EUR-Lex Access to European Union law
This document is an excerpt from the EUR-Lex website
Document 42008D0836
2008/836/: Decision of the Representatives of the Governments of the Member States of 29 October 2008 on the treatment of documents of EU civilian crisis management missions and military operations
2008/836/: Deċiżjoni tar-Rappreżentanti tal-Gvernijiet tal-Istati Membri tad- 29 ta' Ottubru 2008 dwar it-trattament ta’ dokumenti ta’ missjonijiet ċivili ta’ maniġġar ta’ kriżijiet u operazzjonijiet militari tal-UE
2008/836/: Deċiżjoni tar-Rappreżentanti tal-Gvernijiet tal-Istati Membri tad- 29 ta' Ottubru 2008 dwar it-trattament ta’ dokumenti ta’ missjonijiet ċivili ta’ maniġġar ta’ kriżijiet u operazzjonijiet militari tal-UE
ĠU L 299, 8.11.2008, p. 34–35
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
8.11.2008 |
MT |
Il-Ġurnal Uffiċjali ta’ l-Unjoni Ewropea |
L 299/34 |
DEĊIŻJONI TAR-RAPPREŻENTANTI TAL-GVERNIJIET TAL-ISTATI MEMBRI
tad-29 ta' Ottubru 2008
dwar it-trattament ta’ dokumenti ta’ missjonijiet ċivili ta’ maniġġar ta’ kriżijiet u operazzjonijiet militari tal-UE
(2008/836)
IR-RAPPREŻENTANTI TAL-GVERNIJIET TAL-ISTATI MEMBRI TAL-UNJONI EWROPEA,
Billi:
|
(1) |
Safejn id-dokumenti tal-missjonijiet ċivili ta’ maniġġar ta’ kriżijiet u l-operazzjonijiet militari tal-Unjoni Ewropea mhumiex miżmuma minn istituzzjoni, dawn ma jaqgħux fil-kamp ta’ applikazzjoni tal-liġi Komunitarja rigward l-arkivji storiċi u l-aċċess pubbliku għad-dokumenti. |
|
(2) |
Peress li dawn id-dokumenti huma relatati mal-oqsma ta’ attività tal-Unjoni Ewropea, jaqbel li dawn id-dokumenti jiġu arkivjati mis-Segretarjat Ġenerali tal-Kunsill tal-Unjoni Ewropea (“SĠK”). Dawn id-dokumenti għandhom minn issa ‘l quddiem jitqiesu bħala dokumenti miżmuma mill-Kunsill u għandhom jaqgħu fil-kamp ta’ applikazzjoni tar-Regolament (KE) Nru 1049/2001 (1) dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni u r-Regolament tal-Kunsill (KEE, Euratom) Nru 354/83 (2) dwar il-ftuħ għall-pubbliku tal-arkivji storiċi tal-Komunità Ekonomika Ewropea u l-Komunità Ewropea tal-Enerġija Atomika, |
IDDEĊIDEW KIF GEJ:
Artikolu 1
1. Għall-finijiet tal-applikazzjoni tar-Regolament (KE) Nru 1049/2001 u r-Regolament (KEE, Euratom) Nru 354/83, id-dokumenti dwar missjonijiet ċivili ta’ maniġġar ta’ kriżijiet u operazzjonijiet militari li ntemmu, li għadhom għaddejjin u futuri mwettqa taħt l-awspiċi tal-Kunsill għandhom, hekk kif jintemmu l-missjonijiet u l-operazzjonijiet, jiġu arkivjati mis-SĠK u minn issa ‘l quddiem jitqiesu bħala dokumenti miżmuma mill-Kunsill.
2. Id-dokumenti msemmijin fil-paragrafu 1 m’għandhomx jinkludu d-dokumentazzjoni relatata ma’ kwistjonijiet tal-personal, kuntratti ma’ partijiet terzi u d-dokumentazzjoni relatata magħhom, jew dokumenti effimeri.
3. Is-SĠK għandu jiżgura li d-dokumenti kklassifikati mill-Istati Membri jew awtoritajiet oħrajn jiġu protetti skond ir-Regolamenti ta’ Sigurtà tal-Kunsill addottati bid-Deċiżjoni tal-Kunsill 2001/264/KE (3).
4. L-Istati Membri għandhom jassistu lis-SĠK biex jikseb kopji tad-dokumenti msemmijin fil-paragrafu 1.
5. Id-dokumenti msemmijin fil-paragrafu 1 għandhom jinżammu f’post speċifiku tal-Arkivji. Il-personal li jittratta dawn id-dokumenti għandu jirċievi taħriġ dwar id-dokumenti tal-Politika Ewropea ta’ Sigurtà u Difiża u dwar l-ittrattar ta’ informazzjoni kklassifikata f’dan il-kuntest.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f'Il-Ġurnal Uffiċjali ta' l-Unjoni Ewropea.
Magħmula fi Brussell, 29 ta’ Ottubru 2008.
Il-President
P. SELLAL
(1) ĠU L 145, 31.5.2001, p. 43.
(3) ĠU L 101, 11.4.2001, p. 1.