Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32023R2857

Regolament (UE) 2023/2857 tal-Parlament Ewropew u tal-Kunsill tat-13 ta’ Diċembru 2023 li jemenda r-Regolament (UE) 2019/833 li jistabbilixxi miżuri ta’ konservazzjoni u ta’ infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral

PE/58/2023/REV/1

ĠU L, 2023/2857, 20.12.2023, ELI: http://data.europa.eu/eli/reg/2023/2857/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2023/2857/oj

European flag

Il-Ġurnal Uffiċjali
ta'l-Unjoni Ewropea

MT

Serje L

2023/2857

20.12.2023

REGOLAMENT (UE) 2023/2857 TAL-PARLAMENT EWROPEW U TAL-KUNSILL

tat-13 ta’ Diċembru 2023

li jemenda r-Regolament (UE) 2019/833 li jistabbilixxi miżuri ta’ konservazzjoni u ta’ infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikulari l-Artikolu 43(2) tiegħu,

Wara li kkunsidraw il-proposta mill-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew (1),

Filwaqt li jaġixxu skont il-proċedura leġiżlattiva ordinarja (2),

Billi:

(1)

Ir-Regolament (UE) 2019/833 tal-Parlament Ewropew u tal-Kunsill (3) implimenta fid-dritt tal-Unjoni l-iktar regoli aġġornati għall-miżuri ta’ konservazzjoni u ta’ infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral (NAFO). Sussegwentement, dak ir-Regolament ġie emendat permezz tar-Regolamenti (UE) 2021/1231 (4) u (UE) 2022/2037 (5) tal-Parlament Ewropew u tal-Kunsill, sabiex jiġu implimentati l-miżuri adottati min-NAFO fid-dritt tal-Unjoni waqt il-laqgħat annwali tagħha fl-2019, l-2020 u l-2021.

(2)

Fl-44 Laqgħa Annwali tagħha f’Settembru 2022, in-NAFO adottat għadd ta’ miżuri legalment vinkolanti għall-konservazzjoni ta’ riżorsi tas-sajd taħt ir-responsabbiltà tagħha fir-rigward ta’ dmirijiet ġodda tal-Istati tal-bandiera relatati mas-sottomissjoni ta’ pjanijiet ta’ riċerka, rekwiżiti għall-bastimenti biex iwettqu attivitajiet ta’ riċerka, ir-regolamentazzjoni ta’ tkarkir bi prova mal-ewwel dħul f’Diviżjoni fuq vjaġġ tas-sajd, l-aġġustamenti għall-għeluq tad-Diviżjoni 3M tan-NAFO għar-redfish, il-projbizzjoni tal-ħatt l-art, tat-trażbord u taż-żamma abbord tal-kelb il-baħar ta’ Greenland (Somniosus microcephalus) u l-kontroelenkar ta’ bastimenti li jwettqu sajd illegali, mhux rappurtat u mhux regolat (IUU) minn organizzazzjonijiet reġjonali oħra għall-ġestjoni tas-sajd.

(3)

Dawk il-miżuri huma indirizzati lil Partijiet Kontraenti tan-NAFO u jinkludu wkoll obbligi għall-operaturi. Wara li l-miżuri ta’ konservazzjoni u ta’ infurzar tan-NAFO (CEM) daħlu fis-seħħ fl-1 ta’ Diċembru 2022, dawn saru vinkolanti fuq il-Partijiet Kontraenti kollha tan-NAFO. Fir-rigward tal-Unjoni, dawn iridu jiġu implimentati fid-dritt tal-Unjoni sakemm ma mhumiex diġà previsti fih.

(4)

Għalhekk, jenħtieġ li r-Regolament (UE) 2019/833 jiġi emendat sabiex jimplimenta dawk is-CEM il-ġodda fid-dritt tal-Unjoni..

