1.   Is-sistema ta’ identifikazzjoni għall-bċejjeċ tar-raba’ msemmija fl-Artikolu 68 tar-Regolament (UE) 2021/2116 għandha topera fil-livell tal-bċejjeċ ta’ referenza u għandha tinkludi informazzjoni li tippermetti l-iskambju ta’ data mal-applikazzjoni ta’ għajnuna ġeospazjali msemmija fl-Artikolu 69 ta’ dak ir-Regolament u s-sistema ta’ monitoraġġ tal-erja msemmija fl-Artikolu 70 ta’ dak ir-Regolament.

2.   Għall-finijiet ta’ dan ir-Regolament, “biċċa raba’ ta’ referenza” tfisser erja ġeografikament delimitata b’identifikazzjoni unika kif irreġistrata fis-sistema ta’ identifikazzjoni għall-bċejjeċ tar-raba’ msemmija fl-Artikolu 68 tar-Regolament (UE) 2021/2116. Biċċa raba’ ta’ referenza għandu jkun fiha unità ta’ art li tirrappreżenta erja agrikola kif definita fl-Artikolu 4(3) tar-Regolament (UE) 2021/2115. Fejn xieraq, biċċa raba’ ta’ referenza għandu jkun fiha wkoll erjas mhux agrikoli meqjusa eliġibbli mill-Istati Membri biex jirċievu l-appoġġ għall-interventi bbażati fuq l-erja msemmija fl-Artikolu 65(2) u (3) tar-Regolament (UE) 2021/2116.

3.   Il-bċejjeċ tar-raba’ ta’ referenza għandhom iservu bħala bażi biex jappoġġaw lill-benefiċjarji fis-sottomissjoni ta’ applikazzjonijiet ġeospazjali għall-interventi bbażati fuq l-erja msemmija fl-Artikolu 65(2) u (3) tar-Regolament (UE) 2021/2116.

4.   L-Istati Membri għandhom jiddelimitaw il-bċejjeċ tar-raba’ ta’ referenza b’tali mod li jiżguraw li kull biċċa raba’ tkun stabbli fiż-żmien, tkun tista’ titkejjel, tippermetti l-lokalizzazzjoni unika u mhux ambigwa ta’ kull biċċa raba’ u unità ta’ art ta’ erjas mhux agrikoli meqjusin eliġibbli mill-Istati Membri biex jirċievu l-appoġġ għall-interventi bbażati fuq l-erja msemmija fl-Artikolu 65(2) u (3) tar-Regolament (UE) 2021/2116 iddikjarati kull sena.

5.   L-Istati Membri għandhom jiżguraw l-aġġornament tal-informazzjoni għall-bċejjeċ raba’ ta’ referenza kollha fis-sistema ta’ identifikazzjoni mill-inqas darba kull 3 snin. Barra minn hekk, kull sena, l-Istati Membri għandhom iqisu l-informazzjoni kollha disponibbli mill-applikazzjoni ġeospazjali, mis-sistema ta’ monitoraġġ tal-erja jew minn kwalunkwe sors affidabbli ieħor.

6.   L-Istati Membri għandhom jiżguraw li s-sistema ta’ identifikazzjoni għall-bċejjeċ tar-raba’ jkun fiha l-informazzjoni meħtieġa biex tiġi estratta d-data rilevanti għar-rapportar korrett dwar l-indikaturi msemmija fl-Artikolu 66(2) tar-Regolament (UE) 2021/2116.

7.   Fis-sistema ta’ identifikazzjoni, għal kull biċċa raba’ ta’ referenza, l-Istati Membri għandhom tal-anqas:

8.   Għall-interventi relatati mal-forestrija appoġġati taħt l-Artikoli 70 u 72 tar-Regolament (UE) 2021/2115, l-Istati Membri jistgħu jistabbilixxu sistemi alternattivi xierqa sabiex jidentifikaw b’mod uniku l-art soġġetta għall-appoġġ meta dik l-art tkun miksija bil-foresti.

