1.   Leagtar síos leis an Rialachán seo forálacha sonracha le haghaidh trí cinn déag de chláir um chomhar trasteorann arna rialú le Rialachán (AE) Uimh. 232/2014 agus dhá chlár um chomhar trasnáisiúnta arna rialú le Rialachán (AE) Uimh. 1299/2013 a liostaítear san Iarscríbhinn a ghabhann leis an Rialachán seo maidir le cur isteach ar chur chun feidhme cláir tar éis fogha míleata na Rúise arna thabhairt faoin Úcráin agus rannpháirtíocht na Bealarúise san fhogha sin.

2.   Tá feidhm ag Airteagail 3 go 14 den Rialachán seo maidir leis na cláir um chomhar trasteorann arna rialú le Rialachán (AE) Uimh. 232/2014, a liostaítear i gcuid 1 den Iarscríbhinn a ghabhann leis an Rialachán seo.

3.   Tá feidhm ag Airteagal 15 den Rialachán seo maidir leis na cláir um chomhar trasnáisiúnta arna rialú le Rialachán (AE) Uimh. 1299/2013, a liostaítear i gcuid 2 den Iarscríbhinn a ghabhann leis an Rialachán seo.

1.   Chun críocha an Rialacháin seo, tá feidhm ag na sainmhínithe seo a leanas:

2.   Chun críocha Airteagail 3 go 14 den Rialachán seo, beidh feidhm freisin ag na sainmhínithe a leagtar amach in Airteagal 2 de Rialachán Cur Chun Feidhme (AE) Uimh. 897/2014.

1.   Ní bheidh gá le cinneadh ón gCoimisiún lena bhformheasfar coigeartú ar chlár chun Airteagal 3 a chur i bhfeidhm. Tabharfaidh an t-údarás bainistíochta fógra don Choimisiún faoi na táblaí airgeadais athbhreithnithe sula gcuirfear na cuntais bhliantúla don bhliain chuntasaíochta 2021/2022 isteach tar éis formheas a fháil roimh ré ón gComhchoiste Faireacháin.

2.   Coigeartuithe ar an gclár arb é atá iontu athruithe carnacha nach mó ná 30 % de ranníocaíocht an Aontais arna leithdháileadh ar dtús ar gach cuspóir téamach nó ar chúnamh teicniúil lena mbaineann aistriú idir cuspóirí téamacha nó cúnamh teicniúil chuig cuspóirí téamacha nó lena mbaineann aistriú ó chuspóirí téamacha chuig cúnamh teicniúil, measfar iad a bheith neamhshubstaintiúil agus dá bhrí sin féadfaidh an t-údarás bainistíochta iad a dhéanamh go díreach, le formheas roimh ré ón gComhchoiste Faireacháin. Ní bheidh gá le cinneadh ón gCoimisiún maidir le coigeartuithe den sórt sin.

3.   Ní bheidh gá le haon údar breise a thabhairt maidir leis na hathruithe carnacha dá dtagraítear i mír 2 seachas cur isteach ar chur chun feidhme cláir a agairt agus léireoidh siad, i gcás inar féidir, an tionchar a mheastar a bheidh ag na coigeartuithe ar an gclár.

1.   Tar éis dochur isteach ar chur chun feidhme cláir tosú, féadfaidh an t-údarás bainistíochta na doiciméid a leasú ina leagtar amach na coinníollacha maidir le tacaíocht a thabhairt do thionscadail a ndéanann an cur isteach sin difear dóibh i gcomhréir le dlí náisiúnta an údaráis bainistíochta agus gan formheas a fháil roimh ré ar na leasuithe sin ón gComhchoiste Faireacháin.

Féadfar a chumhdach leis na leasuithe sin freisin go ndéanfar ionadú ar an bpríomhthairbhí nó go ndéanfar athruithe ar an bplean maoinithe nó ar na sprioc-amanna forghníomhaithe.

2.   Féadfaidh an t-údarás bainistíochta conarthaí, nach conarthaí le haghaidh mórthionscadal bonneagair iad, a shíniú tar éis an 31 Nollaig 2022, ar choinníoll go dtiocfaidh deireadh leis na gníomhaíochtaí tionscadail uile arna maoiniú ag an gclár faoin 31 Nollaig 2023.

