EUR-Lex Access to European Union law
This document is an excerpt from the EUR-Lex website
Document 52013SC0128
COMMISSION STAFF WORKING DOCUMENT EXECUTIVE SUMMARY OF THE IMPACT ASSESSMENT Accompanying the document Proposal for a Directive of the European Parliament and of the Council amending Council Directives 78/660/EEC and 83/349/EEC as regards disclosure of non-financial and diversity information by certain large companies and groups
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal direttiva tal-Parlament Ewropew u tal-Kunsill li temenda d-Direttivi tal-Kunsill 78/660/KEE u 83/349/KEE fir-rigward tad-divulgazzjoni ta’ informazzjoni mhux finanzjarja u dwar id-diversità minn ċertu kumpaniji u gruppi kbar
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal direttiva tal-Parlament Ewropew u tal-Kunsill li temenda d-Direttivi tal-Kunsill 78/660/KEE u 83/349/KEE fir-rigward tad-divulgazzjoni ta’ informazzjoni mhux finanzjarja u dwar id-diversità minn ċertu kumpaniji u gruppi kbar
/* SWD/2013/0128 final */
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal direttiva tal-Parlament Ewropew u tal-Kunsill li temenda d-Direttivi tal-Kunsill 78/660/KEE u 83/349/KEE fir-rigward tad-divulgazzjoni ta’ informazzjoni mhux finanzjarja u dwar id-diversità minn ċertu kumpaniji u gruppi kbar /* SWD/2013/0128 final */
DOKUMENT TA’ ĦIDMA TAL-PERSUNAL
TAL-KUMMISSJONI SOMMARJU EŻEKUTTIV TAL-VALUTAZZJONI
TAL-IMPATT Li jakkumpanja d-dokument Proposta għal direttiva tal-Parlament
Ewropew u tal-Kunsill li temenda d-Direttivi tal-Kunsill 78/660/KEE u
83/349/KEE fir-rigward tad-divulgazzjoni ta’ informazzjoni mhux finanzjarja u
dwar id-diversità minn ċertu kumpaniji u gruppi kbar 1. Introduzzjoni Informazzjoni mhux finanzjarja ġeneralment
hija meqjusa bħala informazzjoni ambjentali, soċjali u dwar il-governanza
(environmental, social and governance (ESG)) Din tinkludi informazzjoni dwar
id-diversità , peress li l-kompożizzjoni ta’ bord hija element integrali
tal-governanza korporattiva ta’ kumpanija. Tali informazzjoni tista’ tkun
divulgata fil-forma ta’ dikjarazzjoni fir-rapporti annwali, dikjarazzjoni ta’
governanza korporattiva separata, rapport separat, websajt, eċċ. Id-divulgazzjoni formali tal-informazzjoni ESG
bħalissa hija indirizzata fil-leġiżlazzjoni tal-UE mid-Direttivi dwar
il-Kontabbiltà[1]
(minn hawn ’il quddiem Accounting Directives (AD)). Madanakollu, il-bżonn li
titjieb it-trasparenza f'dan il-qasam kien enfasizzat fl-Att dwar is-Suq Uniku[2] u riċentement kien imtenni
mill-Komunikazzjoni CSR[3].
