EUR-Lex Access to European Union law
This document is an excerpt from the EUR-Lex website
Document 52014XC0627(02)
Communication from the Commission amending the Communications from the Commission on EU Guidelines for the application of State aid rules in relation to the rapid deployment of broadband networks, on Guidelines on regional State aid for 2014-2020, on State aid for films and other audiovisual works, on Guidelines on State aid to promote risk finance investments and on Guidelines on State aid to airports and airlines
Komunikazzjoni tal-Kummissjoni li temenda l-Komunikazzjoni tal-Kummissjoni dwar Linji Gwida tal-UE għall-applikazzjoni tar-regoli dwar l-għajnuna mill-Istat b’rabta mal-implimentazzjoni rapida tan-netwerks tal-broadband, dwar linji gwida dwar l-għajnuna reġjonali mill-Istat għall-2014-2020, dwar għajnuna mill-Istat għal films u xogħlijiet awdjoviżivi oħra, dwar il-linji gwida dwar l-għajnuna mill-Istat għall-promozzjoni ta’ investimenti u finanzjament ta’ riskju u dwar il-linji gwida dwar l-għajnuna mill-Istat għall-ajruporti u l-linji tal-ajru
Komunikazzjoni tal-Kummissjoni li temenda l-Komunikazzjoni tal-Kummissjoni dwar Linji Gwida tal-UE għall-applikazzjoni tar-regoli dwar l-għajnuna mill-Istat b’rabta mal-implimentazzjoni rapida tan-netwerks tal-broadband, dwar linji gwida dwar l-għajnuna reġjonali mill-Istat għall-2014-2020, dwar għajnuna mill-Istat għal films u xogħlijiet awdjoviżivi oħra, dwar il-linji gwida dwar l-għajnuna mill-Istat għall-promozzjoni ta’ investimenti u finanzjament ta’ riskju u dwar il-linji gwida dwar l-għajnuna mill-Istat għall-ajruporti u l-linji tal-ajru
ĠU C 198, 27.6.2014, p. 30–34
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
27.6.2014 |
MT |
Il-Ġurnal Uffiċjali tal-Unjoni Ewropea |
C 198/30 |
KOMUNIKAZZJONI TAL-KUMMISSJONI
li temenda l-Komunikazzjoni tal-Kummissjoni dwar Linji Gwida tal-UE għall-applikazzjoni tar-regoli dwar l-għajnuna mill-Istat b’rabta mal-implimentazzjoni rapida tan-netwerks tal-broadband, dwar linji gwida dwar l-għajnuna reġjonali mill-Istat għall-2014-2020, dwar għajnuna mill-Istat għal films u xogħlijiet awdjoviżivi oħra, dwar il-linji gwida dwar l-għajnuna mill-Istat għall-promozzjoni ta’ investimenti u finanzjament ta’ riskju u dwar il-linji gwida dwar l-għajnuna mill-Istat għall-ajruporti u l-linji tal-ajru
(2014/C 198/02)
I. INTRODUZZJONI
Wieħed mill-objettivi ewlenin tal-modernizzazzjoni tal-għajnuna mill-Istat (1) huwa li l-Kummissjoni tkun tista’ tiffoka fuq il-każijiet li joħolqu l-iktar distorsjoni filwaqt li jħallu aktar flessibilità lill-Istati Membri biex jistabbilixxu għajnuna inqas distorsiva. F’dan il-kuntest, ir-Regolament għal Eżenzjoni Ġenerali Sħiħa (2), li għandu ambitu aktar wiesa’, jagħmilha possibbli għall-Istati Membri li jagħtu għajnuna fuq il-bażi ta’ kriterji definiti minn qabel mingħajr ma jkun hemm bżonn li jinnotifikaw lill-Kummissjoni, u b’hekk jiġi ffrankat il-ħin, jitnaqqas il-piż amministrattiv u jiġi promoss mudelli ta’ għajnuna tajba li tkun imfassla tajjeb, immirata lejn nuqqasijiet identifikati tas-suq u objettivi ta’ interess komuni, u għajnuna l-anqas distorsiva (“għajnuna tajba”). It-trasparenza fir-rigward ta’ għotjiet tal-għajnuna hija element ewlieni tal-modernizzazzjoni.
