31.3.2009   

MT

Il-Ġurnal Uffiċjali tal-Unjoni Ewropea

C 77/1

1.1

Fil-bosta opinjonijiet tiegħu dwar is-suġġett tat-tnaqqis tal-emissjonijiet tas-CO2, il-Kumitat minn dejjem appoġġja bis-sħiħ l-inizjattivi leġiżlattivi tal-Kummissjoni li għandhom l-għan li jilħqu miri speċifiċi viżibbli biex jitnaqqsu l-emissjonijiet tal-gassijiet b'effett ta' serra bħala kontribut ewlieni fil-ġlieda kontra t-tibdil fil-klima.

1.2

Il-Kumitat jaqbel mal-għanijiet tar-regolament propost, li għandu l-għan li jnaqqas b'mod stabbli l-emissjonijiet tas-CO2 sabiex sal-2012 tintlaħaq il-mira proposta ta' 130 g/km, permezz ta' titjib fit-teknoloġija tal-vetturi bil-mutur.

1.3

Barra minn hekk, il-Kumitat jitlob impenn min-naħa tal-partijiet interessati kollha biex sal-2012 tintlaħaq il-mira ta' 120 g/km, permezz ta' approċċ integrat, kif stipulat fil-komunikazzjoni tal-Kummissjoni tas-7 ta' Frar 2007, u jistieden lill-Kunsill u lill-Parlament Ewropew biex jadottaw malajr il-leġiżlazzjoni pendenti kollha mmirata lejn il-kontroll tat-tibdil fil-klima.

1.3.1

Il-KESE jirrakkomanda lill-Kummissjoni tiffissa miri fit-tul, kif jagħti parir il-Parlament Ewropew: għall-2020 ikun jeħtieġ li jinstabu soluzzjonijiet aktar qawwija.

1.4

B'mod speċifiku, il-Kumitat jitlob li d-Direttiva proposta dwar taxxi relatati mal-karozzi tal-passiġġieri tiġi adottata kemm jista' jkun malajr (COM(2005) 261 finali) u li tittejjeb id-Direttiva 1999/94/KEE dwar it-tikkettar tal-emissjonijiet tas-CO2. Jistieden ukoll lill-Kummissjoni biex tipproponi u tikkoordina inizjattivi dwar ir-reklamar u l-kummerċjalizzazzjoni ta' vetturi bil-mutur mmirati biex jippromovu vetturi li jaħlu inqas karburant.

1.5

Jidher li żgur ser ikun jeħtieġ ta' leġiżlazzjoni speċifika għall-industrija tal-karozzi, minħabba l-bżonn li nimxu 'l quddiem mill-fażi ta' impenji volontarji min-naħa tal-industrija, li, għalkemm swew ta' ġid f'dak li hu l-progress importanti li sar fir-rendiment tal-karozzi tal-passiġġieri fit-tnaqqis tal-emissjonijiet tas-CO2, ma kinux biżżejjed biex jintlaħqu l-miri stipulati.

1.6

Filwaqt li japprova l-istrateġija u l-approċċ propost, il-Kumitat jitlob għal miżuri li huma tassew vijabbli, sakemm iżewġu b'mod xieraq il-ħtieġa li, min-naħa waħda, jinkiseb il-progress ambjentali kruċjali, u, min-naħa l-oħra, li jitħarsu l-impjiegi f'industrija li timpjega 13-il miljun ħaddiem u tinżamm bis-sħiħ il-kompetittività tal-manifatturi Ewropej f'settur li huwa bla dubju wieħed strateġiku għall-ekonomija tal-UE.

1.7

Il-Kumitat jaqbel li regolament huwa l-istrument legali xieraq għax jiżgura li jkun hemm konformità immedjata u b'hekk jevita li jkun hemm distorzjoni tal-kompetizzjoni. Iż-żminijiet previsti u d-dettalji speċifiċi tal-miżuri proposti għandhom jiġu maħsuba sewwa b'mod aktar konsenswali, sabiex tinżamm u tissaħħaħ il-kompetittività tal-manifatturi tal-UE f'suq globali u ma jinħolqux vantaġġi artifiċjali fost l-oqsma varji fis-settur.

1.8

Għal dan il-għan, il-Kumitat jipproponi li l-Kummissjoni tqis il-possibilità li tibdel is-sistema li tintuża bħalissa li tiddefinixxi l-valuri tal-limiti tal-emissjonijiet skont il-massa tal-vettura (bħalma jsir fil-Ġappun), u li tqis aktar parametri oħrajn bħall-ispazju okkupat mill-vettura (id-distanza bejn iċ-ċentru tar-roti ta' quddiem u ċ-ċentru tar-roti ta' wara mmultiplikata mad-distanza miċ-ċentru ta' rota waħda saċ-ċentru ta' rota oħra li tkun tinsab fin-naħa opposta tal-vettura), parametru li diġà jintuża bħala l-bażi għal vetturi li jġorru l-merkanzija fl-Istati Uniti.

1.9

Il-Kumitat jitlob biex titqies aktar l-inklinazzjoni tal-funzjoni lineari (il-persentaġġ tal-inklinazzjoni), minħabba l-influwenza diretta tagħha fuq il-mod kif il-piż jinqasam bejn il-manifatturi. Il-Kummissjoni stess, fis-Sommarju Eżekuttiv tagħha dwar il-valutazzjonivalutazzjoni tal-impatt [SEC(2007) 1724] tgħid li “Abbażi ta' analiżi preliminari, l-applikazzjoni ta' dawn il-kriterji għandha tindika li biex jintlaħaq bilanċ bejniethom, ikun jaqbel li f'dan l-istadju tintuża medda ta' inklinazzjonijiet ta' bejn 50 % u 80 %”, b'hekk tagħraf b'mod impliċitu l-bżonn ta' valutazzjoni tal-impatt ħafna aħjar ta' kwistjoni tant sensittiva. L-għażla ta' inklinazzjoni ta' 60 % tħalli problemi mhux solvuti u tista' toħloq kunflitt ma' manifatturi li jqisu li d-deċiżjoni la hija ġusta u lanqas bilanċjata. Il-Kumitat jirrakkomanda li l-impatt tad-deċiżjoni finali, wara li jkun tqies kollox, ma tkun tiddetermina la benifiċċji u lanqas ħsara.

1.10

Aspett ieħor li jeħtieġ li jitqies bir-reqqa huwa l-introduzzjoni ta' pienapienipieni, skont l-Artikolu 7 tar-Regolament. Filwaqt li l-Kumitat jaqbel ma' dan l-approċċ dissważiv, jidhirlu li n-natura progressiva tagħhom ma tippermettix lill-manifatturmanifatturi tal-UE biex jadattaw il-katini ta' produzzjoni tagħhom għal-limiti l-ġodda fil-perjodu ta' żmien ippjanat. Il-miżuri ma jagħmlux sens meta mqabbla jaqblu ma' dawk maħsuba għal setturi oħra, filwaqt li joħolqu żbilanċ intrinsiku bejn il-manifatturi ta' vetturi żgħar u ta' daqs medju u dawk ta' vetturi kbar, b'impatt ħafna akbar fuq dawk tal-ewwel.

1.11

Il-Kumitat jaħseb li dawn huma pieni dejjem akbar u li jistgħu jgħaddu għal fuq il-prezzijiet tal-konsumaturi, b'hekk jitfgħu l-piż fuq ix-xerrej u possibilment iwasslu għaldistorzjoni tal-kompetizzjoni, u b'hekk idewmu t-tiġdid tal-vetturi. Jistieden lill-Kummissjoni tiżgura li kwalunkwe fondi li jiġu minn din il-miżura jibqgħu fl-industrija tal-karozzi, biex b'hekk jipprovdu inċentivi għall-iskambju ta' karozzi li jniġġsu aktar u kampanji li jagħmlu lill-pubbliku konxju mill-emissjonijiet tas-CO2 meta jsir ix-xiri, kif ukoll jagħtu kontribut lir-riżorsi kbar meħtieġa għar-riċerka u l-iżvilupp.

1.12

Il-Kumitat jikkunsidra li r-riċerka xjentifika hija kruċjali għal-livell ta' progress li jista' jinkiseb mill-industrija. Filwaqt li r-riżultati jistgħu jinkisbu fil-fażi tal-bidu bl-użu ta' teknoloġiji li diġà jeżistu, huwa raġonevoli li wieħed jissoponi li l-futur ser jitlob “qabża teknoloġika mill-preżent” permezz tal-introduzzjoni ta' teknoloġija aktar avvanzata.

1.13

Fil-fehma tal-Kumitat, jekk tittieħed it-triq tar-riċerka ikun jeħtieġ riżorsi kbar u impenn sod, ibda mill-ħtieġa li jiġi żgurat li jkun hemm koordinazzjoni ta' inizjattivi li jkunu għaddejjin fl-Istati Membri, f'universitajiet u f'ċentri teknoloġiċi ta' eċċellenza fil-livelli kollha, filwaqt li tkun inkoraġġita l-parteċipazzjoni diretta tal-manifatturi.

1.14

Għal dan il-għan, il-Kumitat jaħseb li l-ħolqien ta' Inizjattiva Teknoloġika Konġunta (JTI) iddedikata għall-industrija tal-karozzi jkun ta' għajnuna għall-mobilizzazzjoni tal-komunità xjentifika.

1.15

Il-Kumitat jaħseb li l-valutazzjoni tal-impatt ma tfittixx biżżejjed fil-fond, kif enfasizzat mill-Bord ta' Stima dwar l-Impatt innifsu. Fid-dokument SEC(2007) 1725, il-Bord jitlob li jiġu ċċarati l-effetti li jista' jkun hemm kif jinkisbu l-miri, u li tingħata spjegazzjoni ta' kwalunkwe differenzi bejn ir-riżultati tal-mudell TREMOVE u l-analiżi ex-ante. Iżid li jeħtieġ aktar analiżita' ċerti varjanti sensittivi bħall-prezzijiet tal-karburant u ż-żieda awtonoma fil-piż (AWI). Għandha ssir aktar valutazzjoni tal-impatt reġjonali, l-iktar fuq l-impjiegi, l-industrija tal-fornituri tal-vetturi u l-kompetittività fis-swieq esterni.

1.16

Fil-fehma tal-Kumitat, sabiex tirnexxi strateġija tant ambizzjuża, jinħtieġu miżuri xierqa li jappoġġjaw u jħarsu l-istruttura industrijali li teżisti fl-Ewropa, bil-għan li jitħares jew saħansitra jitgħolla l-livell attwali ta' kompetittività, filwaqt li jibqa' jkun hemm impjiegi ta' kwalità fl-industrija. Il-KESE jirrakkomanda li jittieħed approċċ ta' introduzzjoni gradwali li jkun jeħtieġ li tal-inqas 80 % tal-mira finali tintlaħaq sal-2012, biex imbagħad il-mira sħiħa tintlaħaq b'mod progressiv sal-2015.

1.17

Fattur ewlieni għall-ksiba tal-miri ambjentali u l-ħarsien tal-kompetittività huwa li l-applikazzjoni stretta tal-limiti tal-emissjonijiet għall-vetturi kollha mhux manifatturati fl-UE li jinbiegħu fl-Ewropa. Dawn il-limiti japplikaw għal vetturi impurtati.

1.18

Peress li din il-proposta hija biss il-bidu ta' proċess li għandu l-għan li jaffronta l-problemi ambjentali fis-settur kollu tat-trasport, il-Kumitat jistieden lill-Kummissjoni biex fis tfassal leġiżlazzjoni ġdida biex jiġu limitati l-emissjonijiet tas-CO2 minn vetturi li jġorru merkanzija ħafifa, vetturi għal tagħbijiet tqal u vetturi b'żewġ roti, biex b'hekk tinġabar l-informazzjoni rilevanti kollha dwar l-emissjonijiet tagħhom.

1.19

Il-Kumitat jemmen li filwaqt li l-politika settorjali għall-industrija tal-karozzi hija ta' importanza kbira, m'ijiex l-impenn usa' tagħna kollu lejn il-politika ġenerali tat-trasport. Madankollu, hija simbolu importanti ta' dak l-impenn, li tgħin biex tmexxi l-industrija sħiħa lejn il-miri ambjentali li diġà qegħdin jiġu segwiti minn setturi oħra tal-industrija tal-UE.

1.20

Il-Kumitat jittama li l-miżuri proposti speċifiċi għas-settur ser ikunu akkumpanjati minn azzjoni li tiffoka fuq it-talba għat-trasport. Huwa vitali li tiġi segwita politika rigoruża mmirata lejn bidla dejjem akbar mit-trasport bit-triq għal mezzi oħra li jiġġeneraw anqas gassijiet b'effett ta' serra bħat-trasport bil-ferroviji, fuq kanali tal-ibħra interni u trasport pubbliku (b'emissjonijiet baxxi ħafna, fejn possibbli).

1.21

Il-KESE ma jaqbilx mad-deroga temporanja proposta skont Artikolu 9 tar-Regolament, kif qed tiġi proposta bħalissa, peress li huwa ċar li dan ifisser trattament mhux ugwali tal-manifatturi. Fil-fehma tal-Kumitat huwa kruċjali li kemm jista' jkun ma jingħata l-ebda vantaġġ regolatorju li jiżbilanċja l-kompetizzjoni.

1.22

Il-KESE jirrakkomanda li jitfassal mudell biex jitkejjel is-CO2 fl-emissjonijiet kollha li jiġu mill-manifattura tal-karozzi. Il-marka tal-karbonju għandha titqies fejn tidħol iċ-ċiklu tal-ħajja sħiħ tal-vetturi

1.23

Għal dan il-għan, jeħtieġ li nqajmu dibattitu dwar l-istili ta' ħajja — kwistjoni li dwarha l-Kumitat dan l-aħħar fassal opinjonijiet speċifiċi. Ħafna jemmnu li jekk l-għadd u d-daqs tal-vetturi privati jkomplu jikbru, u jekk il-vetturi li jġorru l-merkanzija li jiġġeneraw livelli għolja ta' gassijiet b'effett ta' serra u l-NOx ikomplu jingħataw preferenza, il-mira li s-CO2 jitmaqqas b'20 % mhux ser tinkiseb. Dan ma jistax u lanqas m'għandu jiġi aċċettat.

2.1

Il-Konvenzjoni Qafas tan-Nazzjonijiet Uniti dwar il-Bidla fil-Klima, li kienet approvata f'isem il-Komunità Ewropea mid-Deċiżjoni tal-Kunsill 94/69/KE tal-15 ta' Diċembru 1993, tesiġi li l-partijiet kollha jifformulaw u jimplimentaw programmi biex titnaqqas il-bidla fil-klima.

2.2

Il-Kummissjoni rreaġixxiet billi żviluppat gradwalment serje ta' miżuri leġiżlattivi li laħqu l-quċċata tagħhom f'Jannar 2007 bl-UE tissuġġerixxi, fil-kuntest ta' negozjati internazzjonali, li l-pajjiżi żviluppati jnaqqsu l-gassijiet b'effett ta' serra bi 30 % (meta mqabbel mal-livelli tal-1990) u b'20 % sal-2020. Dawn il-miri mbagħad ġew approvati mill-Kunsill u mill-Parlament Ewropew.

2.3

Analiżi tas-setturi individwali turi li, filwaqt li l-emissjonijiet globali ta' gassijiet b'effett ta' serra niżlu b'madwar 5 % fil-perjodu 1990-2004, l-emissjonijiet tas-CO2 mis-settur tat-trasport bit-triq fl-istess perjodu żdiedu b'26 %.

2.4

B'hekk, jeħtieġ leġiżlazzjoni speċifika biex is-settur tat-trasport bit-triq jikkonforma mat-tendenza ġenerali ta' tnaqqis fl-emissjonijiet ta' gassijiet b'effett ta' serra. B'mod aktar partikolari, jeħtieġ b'mod urġenti li tittieħed azzjoni b'rabta mal-karozzi tal-passiġġieri, peress li dawn jammontaw għal 12 % mill-emissjonijiet totali tad-dijossidu tal-karbonju (CO2) fl-UE, il-gass ewlieni li għandu effett ta' serra.

2.5

Għalkemm sar progress teknoloġiku sinifikanti fl-industrija tal-karozzi, li wassal għal tnaqqis ta' 12.4 % fl-emissjonijiet tas-CO2 bejn l-1995 u l-2004 billi żdiedet l-effiċjenza fil-konsum tal-karburant, it-tkabbir stabbli fit-talba għat-trasport u ż-żieda kostanti fid-daqs tal-vetturi għelbu kompletament dan it-tnaqqis, u fil-fatt wasslu għal żieda fl-emissjonijiet totali ta' gassijiet b'effett ta' serra mis-settur tat-trasport.

2.6

Ir-riżultat huwa li, mingħajr inizjattivi speċifiċi, l-UE x'aktarx li mhux ser tilħaq il-mira tagħha ta' 120 g CO2/km għall-medja tal-emissjonijiet mill-karozzi l-ġodda.

3.1

L-istrateġija tal-Komunità għat-tnaqqis tal-emissjonijiet tas-CO2 bdiet tieħu forma fl-1995. Ġiet imsejsa fuq tliet elementi:

3.2

Fl-1998, l-Assoċjazzjoni Ewropea tal-Manifatturi tal-Karozzi (ACEA) ħadet impenn li, sal-2008, tnaqqas il-medja tal-emissjonijiet mill-karozzi l-ġodda għal 140g tas-CO2/km, u l-Assoċjazzjonijiet Ġappuniżi u Koreani tal-Manifatturi tal-Karozzi (JAMA u KAMA) ħadu impenn simili l sal-2009 jnaqqsu l-medja tal-emissjonijiet.

3.3

Dawn l-impenji ġew rikonoxxuti mill-Kummissjoni billi ħarġet ir-Rakkomandazzjoni 1999/125/KE (dwar il-ftehim volontarju tal-ACEA), ir-Rakkomandazzjoni 2000/303/KE (dwar il-ftehim volontarju tal-KAMA) u r-Rakkomandazzjoni 2000/304/KE (dwar il-ftehim volontarju tal-JAMA). Dwar is-suġġett tal-monitoraġġ tal-emissjonijiet, l-UE adottat id- Deċiżjoni 1753/2000/KE tal-Parlament Ewropew u tal-Kunsill li tistabbilixxi skema biex tissorvelja l-medja tal-emissjonijiet tas-CO2 minn karozzi tal-passiġġieri ġodda.

3.4

Fis-7 ta' Frar 2007, il-Kummissjoni adottat żewġ komunikazzjonijiet paralleli għas-settur tal-karozzi:

3.5

Dawn il-komunikazzjonijiet irrapportaw progress lejn il-ksib tal-mira ta' 140 g CO2/km sal-perjodu 2008-2009, iżda kkonkludew li l-mira ta' 120 g CO2/km għall-karozzi ġodda mhux sertintlaħaq mingħajr ma jittieħdu miżuri oħrajn.

3.6

Iż-żewġ komunikazzjonijiet talbu għal approċċ integrat fuq żewġ spunti:

3.7

Il-Kummissjoni f'dawn il-komunikazzjonijiet iddikjarat li l-mira medja għall-flotta ta' karozzi ġodda għandha tqis il-fatturi li ġejjin:

3.8

Il-qafas propost u approvat kemm mill-Kunsill tal-Kompetittività kif ukoll mill-Kunsill tat-Trasport iserraħ fuq żieda fl-isforzi min-naħa tal-manifatturi kollha tal-karozzi biex jipproduċu karozzi aktar ekologiċi, filwaqt li fl-istess ħin jaħdmu biex ikun hemm effiċjenza massima f'termini ta' spejjeż.

3.9

Dan ifisser li t-tnaqqis fl-emissjonijiet tas-CO2 irid jinkiseb permezz ta' approċċ integrat li jinvolvi lill-partijiet kollha. Għalhekk, hemm bżonn ta' proposta leġiżlattiva li tilħaq il-miri filwaqt li żżomm il-kompetittività globali tal-industrija tal-karozzi.

4.1

L-għan tar-Regolament propost (COM(2007) 856) hija li “jitnaqqsu l-emissjonijiet ta' CO2 minn vetturi għall-użu ħafif” u li jittieħdu passi biex sal-2012 tintlaħaq il-mira ta' 130 g/km. Tapplika għall-vetturi bil-mutur tal-kategorija M1 kif definit fl-Anness II tad-Direttiva 2007/46/KE u għall-vetturi li t-tip approvat tagħhom jiġi estiż skont l-Artikolu 2(2) tar-Regolament (KE) Nru 715/2007 li huma rreġistrati fil-Komunità għall-ewwel darba u li ma ġew irreġistrati qatt qabel barra mill-Komunità.

4.2

Il-proposta hija parti minn approċċ integrat li għandu jingħalaq b'miżuri li jwasslu għal tnaqqis ulterjuri ta' 10 g CO2/km sabiex jintlaħaq l-objettiv Komunitarju finali ta' 120 g CO2/km kif stabbilit fil-COM(2007) 19 finali.

4.3

Fl-istabbiliment tal-livelli tal-emissjonijiet tas-CO2, ir-Regolament iqis:

4.4

Ir-Regolament propost jipprova wkoll:

4.5

Il-Kummissjoni tgħid li r-Regolament huwa konsistenti mal-għanijiet u l-politiki l-oħra tal-UE u huwa r-riżultat ta' konsultazzjoni u sehem estensiv minn grupp ta' ħidma maħluq apposta fil-kuntest tal-Programm Ewropew dwar il-Bidla fil-Klima (il-grupp CARS 21) bl-involviment dirett tal-partijiet interessati kollha.

4.6

Bażi ġuridika. L-Artikolu 95 tat-Trattat li jistabbilixxi l-Komunità Ewropea huwa kkunsidrat bħala l-bażi ġuridika xierqa biex tiġi żgurata ugwaljanza bejn l-atturi ekonomiċi kollha u biex tipprovdi livell għoli ta' ħarsien tas-saħħa u tal-ambjent.

4.7

Sussidjarjetà u proporzjonalità. Il-proposta timxi mal-prinċipji tas-sussidjarjetà u l-proporzjonalità fis-sens li, għalkemm ma taqax taħt ir-responsabbiltà esklussiva tal-Komunità, twaqqaf il-ħolqien ta' tfixkil għas-suq uniku, u l-adozzjoni ta' miżuri leġiżlattivi fil-livell Komunitarju tissimplifika l-azzjoni biex jinkiseb tnaqqis armonizzat fl-impatt tal-karozzi tal-passiġġieri fuq it-tibdil fil-klima.

4.8

L-għażla tal-istrument leġiżlattiv. Fil-fehma tal-Kummissjoni, regolament huwa l-aktar strument xieraq biex jiżgura konformità immedjata mad-dispożizzjonijiet adottati, li jevita distorzjonijiet fil-kompetizzjoni li jista' jkollhom riperkussjonijiet għas-suq intern.

4.9

Monitoraġġ. L-Istati Membri individwali jridu jiġbru informazzjoni dwar l-emissjonijiet tad-dijossidu tal-karbonju minn karozzi tal-passiġġieri ġodda, li jitkejlu fuq bażi armonizzata skont il-metodoloġija stipulata fir-Regolament (KE) Nru 715/2007, u jirrappurtawha lill-Kummissjoni skont il-proċedura stipulata fl-Artikolu 6.

4.10

Ċertifikat ta' konformità. Id-Direttiva 2007/46/KE tesiġi li l-manifatturi joħorġu ċertifikat ta' konformità li jrid jakkumpanja kull karozzatal-passiġġieri ġdida. L-Istati Membri jippermettu r-reġistrazzjoni u l-użu ta' karozza ġdida tal-passiġġieri biss jekk jiġi preżentat dan iċ-ċertifikat (bl-eċċezzjoni tad-derogi stipulati fl-Artikolu 9 tar-Regolament).

4.11

Primjum għall-emissjonijiet żejda. Skont l-Artikolu 7 tar-Regolament propost, mill-2012 'il quddiem, il-manifatturi jew f'każ ta' għaqda, il-maniġers tal-għaqda, li l-emissjonijiet tagħhom jaqbżu l-mira speċifika, ser ikollhom iħallsu primjum għall-emissjonijiet żejda. L-ammont tal-primjum ser tiżdied sostanzjalment fis-snin ta' wara l-2012 u s-somom miġbura ser jitqiesu bħala dħul għall-baġit tal-UE.

5.1

Fir-riżoluzzjoni tiegħu adottata fl-24 ta' Ottubru 2007, il-Parlament Ewropew laqa' l-istrateġija tal-Kummissjoni iżda ppropona li l-miri tal-emissjonijiet jiġu implimentati mill-2011 'il quddiem sabiex sal-2015 jintlaħaq l-ammont ta' 125 g CO2/km permezz ta' titjib tekniku fil-vetturi biss. Il-Parlament enfasizza t-tieni miżura li trid tittieħed fid-dawl tal-mira għall-futur iktar imbiegħed: li sal-2020 jintlaħaq l-ammont ta' 95 g CO2/km u possibilment ta' 70 g CO2/km sal-2025, suġġetti għal konferma jew analiżi mill-ġdid sa mhux aktar tard mill-2016.

6.1

L-imġiba tal-konsumatur hija ta' importanza partikolari biex jitnaqqsu b'suċċess l-emissjonijiet tas-CO2 mill-karozzi. Għalhekk, il-Kummissjoni bdiet il-ħidma biex temenda d-Direttiva 1999/94/KE dwar id-disponibilità ta' tagħrif għall-konsumatur dwar il-konformità ta' vetturi ġodda mal-miri ta' emissjonijiet u l-ekonomija tal-karburanti, immirata biex l-utenti tal-karozzi jagħtu kontribut akbar biex jinkisbu l-għanijiet stabbiliti.

7.1

Bħal fl-opinjonijiet preċedenti rigward proposti tal-Kummissjoni dwar tnaqqis fl-emissjonijiet tas-CO2, il-Kumitat jafferma mill-ġdid l-appoġġ tiegħu għall-inizjattivi kollha tal-UE li għandhom l-għan li jilħqu miri speċifiċi dwar tnaqqis fl-emissjonijiet tal-gassijiet b'effett ta' serra, bħala aspett ewlieni fil-ġlieda kontra l-bidla fil-klima.

7.2

Il-Kumitat jaqbel mal-għanijiet ta' dan ir-Regolament propost, abbażi tal-kummenti t'hawn taħt. Jistieden lill-Kunsill u lill-Parlament Ewropew biex jadottaw malajr il-leġiżlazzjoni pendenti kollha mmirata lejn il-kontroll fil-bidla tal-klima.

7.3

Il-Kumitat jistieden lill-istituzzjonijiet Ewropej jadottaw malajr id-Direttiva COM(2005) 261 dwar taxxi relatati mal-karozzi tal-passiġġieri, li għandha tgħin biex il-mira tintlaħaq aktar malajr, billi tħeġġeġ il-kumpaniji jagħmlu sforzi akbar biex itejbu kemm jista' jkun malajr id-Direttiva 1999/94/KEE dwar it-tikketti tal-emissjonijiet tas-CO2 u biex jiġu proposti u kkoordinati inizjattivi dwar ir-reklamar u l-kummerċjalizzazzjoni ta' vetturi motorizzati. Dawn għandhom jinkludu miżuri għall-promozzjoni ta' vetturi aktar effiċjenti fil-konsum tal-karburant u għall-projbizzjoni tar-reklamar tal-vetturi li jniġġsu l-aktar.

7.4

Il-Kumitat jappoġġja l-għażla tal-Artikolu 95 tat-Trattat KE bħala l-bażi ġuridika għar-Regolament propost, minħabba li dan huwa xieraq ħafna biex jiġu żgurati ugwaljanza fost l-atturi kollha u livell għoli ta' ħarsien tas-saħħa u tal-ambjent.

7.5

Il-Kumitat jaqbel li regolament huwa l-istrument legali adattat minħabba li jiżgura li jkun hemm konformità immedjata u jipprevjeni milli sseħħ kwalunkwe distorsjoni tal-kompetizzjoni. Jidher li din l-għażla hija neċessarja minħabba li l-impenji volontarji li ħadet l-industrija, li għalkemm huma ta' benefiċċju f'dak li jirrigwarda r-riżultati miksuba fil-prestazzjoni tal-emissjonijiet minn karozzi tal-passiġġieri, ma kinux biżżejjed biex jintlaħqu l-miri stipulati.

7.6

Il-Kumitat japprova l-proposta li l-emissjonijiet jitnaqqsu sa 130 g CO2/km permezz ta' titjib fit-teknoloġija ta' vetturi motorizzati, filwaqt li jiddispjaċih li l-mira iktar stretta ta' 120 g CO2/km li kienet maħsuba qabel għall-2012 ma jidhirx li għad tista' tintlaħaq. Jagħraf li l-Kummissjoni issa qed tipproponi li tikseb il-mira ta' 120 g/km b'mod differenti, permezz ta' approċċ integrat, li jinkludi standards imtejba għat-tajers, il-promozzjoni ta' kemm huma konxji l-konsumaturi, inċentivi għas-sewqan ekoloġiku (1) u b'mod partikolari permezz ta' użu akbar tal-bijokarburanti. Iżda minħabba d-dubji dejjem jikbru dwar kemm hi possibbli u mixtieqa l-mira li jintużaw il-bijokarburanti fis-settur tat-trasport, il-Kumitat ma jqisx din l-alternattiva bħala waħda sodisfaċenti.

7.7

Għalhekk il-Kumitat jirrakkomanda li l-Kummissjoni tistabbilixxi minn issa iktar miri għall-industrija tal-karozzi biex tittejjeb il-prestazzjoni tal-vetturi fl-użu tal-karbonju fis-snin li ġejjin. Nemmnu li jekk jiġu stabbiliti minn issa miri dejjem aktar stretti għas-snin li ġejjin jingħata sinjal ċar lill-industrija Ewropea tal-istandards li ser ikunu japplikaw f'dawk is-snin, biex tkun tista' tadatta l-pjanijiet tal-produzzjoni tagħha kif xieraq.

7.8

Il-Kumitat jaħseb li jekk tinkiseb din il-mira, din tkun tirrappreżenta kontribut importanti mill-industrija motorizzata fil-ġlieda kontra l-emissjonijiet tal-gassijiet b'effett ta' serra mis-settur tat-trasport, minħabba li f'dak il-perjodu tirriżulta fi tnaqqis ta' 400 miljun tunnellata fl-emissjonijiet tas-CO2.

7.9

Il-Kumitat jemmen li l-investiment sinifikanti fir-riċerka u fl-iżvilupp huwa fattur ewlieni biex jinkisbu kemm l-għanijiet attwali u kif ukoll dawk għall-futur aktar imbiegħed. Dan għandu jitfassal biex jorbot u jikkoordina ma' inizjattivi li jkunu għaddejjin fl-Istati Membri individwali, fl-universitajiet u fiċ-ċentri teknoloġiċi kollha ta' eċċellenza relatati mal-industrija u jinvolvi l-parteċipazzjoni diretta tal-manifatturi.

7.9.1

Il-KESE jiġbed l-attenzjoni tal-Kummissjoni u l-Istati Membri lejn il-ħtieġa li jiġu introdotti miżuri ta' appoġġ tad-dħul, anke permezz ta' inċentivi tat-taxxa, għal familji kbar li bilfors ikollhom jużaw vetturi kbar. Għandha wkoll titqies is-sitwazzjoni fis-swieq tal-Lvant tal-Ewropa fejn il-ħajja medja tal-karozzi hija twila ħafna u fejn jinbiegħu aktar karozzi second u third-hand li jniġġsu iżjed l-arja. Għandhom jinstabu modi kif f'dawn il-pajjiżi jiġi inċentivat l-iskambju, permezz ta' miżuri speċifiċi. Huwa ċar li l-pajjiżi fejn id-dħul għal kull ras huwa inqas mhux ser ikunu jistgħu jgawdu minn tnaqqis ġenerali fl-emissjonijiet, għax in-nies mhux ser ikunu jistgħu jixtru l-vetturi l-ġodda, aktar effiċjenti, li x'aktarx li jkunu aktar għoljin.

7.10

Jidher biċ-ċar li filwaqt li matul is-snin li ġejjin jistgħu jinkisbu riżultati raġonevoli permezz tal-użu ta' teknoloġiji li diġà jeżistu, ser ikun hemm bżonn li fil-futur jiġi kkunsidrat “waqfa teknoloġika mit-teknoloġija preżenti” bl-introduzzjoni ta' teknoloġija aktar avvanzata.

7.11

Għal dan il-għan, il-Kumitat jaħseb li l-ħolqien ta' Inizjattiva Teknoloġika Konġunta (JTI) jista' jgħin sabiex tiġi mmobilizzata l-komunità xjentifika. Din tista' tkun ikkofinanzjata minn allokazzjoni mdaqqsa tal-baġit tal-UE, flimkien ma' finanzjament mill-manifatturi, kif ġie propost dan l-aħħar f'setturi importanti bħaċ-ċelloli tal-idroġenu u tal-karburant, l-aeronawtika u t-trasport bl-ajru, mediċini innovattivi, sistemi tal-IT u n-nanoelettronika.