3.   Féadfaidh sciar na ranníocaíochta ón Aontas a leithdháilfear ar mhórthionscadail bhonneagair a bheith níos mó ná 30 % tráth a dhúntar an clár, ar choinníoll nach mbeidh sé níos mó ná sin ach mar gheall ar mhéadú gan choinne ar phraghsanna soláthair agus tógála tar éis boilsciú níos airde ná a raibh coinne leis.

1.   Féadfar fíoruithe arna ndéanamh ag an údarás bainistíochta a theorannú d’fhíoruithe riaracháin, i gcás nach féidir fíoruithe tionscadail ar an láthair a dhéanamh. I gcás nach féidir aon fhíorú a dhéanamh, ní dhearbhófar an caiteachas gaolmhar chun na cuntais a imréiteach.

2.   D’ainneoin mhír 1, i gcás inar scriosadh comhpháirt bhonneagair de thionscadal sula bhféadfaí fíoruithe a dhéanamh, féadfar an caiteachas gaolmhar a dhearbhú le haghaidh imréiteach cuntas ar bhonn dearbhú onóra ón tairbhí ina luaitear gur chomhfhreagair an tionscadal sular scriosadh an tionscadal don inneachar a leagtar amach i sonraisc nó i ndoiciméid a bhfuil luach fíorúcháin coibhéiseach acu.

1.   I gcomhthéacs chur chun feidhme na dtionscadal a ndéanann cur isteach ar chur chun feidhme cláir difear dóibh, déanfar tionchar agus tairbhí na dtionscadal maidir leis an gcomhar trasteorann a mheasúnú i dtrí chéim:

Maidir leis an gcéad chéim agus an tríú céim, is iad na táscairí agus na spriocluachanna gaolmhara a úsáidfear don mheasúnú sin na táscairí agus na spriocluachanna gaolmhara a bhainfidh na tairbhithe amach sna Ballstáit agus sna tíortha comhpháirtíochta, ar choinníoll go raibh na tairbhithe sna tíortha comhpháirtíochta in ann an fhaisnéis ábhartha a sholáthar don údarás bainistíochta.

Maidir leis an dara céim, is iad na táscairí agus na spriocluachanna gaolmhara a úsáidfear don mheasúnú sin na táscairí agus na spriocluachanna gaolmhara a ghnóthóidh na tairbhithe sna Ballstáit agus sna tíortha comhpháirtíochta sin nach bhfuil a gcomhaontuithe maoinithe ar fionraí agus nach bhfuil i gcás mar a luaitear faoi Airteagal 2(1), pointe (2)(b).

2.   Déanfar incháilitheacht caiteachais i dtionscadail a mheasúnú i gcomhréir le mír 1, a mhéid a bhaineann lena dtionchar ar chomhar trasteorann agus leis na tairbhí comhair trasteorann a bhaineann leo.

3.   Sa chás dá dtagraítear in Airteagal 2(1), pointe (2)(b), tionscadail lena n-áirítear comhpháirt bhonneagair atá lonnaithe i dtír chomhpháirtíochta, ní cheanglófar orthu an ranníocaíocht ón Aontas a aisíoc i gcás nach féidir an oibleagáid a chomhlíonadh gan a bheith faoi réir athruithe substaintiúla laistigh de chúig bliana ó dhúnadh an tionscadail nó laistigh den tréimhse ama a leagtar amach sna rialacha maidir le Státchabhair.

1.   Amhail ón dáta a thosaigh an cur isteach ar chur chun feidhme cláir, féadfaidh tionscadail leanúnacha leanúint ar aghaidh fiú i gcás nach bhfuil aon tairbhí de chuid tíre comhpháirtíochta a bhfuil orthu aghaidh a thabhairt ar chás dá dtagraítear in Airteagal 2(1), pointe (2)(a) nó (b), in ann a bheith rannpháirteach.