(5)

Ċerti dispożizzjonijiet tas-CEM x’aktarx jiġu emendati waqt il-laqgħat annwali tan-NAFO li ġejjin wara li ġew introdotti miżuri ġodda b’rabta ma’ pjanijiet ta’ riċerka fuq is-sajd. Sabiex tali emendi futuri tas-CEM jiġu implimentati malajr fid-dritt tal-Unjoni, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tad-dmirijiet tal-Istat Membru b’rabta mas-sottomissjoni ta’ pjanijiet ta’ riċerka u fir-rigward tar-rekwiżiti marbutin mal-bastimenti biex iwettqu l-attivitajiet ta’ riċerka. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol ta’ tħejjija tagħha, anke fil-livell tal-esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (6). B’mod partikulari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom għandhom aċċess sistematiku għal-laqgħat tal-gruppi tal-esperti tal-Kummissjoni li jkunu qed jittrattaw it-tħejjija tal-atti delegati.

(6)

Għalhekk jenħtieġ li r-Regolament (UE) 2019/833 jiġi emendat,

ADOTTAW DAN IR-REGOLAMENT:

Artikolu 1

Emendi għar-Regolament (UE) 2019/833

Ir-Regolament (UE) 2019/833 huwa emendat kif ġej:

(1)

fl-Artikolu 4, il-paragrafi 2 sa 6 huma sostitwiti b’dan li ġej:

“2.   L-Istat Membru tal-bandiera għandu:

(a)

javża lill-Kummissjoni, b’mod elettroniku u fil-format preskritt fl-Anness II.C tas-CEM imsemmi fil-punt 5 tal-Anness ta’ dan ir-Regolament, u qabel ma tibda r-riċerka, bil-bastimenti kollha tar-riċerka intitolati li jtajru l-bandiera tiegħu li huma awtorizzati minnu biex iwettqu attivitajiet tar-riċerka fiż-Żona Regolatorja;

(b)

jipprovdi pjan ta’ riċerka lill-Kummissjoni għall-bastimenti kollha intitolati li jtajru l-bandiera tiegħu li huma awtorizzati minnu biex iwettqu attivitajiet ta’ riċerka fiż-Żona Regolatorja, mhux aktar tard minn 40 jum qabel il-ftuħ tal-laqgħa tal-Kunsill Xjentifiku tan-NAFO ta’ Ġunju, fil-każijiet ta’ stħarriġiet u ta’ attivitajiet ta’ riċerka ġodda mhux rikorrenti u fejn il-qabdiet miżmuma abbord matul l-attivitajiet ta’ riċerka jkunu maħsuba għall-kummerċjalizzazzjoni u f’każijiet oħra, mhux aktar tard minn għaxart ijiem qabel ma tibda r-riċerka;

(c)

jiżgura li l-pjan ta’ riċerka ta’ stħarriġiet imwettqa fiż-Żona Regolatorja li jimmiraw għal stokkijiet soġġetti għal opportunitajiet tas-sajd ikun fih mill-inqas l-informazzjoni li ġejja:

(i)

identifikazzjoni tal-bastiment;

(ii)

skop;

(iii)

sommarju ta’ metodi jew proċeduri xjentifiċi;

(iv)

post u dati tal-attività ta’ riċerka;

(v)

isem l-investigatur prinċipali;

(vi)

jekk il-qabdiet miżmuma abbord humiex ser jiġu kkummerċjalizzati;

(vii)

qabda totali stmata tar-riċerka tal-ispeċijiet fil-mira tal-istħarriġ u jekk osservatur b’għarfien espert xjentifiku suffiċjenti hux ser ikun abbord;

(viii)

informazzjoni dwar meta r-riżultati tar-riċerka ser jiġu ppreżentati lill-Kunsill Xjentifiku tan-NAFO;

(ix)

fejn rilevanti, kwalunkwe talba għal deroga minn dan il-punt; u

(x)

fejn rilevanti, indikazzjoni li l-attività tikkostitwixxi stħarriġ jew riċerka ġdida mhux rikorrenti; u

(d)

jinnotifika minnufih lill-Kummissjoni dwar il-bidu u t-tmiem tal-attivitajiet ta’ riċerka minn bastimenti involuti temporanjament fir-riċerka, inkluż matul vjaġġi tas-sajd li fihom iseħħu kemm attivitajiet kummerċjali kif ukoll ta’ riċerka.

