EUR-Lex Access to European Union law
This document is an excerpt from the EUR-Lex website
Document 32019R2095
Commission Implementing Regulation (EU) 2019/2095 of 29 November 2019 operating deduction from the Atlantic salmon fishing quota available to Poland in 2019 on account of overfishing in 2018
Regolament ta’ Implimentazzjoni Tal-Kummissjoni (UE) 2019/2095 tad-29 ta’ Novembru 2019 li jnaqqas il-kwota tas-sajd tas-salamun tal-Atlantiku disponibbli għall-Polonja fl-2019 minħabba s-sajd eċċessiv fl-2018
Regolament ta’ Implimentazzjoni Tal-Kummissjoni (UE) 2019/2095 tad-29 ta’ Novembru 2019 li jnaqqas il-kwota tas-sajd tas-salamun tal-Atlantiku disponibbli għall-Polonja fl-2019 minħabba s-sajd eċċessiv fl-2018
C/2019/8712
ĠU L 317, 9.12.2019, p. 105–107
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
9.12.2019 |
MT |
Il-Ġurnal Uffiċjali tal-Unjoni Ewropea |
L 317/105 |
REGOLAMENT TA’ IMPLIMENTAZZJONI TAL-KUMMISSJONI (UE) 2019/2095
tad-29 ta’ Novembru 2019
li jnaqqas il-kwota tas-sajd tas-salamun tal-Atlantiku disponibbli għall-Polonja fl-2019
minħabba s-sajd eċċessiv fl-2018
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (1), u b’mod partikolari l-Artikolu 105(1), (2) u (3) tiegħu,
Billi:
|
(1) |
Il-kwota tas-sajd għas-salamun tal-Atlantiku fl-ilmijiet tal-Unjoni tas-Suddiviżjonijiet 22-31 (SAL/3BCD-F) ġiet allokata lill-Polonja għas-sena 2018 bir-Regolament tal-Kunsill (UE) 2017/1970 (2). |
|
(2) |
Din il-kwota tas-sajd għas-sena 2018 żdiedet b’1 369 kampjun wara l-applikazzjoni tal-flessibbiltà ta’ sena b’sena stabbilita bl-Artikolu 15(9) tar-Regolament (UE) Nru 1380/2013 tal-Parlament Ewropew u tal-Kunsill (3). Iż-żieda, li tikkorrispondi għal 10 % tal-ħatt l-art permess għas-sena 2017, ġiet ikkalkulata fuq il-bażi tal-kwantitajiet mhux użati li fadal wara d-dikjarazzjonijiet tal-qabdiet. Matul il-missjonijiet ta’ spezzjoni mwettqa fil-Polonja f’konformità mar-Regolament (KE) Nru 1224/2009 matul l-2018, il-Kummissjoni identifikat data dwar il-qabdiet li ġiet irrappurtata ħażin u sottorappurtata, li żvelat li l-kwota Pollakka għall-2017 għas-Salamun tal-Atlantiku fl-ilmijiet tal-Unjoni tas-Suddiviżjonijiet 22-31 kienet ġiet eżawrita. Għalhekk, il-flessibbiltà ta’ sena b’sena mis-sena 2017 għas-sena 2018 skont l-Artikolu 15(9) tar-Regolament Nru 1380/2013 kienet ingħatat indebitament u l-kwantitajiet korrispondenti jenħtieġ li jitnaqqsu kif xieraq mill-kwota tal-2018. |
|
(3) |
Il-Kummissjoni identifikat ukoll aktar inkonsistenzi fid-data Pollakka dwar is-sajd għas-salamun tal-Atlantiku fl-ilmijiet tal-Unjoni tas-Suddiviżjonijiet 22-31 għas-sena 2018 bil-kontroverifika tad-data rreġistrata u rrappurtata matul il-vjaġġi tas-sajd spezzjonati u mhux spezzjonati. Dawn l-inkonsistenzi fir-rappurtar dwar il-kompożizzjoni tal-qabda kienu kkorroborati minn diversi missjonijiet ta’ verifika u ta’ verifikazzjoni li saru fil-Polonja matul l-2018 u l-2019 f’konformità mar-Regolament (KE) Nru 1224/2009. Dawn ir-rapporti ta’ verifika ġew debitament ikkomunikati u diskussi mal-Polonja. |
|
(4) |
Permezz tal-evidenza miġbura, il-Kummissjoni setgħet tistabbilixxi li l-kwota għas-salamun tal-Atlantiku fl-ilmijiet tal-Unjoni tas-Suddiviżjonijiet 22-31 allokata lill-Polonja fis-sena 2018 bir-Regolament tal-Kunsill (UE) 2017/1970 inqabżet b’2 160 biċċa ta’ salamun. Skont l-Artikolu 105(1) tar-Regolament (KE) Nru 1224/2009, meta l-Kummissjoni tkun stabbiliet li Stat Membru jkun qabeż il-kwoti tas-sajd li kienu allokati lilu, hija għandha tnaqqas il-kwoti tas-sajd futuri ta’ dak l-Istat Membru. |
|
(5) |
L-Artikolu 105(2) u (3) tar-Regolament (KE) Nru 1224/2009 jipprevedi li dan it-tnaqqis tal-kwoti tas-sajd irid isir fis-sena jew fis-snin li jsegwu billi jiġu applikati l-fatturi ta’ multiplikazzjoni rispettivi kif stabbiliti hemmhekk. |
|
(6) |
Jenħtieġ li jiġi applikat fattur ta’ multiplikazzjoni ugwali għal 1,00 f’konformità mal-Artikolu 105(2) tar-Regolament (KE) Nru 1224/2009 billi l-ammont ta’ sajd eċċessiv kif kwantifikat mill-Kummissjoni huwa inqas minn 100 tunnellata. |
ADOTTAT DAN IR-REGOLAMENT:
Artikolu 1
Il-kwota tas-sajd għas-salamun tal-Atlantiku fl-ilmijiet tal-Unjoni tas-Suddiviżjonijiet 22-31 allokata lill-Polonja għas-sena 2019 bir-Regolament tal-Kunsill (UE) 2018/1628 (4) għandha titnaqqas kif stabbilit fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta’ Novembru 2019.