It-trasparenza tippromwovi r-responsabbilità u tippermetti li ċ-ċittadini jkunu infurmati aħjar dwar elementi ta’ politika pubblika. Kostitwenza li tkun infurmata aħjar tgħin fil-ħolqien ta’ djalogu aħjar bejn iċ-ċittadini u l-uffiċjali tal-gvern u dan iwassal għal deċiżjonijiet ta’ politika aħjar. F’dawn l-aħħar għexieren ta’ snin, is-soċjetà ċivili u l-gvernijiet madwar id-dinja għamlu avvanzi kbar fiż-żieda tat-trasparenza kemm fil-livell lokali kif ukoll f’dak nazzjonali. Madankollu għad hemm il-ħtieġa ta’ aktar u akbar parteċipazzjoni sinifikanti u ta’ responsabbiltà, b’mod partikolari fir-rigward ta’ kif jiġu allokati r-riżorsi pubbliċi.
Fil-qasam tal-għajnuna mill-Istat, it-trasparenza hija saħansitra aktar importanti. It-trasparenza tippromwovi l-konformità, tnaqqas l-inċertezzi u tippermetti lill-kumpaniji jivverifikaw jekk l-għajnuna mogħtija lil kompetituri tkunx legali. Hija tippromwovi li jkun hemm livell ugwali fost l-Istati Membri u l-kumpaniji fis-suq intern, fattur li huwa saħansitra aktar importanti fil-kuntest ekonomiku attwali. Hija tiffaċilita l-infurzar għall-awtoritajiet nazzjonali u reġjonali billi tiżdied il-kuxjenza ta’ għajnuna mogħtija f’diversi livelli, biex b’hekk jiġu żgurati kontroll u segwitu aħjar fil-livelli nazzjonali u lokali. Fl-aħħar nett, bi trasparenza aħjar ikun possibbli li jitnaqqsu l-obbligi tar-rappurtar u l-piż amministrattiv marbut mar-rappurtar.
Filwaqt li l-Kummissjoni diġà tippubblika l-ismijiet tal-benefiċjarji ta’ għajnuna individwali nnotifikata u l-ammont ta’ għajnuna fid-deċiżjonijiet tagħha (3), ma hemmx obbligu biex tingħata informazzjoni pubblika dwar il-benefiċjarji tal-għajnuna mogħtija taħt skemi notifikati jew skemi koperti minn eżenzjoni ġenerali (li jirrapprezentaw kważi 90 % tan-nefqiet totali tal-għajnuna mill-Istat fl-Unjoni (4)), bl-eċċezzjoni ta’ għotjiet kbar ta’ għajnuna reġjonali u għajnuna għar-riċerka u l-iżvilupp (5).
Xi Stati Membri riċentement fetħu websajts li jiżvelaw informazzjoni dwar l-għotjiet ta’ għajnuna (6) jew huma obbligati biex jipprovdu informazzjoni lill-pubbliku, bħal informazzjoni dwar it-tipi kollha ta’ nfiq pubbliku, jew biex jagħtu aċċess għall-informazzjoni dwar l-infieq pubbliku fuq talbiet miċ-ċittadini. L-Istati Membri wkoll jiżvelaw informazzjoni sħiħa dwar l-infiq taħt il-Fondi Strutturali u ta’ Investiment Ewropej (7) u l-benefiċjarji tagħhom. Fil-każ ta’ għajnuna mogħtija taħt il-Fondi Strutturali u ta’ Investiment Ewropej, u sabiex tiġi evitata d-duplikazzjoni fil-ġbir ta’ informazzjoni, il-websajts dwar l-għajnuna mill-Istat imsemmija f’din il-Komunikazzjoni jistgħu jieħdu l-informazzjoni rilevanti mill-istess sistemi użati għar-rappurtar dwar il-Fondi Strutturali.