Din il-Valutazzjoni tal-Impatt tqis il-każ għat-titjib tad-divulgazzjoni ta’
informazzjoni mhux finanzjarja mill-kumpaniji tal-UE bħala part minn sett ta’
inizjattivi usa’ dwar governanza korporattiva u CSR li għandu l-għan li joħloq
ekonomija tas-suq soċjali kompetittiva ħafna. 2. definizzjoni tal-problema Is-servizzi tal-Kummissjoni identifikaw żewġ
kwistjonijet ewlenin li jikkonċernaw (1) it-trasparenza inadegwata ta’
informazzjoni mhux finanzjarja u (2) in-nuqqas ta’ diversità tal-bordijiet. 2.1. Trasparenza inadegwata ta’
Informazzjoni Mhux Finanzjarja Għalkemm tista’ tkun osservata xejra
pożittiva, il-maġġoranza tal-kumpaniji kbar tal-UE naqsu li jissodisfaw b’mod
adegwat id-domanda dejjem tikber mill-partijiet interessati (inklużi
investituri, azzjonisti, impjegati u organizzazzjonijiet tas-soċjetà ċivili)
għal trasparenza mhux finanzjarja. Kienu enfasizzati kwistjonijiet speċifiċi
fir-rigward kemm tal-kwantità kif ukoll tal-kwantità tal-informazzjoni
disponibbli. –
Kwantità: huwa stmat li
2500 biss mit-total ta’ 42000 kumpanija kbira fl-UE jiddivulgaw formalment
informazzjoni mhux finanzjarja fuq bażi annwali –
Kwalità:
l-informazzjoni divulgata ħafna drabi għandha nuqqas ta’ materjalità, jew mhix
ibbilanċjata biżżejjed, b’mod preċiż u fil-ħin. Instabu nuqqasijiet speċifiċi
ta’ informazzjoni fir-rigward ta’ aspetti materjali li jikkonċernaw politiki u
mmaniġġjar tar-riskju, kif ukoll dwar oqsma topiċi speċifiċi (drittijiet
tal-bniedem, korruzzjoni). Il-katalizzaturi ewlenin ta’ din il-problema
huma identifikati kemm f’nuqqas tas-suq kif ukoll f’nuqqas regolatorju: Falliment tas-Suq:
L-inċentivi tas-suq jidhru insuffiċjenti jew mhux ugwali. Għalkemm kumpaniji
jinstabu dejjem iktar taħt pressjoni biex isiru iktar trasparenti,
il-benefiċċji relatati ma' divulgazzjoni mhux finanzjarja ħafna drabi huma
meqjusa bħal għal terminu twil u inċerti, filwaqt li spejjeż għal terminu medju
huma relattivament għoljin u jistgħu jitkejlu faċilment. Konsegwentement,
esternalitajiet ta’ relevanza potenzjali jibqgħu esterni għar-rappurtar
tan-negozji Nuqqas Regolatorju: Il-biċċa l-kbira tal-partijiet ikkonċernati ikkonsultati ikkunsidraw
li l-obbligu stabbilit mill-AD, mhuwiex ċar biżżejjed u jippreġudika
l-inċertezza legali. Il-leġiżlazzjoni ta’ xi Stati Membri diġà tmur lil hinn
mit-tali obbligu[4],
madankollu, rekwiżiti nazzjonali jidhru sinifikatament diversi, u jwasslu għal
diffikultajiet biex il-kumpaniji jkollhom bażi referenzjarju fis-Suq Intern. 2.2. Problema 2: Diversità
insuffiċjenti tal-bord Il-membri tal-bordijiet li għandhom sfond
edukattiv u professjonali, nazzjonalità, età jew ġeneru simili, jistgħu jkunu
ddominati minn “konfluwenza” limitata. Nuqqas ta’ opinjonijiet, Valuri u
kompetenzi differenti jistgħu jwasslu għal inqas dibattitu, ideat u sfida
fil-laqgħat tal-bordijiet. Dan jista’ jkollu impatt negattiv fuq l-isfida u
s-sorveljanza tad-deċiżjonijiet tal-maniġment mill-bord. Għalkemm
il-frammentazzjoni tad-dejta tagħmilha diffiċli biex wieħed jivvaluta b’mod
preċiż l-iskala tal-problema, jidher li d-diversità tal-bordijiet tal-kumpaniji
Ewropej hija pjuttost limitata. Nuqqas tas-Suq:
Livelli inadegwati tad-diversità tal-bord huma fuq kollox marbuta ma’ inċentivi
tas-suq insuffiċjenti għall-kumpaniji biex ibiddlu s-sitwazzjoni. F’dan
ir-rigward, prattiki inadegwati ta’ reklutaġġ għall-membri tal-bord
jikkontribwixxu għall-issoktar tal-għażla ta’ membri bi profili simili. Livell
inadegwat ta’ trasparenza dwar id-diversità tal-bord ikabbar il-problema.
