EUR-Lex Access to European Union law
This document is an excerpt from the EUR-Lex website
Document 32014R0550
Commission Implementing Regulation (EU) No 550/2014 of 20 May 2014 concerning the classification of certain goods in the Combined Nomenclature
Regolament ta' Implimentazzjoni tal-Kummissjoni (UE) Nru 550/2014 tal- 20 ta' Mejju 2014 dwar il-klassifikazzjoni ta' ċerti prodotti fin-Nomenklatura Magħquda
Regolament ta' Implimentazzjoni tal-Kummissjoni (UE) Nru 550/2014 tal- 20 ta' Mejju 2014 dwar il-klassifikazzjoni ta' ċerti prodotti fin-Nomenklatura Magħquda
ĠU L 155, 23.5.2014, p. 15–17
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
23.5.2014 |
MT |
Il-Ġurnal Uffiċjali tal-Unjoni Ewropea |
L 155/15 |
REGOLAMENT TA' IMPLIMENTAZZJONI TAL-KUMMISSJONI (UE) Nru 550/2014
tal-20 ta' Mejju 2014
dwar il-klassifikazzjoni ta' ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1), u b'mod partikolari l-Artikolu 9(1)(a) tiegħu,
Billi:
|
(1) |
Sabiex tiġi żgurata applikazzjoni uniformi tan-Nomenklatura Magħquda mehmuża mar-Regolament (KEE) Nru 2658/87, jeħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament. |
|
(2) |
Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kull nomenklatura oħra li hija bbażata, parzjalment jew kollha kemm hi fuqha, jew li żżid kull subdiviżjoni magħha u li hija stabbilita b'dispożizzjonijiet speċifiċi tal-Unjoni, bl-għan tal-applikazzjoni ta' tariffi u miżuri oħra relatati mal-kummerċ tal-prodotti. |
|
(3) |
Skont dawk ir-regoli ġenerali, il-prodotti msemmija fil-kolonna (1) tat-tabella li tinsab fl-Anness għandhom jiġu kklassifikati taħt il-kodiċi tan-NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella. |
|
(4) |
Huwa xieraq li jiġi previst li informazzjoni tariffarja vinkolanti maħruġa fir-rigward tal-prodotti kkonċernati minn dan ir-Regolament li ma tikkonformax ma' dan ir-Regolament tista', għal ċertu perjodu, tibqa' tiġi invokata mid-detentur skont l-Artikolu 12(6) tar-Regolament tal-Kunsill (KEE) Nru 2913/92 (2). Dan il-perjodu għandu jkun ta' tliet xhur. |
|
(5) |
Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna (1) tat-tabella li tinsab fl-Anness għandhom ikunu kklassifikati fin-Nomenklatura Magħquda taħt il-kodiċi NM indikat fil-kolonna (2) ta' dik it-tabella.
Artikolu 2
L-informazzjoni tariffarja vinkolanti li ma tikkonformax ma' dan ir-Regolament tista' tibqa' tiġi invokata skont l-Artikolu 12(6) tar-Regolament (KEE) Nru 2913/92 għal perjodu ta' tliet xhur mid-data tad-dħul fis-seħħ ta' dan ir-Regolament.
Artikolu 3
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta' Mejju 2014.
Għall-Kummissjoni,
F'isem il-President,
Algirdas ŠEMETA
Membru tal-Kummissjoni
(2) Ir-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali Komunitarju (ĠU L 302, 19.10.1992, p. 1).
ANNESS
|
Deskrizzjoni tal-prodotti |
Klassifikazzjoni (Kodiċi NM) |
Raġunijiet |
|
(1) |
(2) |
(3) |
|
Apparat (imsejjaħ “individwatur bi fjamma”) li jikkonsisti f'sensuri infra-ħomor u ultra-vjola passivi, filtru ottiku, unità tal-valutazzjoni, tliet rilejs ta' produzzjoni (allarmi tan-nar, rilej ta' ħsara u awżiljarju) u LED dwar l-istatus bi tliet kuluri (li jindikaw operazzjoni normali, kundizzjoni ta' nar u ħsara), f'kisi estern ċilindriku b'dijametru ta' madwar 12 cm u tul ta' madwar 25 cm. Il-firxa operattiva tiegħu hija minn 18 sa 30 V Kurrent Dirett. L-apparat huwa komponent ta' sistema tal-allarm tan-nar. Is-sensuri jidentifikaw simultanjament ir-radjazzjoni infra-ħamra u ultra-vjola emessa minn nar. Jekk ir-radjazzjoni emessa hija 'l fuq minn ċertu limitu, l-apparat jibgħat sinjal elettriku permezz tar-rilej tal-allarm tan-nar lill-apparat tal-allarm tan-nar. L-apparat tal-allarm tan-nar mhuwiex inkluż mal-preżentazzjoni. |
8536 50 19 |
Il-klassifikazzjoni hija determinata mir-regoli ġenerali 1 u 6 għall-interpretazzjoni tan-Nomenklatura Magħquda u bil-kliem tal-kodiċi NM 8536 , 8536 50 u 8536 50 19 . Il-klassifikazzjoni bħala apparat tas-sinjalar tal-elettriku jew tal-ħoss taħt l-intestatura 8531 hija eskluża minħabba li l-apparat ma għandux kapaċità tal-allarm awtonomu (ara wkoll in-Noti ta' Spjegazzjoni tas-Sistema Armonizzata (HSEN) għall-intestatura 8531 , grupp (H) tat-tielet paragrafu). Il-klassifikazzjoni taħt l-intestatura 8537 bħala apparat mgħammar b'żewġ tipi ta' apparat jew aktar tal-intestatura 8535 jew 8536 hija wkoll eskluża minħabba li l-apparat huwa biss mgħammar b'apparat tal-intestatura 8536 tal-istess tip (tliet rilejs) (ara wkoll l-HSEN tal-intestatura 8537 , esklużjoni (b)). L-apparat jidentifika biss li l-livell ta' radjazzjoni emessa minn nar huwa 'l fuq minn ċertu limitu, mingħajr ma jindika ammont eżatt. L-identifikazzjoni ta' bidliet fir-radjazzjoni mhijiex l-istess bħal kejl jew iċċekkjar tal-kwantitajiet ta' sħana. Il-klassifikazzjoni taħt l-intestatura 9027 bħala strumenti jew apparat għall-kejl jew l-iċċekkjar tal-kwantitajiet ta' sħana hija għalhekk eskluża wkoll. L-apparat għandu l-funzjoni ta' swiċċ awtomatiku u għalhekk jiġi klassifikat taħt il-kodiċi NM 8536 50 19 bħala swiċċijiet oħrajn għal vultaġġ mhux aktar minn 60 V. |