L-Istati Membri diġà jiġbru informazzjoni dwar in-nefqiet kollha ta’ għajnuna mill-Istat fil-kuntest tal-eżerċizzju tar-rappurtar annwali skont ir- Regolament tal-Kummissjoni (KE) Nru 794/2004 (8). Din l-informazzjoni (9) tiġi mbagħad mgħoddija lill-Kummissjoni biex tiġi ppubblikata permezz tat-Tabella ta’ Valutazzjoni annwali dwar l-għajnuna mill-Istat (10) u fuq il-websajt tal-Eurostat (11).
Sabiex tiġi żgurata t-trasparenza, l-Istati Membri, bħala kundizzjoni għall-għoti tal-għajnuna skont il-linji gwida rilevanti, jistabbilixxu websajts komprensiv ta’ għajnuna mill-Istat, fil-livell reġjonali jew nazzjonali, għall-pubblikazzjoni ta’ informazzjoni dwar il-miżuri ta’ għajnuna u l-benefiċjarji tagħhom. Skont prattika standard rigward il-pubblikazzjoni tal-informazzjoni (12), jintuża format standard li jippermetti li l-informazzjoni tiġi ppubblikata faċilment fuq l-Internet, u daqstant ieħor faċilment imfittxa jew imniżżla. Ir-rekwiżit tat-transparenza japplika b’mod ġenerali għal kull għajnuna mill-Istat, ħlief għal għotjiet ta’ għajnuna iżgħar ta’ inqas minn EUR 500 000.
Barra minn hekk, bil-ħsieb li tiġi żgurata l-kunfidenzjalità tat-taxxa u l-protezzjoni tas-sigrieti kummerċjali, ma jintalabx li tiġi żvelata informazzjoni dwar il-bażi tat-taxxa tal-kumpaniji jew l-ammont eżatt ta’ ħelsien mit-taxxa tagħhom. Madankollu, peress li l-għajnuna fiskali tikkostitwixxi derogi selettivi, tagħti vantaġġ lill-impriżi u li għalhekk tikkostitwixxi għajnuna mill-Istat, l-obbligu li jingħata rendikont dwar l-użu tar-riżorsi pubbliċi u l-kontroll tal-għajnuna mill-Istat għandu wkoll jiġi ppreservat. Għaldaqstant, fil-każ ta’ għajnuna mogħtija taħt l-iskemi fiskali jew taħt skemi ta’ finanzjament ta’ riskju, l-informazzjoni dwar l-ammonti ta’ għajnuna tista’ tiġi pprovduta f’firxiet.
Huwa stabbilit perjodu tranżizzjonali ta’ sentejn sabiex jiġi żgurat li dawk l-Istati Membri li ma jkollhomx mekkaniżmi ta’ trasparenza jkollhom biżżejjed żmien biex joħolquhom. Għal dak l-iskop, sistemi ta’ informazzjoni eżistenti diġà użati fil-livell nazzjonali, reġjonali u lokali għall-għan ta’ rrappurtar dwar l-għajnuna mill-Istat (SARI (13)) se jkomplu jiġu żviluppati sabiex l-Istati Membri jkunu f’pożizzjoni li jiffaċilitaw il-ġbir u l-ipproċessar ta’ informazzjoni għal pubblikazzjoni sussegwenti fuq il-websajts tal-Istati Membri. Barra minn hekk, l-assistenza teknika bil-Fondi Strutturali u ta’ Investiment Ewropej jistgħu jintużaw minn Stati Membri skont il-kundizzjonijiet imsemmija fl-Artikolu 59 tar- Regolament (UE) Nru 1303/2013.
Permezz ta’ trasparenza akbar ikun possibbli li jiġu simplifikati l-obbligi ta’ rappurtaġġ. Bħala l-ewwel pass, il-Kummissjoni tipproponi li tneħħi l-biċċa l-kbira tal-obbligi ta’ rapportar attwali stipulati fil-linji gwida dwar l-għajnuna mill-Istat rivedut fil-kuntest tal-inizjattiva dwar l-immodernizzar tal-għajnuna mill-Istat. Hekk kif l-Istati Membri jibdew iħaddmu l-websajts, l-obbligi ta’ rappurtar stabbiliti fir-Regolament (KE) Nru 794/2004 jiġi ssimplifikata aktar, filwaqt li jiġi ggarantit li jinkiseb livell ta’ informazzjoni ekwivalenti mit-trasparenza: fil-prattika dan ifisser li, jekk l-Istati Membri jagħżel aktar trasparenza (pereż. permezz ta’ livell anqas ta’ għajnuna għar-rigward ta’ liema informazzjoni tkun trid tiġi ppubblikata), il-kumplament tal-obbligi ta’ rrappurtar ma jibqgħux meħtieġa; barra minn dan, jistgħu jkunu previsti wkoll azzjonijiet ta’ monitoraġġ anqas sistematiċi.