L-informazzjoni pprovduta mill-kumpaniji ma tiżvelax l-approċċ tal-bord dwar
id-diversità fil-proċess tal-għażla, l-għanijiet previsti jew kif intlaħqu. Nuqqas Regolatorju: In-nuqqasijiet tas-suq ma kinux ikkoreġuti b’mod suffiċjenti permezz
ta’ regolamentazzjoni xierqa. Fil-livell tal-UE ma hemmx regoli speċifikament
rigward id-diversità tal-bord u għalkemm xi Stati membri adottaw ċerti
dispożizzjonijiet (jiġifieri li jżidu d-diversità tal-ġeneru), hemm differenzi
konsiderevoli bejn l-approċċi tagħhom. Tali problemi joħolqu preġudizzju ulterjuri
għal gruppi ta’ partijiet interessati speċifiċi (jiġifieri kumpaniji,
investituri, NGOs, awtoritajiet pubbliċi). Huma għandhom impatt negattivi fuq il-prestazzjoni
(riskji mhux finanzjarji u esternalitajiet tal-kumpaniji mhumiex
ikkunsidrati b’mod xieraq); dwar ir-responsabbiltà (billi kumpaniji ma
jistgħux jinżammu totalment responsabbli għall-impatt tagħhom fuq is-soċjetà; effiċjenza
tas-swieq finanzjarji (billi investituri jonqsu milli jibnu informazzjoni
relevanti fil-proċessi tat-teħid ta’ deċiżjonijiet tagħhom). 2.3. Kif se jiżviluppaw
il-problemi mingħajr azzjoni? Fil-livell
globali, diversi inizjattivi jipprovdu pjan direzzjonali mhux vinkolanti
għall-kumpaniji[5].
Madankollu, b’kuntrast ma’ informazzjoni finanzjarja, bħalissa ma hemm ebda
entità aċċettata li tistabbilixxi l-istandards għal informazzjoni mhux
finanzjarja. Inizjattivi dwar id-diversità huma frammentati wkoll u t-titjib
biż-żmien kien limitat. Jeħtieġ li tittieħed azzjoni peress li l-ebda
mill-inizjattivi eżistenti ma hija mistennija trendi f’terminu qasir
soluzzjonijiet sinifikanti għall-problemi identifikati. 2.4. Sussidjarjetà Informazzjoni mhux finanzjarja diġà hija
parzjalment regolata fil-livell tal-UE. Madankollu, l-approċċi diverġenti
meħuda mill-Istati Membri jistgħu jiddeterminaw differenzi saħansitra ikbar
fis-Suq Intern u informazzjoni relatata mas-sostenibbiltà, tidher min-natura
tagħha, bħala kwistjoni transnazzjonali. Fir-rigwrad tad-diversità,
l-inizjattivi kurrenti huma frammentati ħafna. Fin-nuqqas ta’ azzjoni
fil-livell tal-UE, f’ħafna Stati Membri mhux se jkun hemm progress jew se jkun
hemm progress bil-mod ħafna fis-snin li ġejjin. Għaldaqstant hija meħtieġa
zzjoni koordinata fil-livell tal-UE. It-Trattat dwar il-Funzjonament tal-Unjoni
Ewropea jippermetti li tittiħed azzjoni li tindirizza l-problemi identifikati[6]. 3. Għanijiet L-għan politiku kumplessiv tal-proposta huwa
li jikkontribwixxi għall-potenzjal tas-Suq Uniku biex joħloq tkabbir
sostenibbli u impjieg. Iktar trasparenza hija meqjusa bħala ċ-ċavetta
għall-kumpaniji biex jipproduċu riżultati aħjar u hija mistennija li ssaħħaħ
il-fiduċja taċ-ċittadini fin-negozju u fis-swieq u sadanittant tippermetti
