52009AP0369

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
EUR-Lex - 52009AP0369 - EN

Document 52009AP0369

Help

Il-proposta għal regolament tal-Kunsill dwar il-protezzjoni tal-annimali waqt il-qatla * Riżoluzzjoni leġiżlattiva tal-Parlament Ewropew tas- 6 ta' Mejju 2009 dwar il-proposta għal regolament tal-Kunsill dwar il-protezzjoni tal-annimali waqt il-qatla (COM(2008)0553 – C6-0451/2008 – 2008/0180(CNS))

ĠU C 212E, 5.8.2010, p. 326–346 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

5.8.2010

Il-Ġurnal Uffiċjali tal-Unjoni Ewropea

CE 212/326

L-Erbgħa, 6 ta’ Mejju 2009
Il-proposta għal regolament tal-Kunsill dwar il-protezzjoni tal-annimali waqt il-qatla *

P6_TA(2009)0369

Riżoluzzjoni leġiżlattiva tal-Parlament Ewropew tas-6 ta' Mejju 2009 dwar il-proposta għal regolament tal-Kunsill dwar il-protezzjoni tal-annimali waqt il-qatla (COM(2008)0553 – C6-0451/2008 – 2008/0180(CNS))

2010/C 212 E/49

(Proċedura ta' konsultazzjoni)

Il-Parlament Ewropew,

wara li kkunsidra l-proposta mill-Kummissjoni lill-Kunsill (COM(2008)0553),

wara li kkunsidra l-Artikolu 37 tat-Trattat KE, skont liema artikolu ġie kkonsultat mill-Kunsill (C6-0451/2008),

wara li kkunsidra l-Artikolu 51 tar-Regoli ta’ Proċedura tiegħu,

wara li kkunsidra r-rapport tal-Kumitat għall-Agrikoltura u l-Iżvilupp Rurali u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A6-0185/2009),

1.	Japprova l-proposta tal-Kummissjoni kif emendata;

2.	Jistieden lill-Kummissjoni sabiex konsegwentement tbiddel il-proposta tagħha, skont l-Artikolu 250(2) tat-Trattat KE;

3.	Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.	Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.	Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u l-Kummissjoni.

TEST PROPOST MILL-KUMMISSJONI

EMENDA

Emenda 1

Proposta għal Regolament

Titolu

Proposta għal Regolament tal-Kunsill dwar il-protezzjoni tal-annimali waqt il-qatla

Proposta għal regolament tal-Kunsill dwar il-protezzjoni tal-annimali waqt it-tbiċċir u l-qatla

Emenda 2

Proposta għal Regolament

Premessa 6

(6)

L-Awtorità Ewropea għas-Sigurtà tal-Ikel (EFSA) adottat żewġ opinjonijiet fuq l-aspetti tal-benesseri tal-annimali fil-kuntest tas-sistemi ewlenin tal-isturdament u tal-qtil ta’ ċerti speċi ta’ annimali: Welfare aspects of the main systems of stunning and killing the main commercial species of animals (l-aspetti tal-benesseri tas-sistemi ewlenin tal-isturdament u tal-qtil tal-ispeċi ta’ annimali kummerċjali ewlenin), fl-2004 u Welfare aspects of the main systems of stunning and killing applied to commercially farmed deer, goats, rabbits, ostriches, ducks, geese and quail (l-aspetti tal-benesseri tas-sistemi ewlenin ta’ sturdament u qtil applikati għal ċriev imkabbra għal skopijiet kummerċjali, mogħoż, fniek, ngħam, papri, wiżżijiet u summien), fl-2006. Il-leġiżlazzjoni tal-Komunità f'dan il-qasam għandha tiġi aġġornata sabiex tqis dawk l-opinjonijiet xjentifiċi. Ir-rakkomandazzjonijiet sabiex l-użu tad-dijossidu tal-karbonju jitneħħa f'fażijiet għall-ħnieżer u t-tjur, kif ukoll it-tneħħija f'fażijiet tal-isturdament permezz tal- banjijiet tal-ilma għat-tjur ma kinux inklużi fil-proposta minħabba li l-istima tal-impatt uriet li bħalissa ma kinux ekonomikament vijabbli fl-UE. Minbarra dan, rakkomandazzjonijiet oħra ma għandhomx ikunu parti minn dan ir-Regolament minħabba li jirreferu għal parametri tekniċi li għandhom ikunu parti mill-miżuri ta’ implimentazzjoni jew tal-kodiċi ta' prattika tajba. Ir-rakkomandazzjonijiet fuq il-ħut imkabbra fil-farms ma kinux inklużi fil-proposta minħabba li kien hemm ħtieġa għal opinjoni xjentifika oħra u evalwazzjoni ekonomika f'dan il-qasam.

(6)

L-Awtorità Ewropea għas-Sigurtà tal-Ikel (EFSA) adottat żewġ opinjonijiet fuq l-aspetti tal-benesseri tal-annimali fil-kuntest tas-sistemi ewlenin tal-isturdament u tal-qtil ta’ ċerti speċi ta’ annimali:Welfare aspects of the main systems of stunning and killing the main commercial species of animals (l-aspetti tal-benesseri tas-sistemi ewlenin tal-isturdament u tal-qtil tal-ispeċi ta’ annimali kummerċjali ewlenin), fl-2004 u Welfare aspects of the main systems of stunning and killing applied to commercially farmed deer, goats, rabbits, ostriches, ducks, geese and quail (l-aspetti tal-benesseri tas-sistemi ewlenin ta’ sturdament u qtil applikati għal ċriev imkabbra għal skopijiet kummerċjali, mogħoż, fniek, ngħam, papri, wiżżijiet u summien), fl-2006. Fl-2001 il-Kumitat Xjentifiku għas-Saħħa tal-Annimali u l-Benesseri tal-Annimali (SCAHAW) adotta rapport dwar Il-Benesseri tal-Annimali Miżmuma għall-Produzzjoni tal-Fer li kien jinkludi analiżi tal-metodi ta' qtil użati fil-farms tal-fer. Il-leġiżlazzjoni tal-Komunità f'dan il-qasam għandha tiġi aġġornata sabiex tqis dawk l-opinjonijiet xjentifiċi. Ir-rakkomandazzjonijiet sabiex l-użu tad-dijossidu tal-karbonju jitneħħa f'fażijiet għall-ħnieżer u t-tjur, ma kinux inklużi fil-proposta minħabba li l-istima tal-impatt uriet li bħalissa ma kinux ekonomikament vijabbli fl-UE. Minbarra dan, rakkomandazzjonijiet oħra ma għandhomx ikunu parti minn dan ir-Regolament minħabba li jirreferu għal parametri tekniċi li għandhom ikunu parti mill-miżuri ta’ implimentazzjoni jew tal-kodiċi ta’ prattika tajba. Ir-rakkomandazzjonijiet fuq il-ħut imkabbra fil-farms ma kinux inklużi fil-proposta minħabba li kien hemm ħtieġa għal opinjoni xjentifika oħra u evalwazzjoni ekonomika f'dan il-qasam.

Emenda 3

Proposta għal Regolament

Premessa 15

(15)

Il-Protokoll dwar il-protezzjoni u l-benesseri tal-annimali jenfasizza wkoll il-ħtieġa li jiġu rispettati d-dispożizzjonijiet leġiżlattivi jew amministrattivi u d-drawwiet tal-Istati Membri dwar, b'mod partikolari, ir-riti reliġjużi, it-tradizzjonijiet kulturali u l-wirt reġjonali meta jiġu fformulati u implimentati l-linji politiċi tal-Komunità dwar l-agrikultura u s-suq intern, inter alia. Huwa għalhekk xieraq li l-avvenimenti kulturali jiġu esklużi mill-ambitu ta' dan ir-Regolament, fejn il-konformità mar-rekwiżiti tal-benesseri tal-annimali jaffettwaw ħażin in-natura proprja tal-avveniment konċernat.