Fil-qafas tal-modernizzazzjoni tal-għajnuna mill-Istat, u sabiex ikompli jiġi żgurat li jiġu limitati d-distorsjonijiet tal-kompetizzjoni u l-kummerċ, il-Kummissjoni tista’ titlob li ċerti skemi jkunu suġġetti għal evalwazzjoni. Din il-kundizzjoni tista’ tapplika b’mod partikolari għal xi skemi ta’ għajnuna li jkollhom baġit kbir kif definit mill-Artikolu 1(2)(a) tar-Regolament ġdid dwar Eżenzjoni Ġenerali Sħiħa. Tali skemi jiġu eżentati bir-Regolament għal perjodu inizjali ta’ sitt xhur, li l-Kummissjoni tista’ testendi mal-approvazzjoni tal-pjan ta’ valutazzjoni li għandu jiġi nnotifikata mill-Istat Membru. Man-notifika tal-pjan ta’ valutazzjoni, il-Kummissjoni tivvaluta l-kompatibbiltà ta’ dawn l-iskemi biss abbażi tal-pjan ta’ valutazzjoni.
II. EMENDA GĦALL-KOMUNIKAZZJONI
II.1 Ġustifikazzjoni tal-emendi
Il-prinċipju tat-trasparenza huwa diġà stabbilit fil-Linji Gwida marbuta mar-regoli dwar l-għajnuna mill-Istat għall-implimentazzjoni rapida tan-netwerks tal-broadband (14), l-għajnujna mill-Istati reġjonali għall-2014-2020 (15) l-għajnuna mill-Istat għall-films u xogħlijiet awdjoviżivi oħra (16), l-għajnuna mill-Istat għall-promozzjoni ta’ investimenti u finanzjament ta’ riskju (17), u l-għajnuna mill-Istat għall-ajruporti u l-linji tal-ajru (18).
Wara konsultazzjonijiet pubbliċi li saru dwar il-linji gwida (19) (20), u dwar ir-Regolament għal Eżenzjoni Ġenerali Sħiħa (21), l-obbligu ta’ trasparenza għandu jiġi adattat permezz ta’ din il-Komunikazzjoni biex id-dispożizzjonijiet dwar it-trasparenza jiġu allinjat madwar il-linji gwida dwar l-għajnuna mill-Istat, biex tiġi żgurata l-proporzjonalità, ma jkunx hemm żvelar ta’ informazzjoni mhux relatata mal-għajnuna mill-Istat, u biex l-Istati Membri jkollhom fażi tranżitorja ta’ implimentazzjoni.
Barra minn dan, u bħala konsegwenza tal-introduzzjoni tat-trasparenza, l-obbligu fil-Linji Gwida dwar l-għajnuna mill-Istat reġjonali għall-2014-2020 biex tiġi trasmessa informazzjoni lill-Kummissjoni dwar kull individwu u li teċċedi EUR 3 miljun ukoll jista’ jiġi ssimplifikat permezz ta’ din il-Komunikazzjoni.
Il-prinċipju tal-evalwazzjoni huwa diġà stabbilit fil-Linji Gwida tal-Kummissjoni marbuta mar-regoli dwar l-għajnuna mill-Istat għall-implimentazzjoni rapida tan-netwerks tal-broadband, l-għajnuna mill-Istat reġjonali għall-2014-2020, l-għajnuna mill-Istat biex tippromwovi investimenti ta’ finanzjament ta’ riskju u l-għajnuna mill-Istat għall-ajruporti u l-linji tal-ajru.