7.12

Il-Kumitat jappoġġja l-introduzzjoni ta' pieni mill-2012 jekk ma jintlaħqux il-miri, kif stabbilit skont l-Artikolu 7 tar-Regolament, filwaqt li jaqbel ma' dan l-appoċċ dissważiv, iżda jaħseb li dawn il-pieni għandhom jinżammu għal attivitajiet relatati mal-industrija tal-vetturi li:

7.13

Madankollu, il-Kumitat jidhirlu li dawn il-miżuri u n-natura progressiva ħafna tagħhom mhumiex kompatibbli mal-kapaċità tal-manifatturi tal-UE biex jadattaw il-katini ta' produzzjoni tagħhom skont il-limiti l-ġodda. Il-pieni, li probabbli jiġu inklużi fil-prezzijiet tal-konsumaturi, jidhru li huma għoljin mhux ħażin, u jistgħu jikkawżaw distorzjoni tal-kompetizzjoni u joħolqu sitwazzjoni ta' penalizzazzjoni għas-settur, meta mqabbel ma' setturi oħrajn. Ser ikun jeħtieġ li tinstab soluzzjoni li tarmonizza l-piż, billi tqis l-ispiża medja li ser ikollhom is-setturi l-oħrajn involuti fit-tnaqqis tal-emissjonijiet tas-CO2.

7.14

Il-Kumitat jipproponi li l-Kummissjoni tikkunsidra l-possibbiltà li tinbidel is-sistema attwali li tiddefinixxi l-valuri tal-limiti tal-emissjonijiet abbażi tal-massa tal-vettura ma' waħda bbażata fuq parametri oħra, bħall-ispazju okkupat mill-vettura (l-ispazju okkupat mill-vettura jiġi kkalkolat billi d-distanza bejn iċ-ċentru tar-roti ta' quddiem u ċ-ċentru tar-roti ta' wara tiġi mmultiplikata mad-distanza miċ-ċentru ta' rota waħda saċ-ċentru ta' rota oħra li tkun tinsab fin-naħa opposta tal-vettura).

7.15

L-inklinazzjoni tal-funzjoni lineari (jiġifieri l-perċentwali tal-inklinazzjoni) ser tinfluwenza l-mod kif il-piż jiġi kondiviż fost il-manifatturi u ċ-ċertezza tar-riżultat ambjentali. Iktar ma l-inklinazzjoni tkun qrib il-100, iktar ikun ħafif il-piż li jrid jinġarr mill-manifatturi ta' karozzi itqal. Viċiversa, iktar ma l-inklinazzjoni tkun qrib iż-żero, iktar ikun tqil il-piż sabiex jintlaħqu l-miri (inklinazzjoni ta' 80 % tippermetti eċċess ta' 6 g ta' emissjonijiet, inklinazzjoni ta' 20 % tippermetti biss eċċess ta' emissjonijiet ta' 1.5 g). Il-Kummissjoni indikat inklinazzjoni ta' 60 % (eċċess ta' 4.6 g). Il-Kumitat qed jitlob lill-Kummissjoni taħseb aktar dwar din il-proposta, sabiex tkun żgura li r-regolament ma jivvantaġjax jew joħloq xkiel għal kwalunkwe impriżaEwropea.

7.16

Jekk il-Kummissjoni tiddeċiedi li żżomm l-approċċ ibbażat fuq il-massa, ma tantx ikun jagħmel sens li fl-2010 tiġi riveduta l-kurva, filwaqt li l-massa għandha tiġi kkunsidrata mill-2013.

7.17

Il-Kumitat jistieden lill-Kummissjoni sabiex tfassal malajr standards leġiżlattivi adegwati li jistgħu jillimitaw l-emissjonijiet tas-CO2 minn vetturi għal merkanzija ħafifa, vetturi għal tagħbijiet tqal u vetturi b'żewġ roti, li għalihom jeħtieġ data verifikata li wieħed jista' joqgħod fuqha dwar l-emissjonijiet stess.

7.18

Minbarra l-kwistjoni kruċjali tal-ħarsien ambjentali, il-Kumitat jistieden lill-Kummissjoni biex tikkunsidra b'mod xieraq l-effetti potenzjali ta' dan il-proċess kumpless fuq it-13-il miljun ħaddiem li bħalissa huma impjegati fl-industrija motorizzata. Bil-prezzijiet taż-żejt dejjem jogħlew u konsumaturi li dejjem ser ikunu jridu jiffrankaw il-flus li jonfqu għall-karburant, bil-produzzjoni ta' karozzi iżgħar u aktar effiċjenti, il-produtturi tal-karozzi fl-UE jista' jkollhom vantaġġ kompetittiv li jiffavorixxi l-impjieg fl-UE.

7.19

Fl-opinjoni tal-Kumitat, hemm bżonn ta' miżuri xierqa u prattiċi sabiex issir riċerka dwar teknoloġiji innovattivi u effiċjenti ġodda sabiex titħares l-istruttura industrijali tal-manifatturi ewlenin ibbażati fl-Ewropa, sabiex iżommu jew saħansitra jżidu l-kompetittività tal-industrija Ewropea tal-karozzi u l-kwalità tal-impjiegi li tipprovdi.

7.20

Il-Kumitat jemmen li element importanti f'dan il-proċess huwa li l-limiti tal-emissjonijiet jiġu applikati b'mod sħiħ u strett għall-vetturi kollha mhux manifatturati fl-UE li jinbiegħu fl-Ewropa. Dawn il-limiti ser jiġu kkalkulati skont l-importazzjonijiet.

7.21

Il-Kumitat jaħseb li r-rapporti ta' progress li għandhom jitfasslu fl-2010, jirrappreżentaw opportunità ewlenija sabiex tiġi stmata l-istrateġija kollha. Għalhekk, jitlob li jkun involut f'dawn il-valutazzjonijiet perijodiċi bl-opportunità li jkun jista' jesprimi l-fehma tiegħu.

7.22

Il-KESE jaħseb li l-valutazzjoni tal-impatt mhix analizzata biżżejjed. L-opinjoni tal-Bord ta' Stima dwar l-Impatt talab li jiġu ċċarati ċerti punti kruċjali, minħabba l-importanza ta' din il-kwisjoni.

7.23

Ir-rakkomandazzjonijiet tal-Bord, stipulati fid-dokument SEC(2007) 1725, huma kif ġej: li jiġi ċċarat l-impatt fuq il-kompożizzjoni tal-flotta u l-effetti li dan jista' jħalli fuq il-ksib tal-miri, u li jiġu spjegati d-differenzi possibbli bejn ir-riżultati ta' TREMOVE (2) u l-analiżi ex-ante; li titwettaq analiżi dwar is-sensittività ta' ċerti varjanti bħall-prezzijiet tal-karburant jew żieda awtonoma fil-piż (AWI); li jiġi stmat l-impatt reġjonali, b'mod partikolari fir-rigward tal-impjiegi; u li jiġu kkunsidrati l-effetti fuq l-industrija tal-fornituri tal-vetturi u fuq il-kompetittività fis-swieq esterni. Il-Kumitat jaqbel ma' dawn is-suġġerimenti u jittama li l-analiżi tal-impatt tkun kompluta kif xieraq.

7.24

Flimkien mal-miżuri proposti, il-Kumitat jenfasizza l-bżonn li jiżdiedu l-politiki mmirati sabiex inaqqsu t-talba tat-trasport, permezz ta' trasferiment akbar tat-trasport fit-triq għal metodi oħra li jiġġeneraw anqas emissjonijiet ta' gassijiet b'effett ta' serra bħat-trasport tal-ferroviji, f'kanali tal-ilma interni jew it-trasport pubbliku.

7.25

Il-KESE ma jaqbilx mad-deroga temporanja proposta skont l-Artikolu 9 tar-Regolament. Kif miktuba bħalissa tmur kontra l-prinċipju li l-kumpaniji għandhom jiġu trattati bl-istess mod, u b'hekk tgħawweġ il-kompetizzjoni f'dan is-settur partikolari tas-suq fejn jidħlu prodotti simili b'karatteristiċi simili. Il-KESE jidhirlu li d-deroga għandha tingħata lill-manifatturi kollha (għandhomx rabta jew le ma' manifattur ieħor) li qed jikkompetu fl-istess settur tas-suq, li hu x'inhu l-każ huwa żgħir (0.2 %).

7.26

Il-KESE jirrakkomanda lill-Kummissjoni tistabbilixxi objettivi fuq perijodu fit-tul, skont il-parir tal-Parlament Ewropew: sa mill-2020 ser ikun jeħtieġ li jinstabu soluzzjonijiet aktar ċari, b'enfasi partikolari fuq kemm jistgħu jitwettqu fil-prattika. Huwa kruċjali li nkomplu nnaqqsu l-emissjonijiet, sabiex ngħaddu messaġġ ċar li beħsiebna nistinkaw f'din it-triq.

7.27

Il-KESE jirrakkomanda li jitfassal mudell sabiex jiġi kkalkulat is-CO2 tal-emissjonijiet kollha marbutin mal-manifattura tal-karozzi. F'ċerti pajjiżi, pereżempju, ħafna partijiet tal-karozzi jinġiebu mill-bogħod ħafna, b'hekk dan iżid in-numru totali ta'emissjonijiet għal kull karozza li tiġi manifatturata, qabel ma biss il-karozzi jinżlu fit-triq. Il-marka tal-karbonju għandha titqies fejn jidħol iċ-ċiklu ta' ħajja sħiħ tal-vetturi, ikluż is-CO2 meħtieġ għar-rimi.

7.28

F'diversi opinjonijiet reċenti, il-Kumitat ħeġġeġ lill-Kummissjoni sabiex tniedi dibattitu dwar l-istili ta' ħajja. Filwaqt li jaqbel mal-objettivi proposti, il-Kumitat jenfasizza li jekk il-livelli attwali ta' tkabbir ikomplu jiżdiedu b'rabta mal-għadd ta' vetturi privati, vetturi tat-trasport fit-triq u mezzi oħra ta' trasport li jiġġeneraw livelli għolja ta' emissjonijiet ta' gassijiet b'effett ta' serra u NOx, u jekk it-tbassir tal-Kummissjoni dwar it-tkabbir isir realtà, ikun impossibbli li jinkiseb l-għan li s-CO2 jitnaqqas b'20 %, kif stabbilit fi proposti riċenti tal-Kummissjoni.

31.3.2009   

MT

Il-Ġurnal Uffiċjali tal-Unjoni Ewropea

C 77/8

1.1

Il-KESE jilqa' l-inizjattiva tal-Kummissjoni sabiex tirrevedi d-Direttiva dwar is-sikurezza tal-ġugarelli, għalkemm din waslet kemxejn tard u mhix ambizzjuża biżżejjed.

1.2

Il-KESE jinnota li l-valutazzjoni tal-impatt li fuqha hija bbażata din l-inizjattiva tmur lura għall-2004, u b'hekk ma ġewx ikkunsidrati l-pajjiżi kollha li llum il-ġurnata huma Stati Membri tal-UE.

1.3

Fid-dawl taż-żieda fit-twissijiet tal-ġugarelli, hekk kif ħareġ fid-dieher fl-aħħar rapport tar-RAPEX (2007), il-KESE ma jistax jifhem kif il-valutazzjoni tal-impatt ma tasal għall-ebda konklużjoni mhux biss rigward ir-rabta bejn id-Direttiva attwali u l-inċidenti tat-tfal bil-ġugarelli, iżda iktar u iktar rigward in-nuqqas ta' għarfien b'rabta mal-proposta preżenti dwar in-numru u l-gravità tal-inċidenti marbuta mal-ġugarelli fil-ġejjieni — dan għandu jkun it-tħassib ewlieni u r-raġuni fundamentali ta' din l-inizjattiva.

1.4

Billi l-Kummissjoni rrikonoxxiet in-nuqqas ta' statistika affidabbli u kredibbli dwar l-inċidenti kkawżati mill-ġugarelli fl-UE, il-KESE jissuġġerixxi li l-Kummissjoni, b'kooperazzjoni mal-awtoritajiet kompetenti tal-Istati Membri, għandha twaqqaf sistema adegwata ta' informazzjoni statistika dwar tali inċidenti, u li tal-inqas tkun komprensiva bħal dik li hemm diġà f'ċerti sistemi legali, li hija aċċessibbli għall-partijiet interessati kollha fil-katina tal-produzzjoni u tal-bejgħ bil-għan li timpedixxi l-inċidenti (1).

1.5

Il-KESE jemmen li l-bażi legali għall-proposta għandha tkun l-Artikolu 153 tat-Trattat u mhux l-Artikolu 95 biss, ladarba l-protezzjoni effettiva tat-tfal hija iktar importanti mill-proċess li sempliċement jiffaċilita n-negozju transkonfinali tal-ġugarelli.

1.6

Il-KESE jemmen ukoll li, fid-dawl tal-ambitu u n-natura tal-proposta leġiżlattiva l-ġdida u tal-esperjenza fl-implimentazzjoni tad-Direttiva attwali f'diversi Stati Membri, u billi ġie aċċettat approċċ ta' armonizzazzjoni sħiħa, regolament ikun strument ħafna iżjed xieraq minn direttiva.

1.7

Il-KESE japprezza l-forma koerenti u strutturata tajjeb, kemm mil-lat tekniku kif ukoll minn dak legali, tal-proposta, u b'mod ġenerali jaqbel mal-miżuri innovattivi tagħha, li jinkludu:

1.8

Madankollu, il-KESE jinnota b'dispjaċir li numru ta' aspetti importanti ferm ma ġewx koperti jew ma ġewx koperti b'mod xieraq. Dawn huma:

1.9

Għalhekk il-Kumitat iħeġġeġ bis-sħiħ lill-Kummissjoni sabiex tirrevedi l-proposta tagħha fid-dawl ta' din l-opinjoni bil-għan li ssir strument iżjed kredibbli għall-protezzjoni u s-sikurezza effettivi tat-tfal meta jkunu qegħdin jużaw il-ġugarelli.

1.10

Il-Kumitat jistieden lill-Parlament Ewropew u lill-Kunsill jaċċettaw is-suġġerimenti u r-rakkomandazzjonijiet imressqa f'din l-opinjoni, u jintegrawhom fil-proċedura leġiżlattiva li twassal għall-adozzjoni tad-Direttiva l-ġdida.

2.1

L-ewwel darba li l-Kummissjoni ħabbret l-intenzjoni tagħha li tieħu passi legali fil-qasam tas-sikurezza tal-ġugarelli kien fis-sebgħinijiet, meta ressqet numru ta' proposti li sussegwentement ġew revokati minħabba li ma kienx hemm kunsens politiku. Eventwalment, wara r-Riżoluzzjoni tal-Kunsill tat-23 ta' Ġunju 1986 (2) dwar il-protezzjoni u s-sikurezza tal-konsumatur, il-Kummissjoni ressqet proposta ġdida li f'termini iktar konsenswali wriet il-ħtieġa tal-armonizzazzjoni fuq livell Ewropew tad-definizzjoni ta' ġugarelli, l-istandards tal-manifattura tagħhom, ir-rekwiżiti prinċipali ta' sikurezza, il-kundizzjonijiet għat-tqegħid fis-suq u l-garanziji li dawn jistgħu jintużaw mit-tfal mingħajr l-ebda periklu.

2.2

Id-Direttiva 88/378/KE tat-3 ta' Mejju 1988, ippubblikata dak iż-żmien (3), hija waħda mill-ewwel inizjattivi leġiżlattivi li nibtet mill-“approċċ il-ġdid” fil-qasam tal-armonizzazzjoni u l-istandardizzazzjoni teknika, ibbażata fuq ir-Riżoluzzjoni tal-Kunsill tas-7 ta' Mejju 1985 (4).

2.3

Il-KESE ħejja opinjoni obbligatorja dwar il-Proposta għal Direttiva li tressqet dak iż-żmien (5) fejn, filwaqt li laqa' l-proposta, innota b'dispjaċir id-dewmien fit-tħejjija tagħha. Fuq il-bażi tas-suppożizzjoni li l-ġugarelli kollha għandhom ikunu affidabbli, u li t-tfal huma vulnerabbli għar-riskji u għandhom jitħarsu iktar minn ħaddieħor, enfasizza l-ħtieġa li l-kwistjoni tas-sikurezza tal-ġugarelli tkun indirizzata fil-kuntest iktar ġenerali tad-Direttiva dwar ir-responsabilità għall-prodott (6).

2.4

Sadattant, id-Direttiva tal-1988 (7) kellha għadd ta' corrigenda, emenda prinċipali permezz tad-Direttiva 93/68/KEE tat-22 ta' Lulju 1993 (8), u l-Kummissjoni ħarġet Komunikazzjoni dwar l-implimentazzjoni tagħha (9).

2.5

Fl-1992 u fl-2001 ġew adottati u ppubblikati żewġ Direttivi dwar is-sikurezza ġenerali tal-prodotti, u indirizzaw is-sikurezza tal-ġugarelli b'mod ġeneriku (10). Id-Direttiva tal-2001 tenfasizza b'mod partikolari l-“bidliet magħmula lit-Trattat, b'mod speċjali l-Artikoli 152 li jirrigwarda s-saħħa u l-153 li jirrigwarda l-protezzjoni tal-konsumatur, u fid-dawl tal-prinċipju prekawzjonarju”.

2.6

Għoxrin sena wara l-pubblikazzjoni tad-Direttiva tal-1988, il-Kummissjoni qiegħda tipproponi Direttiva ġdida dwar dan is-suġġett, wara li ntebħet li l-leġiżlazzjoni implimentata sadattant skadiet, li l-ambitu tagħha u l-kunċetti użati għandhom bżonn jiġu ċċarati u jkunu konformi maċ-ċirkostanzi attwali, li hemm ħtieġa urġenti li wieħed jiżgura li d-dispożizzjonijiet tagħha jkunu konformi mal-qafas leġiżlattiv ġenerali propost reċentement (11) għat-tqegħid ta' prodotti fis-suq u, fuq kollox, li ħarġu nuqqasijiet u differenzi serji rigward l-applikazzjoni tad-Direttiva waqt it-traspożizzjoni u l-implimentazzjoni tagħha f'numru ta' Stati Membri, u li jenħtieġ li tinstab soluzzjoni għal dan kollu.

2.7

Din il-proposta hija bbażata fuq tliet studji tekniċi prinċipali, li għandhom jittieħdu bħala parti integrali minnha. Tnejn jirrigwardaw ir-rekwiżiti u l-użu ta' ċerti sustanzi allegatament perikolużi fil-manifattura tal-ġugarelli; u t-tielet wieħed huwa valutazzjoni tal-impatt ġenerali u l-aħħar rapport ta' din il-valutazzjoni ħareġ fl-2004.

2.8

Fi ftit kliem, il-Kummissjoni qiegħda taħdem fuq l-għanijiet li ġejjin permezz ta' din il-proposta:

3.1

Il-KESE jilqa' l-inizjattiva tal-Kummissjoni għalkemm waslet pjuttost tard, ladarba d-Direttiva li qiegħda tiġi riveduta ilha teżisti 'l fuq minn 20 sena u l-parametri u l-metodi tal-produzzjoni u tat-tqegħid fis-suq tal-ġugarelli nbiddlu b'mod sostanzjali matul is-snin, hekk kif inbiddlu l-gosti u d-drawwiet tal-iżjed konsumaturi naturali tagħhom. Barra minn dan, il-KESE jemmen li l-proposta attwali tista' tkun ħafna iżjed ambizzjuża fil-miri tagħha, u d-dispożizzjonijiet tagħha jistgħu jikkunsidraw it-tħassib li qam minħabba l-avvenimenti reċenti, li ħarġu fil-pubbliku u li, barra minn hekk, intużaw mhux biss fid-diskorsi u l-pożizzjonijiet tal-Kummissarju inkarigat mill-protezzjoni tal-konsumatur, iżda wkoll fir-Riżoluzzjoni tal-PE ta' Settembru 2007, li s-sens ġenerali tagħha huwa fil-fatt ripetut mill-KESE (12). Għalhekk jinnota b'dispjaċir li d-diskussjonijiet mal-KESE ma ġewx akkumpanjati wkoll mid-DĠ SANCO, li ma kienx involut direttament fil-preparazzjoni tagħha.

3.2

Il-KESE huwa sorpriż li l-valutazzjoni tal-impatt, li fuqha ssejset din il-proposta, ilha teżisti iktar minn erba' snin u ma tkoprix is-sitwazzjoni fl-Istati Membri kollha. Lanqas mhuwa ċar x'konsiderazzjoni ngħatat lir-rappreżentanti tal-konsumaturi u tal-familji jew kemm kienu fil-fatt involuti fit-tħejjija tagħha.

3.3

Fid-dawl tal-kritika tal-Kummissjoni dwar l-allegati nuqqasijiet fl-implimentazzjoni tad-Direttiva, il-KESE huwa sorpriż li tali kritika mhijiex akkumpanjata minn inizjattivi min-naħa tal-Kummissjoni sabiex tiġi żgurata l-konformità ma' din il-liġi Komunitarja.

3.4

Il-KESE jsibha diffiċli li jifhem kif, għalkemm il-Kummissjoni taf u tammetti li hemm nuqqas ta' data statistika, huwa possibbli li jintlaħqu konklużjonijiet adegwati dwar kif l-affarijiet għandhom jinbidlu, jew inkella dwar l-effikaċja tal-miżuri proposti. Madankollu, huwa fatt magħruf li s-suq tal-ġugarelli fl-Ewropa, li fl-2002 ġie stmat li jirrappreżenta EUR 17 300 miljun bil-prezzijiet tal-bejgħ bl-imnut, u b'importazzjonijiet li jammontaw għal iktar minn EUR 9 000 miljun, huwa settur promettenti li jinvolvi madwar 2 000 intrapriża, l-iktar SMEs, u jħaddem b'mod dirett 'il fuq minn 100 000 persuna (13).

3.5

Il-KESE huwa tal-opinjoni li n-natura tal-proposta msemmija tirrikjedi li ma jiġix ikkunsidrat biss l-Artikolu 95, iżda wkoll l-Artikolu 153, bħala l-bażi legali, minħabba l-fatt li l-ambitu tagħha m'għandux x'jaqsam biss mat-tlestija tas-suq intern, iżda pjuttost jirrigwarda kategorija ta' konsumaturi vulnerabbli iktar mill-oħrajn, li bl-ebda mod ma tista' tiġi assoċjata ma' dik tal-“konsumatur medju”.

3.6

Barra minn hekk, il-fatt li t-tfal huma l-konsumaturi indiretti tal-ġugarelli, fis-sens li mhumiex huma li jixtruhom direttament, iżda huma l-ġenituri tagħhom jew adulti oħra li jixtruhomlhom, għandu jħeġġeġ lill-Kummissjoni sabiex tieħu approċċ iktar strett biex tiżgura li l-ħtieġa li tinforma u teduka lil din il-klassi ta' konsumaturi tkun riflessa kif jixraq fil-mod ta' kif jinkitbu d-dispożizzjonijiet tagħha.

3.7

Il-KESE jifhem għaliex f'dan il-każ il-Kummissjoni għażlet l-armonizzazzjoni kompluta, iżda jerġa' jsostni l-konvinzjoni tiegħu li, f'tali każijiet, ikun aħjar jekk bħala strument jingħażel Regolament minflok Direttiva, b'vantaġġi ovvji b'rabta maċ-ċertezza legali u mingħajr riskji li t-traspożizzjoni ssir tard wisq jew tkun difettuża, u b'hekk mingħajr ir-riskju ta' differenzi fl-implimentazzjoni. Il-Kummissjoni ammettiet li dan kollu seħħ fid-Direttiva preżenti (14).

3.8

Minħabba n-natura tas-suġġett, l-evoluzzjoni kontinwa ta' “l-aħħar avvanzi tat-teknoloġija”, il-possibbiltà ta' inċidenti okkażjonali, hekk kif urew biċ-ċar il-każijiet tal-Mattel u l-Fisher Price, u ż-żieda allarmanti fin-numru ta' twissijiet relatati mal-ġugarelli fl-aħħar rapport annwali tar-RAPEX (2007), li tirrappreżenta s-settur bl-ikbar numru ta' notifiki (31 %) (15), wieħed seta' jittama li l-proposta preżenti titħejja fid-dawl tat-tagħlimiet minn dawn l-avvenimenti — u b'mod partikolari mill-falliment tas-sorveljanza ta' wara t-tqegħid fis-suq — u li tfisser li d-Direttiva ssir iktar prattikabbli u infurzabbli, li tista' twassal għal suq tal-ġugarelli iktar sikur. Dan ifisser li, f'każ ta' dubju, jiġi pprojbit kulma jkun suspettat b'mod leġittimu, għalkemm dan ma jkunx ċert għal kollox, li huwa perikoluż, anki jekk ir-riskju huwa żgħir, fl-użu tiegħu mit-tfal bħala ġugarell, u b'konsiderazzjoni tal-imġiba imprevedibbli tagħhom. Madankollu, dan mhuwiex il-każ.

3.9

Rigward il-marka CE, il-KESE sempliċement ser jerġa' jtenni dak li qal fl-opinjoni tiegħu, li ġiet espressa f'opinjoni preċedenti dwar qafas komuni għat-tqegħid fis-suq, li “nuqqas ta' kredibilità tal-marka CE iwassal għal nuqqas ta' fiduċja fis-sistema kollha: l-awtoritajiet ta' sorveljanza tas-suq, il-fabbrikanti, il-laboratorji u dawk li jiċċertifikaw, u fl-aħħar l-adegwatezza tal-leġiżlazzjoni tal-Approċċ il-Ġdid”  (16).

F'dan il-każ, il-KESE jħeġġeġ lill-Kummissjoni tarmonizza t-test finali ta' din il-proposta mat-test adottat għall-proposti kollha li jirrigwardaw il-qafas komuni msemmi hawn fuq (17).

3.10

Il-KESE jappoġġja bis-sħiħ is-suġġeriment tal-PE għall-introduzzjoni ta' tikketta Ewropea għas-sikurezza tal-ġugarelli, li għandha tingħata minn korpi terzi indipendenti, u jinnota b'dispjaċir li l-proposta ma indirizzatx għal kollox is-suġġerimenti mniżżla fir-Riżoluzzjoni tal-PE ta' Settembru 2007; il-KESE jtenni wkoll it-tħassib tal-SMEs, mhux b'rabta mal-fatt li l-ġugarelli li jipproduċu u jbigħu jistgħu jkunu inqas sikuri, iżda — hekk kif ġie diskuss fl-opinjoni msemmija hawn fuq — b'rabta mal-proporzjonalità tal-miżuri użati fil-proċeduri tal-valutazzjoni tal-konformità, b'mod speċjali għall-prodotti mhux iffabbrikati f'massa jew prodotti ffabbrikati fi kwantitajiet żgħar (18).

3.11

Il-KESE jaħseb li kwalunkwe sustanza li hija rikonoxxuta bħala potenzjalment perikoluża għandha titneħħa kompletament mill-industrija tal-manifattura tal-ġugarelli, f'qafas li jkun proporzjonat, ibbilanċjat u fattibbli għall-produtturi responsabbli, kif ukoll li jkun jista' jiġi infurzat mill-awtoritajiet.

3.12

Il-KESE jilqa' d-Deċiżjoni reċenti tal-Kummissjoni dwar “ġugarelli li fihom kalamita”, iżda huwa sorpriż li din il-kwistjoni lanqas biss issemmiet fil-proposta preżenti għal Direttiva: ir-reazzjoni tal-Kummissjoni ma tidhirx li hija b'saħħitha biżżejjed meta wieħed jikkunsidra l-gravità tal-perikli u l-inċidenti li diġà seħħew b'dan it-tip ta' ġugarell, li rriżulta biss f'appell lill-Istati Membri sabiex kull wieħed minnhom jiżgura, kulħadd bil-mod tiegħu, li jitwaħħal sinjal ta' “twissija”.

3.13

Il-KESE jaħseb li tista' tingħata definizzjoni iżjed preċiża tal-livell u n-natura tal-penali, hekk kif il-Kummissjoni diġà għamlet f'oqsma fejn il-ħsara kkawżata minn imġiba ħażina huwa konsiderevolment inqas mil-lat soċjali.

3.14

B'mod iżjed ġenerali, il-KESE jinnota b'dispjaċir li hawnhekk intilfet opportunità li setgħet tpoġġi l-protezzjoni tat-tfal Ewropej tal-inqas fuq l-istess livell li jeżisti, inkluż fuq inizjattiva tal-produtturi, f'xi wħud mill-Istati Membri u f'xi pajjiżi oħra, fejn ċerti tipi ta' ġugarelli huma sempliċement projbiti, hekk kif intwera fi studju reċenti kkummissjonat mill-PE (19).

3.15

Il-KESE huwa konxju tal-kompetizzjoni internazzjonali ħarxa fl-industrija tal-ġugarelli. Għalhekk iħeġġeġ lill-Kummissjoni Ewropea, lill-Parlament Ewropew u lill-Kunsill biex iqisu l-kompetittività tas-settur meta jintroduċu modifiki matul il-proċess leġiżlattiv lejn l-adozzjoni ta' din id-Direttiva. L-istandards tas-sikurezza għall-ġugarelli m'għandhomx jitbaxxew billi tiddgħajjef il-protezzjoni tal-konsumatur, b'mod speċjali it-tfal, iżda r-regoli tal-kummerċ internazzjonali għandhom jiġu osservati strettament sabiex il-kumpaniji Ewropej ikunu jistgħu jikkompetu bl-istess kundizzjonijiet.

3.16

Fl-aħħar nett, il-KESE jistieden lill-Kummissjoni tkun konxja mit-tħassib soċjali b'rabta mal-industrija tal-manifattura tal-ġugarelli, speċjalment f'pajjiżi terzi fejn tfal żgħar jiġu mġiegħla jaħdmu f'kundizzjonijiet atroċi u għal sigħat twal, fejn kuljum imissu prodotti tossiċi u verament perikolużi. Jistedinha wkoll tadotta pożizzjoni ċara favur ġugarelli ekoloġiċi u etiċi.

—

l-imballaġġ tal-prodott, u speċjalment f'sitwazzjonijiet fejn il-ġugarelli jiġu ppakkjati f'boroż tal-plastik;

—

il-possibbiltà li ċerti komponenti tal-ġugarell jinħallu u jinbelgħu mit-tfal;

—

il-karatteristiċi f'każ li ġugarell jinkiser.

—

li jkun iċċarat li m'għandhiex tintuża bħala sistema ta' immarkar jew tikkettjar għal skopijiet ta' konsum, lanqas bħala garanzija ta' kwalità jew ċertifikazzjoni jew approvazzjoni minn partijiet terzi indipendenti, imma biss bħala dikjarazzjoni ta' konformità u ta' dokumentazzjoni teknika, li l-fabbrikant jew l-importatur għandu l-obbligu u r-responsabbiltà sħiħa li jipproduċi għall-awtoritajiet u l-konsumaturi;

—

li jkunu rrazzjonalizzati l-proċeduri varji għall-evalwazzjoni tal-konformità;

—

li tissaħħaħ il-protezzjoni legali tal-marka CE billi tiġi reġistrata bħala marka kollettiva, li tfisser li l-awtoritajiet pubbliċi jistgħu jaġixxu b'ħeffa biex irażżnu l-abbużi, waqt li jżommu miftuħa l-possibbiltà ta' immarkar nazzjonali addizzjonali;

—

li jissaħħu l-mekkaniżmi tas-sorveljanza tas-suq u l-kontrolli doganali fil-fruntieri;

—

li produtturi u konsumaturi jistħarġġu l-vantaġġi u l-iżvantaġġi ta' kodiċi tal-kondotta volontarju possibbli fuq l-effettività tal-proliferazzjoni ta' marki u tikketti ta' kwalità nazzjonali — volontarji jew xorta oħra — u kif jirrelataw mal-marka CE”.

31.3.2009   

MT

Il-Ġurnal Uffiċjali tal-Unjoni Ewropea

C 77/15

1.1

Il-KESE jisħaq fuq l-importanza tal-Istrateġija ta' Liżbona bħala għajnuna għaż-żamma tal-benefiċċji tas-Suq Uniku u l-iżvilupp u l-konsolidazzjoni tiegħu.

1.2

Suq Uniku li jiffunzjona sew, kompetittiv u favur l-innovazzjoni huwa essenzjali sabiex l-Ewropa tkun tista' tisfrutta bis-sħiħ il-globalizzazzjoni filwaqt li tħares l-istandards soċjali tagħha. F'dan il-kuntest, il-KESE jinsab imħasseb dwar is-sentenzi reċenti tal-Qorti tal-Ġustizzja Ewropea dwar is-sekondar tal-ħaddiema. Bħalissa l-Kumitat qed janalizza r-riperkussjonijiet ta' dawn is-sentenzi fuq l-acquis communautaire mil-lat tal-politika soċjali (1).

1.3

Sabiex jiġi żviluppat is-Suq Uniku, il-KESE jisħaq fuq l-importanza tal-promozzjoni u l-isfruttar tar-riċerka xjentifika u r-riżultati tal-innovazzjoni, l-għajnuna lill-provvedituri nazzjonali tat-teknoloġija fil-promozzjoni fil-livell Ewropew tal-prodotti u t-teknoloġiji innovattivi, il-promozzjoni tat-tixrid u l-isfruttar transnazzjonali tar-riżultati tar-riċerka. Is-Suq Uniku huwa strument ewlieni għat-twettiq tal-Aġenda ta' Liżbona. L-għan tagħha huwa li jibbenefikaw il-konsumaturi, it-tkabbir ekonomiku u l-impjiegi billi jitneħħew l-ostakli għall-moviment ħieles tal-persuni, tal-merkanzija, tas-servizzi u tal-kapital, għalkemm għad fadal ħafna minnhom. Ħadd ma jista' jinnega l-benefiċċji ta' integrazzjoni aktar mill-qrib.

1.4

Il-Pakkett ta' Analiżi tal-Kummissjoni dwar is-Suq Uniku jipprovdi bażi tajba biex is-Suq Uniku jerġa' jissaħħaħ, iżda s-suċċess ta' dan jiddependi ħafna mill-ħila u l-ambizzjoni tal-gvernijiet nazzjonali u l-imsieħba soċjali tagħhom li jerfgħu r-responsabbiltajiet tagħhom u jużaw ir-riżorsi neċessarji biex dan il-kliem jinbidel f'fatti.

