Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62023TN0227

Kawża T-227/23: Rikors ippreżentat fit-2 ta’ Mejju 2023 – Mylan Ireland vs Il-Kummissjoni

ĠU C 223, 26.6.2023, p. 37–37 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

26.6.2023   

MT

Il-Ġurnal Uffiċjali tal-Unjoni Ewropea

C 223/37

Rikors ippreżentat fit-2 ta’ Mejju 2023 – Mylan Ireland vs Il-Kummissjoni

(Kawża T-227/23)

(2023/C 223/49)

Lingwa tal-kawża: l-Ingliż

Partijiet

Rikorrent: Mylan Ireland Ltd (Dublin, l-Irlanda) (rappreżentanti: K. Roox, T. De Meese, J. Stuyck and M. Van Nieuwenborgh, avukati)

Konvenut: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha:

—

tiddikjara li r-rikors għal annullament huwa ammissibbli u fondat;

—

tannulla d-deċiżjoni tal-Kummissjoni li tinsab fl-ittra tas-17 ta’ Marzu 2023 (ref. SANTE.DDG1.B.5/AL/mmc (2023) 2914698), kif ukoll kull deċiżjoni oħra sussegwenti sa fejn din testendi l-effetti tal-imsemmija deċiżjoni u/jew tissostitwixxiha, inkluż kull azzjoni regolatorja sussegwenti, sa fejn dawn jikkonċernaw lir-rikorrenti;

—

tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħha r-rikorrenti tinvoka tliet motivi.

1.

L-ewwel motiv ibbażat fuq nuqqas ta’ kompetenza u użu ħażin ta’ poter min-naħa tad-Deċiżjoni tal-Kummissjoni tas-17 ta’ Marzu 2023 imsemmija iktar ’il fuq (iktar ’il quddiem id-“Deċiżjoni kkontestata”) sabiex temenda u/jew tirtira l-awtorizzazzjoni ta’ tqegħid fis-suq tar-rikorrenti.

2.

It-tieni motiv ibbażat fuq ksur ta’ rekwiżiti formali essenzjali, sa fejn id-Deċiżjoni kkontestata ma għandiex bażi legali u tikser id-dritt għal smigħ tar-rikorrenti skont l-Artikolu 41 tal-Karta tad-Drittijiet Fundamentali tal-Unjoni Ewropea.

3.

It-tielet motiv ibbażat fuq ksur tat-Trattati jew ta’ kwalsiasi dispożizzjoni legali relatata mal-applikazzjoni tagħhom:

—

id-Deċiżjoni kkontestata tapplika l-liġi b’mod żbaljat sa fejn il-Kummissjoni kienet żbaljata fir-rigward tal-portata tas-sentenza inter partes tal-Qorti tal-Ġustizzja tas-16 ta’ Marzu 2023, Il-Kummissjoni et vs Pharmaceutical Works Polpharma (C-438/21 P sa C-440/21 P, EU:C:2023:213), u tinjora l-istħarriġ tal-Kumitat għall-Prodotti Mediċinali għall-Użu mill-Bniedem;

—

id-Deċiżjoni kkontestata tikser id-drittijiet tad-difiża u d-dritt għal smigħ xieraq skont l-Artikolu 47 tal-Karta tad-Drittijiet Fundamentali tal-Unjoni Ewropea, peress li diversi każijiet li għalihom hija parti r-rikorrenti jinsabu attwalment pendenti (T-730/20, T-279/22 u T-268/22);

—

id-Deċiżjoni kkontestata tikser iċ-ċertezza legali;

—

id-Deċiżjoni kkontestata tikser l-aspettattivi leġittimi tar-rikorrenti, inklużi d-diversi obbligi mal-awtoritajiet pubbliċi, mal-manifatturi, mal-fornituri, mal-kumpanniji tat-trasport u mal-isptarijiet, għall-provvista ta’ prodotti ġeneriċi tad-dimethyl fumarate, u mal-pazjenti;

—

id-deċiżjoni kkontestata tikser id-dritt għal proprjetà stabbilit fl-Artikolu 17 tal-Karta tad-Drittijiet Fundamentali tal-Unjoni Ewropea.
Top