPlean Gníomhaíochta Eorpach ‘Aon Sláinte Amháin’ i gcoinne Frithsheasmhacht in aghaidh Ábhair Fhrithmhiocróbacha, a ghlac an Coimisiún i mí an Mheithimh 2017, agus leis an Straitéis Chógaisíochta don Eoraip, lena dtugtar aghaidh ar an ábhar imní sin freisin.

(11)I bhfianaise feasacht a bheith ag dul i méid ar ábharthacht na meascán agus dá bhrí sin an ar ábharthacht an fhaireacháin éifeachtbhunaithe chun stádas ceimiceach a chinneadh, agus i bhfianaise gurb ann cheana féin do mhodhanna faireacháin éifeachtbhunaithe atá sách láidir le haghaidh substaintí éastraigineacha, ba cheart do na Ballstáit na modhanna sin a chur i bhfeidhm chun measúnú a dhéanamh ar éifeachtaí carnacha na substaintí éastraigineacha in uiscí dromchla ar feadh tréimhse 2 bhliain ar a laghad. Fágfaidh sé sin go mbeifear in ann comparáid a dhéanamh idir na torthaí éifeachtbhunaithe, agus na torthaí a gheofar agus na modhanna traidisiúnta á n‑úsáid, chun faireachán a dhéanamh ar na trí shubstaint éastraigineacha a liostaítear in Iarscríbhinn I a ghabhann le Treoir 2008/105/CE. Úsáidfear an chomparáid sin chun measúnú a dhéanamh ar cé acu a fhéadfar nó nach bhféadfar modhanna faireacháin éifeachtbhunaithe a úsáid mar mhodhanna scagtha iontaofa. Bheadh sé de bhuntáiste leis na modhanna scagtha sin a úsáid go mbeifí in ann éifeachtaí na substaintí éastraigineacha uile ag a bhfuil éifeachtaí comhchosúla a chumhdach, seachas iad sin amháin a liostaítear in Iarscríbhinn I a ghabhann le Treoir 2008/105/CE. Ba cheart an sainmhíniú ar EQS i dTreoir 2000/60/CE a mhodhnú chun a áirithiú go bhféadfar a chumhdach leis, amach anseo, luachanna truicir a d’fhéadfaí a leagan síos chun measúnú a dhéanamh ar thorthaí faireacháin éifeachtbhunaithe.

(12)Leis an meastóireacht a rinneadh ar reachtaíocht uisce an Aontais 58 (an ‘mheastóireacht’) thángthas ar an gconclúid go bhféadfaí dlús a chur leis an bpróiseas chun truailleáin a shainaithint agus a liostú ar truailleáin iad lena ndéantar difear d’uisce dromchla agus screamhuisce agus caighdeáin cháilíochta a leagan síos nó a athbhreithniú lena n‑aghaidh i bhfianaise eolas eolaíoch nua. Dá mbeadh na cúraimí sin le déanamh ag an gCoimisiún, seachas faoi chuimsiú na ngnáthnósanna imeachta reachtacha dá bhforáiltear faoi láthair in Airteagail 16 agus 17 de Threoir 2000/60/CE agus in Airteagal 10 de Threoir 2006/118/CE, d’fhéadfaí feabhas a chur ar fheidhmiú na sásraí liosta faire uisce dromchla agus screamhuisce, go háirithe i dtéarmaí liostú, faireachán agus measúnú torthaí a uainiú agus a sheicheamhú, d’fhéadfaí na naisc idir an sásra liosta faire agus na hathbhreithnithe ar na liostaí truailleán a láidriú, agus trí bhíthin athruithe ar na liostaí truailleán, d’fhéadfaí an dul chun cinn eolaíoch a chur san áireamh níos gasta. Dá bhrí sin, agus i bhfianaise gur gá na liostaí truailleán agus EQS a ghabhann leo a leasú go pras i bhfianaise eolas eolaíoch agus teicniúil nua, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun Iarscríbhinn I a ghabhann le Treoir 2008/105/CE a leasú a mhéid a bhaineann le liosta na substaintí tosaíochta agus le EQS comhfhreagrach a leagtar amach i gCuid A den Iarscríbhinn sin agus chun Iarscríbhinn I a ghabhann le Treoir 2006/118/CE a leasú a mhéid a bhaineann leis an liosta truailleán screamhuisce agus leis na caighdeáin cáilíochta screamhuisce a leagtar amach san Iarscríbhinn sin. Sa chomhthéacs seo, ba cheart don Choimisiún torthaí an fhaireacháin ar shubstaintí atá ar na liostaí faire uisce dromchla agus screamhuisce a chur san áireamh. Mar iarmhairt air sin, ba cheart Airteagail 16 agus 17 de Threoir 2000/60/CE agus Iarscríbhinn X a ghabhann leis an Treoir sin, mar aon le hAirteagal 10 de Threoir 2006/118/CE, a scriosadh.

(13)Leis an meastóireacht, thángthas ar an gconclúid freisin go bhfuil an iomarca éagsúlachta idir na Ballstáit a mhéid a bhaineann leis na caighdeáin cháilíochta agus na luachanna tairsí a leagtar síos ar an leibhéal náisiúnta le haghaidh truailleáin a bhaineann go sonrach le habhantracha agus truailleáin screamhuisce faoi seach. Go dtí seo, truailleáin a bhaineann go sonrach le habhantracha agus nach sainaithnítear mar shubstaintí tosaíochta faoi Threoir 2000/60/CE, bhí siad faoi réir EQS náisiúnta agus comhaireadh iad mar eilimintí cáilíochta fisiciceimicí a thacaíonn leis an measúnú ar stádas éiceolaíoch in uiscí dromchla. I gcás screamhuiscí, bhí na Ballstáit in ann a luachanna tairsí féin a leagan síos freisin, fiú le haghaidh substaintí sintéiseacha de dhéantús an duine. D’eascair torthaí fo‑optamacha as an tsolúbthacht sin i dtéarmaí inchomparáideacht stádas na ndobharlach idir na Ballstáit, agus i dtéarmaí cosanta comhshaoil. Dá bhrí sin, is gá foráil a dhéanamh maidir le nós imeachta lena gceadaítear comhaontú ar leibhéal an Aontais maidir le EQS agus luachanna tairsí atá le cur i bhfeidhm le haghaidh na substaintí sin más rud é go sainaithnítear iad mar shubstaintí ar ábhar imní náisiúnta iad agus chun stórtha a bhunú de EQS is infheidhme agus de luachanna tairsí.

(14)Thairis sin, le truailleáin a bhaineann go sonrach le habhantracha a chomhtháthú sa sainmhíniú ar stádas ceimiceach in uiscí dromchla, áirithítear cur chuige níos comhordaithe, níos comhleanúnaí agus níos trédhearcaí i dtéarmaí faireachán agus measúnú a dhéanamh ar stádas ceimiceach dobharlach dromchla agus ar fhaisnéis ghaolmhar don phobal. Éascaítear cur chuige níos spriocdhírithe leis freisin i leith bearta a shainaithint agus a chur chun feidhme chun aghaidh a thabhairt ar gach fadhb ‘a bhaineann le ceimiceáin’ ar bhealach níos iomlánaíche, níos éifeachtaí agus níos éifeachtúla. Dá bhrí sin, ba cheart na sainmhínithe ar ‘stádas éiceolaíoch’ agus ‘stádas ceimiceach’ a mhodhnú agus raon feidhme ‘stádais cheimicigh’ a leathnú chun go gcumhdófar na truailleáin a bhaineann go sonrach le habhantracha freisin, a bhí ina chuid roimhe seo den sainmhíniú ar ‘stádas éiceolaíoch’ faoi Iarscríbhinn V a ghabhann le Treoir 2000/60/CE. Dá thoradh sin, ba cheart coincheap EQS le haghaidh truailleáin a bhaineann go sonrach le habhantracha agus nósanna imeachta gaolmhara a áireamh i dTreoir 2008/105/CE.

(15)Chun cur chuige comhchuibhithe agus cothroime iomaíochta a áirithiú san Aontas, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun Cuid B d’Iarscríbhinn II a ghabhann le Treoir 2006/118/CE a leasú tríd an liosta truailleán a oiriúnú, truailleáin nach mór do na Ballstáit cuimhneamh ar luachanna tairsí náisiúnta a leagan síos lena n‑aghaidh.

(16)I bhfianaise gur gá oiriúnú go gasta don eolas eolaíoch agus teicniúil agus cur chuige comhchuibhithe agus cothroime iomaíochta a áirithiú san Aontas i leith truailleáin a bhaineann go sonrach le habhantracha, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun Iarscríbhinn II a ghabhann le Treoir 2008/105/CE a leasú maidir le liosta na gcatagóirí truailleán a leagtar amach i gCuid A den Iarscríbhinn sin agus chun Cuid C d’Iarscríbhinn II a oiriúnú a mhéid a bhaineann le EQS comhchuibhithe le haghaidh truailleáin a bhaineann go sonrach le habhantracha nó le haghaidh grúpaí díobh. Ba cheart do na Ballstáit na EQSanna comhchuibhithe sin a chur i bhfeidhm agus measúnú á dhéanamh acu ar stádas na ndobharlach dromchla dá gcuid i gcás ina sainaithnítear riosca ó na truailleáin sin.

(17)Leis an athbhreithniú ar liosta na substaintí tosaíochta i gCuid A d’Iarscríbhinn I a ghabhann le Treoir 2008/105/CE, thángthas ar an gconclúid nach ábhar imní ar fud an Aontais a thuilleadh iad substaintí tosaíochta éagsúla agus dá bhrí sin nár cheart iad a áireamh a thuilleadh i gCuid A d’Iarscríbhinn I a ghabhann leis an Treoir sin. Ba cheart na substaintí sin a mheas mar thruailleáin a bhaineann go sonrach le habhantracha dá bhrí sin agus iad a áireamh i gCuid C d’Iarscríbhinn II a ghabhann le Treoir 2008/105/CE in éineacht le EQS comhfhreagrach. I bhfianaise nach meastar gur ábhar imní ar fud an Aontais a thuilleadh iad na truailleáin sin, ní gá EQS a chur i bhfeidhm ach amháin i gcás ina bhféadfadh na truailleáin sin a bheith ina n‑ábhar imní áitiúil nó réigiúnach nó náisiúnta fós.

(18)Chun cothroime iomaíochta a áirithiú agus chun go mbeifear in ann stádas dobharlach a chur i gcomparáid idir na Ballstáit, is gá luachanna tairsí náisiúnta a chomhchuibhiú le haghaidh roinnt truailleáin screamhuisce. Dá bhrí sin, ba cheart stór de luachanna tairsí comhchuibhithe le haghaidh truailleáin screamhuisce ar ábhar imní áitiúil nó réigiúnach nó náisiúnta iad a thabhairt isteach mar Chuid D nua in Iarscríbhinn II a ghabhann le Treoir 2006/118/CE. Ní gá na tairseacha comhchuibhithe a leagtar amach sa stór sin a chur i bhfeidhm ach amháin sna Ballstáit sin ina ndéanann na truailleáin atá faoi réir na dtairseacha sin difear don stádas screamhuisce. I gcás shuim an dá thruailleán shintéiseacha, tríchlóireitiléin agus teitreaclóireitiléin, is gá na luachanna tairsí náisiúnta a chomhchuibhiú ós rud é nach gcuireann na Ballstáit uile ina bhfuil na truailleáin ábhartha luach tairsí i bhfeidhm le haghaidh shuim na dtruailleán sin agus nach ionann na luachanna tairsí náisiúnta uile a leagtar síos. Ba cheart an luach tairsí comhchuibhithe a bheith comhsheasmhach leis an luach paraiméadrach a leagtar síos i gcás shuim na dtruailleán sin san uisce óil faoi Threoir (AE) 2020/2184.

(19)Chun cur chuige comhchuibhithe agus cothroime iomaíochta a áirithiú san Aontas, ba cheart an chumhacht le gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun Cuid D d’Iarscríbhinn II a ghabhann le Treoir 2006/118/CE a leasú chun stór na luachanna tairsí comhchuibhithe a oiriúnú, a mhéid a bhaineann leis na truailleáin a áirítear agus leis na luachanna tairsí comhchuibhithe, don dul chun cinn eolaíoch agus teicniúil.

(20)Ba cheart forálacha uile Threoir 2006/118/CE a bhaineann leis an measúnú ar stádas ceimiceach screamhuisce a oiriúnú don tríú catagóir de luachanna tairsí comhchuibhithe a thugtar isteach i gCuid D d’Iarscríbhinn II a ghabhann leis an Treoir sin, i dteannta na gcaighdeán cáilíochta a leagtar amach in Iarscríbhinn I a ghabhann leis an Treoir sin agus do na luachanna tairsí náisiúnta a leagtar amach i gcomhréir leis an modheolaíocht a leagtar amach i gCuid A d’Iarscríbhinn II a ghabhann leis an Treoir sin.

(21)Chun an chinnteoireacht éifeachtach agus chomhleanúnach a áirithiú agus sineirgí a fhorbairt leis an obair a dhéantar faoi chuimsiú reachtaíocht eile an Aontais maidir le ceimiceáin, ba cheart ról a bheidh buan agus teorannaithe go soiléir a thabhairt don Ghníomhaireacht Eorpach Ceimiceán (‘ECHA’) maidir le tosaíocht a thabhairt do shubstaintí a bheidh le háireamh ar na liostaí faire agus ar na liostaí substaintí in Iarscríbhinní I agus II a ghabhann le Treoir 2008/105/CE agus in Iarscríbhinní I agus II a ghabhann le Treoir 2006/118/CE, agus maidir le caighdeáin cháilíochta iomchuí a dhíorthú a bheidh bunaithe ar an eolaíocht. An Coiste um Measúnú Riosca (RAC) agus an Coiste um Anailís Shocheacnamaíoch (SEAC) de chuid ECHA, ba cheart dóibh cur i gcrích cúraimí áirithe a thugtar do ECHA a éascú trí thuairimí a thabhairt. Ba cheart do ECHA comhordú níos fearr a áirithiú freisin idir píosaí éagsúla den dlí comhshaoil trí thrédhearcacht mhéadaithe a mhéid a bhaineann le truailleáin atá ar liosta faire nó trí EQS nó tairseacha náisiúnta nó uile-Aontais a fhorbairt, trí thuarascálacha eolaíocha ábhartha a chur ar fáil go poiblí.

(22)Thángthas ar an gconclúid leis an meastóireacht gur gá tuairisciú leictreonach a dhéanamh níos minice agus agus ar bhealach níos cuíchóirithe chun cur chun feidhme agus forfheidhmiú níos fearr i leith reachtaíocht uisce an Aontais a chothú. I bhfianaise an róil atá ag an nGníomhaireacht Eorpach Comhshaoil (EEA) chun faireachán a dhéanamh níos tráthrialta freisin ar staid an truaillithe mar a thuairiscítear sa Phlean Gníomhaíochta maidir le Truailliú Nialasach, ba cheart don Ghníomhaireacht tuairisciú níos minice agus níos cuíchóirithe den sórt sin a dhéanfaidh na Ballstáit a éascú. Tá sé tábhachtach go gcuirfear faisnéis chomhshaoil faoi stádas uisce dromchla agus screamhuisce an Aontais ar fáil don phobal agus don Choimisiún go tráthúil. Ba cheart é a chur de cheangal ar na Ballstáit dá bhrí sin na sonraí faireacháin a bhailítear faoi chuimsiú Threoir 2000/60/CE a chur ar fáil don Choimisiún agus do EEA, agus úsáid á baint as na sásraí um thuairisciú uathoibrithe agus um sheachadadh sonraí uathoibrithe trí Chomhéadan Ríomhchláraithe Feidhmchlár nó sásraí coibhéiseacha a úsáid. Tá coinne leis go mbeidh an t‑ualach riaracháin teoranta sa mhéid go gceanglaítear ar na Ballstáit cheana féin téamaí sonraí spásúla a chur ar fáil go poiblí laistigh de raon feidhme Threoir 2007/2/CE ó Pharlaimint na hEorpa agus ón gComhairle 59 agus faoi Threoir (AE) 2019/1024 ó Pharlaimint na hEorpa agus ón gComhairle chomh maith 60 . Áirítear ar na téamaí sonraí spásúla sin suíomh agus oibriú saoráidí faireacháin chomhshaoil, tomhais ghaolmhara astaíochtaí agus staid na meán comhshaoil.

(23)Le sreabha sonraí a thuairiscítear do EEA faoi reachtaíocht uisce an Aontais agus, go háirithe na fardail astaíochtaí a cheanglaítear le Treoir 2008/105/CE a chomhtháthú ar bhealach níos fearr, leis na sreabha sonraí a thuairiscítear don Tairseach um Astaíochtaí Tionsclaíocha faoi Threoir 2010/75/AE agus faoi Rialachán (CE) Uimh. 166/2006 ó Pharlaimint na hEorpa agus ón gComhairle 61 , fágfar go mbeidh an tuairisciú fardail i gcomhréir le hAirteagal 5 de Threoir 2008/105/CE níos simplí agus níos éifeachtúla. An tráth céanna, laghdófar leis an t‑ualach riaracháin agus an buaic‑ualach oibre in ullmhúcháin na bpleananna bainistíochta abhantraí. In éineacht le díothú an tuairiscithe eatramhaigh ar dhul chun cinn na gclár beart, rud nach raibh éifeachtach, leis an tuairisciú simplithe sin, cuirfear ar a gcumas do na Ballstáit iarracht níos mó a dhéanamh i dtaobh an tuairiscithe astaíochtaí nach gcumhdaítear leis an reachtaíocht maidir le hastaíochtaí tionsclaíocha ach a chumhdaítear leis an tuairisciú astaíochtaí faoi Airteagal 5 de Threoir 2008/105/CE.

(24)Le Conradh Liospóin, tugadh idirdhealú isteach idir cumhachtaí arna dtarmligean chuig an gCoimisiún chun gníomhartha neamhreachtacha a bhfuil feidhm ghinearálta leo a ghlacadh chun eilimintí neamhriachtanacha áirithe i ngníomh reachtach (gníomhartha tarmligthe) a fhorlíonadh nó a leasú, agus na cumhachtaí a thugtar don Choimisiún gníomhartha a ghlacadh chun coinníollacha aonfhoirmeacha a áirithiú maidir le gníomhartha de chuid an Aontais atá ceangailteach ó thaobh dlí de (gníomhartha cur chun feidhme) a chur chun feidhme. Ba cheart Treoir 2000/60/CE agus Treoir 2006/118/CE a ailíniú leis an gcreat dlíthiúil a thugtar isteach le Conradh Liospóin.

(25)Na cumhachtuithe in Airteagal 20(1), an chéad fhomhír, de Threoir 2000/60/CE agus i bpointe 1.4.1(ix) d’Iarscríbhinn V a ghabhann leis an Treoir sin lena ndéantar foráil maidir leis an nós imeachta rialúcháin lena ngabhann grinnscrúdú a úsáid, comhlíontar leis na cumhachtuithe sin na critéir in Airteagal 290(1) CFAE, ós rud é go mbaineann siad le hoiriúnuithe ar na hIarscríbhinní a ghabhann leis an Treoir sin agus le glacadh na rialacha lena bhforlíontar an Treoir. Ba cheart iad a thiontú ina gcumhachtuithe dá bhrí sin le haghaidh an Choimisiúin chun gníomhartha tarmligthe a ghlacadh.

(26)An cumhachtú in Airteagal 8 de Threoir 2006/118/CE lena ndéantar foráil maidir leis an nós imeachta rialúcháin lena ngabhann grinnscrúdú a úsáid, comhlíontar leis an gcumhachtú sin na critéir in Airteagal 290(1) CFAE, ós rud é go mbaineann sé le hoiriúnuithe ar na hIarscríbhinní a ghabhann leis an Treoir sin. Ba cheart é a thiontú ina chumhachtú dá bhrí sin don Choimisiún chun gníomhartha tarmligthe a ghlacadh.

(27)Tá sé tábhachtach, go háirithe, go rachadh an Coimisiún i mbun comhairliúcháin iomchuí agus gníomhartha tarmligthe á n‑ullmhú, le linn a chuid oibre ullmhúcháin, lena n‑áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos sa Chomhaontú Idirinstitiúideach maidir le Reachtóireacht Níos Fearr an 13 Aibreán 2016. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag na saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(28)An cumhachtú in Airteagal 8(3) de Threoir 2000/60/CE lena ndéantar foráil maidir leis an nós imeachta rialúcháin lena ngabhann grinnscrúdú a úsáid, comhlíontar leis an gcumhachtú sin na critéir in Airteagal 290(2) CFAE, ós rud é go mbaineann sé le glacadh na sonraíochtaí teicniúla agus na modhanna caighdeánaithe chun anailís agus faireachán a dhéanamh ar stádas uisce agus gurb é is aidhm dó dá bhrí sin coinníollacha aonfhoirmeacha a áirithiú maidir le cur chun feidhme comhchuibhithe na Treorach sin. Ba cheart é a thiontú ina chumhachtú dá bhrí sin don Choimisiún chun gníomhartha cur chun feidhme a ghlacadh. Chun inchomparáideacht na sonraí a áirithiú, ba cheart síneadh a chur leis an gcumhachtú freisin chun leagan síos formáidí a áireamh, ar formáidí iad a úsáidfear chun sonraí faireacháin agus stádais a thuairisciú i gcomhréir le hAirteagal 8(4). Na cumhachtaí a thugtar don Choimisiún, ba cheart iad a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle 62 .