1.5

L-infurzar korrett u uniformi tal-leġiżlazzjoni u l-istandards attwali huwa waħda mill-iktar sfidi importanti. L-istimi tal-impatt, it-tnaqqis tal-piżijiet amministrattivi u l-ispiża tal-konformità leġiżlattiva li jinbtu mill-frammentazzjoni tas-suq intern, konsultazzjoni aħjar mal-imsieħba soċjali u l-partijiet interessati, partikularment mal-SMEs huma essenzjali kemm biex il-miri regolatorji jinftiehmu aħjar kif ukoll biex jiġu identifikati soluzzjonijiet mhux regolatorji.

1.6

L-impriżi ż-żgħar u ta' daqs medju jagħtu kontribut vitali għat-tħaddim effettiv tas-Suq Uniku. L-SMEs, fid-diversi forom tagħhom, għandhom rwol importanti ferm fis-settur tas-servizzi u huma kruċjali għall-kompromessi soċjali li jappoġġjaw l-ekonomija tal-UE. Is-Small Business Act u l-Karta tal-SME jirrikonoxxu l-importanza tal-SMEs fil-proċessi ta' politika u fl-istituzzjonijiet tal-UE u tal-Istati Membri. Madankollu, il-KESE jemmen li r-rwol tal-SMEs fl-implimentazzjoni tal-politika għandu jingħata aktar importanza, speċjalment fir-rigward tal-kontribut tagħhom biex jinkisbu l-għanijiet ekonomiċi, ambjentali u tal-politika soċjali.

1.7

Il-KESE jenfasizza li l-Fond Ewropew ta' Aġġustament għall-Globalizzazzjoni huwa strument ta' solidarjetà importanti li ser joffri għajnuna speċifika lill-ħaddiema li jitilfu xogħolhom minħabba t-tibdil fit-tendenzi tal-kummerċ dinji biex isibu impjieg ieħor. Filwaqt li jilqa' l-fatt li l-iskema tapplika għall-impjegati tal-SMEs, il-Kumitat jiddispjaċih li din l-iskema mhix disponibbli għal dawk il-persuni li jaħdmu għal rashom u li ser ikunu vulnerabbli għall-istess tibdil.

1.8

Il-KESE jitlob lill-Kummissjoni u lill-Istati Membri jiżguraw ruħhom li jiġu allokati biżżejjed riżorsi sabiex jittejjeb l-infurzar tar-regoli tas-Suq Uniku. Għandhom jiġu żviluppati wkoll inizjattivi biex jiżguraw li jkun hemm sinerġiji bejn politika tas-Suq Uniku, il-politika tal-kompetizzjoni u l-politika soċjali u ambjentali li huma importanti biex Suq Uniku jiffunzjona sew.

1.9

Il-Kummissjoni u l-Istati Membri jridu jiżguraw li l-inizjattivi regolatorji l-ġodda għandhom jikkontribwixxu biex is-Suq Uniku jiffunzjona mingħajr xkiel u jqisu l-impatt fuq il-kompetittività tal-kumpaniji Ewropej u l-effetti soċjali u ambjentali. Sabiex tiġi żgurata l-koerenza u ċ-ċertezza legali għall-intrapriżi u l-konsumaturi, u biex jiġi evitat li inizjattivi ġodda li jikkontradixxu lil xulxin, għandu jkun hemm “Test tal-kompatibilità mas-Suq Uniku” (2) għal proposti ġodda kemm fil-livell tal-UE kif ukoll f'dak nazzjonali biex janalizzaw l-impatt soċjali u ambjentali tagħhom.

1.10

Iċ-ċittadini u n-negozji għandhom jingħataw aċċess faċli u bi prezz raġonevoli għall-ġustizzja kif ukoll mezzi xierqa għar-riżarċiment u mekkaniżmi tar-riżoluzzjoni tat-tilwim. F'dan ir-rigward, għandu jissaħħaħ l-iżvilupp tal-għodod għar-riżoluzzjoni ta' tilwim barra mill-qorti.

1.11

Il-KESE ma jistax ma jilqax l-għan tal-Komunikazzjoni tal-20 ta' Novembru 2007 dwar l-SIĠ (Servizzi ta' Interess Ġenerali), jiġifieri li “l-Kummissjoni se tkompli tikkonsolida l-qafas tal-UE applikabbli għas-servizzi ta' interess ġenerali, inkluż għas-servizzi soċjali u tas-saħħa, billi tipprovdi soluzzjonijiet konkreti għal problemi konkreti fejn jeżistu” u “taħlita ta' azzjonijiet speċifiċi għas-setturi u speċifiċi għall-kwistjonijiet”.

1.12

Peress li l-liġi primarja tal-UE jew it-trattati jirrikonoxxu li l-SIEĠ jiffurmaw parti mill-“valuri komuni” tal-UE u jikkontribwixxu għall-“koeżjoni soċjali u territorjali” tagħha, l-azzjonijiet speċifiċi (li jqisu l-karatteristiċi speċifiċi ta' kull settur) għandhom jintrabtu ma' approċċi speċifiċi għall-kwistjonijiet.

1.13

Bl-inklużjoni tad-distinzjoni bejn is-servizzi ekonomiċi u non-ekonomiċi fil-leġiżlazzjoni primarja, kif ukoll fid-dawl tal-bżonn li jiġi żgurat ir-rispett tal-prinċipji tal-operat tal-SIEĠ, il-protokoll tal-SIĠ juri kif il-proċess tal-kjarifika tal-kunċetti u tal-iskemi attwali issa huwa importanti aktar minn qatt qabel biex jiġi żgurat li tali servizzi ma jibqgħux jiddependu mill-approċċ fuq bażi ta' każ b'każ li huwa esklużivament leġiżlattiv jew ġudizzjarju.

1.14

Għalkemm il-Parlament Ewropew kemm-il darba talab ċertezza legali ġenwina għas-servizzi soċjali ta' interess ġenerali, il-proposti stabbiliti fil-komunikazzjoni tal-SIĠ huma biss sett ta' risposti għal “mistoqsijiet frekwenti”, li ser ikunu utli iżda m'għandhom l-ebda valur legali vinkolanti.

1.15

Għaldaqstant, il-KESE jipproponi approċċ gradwali li jittratta diversi aspetti u li jgħaqqad l-aspetti speċifiċi għas-settur u speċifiċi għall-kwistjonijiet. Dan l-approċċ kapaċi jwassal biex, fejn ikun meħtieġ, jiġu adottati inizjattivi leġiżlattivi u/jew biex dawn il-prinċipji u l-kondizzjonijiet jiġu adattati għas-setturi differenti kkonċernati (l-approċċ orizzontali u speċifiku għall-kwistjonijiet).

2.1

Dan il-pakkett tal-Kummissjoni jipproponi firxa ta' inizjattivi appoġġjati minn ħames dokumenti ta' ħidma u żewġ komunikazzjonijiet dwar is-servizzi ta' interess ġenerali u d-dimensjoni soċjali tas-Suq Uniku (3).

2.2

Il-KESE ħareġ opinjonijiet dwar kull waħda minn dawn it-temi (4). Dan l-aħħar, adotta opinjoni fuq inizjattiva proprja dwar id-dimensjoni esterna tas-Suq Uniku u bħalissa qed iħejji waħda dwar id-dimensjoni soċjali u ambjentali ta' dan is-Suq (5).

3.1

Il-Kumitat jilqa' l-enfasi fil-COM(2007) 724 finali fuq l-għoti tas-setgħa lill-konsumaturi u lill-SMEs sabiex ikunu jistgħu jibbenefikaw mis-Suq Uniku u jirreaġixxu aħjar għall-istennijiet u t-tħassib tagħhom. Għalhekk jilqa' l-fatt li l-politika dwar is-Suq Uniku tagħti attenzjoni speċjali lill-oqsma marbuta mal-konsumaturi, bħall-enerġija, it-telekomunikazzjoni, is-servizzi finanzjarji bl-imnut u l-kummerċ bl-ingrossa u bl-imnut.

3.2

Is-suċċess ta' politika futura tas-Suq Uniku jiddependi mill-kapaċità konġunta tal-Istati Membri u tal-Kummissjoni sabiex jittejjeb il-funzjonament tiegħu. Is-Suq Uniku huwa “ħidma li għadha għaddejja” u huwa responsabbiltà konġunta. L-Istati Membri għandhom iħossu sens ta' responsabbiltà ikbar fir-rigward tiegħu. L-awtoritajiet nazzjonali ta' spiss jonqsu milli jwettqu r-responsabbiltajiet tagħhom fil-ġestjoni tas-Suq Uniku u dan iwassal għal ostakli ġodda li jnaqqsu l-fiduċja li s-Suq Uniku għandu jispira. Ir-rwol importanti tal-imsieħba soċjali fl-appoġġ għas-Suq Uniku għandu jiġi rikonoxxut aktar.

3.2.1

L-għan tal-Kummissjoni huwa li tagħti aktar prijorità sabiex l-infurzar isir b'mod korrett. Hemm bżonn li jiġu stabbiliti strumenti li jiżguraw li l-leġiżlazzjoni taħdem aħjar fil-prattika. It-traspożizzjoni f'waqtha u korretta tal-leġiżljazzjoni Komunitarja u s-semplifikazzjoni amministrattiva huma kruċjali biex l-infurzar isir iktar faċli. It-traspożizzjoni korretta tad-direttiva tas-servizzi hija partikularment importanti biex jinkisbu l-miri tagħha għall-ħolqien tal-impjiegi u t-tkabbir.

3.3

Il-provvista ta' soluzzjonijiet faċli u rapidi għall-problemi li jiffaċċjaw iċ-ċittadini u n-negozji fis-Suq Uniku għandha tibqa' prijorità. Is-SOLVIT huwa strument siewi ferm iżda b'xorti ħażina “ma jintużax biżżejjed” minħabba n-nuqqas ta' għarfien dwar is-sistema u s-siewi tagħha u ta' riżorsi xierqa speċjalment fil-livell nazzjonali. Kull inizjattiva biex tiġi indirizzata din is-sitwazzjoni, li tinkludi azzjonijiet biex jiġu żgurati biżżejjed riżorsi fiċ-ċentri tas-SOLVIT, kemm umani kif ukoll finanzjarji, huma rakkomandati ħafna, bħalma huma l-inizjattivi biex iwessgħu l-ambitu tagħhom.

3.4

Il-KESE jappoġġja l-intenzjoni tal-Kummissjoni li tissemplifika u tħaffef il-proċeduri ta' ksur tal-liġi billi tingħata prijorità lill-każijiet ta' ksur li jirrappreżentaw l-akbar riskju u li huma ekonomikament importanti mingħajr ma jiġu kompromessi l-effikaċja tad-deterrenti eżistenti.

3.5

Għad fadal ħafna xi jsir rigward is-sorveljanza tas-suq tal-prodotti li jiġu manifatturati lokalment u dawk importati. Dan jimponi ċerti dmirijiet kemm fuq l-awtoritajiet tal-Istati Membri kif ukoll fuq il-Kummissjoni Ewropea.

3.6

Il-KESE jixtieq li l-Kummissjoni tenfasizza aktar l-għajnuna li għandha tingħata lill-SMEs billi torbot il-politika tal-SMEs mal-għanijiet soċjali u ambjentali tal-Unjoni Ewropea, u fl-aħħar nett tneħħi l-ostakli nazzjonali li mhumiex tariffi li jinkludu ostakli għall-moviment ħieles tal-kapital u tal-ħaddiema (6).

3.7

F'kuntest iktar ġenerali, jibqa' essenzjali li l-Kummissjoni tkompli taqdi rwol b'saħħtu bħala gwardjan tat-Trattat u teżerċita d-dritt tagħha ta' inizjattiva sabiex tiżgura li s-Suq Uniku jiffunzjona sew.

3.8

Il-KESE jappoġġja l-importanza ta' sforz kontinwu għat-tnaqqis addizzjonali tal-ispejjeż, li jinħolqu mill-frammentazzjoni fiskali tas-Suq Uniku, bis-saħħa tal-promozzjoni ta' regolamenti Komunitarji li ser jappoġġjaw l-iżvilupp ta' attivitajiet transkonfinali u jipprovdu għall-konsolidazzjoni tas-Suq Uniku.

4.1

Il-KESE jilqa' l-għan li jiġi żgurat “tfassil ta' politika aktar inklużiv” u r-rieda li l-parteċipazzjoni tal-partijiet interessati tikber. L-istimi tal-impatt sistematiċi huma ta' importanza ewlenija.

4.2

Meta tkun qed titħejja stima tal-impatt, huwa essenzjali li jkun hemm konsultazzjoni mal-partijiet interessati rappreżentattivi. L-istimi tal-impatt sistematiċi għandhom jiġu analizzati bir-reqqa minn korp estern indipendenti ta' esperti li jinkludi l-gruppi tal-utenti aħħarija tal-leġiżlazzjoni.

4.3

Għandu jiġi garantit ukoll it-tnaqqis ta' piżijiet amministrattivi fuq il-kumpaniji mingħajr ma jiġu kompromessi r-riżultati soċjali.

4.4

Sabiex tiġi żgurata l-koerenza u ċ-ċertezza legali għan-negozji u l-konsumaturi, u biex jiġi evitat li inizjattivi ġodda joħolqu ostakli ġodda, għandu jkun hemm “Test tal-Kompatibilità mas-Suq Uniku” flimkien ma' evalwazzjoni tal-konsegwenzi soċjali u ambjentali (7) għall-proposti l-ġodda kemm fil-livell tal-UE kif ukoll dak nazzjonali. Testi legali li ma jkunux ċari, li ta' spiss jiġu implimentati u interpretati b'mod differenti, iwasslu għal kontradizzjonijiet fil-leġiżlazzjoni Komunitarja.

4.5

Huwa kruċjali li jittejbu l-informazzjoni u d-data dwar l-implimentazzjoni prattika tar-regoli tas-Suq Uniku. Il-Kummissjoni għandha tkun aktar trasparenti fil-pubblikazzjoni ta' informazzjoni dwar dawk l-Istati Membri li ma jwettqux ir-responsabbiltajiet tagħhom u fl-appoġġ li tagħti lir-rwol tal-imsieħba soċjali nazzjonali billi tagħmel ir-rapporti nazzjonali aktar konsistenti u trasparenti.

5.1

Il-KESE jaqbel mal-Kummissjoni li l-globalizzazzjoni hija sors formidabbli ta' dinamiżmu u kompetittività u li s-Suq Uniku għandu kwalità ta' valur li għandha tintuża bħala lieva biex jiġu ffaċċjati l-isfidi tal-globalizzazzjoni.

5.2

Il-liberalizzazzjoni tal-kummerċ hija identifikata b'mod korrett bħala l-ewwel pilastru tal-istrateġija tal-UE f'dan il-qasam. Is-suċċess tal-UE ser jitkejjel minn konklużjoni ambizzjuża fiċ-Ċiklu ta' Doha u mit-tlestija tan-negozjati dwar ftehim ta' kummerċ ħieles influwenti li ngħata bidu fil-qafas ta' “l-Ewropa Globali”.

5.3

Il-kwistjonijiet regolatorji u ta' standards qed jiddeterminaw dejjem aktar il-ħila tal-kumpaniji li jsibu posthom fil-livell internazzjonali. L-organizzazzjonijiet Ewropej tal-Istandardizzazzjoni bħas-CEN, is-CENELEC u l-ETSI, b'kooperazzjoni ma' organizzazzjonijiet konsultattivi, bħal pereżempju n-NORMAPME (9), għandhom jiżguraw li tali standards ikunu aċċessibbli għall-impriżi kollha, b'mod partikulari għall-impriżi ż-żgħar, madwar l-UE u fil-pajjiżi li qed jiżviluppaw.

5.4

Il-Kummissjoni bir-raġun tenfasizza l-bżonn li jinkisbu kooperazzjoni regolatorja aħjar, l-ekwivalenza u l-konverġenza internazzjonali. Fuq il-perijodu fit-tul, il-mira għandha tkun “Test wieħed, standard wieħed, aċċettat kullimkien”.

5.5

Ir-regolamenti tal-UE għandhomx iżommu l-kompetittività. Piżijiet eċċessivi fuq il-kumpaniji tal-UE mhux ser jiġu kkumpensati permezz ta' aċċettazzjoni internazzjonali tar-regoli tal-UE. Il-kooperazzjoni regolatorja ma' pajjiżi msieħba mhux ser tirnexxi jekk ma jkollhiex spirtu miftuħ u innovattiv lejn approċċi oħra.

5.6

Il-KESE jsibu inkoraġġanti l-impenn li r-regolamentazzjoni tal-UE titqabbel mal-aħjar prattiki internazzjonali, b'mod partikulari ma' dak tal-imsieħba prinċipali ta' kummerċ tal-UE. Dawn l-istandards għandhom jiġu inkorporati sistematikament fl-istimi tal-impatt tal-UE u l-Unjoni għandha tkun miftuħa għal kooperazzjoni regolatorja mal-imsieħba kummerċjali importanti. L-UE għandha taċċetta standards internazzjonali rikonoxxuti uffiċjalment għall-istimi tal-konformità.

5.7

Għandhom jitħeġġu l-inizjattivi tal-UE biex din tkun fuq quddiem nett fil-livell dinji għat-twaqqif tar-regoli u l-iżvilupp ta' standards internazzjonali ta' kwalità għolja, fuq bażi xjentifika, għall-prodotti industrijali u tal-ikel. L-istandards komuni għandhom ikunu akkumpanjati minn għanijiet regolatorji komuni. Għaldaqstant, il-Kumitat jirrakkomanda li ssir aktar enfasi fuq ftehimiet bilaterali u netwerks fost ir-regolaturi internazzjonali.

5.8

L-UE għandha tibqa' tappoġġja l-kummerċ ħieles, waqt li fl-istess ħin tipprovdi livell xieraq ta' sorveljanza tas-suq biex tipprevjeni l-importazzjoni ta' prodotti mhux sikuri. Madankollu, il-Kummissjoni għandha tiżgura li dawn il-miżuri, u s-sistemi li qegħdin jinħolqu ta' standards privati, ma jintużawx ħażin b'mod protezzjonist (10).

6.1

Il-Kumitat jappoġġja l-opinjoni li d-dimensjoni soċjali tgħin biex ikun hemm titjib fit-tħaddim tas-Suq Uniku, skont il-mudell tal-istrateġija għat-“tkabbir u l-impjiegi” u bis-saħħa tal-enfasi tiegħu fuq ekonomija tal-SME b'saħħitha.

6.2

Peress li l-integrazzjoni tas-suq tax-xogħol hija l-aħjar ħarsien kontra l-esklużjoni soċjali, fil-qalba tal-pjan tal-Kummissjoni għal “opportunitajiet, aċċess u solidarjetà” għandu jkun hemm użu aħjar tal-potenzjal tal-forza tax-xogħol fl-Ewropa f'soċjetajiet li qed jinbidlu malajr. Il-Kummissjoni għandha taħdem mal-imsieħba soċjali biex tiżgura li dan japplika b'mod partikulari għall-gruppi vulnerabbli, tal-immigranti u tal-minoritajiet.

6.3

Biex nindirizzaw l-isfidi tal-globalizzazzjoni: il-bidla teknoloġika u r-realtajiet soċjali u ambjentali li jevolvu, l-isforzi politiċi għandu jkollhom l-għan li jiżguraw miri soċjali permezz ta' żieda fir-rati tal-impjieg u l-ħolqien ta' kondizzjonijiet qafas għal żieda fit-tkabbir tal-produttività.

6.4

F'waħda mill-opinjonijiet tiegħu (11) l-KESE enfasizza l-importanza li tiġi integrata “l-flessigurtà” (12) fil-politiki kollha tal-UE. L-SMEs, u b'mod speċjali l-persuni li jaħdmu għal rashom, huma ċentrali għat-tħaddim effettiv tas-swieq tax-xogħol flessibbli. Għal dan il-għan hemm bżonn li wieħed jifhem aħjar ir-rwol tal-SMEs fir-rigward tal-provvista tal-politika soċjali.

7.1

Sabiex jiġi żviluppat is-Suq Uniku, il-KESE jisħaq fuq l-importanza tal-promozzjoni u l-isfruttar tar-riċerka xjentifika u r-riżultati tal-innovazzjoni, l-għajnuna lill-provvedituri nazzjonali tat-teknoloġija fil-promozzjoni fil-livell Ewropew tal-prodotti u t-teknoloġiji innovattivi, il-promozzjoni tat-tixrid u l-isfruttar transnazzjonali tar-riżultati tar-riċerka. Il-kapaċità innovattiva tal-Ewropa tista' tiġi influwenzata bil-kbir mill-kwalità tas-Suq Uniku. Fil-livell Ewropew, il-koordinazzjoni tal-isforzi għar-Riċerka u l-Iżvilupp hija meħtieġa bejn il-“clusters” tal-SMEs, il-kumpaniji l-kbar, l-istituti ta' riċerka, l-universitajiet u l-Istitut Ewropew il-ġdid tal-Innovazzjoni u t-Teknoloġija.

7.2

Il-progress lejn sistema ta' privattivi iktar kompetittiva fir-rigward tal-ispejjeż taċ-ċertezza legali huwa essenzjali għall-kapaċità innovattiva tal-Ewropa. Dan jinkludi l-progress fis-sistema ġurisdizzjonali komuni tal-privattivi għall-Ewropa li għandha twassal għall-aħjar kwalità, kost-effiċjenza u affidabbiltà għall-kumpaniji kollha, kif ukoll Privattiva Komunitarja li tilħaq dawn il-kriterji sabiex igawdu b'mod partikulari l-SMEs. Hemm bżonn ukoll protezzjoni qawwija tad-drittijiet tal-proprjetà intellettwali permezz ta' miżuri effettivi fil-livell Ewropew u internazzjonali kontra l-problema dejjem tikber tal-iffalsifikar u l-piraterija.

7.3

L-innovazzjoni fl-amministrazzjoni tal-politika soċjali għandha tilqa' l-varjetà tal-organizzazzjonijiet tal-ekonomija soċjali (bħall-kooperattivi) li jistgħu jqarrbu l-provvista ta' servizz lejn il-komunitajiet tal-utenti taħt superviżjoni regolatorja adegwata.

7.4

Il-Politika l-ġdida tas-Suq Uniku għandha taqdi rwol ċentrali fil-ħolqien ta' ekonomija globali li tkun sostenibbli mil-lat ambjentali.

8.1

Politika tal-konsumatur li tkun ibbilanċjata hija importanti biex Suq Uniku jiffunzjona sew. Il-KESE jqis li l-konsumaturi huma ċentrali għall-viżjoni l-ġdida tal-Kummissjoni ta' Suq Uniku verament inklużiv. Għandha tingħata aktar attenzjoni lill-esperjenza tal-konsumaturi fis-suq, pereżempju permezz tal-istimi tal-impatt jew billi l-interessi tal-konsumatur jiġu inkorporati fl-Aġenda ta' Liżbona.

8.2

L-enfasi għandha tkun fuq suq wieħed komuni li jkun ta' benefiċċju għall-konsumaturi u n-negozji, u fuq ir-rwol li jista' jaqdi s-settur tas-servizzi fl-ekonomija, fit-titjib tal-kwalità u l-fiduċja tal-konsumatur. Il-konsumaturi għandu jkollhom aċċess effettiv għall-prodotti u s-servizzi provduti fl-UE kollha kemm hi, u n-negozji għandu jkollhom il-ħila li joffru l-prodotti u s-servizzi tagħhom fi kwalunkwe post fl-UE bl-istess faċilità li jagħmlu dan fis-suq domestiku. L-armonizzazzjoni flimkien mar-rikonoxximent reċiproku tipprovdi l-bażi ġusta għal din is-sitwazzjoni fejn il-partijiet ikkonċernati kollha joħorġu “rebbieħa” (13).

9.1

Il-KESE esprima t-tħassib tiegħu f'għadd ta' opinjonijiet (15) dwar is-sitwazzjoni ta' inċertezza legali.

9.2

Il-komunikazzjoni tenfasizza r-rwol tal-protokoll speċifiku dwar is-servizzi soċjali ta' interess ġenerali mehmuża mat-Trattat ta' Liżbona (il-protokoll tal-SIĠ), li skont il-Kummissjoni huwa intiż biex jistabbilixxi qafas konsistenti li ser imexxi l-azzjoni tal-UE, filwaqt li jipprovdi bażi soda biex jiġu definiti s-servizzi ta' interess ġenerali (16).

9.3

Min-naħa l-oħra, il-Komunikazzjoni dwar l-SIĠ tagħmel biss referenza inċidentali għall-Artikolu 16 il-ġdid tat-Trattat ta' Liżbona, mingħajr ma tippreżenta fid-dettall l-implikazzjonijiet tiegħu, filwaqt li dan jintroduċi bażi legali ġdida għas-Servizzi ta' Interess Ekonomiku Ġenerali (SIEĠ). Lill-Kunsill u lill-Parlament din il-bażi tagħtihom il-kompitu li jistabbilixxu, permezz ta' regolamenti, b'konformità mal-proċedura leġiżlattiva ordinarja, il-prinċipji u l-kondizzjonijiet li jippermettu lill-SIEĠ iwettqu l-missjonijiet tagħhom.

9.4

L-implimentazzjoni effettiva tal-prinċipju li l-missjonijiet ta' interess ġenerali jingħataw preċedenza, li issa saret possibbli bis-saħħa tal-Artikolu 16 il-ġdid tat-Trattat ta' Liżbona, ser tgħin biex tnaqqas ir-rikors frekwenti għall-arbitraġġ tal-Qorti tal-Ġustizzja.

9.5

It-Trattat ta' Liżbona jinvolvi għadd ta' innovazzjonijiet, fosthom l-Artikolu 16 imsemmi hawn fuq, u referenza ġenerali għall-SIĠ u s-servizzi ta' interess non-ekonomiku ġenerali (SINEĠ). Dan jgħin sabiex l-enfasi terġa' titpoġġa fuq il-kwistjoni tas-servizzi ta' interess ġenerali fil-qasam tal-azzjoni Komunitarja b'konformità mal-prinċipju tas-sussidjaretà.

9.6

Għalhekk, fil-fehma tal-KESE, it-Trattat il-ġdid ta' Liżbona (l-Artikolu 16 tat-TFUE u l-protokoll tal-SIĠ) huwa sempliċement il-bidu ta' approċċ ġdid biex jinkisbu aktar sigurtà legali u regolamentazzjoni aktar konsistenti tal-iskemi nazzjonali u Komunitarji tal-SIĠ.

9.7

Il-protokoll tal-SIĠ huwa manwal tar-regoli dwar l-SIĠ, kemm ekonomiċi (SIEĠ) kif ukoll non-ekonomiċi (SINEĠ), iżda ma jagħmel l-ebda sforz biex isolvi l-problema ta' distinzjoni bejn dawn iż-żewġ kategoriji.

9.8

Billi jinkludi d-distinzjoni bejn servizzi ekonomiċi u non-ekonomiċi fil-leġiżlazzjoni primarja, kif ukoll il-bżonn li jiġi żgurat ir-rispett tal-prinċipji komuni ta' operat tal-SIEĠ, il-protokoll tal-SIĠ juri kif il-proċess tal-kjarifika tal-kunċetti u l-iskemi kkunsidrati attwalment huwa aktar importanti minn qatt qabel biex jipprovdi s-sigurtà legali għall-kumpaniji u l-korpi responsabbli biex imexxu dawn is-servizzi u l-benefiċjarji ewlenin tagħhom.

9.9

Il-Komunikazzjoni tal-SIĠ tipproponi li “l-Kummissjoni […] tkompli tikkonsolida l-qafas tal-UE applikabbli għas-servizzi ta' interess ġenerali, inkluż għas-servizzi soċjali u tas-saħħa, billi tipprovdi soluzzjonijiet konkreti għal problemi konkreti fejn jeżistu” u “taħlita ta' azzjonijiet speċifiċi għas-setturi u speċifiċi għall-kwistjonijiet”.

9.10

Naturalment, tali azzjoni għandha tqis il-karatteristiċi speċifiċi ta' kull settur konċernat. Madankollu, minħabba li l-liġi primarja rrikonoxxiet li globalment l-SIEĠ jiffurmaw parti mill-“valuri komuni” tal-UE u jikkontribwixxu għall-“koeżjoni soċjali u territorjali” hemm bżonn li jiġu kkombinati azzjonijiet speċifiċi għas-setturi (billi jitqiesu l-karatteristiċi speċifiċi ta' kull settur) u approċċi speċifiċi għall-kwistjonijiet.

9.11

Għalhekk, il-KESE jipproponi approċċ li jittratta ħafna aspetti u li jkun gradwali, li jgħaqqad l-aspetti speċifiċi għas-setturi u speċifiċi għall-kwistjonijiet, li jwassal biex jiġu adottati inizjattivi leġiżlattivi fejn meħtieġ u/jew li dawn il-prinċipji u l-kondizzjonijiet jiġu adattati għad-diversi setturi konċernati (l-approċċ orizzontali u speċifiku għall-kwistjonijiet).

10.1

Il-KESE jisħaq fuq l-importanza tal-Istrateġija ta' Liżbona bħala għajnuna għaż-żamma tal-benefiċċji tas-Suq Uniku u l-iżvilupp u l-konsolidazzjoni tiegħu.

10.2

Il-Kummissjoni introduċiet il-kunċett tas-servizzi soċjali ta' interess ġenerali (SSIĠ) u tat id-dettalji tiegħu fil-White Paper dwar l-SIĠ u f'żewġ komunikazzjonijiet (17) u “f'dokument ta' ħidma tal-istaff tal-Kummissjoni” (18).

10.3

Il-Komunikazzjoni ma tressaqx definizzjoni ta' dawn l-SSIĠ u tippreferi tagħmel distinzjoni bejn żewġ gruppi wesgħin tal-SSIĠ: l-ewwel nett skemi legali u kumplementari ta' ħarsien soċjali; u t-tieni nett, servizzi essenzjali oħra li jingħataw direttament lill-persuna.

10.4

L-approċċ sperimentali tal-Kummissjoni juri kemm huwa diffiċli li jiġu kklassifikati l-SSIĠ minħabba li jirriflettu kompiti speċifiċi u estremament varjati li huma l-qofol tal-preferenzi kollettivi nazzjonali u anke lokali.

10.5

Matul il-konsultazzjoni dwar il-Green Paper tal-2003, il-maġġoranza tal-partijiet interessati f'dan is-settur (l-awtoritajiet lokali, l-operaturi u r-rappreżentanti tal-utenti) stqarrew li jħossu li żdiedet l-inċertezza legali dwar il-korp tal-liġi Komunitarja li tapplika għalihom, minħabba l-karatteristiċi speċifiċi tagħhom, partikularment dwar l-awtorizzazzjoni sabiex jipprovdu servizz. Dawn għamluha ċara li spiċċaw f'“żona mċajpra” li fixklitilhom xogħolhom. Din wasslet sabiex:

10.6

Madankollu, il-Kummissjoni ma żammitx ma' dan l-approċċ, li huwa evidenti li jmur kontra l-approċċ speċifiku għas-setturi li tippreferi, u llum għandha l-ħsieb li tillimita l-proposti tagħha għal sett ta' risposti għal “mistoqsijiet frekwenti” u servizz ta' informazzjoni, li żgur ikun siewi, iżda li ma jkunx vinkolanti legalment.

10.7

Sabiex tinkiseb iktar ċertezza legali, għandu jiġi segwit il-proċess ta' kjarifika tal-kunċetti kif ukoll l-oqfsa Komunitarji applikabbli għall-attivitajiet ta' spirtu pubbliku fl-Artikolu 16 tat-TFUE, fost Artikoli oħra, li jiftaħ prospetti ġodda fir-rigward tal-post u r-rwol tal-SIEĠ fl-Unjoni Ewropea, li jinkludu l-SSIĠ.

11.1

Il-Kumitat jilqa' l-għanijiet iddikjarati fil-Komunikazzjoni dwar “Opportunitajiet, aċċess u solidarjetà: lejn viżjoni soċjali ġdida għall-Ewropa tas-seklu 21” (21), li tindirizza liċ-ċittadini tal-UE, is-soċjetà ċivili u n-negozji, li jinkludu l-SMEs, u hija bbażata fuq l-istrumenti prinċipali tal-Ewropa bħas-Suq Uniku, l-Istrateġija ta' Liżbona għat-Tkabbir u l-Impjiegi u l-Istrateġija għall-Iżvilupp Sostenibbli.

11.2

Il-bidliet attwali fis-soċjetajiet Ewropej (UE b'27 pajjiż u b'500 miljun ċittadin, it-tibdil demografiku, il-globalizzazzjoni, il-progress teknoloġiku u l-iżvilupp ekonomiku fost oħrajn) jistgħu jirrappreżentaw opportunitajiet ġodda għall-impjiegi u l-ħiliet iżda l-adattament għall-bidla għadu jippreżenta riskju ta' qgħad u esklużjoni.