2.   Amhail ón dáta a thosaigh an cur isteach ar chur chun feidhme cláir, féadfaidh an Comhchoiste Faireacháin tionscadail nua a roghnú fiú i gcás nach mbeidh tairbhí tíre comhpháirtíochta a bhfuil air aghaidh a thabhairt ar chás dá dtagraítear in Airteagal 2(1), pointe (2)(a) nó (b), in ann a bheith rannpháirteach tráth an roghnúcháin.

3.   Amhail ón dáta a thiocfaidh deireadh leis an gcur isteach ar chur chun feidhme cláir, féadfaidh an t-údarás bainistíochta an doiciméad a leasú ina leagtar amach na coinníollacha maidir le tacaíocht do thionscadail chun tairbhithe tíre comhpháirtíochta a áirítear san iarratas ar thionscadal a chumhdach gan formheas a fháil roimh ré ón gComhchoiste Faireacháin.

1.   Tar éis do chur isteach ar chur chun feidhme cláir tosú agus fad a mhairfidh cur isteach den sórt sin, ní cheanglófar ar an bpríomhthairbhí i mBallstát an méid seo a leanas a dhéanamh:

2.   Tar éis do chur isteach ar chur chun feidhme cláir tosú, beidh sé de cheart ag an bpríomhthairbhí i mBallstát an comhaontú comhpháirtíochta leis na tairbhithe eile a leasú agus a oiriúnú go haontaobhach.

Áireofar leis an gceart sin an fhéidearthacht gníomhaíochtaí tairbhí ó thír chomhpháirtíochta a chur ar fionraí go hiomlán nó go páirteach, fad a leanfar den chur isteach ar chur chun feidhme cláir.

3.   Féadfaidh an príomhthairbhí i mBallstát na hathruithe is gá a dhéanamh ar an tionscadal a mholadh don údarás bainistíochta, lena n-áirítear gníomhaíochtaí tionscadail a athdháileadh ar na tairbhithe eile.

4.   Tar éis do chur isteach ar chur chun feidhme cláir tosú, féadfaidh an príomhthairbhí i mBallstát a iarraidh ar an údarás bainistíochta gan an ranníocaíocht airgeadais a fháil chun gníomhaíochtaí tionscadail a chur chun feidhme ina n-iomláine nó i bpáirt.

Ní cheanglófar ar an bpríomhthairbhí i mBallstát a áirithiú go bhfaighidh tairbhithe i dtíortha comhpháirtíochta méid iomlán an deontais a luaithe is féidir agus ina iomláine.

5.   Sa chás dá dtagraítear in Airteagal 2(1), pointe (2)(b), féadfaidh an príomhthairbhí i mBallstát agus an t-údarás bainistíochta, i gcomhaontú leis an údarás iniúchóireachta, iarraidh ar íocaíocht a fhíorú agus a ghlacadh gan fíorú roimh ré ag iniúchóir nó ag oifigeach poiblí inniúil ar an gcaiteachas arna dhearbhú ag tairbhí atá lonnaithe i dtír chomhpháirtíochta.

6.   Beidh feidhm ag míreanna 1 go 5 den Airteagal seo freisin maidir le príomhthairbhithe i dtír chomhpháirtíochta nach bhfuil sa chás dá dtagraítear in Airteagal 2(1), pointe (2)(a).

Ina theannta sin, agus ar feadh ré an chur isteach ar cur chun feidhme cláir, féadfaidh príomhthairbhí den sórt sin a iarraidh ar an údarás bainistíochta tairbhí eile a shainaithint mar phríomhthairbhí agus íocaíochtaí díreacha a dhéanamh le tairbhithe eile an tionscadail lena mbaineann.

1.   Tar éis do chur isteach ar chur chun feidhme cláir tosú agus ar feadh ré an chur isteach, beidh sé de cheangal ar an údarás bainistíochta gach beart is gá a leanúint chun méideanna a íocadh go míchuí ó thairbhithe i dtíortha comhpháirtíochta nó ó phríomhthairbhithe i mBallstáit nó i dtíortha comhpháirtíochta a ghnóthú i gcomhréir leis an nós imeachta a leagtar amach i míreanna 2 go 5.

