EUR-Lex Access to European Union law
This document is an excerpt from the EUR-Lex website
Document 32003L0115
Directive 2003/115/EC of the European Parliament and of the Council of 22 December 2003 amending Directive 94/35/EC on sweeteners for use in foodstuffs
Id-Direttiva 2003/115/KE tal-Parlament Ewropew u tal-Kunsill tat-22 ta’ Diċembru 2003 li temenda d-Direttiva 94/35/KE dwar ħlewwiet għall-użu f’oġġetti ta’ l-ikel
Id-Direttiva 2003/115/KE tal-Parlament Ewropew u tal-Kunsill tat-22 ta’ Diċembru 2003 li temenda d-Direttiva 94/35/KE dwar ħlewwiet għall-użu f’oġġetti ta’ l-ikel
ĠU L 24, 29.1.2004, p. 65–71
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 20/01/2010; Impliċitament imħassar minn 32008R1333
Official Journal L 024 , 29/01/2004 P. 0065 - 0071
Id-Direttiva 2003/115/KE tal-Parlament Ewropew u tal-Kunsill tat-22 ta' Diċembru 2003 li temenda d-Direttiva 94/35/KE dwar ħlewwiet għall-użu f'oġġetti ta' l-ikel IL-PARLAMENT EWROPEW U L-KUNSILL TA' L-UNJONI EWROPEA, Wara li kkunsidraw t-Trattat li jistabbilixxi l-Komunità Ewropea, u b'mod partikolari l-Artikolu 95 tiegħu Wara li kkunsidraw il-proposta mill-Kummissjoni [1], Wara li kkunsidraw l-opinjoni tal-Kumitat Ekonomiku u Soċjali Ewropew [2], Wara konsultazzjoni mal-KumItat Xjentifiku dwar l-Ikel, skond l-Artikolu 6 tad-Direttiva tal-Kunsill 89/107/KEE tal-21 ta' Diċembru 1998 dwar l-approssimazzjoni tal-liġijiet ta' l-Istati Membri li jikkonċernaw l-addittivi ta' l-iekl awtorizzati għall-użu f'oġġetti ta' l-ikel maħsuba għall-konsum mill-bniedem [3], Waqt li jaġixxu skond il-proċedura preskritta fl-Artikolu 251 tat-Trattat [4], Billi: (1) Id-Direttiva 94/35/KE tal-Parlament Ewropew u tal-Kunsill tat-30 ta' Ġunju 1994 dwar ħlewwiet għall-użu f'oġġetti ta' l-ikel [5] tippreskrivi lista tal-ħlewwiet li jistgħu jintużaw fil-Komunità u l-kondizzjonijiet għall-użu tagħhom. (2) Mill-1996, żewġ ħlewwiet ġodda, sucralose u melħ ta' l-aspartame u acesulfame, ġew aċċettati għall-użu fl-ikel mill-Kumitat Xjentifiku dwar l-Ikel. (3) L-opinjoni tal-Kumitat Xjentifiku dwar l-Ikel fuq is-cyclamic acid u s-sodju tiegħu u l-melħ tal-kalċju (li wassal għall istabbiliment ta' doża ġdida aċċettabbli ta' kulljum (ADI)) u studji reċenti dwar id-doża ta' cyclamates wasslu għal tnaqqis fid-dożi massimi użabbli ta' cyclamic acid u s-sodji tiegħu melħ tal-kalċju. (4) It-tismija ta' ċerti kategoriji ta' ikel fid-Direttiva 94/35/KE għandha tiġi adattata biex tagħti kont tad-Direttiva 2002/46/KE tal-Parlament Ewropew u tal-Kunsill ta' l-10 ta' Ġunju 1992 dwar l-approssimazzjoni tal-liġijiet ta' l-Istati Membri li jirrelataw ma' supplimenti ta' l-ikel [6] u ta' direttivi speċifiċi adottati għal xi gruppi ta' oġġetti ta' l-ikel elenkati fl-Anness I li jinsab mad-Direttiva