(15)

Il-Protokoll dwar il-protezzjoni u l-benesseri tal-annimali jenfasizza wkoll il-ħtieġa li jiġu rispettati d-dispożizzjonijiet leġiżlattivi jew amministrattivi u d-drawwiet tal-Istati Membri dwar, b'mod partikolari, ir-riti reliġjużi, it-tradizzjonijiet kulturali jew ta' oriġini reliġjuża u l-wirt reġjonali meta jiġu fformulati u implimentati l-linji politiċi tal-Komunità dwar l-agrikultura u s-suq intern, inter alia. Huwa għalhekk xieraq li l-avvenimenti kulturali, reliġjużi u tradizzjonali jiġu esklużi mill-ambitu ta' dan ir-Regolament, fejn il-konformità mar-rekwiżiti tal-benesseri tal-annimali jaffettwaw ħażin in-natura proprja tal-avveniment konċernat.

Emenda 4

Proposta għal Regolament

Premessa 16

(16)

Barra minn hekk, it-tradizzjonijiet kulturali jirreferu għal mod ta' ħsieb, azzjoni jew imġiba abitwali, stabbilita u li tintiret, li tinkludi l-kunċett ta' xi ħaġa trasmessa minn, jew akkwistata minn, predeċessur. Huma jikkontribwixxu għat-tkabbir ta' konnessjonijiet soċjali li ilhom stabbiliti bejn il-ġenerazzjonijiet. Sakemm dawk l-attivitajiet ma jaffettwawx is-suq tal-prodotti tal-annimali u mhumiex motivati mill-għanijiet ta' produzzjoni , huwa xieraq li l-qtil tal-annimali li jseħħ waqt dawk l-avvenimenti jiġi eskluż mill-ambitu ta' dan ir-Regolament.

(16)

Barra minn hekk, it-tradizzjonijiet kulturali jew ta' oriġini reliġjuża jirreferu għal mod ta' ħsieb, azzjoni jew imġiba abitwali, stabbilita u li tintiret, li tinkludi l-kunċett ta' xi ħaġa trasmessa minn, jew akkwistata minn, predeċessur. Huma jikkontribwixxu għat-tkabbir ta' konnessjonijiet soċjali li ilhom stabbiliti bejn il-ġenerazzjonijiet. Sakemm dawk l-attivitajiet ma jaffettwawx is-suq tal-prodotti tal-annimali, huwa xieraq li t-tbiċċir tal-annimali li jseħħ waqt dawk l-avvenimenti jiġi eskluż mill-ambitu ta' dan ir-Regolament.

Emenda 5

Proposta għal Regolament

Premessa 22 a (ġdida)

(22a)

L-isfidi l-ġodda li qed taffronta l-industrija agrikola u dik tal-laħam żgur se jwasslu għal implikazzjonijiet finanzjarji sinifikanti għall-operaturi tal-Unjoni. Sabiex inkunu konformi mar-regoli stipulati f'dan ir-Regolament, fondi Ewropej adegwati għandhom ikunu disponibbli sabiex ikunu ta' appoġġ finanzjarju sabiex is-settur Komunitarju jkun jista' jirregola l-benesseri tal-annimali f'kuntest internazzjonali.

Emenda 6

Proposta għal Regolament

Premessa 24

(24)

Skont il-mod kif jintużaw waqt il-proċess tat-tbiċċir jew tal-qtil, xi metodi ta' stordament jistgħu jwasslu għall-mewt waqt li jkun qed jiġi evitat l-uġigħ jew jitnaqqas id-dwejjaq jew it-tbatija għall-annimali. Bħala konsegwenza mhuwiex neċessarju li ssir distinzjoni bejn metodi riversibbli u mhux riversibbli ta' sturdament.

(24)	Skont il-mod kif jintużaw waqt il-proċess tat-tbiċċir jew tal-qtil, xi metodi ta' stordament jistgħu jwasslu għall-mewt waqt li jkun qed jiġi evitat l-uġigħ jew jitnaqqas id-dwejjaq jew it-tbatija għall-annimali.

Emenda 7

Proposta għal Regolament

Premessa 32

(32)

Ir-Regolament (KE) Nru 854/2004 jipprovdi għal-lista ta' stabbilimenti li għalihom huma permessi l-importazzjonijiet fil-Komunità ta' prodotti speċifiċi li ġejjin mill-annimali. Ir-rekwiżiti ġenerali u r-rekwiżiti addizzjonali applikabbli għall-biċċeriji stabbiliti f'dan ir-Regolament għandhom jiġu kkunsidrati għall-għanijiet ta' dik il-lista. Il-Kummissjoni għandha tiżgura li l-importazzjoni tal-laħam u l-prodotti tiegħu minn pajjiżi terzi maħsuba għas-suq intern tikkonforma mar-regoli ġenerali stipulati f'dan ir-Regolament.

Emenda 8

Proposta għal Regolament

Premessa 33

(33)

Il-biċċeriji u t-tagħmir użat fihom huma mfasslin għal kategoriji partikolari ta' annimali u ta' kapaċitajiet. Meta dawn il-kapaċitajiet jinqabżu jew meta t-tagħmir jintuża għal għanijiet li ma kienx imfassal għalihom, ikun hemm impatt negattiv fuq il-benesseri tal-annimali. Informazzjoni fuq dawn l-aspetti għandha għalhekk tiġi kkomunikata lill-awtoritajiet kompetenti u għandha tkun parti mill-proċedura approvata għall-biċċeriji. Biċċeriji żgħar, spezzjonati regolarment, b'kapaċità ta' tbiċċir sa 50 unità ta' mammiferi fil-ġimgħa jew 150 000 unità ta' tjur kull sena, li jbigħu l-aktar ikel direttament lill-konsumatur aħħari, ma jeħtiġilhomx proċedura għal permess li tkun tiswa ħafna flus biex ikunu konformi mal-prinċipji ta' dan ir-Regolament.

Emenda 9

Proposta għal Regolament

Premessa 34 a (ġdida)

(34a)

Huwa neċessarju li tkun evitata tbatija lill-annimali minħabba biza’ u tensjoni qabel it-tbiċċir. Ikun xieraq, għalhekk, li d-disinn ta' biċċeriji, l-ippjanar ta' proċeduri f'biċċeriji u t-taħriġ tal-persunal isiru b'mod li l-annimali ma jitħallewx ibatu minn tensjoni, biża’ u wġigħ bejn il-ħatt u t-tbiċċir.

Emenda 10

Proposta għal Regolament

Premessa 35

(35)

Progress xjentifiku u tekniku rigward il-bini, tqassim u tagħmir tal-biċċeriji jsir b'mod regolari. Huwa għalhekk importanti li l-Komunità tawtorizza lill-Kummissjoni sabiex temenda r-rekwiżiti applikabbli għall-bini, tqassim u tagħmir tal-biċċeriji waqt li jinżamm livell uniformi u għoli ta' protezzjoni għall-annimali. Għandhom jissoktaw b'mod kostanti l-isforzi biex ikunu żviluppati proċeduri aħjar ta' sturdament. Ir-riċerka għandha wkoll issir b'mod mgħaġġel fl-ambitu ta' alternattivi għall-qtil ta' tiġieġ żejda.

Emenda 11

Proposta għal Regolament

Premessa 37

(37)

Il-qtil mingħajr sturdament jeħtieġ qtugħ preċiż tal-gerżuma sabiex titnaqqas it-tbatija. Barra minn hekk, huwa probabbli li l-annimali li ma jkunux imrażżna mekkanikament wara l-qtugħ, titnaqqsilhom il-veloċità tal-proċess tal-iżvinar u b'hekk is-sofferenza tal-annimali titwal għalxejn. L-annimali maqtula mingħajr ma jiġu storduti għandhom għalhekk jitrażżnu individwalment.

(37)

It-tbiċċir mingħajr sturdament jeħtieġ qtugħ preċiż tal-gerżuma sabiex titnaqqas it-tbatija. Barra minn hekk, huwa probabbli li l-annimali li ma jkunux imrażżna mekkanikament wara l-qtugħ, titnaqqsilhom il-veloċità tal-proċess tal-iżvinar u b'hekk is-sofferenza tal-annimali titwal għalxejn. L-annimali maqtula mingħajr ma jiġu storduti għandhom għalhekk jitrażżnu individwalment u jirċievu sturdament effettiv immedjatament wara l-qtugħ .

Emenda 12

Proposta għal Regolament

Premessa 38

(38)

Progress xjentifiku u tekniku rigward it-trattament u t-trażżin tal-annimali fil-biċċeriji jsir regolament. Huwa għalhekk importanti li l-Komunità tawtorizza lill-Kummissjoni sabiex temenda r-rekwiżiti applikabbli għall-immaniġġjar u t-trażżin tal-annimali qabel it-tbiċċir waqt li jinżamm livell uniformi u għoli ta' protezzjoni għall-annimali.