(29)Chun coinníollacha aonfhoirmeacha a áirithiú maidir le Treoir 2000/60/CE a chur chun feidhme, ba cheart cumhachtaí cur chun feidhme a thabhairt don Choimisiún chun formáidí teicniúla a ghlacadh chun sonraí faireacháin agus stádais uisce a thuairisciú i gcomhréir le hAirteagal 8(3) de Threoir 2000/60/CE. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(30)Chun coinníollacha aonfhoirmeacha a áirithiú maidir le Treoir 2008/105/CE a chur chun feidhme, ba cheart cumhachtaí cur chun feidhme a thabhairt don Choimisiún chun formáidí caighdeánaithe a ghlacadh maidir le hastaíochtaí poncfhoinse a thuairisciú do EEA nach gcumhdaítear le Rialachán (AE) .../... ó Pharlaimint na hEorpa agus ón gComhairle 63 +. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(31)Is gá dul chun cinn eolaíoch agus teicniúil i réimse an fhaireacháin ar stádas na ndobharlach a chur san áireamh i gcomhréir leis na ceanglais faireacháin a leagtar amach in Iarscríbhinn V a ghabhann le Treoir 2000/60/CE. Dá bhrí sin, ba cheart a cheadú do na Ballstáit sonraí agus seirbhísí a úsáid ó theicneolaíochtaí cianbhraiteachta, faire na cruinne (seirbhísí Copernicus), braiteoirí agus feistí in‑situ, nó sonraí eolaíochta saoránach, lena ndéantar na deiseanna a thagann leis an intleacht shaorga, anailís agus próiseáil ardleibhéil sonraí a ghiaráil.

(32)I bhfianaise na méaduithe ar imeachtaí aimsire nach féidir a thuar, go háirithe tuilte foircneacha agus tréimhsí triomaigh fada, agus ar theagmhais truaillithe móra as a n‑eascraíonn truailliú trasteorann de thimpiste nó ina gcuirtear an truailliú sin in olcas, ba cheart é a chur de cheangal ar na Ballstáit a áirithiú go soláthrófar faisnéis láithreach maidir le teagmhais den sórt sin do Bhallstáit eile dá bhféadfaí difear a dhéanamh agus dul i gcomhar go héifeachtach le Ballstáit dá bhféadfaí difear a dhéanamh chun éifeachtaí na himeachta nó an teagmhais a mhaolú. Is gá freisin an comhar idir na Ballstáit a threisiú agus nósanna imeachta maidir le comhar trasteorann a chuíchóiriú i gcás fadhbanna níos struchtúraí, i.e. fadhbanna trasteorann níos fadtéarmaí nach de dheasca timpiste iad agus nach féidir a réiteach ar leibhéal na mBallstát, i gcomhréir le hAirteagal 12 de Threoir 2000/60/CE. I gcás ina bhfuil gá le cúnamh Eorpach, féadfaidh údaráis inniúla iarrataí ar chúnamh a sheoladh chuig Lárionad Comhordúcháin Práinnfhreagartha an Choimisiúin, a chomhordóidh tairiscintí cúnaimh féideartha agus úsáid na dtairiscintí sin trí Shásra Aontais um Chosaint Shibhialta, i gcomhréir le hAirteagal 15 de Chinneadh 1313/2013 ó Pharlaimint na hEorpa agus ón gComhairle 64 .

(33)Dá bhrí sin ba cheart Treoracha 2000/60/AE, 2006/118/CE agus 2008/105/CE a leasú dá réir sin.

(34)Ós rud é nach féidir leis na Ballstáit cuspóirí na Treorach seo a ghnóthú go leordhóthanach ina n‑aonar, is é sin ardleibhéal cosanta comhshaoil agus feabhas ar cháilíocht comhshaoil fhionnuiscí na hEorpa a áirithiú, ach gur fearr is féidir iad a ghnóthú ar leibhéal an Aontais i ngeall ar thréithe trasteorann an truaillithe uisce, féadfaidh an tAontas bearta a ghlacadh, i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú,

TAR ÉIS AN TREOIR SEO A GHLACADH:

Airteagal 1

Leasuithe ar Threoir 2000/60/CE

Leasaítear Treoir 2000/60/CE é mar a leanas:

(1)in Airteagal 1, cuirtear an méid seo a leanas in ionad an cheathrú fleasc:

‘— cuspóirí na gcomhaontuithe idirnáisiúnta ábhartha a ghnóthú, lena n‑áirítear na cuspóirí sin a bhfuil sé d’aidhm acu truailliú na muirthimpeallachta a chosc agus deireadh a chur leis, trí ghníomhaíocht an Aontais chun scor den sceitheadh, d’astaíochtaí agus de chaillteanais substaintí guaiseacha tosaíochta nó deireadh a chur leo de réir a chéile, agus é ina aidhm dheiridh tiúchain sa mhuirthimpeallacht a ghnóthú a bheidh gar do luachanna cúlra i gcás substaintí arb ann dóibh go nádúrtha agus gar do nialas i gcás substaintí sintéiseacha de dhéantús an duine.’;  

(2)Leasaítear Airteagal 2 mar a leanas:

(a)cuirtear an méid seo a leanas in ionad phointe (24):

‘(24) Ciallaíonn ‘Stádas ceimiceach maith san uisce dromchla’ an stádas ceimiceach is gá chun na cuspóirí comhshaoil le haghaidh uiscí dromchla a chomhlíonadh, ar cuspóirí iad a leagtar amach in Airteagal 4(1), pointe (a), den Treoir seo, is é sin, an stádas ceimiceach arna ghnóthú ag dobharlach dromchla nach sáraíonn tiúchain truailleán iontu na caighdeáin cáilíochta comhshaoil le haghaidh substaintí tosaíochta a liostaítear i gCuid A d’Iarscríbhinn I a ghabhann le Treoir 2008/105/CE ó Pharlaimint na hEorpa agus ón gComhairle* agus na caighdeáin cáilíochta comhshaoil le haghaidh truailleáin a bhaineann go sonrach le habhantracha agus a leagtar síos i gcomhréir le hAirteagal 8(2), pointe (c), agus Airteagal 8d(1) den Treoir sin.

(b)cuirtear an méid seo a leanas in ionad phointe (30):

‘(30) Ciallaíonn ‘substaintí tosaíochta’ substaintí a liostaítear i gCuid A d’Iarscríbhinn I a ghabhann le Treoir 2008/105/CE, is é sin, substaintí lena mbaineann riosca substaintiúil don timpeallacht uisceach nó tríd an timpeallacht sin i gcion ard de na Ballstáit.’;

(c)cuirtear pointí (30a) agus (30b) seo a leanas isteach:

‘(30a) Ciallaíonn ‘substaintí guaiseacha tosaíochta’ substaintí tosaíochta a dhéantar a mharcáil mar ‘ghuaiseach’ ar an mbonn go n‑aithnítear i dtuarascálacha eolaíocha iad, i reachtaíocht ábhartha an Aontais nó i gcomhaontuithe idirnáisiúnta ábhartha, mar shubstaintí tocsaineacha, marthanacha, is dócha a bhithcharnfar nó as a n‑eascraíonn leibhéal imní coibhéiseach, i gcás inarb ábhartha an imní sin don timpeallacht uisceach.

(30b) Ciallaíonn ‘truailleáin a bhaineann go sonrach le habhantracha’ truailleáin nach sainaithnítear nó nach sainaithnítear a thuilleadh mar shubstaintí tosaíochta ach a shainaithníonn na Ballstáit, ar bhonn an mheasúnaithe ar bhrúnna agus ar thionchair ar dhobharlaigh dhromchla arna ndéanamh i gcomhréir le hIarscríbhinn II a ghabhann leis an Treoir seo, mar shubstaintí lena mbaineann riosca substaintiúildon timpeallacht uisceach nó tríd an timpeallacht sin laistigh dá gcríoch.’;

(d)cuirtear an méid seo a leanas in ionad phointe (35):

‘(35) Ciallaíonn ‘caighdeán cáilíochta comhshaoil’ tiúchan truailleáin áirithe nó grúpa truailleán áirithe in uisce, dríodar nó bithra nach bhfuil le sárú chun sláinte an duine agus an comhshaol a chosaint nó luach truicir maidir leis an éifeacht dhíobhálach ar shláinte an duine nó ar an gcomhshaol ón truailleán sin nó ón ngrúpa truailleán sin, tiúchan arna thomhas agus modh éifeachtbhunaithe iomchuí á úsáid.’;

* Treoir 2008/105/CE ó Pharlaimint na hEorpa agus ón gComhairle maidir le cosc agus rialú ar thruailliú uisce dromchla, lena leasaítear agus lena n‑aisghairtear ina dhiaidh sin na Treoracha 82/176/CEE, 83/513/CEE, 84/156/CEE, 84/491/CEE, 86/280/CEE ón gComhairle agus lena leasaítear Treoir 2000/60/CE ó Pharlaimint na hEorpa agus ón gComhairle (IO L 348, 24.12.2008, lch. 84).’;

(3)in Airteagal 3, cuirtear isteach an mhír 4a seo a leanas:

‘4a. I gcás imthosca eisceachtúla de thionscnamh nádúrtha nó force majeure, go háirithe tuilte foircneacha, tréimhsí triomaigh fada, nó teagmhais truaillithe mhóra, lena bhféadfaí difear a dhéanamh do dhobharlaigh síos an abhainn atá lonnaithe i mBallstáit eile, áiritheoidh na Ballstáit go gcuirfear na húdaráis inniúla le haghaidh dobharlaigh síos an abhainn sna Ballstáit sin, mar aon leis an gCoimisiún, ar an eolas láithreach agus go gcuirfear an comhar is gá ar bun chun na cúiseanna a imscrúdú agus chun aghaidh a thabhairt ar iarmhairtí na n‑imthosca eisceachtúla nó na dteagmhas.’;

(4)Leasaítear Airteagal 4(1) mar a leanas:

(a)i bpointe (a), cuirtear an méid seo a leanas in ionad phointe (iv):

‘(iv) cuirfidh na Ballstáit na bearta is gá chun feidhme chun laghdú a dhéanamh de réir a chéile ar an truailliú ó shubstaintí tosaíochta agus ó thruailleáin a bhaineann go sonrach le habhantracha, agus chun scor d’astaíochtaí, den sceitheadh, agus de chaillteanais substaintí guaiseacha tosaíochta nó deireadh a chur leo de réir a chéile.’; 

(b)i bpointe (b)(iii), cuirtear an méid seo a leanas in ionad an dara fomhír:

‘Cuirfear bearta chun feidhme chun aisiompú treochta a ghnóthú i gcomhréir le hAirteagal 5 de Threoir 2006/118/CE agus le hIarscríbhinn IV a ghabhann leis an Treoir sin, faoi réir míreanna 6 agus 7 den Airteagal seo a chur i bhfeidhm agus gan dochar do mhír 8 den Airteagal seo.’;

(5)in Airteagal 7, cuirtear an méid seo a leanas in ionad mhír 2:

‘2. I gcás gach dobharlaigh a shainaithnítear faoi mhír 1, i dteannta cuspóirí Airteagal 4 a chomhlíonadh i gcomhréir le ceanglais na Treorach seo maidir le dobharlaigh dhromchla lena n‑áirítear na caighdeáin cháilíochta a leagtar síos ar leibhéal an Aontais, áiritheoidh na Ballstáit i gcomhréir le reachtaíocht an Aontais, go gcomhlíonfaidh an t‑uisce atá faoi réir an chórais cóireála uisce a chuirtear i bhfeidhm, ceanglais Threoir (AE) 2020/2184 ó Pharlaimint na hEorpa agus ón gComhairle*.  

* Treoir (AE) 2020/2184 ó Pharlaimint na hEorpa agus ón gComhairle an 16 Nollaig 2020 maidir le cáilíocht an uisce atá beartaithe lena thomhailt ag an duine (IO L 435, 23.12.2020, lch. 1)’;

(6)Leasaítear Airteagal 8 mar seo a leanas:

(a)cuirtear an méid seo a leanas in ionad mhír 3:

‘3. Tugtar de chumhacht don Choimisiún gníomhartha cur chun feidhme a ghlacadh chun sonraíochtaí teicniúla agus modhanna caighdeánaithe a leagan amach chun anailís agus faireachán a dhéanamh ar an stádas uisce i gcomhréir le hIarscríbhinn V agus chun formáidí a leagan síos chun sonraí faireacháin agus stádais a thuairisciú i gcomhréir le mír 4. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 21(2).’;  

(b)cuirtear an mhír 4 agus an mhír 5 seo a leanas leis:

‘4. Maidir leis na sonraí faireacháin aonair atá ar fáil agus a bhailítear i gcomhréir le pointe 1.3.4 d’Iarscríbhinn V agus maidir leis an stádas a eascróidh as sin i gcomhréir le hIarscríbhinn V, áiritheoidh na Ballstáit go gcuirfear ar fáil don phobal agus don Ghníomhaireacht Eorpach Chomhshaoil (EEA) iad go leictreonach ar a laghad uair sa bhliain i bhformáid mheaisín‑inléite i gcomhréir le Treoir 2003/4/CE ó Pharlaimint na hEorpa agus ón gComhairle*, Treoir 2007/2/CE ó Pharlaimint na hEorpa agus ón gComhairle** agus Treoir (AE) 2019/1024 ó Pharlaimint na hEorpa agus ón gComhairle***. Chun na gcríoch sin, úsáidfidh na Ballstáit na formáidí a leagtar síos i gcomhréir le mír 3 den Airteagal seo.

5. Áiritheoidh EEA go ndéanfar an fhaisnéis a chuirtear ar fáil i gcomhréir le mír 4 a phróiseáil agus a anailísiú go tráthrialta chun í a chur ar fáil trí thairseacha ábhartha an Aontais, lena hathúsáid ag an gCoimisiún agus ag gníomhaireachtaí ábhartha an Aontais agus chun faisnéis a sholáthar don Choimisiún, na Ballstáit agus an pobal a bheidh cothrom le dáta, oibiachtúil, iontaofa agus inchomparáide, go háirithe maidir le stádas, i gcomhréir le Rialachán (CE) Uimh. 401/2009 ó Pharlaimint na hEorpa agus ón gComhairle****.  

* Treoir 2003/4/CE ó Pharlaimint na hEorpa agus ón gComhairle an 28 Eanáir 2003 maidir le rochtain phoiblí ar fhaisnéis chomhshaoil agus lena n‑aisghairtear Treoir 90/313/CEE ón gComhairle (IO L 41, 14.2.2003, lch. 26).

** Treoir 2007/2/CE ó Pharlaimint na hEorpa agus ón gComhairle an 14 Márta 2007 lena mbunaítear Bonneagar d’Fhaisnéis Spásúil sa Chomhphobal Eorpach (INSPIRE) (IO L 108, 25.4.2007, lch. 1).

*** Treoir (AE) 2019/1024 ó Pharlaimint na hEorpa agus ón gComhairle an 20 Meitheamh 2019 maidir le sonraí oscailte, agus maidir le faisnéis ón earnáil phoiblí a athúsáid (IO L 172, 26.6.2019, lch. 56).

**** Rialachán (CE) Uimh. 401/2009 ó Pharlaimint na hEorpa agus ón gComhairle an 23 Aibreán 2009 maidir leis an nGníomhaireacht Eorpach Chomhshaoil agus maidir leis an nGréasán Eorpach um Fhaisnéis agus um Fhaire ar an gComhshaol (IO L 126, 21.5.2009, lch. 13).’;

(7)Leasaítear Airteagal 10 mar a leanas:

(a)cuirtear an méid seo a leanas in ionad mhír 2:

‘2. Chun na cuspóirí, caighdeáin cháilíochta agus tairseacha a chomhlíonadh a leagtar síos de bhun na Treorach seo, áiritheoidh na Ballstáit go leagfar síos agus go gcuirfear na nithe seo a leanas chun feidhme:

(a) rialuithe astaíochtaí bunaithe ar na teicnící is fearr atá ar fáil;

(b) teorainnluachanna astaíochtaí ábhartha;

(c) i gcás tionchar idirleata, rialuithe lena n‑áirítear, de réir mar is iomchuí, na dea‑chleachtais chomhshaoil mar a leagtar amach sna Treoracha seo a leanas:

–Treoir 2009/128/CE ó Pharlaimint na hEorpa agus ón gComhairle*;

–Treoir 2010/75/AE ó Pharlaimint na hEorpa agus ón gComhairle**;

–Treoir 91/271/CEE ón gComhairle***;

–Treoir 91/676/CEE ón gComhairle****;

–agus in aon reachtaíocht eile ón Aontas atá ábhartha chun aghaidh a thabhairt ar an truailliú poncfhoinse nó idirleata.

* Treoir 2009/128/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat do ghníomhaíocht Chomhphobail chun úsáid inbhuanaithe lotnaidicídí a bhaint amach (IO L 309, 24.11.2009, lch. 71).

***Treoir 2010/75/AE ó Pharlaimint na hEorpa agus ón gComhairle an 24 Samhain 2010 maidir le hastaíochtaí tionsclaíocha (IO L 334, 17.12.2010, lch. 17).

*** Treoir 91/271/CEE ón gComhairle an 21 Bealtaine 1991 maidir le cóireáil fuíolluisce uirbigh (IO L 135, 30.5.1991, lch. 40).

**** Treoir 91/676/CEE ón gComhairle an 12 Nollaig 1991 maidir le huiscí a chosaint ar thruailliú de bharr níotráití ó fhoinsí talmhaíochta, (IO L 375, 31.12.1991, lch. 1).’;

(b)cuirtear an méid seo a leanas in ionad mhír 3:

‘3. I gcás ina gceanglófar coinníollacha níos déine le cuspóir cáilíochta, caighdeán cáilíochta nó tairseach, cibé acu a leagtar síos síos iad de bhun na Treorach seo, de bhun Threoracha 2006/118/CE nó 2008/105/CE, nó de bhun aon reachtaíochta eile de chuid an Aontais, coinníollacha atá níos déine ná na coinníollacha sin a d’eascródh as cur i bhfeidhm mhír 2, leagfar rialuithe astaíochtaí níos déine síos dá réir.’;

(8)in Airteagal 11(3), cuirtear an méid seo a leanas in ionad phointe (k):

‘(k) bearta chun deireadh a chur le truailliú uiscí dhromchla ó shubstaintí guaiseacha tosaíochta agus chun laghdú a dhéanamh de réir a chéile ar an truailliú ó shubstaintí eile lena gcuirfí bac ar na Ballstáit na cuspóirí comhshaoil a ghnóthú le haghaidh na ndobharlach dromchla, cuspóirí a leagtar amach in Airteagal 4;’;

(9)Cuirtear an méid seo a leanas in ionad Airteagal 12:

Airteagal 12

 Fadhbanna nach féidir déileáil leo ar leibhéal na mBallstát

1. I gcás ina sainaithneoidh Ballstát fadhb ag a bhfuil tionchar ar bhainistíocht an uisce atá aige ach nach féidir leis an mBallstát sin í a réiteach, tabharfaidh sé fógra faoin bhfadhb don Choimisiún agus d’aon Bhallstát eile lena mbaineann agus déanfaidh moltaí maidir leis an bhfadhb a réiteach.

2. Rachaidh na Ballstáit lena mbaineann i gcomhar le chéile chun foinsí na bhfadhbanna dá dtagraítear i mír 1 a shainaithint mar aon leis na bearta is gá chun aghaidh a thabhairt ar na fadhbanna sin.

Freagróidh na Ballstáit dá chéile go tráthúil, agus tráth nach déanaí ná 3 mhí tar éis fógra a fháil ó Bhallstát eile i gcomhréir le mír 1.

(10)3. Cuirfear an Coimisiún ar an eolas faoi aon chomhar dá dtagraítear i mír 2 agus iarrfar ar an gCoimisiún cúnamh a thabhairt leis an gcomhar sin. I gcás inarb iomchuí, measfaidh an Coimisiún, agus na tuarascálacha arna leagan síos de bhun Airteagal 13 á gcur san áireamh, cé acu is gá nó nach gá tuilleadh gníomhaíochta a dhéanamh ar leibhéal an Aontais chun na tionchair thrasteorann ar dhobharlaigh a laghdú.’;

(11)in Airteagal 15, scriostar mír 3;

(12)scriostar Airteagail 16 agus 17;

(13)leasaítear Airteagal 18 mar a leanas:

(a)i mír 2, cuirtear an méid seo a leanas in ionad phointe (e):

‘(e) achoimre ar aon togra, bheart rialaithe agus straitéis chun truailliú ceimiceach a rialú nó chun scor de shubstaintí guaiseacha tosaíochta nó deireadh a chur leo de réir a chéile;’; 

(b)scriostar mír 4;  

(14)cuirtear an méid seo a leanas in ionad Airteagal 20:

‘Airteagal 20

Oiriúnuithe teicniúla agus an Treoir seo a chur chun feidhme

‘1. Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 20a chun Iarscríbhinní I agus III agus roinn 1.3.6 d’Iarscríbhinn V a leasú chun na ceanglais maidir le faisnéis a bhaineann le húdaráis inniúla, ábhar na hanailíse eacnamaíche agus na caighdeáin faireacháin roghnaithe, faoi seach, a oiriúnú don dul chun cinn eolaíoch agus teicniúil.

2. Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 20a chun an Treoir seo a fhorlíonadh trí na luachanna a chinneadh a leagtar síos le haghaidh aicmithe chóras faireacháin an Bhallstáit i gcomhréir leis an nós imeachta um idirchalabrú a leagtar amach i bpointe 1.4.1 d’Iarscríbhinn V.

3. Tugtar de chumhacht don Choimisiún gníomhartha cur chun feidhme a ghlacadh chun na formáidí teicniúla a leagan amach maidir leis na sonraí, dá dtagraítear in Airteagal 8(4), a tharchur. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 21(2). Nuair a bheidh na formáidí sin á leagan síos, tabharfaidh EEA cúnamh don Choimisiún, i gcás inar gá sin’;

(15)cuirtear an tAirteagal 20a seo a leanas isteach:

‘Airteagal 20a

An tarmligean a fheidhmiú

1. Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2. Déanfar an chumhacht chun gníomhartha tarmligthe a ghlacadh dá dtagraítear in Airteagal 20(1) a thabhairt don Choimisiún ar feadh tréimhse neamhchinntithe ó [Oifig na bhFoilseachán: cuir isteach an dáta = dáta theacht i bhfeidhm na Treorach seo].

3. Féadfaidh Parlaimint na hEorpa agus an Chomhairle tarmligean na cumhachta dá dtagraítear in Airteagal 20(1) a chúlghairm tráth ar bith. Le cinneadh chun cúlghairm a dhéanamh, cuirfear deireadh le tarmligean na cumhachta a shonraítear sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht na ngníomhartha tarmligthe atá i bhfeidhm cheana féin.

4. Sula nglacfaidh an Coimisiún gníomh tarmligthe, rachaidh sé i gcomhairle le saineolaithe arna n‑ainmniú ag gach Ballstát i gcomhréir leis na prionsabail a leagtar síos sa Chomhaontú Idirinstitiúideach maidir le Reachtóireacht Níos Fearr an 13 Aibreán 2016.

5. A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6. Ní thiocfaidh gníomh tarmligthe a ghlactar de bhun Airteagal 20(1) i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí i ndiaidh fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon i ndiaidh a chur in iúl don Choimisiún nach ndéanfaidh siad aon agóid. Cuirfear síneadh 2 mhí leis an tréimhse sin ar thionscnamh Pharlaimint na hEorpa nó na Comhairle.’;

(16)cuirtear an méid seo a leanas in ionad Airteagal 21:

Airteagal 21

Nós imeachta coiste

1. Tabharfaidh coiste cúnamh don Choimisiún. Is coiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle a bheidh sa choiste sin*.

2. I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

I gcás nach dtugann an Coiste aon tuairim, ní ghlacfaidh an Coimisiún an dréachtghníomh cur chun feidhme agus beidh feidhm Airteagal 5(4), an tríú fomhír de Rialachán (AE) Uimh. 182/2011.

* Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).’;

(17)in Airteagal 22, cuirtear an méid seo a leanas in ionad mhír 4:

 ‘4. Na cuspóirí comhshaoil in Airteagal 4, na caighdeáin cáilíochta comhshaoil a leagtar amach i gCuid A d’Iarscríbhinn I a ghabhann le Treoir 2008/105/CE agus na tairseacha maidir le truailleáin a bhaineann go sonrach le habhantracha a leagtar síos de bhun Airteagail 8 agus 8d den Treoir sin, measfar gur caighdeáin cáilíochta comhshaoil iad chun críocha Threoir 2010/75/AE.’;

(18)Leasaítear Iarscríbhinn V i gcomhréir le hIarscríbhinn I a ghabhann leis an Treoir seo;

(19)i gCuid A d’Iarscríbhinn VII, cuirtear an méid seo a leanas in ionad phointe 7.7:

‘7.7. achoimre ar na bearta arna ndéanamh chun astaíochtaí na substaintí tosaíochta a laghdú agus chun deireadh a chur de réir a chéile le hastaíochtaí substaintí guaiseacha tosaíochta;’;   

(20)Leasaítear Iarscríbhinn VIII i gcomhréir le hIarscríbhinn II a ghabhann leis an Treoir seo;

(21)Scriostar Iarscríbhinn X.

Airteagal 2

Leasuithe ar Threoir 2006/118/CE

Leasaítear Treoir 2006/118/CE mar a leanas:

(1)cuirtear an méid seo a leanas in ionad an teidil:

‘Treoir 2006/118/CE ó Pharlaimint na hEorpa agus ón gComhairle an 12 Nollaig 2006 maidir le truailliú screamhuisce a chosc agus a rialú’;

(2)in Airteagal 1, cuirtear an méid seo a leanas in ionad mhír 1:

‘1. Leagtar bearta sonracha síos leis an Treoir seo chun truailliú screamhuisce a chosc agus a rialú, bearta arb é is aidhm dóibh na cuspóirí comhshaoil a leagtar amach in Airteagal 4(1), pointe (b), de Threoir 2000/60/CE a ghnóthú. Áirítear ar na bearta sin an méid seo a leanas:

(a) critéir chun measúnú a dhéanamh ar stádas ceimiceach maith sa screamhuisce;

(b) critéir chun treochtaí marthanacha móra in airde a shainaithint agus a aisiompú agus chun túsphointí aisiompuithe treochta a shainmhíniú.’;

(3)in Airteagal 2, cuirtear an méid seo a leanas in ionad phointe (2):

‘(2) ciallaíonn ‘luach tairsí’ caighdeán cáilíochta screamhuisce a leagann na Ballstáit síos i gcomhréir le hAirteagal 3(1), pointe (b), nó ar leibhéal an Aontais i gcomhréir le hAirteagal 8(3);’; 

(4)leasaítear Airteagal 3 mar a leanas:

(a)i mír 1, an chéad fhomhír, cuirtear an pointe (c) seo a leanas leis:

‘(c) luachanna tairsí a leagtar síos ar leibhéal an Aontais i gcomhréir le hAirteagal 8(3) agus a liostaítear i gCuid D d’Iarscríbhinn II a ghabhann leis an Treoir seo.’;

(b)cuirtear an méid seo a leanas in ionad mhír 2:

‘2. Luachanna tairsí dá dtagraítear i mír 1, pointe (b), féadfar iad a leagan síos ar an leibhéal náisiúnta, ar leibhéal an cheantair abhantraí nó an chuid den cheantar abhantraí idirnáisiúnta atá laistigh de chríoch an Bhallstáit, nó ar leibhéal dobharlaigh nó grúpa de dhobharlaigh screamhuisce.’;

(c)cuirtear an méid seo a leanas in ionad mhír 5:

‘5. Na luachanna tairsí uile dá dtagraítear i mír 1, foilseofar iad sna pleananna bainistíochta abhantraí atá le táirgeadh faoi Airteagal 13 de Threoir 2000/60/CE, in éineacht le hachoimre ar an bhfaisnéis a leagtar amach i gCuid C d’Iarscríbhinn II a ghabhann leis an Treoir seo.

Déanfaidh na Ballstáit, faoi [Oifig na bhFoilseachán: cuir isteach an dáta = an chéad lá den mhí i ndiaidh 18 mí tar éis dháta theacht i bhfeidhm na Treorachseo], an Ghníomhaireacht Eorpach Ceimiceán (ECHA) a chur ar an eolas faoi na luachanna tairsí náisiúnta dá dtagraítear i mír 1, pointe (b). Cuirfidh ECHA an fhaisnéis sin ar fáil go poiblí.’;

(d)i mír 6, cuirtear an méid seo a leanas in ionad na chéad fhomhíre:

‘Leasóidh na Ballstáit an liosta luachanna tairsí a chuirtear i bhfeidhm ina gcríoch nuair a léiríonn faisnéis nua ar thruailleáin, grúpaí truailleán nó táscairí truailleán gur gá luach tairsí a leagan síos le haghaidh substaint bhreise, gur gá luach tairsí atá ann cheana a mhodhnú, nó gur gá luach tairsí a baineadh den liosta roimhe a chur isteach an athuair. Má leagtar luachanna tairsí síos nó má leasaítear ar leibhéal an Aontais iad, oiriúnóidh na Ballstáit an liosta luachanna tairsí a chuirtear i bhfeidhm ina gcríoch do na luachanna sin. ’;

(5)in Airteagal 4(2), cuirtear an méid seo a leanas in ionad phointe (b):

‘(b) na luachanna le haghaidh na gcaighdeán cáilíochta screamhuisce a liostaítear in Iarscríbhinn I agus na luachanna tairsí dá dtagraítear i Airteagal 3(1), pointí (b) agus (c), ní sháraítear iad ag aon phointe faireacháin sa dobharlach nó sa ghrúpa dobharlach screamhuisce sin; nó’;

(6)cuirtear an tAirteagal 6a seo a leanas isteach:

‘Airteagal 6a

Liosta faire

1. Tugtar de chumhacht don Choimisiún gníomhartha cur chun feidhme a ghlacadh chun liosta faire substaintí a bhunú, ag féachaint do thuarascálacha eolaíocha a ullmhaíonn ECHA, ar substaintí iad dá bhfuil sonraí faireacháin uile-Aontais le bailiú ag na Ballstáit agus chun na formáidí a leagan síos a bheidh le húsáid ag na Ballstáit chun torthaí an fhaireacháin sin agus faisnéis ghaolmhar a thuairisciú don Choimisiún. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 9(2).

Beidh cúig shubstaint nó ghrúpa substaintí ar a mhéad sa liosta faire agus léireoidh sé na maitrísí faireacháin agus na modhanna anailíse a d'fhéadfaí a úsáid le haghaidh gach substainte. Na maitrísí agus modhanna faireacháin sin, ní bheidh costais iomarcacha i gceist leo le haghaidh na n‑údarás inniúil. Na substaintí a bheidh le háireamh ar an liosta faire, roghnófar iad as measc na substaintí sin lena léirítear leis an bhfaisnéis atá ar fáil go bhféadfadh riosca substaintiúil a bheith ag baint leo ar leibhéal an Aontais don timpeallacht uisceach, nó tríd an timpeallacht uisceach, agus nach leordhóthanach sonraí faireacháin lena n‑aghaidh. Áireofar substaintí ar ábhar imní atá ag teacht chun cinn iad ar an liosta faire sin.

A luaithe a shainaithneofar modhanna faireacháin oiriúnacha forbartha le haghaidh micreaphlaistigh agus géinte frithsheasmheastachta frithmhiocróbaí áirithe , áireofar na substaintí sin ar an liosta faire.

Ullmhóidh ECHA tuarascálacha eolaíocha chun cúnamh a thabhairt don Choimisiún na substaintí le haghaidh an liosta faire a roghnú, agus an méid seo a leanas á chur san áireamh:

(a)Iarscríbhinn I a ghabhann le Treoir 2008/105/CE ó Pharlaimint na hEorpa agus ón gComhairle* agus torthaí an athbhreithnithe is déanaí ar an Iarscríbhinn sin;

(b)na liostaí faire a bunaíodh i gcomhréir le Treoir 2008/105/CE agus le Treoir (AE) 2020/2184 ó Pharlaimint na hEorpa agus ón gComhairle**;

(c)ceanglais chun aghaidh a thabhairt ar an truailliú ithreach, lena n‑áirítear sonraí faireacháin gaolmhara;

(d)Saintréithriú na gceantar abhantraí a dhéanann na Ballstáit i gcomhréir le hAirteagal 5 de Threoir 2000/60/CE agus torthaí na gclár faireacháin a bhunaítear i gcomhréir le hAirteagal 8 den Treoir sin;

(e)faisnéis ar mhéideanna táirgeachta, patrúin úsáide, airíonna intreacha (lena n‑áirítear soghluaisteacht in ithreacha agus, i gcás inarb ábhartha, méid cáithnín), tiúchain sa chomhshaol agus éifeachtaí díobhálacha ar shláinte an duine agus ar an timpeallacht uisceach de dheasca substaint áirithe nó grúpa substaintí áirithe, lena n‑áirítear faisnéis a bhailítear i gcomhréir le Rialachán (CE) 1907/2006 ó Pharlaimint na hEorpa agus ón gComhairle***, Rialachán (CE) 1107/2009 ó Pharlaimint na hEorpa agus ón gComhairle****, Rialachán (AE) 528/2012 ó Parlaimint na hEorpa agus ón gComhairle*****, Rialachán (AE) 2019/6 ó Parlaimint na hEorpa agus ón gComhairle******, Treoir 2001/83/CE ó Parlaimint na hEorpa agus ón gComhairle******* agus Treoir 2009/128/CE ó Parlaimint na hEorpa agus ón gComhairle********;

(f)tionscadail taighde agus foilseacháin eolaíocha, lena n‑áirítear faisnéis faoi threochtaí agus tuartha bunaithe ar an samhaltú nó ar mheasúnuithe réamhfháistineacha eile agus sonraí agus faisnéis ó theicneolaíochtaí cianbhraiteachta, faire na cruinne (seirbhísí Copernicus), braiteoirí agus feistí in‑situ, nó sonraí eolaíochta saoránach, lena ndéantar na deiseanna a thagann leis an intleacht shaorga, anailís agus próiseáil ardleibhéil sonraí a ghiaráil;

(g)moltaí ó pháirtithe leasmhara.

Gach 3 bliana, ullmhóidh ECHA tuarascáil ina dtabharfar achoimre ar thorthaí na dtuarascálacha eolaíocha a leagtar síos faoin gceathrú fomhír, agus cuirfidh sé an tuarascáil sin ar fáil go poiblí. Cuirfear an chéad tuarascáil ar fáil faoin X [Oifig na bhFoilseachán: cuir isteach an dáta = an chéad lá den aonú mí agus fiche tar éis dháta theacht i bhfeidhm na Treorach seo].

2. Bunófar liosta faire faoin .. [Oifig na bhFoilseachán: cuir isteach an dáta = an chéad lá den mhí i ndiaidh 24 mhí tar éis dháta theacht i bhfeidhm na Treorach seo]. Tabharfar an liosta faire cothrom le dáta gach 36 mhí dá éis sin.

Agus an liosta faire á thabhairt cothrom le dáta aige, bainfidh an Coimisiún aon substaint nó aon ghrúpa substaintí den liosta faire atá ann cheana, a mheasann sé gur féidir measúnú a dhéanamh ar an riosca a bhaineann leis don timpeallacht uisceach gan sonraí faireacháin breise. Nuair a bheidh an liosta faire tugtha cothrom le dáta, féadfar substaint aonair nó grúpa substaintí a choimeád ar an liosta faire ar feadh tréimhse 3 bliana eile i gcás inar gá sonraí faireacháin breise chun measúnú a dhéanamh ar an riosca don timpeallacht uisceach. Áireofar freisin ar an liosta faire a bheidh tugtha cothrom le dáta substaint bhreise amháin nó níos mó ná sin a measann an Coimisiún, ag féachaint do thuarascálacha eolaíocha ECHA, go bhféadfadh riosca a bheith ann don timpeallacht uisceach.

3. Déanfaidh na Ballstáit faireachán ar gach substaint nó ar gach grúpa substaintí sa liosta faire ag stáisiúin faireacháin ionadaíocha roghnaithe ar feadh tréimhse 24 mhí. Cuirfear tús leis an tréimhse faireacháin laistigh de 6 mhí ó bhunú an liosta faire.

Roghnóidh gach Ballstát stáisiún faireacháin amháin ar a laghad, móide an líon stáisiún atá cothrom lena limistéar iomlán de dhobharlaigh screamhuisce in km2 arna roinnt ar 60 000 (arna slánú chuig an slánuimhir is gaire).

Agus na stáisiúin faireacháin ionadaíocha á roghnú, mar aon le minicíocht an fhaireacháin agus an t‑uainiú séasúrach le haghaidh gach substainte nó grúpa substaintí, cuirfidh na Ballstáit san áireamh na patrúin úsáide agus tarlú féideartha na substainte nó an ghrúpa substaintí. Ní bheidh an mhinicíocht faireacháin níos lú ná uair sa bhliain.

I gcás ina mbeidh Ballstát in ann sonraí faireacháin ionadaíocha, inchomparáide, leordhóthanacha a taifeadadh le déanaí a ghiniúint le haghaidh substaint áirithe nó grúpa substaintí áirithe ó chláir nó ó staidéir faireacháin atá ann cheana, féadfaidh sé cinneadh a dhéanamh gan faireachán breise a dhéanamh faoin sásra liosta faire le haghaidh na substainte sin nó an ghrúpa substaintí sin, ar choinníoll go ndearnadh faireachán ar an tsubstaint nó ar an ngrúpa substaintí agus trí bhíthin modheolaíocht a chomhlíonann na maitrísí faireacháin agus na modhanna anailíse dá dtagraítear sa ghníomh cur chun feidhme lena mbunaítear an liosta faire.

4. Cuirfidh na Ballstáit torthaí an fhaireacháin dá dtagraítear i mír 3 den Airteagal seo ar fáil i gcomhréir le hAirteagal 8(4) de Threoir 2000/60/CE agus i gcomhréir leis an ngníomh cur chun feidhme lena mbunaítear an liosta faire mar a ghlactar de bhun mhír 1. Cuirfidh siad faisnéis ar fáil freisin faoi ionadaíochas na stáisiún faireacháin agus faoin straitéis faireacháin.

5. Déanfaidh ECHA athbhreithniú ar na torthaí faireacháin ag deireadh na tréimhse 24 mhí dá dtagraítear i mír 3 agus déanfaidh siad measúnú ar na substaintí nó ar na grúpaí substaintí is gá faireachán a dhéanamh orthu ar feadh tréimhse 24 mhí eile agus dá bhrí sin atá le coimeád ar an liosta faire agus cé na substaintí nó na grúpaí substaintí is féidir a bhaint den liosta faire.

I gcás ina dtagann an Coimisiún ar an gconclúid, ag féachaint don mheasúnú a dhéanann ECHA dá dtagraítear sa chéad fhomhír, nach gá aon fhaireachán eile a dhéanamh chun measúnú a dhéanamh a thuilleadh ar an riosca don timpeallacht uisceach, cuirfear an measúnú sin san áireamh san athbhreithniú ar Iarscríbhinn I nó II dá dtagraítear in Airteagal 8.

* Treoir 2008/105/CE ó Pharlaimint na hEorpa agus ón gComhairle maidir le cosc agus rialú ar thruailliú uisce dromchla, lena leasaítear agus lena n‑aisghairtear ina dhiaidh sin na Treoracha 82/176/CEE, 83/513/CEE, 84/156/CEE, 84/491/CEE, 86/280/CEE ón gComhairle agus lena leasaítear Treoir 2000/60/CE ó Pharlaimint na hEorpa agus ón gComhairle (IO L 348, 24.12.2008, lch. 84).

** Treoir (AE) 2020/2184 ó Pharlaimint na hEorpa agus ón gComhairle an 16 Nollaig 2020 maidir le cáilíocht an uisce atá beartaithe lena thomhailt ag an duine (IO L 435, 23.12.2020, lch. 1).

*** Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006 maidir le Clárú, Measúnú, Údarú agus Teorannú Ceimiceán (IO L 396, 30.12.2006, lch. 1).

**** Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh (IO L 309, 24.11.2009, lch. 1).

***** Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicíde a chur ar fáil sa mhargadh agus a úsáid (IO L 167, 27.6.2012, lch. 1).

****** Rialachán (AE) 2019/6 ó Pharlaimint na hEorpa agus ón gComhairle an 11 Nollaig 2018 maidir le táirge íocshláinte tréidliachta (IO L 4, 7.1.2019, lch. 43).

******* Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n‑úsáid ag an duine (IO L 311, 28.11.2001, lch. 67).

******** Treoir 2009/128/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat do ghníomhaíocht Chomhphobail chun úsáid inbhuanaithe lotnaidicídí a bhaint amach (IO L 309, 24.11.2009, lch. 71).

(7)Cuirtear an méid seo a leanas in ionad Airteagal 8:

‘Airteagal 8

Athbhreithniú ar Iarscríbhinní I go IV

1. Déanfaidh an Coimisiún athbhreithniú, den chéad uair faoin … [Oifig na bhFoilseachán: cuir isteach an dáta = 6 bliana tar éis dháta theacht i bhfeidhm na Treorach seo] agus gach 6 bliana ina dhiaidh sin, ar an liosta truailleán a leagtar amach in Iarscríbhinn I agus ar na caighdeáin cháilíochta le haghaidh na dtruailleán sin a leagtar amach san Iarscríbhinn sin, mar aon leis an liosta truailleán agus na táscairí a leagtar amach i gCuid B d’Iarscríbhinn II.