9.   Is-sistema ta’ informazzjoni ġeografika għandha topera abbażi ta’ sistema nazzjonali ta’ referenza ta’ koordinati kif iddefinita fid-Direttiva 2007/2/KE tal-Parlament Ewropew u tal-Kunsill (9) li tippermetti l-kejl standardizzat u l-identifikazzjoni unika tal-bċejjeċ tar-raba’ fl-Istat Membru kollu kkonċernat. Fejn jintużaw sistemi ta’ referenza ta’ koordinati differenti, dawn għandhom ikunu reċiprokament esklussivi u kull waħda minnhom għandha tiżgura l-konsistenza bejn il-punti ta’ informazzjoni li jirreferu għall-istess post.

1.   Kull sena, l-Istati Membri għandhom iwettqu l-valutazzjoni tal-kwalità msemmija fl-Artikolu 68(3) tar-Regolament (UE) 2021/2116 għall-finijiet tal-appoġġ għall-introjtu bażiku għas-sostenibbiltà. Dik il-valutazzjoni ta’ kwalità għandha tkopri l-elementi li ġejjin:

L-Istati Membri għandhom jiżguraw ukoll li t-talbiet kollha għall-aġġornament tas-sistema ta’ identifikazzjoni għall-bċejjeċ tar-raba’ jitwettqu b’mod li jkun possibbli li jiġi traċċat jekk dawn jirriżultawx mis-sistema ta’ monitoraġġ tal-erja, mill-azzjoni tal-benefiċjarju jew minn kwalunkwe sors ieħor.

2.   L-Istati Membri għandhom iwettqu l-valutazzjoni msemmija fil-paragrafu 1 abbażi ta’ kampjun ta’ bċejjeċ tar-raba’ ta’ referenza. Għandhom jużaw data li tippermetti l-valutazzjoni tas-sitwazzjoni proprja fil-prattika.

3.   F’każ li r-riżultati tal-valutazzjoni tal-kwalità jiżvelaw nuqqasijiet, l-Istat Membru għandu jipproponi azzjonijiet ta’ rimedju adegwati.

1.   Il-valutazzjoni annwali tal-kwalità msemmija fl-Artikolu 69(6) tar-Regolament (UE) 2021/2116 għandha tivvaluta l-affidabbiltà tal-informazzjoni fl-applikazzjoni ġeospazjali u l-korrettezza tal-informazzjoni użata għar-rapportar dwar l-indikaturi msemmija fl-Artikolu 7 tar-Regolament (UE) 2021/2115. B’mod partikolari, il-valutazzjoni tal-kwalità għandha tivvaluta l-kompletezza u l-korrettezza tal-informazzjoni mimlija minn qabel fl-applikazzjoni ġeospazjali, il-kompletezza u l-korrettezza tat-twissijiet ta’ gwida pprovduti lill-benefiċjarji matul il-proċess tal-applikazzjoni u t-traċċabbiltà tal-bidliet kollha rreġistrati fl-applikazzjonijiet ġeospazjali wara s-sottomissjoni tagħha.

2.   Il-valutazzjoni tal-kwalità għandha tinkludi dan li ġej:

3.   Il-valutazzjoni tal-kwalità prevista fil-paragrafu 2, il-punti (a), (c) u (d), għandha titwettaq permezz ta’ ttestjar tal-IT u twettiq mill-ġdid tal-proċess ta’ applikazzjoni fuq kampjun rappreżentattiv ta’ applikazzjonijiet għall-għajnuna.

4.   Għall-verifika skont il-paragrafu 2, il-punt (b), il-valutazzjoni tal-kwalità għandha titwettaq permezz ta’ żjarat in situ jew analiżi ta’ immaġni tal-istess sena kalendarja u ta’ mill-inqas l-istess kwalità kif meħtieġ għall-valutazzjoni tal-kwalità msemmija fl-Artikolu 68(3) tar-Regolament (UE) 2021/2116. Dik il-verifika għandha ssir permezz ta’ kejl tal-erja ddikjarata fir-rigward ta’ intervent fuq il-kampjun magħżul għall-valutazzjoni tal-kwalità tas-sistema ta’ monitoraġġ tal-erja msemmija fl-Artikolu 5 ta’ dan ir-Regolament.