3.   Il-bastimenti involuti fir-riċerka għandhom:

(a)

iżommu abbord kopja tal-pjan ta’ riċerka u kwalunkwe tibdil fih, bil-lingwa Ingliża, f’kull ħin, u

(b)

għal stħarriġiet imwettqa fiż-Żona Regolatorja li jimmiraw stokkijiet soġġetti għal opportunitajiet tas-sajd, jistivaw il-qabdiet li jsiru f’attivitajiet ta’ riċerka separatament bi xbieki, plywood, kaxex jew mezzi oħra mill-qabdiet l-oħra kollha li jsiru fi vjaġġi tas-sajd li fihom jitwettqu kemm attivitajiet kummerċjali kif ukoll ta’ riċerka; il-post tal-qabdiet li jsiru f’attivitajiet ta’ riċerka għandu jiġi ndikat fil-pjan tal-istivar.

4.   Sakemm ma jkunx appoġġat mod ieħor minn opinjoni tal-Kunsill Xjentifiku tan-NAFO, il-bastimenti tar-riċerka li jwettqu stħarriġiet fiż-Żona Regolatorja li jkollhom fil-mira stokkijiet soġġetti għal opportunitajiet tas-sajd u li jżommu abbord qabdiet miksuba matul tali attivitajiet ta’ riċerka bl-iskop li jikkummerċjalizzaw dawk il-qabdiet għandhom:

(a)

jikkonformaw mar-rekwiżiti ta’ reġistrazzjoni u rappurtar stabbiliti fil-Kapitolu V;

(b)

ikollhom osservatur abbord b’għarfien espert suffiċjenti; u

(c)

jgħoddu dawk il-qabdiet mal-kwota rilevanti u l-limitazzjonijiet tal-isforz tas-sajd tal-Istat Membru stabbiliti fl-opportunitajiet tas-sajd.

5.   Sakemm ma jkunx previst mod ieħor f’dan ir-Regolament, is--CEM marbutin mal-qbid tal-ħut fiż-Żona Regolatorja, b’mod partikulari fir-rigward tad-daqs tal-malji, il-limiti tad-daqs u ż-żoni magħluqin u l-istaġuni, ma għandhomx jillimitaw lill-bastimenti tar-riċerka.

6.   Il-Kummissjoni għandha tibgħat l-informazzjoni nnotifikata mill-Istati Membri tal-bandiera f’konformità mal-paragrafu 2 lis-Segretarju Eżekuttiv tan-NAFO mingħajr dewmien.”

;

(2)

fl-Artikolu 6(1), il-punt (e) huwa sostitwit b’dan li ġej:

“(e)

jagħlaq is-sajd għar-redfish fid-Diviżjoni 3M f’24:00 UTC tal-jum li fih ikun stmat li l-qabda totali rrappurtata tkun laħqet il-100 % tat-TAC għar-redfish fid-Diviżjoni 3M, kif innotifikat f’konformità mal-paragrafu 3;”;

(3)

fl-Artikolu 8, jiżdied il-paragrafu li ġej:

“5.   Mal-ewwel dħul tiegħu f’Diviżjoni waqt vjaġġ tas-sajd, bastiment jista’ jagħmel tkarkir wieħed bi prova għal perjodu massimu ta’ tliet sigħat. Jekk l-istokkijiet soġġetti għal limiti tal-qabdiet aċċessorji jkunu jirrappreżentaw l-ogħla perċentwal, skont il-piż, tal-qabda totali li jkun hemm minn dik ir-refgħa, dan is-sajd ma għandux jitqies bħala sajd dirett għal dawk l-istokkijiet, u l-bastiment għandu jibdel il-pożizzjoni tiegħu minnufih skont il-paragrafu 1, il-punt (b). Il-bastimenti għandhom jidentifikaw kull tkarkir bi prova li jagħmlu skont dan il-paragrafu u jirreġistraw, fil-ġurnal ta’ abbord dwar is-sajd, il-koordinati tal-pożizzjoni tal-bidu u tat-tmiem ta’ kull tkarkir bi prova li jkunu għamlu.”

;

(4)

fl-Artikolu 12, il-paragrafu 9 huwa sostitwit b’dan li ġej:

“9.   Għandu jkun ipprojbit is-sajd dirett, iż-żamma, it-trażbord, jew il-ħatt l-art tal-kelb il-baħar ta’ Greenland (Somniosus microcephalus) sħiħ jew parti minnu fiż-Żona Regolatorja."