2. Tugtar de chumhacht don Choimisiún gníomhartha tarmligthe a ghlacadh, i gcomhréir le hAirteagal 8a, chun Iarscríbhinn I a leasú chun é a oiriúnú don dul chun cinn eolaíoch agus teicniúil trí thruailleáin screamhuisce agus caighdeáin cháilíochta a chur isteach nó a bhaint le haghaidh na dtruailleán sin a leagtar amach san Iarscríbhinn sin agus chun Cuid B a leasú chun é a oiriúnú don dul chun cinn teicniúil agus eolaíocht trí thruailleáin nó táscairí a chur leis nach mór do na Ballstáit cuimhneamh ar thairseacha náisiúnta a leagan síos ina leith.

3. Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 8a chun Cuid D d’Iarscríbhinn II a leasú chun é a oiriúnú don dul chun cinn eolaíoch agus teicniúil trí luachanna tairsí comhchuibhithe a chur isteach nó a leasú le haghaidh truailleán amháin nó níos mó a liostaítear i gCuid B den Iarscríbhinn sin.

4. Agus gníomhartha tarmligthe a dá dtagraítear i míreanna 2 agus 3 á nglacadh ag an gCoimisiún, cuirfidh sé na tuarascálacha eolaíocha a ullmhaíonn ECHA de bhun mhír 6 den Airteagal seo san áireamh.

5. Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 8a chun leasú a dhéanamh ar Chodanna A agus C d’Iarscríbhinn II agus ar Iarscríbhinní III agus IV chun iad a oiriúnú don dul chun cinn eolaíoch agus teicniúil.

6. Chun cúnamh a thabhairt don Choimisiún maidir leis an athbhreithniú ar Iarscríbhinní I agus II, ullmhóidh ECHA tuarascálacha eolaíocha. Cuirfear an méid seo a leanas san áireamh sna tuarascálacha sin:

(a) tuairim an Choiste um Measúnú Riosca agus an Choiste um Anailís Shocheacnamaíoch de chuid ECHA;

(b) torthaí na gclár faireacháin a bhunaítear i gcomhréir le hAirteagal 8 de Threoir 2000/60/CE;

(c) na sonraí faireacháin a bhailítear i gcomhréir le hAirteagal 6a(4) den Treoir seo;

(d) toradh na n‑athbhreithnithe ar na hIarscríbhinní a ghabhann le Treoir 2008/105/CE agus le Treoir (AE) 2020/2184;

(e) faisnéis agus ceanglais chun aghaidh a thabhairt ar an truailliú ithreach;

(f) cláir thaighde agus foilseacháin eolaíocha ón Aontas, lena n‑áirítear faisnéis a eascraíonn as teicneolaíochtaí cianbhraiteachta, faire na cruinne (seirbhísí Copernicus), braiteoirí agus gairis in‑situ agus/nó sonraí eolaíochta saoránach, lena ndéantar na deiseanna a thagann leis an intleacht shaorga, anailís agus próiseáil ardleibhéil sonraí a ghiaráil;

(g) barúlacha agus faisnéis ó pháirtithe leasmhara ábhartha.

6. Gach 6 bliana, ullmhóidh ECHA tuarascáil, agus cuirfidh sé ar fáil go poiblí í, tuarascáil ina dtabharfar achoimre ar thorthaí an athbhreithnithe dá dtagraítear i míreanna 2 agus 3. Cuirfear an chéad tuarascáil faoi bhráid an Choimisiúin an ... [Oifig na bhFoilseachán: Cuir isteach an dáta = 5 bliana tar éis dháta theacht i bhfeidhm na Treorach seo].

(8)cuirtear an tAirteagal 8a seo a leanas isteach:

‘Airteagal 8a

An tarmligean a fheidhmiú

1. Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2. Déanfar an chumhacht chun gníomhartha tarmligthe a ghlacadh dá dtagraítear in Airteagal 8(1) agus (2) a thabhairt don Choimisiún ar feadh tréimhse neamhchinntithe ó [Oifig na bhFoilseachán: cuir isteach an dáta = dáta theacht i bhfeidhm na Treorach seo].

3. Féadfaidh Parlaimint na hEorpa agus an Chomhairle tarmligean na cumhachta dá dtagraítear in Airteagal 8(1) agus (2) a chúlghairm tráth ar bith. Le cinneadh chun cúlghairm a dhéanamh, cuirfear deireadh le tarmligean na cumhachta a shonraítear sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht na ngníomhartha tarmligthe atá i bhfeidhm cheana féin.

4. Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe a ainmníonn gach Ballstát i gcomhréir leis na prionsabail a leagtar síos sa Chomhaontú Idirinstitiúideach maidir le Reachtóireacht Níos Fearr an 13 Aibreán 2016 .

5. A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6. Ní thiocfaidh gníomh tarmligthe a ghlactar de bhun Airteagal 8(1) nó (2) i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí i ndiaidh fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon i ndiaidh a chur in iúl don Choimisiún nach ndéanfaidh siad aon agóid. Cuirfear tréimhse 2 mhí leis an tréimhse sin ar thionscnamh Pharlaimint na hEorpa nó na Comhairle.’;

(9)cuirtear an méid seo a leanas in ionad Airteagal 9:

‘Airteagal 9

Nós imeachta coiste

1. Tabharfaidh coiste cúnamh don Choimisiún. Is coiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle a bheidh sa choiste sin*.

2. I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

I gcás nach dtugann an Coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír de Rialachán (AE) Uimh. 182/2011.’; 

* Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).’; 

(10)scriostar Airteagal 10;

(11)cuirtear an téacs atá in Iarscríbhinn III a ghabhann leis an Treoir seo in ionad Iarscríbhinn I;

(12)leasaítear Iarscríbhinn II i gcomhréir le hIarscríbhinn IV a ghabhann leis an Treoir seo;

(13)in Iarscríbhinn III, cuirtear an méid seo a leanas in ionad phointe 2(c):

‘(c) aon fhaisnéis ábhartha eile lena n‑áirítear comparáid idir meántiúchan uimhríochtúil bliantúil na dtruailleán ábhartha ag pointe faireacháin agus na caighdeáin cáilíochta screamhuisce a leagtar amach in Iarscríbhinn I agus na luachanna tairsí dá dtagraítear in Airteagal 3(1), pointí (b) agus (c).’;

(14)in Iarscríbhinn IV, cuid B, pointe 1, cuirtear an méid seo a leanas in ionad na habairte réamhráití:

‘is é an túsphointe a bheidh ann chun bearta a chur chun feidhme, d’fhonn treochtaí marthanacha móra in airde a aisiompú, an tráth a shroichfidh tiúchan an truailleáin 75 % de luachanna paraiméadracha na gcaighdeán cáilíochta screamhuisce a leagtar amach in Iarscríbhinn I agus de na luachanna tairsí dá dtagraítear in Airteagal 3(1), pointí (b) agus (c), ach amháin i gcás:’.

Airteagal 3

Leasuithe ar Threoir 2008/105/CE

Leasaítear Treoir 2008/105/CE mar a leanas:

(1)cuirtear an méid seo a leanas in ionad an teidil:

‘Treoir 2008/105/CE ó Pharlaimint na hEorpa agus ón gComhairle an 16 Nollaig 2008 maidir le cosc agus rialú ar thruailliú uisce dromchla, lena leasaítear agus lena n‑aisghairtear ina dhiaidh sin na Treoracha 82/176/CEE, 83/513/CEE, 84/156/CEE, 84/491/CEE, 86/280/CEE ón gComhairle agus lena leasaítear Treoir 2000/60/CE ó Pharlaimint na hEorpa agus ón gComhairle’;

(2)leasaítear Airteagal 3 mar a leanas:

(a)i mír 1a, an chéad fhomhír, cuirtear an pointe (iii) seo a leanas léi:

‘(iii) na substaintí a uimhrítear 5, 9, 13, 15, 17, 21, 23, 24, 28, 30, 34, 37, 41, 44 i gCuid A d’Iarscríbhinn I, dár leagan síos EQS athbhreithnithe, agus na substaintí nua‑aitheanta a uimhrítear 46 go 70 i gCuid A d’Iarscríbhinn I, le héifeacht ón ... [Oifig na bhFoilseachán: cuir isteach an dáta = an chéad lá den mhí i ndiaidh 18 mí tar éis dháta theacht i bhfeidhm an Treorach seo], agus é d’aidhm aige sin meath ar stádas ceimiceach dobharlach dromchla a chosc agus stádas ceimiceach maith san uisce dromchla a bhaint amach i ndáil leis na substaintí sin.’;

(b)cuirtear an méid seo a leanas in ionad mhír 2:

‘2. Maidir le substaintí a leagtar EQS bithra nó EQS dríodair síos ina leith i gCuid A d’Iarscríbhinn I, cuirfidh na Ballstáit an EQS bithra nó an EQS dríodair sin i bhfeidhm.

Maidir le substaintí seachas iad siúd dá dtagraítear sa chéad fhomhír, cuirfidh na Ballstáit EQS uisce i bhfeidhm a leagtar síos i gCuid A d’Iarscríbhinn I.’;  

(c)i mír 6, cuirtear an méid seo a leanas in ionad na chéad abairte sa chéad fhomhír:

‘Déanfaidh na Ballstáit socruithe le haghaidh na hanailíse treochta fadtéarmaí ar thiúchain na substaintí tosaíochta sin a shainaithnítear i gCuid A d’Iarscríbhinn I mar shubstaintí is dócha a charnfaidh i ndríodar agus/nó i mbithra, ar bhonn faireacháin ar dhríodar nó ar bhithra mar chuid den fhaireachán ar an stádas uisce dromchla a dhéantar i gcomhréir le hAirteagal 8 de Threoir 2000/60/CE.’; 

(d)scriostar mír 7;

(e)cuirtear an méid seo a leanas in ionad mhír 8:

’8. Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 9a chun Cuid B, pointe 3, d’Iarscríbhinn I a leasú chun é a oiriúnú don dul chun cinn eolaíoch nó teicniúil.’;

(3)Leasaítear Airteagal 5 mar a leanas:

(a)cuirtear an méid seo a leanas in ionad mhír 1:

‘1. Ar bhonn na faisnéise a bhailítear i gcomhréir le hAirteagail 5 agus 8 de Threoir 2000/60/CE, agus sonraí eile atá ar fáil, bunóidh na Ballstáit fardal, lena n‑áirítear léarscáileanna, más infhaighte, d’astaíochtaí, sceitheadh agus caillteanais gach substainte tosaíochta dá liostaítear i gCuid A d’Iarscríbhinn I a ghabhann leis an Treoir seo agus de na truailleáin uile a liostaítear i gCuid A d’Iarscríbhinn II a ghabhann leis an Treoir seo le haghaidh gach ceantar abhantraí nó cuid de cheantar abhantraí atá laistigh dá chríoch, lena n‑áirítear a dtiúchain i ndríodair agus i mbithra, de réir mar is iomchuí.

Ní bheidh feidhm ag an gcéad fhomhír maidir le hastaíochtaí, sceitheadh ná caillteanais a thuairiscítear don Choimisiún go leictreonach i gcomhréir le Rialachán (AE) .../... ó Pharlaimint na hEorpa agus ón gComhairle 65+. ’;

(b)scriostar míreanna 2 agus 3;

(c)cuirtear an méid seo a leanas in ionad mhír 4:

‘4. Tabharfaidh na Ballstáit a bhfardail cothrom le dáta mar chuid de na hathbhreithnithe ar na hanailísí a shonraítear in Airteagal 5(2) de Threoir 2000/60/CE agus áiritheoidh maidir leis na hastaíochtaí nach dtuairiscítear don Tairseach um Astaíochtaí Tionsclaíocha arna bunú faoi Rialachán (AE) ../.. ++, go bhfoilseofar iad ina bpleananna bainistíochta abhantraí mar a thugtar cothrom le dáta iad i gcomhréir le hAirteagal 13(7) den Treoir sin.

An tréimhse thagartha chun na luachanna a leagan síos sna fardail a thabharfar cothrom le dáta, is í sin an bhliain roimh an mbliain ina mbeidh na hanailísí dá dtagraítear sa chéad fhomhír le cur i gcrích.

Le haghaidh substaintí tosaíochta nó truailleáin a chumhdaítear le Rialachán (CE) Uimh. 1107/2009, féadfar na hiontrálacha a ríomh mar mheán na 3 bliana roimh chur i gcrích na hanailíse dá dtagraítear sa chéad fhomhír.

Le haghaidh astaíochtaí poncfhoinse nach dtuairiscítear i gcomhréir le Rialachán (AE) ../… +++, toisc nach dtagann siad ar fad faoi raon feidhme an Rialacháin sin nó toisc go bhfuil siad faoi bhun na dtairseacha tuairiscithe bliantúla a leagtar amach sa Rialachán sin, comhlíonfar an oibleagáid tuairiscithe a leagtar amach sa chéad fhomhír den Airteagal seo trí thuairisciú leictreonach don Tairseach um Astaíochtaí Tionsclaíocha arna bunú faoin Rialachán sin.

Glacfaidh an Coimisiún, le cúnamh ón nGníomhaireacht Eorpach Chomhshaoil, gníomh cur chun feidhme lena leagfar síos formáid, leibhéal gráinneachta agus minicíocht an tuairiscithe dá dtagraítear sa cheathrú fomhír. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 9(2).’;

(d)scriostar mír 5;

(4)In Airteagal 7a(1), cuirtear an méid seo a leanas in ionad na chéad fhomhíre:

‘1. Le haghaidh substaintí tosaíochta a thagann faoi raon feidhme Rialachán (CE) Uimh. 1907/2006, Rialachán (CE) Uimh. 1107/2009, Rialachán (AE) Uimh. 528/2012, Rialachán (AE) 2019/6 ó Pharlaimint na hEorpa agus ón gComhairle*, nó faoi raon feidhme Threoir 2001/83/CE ó Pharlaimint na hEorpa agus ón gComhairle**, Threoir 2009/128/CE ó Pharlaimint na hEorpa agus ón gComhairle*** nó Threoir 2010/75/AE, déanfaidh an Coimisiún, mar chuid den tuarascáil dá dtagraítear in Airteagal 18(1) de Threoir 2000/60/CE, measúnú ar cé acu atá na bearta atá ar bun ar leibhéal an Aontais agus ar leibhéal na mBallstát leordhóthanach chun na caighdeáin cáilíochta comhshaoil (EQS) le haghaidh substaintí tosaíochta a bhaint amach agus chun scor de sceití, astaíochtaí agus caillteanais substaintí guaiseacha tosaíochta nó deireadh a chur de réir a chéile lena leithéid i gcomhréir le hAirteagal 4(1), pointe (a), de Threoir 2000/60/CE.

* Rialachán (AE) 2019/6 ó Pharlaimint na hEorpa agus ón gComhairle an 11 Nollaig 2018 maidir le táirge íocshláinte tréidliachta agus lena n‑aisghairtear Treoir 2001/82/CE (IO L 4, 7.1.2019, lch. 43).

** Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n‑úsáid ag an duine (IO L 311, 28.11.2001, lch. 67).

*** Treoir 2009/128/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat do ghníomhaíocht Chomhphobail chun úsáid inbhuanaithe lotnaidicídí a bhaint amach (IO L 309, 24.11.2009, lch. 71).;

(5)Cuirtear an méid seo a leanas in ionad Airteagal 8:

‘Airteagal 8

Athbhreithniú ar Iarscríbhinní I agus II

‘1. Déanfaidh an Coimisiún athbhreithniú, den chéad uair faoin … [Oifig na bhFoilseachán: Cuir isteach an dáta = 6 bliana tar éis dháta theacht i bhfeidhm na Treorach seo] agus gach 6 bliana ina dhiaidh sin, ar an liosta substaintí tosaíochta agus EQS comhfhreagrach le haghaidh na substaintí sin a leagtar amach i gCuid A d’Iarscríbhinn I agus an liosta truailleán a leagtar amach i gCuid A d’Iarscríbhinn II.

2. Tugtar de chumhacht don Choimisiún gníomhartha tarmligthe a ghlacadh, ag féachaint do na tuarascálacha eolaíochta a ullmhaíonn an Ghníomhaireacht Eorpach Ceimiceán (ECHA) de bhun mhír 6 den Airteagal seo, i gcomhréir le hAirteagal 9a chun Iarscríbhinn I a leasú chun é a oiriúnú don dul chun cinn eolaíoch agus teicniúil ar na bealaí seo a leanas:

(a)    substaintí a chur leis an liosta substaintí tosaíochta nó substaintí a bhaint de;

(b)    substaintí áirithe a ainmniú nó a dhí‑ainmniú mar shubstaintí guaiseacha tosaíochta agus/nó mar shubstaintí Marthanacha, Bithcharnacha agus Tocsaineacha uileláithreacha (uPBTanna) agus/nó mar shubstaintí a bhailíonn i ndríodar agus/nó i mbithra sa liosta sin;

(c)    caighdeán cáilíochta comhshaoil comhfhreagrach a shocrú le haghaidh uisce dromchla, dríodair nó bithra, de réir mar is iomchuí.

3. Tugtar de chumhacht don Choimisiún gníomhartha tarmligthe a ghlacadh, ag féachaint do na tuarascálacha eolaíochta a ullmhaíonn ECHA de bhun mhír 6 den Airteagal seo, i gcomhréir le hAirteagal 9a chun Iarscríbhinn II a leasú chun é a oiriúnú don dul chun cinn eolaíoch agus teicniúil ar na bealaí seo a leanas:

(a)truailleáin a chur leis an liosta catagóirí truailleán a leagtar amach i gCuid A d’Iarscríbhinn II nó a bhaint de;

(b)an mhodheolaíocht a leagtar amach i gCuid B d’Iarscríbhinn II a nuashonrú;

(c)na truailleáin a bhaineann go sonrach le habhantracha a liostú i gCuid C d’Iarscríbhinn II a ghabhann leis an Treoir seo, truailleáin ar shuigh sé nach mór EQS a leagtar síos ar leibhéal an Aontais a chur i bhfeidhm ina leith, i gcás inarb ábhartha, chun cur chun feidhme comhchuibhithe agus eolaíocht‑bhunaithe na gcuspóirí a leagtar amach in Airteagal 4 de Threoir 2000/60/CE a áirithiú, agus trí EQS comhfhreagrach i gcomhair na dtruailleán sin a liostú i gCuid C d’Iarscríbhinn II a ghabhann leis an Treoir seo.

4. Nuair a bheidh truailleáin a bhaineann go sonrach le habhantracha á sainaithint ag an gCoimisiún, truailleáin a d’fhéadfadh sé gur gá EQS a leagan amach ina leith ar leibhéal an Aontais, ní mór don Choimisiún na critéir seo a leanas a chur san áireamh:

(a) an riosca atá i gceist leis na truailleáin sin, lena n‑áirítear an ghuais a bhaineann leo, a dtiúchain chomhshaoil agus an tiúchan a mbeadh coinne le héifeachtaí os a chionn;

(b) an neamhionannas idir EQS náisiúnta a shocraíonn Ballstáit éagsúla le haghaidh truailleáin a bhaineann go sonrach le habhantracha agus a mhéid is féidir bonn cirt a thabhairt leis an neamhionannas sin;

(c) líon na mBallstát a chuireann EQS i bhfeidhm cheana féin maidir leis na truailleáin a bhaineann go sonrach le habhantracha faoi bhreithniú.

5. Substaintí tosaíochta a baineadh, de thoradh an athbhreithnithe dá dtagraítear i mír 1, ón liosta substaintí tosaíochta toisc nach mbaineann riosca uile-Aontais leo a thuilleadh, cuirfear na substaintí sin san áireamh i gCuid C d’Iarscríbhinn II, lena liostaítear na truailleáin a bhaineann go sonrach le habhantracha agus EQS comhchuibhithe lena mbaineann atá le cur chun feidhme i gcás inar ábhar imní náisiúnta agus réigiúnach iad na truailleáin, i gcomhréir le hAirteagal 8d.

6. Chun cúnamh a thabhairt don Choimisiún maidir leis an athbhreithniú ar Iarscríbhinní I agus II, ullmhóidh ECHA tuarascálacha eolaíocha. Cuirfear an méid seo a leanas san áireamh sna tuarascálacha eolaíochta sin:

(a) tuairimí an Choiste um Measúnú Riosca agus an Choiste um Anailís Shocheacnamaíoch de chuid ECHA;

(b) torthaí na gclár faireacháin a bhunaítear i gcomhréir le hAirteagal 8 de Threoir 2000/60/CE;

(c) na sonraí faireacháin a bhailítear i gcomhréir le hAirteagal 8b(4) den Treoir seo;

(d) toradh na n‑athbhreithnithe ar na hIarscríbhinní a ghabhann le Treoir 2006/118/CE ó Pharlaimint na hEorpa agus ón gComhairle* agus Treoir (AE) 2020/2184 ó Pharlaimint na hEorpa agus ón gComhairle**;

(e ) ceanglais chun aghaidh a thabhairt ar an truailliú ithreach, lena n‑áirítear na sonraí faireacháin lena mbaineann;

(f) cláir thaighde agus foilseacháin eolaíochta ón Aontas, lena n‑áirítear faisnéis a eascraíonn as teicneolaíochtaí cianbhraiteachta, faire na cruinne (seirbhísí Copernicus), braiteoirí agus feistí in‑situ agus/nó sonraí eolaíochta saoránach, lena ndéantar na deiseanna a thagann leis an intleacht shaorga, anailís agus próiseáil ardleibhéil sonraí a ghiaráil;    

(e) barúlacha agus faisnéis ó pháirtithe leasmhara ábhartha.