(38)

Progress xjentifiku u tekniku rigward it-trattament u t-trażżin tal-annimali fil-biċċeriji jsir regolament u f'farms li jipproduċu l-fer . Huwa għalhekk importanti li l-Komunità tawtorizza lill-Kummissjoni sabiex temenda r-rekwiżiti applikabbli għall-immaniġġjar u t-trażżin tal-annimali qabel il-qtil waqt li jinżamm livell uniformi u għoli ta' protezzjoni għall-annimali.

Emenda 13

Proposta għal Regolament

Artikolu 1 – paragrafu 2 – punt a – sottopunt i

(i)	waqt esperimenti tekniċi jew xjentifiċi mwettqa taħt is-superviżjoni tal-awtorità kompetenti,

(i)

fil-kuntest tal-attivitajiet irregolati mid-Direttiva tal-Kunsill 86/609/KEE tal-24 ta' Novembru 1986 dwar l-approssimazzjoni tal-liġijiet, regolamenti u dispożizzjonijiet amministrattivi tal-Istati Membri dwar il-protezzjoni tal-annimali użati għall-għanijiet sperimentali u għanijiet oħra xjentifiċi (1);

Emenda 14

Proposta għal Regolament

Artikolu 1 – paragrafu 2 – punt a – sottopunt ii

(ii)	waqt attivitajiet ta' kaċċa;

(ii)	waqt attivitajiet ta' kaċċa u sajd għar-rikreazzjoni ,

Emenda 15

Proposta għal Regolament

Artikolu 1 – paragrafu 2 – punt a – sottopunt iv a (ġdid)

(iv a)

għall-akbar festi reliġjużi li jinvolvu sagrifiċċji tradizzjonali għal konsum personali, pereżempju fl-Għid u l-Milied u għal perjodu ta' għaxart ijiem biss qabel id-dati relevanti.

Emenda 16

Proposta għal Regolament

Artikolu 1 – paragrafu 2 – punt b a (ġdid)

(b a)

għal ċriev semidomestikati, li jinqatlu bl-isparar u jiġu pproċessat f'faċilità privata ta' trobbija tal-kaċċa (game farm facility).

Emenda 17

Proposta għal Regolament

Artikolu 2 – punt b

(b)	“operazzjonijiet relatati” : tfisser operazzjonijiet bħall-immaniġġjar, iż-żamma, it-trażżin, l-isturdament u l-iżvinar tal-annimali li jseħħu fil-kuntest u fil-post fejn dawn ikunu sejrin jinqatlu ;

(b)	“operazzjonijiet relatati” : “operazzjonijiet relatati” tfisser operazzjonijiet bħall-immaniġġjar, il-ħatt , iż-żamma, it-trażżin, l-isturdament u l-iżvinar tal-annimali li jseħħu fil-kuntest u fil-post fejn dawn ikunu sejrin jitbiċċru ;

Emenda 18

Proposta għal Regolament

Artikolu 2 – punt b a (ġdid)

b a)	“awtorità kompetenti”: tfisser l-awtorità ċentrali ta' Stat Membru kompetenti biex tassigura konformità mar-rekwiżiti ta' dan ir-Regolament, jew kull awtorità oħra lil liema l-awtorità ċentrali ddelegat dik il-kompetenza;

Emenda 19

Proposta għal Regolament

Artikolu 2 – punt d a (ġdid)

d a)	“telfien mis-sensi”: tfisser stat ta' nuqqas ta' għarfien liema jġib miegħu sfrattament temporanju jew permanenti tal-funzjoni tal-moħħ u li wara l-annimal ma jkunx kapaċi li jwieġeb għal stimuli normali, inkluż l-uġigħ;

Emenda 20

Proposta għal Regolament

Artikolu 2 – punt f

(f)	“l-isturdament”: tfisser kwalunkwe proċess mibdi intenzjonalment sabiex jikkawża t-telfien mis-sensi u t-telf tas-sensibilità mingħajr uġigħ , inkluż kwalunkwe proċess li jirriżulta f'mewta istantanja;

(f)	“l-isturdament”: tfisser kwalunkwe proċess mibdi intenzjonalment sabiex jikkawża t-telfien mis-sensi u t-telf tas-sensibilità, inkluż kwalunkwe proċess li jirriżulta f'mewta istantanja;

Emenda 21

Proposta għal Regolament

Artikolu 2 – punt g

(g)	“rit reliġjuż”: tfisser serje ta' atti relatati mat-tbiċċir tal-annimali u preskritti minn reliġjon bħall-Iżlam jew il-Ġudajiżmu ;

(g)	“rit reliġjuż”: fisser serje ta' atti relatati mat-tbiċċir tal-annimali u preskritti minn reliġjon jew ikkawżat minn festi reliġjużi speċifiċi ;

Emenda 22

Proposta għal Regolament

Artikolu 2 – punt k

(k)	“biċċerija”: tfisser kwalunkwe stabbiliment użat għat-tbiċċir tal-annimali ta' fuq l-art;

(k)	“biċċerija”: tfisser stabbiliment użat għall-qatla u t-tindif tal-annimali, li l-laħam tagħhom ikun destinat li jittiekel mill-bniedem.

Emenda 23

Proposta għal Regolament

Artikolu 2 – punt m

(m)	“Annimali tal-fer”: tfisser annimali mill-ispeċi tal-mammiferi mrobbija primarjament għall-produzzjoni tal-fer bħall-minks, farretti, volpi, rakkuni, coypu u ċinċilli;

(m)	“Annimali tal-fer”: tfisser annimali mill-ispeċi tal-mammiferi mrobbija primarjament għall-produzzjoni tal-fer bħall-minks, farretti, volpi, rakkuni, klieb tar-rakkuni , coypu, fniek u ċinċilli;

Emenda 24

Proposta għal Regolament

Artikolu 3 – paragrafu 2 – punt a

(a)	jiġu pprovduti b'kumdità fiżika u bi protezzjoni, b'mod partikolari billi jinżammu nodfa , f'kumdità termali u b'tali mod li ma jitħallewx jaqgħu jew jiżolqu;

(a)	jiġu pprovduti b'kumdità fiżika u bi protezzjoni, b'mod partikolari billi jinżammu f'kumdità termali u b'tali mod li ma jitħallewx jaqgħu jew jiżolqu;

Emenda 25

Proposta għal Regolament

Artikolu 3 – paragrafu 2 – punt d

(d)	ma jurux sinjali ta' uġigħ, biża’ , aggressjoni jew imġiba oħra mhux normali;

(d)	ma jurux sinjali ta' wġigħ, aggressjoni jew imġiba oħra mhux normali;

Emenda 26

Proposta għal Regolament

Artikolu 3 – paragrafu 2 – punt f

(f)	ma jitħallewx ikollhom interazzjoni avversa.

imħassar

Emenda 119

Proposta għal regolament

Artikolu 3 – paragrafu 3 a (ġdid)

3a. Il-qtil ta' flieles żejda li jkunu għadhom kif faqqsu dakinhar, bi kwalunkwe mezz, ma għandux ikun aktar permess hekk kif ikunu disponibbli alternattivi xierqa għall-qtil ta' dawn l-annimali.

Emenda 27

Proposta għal Regolament

Artikolu 4 – paragrafu 2 – subparagrafu 1

2. Permezz ta' deroga mill-paragrafu 1, meta dawn il-metodi jiġu preskritti minn riti reliġjużi, l-annimali jistgħu jinqatlu mingħajr ma jiġu storduti qabel, sakemm il-qtil isir f'biċċerija.

2. B'konformità ma’ riti reliġjużi, l-annimali jistgħu jiġu mbiċċra mingħajr ma jiġu storduti qabel, sakemm it-tbiċċir isir f'biċċerija.

Emenda 28

Proposta għal Regolament

Artikolu 4 – paragrafu 2 – subparagrafu 2

Iżda l-Istati Membri jistgħu jiddeċiedu li ma japplikawx din id-deroga.

imħassar

Emenda 29

Proposta għal Regolament

Artikolu 5 – paragrafu 1

1. L-isturdament jista' jitwettaq f'konformità mal-metodi stabbiliti fl-Anness I.

1. L-isturdament jista' jitwettaq f'konformità mal-metodi stabbiliti fl-Anness I. Sabiex tirrikonoxxi l-progress xjentifiku u tekniku, il-Kummissjoni tista' tapprova metodi ġodda ta' sturdament fuq il-bażi ta' evalwazjoni mill-Awtorità Ewropea dwar is-Sigurtà tal-Ikel u f'konformità mal-proċedura stipulata f'Artikolu 22(2).