Għall-Kummissjoni
Il-President
Jean-Claude JUNCKER
(1) ĠU L 343, 22.12.2009, p. 1.
(2) Ir-Regolament tal-Kunsill (UE) 2017/1970 tas-27 ta’ Ottubru 2017 li jiffissa għall-2018 l-opportunitajiet tas-sajd għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku u li jemenda r-Regolament (UE) 2017/127 (ĠU L 281, 31.10.2017, p. 1).
(3) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).
(4) Ir-Regolament tal-Kunsill (UE) 2018/1628 tat-30 ta’ Ottubru 2018 li jistabbilixxi l-opportunitajiet tas-sajd għall-2019 għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku u li jemenda r-Regolament (UE) 2018/120 fir-rigward ta’ ċerti opportunitajiet ta’ sajd f’ilmijiet oħra (ĠU L 272, 31.10.2018, p. 1).
ANNESS
TNAQQIS MILL-KWOTA TAS-SAJD TAS-SALAMUN TAL-ATLANTIKU DISPONIBBLI GĦALL-POLONJA FL-2019 GĦALL-ISTOKKIJIET LI KIENU MISTADA B’MOD EĊĊESSIV
|
Stat Membru |
Kodiċi tal-ispeċi |
Kodiċi taż-żona |
Isem l-ispeċi |
Isem iż-żona |
Il-kwota oriġinali għall-2018 (f’biċċiet ta’ ħut) |
Il-ħatt l-art permess għall-2018 (il-kwantità totali adattata f’biċċiet ta’ ħut)(1) |
Il-qabdiet totali li saru fl-2018 (il-kwantità f’biċċiet ta’ ħut) |
Il-konsum tal-kwota meta mqabbel mal-ħatt l-art permess |
Is-sajd eċċessiv meta mqabbel mal-ħatt l-art permess (il-kwantità f’biċċiet ta’ ħut) |
Il-fattur ta’ multiplikazzjoni (3) |
Il-fattur addizzjonali ta’ multiplikazzjoni (4), (5) |
It-tnaqqis li jrid isir fl-2019 (il-kwantità f’biċċiet ta’ ħut) |
|
PL |
SAL |
3BCD-F |
Salamun tal-Atlantiku |
L-ilmijiet tal-Unjoni tas-suddiviżjonijiet 22-31 |
5 729 |
15 739 (2) |
17 899 |
113,72 % |
2 160 |
1,00 |
/ |
2 160 |
(1) (1)Il-kwoti disponibbli għal Stat Membru skont ir-Regolamenti rilevanti dwar l-opportunitajiet tas-sajd wara li jitqiesu l-iskambji tal-opportunitajiet tas-sajd f’konformità mal-Artikolu 16(8) tar-Regolament (UE) Nru 1380/2013 tal-Parlament Ewropew u tal-Kunsill (ĠU L 354, 28.12.2013, p. 22), it-trasferimenti tal-kwoti mill-2017 għall-2018 f’konformità mal-Artikolu 4(2) tar-Regolament tal-Kunsill (KE) Nru 847/96 (ĠU L 115, 9.5.1996, p. 3) u mal-Artikolu 15(9) tar-Regolament (UE) Nru 1380/2013 jew ir-riallokazzjoni u t-tnaqqis tal-opportunitajiet tas-sajd f’konformità mal-Artikoli 37 u 105 tar-Regolament (KE) Nru 1224/2009.
(2) (2)Dan l-ammont jinkludi tnaqqis ta’ 1369 biċċa ta’ salamun li jikkorrispondi għall-flessibbiltà ta’ sena b’sena mogħtija indebitament fl-2018 skont l-Artikolu 15(9) tar-Regolament (UE) Nru 1380/2013 wara li nstabet data dwar il-qabdiet li ġiet irrappurtata ħażin u sottorappurtata għall-2017.
(3) (3)Kif stabbilit fl-Artikolu 105(2) tar-Regolament (KE) Nru 1224/2009. Tnaqqis ekwivalenti għas-sajd eċċessiv * 1,00 għandu japplika fil-każijiet kollha ta’ sajd eċċessiv ta’ 100 tunnellata jew inqas.
(4) (4)Kif stabbilit fl-Artikolu 105(3) tar-Regolament (KE) Nru 1224/2009 u dejjem jekk is-sajd eċċessiv ikun jaqbeż l-10 %.
(5) (5)L-ittra “A” turi li ġie applikat fattur addizzjonali ta’ multiplikazzjoni ta’ 1,5 minħabba li kien hemm sajd eċċessiv b’mod konsekuttiv fl-2016, fl-2017 u fl-2018. L-ittra “C” turi li ġie applikat fattur addizzjonali ta’ multiplikazzjoni ta’ 1,5 minħabba li l-istokk huwa soġġett għal pjan pluriennali.