allokazzjoni iktar effiċjenti ta’ kapital. F’termini operazzjonali, l-għanijiet
tal-proposta se jkunu (1)
li tiżdied il-kwantità ta’ informazzjoni (jiġifieri
l-għadd ta’ kumpaniji li jirrapportaw) (2)
li tiżdied il-kwalità tal-informazzjoni divulgata,
u (3)
li tissaħħaħ id-diversità tal-laqgħat
tal-bordijiet. 4. Alternattivi ta’ Politika 4.1. Trasparenza ta’ Informazzjoni
Mhux Finanzjarja Sabiex jintlaħqu l-għanijiet stipulati hawn
fuq, is-Servizzi tal-Kummissjoni kkunsidraw għadd ta’ alternattivi ta’ poltika,
bbażati b’mod partikolari fuq il-forma, il-kontenut u r-referenza
tad-divulgazzjoni u fuq in-natura tar-rekwiżit inkluż: (0)
Ebda bidla fil-politika (1)
Rekwiżit ta’ dikjarazzjoni mhux finanzjarja
fir-Rapport Annwali: din l-alternattiva se ssaħħaħ id-dispożizzjoni eżistenti
billi tintroduċi rekwiżiti minimi dwar il-kontenut[7] tad-divulgazzjoni. (2)
Rappurtar iddettaljat: din il-fakultà se tirrikjedi
kumpaniji biex jipprovdu informazzjoni fil-forma ta’ rapport awtonomu
f’konformità mal-Oqfsa Internazzjonali. Minħabba l-piż amministrattiv
potenzjali, kienu meqjusa tip differenti ta’ rekwiżiti: (a)
obbligatorji (b)
rapport jew spjegazzjoni (c)
Volontarji. Din l-alternattiva se teżenta
lill-kumpaniji li jagħżlu li jipprovdu rapport iddettaljat minn obbligi ta’
divulgazzjoni oħra, sakemm dan ir-rapport jikkonforma ma’ kundizzjonijiet
speċifiċi[8].
(3)
Stabbiliment ta’ standard ta’ rappurtar tal-UE
obbligatorju. It-tabella hawn taħt tipprovd ħarsa ġenerali
tal-analiżi tal-alternattivi ta' politika. Tabella 1 – Valutazzjoni tal-Alternattivi ta’ Politiki || Effettività || Effiċjenza (kost tal-konformità) || Kompetittività || Koerenza mal-leġiżlazzjoni tal-UE Kwantità || Kwalità 0. L-ebda bidla || 0 || 0 || 0 || 0 || 0 1. Tirrikjedi divulgazzjoni fir-Rapport Annwali || + || + || + || + || + 2.Rappurtar dettaljat: || a) obbligatorju || + || ++ || -- || +/? || + b) Rapport jew spjegazzjoni || +/? || + || - || +/? || + c) Volontarju || ? || + || + || + || + 3. Stabbiliment ta’ standard tal-UE obbligatorju. || ++ || + || -- || ? || + Id-daqs tal-impatt meta mqabbel max-xenarju ta’ referenza (il-linja bażi hija indikata bħala 0): ++ pożittiva ħafna; + pożittiva; – – negattiva ħafna; – negattiva; ≈ marġinali/newtrali; ? inċerta; m a mhux applikabbli (Analiżi tas-Servizzi tal-Kummissjoni). 4.2. Tisħiħ tad-diversità
tal-bordijiet Is-servizzi tal-Kummissjoni kkunsidraw għadd
ta’ alternattiv ta’ politika, inklużi: (4)
Ebda bidla fil-politika (5)
Jirrikjedu kumpaniji biex jiddivulgaw il-politika
tagħhom tad-diversità tal-bordijiet fir-rigward ta’ diversi aspetti, inkluża
l-età, il-ġeneru, in-nazzjonalità u l-isfond edukattiv u professjonali