Emenda 30

Proposta għal Regolament

Artikolu 5 – paragrafu 2 – subparagrafu 1

2. Il-persunal responsabbli għall-isturdament għandu jwettaq kontrolli regolari sabiex jassigura li l-annimali ma jippreżentawx xi sinjal li juri li jkunu f'sensihom jew ta' sensibilità fil-perjodu bejn l-aħħar tal-proċess ta' sturdament u l-konferma tal- mewt.

Emenda 31

Proposta għal Regolament

Artikolu 5 – paragrafu 2 a (ġdid)

2a. L-iżvinar għandu jibda malajr kemm jista' jkun wara l-isturdament.

Emenda 32

Proposta għal Regolament

Artikolu 5 – paragrafu 3 – subparagrafu 2

Iżda kwalunkwe emenda bħal din għandha tassigura livell ta' benesseri tal-annimali li jkun mill-inqas ekwivalenti għall-metodi eżistenti kif muri mill- provi xjentifiċi ppubblikati f'ġurnali adattati, rikonoxxuti fuq livell internazzjonali u li tkun saritilhom reviżjoni mill-kollegi .

Iżda kwalunkwe emenda bħal din għandha tassigura livell ta' benesseri tal-annimali li jkun mill-inqas ekwivalenti għall-metodi eżistenti kif muri mill- provi xjentifiċi adegwati .

Emenda 33

Proposta għal Regolament

Artikolu 5 – paragrafu 4

4. Il- Kodiċi tal-Komunità ta' prattika tajba dwar il-metodi stabbiliti fl-Anness I jista' jiġi adottat b'konformità mal-proċedura li hemm referenza għaliha fl-Artikolu 22(2).

4. Il- linji gwida tal-Komunità għat-tfassil tal-proċeduri u r-regoli tal-implimentazzjoni dwar il-metodi stabbiliti fl-Anness I jista' jiġi adottat b'konformità mal-proċedura li hemm referenza għaliha fl-Artikolu 22(2).

Emenda 34

Proposta għal Regolament

Artikolu 6 – paragrafu 2 – subparagrafu 1

2. L-operaturi għandhom ifasslu u jimplimentaw dawn il-proċeduri operattivi standard sabiex jiżguraw li l-qtil u l-operazzjonijiet relatati jitwettqu f'konformità mal-Artikolu 3(1).

2. L-operaturi għandhom ifasslu u jimplimentaw dawn il-proċeduri operattivi standard sabiex jiżguraw li t-tbiċċir u l-operazzjonijiet relatati jitwettqu f'konformità mal-Artikolu 3(1). F'dan is-sens, il-proċeduri stipulati fl-Artikolu 5 tar-Regolament (KE) Nru 852/2004 jistgħu jiġu applikati għall-biċċeriji.

Emenda 35

Proposta għal Regolament

Artikolu 6 – paragrafu 3

3. Il-proċeduri operattivi standard għandhom ikunu magħmulin disponibbli għall-awtorità kompetenti meta din titlobhom.

3. Il-proċeduri operattivi standard għandhom ikunu magħmulin disponibbli għall-awtorità kompetenti meta din titlobhom. Il-veterinarju uffiċjali għandu jiġi nnotifikat bil-miktub kull meta l-proċeduri operattivi standard jinbidlu.

Emenda 36

Proposta għal Regolament

Artikolu 6 – paragrafu 3 a (ġdid)

3a. L-awtorità kompetenti jistgħu jimmodifikaw il-proċeduri operattivi standard meta jkun ċar li dawn ma jkunux konformi mar-regoli u mal-esiġenzi ġenerali ffissati f'dan ir-Regolament.

Emenda 120

Proposta għal regolament

Artikolu 6 – paragrafu 3 b (ġdid)

3b. Il-paragrafi 1 sa 3 m'għandhomx japplikaw għal qtil tal-annimali fil-biċċeriji fejn mhux iktar minn 50 unità kull ġimgħa jiġu maqtula.

Emenda 37

Proposta għal Regolament

Artikolu 7 – paragrafu 2 – punt a

(a)	it-trattament u l-kura tal-annimali qabel jitrażżnu

(a)	it-trattament tal-annimali għall-iskopijiet ta' trażżin, sturdament jew tbiċċir ;

Emenda 38

Proposta għal Regolament

Artikolu 7 – paragrafu 2 – punt f

(f)	l-iżvinar tal-annimali ħajjin.

(f)	l-iżvinar ta' annimali ħajjin u/jew il-metodi ta' tbiċċir msemmija fl-Artikolu 4(2) .

Emenda 39

Proposta għal Regolament

Artikolu 7 – paragrafu 2 – punt f a (ġdid)

(fa)	il-qtil ta' annimali bil-fer

Emenda 40

Proposta għal Regolament

Artikolu 7 – paragrafu 3

3. Il-qtil ta' annimali bil-fer għandu jiġi superviżjonat minn persuna li għandha ċertifikat ta' kompetenza kif hemm referenza għal dan fl-Artikolu 18 li jikkorrispondi għall-operazzjonijiet kollha mwettqa taħt is-superviżjoni tagħha.

imħassar

Emenda 41

Proposta għal Regolament

Artikolu 8 – punt a

(a)	il- kategoriji jew il-piżijiet tal-annimali li għalihom huwa maħsub li jintuża t-tagħmir;

(a)	l-ispeċi jew il-piżijiet tal-annimali li għalihom huwa maħsub li jintuża t-tagħmir;

Emenda 42

Proposta għal Regolament

Artikolu 8 – punt c a (ġdid)

(ca)	metodi ta' manutenzjoni u ta' kalibrar għal dak l-apparat.

Emenda 43

Proposta għal Regolament

Artikolu 9 – paragrafu 2

2. waqt l-operazzjonijiet tal-qatla, għandu jkun disponibbli immedjatament fuq il-post tagħmir ta' riżerva għall-isturdament u dan għandu jintuża fil-każ li t-tagħmir tal-isturdament użat inizjalment ma jaħdimx.

2. Waqt l-operazzjonijiet tal-qatla, għandu jkun disponibbli immedjatament fuq il-post metodu ta' riżerva adattat għall-isturdament u dan għandu jintuża fil-każ li t-tagħmir tal-isturdament użat inizjalment ma jaħdimx. Fejn dan il-metodu ta' riżerva jikkonċerna installazzjonijiet tqal, tagħmir mobbli jkun addattat.

Emenda 44

Proposta għal Regolament

Artikolu 9 – paragrafu 2 a (ġdid)

2a. L-ebda annimal m'għandu jinżamm jekk il-biċċier responsabbli għall-isturdament jew għat-tbiċċir tal-annimal ma jkunx għadu lest biex jaġixxi.

Emenda 45

Proposta għal Regolament

Artikolu 10

Ir-rekwiżiti stabbiliti fil-Kapitoli II u III ta' dan ir-Regolament għandhom ikunu relevanti għall-għanijiet tal-Artikolu 12(2)(a) tar-Regolament (KE) Nru 854/2004.

Matul l-ispezzjoni tal-biċċeriji jew tal-istabbilimenti li ġew approvati, jew li se jiġu approvati f'pajjiżi terzi għall-esportazzjoni lejn il-Komunità f'konformità mal-leġiżlazzjoni tal-UE, l-esperti tal-Kummissjoni għandhom jiżguraw li l-annimali ħajjin imsemmija fl-Artikolu 5 inqatlu skont kundizzjonijiet li, fejn jidħol il-ġid tal-annimali, mill-inqas huma ekwivalenti għal dawk li jipprovdi għalihom dan ir-Regolament.

iċ-ċertifikat tas-saħħa li jkollu l-laħam impurtat minn pajjiż terz għandu jingħata bħala prova li tiċċertifika li r-rekwiżiti ta' hawn fuq intlaħqu.