tal-Kunsill 89/398/KEE [7]. (5) L-użu ta' l-addittivi ta' l-ikel konċernati jikkonforma mal-kriterji ġenerali preskritti fl-Anness II li jinsab mad-Direttiva 89/107/KEE. (6) L-Artikoli 53 u 54 tar-Regolament (KE) Nru 178/2002 tal-Parlament Ewropew u tal-Kunsill tat-28 ta' Jannar 2002 li jippreskrivi l-prinċipji ġenerali u l-ħtiġiet tal-liġi dwar l-ikel, jistabbilixxu l-Awtorità Ewropea għas-Sigurezza ta' l-Ikel u jippreskrivu proċeduri ta' kwistjonijiet dwar is-sigurezza ta' ikel [8] u jistabbilixxu preċeduri għat-teħid ta' miżuri ta' emerġenza b'relazzjoni ma' ikel ta' oriġini fil-Komunità jew importat minn pajjiż terz. Dawn jippermettu lill-Kummissjoni li tadotta dawk il-miżuri f'sitwazzjonijiet fejn l-ikel x'aktarx li jikkostitwixxi riskju serju għas-saħħa tal-bniedem, għas-saħħa ta' l-annimali jew l-ambjent u fejn dak ir-riskju ma ikunx jista' jiġi kontenut b'mod sodisfaċenti b'miżuri meħuda mill-Istat/i Membru/i konċernat/i. (7) Il-miżuri meħtieġa għall-implimentazzjoni tad-Direttiva 94/35/KE għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tippreskrivi l-proċeduri għall-eżerċizzju tas-setgħat ta' implimentazzjoni konferiti fuq il-Kummissjoni [9]. (8) Id-Direttiva 94/35/KE għandha għalhekk tiġi hekk emendata, ADOTTAW DIN ID-DIRETTIVA: Artikolu 1 Id-Direttiva 94/35/EC hija b'dan emendata kif ġej: 1. L-Artikolu 4 għandu jiġi sostitwit b'dan li ġej: "Artikolu 4 Jista' jiġi deċiż skond il-proċedura preskritta fl-Artikolu 7: - fejn ikun hemm differenzi ta' opinjoni dwar jekk ħlewwiet jistgħux jintużaw f'oġġett partikolari ta' l-ikel taħt it-termini ta' din id-Direttiva, dwar jekk oġġett ta' l-ikel għandux jiġi kunsidrat bħala li jappartjeni għal xi waħda mill-kategoriji elenkati fit-tielet kolonna ta' l-Anness, u - jekk addittiv ta' l-ikel elenkat fl-Anness u awtorizzat bħala "quantum satis"; jintużax skond il-kriterji msemmija fl-Artikolu 2."; 2. tielet inċiż għandu jiżdied ma' l-Artikolu 5(2): "— bejgħ ta' aspartame u acesulfame: "fih sors ta' phenylalanine";."; 3. l-Artikolu 7 għandu jiġi sostitwit b'dan li ġej: "Artikolu 7 1. Il-Kummissjoni għandha tkun assistita minn Kumitat Permanenti dwar il-Katina ta' l-Ikel u s-Saħħa ta' l-Annimali stabbilit bis-saħħa ta' l-Artikolu 58 tar-Regolament (KE) Nru 178/2002 [10], hawnhekk iżjed ‘l quddiem imsejjaħ "il-Kumitat". 2. Kull fejn issir referenza għal dan l-Artikolu, l-Artikoli 5 u 7 tad-Deċiżjoni 1999/468/KE [11] għandhom japplikaw, wara li jingħata kont tad-disposizzjonijiet ta' l-Artikolu 8 tagħha. Il-perjodu preskritt fl-Artikolu 5(6) tad-Deċiżjoni 1999/468/KE għandu jiġi ffissat bħala wieħed ta' tlett xhur. 3. Il-Kumitat għandu jadotta r-regoli tiegħu ta' proċedura." 