Edizzjoni speċjali bil-Kroat: Kapitolu 13 Volum 056 P. 141 - 144
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32009L0130
Commission Directive 2009/130/EC of 12 October 2009 amending Council Directive 76/768/EEC, concerning cosmetic products, for the purpose of adapting Annex III thereto to technical progress (Text with EEA relevance)
Direttiva tal-Kummissjoni 2009/130/KE tat- 12 ta’ Ottubru 2009 li temenda d-Direttiva tal-Kunsill 76/768/KEE, rigward prodotti kożmetiċi, għall-iskop tal-adattar tal-Anness III tagħha mal-progress tekniku (Test b’relevanza għaż-ŻEE)
Direttiva tal-Kummissjoni 2009/130/KE tat- 12 ta’ Ottubru 2009 li temenda d-Direttiva tal-Kunsill 76/768/KEE, rigward prodotti kożmetiċi, għall-iskop tal-adattar tal-Anness III tagħha mal-progress tekniku (Test b’relevanza għaż-ŻEE)
ĠU L 268, 13.10.2009, p. 5–8
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 11/07/2013; Impliċitament imħassar minn 32009R1223
Language
HTML
PDF
Official Journal
|
13.10.2009 |
MT |
Il-Ġurnal Uffiċjali tal-Unjoni Ewropea |
L 268/5 |
DIRETTIVA TAL-KUMMISSJONI 2009/130/KE
tat-12 ta’ Ottubru 2009
li temenda d-Direttiva tal-Kunsill 76/768/KEE, rigward prodotti kożmetiċi, għall-iskop tal-adattar tal-Anness III tagħha mal-progress tekniku
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabilixxi l-Komunità Ewropea,
Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet tal-Istati Membri dwar prodotti kożmetiċi (1), u b’mod partikolari l-Artikolu 8 (2) tagħha,
Wara konsultazzjoni mal-Kumitat Xjentifiku dwar is-Sigurtà tal-Konsumatur,
Billi:
|
(1) |
Wara l-pubblikazzjoni ta’ studju xjentifiku fl-2001, bl-isem “L-użu ta’ żebgħa permanenti tax-xagħar u r-riskju tal-kanċer tal-bużżieqa tal-awrina”, il-Kumitat Xjentifiku dwar il-Prodotti Kożmetiċi u Prodotti li Mhumiex tal-Ikel maħsuba għal Konsumaturi, attwalment il-Kumitat Xjentifiku dwar is-Sigurtà tal-Konsumatur (minn issa ‘l quddiem l-“SCCS”) (2), ikkonkluda li r-riskji potenzjali kienu ta’ tħassib. Dan irrakkomanda li l-Kummissjoni tieħu iżjed passi biex tikkontrolla l-użu tal-kimiċi taż-żebgħa tax-xagħar. |
|
(2) |
L-SCCS jirrakkomanda wkoll strateġija ta’ valutazzjoni ġenerali għas-sikurezza tas-sustanzi fiż-żebgħa tax-xagħar li tinkludi l-ħtiġijiet għall-ittestjar tas-sustanzi użati fil-prodotti taż-żebgħa tax-xagħar għall-ġenotossiċità/mutaġeniċità potenzjali tagħhom. |
|
(3) |
Wara l-opinjonijiet tal-SCCS, il-Kummissjoni, flimkien mal-Istati Membri u l-partijiet interessati, qablu dwar strateġija komprensiva biex tirregola s-sustanzi użati fiż-żebgħa tax-xagħar, u skont din l-industrija ġiet obbligata tressaq il-fajls bid-dejta xjentifika dwar sustanzi taż-żebgħa tax-xagħar biex jiġu vvalutati mill-SCCS. |
|
(4) |
Is-sustanzi p-Phenylenediamine (PPD) u t-toluene-2,5-diamine (PTD) qed jiġu rregolati attwalment taħt l-intestaturi ġeneriċi 8 u 9 fil-Parti 1 tal-Anness III tad-Direttiva tal-Kunsill 76/768/KEE. L-SCCS ikklassifika dawn is-sustanzi bħala sensitizzaturi estremi li jikkontribwixxu fil-biċċa l-kbira tagħhom għall-inċidenza ta’ allerġiji tal-ġilda fost il-konsumaturi li jużaw il-prodotti taż-żebgħa tax-xagħar. L-istima tar-riskju tad-dejta addizzjonali mressqa dwar il-PPD u l-PTD, u d-deċiżjonijiet finali magħmula mill-SCCS dwar is-sigurtà ta’ dawn is-sustanzi, għad għandhom mnejn jirrikjedu ammont konsiderevoli ta’ żmien. Bħala miżura ta’ prekawzjoni biex jitnaqqas ir-riskju ta’ allerġiji għall-prodotti taż-żebgħa tax-xagħar fost il-kosumaturi, il-konċentrazzjonijiet massimi awtorizzati tal-PPD u l-PTD għandhom jitnaqqsu minnufih għal-livelli li għalihom l-industrija ppreżentat il-fajls ta’ sikurezza. |
|
(5) |
Billi s-sustanzi PPD u PTD huma attwalment regolati taħt l-entraturi ġeneriċi fil-Parti 1 tal-Anness III għandhom jinħolqu numri separati ta’ referenza għal dawn is-sustanzi b’konċentrazzjonijiet massimi awtorizzati mnaqqsa. |
|
(6) |
Id-Direttiva tal-Kummissjoni 2008/88/KE (3) ipprojbixxiet l-użu tal-hydroquinone fi prodotti taż-żebgħa tax-xagħar ossidattivi billi tħassar il-kamp ta’ applikazzjoni rispettiv fil-kolonna “c” tan-numru ta’ referenza 14 fl-Anness III, Parti 1. Għal raġunijiet ta’ ċarezza, il-konċentrazzjoni awtorizzata ta’ 0,3 % fil-kolonna “d” u l-kundizzjonijiet ta’ użu u ta’ twissijiet li għandhom jiġu stampati fuq it-tikketta elenkati fil-paragrafu a) fil-kolonna “f” tan-numru ta’ referenza 14 għandhom jitħassru ukoll. |
|
(7) |
Id-Direttiva 76/768/KEE għandha għalhekk tiġi emendata skont dan. |
|
(8) |
Il-miżuri stipulati f’din id-Direttiva huma skont l-opinjoni tal-Kumitat Permanenti dwar il-Prodotti Kożmetiċi, |
ADOTTAT DIN ID-DIRETTIVA:
Artikolu 1
L-Anness III tad-Direttiva 76/768/KEE hu emendat skont l-Anness ta’ din id-Direttiva.