;

(5)

fl-Artikolu 44, il-punt (c) huwa sostitwit b’dan li ġej:

“(c)

jekk ikun imniżżel fil-lista tal-IUU tal-Kummissjoni għall-Konservazzjoni tar-Riżorsi Ħajjin tal-Baħar Antartiku (*1), il-Kummissjoni għall-Konservazzjoni tat-Tonna tan-Nofsinhar (*2), il-Kummissjoni Inter-Amerikana għat-Tonn Tropikali (*3), il-Kummissjoni Internazzjonali għall-Konservazzjoni tat-Tonn tal-Atlantiku (*4),il-Kummissjoni dwar it-Tonn tal-Oċean Indjan (*5), il-Kummissjoni Ġenerali tas-Sajd għall-Mediterran (*6), il-Kummissjoni tas-Sajd tal-Atlantiku tal-Grigal (*7), il-Kummissjoni tas-Sajd tal-Paċifiku tat-Tramuntana (*8), l-Organizzazzjoni tas-Sajd tal-Atlantiku tax-Xlokk (*9), il-Ftehim dwar is-Sajd fin-Nofsinhar tal-Oċean Indjan (*10), l-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (*11), jew il-Kummissjoni għas-Sajd fil-Punent tal-Paċifiku u l-Paċifiku Ċentrali (*12).

(*1)  Il-Konvenzjoni dwar il-konservazzjoni tar-riżorsi ħajjin tal-baħar antartiku mfassla f’Canberra fl-20 ta’ Mejju 1980 u li daħlet fis-seħħ fis-7 ta’ April 1982 (ĠU L 252, 5.9.1981, p. 27)."

(*2)  Il-Konvenzjoni għall-Konservazzjoni tat-Tonna tan-Nofsinhar li saret f’Canberra fl-10 ta’ Mejju 1993 u li daħlet fis-seħħ fl-20 ta’ Mejju 1994 (ĠU L 336, 23.12.2015, p. 27)."

(*3)  Il-Konvenzjoni għat-Tisħiħ tal-Kummissjoni Inter-Amerikana għat-Tonn Tropikali stabbilita mill-Konvenzjoni tal-1949 bejn l-Istati Uniti tal-Amerka u r-Repubblika tal-Costa Rica (Konvenzjoni ta’ Antigua) li saret f’Washington fl-14 ta’ Novembru 2003 u li daħlet fis-seħħ fis-27 ta’ Awwissu 2010 (ĠU L 224, 16.8.2006, p. 24)."

(*4)  Il-Konvenzjoni Internazzjonali għall-Konservazzjoni tat-Tonn tal-Atlantiku li saret f’Rio de Janeiro fl-14 ta’ Mejju 1966 u li daħlet fis-seħħ fil-21 ta’ Marzu 1969 (ĠU L 162, 18.6.1986, p. 34)."

(*5)  Il-Ftehim li jistabbilixxi l-Kummissjoni dwar it-Tonn tal-Oċean tal-Indja iffirmat f’Ruma fil-25 ta’ Novembru 1993 u li daħal fis-seħħ fis-27 ta’ Marzu 1996 (ĠU L 236, 5.10.1995, p. 25)."

(*6)  Il-Ftehim li jistabbilixxi l-Kummissjoni Ġenerali tas-Sajd għall-Mediterran oriġinarjament ifformulat f’Ruma fl-24 ta’ Settembru 1949 u li daħal fis-seħħ fl-20 ta’ Frar 1952 (ĠU L 190, 4.7.1998, p. 37)."

(*7)  Il-Konvenzjoni dwar il-Kooperazzjoni Multilaterali fil-Ġejjieni dwar is-sajd fl-Atlantiku tal-Grigal, li ġiet iffirmata f’Londra fit-18 ta’ Novembru 1980 u li daħlet fis-seħħ fis-17 ta’ Marzu 1982, li l-Komunità Ewropea ssieħbet fiha fit-13 ta’ Lulju 1981 (ĠU L 227, 12.8.1981, p. 21)."