5.   L-Istati Membri għandhom jiżguraw li l-interventi kollha bbażati fuq l-erja ġestiti mis-sistema integrata jkunu inklużi fil-kampjuni msemmija fil-paragrafi 3 u 4 u vverifikati fil-proċess ta’ valutazzjoni tal-kwalità.

6.   F’każ li r-riżultati tal-valutazzjoni tal-kwalità jiżvelaw nuqqasijiet, l-Istat Membru għandu jipproponi azzjonijiet ta’ rimedju adegwati.

1.   Il-valutazzjoni annwali tal-kwalità msemmija fl-Artikolu 70(2) tar-Regolament (UE) 2021/2116 għandha tivvaluta l-affidabbiltà tal-implimentazzjoni tas-sistema ta’ monitoraġġ tal-erja, tipprovdi informazzjoni dijanjostika dwar is-sorsi ta’ deċiżjonijiet mhux korretti fil-livell tal-interventi u l-kundizzjonijiet tal-eliġibbiltà u b’mod partikolari tivvaluta l-korrettezza tal-informazzjoni prevista għar-rapportar dwar l-indikaturi msemmija fl-Artikolu 7 tar-Regolament (UE) 2021/2115.

2.   Il-valutazzjoni tal-kwalità għandha titwettaq permezz ta’ żjarat in situ jew analiżi ta’ immaġni tal-istess sena kalendarja u fejn rilevanti, b’tal-anqas l-istess kwalità kif meħtieġa għall-valutazzjoni tal-kwalità msemmija fl-Artikolu 68(3) tar-Regolament (UE) 2021/2116. Iż-żjarat in situ jistgħu jsiru fi kwalunkwe żmien matul is-sena u għandhom, sa fejn ikun possibbli, ikopru l-kundizzjonijiet kollha tal-eliġibbiltà rilevanti għal benefiċjarju partikolari matul l-istess żjara. L-immaġnijiet użati mill-Istati Membri għall-valutazzjoni tal-kwalità għandhom ikunu jistgħu jagħtu riżultati konklużivi u affidabbli fir-rigward tas-sitwazzjoni attwali fil-prattika. Fejn l-Istati Membri jużaw ritratti ġeottaggjati għall-osservazzjoni, it-traċċar u l-valutazzjoni tal-attivitajiet agrikoli bħala data b’mill-inqas valur ekwivalenti għad-data mis-satelliti Sentinel ta’ Copernicus, l-Istati Membri jistgħu jwettqu l-valutazzjoni tal-kwalità tad-deċiżjonijiet abbażi ta’ ritratti ġeottaggjati permezz ta’ analiżi mhux awtomatizzata tar-ritratti ġeottaggjati, sakemm dawn joffru riżultati konklużivi u affidabbli.

3.   Fil-livell tal-interventi, il-valutazzjoni tal-kwalità għandha tinkludi dawn li ġejjin:

4.   Ir-rapporti mistennija sal-15 ta’ Frar 2025 u l-15 ta’ Frar 2027, għandu jkollhom ukoll verifika li l-kundizzjonijiet kollha tal-eliġibbiltà tal-interventi bbażati fuq l-erja li huma kkunsidrati bħala li jistgħu jiġu mmonitorjati, kienu soġġetti għal sistema ta’ monitoraġġ tal-erja fis-snin 2024 u 2026, rispettivament. Jistgħu jkunu meħtieġa azzjonijiet ta’ rimedju wara l-valutazzjoni tar-riżultati ta’ dawn ir-rapporti.

5.   Il-valutazzjoni tal-kwalità għandha titwettaq billi jiġu vverifikati l-kundizzjonijiet kollha ta’ eliġibbiltà tal-interventi kollha applikati fuq kampjun rappreżentattiv ta’ bċejjeċ tar-raba’.