Artikolu 2
1. L-Istati Membri għandhom jadottaw u jippubblikaw, sa mhux aktar tard mill-15 ta’ April 2010 il-liġijiet, ir-regolamenti u d-dispożizzjonijiet amministrattivi meħtieġa biex ikunu konformi ma’ din id-Direttiva. Huma għandhom jikkomunikaw minnufih lill-Kummissjoni t-test ta’ dawn id-dispożizzjonijiet.
Għandhom japplikaw id-dispożizzjonijiet stipulati fil-Anness ta’ din id-Direttiva mill-15 ta’ Lulju 2010.
Meta l-Istati Membri jadottaw dawn il-miżuri, dawn għandhom jinkludu referenza għal din id-Direttiva jew għandhom ikunu akkumpanjati b’tali referenza fil-ħin tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir tali referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, it-12 ta’ Ottubru 2009.
Għall-Kummissjoni
Günter VERHEUGEN
Viċi President
(1) ĠU L 262, 27.9.1976, p. 169.
(2) L-isem tal-kumitat ġie mibdul bid-Deċiżjoni tal-Kummissjoni 2008/721/KE (ĠU L 241, 10.9.2008, p. 21).
(3) ĠU L 256, 24.9.2008, p. 12.
ANNESS
Id-Direttiva 76/768/KEE hi emendata kif ġej:
Il-Parti 1 tal-Anness III hi emendata kif ġej:
|
(a) |
Fil-kolonna “b” tan-numru ta’ referenza 8, il-kliem “p-Phenylenediamine, id-derivattivi sostituti N u l-imluħa tiegħu; id-derivattivi sostituti N tal-o-Phenylenediamine (5), ħlief għal dawk id-derivattivi mniżżla xi mkien ieħor f’dan l-Anness u taħt in-numru ta’ referenza 1309, 1311, u 1312 fl-Anness II” qed jiġu ssostitwiti skont li ġej: “Id-derivattivi sostituti N tal-o-Phenylenediamine u l-imlieħ tagħhom; id-derivattivi sostituti N tal-o-Phenylenediamine (5), ħlief għal dawk id-derivattivi mniżżla xi mkien ieħor f’dan l-Anness u taħt in-numru ta’ referenza 1309, 1311, u 1312 fl-Anness II”. |
|
(b) |
In-numru ta’ referenza 8a li ġej qed jiġi inserit wara n-numru ta’ referenza 8:
|
|||||||||||||||||||||||||||||
|
(ċ) |
Fil-kolonna “b” tan-numru ta’ referenza 9, il-kliem “Methylphenylenediamines, id-derivattivi bin-N sostitwita u l-imlieħ tagħhom (1) ħlief għas-sustanzi taħt in-numri ta’ referenza 364, 1310, u 1313 fl-Anness II” qed jiġu ssostitwiti kif ġej: “Il-methylphenylenediamines, id-derivattivi bin-N sostitwita u l-imlieħ tagħhom (1), ħlief għas-sustanzi taħt in-numru ta’ referenza 9a f’dan l-Anness u għas-sustanzi taħt in-numri ta’ referenza 364, 1310 u 1313 fl-Anness II”. |
|
(d) |
In-numru ta’ referenza 9a li ġej qed jiġi inserit wara n-numru ta’ referenza 9:
|
|||||||||||||||||||||||||
|
(e) |
Qed jitħassru fin-numru ta’ referenza 14, il-konċentrazzjoni massima awtorizzata fil-prodott kożmetiku lest ta’ 0,3 % fil-kolonna “d” u l-paragrafu a) fil-kolonna “f”. |