fid-dikjarazzjoni ta’ governanza korporattiva li għandha tkun inkluża
fir-rapport annwali. (6)
Jordnaw kumpaniji biex jikkunsidraw id-diversità
bħala waħda mill-kriterji għall-għażla ta’ kandidat tal-bord. (7)
Ipoġġu fuq il-kumpaniji obbligu vinkolanti li
jistabbilixxi politika li tikkonċerna d-diversità għall-bordijiet[9]. Għandu jkun innutat ukoll li l-alternattiva li
jiġu introdotti kwoti ġiet imwarba, billi hija soġġetta għal inizjattiva
separata tal-Kummissjoni. Tabella 4 – Valutazzjoni tal-Alternattivi ta’ Politiki || Effettività || Effiċjenza Kost tal-konformità || Kompetittività || Koerenza mal-leġiżlazzjoni tal-UE || Spejjeż stmati għal kull kumpanija 0. Ebda bidla fil-politika || 0 || 0 || 0 || 0 || 0 1. Divulgazzjoni tal-politika interna fuq id-diversità fir-rapport annwali || + || + || + || ++ || €600/1000 2 Id-diversità għandha tkun waħda mill-kriterji tal-kompożizzjoni tal-Bord || +/? || -/? || +/? || +/? || ? spejjeż possibbli marbuta mar-rimunerazzjoni ta’ speċjalisti tar-Riżorsi Umani 3. Rekwiżit sabiex tiġi stabbilita politika fir-rigward tad-diversità || + || - || - || -/? || ? marbuta mar-rimunerazzjoni ta’ speċjalisti tar-Riżorsi Umani u żieda possibbli tal-membri tal-bord Id-daqs tal-impatt meta mqabbel max-xenarju ta’ referenza (il-linja bażi hija indikata bħala 0): ++ pożittiva ħafna; + pożittiva; + positive; – – negattiva ħafna; – negattiva; ≈ marġinali/newtrali; ? inċerta; m.a mhux applikabbli 4.3. Alternattivi ta' politika
ppreferuti Fir-rigward tat-trasparenza ta’
informazzjoni mhux finanzjarja, wara li kienu mqabbla l-alternattivi
wiesgħa ta’ politiki, l-aħjar alternattiva tidher bħala kombinazzjoni ta’
Alternattivi 1 u 2c. Il-kumpaniji se jkunu rikjesti wkoll biex jiddivulgaw
informazzjoni materjali fil-forma ta’ dikjarazzjoni fir-Rapport Annwali tagħhom.
Kumpaniji li huma lesti li jippreparaw rapport mhux finanzjarju ddettaljat fuq
bażi volontarja se jkunu eżentati mit-tali obbligu, sakemm ir-rapport
jissodisfa kundizzjonijjiet speċifiċi. Kumpaniji kbar elenkati u mhux elenkati biss
li għandhom iktar minn 500 impjegat se jkunu suġġetti għal rekwiżit ġdid. Huwa
stmat li dan se jkopri ~18000 kumpanija. Sussidjarji tal-grupp se jkunu eżenti
sal-punt li l-informazzjoni rilevanti tagħhom hija integrata fir-rapport
konsolidat tal-kumpanija ewlenija. Tali politika hija mistennija tiddetermina
żieda sodisfaċenti fit-trasparenza, filwaqt li l-piż amministrattiv jinżamm
baxx. Fir-rigward tad-diversità, l-Alternattiva 1
hija l-alternattiva preferuta. Il-kumpaniji se jkollhom jipprovdu
fid-dikjarazzjoni ta’ governanza korporattiva tagħhom informazzjoni dwar
il-politika tad-diversità tagħhom, inklużi aspetti li jirrigwardaw l-età,
il-ġeneru, in-nazzjonalità u l-isfond edukattiv u professjonali.
