Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62008CN0162

Kawża C-162/08: Talba għal deċiżjoni preliminari mressqa mill-Monomeles Protodikeio Rethymnis (Il-Greċja) fis- 17 ta' April 2008 — Geórgios K. Lagoudakis vs Kéntro Anoiktis Prostasias Hlikiomenon Dimou Rethymnis

ĠU C 171, 5.7.2008, p. 19–20 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

5.7.2008   

MT

Il-Ġurnal Uffiċjali ta’ l-Unjoni Ewropea

C 171/19

Talba għal deċiżjoni preliminari mressqa mill-Monomeles Protodikeio Rethymnis (Il-Greċja) fis-17 ta' April 2008 — Geórgios K. Lagoudakis vs Kéntro Anoiktis Prostasias Hlikiomenon Dimou Rethymnis

(Kawża C-162/08)

(2008/C 171/32)

Lingwa tal-kawża: il-Grieg

Qorti tar-rinviju

Monomeles Protodikeio Rethymnis (Il-Greċja).

Partijiet fil-kawża prinċipali

Rikorrenti: Geórgios K. Lagoudakis.

Konvenut: Kéntro Anoiktis Prostasias Hlikiomenon Dimou Rethymnis.

Domandi preliminari

1.

Il-klawżola 5 u l-klawżola 8(3) tal-ftehim qafas dwar xogħol għal żmien fiss konkluż mill-ETUC, mill-UNICE u mis-CEEP, li jifforma parti mid-Direttiva tal-Kunsill 1999/70 (ĠU L 175 ta' l-10 ta' Lulju 1999, p. 43) għandhom jiġu interpretati fis-sens li d-dritt Komunitarju jipprekludi (għall-finijiet ta' l-implementazzjoni tal-ftehim qafas imsemmi) l-adozzjoni ta' miżuri mill-Istat Membru meta: a) qabel id-dħul fis-seħħ tad-direttiva, tkun diġà teżisti, fis-sistema legali interna, miżura legali ekwivalenti, skond il-klawżola 5(1) tal-ftehim qafas? b) il-miżuri adottati sabiex jiġi implimentat il-ftehim qafas iġibu magħhom tnaqqis tal-livell ġenerali ta' protezzjoni tal-ħaddiema impjegati għal żmien fiss?

2.

Fil-każ ta' risposta fil-pożittiv għall-ewwel domanda, fil-każ fejn m'hemmx diversi kuntratti suċċessivi iżda kuntratt ta' xogħol wieħed għal żmien fiss li għandu l-iskop reali li jimpjega lill-ħaddiem sabiex ikopri, mhux bżonnijiet provviżorji, eċċezzjonali jew urġenti ta' min iħaddem, iżda fir-realtà bżonnijiet “permanenti u dewwiema”, it-tnaqqis tal-protezzjoni ggarantita huwa marbut ma' l-implementazzjoni tal-ftehim qafas u tad-direttiva msemmija? Għaldaqstant, tali tnaqqis huwa pprojbit jew awtorizzat fid-dawl tad-dritt Komunitarju?

3.

Fil-każ ta' risposta fil-pożittiv għall-ewwel domanda, sa fejn qabel id-dħul fis-seħħ tad-Direttiva 1999/70/KE kienet teżisti miżura ekwivalenti skond il-klawżola 5(1) tal-ftehim qafas, bħad-dispożizzjoni rilevanti f'dan il-każ ta' l-Artikolu 8(3) tal-liġi Nru 2112/1920, l-adozzjoni ta' miżura leġiżlattiva minħabba l-implementazzjoni tal-ftehim qafas — bħad-dispożizzjoni rilevanti f'dan il-każ ta' l-Artikolu 11 tad-Digriet Presidenzjali Nru 164/2004 — tikkostitwixxi tnaqqis inaċċettabbli fis-sistema legali interna tal-livell ġenerali ta' protezzjoni tal-ħaddiema impjegati għal żmien fiss, skond il-klawżola 8(1) u (3) tal-ftehim qafas:

a)