Wara l-adozzjoni tar-Regolament għal Eżenzjoni Ġenerali Sħiħa l-ġdid, id-dispożizzjoni dwar l-evalwazzjoni għandha tiġi emendata permezz ta’ din il-Komunikazzjoni sabiex jiġi speċifikat li fil-każ ta’ skema ta’ għajnuna li tkun eskluża mir-Regolament esklussivament minħabba l-baġit kbir tagħha (skont id-definizzjoni fl-Artikolu 1(2)(a) tar-Regolament) u li tkun tissodisfa l-kundizzjonijiet l-oħra għall-eżenzjoni kif stabbilit fir-Regolament, il-Kummissjoni tevalwa l-kumpatibilità tagħha biss abbażi tal-pjan ta’ evalwazzjoni nnotifikat mill-Istat Membru. Dan ma jkunx japplika fil-każ ta’ bidliet f’dawn l-iskemi, kif imsemmi fl-Artikolu 1(2)(b) tar-Regolament, peress li dawn il-bidliet jridu jieħdu f’kunsiderazzjoni r-riżultati tal-evalwazzjoni.
II.2 Emendi
(a) Linji Gwida tal-UE għall-applikazzjoni tar-regoli dwar l-għajnuna mill-Istat b’rabta mal-implimentazzjoni rapida tan-netwerks tal-broadband, Linji Gwida dwar l-għajnuna reġjonali mill-Istat għall-2014-2020, Komunikazzjoni mill-Kummissjoni dwar għajnuna mill-Istat għal Films u xogħlijiet awdjoviżivi oħra, Linji Gwida dwar l-għajnuna mill-Istat għall-ajruporti u l-linji tal-ajru
Din il-Komunikazzjoni tissostitwixxi l-paragrafi li ġejjin:
— |
fil-paġna 20 tal-Linji Gwida tal-UE b’rabta mal-implimentazzjoni rapida tan-netwerks tal-broadband, l-ewwel żewġ sentenzi tal-paragrafu 78(j); |
— |
fil-paġna 24 tal-Linji Gwida dwar l-għajnuna reġjonali mill-Istat għall- 2014-2020, il-paragrafu 141; |
— |
fil-paġna 10 tal-Komunikazzjoni mill-Kummissjoni dwar għajnuna mill-Istat għal Films u xogħlijiet awdjoviżivi oħra, il-paragrafu 52(7); |
— |
fil-paġna 28 tal-Linji Gwida dwar l-għajnuna mill-Istat għall-ajruporti u l-linji tal-ajru, il-paragrafi 162 u 163; |
b’dan li ġej:
“L-Istati Membri jiżguraw il-pubblikazzjoni tal-informazzjoni li ġejja fuq websajt komprensiva dwar l-għajnuna mill-Istat, fil-livell nazzjonali jew reġjonali:
— |
it-test sħiħ tal-iskema ta’ għajnuna approvata jew id-deċiżjoni individwali għall-għoti ta’ għajnuna u d-dispożizzjonijiet ta’ implimentazzjoni tagħha, jew ħolqa għaliha. |
— |
l-identità tal-awtorità/jiet tal-għotja, |
— |
l-identità tal-benefiċjarji individwali, il-forma u l-ammont ta’ għajnuna mogħtija lil kull benefiċjarju, id-data tal-għotja, it-tip tal-impriża (SME/kumpanija kbira), ir-reġjun li fiħ jinsab il-benefiċjarju (fil-Livell II NUTS) u s-settur ekonomiku prinċipali li fih il-benefiċjarju għandu l-attivitajiet tiegħu (fil-livell tal-grupp NACE) (22). |
Tali rekwiżit jista’ jitneħħa fir-rigward tal-għotjiet ta’ għajnuna individwali inqas minn EUR 500 000. Għal skemi fil-forma ta’ vantaġġ fiskali, informazzjoni dwar ammonti ta’ għajnuna individwali (23) tista’ tingħata fil-meded li ġejjin (f’miljuni ta’ EUR): [0,5–1]; [1–2]; [2–5]; [5–10]; [10–30]; [30 u aktar].
Din l-informazzjoni għandha tkun ippubblikata wara li d-deċiżjoni tal-għoti tkun ittieħdet, trid tinżamm għal mill-inqas 10 snin u trid tkun disponibbli għall-pubbliku ġenerali mingħajr restrizzjonijiet (24). L-Istati Membri mhux se jkunu obbligati li jipprovdu l-informazzjoni msemmija hawn fuq qabel l-1 ta’ Lulju 2016 (25).”