Id-dikjarazzjoni se tippreżenta l-għanijiet ta’ din il-politika, l-implimentazzjoni
tagħha u r-riżultati miksuba. Il-kumpaniji li ma għandhomx politika dwar
id-diversità se jkunu obbligati biss jispjegaw għaliex dan huwa l-każ. Billi
tissaħħaħ it-trasparenza, din l-alternattiva se tinkoraġġixxi kumpaniji biex
jirriflettu iktar fuq il-kwistjoni u biex jikkunsidraw aħjar il-ħtieġa għal
diversità ikbar fil-bordijiet tagħhom filwaqt li joffru flessibbiltà kbira. Sabiex tinżamm il-koerenza ma’ rekwiżiti
eżistenti rigward id-dikjarazzjoni ta’ governanza korporattiva, filwaqt li jkun
evitat li jitpoġġa piż addizzjonali fuq l-SMEs, kumpaniji kbar elenkati biss se
jkunu rikjesti li jipprovdu informazzjoni dwar il-politika tad-diversità
tal-bordijiet. 5. analiżi tal-impatti ewlenin
tal-alternattivi ta’ politika ppreferuti 5.1. Aktar trasparenza F’termini ġenerali, l-alternattivi preferuti
se jwasslu għal żieda fil-kwantità ta’ informazzjoni disponibbli mqabbla
max-xenarju ta’ bażi. Fir-rigward ta’ divulgazzjoni mhux finanzjarja,
id-dipendenza fuq oqfsa internazzjonali għandha tiddetermina titjib limitat
fil-kwalità u l-komparabbiltà tal-informazzjoni divulgata. Jekk il-kumpaniji
jiddeċiedu wkoll li jipprovdu fuq bażi volontarja rapport mhux finanzjarju,
il-livell ta’ dettall ta’ informazzjoni divulgata għandu neċessarjament
jiżdied. Fir-rigward tad-diversità, il-provvediment se jagħmel disponibbli,
ħafna drabi għall-ewwel darba, informazzjoni dwar sett komprensiv ta’
indikaturi tad-diversità. 5.2. Prestazzjoni aħjar
tal-kumpaniji Minħabba n-natura tal-proposta, fil-biċċa
l-kbira tal-każijiet huwa diffiċli li jkunu kkwantifikati l-benefiċċji.
Madankollu, permezz tat-tisħiħ tat-trasparenza bi spejjeż limitati, il-proposta
se jkollha impatt pożittiv kumplessiv fuq il-prestazzjoni tal-kumpaniji, billi
r-riskji mhux finanzjarji u l-opportunitajiet se jkunu mkejla u mmaniġġjati
aħjar. Prestazzjoni mhux finanzjarja aħjar hija mbagħad relatata mal-kost iktar
baxx tal-kapital; Immaniġġjar aħjar tar-riżorsi (inkluż il-kapital uman);
il-lealtà tal-konsumatur u maniġment aħjar. Barra minn hekk, it-trasparenza se trawwem
iktar diversità waqt il-laqgħat tal-bordijiet li mistennija twassal għal
sorveljanza aħjar tal-maniġment tal-bord u proċessi kumplessivament aħjar
għat-teħid ta’ deċiżjonijiet. 5.3. Iktar responsabbiltà Informazzjoni materjali mhux finanzjarja se
tkun disponibbli pubblikament fuq bażi regolari u tista’ tintuża
mill-organizzazzjonijiet tas-soċjetà ċivili u komunitajiet lokali biex
jivvalutaw l-impatt u r-riskji relatati mal-operazzjonijiet ta’ kumpanija.
