EUR-Lex Access to European Union law
This document is an excerpt from the EUR-Lex website
Document 32014L0076
Commission Delegated Directive 2014/76/EU of 13 March 2014 amending, for the purposes of adapting to technical progress, Annex III to Directive 2011/65/EU of the European Parliament and of the Council as regards an exemption for Mercury in hand crafted luminous discharge tubes (HLDTs) used for signs, decorative or architectural and specialist lighting and light-artwork Text with EEA relevance
Direttiva ta' Delega tal-Kummissjoni 2014/76/UE tat- 13 ta' Marzu 2014 li temenda, għal skopijiet ta' adattament għall-progress tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta' eżenzjoni għall-Merkurju f'tubi bi skariku luminuż magħmula bl-idejn (HLDTs) użati għas-sinjali, kemm dawk dekorattivi kif ukoll dawk arkitettoniċi, għad-dawl speċjalizzat u għall-opri tal-arti bid-dawl Test b'rilevanza għaż-ŻEE
Direttiva ta' Delega tal-Kummissjoni 2014/76/UE tat- 13 ta' Marzu 2014 li temenda, għal skopijiet ta' adattament għall-progress tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta' eżenzjoni għall-Merkurju f'tubi bi skariku luminuż magħmula bl-idejn (HLDTs) użati għas-sinjali, kemm dawk dekorattivi kif ukoll dawk arkitettoniċi, għad-dawl speċjalizzat u għall-opri tal-arti bid-dawl Test b'rilevanza għaż-ŻEE
ĠU L 148, 20.5.2014, p. 86–87
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
20.5.2014 |
MT |
Il-Ġurnal Uffiċjali tal-Unjoni Ewropea |
L 148/86 |
DIRETTIVA TA' DELEGA TAL-KUMMISSJONI 2014/76/UE
tat-13 ta' Marzu 2014
li temenda, għal skopijiet ta' adattament għall-progress tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta' eżenzjoni għall-Merkurju f'tubi bi skariku luminuż magħmula bl-idejn (HLDTs) użati għas-sinjali, kemm dawk dekorattivi kif ukoll dawk arkitettoniċi, għad-dawl speċjalizzat u għall-opri tal-arti bid-dawl
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2011/65/UE tal-Parlament Ewropew u tal-Kunsill tat-8 ta' Ġunju 2011 dwar ir-restrizzjoni tal-użu ta' ċerti sustanzi perikolużi fit-tagħmir elettriku u elettroniku, (1) u b'mod partikolari l-Artikolu 5(1(a) tagħha
Billi:
|
(1) |
Id-Direttiva 2011/65/UE tipprojbixxi l-użu tal-merkurju fit-tagħmir elettriku u elettroniku mqiegħed fis-suq. |
|
(2) |
It-tubi bi skariku luminuż magħmula bl-idejn (HLDTs) huma bozoz magħmula bl-idejn li jintużaw għal skop speċjali u li jeżistu f'varjetà wiesgħa. Xi eżempji huma s-sinjali tan-neon, illuminazzjoni arkitettonika individwali u emittenti ta' dawl speċjali fir-riċerka analitika fil-kimika. Peress li l-HLDTs jintużaw għal applikazzjonijiet fuq ġewwa u fuq barra b'kompożizzjoni ta' spettru ta' kulur individwali, hemm bżonn li jaħdmu b'mod affidabbli f'kundizzjonijiet sensittivi u kesħin u hemm bżonn li jkollhom stennija ta' ħajja twila ħafna peress li ta' spiss l-aċċess għalihom huwa diffiċli. Sabiex ikunu jistgħu jaħdmu kif suppost f'dawn il-kundizzjonijiet, l-HLDTs jeħtieġu kwantità minima ta' merkurju. |
|
(3) |
L-eliminazzjoni jew is-sostituzzjoni tal-merkurju fl-HLDTs u s-sostituzzjoni kollha kemm hi tal-HLDTs b'teknoloġiji oħrajn bħal-LED mhijiex prattika la mil-lat xjentifiku u lanqas mil-lat tekniku. Għaldaqstant, l-użu tal-merkurju fl-HLDTs użati għas-sinjali, kemm dawk dekorattivi kif ukoll dawk arkitettoniċi, għad-dawl speċjalizzat u għall-opri tal-arti bid-dawl għandu jkun eżentat mill-projbizzjoni. Il-merkurju għandu jkun limitat u jintuża biss l-ammont minimu meħtieġ u l-perjodu ta' validità għandu jispiċċa fil-31 ta' Diċembru 2018, sabiex jiġu evitati impatti negattivi fuq l-innovazzjoni. |
|
(4) |
Għaldaqstant, id-Direttiva 2011/65/UE għandha tiġi emendata skont dan, |
ADOTTAT DIN ID-DIRETTIVA:
Artikolu 1
L-Anness III tad-Direttiva 2011/65/UE huwa emendat kif stipulat fl-Anness ta' din id-Direttiva.
Artikolu 2
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex ikunu konformi ma' din id-Direttiva mhux aktar tard mill-aħħar jum tas-sitt xahar wara d-dħul fis-seħħ. Huma għandhom minnufih jikkomunikaw lill-Kummissjoni t-test ta' dawn id-dispożizzjonijiet.
Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati mit-tali referenza fil-waqt tal-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jaddottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, it-13 ta' Marzu 2014.
Għall-Kummissjoni
Il-President
José Manuel BARROSO
(1) ĠU L 174, 1.7.2011, p. 88.
ANNESS
Fl-Anness III tad-Direttiva 2011/65/UE, jiddaħħal il-punt 4 (g) li ġej:
|
“4(g) |
Il-merkurju f'tubi bi skariku luminuż magħmula bl-idejn użati għas-sinjali, kemm dawk dekorattivi kif ukoll dawk arkitettoniċi, għad-dawl speċjalizzat u għall-opri tal-arti bid-dawl, fejn il-kontenut tal-merkurju għandu jkun limitat kif ġej:
|
Tiskadi fil-31 ta' Diċembru 2018” |