Fil-paġna 33 tal-Linji Gwida dwar l-għajnuna reġjonali mill-Istat għall-2014-2020, jitħassar il-paragrafu 193; Fil-paġna 45, jitħassar l-Anness VI.
(b) Linji Gwida dwar l-għajnuna mill-Istat biex tippromwovi investimenti ta’ finanzjament ta’ riskju
Fil-paġna 32 tal-Linji Gwida dwar l-għajnuna mill-Istat biex tippromwovi investimenti ta’ finanzjament ta’ riskju (26),
fil-paragrafu 166(v):
|
flok: “Rekwiżit bħal dan jista’ jitneħħa fir-rigward tal-SMEs li ma jwettqu l-ebda bejgħ kummerċjali fi kwalunkwe suq u għal investimenti taħt EUR 200 000 f’impriża benefiċjarja finali” |
|
jidħol: “Rekwiżit bħal dan jista’ jitneħħa fir-rigward tal-SMEs li ma jkunu wettqu l-ebda bejgħ kummerċjali fi kwalunkwe suq u għal investimenti taħt EUR 500 000 f’impriża benefiċjarja finali” |
fil-paragrafu 166(vi):
|
flok: l-ammont ta’ vantaġġ fiskali rċevut, fejn dan tal-aħħar jaqbeż EUR 200 000. Tali ammont jista’ jkun ipprovdut f’firxiet ta’ EUR 2 miljun. |
|
jidħol: “l-ammont ta’ vantaġġ fiskali rċevut, fejn dan tal-aħħar jaqbeż EUR 500 000. Tali ammont jista’ jkun ipprovdut fil-meded li ġejjin (f’miljuni ta’ EUR): [0,5–1]; [1–2]; [2–5]; [5–10]; [10–30]; [30 u aktar].” |
u fl-aħħar tal-paragrafu 166 jiżdied it-test li ġej:
“L-Istati Membri ma jkunux obbligati li jipprovdu l-informazzjoni msemmija hawn fuq qabel l-1 ta’ Lulju 2016 (27).”
(c) Linji Gwida tal-UE għall-applikazzjoni tar-regoli dwar l-għajnuna mill-Istat b’rabta mal-implimentazzjoni rapida tan-netwerks tal-broadband, Linji Gwida dwar l-għajnuna reġjonali mill-Istat għall- 2014-2020, Linji Gwida dwar l-għajnuna mill-Istat għall-ajruporti u l-linji tal-ajru, Linji Gwida dwar l-għajnuna mill-Istat biex tippromwovi l-investiment finanzjament ta’ riskju
— |
fil-paġna 12 tal-Linji Gwida tal-UE b’rabta mal-implimentazzjoni rapida tan-netwerks tal-broadband, fl-aħħar tal-paragrafu 53; |
— |
fil-paġna 25 tal-Linji Gwida dwar l-għajnuna reġjonali mill-Istat għall- 2014-2020, fl-aħħar tal-paragrafu 144; |
— |
fil-paġna 29 tal-Linji Gwida dwar l-għajnuna mill-Istat għall-ajruporti u l-linji tal-ajru, fl-aħħar tal-paragrafu 167; |
— |
fil-paġna 32 tal-Linji Gwida dwar l-għajnuna mill-Istat għall-ajruporti u l-linji tal-ajru, fl-aħħar tal-paragrafu 172; |
jidħol dan il-ġej:
“Fil-każ ta’ skemi ta’ għajnuna esklużi mill-ambitu tal-Regolament għal eżenzjoni ġenerali biss minħabba l-baġit kbir tagħhom, il-Kummissjoni tevalwa l-kumpatibilità biss abbażi tal-pjan ta’ evalwazzjoni.”
(1) Il-Komunikazzjoni mill-Kummissjoni lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni dwar il-Modernizzazzjoni tal-Għajnuna mill-Istat tal-UE, COM/2012/209, 8.5.2012.