Emenda 46

Proposta għal Regolament

Artikolu 10 a (ġdid)

Artikolu 10 a

Arranġamenti għall-importazzjonijiet minn pajjiżi terzi

Il-Kummissjoni għandha tiżgura li l-laħam u l-prodotti tal-laħam minn pajjiżi terzi maħsuba għall-konsum fis-suq intern, jikkonformaw mad-dispożizzjonijiet ta' dan ir-Regolament.

Emenda 121

Proposta għal regolament

Artikolu 11- paragrafu 2 - parti introduttorja

2. Għall-għanijiet ta' dan ir-Regolament, l-awtorità kompetenti li hemm referenza għaliha fl-Artikolu 4 tar-Regolament (KE) Nru 853/2004, għandha tapprova għal kull biċċerija:

2. Għall-għanijiet ta' dan ir-Regolament, l-awtorità kompetenti li hemm referenza għaliha fl-Artikolu 4 tar-Regolament (KE) Nru 853/2004, għandha tapprova għal kull biċċerija li fiha jistgħu jinqatlu aktar minn 50 unità ta' annimal kull ġimgħa jew iktar minn 150, 000 unità ta' tajra fis-sena :

Emenda 48

Proposta għal Regolament

Artikolu 11 – paragrafu 2 – punt a

(a)	il-kapaċità massima għal kull linja għat-tbiċċir;

imħassar

Emenda 49

Proposta għal Regolament

Artikolu 11 – paragrafu 2 – punt c

(c)	il-kapaċità massima għal kull post ta' żamma temporanja maħsub għall-ekwidi u għall-annimali ta' speċi bovina, tan-nagħaġ, tal-mogħoż, tal-ħnieżer u tat-tjur u lagomorfi.

(c)	il-kapaċità massima għal kull post ta' żamma temporanja maħsub għall-ekwidi u għall-annimali ta' speċi bovina, tan-nagħaġ, tal-mogħoż, tal-ħnieżer u tat-tjur, tal-għasafar li ma jtirux u lagomorfi.

Emenda 50

Proposta għal Regolament

Artikolu 12 – paragrafu 2

2. L-operaturi għandhom jiżguraw li l-annimali li jinqatlu mingħajr ma jiġu storduti jitrażżnu b'mod mekkaniku.

2. L-operaturi għandhom jiżguraw li, meta applikabbli u f'każi ta' qtil ritwali fejn l-annimali jinqatlu mingħajr ma jiġu storduti, dawn jitrażżnu b'mod mekkaniku.

Emenda 51

Proposta għal Regolament

Artikolu 12 – paragrafu 3 – punt e

(e)	l-użu ta' kurrenti tal-elettriku li ma jistordux jew li ma joqtlux lill-annimali taħt ċirkostanzi kkontrollati, b'mod partikolari kwalunkwe applikazzjoni ta' kurrent elettriku li ma taffettwax lill-moħħ.

imħassar

Emenda 52

Proposta għal Regolament

Artikolu 12 – paragrafu 3 – subparagrafu 2

Iżda l-punti (a) u (b) ma għandhomx japplikaw għat-trażżin tat-tjur.

Iżda l-punti (a) u (b) ma għandhomx japplikaw għat-trażżin tat-tjur u tal-lagomorfi .

Emenda 53

Proposta għal Regolament

Artikolu 13 – paragrafu 1

1. L-operaturi għandhom idaħħlu fis-seħħ u jimplimentaw proċeduri ta' monitoraġġ xierqa sabiex jivverifikaw u jikkonformaw li l-annimali għall-qatla jiġu storduti effettivament fil-perjodu ta' bejn l-aħħar tal-proċess ta' sturdament u l-konferma tal-mewt. L-annimali għandhom ikunu mejta qabel ma jsiru proċeduri oħra ta' tbiċċir jew jiġu applikati trattamenti li jikkawżaw uġigħ.

Emenda 54

Proposta għal Regolament

Artikolu 13 – paragrafu 4 a (ġdid)

4a. Operaturi ta' rziezet għat-trobbija ta' annimali għall-fer għandhom jgħarrfu minn qabel lill-awtorità kompetenti dwar meta se jinqatlu l-annimali, biex il-Veterinarju Uffiċjali jkun jista' jaċċerta li l-ħtiġijiet stabbiliti f'dan ir-Regolament, u l-proċeduri operativi standard, qed jiġu osservati.

Emenda 55

Proposta għal Regolament

Artikolu 13 – paragrafu 5

5. Il- kodiċi tal-komunità ta' prattika tajba dwar il-proċeduri ta' monitoraġġ fil-biċċeriji jistgħu jiġu adottati f'konformità mal-proċedura li hemm referenza għaliha fl-Artikolu 22(2).

5. Linji gwida tal-komunità għat-tħejjija ta' proċeduri u l-implimentazzjoni ta' regoli dwar il-proċeduri ta' monitoraġġ fil-biċċeriji jistgħu jiġu adottati f'konformità mal-proċedura li hemm referenza għaliha fl-Artikolu 22(2).

Emenda 56

Proposta għal Regolament

Artikolu 13 – paragrafu 5 a (ġdid)

5a. Il-Veterinarju Uffiċjali għandu jivverifika b'mod regolari l-proċeduri ta' monitoraġġ hawn fuq imsemmija u l-osservazzjoni tal-proċeduri standard ta' operazzjoni.

Emenda 57

Proposta għal Regolament

Artikolu 14 - paragrafu -1 (ġdid)

- 1. L-operaturi jinżammu responsabbli għall-iżgurar tal-osservazzjoni tar-regoli stabbiliti f'dan ir-Regolament.

Emenda 58

Proposta għal Regolament

Artikolu 14 – paragrafu 1

1. L-operaturi għandhom jaħtru uffiċjal għall-benesseri tal-annimali għal kull biċċerija li għandu jkun responsabbli sabiex jassigura l-konformità mar-regoli stabbiliti f'dan ir-Regolament f'dik il-biċċerija. Huwa jew hija għandha tirrapporta direttament lill-operatur fuq kwistjonijiet relatati mal-benesseri tal-annimali.

1. L-operaturi għandhom jaħtru uffiċjal għall-benesseri tal-annimali għal kull biċċerija li għandu jkun responsabbli sabiex jikkontrolla l-konformità mar-regoli stabbiliti f'dan ir-Regolament f'dik il-biċċerija. Huwa jew hija għandha tirrapporta direttament lill-operatur fuq kwistjonijiet relatati mal-benesseri tal-annimali.

Emenda 103

Proposta għal regolament

Artikolu 14 – paragrafu 5

5. Il-paragrafi 1 u 4 ma għandhomx japplikaw għall-biċċeriji li jbiċċru inqas minn 1 000 unità ta' mammiferi jew 150 000 unità ta' tajra kull sena.

5. Il-biċċeriji li joqtlu inqas minn 1 000 unità ta' mammiferi jew 150 000 unità ta' tajra kull sena għandhom ikunu mmexxija minn uffiċjal tal-benessri tal-annimali, filwaqt li l-proċedura biex jingħataw ċertifikat ta' kompetenza se tkun simplifikata skont l-ispeċifikazzjonijiet definiti mill-awtorità kompetenti.

Emenda 60

Proposta għal Regolament

Artikolu 15 – paragrafu 1

1. L-awtorità kompetenti u l-operaturi involuti fl-operazzjoni ta' depopulazzjoni għandhom jistabbilixxu pjan ta' azzjoni sabiex jiżguraw il-konformità mar-regoli stabbiliti f'dan ir-Regolament, qabel il-bidu tal-operazzjoni.

B'mod partikolari, il-metodi ta' qtil ippjanati u l-proċeduri operattivi standard li jikkorrispondu sabiex tiġi assigurata l-konformità mar-regoli stabbiliti f'dan ir-Regolament, għandhom jiġu inklużi fil-pjanijiet ta' kontinġenza meħtieġa taħt il-leġiżlazzjoni tal-Komunità dwar is-saħħa tal-annimali, fuq il-bażi ta' ipoteżi stabbilita fil-pjan ta' kontinġenza dwar id-daqs u l-post ta' tifqigħat suspettati.

imħassar

Emenda 61

Proposta għal Regolament

Artikolu 15 – paragrafu 3

3. Għall-għanijiet ta' dan l-Artikolu u f'ċirkostanzi eċċezzjonali , l-awtorità kompetenti tista' tagħti derogi minn waħda jew aktar mid-dispożizzjonijiet ta' dan ir-Regolament meta tikkunsidra li huwa probabbli li l-konformità tkun se taffettwa s-saħħa tal-bniedem jew tnaqqas b'mod sinifikanti l-proċess ta' qerda ta' marda.