11.3

Il-KESE jappoġġja rwol aktar prominenti għall-UE fl-iffaċilitar, l-antiċipazzjoni u t-trawwim ta' tali bidliet strutturali filwaqt li jippromovi l-valuri Ewropej fil-livell globali. Il-Komunikazzjoni tfassal viżjoni soċjali ġdida ta' “opportunità għall-ħajja” għall-Ewropa tas-Seklu 21 u tipprova tikkonkludi l-konsultazzjoni li skadiet fil-15 ta' Frar 2008. L-Uffiċju tal-Konsulenti dwar il-Politika Ewropea (BEPA) fost oħrajn, kif ukoll l-Istati Membri u l-istituzzjonijiet tal-UE, ġew involuti fid-dibattitu dwar il-bidliet soċjali u dwar il-kunċett tar-Realtà Soċjali tal-Ewropa. Il-KESE jilqa' l-għan li jiġi żgurat li l-analiżi finali ta' dawn id-diskussjonijiet tikkontribwixxi għat-tħejjija ta' Aġenda Soċjali mġedda li għandha tittressaq fl-2008 u tikkunsidra l-qafas istituzzjonali l-ġdid stipulat fit-Trattat ta' Liżbona.

—

Opportunitajiet — biex wieħed jibda l-ħajja sew, iwettaq il-potenzjal tiegħu u jagħmel dak kollu li jista' bl-opportunitajiet offruti minn Ewropa innovattiva, miftuħa u moderna.

—

Aċċess — modi ġodda u aktar effettivi sabiex wieħed jitħarreġ, jagħmel progress fis-suq tal-impjiegi, jikseb kura tas-saħħa u ħarsien soċjali ta' kwalità u jipparteċipa fil-kultura u fis-soċjetà.

—

Solidarjetà — sabiex jitrawmu l-koeżjoni soċjali u s-sostenibbiltà soċjali, u sabiex ikun żgurat li l-ebda individwu ma jitħalla jkarkar.

11.4.2.1

Il-KESE jaqbel mal-Kummissjoni li fl-Ewropa m'hemmx soluzzjoni waħda għal kulħadd u li l-isfidi komuni jeħtieġu azzjoni konġunta appoġġjata minn ċittadinanza attiva.

11.4.2.2

Il-ġlieda kontra l-esklużjoni soċjali u t-titjib fl-għajxien billi jinħolqu opportunitajiet għall- individwi huma essenzjali biex jappoġġjaw it-tkabbir ekonomiku u jitnaqqsu r-riskji ta' nuqqasijiet fis-sistema tal-ħarsien soċjali. Il-kunfidenza u l-fiduċja huma essenzjali għall-progress, l-immodernizzar u d-dispożizzjoni għall-bidla.

1)

fiż-żgħażagħ: bidliet soċjali ġodda u ekonomija ġdida bbażata fuq l-innovazzjoni u t- teknoloġija għandhom bżonn aktar attenzjoni fir-rigward tal-edukazzjoni u l-ħiliet; l-investiment fiż-żgħażagħ għandu impatt pożittiv kemm fuq l-iżvilupp ekonomiku kif ukoll fuq il-koeżjoni soċjali. L-Aġenda ta' Liżbona poġġiet l-edukazzjoni fil-qalba tas-sistema soċjali u ekonomika Ewropea billi dawret l-għarfien f'lieva ta' kompetittività għall-Ewropa fil-kuntest globali;

2)

f'karrieri li jagħtu sodisfazzjon: l-ekonomija dinamika u s-suq tax-xogħol jeħtieġu regoli flessibbli fis-suq tax-xogħol u standards soċjali għoljin (ara “flessigurtà”);

3)

f'ħajjiet itwal u aktar b'saħħithom: l-istennija ta' ħajja itwal titfa' piż fuq is-sistemi tal-ħarsien soċjali iżda toħloq ukoll opportunitajiet ekonomiċi ġodda rigward is-servizzi, il-prodotti u t-teknoloġiji l-ġodda. L-UE għandha tippromovi politiki soċjali ġodda biex tisfrutta dawn l-opportunitajiet il-ġodda u biex issib rimedju għall-falliment tas-sistemi ta' protezzjoni attwali;

4)

fl-ugwaljanza bejn is-sessi: mudelli ekonomiċi ġodda jwasslu għal skemi soċjali ġodda. Pereżempju, il-politiki dwar ix-xogħol għandhom, konsegwentement, jadattaw għal rekwiżiti ġodda tal-ugwaljanza bejn is-sessi. Xi wħud mill-proposti tal-Kummissjoni jindirizzaw differenzi fil-pagi, is-sistema fiskali u l-prattiki favur il-familja fuq il-post tax-xogħol;

5)

f'inklużjoni u f'nuqqas ta' diskriminazzjoni attivi: it-tkabbir reċenti żvela differenzi ekonomiċi u soċjali kbar bejn l-Istati Membri u r-reġjuni. Il-Kummissjoni Ewropea għandha l-għan li tippromovi politika ġdida ta' koeżjoni bbażata fuq l-aċċettazzjoni tad-diversità, l-inklużjoni attiva, il-promozzjoni tal-ugwaljanza u t-tneħħija tad-diskriminazzjonijiet;

6)

fil-mobilità u f'integrazzjoni li tirnexxi: is-Suq Uniku wassal għal żieda fil-mobilità taċ-ċittadini li tħalli impatt anke fuq l-SMEs. Din teħtieġ approċċi ġodda bbażati fuq l-integrazzjoni madwar l-UE kollha;

7)

f'parteċipazzjoni ċivika, f'kultura ċivika u fi djalogu ċiviku: dawn l-aspetti għandhom rwol importanti fil-koeżjoni soċjali waqt li jinvolvu wkoll riżorsi ekonomiċi marbuta mal-innovazzjoni u l-iżvilupp teknoloġiku.

11.4.4.1

Il-KESE jenfasizza l-fatt li għalkemm il-kompetenza prinċipali ta' dawn il-politiki tinsab f'idejn l-Istati Membri, l-UE u l-imsieħba soċjali għandhom rwol importanti fit-tmexxija u l-appoġġ ta' azzjonijiet u riformi relatati. L-“acquis communautaire” huwa strument prinċipali partikularment fir-rigward tal-politiki ta' tkabbir u ta' koeżjoni, tat-Trattat ta' Liżbona u tal-Karta tad-Drittijiet Fundamentali.

11.4.4.2

Il-KESE jaqbel ma' dawn il-ħames strateġiji li ġew stipulati fil-Komunikazzjoni:

—

“The single market: review of achievements” [SEC(2007) 1521]

—

“Instruments for a modernised single market policy” [SEC(2007) 1518]

—

“Implementing the new methodology for product, market and sector monitoring: Results of a first sector screening” [SEC(2007) 1517]

—

“The external dimension of the single market review” [SEC(2007) 1519]

—

“Initiatives in the area of retail financial services” [SEC(2007) 1520].

—

A Communication on “Services of general interest, including social services of general interest: a new European commitment” [COM(2007) 725 final] and several staff working documents [Commission staff working documents: SEC(2007) 1514, SEC(2007) 1515, SEC(2007) 1516]

—

A Communication on “Opportunities, access and solidarity: towards a new social vision for 21st century Europe” [COM(2007) 726 final].

31.3.2009   

MT

Il-Ġurnal Uffiċjali tal-Unjoni Ewropea

C 77/23

1.1

Il-Kumitat jilqa' l-azzjonijiet tal-Kummissjoni sabiex jiżdied l-appoġġ għat-twaqqif u t-tkabbir tal-mikrointrapriżi u għat-trawwim tal-ispirtu intraprenditorjali, sabiex titkabbar il-bażi tal-produzzjoni u tal-impjieg tal-Komunità bil-għan li jkun hemm iktar kompetittività, iktar koeżjoni u ekonomija li tkun ibbażata fuq l-għarfien ta' kwalità ogħla bi qbil mal-għanijiet imġedda tal-Istrateġija ta' Liżbona.

1.2

Filwaqt li l-Kumitat jilqa' l-inizjattiva li tiġi stabbilita struttura ġdida ta' appoġġ Komunitarju għall-mikrokreditu, iħoss li mhuwiex biżżejjed li jitħeġġu l-Istati Membri, minħabba l-fatt li s-settur mhux bankarju, li mhuwiex kopert mid-Direttivi tal-KE dwar il-banek, huwa regolat b'mod inadegwat f'ħafna Stati Membri u minn dispożizzjonijiet bażiċi li huma differenti ħafna.

1.3

Il-Kumitat jemmen li proġett pilota għall-mikroinvestiment, soċjalment responsabbli, li jgħaqqad l-istituzzjonijiet bankarji u mhux bankarji f'netwerk Ewropew — bl-implimentazzjoni tal-Memorandums of Understanding for socially responsible investment li jsiru ma' istituzzjonijiet individwali u appoġġ minn assoċjazzjonijiet kummerċjali — għandu jimmira b'mod partikulari lejn dawk il-persuni li ma tantx għandhom ċans jiksbu kreditu mill-bank:

1.4

Il-Kumitat huwa konvint li użu innovattiv ta' teknoloġiji ġodda fil-qasam tal-mikrokreditu jista' jgħin fit-tkabbir tal-ambitu tal-mikrofinanzi, permezz ta' netwerk, filwaqt li jżid il-kompetizzjoni u jnaqqas l-ispejjeż għall-utenti.

1.5

Barra minn hekk, il-Kumitat iħoss li l-appoġġ għall-mikrokreditu għandu jkun akkumpanjat minn vawċers ta' taħriġ għall-applikanti, sabiex jiġi ffaċilitat l-iżvilupp u s-suċċess tagħhom fis-suq, tiġi evitata l-esklużjoni soċjali u tissaħħaħ b'mod kontinwu l-implimentazzjoni tal-Istrateġija ta' Liżbona.

1.6

Il-Kumitat jaċċetta li kwalunkwe bidla lill-oqfsa istituzzjonali u legali li jappoġġjaw il-mikrokreditu huma qabel kollox kwistjoni għall-Istati Membri, li għandha tiġi implimentata bis-saħħa taċ-ċiklu annwali ta' gvernanza ta' Liżbona. Madankollu, hemm bżonn ta' azzjoni sabiex tissaħħaħ is-sistema ta' referenza Ewropea, b'mod partikulari billi:

1.7

Il-Kumitat għandu dubji dwar il-proposta li tiġi stabbilita struttura adegwata ta' appoġġ Komunitarju fi ħdan id-dipartiment Jeremie tal-FEI (Fond Ewropew tal-Investiment). Din ma tagħtix l-aħjar viżibilità lill-inizjattiva u tillimita l-ambitu ta' applikazzjoni li suppost ikollha għall-koordinazzjoni ta' inizjattivi eżistenti oħrajn, filwaqt li żżommha milli twettaq attivitajiet oħra minbarra dawk ta' għajnuna teknika. Għaldaqstant, il-Kumitat huwa tal-fehma li għandu jiġi stabbilit dipartiment indipendenti li jista' jagħmilha ta' fond tal-mikrokreditu.

1.8

Il-finanzjament u l-għajnuna teknika provduti mill-istruttura l-ġdida ta' appoġġ m'għandhomx ikunu mmirati biss lejn l-Istituzzjonijiet ta' Mikrofinanzi ġodda mhux bankarji, iżda għandhom ikopru dawn l-istituzzjonijiet kollha sabiex ma jkunx hemm distorsjoni tal-kompetizzjoni.

1.9

L-inizjattiva tal-UE dwar l-Istituzzjonijiet ta' Mikrofinanzi għandha tinkludi miżuri sabiex jiżdied kemm id-djalogu soċjali kif ukoll id-djalogu bejn l-atturi varji tas-soċjetà ċivili, u sabiex isir l-aħjar użu min-netwerks Ewropej għall-iskambju tal-aħjar prattika, bħan-Netwerk Ewropew tal-Mikrofinanzi, iċ-Ċentru tal-Mikrofinanzi u l-Pjattaforma Ewropea għall-Mikrofinanzi.

1.10

Il-Kumitat huwa tal-fehma li l-inizjattiva tal-IMF għandha ssaħħaħ ir-rwol tal-assoċjazzjonijiet ta' min iħaddem billi jiġu assigurati l-affidabilità u l-kompetenza tal-applikanti, tinbena relazzjoni b'saħħitha u l-potenzjal għall-fiduċja u jiġi pprovdut it-taħriġ, il-konsulenza u tipi oħra ta' appoġġ, sabiex jinħargu l-kapaċitajiet awtonomi tal-benefiċjarji u titnaqqas il-burokrazija, partikularment rigward it-tfassil ta' pjanijiet tal-intrapriżi (business plans).

1.11

It-twaqqif ta' fond tal-mikrokreditu, li jopera flimkien mal-istituzzjonijiet finanzjarji, l-amministrazzjonijiet statali (2), l-assoċjazzjonijiet tal-kummerċ u l-kooperattivi ta' garanzija u l-konsorzji tal-kreditu jistgħu jaqdu rwol ewlieni fit-tmexxija tal-inġinerija finanzjarja fid-direzzjoni “tal-ġestjoni tal-kreditu soċjali”.

1.12

Aspett soċjali tal-kreditu, li jista' jkun ukoll il-bażi għat-twaqqif ta' fond tal-mikrokreditu, jikkonforma mal-prinċipji tar-responsabbiltà soċjali tal-kumpaniji u l-valuri ta' impjieg aħjar u iktar mifrux.

1.13

L-appoġġ għaċ-ċertifikazzjoni ambjentali tal-EMAS jista' jipprovdi mezz eċċellenti sabiex jitħeġġeġ it-tkabbir soċjali tan-negozji u jiġi ffaċilitat it-tixrid ta' fond tal-mikrokreditu.

2.1

F'April 2007, l-Osservatorju tal-SME nnota li l-ikbar ostaklu għall-SMEs Ewropej sabiex jadottaw iktar innovazzjoni ta' prodotti u proċessi kien jinsab fil-ksib ta' aċċess għall-kreditu, u wara dan id-diffikultà li jinsabu riżorsi umani kwalifikati, filwaqt li għal negozji ikbar, ir-riżorsi umani kienu l-problema prinċipali.

2.2

In-nuqqasijiet ewlenin tas-suq huma nuqqas ta' kapital tal-bidu (seed capital), fondi disponibbli u domanda. Dawn il-kwistjonijiet ġew indirizzati mill-Komunikazzjoni tal-Kummissjoni — L-implimentazzjoni tal-Programm Komunitarju ta' Liżbona: Il-finanzjament tat-tkabbir tal-intrapriżi żgħar u ta' daqs medju (IŻDM) — Żieda tal-Valur Ewropew  (3), li dwarha l-KESE kkummenta f'bosta okkażjonijiet (4).

2.3

B'mod partikulari, il-Kumitat innota li “Il-politiki li jassistu lill-intrapriżi sabiex jibdew u jiżviluppaw għandhom jiġu intensifikati u dan għandu jinkludi fost affarijiet oħra, li l-istart-ups ikunu jistgħu jiżvolġu l-attivitajiet tagħhom b'aktar ħeffa u bi spejjeż inqas, miżuri sabiex itejbu l-aċċess għall-kapital ta' riskju, iktar programmi għat-taħriġ intraprenditorjali, mizuri li jtejbu l-aċċess għan-netwerks u s-servizzi pubbliċi u netwerk iktar intensiv tas-servizzi ta' appoġġ għall-intrapriżi ż-żgħar” (5).

2.3.1

Il-Kumitat jenfasizza, bħalma għamel f'opinjonijiet preċedenti (6), li l-kooperattivi, il-konsorzji, il-mutwalitajiet, l-istartups innovattivi u l-mikrointrapriżi jistgħu jgħinu wkoll sabiex isaħħu l-kompetittività u l-kapaċità innovattiva fl-UE.

2.4

Barra minn hekk, enfasizza li kwistjoni ewlenija hija li jitħaffef l-aċċess għas-swieq finanzjarji u li l-banek u partijiet interessati finanzjarji oħrajn, bħall-fondi tal-kapital ta' riskju, għandhom jitħeġġu sabiex jadottaw attitudni iktar pożittiva b'rabta mat-teħid tar-riskji (7).

2.5

Fil-ħarifa tal-2007, il-Kummissjoni ħabbret li kien qed jiġi diskuss sett ta' inizjattivi għall-SMEs, li jinkludu inizjattiva Ewropea li tistabbilixxi struttura ġdida ta' appoġġ għall-mikrokreditu (8).

2.6

Il-mikrokreditu huwa ġeneralment rikonoxxut bħala strument finanzjarju li għandu impatt kbir fuq l-intraprenditorija, l-iżvilupp ekonomiku u l-inklużjoni soċjali produttiva iżda għad għandu ħafna nuqqasijiet u għad hemm ħafna xi jsir. Dan huwa marbut mad-diffikultajiet fil-ksib ta' investiment ta' kapital tal-bidu, speċjalment meta l-applikant ma jkollux xogħol, jew m'ilux li emigra, jew jiġi minn minoranza etnika, jew ikun ibbażat f'reġjun ta' konverġenza.

2.7

Problema oħra tinħoloq mill-fatt li, fil-każ tal-istituzzjonijiet finanzjarji, iridu jitqiesu l-ekonomiji ta' skala marbutin ma' spejjeż fissi ta' transazzjoni bħall-ġbir ta' informazzjoni, l-analiżi, u s-segwitu tas-self. Dan huwa partikularment il-każ fejn jidħol il-mikroself lill-persuni li jaħdmu għal rashom u lill-SMEs li mhumiex trasparenti biżżejjed, u li għandhom kapaċità limitata li jipprovdu l-informazzjoni neċessarja lill-istituzzjonijiet finanzjarji.

2.8

Id-definizzjoni internazzjonali tal-mikrokreditu hija: l-għoti ta' self żgħir — inqas minn EUR 25 000 fl-Ewropa (9) u inqas minn USD 100 000 fl-Istati Uniti — lil dawk li għandhom dħul baxx li s-soltu ma jkollhomx aċċess għas-self mill-banek minħabba li ma jkunux solventi biżżejjed u/jew minħabba li l-ispiża sabiex jiġi ġestit tali self titqies għalja żżejjed (10). Id-definizzjoni tal-mikrokreditu ma tinkludix il-kreditu għall-konsumatur.

2.9

Il-Kumitat jaqbel bis-sħiħ mal-Kummissjoni li l-mikrokreditu għandu rwol importanti x'jaqdi fl-implimentazzjoni tal-Istrateġija ta' Liżbona għat-tkabbir u l-impjiegi u għall-promozzjoni tal-inklużjoni soċjali. Madankollu, iħoss li huwa essenzjali li jiġi ppreservat ir-rwol ewlieni tiegħu ta' inkoraġġiment tat-tkabbir ta' impjiegi indipendenti u tal-iżvilupp tal-mikrointrapriżi u li l-mikrokreditu ma jiġix ridott biss għall-għajnuna soċjali.

2.10

Il-Kumitat jemmen li l-mikrokreditu għandu jintuża fl-UE sabiex jindirizza problemi li jqumu minħabba nuqqasijiet tas-suq, filwaqt li jagħti lill-intraprendituri aċċess għall-kreditu, li huwa neċessarju għall-istabbiliment jew l-espansjoni ta' attivitajiet li jkunu ekonomikament fattibbli, inkluż fil-qasam tal-politika ta' għajnuna u kooperazzjoni għall-iżvilupp (11).

2.11

Fil-livell Komunitarju, is-CIP — Garanzija ta' Mikrokreditu tal-FEI (12) jipprovdi sett ta' garanziji għall-finanzjament tal-mikrokreditu mogħti minn istituzzjonijiet lokali lill- mikrointrapriżi (13). Madankollu, bħalissa m'hemm l-ebda leġiżlazzjoni Komunitarja speċifika dwar il-mikrokreditu barra dik li tirregola s-settur bankarju tal-mikrokreditu, li huwa soġġett għar-Regolamenti bankarji Ewropej (14) u r-referenzi għall-mikrokreditu inklużi fid-diversi programmi u inizjattivi Komunitarji (15).

2.12

Barra minn hekk, is-settur tal-mikrokreditu huwa regolat u ġestit b'mod differenti skont l-Istat Membru. Żewġ Stati Membri biss għandhom leġiżlazzjoni speċifika li tirregola s-settur mhux bankarju tal-mikrofinanzi (16) għalkemm erba' Stati Membri oħra għandhom leġiżlazzjoni kontra l-użura (17).

2.13

Il-Kunsill Ewropew tar-Rebbiegħa enfasizza l-fatt li, fost affarijiet oħra, il-ħtieġa urġenti għal “aktar faċilitazzjoni tal-aċċess għall-finanzjament, inkluż permezz tal-istrumenti finanzjarji eżistenti tal-UE” (18) u sabiex “jippromwovu parteċipazzjoni ġenerali akbar fil-forza tax-xogħol u jittrattaw is-segmentazzjoni sabiex jiżguraw l-inklużjoni soċjali attiva”.

2.14

Il-Kumitat jemmen li qafas usa' ta' leġiżlazzjoni u ta' appoġġ jista' jgħin jagħti spinta iktar qawwija lit-twaqqif ta' negozji ġodda ta' produzzjoni u lit-tħaffif tal-konsolidazzjoni tagħhom, filwaqt li jipprevieni r-riskji ta' marġinalizzazzjoni u esklużjoni mis-sistema ta' produzzjoni li jistgħu jħarrxu l-pieni soċjali u kriminali bħall-użura.

3.1

Il-Kummissjoni tipproponi żewġ linji ta' azzjoni:

4.1

Il-mikrokreditu jista' jħeġġeġ l-inklużjoni soċjali u jippermetti lin-nies u n-negozji inqas għonja li jiġu esklużi mis-sistema bankarja konvenzjonali sabiex jiksbu aċċess għall-fondi kruċjali meħtieġa għat-twaqqif u l-iżvilupp ta' attivitajiet li jiġġeneraw id-dħul.

4.2

Fil-livell tal-UE, l-Att dwar in-Negozji Żgħar għall-Ewropa  (19) — li l-għan espliċitu tiegħu huwa li jistabbilixxi miżuri u prinċipji konkreti għat-titjib tal-ambjent tal-SMEs Ewropej — għandu jwassal sabiex jiġu identifikati u jitneħħew l-ostakli sabiex jiġi liberat il-potenzjal tan-negozji ż-żgħar, billi jiżdied l-isforz għas-semplifikazzjoni, jiżdied l-aċċess għall-kreditu, u jiġu fformulati regoli xierqa dwar l-enerġija u l-ambjent.

4.3

Il-Kumitat huwa tal-fehma li għandu jkun hemm koordinazzjoni aħjar tal-varjetà ta' strumenti Komunitarji eżistenti relatati mal-mikrokreditu li jibnu fuq l-istrumenti tal-passat u attwali marbuta mal-mikrokreditu, kif ġie osservat fil-Komunikazzjoni tal-Kummissjoni stess (20), jiġifieri:

4.3.1

Il-Kumitat jemmen li matul it-tfassil tal-inizjattivi Komunitarji tal-mikrokreditu, għandhom jitqiesu s-suċċessi li nkisbu fl-iżvilupp u l-implimentazzjoni prattika tul is-snin tal-Programm Qafas tal-Mikrofinanzi tad-DĠ EuropAid.

4.4.1

Sa mill-bidu tas-snin tmenin (24) u b'mod partikulari bħala riżultat tal-ideat u l-proposti li nħolqu minn diskussjonijiet matul il-Konferenzi Ewropej tas-Snajja' u tan-Negozji ż-Żgħar  (25), l-istituzzjonijiet finanzjarji Ewropej ippromovew u appoġġjaw kultura ta' inġinerija finanzjarja fl-Istati Membri (26).

4.4.2

Il-ħtieġa li jittieħdu miżuri prattiċi sabiex jitħaffef l-aċċess għall-kreditu u tingħata għajnuna għat-twaqqif tal-inġinerija finanzjarja, ġagħlet lill-Kummissjoni u lill-BEI, taħt pressjoni minn organizzazzjonijiet Ewropej għan-negozji ż-żgħar, li jwaqqfu l-FEI (27). Wara devjazzjoni qasira inizjali lejn l-għoti ta' appoġġ lin-netwerks ta' komunikazzjoni (28), il-FEI tefa' l-attenzjoni tiegħu fuq il-kofinanzjament ta' forom varji ta' appoġġ finanzjarju għall-mikrointrapriżi u l-SMEs, li ta' sikwit jinvolvu l-inġinerija finanzjarja.

4.4.3

Bis-saħħa tal-programmi multiannwali tal-Kummissjoni għall-mikrointrapriżi u l-SMEs, u dan l-aħħar permezz tal-Għan 1 tas-CIP (29), l-inġinerija finanzjarja ġiet żviluppata permezz ta':

4.4.4

F'bosta okkażjonijiet, il-Kumitat laqa' l-azzjoni li ttieħdet mill-Kummissjoni, mill-BEI u mill-FEI, b'mod partikulari matul dawn l-aħħar ħmistax-il sena, sabiex jingħata appoġġ lin-negozji ż-żgħar. Il-Kumitat irrikonoxxa t-twessigħ u l-modernizzazzjoni tal-appoġġ finanzjarju tal-grupp tal-BEI lill-SMEs (32) iżda jemmen li jistgħu jissaħħu l-isforzi, fost affarijiet oħra, permezz ta' programmi li jintlaħaq qbil dwarhom b'mod konġunt ma':

4.4.5

Jista' jitwaqqaf netwerk tal- fondi tal-mikrokreditu fil-livell tal-Istati Membri, li jirrikorri għall-fondi li jduru (rotating) tal-BEI, b'garanziji addizzjonali tal-FEI li joperaw f'diversi livelli. Fil-livell reġjonali (NUTS II) u l-livell provinċjali (NUTS III), il-konsorzji ta' kreditu (fejn jeżistu) (33) jistgħu jipprovdu l-istruttura għall-garanziji tas-self. Dawn il-konsorzji diġà kisbu esperjenza konsiderevoli fil-qasam tal-kapital tal-bidu u, bis-saħħa ta' kapital ta' riskju biżżejjed, kontrogarantit mill-FEI, jistgħu jipprovdu l-garanziji tas-self.

4.4.5.1

Din il-proposta l-ġdida għandha tiġi ċċarata fir-rigward tal-ħolqien tal-mikrofond mill-grupp BEI u l-Kummissjoni. L-għan ta' din l-inizjattiva huwa li tappoġġja l-istituzzjonijiet tal-mikrofinanzi madwar l-Ewropa bi provvista ta' fondi (għotjiet, self, strumenti mezzanini jew tal-ishma) kif ukoll għajnuna teknika. Dan il-mikrofond qiegħed jitwaqqaf mill-FEI b'appoġġ ta' kapital inizjali ta' madwar EUR 40 miljun (li EUR 20 miljun minnhom huma mill-BEI). Il-Kumitat jemmen li fil-ġejjieni l-FEI għandu jamministra l-fond.

4.4.6

Il-mikroself jista' jkun biżżejjed sabiex ikopri l-akkwist tal-provvisti u tat-tagħmir bażiku meħtieġ għat-twaqqif ta' negozju, jew għall-bdil ta' tagħmir, li huwa dejjem neċessarju f'mikrointrapriża (34).

4.4.6.1

Fil-fehma tal-Kumitat, għandha tingħata attenzjoni partikulari lill-mikrokreditu allokat lill-intraprendituri nisa. F'dawn il-każijiet għandha tingħata iktar attenzjoni lill-flessibilità, lill-arranġamenti prattiċi u lill-kriterji tal-għoti tas-self, sabiex ikunu jistgħu jiġu indirizzati l-problemi soċjali u psikoloġiċi li jistgħu jitfaċċjaw; dawn jistgħu jiħraxu jekk il-persuna:

4.4.6.2

Il-modalitajiet u l-ġestjoni tal-mikrokreditu li jiġi allokat għall-attivitajiet intraprenditorjali tan-nisa għandhom iqisu l-prijorità li n-nisa jieħdu jew jassumu mill-ġdid rwol soċjoekonomiku produttiv fis-soċjetà, bil-għan li jiġi miġġieled il-periklu tan-nuqqas ta' fiduċja fihom innifishom u li jiġi rinfurzat l-iżvilupp tal-kultura intraprenditorjali u l-kapaċità li jieħdu iktar responsabbiltajiet u riskji.

4.4.7

Il-mikroself għandu jipprovdi opportunità għaż-żgħażagħ li jixtiequ jwaqqfu intrapriża taghħom stess, li jkollhom biżżejjed taħriġ akkademiku iżda ma jkollhomx il-mezzi finanzjarji.

4.4.7.1

Il-garanzija inizjali tas-self, li f'kull każ għandha tingħata minn istituzzjoni finanzjarja (li tista' tkun bank jew le), tikkonsisti mit-tagħmir li jinxtara. Iżda l-eżistenza ta' fond Ewropew tal-mikrokreditu jħeġġeġ lill-istituzzjonijiet finanzjarji sabiex ikunu inqas stretti meta joffru s-self (35): minbarra li jkollu l-fondi u l-kompetenza u l-ħila li kultant jintervieni bis-saħħa tal-FEI, il-konsorzji tal-kreditu u l-assoċjazzjonijiet kummerċjali, sabiex iħallas lura d-dejn, il-Fond għandu jkun lest u kapaċi li jippromovi l-istandards esiġenti tas-saħħa finanzjarja, it-titjib tal-produzzjoni u d-diversifikazzjoni, it-trasparenza u l-ġlieda kontra l-użura (36).

4.4.8

Studji dwar l-insolvenza tal-mikrointrapriżi u n-negozji ż-żgħar sabu li, fil-pajjiżi l-kbar tal-UE, tul l-aħħar għaxar snin, l-insolvenzi relatati mas-self ma qabżux l-4 % (37). Għaldaqstant, b'rata ta' inqas minn 5 %, jista' jintuża multiplikatur ta' 20 sabiex jiggarantixxi s-self mogħti mill-istituzzjoni finanzjarja.

4.4.9

B'multiplikatur ta' 20 u b'garanzija li tkopri 50 % mill-insolvenza ta' kull debitur individwali, konsorzju ta' kreditu b'kapital ta' riskju ta' EUR 1 miljun jista' jiggarantixxi self lil għadd kbir ta' intraprendituri (38) sa total ta' EUR 40 miljun.

4.4.9.1

Permezz tal-għoti ta' garanziji, is-sistema ta' konsorzji ta' kreditu ppermettiet li madwar EUR 6 biljun jiġu mislufa lil negozji Taljani tal-artiġġjanat fl-2007.

4.4.10

Hemm madwar 500 000 negozju ġdid fis-sena fl-UE-27. L-għadd ta' negozji li jfallu huwa kemxejn inqas (39). L-SMEs jirrappreżentaw 99 % tal-istartups kull sena u, minn dawn tal-inqas 240 000 minnhom huma negozji mmexxija minn persuna waħda (40).

4.4.11

Jekk napplikaw l-eżempju tal-punt 4.4.9, EUR 1 miljun ta' kapital ta' riskju flimkien mal-inġinerija finanzjarja jistgħu jiggarantixxu, permezz ta' fond tal-mikrokreditu, self li jammonta għal EUR 25 000 lil 1 600 negozju żgħir.

4.5.1

Kif diġà semmejna, il-kreditu huwa strument ewlieni għall-iżvilupp ekonomiku u soċjali u għall-kostruzzjoni ta' “ekonomija tas-suq soċjali”.

4.5.2

Għalhekk bil-mod il-mod inħolqu u żvolġew kunċetti ġodda ta' kreditu, fejn il-kreditu ma baqax jitqies biss bħala relazzjoni bejn il-klijent u l-istituzzjoni finanzjarja iżda bħala strument b'valur soċjali għoli minħabba r-rabta tiegħu ma' impjiegi ta' kwalità ogħla u iktar siguri u mal-iżvilupp ekonomiku.

4.5.3

F'din il-perspettiva l-ġdida u usa', ir-riskji relatati mal-għoti tal-kreditu għandhom jinfirxu iktar.

4.5.4

It-tqassim tar-riskju tal-kreditu bejn għadd ta' korpi:

4.5.5

B'konformità mal-valur soċjali inerenti, l-għoti tas-self għandu jsir iktar u iktar soġġett għar-responsabbiltà soċjali tal-kumpaniji u min iħaddem għandu jaġġusta u jirrispetta l-valuri tal-iżvilupp sostenibbli.

4.5.6

Iċ-ċertifikazzjoni ambjentali tal-EMAS hija l-iktar ċertifikazzjoni adattata li tkun meħtieġa fi proċess tal-inġinerija finanzjarja b'rabta mar-rwol soċjali tal-kreditu (41).

4.5.7

Tul dawn l-aħħar snin, kienu biss ftit għexieren ta' eluf ta' negozji li kienu kapaċi jużaw l-istrumenti finanzjarji Komunitarji (42), u dan kixef id-differenza sinifikanti bejn il-mod kif tiġi ppreżentata l-kwistjoni u r-riżultati prattiċi. Dan iqanqal konsiderazzjoni tal-possibbiltajiet prattiċi għall-intervent b'sistemi li jistgħu jagħtu spinta 'l quddiem lill-parteċipazzjoni tal-istituzzjonijiet finanzjarji u jamplifikaw ir-riżultati.

4.5.8

Fl-20 u l-21 ta' Novembru 1997, il-Kunsill Straordinarju Ewropew tal-Lussemburgu, li l-aġenda tiegħu kellha suġġett wieħed — l-impjieg — nieda tliet inizjattivi prattiċi sabiex tingħata għajnuna lin-negozji biex jibqgħu kompetittivi fis-swieq, u stieden lill-Kummissjoni sabiex tressaq proposti li jagħtu spinta 'l quddiem lis-settur tan-negozju u li jippromovu l-impjieg f'dak il-qasam. It-tliet inizjattivi kienu: il-Faċilità tal-ETF għall-istartups, il-JEV (Impriża Konġunta Ewropea) u l-Faċilità ta' Garanzija għall-SMEs. Tnejn minn dawn l-inizjattivi — il-Faċilità tal-ETF għall-istartups u l-Faċilità ta' Garanzija għall-SMEs — kienu mmirati lejn it-tħaffif tal-aċċess għall-kreditu.