6.   Għall-finijiet ta’ simplifikazzjoni u minħabba li l-kampjun tal-valutazzjoni tal-kwalità tas-sistema ta’ monitoraġġ tal-erja jipprovdi livell adegwat ta’ assigurazzjoni fir-rigward tal-issodisfar tal-kundizzjonijiet ta’ eliġibbiltà għal kull intervent, l-Istat Membru jista’ jiddeċiedi li jqis il-valutazzjonijiet tal-kwalità msemmija fl-Artikoli 4 u 5 ta’ dan ir-Regolament fir-rigward tal-obbligu li tiġi stabbilita sistema ta’ kontroll stabbilita fl-Artikolu 72 tar-Regolament (UE) 2021/2116.

7.   L-Istati Membri għandhom jiżguraw li l-interventi kollha bbażati fuq l-erja ġestiti mis-sistema integrata jiġu inklużi fil-kampjun ta’ bċejjeċ tar-raba’ u vverifikati fil-proċess ta’ valutazzjoni tal-kwalità, irrispettivament mill-possibbiltà li s-sistema ta’ monitoraġġ tal-erja tiġi stabbilita gradwalment, kif imsemmi fl-Artikolu 70(1) tar-Regolament (UE) 2021/2116.

8.   F’każ li r-riżultati tal-kwantifikazzjonijiet imsemmija fil-paragrafu 3, il-punti (a) u (b), jiżvelaw nuqqasijiet, l-Istat Membru għandu jipproponi azzjonijiet ta’ rimedju adegwati.

9.   L-azzjonijiet ta’ rimedju għal kundizzjonijiet ta’ eliġibbiltà mhux immonitorjati jew mhux immonitorjati b’mod konklużiv jistgħu jinkludu t-twettiq ta’ żjarat in situ. F’każijiet fejn ikunu meħtieġa azzjonijiet ta’ rimedju wara r-riżultati tal-valutazzjoni tal-kwalità għas-sena kalendarja kkonċernata, jista’ jkun hemm bżonn li jiġu inklużi dettalji addizzjonali fir-rapport dwar il-valutazzjoni tal-kwalità tas-sena ta’ wara fir-rigward tan-nuqqasijiet li għandhom jiġu rrimedjati.

1.   Għall-finijiet tad-determinazzjoni tal-okkorrenza mill-ġdid ta’ nuqqas ta’ konformità, għandhom jitqiesu n-nuqqasijiet ta’ konformità mar-regoli dwar il-kundizzjonalità ddeterminati f’konformità mar-Regolament Delegat (UE) Nru 640/2014.

2.   Il-“firxa” ta’ nuqqas ta’ konformità għandha tiġi determinata billi jitqies, partikolarment, jekk in-nuqqas ta’ konformità kellux impatt mifrux ħafna jew jekk dan kienx limitat għall-farm innifsu.

3.   Is-“severità” ta’ nuqqas ta’ konformità għandha tiddependi, partikolarment, fuq l-importanza tal-konsegwenzi tan-nuqqas ta’ konformità billi jitqiesu l-għanijiet tar-rekwiżit jew tal-istandard konċernat.

4.   Jekk nuqqas ta’ konformità jkunx ta’ “permanenza” jew le jiddependi, b’mod partikolari, fuq it-tul ta’ żmien li għalih idum l-effett jew il-potenzjal sabiex jiġu terminati dawk l-effetti b’mezzi raġonevoli.

5.   Għall-finijiet ta’ dan il-Kapitolu, in-nuqqasijiet ta’ konformità għandhom jitqiesu li jkunu “ddeterminati” jekk ikunu stabbiliti bħala konsegwenza ta’ xi tip ta’ kontroll mwettaq f’konformità mar-Regolament (UE) 2021/2116 jew wara li l-awtorità kompetenti ta’ kontroll jew, fejn applikabbli, l-aġenzija tal-pagament, tkun ġiet mgħarrfa, bi kwalunkwe mezz ieħor.

