1)

An gceadaítear doiciméid arna soláthar ag an tairgeoir den chéad uair i ndiaidh dhul in éag na teorann ama chun tairiscintí a thaisceadh a bheith á gcur san áireamh ag an eintiteas conarthach le hAirteagal 76 de Threoir 2014/25/AE ó Pharlaimint na hEorpa agus ón gComhairle an 26 Feabhra 2014 maidir le soláthar arna dhéanamh ag eintitis a fheidhmíonn in earnáil an uisce, an fhuinnimh, an iompair agus na seirbhísí poist agus lena n-aisghairtear Treoir 2004/17/CE, (1) i gcomhar le hAirteagal 36 den Treoir sin, i gcás nach raibh na doiciméid sin sa chéad tairiscint agus ina léirítear cúinsí nár thug an tairgeoir le fios sa chéad tairiscint leo?

2)

Má tá freagra dearfach ar an gcéad cheist, an é an léiriú atá le déanamh ar Airteagal 76 de Threoir 2014/25/AE ó Pharlaimint na hEorpa agus ón gComhairle an 26 Feabhra 2014 maidir le soláthar arna dhéanamh ag eintitis a fheidhmíonn in earnáil an uisce, an fhuinnimh, an iompair agus na seirbhísí poist agus lena n-aisghairtear Treoir 2004/17/CE, i gcomhar le hAirteagal 36 den Treoir sin, ná go gcuirtear cosc leis ar dhoiciméid sa bhreis ón gconraitheoir nach raibh sa chéad tairiscint, lena léirítear go bhfuil na coinníollacha maidir le páirt a ghlacadh sa nós imeachta soláthair phoiblí á gcomhlíonadh, ar nós liosta na n-oibreacha arna gcríochnú a fhorlíontar le tagairt nach raibh sa chéad liosta oibreacha, is é sin le rá, nach raibh sa chéad tairiscint, a bheith á n-iarraidh ag údarás conarthach, i ndiaidh an chéad chinnidh maidir le bronnadh conartha a chur ar neamhní agus an cás a tharchur ar ais chuig an eintiteas conarthach chun athbhreithniú agus athmheastóireacht a dhéanamh ar na tairiscintí?

3)

An é an léiriú atá le déanamh ar Airteagal 76 de Threoir 2014/25/AE ó Pharlaimint na hEorpa agus ón gComhairle an 26 Feabhra 2014 maidir le soláthar arna dhéanamh ag eintitis a fheidhmíonn in earnáil an uisce, an fhuinnimh, an iompair agus na seirbhísí poist agus lena n-aisghairtear Treoir 2004/17/CE, i gcomhar le hAirteagal 36 den Treoir sin, ná go gcuirtear cosc leis ar dhoiciméid nach raibh sa chéad tairiscint, lena léirítear go bhfuil na coinníollacha maidir le páirt a ghlacadh sa nós imeachta soláthair phoiblí á gcomhlíonadh, ar nós liosta na n-oibreacha arna gcríochnú a fhorlíontar le tagairt nach raibh sa chéad liosta oibreacha, is é sin le rá, nach raibh sa chéad tairiscint, a bheith á soláthar don údarás conarthach ag eintiteas conarthach, i ndiaidh an chéad chinnidh maidir le bronnadh conartha a chur ar neamhní agus an cás a tharchur ar ais chuig an eintiteas conarthach chun athbreithniú agus athmheastóireacht a dhéanamh ar na tairiscintí?