4. l-Anness għandu jiġi emendat skond l-Anness li jinsab ma' din id-Direttiva. Artikolu 2 Sad-29 ta' Jannar 2006 l-aktar tard, il-Kummissjoni għandha tibgħat rapport lill-Parlament Ewropew u lill-Kunsill li jelenka l-progress magħmul fir-rivalutazzjonijiet li jkunu qed isiru ta' addittivi u li jistabbilixxi kalendarju provviżorju għal rivalvalutazzjonijiet futuri, speċjalment dawk għal sucralose u melħ ta' l-aspartame-acesulfame. Dawn ir-rivalutazzjonijiet għandhom jitwettqu fuq il-bażi ta' tagħrif tal-konsumatur provdut mill-Istati Membri u għandhom jagħtu kont ta' l-effetti ta' addittivi fuq gruppi vulnerabbli tal-popolazzjoni. Artikolu 3 L-Istati Membri għandhom iġibu fis-seħħ il-liġijiet, regolamenti u disposizzjonijiet amministrattivi meħtieġa biex jikkonformaw ma' din id-Direttiva sabiex: - jawtorizzaw il-kummerċ fi u l-użu ta' prodotti li jikkonformaw ma' din id-Direttiva l-aktar tard sad-29 ta' Jannar 2005, - jipprojbixxu l-kummerċ fi u l-użu ta' prodotti li ma jikkonformawx ma' din id-Direttiva l-aktar tard sad-29 ta' Lulju 2005; iżda, prodotti mqegħda fis-suq qabel dik id-data li ma jikkonformawx ma' din id-Direttiva jistgħu jiġu marketed sad-29 ta' Jannar 2006. Huma għandhom jinformaw minnufih b'dan lill-Kummissjoni. Meta l-Istati Membri jadottaw dawn il-miżuri, dawn għandu ikun fihom referenza għal din id-Direttiva jew ikunu akkumpanjati b'dik ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir dik ir-referenza. Artikolu 4 Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali ta' l-Unjoni Ewropea. Artikolu 5 Din id-Direttiva hija indirizzata lill-Istati Membri. Magħmul fi Brussel, fit-22 ta' Diċembru 2003. Għall-Parlament Ewropew Il-President P. Cox Għall-Kunsill Il-President A. Matteoli [1] ĠU C 262 E of tad- 29.10.2002, p. 429. [2] ĠU C 85, tat-8.4.2003, p. 34. [3] ĠU L 40, tal-11.2.1989, p. 27. Direttiva kif emendata bid-Direttiva 94/34/KE tal-Parlament Ewropew u tal-Kunsill (ĠU L 237, ta' l-10.9.1994, p. 1). [4] Opinjoni tal-Parlament Ewropew ta' l-10 ta' April 2003 (għada mhux ippublikata fil-Ġurnal Uffiċjali), Posizzjoni Komuni tal-Kunsill 2003 (ĠU C 277 E, tat-18.11.2003, p. 1) u posizzjoni tal-Parlament Ewropew tat-22 ta' Ottubru 2003 (għada mhux ippublikata fil-Ġurnal Uffiċjali). [5] ĠU L 237, ta' l-10.9.1994, p. 3. Direttiva kif emendata bid-Direttiva 96/83/KE (ĠU L 48, tad-19.2.1997, p. 16). [6] ĠU L 183, tat-12.7.2002, p. 51. [7] ĠU L 186, tat-30.6.1989, p. 27. Direttiva kif l-aħħar emendata bid-Direttiva 1999/41/KE tal-Parlament Ewropew u tal-Kunsill (ĠU L 172, tat-8.7.1999, p. 38). [8] ĠU L 31, ta' l-1.2.2002, p. 1. [9] ĠU L 184, tas-17.7.1999, p. 23. [10] ĠU L 31, ta’ l-1.2.2002, p. 1 [11] Deċiżjoni tal-Kunsill 1999/468/KE tat-28 ta' Ġunju 1999 li tippreskrivi l-proċeduri għall-eżerċizzju tas-setgħat ta' implimentazzjoni konferiti fuq il-Kummissjoni (ĠU L 184, tas-17.7.1999, p. 