1.   Il-penali amministrattiva prevista fl-Artikolu 84(1) tar-Regolament (UE) 2021/2116 għandha tiġi imposta biss jekk jinstab nuqqas ta’ konformità fi żmien 3 snin kalendarji konsekuttivi kkalkulati minn u inkluża s-sena fejn ikun seħħ in-nuqqas ta’ konformità.

2.   Meta l-istess nuqqas ta’ konformità jseħħ kontinwament tul diversi snin kalendarji, għandha tiġi applikata penali amministrattiva għal kull sena kalendarja li fiha jkun seħħ in-nuqqas ta’ konformità. Il-penali amministrattivi għandhom jiġu kkalkulati abbażi tal-pagamenti li jkunu ngħataw jew li jkunu se jingħataw lill-benefiċjarju kkonċernat fir-rigward tal-applikazzjonijiet għall-għajnuna jew tat-talbiet għall-pagamenti li jkunu ġew ippreżentati jew li jkunu se jiġu ppreżentati matul is-snin kalendarja li fihom seħħ in-nuqqas ta’ konformità.

3.   Meta fis-sena kalendarja tas-sejba, il-benefiċjarju ma jissottomettix applikazzjoni għall-għajnuna jew il-penali amministrattiva taqbeż l-ammont totali tal-pagamenti li jkunu ngħataw jew li jkunu se jingħataw lill-benefiċjarju fir-rigward tal-applikazzjonijiet għall-għajnuna li l-benefiċjarju jkun issottometta jew li se jissottometti tul is-sena kalendarja tas-sejba, il-penali amministrattiva għandha tiġi rkuprata f’konformità mal-Artikolu 30 tar-Regolament ta’ Implimentazzjoni tal-Kummissjoni (UE) 2022/128 (10).

1.   Għal nuqqasijiet ta’ konformità mhux intenzjonali ddeterminati, l-aġenzija tal-pagamenti tista’ tiddeċiedi, abbażi tal-valutazzjoni tan-nuqqas ta’ konformità pprovduta mill-awtorità ta’ kontroll kompetenti u filwaqt li tqis il-kriterji msemmija fit-tieni subparagrafu tal-Artikolu 85(1) tar-Regolament (UE) 2021/2116, li tnaqqas il-perċentwal stabbilit fl-Artikolu 85(2) ta’ dak ir-Regolament għal sa 1 %.

2.   Meta nuqqas ta’ konformità mhux intenzjonat determinat ikollu konsegwenzi gravi għall-ilħuq tal-objettiv tal-istandard jew tar-rekwiżit ikkonċernat jew jikkostitwixxi riskju dirett għas-saħħa pubblika jew tal-annimali, l-aġenzija tal-pagamenti tista’ tiddeċiedi, abbażi tal-valutazzjoni tan-nuqqas ta’ konformità pprovduta mill-awtorità ta’ kontroll kompetenti filwaqt li tqis il-kriterji msemmija fit-tieni subparagrafu tal-Artikolu 85(1) tar-Regolament (UE) 2021/2116, li żżid il-perċentwal imsemmi fl-Artikolu 85(5) ta’ dak ir-Regolament għal sa 10 %.

3.   Meta nuqqas ta’ konformità mhux intenzjonali ddeterminat bl-istess rekwiżit jew standard jippersisti fi żmien 3 snin kalendarji konsekuttivi, il-perċentwal tat-tnaqqis stabbilit fl-ewwel subparagrafu tal-Artikolu 85(6) tar-Regolament (UE) 2021/2116 għandu japplika biss meta l-benefiċjarju jkun ġie infurmat bin-nuqqas ta’ konformità ddeterminat preċedenti. Fejn l-istess nuqqas ta’ konformità jippersisti mingħajr raġuni ġġustifikata mill-benefiċjarju, għandu jitqies li huwa każ ta’ nuqqas ta’ konformità intenzjonali.