4.5.8.1

Sa tmiem l-2005 (43) iktar minn 277 000 SME kienu użaw il-programm tat-tkabbir u l-impjieg u l-faċilitajiet tal-Programm Multiannwali.

4.5.8.2

Il-Faċilità ta' Garanzija għall-SMEs hija waħda mill-programmi Ewropej ewlenin għall-SMEs (44).

4.5.9

Jeżistu madwar 23 miljun mikrointrapriża u 1.1 miljun negozju żgħir fl-UE li 90 % minnhom huma negozjanti uniċi jew sħubijiet. Minnhom 5 jew 6 % biss jużaw il-kapital ta' riskju.

4.5.10

Għaldaqstant, il-Kumitat huwa tal-fehma li għandhom jitfasslu forom ġodda ta' appoġġ għall-kreditu, immirati wkoll lejn is-sħubijiet, bħalma kien il-każ tal-għodod tal-inġinerija finanzjarja. Fin-nuqqas ta' dan, l-adozzjoni ser tkompli tkun ftit li xejn u b'hekk, jixxekkel l-iżvilupp finanzjarju tal-mikrointrapriżi u l-intrapriżi ż-żgħar.

31.3.2009   

MT

Il-Ġurnal Uffiċjali tal-Unjoni Ewropea

C 77/29

1.1

Din il-proposta tfittex li temenda d-Direttiva tal-Kunsill 76/769/KEE billi żżid restrizzjonijiet fuq it-tqegħid fis-suq u l-użu tad-dichloromethane (DCM) meta jintuża bħal komponent ewlieni ta' prodotti għat-tqaxxir taż-żebgħa għall-użu industrijali, professjonali u mill-konsumaturi.

1.2

Din hi l-aħħar emenda ta' dan it-tip tad-Direttiva tal-Kunsill 76/769/KEE qabel ma tiġi mibdula bir-Regolament (KE) 1907/2006 (REACH) fl-1 ta' Ġunju 2009.

1.3

Il-KESE jirrikonoxxi d-diffikultajiet xjentifiċi u politiċi konsiderevoli li tiffaċjata l-Kummissjoni fit-tfassil u fit-tfittix ta' ftehim dwar emenda proporzjonata u kost-effettiva li, kif mitlub mid-Direttiva 76/769/KEE, tippreżerva s-Suq Intern u fl-istess ħin tiżgura livell għoli ta' protezzjoni għas-saħħa tal-bniedem u għall-ambjent.

1.4

Il-KESE jaqbel li hemm provi konkreti li fejn jkun hemm konċentrazzjonijiet għoljin ta' fwar, minħabba l-volatilità għolja tad-DCM, dawn jistgħu jwasslu għall-inkoxjenza u l-mewt. Dawn jirriżultaw minn prattika industrijali fqira, inkluża ventilazzjoni mhux adegwata. Il-provi ta' riskju serju kontinwu għall-konsumaturi permezz ta' użu domestiku okkażjonali huma anqas evidenti. Għalhekk il-proposta għal projbizzjoni fuq il-bejgħ hi sproporzjonata u, fid-dawl tar-riskji magħrufa iżda s'issa mhux kwantifikati tal-prodotti u proċessi alternattivi, ma jidhirx li ser twassal għa xi tnaqqis ġenerali fir-rata, kemxejn baxxa, ta' inċidenti reġistrati.

1.5

Il-KESE, kif ukoll il-konsulenti impjegati tal-Kummissjoni, innotaw ukoll, li s-simboli bl-istampi jew il-frażijiet ta' Riskju u Sigurtà eżistenti ma jkoprux bis-sħiħ il-perikli speċjali tad-DCM. L-istess kumment japplika għar-riskji għat-tfal, li huma aktar komuni f'ambjent domestiku. Dan hu falliment tas-sistema ta' tikkettar, u mhux tal-prodotti jew in-nies involuti. Għalhekk tfasslu rakkomandazzjonijiet dwar l-ippakkjar u l-ittikkettar sabiex titranġa din is-sitwazzjoni.

1.6

Ġew identifikati problemi oħrajn, l-aktar evidenti huma n-nuqqas ta' Limiti ta' Esponimenti Okkupazzjonali (Occupational Exposure Limits — OEL) u linji gwida jew regolamenti dwar prattika industrijali tajba. It-TRGS 612 Ġermaniż (regoli tekniċi għal sustanzi perikolużi) hu meqjus bħala mudell eċċellenti f'dan ir-rigward.

1.7

Tressqu numru ta' punti ġenerali oħrajn għal kunsiderazzjoni tal-Kummissjoni, il-Parlament Ewropew u l-Istati Membri bit-tama li jkun jista' jintlaħaq ftehim. In-nuqqas ta' dan ser iwassal għall-frammentazzjoni tas-suq intern. L-utenti, ġewwa u barra mill-post tax-xogħol, ser jibqgħu fil-perikolu.

2.1

Kif innutat qabel, ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH) ser jidħol fis-seħħ fl-1 ta' Ġunju 2009. Dan ser jirrevoka u jissostitwixxi għadd ta' Regolamenti u Direttivi eżistenti tal-Kunsill u tal-Kummissjoni, inkluża d-Direttiva tal-Kunsill 76/769/KEE tas-27 ta' Lulju 1976 dwar it-tqegħid fis-suq u l-użu ta' ċerti sustanzi u preparazzjonijiet perikolużi.

2.2

L-Anness I għad-Direttiva tal-Kunsill 76/769/KEE jistabbilixxi r-restrizzjonijiet speċifiċi dwar it-tqegħid fis-suq u l-użu ta' ċerti sustanzi u preparazzjonijiet perikolużi li ntlaħaq ftehim dwarhom u li daħħlu fis-seħħ tul dawn l-aħħar tletin sena. Nhar l-1 ta' Ġunju 2009, dawn ser jiffurmaw is-sisien tal-Anness XVII tar-Regolament (KE) Nru 1907/2006 (REACH).

2.3

L-emendi preċedenti għad-Direttiva tal-Kunsill 76/769/KEE (jiġifieri ż-żieda ta' iktar miżuri restrittivi) kienu f'għamla ta' Direttivi li jesiġu implimentazzjoni mill-Istati Membri. Madankollu il-proposta tal-Kummissjoni hi għal Deċiżjoni, li jkollha effett immedjat, aktar milli għal Direttiva. Għalhekk ma tinħtieġx traspożizzjoni fil-liġijiet nazzjonali li jkollhom ukoll jitħassru mad-dħul fis-seħħ tar-Regolament KE Nru 1907/2006 (REACH) fl-1 ta' Ġunju 2009.

2.4

Il-proposti sussegwenti kollha għal restrizzjonijiet fuq it-tqegħid fis-suq u l-użu ta' sustanzi jew preparazzjonijiet ser jaqgħu taħt ir-Regolament KE Nru 1907/2006 (REACH).

2.5

Is-sustanzi (u kull preparazzjoni b'dawn is-sustanzi), li għalihom kien hemm bżonn ta' restrizzjonijiet fuq it-tqegħid fis-suq u l-użu, ġeneralment kienu r-riżultat ta' evalwazzjonijiet ta' ċerti “sustanzi prijoritarji” nominati mill-Istati Membri u ppublikati f'erba' listi prijoritarji bejn l-1994 u l-2000 skont ir-Regolament tal-Kunsill (KEE) 793/93.

2.6

Ġew evalwati wkoll għadd ta' sustanzi mhux elenkati f'dawn il-listi minħabba l-impatt tagħhom fuq saħħet il-bniedem u fuq l-ambjent, u/jew saru proposti għar-restrizzjoni tat-tqegħid fis-suq u l-użu tagħhom, minħabba li ġew indirizzati problemi ġodda fuq talba tal-Istati Membri. Id-DCM jaqa' taħt dan it-titlu. Numru ta' Stati Membri, għal raġunijiet differenti, diġà imponew jew fittxew li jimponu restrizzjonijiet dwar l-użu tiegħu partikolarment bħala komponent ta' prodotti għat-tqaxxir taż-żebgħa. Stati Membri oħrajn iqiesu dawn il-miżuri bħala sproporzjonati, għaljin u li x'aktarx iwasslu għal eżiti anqas sodisfaċenti għall-utenti. Hemm xi evidenza (jew nuqqas tagħha) li tappoġġja jew tikkontradixxi ż-żewġ pożizzjonijiet.

2.7

L-ewwel evalwazzjoni sħiħa tal-proposta fil-Kunsill seħħet fil-bidu ta' Ġunju. Jekk jinstab kompromess fix-xhur li ġejjin, allura x'aktarx li l-propsta timxi 'il quddiem kif ippjanat. Jekk dan ma jkunx il-każ allura l-proposta ser tfalli. F'dan il-każ is-suq intern għal prodotti għat-tqaxxir taż-żebgħa bbażati fuq id-DCM ser jibqa' frammentat u jista' jsir agħar. Imbgħad fi żmien opportun, id-DCM jiġi evalwat skont ir-Regolament KE Nru 1907/2006 (REACH) — l-użu tiegħu fit-tqaxxir taż-żebgħa jkun wieħed mill-ħafna rotot ta' esponiment għal konsiderazzjoni. Ovvjament mhuwiex ċar x'ikun l-eżitu ta' dan jew meta tkun tista' ssir xi rakkomandazzjoni finali.

3.1

Id-DCM huwa idrokarbonju alifatiku aloġenat b'punt ta' togħlija baxx, bla kulur u b'riħa ħelwa u ħafifa. Intuża' għal ħafna snin bħala solvent qawwi bi fjammabilità baxxa fil-produzzjoni ta' farmaċewtiċi, aerosols u adeżivi u fi proċessi oħrajn bħat-tqaxxir taż-żebgħa, sgrassar tal-metall u bħala solvent ta' estrazzjoni għall-prodotti tal-ikel.

3.2

Għalkemm meqjus bħala wieħed mill-idrokarbonji aloġenati b'piż molekolari baxx l-iktar sikuri, id-DCM xorta għandu jintuża b'attenzjoni. Fl-Ewropa, id-DCM hu klassifikat bħala karċinoġenu Kategorija 3, jiġifieri hu “sustanza li tikkawża tħassib għal bniedem minħabba l-possibbiltà ta' effetti karċinoġeni iżda li dwarhom m'hemmx informazzjoni adegwata biex issir evalwazzjoni sodisfaċenti”. Għalhekk irid ikun akkumpanjat mill-frażi R40 (“evidenza ta' effett karċinoġenu baxxa”). Hu wkoll sustanza prijoritarja skont id-Direttiva Qafas tal-Ilma.

3.3

Madankollu, ta' aktar tħassib hu l-fatt li d-DCM hu wkoll narkotiku qawwi, li jiddeprimi s-sistema ċentrali nervuża, u jwassal għall-inkoxjenza jew mewt. Dan wassal għal għadd ta' inċidenti u mwiet, ġeneralment frott ta' prattiki tax-xogħol perikolużi u sovra-esponiment qawwi, ġeneralment waqt l-użu industrijali f'tank miftuħ jew waqt użu professjonali estensiv. Fejn hu possibbli, l-użu f'sistemi magħluqa jelimina dawn ir-riskji.

3.4

Il-livelli ta' produzzjoni ta' DCM fl-Ewropa (minn siti fil-Ġermanja, Franza, l-Italja, Spanja, l-Olanda, ir-Renju Unit u r-Rumanija) qegħdin jonqsu bil-mod hekk kif qed ikunu disponibbli prodotti oħrajn. Minn madwar 240 000 manifatturati attwalment fl-Ewropa, madwar 100 000 tunnellata huma esportati. 30–50 % ta' dak li jifdal imur għall-industrija farmaċewtika u bejn 10–20 % jmur għall-bejgħ fi prodotti għat-tqaxxir taż-żebgħa bħala DCM “verġni”. Id-DCM riċiklat mill-industrija farmaċewtika jagħti tunnellaġġ simili. Din il-proposta tittratta biss l-użu tad-DCM fit-tqaxxir taż-żebgħa.

3.5

It-tqaxxir taż-żebgħa hu komuni għal ħafna sidien tad-djar bħala proċess essenzjali għall-konservazzjoni u d-dekorazzjoni ta' oġġetti u uċuħ tal-injam, metall, ġebel u ġibs ġewwa u barra l-proprjetajiet tagħhom. Hemm ukoll numru ta' swieq aktar speċjalizzati, inklużi r-restawr tal-oġġetti tal-arti, it-tneħħija ta' graffiti u t-tibjid mill-ġdid ta' oġġetti mobbli kbar bħal ferroviji jew ajruplani.

3.6

Il-prodotti għat-tqaxxir taż-żebgħa huma maqsumin b'mod kemxejn arbitrarju fi tliet kategoriji: “industrijali” (jiġifieri, b'użu kontinwu ta' volum għoli fil-post); “professjonisti” (speċjalisti ta' siti differenti, bennejja u dekoraturi) u “konsumaturi” (individwi li jwettqu manutenzjoni tad-dar fuq bażi okkażjonali).

3.7

Hu diffiċli li jiġu determinati n-numri reali ta' inċidenti għal kull grupp. Meta jitqies li s-sintomi ta' doża eċċessiva ta' DCM jixbhu lil dawk ta' kollass kardijaku, jista' jkun (jew jista' ma jkunx) hemm xi ftit nuqqas ta' rappurtaġġ. Id-data mressqa mill-konsulenti RPA lill-Kummissjoni juru medja ta' 3 — 4 inċidenti kull sena fl-Ewropa tul dawn l-aħħar għoxrin sena, kaġun ta' użu ta' prodotti għat-tqaxxir taż-żebgħa bbażati fuq id-DCM, li inċident minnhom kull sena kien fatali. L-imwiet kienu kkonċentrati fi Franza (6), il-Ġermanja (6) u fir-Renju Unit (5), l-inċidenti mhux fatali kienu ikkonċentrati fir-Renju Unit (36), fl-Isvezja (12) u fi Franza (6). Fin-nofsinhar tal-Ewropa, kien reġistrat inċident wieħed biss fil-perijodu ta' studju tal-RPA (1930 — 2007) — mewta industrijali fi Spanja fis-sena 2000. Il-kundizzjonijiet klimatiċi lokali u l-prattiċi tax-xogħol jista' jkollhom importanza sinjifikanti. Meta tkun is-sħana, it-twieqi jkunu dejjem miftuħin, b'hekk tinkiseb ventilazzjoni tajba u r-riskji jkunu minimi; fi klimi aktar kesħin, jista' jiġri l-oppost.

3.8

L-imwiet kienu maqsumin b'mod ugwali bejn l-utenti industrijali u professjonali. Il-parti 'il kbira tal-inċidenti mhux fatali ġew reġistrati waqt l-użu minn operaturi klassifikati bħala “professjonisti”. Il-kawżi tal-imwiet ġew reġistrati bħala kważi kollha kaġun ta' ventilazzjoni totalment mhux adegwata u użu mhux tajjeb ta' tagħmir protettiv personali, speċjalment fil-preżenza ta' tankijiet kbar miftuħin.

3.9

Mewta possibbli rappurtata għal konsumatur (jew professjonista) fi Franza fl-1993 issa ma tistax tiġi vverifikata u għalhekk din l-informazzjoni partikolari kienet ikkontestata. L-unika mewta oħra ta' konsumatur li ġiet reġistrata seħħet fl-Olanda fl-1960. Jistgħu jkunu rilevanti fatturi oħrajn.

3.10

Ovvjament hemm alternattivi għall-użu ta' prodotti kimiċi għat-tqaxxir taż-żebgħa bbażati fuq id-DCM. Ġeneralment dawn jiġu klassifikati taħt tliet titli — “tqaxxir fiżiku/mekkaniku” (xkatlar, tqaxxir, tindif b'kompressur); “tqaxxir pirolitiku/termali” (f'ifran, fuq sodod fluwidifikati sħan jew bl-użu ta' lampi għall-ħruq jew heat guns); u “tqaxxir kimiku” (bl-użu ta' solventi qawwija ħafna, inkluż id-DCM, jew korrosiv, ġeneralment alkalin qawwi, likwidi jew taħliet, jew taħlitiet ibbażati fuq aċidu formiku jew il-perossidu tal-idroġenu). Kull proċess jista' jaħdem u jista' jkun il-metodu magħżul taħt ċirkostanzi speċifiċi. Kollha joħolqu xi forma jew oħra ta' riskju, jew minħabba l-impatt tal-partikuli, is-sħana, in-nar, splużjoni, irritazzjoni tal-għajnejn jew tal-ġilda jew minħabba l-kompożizzjoni tal-kisjiet li qed jitneħħew, fosthom l-iktar dik taċ-ċomb minn żebgħat applikati qabel l-1960. B'kisjiet differenti li jmorru lura 100 sena jew aktar fi djar antiki iżda utilizzabbli jew anke mixtieqa ħafna, jew b'uċuħ sensittivi li ma tistax issirilhom ħsara, jinħtieġ aktar minn approċċ wieħed u xi grad ta' sperimentazzjoni.

3.11

Ma tressqet l-ebda data fuq is-sehem globali tas-suq ta' dawn l-alternattivi differenti taħt it-tliet titli jew tal-ispejjeż differenti għal kull metru kwadru li jitqaxxar. Jidher li d-DCM għadu jitqies l-aktar solvent popolari, partikolarment fis-settur tal-konsumatur bl-applikazzjonijiet ibbażati fuq is-soda kawstika wkoll ikunu popolari. L-ispejjeż komparattivi huma diffiċli anke fil-grupp tal-kimiki. Hemm qbil ġenerali li l-prodotti għat-tqaxxir taż-żebgħa bbażati fuq id-DCM jidhru li huma orħos mill-prodotti ta' kompetizzjoni, fuq bażi ta' volum. Dan il-vantaġġ aktarx jispiċċa jekk jitqiesu l-ispejjeż kollha għal tagħmir protettiv (jekk jintuża) u għar-rimi tal-iskart (jekk hu rilevanti).

3.12

L-ispejjeż totali jistgħu jiġu determinati wkoll permezz tal-volum ta' ħin. Prodotti u proċessi li jieħdu aktar ħin biex jaħdmu iżda huma anqas ta' ħsara jgħollu l-ispiża tax-xogħol għaddej u jnaqqsu l-profitti. Solventi b'temperatura ta' tgħolija għola jippermettu li jinksew partijiet akbar f'ħin wieħed, iżda dawn jieħdu aktar ħin biex jaħdmu. Għall-konsumatur, esponimenti żgħar jinbidlu f'esponimenti itwal u potenzjalment joħolqu tħarbit domestiku akbar. (Żgur li għandha tiġi kkontestata l-premessa tal-RPA li l-konsumaturi huma anqas sensittivi għall-ħin “għaliex ħafna drabi jagħmlu x-xogħol ta' tqaxxir fil-ħin liberu tagħhom”.) Għall-utenti kollha ser isiru essenzjali metodi ġodda ta' xogħol u bdil fil-flussi tax-xogħol. Għal utent industrijali, kull tip ta' bidla għal prodotti b'bażi ta' ilma tnaqqas l-ispejjeż tal-ventilazzjoni iżda iżżid bil-qawwi l-ispiża ta' tankijiet u xogħol ta' pajpijiet għat-tnaqqis tal-korrużjoni. Meta jitqiesu dawn il-varjabbli kollha, hu diffiċli ħafna li jiġi previst l-effett ta' xi restrizzjoni fuq xi metodu partikolari. F'ċirkostanzi bħal dawn il-konsumaturi jinsabu partikolarment taħt riskju, għaliex minħabba l-opinjonijiet kuntrastanti fil-livell ta' gvern, ftit hemm evidenza jekk l-għażliet tagħhom ta' prodotti jew proċessi alternattivi humiex fl-aħjar interess tagħhom.

3.13

Waħda mill-aktar alternattivi popolari għad-DCM bħala solvent hu l-methyl-2-pyrrolidone (NMP), li dan l-aħħar ġie klassifikat bħala “tossiku għar-riproduzzjoni kategorija 2” li eventwalment ser iwassal għal projbizzjoni fuq il-bejgħ ta' formulazzjonijiet li jinkluduh, għall-pubbliku ġenerali (iżda mhux għall-utenti professjonali jew industrijali). Solventi oħrajn, bħal-1,3 dioxolane, huma fjammabbli ħafna.

3.14

Attwalment, is-sistemi bbażati madwar id-dibasic esters (DBEs) — taħlita ta' dimethyl adipate, succinate u glutarate — jidhru li huma l-aħjar alternattivi, bi ftit x'juri li hemm xi tħassib sinifikanti għas-saħħa tal-bniedem jew l-ambjent. Id-dimethyl sulfoxide (DMSO) u l-alkol tal-benżil ukoll jidhru relattivament “sikuri”. Madankollu, jekk dawn jitqisux kost- effettivi jew le mill-utenti tagħhom, jiddependi fuq ħafna fatturi u ma tistax tiġi żgurata l-għażla eventwali tagħhom bħala alternattivi popolari “sikuri”.

3.15

Ġeneralment jidher li m'hemmx approċċ uniku aċċettabbli kollu kemm hu — u li azzjoni żbaljata tista' twassal għal żieda fir-rata attwalment relattivament baxxa ta' inċidenti reġistrati. Id-diffikultà tinsab fis-sejba ta' soluzzjoni li tissodisfa l-partijiet kolha, b'mod partikolari l-Istati Membri b'esperjenzi differenti, u, pjuttost raġonevolment, b'argumenti qawwija.

4.1

Il-proposta tal-Kummissjoni tfittex li tipproteġi s-saħħa tal-bniedem u l-ambjent filwaqt li tippreżerva s-suq intern għad-dichloromethane, b'mod partikolari meta jintuża bħala komponent ewlieni tal-prodotti għat-tqaxxir taż-żebgħa għal użu industrijali, professjonali u tal-konsumatur.

4.2

Il-proposta tfittex li tipprojbixxi l-bejgħ kollu ta' prodotti għat-tqaxxir taż-żebgħa bbażati fuq id-DCM, lill-pubbliku ġenerali u lill-professjonisti, ħlief għal dawk b'taħriġ speċjali u b'liċenzja mill-awtoritajiet kompetenti fl-Istati Membri. Bejgħ lill-installazzjonijiet industrijali ser ikun possibbli biss fejn daħlu fis-seħħ numru ta' miżuri ta' protezzjoni, b'mod partikolari il-ventilazzjoni effettiva u l-provvista u l-użu ta' tagħmir protettiv personali adegwat. Kull formulazzjoni bbażata fuq id-DCM għandha tiġi mmarkata b'mod li ma' tkunx “riżervata għall-użu industrijali u professjonali” (u preżumibbilment biss għal dawk b'liċenzja adegwata).

4.3

L-ebda prodott għat-tqaxxir taż-żebgħa bbażat fuq id-DCM m'għandu jitqiegħed fis-suq biex ikun ipprovdut lill-pubbliku ġenerali jew lill-professjonisti fi żmien sena mid-dħul fis-seħħ tad-Deċiżjoni. Kull provvista lil dawn iż-żewġ gruppi tkun ipprojbita fi tmiem il-perijodu l-ġdid ta' 12-il xahar.

4.4

Id-Deċiżjoni tidħol fis-seħħ fit-tielet jum wara l-jum tal-pubblikazzjoni tagħha fil-Ġurnal Uffiċjali tal-UE.

4.5

Il-proposta hi akkumpanjata b'memorandum esplorattiv u b'dokument ta' ħidma tal-persunal tal-Kummissjoni (rapport ta' valutazzjoni tal-impatt). Hemm aktar materjal disponibbli f'valutazzjonijiet tal-impatt imħejjija għall-Kummissjoni minn konsulenti esterni (RPA, TNO) jew f'rapporti dwar suġġetti speċifiċi (ETVAREAD, dwar l-effikaċja ta' retardanti tal-fwar). Min-naħa tagħhom dawn ġew evalwati mill-kumitat xjentifiku adegwat (SCHER). Ma hemm l-ebda Rapport ta' Stima ta' Riskju tal-UE (RAR) peress li d-DCM ma ġiex iddikjarat bħala sustanza prijoritarja mill-parteċipanti interessati, minkejja t-tħassib diġà nnutat.

4.6

Xi Stati Membri tal-UE (u ekonomiji ewlenin oħrajn u msieħba kummerċjali bħall-Isvizzera u l-Istati Uniti) ukoll wettqu studji biex jappoġġjaw il-pożizzjonijiet regolatorji u politiċi partikolari — spiss kuntrastanti ħafna. L-industriji kkonċernati ħolqu ammont kbir ta' data dwar ir-riskji possibbli u l-benefiċċji komparattivi tal-prodotti u l-proċessi differenti; mhux sorprendenti li anke dawn huma kuntrastanti. Fl-2004 ġew irreġistrati kummenti minn parteċipanti interessati oħrajn matul il-Ġimgħa Ewropea dwar is-Saħħa u s-Sigurtà “Nibnu b'Sigurtà” wara konferenza ta' esperti ospitata mill-Għaqda tal-Bajjada Daniżi. F'April 2007, skont l-RPA, l-Organizzazzjoni Ewropea tal-Konsumaturi (il-BEUC), il-federazzjoni Ewropea tal-Ħaddiema għall-Minjieri, Kimika u Enerġija (l-EMCEF) u l-Konfederazzjoni Ewropea tat-Trade Unions (l-ETUC) kienu għandhom ma esprimew l-ebda opinjoni formali.

5.1

Il-KESE jirrikonoxxi d-diffikultajiet iffaċċjati mill-Kummissjoni fit-tressiq ta' emenda proporzjonali u kost-effettiva għad-Direttiva 76/769/KEE għall-użu tad-DCM bħala solvent fil-prodotti għat-tqaxxir taż-żebgħa. Relattivament ftit inċidenti ġew rappurtati u verifikati. Seta' kien hemm (jew seta' ma kienx hemm) nuqqas ta' rappurtaġġ. Il-leġislazzjoni attwali mhux dejjem ġiet segwita — u jidher li hi inadegwata fir-rigward tal-ittikkettar. Jeżistu prodotti u proċessi alternattivi iżda dawn ma ġewx evalwati u kollha joħolqu xi riskju. Hemm raġunijiet validi għalfejn l-opinjonijiet tal-Istati Membri ma jaqblux. M'hemmx garanzija li l-eżitu finali ser ikun favorevoli għal kull wieħed mill-gruppi li aktarx jiġu effettwati.

5.2

Il-KESE jirrikonoxxi wkoll, li minkejja restrizzjonijiet ovvji ta' ħin, din hi l-aħħar opportunità għall-introduzzjoni ta' xi miżuri taħt din id-Direttiva. Jekk ma tintlaħaqx pożizzjoni komuni bejn l-Istati Membri u l-Parlament Ewropew u d-Deċiżjoni proposta (jew kull varjazzjoni tagħha) tiġi adottata u implimentata, ma titieħed l-ebda azzjoni ulterjuri sakemm id-DCM jiġi evalwat għall-użi kollha tiegħu skont ir-Regolament (KE) Nru 1907/2006 (REACH).

5.3

Il-KESE jemmen bis-sħiħ li dan it-tip ta' dewmien fir-rigward tal-protezzjoni tal-ambjent u s-saħħa tal-utenti kollha ġewwa jew barra l-post tax-xogħol la hu meħtieġ u lanqas mixtieq. Il-KESE jiddispjaċih tassew ukoll dwar kull frammentazzjoni tas-suq intern dwar din il-kwistjoni jew dwar kull kwistjoni oħra. Il-ħtieġa li tinstab bażi ta' ftehim għandha tkun ovvja għal kull min hu involut. Din għandha tfittex li jiġu ġestiti r-riskji, u mhux li riskju jiġi sostitwit b'ieħor.

5.4

F'dan ir-rigward il-KESE jinnota li d-DCM jista' jkun immanifatturat, maħżun, trasportat u użat b'mod sikur f'sistemi magħluqa. Id-DCM hu non-fjammabbli u ma jikkontribwixxix għall-formazzjoni tal-ożonu fil-livell tal-art. Madankollu, f'sistemi miftuħa, pereżempju fit-tqaxxir taż-żebgħa, id-DCM joħloq problemi minħabba l-volatilità tiegħu (jevapora malajr ħafna), id-densità tal-fwar suċċessivi (jakkumula fl-aktar punt baxx jew fejn ma hemmx ventilazzjoni adegwata), u l-imġiba tiegħu bħala narkotiku (jikkawża l-inkoxjenza u mewt). Dawn kollha jikkontribwixxu għal riskji akbar fit-tfal. Id-DCM hu kklassifikat bħala karċinoġenu kategorija 3 u dan hu r-riskju potenzjali li jiddomina l-ittikkettar ta' kull prodott li fih id-DCM.

5.5

L-RPA u oħrajn kollha nnutaw li dan hu qarrieqi u mhux adegwat għall-protezzjoni tajba tal-utenti ġewwa jew barra l-post tax-xogħol. Ma hemm l-ebda frażijiet jew stampi b'simboli R (Riskju) u S (Sigurtà) skont il-leġislazzjoni attwali, jew ekwivalenti tagħhom skont il-verżjoni riveduta tas-Sistema Armonizzata Globalment tan-NU ta' Klassifikazzjoni u t-Tikkettar, li javżaw b'mod adegwat kemm kontra in-narkożi (u r-riskju sussegwenti ta' mewt) jew, aktar sorprendenti, kontra r-riskju serju għat-tfal (li ovvjament japplika għal ħafna prodotti u proċessi f'sitwazzjonijiet domestiċi).

5.6

L-iffukar fuq ir-riskju possibbli, iżda s'issa mhux ippruvat, ta' kanċer ukoll hu qarrieqi. Fl-opinjoni tagħhom dwar ir-Rapport ETVAREAD dwar retardanti tal-fwar, ix-SCHER innota li l-mekkaniżmu metaboliku ta' ġurdien mhux l-istess bħal tal-bniedem għall-punt aħħari ttestjat, u għalhekk, skont l-evidenza mressqa, id-DCM aktarx li mhuwiex karċinoġenu. Ftit hemm evidenza li hi bbażata fuq użu reali. Ir-riżultati ta' żewġ studji epidemoloġiċi ewlenin dwar il-gruppi (cohorts) esposti għad-DCM f'industriji oħrajn fl-Istati Uniti għadhom ma waslux. Il-gruppi (cohorts) fl-UE setgħu ġew esposti għal karċinoġeni oħrajn magħrufa bħall-istirene. L-RPA ma ppreżentat l-ebda evidenza ta' riskji reali taħt dan it-titlu mill-esponimenti għad-DCM użata fit-tqaxxir taż-żebgħa. Il-frażi meħtieġa R68 (“riskju possibbli ta' effetti irriversibbli”) mhijiex l-aktar utli f'dawn iċ-ċirkostanzi.

5.7

Għandu jiġi innutat li l-istatistiċi ta' inċidenti mressqa mill-RPA għall-perijodu 1930-2007 juru biċ-ċar il-perikli ta' sovra-esponiment qawwi għad-DCM, ġeneralment minħabba prattiċi tax-xogħol ħżiena ħafna. Ma nġabritx data korrispondenti għal proċessi u prodotti alternattivi. Hu diskutibbli sa fejn din id-data tista' tiġi estiża biex tintuża f'ambjent domestiku, kemm mill-“professjonisti” kif ukoll mill-“konsumaturi”. L-indikazzjonijiet ta' effetti ta' saħħa kroniċi (għat-tul) jistgħu (jew ma jistgħux) jindikaw problemi għal esponimenti akuti (fuq perijodu qasir) għall-konsumatur; statistiċi ta' inċidenti, li aktarx dawn hekk huma, huma aktar diffiċli li jwasslu għal indikzzjonijiet.

5.8

L-istudji jenfasizzaw ukoll in-nuqqas ta' Livelli ta' Esponimenti Okkupazzjonali (OELs) konsistenti għall-postijiet tax-xogħol madwar l-UE. Il-limiti għal sustanza waħda (DCM) ivarjaw konsiderevolment bejn l-Istati Membri u bejn is-sustanzi (pereżempju, bejn id-DCM u d-DBE jew id-DMSO). Il-fabbrikanti għandhom jirrikonoxxu d-dmir tagħhom ta' kura għall-ħaddiema tagħhom; biex jintlaħaq dan, ir-regolaturi għandhom jipprovdu qafas regolatorju bbażat fuq id-data ċara u konsistenti.

5.9

F'dan ir-rigward il-KESE ħa nota partikolari tar-Regoli Tekniċi għal Sustanzi Perikolużi TRGS 612 għal alternattivi għal prodotti għat-tqaxxir taż-żebgħa bbażati fuq id-DCM mill-Ministeru Federali Ġermaniż għax-Xogħol u l-Affarijiet Soċjali (BMAS), verżjoni ddatata Frar 2006. Dan jidher li hu mudell li oħrajn jistgħu jsegwu biex tiġi żgurata s-sigurtà fuq il-post tax-xogħol u hu konsiderevolment aktar dettaljat mill-proposta attwali tal-Kummissjoni.

5.10

Il-ġerarkija ta' mistoqsijiet li għandhom jitwieġbu skont ir-Regoli għandhom jiġu segwiti f'ħafna mill-każijiet: (a) tista' tagħmel il-proċess tiegħek aktar sikur permezz ta' alternattiva? (b) jekk le, għalfejn? u (ċ) ħadt il-miżuri adegwati kollha biex tagħmel il-post tax-xogħol tiegħek sikur? Ir-riskji potenzjali, kif ukoll il-benefiċċji minn proċessi u prodotti alternattivi għandhom jiġu rikonoxxuti bis-sħiħ. Fuq kollox, għandu jkun hemm xi stima tal-eżiti mistennija ta' kull deċiżjoni biex titneħħa kwantità sinifikanti ta' kull tip ta' materjal minn kull suq; x'ser jagħmlu l-utenti fir-realtà u jekk l-għażla tagħhom hijiex ser ittejjeb is-sigurtà personali tagħhom?