7. Gach 6 bliana, ullmhóidh ECHA tuarascáil, a chuirfidh sé ar fáil go poiblí, ina dtabharfar achoimre ar thorthaí na dtuarascálacha eolaíocha a bhunaítear faoi mhír 6. Cuirfear an chéad tuarascáil faoi bhráid an Choimisiúin an ... [Oifig na bhFoilseachán: Cuir isteach an dáta = 5 bliana tar éis dháta theacht i bhfeidhm na Treorach seo].

* Treoir 2006/118/CE ó Pharlaimint na hEorpa agus ón gComhairle an 12 Nollaig 2006 maidir le truailliú screamhuisce a chosc agus a rialú (IO L 372, 27.12.2006, lch. 19).

** Treoir (AE) 2020/2184 ó Pharlaimint na hEorpa agus ón gComhairle an 16 Nollaig 2020 maidir le cáilíocht an uisce atá beartaithe lena thomhailt ag an duine (IO L 435, 23.12.2020, lch. 1).’;

(6)Cuirtear an méid seo a leanas in ionad Airteagal 8a:

‘Airteagal 8a

Forálacha sonracha maidir le substaintí áirithe

1. Sna pleananna bainistíochta abhantraí a tháirgtear i gcomhréir le hAirteagal 13 de Threoir 2000/60/CE, gan dochar do cheanglais Roinn 1.4.3 d’Iarscríbhinn V a ghabhann leis an Treoir sin maidir le cur i láthair an stádais cheimicigh fhoriomláin agus na cuspóirí agus na hoibleagáidí a leagtar síos in Airteagal 4(1), pointe (a) den Treoir sin, féadfaidh na Ballstáit léarscáileanna breise a sholáthar ina léireofar an fhaisnéis maidir le stádas ceimiceach ceann amháin nó níos mó de na substaintí seo a leanas, ar leithligh ón bhfaisnéis faoi na substaintí eile a shainaithnítear i gCuid A d’Iarscríbhinn I a ghabhann leis an Treoir seo:

(a)substaintí a shainaithnítear i gCuid A d’Iarscríbhinn I mar shubstaintí a iompraíonn iad féin amhail substaintí marthanacha, bithcharnacha agus tocsaineacha uileláithreacha (uPBTanna);

(b)substaintí a sainaithníodh den chéad uair san athbhreithniú is déanaí i gcomhréir le hAirteagal 8;

(c)substaintí ar leagadh síos EQS níos déine ina leith san athbhreithniú is déanaí i gcomhréir le hAirteagal 8.

Féadfaidh na Ballstáit méid aon imeachta ó luach EQS le haghaidh na substaintí dá dtagraítear sa chéad fhomhír, pointí (a), (b) agus (c), a chur i láthair sna pleananna bainistíochta abhantraí a tháirgtear i gcomhréir le hAirteagal 13 de Threoir 2000/60/CE. I gcás Ballstáit a sholáthraíonn léarscáileanna breise dá dtagraítear sa chéad fhomhír, féachfaidh siad le hidir-inchomparáideacht a áirithiú ar leibhéal an abhantraigh agus ar leibhéal an Aontais agus cuirfidh siad na sonraí a chur ar fáil i gcomhréir le Treoir 2003/4/CE, Treoir 2007/2/CE ó Pharlaimint na hEorpa agus ón gComhairle* agus Treoir (AE) 2019/1024 ó Pharlaimint na hEorpa agus ón gComhairle**.

2. Féadfaidh na Ballstáit faireachán a dhéanamh ar shubstaintí a shainaithnítear i gCuid A d’Iarscríbhinn I mar shubstaintí a iompraíonn iad féin amhail substaintí marthanacha, bithcharnacha agus tocsaineacha uileláithreacha (uPBTanna), ar bhealach níos scaoilte ná mar a éilítear i leith substaintí tosaíochta i gcomhréir le hAirteagal 3(4) den Treoir seo agus Iarscríbhinn V a ghabhann le Treoir 2000/60/CE, ar choinníoll go bhfuil an faireachán ionadaíoch agus go bhfuil bonnlíne atá láidir ó thaobh staidrimh de ar fáil maidir le láithreacht na substaintí sin sa timpeallacht uisceach. Mar threoirlíne, i gcomhréir le hAirteagal 3(6), an dara fomhír, den Treoir seo, ba cheart faireachán a dhéanamh gach 3 bliana, ach amháin i gcás ina dtugtar bonn cirt d’eatramh eile mar gheall ar eolas teicniúil agus breithiúnas saineolaithe.

3. Déanfaidh na Ballstáit faireachán le haghaidh substaintí éastraigineacha i ndobharlaigh, agus modhanna faireacháin bunaithe ar éifeacht á n‑úsáid acu, ar feadh tréimhse 2 bhliain, ón … [Oifig na bhFoilseachán: cuir isteach an dáta = an chéad lá den mhí i ndiaidh 18 mí tar éis dháta theacht i bhfeidhm na Treorach seo]. Déanfaidh siad an faireachán ceithre huaire ar a laghad le linn gach ceann den 2 bhliain ag suíomhanna ina bhfuil faireachán á dhéanamh ar na trí hormón éastraigineacha 7‑Béite éastraidé‑ól (E2), Éastrón (E1) agus Éastraidé‑ól alfa‑eitinile (EE2) a liostaítear i gCuid A d’Iarscríbhinn I a ghabhann leis an Treoir seo, agus modhanna anailíseacha traidisiúnta á n‑úsáid i gcomhréir le hAirteagal 8 de Threoir 2000/60/CE agus Iarscríbhinn V a ghabhann leis an Treoir sin. Féadfaidh na Ballstáit leas a bhaint as an líonra suíomhanna faireacháin arna sainaithint chun faireacháin faireachais a dhéanamh ar dhobharlaigh dhromchla ionadaíocha i gcomhréir le pointe 1.3.1 d’Iarscríbhinn V a ghabhann le Treoir 2000/60/CE.

* Treoir 2007/2/CE ó Pharlaimint na hEorpa agus ón gComhairle an 14 Márta 2007 lena mbunaítear Bonneagar d’Fhaisnéis Spásúil sa Chomhphobal Eorpach (INSPIRE), (IO L 108, 25.4.2007, lch. 1).

** Treoir (AE) 2019/1024 ó Pharlaimint na hEorpa agus ón gComhairle an 20 Meitheamh 2019 maidir le sonraí oscailte, agus maidir le faisnéis ón earnáil phoiblí a athúsáid (IO L 172, 26.6.2019, lch. 56).’;

(7)Cuirtear an méid seo a leanas in ionad Airteagal 8b:

‘Airteagal 8b

Liosta faire

‘1. Tugtar de chumhacht don Choimisiún gníomhartha cur chun feidhme a ghlacadh chun liosta faire substaintí a leagan síos, ag féachaint do thuarascálacha eolaíocha a ullmhaíonn ECHA, ar substaintí iad nach mór sonraí faireacháin uile-Aontais a bhailiú ó na Ballstáit ina leith agus chun na formáidí a leagan síos a bheidh le húsáid ag na Ballstáit chun torthaí an fhaireacháin sin agus faisnéis ghaolmhar a thuairisciú don Choimisiún. Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 9(2).

Beidh deich substaint nó ngrúpa substaintí ar a mhéad sa liosta faire ag aon uair amháin agus léireoidh sé na maitrísí faireacháin agus na modhanna anailíse féideartha le haghaidh gach substainte. Na maitrísí agus modhanna faireacháin sin, ní bheidh costais iomarcacha i gceist leo le haghaidh na n‑údarás inniúil. Na substaintí a bheidh le háireamh ar an liosta faire, roghnófar iad as measc na substaintí sin a léirítear leis an bhfaisnéis atá ar fáil ina leith go bhféadfaidh riosca substaintiúil a bheith ag baint leo ar leibhéal an Aontais don timpeallacht uisceach, nó tríd an timpeallacht uisceach, agus nach leordhóthanach sonraí faireacháin lena n‑aghaidh. Beidh substaintí ar ábhar imní atá ag teacht chun cinn iad san áireamh ar an liosta faire.

A luaithe a shainaithneofar modhanna faireacháin oiriúnacha le haghaidh micreaphlaistigh agus géinte frithsheasmheastachta frithmhiocróbaí áirithe, áireofar na substaintí sin ar an liosta faire.

Ullmhóidh ECHA tuarascálacha eolaíocha chun cúnamh a thabhairt don Choimisiún na substaintí le haghaidh an liosta faire a roghnú, agus an méid seo a leanas á chur san áireamh:

(a)torthaí an athbhreithnithe tráthrialta is déanaí ar Iarscríbhinn I a ghabhann leis an Treoir seo;

(b)moltaí ó na páirtithe leasmhara dá dtagraítear in Airteagal 8 de Threoir 2008/105/CE;

(c)Saintréithriú na gceantar abhantraí ag na Ballstáit i gcomhréir le hAirteagal 5 de Threoir 2000/60/CE agus torthaí na gclár faireacháin a bhunaítear i gcomhréir le hAirteagal 8 den Treoir sin;

(d)faisnéis ar mhéideanna táirgeachta, patrúin úsáide, airíonna intreacha (lena n‑áirítear, i gcás inarb ábhartha, méid cáithnín), tiúchain sa chomhshaol agus éifeachtaí díobhálacha ar shláinte an duine agus ar an timpeallacht uisceach i ndáil le substaint áirithe, lena n‑áirítear faisnéis a bhailítear i gcomhréir le Rialachán (CE) Uimh. 1907/2006, Rialachán (CE) Uimh. 1107/2009, Rialachán (AE) Uimh. 528/2012, Rialachán (AE) 2019/6, Treoir 2001/83/CE agus Treoir 2009/128/CE;

(e)tionscadail taighde agus foilseacháin eolaíocha, lena n‑áirítear faisnéis faoi threochtaí agus tuartha bunaithe ar shamhaltú nó measúnaithe réamhfháistineacha agus sonraí agus faisnéis ó theicneolaíochtaí cianbhraiteachta, faire na cruinne (seirbhísí Copernicus), braiteoirí agus feistí in‑situ, nó sonraí eolaíochta saoránach, lena ndéantar na deiseanna a thagann leis an intleacht shaorga, anailís agus próiseáil sonraí ar ardleibhéal a ghiaráil.

Gach 3 bliana, ullmhóidh ECHA tuarascáil ina dtabharfar achoimre ar thorthaí na dtuarascálacha eolaíocha a bhunaítear faoin gceathrú fomhír, agus cuirfidh sé an tuarascáil sin ar fáil go poiblí. Cuirfear an chéad tuarascáil ó ECHA ar fáil faoin … [Oifig na bhFoilseachán: cuir isteach an dáta = an chéad lá den aonú mí agus fiche tar éis dháta theacht i bhfeidhm na Treorach seo].

2. Tabharfar an liosta faire sin cothrom le dáta faoin X [Oifig na bhFoilseachán: cuir isteach an dáta = an lá deireanach den tríú mí agus fiche tar éis dháta theacht i bhfeidhm na Treorach seo], agus gach 36 mí ina dhiaidh sin. Agus an liosta faire á thabhairt cothrom le dáta ag an gCoimisiún, bainfidh sé aon substaint den liosta faire atá ann cheana má mheasann sé gur féidir measúnú a dhéanamh ar an riosca a bhaineann léi don timpeallacht uisceach gan sonraí faireacháin breise. Nuair a bheidh an liosta faire tugtha cothrom le dáta, féadfar substaint aonair nó grúpa substaintí a choimeád ar an liosta faire ar feadh uastréimhse 3 bliana eile ar a mhéad i gcás inar gá sonraí faireacháin breise chun measúnú a dhéanamh ar an riosca don timpeallacht uisceach. Áireofar freisin ar gach liosta faire a bheidh tugtha cothrom le dáta substaint nua amháin nó níos mó a mheasann an Coimisiún, ar bhonn thuarascálacha eolaíocha ECHA, go bhféadfadh riosca a bheith ann don timpeallacht uisceach dá bharr.

3. Déanfaidh na Ballstáit faireachán ar gach substaint nó ar gach grúpa substaintí sa liosta faire ag stáisiúin faireacháin ionadaíocha roghnaithe ar feadh tréimhse 24 mhí. Cuirfear tús leis an tréimhse faireacháin laistigh de 6 mhí ón tráth a chuirtear an substaint ar an liosta.

Roghnóidh gach Ballstát stáisiún faireacháin amháin ar a laghad, móide stáisiún amháin eile má tá níos mó ná 1 mhilliún cónaitheoir ann, móide an líon stáisiún atá cothrom lena limistéar geografach in km2 arna roinnt ar 60 000 (arna slánú chuig an slánuimhir is gaire), móide an líon stáisiún atá cothrom leis an daonra arna roinnt ar 5 mhilliún (arna slánú chuig an slánuimhir is gaire).

Agus na stáisiúin faireacháin ionadaíocha á roghnú, mar aon le minicíocht an fhaireacháin agus an t‑uainiú séasúrach le haghaidh gach substainte nó grúpa substaintí, cuirfidh na Ballstáit san áireamh na patrúin úsáide agus tarlú féideartha na substainte nó an ghrúpa substaintí. Déanfar an faireachán dhá uair sa bhliain ar a laghad, ach amháin le haghaidh substaintí atá faoi réir éagsúlachtaí aeráide nó séasúracha, ar a ndéanfar faireachán níos minice, mar a leagtar amach sa ghníomh cur chun feidhme lena mbunaítear an liosta faire arna ghlacadh de bhun mhír 1.

I gcás ina mbeidh Ballstát in ann sonraí faireacháin ionadaíocha, inchomparáide, leordhóthanacha a taifeadadh le déanaí a ghiniúint agus a sholáthar don Choimisiún i ndáil le substaint áirithe nó grúpa substaintí áirithe ó chláir nó ó staidéir faireacháin atá ann cheana, féadfaidh sé cinneadh a dhéanamh gan faireachán breise a dhéanamh faoin sásra liosta faire le haghaidh na substainte sin nó an ghrúpa substaintí sin, ar choinníoll go ndearnadh faireachán ar an tsubstaint sin nó ar an ngrúpa substaintí sin agus modheolaíocht á húsáid lena gcomhlíontar na maitrísí faireacháin agus na modhanna anailíse dá dtagraítear sa ghníomh cur chun feidhme lenar bunaíodh an liosta faire, chomh maith le Treoir 2009/90/CE*.

4. Cuirfidh na Ballstáit torthaí an fhaireacháin dá dtagraítear i mír 3 den Airteagal seo ar fáil i gcomhréir le hAirteagal 8(4) de Threoir 2000/60/CE agus leis an ngníomh cur chun feidhme lenar bunaíodh an liosta faire arna ghlacadh de bhun mhír 1. Cuirfidh siad faisnéis ar fáil freisin faoi ionadaíochas na stáisiún faireacháin agus faoin straitéis faireacháin.

5. Déanfaidh ECHA athbhreithniú ar na torthaí faireacháin ag deireadh na tréimhse 24 mhí dá dtagraítear i mír 3 agus déanfaidh sé measúnú ar na substaintí nó ar na grúpaí substaintí is gá faireachán a dhéanamh orthu ar feadh tréimhse 24 mhí eile agus dá bhrí sin atá le coimeád ar an liosta faire agus cé na substaintí nó na grúpaí substaintí is féidir a bhaint den liosta faire.

I gcás inarb é conclúid an Choimisiúin, ag féachaint don mheasúnú arna dhéanamh ag ECHA dá dtagraítear sa chéad fhomhír, nach gá aon fhaireachán eile a dhéanamh chun tuilleadh measúnaithe a dhéanamh ar an riosca don timpeallacht uisceach, cuirfear an measúnú sin san áireamh san athbhreithniú ar Iarscríbhinn I nó II dá dtagraítear in Airteagal 8.’

* Treoir 2009/90/CE ón gCoimisiún an 31 Iúil 2009 lena leagtar síos, de bhun Threoir 2000/60/CE ó Pharlaimint na hEorpa agus ón gComhairle, sonraíochtaí teicniúla maidir le hanailís cheimiceach agus faireachán a dhéanamh ar stádas an uisce (IO L 201, 1.8.2009, lch. 36).’;

(8)cuirtear an tAirteagal 8d seo a leanas isteach:

‘Airteagal 8d

Truailleáin a Bhaineann go Sonrach le hAbhantracha

‘1. Leagfaidh na Ballstáit EQS síos maidir leis na truailleáin a bhaineann go sonrach le habhantracha a chumhdaítear leis na catagóirí a liostaítear i gCuid A d’Iarscríbhinn II a ghabhann leis an Treoir seo, i gcás ina mbíonn riosca i gceist leis na truailleáin sin do dhobharlaigh i gceann amháin nó níos mó dá gceantair abhantraí bunaithe ar na hanailísí agus na hathbhreithnithe faoi Airteagal 5 de Threoir 2000/60/AE, i gcomhréir leis an nós imeachta a leagtar amach i gCuid B d’Iarscríbhinn II a ghabhann leis an Treoir seo.

Cuirfidh na Ballstáit ECHA ar an eolas faoi EQS dá dtagraítear sa chéad fhomhír faoin [Oifig na bhFoilseachán: cuir isteach an dáta = an chéad lá den mhí i ndiaidh 18 mí tar éis dháta theacht i bhfeidhm na Treorach seo]. Cuirfidh ECHA an fhaisnéis sin ar fáil go poiblí.

2. I gcás inar bunaíodh EQS le haghaidh truailleáin a bhaineann go sonrach le habhantracha ar leibhéal an Aontais agus go liostaítear iad i gCuid C d’Iarscríbhinn II, i gcomhréir le hAirteagal 8, tabharfar tús áite do na EQS sin thar EQS le haghaidh truailleáin a bhaineann go sonrach le habhantracha arna leagan síos ar an leibhéal náisiúnta i gcomhréir le mír 1. Cuirfidh na Ballstáit EQS arna leagan síos ar leibhéal an Aontais i bhfeidhm freisin chun a fháil amach an bhfuil riosca i gceist leis na truailleáin a bhaineann go sonrach le habhantracha a liostaítear i gCuid C d’Iarscríbhinn II nó nach bhfuil.

3. Is gá EQS náisiúnta is infheidhme nó EQS arna leagan síos ar leibhéal an Aontais, i gcás inarb ábhartha, a chomhlíonadh chun dea‑stádas ceimiceach a bheith ag dobharlach, i gcomhréir leis an sainmhíniú a leagtar amach in Airteagal 2(24) de Threoir 2000/60/CE.’;  

(9)Scriostar Airteagal 10;

(10)Leasaítear Iarscríbhinn I i gcomhréir le hIarscríbhinn V a ghabhann leis an Treoir seo;

(11)Cuirtear Iarscríbhinn II leis, mar a leagtar amach in Iarscríbhinn VI a ghabhann leis an Treoir seo.

Airteagal 4

1. Déanfaidh na Ballstáit na dlíthe, na rialacháin agus na forálacha riaracháin is gá chun an Treoir seo a chomhlíonadh a thabhairt i bhfeidhm faoin [Oifig na bhFoilseachán: cuir isteach an dáta = an chéad lá den mhí i ndiaidh 18 mí tar éis dháta theacht i bhfeidhm na Treorach seo].

2. Cuirfidh siad téacs na bhforálacha sin in iúl don Choimisiún láithreach. Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an bealach le tagairt den sórt sin a dhéanamh. Déanfaidh na Ballstáit téacs phríomhfhorálacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún

Airteagal 5

Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.

Airteagal 6

Is chuig na Ballstáit a dhírítear an Treoir seo.

Arna dhéanamh sa Bhruiséil,

RÁITEAS AIRGEADAIS REACHTACH maidir leis an
bPACÁISTE FAOI THRUAILLIÚ NIALASACH

LEAGAN AMACH AN TOGRA/TIONSCNAIMH

Teideal an togra/tionscnaimh

Réimsí beartais lena mbaineann 

Baineann an togra/tionscnamh le:

 beart nua 

 beart nua a leanann treoirthionscadal/réamhbheart 66  

 síneadh ar bheart atá ann cheana 

 beart nó bearta a chumasc nó a atreorú i dtreo beart eile/beart nua 

Cuspóirí

Cuspóirí ginearálta

Cuspóirí sonracha

An toradh agus an tionchar a mheastar a bheidh ann

Táscairí feidhmíochta

Na forais leis na tograí / an tionscnamh

Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

Breisluach a bhaineann le rannpháirteachas an Aontais (d’fhéadfadh an breisluach a bheith ann mar thoradh ar fhachtóirí éagsúla, e.g. deimhneacht dhlíthiúil, breis éifeachtachta, comhlántachtaí, nó gnóthachain de thoradh comhordú). Chun críocha an phointe seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.