4.   Meta nuqqas ta’ konformità ddeterminat ma jkollu l-ebda konsegwenza jew ikollu biss konsegwenzi insinifikanti għall-ilħuq tal-objettiv tal-istandard jew tar-rekwiżit ikkonċernat u ma tiġi imposta l-ebda penali amministrattiva f’konformità mal-ewwel subparagrafu tal-Artikolu 85(3) tar-Regolament (UE) 2021/2116, in-nuqqas ta’ konformità ma għandux jitqies għall-fini tad-determinazzjoni tal-okkorrenza mill-ġdid jew tal-persistenza ta’ nuqqas ta’ konformità.

5.   Meta Stat Membru juża s-sistema ta’ monitoraġġ tal-erja msemmija fil-punt (c) tal-Artikolu 66(1) tar-Regolament (UE) 2021/2116 biex jidentifika każijiet ta’ nuqqas ta’ konformità, it-tnaqqis li għandu jiġi impost għal nuqqasijiet ta’ konformità mhux intenzjonali ddeterminati jista’ jkun anqas mit-tnaqqis previst fil-paragrafu 1 ta’ dan l-Artikolu, iżda mill-inqas 0,5 % tal-ammont totali li jirriżulta mill-pagamenti u l-appoġġ imsemmija fl-Artikolu 83(1), il-punti (a), (b) u (c), ta’ dak ir-Regolament.

1.   Meta nuqqas ta’ konformità ddeterminat ma’ standard jikkostitwixxi wkoll nuqqas ta’ konformità ma’ rekwiżit, in-nuqqas ta’ konformità għandu jitqies bħala nuqqas ta’ konformità wieħed. Għall-fini tal-kalkolu tat-tnaqqisiet, in-nuqqas ta’ konformità għandu jitqies bħala parti mill-qasam tal-kundizzjonalità tar-rekwiżit.

2.   Meta jkun seħħ aktar minn nuqqas ta’ konformità mhux intenzjonali u mhux rikorrenti wieħed fl-istess sena kalendarja, il-proċedura għall-iffissar tat-tnaqqis għandha tiġi applikata individwalment għal kull nuqqas ta’ konformità u l-perċentwali li jirriżultaw għandhom jiżdiedu flimkien. Madankollu, it-tnaqqis totali ma għandux jaqbeż:

3.   Meta jkun seħħ aktar minn nuqqas ta’ konformità mhux intenzjonali rikorrenti wieħed fl-istess sena kalendarja, il-proċedura għall-iffissar tat-tnaqqis għandha tiġi applikata individwalment għal kull nuqqas ta’ konformità u l-perċentwali ta’ tnaqqis li jirriżultaw għandhom jiżdiedu flimkien. Madankollu, it-tnaqqis ma għandux jaqbeż l-20 % tal-ammont totali li jirriżulta mill-pagamenti u l-appoġġ imsemmija fl-Artikolu 83(1), il-punti (a), (b) u (c), tar-Regolament (UE) 2021/2116.

4.   Meta jkun seħħ aktar minn nuqqas ta’ konformità intenzjonali ddeterminat wieħed fl-istess sena kalendarja il-proċedura għall-iffissar tat-tnaqqis għandha tiġi applikata individwalment għal kull nuqqas ta’ konformità u l-perċentwali ta’ tnaqqis li jirriżultaw għandhom jiżdiedu flimkien. Madankollu, it-tnaqqis ma għandux jaqbeż il-100 % tal-ammont totali li jirriżulta mill-pagamenti u l-appoġġ imsemmija fl-Artikolu 83(1), il-punti (a), (b) u (c), tar-Regolament (UE) 2021/2116.

5.   Meta jkunu seħħew diversi każijiet ta’ nuqqasijiet ta’ konformità mhux intenzjonali, rikorrenti u intenzjonali fl-istess sena kalendarja, il-perċentwali ta’ tnaqqis li jirriżultaw, u fejn rilevanti wara l-applikazzjoni tal-paragrafi 2, 3 u 4 ta’ dan l-Artikolu, għandhom jiżdiedu flimkien. Madankollu, it-tnaqqis ma għandux jaqbeż il-100 % tal-ammont totali li jirriżulta mill-pagamenti u l-appoġġ imsemmija fl-Artikolu 83(1), il-punti (a), (b) u (c), tar-Regolament (UE) 2021/2116.