23). -------------------------------------------------- ANNESS L-Anness li jinsab mad-Direttiva 94/35/KE huwa b’dan emendat kif ġej: 1. fit-tielet kolonna tat-tabelli l-kategoriji li ġejjin ta’ oġġetti ta’ l-ikel għandhom jiġu imsemmija mill-ġdid: (a) minflok "Formoli sħaħ għall-kontroll tal-piż maħsuba biex jissostitwixxu l-ammont ta’ ikel totali ta’ kull jum jew ta’ ikla individwali" għandu jaqra "Ikel maħsub għall-użu f’dieta ta’ enerġija ristretta għat-tnaqqis tal-piż kif imsemmi fid-Direttiva 96/8/KE (*);" (b) minflok "Formoli sħaħ u supplimenti ta’ nutriment għall-użu taħt sorveljanza medika" għandu jaqra "Ikel tad-dieta għal finijiet speċjali mediċi kif definiti fid-Direttiva 1999/21/KE (**)’;" (ċ) minflok "Supplimenti ta’ ikel likwidu/integraturi tad-dieta" għandu jaqra "Supplimenti ta’ l-ikel kif definiti fid-Direttiva 2002/46/KE (***) provduti f’forma likwida"; (d) minflok "Supplimenti ta’ ikel solidu/integraturi tad-dieta" għandu jaqra "Supplimenti ta’ l-ikel kif definiti fid-Direttiva 2002/46/KE provduti f’forma solida"; (e) minflok "Supplimenti ta’ ikel solidu/integraturi tad-dieta bbażati fuq vitamini u/jew elementi minerali, tat-tip ta’ ġulepp jew li jistgħu jintmagħdu" għandu jaqra "Supplimenti ta’ l-ikel kif definiti fid-Direttiva 2002/46/KE, ibbażati fuq vitamini u/jew elementi minerali u provduti fil-forma ta’ ġulepp jew li jistgħu jintmagħdu"; 2. in-noti fl-aħħar tal-paġna li ġejjin għandhom jiżdiedu wara t-tabelli: "(*) Direttiva tal-Kummissjoni 96/8/KE tas-26 ta’ Frar 1996 dwar ikel maħsub għall-użu f’dieti ta’ enerġija ristretta għat-tnaqqis tal-piż (ĠU L 55, tas-6.3.1996, p. 22). (**) Direttiva tal-Kummissjoni 1999/21/KE tal-25 ta’ Marzu 1999 dwar ikel tad-dieta għal finijiet speċjali mediċi (ĠUJ L 91, tas- 7.4.1999, p. 29). (***) Direttiva 2002/46/KE tal-Parlament Ewropew u tal-Kunsill ta’ l-10 ta’ Ġunju 2002 dwar l-approssimazzjoni tal-liġijiet ta’ l-Istati Membri li jirrelataw ma’ supplimenti ta’ l-ikel (ĠU L 183, tat-12.7.2002, p. 51)." 3. għall-E 951 "Aspartame" il-kategorija li ġejja għandha tiżdied taħt "Ħelu" : "—Essoblaten | 1000 mg/kg’" | 4. għall-E 952 cyclamic acid u s-sodji tiegħu u l-melħ tal-kalċju: (a) għall-kategoriji li ġejjin ta’ oġġetti ta’ l-ikel, id-doża massima użabbli ta’ "400 mg/l" għandha tiġi sostitwita bi "250 mg/l": - Xorb bit-togħma bbażat fuq l-ilma, bl-enerġija mnaqqsa jew mingħajr zokkor miżjud; - Ħalib- u xorb fuq bażi miksub mill-ħalib jew fuq bażi ta’ sugu tal-frott, bl-enerġija mnaqqsa jew mingħajr zokkor miżjud; (b) il-kategoriji li ġejjin ta’ oġġetti ta’ l-ikel u d-dożi massimi użabbli għandhom jitħassru: "—Ħelu mingħajr zokkor miżjud | 500 mg/kg | —Ħelu bbażat fuq il-kawkaw jew fuq frott imnixxef, bl-enerġija mnaqqsa jew mingħajr zokkor