3. Għall-għanijiet ta' dan l-Artikolu u f'każijiet ta' force majeure , l-awtorità kompetenti tista' tagħti derogi minn waħda jew aktar mid-dispożizzjonijiet ta' dan ir-Regolament meta tikkunsidra li huwa probabbli li l-konformità tkun se taffettwa s-saħħa tal-bniedem, tnaqqas b'mod sinifikanti l-proċess ta' qerda ta' marda, jew tkun ta' aktar theddid għall-benesseri tal-annimali .

Emenda 62

Proposta għal Regolament

Artikolu 15 – paragrafu 4

4. Fi żmien sena mid-data tat-tmiem tal-operazzjoni tad-depopulazzjoni, l-awtorità kompetenti msemmija fil-paragrafu 1 għandha tittrasmetti lill-Kummissjoni u tagħmel pubblikament disponibbli, b'mod partikolari permezz tal-internet, rapport ta' evalwazzjoni fuq ir-riżultati tagħhom.

Dak ir-rapport għandu jinkludi, b'mod partikolari :

(a)	ir-raġunijiet għad-depopulazzjoni;

(b)	in-numru u l-ispeċi tal-annimali maqtula;

(c)	il-metodi tal-isturdament u ta' qtil użati;

(d)	deskrizzjoni tad-diffikultajiet li nqalgħu u fejn ikun xieraq, is-soluzzjonijiet misjuba li jtaffu jew li jnaqqsu t-tbatija tal-annimali konċernati;

(e)	kwalunkwe deroga mogħtija f'konformità mal-paragrafu 3.

imħassar

Emenda 63

Proposta għal Regolament

Artikolu 16

Fil-każ ta' qtil minħabba emerġenza, il-persuna responsabbli għall-annimali konċernati għandha tieħu l-passi kollha neċessarji sabiex toqtol lill-annimal malajr kemm jista' jkun.

Fil-każ ta' tbiċċir minħabba emerġenza, il-persuna responsabbli għall-annimali konċernati għandha tieħu l-passi kollha neċessarji sabiex tbiċċer lill-annimal malajr kemm jista' jkun, bla ħsara għall-kundizzjonijiet stabbiliti f'Taqsima I, Kapitolu VI ta' Anness III għar- Regolament (KE) Nru 853/2004 li jikkonċerna l-qtil ta' emergenza barra mill-biċċerija.

Emenda 64

Proposta għal Regolament

Artikolu 17

Ċentri ta' Referenza

1. Kull Stat Membru għandu jaħtar ċentru ta' referenza nazzjonali (minn issa 'l quddiem “ċentru ta' referenza”) sabiex iwettaq id-dmirijiet li ġejjin:

(a)	jipprovdi kompetenza xjentifika u teknika relatata mal-approvazzjoni tal-biċċeriji;

(b)	iwettaq valutazzjonijiet tal-metodi ġodda ta' sturdament;

(c)	iħeġġeġ b'mod attiv l-iżvilupp ta' operaturi u ta' kwalunkwe parti interessata oħra ta' kodiċijiet ta' prattika tajba għall-implimentazzjoni ta' dan ir-Regolament, u l-pubblikazzjoni u t-tqassim ta' dawn il-kodiċijiet u l-monitoraġġ tal-applikazzjoni tagħhom;

(d)	jiżviluppa linjigwida għall-awtorità kompetenti għall-għanijiet ta' dan ir-Regolament;

(e)	jakkredita korpi u entitajiet għall-ħruġ ta' ċertifikati ta' kompetenza, kif hemm ipprovdut għalihom fl-Artikolu 18;

(f)	jikkorrispondi u jikkoopera mal-Kummissjoni u ma’ ċentri ta' referenza oħrajn, sabiex jaqsam informazzjoni teknika u xjentifika u l-aħjar prattiċi fil-każ tal-implimentazzjoni ta' dan ir-Regolament.

2. Fi żmien sena mid-data tad-dħul fis-seħħ ta' dan ir-Regolament, l-Istati Membri għandhom jissottomettu dettalji taċ-ċentru ta' referenza tagħhom lill-Kummissjoni u lill-Istati Membri l-oħrajn u għandhom jagħmlu din l-informazzjoni disponibbli pubblikament fuq l-internet.

3. Ċentri ta' referenza jistgħu jiġu stabbiliti bħala netwerk, magħmul minn entitajiet separati, sakemm id-dmirijiet elenkati fil-paragrafu 1 jiġu allokati għall-attivitajiet relevanti kollha li jseħħu fl-Istati Membri konċernati.

L-Istati Membri jistgħu jaħtru entità li tinsab barra mit-territorju tagħhom stess sabiex twettaq wieħed minn dawn id-dmirijiet jew aktar.

imħassar

Emenda 65

Proposta għal Regolament

Artikolu 18 – paragrafu 1 – punt b

(b)

it-tqassim ta' ċertifikati ta' kompetenza li juru li jkun għadda b'suċċess minn eżami finali indipendenti; is-suġġetti ta' dan l-eżami għandhom ikunu relevanti għall-kategoriji tal-annimali konċernati u għandhom jikkorrispondu għall-operazzjonijiet elenkati fl-Artikolu 7(2), u s-suġġetti stabbiliti fl-Anness IV;

(b)	żgurar li kull min hu responsabbli għall-iżvilupp jew għaż-żamma ta' proċeduri operattivi standard imsemmija f'Artikolu 6 għadda mit-taħriġ xieraq;

Emenda 66

Proposta għal Regolament

Artikolu 18 – paragrafu 1 – punt c

(c)	l-approvazzjoni ta' programmi ta' taħriġ tal-korsijiet imsemmija fil-punt (a) u l-kontenut u l-modalitajiet tal-eżami msemmi fil-punt (b);

imħassar

Emenda 67

Proposta għal Regolament

Artikolu 18 – paragrafu 2

2. L-awtorità kompetenti tista' tiddelega l-organizzazzjoni tal-korsijiet, l-eżami finali u l-ħruġ ta' ċertifikat ta' kompetenza lil korp separat jew lil entità li:

a)	għandha l-kompetenza, il-persunal u t-tagħmir neċessarju sabiex tagħmel dan;

b)	hija indipendenti u ħielsa minn kwalunkwe kunflitt ta' interess fil-każ tal-ħruġ ta' ċertifikati ta' kompetenza;

c)	hija akkreditata miċ-ċentru ta' referenza.

Id-dettalji ta' dawn il-korpi u l-entitajiet għandhom ikunu disponibbli pubblikament, b'mod partikolari permezz tal-internet.

2. Il-programmi ta' taħriġ għandhom jiġu żviluppati u, fejn meħtieġ, immexxija mill-kumpanija nnifisha jew minn organizzazzjoni awtorizzata mill-awtorità kompetenti.

Il-kumpanija jew organizzazzjoni għandha toħroġ ċertifikati ta' kompetenza fil-qasam.

L-awtorità kompetenti tista', fejn tħoss li huwa meħtieġ, tiżviluppa u tmexxi programmi ta' taħriġ u toħroġ ċertifikati ta' kompetenza.

Emenda 68

Proposta għal Regolament

Artikolu 18 – paragrafu 3 – subparagrafu 1

3. Iċ-ċertifikati ta' kompetenza għandhom jindikaw għal liema kategoriji ta' annimali u għal liema mill-operazzjonijiet elenkati fl-Artikolu 7(2) jew (3) huwa validu ċ-ċertifikat.

3. L-Istati Membri għandhom jaħtru awtorità kompetenti responsabbli sabiex tapprova l-kontenut tal-programmi ta' taħriġ imsemmija f'paragrafu 2.

Emendi69 u 70

Proposta għal Regolament

Artikolu 18 – paragrafu 3 – subparagrafu 2

Iċ-ċertifikati ta' kompetenza ma għandhomx ikunu validi għal perjodu li jaqbeż il-ħames snin .

Iċ-ċertifikati ta' kompetenza għandhom ikunu validi għal perjodu illimitat. Dawk li jinħarġulhom iċ-ċertifikati ta' kompetenza se jkunu mistennija li jattendu għal taħriġ regolari.