Prattiki ta’ rappurtar iktar trasparenti se jaġixxu wkoll ta’ katalizzaturi
għal kumpaniji biex iżidu u jtejbu l-prestazzjoni CSR tagħhom, jew jagħtuhom
inċentivi biex iwaqqfu politiki CSR għall-ewwel darba, għaldaqstant jaffettwaw
b’mod pożittiv il-perċezzjoni li s-soċjetà għandha tal-kumpaniji . Iż-żieda
potenzjali tal-fiduċja tal-konsumaturi jista’ jkollha effett pożittiv ukoll fuq
in-naħa tad-domanda. 5.4. Effiċjenza msaħħa tas-swieq
kapitali F’terminu qasir, il-politika proposta se
tirreaġixxi għad-domanda tikber immexxija mis-suq għal informazzjoni iktar
komparabbli u preċiża, li tippermetti investituri jiżviluppaw mudelli ta’
valwazzjoni iktar komprensivi. F’terminu twil, tista’ konsegwentement twassal
investituri biex iqisu aħjar kunsiderazzjonijiet ta' sostenibbiltà u prestazzjoni
ġenerali. Fir-rigward tad-diversità, il-politika proposta se tippermetti
investituri biex jieħdu deċiżjonijiet infurmati aħjar dwar il-prattiki ta’
governanza tal-kumpanija. 5.5. Piż amministrattivi akbar Ir-rekwiżit ġdid ta’ divulgazzjoni se jiswa
iktar flus minn xenarju fejn kollox jibqa’ kif inhu. Spejjeż addizzjonali
jistgħu jkunu relatati mal-abbozzar, il-pubblikazzjoni, it-taħriġ speċifiku
tal-persunal jew il-ġbir ta’ dejta. Il-kost tad-divulgazzjoni proposta hija
stmata li hija bejn EUR600 u EUR4300 fis-sena għal kull kumpanija, u
għaldaqstant tiġġenera spejjeż totali ta’ bejn EUR10.5 u 75.25 miljuni.
Il-kumpaniji li jagħżlu li jipprovdu rapport dettaljat fuq bażi volontarja
jistgħu jkollhom isostnu spejjeż għola iżda jkunu eżentati mill-obbligu ta’
divulgazzjoni[10].
Il-kost tad-divulgazzjoni tal-politika
tad-diversità hija stmata li tkun bejn EUR 600 u EUR 1000 li
jiġġenera spiża totali ta’ bejn EUR 3.6 u EUR 6 miljuni. Billi
l-alternattiva preferuta ma tapplikax għal SMEs elenkati, l-impatt tagħha
għandu jkun limitat. Il-politika proposta ma tintroduċix rekwiżiti
ta’ verifika ġodda. Iż-żieda fl-ispejjeż għall-awditjar li waslet biex tkun
proposta hija mistennija li tkun negliġibbli. 5.6. Impatti oħra 5.6.1. Impatti Soċjali Il-miżura tista’ tinkoraġġixxi bordijiet biex
jikkunsidraw iktar l-aspetti soċjali tal-istrateġiji tan-negozju tagħhom.