miżjud | 500 mg/kg | —Ħelu bbażat fuq il-lamtu, bl-enerġija mnaqqsa jew mingħajr zokkor miżjud | 500 mg/kg | —Ċjuwing gamm mingħajr zokkor miżjud | 1500 mg/kg | —Ħelu żgħir biex jiffriska n-nifs, mingħajr zokkor miżjud | 2500 mg/kg | —Silġ li jittiekel, bl-enerġija mnaqqsa jew mingħajr zokkor miżjud | 250 mg/kg’" | 5. it-tabelli li ġejjin għandhom jiżdiedu: "Nru KE | Isem | Oġġetti ta’ l-ikel | Doża massima użabbli | E 955 | Sucralose | Xorb mhux alkoħoliku | | —Xorb bit-togħma bbażat fuq l-ilma, bl-enerġija mnaqqsa jew mingħajr zokkor miżjud | 300 mg/l | —Ħalib u xorb b’bażi miksub mill-ħalib jew ibbażat fuq sugu tal-frott, bl-enerġija mnaqqsa jew mingħajr zokkor miżjud | 300 mg/l | Diżerta u prodotti simili | | —Diżerti bbażati fuq l-ilma, bl-enerġija mnaqqsa jew mingħajr zokkor miżjud | 400 mg/kg | —Ħalib u preparazzjonijiet ibbażati fuq derivattivi mill-ħalib, bl-enerġija mnaqqsa jew mingħajr zokkor miżjud | 400 mg/kg | —Diżerti bbażati fuq frott u ħxejjex, bl-enerġija mnaqqsa jew mingħajr zokkor miżjud | 400 mg/kg | —Diżerti bbażati fuq il-bajd, bl-enerġija mnaqqsa jew mingħajr zokkor miżjud | 400 mg/kg | —Diżerti bbażati fuq ċereali, bl-enerġija mnaqqsa jew mingħajr zokkor miżjud | 400 mg/kg | —Diżerti bbażati fuq xaħam, bl-enerġija mnaqqsa jew mingħajr zokkor miżjud | 400 mg/kg | —’Ikliet żgħar’: ċerti togħmiet ta’ prodotti lesti għall-ikel, ippakkjati minn qabel, niexfa b’lamtu bit-togħma u lewż miksi | 200 mg/kg | Ħelu | | —Ħelu mingħajr zokkor miżjud | 1.000 mg/kg | —Ħelu bbażat fuq il-kawkaw jew frott imnixxef, bl-enerġija mnaqqsa jew mingħajr zokkor miżjud | 800 mg/kg | —Ħelu bbażat fuq il-lamtu, bl-enerġija mnaqqsa jew mingħajr zokkor miżjud | 1.000 mg/kg | —Kornetti u wejfers, għall-ġelati, mingħajr zokkor miżjud | 800 mg/kg | —Essoblaten | 800 mg/kg | —Tidlik għal fuq il-ħobż ibbażat fuq il-kawkaw, ħalib, frott imnixxef jew xaħam, bl-enerġija mnaqqsa jew mingħajr zokkor miżjud | 400 mg/kg | —Ċereali għall-kolazzjon b’kontenut ta’ fibra ta’ aktar minn 15 %, li ikun fih ta’ l-anqas 20 % ta’ granza, bl-enerġija mnaqqsa jew mingħajr zokkor miżjud | 400 mg/kg | —Ħelu żgħir biex jiffriska n-nifs mingħajr zokkor miżjud | 2.400 mg/kg | —Pastilji tal-griżmejn b’togħma qawwija li tiffrisha mingħajr zokkor miżjud | 1.000 mg/kg | —Ċjuwing gamm mingħajr zokkor miżjud | 3.000 mg/kg | —Pilloli fil-forma ta’ ħelu li jnaqqsu l-enerġija | 200 mg/kg | —Sidru u xorb magħmul mill-meraq imħemmer tal-lanġas | 50 mg/l | —Xorb li jikkonsisti f’taħlit ta’ xorb mhux alkoħoliku u birra, sidru, xorb magħmul mill-meraq imħemmer tal-lanġas, spirti jew inbid | 250 mg/l | —Xorb spirituż li ikun fih anqas minn 15 % alkoħol skond il-volum | 250 mg/l | —Birra mingħajr alkoħol jew b’kontenut ta’ alkoħol li ma jisboqx il-1,2 % vol | 250 mg/l | —’Bière de table/Tafelbier/Table beer’ (kontenut oriġinali wort ta’ anqas minn 6 %) ħlief għall-’Obergäriges Einfachbier’ | 250 mg/l | —Birra b’aċidità minima ta’ 30 milli-equivalenti espressi bħala NaOH | 250 mg/l | —Birra kannella tat-tip ’oud bruin’ | 250 mg/l | —Birra b’enerġija mnaqqsa | 10 mg/l | —Silġ li jittiekel, bl-enerġija mnaqqsa jew mingħajr zokkor miżjud | 320 mg/kg | —Frott fil-laned jew ibbottiljat, bl-enerġija mnaqqsa jew mingħajr zokkor miżjud | 400 mg/kg | —Kunserva b’enerġija mnaqqsa, ġelli u marmellati | 400 mg/kg | —Frott bl-enerġija mnaqqsa u preparazzjonijiet ta’ ħxejjex | 400 mg/kg | —Frott u ħxejjex ħelwin-morri ppriservati | 180 mg/kg | —Feinkostsalat | 140 mg/kg | —Ħut u marinati ħelwin-morri priservati jew semi-priservati, krstaċi u molluski | 120 mg/kg | —Sopo b’enerġija mnaqqsa | 45 mg/l | —Zlazi | 450 mg/kg | —Mustarda | 140 mg/kg | —Prodotti fini tal-furnara għal użu speċjali ta’ nutriment | 700 mg/kg | —Ikel maħsub għall-użu f’dieti ta’ enerġija mnaqqsa għat-tnaqqis tal-piż kif imsemmija fid-Direttiva 1996/8/KE | 320 mg/kg | —Ikel tad-dieta għal finijiet speċjali mediċinali kif definit fid-Direttiva 1999/21/KE | 400 mg/kg | —Supplimenti ta’ l-ikel kif definiti fid-Direttiva 2002/46/KE provduti f’forma likwida | 240 mg/l | —Supplimenti ta’ l-ikel kif definiti fid-Direttiva 2002/46/KE provduti f’forma solida | 800 mg/kg | —Supplimenti ta’ l-ikel kif definiti fid-Direttiva 2002/46/KE, bbażati fuq vitamini u/jew elementi minerali u provduta f’forma ta’ tip ta’ ġulepp jew li jintmagħdu | 2.400 mg/kg | E 962 | Melħ ta’ l-aspartame-acesulfame 1 | Xorb mhux alkoħoliku | | —Xorb bit-togħma bbażat fuq l-ilma, bl-enerġija mnaqqsa jew mingħajr zokkor miżjud | 350 mg/l (a) | —Xorb minn ħalib u minn derivattivi bbażati fuq il-ħalib jew ibbażat fuq is-sugu tal-frott, bl-enerġija mnaqqsa jew mingħajr zokkor miżjud | 350 mg/l (a) | Diżerta u prodotti simili | | —Diżerti bbażati fuq l-ilma, bl-enerġija mnaqqsa jew mingħajr zokkor miżjud | 350 mg/kg (a) | —Ħalib u preparazzjonijiet ibbażati fuq derivattivi mill-ħalib, bl-enerġija mnaqqsa jew mingħajr zokkor miżjud | 350 mg/kg (a) | —Diżerti bbażati fuq frott u ħxejjex, bl-enerġija mnaqqsa jew mingħajr zokkor miżjud | 350 mg/kg (a) | —Diżerti bbażati fuq il-bajd, bl-enerġija mnaqqsa jew mingħajr zokkor miżjud | 350 mg/kg (a) | —Diżerti bbażati fuq ċereali, bl-enerġija mnaqqsa jew mingħajr zokkor miżjud | 350 mg/kg (a) | —Diżerti bbażati fuq xaħam, bl-enerġija mnaqqsa jew mingħajr zokkor miżjud | 350 mg/kg (a) | —Ikliet ħfief’: ċerti togħmiet ta’ prodotti lesti għall-ikel, ippakkjati minn qabel, niexfa bil-lamtu bit-togħma u lewż miksi | 500 mg/kg (b) | Ħelu | | —Ħelu mingħajr zokkor miżjud | 500 mg/kg (a) | —Ħelu bbażat fuq il-kawkaw