Emenda 71

Proposta għal Regolament

Artikolu 24 – paragrafu 2

2. Sal-31 ta' Diċembru 2014, l-Istati Membri jistgħu jipprovdu għal ċertifikati ta' kompetenza, kif hemm referenza għalihom fl-Artikolu 18, li għandhom jinħarġu mingħajr eżami lill-persuni li juru esperjenza professjonali mhux interrotta relevanti ta' mill-anqas [għaxar] snin .

2. Sal-31 ta' Diċembru 2014, l-Istati Membri jistgħu jipprovdu għal ċertifikati ta' kompetenza, kif hemm referenza għalihom fl-Artikolu 18, li għandhom jinħarġu mingħajr eżami lill-persuni li juru taħriġ addattat u esperjenza professjonali relevanti ta' mill-anqas 12- il xahar qabel tad-dħul fis-seħħ tar-Regolament preżenti .

Emenda 72

Proposta għal Regolament

Artikolu 24 – paragrafu 2 a (ġdid)

2a. Sal-1 ta' Jannar 2013 il-Kummissjoni għandha tippreżenta proposta leġiżlattiva lill-Parlament Ewropew u lill-Kunsill dwar iż-żieda fl-użu ta' biċċeriji mobbli fi ħdan l-Unjoni, li jiżgura li qed jittieħdu l-prekawzjonijiet kollha f'dawn l-unitajiet mobbli sabiex il-benesseri tal-annimali ma jiġix kompromess.

Emenda 73

Proposta għal Regolament

Anness I – Kapitolu I – Tabella I – vers Nru 2 – Kategoriji ta' annimali

Annimali li jixtarru sa 10 kg , tjur u lagomorfi.

Annimali li jixtarru, tjur u lagomorfi.

Emenda 74

Proposta għal Regolament

Anness I – Kapitolu I – Tabella I – vers Nru 2 – Parametri ewlenin - subparagrafu 2

Veloċità u dijametru adattat tal-balla skont id-daqs u l-ispeċi tal-annimal.

Veloċità u dijametru adattat tal-balla (pjanċa ta' kuntatt) skont id-daqs u l-ispeċi tal-annimal.

Emenda 75

Proposta għal Regolament

Anness I – Kapitolu I – Tabella 2 – vers Nru 2 – Isem

Qtil elettriku mir-ras għad-dahar

Tagħmir għall-isturdament jew tbiċċir elettriku mir-ras għall-qalb jew mir-ras għad-dahar

Emenda 76

Proposta għal Regolament

Anness I – Kapitolu I – Tabella 2 – vers 2 – Kategoriji ta' annimali

L-ispeċi kollha ħlief il-ħrief u l-qżieqeż żgħar ta' inqas minn 5 kg piż ħaj u baqar .

L-ispeċi kollha.

Emenda 77

Proposta għal Regolament

Anness I – Kapitolu I – Tabella 3 – vers 2 – Kategoriji ta' annimali

Ħnieżer u tjur.

Ħnieżer, tjur u annimali bil-fer .

Emenda 78

Proposta għal Regolament

Anness I – Kapitlu II – Punt 7 – paragrafu 1 a (ġdid)

Id-dijossidu tal-karbonju b'konċentrazzjoni ta' aktar minn 30 % m'għandux jintuża għall-isturdament jew it-tbiċċir tat-tajr f'biċċerija. Konċentrazzjoni bħal din tista' tintuza biss għall-qtil ta' tiġieġ żejda jew biex jiġi kkontrollat il-mard.

Emenda 79

Proposta għal Regolament

Anness II – punt 2.3

2.3.

Ikun hemm maqjel għall-istennija, b'art dritta u ġnub solidi, bejn l-imqajjel fejn jinżammu l-annimali u l-korsija li twassal għall-punt tal-isturdament, sabiex tiġi żgurata provvista regolari ta' annimali għall-isturdament u l-qtil u sabiex jiġi evitat li dawk li jittrattaw l-annimali jkollhom iħaffu lill-annimali mill-imqajjel fejn jinżammu. Il-maqjel għall-istennija għandu jitfassal b'tali mod li l-annimali ma jkunux marsusin jew mgħaffġin.

2.3.

Ikun hemm maqjel għall-istennija bejn l-imqajjel fejn jinżammu l-annimali u l-korsija li twassal għall-punt tal-isturdament, sabiex tiġi żgurata provvista regolari ta' annimali għall-isturdament u t-tbiċċir u sabiex jiġi evitat li dawk li jittrattaw l-annimali jkollhom iħaffu lill-annimali mill-imqajjel fejn jinżammu. Il-maqjel għall-istennija għandu jitfassal b'tali mod li l-annimali ma jkunux marsusin jew mgħaffġin.

Emenda 80

Proposta għal Regolament

Anness II – punt 3.2

3.2.	Il-kaxex tat-trażżin użati flimkien mal-captive bolt għandhom ikunu mgħammra b'appart li jillimita kemm il-moviment laterali kif ukoll dak vertikali tar-ras tal-annimal.

imħassar

Emenda 81

Proposta għal Regolament

Anness II – punt 3.3

3.3.	Ma għandhomx jintużaw sistemi li jrażżnu lill-annimali bovini permezz tal-inversjoni jew kwalunkwe pożizzjoni mhux naturali.

imħassar

Emenda 82

Proposta għal Regolament

Anness II – Punt 4.1 a (ġdid)

4.1a

It-tagħmir elettriku ta' sturdament għandu:

(a)	jinkorpora apparat li jinstema’ jew jidher li jindika t-tul ta' ħin tal-applikazzjoni tiegħu lill-annimal;

(b)	ikun imqabbad ma’ apparat li jindika l-vultaġġ u l-kurrent taħt il-piż, imqiegħed sabiex ikun jidher b'mod ċar mill-operatur.

Emenda 83

Proposta għal Regolament

Anness II – punt 4.2

4.2.	It-tagħmir elettriku għandu joħroġ kurrent kostanti.

imħassar

Emenda 84

Proposta għal Regolament

Anness II – punt 7.2

7.2.	Il-faċilitajiet għat-tjur għandhom jitfasslu u jinbnew sabiex l-annimali jintbagħtu biss fit-taħlitiet tal-gass f'kaxex għat-trasport mingħajr ma jinħattu.

7.2.	Tajr ħaj għandu jitwassal fit-taħlitiet tal-gass f'kaxex għat-trasport tiegħu jew fuq konvejer.

Emenda 85

Proposta għal Regolament

Anness III – punt 1.2

1.2.

L-annimali għandhom jinħattu malajr kemm jista' jkun wara li jaslu u wara jitbiċċru mingħajr dewmien bla bżonn.

Fil-każ tat-tjur jew tal-lagomorfi, il-ħin totali tal-ġarr miżjud mal-ħin li jgħaddi bejn il-ħatt u l-qatla ma għandux jaqbeż it-12-il siegħa.

Fil-każ tal-mammiferi, ħlief il-lagomorfi, il-ħin totali tal-ġarr miżjud mal-ħin bejn il-ħatt u t-tbiċċir ma għandux jaqbeż:

(a)	id-19-il siegħa għall-annimali li mhumiex miftumin;

(b)	l-24 siegħa għall-ekwidi u għall-ħnieżer;

(c)	29 siegħa għall-annimali li jixtarru.