(*8)  Il-Konvenzjoni dwar il-Konservazzjoni u l-Ġestjoni ta’ Riżorsi tas-Sajd f’Ibħra Miftuħa fit-Tramuntana tal-Oċean Paċifiku li saret f’Tokyo fl-24 ta’ Frar 2012 u li daħlet fis-seħħ fid-19 ta’ Lulju 2015 (ĠU L 55, 28.2.2022, p. 14)."

(*9)  Il-Konvenzjoni fuq il-Konservazzjoni u Tmexxija tar-Riżorsi tas-Sajd fix-Xlokk tal-Oċean Atlantiku li saret f’Windhoek, in-Namibja, fl-20 ta’ April 2001 u li daħlet fis-seħħ fit-13 ta’ April 2003 (ĠU L 234, 31.8.2002, p. 40)."

(*10)  Il-Ftehim dwar is-Sajd fin-Nofsinhar tal-Oċean Indjan iffirmat f’Ruma fis-7 ta’ Lulju 2006 u li daħal fis-seħħ fil-21 ta’ Ġunju 2012 (ĠU L 196, 18.7.2006, p. 15)."

(*11)  Il-Konvenzjoni dwar il-Konservazzjoni u l-Ġestjoni ta’ Riżorsi tas-Sajd f’Ibħra Miftuħa fin-Nofsinhar tal-Oċean Paċifiku li saret f’Auckland fl-14 ta’ Novembru 2009 u li daħlet fis-seħħ fl-24 ta’ Awwissu 2012 (ĠU L 67, 6.3.2012, p. 3)."

(*12)  Il-Konvenzjoni dwar il-Konservazzjoni u l-Immaniġġjar ta’ Stokkijiet ta’ Ħut Migratorju fl-Oċean Paċifiku Ċentrali u tal-Punent li saret f’Honolulu fil-5 ta’ Settembru 2000 u li daħlet fis-seħħ fid-19 ta’ Ġunju 2004 (ĠU L 32, 4.2.2005, p. 3).”;"

(6)

fl-Artikolu 50 (2), jiżdiedu l-punti li ġejjin::

“(m)

id-dmirijiet tal-Istat Membru tal-bandiera fir-rigward tal-pjanijiet ta’ riċerka msemmija fl-Artikolu 4(2).

(n)

ir-rekwiżiti għall-bastimenti impenjati fir-riċerka msemmija fl-Artikolu 4(3), (4), u (5).".

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu, it-13 ta’ Diċembru 2023.

Għall-Parlament Ewropew

Il-President

R. METSOLA

Għall-Kunsill

Il-President

P. NAVARRO RÍOS

(1)   ĠU C 293, 18.8.2023, p. 144.

(2)  Il-pożizzjoni tal-Parlament Ewropew tad-9 ta’ Novembru 2023 (għadha mhijiex ippubblikata fil-Ġurnal Uffiċjali) u d-Deċiżjoni tal-Kunsill tas-27 ta’ Novembru 2023.

(3)  Ir-Regolament (UE) 2019/833 tal-Parlament Ewropew u tal-Kunsill tal-20 ta’ Mejju 2019 li jistabbilixxi miżuri ta’ konservazzjoni u ta’ infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral, li jemenda r-Regolament (UE) 2016/1627 u li jħassar ir-Regolamenti tal-Kunsill (KE) Nru 2115/2005 u (KE) Nru 1386/2007 (ĠU L 141, 28.5.2019, p. 1).

(4)  Ir-Regolament (UE) 2021/1231 tal-Parlament Ewropew u tal-Kunsill tal-14 ta’ Lulju 2021 li jemenda r-Regolament (UE) 2019/833 li jistabbilixxi miżuri ta’ konservazzjoni u ta’ infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral (ĠU L 274, 30.7.2021, p. 32).

(5)  Ir-Regolament (UE) 2022/2037 tal-Parlament Ewropew u tal-Kunsill tad-19 ta’ Ottubru 2022 li jemenda r-Regolament (UE) 2019/833 li jistabbilixxi miżuri ta’ konservazzjoni u ta’ infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral (ĠU L 275, 25.10.2022, p. 11).

(6)   ĠU L 123, 12.5.2016, p. 1.

ELI: http://data.europa.eu/eli/reg/2023/2857/oj

ISSN 1977-074X (electronic edition)

Top