Ceachtanna a foghlaimíodh ó thaithí eile den sórt sin san am a chuaigh thart

Comhoiriúnacht don Chreat Airgeadais Ilbhliantúil agus sineirgíochtaí a d’fhéadfadh a bheith ann le hionstraimí iomchuí eile

Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

Fad an togra/tionscnaimh agus an tionchar airgeadais a mheastar a bheidh aige

 tréimhse theoranta

    i bhfeidhm ón [LL/MM]BBBB go dtí an [LL/MM]BBBB

    Tionchar airgeadais ó BBBB go BBBB maidir le leithreasuithe faoi chomhair oibleagáidí agus ó BBBB go BBBB maidir le leithreasuithe faoi chomhair íocaíochtaí.

 tréimhse neamhtheoranta

Cur chun feidhme le tréimhse tosaigh ó 2024 (maidir le Cóireáil Fuíolluisce Uirbigh), ó 2024 go 2025 (Bainistiú comhtháite uisce) ó 2024 go 2027 (i ndáil leis an Reachtaíocht maidir le Cáilíocht an Aeir),

agus cuirfear ag feidhmiú go hiomlán ina dhiaidh sin é.

Modhanna bainistíochta atá beartaithe 67  

 Bainistíocht dhíreach a dhéanann an Coimisiún

 ina ranna, lena n‑áirítear an chuid sin den fhoireann atá i dtoscaireachtaí an Aontais;

    trí na gníomhaireachtaí feidhmiúcháin

 Bainistíocht atá comhroinnte leis na Ballstáit

 Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

 tríú tíortha nó na comhlachtaí a d'ainmnigh siad;

 eagraíochtaí idirnáisiúnta agus a ngníomhaireachtaí (tabhair sonraí);

 BEI agus an Ciste Eorpach Infheistíochta;

 comhlachtaí dá dtagraítear in Airteagal 70 agus Airteagal 71 den Rialachán Airgeadais;

 comhlachtaí dlí phoiblí;

 comhlachtaí arna rialú ag an dlí príobháideach agus a bhfuil misean seirbhíse poiblí acu a mhéid a gcuireann siad ráthaíochtaí leordhóthanacha airgeadais ar fáil;

 comhlachtaí arna rialú ag dlí príobháideach Ballstáit, a gcuirtear de chúram orthu comhpháirtíochtaí príobháideacha poiblí a chur chun feidhme, agus a sholáthraíonn ráthaíochtaí leordhóthanacha airgeadais;

 daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

BEARTA BAINISTÍOCHTA

Rialacha faireacháin agus tuairiscithe

Sonraigh minicíocht na mbeart agus na coinníollacha atá leo.

Córas bainistíochta agus rialaithe

An bonn cirt atá leis na modhanna bainistíochta, le sásraí cur chun feidhme an mhaoinithe, leis na coinníollacha íocaíochta agus leis an straitéis rialaithe atá beartaithe

Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

Meastachán ar chost‑éifeachtúlacht na rialuithe agus an bonn cirt atá leis sin (cóimheas ‘costais rialaithe ÷ luach na gcistí gaolmhara arna mbainistiú’) agus measúnú ar an leibhéal riosca earráide a mheastar a bheidh ann (tráth a dhéantar an íocaíocht agus tráth a dhúntar an clár)

Bearta chun calaois agus neamhrialtachtaí a chosc

Sonraigh na bearta coisctheacha agus cosanta atá ann cheana nó atá beartaithe, e.g. ón Straitéis Frithchalaoise.

AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

Ceannteidil an chreata airgeadais ilbhliantúil agus na línte buiséid a ndéanfar difear dóibh

Línte buiséid atá ann cheana

In ord cheannteidil agus línte buiséid an chreata airgeadais ilbhliantúil. 

Línte nua buiséid atá á n‑iarraidh

An tionchar airgeadais a mheastar a bheidh ag an togra ar leithreasuithe

Achoimre ar an tionchar a mheastar a bheidh aige ar leithreasuithe faoi chomhair oibríochtaí

    Ní éilíonn an togra/tionscnamh go n‑úsáidfear leithreasuithe faoi chomhair oibríochtaí

    Éilíonn an togra/tionscnamh go n‑úsáidfear leithreasuithe faoi chomhair oibríochtaí mar a mhínítear thíos:

EUR milliúin (go dtí an tríú deachúil)

Beidh gá leis an méid a tuairiscíodh thuas i líne bhuiséid 09.02.02 chun socrú riaracháin le JRC a mhaoiniú, chomh maith le tacaíocht airgeadais bhreise dar luach 100 000 EUR in aghaidh na bliana le haghaidh na gcúraimí seo a leanas:

Tacaíocht agus treoir a sholáthar maidir le cineálacha feabhsaithe cur chuige a fhorbairt a bhaineann le faireachán a dhéanamh ar thruailliú aeir agus le leas a bhaint as samhaltú cáilíochta aeir;

Tacú le feabhsuithe modheolaíochta a bhaineann le hionadaíochas spásúil an fhaireacháin ar cháilíocht an aeir, measúnuithe comhchuibhithe um cháilíocht an aeir, agus leithdháileadh foinsí;

Tacaíocht chun treoraíocht phraiticiúil a mhionsaothrú i ndáil leis an Treoir maidir le Cáilíocht an Aeir Chomhthimpeallaigh a chur chun feidhme maidir le faireachán agus samhaltú a dhéanamh i leith cháilíocht an aeir;

Príomhlíonraí tacaíochta a eagrú agus a stiúradh chun an beartas aeir a chur chun feidhme tuilleadh ar an leibhéal náisiúnta, réigiúnach agus uirbeach (e.g. AGUILA agus FAIRMODE);

Tacú le caighdeáin a fhorbairt a bhaineann le faireachán agus samhaltú a dhéanamh i leith cháilíocht an aeir, i gcomhar leis an gCoiste Eorpach um Chaighdeánú (CEN).

I measc chostais ECHA tá an costas a bhaineann le 11 FTE bhreise, roinnte idir 7 TA agus 4 CA, chun críche an mhéid seo a leanas:

 tacaíocht eolaíoch arna soláthar ag JRC agus conraitheoirí AS an Chomhshaoil agus coiste SCHEER SANTE (6,35 FTE in aghaidh na bliana faoi láthair; faoi thogra ECHA is é 5,15 FTE a bheadh i gceist leis sin; bheadh ath‑imlonnú éifeachtach acmhainní i gceist leis sin)

 tacaíocht eolaíoch a eascraíonn as oibleagáidí nua faoin togra:

-    chun caighdeáin cáilíochta comhshaoil uile‑Aontais a leagan síos maidir le truailleáin ar ábhar imní ‘náisiúnta/réigiúnach’ iad (1 FTE in aghaidh na bliana do GW, 1 FTE do SW)

-    chun Iarscríbhinn I GW a nuashonrú (1 FTE in aghaidh na bliana)

-    le haghaidh tacaíochta maidir leis an liosta faire um screamhuisce (0.6 FTE in aghaidh na bliana)

-    chun modheolaíochtaí a shainaithint/fhorbairt le haghaidh faireachán agus anailís a dhéanamh ar mhicreaphlaistigh, géinte frithsheasmhachta frithmhiocróbaí, (thart ar 0.5 FTE móide thart ar 1 le haghaidh tacaíocht TF móide 1.5 FTE le haghaidh rialachais)

Áirítear le costais EEA costais le haghaidh 8 FTE breise (5 TA agus 3 CA), chomh maith le caiteachas oibríochtúil, chun críche an mhéid seo a leanas:

Aghaidh a thabhairt ar an oibleagáid bhreise i ndáil le tuairisciú bliantúil, chuig EEA, ar shonraí faireacháin agus stádais trí ‘thuairisciú córas go córas’ (sásra seachadta sonraí uathoibrithe): 4 FTE (a mbeidh 3 cinn díobh ina TA breise/nua agus 1 TA ó ath‑imlonnú EEA) móide 130K de thacaíocht ó chomhairleoirí le haghaidh bhliain 1, ansin 80 K i mbliain 2 agus mar sin de. Bunachar sonraí caighdeánaithe a fhorbairt maidir le hathúsáid uisce (faoi chuimsiú chur chun feidhme Rialachán (AE) 2020/741 maidir le hathúsáid uisce) agus sreafaí sonraí gaolmhara a bhainistiú agus forbhreathnuithe uile‑Aontais a ullmhú. Ní mór do EEA cáilíocht an rialaithe a áirithiú chun a áirithiú go bhfuil tuairisciú rialta á dhéanamh ag na Ballstáit ar bhealach comhchuibhithe agus inchomparáide (2 CA bhreise). In iomlán, beidh 5 FTE bhreise, arna roinnt mar 3 TA agus 2 CA, sna hacmhainní breise a bheidh le leithdháileadh ar EEA i ndáil leis an tuairisciú comhtháite ar uisce agus an obair ar athúsáid.

Saineolaí ar an Treoir maidir le Cóireáil an Fhuíolluisce Uirbigh (1 CA breise) agus tacaíocht TF chun bunachair sonraí a bhunú agus a oiriúnú i ndáil le hAirteagal 20 den athmhúnlú molta ar an treoir maidir le cóireáil an fhuíolluisce uirbigh. Tacóidh sé freisin le táscairí comhlíontachta nua a fhorbairt e.g. maidir le fuinneamh, micreathruailleáin, mar a léirítear faoi láthair faoin togra reachtach nua i leith na Treorach. Úsáidfear é freisin chun athbhreithniú agus nuashonrú a dhéanamh ar phróifílí tíre UWWTD a úsáidtear anois in ionad tuarascálacha náisiúnta https://water.europa.eu/freshwater/countries/uwwtIt agus chun athbhreithniú a dhéanamh ar shreafaí sonraí atá ann cheana féin, ionas gur féidir na ceanglais tuairiscithe nua a chomhlíonadh leo. Déanfar tuilleadh cuíchóirithe le sreafaí sonraí gaolmhara (e.g. EPRTR agus WISE). Ó thaobh tacaíocht TF de, tá gá le 760 K in iomlán, 240 K le haghaidh bhliain 1, 260 K le haghaidh bhliain 2, agus ansin 130 K ina dhiaidh sin.

Cúraimí a bhaineann le faisnéis faoi cháilíocht an aeir a thuairisciú agus a mhalartú, beidh acmhainní ag teastáil do na cúraimí sin chun an stóras sonraí agus an tairseach um cháilíocht an aeir chomhthimpeallaigh atá ann faoi láthair a leathnú agus a chothabháil ina dhiaidh sin. Cúraimí a bhaineann le measúnú a dhéanamh ar cháilíocht an aeir chomhthimpeallaigh, beidh acmhainní ag teastáil do na cúraimí sin chun measúnuithe ar cháilíocht an aeir a sholáthraítear faoi láthair ar bhonn bliantúil a leathnú, go háirithe a mhéid a bhaineann le truailleáin ar ábhar imní atá ag teacht chun cinn iad agus ar na naisc idir truailliú aeir, an t‑athrú aeráide, sláinte an duine agus sláinte an éiceachórais. Beidh inniúlachtaí sonracha breise ag teastáil chuige sin, chomh maith le baill foirne shaineolacha fhadtéarmacha bhreise (2 FTE, agus an bheirt acu ina TA).

Chun an roinn seo a líonadh isteach, ba cheart leas a bhaint as na ‘sonraí buiséid de chineál riaracháin’ a iontráladh ar dtús san Iarscríbhinn a ghabhann leis an Ráiteas Airgeadais Reachtach (Iarscríbhinn V a ghabhann leis na rialacha inmheánacha) agus a uaslódáladh ar an gcóras DECIDE chun críocha comhairliúcháin idirsheirbhíse.

EUR milliúin (go dtí an tríú deachúil)

Déanfaidh baill foirne bhreise AS an Chomhshaoil (1 AD le haghaidh Bainistiú Comhtháite Uisce agus 1 AD le haghaidh Cáilíocht an Aeir) an méid seo a leanas:

Gníomhartha cur chun feidhme nua ón gCoimisiún a ullmhú agus a nglacadh a threorú, liostaí faire a bhunú maidir le truailleáin ar ábhar imní atá ag teacht chun cinn iad in uisce dromchla agus i screamhuisce, chun faireachán a dhéanamh orthu d’fhonn measúnú a dhéanamh ar an ngá le caighdeáin a leagan síos ar leibhéal an Aontais;

Gníomhartha tarmligthe nua ón gCoimisiún a ullmhú agus a nglacadh a threorú, gach 6 bliana, chun athbhreithniú agus nuashonrú a dhéanamh ar an liosta truailleán agus na caighdeáin uile‑Aontais chomhfhreagracha nach mór aghaidh a thabhairt orthu chun sláinte an duine agus an comhshaol a chosaint;

Idirphlé a chothú ar bhainistiú uisce leis na Ballstáit, EEA agus ECHA lena n‑áirítear faoi chuimsiú coistí agus grúpaí saineolaithe ábhartha;

Gníomhartha tarmligthe agus gníomhartha cur chun feidhme nua ón gCoimisiún a ullmhú agus a nglacadh a threorú, ar ghníomhartha iad a bhaineann le cur chun feidhme na Treorach nua maidir le Cáilíocht an Aeir.

Tacú leis an bhfoireann chun an Treoir athbhreithnithe maidir le Cáilíocht an Aeir a chur chun feidhme, go háirithe le haghaidh forálacha nua a mbeidh gá le rannpháirtíocht treisithe údaráis inniúla ina leith.

Treoraíocht theicniúil, a eascraíonn as an athbhreithniú, a ullmhú agus a forbairt a stiúradh, i réimse an fhaireacháin, an tsamhaltaithe agus na bpleananna cáilíochta aeir.

Na leithreasuithe is gá le haghaidh acmhainní daonna, cumhdófar iad leis na leithreasuithe sin san Ard-Stiúrthóireacht atá sannta cheana do bhainistíocht an bhirt agus/nó atá athshannta laistigh den Ard-Stiúrthóireacht, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

EUR milliúin (go dtí an tríú deachúil)

An t‑aschur a mheastar a mhaoineofar le leithreasuithe faoi chomhair oibríochtaí

Leithreasuithe faoi chomhair gealltanas in EUR milliúin (go dtí an tríú deachúil)

An tionchar measta ar leithreasuithe riaracháin ECHA, EEA agus COM

An tionchar a mheastar a bheidh ag an togra/tionscnamh ar acmhainní daonna ECHA

    Ní éilíonn an togra/tionscnamh go n‑úsáidfear leithreasuithe de chineál riaracháin

    Éilíonn an togra/tionscnamh go n‑úsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Riachtanais foirne (FTE):

An tionchar a mheastar a bheidh ag an togra/tionscnamh ar acmhainní daonna EEA

    Ní éilíonn an togra/tionscnamh go n‑úsáidfear leithreasuithe de chineál riaracháin

    Éilíonn an togra/tionscnamh go n‑úsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Riachtanais foirne (FTE):

Ceanglais mheasta maidir le leithreasuithe riaracháin sa Choimisiún

Achoimre ar an tionchar a mheastar a bheidh aige ar leithreasuithe de chineál riaracháin

     Ní éilíonn an togra/tionscnamh go n‑úsáidfear leithreasuithe de chineál riaracháin

 Éilíonn an togra/tionscnamh go n‑úsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Na leithreasuithe is gá le haghaidh acmhainní daonna agus caiteachas eile de chineál riaracháin, cumhdófar iad leis na leithreasuithe sin san Ard-Stiúrthóireacht atá sannta cheana do bhainistíocht an bhirt agus/nó atá athshannta laistigh den Ard-Stiúrthóireacht, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Na hacmhainní daonna a mheastar a bheidh riachtanach

    Ní éilíonn an togra/tionscnamh go n‑úsáidfear acmhainní daonna.

    Éilíonn an togra/tionscnamh go n‑úsáidfear acmhainní daonna mar a mhínítear thíos:

Sloinnfear an meastachán in aonaid de choibhéis lánaimseartha

Is é XX an réimse beartais nó an teideal buiséid lena mbaineann.

Soláthrófar na hacmhainní daonna is gá le baill foirne ón Ard-Stiúrthóireacht a bhfuil bainistíocht an bhirt faoina gcúram cheana agus/nó ar athshannadh a gcúraimí laistigh den Ard-Stiúrthóireacht, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Cur síos ar na cúraimí a bheidh le déanamh:

Comhoiriúnacht don chreat airgeadais ilbhliantúil reatha

I gcás an togra/tionscnaimh seo:

    is féidir é a mhaoiniú ina iomláine trí athshannadh laistigh den cheannteideal ábhartha den Chreat Airgeadais Ilbhliantúil (CAI).

Úsáidfear imchlúdach LIFE (líne bhuiséid 09.02.02) chun an méadú ar fhóirdheontas ECHA agus EEA a fhritháireamh.

    is gá an corrlach gan leithdháileadh faoin gceannteideal ábhartha de CAI a úsáid agus/nó na hionstraimí speisialta a shainítear sa Rialachán maidir le CAI a úsáid.

    is gá athbhreithniú a dhéanamh ar an gCreat Airgeadais Ilbhliantúil.

Ranníocaíochtaí ó thríú páirtithe

I gcás an togra/tionscnaimh seo:

    ní dhéantar foráil maidir leis an gcómhaoiniú le tríú páirtithe

    déantar foráil maidir leis an gcómhaoiniú le tríú páirtithe atá réamh‑mheasta thíos:

Leithreasuithe in EUR milliúin (go dtí an tríú deachúil)

An tionchar a mheastar a bheidh ar ioncam 

    Ní bheidh tionchar airgeadais ar bith ag an togra ar ioncam.

    Beidh an tionchar airgeadais seo a leanas ag an togra/tionscnamh:

    ar acmhainní dílse

    ar ioncam eile

má tá an t‑ioncam sannta do línte caiteachais, sonraigh sin     

EUR milliúin (go dtí an tríú deachúil)

I gcás ioncam ilghnéitheach atá 'sannta', sonraigh na línte buiséid a n‑imrítear tionchar orthu.

Aon rud eile (e.g. an modh nó an fhoirmle a úsáideadh chun an tionchar ar ioncam a ríomh nó aon fhaisnéis eile).

(1)    Treoir 2000/60/CE ó Pharlaimint na hEorpa agus ón gComhairle an 23 Deireadh Fómhair 2000 lena mbunaítear creat do ghníomhaíocht Chomhphobail i réimse an bheartais uisce (IO L 327, 22.12.2000, lch. 1).

(2)    Treoir 2006/118/CE ó Pharlaimint na hEorpa agus ón gComhairle an 12 Nollaig 2006 maidir le screamhuisce a chosaint ar thruailliú agus ar mheath (IO L 372, 27.12.2006, lch. 19).

(3)    Treoir 2008/105/CE ó Pharlaimint na hEorpa agus ón gComhairle an 16 Nollaig 2008 maidir le caighdeáin cáilíochta comhshaoil i réimse an bheartais uisce, lena leasaítear agus lena n‑aisghairtear ina dhiaidh sin Treoracha 82/176/CEE, 83/513/CEE, 84/156/CEE, 84/491/CEE, 86/280/CEE ón gComhairle agus lena leasaítear Treoir 2000/60/CE ó Pharlaimint na hEorpa agus ón gComhairle (IO L 348, 24.12.2008, lch. 84).

(4)    Treoir 91/676/CEE ón gComhairle an 12 Nollaig 1991 maidir le huiscí a chosaint ar thruailliú de bharr níotráití ó fhoinsí talmhaíochta (IO L 375, 31.12.1991, lch. 1).

(5)    Treoir (AE) 2020/2184 ó Pharlaimint na hEorpa agus ón gComhairle an 16 Nollaig 2020 maidir le cáilíocht an uisce atá beartaithe lena thomhailt ag an duine (IO L 435, 23.12.2020, lch. 1).

(6)    Treoir 91/271/CEE ón gComhairle an 21 Bealtaine 1991 maidir le cóireáil fuíolluisce uirbigh (IO L 135, 30.5.1991, lch. 40).

(7)    Treoir 2008/56/CE ó Pharlaimint na hEorpa agus ón gComhairle an 17 Meitheamh 2008 lena mbunaítear creat do ghníomhaíocht chomhphobail i réimse an bheartais chomhshaoil mhuirí (IO L 164, 25.6.2008, lch. 19).

(8)    Treoir 2006/7/CE ó Pharlaimint na hEorpa agus ón gComhairle an 15 Feabhra 2006 maidir le cáilíocht uisce snámha a bhainistiú agus lena n‑aisghairtear Treoir 76/160/CEE (IO L 64, 4.3.2006, lch. 37).

(9)    Treoir 2007/60/CE ó Pharlaimint na hEorpa agus ón gComhairle an 23 Deireadh Fómhair 2007 maidir le rioscaí tuilte a mheasúnú agus a bhainistiú (IO L 288, 6.11.2007, lch. 27).

(10)    Treoir 91/676/CEE ón gComhairle an 12 Nollaig 1991 maidir le huiscí a chosaint ar thruailliú de bharr níotráití ó fhoinsí talmhaíochta (IO L 375, 31.12.1991, lch. 1).