5.11

Eżempju ta' Stat Membru li diġà implimenta projbizzjoni fuq il-prodotti bbażati fuq id-DCM u li hi applikabbli bl-istess mod għall-utenti industrijali u professjonali juri li din hi projbizzjoni fuq il-bejgħ ta' prodotti li fihom id-DCM u mhux fuq id-DCM innifisu. Xorta jista' jiġi magħmul prodott għat-tqaxxir taż-żebgħa qawwi ħafna bit-taħlit tad-DCM mal-metanol fil-post tal-użu. Il-prodott aħħari jiswa anqas iżda m'għandux is-surfactants u r-retardanti tal-fwar li jżidu kemm l-effikaċja kif ukoll is-sigurtà ta' prodott formolat tajjeb. Għalhekk dan hu eżitu mhux mixtieq.

5.12

Hekk kif innutaw l-RPA u l-Kummissjoni, id-distinzjonijiet bejn il-kategoriji diffferenti ta' utenti diffiċilment jiġu ġustifikati jew jinżammu fir-realtà. L-unika differenza reali hi li operazzjonijiet kontinwi ta' tqaxxir taż-żebgħa f'sit uniku u b'volum kbir jirrikjedu tankijiet kbar miftuħa ta' aġenti kimiċi li fihom jixxarbu l-prodotti; operazzjonijiet barra mis-sit ġeneralment ma jiddependux fuq it-tixrib u għalhekk ma jeħtiġux tankijiet kbar miftuħa. Is-siti uniċi huma koperti minn Direttivi oħrajn bħal pereżempju dawk dwar l-emissjonijiet ta' solventi u l-kwalità tal-ilma tad-drenaġġ, li għandhom jiġu infurzati b'mod riġidu; operazzjonijet barra mis-sit jiddependu aktar fuq il-kura u sens komun tal-individwu. Fejn ikun hemm persuna li tħaddem, id-dmir tal-kura tal-ħaddiema jaqa' fuqha biex tiżgura l-aħjar ambjent possibbli għall-impjegati kollha involuti.

5.13

Il-kategorija “professjonisti” għandha wkoll tinqasam bejn dawk impenjati b'mod permanenti f'operazzjonijiet ta' tindif speċjalizzat (pereżempju tneħħija ta' graffiti, restawr tal-faċċati, ferroviji jew ajruplani) u dawk li jqaxxru ż-żebgħa okkażjonalment (il-bennejja, id-dekoraturi u l-“konsumaturi”) bħala preludju, meħtieġ iżda li jieħu l-ħin, għal attività aktar ta' profitt. Il-ħtiġijiet, il-kapaċitajiet u l-vulnerabbilitajiet ta' dan l-aħħar grupp jidhru li huma identiċi u li għandhom jiġu ttrattati indaqs.

5.14

Fl-aħħar nett iddaħlet proposta għat-taħriġ u l-liċenzjar ta' xi operaturi bħala deroga possibbli sabiex jkun hemm kompromess bejn l-opinjonijiet diverġenti. Madankollu hu diffiċli li l-użu ta' prodotti għat-tqaxxir taż-żebgħa bbażati fuq id-DCM jitqabbel ma' ngħidu aħna, it-tneħħija tal-asbestos jew mal-ġestjoni tal-iskart nukleari, li għalihom żgur li jinħtieġu l-liċenzji. Meta jitqiesu l-ispejjeż għoljin tal-installazzjoni u l-monitoraġġ ta' sistema bħal din, hu diffiċli li wieħed jara kif proposta bħal din għandha tilħaq il-ħtiġijiet ta' xi ħadd.

6.1

Fid-dawl ta' dak li jidher hawn fuq, il-KESE ma jemminx li l-proposta attwali hi proporzjonata jew li waħidha ser twassal għal anqas inċidenti kemm ġewwa jew barra l-post tax-xogħol. Meta jitqiesu d-differenzi reali u politiċi wiesa' bejn l-Istati Membri, għandhom jiġu kkunsidrati u implimentati approċċi oħrajn bla dewmien.

6.2

Dan ikun jinkludi bidliet fl-ippakkjar u l-itikkettar tal-prodotti għat-tqaxxir taż-żebgħa bbażati fuq id-DCM biex jiġu minimizzati r-riskji ta' inċidenti u biex jiġu enfasizzati l-perikli reali. Il-bejgħ lil kull min mhux involut b'mod permanenti fit-tqaxxir taż-żebgħa, kemm fuq jew barra mis-sit, u kemm jekk jitqies bħala “professjonist” jew bħala “konsumatur”, għandu jkun limitat għal massimu ta' litru għal kull kontenitur u akkwist. Il-kontenituri għandhom ikollhom siġilli li ma jinfetħux mit-tfal, kif definiti mir-Regoli jew Direttivi eżistenti jew ġodda tal-UE u/jew standards tal-EN-ISO 8317:2004 u 862:2005. Ikunu utli ukoll għenuq dojoq biex jiġi evitat it-tixrid, għalkemm il-bżonn li l-likwidu jitbattal qabel l-użu b'pinzell, jillimita kemxejn l-effett tagħhom. Il-fabbrikanti għandhom jaħdmu b'mod attiv lejn sistemi ta' ġarr aktar ġodda u sikuri jekk iridu li jżommu l-vijabbiltà ta' dawn il-prodotti fit-tul. Bejgħ bil-grossa lill-utenti l-oħrajn kollha għall-użu industrijali jew professjonali kontinwu għandu jkun fi kwantitajiet ta' mhux anqas minn 20 litru. Il-fabbrikanti u l-fornituri għandhom jagħrfu dmirhom ta' kura skont dawn iċ-ċirkostanzi u jiżguraw li tingħata biżżejjed informazzjoni u taħriġ biex tiġi żgurata l-ġestjoni u r-rimi f'kull kundizzjoni ta' użu.

6.3

Għandhom jiġu żviluppati b'urġenza stampi b'simboli ġodda u frażijiet R u S għan-narkotiċi u sabiex javżaw lit-tfal mill-perikli, sabiex jikkumplimentaw dawk li diġa' qegħdin fis-seħħ. Għall-prodotti għat-tqaxxir taż-żebgħa bbażati fuq id-DCM (u fuq prodotti oħrajn b'effetti simili) l-aħjar formulazzjoni għall-utenti kollha għandu tkun fuq il-linji ta': “Narkotiku: konċentrazzjonijiet għoljin jistgħu jwasslu għall-inkoxjenza u l-mewt”; “Tużax fil-preżenza ta' tfal jew adulti vulnerabbli”; “Tużax f'ambjent magħluq: fwar qawwija jistgħu jwasslu għall-assifissija” Dawn jidhru li huma ġustifikati mill-evidenza u huma rilevanti għall-ħtiġijiet reali. Il-frażijiet ma għandhomx jintilfu fost ġabra ta' avviżi anqas importanti. Avviż effettiv u stampa b'simbolu ċar fir-rigward tal-ħtieġa li jiġu protetti t-tfal aktarx li jkollu aktar effett minn avviżi aktar ikkumplikati. F'dan ir-rigward, il-frażi S2 attwali (“Żomm fejn ma jintlaħaqx mit-tfal”) hi adegwata.

6.4

Hemm ukoll ħtieġa ċara għal ġabra ta' Limiti ta' Esponimenti Okkupazzjonali (OELs) madwar l-UE li jkunu standardizzati u konsistenti internament, sabiex tittejjeb is-sigurtà tal-post tax-xogħol. Dan għandu jitqies bħala riżultat utli tal-programm REACH tul fis-snin li ġejjin.

6.5

Żgur li prattika tax-xogħol tajba u osservanza bir-reqqa tal-kontrolli kollha eżistenti huma essenzjali għall-immaniġġjar tar-riskji, ġewwa u barra l-post tax-xogħol. Il-fabbrikanti u l-bejjiegħa bl-imnut flimkien jaqsmu r-responsabbiltà li jipprovdu pariri tajbin u jiżguraw li r-rakkomandazzjonijiet jistgħu jiġu segwiti mill-membri tal-pubbliku u minn oħrajn li jużaw materjali jew proċessi perikolużi fuq bażi okkażjonali. Pariri u tagħmir ta' sigurtà għandhom jiġu promossi bl-istess ħeġġa u bl-istess inċentivi bħall-materjali li għalihom huma meħtieġa.

6.6

L-approċċ użat mit-TRGS 612 Ġermaniż għandu jkun il-bażi tal-kontrolli ta' madwar l-UE. Pariri tekniċi addizzjonali dwar il-ventilazzjoni jew it-trattament tal-iskart jistgħu jiżdiedu skont il-bżonn. L-aħjar prattiki għandhom jiġu ppublikati u maqsuma.

6.7

Studji li għadhom għaddejjin fl-Istati Uniti dwar l-effetti ta' esponiment fit-tul għad-DCM għandhom jitlestew malajr kemm jista' jkun u r-riżultati għandhom jiġu ppreżentati lix-SCHER għall-evalwazzjoni. Għandhom jiġu esplorati opportunitajiet biex jiġu identifikati l-gruppi validi kollha għal studju fl-Ewropa.

6.8

Għandha titnieda evalwazzjoni sistematika tar-riskji marbuta mat-tqaxxir taż-żebgħa sabiex tkun tista' ssir evalwazzjoni fuq bażi komparattiva bejn il-prodotti u l-proċessi kollha. Din twassal għal għarfien aħjar tal-karatteristiċi tal-imġiba u r-riskji relattivi tagħhom u eventwalment għall-possibbiltà ta' deċiżjonijiet infurmati aktar mill-utenti ġewwa u barra l-post tax-xogħol. Madankollu l-ebda waħda minn dawn il-proposti m'għandhom itawlu l-adozzjoni tal-miżuri ta' kontroll diskussi aktar 'il fuq.

31.3.2009   

MT

Il-Ġurnal Uffiċjali tal-Unjoni Ewropea

C 77/35

1.1

Il-Kumitat jaqbel mal-kontenut tad-direttiva proposta u jqisu pass 'il quddiem fl-istrateġija ta' simplifikazzjoni amministrattiva proposta fil-komunikazzjoni intitolata Reviżjoni strateġika ta' Regolamentazzjoni Aħjar fl-Unjoni Ewropea.

1.2

Dan jikkonforma mal-opinjoni pożittiva tal-Osservatorju tas-Suq Uniku tal-KESE li f'diversi opinjonijiet tiegħu, b'mod konsistenti appoġġja l-inizjattivi favur is-simplifikazzjoni li ttieħdu fil-qasam tal-liġi tal-kumpaniji. Huwa jemmen li dawn l-inizjattivi, billi ser inaqqsu l-ispejjeż tal-kumpaniji, ser ikunu qed jagħtu kontribut importanti għall-kompetittività tal-kumpaniji tal-UE, kemm-il darba ma jxekklux il-ħarsen tal-interessi tal-partijiet interessati.

1.3

Il-Kumitat jiġbed l-attenzjoni lejn il-fatt li l-għan tal-proposta li temenda d-Direttivi 68/151/KEE (l-Ewwel Direttiva dwar il-Liġi tal-Kumpaniji) u 89/666/KEE (il-Ħdax-il Direttiva dwar il-Liġi tal-Kumpaniji) huwa li tissimplifika u tnaqqas il-piż amministrattiv fil-qasam sensittiv tal-obbligi ta' pubblikazzjoni u traduzzjoni għal ċerti tipi ta' kumpaniji, li ħafna drabi jkollhom iħabbtu wiċċhom ma' spejjeż sproporzjonati u mhux meħtieġa.

1.4

Il-Kumitat jilqa' l-miżuri proposti li jistgħu jinkisbu permezz ta' tibdiliet żgħar fl-acquis tal-UE. Barra milli jnaqqsu l-piż amministrattiv tal-kumpaniji, il-miżuri ser iservu wkoll sabiex jipprevedu l-ħolqien ta' ostakli li jxekklu l-moviment ħieles tal-oġġetti u s-servizzi, hekk kif uriet il-valutazzjoni tal-impatt li takkumpanja l-proposta.

1.5

Il-Kumitat għalhekk jilqa' intervenzjoni bħal din u jingħaqad mal-Kunsill billi jitlob lill-Kummissjoni tipproponi aktar miżuri li jkomplu jnaqqsu l-obbligi li m'għandhom l-ebda valur miżjud li jeżistu f'oqsma oħra. Dawn l-obbligi m'għandhom l-ebda benefiċċju għall-utent, u għall-kumpaniji huma biss piż u ostaklu li ma jħallihomx jilqgħu tajjeb l-isfidi attwali tal-kompetizzjoni globali.

1.6

Il-Kumitat jitlob lill-Kummissjoni tħeġġeġ lill-Istati Membri jkomplu jaħdmu għas-simplifikazzjoni amministrattiva fil-kumpaniji permezz ta' verżjoni elettronika tal-informazzjoni kollha li, skont il-leġislazzjoni eżistenti, għandha tiġi ppubblikata.

2.1

Wara d-diversi valutazzjonijiet li saru fl-2005, il-Kummissjoni tat bidu għall-proġett tat-tnaqqis tal-ispejjeż u l-piżijiet amministrattivi ġejjin mill-leġislazzjoni eżistenti u li jaffaċċjaw il-kumpaniji. Il-Kummissjoni kienet tal-fehma li l-ispejjeż mhux meħtieġa kienu qed ixekklu l-ekonomija tal-UE u jtellfu l-kompetittività tan-negozji.

2.2

Fl-14 ta' Novembru 2006, il-Kummisjoni ppreżentat komunikazzjoni bit-titlu sinifikanti Regolamentazzjoni Aħjar fl-Unjoni Ewropea (1) u dokument ta' ħidma intitolat Il-kejl tal-ispejjeż amministrattivi u t-tnaqqis tal-piżijiet amministrattivi fl-Unjoni Ewropea (2). Iż-żewġ inizjattivi jenfasizzaw il-bżonn ta' benefiċċji ekonomiċi għall-kumpaniji u simplifikazzjoni li ma tħallix effetti negattivi fuq l-utenti tal-informazzjoni kkonċernata.

2.3

F'Marzu 2007 din l-istrateġija ġiet appoġġjata minn programm ta' azzjoni għat-tnaqqis tal-piżijiet amministrattivi (3) (li għadu ma ġiex ippublikat fil-Ġurnal Uffiċjali) li stabbilixxa l-għan li sal-2012 l-ispejjeż amministrattivi jkunu tnaqqsu b'25 %.

2.4

A number of fast-track proposals were adopted by the Commission in March 2007 aimed at reducing administrative burdens and on 10 July 2007 it presented a communication setting out its proposals for simplification in the fields of company law, accounting and auditing (4).

2.5

Fil-laqgħat tiegħu tat-13 u l-14 ta' Marzu 2008, il-Kunsill Ewropew talab lill-Kummissjoni tidentifika proposti leġislattivi ġodda li jnaqqsu l-piż amministrattiv (5).

2.6

Dan huwa l-kuntest tal-proposta għal direttiva dwar l-obbligi ta' pubblikazzjoni u traduzzjoni fil-qasam tal-liġi tal-kumpaniji u li tistipula tnaqqis jew tneħħija tal-obbligi tal-informazzjoni li m'għandhom l-ebda valur miżjud għall-utenti.

3.1

Skont il-Kummissjoni, l-għan tal-proposta għal Direttiva huwa li ttejjeb il-kompetittività tal-kumpaniji tal-UE billi tnaqqas jew tneħħi l-obbligi amministrattivi stipulati fil-leġislazzjoni eżistenti li ma jissodisfawx il-kondizzjonijiet tal-utenti tal-informazzjoni u li huma spejjeż żejda għall-kumpaniji.

3.2

Il-Proposta temenda d-Direttivi 68/151/KEE (l-Ewwel Direttiva) u 89/666/KEE (il-Ħdax-il Direttiva) tal-Kunsill fir-rigward tal-obbligi ta' pubblikazzjoni u traduzzjoni ta' wara t-twaqqif ta' ċerti tipi ta' kumpaniji.

3.3

Fir-rigward tal-Ewwel Direttiva ġie propost rekwiżit minimu ġdid ta' pubblikazzjoni abbażi tal-kontenut ta' Artikolu 3(4) 68/151 KE dwar il-liġi tal-kumpaniji. L-għan ta' din l-emenda huwa li telimina uħud mill-obbligi attwali fuq il-kumpaniji li fil-gazzetti tal-gvern jippubblikaw ċerta informazzjoni dwar it-twaqqif tal-kumpanija u l-kontijiet attwali, li skont il-leġislazzjoni attwali jridu jiġu ppubblikati kull sena.

3.4

Is-simplifikazzjoni proposta bl-ebda mod ma tnaqqas il-valur miżjud għall-utenti b'mod partikolari issa li aktar mal-użu tal-mezzi elettroniċi qed isir komuni, l-informazzjoni tar-reġistri kummerċjali, li permezz tagħhom l-Istati Membri jipprovdu l-informazzjoni neċessarja, aktar qed issir disponibbli fuq l-internet.

3.5

L-Istati Membri jeħtiġilhom jipprovdu għall-aċċess elettroniku u kronoloġiku għall-informazzjoni imma jibqgħu liberi li jesiġu l-użu tal-mezzi addizzjonali tal-pubblikazzjoni sa kemm dawn ma jwasslux għal spejjeż żejda għall-kumpaniji.

3.6

Fir-rigward tad-Direttiva 89/666/KEE (il-Ħdax-il Direttiva) ġiet proposta emenda fuq Artikolu 4 li attwalment jitlob it-traduzzjoni tad-dokumenti kollha li jinsabu fil-file tal-kumpanija meta tiġi rreġistrata fergħa ġdida tal-kumpanija.

3.7

Artikolu 4 il-ġdid jirrikjedi li d-dokumenti jiġu ppublikati f'lingwa uffiċjali tal-Komunità iżda jitlob biss li t-traduzzjoni tkun awtentikata fi proċedura aċċettata mill-awtoritajiet kollha ta' kull Stat Membru. L-Istati Membri kollha għandhom jilqgħu din l-attestazzjoni u m'għandhomx jimponu obbligi formali oħra barra dawk stipulati f'paragrafi 1 u 2, b'konformità mal-għan li jitnaqqsu l-ispejjeż tat-traduzzjoni u l-attestazzjoni.

3.8

Il-bażi legali ta' din il-proċedura hija l-istess bħal dik tad-direttivi preċedenti: Artikolu 44(2)(g) tat-Trattat. Barra minn hekk fil-fehma tal-Kummissjoni, il-proċedura tikkonforma mal-prinċipji tas-sussidjarjetà u l-proporzjonalità.

3.9

Il-Kummissjoni ġibdet attenzjoni lejn il-fatt li firxa wiesgħa ta' partijiet interessati stħarrġet bir-reqqa l-proposta u l-valutazzjoni tal-impatt, u r-riżultat kien pożittiv (total ta' 110 minn 22 Stat Membru). Ir-riżultati jinsabu fis-sit tal-Direttorat Ġenerali tas-Suq Intern u tas-Servizzi (DĠ MARKT).

3.10

Fil-valutazzjoni tal-impatt tagħha, il-Kummissjoni bassret li mill-pubblikazzjoni tal-kontijiet annwali, il-kumpaniji ser jiffrankaw EUR 410 miljun fis-sena u madwar EUR 200 fis-sena mill-pubblikazzoni ta' tibdiliet fir-reġistri. Mit-traduzzjoni u l-attestazzjoni ser jiffrankaw madwar EUR 22 miljun.

4.1

F'bosta opinjonijiet tal-Osservatorju tas-Suq Uniku, il-Kumitat appoġġja s-simplifikazzjoni amministrattiva proposta fil-komunikazzjoni intitolata Reviżjoni strateġika ta' Regolamentazzjoni Aħjar fl-Unjoni Ewropea.

4.2

L-opinjonijiet tal-Kumitat dejjem appoġġjaw din l-inizjattiva li tagħti kontribut prattiku favur il-kompetittività tal-kumpaniji tal-UE billi tnaqqas l-ispejjeż fil-qasam tal-liġi tal-kumpaniji li huma eċċessivi u żejda mingħajr ma tikkomprometti l-ħarsien tal-interessi tal-partijiet interessati.

4.3

Il-Kumitat jiġbed l-attenzjoni lejn il-fatt li hija u tintervjeni fl-oqsma sensittivi tal-obbligi tal-pubblikazzjoni u t-traduzzjoni, din il-proposta mhux biss tnaqqas l-ispejjeż, kif uriet il-valutazzjoni tal-impatt iżda żżid il-kredibilità tal-UE għax telimina l-ostakli artifiċjali u inġusti li jxekklu l-moviment ħieles tal-oġġetti u s-servizzi.

4.4

L-inizjattivi tnedew dejjem wara valutazzjoni serja tal-għanijiet u b'kunsiderazzjoni tal-prinċipji tas-sussidjarjetà u l-proporzjonalità u kienu soġġetti għal konsultazzjoni dettaljata mal-partijiet interessati kollha.

4.5

Il-Kumitat għalhekk jilqa' l-kontenut tad-direttiva proposta u jqisu pass 'il quddiem ieħor fl-istrateġija ta' simplifikazzjoni. Il-Kumitat jappoġġja wkoll lill-Kunsill huwa u jitlob lill-Kummissjoni sabiex tintervjeni fl-oqsma l-oħra li jirrikjedu s-simplifikazzjoni sabiex ikomplu jitnaqqsu l-obbligi li huma piż żejjed għall-kumpaniji.

31.3.2009   

MT

Il-Ġurnal Uffiċjali tal-Unjoni Ewropea

C 77/37

1.1

Il-KESE jilqa' l-proposta tal-estensjoni tal-eżenzjonijiet maħsuba għall-kumpaniji ż-żgħar fir-Raba' Direttiva dwar il-Liġi tal-Kumpaniji biex jinkludu l-kumpaniji ta' daqs medju peress li jwasslu għal tnaqqis fil-piż tar-rappurtar għal dawn il-kumpaniji.

1.2

Il-KESE jilqa' wkoll l-emendi proposti għas-Seba' Direttiva peress li dawn sempliċement jiċċaraw l-interazzjoni bejn ir-regoli konsolidati stipulati f'din id-Direttiva u fl-Istandards Internazzjonali ta' Rappurtar Finanzjarju.

1.3

Il-KESE japprezza b'mod partikolari li l-objettiv tas-semplifikazzjoni tar-rappurtar finanzjarju huwa rrispettat: ma hemm l-ebda telf sinifikanti ta' informazzjoni għall-utenti tal-kontijiet u l-partijiet interessati l-oħra mhumiex affettwati. Is-semplifikazzjoni proposta hija bbażata fuq il-bżonnijiet tal-kumpaniji ż-żgħar u ta' daqs medju (SMEs) u l-utenti tal-infomazzjoni finanzjarja.

1.4

Sal-lum il-ġurnata hemm nuqqas ta' riċerka u ta' ġustifikazzjoni li jiddeterminaw il-bżonnijiet tal-utenti, li jistgħu jvarjaw bejn l-Istati Membri tal-UE. Qabel ma jiġu introdotti aktar emendi għar-rekwiżiti finanzjarji għall-SMEs, hemm bżonn li tiġi kkunsidrata l-pożizzjoni attwali dwar l-adozzjoni ta' għażliet fir-Raba' u s-Seba' Direttiva. Dan l-istudju għandu jinkludi (a) l-użu tal-għażliet eżistenti, (b) ir-raġunijiet mogħtija mill-Istati Membri għall-għażliet tagħhom u (c) l-analiżi tas-suċċess tal-Istati Membri fil-ksib tal-objettivi tagħhom.

1.5

Għalhekk, il-KESE jirrakkomanda li ssir riċerka f'dan il-qasam sabiex fil-futur ikun hemm bażi għal proposti ta' politika raġonevoli.

1.6

Ir-rekwiżiti ta' kontabilità kienu fost l-ewwel oqsma ta' leġiżlazzjoni li ġew armonizzati fil-livell Ewropew. Il-KESE jfakkar li l-iskop prinċipali huwa l-ksib ta' suq komuni u jenfasizza l-importanza tal-armonizzazzjoni għall-ħolqien ta' sitwazzjoni bl-istess kondizzjonijiet għal kulħadd fl-UE.

1.7

Il-kummerċ transkonfinali mill-SMEs qiegħed jiżdied fl-UE. Għalhekk, hemm bżonn kbir li tiġi żviluppata l-armonizzazzjoni tal-oqfsa tar-rappurtar finanzjarju u li jiġu stabbiliti regoli biex (a) jappoġġjaw din iż-żieda fil-kummerċ u (b) joħolqu sitwazzjoni bl-istess kondizzjonijiet għal kulħadd.

2.1

Fil-Konklużjonijiet tiegħu, il-Kunsill Ewropew tat-8 u tad-9 ta' Marzu 2007 enfasizza li t-tnaqqis tal-piżijiet amministrattivi huwa importanti sabiex l-ekonomija Ewropea tingħata spinta, speċjalment meta wieħed iqis il-benefiċċji li dan jista' jġib lill-kumpaniji ż-żgħar u ta' daqs medju.

2.2

Il-Kunsill enfasizza li hemm bżonn ta' sforz kbir konġunt min-naħa tal-Unjoni Ewropea u tal-Istati Membri sabiex jitnaqqsu l-piżijiet amministrattivi billi jiġu ssemplifikati r-regoli tal- kontabilità għall-kumpaniji ż-żgħar u ta' daqs medju. Il-bażi legali ta' dawn il-miżuri huwa l-Artikolu 44(1) tat-Trattat li jistabbilixxi l-Komunità Ewropea (1).

2.3

Il-kontabilità u l-verifika ġew identifikati bħala oqsma għat-tnaqqis tal-piżijiet amministrattivi għall-kumpaniji fi ħdan il-Komunità (2).

2.4

Ingħatat attenzjoni partikolari biex jinkiseb aktar serħan mir-rekwiżiti ta' rappurtar għall-kumpaniji ż-żgħar u ta' daqs medju.

2.5

Fil-passat, saru għadd ta' tibdiliet sabiex il-kumpaniji li jaqgħu fl-ambitu tad-Direttivi 78/660/KEE u 83/349/KEE jkunu jistgħu jużaw metodi ta' kontabilità skont l-Istandards Internazzjonali ta' Rappurtar Finanzjarju (IFRS).

2.6

Skont ir-Regolament (KE) Nru 1606/2002 tal-Parlament Ewropew u tal-Kunsill tad-19 ta' Lulju 2002 dwar l-applikazzjoni ta' standards internazzjonali tal-kontabilità (3), il-kumpaniji li t-titoli tagħhom ikunu aċċettati għall-kummerċ f'suq regolat ta' xi Stat Membru għandhom jippreparaw il-kontijiet konsolidati tagħhom b'konformità mal-IFRS, u b'konsegwenza jinħelsu mill-maġġoranza tar-rekwiżiti tad-Direttivi 78/660/KEE u 83/349/KEE. Madankollu, dawn id-Direttivi għadhom jiffurmaw il-bażi għall-kontabilità tal-kumpaniji ż-żgħar u ta' daqs medju fil-Komunità.

2.7

Il-kumpaniji ż-żgħar u ta' daqs medju ħafna drabi huma soġġetti għall-istess regoli bħall-kumpaniji l-kbar iżda l-ħtiġijiet speċifiċi tagħhom tal-kontabilità ftit li xejn ġew indirizzati. B'mod partikolari, l-għadd dejjem jiżdied tar-rekwiżiti ta' żvelar iqajjem tħassib għal kumpaniji bħal dawn. Ir-regoli estensivi tar-rappurtar joħolqu piż finanzjarju u jistgħu jostakolaw l-użu effiċjenti tal-kapital għal skopijiet produttivi.

2.8

L-applikazzjoni tar-Regolament (KE) Nru 1606/2002 enfasizzat ukoll il-ħtieġa li tiġi ċċarata r-relazzjoni bejn l-istandards tal-kontabilità meħtieġa mid-Direttiva 83/349/KEE u l-IFRS.

2.9

Fejn l-ispejjeż tal-formazzjoni jistgħu jiġu ttrattati bħala ass fil-karta tal-bilanċ, l-Artikolu 34(2) tad-Direttiva 78/660/KEE jirrikjedi li dawk l-ispejjeż jiġu spjegati fin-noti mal-kontijiet.

2.10

Il-kumpaniji ż-żgħar jistgħu jiġu eżentati minn dan ir-rekwiżit ta' żvelar b'konformità mal-Artikolu 44(2) tal-istess Direttiva. Sabiex jonqsu l-piżijiet amministrattivi bla bżonn, għandu jkun possibbli wkoll li l-kumpaniji ta' daqs medju jiġu eżentati minn dan l-iżvelar.

2.11

Id-Direttiva 78/660/KEE tistipula l-iżvelar ta' analiżi tad-dħul f'attivitajiet u swieq ġeografiċi. Dan jintalab mill-kumpaniji kollha, iżda l-kumpaniji ż-żgħar jistgħu jiġu eżentati b'konformità mal-Artikolu 44(2) tal-istess Direttiva. Sabiex jonqsu l-piżijiet amministrattivi bla bżonn, għandu jkun possibbli wkoll li l-kumpaniji ta' daqs medju jiġu eżentati minn dan ir-rekwiżit ta' żvelar.

2.12

Id-Direttiva 83/349/KEE tirrikjedi li kumpanija prinċipali tħejji l-kontijiet konsolidati wkoll meta s-sussidjarju waħdani tagħha jew inkella s-sussidjarji kollha globalment ma jkunux materjali għall-finijiet tal-Artikolu 16(3) tad-Direttiva 83/349/KEE. Bħala konsegwenza, dawn il-kumpaniji jaqgħu taħt ir-Regolament (KE) Nru 1606/2002 u għalhekk ikollhom iħejju d-dikjarazzjonijiet finanzjarji kkonsolidati tagħhom b'konformità mal-IFRS. Dan ir-rekwiżit huwa meqjus ta' piż f'każ fejn kumpanija prinċipali jkollha biss sussidjarji mhux materjali.

2.13

Għalhekk, għandu jkun possibbli li kumpanija prinċipali tiġi eżentata mill-obbligu tal-preparazzjoni tal-kontijiet konsolidati u ta' rapport annwali konsolidat jekk dik il-kumpanija prinċipali jkollha biss impriżi sussidjarji meqjusa bħala mhux materjali, kemm individwalment kif ukoll globalment.

2.14

Peress li l-għanijiet ta' din id-Direttiva, jiġifieri t-tnaqqis tal-piżijiet amministrattivi marbuta ma' ċerti rekwiżiti ta' żvelar għal kumpaniji ta' daqs medju u mal-obbligu tal-preparazzjoni tal-kontijiet konsolidati li japplika għal ċerti kumpaniji fi ħdan il-Komunità, ma jistgħux jinkisbu b'mod suffiċjenti mill-Istati Membri u għalhekk jistgħu jinkisbu aħjar fil-livell Komunitarju, minħabba l-iskala u l-effetti tagħhom, il-Komunità tista' tadotta miżuri b'konformità mal-prinċipju tas-sussidjarjetà stipulat fl-Artikolu 5 tat-Trattat.

2.15

B'konformità mal-prinċipju tal-proporzjonalità, stipulat f'dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkisbu dawk l-għanijiet.

2.16

Id-Direttivi 78/660/KEE u 83/1268/KEE għandhom għalhekk jiġu emendati f'dan il-mod.

3.1

L-għan tal-emendi għad-Direttiva 78/660/KEE (Ir-Raba' Direttiva dwar il-Liġi tal-Kumpaniji) (4) huwa li jissemplifikaw ir-rappurtar finanzjarju għal kumpaniji ta' daqs medju (5) u li jserrħu lil dawn il-kumpaniji mill-piż tar-rappurtar finanzjarju fil-perijodu qasir. L-emendi għandhom iwasslu għal tnaqqis tal-piżijiet amministrattivi mingħajr telf ta' informazzjoni rilevanti.

3.2

L-għan tal-emendi għad-Direttiva 83/349/KEE (is-Seba' Direttiva dwar il-Liġi tal-Kumpaniji) (6) huwa li jiċċara l-interazzjoni bejn ir-regoli tal-konsolidazzjoni stipulati f'din id-Direttiva u fl-Istandards Internazzjonali ta' Rappurtar Finanzjarju.

3.3.1

Id-diskussjoni dwar il-ksib ta' tnaqqis sostanzjali fil-piż regolatorju fuq l-SMEs taħt ir-Raba' u s-Seba' Direttiva dwar il-Liġi tal-Kumpaniji tnediet fil-ħin mill-Kunsill Ewropew, flimkien mal-proċess ta' konsultazzjoni, u tqis l-objettiv li l-SMEs jirnexxu fis-Suq Uniku Ewropew. Il-problema tal-piżijiet regolatorji fuq l-SMEs hija r-riżultat tar-regoli oriġinali li kienu maħsuba għall-intrapriżi l-kbar. Dawn ir-regoli mhumiex bilfors rilevanti għall-SMEs u sikwit jimponu piż sinifikanti f'termini ta' amministrazzjoni u nfiq.

3.4.1

Huwa importanti li d-diskussjonijiet ma jiffokawx biss fuq “is-semplifikazzjoni” tar-rekwiżiti tar-rappurtar finanzjarju iżda wkoll fuq “ir-rilevanza” tagħhom għall-SMEs — u mhux għall-kumpaniji kbar kkwotati. Id-dibattitu dwar is-semplifikazzjoni jiffoka fuq l-ispejjeż filwaqt li d-dibattitu dwar ir-rilevanza jikkonċerna l-benefiċċji tar-rappurtar finanzjarju u l-utenti partikolari u l-bżonnijiet tagħhom.