2.   Féadfaidh an t-údarás bainistíochta cinneadh a dhéanamh méideanna a íocadh go míchuí a aisghabháil go díreach ó thairbhí i mBallstát gan aisghabháil roimh ré tríd an bpríomhthairbhí i dtír chomhpháirtíochta.

3.   Déanfaidh an t-údarás bainistíochta litreacha aisghabhála a ullmhú agus a sheoladh chun méideanna a íocadh go míchuí a aisghabháil.

I gcás freagairt dhiúltach nó in éagmais freagairtó thairbhithe i dtíortha comhpháirtíochta nó ón tír chomhpháirtíochta ina bhfuil an tairbhí bunaithe, áfach, ní bheidh sé de cheangal ar an údarás bainistíochta nós imeachta riaracháin a shaothrú ná iarracht ar aisghabháil a dhéanamh ó thír chomhpháirtíochta faoi seach a shaothrú ná nós imeachta sásaimh dlíthiúil a sheoladh sa tír chomhpháirtíochta lena mbaineann.

Déanfaidh an t-údarás bainistíochta doiciméadú ar a chinneadh gan an chéad iarracht ar aisghabháil a lorg. Measfar gur cruthúnas leordhóthanach é an doiciméad sin ar dhícheall cuí arna fheidhmiú ag an údarás bainistíochta.

4.   I gcás ina mbaineann an aisghabháil le héileamh in aghaidh tairbhí atá bunaithe i dtír chomhpháirtíochta sa chás dá dtagraítear in Airteagal 2(1), pointe (2)(a), agus a n-aistrítear a chómhaoiniú chuig an údarás bainistíochta, féadfaidh an t-údarás bainistíochta an t-éileamh atá le haisghabháil a fhritháireamh leis na cistí neamhúsáidte a d’aistrigh an tír chomhpháirtíochta roimhe sin chuig an údarás bainistíochta.

5.   I gcás ina mbaineann an aisghabháil le héileamh in aghaidh tairbhí atá bunaithe i dtír chomhpháirtíochta sa chás dá dtagraítear in Airteagal 2(1), pointe (2)(a), agus nach bhfuil an t-údarás bainistíochta in ann an t-éileamh sin a fhritháireamh i gcomhréir le mír 4 den Airteagal seo, féadfaidh an t-údarás bainistíochta a iarraidh go nglacfaidh an Coimisiún chuige féin na méideanna a aisghabháil.

I gcás ina bhfuil an tairbhí lena mbaineann faoi réir reo sócmhainní nó toirmeasc ar chistí nó acmhainní eacnamaíocha a chur ar fáil dó, nó chun tairbhe dó, go díreach nó go hindíreach, de bhun bearta sriantacha arna nglacadh i gcomhréir le hAirteagal 215 CFAE, beidh sé d’oibleagáid ar an údarás bainistíochta a iarraidh ar an gCoimisiún na méideanna a aisghabháil. Déanfaidh an t-údarás bainistíochta a chearta i leith an tairbhí a thabhairt don Choimisiún chun na críche sin.

Cuirfidh an t-údarás bainistíochta an Comhchoiste Faireacháin ar an eolas faoi aon nós imeachta aisghabhála arna ghlacadh ar láimh ag an gCoimisiún.

1.   De mhaolú ar Airteagal 12(1) agus (2) de Rialachán (AE) Uimh. 1299/2013, féadfaidh an coiste faireacháin nó coiste stiúrtha arna bhunú ag an gcoiste faireacháin agus a ghníomhaíonn faoina fhreagracht oibríochtaí nua a roghnú fiú gan aon tairbhí ó thír chomhpháirtíochta a bhfuil air aghaidh a thabhairt ar chás dá dtagraítear in Airteagal 2(1), pointe (2)(a) nó (b) den Rialachán seo, ar choinníoll go ndéanfar tionchair agus tairbhí trasnáisiúnta a shainaithint.

