EUR-Lex Access to European Union law
This document is an excerpt from the EUR-Lex website
Document 62009CA0477
Case C-477/09: Judgment of the Court (Third Chamber) of 10 March 2011 (reference for a preliminary ruling from the Cour de cassation (France)) — Charles Defossez v Christian Wiart, in his capacity as liquidator of Sotimon SARL, Office national de l’emploi — fonds de fermeture d’entreprises, Centre de gestion et d’études de l’Association pour la gestion du régime de garantie des créances des salariés de Lille (CGEA) (Preliminary ruling — Directives 80/987/EEC and 2002/74/EC — Insolvency of the employer — Protection of employees — Payment of outstanding workers’ claims — Determination of the competent guarantee institution — More favourable guarantee under national law — Possibility of relying on that law)
Kawża C-477/09: Sentenza tal-Qorti tal-Ġustizzja (It-Tielet Awla) tal- 10 ta’ Marzu 2011 (talba għal deċiżjoni preliminari tal-Cour de cassation — Franza) — Charles Defossez vs Christian Wiart, fil-kwalità ta’ stralċjarju ta’ Sotimon SARL, Office national de l'emploi fonds de fermeture d'entreprises, Centre de gestion et d’études de l’Association pour la gestion du régime de garantie des créances des salariés de Lille (CGEA) (Rinviju għal deċiżjoni preliminari — Direttivi 80/987/KEE u 2002/74/KE — Insolvenza ta’ min iħaddem — Protezzjoni tal-ħaddiema — Ħlas ta’ krediti mhux imħallsa tal-ħaddiema — Determinazzjoni tal-istituzzjoni ta’ garanzija kompetenti — L-iktar garanzija favorevoli skont id-dritt nazzjonali — Possibbiltà li wieħed jinvoka din il-garanzija)
Kawża C-477/09: Sentenza tal-Qorti tal-Ġustizzja (It-Tielet Awla) tal- 10 ta’ Marzu 2011 (talba għal deċiżjoni preliminari tal-Cour de cassation — Franza) — Charles Defossez vs Christian Wiart, fil-kwalità ta’ stralċjarju ta’ Sotimon SARL, Office national de l'emploi fonds de fermeture d'entreprises, Centre de gestion et d’études de l’Association pour la gestion du régime de garantie des créances des salariés de Lille (CGEA) (Rinviju għal deċiżjoni preliminari — Direttivi 80/987/KEE u 2002/74/KE — Insolvenza ta’ min iħaddem — Protezzjoni tal-ħaddiema — Ħlas ta’ krediti mhux imħallsa tal-ħaddiema — Determinazzjoni tal-istituzzjoni ta’ garanzija kompetenti — L-iktar garanzija favorevoli skont id-dritt nazzjonali — Possibbiltà li wieħed jinvoka din il-garanzija)
ĠU C 139, 7.5.2011, p. 6–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
7.5.2011 |
MT |
Il-Ġurnal Uffiċjali tal-Unjoni Ewropea |
C 139/6 |
Sentenza tal-Qorti tal-Ġustizzja (It-Tielet Awla) tal-10 ta’ Marzu 2011 (talba għal deċiżjoni preliminari tal-Cour de cassation — Franza) — Charles Defossez vs Christian Wiart, fil-kwalità ta’ stralċjarju ta’ Sotimon SARL, Office national de l'emploi fonds de fermeture d'entreprises, Centre de gestion et d’études de l’Association pour la gestion du régime de garantie des créances des salariés de Lille (CGEA)
(Kawża C-477/09) (1)
(Rinviju għal deċiżjoni preliminari - Direttivi 80/987/KEE u 2002/74/KE - Insolvenza ta’ min iħaddem - Protezzjoni tal-ħaddiema - Ħlas ta’ krediti mhux imħallsa tal-ħaddiema - Determinazzjoni tal-istituzzjoni ta’ garanzija kompetenti - L-iktar garanzija favorevoli skont id-dritt nazzjonali - Possibbiltà li wieħed jinvoka din il-garanzija)
2011/C 139/09
Lingwa tal-kawża: il-Franċiż
Qorti tar-rinviju
Cour de cassation
Partijiet fil-kawża prinċipali
Rikorrent: Charles Defossez
Konvenuti: Christian Wiart, fil-kwalità ta’ stralċjarju ta’ Sotimon SARL, Office national de l'emploi fonds de fermeture d'entreprises, Centre de gestion et d’études de l’Association pour la gestion du régime de garantie des créances des salariés de Lille (CGEA)
Suġġett
Talba għal deċiżjoni preliminari — Cour de cassation (Franza) — Interpretazzjoni tal-Artikolu 8a tad-Direttiva tal-Kunsill 80/987/KEE, tal-20 ta’ Ottubru 1980, dwar it-taqrib tal-liġijiet tal-Istati Membri dwar il-protezzjoni tal-impjegati f’każ tal-insolvenza ta’ min iħaddimhom, kif emendata bid-Direttiva 2002/74/KE (ĠU Edizzjoni Speċjali bil-Malti, Kapitolu 5, Vol. 4, p. 261), flimkien mal-Artikolu 9 tal-istess direttiva — Determinazzjoni tal-istituzzjoni ta’ garanzija kompetenti għall-ħlas tal-krediti mhux imħallsa tal-ħaddiema — Istituzzjoni ta’ garanzija tal-Istat Membru li fit-territorju tiegħu il-ħaddiema jeżerċitaw ix-xogħol abitwali tagħhom — Possibbiltà, għall-ħaddiema impjegati, li jgawdu mill-iktar garanzija favorevoli tal-istituzzjoni li min jimpjeghom ikun assigurat magħha u li lilha jħallas il-kontribuzzjonijiet skont id-dritt nazzjonali.
Dispożittiv
L-Artikolu 3 tad-Direttiva tal-Kunsill 80/987/KEE, tal-20 ta’ Ottubru 1980, dwar it-taqrib tal-liġijiet tal-Istati Membri dwar il-protezzjoni tal-impjegati f’każ tal-insolvenza ta’ min iħaddimhom, fil-verżjoni tagħha preċedenti għal dik li tirriżulta wara l-emendi effettwati bid-Direttiva 2002/74/KE, għandha tiġi interpretata fis-sens li, għal ħlas tal-krediti mhux imħallsa ta’ ħaddiem li wettaq abitwalment l-attività salarjali tiegħu fi Stat Membru ieħor għajr dak ta’ fejn jinsab l-uffiċċju rreġistrat ta’ min iħaddmu, li ġie ddikjarat insolventi qabel it-8 ta’ Ottubru 2005, meta din il-persuna li tħaddem ma tkunx stabbilita f’dan l-Istat Membru l-ieħor u meta tkun issodisfat l-obbligu tagħha ta’ kontribuzzjoni għall-finanzjament tal-istituzzjoni ta’ garanzija fl-Istat Membru fejn għandha l-uffiċċju rreġistrat tagħha, hija din l-istituzzjoni tal-aħħar li hija responsabbli mill-obbligi definiti minn dan l-artikolu.
Id-Direttiva 80/987 ma tipprekludix liġi ta’ Stat Membru li tipprovdi li ħaddiem jista’ jinvoka l-garanzija salarjali tal-istituzzjoni nazzjonali, skont id-dritt ta’ dan l-Istat Membru, sussidjarjament għal jew minflok il-garanzija offruta mill-istituzzjoni indikata bħala dik kompetenti skont din id-direttiva, sakemm, madankollu, l-imsemmija garanzija tagħti lok għal livell għola ta’ protezzjoni tal-ħaddiema.