3.4.2

Is-semplifikazzjoni tad-Direttiva tal-Kontabilità għandha tibda mill-bżonnijiet attwali tal-SMEs u l-utenti tal-kontijiet tagħhom. Sabiex ir-rapporti finanzjarji jkunu rilevanti u ta' siewi, huwa importanti li jiġu analizzati l-utenti u l-bżonnijiet tagħhom bil-għan li jiġi żviluppat qafas ta' rappurtar finanzjarju Ewropew għall-SMEs. L-utenti huma bosta: l-istituzzjonijiet finanzjarji (tal-klassifikazzjoni), l-awtoritajiet pubbliċi (tat-taxxa, tal-money laundering, …).

3.4.3

Huwa wkoll importanti li wieħed jiftakar li l-SMEs innifishom huma utenti prinċipali tal-informazzjoni finanzjarja, eż. bħala fornituri u partijiet kontraenti għal SMEs oħra, f'sitwazzjonijiet fejn huwa importanti li tevalwa l-affidabiltà finanzjarja.

3.4.4

Fil-kuntest tas-'semplifikazzjoni' tar-regoli tal-kontabilità għall-SMEs, hemm bżonn li jsiru valutazzjonijiet tal-impatt rigorużi, li jinkludu valutazzjoni tal-benefiċċji tar-rappurtar finanzjarju kif ukoll tal-piżijiet tal-infiq/amministrattivi. Dawn il-valutazzjonijiet tal-impatt għandhom iqisu r-raġunijiet inizjali li wasslu sabiex jiġu imposti r-rekwiżiti tar-rappurtar finanzjarju u l-interessi tal-partijiet interessati (trasparenza, …) li kellhom iħarsu.

3.5.1

Il-kummerċ transkonfinali mill-SMEs qiegħed jiżdied fl-UE (7). Għalhekk, hemm bżonn kbir li tiġi żviluppata l-armonizzazzjoni tal-oqfsa tar-rappurtar finanzjarju u li jiġu stabbiliti regoli biex (a) jappoġġjaw dan it-tisħiħ fil-kummerċ u (b) joħolqu sitwazzjoni bl-istess kondizzjonijiet għal kulħadd. Dan jista' jirrekjedi anqas għażliet u pass lejn iktar armonizzazzjoni, eż. fil-qasam tal-pubblikazzjoni tal-informazzjoni finanzjarja u l-aċċess tal-pubbliku għal din l-informazzjoni.

3.6.1

Il-proġett tal-Bord dwar l-Istandards Internazzjonali tal-Kontabilità (IASB) għall-SMEs huwa riżultat ta' talbiet għal alternattiva għall-Istandards Internazzjonali ta' Rappurtar Finanzjarju (IFRS) kollha min-naħa ta' dawk li joħolqu l-istandards, l-accountants u partijiet interessati oħra. Għalkemm oriġinarjament sabha bi tqila biex jaħdem fuq il-proġett, l-IASB kien persważ li l-maġġoranza ta' dawn il-partijiet interessati riduh jibqa' għaddej u li f'għajnejn kulħadd l-IASB biss kellu l-kredibilità u l-awtorità sabiex joħloq standards ta' kontabilità li huma ta' kwalità għolja u li jistgħu jiġu infurzati. Madankollu, il-punt ta' tluq ta' dan il-proġett kienu l-IFRS kollha, maħsuba għall-kumpaniji kkwotati.

3.6.2

L-IFRS kollha ġew mfassla bil-ħsieb li jintużaw għar-rappurtar finanzjarju mill-kumpaniji kkwotati u l-partijiet interessati tagħhom. Kif msemmi hawn fuq, ir-rappurtar finanzjarju fil-każ tal-SMEs ħafna drabi huwa għal użu intern jew informali (b'rabta mal-fornituri, il-partijiet kontraenti, l-istituzzjonijiet finanzjarji, eċċ.) milli għal raġunijiet ta' obbligi, legali jew oħrajn, ta' rappurtar għall-firxa wiesgħa ta' utenti.

3.6.3

L-implimentazzjoni obbligatorja tal-IFRS, jew ta' sett differenti ta' regoli ġodda bbażati fuq dawk imfassla għall-kumpaniji kkwotati, toħloq piżijiet amministrattivi sostanzjali u spiża finanzjarja għall-SMEs li probabbli jegħlbu kwalunkwe effett pożittiv. Ir-rabta mill-qrib bejn il-kontijiet annwali u l-prospetti tat-taxxa wkoll ġġiegħel lill-SMEs fi Stati Membri differenti jżommu żewġ rapporti finanzjarji, li b'hekk iżidu wkoll il-piż amministrattiv.

3.7.1

Fir-rigward tal-għażliet għall-ksib tas-semplifikazzjoni għall-SMEs fid-Direttivi dwar il-Kontabilità, li huma prinċipalment estensjonijiet tal-għażliet eżistenti għall-SMEs taħt id-Direttivi, huwa importanti li wieħed janalizza sew kif dawn l-għażliet qed jaħdmu fl-Istati Membri qabel ma jiġu introdotti Direttivi ġodda. Barra minn hekk, il-KESE jirrakkomanda li jiġi applikat b'mod sistematiku l-prinċipju ta' darba biss (only once) fil-livelli kollha (8).

3.7.2

Qabel ma jiġu introdotti emendi addizzjonali għar-rekwiżiti finanzjarji għall-SMEs, hemm bżonn tiġi kkunsidrata l-pożizzjoni attwali dwar l-għażliet fir-Raba' u s-Seba' Direttiva. Dan l-istudju għandu jinkludi (a) l-użu tal-għażliet eżistenti, (b) ir-raġunijiet mogħtija mill-Istati Membri għall-għażliet tagħhom u (c) analiżi tas-suċċess tal-Istati Membri fil-ksib tal-objettivi tagħhom.

3.7.3

Problema ewlenija tas-sitwazzjoni attwali hija l-approċċ “minn fuq għal isfel” li (a) jirriżulta f'piżijiet amministrattivi fuq l-SMEs u (b) inaqqas ir-rilevanza tal-oqfsa finanzjarja tal-kontabilità u l-istandards ta' dawk l-entitajiet. Analiżi futura tar-rappurtar finanzjarju fl-UE għandha tindirizza din il-problema billi tadotta approċċ “minn isfel għal fuq”. Dan it-tip ta' approċċ jikkonċentra fuq il-bżonnijiet tal-SMEs u l-partijiet interessati l-oħra u, permezz tar-riċerka, ikun infurmat dwar l-utenti u l-bżonnijiet tagħhom, kif propost hawn fuq.

—

CESE 952/2006 dwar Strateġija għas-simplifikazzjoni ta' l-ambjent regolatorju (INT/296), ĠU C 309, 16.12.2006, p. 18;

—

CESE 89/2007 dwar Ir-reviżjoni tas-suq uniku (INT/332), ĠU C 93, 27.4.2007, p. 25;

—

CESE 1187/2008 dwar Il-miżuri ta' politika għall-SMEs (INT/390) (għadu ma ġiex ippubblikat fil-ĠU);

—

CESE 979/2008 dwar L-akkwist pubbliku internazzjonali (INT/394) (għadu ma ġiex ippubblikat fil-ĠU);

31.3.2009   

MT

Il-Ġurnal Uffiċjali tal-Unjoni Ewropea

C 77/41

31.3.2009   

MT

Il-Ġurnal Uffiċjali tal-Unjoni Ewropea

C 77/41

31.3.2009   

MT

Il-Ġurnal Uffiċjali tal-Unjoni Ewropea

C 77/42

31.3.2009   

MT

Il-Ġurnal Uffiċjali tal-Unjoni Ewropea

C 77/42

31.3.2009   

MT

Il-Ġurnal Uffiċjali tal-Unjoni Ewropea

C 77/43

1.1

Il-KESE laqa' bi pjaċir il-pjanijiet għall-ħarsien tal-klima tal-Kunsill Ewropew 2007, li fost affarijiet oħra għandhom jiġu implimentati permezz ta' din id-Direttiva.

1.2

Il-Kumitat japprova b'mod espliċitu l-istqarrija tal-Kummissjoni, li tgħid li l-għan tal-iżvilupp tal-enerġiji rinnovabbli (minn issa 'l quddiem imsejħa ER) mhuwiex vantaġġuż biss għall-ġlieda kontra l-bidla fil-klima, iżda għandu jew jista' jkollu wkoll impatt pożittiv ċar fuq is-sigurtà tal-provvista tal-enerġija, l-opportunitajiet ta' żvilupp reġjonali u lokali, l-iżvilupp rurali, il-prospetti tal-esportazzjoni, il-koeżjoni soċjali u l-opportunitajiet ta' impjieg, b'mod partikolari għall-intrapriżi ż-żgħar u ta' daqs medju u għall-produtturi indipendenti tal-enerġija.

1.3

Għaldaqstant, il-KESE jilqa' din il-proposta għal Direttiva u l-objettiv li 20 % tal-enerġija jiġi minn sorsi rinnovabbli. Fil-fehma tiegħu l-ER mhumiex kontribut għall-ħarsien tal-klima biss, iżda wkoll objettiv strateġiku ġenwin marbut mal-politika tal-enerġija li ser iwassal għall-awtosuffiċjenza tal-enerġija u b'hekk sigurtà ikbar tal-provvista.

1.4

L-objettiv li l-emissjonijiet tas-CO2 jitnaqqsu b'20 % sal-2020, li jrid jintlaħaq permezz ta' direttivi oħra (1), u l-objettiv li 20 % tal-enerġija finali jiġi mill-ER, li qed jiġi indirizzat fil-proposta li qed nittrattaw, huma marbuta flimkien mill-qrib ħafna u jikkomplementaw lil xulxin. Però għandhom jitqiesu separatament, b'mod partikolari fid-dawl tal-fatt li wħud mill-ER mhux bilfors għandhom effett pożittiv fuq il-klima (ara punt 6 “argo-karburanti”).

1.5

Billi r-rikostruzzjoni meħtieġa tas-sistema tal-enerġija ser tkun marbuta ma' spejjeż kbar, l-Istati Membri għandhom jingħataw iktar flessibbiltà sabiex ikunu fil-qagħda li jieħdu azzjoni f'dawk l-oqsma fejn jistgħu jiksbu impatt qawwi fir-rigward tal-ħarsien tal-klima u l-ħolqien tal-impjiegi, bl-inqas spejjeż.

1.6

Il-KESE jenfasizza li hu jappoġġja l-iżvilupp tal-ER, u jaf li, minn issa sal-2020, biex jintlaħqu l-objettivi ambizzjużi tal-Kunsill (tnaqqis fl-emissjonijiet tas-CO2 ta' bejn 60 % u 80 % u iktar awtosuffiċjenza tal-enerġija) jeħtieġ li l-proporzjon tal-ER fuq perijodu medju u twil ta' żmien ikun ogħla mill-objettiv ta' 20 %.

1.7

Il-KESE jirrimarka li l-pass strateġiku li jikkonsisti fis-sostituzzjoni parzjali tad-diżil jew tal-petrol permezz tal-agro-karburanti hija waħda mill-miżuri għall-ħarsien tal-klima li hija l-inqas effettiva u l-iżjed li tiswa flus, u li llum il-ġurnata din tfisser allokazzjoni ħażina ħafna tal-fondi. Il-KESE ma jarax għaliex l-iżjed miżuri li jiswew il-flus huma dawk li jiġu appoġġjati l-iktar fil-livell politiku. Barra mill-aspetti ekonomiċi għad hemm ukoll nuqqas kbir ta' risposti għall-kwistjonijiet ekoloġiċi u soċjali (ara punt 6). Għalhekk huwa jirriffjuta l-objettiv speċifiku ta' 10 % għall-agro-karburanti.

1.8

Il-KESE jilqa' l-fatt li l-UE beħsiebha tħejji kriterji ta' sostenibbiltà għall-agro-karburanti. Madankollu, il-kriterji ambjentali mfassla fil-proposta mhumiex biżżejjed, u d-dokument ma joffri l-ebda risposta għall-kwistjonijiet soċjali. Għalhekk, il-proposta għal Direttiva hija assolutament inadegwata rigward dan l-aspett (2).

2.1

B'din id-Direttiva għandhom jitwaqqfu objettivi vinkolanti għall-iżvilupp tal-ER. L-għan huwa li sal-2020, is-sehem tal-enerġiji rinnovabbli fil-konsum finali tal-enerġija fl-UE jilħaq l-20 %, u li kull Stat Membru jilħaq minimu vinkolanti ta' 10 % ta' bijokarburanti (3) fis-settur tat-trasport (4).

2.2

L-għan Ewropew tal-20 % għandu jitwettaq billi jintlaħqu l-objettivi nazzjonali vinkolanti li jinsabu f'Anness I Parti A. Barra minn hekk, fil-pjanijiet ta' azzjoni nazzjonali, l-Istati Membri għandhom jistabbilixxu għanijiet għall-oqsma tal-elettriku, it-tisħin u t-tkessiħ, it-trasport u l-agro-karburanti, u għandhom jistipulaw ukoll il-miżuri adegwati sabiex jintlaħqu dawn l-għanijiet.

2.3

Id-Direttiva hija msejsa fuq il-konklużjonijiet tal-Kunsill Ewropew tar-Rebbiegħa tal-2007 — fuq il-bażi li l-enerġiji rinnovabbli jistgħu jiġġieldu l-bidla fil-klima. Fl-istess ħin, il-Kummissjoni ssostni li anke s-“settur tal-enerġija rinnovabbli jispikka għall-abbiltà tiegħu li […] jisfrutta sorsi ta' enerġija lokali u deċentralizzati, u jistimola l-industriji ta' teknoloġija għolja ta' livell internazzjonali”.

2.4

Fil-fehma tal-Kummissjoni, “is-sorsi ta' enerġija rinnovabbli huma fil-parti l-kbira indiġeni, ma jistriħux fuq id-disponibbiltà futura tas-sorsi ta' enerġija konvenzjonali, u n-natura prevalentament deċentralizzata tagħhom tagħmel l-ekonomiji tagħna inqas vulnerabbli għall-provvista volatili ta' enerġija”. Għalhekk, flimkien mal-ħarsien tal-klima u l-iżvilupp tal-innovazzjoni u l-kummerċ, is-sigurtà tal-provvista hija waħda mill-ġustifikazzjonijiet tal-proposta tal-Kummissjoni.

2.5

Il-Kummissjoni tgħid li, “l-iżvilupp ta' suq għal sorsi u teknoloġiji ta' enerġija rinnovabbli għandu […] impatt pożittiv ċar fuq is-sigurtà tal-provvista tal-enerġija, opportunitajiet ta' żvilupp reġjonali u lokali, żvilupp rurali, prospetti għall-esportazzjoni, koeżjoni soċjali u opportunitajiet ta' impjieg, speċjalment fir-rigward ta' impriżi żgħar u ta' daqs medju kif ukoll produtturi indipendenti ta' enerġija”.

2.6

Id-Direttiva ma tistabbilixxix biss l-għanijiet kwantitattivi msemmija hawn fuq, iżda fost affarijiet oħra tistipula wkoll:

2.7

Id-Direttiva l-ġdida tħassar id-Direttiva 2001/77/KE dwar il-promozzjoni ta' elettriku prodott minn sorsi ta' enerġija rinnovabbli fis-suq intern tal-elettriku, li tistipula l-objettiv preżenti, jiġifieri li 21 % tal-elettriku globali tal-Komunità jiġi ġġenerat minn sorsi tal-enerġija rinnovabbli sal-2010, kif ukoll id-Direttiva 2003/30/KE dwar il-promozzjoni tal-użu tal-bijokarburanti jew karburanti rinnovabbli oħra għat-trasport, li tistabbilixxi l-objettiv ta' 5.75 % ta' bijokarburanti sal-2010.

3.1

Fl-2007 l-Kunsill Ewropew saħaq mill-ġdid li,“l-impenji assoluti għal tnaqqis fl-emissjonijiet huma s-sinsla tas-suq globali tal-karbonju. Il-pajjiżi żviluppati għandhom ikomplu jmexxu billi jimpenjaw ruħhom li kollettivament inaqqsu l-emissjonijiet tagħhom ta' gassijiet b'effett serra sa 30 % sal-2020 meta mqabbla mal-1990. Għandhom jagħmlu dan ukoll bil-ħsieb li kollettivament inaqqsu l-emissjonijiet tagħhom b'60 % sa 80 % sal-2050 meta mqabbla mal-1990”.

3.2

Din il-proposta għal Direttiva hija element importanti fl-implimentazzjoni ta' din ir-riżoluzzjoni. Il-KESE laqa' l-konklużjonijiet tal-Kunsill Ewropew dwar il-klima, u jenfasizza li l-iffrankar u l-effiċjenza tal-enerġija għandhom ikunu fost il-prijoritajiet prinċipali. Għall-iżvilupp sostanzjali tal-ER ser jiġu kkunsidrati l-possibbiltajiet kollha, għax dan ma jinvolvix biss il-ħarsien tal-klima, iżda n-nuqqas ta' riżorsi fossili mbassar fuq perijodu medju u twil ta' żmien ukoll. Iż-żidiet sinifikanti fil-prezzijiet tal-enerġiji fossili ser jikkontribwixxu biex bosta ER jsiru ekonomikament vijabbli b'rata iktar mgħaġġla.

3.3

Il-KESE jilqa' l-fatt li fil-memorandum ta' spjegazzjoni l-Kummissjoni mhux talli tindirizza l-aspetti klimatiċi, iżda tagħti importanza kbira wkoll lill-kwistjonijiet tas-sigurtà tal-provvista u l-impjiegi. Hija kemm-il darba tenfasizza l-importanza li jista' jkollhom l-istrutturi deċentralizzati għall-provvista tal-enerġija, pereżempju għall-ekonomija reġjonali u għaż-żoni rurali (punti 2.4 u 2.5). Il-Kumitat huwa tal-istess opinjoni. Madankollu, huwa tal-fehma li l-istrateġiji differenti relatati mal-ER jibdew jitqiesu minnufih b'mod differenti u b'kunsiderazzjoni ta' dawn l-aspetti.

3.4

Il-KESE jaqbel mal-Kummissjoni li r-rwol prinċipali tal-Ewropa fl-iżvilupp u l-implimentazzjoni tal-ER għandu impatt pożittiv kemm fuq il-klima kif ukoll fuq l-ekonomija Ewropea minħabba ċerti vantaġġi marbuta mal-kompetizzjoni. Il-proposta għal Direttiva hija pass ċar favur il-politika tal-enerġija, tal-ambjent u tal-industrija — pass li, fil-kuntest tan-negozjati internazzjonali dwar il-klima fil-futur qarib, jindirizza wkoll il-komunità internazzjonali kollha.

3.5

It-tqassim konkret tar-responsabbiltà, jiġifieri l-kontributi nazzjonali rispettivi għall-objettiv Ewropew li l-emissjonijiet tas-CO2 jitnaqqsu b'20 %, jinsab fil-“Proposta għal deċiżjoni tal-Parlament Ewropew u tal-Kunsill dwar l-isforz tal-Istati Membri biex inaqqsu l-emissjonijiet tagħhom tal-gassijiet serra biex jonoraw l-impenji tal-Komunità għat-tnaqqis tal-emissjonijiet tal-gassijiet serra sal-2020” (COM(2008) 17 finali) u fil-“Proposta għal Direttiva tal-Parlament Ewropew u tal-Kunsill li temenda d-Direttiva 2003/87/KE sabiex ittejjeb u twessa' s-sistema Komunitarja għall-iskambju tal-kwoti tal-emissjonijiet ta' gassijiet serra” (COM(2008) 16 finali).

3.6

Il-KESE japprova l-objettiv ta' 20 % ta' ER sal-2020 kemm mil-lat politiku kif ukoll mil-lat strateġiku, u jaħseb li jista' jitwettaq kemm fil-livell tekniku kif ukoll fil-livell ekonomiku, u b'hekk tinfetaħ it-triq għal politika tal-enerġija ta' wara l-karburanti fossili. Huwa wkoll tal-opinjoni li l-objettivi individwali nazzjonali jistgħu jintlaħqu, speċjalment minħabba l-fatt li l-Istati Membri għandhom għadd ta' possibbiltajiet flessibbli (xiri, parteċipazzjoni fi proġetti, eċċ.). Huwa ċar li r-rikostruzzjoni tas-sistema tal-enerġija ma tistax isseħħ mingħajr spejjeż jew mingħajr bidliet strutturali. Hemm bżonn ta' investimenti fl-impjanti tal-produzzjoni tal-elettriku mill-enerġiji rinnovabbli, kif ukoll ta' investimenti fl-impjanti u t-teknoloġiji għall-ħżin tal-enerġija, sabiex inpattu għall-varjazzjonijiet fil-produzzjoni tal-elettriku kkawżati minn forza tar-riħ baxxa wisq jew xemx mhux qawwija biżżejjed. Jeħtieġ li ninvestu wkoll fl-estensjoni tal-linji tal-elettriku bejn l-Istati Membri tal-UE. Jekk nikkonċentraw fuq il-produzzjoni tal-enerġija biss, mhux ser nilħqu l-objettivi stipulati.

3.7

Il-Ġermanja, pereżempju, tippromovi l-produzzjoni tal-elettriku minn enerġiji rinnovabbli permezz tal-liġi dwar il-provvista, u attwalment 15 % tal-elettriku huwa ekoloġiku. L-ispejjeż żejda, li jitħallsu mill-konsumaturi tal-enerġija, jitilgħu għal madwar EUR 3.5 biljun fis-sena. Madankollu, hawnhekk mhux qed jiġi kkunsidrat il-benefiċċju għall-ekonomija Ġermaniża permezz ta' impjiegi ġodda, prevenzjoni tal-ħsara ambjentali jew dħul ġdid mit-taxxi.

3.8

Sabiex jitnaqqsu kemm jista' jkun l-ispejjeż marbuta mal-objettivi, id-Direttiva tistipula li l-objettivi individwali nazzjonali jistgħu jintlaħqu wkoll permezz tal-appoġġ ta' miżuri għall-iżvilupp tal-ER fi Stati oħra. Huwa possibbli wkoll li jiġi importat l-elettriku ġġenerat mill-ER — b'garanzija tal-oriġini. Fil-prinċipju, il-KESE jemmen li dan jista' jsir. Madankollu, il-KESE jappoġġja x-xewqa ta' xi Stati Membri li dan in-negozju jkun suġġett għall-approvazzjoni sabiex tiġi evitata l-possibbiltà li l-promozzjoni tal-ER ffinanzjati minn Stat Membru (5) tintuża sabiex jiġu ffrankati l-flus fi Stat Membru ieħor.

4.1

Il-KESE jaqbel mal-approċċ tal-Kummissjoni li jistipula objettiv globali għat-tliet setturi li għandhom x'jaqsmu mal-ER (jiġifieri s-settur tal-elettriku, is-settur tat-tisħin u t-tkessiħ, u s-settur tat-trasport) minflok objettiv separat għal kull wieħed minnhom. B'dan il-mod, l-Istati Membri jistgħu jikkombinaw il-miżuri fit-tliet setturi bil-għan li jilħqu l-objettiv globali nazzjonali stipulat.

4.2

Madankollu, il-flessibbiltà hija mxekkla ħafna mill-fatt li ser jiġi stabbilit objettiv vinkolati li japplika għal wieħed mit-tliet setturi biss, jiġifieri s-sostituzzjoni tad-diżil u l-petrol fis-settur tat-trasport.

5.1

Il-Kummissjoni tagħti rwol speċifiku lill-agro-karburanti.

5.2

F'ħafna studji dwar l-agro-karburanti li ġew ippubblikati f'dawn l-aħħar xhur, ta' spiss jiġi enfasizzat il-fatt li l-bijomassa, għall-kuntrarju tal-enerġija solari, hija sors limitat u bla dubju ta' xejn ser ikollha tiffaċċja ċertu livell ta' kompetizzjoni mill-produzzjoni tal-ikel jew il-ħarsien tal-bijodiversità. Il-livell ta' kompetizzjoni għadu ma ġiex determinat. Għalhekk, qabel ma tintervjeni l-politika, tinħtieġ analiżi strateġika preċiża ħafna dwar liema hija l-iktar forma ta' ER utli u f'liema qasam. U dan kollu jeħtieġ valutazzjonijiet tal-impatt preċiżi ħafna.

5.3

F'rakkomandazzjoni dwar l-użu tal-bijomassa għall-produzzjoni tal-enerġija, ippubblikata f'Novembru tal-2007, il-Kunsill Xjentifiku Konsultattiv tal-Ministeru Federali tal-Agrikoltura fil-Ġermanja jsostni li fuq perijodu twil ta' żmien l-enerġija solari u l-enerġija mir-riħ ser ikollhom rwol dominanti fil-qasam tal-ER billi, fost affarijiet oħra, għandhom potenzjal sostanzjalment ogħla mill-bijomassa. Huwa jsemmi tliet raġunijiet għal dan:

5.4

Jekk ir-riżorsi naturali huma skarsi u l-bidla għal strutturi, ġodda u kemm jista' jkun deċentralizzati, ta' provvista tal-enerġija rinnovabbli hija marbuta ma' investimenti relattivament għoljin, il-prinċipju li wieħed għandu jżomm quddiem għajnejh huwa dak li jiffoka r-riżorsi finanzjarji fuq l-iktar strateġiji effiċjenti għall-ħarsien tal-klima.

5.5

Madankollu, fil-livell Ewropew, xi forom ta' bijoenerġija attwali, li wħud minnhom huma appoġġjati mill-Istati, bħall-agro-karburanti kif ukoll il-produzzjoni tal-bijogass mill-qamħirrun, huma marbuta ma' spejjeż kbar biex jiġi evitat is-CO2  (6) (minn EUR 150 sa 'l fuq minn EUR 300 għal kull tunnellata CO2).

5.6

L-ispiża ta' xi forom oħra ta' bijoenerġija, pereżempju l-produzzjoni tal-bijogass minn demel likwidu (l-iktar marbuta mas-sħana), il-koġenerazzjoni tal-elettriku u s-sħana mil-laqx tal-injam (magħmul mill-iskart tal-injam jew pjantaġġuni b'newba tal-uċuħ tar-raba' qasira) kif ukoll il-kombustjoni tal-laqx tal-injam f'impjanti tal-elettriku kbar, biex jiġi evitat is-CO2 hija ta' EUR 50 biss għal kull tunnellata CO2  (7).

5.7

Iċ-Ċentru Konġunt tar-Riċerka tal-Kummissjoni Ewropea jiddikkjara li, sabiex jitnaqqsu l-gassijiet serra għal kull ettaru, huwa ferm iżjed effiċjenti li tintuża l-bijomassa għall-produzzjoni tal-elettriku minflok l-agro-karburanti likwidi (8). L-impjanti moderni tal-bijomassa huma effiċjenti kważi daqs li kieku jkunu qed jużaw il-karburanti fossili. Fil-fatt, fil-koġenerazzjoni tas-sħana u l-elettriku, mega joule (MJ) ta' bijomassa jissostitwixxi madwar 0.95 MJ ta' karburanti fossili. L-effiċjenza tal-enerġija tat-trasformazzjoni minn bijomassa għal karburant likwidu għall-qasam tat-trasport normalment tkun bejn it-30 % u l-40 %. Għalhekk MJ ta' bijomassa jissostitwixxi biss madwar 0.35 sa 0.45 MJ ta' żejt mhux maħdum għall-qasam tat-trasport.

5.8

Bil-produzzjoni tal-agro-karburanti jistgħu jitnaqqsu madwar tliet tunnellati CO2 għal kull ettaru, filwaqt li għall-forom ta' bijoenerġija li jissemmew f'punt 6.6 dan l-ammont jitla' għal 12-il tunnellata għal kull ettaru.

5.9

F'dan il-kuntest, il-KESE jixtieq ikun jaf għaliex il-Kumissjoni trid tistabbilixxi objettiv espliċitu ta' 10 % għall-agro-karburanti. Huwa jfakkar li l-Kunsill Ewropew tar-Rebbiegħa spjega li dan l-objettiv għandu jintlaħaq b'mod “kost-effettiv” u li għandhom jitwettqu tliet kundizzjonijiet, jiġifieri li:

5.10

Rigward is-sostenibbiltà hemm iżjed mistoqsijiet milli tweġibiet mogħtija (ara wkoll punt 9) u l-agro-karburanti tat-tieni ġenerazzjoni għadhom mhumiex disponibbli. Għalhekk, mill-inqas, tnejn mit-tliet kriterji stipulati mill-Kunsill Ewropew ma twettqux, però dan ma waqqafx lill-Kummissjoni milli tinkludi l-objettiv tal-10 % fil-proposta għal Direttiva.

5.11

Il-Kummissjoni tiġġustifika dan, fost affarijiet oħra, bl-argument li s-settur tat-trasport juri l-ikbar żieda ta' emissjonijiet ta' gassijiet serra meta mqabbel ma' setturi ekonomiċi oħra u l-agro-karburanti “bħalissa […] jiswew iktar biex jiġu prodotti minn forom oħra ta' enerġija rinnovabbli, li jista' jfisser li bilkemm jiġu żviluppati mingħajr ħtieġa speċifika”.

5.12

Il-KESE ma jistax jaċċetta dan ir-raġunament:

5.12.1

Huwa minnu li fis-settur tat-trasport l-emissjoni tal-gassijiet serra ma tistax tiġi kkontrollata. Madankollu, fil-fehma tal-KESE, limiti tal-egżost iktar stretti u s-sostituzzjoni ta' 10 % tad-diżil u l-petrol ma jsolvux il-problema, lanqas biss ser ikunu kapaċi jikkumpensaw għall-impatt ambjentali tat-tkabbir li ser iseħħ matul is-snin li ġejjin fis-settur tat-trasport.

5.12.2

Il-Kumitat kemm-il darba enfasizza l-fatt li din il-problema għandha tiġi indirizzata permezz ta' politika għat-tnaqqis tat-traffiku u ta' bidla fit-tqassim tal-mezzi tat-trasport favur mezzi tat-trasport li jirrispettaw iktar l-ambjent bħalma huma t-tramm, it-trasport pubbliku u l-vapuri.

5.12.3

Mil-lat teknoloġiku, il-KESE qiegħed ibassar li fil-ġejjieni l-vetturi privati mhux ser jibqgħu jaħdmu b'magna tal-kombustjoni interna, iżda bi trazzjoni elettrika prodotta minn enerġiji rinnovabbli. Skont l-istimi tal-EMPA (9), biex VW Golf tagħmel vjaġġ ta' 10 000 kilometru bl-agro-karburanti tinħtieġ żona ta' 2 062 metru kwadru ta' kolza għall-agro-diżil. Min-naħa l-oħra, f'sena ċ-ċelloli solari jistgħu jipproduċu l-istess ammont ta' enerġija f'żona ta' 37 metru kwadru, li hija madwar wieħed minn sittin taż-żona meħtieġa għall-kolza.

5.12.4

Id-deċiżjoni strateġika li l-agro-karburanti jieħdu post id-diżil u l-petrol hija waħda mill-inqas miżuri effettivi u li tiswa l-aktar. Dan ifisser allokazzjoni ħażina ferm tar-riżorsi finanzjarji. Huwa propju għalhekk li l-KESE ma jifhimx għaliex l-iżjed miżuri li jiswew il-flus huma dawk li jiġu appoġġjati l-iktar fil-livell politiku, iktar u iktar meta bosta kwistjonijiet ambjentali u soċjali, biex ma nsemmux dawk ekonomiċi, għadhom mingħajr soluzzjoni.

5.12.5

Għaldaqstant, il-KESE ma jaqbilx mal-Kummissjoni meta tgħid li, “[…] iż-żieda fl-użu tal-bijokarburanti għat-trasport hija waħda mill-għodod l-aktar effettivi” sabiex jiġu indirizzati l-isfidi.

5.13

Meta wieħed iqis li l-Kummissjoni qed timmira li tawtorizza l-agro-karburanti jekk dawn inaqqsu l-emissjonijiet ta' gassijiet serra b'mill-inqas 35 % — meta mqabbla mal-karburanti taż-żjut fossili — l-objettiv tal-10 % ser iwassal għal tnaqqis ta' 3.5 % fl-emissjonijiet tal-gassijiet serra tat-trasport bil-magna — jekk l-ammont ta' traffiku jibqa' kif inhu. Billi t-trasport jikkontribwixxi għal madwar kwart tal-emissjonijiet totali ta' gassijiet serra, hawnhekk qed nitkellmu dwar tnaqqis potenzjali ta' 1 % tal-emissjonijiet! Dan huwa ammont li m'għandu x'jaqsam xejn mal-ispiża finanzjarja u mal-perikli involuti.

5.14

Għalkemm l-agro-karburanti fil-qasam tat-trasport jistgħu jitqiesu bħala użu tajjeb tal-bijomassa, l-enfasi għandha dejjem tibqa' fuq l-effiċjenza assoluta. Madankollu, Anness VII tad-Direttiva juri biċ-ċar li l-bidla tal-bijomassa f'ester etanol mhix l-approċċ it-tajjeb. Kull bidla molekolari (industrijali) hija marbuta mal-użu tal-enerġija, u b'hekk mat-telf tal-enerġija. Ikun jagħmel iktar sens li kieku l-bijomassa tintuża b'mod dirett, mingħajr bidla industrijali/kimika.