(11)    Airteagal 16(4) agus 16(7) de Threoir 2000/60/CE (an Treoir Réime maidir le hUisce); Airteagal 7 de Threoir 2008/105/CE (EQSD) agus Airteagal 10 de Threoir 2006/118/CE (GWD).

(12)    Doiciméad Inmheánach Oibre de chuid an Choimisiúin Seiceáil Oiriúnachta ar an Treoir Réime maidir le hUisce, Treoir maidir le Screamhuisce, Treoir maidir le Caighdeáin Cáilíochta Comhshaoil agus Treoir maidir le Tuilte, SWD(2019) 439 final.

(13)    Communication from the Commission to the European Parliament, the Council, the European Economic and Social Committee and the Committee of the Regions, EU Biodiversity Strategy for 2030 - Bringing nature back into our lives, COM(2020) 380 final [Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Straitéis Bhithéagsúlachta an Aontais Eorpaigh go dtí 2030 – An dúlra a thabhairt ar ais inár saol] COM(2020) 380 final.

(14)    Communication from the Commission to the European Parliament, the Council, the European Economic and Social Committee and the Committee of the Regions, EU Action Plan Towards Zero Pollution for Air, Water and Soil – Pathway to a Healthy Planet for All [Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Plean Gníomhaíochta an Aontais um Uisce, Aer agus Ithir Saor ó Thruailliú – Conair chuig Plainéad Sláintiúil do Chách] COM(2021) 400 final.

(15)    Communication from the Commission to the European Parliament, the European Council, the Council, the European Economic and Social Committee and the Committee of the Regions, The European Green Deal [Teachtaireacht ón gCoimisiún chuig Parlaimint na hEorpa, chuig an gComhairle Eorpach, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, an Comhaontú Glas don Eoraip] COM(2019) 640 final.

(16)    Rialachán (AE) 2020/741 ó Pharlaimint na hEorpa agus ón gComhairle an 25 Bealtaine 2020 maidir le híoscheanglais le haghaidh athúsáid uisce (IO L 177, 5.6.2020, lch. 32).

(17)        COM (2022) 156 final/3 agus COM/2022/157 final.

(18)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal A farm to Fork Strategy for a fair, healthy and environmentally‑friendly food system [Straitéis ‘Ón bhFeirm go dtí an Forc’ le haghaidh córas bia atá cóir, sláintiúil agus neamhdhíobhálach don chomhshaol], COM(2020) 381 final.

(19)    COM(2022) 305 final.

(20)    Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n‑aisghairtear Treoir 79/117/CEE agus Treoir 91/414/CEE ón gComhairle (IO L 309, 24.11.2009, lch. 1).

(21)    Communication from the Commission to the European Parliament, the Council, the European Economic and Social Committee and the Committee of the Regions A European Strategy for Plastics in a Circular Economy COM/2018/028 final [Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Straitéis Eorpach um Plaistigh i nGeilleagar Ciorclach] COM/2018/028 final.

(22)    Treoir (AE) 2019/904 ó Pharlaimint na hEorpa agus ón gComhairle an 5 Meitheamh 2019 maidir le laghdú a dhéanamh ar an tionchar atá ag táirgí plaisteacha áirithe ar an gcomhshaol (IO L 155, 12.6.2019, lch. 1).

(23)    Teachtaireacht ón gCoimisiún chuig Parlaimint na hEorpa agus chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal Plean Gníomhaíochta nua do Gheilleagar Ciorclach Chun Eoraip níos glaine agus níos iomaíche a bhaint amach, COM/2020/98 final.

(24)    Treoir 86/278/CEE ón gComhairle an 12 Meitheamh 1986 maidir le cosaint an chomhshaoil, agus go háirithe cosaint na hithreach, agus sloda séarachais á úsáid sa talmhaíocht (IO L 181, 4.7.1986, lch. 6).

(25)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal Chemicals Strategy for Sustainability Towards a Toxic-Free Environment [Straitéis Ceimiceán um an Inbhuanaitheacht i dTreo Timpeallacht atá Saor ó Thocsainí] COM(2020) 667 final.

(26)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Cur chuige Straitéiseach an Aontais Eorpaigh maidir le hEarraí Cógaisíochta sa Timpeallacht COM(2019) 128 final.

(27)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, an Straitéis Chógaisíochta don Eoraip, COM/2020/761 final.

(28)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, an Straitéis Eorpach maidir le Sonraí, COM(2020) 66 final.

(29)    Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006, maidir le clárú, measúnú, údarú agus srianadh ceimiceán (IO L 396, 30.12.2006, lch. 1).

(30)    Doiciméad Inmheánach Oibre de chuid an Choimisiúin Fitness Check of the most relevant chemicals legislation (excluding REACH), as well as related aspects of legislation applied to downstream industries[Seiceáil Oiriúnachta ar an reachtaíocht is ábhartha maidir le ceimiceáin (gan REACH a áireamh), mar aon le gnéithe gaolmhara den reachtaíocht a chuirtear i bhfeidhm maidir le tionscail iartheachtacha], SWD(2019) 199 final.

(31)     wfd - Leabharlann (europa.eu)

(32)    Ares(2022)4634431) 24 Meitheamh 2022

(33)    IO C , , lch. .

(34)    IO C , , lch. .

(35)    Communication from the Commission to the European Parliament, the European Council, the Council, the European Economic and Social Committee and the Committee of the Regions, The European Green Deal [Teachtaireacht ón gCoimisiún chuig Parlaimint na hEorpa, chuig an gComhairle Eorpach, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, an Comhaontú Glas don Eoraip], COM(2019) 640 final.

(36)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal Chemicals Strategy for Sustainability Towards a Toxic-Free Environment [Straitéis Ceimiceán um an Inbhuanaitheacht i dTreo Timpeallacht atá Saor ó Thocsainí] COM(2020) 667 final.

(37)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal Pathway to a Healthy Planet for All EU Action Plan: ‘Towards Zero Pollution for Air, Water and Soil’ [Conair chuig Pláinéad Sláintiúil do Chách, Plean gníomhaíochta an Aontais um uisce, aer agus ithir saor ó thruailliú], COM(2021) 400 final.

(38)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal A European Strategy for Plastics in a Circular Economy [Straitéis Eorpach um Plaistigh i nGeilleagar Ciorclach], COM/2018/028 final.

(39)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal Pharmaceutical Strategy for Europe [An Straitéis Chógaisíochta don Eoraip] COM/2020/761 final.

(40)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal EU Biodiversity Strategy for 2030, Bringing nature back into our lives [Straitéis Bhithéagsúlachta an Aontais Eorpaigh go dtí 2030 – An dúlra a thabhairt ar ais inár saol] COM(2020) 380 final.

(41)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal A farm to Fork Strategy for a fair, healthy and environmentally‑friendly food system [Straitéis ‘Ón bhFeirm go dtí an Forc’ le haghaidh córas bia atá cóir, sláintiúil agus neamhdhíobhálach don chomhshaol], COM(2020) 381 final.

(42)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal EU Soil Strategy for 2030,Reaping the benefits of healthy soils for people, food, nature and climate[Straitéis Ithreach an Aontais Eorpaigh le haghaidh 2030, ag baint shochair na n‑ithreacha sláintiúla le haghaidh daoine, bia, an dúlra agus na haeráide], COM/2021/699 final.

(43)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal Shaping Europe's digital future [Todhchaí dhigiteach na hEorpa a mhúnlú]     COM/2020/67 final.

(44)    Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal A European strategy for data [Straitéis Eorpach maidir le sonraí], COM(2020) 66 final.

(45)    Treoir 2000/60/CE ó Pharlaimint na hEorpa agus ón gComhairle an 23 Deireadh Fómhair 2000 lena mbunaítear creat do ghníomhaíocht Chomhphobail i réimse an bheartais uisce (IO L 327, 22.12.2000, lch. 1).

(46)    Treoir 2008/105/CE ó Pharlaimint na hEorpa agus ón gComhairle an 16 Nollaig 2008 maidir le caighdeáin cáilíochta comhshaoil i réimse an bheartais uisce, lena leasaítear agus lena n‑aisghairtear ina dhiaidh sin Treoracha 82/176/CEE, 83/513/CEE, 84/156/CEE, 84/491/CEE, 86/280/CEE ón gComhairle agus lena leasaítear Treoir 2000/60/CE ó Pharlaimint na hEorpa agus ón gComhairle (IO L 348, 24.12.2008, lch. 84).

(47)    Cinneadh Uimh. 2455/2001/CE ó Pharlaimint na hEorpa agus ón gComhairle an 20 Samhain 2001 lena mbunaítear liosta na substaintí tosaíochta i réimse an bheartais uisce agus lena leasaítear Treoir 2000/60/CE (IO L 331, 15.12.2001, lch. 1).

(48)    Treoir 2006/118/CE ó Pharlaimint na hEorpa agus ón gComhairle an 12 Nollaig 2006 maidir le screamhuisce a chosaint ar thruailliú agus ar mheath (IO L 372, 27.12.2006, lch. 19).

(49)    Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006, maidir le Clárú, Measúnú, Údarú agus Srianadh Ceimiceán (REACH), lena mbunaítear Gníomhaireacht Eorpach Ceimiceán (IO L 396, 30.12.2006, lch. 1).

(50)    Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n‑aisghairtear Treoir 79/117/CEE agus Treoir 91/414/CEE ón gComhairle (IO L 309, 24.11.2009, lch. 1).

(51)    Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicíde a chur ar fáil sa mhargadh agus a úsáid (IO L 167, 27.6.2012, lch. 1).

(52)    Rialachán (AE) 2019/6 ó Pharlaimint na hEorpa agus ón gComhairle an 11 Nollaig 2018 maidir le táirgí íocshláinte tréidliachta agus lena n‑aisghairtear Treoir 2001/82/CE (IO L 4, 7.1.2019, lch. 43).

(53)    Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n‑úsáid ag an duine (IO L 311, 28.11.2001, lch. 67).

(54)    Treoir 2009/128/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat do ghníomhaíocht Chomhphobail chun úsáid inbhuanaithe lotnaidicídí a bhaint amach (IO L 309, 24.11.2009, lch. 71).

(55)    Treoir 2010/75/AE ó Pharlaimint na hEorpa agus ón gComhairle an 24 Samhain 2010 maidir le hastaíochtaí tionsclaíocha (cosc agus rialú comhtháite ar thruailliú) (IO L 334, 17.12.2010, lch. 17).

(56)    Treoir 91/271/CEE ón gComhairle an 21 Bealtaine 1991 maidir le cóireáil fuíolluisce uirbigh (IO L 135, 30.5.1991, lch. 40).

(57)    Treoir (AE) 2020/2184 ó Pharlaimint na hEorpa agus ón gComhairle an 16 Nollaig 2020 maidir le cáilíocht an uisce atá beartaithe lena thomhailt ag an duine (athmhúnlú) (IO L 435, 23.12.2020, lch. 1).

(58)    Doiciméad Inmheánach Oibre de chuid an Choimisiúin Seiceáil oiriúnachta ar an Treoir Réime maidir le hUisce, Treoir maidir le Screamhuisce, Treoir maidir le Caighdeáin Cáilíochta Comhshaoil agus Treoir maidir le Tuilte, SWD(2019) 439 final.

(59)    Treoir 2007/2/CE ó Pharlaimint na hEorpa agus ón gComhairle an 14 Márta 2007 lena mbunaítear Bonneagar d’Fhaisnéis Spásúil sa Chomhphobal Eorpach (INSPIRE) (IO L 108, 25.4.2007, lch. 1).

(60)    Treoir (AE) 2019/1024 ó Pharlaimint na hEorpa agus ón gComhairle an 20 Meitheamh 2019 maidir le sonraí oscailte, agus maidir le faisnéis ón earnáil phoiblí a athúsáid (IO L 172, 26.6.2019, lch. 56).

(61)    Rialachán (CE) Uimh. 166/2006 ó Pharlaimint na hEorpa agus ón gComhairle an 18 Eanáir 2006 maidir leis an gClár Eorpach ar Scaoileadh agus Aistriú Truailleán a bhunú, agus lena leasaítear Treoracha 91/689/CEE agus 96/61/CE ón gComhairle (IO L 33, 4.2.2006, lch. 1).

(62)    Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).

(63) +    OP: Cuir isteach sa téacs uimhir an Rialacháin atá i ndoiciméad COM (2022) 157 agus cuir isteach uimhir, dáta, teideal agus tagairt IO na Treorach sin san fhonóta

(64)    Cinneadh Uimh. 1313/2013/AE ó Pharlaimint na hEorpa agus ón gComhairle an 17 Nollaig 2013 maidir le Sásra Aontais um Chosaint Shibhialta (IO L 347, 20.12.2013, lch. 924).

(65) +    OP: Cuir isteach sa téacs uimhir an Rialacháin atá i ndoiciméad COM (2022) 157++ Oifig na bhFoilseachán: Cuir isteach sa téacs uimhir an Rialacháin atá i ndoiciméad COM (2022) 157+++    OP: Cuir isteach sa téacs uimhir an Rialacháin atá i ndoiciméad COM (2022) 157

(66)    Dá dtagraítear in Airteagal 58(2)(a) nó (b) den Rialachán Airgeadais.

(67)    Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin Ard‑Stiúrthóireacht an Bhuiséid: https://myintracomm.ec.europa.eu/budgweb/EN/man/budgmanag/Pages/budgmanag.aspx  

(68)    LD = Leithreasuithe difreáilte / LN = Leithreasuithe neamhdhifreáilte.

(69)    CSTE: Comhlachas Saorthrádála na hEorpa.

(70)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh a bheith ina n‑iarrthóirí.

(71)    Is éard is aschuir ann táirgí agus seirbhísí atá le soláthar (e.g.: líon na malartuithe mac léinn a maoiníodh, iomlán km de bhóithre a rinneadh, etc.).

(72)    Mar a thuairiscítear i bpointe 1.4.2. 'Cuspóirí sonracha...'

(73)    Cúnamh teicniúil agus/nó riaracháin agus caiteachas ar mhaithe le cláir agus/nó gníomhaíochtaí de chuid an Aontais (seanlínte ‘BA’) a chur chun feidhme, taighde indíreach, taighde díreach.

(74)    Fo-uasteorainn d'fhoireann sheachtrach arna cumhdach ag leithreasuithe faoi chomhair oibríochtaí (na seanlínte "BA").

(75)    Is í bliain N an bhliain ina gcuirfear tús le cur chun feidhme an togra/tionscnaimh. Is gá an chéad bhliain cur chun feidhme a mheastar a bheidh ann a chur in ionad “N” (mar shampla: 2021). Is gá an rud céanna a dhéanamh i gcás na mblianta eile.

(76)    A mhéid a bhaineann le hacmhainní dílse traidisiúnta (dleachtanna custaim, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána tar éis do 20 % de na costais bhailiúcháin a bheith bainte astu.

AN COIMISIÚN EORPACH

An Bhruiséil,26.10.2022

COM(2022) 540 final

IARSCRÍBHINNÍ

a ghabhann leis an

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoir 2000/60/CE lena mbunaítear creat do ghníomhaíocht Chomhphobail i réimse an bheartais uisce, Treoir 2006/118/CE maidir le screamhuisce a chosaint ar thruailliú agus ar mheath agus Treoir 2008/105/CE maidir le caighdeáin cáilíochta comhshaoil i réimse an bheartais uisce

{SEC(2022) 540 final} - {SWD(2022) 540 final} - {SWD(2022) 543 final}

IARSCRÍBHINN I

Leasaítear Iarscríbhinn V a ghabhann le Treoir 2000/60/CE mar a leanas:

(1)cuirtear an méid seo a leanas in ionad phointí 1.1.1 go 1.1.4:

1.1.1.   Aibhneacha

Eilimintí bitheolaíocha

Comhdhéanamh agus líonmhaireacht an fhlóra uiscigh

Comhdhéanamh agus líonmhaireacht an fhána inveirteabraigh bheantaigh

Comhdhéanamh, líonmhaireacht agus struchtúr aoise an fhána éisc

Eilimintí hidreamoirfeolaíochta a thacaíonn leis na heilimintí bitheolaíocha

Córas hidreolaíoch

cainníocht agus dinimic an tsreafa uisce

nasc le dobharlaigh screamhuisce

Leanúnachas abhann

Dálaí moirfeolaíocha

éagsúlacht i ndoimhneacht agus i leithead abhann

struchtúr agus substráit ghrinneall na habhann

struchtúr an chreasa bhruachánaigh

Eilimintí fisiciceimiceacha ginearálta a thacaíonn leis na heilimintí bitheolaíocha

Dálaí teirmeacha

Dálaí ocsaiginithe

Salandacht

Stádas aigéadúcháin

Dálaí cothaitheach

1.1.2. Lochanna

Eilimintí bitheolaíocha

Comhdhéanamh, líonmhaireacht agus bithmhais an fhíteaplanctóin

Comhdhéanamh agus líonmhaireacht an fhlóra uiscigh eile

Comhdhéanamh agus líonmhaireacht an fhána inveirteabraigh bheantaigh

Comhdhéanamh, líonmhaireacht agus struchtúr aoise an fhána éisc

Eilimintí hidreamoirfeolaíochta a thacaíonn leis na heilimintí bitheolaíocha

Córas hidreolaíoch

cainníocht agus dinimic an tsreafa uisce

aga cónaithe

nasc leis an dobharlach screamhuisce

Dálaí moirfeolaíocha

éagsúlacht i ndoimhneacht locha

cainníocht, struchtúr agus substráit ghrinneall an locha

struchtúr an chladaigh locha

Eilimintí fisiciceimiceacha ginearálta a thacaíonn leis na heilimintí bitheolaíocha

Trédhearcacht

Dálaí teirmeacha

Dálaí ocsaiginithe

Salandacht

Stádas aigéadúcháin

Dálaí cothaitheach

1.1.3.   Uiscí trasdultacha

Eilimintí bitheolaíocha

Comhdhéanamh, líonmhaireacht agus bithmhais an fhíteaplanctóin

Comhdhéanamh agus líonmhaireacht an fhlóra uiscigh eile

Comhdhéanamh agus líonmhaireacht an fhána inveirteabraigh bheantaigh

Comhdhéanamh agus líonmhaireacht an fhána éisc

Eilimintí hidreamoirfeolaíochta a thacaíonn leis na heilimintí bitheolaíocha

Dálaí moirfeolaíocha

éagsúlacht i ndoimhneacht

cainníocht, struchtúr agus substráit an ghrinnill

struchtúr an chreasa idirthaoidigh

Córas taoidí

sreabhadh fionnuisce

neamhchosaint ar thonn

Eilimintí fisiciceimiceacha ginearálta a thacaíonn leis na heilimintí bitheolaíocha

Trédhearcacht

Dálaí teirmeacha

Dálaí ocsaiginithe

Salandacht

Dálaí cothaitheach

1.1.4. Uiscí cósta

Eilimintí bitheolaíocha

Comhdhéanamh, líonmhaireacht agus bithmhais an fhíteaplanctóin

Comhdhéanamh agus líonmhaireacht an fhlóra uiscigh eile

Comhdhéanamh agus líonmhaireacht an fhána inveirteabraigh bheantaigh

Eilimintí hidreamoirfeolaíochta a thacaíonn leis na heilimintí bitheolaíocha

Dálaí moirfeolaíocha

éagsúlacht i ndoimhneacht

struchtúr agus substráit an ghrinnill cósta

struchtúr an chreasa idirthaoidigh

Córas taoidí

treo na sruthanna ceannasacha

neamhchosaint ar thonn

Eilimintí fisiciceimiceacha ginearálta a thacaíonn leis na heilimintí bitheolaíocha

Trédhearcacht

Dálaí teirmeacha

Dálaí ocsaiginithe

Salandacht

Dálaí cothaitheach.’;

(2)i bpointe 1.2.1, cuirtear an méid seo a leanas in ionad ‘Eilimintí cáilíochta fisiceimiceacha’:

‘Eilimintí ginearálta cáilíochta fisiciceimicí 

(3)i bpointe 1.2.2, cuirtear an méid seo a leanas in ionad ‘Eilimintí cáilíochta fisiceimiceacha’:

‘Eilimintí ginearálta cáilíochta fisiciceimicí

(4)i bpointe 1.2.3, cuirtear an méid seo a leanas in ionad ‘Eilimintí cáilíochta fisiceimiceacha’:

‘Eilimintí ginearálta cáilíochta fisiciceimicí

(5)i bpointe 1.2.4, cuirtear an méid seo a leanas in ionad ‘Eilimintí cáilíochta fisiceimiceacha’:

   ‘Eilimintí ginearálta cáilíochta fisiciceimicí

(6) i bpointe 1.2.5, leasaítear an tábla mar a leanas:

(a)scriostar an cúigiú sraith don iontráil ‘Truailleáin shonracha shintéiseacha’;

(b)scriostar an séú sraith don iontráil ‘Truailleáin shonracha neamhshintéiseacha’;

(c)scriostar an seachtú sraith do nóta tábla (1);

(7)scriostar pointe 1.2.6;

(8)i bpointe 1.3, cuirtear isteach an ceathrú agus an cúigiú mír seo a leanas:

‘I gcás ina mbaineann an líonra faireacháin le faire na cruinne agus an chianbhraiteacht seachas pointí samplála logánta , nó le teicnící nuálacha eile, áireofar ar an léarscáil den líonra faireacháin faisnéis maidir leis na heilimintí cáilíochta agus na dobharlaigh nó na grúpaí dobharlach ar a ndearnadh faireachán le modhanna faireacháin den sórt sin. Déanfar tagairt do CEN, ISO, agus caighdeáin idirnáisiúnta nó náisiúnta eile a cuireadh i bhfeidhm lena áirithiú go mbíonn na sonraí ama agus spásúla a fhaightear chomh hiontaofa agus na cinn a fhaightear trí mhodhanna faireacháin traidisiúnta a úsáid ag pointí samplála logánta.