meta l-miżura leġiżlattiva msemmija li timplementa l-ftehim qafas tapplika biss għall-każijiet ta' diversi kuntratti jew relazzjonijiet ta' xogħol għal żmien fiss suċċessivi, bl-esklużjoni tal-każijiet ta' impjegati kuntrattwali li kkonkludew kuntratt wieħed biss (u mhux diversi kuntratti suċċessivi) għal żmien fiss sabiex ikopru bżonnijiet “permanenti u dewwiema” ta' min iħaddem, filwaqt li l-miżura legali li kienet teżisti qabel kienet tkopri l-każijiet kollha ta' kuntratti ta' xogħol għal żmien fiss, inklużi dawk fejn il-ħaddiema kienu kkonkludew kuntratt wieħed biss għal żmien fiss, iżda li fil-fatt kellhom l-iskop li jkopru, permezz tas-servizzi tal-ħaddiem, mhux bżonnijiet provviżorji, eċċezzjonali jew urġenti, iżda fir-realtà “permanenti u dewwiema”?

b)

meta l-miżura leġiżlattiva msemmija li timplementa l-ftehim qafas tistabbilixxi, bħala effett legali intiż sabiex jipproteġi lill-ħaddiema impjegati għal żmien fiss u sabiex jipprevjeni l-abbużi, skond il-ftehim qafas, ir-rikwalifikazzjoni ex nunc tal-kuntratti ta' xogħol għal żmien fiss f'kuntratti ta' xogħol għal żmien mhux determinat, filwaqt li l-miżura legali li kienet teżisti qabel kienet tipprevedi r-rikwalifikazzjoni tal-kuntratti ta' xogħol għal żmien fiss f'kuntratti ta' xogħol għal żmien mhux determinat mid-data inizjali tal-konklużjoni tagħhom (ex tunc)?

4.

Fil-każ ta' risposta fil-pożittiv għall-ewwel domanda, peress li qabel id-dħul fis-seħħ tad-Direttiva 1999/70/KE kienet teżisti miżura ekwivalenti skond il-klawżola 5(1) tal-ftehim qafas, bħad-dispożizzjoni rilevanti f'dan il-każ ta' l-Artikolu 8(3) tal-liġi Nru 2112/1920, min-naħa waħda, l-għażla tal-leġiżlatur Grieg li jeskludi mill-protezzjoni tad-Digriet Presidenzjali Nru 164/2004 imsemmi iktar 'il fuq lil dawk il-każijiet ta' abbuż li fihom il-ħaddiem ikun ikkonkluda kuntratt ta' xogħol għal żmien fiss wieħed biss, li madankollu fir-realtà jkun intiż sabiex ikopri bżonnijiet mhux provviżorji, eċċezzjonali jew urġenti, iżda fir-realtà “permanenti u dewwiema” u, min-naħa l-oħra, il-fatt li l-leġiżlatur Grieg naqas milli jadotta miżura identika, speċifika għal tali każ, u effettiva — li tipproduċi effetti legali li jipproteġu lill-ħaddiema f'tali każ ta' abbuż u li tmur lil hinn mill-protezzjoni prevista b'mod ġenerali, fil-każ ta' impjieg fil-kuntest ta' kuntratt null, mil-liġi komuni tax-xogħol tas-sistema legali Griega (mingħajr ma jittieħed in kunsiderazzjoni l-abbuż skond il-ftehim qafas) li bis-saħħa tiegħu l-ħaddiem Grieg jista' jitlob il-ħlas tal-pagi tiegħu kif ukoll kumpens għat-tkeċċija, kemm jekk il-kuntratt kien validu jew le — jikkostitwixxu tnaqqis inaċċettabbli fis-sistema legali interna tal-livell ġenerali ta' protezzjoni tal-ħaddiema impjegati għal żmien fiss, skond il-klawżola 8(1) u (3) tal-ftehim qafas, fid-dawl tal-fatt:

a)

li l-obbligu li titħallas il-paga u l-kumpens, stabbilit mil-liġi nazzjonali għal kull tip ta' relazzjoni tax-xogħol, mhiex speċjalment intiża sabiex tipprevjeni l-abbuż skond il-ftehim qafas, u

b)

li l-implementazzjoni tal-miżura legali ekwivalenti li kienet teżisti qabel għandha bħala effett legali r-rikonoxximent ta' l-uniku kuntratt ta' xogħol għal żmien fiss bħala kuntratt għal żmien mhux determinat?

5.