Trasparenza ikbar tista’ tappoġġja aħjar ukoll ir-relazzjonijiet tax-xogħol u
tikkontribwixxi sabiex jitnaqqsu r-riskji u l-ispejjeż assoċjati mal-kunflitti
tax-xogħol. Iktar trasparenza dwar id-diversità fl-ogħla livell ta’ teħid ta’
deċiżjonijiet tal-kumpanija tista’ tippromwovi iktar diversità fil-livelli
organizzazzjonali kollha. Bord iktar divers jista’ jirrifletti aħjar
id-diversità tal-partijiet interessati. 5.6.2. Impatti fuq l-Ambjent Ir-rekwiżit sabiex jiġu divulgati
kwistjonijiet materjali relatati mal-politiki ambjentali u l-aspetti
tal-immaniġġjar tar-riskju probbilment se jiskatta mmaniġġjar aħjar tar-riżorsi
u sensibilizzazzjoni interna sostenibbli. 5.6.3. Impatt fuq id-Drittijiet
Fundamentali Huwa stmat li l-alternattivi preferuti se
jkollhom impatt benefiċjarju fuq id-drittijiet fundamentali billi jinkoraġixxu
kumpaniji tal-UE biex jirrevedu regolarment il-politiki u l-proċeduri interni
tagħhom f’iversi aspetti, speċjalment minħabba skrutinju pubbliku ikbar. 5.6.4. Impatti Ekonomiċi Oħra Il-miżura mhux se jkollha konsegwenzi
baġitarji rilevanti għall-awtoritajiet pubbliċi u lanqas implikazzjonijiet
għall-baġit tal-UE. 5.6.5. Pajjiżi terzi u aspetti
internazzjonali Il-politika
proposta se tpoġġi lill-UE f’pożizzjoni quddiem nett fil-livell globali. Se
tkun konsistenti ma’ inizjattivi oħra ta’ pajjiżi terzi, u potenzjalment se
tiskatta l-iżvilupp ulterjuri tagħhom. Ma kienu identifikati u lanqas innutati
effetti sinifikanti fuq il-flussi kummerċjali ma’ pajjiżi terzi. 6. Monitoraġġ u Evalwazzjoni Il-Kummissjoni se
timmonitorja l-implimentazzjoni tad-Direttivi riveduti f’kooperazzjoni
mal-Istati Membri matul il-perjodu ta’ implimentazzjoni kollu. F’konformità
mal-prinċipju ta’ sussidjarjetà, l-informazzjoni rilevanti għandha primarjament
tinġabar mill-Istati Membri permezz ta’ aġenziji rilevanti jew ir-Regolaturi
tas-Swieq tat-Titoli. L-evalwazzjoni tal-effetti tal-politika preferuta għandha
ssir sabiex ikun determinat safejn jimmaterjalizzaw l-impatti antiċipati. [1] Direttivi 78/660 u 83/349 [2] “Tnax-il xprun sabiex jiġi stimulat it-tkabbir u
r-rinfurzar tal-fiduċja”, COM(2011) 206 [3] “Strateġija rinnovata tal-UE 2011-14 għar-Responsabbiltà
Soċjali Korporattiva”, COM(2011) 681 [4] Inklużi r-Renju Unit, l-Isvezja, Spanja, id-Danimarka u
Franza [5] Bħall-Patt Globali tan-Nazzjonijiet Uniti, il-Linjigwida
tal-OECD għall-MNEs, id-Dikjarazzjoni Tripartitika tal-ILO tal-Prinċipji dwar
l-MNEs, l-ISO 26000, il-Prinċipji ta’ Gwida tan-Nazzjonijiet Uniti dwar
id-Drittijiet tan-Negozju u tal-Bniedem, l-Inizjattiva ta’ Rappurtar Globali [6] Ara l-Artikoli 8, 10 u 11 tat-TFUE. [7] Kwistjonijiet soċjali, tad-drittijiet tal-bniedem u kontra
l-korruzzjoni se jiżdiedu mar-referenza kurrenti (ambjent u impjegati). F’dawn l-oqsma, id-divulgazzjoni se tkopri (i)
il-politiki, (ii) il-prestazzjoni, u (iii) l-immaniġġjar tar-riskju u għandha
tiddependi fuq oqfsa internazzjonali eżistenti. Il-kumpaniji li ma għandhomx politika speċifika tal-anqas għandhom
ikunu rikjesti li jispjegaw għalfejn dan huwa l-każ. [8] (i) tkopri l-kontenut meħtieġ (ii) tagħmel referenza għal oqfsa
internazzjonali u (iii) hija annessa mar-Rapport Annwali [9] Il-kumpaniji ikollhom jiddeterminaw il-kontenut ta’ din il-politika,
jistabbilixxu miri u jivvalutaw il-kisbiet tagħhom. [10] Dawn l-ispejjeż huma stmati li jvarjaw bejn EUR33000 u EUR604000,
prinċipalment skont id-daqs u l-kumplessità tal-kumpanija u l-operat tagħha