Féadfaidh Ballstáit modhanna samplála éighníomhacha a chur i bhfeidhm le faireachán a dhéanamh ar thruailleáin cheimiceacha, i gcás inarb iomchuí, go háirithe ar mhaithe le cuspóirí scagtha, ar an gcoinníoll nach ndéantar gannmheastachán leis na modhanna samplála sin ar thiúchain na dtruailleán a bhfuil feidhm ag caighdeáin cáilíochta comhshaoil maidir leo, agus ‘teip chun stádas maith a bhaint amach’ a shainaithint go hiontaofa, agus go ndéantar anailís cheimiceach ar shamplaí uisce, bithra nó dríodair, de réir na gcaighdeán cáilíochta comhshaoil a chuirtear i bhfeidhm, cibé áit ina mbreathnaítear teip den sórt sin. Féadfaidh Ballstáit modhanna samplála bunaithe ar éifeacht a chur i bhfeidhm freisin faoi réir na ndálaí céanna.’;

(9)i bpointe 1.3.1., an mhír dheireanach, cuirtear an méid seo a leanas in ionad ‘Roghnú eilimintí cáilíochta’:

‘Roghnú na n‑eilimintí cáilíochta

Déanfar an faireachán faireachais le haghaidh gach suíomh faireacháin go ceann thréimhse 1 bhliain amháin le linn na tréimhse a chumhdaítear le plean bainistíochta abhantraí. Cumhdófar leis an bhfaireachán faireachais an méid seo a leanas:

(a) paraiméadair lena dtásctar gach eilimint cáilíochta bitheolaíche;

(b) paraiméadair lena dtásctar gach eilimint cáilíochta hidreamoirfeolaíochta;

(c) paraiméadair lena dtásctar gach eilimint cáilíochta fisiciceimicí;

(d) truailleáin ar an liosta tosaíochta a sceitear nó a dheasctar ar bhealach eile amach san abhantrach nó san fho‑abhantrach;

(e) truailleáin eile a sceitear nó a dheasctar ar bhealach eile i gcainníochtaí suntasacha san abhantrach nó san fho‑abhantrach.

I gcás inar léiríodh sa chleachtadh faireacháin faireachais roimhe seo gur shroich an dobharlach stádas maith áfach, agus nach bhfuil aon fhianaise ón athbhreithniú faoi thionchar na gníomhaíochta daonna dá dtagraítear in Iarscríbhinn II go bhfuil athrú tagtha ar na tionchair ar an dobharlach, déanfar an faireachán faireachais uair amháin le linn na tréimhse a chlúdaítear le trí phlean bainistíochta abhantraí as a chéile.’;

(10)leasaítear pointe 1.3.2 mar a leanas:

‘(a) sa tríú mír, ‘Roghnú na suíomhanna faireacháin’, cuirtear an méid seo a leanas in ionad na chéad abairte:

‘Déanfar faireachán oibríochtúil le haghaidh na ndobharlach sin uile a shainaithnítear ar bhonn an mheasúnaithe tionchair a dhéantar i gcomhréir le hIarscríbhinn II nó an fhaireacháin faireachais de bheith i mbaol na mainneachtana a gcuspóir comhshaoil a chomhlíonadh de réir Airteagal 4 agus le haghaidh na ndobharlach sin a sceitear nó a dheasctar ar bhealach eile substaintí ar an liosta tosaíochta amach iontu nó a sceitear nó a dheasctar ar bhealach eile truailleáin a bhaineann go sonrach le habhantrach amach iontu i gcainníochtaí suntasacha.;

(b) sa cheathrú mír, ‘Roghnú na n‑eilimintí cáilíochta’, cuirtear an méid seo a leanas in ionad an dara fleasc:

‘– gach substaint tosaíochta a sceitear nó a dheasctar ar bhealach eile amach i ndobharlaigh agus gach truailleán a bhaineann go sonrach le habhantrach a sceitear nó a dheasctar ar bhealach eile amach i ndobharlaigh i gcainníochtaí suntasacha.’;

(11)i bpointe 1.3.4, an tábla, an séú sraith faoin gceannteideal ‘Fisiciceimiceach’, cuirtear ‘Truailleáin a bhaineann go sonrach le habhantrach’ in ionad na bhfocal ‘Truailleáin eile’;

(12)leasaítear pointe 1.4.1 mar a leanas:

(a)i bpointe (vii), scriostar an dara habairt.;

(b)scriostar pointe (viii);

(c)cuirtear an méid seo a leanas in ionad phointe (ix):

‘(ix) Torthaí an chleachtaidh idirchalabrúcháin agus na luachanna a bhunaítear le haghaidh aicmí chóras faireacháin an Bhallstáit i gcomhréir le pointí (i) go (viii), foilseofar laistigh de 6 mhí iad ó ghlacadh an ghnímh tharmligthe i gcomhréir le hAirteagal 20.’;

(13)i bpointe 1.4.2, scriostar pointe (iii);

(14)i bpointe 1.4.3, cuirtear an méid seo a leanas in ionad na chéad abairte:

‘Taifeadfar baint amach stádais mhaithe cheimicigh i ndobharlach i gcás inar comhlíontach le gach caighdeán cáilíochta comhshaoil é a shocraítear i gCuid A d’Iarscríbhinn I a ghabhann le Treoir 2008/105/CE agus leis na caighdeáin cáilíochta comhshaoil a bhunaítear de bhun Airteagail 8 agus 8d den Treoir sin.’;

(15)i bpointe 2.2.1., cuirtear an mhír seo a leanas leis:

‘I gcás ina mbaineann modhanna faire na cruinne nó cianbhraiteachta seachas pointí samplála logánta leis an líonra faireacháin, nó ina mbaineann teicnící nuálacha eile leis, déanfar tagairt do CEN, ISO, nó do chaighdeáin idirnáisiúnta nó náisiúnta eile a cuireadh i bhfeidhm lena áirithiú go mbíonn na sonraí ama agus spásúla a fhaightear chomh hiontaofa agus na cinn a fhaightear trí mhodhanna faireacháin traidisiúnta a úsáid ag pointí samplála logánta.’;

(16)cuirtear an méid seo a leanas in ionad phointe 2.3.2:

‘2.3.2.   Sainiú ar stádas maith ceimiceach screamhuisce

(17)i bpointe 2.4.1., cuirtear an mhír seo a leanas leis:

‘I gcás ina mbaineann faire na cruinne nó an chianbhraiteacht seachas pointí samplála logánta leis an líonra faireacháin, nó ina mbaineann teicnící nuálacha eile leis, déanfar tagairt do CEN, ISO, nó do chaighdeáin idirnáisiúnta nó náisiúnta eile a cuireadh i bhfeidhm lena áirithiú go mbíonn na sonraí ama agus spásúla a fhaightear chomh hiontaofa agus na cinn a fhaightear trí mhodhanna faireacháin traidisiúnta a úsáid ag pointí samplála logánta.’;

(18)cuirtear an méid seo a leanas in ionad phointe 2.4.5:

2.4.5. Léirmhíniú agus cur i láthair stádas ceimiceach an screamhuisce

Agus measúnú á dhéanamh ar stádas ceimiceach an screamhuisce, déanfar torthaí na bpointí faireacháin aonair laistigh de dhobharlach screamhuisce a chomhiomlánú don dobharlach ina iomláine. Déanfar meánluach thorthaí an fhaireacháin ag gach pointe sa dobharlach screamhuisce nó sa ghrúpa dobharlach a ríomh le haghaidh na bparaiméadar seo a leanas:

(a) paraiméadair cheimiceacha dá bhfuil caighdeáin cháilíochta socraithe in Iarscríbhinn I a ghabhann le Treoir 2006/118/CE;

(b) paraiméadair cheimiceacha dá bhfuil tairseacha náisiúnta socraithe de bhun Airteagal 3(1), pointe (b), de Threoir 2006/118/CE;

(c) paraiméadair cheimiceacha dá bhfuil tairseacha ar fud an Aontais socraithe de bhun Airteagal 8(3) de Threoir 2006/118/CE.

Úsáidfear na meánluachanna dá dtagraítear sa chéad mhír chun comhlíontacht le stádas maith screamhuisce a léiriú, a shainítear faoi threoir na gcaighdeán cáilíochta agus na luachanna tairsí dá dtagraítear sa chéad mhír.

Faoi réir pointe 2.5, soláthróidh Ballstáit léarscáil de stádas ceimiceach an screamhuisce, arna dathchódú mar a leanas:

Go maith: glas

Go dona: dearg

Tabharfaidh Ballstáit le fios trí phonc dubh ar an léarscáil freisin, na dobharlaigh screamhuisce sin atá faoi réir threocht shuntasach agus mharthanach suas ó thaobh tiúchain d’aon truailleán atá de thoradh tionchar na gníomhaíochta daonna. Is le ponc gorm ar an léarscáil a thabharfar iompú treochta le fios.

Cuirfear na léarscáileanna seo san áireamh leis na pleananna bainistíochta abhantraí.’.

IARSCRÍBHINN II

Leasaítear Iarscríbhinn VIII a ghabhann le Treoir 2000/60/CE mar a leanas:

(1) Cuirtear an méid seo a leanas in ionad phointe 10:

‘10. Ábhair ar fuaidreamh, lena n‑áirítear micreaphlaistigh/nanaphlaistigh.’;

(2) cuirtear isteach pointe 13:

’13. Miocrorgánaigh, géinte nó ábhar géiniteach ina léirítear láithreacht miocrorgánach atá frithsheasmhach in aghaidh oibreáin fhrithmhiocróbacha, go háirithe miocrorgánaigh atá pataigineach don duine nó don bheostoc.’.

IARSCRÍBHINN III

‘IARSCRÍBHINN I

CAIGHDEÁIN CHÁILÍOCHTA SCREAMHUISCE (QS)

Nóta 1: Beidh feidhm ag QS do na truailleáin a liostaítear faoi iontrálacha 3 go 7 ó… [Oifig na bhFoilseachán: cuir isteach an dáta = an chéad lá den mhí i ndiaidh 18 mí tar éis theacht i bhfeidhm na Treorach leasaithí seo], leis an aidhm stádas ceimiceach maith uisce a bhaint amach ar a dhéanaí faoin 22 Nollaig 2033.

(1)CAS: Uimhir Sheirbhís na gCoimrithe Ceimiceacha.

(2)Uimhir AE: Fardal Eorpach de Shubstaintí Ceimiceacha Tráchtálacha Reatha (EINECS) nó Liosta Eorpach na Substaintí Ceimiceacha faoina dTugtar Fógra (ELINCS).

(3)Sloinntear an paraiméadar QS mar mheánluach bliantúil. Mura sonraítear a mhalairt, tá feidhm aige maidir le comhchruinniú iomlán na substaintí agus na n‑isiméirí uile.

(4)Ciallaíonn ‘lotnaidicídí’ táirgí cosanta plandaí agus táirgí bithicíde dá dtagraítear in Airteagal 2 de Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh, agus in Airteagal 3 de Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicíde a chur ar fáil sa mhargadh agus a úsáid, faoi seach.

(5)Ciallaíonn ‘iomlán’ suim na lotnaidicídí aonair a bhraitear agus a chainníochtaítear sa nós imeachta faireacháin, lena n‑áirítear a meitibilítí, táirgí díghrádúcháin agus imoibriúcháin ábhartha.

(6)Tagraítear leis seo do na comhdhúile seo a leanas, a liostaítear in éineacht lena n‑uimhir CAS, uimhir AE agus Fachtóir Neartúlachta Coibhneasta (RPF): Aigéad sárfhluarochtánóch (PFOA) (CAS 335-67-1, AE 206-397-9) (RPF 1), Aigéad sulfónach sárfhluarochtáin (PFOS) (CAS 1763-23-1, AE 217-179-8) (RPF 2), Aigéad sulfónach sárfhluaraiheacsáin (PFHxS) (CAS 355-46-4, AE 206-587-1) (RPF 0,6)), Aigéad sárfhluaranaonánóch (PFNA) (CAS 375-95-1, AE 206-801-3) (RPF 10), Aigéad sulfónach sárfhluarabútáin (PFBS) (CAS 375-73-5, AE 206-793-1) (RPF 0,001), Aigéad sárfhluaraiheacsánóch (PFHxA) (CAS 307-24-4, AE 206-196-6) (RPF 0,01), Aigéad sárfhluarabútánóch (PFBA) (CAS 375-22-4, AE 206-786-3) (RPF 0,05), Aigéad sárfhluaraipeantánóch (PFPeA) (CAS 2706-90-3, AE 220-300-7) (RPF 0,03), Aigéad sulfónach sárfhluaraipeantáin (PFPeS) (CAS 2706-91-4, AE 220-301-2) (RPF 0,3005), Aigéad sárfhluaraideacánóch (PFDA) (CAS 335-76-2, AE 206-400-3) (RPF 7), Aigéad sárfhluaraideacánóch (PFDoDA nó PFDoA) (CAS 307-55-1, AE 206-203-2) (RPF 3), Aigéad sárfhluaradóideacánóch (PFUnDA nó PFUnA) (CAS 2058-94-8, AE 218-165-4) (RPF 4), Aigéad sárfhluaraiheaptánóch (PFHpA) (CAS 375-85-9, AE 206-798-9) (RPF 0,505), Aigéad sárfhluaraitrídeacánóch (PFTrDA) (CAS 72629-94-8, AE 276-745-2) (RPF 1,65), Aigéad sulfónach sárfhluaraiheaptáin (PFHpS) (CAS 375-92-8, AE 206-800-8) (RPF 1,3), Aigéad sulfónach sárfhluaraideacáin (PFDS) (CAS 335-77-3, AE 206-401-9) (RPF 2), Aigéad sárfhluaraiteitrideacánóch (PFTeDA) (CAS 376-06-7, AE 206-803-4) (RPF 0,3), Aigéad sárfhluaraiheicsideacánóch (PFHxDA) (CAS 67905-19-5, AE 267-638-1) (RPF 002), Aigéad sárfhluarochtaideacánóch (PFODA) (CAS 16517-11-6, AE 240-582-5) (RPF 0,02), Amóiniam sárfhluara (2-meitil-3-ocsáiheicseanóáit) (HFPO-DA nó Gen X) (CAS 62037-80-3) (RPF 0,06), Aigéad Própánóch / Amóiniam 2,2,3-trífluara-3-(1,1,2,2,3,3-heicseafluara-3-(trífluaraimeatocsa)própocsa)própánóáit(ADONA) (CAS 958445-44-8) (RPF 0,03), 2- Alcól (Sárfhluarochtail)eitile (6:2 FTOH) (CAS 647-42-7, AE 211-477-1) (RPF 0,02), 2-(Sárfhluarochtail)eatánóil (8:2 FTOH) (CAS 678-39-7, AE 211-648-0) (RPF 0.04) agus Aigéad aicéiteach / 2,2-défhluara-2-((2,2,4,5-teitrefluara-5-(trífluaraimeatocsa)-1,3-dé‑ocsalan-4-il)ocsa)- (C6O4) (CAS 1190931-41-9) (RPF 0,06).

(7)Tagraítear le QS do shuim na 24 PFAS a liostaítear i bhfonóta 6 a shloinntear mar choibhéisí PFAS ar bhonn neartúlachtaí na substaintí i gcoibhneas le neartúlacht PFOA, i.e. na RPFanna i bhfonóta 6.

(8)Ciallaíonn ‘iomlán’ suim gach earra cógaisíochta aonair a bhraitear agus a chainníochtaítear sa nós imeachta faireacháin, lena n‑áirítear gach meitibilít agus táirge díghrádúcháin ábhartha.

(9)Is infheidhme maidir le nrManna atá ar bheagán sonraí, i.e. nrManna nach bhfuil sonraí turgnamhacha iontaofa maidir le héifeachtaí géara ná ainsealacha ar fáil dóibh i ndáil leis an ngrúpa tacsanomaíochta a ndéantar tuar muiníneach gurb é is íogaire.

(10)Is infheidhme maidir le nrManna atá ar mhéid réasúnta sonraí, i.e. nrManna dá bhfuil sonraí turgnamhacha iontaofa ar fáil i ndáil leis an ngrúpa tacsanomaíochta a ndéantar tuar muiníneach gurb é is íogaire, ach i gcás nach bhfuil sonraí leordhóthanacha ann chun na substaintí a cháiliú mar ‘ar mhórán sonraí’.

(11)Is infheidhme maidir le nrManna atá ar mhórán sonraí, i.e. nrManna dá bhfuil sonraí turgnamhacha iontaofa ar fáil, a fhaightear trí mhodhanna malartacha ar a ndéantar bailíochtú eolaíochta, maidir le héifeachtaí ainsealacha nó géara an nrManna ar speiceas amháin ar a laghad de gach alga, d’inveirteabraigh, agus d’éisc, rud a cheadaíonn do dheimhniú muiníneach an ghrúpa tacsanomaíochta is íogaire, agus dár féidir QS a ríomh trí chur chuige cinntitheach a úsáid a bhunaítear ar shonraí tocsaineachta ainsealacha iontaofa faoin ngrúpa tacsanomaíochta sin; Féadfaidh Ballstáit an treoraíocht is déanaí a chur i bhfeidhm chun na críche sin a bhunaítear faoi chuimsiú na Comhstraitéise Cur chun Feidhme um Threoir 2000/60/CE (Treoirdhoiciméad Uimh. 27, arna thabhairt cothrom le dáta). Beidh feidhm ag QS 2.5 do nrManna aonair murab airde é QS a ríomhtar leis an gcur chuige cinntitheach, ina mbeidh feidhm ag QS 5 sa chás sin.

(12)Ciallaíonn ‘iomlán’ suim gach nrM aonair i ngach catagóir sonraí a bhraitear agus a chainníochtaítear sa nós imeachta faireacháin.

IARSCRÍBHINN IV

Leasaítear Iarscríbhinn II a ghabhann le Treoir 2006/118/CE mar a leanas:

(1)i gcuid A, cuirtear isteach an mhír seo a leanas tar éis na chéad mhíre:

‘Áiritheoidh na Ballstáit go gcuirfidh údaráis inniúla an Ghníomhaireacht Eorpach Ceimiceán ECHA ar an eolas faoi luachanna tairsí maidir le truailleáin agus táscairí truaillithe. Foilseoidh ECHA an fhaisnéis sin gan mhoill.’;   

(2)i gcuid B, cuirtear an méid seo a leanas in ionad phointe 2:

‘2.    Substaintí sintéiseacha de dhéantús an duine

Primeadón

Tríchlóireitiléin

Teitreaclóireitiléin’

(3)i gCuid C, cuirtear an méid seo a leanas in ionad an teidil:

‘Faisnéis atá le soláthar ag Ballstáit a mhéid a bhaineann leis na truailleáin agus a dtáscairí dá bhfuil luachanna tairsí bunaithe ag na Ballstáit’;

(4)cuirtear leis Cuid D seo a leanas:

‘Cuid D

Taisclann de luachanna tairsí comhchuibhithe le haghaidh thruailleáin screamhuisce ar ábhar imní ar bhonn náisiúnta, réigiúnach nó áitiúil iad

(1)CAS: Uimhir Sheirbhís na gCoimrithe Ceimiceacha.

(2) Uimhir AE: Fardal Eorpach de Shubstaintí Ceimiceacha Tráchtálacha Reatha (EINECS) nó Liosta Eorpach na Substaintí Ceimiceacha faoina dTugtar Fógra (ELINCS).

(3) Ciallaíonn ‘Iomlán’ suim na dtiúchan de Thríchlóireitiléin agus Teitreaclóireitiléin

IARSCRÍBHINN V

Leasaítear Iarscríbhinn I a ghabhann le Treoir 2008/105/CE mar a leanas:

(1)cuirtear an méid seo a leanas in ionad an teidil:

‘CAIGHDEÁIN CÁILÍOCHTA COMHSHAOIL (EQS) UM SHUBSTAINTÍ TOSAÍOCHTA IN UISCÍ DROMCHLA’;

(2)Cuirtear an méid seo a leanas in ionad Chuid A:

‘CUID A: CAIGHDEÁIN CÁILÍOCHTA COMHSHAOIL

Nóta 1: I gcás ina liostaítear EQS idir [], tá an luach sin faoi réir a dheimhnithe i bhfianaise na tuairime arna hiarraidh ón gCoiste Eolaíoch um Rioscaí Sláinte agus Comhshaoil, agus Rioscaí atá ag Teacht chun Cinn.