EUR-Lex Access to European Union law
This document is an excerpt from the EUR-Lex website
Document 32016R0683
Commission Regulation (EU) 2016/683 of 2 May 2016 amending Annex II to Regulation (EC) No 1333/2008 of the European Parliament and of the Council as regards the use of propionic acid — propionates (E 280-283) in tortillas (Text with EEA relevance)
Regolament tal-Kummissjoni (UE) 2016/683 tat-2 ta' Mejju 2016 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill dwar l-użu tal-Aċidu propjoniku — propjonati (E 280 — 283) fit-tortillas (Test b'rilevanza għaż-ŻEE)
Regolament tal-Kummissjoni (UE) 2016/683 tat-2 ta' Mejju 2016 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill dwar l-użu tal-Aċidu propjoniku — propjonati (E 280 — 283) fit-tortillas (Test b'rilevanza għaż-ŻEE)
C/2016/2548
ĠU L 117, 3.5.2016, p. 28–29
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
3.5.2016 |
MT |
Il-Ġurnal Uffiċjali tal-Unjoni Ewropea |
L 117/28 |
REGOLAMENT TAL-KUMMISSJONI (UE) 2016/683
tat-2 ta' Mejju 2016
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill dwar l-użu tal-Aċidu propjoniku — propjonati (E 280 — 283) fit-tortillas
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta' Diċembru 2008 dwar l-addittivi tal-ikel (1), u b'mod partikolari l-Artikolu 10(3),
Billi:
|
(1) |
L-Anness II tar-Regolament (KE) Nru 1333/2008 jistabbilixxi lista tal-Unjoni ta' addittivi tal-ikel approvati għall-użu fl-ikel u l-kundizzjonijiet tal-użu tagħhom. |
|
(2) |
Il-lista tal-Unjoni tal-addittivi tal-ikel tista' tiġi aġġornata skont il-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2) fuq inizjattiva tal-Kummissjoni jew wara li ssir applikazzjoni. |
|
(3) |
Fl-14 ta' Lulju 2015 ġiet ippreżentata applikazzjoni biex jiġi estiż l-użu tal-propjonat tal-kalċju (E282) bħala preżervattiv għall-estensjoni taż-żmien tal-ħżin tat-tortillas. Dik l-applikazzjoni kienet għad-dispożizzjoni tal-Istati Membri skont l-Artikolu 4 tar-Regolament (KE) Nru 1331/2008. |
|
(4) |
L-użu tal-Aċidu propjoniku — propjonati huwa meħtieġ biex jestendi ż-żmien tal-ħżin tat-tortillas peress li l-prodott jeħżien malajr minħabba l-kontenut għoli ta' umdità u l-kompożizzjoni li hija suxxettibbli għat-tkabbir mikrobiku. |
|
(5) |
L-Aċidu propjoniku — propjonati jintuża ħafna biex jipprevjeni li tikber il-moffa fil-prodotti moħmija bil-ħmira minħabba l-effett minimu tiegħu fuq il-ħmira u fuq ir-riħa jew fuq it-togħma tal-prodott finali. |
|
(6) |
L-Awtorità Ewropea dwar is-Sigurtà fl-Ikel (“l-Awtorità”) fl-opinjoni tagħha dwar l-evalwazzjoni mill-ġdid tal-aċidu propjoniku (E 280), tal-propjonati tas-sodju (E 281), tal-propjonati tal-kalċju (E 282) u tal-propjonati tal-potassju (E 283) bħala addittivi tal-ikel (3), ikkonkludiet li mhux se jkun hemm tħassib dwar is-sikurezza mill-konċentrazzjonijiet massimi ta' dawk is-sustanzi dwar l-użi awtorizzati u l-livelli ta' użu attwali bħala addittivi tal-ikel. L-awtorizzazzjoni għall-użu tal-propjonati fit-tortillas hija estensjoni li mhux se twassal għal tħassib addizzjonali peress li l-valutazzjoni ta' esponiment magħmula mill-Awtorità kienet tkopri l-kategorija tal-ikel 07.1 Ħobż u bziezen. |
|
(7) |
Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità biex taġġorna l-lista tal-Unjoni ta' addittivi tal-ikel stabbilita fl-Anness II tar-Regolament (KE) Nru 1333/2008, għajr meta l-aġġornament inkwistjoni mhux mistenni li jħalli effett fuq is-saħħa tal-bniedem. Peress li l-awtorizzazzjoni tal-użu tal-Aċidu propjoniku — propjonati (E280 — 283) bħala preżervattiv fit-tortillas jikkostitwixxi aġġornament ta' dik il-lista li mhux mistenni jħalli effett fuq is-saħħa tal-bniedem, m'hemmx bżonn tintalab l-opinjoni tal-Awtorità. |
|
(8) |
Għaldaqstant, l-Anness II tar-Regolament (KE) Nru 1333/2008 għandu jiġi emendat skont dan. |
|
(9) |
Il-miżuri previsti f' dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 huwa emendat skont l-Anness ta' dan ir-Regolament.
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta' Mejju 2016.
Għall-Kummissjoni
Il-President
Jean-Claude JUNCKER
(1) ĠU L 354, 31.12.2008, p. 16.
(2) Ir-Regolament (KE) Nru 1331/2008 tal-Parlament Ewropew u tal-Kunsill tas-16 ta' Diċembru 2008 li jistabbilixxi proċedura ta' awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (ĠU L 354, 31.12.2008, p. 1).
(3) EFSA Journal 2014;12(7):3779.
ANNESS
Fil-Parti E tal-Anness II tar-Regolament (KE) Nru 1333/2008 fil-kategorija tal-ikel 07.1 “Ħobż u bziezen”, l-entrati għall-Aċidu propjoniku — propjonati jinbidlu b'dan li ġej:
|
|
“E 280-283 |
Aċidu propjoniku — propjonati |
3 000 |
(1) (6) |
ħobż imqatta' ppakkjat minn qabel u ħobż tas-segala biss |
|
E 280-283 |
Aċidu propjoniku — propjonati |
2 000 |
(1) (6) |
ħobż b'enerġija mnaqqsa; ħobż ippakkjat minn qabel parzjalment moħmi; bziezen, tortillas u pitta ppakkjati minn qabel biss; pølsebrød, boller u dansk flutes ippakkjati minn qabel |
|
|
E 280-283 |
Aċidu propjoniku — propjonati |
1 000 |
(1) (6) |
ħobż ippakkjat minn qabel biss” |