Fil-każ ta' risposta fil-pożittiv għad-domandi preċedenti, meta tinterpreta l-liġi nazzjonali tagħha fid-dawl tad-Direttiva 1999/70/KE, il-qorti nazzjonali għandha tinjora d-dispożizzjonijiet li mhumiex kompatibbli magħha li ġew adottati minħabba l-implementazzjoni tal-ftehim qafas, iżda li jwasslu għal tnaqqis tal-livell ġenerali ta' protezzjoni fil-liġi interna tal-ħaddiema impjegati għal żmien fiss — bħad-dispożizzjonijiet tad-Digriet Presidenzjali Nru 164/2004, li b'mod taċitu iżda ċar jeskludu mill-protezzjoni tagħhom il-każijiet ta' abbuż li fihom il-ħaddiema jkunu kkonkludew kuntratt għal żmien fiss wieħed biss, iżda li fil-fatt kellu l-għan li jkopri permezz tas-servizzi tal-ħaddiem bżonnijiet mhux provviżorji, eċċezzjonali jew urġenti, iżda fir-realtà “permanenti u dewwiema” — u għandu japplika minflokhom id-dispożizzjonijiet tal-miżura legali nazzjonali ekwivalenti li kienet teżisti qabel id-dħul fis-seħħ tad-Direttiva, bħad-dispożizzjonijiet ta' l-Artikolu 8(3) tal-liġi Nru 2112/1920 ?

6.

Meta l-qorti nazzjonali — bħala prinċipju — tqis li tkun applikabbli, għal kwistjoni dwar xogħol għal żmien fiss, dispożizzjoni (f'dan il-każ, l-Artikolu 8(3) tal-liġi Nru 2112/1920) li tikkostitwixxi miżura legali ekwivalenti skond il-klawżola 5(1) tal-ftehim qafas u li bis-saħħa tagħha l-konstatazzjoni li kuntratt ta' xogħol, anki uniku, ikun ġie konkluż għal żmien fiss mingħajr ma huwa ġġustifikat minn raġuni oġġettiva relatata man-natura jew mal-karatteristiċi tal-kuntratt jew ma' l-attività, jimplika r-rikwalifikazzjoni ta' dan il-kuntratt f'kuntratt għal żmien mhux iddeterminat:

a)

interpretazzjoni u implementazzjoni tal-liġi nazzjonali mill-qorti nazzjonali, li bis-saħħa tiegħu l-fatt li l-konklużjoni tar-relazzjonijiet tax-xogħol għal żmien fiss fis-settur pubbliku kienet legalment ibbażata fuq liġi dwar l-impjieg għal żmien fiss sabiex tkopri bżonnijiet soċjali speċjali, komplementari, urġenti jew provviżorji (f'dan il-każ, fuq il-liġi Nru 3250/2004), anki meta fir-realtà dawn il-bżonnijiet huma permanenti u dewwiema, tikkostitwixxi f'kull każ raġuni oġġettiva li tiġġustifika l-konklużjoni ta' kuntratti għal żmien fiss, hija kompatibbli mal-liġi Komunitarja?

b)

id-dritt Komunitarju jipprekludi interpretazzjoni u implementazzjoni tal-liġi nazzjonali mill-qorti nazzjonali, li bis-saħħa tagħha dispożizzjoni li tipprojbixxi t-trasformazzjoni ta' kuntratti ta' xogħol, għal żmien fiss konklużi fis-settur pubbliku, f'kuntratti ta' xogħol għal żmien mhux determinat għandha tiġi interpretata fis-sens li fis-settur pubbliku, it-trasformazzjoni ta' kuntratt għal żmien fiss f'kuntratt għal żmien mhux determinat hija totalment ipprojbita, anki meta dan il-kuntratt ikun ġie konkluż b'mod abbużiv għal żmien fiss (jiġifieri meta l-bżonnijiet sodisfatti kienu fir-realtà permanenti u dewwiema), u li f'tali każ, il-qorti nazzjonali ma tistax tevalwa iktar in-natura reali tar-relazzjoni tax-xogħol in kwistjoni sabiex tikkwalifikah korrettament bħala kuntratt għal żmien mhux iddeterminat? Jew il-projbizzjoni msemmija għandha tillimita ruħha biss għall-kuntratti għal żmien fiss li ġew realment konklużi sabiex ikopru bżonnijiet provviżorji, mhux previsti, urġenti, eċċezzjonali jew simili, bl-eċċezzjoni tal-kuntratti konklużi sabiex ikopru bżonnijiet li fil-fatt huma permanenti u dewwiema?
Top