jew frott imnixxef, bl-enerġija mnaqqsa jew mingħajr zokkor miżjud | 500 mg/kg (a) | —Ħelu bbażat fuq il-lamtu, bl-enerġija mnaqqsa jew mingħajr zokkor miżjud | 1.000 mg/kg (a) | —Essoblaten | 1.000 mg/kg (b) | —Tidlik għal fuq il-ħobż, ibbażat fuq il-kawkaw, ħalib, frott niexef jew xaħam, bl-enerġija mnaqqsa jew mingħajr zokkor miżjud | 1.000 mg/kg (b) | —Ċereali għall-kolazzjon b’kontenut ta’ fibra ta’ aktar minn 15 %, u li ikun fih ta’ l-anqas 20 % ta’ granza, bl-enerġija mnaqqsa jew mingħajr zokkor miżjud | 1.000 mg/kg (b) | —Ħelu żgħir biex jiffriska n-nifs mingħajr zokkor miżjud | 2.500 mg/kg (a) | —Ċjuwing gamm mingħajr zokkor miżjud | 2.000 mg/kg (a) | —Sidru u xorb magħmul mill-meraq imħemmer tal-lanġas | 350 mg/l (a) | —Xorb li jikkonsisti f’taħlit ta’ xorb mhux alkoħoliku u birra, sidru, xorb magħmul mill-meraq imħemmer tal-lanġas, spirti jew inbid | 350 mg/l (a) | —Xorb spirituż li ikun fih anqas minn 15 % alkoħol skond il-volum | 350 mg/l (a) | —Birra mingħajr alkoħol jew b’kontenut ta’ alkoħol li ma jisboqx il-1,2 % vol | 350 mg/l (a) | —’Bière de table/Tafelbier/Table beer’ (kontenut oriġinali wort ta’ anqas minn 6 %) ħlief għall-’Obergäriges Einfachbier’ | 350 mg/l (a) | —Birra b’aċidità minima ta’ 30 milli-ekwivalenti espressi bħala NaOH | 350 mg/l (a) | —Birra kannella tat-tip "oud bruin" | 350 mg/l (a) | —Birra b’enerġija mnaqqsa | 25 mg/l (b) | —Silġ li jittiekel, bl-enerġija mnaqqsa jew mingħajr zokkor miżjud | 800 mg/kg (b) | —Frott fil-landi jew ibbottiljat, bl-enerġija mnaqqsa jew mingħajr zokkor miżjud | 350 mg/kg (a) | —Kunserva bl-enerġija mnaqqsa, ġelli u marmellati | 1.000 mg/kg (b) | —Preparazzjonijiet tal-frott u ħxejjex bl-enerġija mnaqqsa | 350 mg/kg (a) | —Frott u ħxejjex ħelwin-morri ppriservati | 200 mg/kg (a) | —Feinkostsalat | 350 mg/kg (b) | —Ħut u marinati ħelwin-morri priservati jew semi-priservati, krstaċi u molluski | 200 mg/kg (a) | —Sopop b’enerġija mnaqqsa | 110 mg/l (b) | —Zlazi | 350 mg/kg (b) | —Mustarda | 350 mg/kg (b) | —Prodotti fini tal-furnara għal użi speċjali ta’ nutriment | 1.000 mg/kg (a) | —Ikel maħsub għall-użu f’dieti ta’ enerġija mnaqqsa għat-tnaqqis tal-piż kif imsemmija fid-Direttiva 1996/8/KE | 450 mg/kg (a) | —Ikel tad-dieta għal finijiet speċjali mediċinali kif definit fid-Direttiva 1999/21/KE | 450 mg/kg (a) | —Supplimenti ta’ l-ikel kif definiti fid-Direttiva 2002/46/KE provduti f’forma likwida | 350 mg/l (a) | —Supplimenti ta’ l-ikel kif definiti fid-Direttiva 2002/46/KE provduti f’forma solida | 500 mg/kg (a) | —Supplimenti ta’ l-ikel kif definiti fid-Direttiva 2002/46/KE, bbażati fuq vitamini u/jew elementi minerali u provduta f’forma ta’ tip ta’ ġulepp jew li jintmagħdu | 2.000 mg/kg (a) | --------------------------------------------------