Wara l-iskadenza ta' dawn il-limiti ta' żmien, l-annimali għandhom jinżammu f'postijiet temporanji għaż-żamma, għandhom jiġu mitmugħin u wara mogħtija ammonti moderati ta' ikel f'intervalli adattati. F'dawn il-każijiet, l-annimali għandhom jiġu pprovduti b'ammont addattat ta' materjal biex l-annimal jistrieħ fuqu jew b'materjal ekwivalenti li jiggarantixxi livell ta' kumdità xieraq skont l-ispeċi u n-numru ta' annimali konċernati. Dan il-materjal għandu jassigura l-assorbiment adegwat tal-awrina u tal-ħmieġ tal-imsaren.

imħassar

Emenda 86

Proposta għal Regolament

Anness III – punt 1.5

Għall-għanijiet tat-tbiċċir, l-annimali mhux miftumin, l-annimali li jkunu qegħdin ireddgħu, annimali nisa li jkunu welldu waqt il-vjaġġ, jew annimali li jkunu ġew ikkunsinjati fir-reċipjenti għandhom jingħataw prijorità fuq tipi ta' annimali oħrajn. Jekk dan ma jkunx possibbli, għandhom isiru arranġamenti sabiex titneħħielhom is-sofferenza, b'mod partikolari billi:

(a)	l-annimali jinħelbu f'intervalli ta' mhux aktar minn 12-il siegħa;

(b)	jiġu pprovduti kundizzjonijiet adattati għat-treddigħ u għall-benesseri tal-annimali li jkunu għadhom kemm jitwieldu fil-każ ta' annimali nisa li jkunu għadhom kif welldu;

(c)	annimali kkunsinjati fir-reċipjenti jkollhom ilma pprovdut.

imħassar

Emenda 87

Proposta għal Regolament

Anness III – punt 1.7 – sottopunt c

(c)	l-annimali jintrefgħu jew jinġibdu mir-ras, widnejn, qrun, saqajn, denb jew mis-suf b'mod li l-annimali jsofru minn uġigħ jew sofferenza li tista' tiġi evitata;

(c)	l-annimali jintrefgħu jew jinġibdu mir-ras, widnejn, qrun, saqajn (bl-eċċezzjoni għas-saqajn tat-tjur u l-lagomorfi) , denb jew mis-suf b'mod li l-annimali jsofru minn uġigħ jew sofferenza li tista' tiġi evitata;

Emenda 88

Proposta għal Regolament

Anness III – punt 1.8 a (ġdid)

1.8a	Tagħmir elettriku ta' sturdament m'għandux jintuża bħala mezz ta' żamma jew immobilizzazzjoni jew biex l-annimali jiġu mġiegħla jiċċaqalqu.

Emenda 89

Proposta għal Regolament

Anness III – punt 1.8 b (ġdid)

1.8b	Annimali li ma jkunux jistgħu jimxu m'għandhomx jiġu mkaxkra sal-post tat-tbiċċir, imma għandhom jinqatlu fejn ikunu.

Emenda 90

Proposta għal Regolament

Anness III – punt 2.1

2.1.	Kull annimal għandu jkollu biżżejjed spazju biex joqgħod bilwieqfa, jimtedd u jdur.

2.1.	Għajr għall-annimali bovini li jinżammu f'maqjel individwali għal perjodu li ma jaqbiżx limitu raġonevoli, kull annimal għandu jkollu biżżejjed spazju biex joqgħod bilwieqfa, jimtedd u jdur.

Emenda 91

Proposta għal Regolament

Anness III – punt 2 a (ġdida)

2a.

L-isturdament bil-“captive bolt”

2a.1.

Il-“captive bolt” trid titqiegħed b'mod li jiġi żgurat li l-balla tidħol fil-kortiċi tal-moħħ. B'mod partikulari, il-qtil ta' baqar b'tir fin-naħa ta' fuq tar-ras għandu jiġi pprojbit. In-nagħaġ u l-mogħoż jistgħu jinqatlu b'tir fin-naħa ta' fuq tar-ras jekk il-preżenza tal-qrun ma tippermettix li tintuża n-naħa tal-qurriegħa. F'każijiet bħal dawn l-isparatura trid tkun imqiegħda eżatt wara l-bażi tal-qrun u mmirata lejn il-ħalq, u l-iżvinar irid jibda fi żmien 15-il sekonda mill-isparatura.

2a.2.

Meta jiġi użat strument ta' bolt li jaqbad, l-operatur irid jiżgura li l-bolt jidħol kollu kemm hu wara kull sparatura. Jekk ma jidħolx lura kollu, l-istrument m'għandux jerġa’ jintuża qabel ma jissewwa.

Emenda 92

Proposta għal Regolament

Anness III – punt 2 b (ġdid)

2b.

Iż-żamma tal-annimali

Annimal m'għandux jitqiegħed fil-kaxxa tal-isturdament u lanqas rasu m'għandha titqiegħed f'apparat li jxekkillu l-moviment sakemm il-persuna inkarigata biex tistordi l-annimal ma tkunx lesta li taġixxi malli l-annimal jitqiegħed fil-kaxxa tal-isturdament jew malli rasu tintrabat.

Emenda 93

Proposta għal Regolament

Anness III – punt 3.1

3.1.	Meta persuna waħda tkun responsabbli għall-isturdament, it-trażżin, l-irfigħ u l-iżvinar tal-annimali, dik il-persuna trid twettaq dawk l-operazzjonijiet kollha konsekuttivament fuq annimal wieħed qabel ma twettaqhom fuq annimal ieħor.

3.1.	Meta persuna waħda tkun responsabbli għall-isturdament, it-trażżin, l-irfigħ u l-iżvinar tal-annimali, dik il-persuna trid twettaq dawk l-operazzjonijiet kollha konsekuttivament fuq annimal wieħed qabel ma twettaqhom fuq annimal ieħor. Dan ir-rekwiżit ma japplikax meta jsir l-isturdament fi grupp.

Emenda 94

Proposta għal Regolament

Anness III – punt 3.1 a (ġdid)

3.1a	L-iżvinar għandu jibda bla dewmien wara l-isturdament u jsir b'mod li jkun rapidu, abbundanti u komplet.

Emenda 95

Proposta għal Regolament

Anness III – punt 3.2 a (ġdid)

3.2a

Wara l-qtugħ tal-vini tad-demm, ma jistgħux isiru proċeduri ta' tbiċċir oħra u lanqas ma tista' ssir xi stimulazzjoni elettrika fuq l-annimali qabel ma l-iżvinar jintemm, u f'kull każ, mhux qabel l-iskadenza ta' :

(a)	fil-każ ta' dundjan jew wiżża, perjodu ta' mhux inqas minn 120 sekonda;

(b)	fil-każ ta' tajr ieħor, perjodu ta' mhux inqas minn 90 sekonda;

(c)	fil-każ ta' annimali bovini li jkunu ġew sturduti, perjodu ta' mhux inqas minn 30 sekonda;

(d)	fil-każ ta' annimali bovini li ma jkunux ġew sturduti, perjodu ta' mhux inqas minn 120 sekonda;

(e)	fil-każ ta' nagħaġ, mogħoż, ħnieżer u ċriev, perjodu ta' mhux inqas minn 20 sekonda.

Emenda 112

Proposta għal regolament

Anness III – Punt 3.2 b (ġdid)

3.2b.

Meta annimali tqal jinqatlu:

(a)	Jekk l-uteru jkun għadu mhux mittiefes, il-fetu għandu jitħalla f'postu sakemm imut.

(b)	Fid-dubju, jew jekk fetu ħaj jinsab fil-ġuf tal-annimal wara li l-annimal jiġi maqtul, għandu jitneħħa immedjatament, sturdut b'captive bolt penetranti u maqtul permezz ta' żvinar.

Il-biċċeriji għandhom ikunu mgħammra b'tagħmir xieraq biex iwettqu l-proċedura immedjatament jekk meħtieġ.

Emenda 96

Proposta għal Regolament

Anness III – punt 3.3

3.3.	L-għasafar ma għandhomx jitbiċċru permezz ta' magni awtomatiċi li jaqtgħu l-għonq sakemm ma jiġix żgurat li l-magni li jaqtgħu l-għonq ikunu qatgħu b'mod effettiv il-vażi tad-demm. Meta l-magni li jaqtgħu l-għonq ma jkunux effettivi, l-għasfur għandu jinqatel minnufih.

3.3.	L-għasafar ma għandhomx jitbiċċru permezz ta' magni awtomatiċi li jaqtgħu l-għonq sakemm ma jiġix żgurat li l-magni li jaqtgħu l-għonq ikunu qatgħu b'mod effettiv il-vażi tad-demm. Meta l-magni li jaqtgħu l-għonq ma jkunux effettivi, l-għasfur għandu jitbiċċer minnufih.

Emenda 97

Proposta għal Regolament

Anness IV – punt (f a) (ġdid)

(fa)	il-qtil ta' annimali bil-fer. Aspetti prattiċi ta' mmaniġġjar u jew ta' trażżin. Aspetti prattiċi tat-tekniki tal-isturdament. Metodi ta' riżerva ta' sturdament u/jew metodi ta' tbiċċir. Il-manutenzjoni tat-tagħmir tal-isturdament u/jew tat-tbiċċir. Monitoraġġ tal-effikaċja tal-isturdament.

(1) ĠU L 358, 18.12.1986, p. 1.

Top