Féadfaidh an coiste faireacháin nó stiúrtha tionscadail nua a roghnú freisin fiú amháin i gcás nach bhfuil aon tairbhí de chuid tíre comhpháirtíochta a bhfuil air aghaidh a thabhairt ar chás dá dtagraítear in Airteagal 2(1), pointe (2)(a) nó (b), in ann a bheith rannpháirteach tráth an roghnúcháin.

2.   De mhaolú ar Airteagal 12(2) agus (4) de Rialachán (AE) Uimh. 1299/2013, féadfaidh oibríochtaí leanúnacha leanúint ar aghaidh fiú amháin i gcás nach bhfuil aon tairbhí ó thír chomhpháirtíochta a bhfuil air aghaidh a thabhairt ar chás dá dtagraítear in Airteagal 2(1), pointe (2)(a) nó (b) den Rialachán seo, in ann páirt a ghlacadh i gcur chun feidhme an tionscadail.

I gcomhthéacs chur chun feidhme na n-oibríochtaí a ndéanann cur isteach ar chur chun feidhme cláir difear dóibh, déanfar measúnú ar thionchar an chomhair thrasnáisiúnta agus ar na tairbhí a bhaineann leis i gcomhréir le hAirteagal 8(1) agus (3) den Rialachán seo.

3.   De mhaolú ar Airteagal 12(5) de Rialachán (AE) Uimh. 1299/2013 agus i gcomhréir lena dhlí náisiúnta, féadfaidh an t-údarás bainistíochta leasú a dhéanamh ar na doiciméid lena leagtar amach na coinníollacha maidir le tacaíocht a thabhairt do na hoibríochtaí a ndéanann cur isteach ar chur chun feidhme cláir difear dóibh.

Leis na leasuithe sin, féadfar ionadú an phríomhthairbhí nó athruithe ar an bplean maoinithe agus ar na sprioc-amanna maidir le forghníomhú a chumhdach freisin.

Amhail ón dáta a thiocfaidh deireadh le cur isteach ar chur chun feidhme cláir, féadfaidh an t-údarás bainistíochta an doiciméad a leasú ina leagtar amach na coinníollacha maidir le tacaíocht do na hoibríochtaí chun tairbhithe tíre comhpháirtíochta a bhfuil orthu aghaidh a thabhairt ar chás dá dtagraítear in Airteagal 2(1), pointe (2)(a) nó (b), a áirítear sa doiciméad iarratais, a chumhdach.

4.   De mhaolú ar Airteagal 13(2) de Rialachán (AE) Uimh. 1299/2013, beidh feidhm ag Airteagal 10 den Rialachán seo maidir le cearta agus oibleagáidí na bpríomhthairbhithe.

5.   De mhaolú ar Airteagal 21(2) de Rialachán (AE) Uimh. 1299/2013 agus gan dochar do mhír 3 den Airteagal seo, féadfaidh an t-údarás deimhniúcháin íocaíochtaí a dhéanamh go díreach le tairbhithe seachas an príomhthairbhí.

6.   De mhaolú ar Airteagal 23(4) de Rialachán (AE) Uimh. 1299/2013, beidh feidhm ag Airteagal 7 den Rialachán seo maidir leis na fíoruithe bainistíochta a dhéanfaidh an t-údarás bainistíochta agus na rialaitheoirí.

7.   De mhaolú ar Airteagal 27(2) agus (3) de Rialachán (AE) Uimh. 1299/2013, beidh feidhm ag Airteagal 14 den Rialachán seo maidir le méideanna a íocadh go míchuí agus aisíocaíochtaí leis an údarás bainistíochta a aisghabháil.

8.   De mhaolú ar Airteagal 28 de Rialachán (AE) Uimh. 1299/2013, beidh feidhm ag Airteagal 13 den Rialachán seo maidir leis an modh a roghnaítear chun caiteachas arna thabhú in airgeadra seachas an euro a chomhshó in euro.

9.   Beidh feidhm ag na maoluithe dá bhforáiltear i míreanna 1 go 8 amhail ón dáta a bheidh ar na cláir thrasnáisiúnta lena mbaineann aghaidh a thabhairt ar chur isteach ar chur chun feidhme cláir agus ar feadh ré an chur isteach sin.