(2) Ir-Regolament tal-Kummissjoni (UE) Nru 651/2014 tas-17 ta' Ġunju 2014 li jiddikjara li ċerti kategoriji ta’ għajnuna huma kompatibbli mas-suq intern bl-applikazzjoni tal-Artikoli 107 u 108 tat-Trattat (ĠU L 187, 26.6.2014, p. 1).
(3) Il-Komunikazzjoni tal-Kummissjoni dwar is-Sigriet Professjonali f’deċiżjonijiet dwar l-għajnuna mill-Istat (ĠU C 297, 9.12.2003, p. 6).
(4) Ara http://ec.europa.eu/competition/state_aid/scoreboard/index_en.html
(5) Ara http://ec.europa.eu/competition/state_aid/register/
(6) Ara pereżempju fl-Estonja http://www.fin.ee/riigiabi jew fir-Repubblika Ċeka (għar-riċerka u l-iżvilupp) http://www.isvav.cz/index.jsp
(7) Ir-Regolament (UE) Nru 1303/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament (KE) Nru 1083/2006 (ĠU L 347, 20.12.2013, p. 320).
(8) Ir-Regolament tal-Kummissjoni (KE) Nru 794/2004 tal-21 ta’ April 2004 li jimplimenta r-Regolament tal-Kunsill (KE) Nru 659/1999 li jippreskrivi regoli dettaljati għall-applikazzjoni tal-Artikolu 93 tat-Trattat tal-KE (ĠU L 140, 30.4.2004, p. 1).
(9) Din l-informazzjoni tiġi trażmessa f’forma aggregata għal skemi, u skont il-benefiċjarji individwali fil-każ ta’ għajnuna individwali.
(10) Ara http://ec.europa.eu/competition/state_aid/scoreboard/index_en.html
(11) Ara pereżempju http://epp.eurostat.ec.europa.eu/tgm_comp/table.do?tab=table&plugin=1&language=en&pcode=comp_bex_sa_01
(12) Ara, pereżempju, d-Direttiva 2003/98/KE tal-Parlament Ewropew u tal-Kunsill tas-17 ta' Novembru 2003 dwar l-użu mill-ġdid ta’ informazzjoni tas-settur pubbliku (ĠU L 345, 31.12.2003, p. 90), u d-Direttiva 2013/37/UE tal-Parlament Ewropew u tal-Kunsill tas-26 ta’ Ġunju 2013 li temenda d-Direttiva 2003/98/KE dwar l-użu mill-ġdid tal-informazzjoni tas-settur pubbliku (ĠU L 175 27.6.2013, p. 1).
(13) State Aid Reporting Interactive Tool (SARI).
(14) Komunikazzjoni mill-Kummissjoni, Linji Gwida tal-UE għall-applikazzjoni tar-regoli dwar l-għajnuna mill-Istat b’rabta mal-implimentazzjoni rapida tan-netwerks tal-broadband (GU C 25, 26.1.2013, p. 1).
(15) Komunikazzjoni mill-Kummissjoni, Linji Gwida dwar l-għajnuna reġjonali mill-Istat għall-2014–2020 (ĠU C 209, 23.7.2013, p. 1).
(16) Komunikazzjoni mill-Kummissjoni, Linji Gwida dwar għajnuna mill-Istat għal films u xogħlijiet awdjoviżivi oħra (ĠU C 332, 15.11.2013, p. 1).
(17) Komunikazzjoni mill-Kummissjoni, Linji Gwida dwar l-għajnuna mill-Istat biex tippromwovi investimenti ta’ finanzjament ta’ riskju (ĠU C 19, 22.1.2014, p. 4).
(18) Komunikazzjoni mill-Kummissjoni, Linji Gwida dwar l-għajnuna mill-Istat għall-ajruporti u l-linji tal-ajru (ĠU C 99, 4.4.2014, p. 3)
(19) http://ec.europa.eu/competition/consultations/2013_state_aid_environment/index_mt.html
(20) http://ec.europa.eu/competition/consultations/2013_state_aid_environment/index_en.html
(21) http://ec.europa.eu/competition/consultations/2013_consolidated_gber/index_en.html
(26) ĠU C 19, 22.1.2014, p. 4.