5.15

Il-fatt li xi manifatturi tat-trakters issa qed joffru magni li jaħdmu b'żejt veġetali pur jixhed li dan huwa teknikament possibbli.

5.16

Anness VII juri li permezz ta' din it-teknoloġija jista' jitnaqqas l-ikbar ammont ta' egżost: iż-żejt pur magħmul miż-żerriegħa tal-kolza joffri nuqqas standard ta' egżost ta' 55 %, l-agro-diżil magħmul miż-żerriegħa tal-kolza 36 % biss, l-etanol magħmul mill-qamħirrun 0 % meta mqabbel mal-karburanti magħmula minn żejt fossili. Il-KESE ma jistax jifhem għaliex il-Kummissjoni ma tistqarrx li dan il-metodu joffri l-iktar benefiċċji, b'mod partikolari ladarba dan huwa l-aħjar mod kif l-istrutturi deċentralizzati tal-provvista tal-enerġija — u b'hekk l-impjiegi fil-biedja u ż-żoni rurali — jistgħu jiġu żviluppati.

5.17

Fil-fehma tal-KESE, hija strateġija tajba li kieku jiġu promossi ż-żjut veġetali puri, li jistgħu jinkisbu pereżempju mill-kultivazzjoni mħallta li tkun tirrispetta l-ambjent, fil-biedja stess u anke fit-trasport lokali jew għall-vapuri (10). B'hekk il-bdiewa jkunu jistgħu jiġu involuti direttament fl-iżvilupp ta' ċikli ta' enerġija reġjonali u jkunu jistgħu jibbenefikaw minn dan b'mod dirett. Min-naħa l-oħra, fil-kuntest tal-istrateġija tal-agro-karburanti, dawn isiru l-produtturi tal-irħas materja prima għall-industrija taż-żejt minerali, jekk il-materja prima fil-fatt tintuża għall-produzzjoni fl-Ewropa.

6.1

Il-Kummissjoni temmen li l-maġġoranza tal-bijomassa meħtieġa għall-agro-karburanti ser tiġi prodotta f'reġjuni lil hinn mill-UE li għandhom klima iżjed adatta. Madankollu, is-sostituzzjoni tal-importazzjoni taż-żejt b'importazzjoni ta' bijomassa ma tfissirx li ser titnaqqas id-dipendenza mill-importazzjoni, iżda tfisser biss diversifikazzjoni f'din id-dipendenza.

6.2

Ma jistax ikun tabilħaqq li l-għan tal-politika l-ġdida tal-enerġija tal-UE huwa li tibdel dipendenza b'oħra.

6.3

Fil-fatt, l-approċċ prijoritarju għandu jkun li s-sorsi deċentralizzati, lokali jew reġjonali li huma disponibbli jitpoġġew fil-qalba tal-istrateġija l-ġdida tal-ER. Hawnhekk il-bijoenerġiji jistgħu u għandhom jaqdu r-rwol tagħhom, però mhux dak li ġie stabbilit fl-istrateġija tal-agro-karburanti.

7.1

Il-Kummissjoni tikteb li, “l-enerġija rinnovabbli hija sostitut mill-qrib għall-enerġija konvenzjonali u hija pprovduta permezz tal-istess infrastruttura u sistemi loġistiċi”. Fil-fehma tal-KESE din l-istqarrija hija qarrieqa: l-ER minn strutturi deċentralizzati jvarjaw parzjalment mill-enerġija “konvenzjonali” li normalment tiġi minn strutturi ċentralizzati kbar.

7.2

Strateġija tal-agro-karburanti li hija bbażata fuq l-importazzjoni tal-enerġija u fuq taħlitiet ta' diżil u petrol tuża strutturi “konvenzjonali”, jiġifieri strutturi ċentralizzati tal-kumpaniji internazzjonali taż-żejt. B'hekk tgħaqqad l-istrutturi tal-produzzjoni u tad-distribuzzjoni tagħhom u dan huwa totalment fl-interess tal-industrija taż-żejt. Madankollu, dan l-approċċ ftit li xejn joħloq impjiegi ġodda fl-Ewropa (11).

7.3

Min-naħa l-oħra, jekk l-enfasi titpoġġa fuq l-użu iktar effiċjenti tal-produzzjoni tas-sħana u l-elettriku mil-laqx tal-injam, jew fuq iż-żjut veġetali puri kkultivati fir-reġjun, jew fuq il-provvista tal-bijogass tal-vetturi, jew fuq żoni mingħajr netwerk tal-gass naturali, jew inkella fuq teknoloġiji solari deċentralizzati, eċċ., ikun possibbli li jiġu żvluppati metodi ta' produzzjoni u distribuzzjoni reġjonali ġodda li joffru opportunitajiet kbar ta' impjieg.

7.4

Rigward l-enerġija solari termali u l-użu deċentralizzat tal-enerġija fotovoltajka, il-konsumaturi (ta' l-enerġija) joħolqu l-parti l-kbira tal-enerġija meħtieġa huma stess, fatt li juri li l-provvista tal-enerġija bbażata fuq l-ER hija organizzata b'mod differenti għal kollox minn dak użat fl-istruttura tal-provvista tal-enerġija attwali.

7.5

Anke miżuri oħra, bħal pereżempju ż-żieda fl-effiċjenza u fl-iffrankar tal-enerġija, jistgħu joħolqu mijiet ta' eluf ta' impjiegi fl-intrapriżi ż-żgħar u ta' daqs medju — fil-fażi tal-kostruzzjoni biss. Eżempji ta' dan huma l-iżolament tal-bini, l-installazzjoni ta' tagħmir tal-enerġija solari u tal-enerġija mir-riħ, jew il-bini ta' impjanti tal-bijogass. Hija r-responsabbiltà tal-politiċi li jisfruttaw dan il-potenzjal b'mod effettiv billi l-istrateġija li tiffoka fuq l-agro-karburanti li hija mressqa fil-proposta għal Direttiva mhix l-iktar soluzzjoni effiċjenti.

7.6

Dan ifisser li anke fir-rigward tal-impjiegi tinħtieġ minnufih analiżi bir-reqqa u differenti ħafna tad-diversi ER. Fil-fatt, l-ER jistgħu jippromovu u jappoġġjaw l-istrutturi ekonomiċi reġjonali, iżda min-naħa l-oħra jistgħu jikkontribwixxu wkoll għat-tisħiħ tal-istrutturi ċentrali l-kbar.

7.7

L-istess ħaġa tgħodd ukoll għal dawk il-pajjiżi fejn il-bijomassa hija kkultivata għall-agro-karburanti. F'dokument ta' diskussjoni ta' Marzu 2008 bit-titlu “Il-Pożizzjoni Politika għall-Iżvilupp tal-Agro-karburanti”, il-Ministeru Federali responsabbli mill-għajnuna għall-iżvilupp fil-Ġermanja jasal għall-konklużjoni li, mil-lat tal-iżvilupp ekonomiku, ambjentali u soċjali tal-pajjiżi li qed jiżviluppaw, strateġija tal-produzzjoni bil-massa tal-bijomassa bbażata fuq l-esportazzjoni hija marbuta ma' riskji kbar u ma toħloqx impjiegi, filwaq li l-bijomassa għall-provvista tal-enerġija deċentralizzata, li fiha jiġu involuti l-irziezet iż-żgħar, ġeneralment tħalli l-frott.

8.1

Il-KESE jilqa' bi pjaċir il-fatt li l-Kummissjoni beħsiebha tistabbilixxi wkoll kriterji ta' sostenibbiltà għall-produzzjoni tal-agro-karburanti. Dan huwa pass 'il quddiem importanti, però fil-fehma tal-Kumitat il-proposta għal Direttiva hija insuffiċjenti għall-aħħar.

8.2

Il-Kummissjoni stess enfasizzat kemm-il darba l-importanza li jkun hemm bilanċ bejn il-pilastri ekonomiċi, ekoloġiċi u soċjali fil-politika ta' sostenibbiltà. Madankollu, l-esklużjoni totali tal-kwistjonijiet soċjali mill-kriterji biss twassal biex il-KESE jikkonkludi li l-abbozz ta' Direttiva ma jimplimentax strateġija ta' sostenibbiltà maħsuba sewwa jew kriterji ta' sostenibbiltà għall-agro-karburanti. F'dan ir-rigward, l-abbozz għandu jiġi rivedut kollu kemm hu.

8.3

F'dan il-kuntest, il-KESE jaħseb li huwa importanti li, minħabba l-bidliet fl-użu indirett tal-art, jitħejjew kriterji ekoloġiċi u soċjali effettivi mhux biss għall-agro-karburanti, iżda għall-prodotti agrikoli importati kollha, inkluż l-għalf.

8.4

Barra minn hekk, hija illużjoni li wieħed jemmen, pereżempju, li jew il-foresti tropikali jew il-bassasiet jistgħu jiġu mħarsa mill-użu għall-produzzjoni tal-agro-karburanti billi jiġu stipulati skandenzi (f'dan il-każ: Jannar tal-2008). Dan kollu jirrikjedi sistema funzjonali għar-reġistrar tal-artijiet kif ukoll sistema amministrattiva u tas-sorveljanza. L-esperjenza turi li f'ħafna mill-pajjiżi emerġenti u li qed jiżviluppaw dawn ma jeżistux.

8.5

Il-KESE jemmen li l-kriterji tal-Artikolu 15(3) u (4) biex tinżamm il-bijodiversità u biex jiġi evitat li jintużaw l-artijiet b'ħafna ħażniet tal-karbonju mhumiex biżżejjed. Jeżistu ħafna iktar artijiet minn dawk imsemmija f'paragrafi 3(a) u (c) li huma importanti għall-preservazzjoni tal-bijodiversità. L-istess japplika għall-Artikolu 4(a) u (b) rigward il-ħażniet tal-karbonju.

8.6

F'sezzjoni B ta' Anness VII, il-Kummissjoni tagħmel lista tal-“valuri stmati tipiċi u valuri awtomatiċi għal bijokarburanti […] li mhumiex fis-suq, jew huma fis-suq fi kwantitajiet negliġibbli”. Il-KESE huwa tal-fehma li l-valuri għandhom ikunu bbażati fuq data affidabbli u mhux fuq stimi.

31.3.2009   

MT

Il-Ġurnal Uffiċjali tal-Unjoni Ewropea

C 77/49

1.1

Il-KESE japprova l-mekkaniżmi fil-proposta għall-promozzjoni tat-turija tat-teknoloġiji tas-CCS (Carbon Capture and Storage — Il-qbid u l-ħżin tad-dijossidju tal-karbonju) fl-impjanti tal-enerġija, kif stabbilit fil-Komunikazzjoni tal-Kummissjoni, madankollu huwa ta' tħassib in-nuqqas ta' kapaċità ta' finanzjament u ta' għażliet ta' finanzjament stabbiliti b'mod ċar fuq perijodu medju (2010-2020) u fit-tul (2020 u wara).

1.2

Għandha tingħata attenzjoni biex jiġi żgurat li n-nuqqas ta' kapaċità ta' finanzjament mill-Kummissjoni jista' jiġi kkumpensat parzjalment mid-dħul iġġenerat permezz tal-European Emission Trading Scheme (L-Iskema Ewropea tal-Iskambju tal-Kwoti) (EU-ETS) pereżempju permezz tal-irkantar tal-kwoti ta' emissjonijiet mis-settur tal-produzzjoni tal-enerġija wara l-2013. Huwa importanti li wieħed jinnota li s'issa, ma ġiet suġġerita l-ebda skema finanzjarja speċifika — inkluża s-sigurtà meħtieġa — fil-livell tal-UE.

1.3

Huwa importanti li sa mhux aktar tard minn tmiem l-2009, il-kundizzjonijiet finanzjarji jkunu ċari u stabbiliti sew. Dan biss jiżgura bażi finanzjarja għat-tnedija tat-tħejjija ta' siti ta' turija tas-CCS fuq skala kbira sabiex dawn ikunu operattivi fl-2015.

1.4

Id-dħul iġġenerat mill-EU-ETS għandu jinġabar fil-livell nazzjonali bħala parti mill-implimentazzjoni tad-Direttiva riveduta EU-ETS mill-2013 'il quddiem.

1.5

L-idea tal-Kummissjoni li jsiru rkanti nazzjonali EU-ETS ikkombinati ma' 20 % tad-dħul totali li jkun iddedikat għal miżuri għall-appoġġ ta' tnaqqis fl-emissjonijiet tas-CO2 hija totalment inadegwata u opportunità finanzjarja mitlufa. L-Istati Membri għandhom jitħeġġu bil-qawwa biex jirrevoluzzjonaw il-pożizzjoni tagħhom fir-rigward tad-dħul EU-ETS, u jiddedikaw id-dħul EU-ETS kollu tagħhom għal teknoloġiji b'użu minimu ta' karbonju jew li huma newtrali fir-rigward il-karbonju b'limiti speċifiċi għas-CCS. B'dan il-mod il-biljuni ta' euros li l-Kummissjoni bħalissa jonqsulha u li huma meħtieġa għall-appoġġ tat-turija bikrija ta' CCS fuq skala kbira jkunu jistgħu jsiru disponibbli.

1.6

Il-Kummissjoni għandha tfassal pjan li jiddefinixxi l-organizzazzjoni u r-rwol tal-Inizjattiva Industrijali Ewropea, u tiżgura li din tikkumplimenta iżda ma tisporġix fuq inizjattivi oħra bħall-proġetti appoġġjati mis-Seba' Programm Qafas, il-Pjattaforma Ewropea tat-Teknoloġija għal Impjanti tal-Enerġija tal-Fjuwils Fossili b'Żero Emissjonijiet u l-Programm Prominenti Ewropew.

1.7

Il-KESE jaqbel mal-bżonn għal infrastruttura Ewropea konġunta għat-trasport u l-ħżin tas-CO2. Hemm bżonn ta' sistema Ewropea tat-trasport għall-fini ta' konnessjoni tal-Istati Membri li jista' jkun ma jkunux kapaċi joħolqu faċilitajiet nazzjonali ta' ħżin huma stess.

1.8

Minħabba l-importanza tat-trasport bħala element essenzjali fil-ħolqien ta' infrastruttura fuq skala kbira tas-CCS, jista' jiġi adottat l-akronimu CCTS (Carbon Capture, Transport and Storage — Il-Qbid, it-Trasport u l-Ħżin tal-Karbonju, jiġifieri bit-trasport inkluż).

2.1

L-iżvilupp tal-katina kollha tal-valur miżjud tas-CCS, li jinvolvi l-qbid, it-trasport u l-ħżin tas-CO2, jinsab f'fażi bikrija u f'xi każijiet anke esploratorja. Min-naħa l-oħra, il-miżuri sabiex tiżdied l-effettività tat-teknoloġija ta' impjanti tal-enerġija konvenzjonali qed jagħmlu progress gradwali. B'konsiderazzjoni tal-ħtieġa urġenti u b'saħħitha li jkunu ssostitwiti l-kapaċitajiet tal-impjanti tal-enerġija fis-snin li ġejjin, il-KESE jirrakkomanda approċċ pragmatiku, fejn iż-żewġ teknoloġiji jkomplu jiżviluppaw u jintużaw flimkien. Filwaqt li l-iżvilupp ta' livell ogħla ta' effiċjenza jista' jkun influwenzat mis-suq, it-teknoloġiji tas-CCS jeħtieġu — kemm għall-impjanti tal-enerġja u l-infrastruttura — għajnuna addizzjonali fil-fażi tat-turija u dik tal-introduzzjoni fis-suq.

2.2

It-teknoloġija tas-CCS qiegħda tiġi żviluppata bl-użu ta' żewġ approċċi: (a) it-teknoloġija integrata tal-impjanti tal-enerġija, li tinvolvi l-qbid tas-CO2, qabel il-proċess tal-kombustjoni; u (b) it-teknoloġija ta' wara l-kombustjoni li tinvolvi li s-CO2 jiġi ffiltrat mid-duħħan tal-gass wara l-kombustjoni (CO2 washing, i.e. ħasil tas-CO2). Meta jkun żviluppa b'mod xieraq, il-metodu (b) għandu jkun adegwat għall-applikazjoni f'impjanti tal-enerġija ġodda li huma effiċjenti ħafna, li bħalissa qegħdin jinbnew, sakemm ikunu mibnija kif inhu meħtieġ (capture ready, i.e. lesti għall-ġbir). Element komuni ta' danw iż-żewġ possibbiltajiet ta' żvilupp huwa l-fatt li s-CO2 li jinġabar b'dak il-mod għandu jiġi ttrasportat mill-impjant tal-enerġija għal post ta' ħżin adattat.

2.3

Għall-approvazzjoni soċjali u politika ta' dan il-proċess, il-kwistjoni ta' ħżin tas-CO2 li jkun sikur u fit-tul hija ta' sinifikat determinanti. Dan l-aspett, fl-analiżi finali, huwa l-kwistjoni ambjentali prinċipali li taffronta din it-teknoloġija fiha nnifisha (2).

2.4

Waqt laqgħa f'Aomori, il-Ġappun, fid-9 ta' Ġunju 2008, il-Grupp tat-Tmien Poteri Industrijali (il-G8) qabel li sal-2010 jniedi 20 proġett kbir ta' turija tal-qbid u l-ħżin tal-karbonju (CCS), bil-għan li jiġi appoġġjat l-iżvilupp tat-teknoloġija u t-tnaqqis fl-ispiża għat-tħaddim fuq skala wiesa' tas-CCS mill-2020 'il quddiem.

2.5

Fil-laqgħa tal-G8 attendew rappreżentanti mir-Renju Unit, mill-Kanada, mill-Italja, mill-Ġappun, minn Franza, mill-Ġermanja, mir-Russja, mill-Istati Uniti, miċ-Ċina, mill-Indja u mill-Korea t'Isfel.

2.6

Bħala appoġġ għall-impenn tal-G8 fir-rigward tas-CCS, id-Dipartiment tal-Enerġija tal-Istati Uniti (DOE) wiegħed li jiffinanzja, taħt il-programm tiegħu FutureGen, iż-żieda tat-teknoloġija tas-CCS ma' eżemplari multipli u fuq skala kummerċjali Integrated Gasification Combined Cycle (Gasifikazzjoni Integrata b'Ċiklu Kkombinat — IGCC), jew impjanti tal-enerġija oħra avvanzati fil-qasam tat-teknoloġija tal-faħam nadif. L-Istati Uniti qed tiffinanzja wkoll seba' sħubijiet reġjonali tal-iżolament tal-karbonju sabiex turi l-effettività tal-ħżin taħt l-art tad-dijossidu tal-karbonju fuq skala kbira u fit-tul.

2.7

Id-dikjarazzjoni dwar is-CCS tal-G8 hija konformi mar-rakkomandazzjoni tal-Aġenzija Internazzjonali tal-Enerġija (IEA) sabiex it-teknoloġija tas-CCS tintuża bħala parti minn soluzzjoni kkombinata għat-tnaqqis bin-nofs tal-emissjonijiet ta' gassijiet b'effett ta' serra sal-2050.

3.1

It-teknoloġiji għall-qbid u l-ħżin tas-CO2 (CCS) jirrappreżentaw element kruċjali f'portafoll ta' teknoloġiji eżistenti u li qegħdin jinħolqu bil-potenzjal li jwasslu għat-tnaqqis meħtieġ fl-emissjonijiet tas-CO2 sabiex jintlaħqu l-miri lil hinn mill-2020 (3).

3.2

L-applikazzjoni fuq skala wiesgħa tat-teknoloġiji tas-CCS fl-impjanti tal-enerġija tista' tkun kummerċjalment vijabbli fi żmien 10 sa 15-il sena, sabiex sal-2020 jew ftit wara, it-teknoloġiji tas-CCS ikunu awtosuffiċjenti f'sistema bbażata fuq Skema ta' Skambju tal-Kwoti tal-Emissjonijiet (ETS) bħala strument kruċjali għat-tneħħija tal-emissjonijiet tas-CO2 mill-fjuwils fossili fil-produzzjoni tal-enerġija.

3.3

Dan mhux ser iseħħ jekk ma jibdewx jittieħdu l-miżuri ta' tħejjija neċessarji minnufih; it-turija bikrija hija meħtieġa b'mod partikulari għat-teknoloġiji tas-CCS, li huma diġà żviluppati u użati globalment f'applikazzjonijiet oħrajn, sabiex ikunu adattati b'mod xieraq għal applikazzjoni fuq skala kbira fil-produzzjoni tal-enerġija.

3.4

F'Marzu 2007, il-Kunsill Ewropew approva l-ħsieb tal-Kummissjoni li tistimula l-bini u t-tħaddim sal-2015 ta' 12-il impjant jew inqas ta' turija tat-teknoloġiji sostenibbli tal-fjuwils fossili fil-produzzjoni kummerċjali tal-enerġija, u f'Marzu 2008 dan rega' sostnieh.

3.5

Filwaqt li tikkumplimenta l-proposta tal-Kummissjoni għal Direttiva dwar il-Ħżin Ġeoloġiku tas-CO2 li toħloq il-qafas legali għat-teknoloġiji tas-CCS fl-UE, il-Komunikazzjoni attwali tmexxi 'l quddiem il-ħidma b'rabta mat-teknoloġiji tas-CCS, u għandha l-għan li toħloq struttura sabiex tikkoordina u tappoġġja b'mod effettiv it-turija fuq skala kbira tat-teknoloġiji tas-CCS u l-ħolqien tal-kundizzjonijiet sabiex l-industrija tipproċedi għal investimenti awdaċi f'għadd ta' impjanti.

3.6

Huwa essenzjali li mill-aktar fis possibbli jinbdew l-isforzi Ewropej fit-turija tat-teknoloġiji tas-CCS fi ħdan qafas ta' politika integrata, li jinkludu sforzi ffukati fuq l-Iżvilupp u r-Riċerka u miżuri li jkabbru l-għarfien u l-aċċettazzjoni tagħhom mill-pubbliku. Skont il-Kummissjoni Ewropea, dewmien ta' seba' snin fit-turija, li jwassal għal dewmien simili fl-introduzzjoni globali tat-teknoloġiji tas-CCS, jista' jfisser ir-rilaxx mad-dinja kollha, sal-2050, ta' aktar minn 90 Gt ta' emissjonijiet tas-CO2 li jistgħu jiġu evitati (4), ekwivalenti għal iktar minn 20 sena tal-emissjonijiet tas-CO2 attwali kollha fl-UE.

3.7

Huwa essenzjali li jkun hemm impenji ċari u deċiżivi mill-industrija Ewropea appoġġjati minn inċentivi u garanziji tal-Kummissjoni jekk il-kontribuzzjonijiet ser jitħallsu mill-fondi pubbliċi. B'mod partikulari, dawk l-Istati Membri li għandhom l-intenzjoni li jserrħu fuq il-faħam fit-taħlita tal-enerġija futura tagħhom għandhom jimplimentaw miżuri ta' appoġġ għal turija bikrija tat-teknoloġiji tas-CCS.

3.8

Jissemmew żewġ tipi prinċipali ta' ostakli:

Id-dokument tal-Kummissjoni jissuġġerixxi li l-UE għandha l-possibbiltà li taqdi r-rwol ta' mexxejja fil-livell tar-regolamentazzjoni internazzjonali.

3.9

L-Inizjattiva Industrijali Ewropea proposta għandha tgħaqqad l-isforzi tagħha mal-pijunieri impenjati li joħolqu netwerk ta' proġetti ta' turija. Din għandha tgħin fl-iskambju ta' esperjenza u informazzjoni, iżżid l-għarfien pubblika u tipprovdi informazzjoni għall-politiċi li jippermettu katina kompleta tal-valur tat-teknoloġiji tas-CCS. Barra dan, l-Inizjattiva Industrijali Ewropea hija mistennija wkoll li tgħin sabiex jiġu attirati fondi nazzjonali u internazzjonali.

3.10

Il-Kummissjoni tistqarr li hija tista' tipprovdi biss parti minima mill-appoġġ u għalhekk tiffoka fuq it-tħeġġiġ tal-finanzjament għat-teknoloġiji mill-pijunieriu minn finanzjamenti pubbliċi mill-gvernijiet nazzjonali u mill-NGOs internazzjonali.

3.11

Ġew definiti tliet azzjonijiet:

Barra minn hekk, huwa enfasizzat li aktar ma l-industrija ddum sabiex tibda tilqa' t-teknoloġiji tas-CCS, aktar dawk li jfasslu l-politika ser ikunu obbligati jikkunsidraw miżuri obbligatorji.

3.12

Huwa indirizzat il-bżonn ta' infrastruttura konġunta Ewropea għat-trasport u l-ħżin tas-CO2. Hija prevista reviżjoni tal-linji gwida tat-TEN-E li tinkludi t-teknoloġiji tas-CCS.

4.1

Wara d-deċiżjonijiet tal-Kunsill ta' Marzu 2007 dwar il-bidla fil-klima u t-theddid għas-sigurtà tal-provvisti tal-enerġija, il-Kummissjoni pproponiet pakkett ta' miżuri fil-forma ta' dokumenti separati sabiex jintlaħqu l-għanijiet stabbiliti mid-deċiżjonijiet tal-Kunsill. Dawn il-miżuri jiffukaw fuq l-effiċjenza tal-enerġija, il-promozzjoni ta' sorsi tal-enerġija rinnovabbli u l-iżvilupp u l-użu tat-teknoloġiji innovattivi rilevanti. Il-Kumitat ħejja opinjonijiet speċifiċi dwar kull miżura (5).

4.2

Qasam wieħed ta' importanza prinċipali f'dan il-kuntest huwa l-iżvilupp ta' metodi biex inaqqsu b'mod sostenibbli l-emissjonijiet tal-gassijiet b'effett ta' serra li jirriżultaw mill-użu ta' fjuwils fossili, li huwa s-suġġett diskuss f'din l-opinjoni.

4.3

Din l-opinjoni torbot ma' opinjoni tal-Kumitat (6) dwar l-istess teknoloġija li tiddiskuti l-Proposta tal-Kummissjoni għal Direttiva dwar il-ħżin ġeoloġiku tad-dijossidu tal-karbonju.

5.1

Fil-Komunikazzjoni tagħha, il-Kummissjoni kemm-il darba ssostni li sabiex il-pjanijiet tagħha jirnexxu, huwa kruċjali li jintwera fi stadju bikri li (a) l-Iskema ta' Skambju tal-Kwoti tal-Emissjonijiet (EU-ETS) ser taqdi rwol vitali u (b) hemm skop għal “benefiċċji kummerċjali reali”. Naturalment, l-EU-ETS twiegħed li toħloq benefiċċju kummerċjali reali għall-pijunieri. Madankollu, ikun tard wisq jekk il-Kummissjoni ma tipprovdix, qabel tmiem l-2009, lista bażika ċara u aħħarija ta' regoli għall-iskema EU-ETS wara l-2012.

Sa tmiem l-2009, l-industrija ser ikollha bżonn bażi solida sabiex tieħu deċiżjonijiet fir-rigward tal-investiment sabiex tibda l-fażi ta' inġinerija u ta' kostruzzjoni fil-ħin ħalli l-ewwel siti tas-CCS ikunu operattivi fl-2015. Dan l-aspett ma kienx enfasizzat biżżejjed, l-iktar fid-dawl tan-nuqqas attwali ta' ċarezza fir-rigward tal-EU-ETS u t-talbiet vagi tal-Kummissjoni lill-industrija u lill-gvernijiet nazzjonali, li mhux qegħdin isolvu l-kwistjoni ta' finanzjament.

5.2

L-EU-ETS tikkostitwixxi tassew suq tal-karbonju importanti, li tista' tirriżulta li hija effettiva ħafna, iżda dan ser ikun il-każ biss jekk l-iskema tiġi orjentatadeċiżament lejn l-istabbiliment ta' prezz għall-kwoti tal-emissjonijiet li jkopri lil hinn mill-ispejjeż żejda li jiġu mill-miżuri għat-taffija tal-karbonju. Jekk il-Kummissjoni tonqos milli twaqqaf dispożizzjonijiet ċari fir-rigward tar-regoli u l-ambitu tal-irkantar u l-irkupru xieraq tad-dħul ikkonċernat, u jekk tonqos milli jkollha rwol ta' sorveljanza, l-investituri potenzjali ser ikollhom jadottaw atteġġjament ta' stennija, minħabba li jkun hemm inċertezzi wisq kbar.

5.3

Infrastruttura konġunta Ewropea għat-trasport u l-ħżin tas-CO2 hija tassew xi ħaġa li tista' tiffaċilita b'mod ċar l-implimentazzjoni fuq skala kbira tas-CCS fl-Ewropa kollha. Jista' jkun li xi Stati Membri ma jkunux jistgħu joħolqu faċilitajiet nazzjonali ta' ħżin huma stess (7). Fejn ikun possibbli, għandu jsir użu minn infrastruttura li diġà teżisti li ma baqgħetx tintuża jew minn faċilitajiet ġodda integrati ma' infrastruttura oħra. Minħabba l-importanza tat-trasport, il-KESE jissuġġerixxi wkoll l-adozzjoni tal-akronimu CCTS (il-Qbid, it-Trasport u l-Ħżin tal-Karbonju) li jinkludi t-trasport b'mod espliċitu, anke jekk l-akronimu CCS diġà huwa magħruf u rikonoxxut fil-livell internazzjonali.

5.4

Il-Kummissjoni timponi piż konsiderevoli fuq l-awtoritajiet nazzjonali fir-rigward tal-finanzjament tas-CSS peress li m'hemmx skop għal kontribut sinifikanti mill-baġit attwali tal-Kummissjoni. Filwaqt li wieħed iżomm f'moħħu li dan is-suġġett huwa kwistjoni ta' importanza għall-UE u fid-dawl tal-bżonn ta' sorveljanza fuq livell tal-UE sabiex ikun żgurat is-suċċess tal-proġetti ta' turija, il-Kummissjoni għandha tassumi sehem ħafna ikbar tal-finanzjament ta' proġetti tas-CCS milli tipprevedi bħalissa, appoġġjat, fejn meħtieġ, minn kontribuzzjonijiet tal-Istati Membri pprovduti mill-Istati Membri (8).

5.4.1

L-irkantar tad-drittijiet tal-emissjonijiet taħt l-EU-ETS ipprovda opportunità sabiex tiġi indirizzata l-kwistjoni ta' finanzjament insuffiċjenti tal-Kummissjoni. Bħalissa 20 % biss huwa dedikat għall-appoġġ ta' teknoloġiji b'użu minimu ta' karbonju jew li huma newtrali fir-rigward il-karbonju. L-Istati Membri għandhom ikunu mħeġġa bil-qawwa sabiex jirrevoluzzjonaw il-pożizzjoni tagħhom fir-rigward tad-dħul EU-ETS, u jiddedikaw id-dħul EU-ETS kollu tagħhom għal teknoloġiji b'użu minimu ta' karbonju jew li huma newtrali fir-rigward il-karbonju b'limiti speċifiċi għas-CCS (9). B'dan il-mod il-biljuni ta' euros li l-Kummissjoni bħalissa jonqsulha u li huma meħtieġa għall-appoġġ tat-turija bikrija ta' CCS fuq skala kbira jkunu jistgħu jsiru disponibbli.

5.4.2

Barra minn hekk, kif diġà ssuġġerixxa l-Kumitat, il-baġit għall-enerġija fi ħdan is-Seba' Programm Qafas (FP7) jista' jiżdied b'mod sinifikanti bi 15 %, żjieda li għandha tirriżulta f'żjieda minn 2 % sa 3 % tal-PGD li jiġi investit fl-Iżvilupp u r-Riċerka. B'dan il-mod jista' jsir kontribut reali għall-promozjoni tat-turija tas-CCS permezz tal-FP7.

5.4.3

Hemm bosta miżuri oħra appoġġjati taħt is-Seba' Programm Qafas li jistgħu wkoll jikkontribwixxu għat-tlestija ta' proġetti ta' turija fuq skala kbira. Il-miżuri varji għandhom ikunu marbutin b'mod ċar mal-mekkaniżmi proposti għall-promozzjoni tat-turija.

5.5

Ma jissemmiex kif l-Inizjattiva Industrijali Ewropea torbot mal-firxa ta' miżuri u inizjattivi oħra li fihom hija involuta l-Kummissjoni (10). Sabiex ikun żgurat approċċ integrat huwa essenzjali li jiġu indikati liema miżuri għandhom jittieħdu.

5.6

Huwa antiċipat li l-iżvilupp u l-implimentazzjoni tat-teknoloġiji tas-CCS ser ikollhom impatt sostanzjali pożittiv fuq l-impjiegi fl-Ewropa. Xi fornituri ewlenin tat-tagħmir tat-teknoloġiji tas-CCS u tal-infrastruttura tat-trasport huma bbażati fl-Ewropa. Dawn jiżviluppaw u jbigħu u jinstallaw ukoll ngħidu aħna tagħmir u pajpijiet meta t-teknoloġiji tas-CCS jiġu implimentati mad-dinja kollha. L-Ewropa għandha pożizzjoni b'saħħitha fid-dinja kollha b'rabta mat-teknoloġiji tas-CCS li tista' tissaħħaħ aktar jekk l-UE tirnexxi fit-turija bikrija fuq skala kbira tat-teknoloġiji tas-CCS fl-Ewropa (11).

5.7

Il-KESE jipproponi li tintuża l-kelma 'nodfa' minflok fjuwils fossili 'sostenibbli'. Il-kelma 'sostenibbli' tixraq aktar ngħidu aħna għall-enerġija mix-xemx u dik mill-bijomassa u tixraq anqas għat-teknoloġiji tas-CCS li jnaqqsu l-firda, bl-użu tal-fjuwils fossili b'mod nadif, sa ma jirnexxilna niksbu transizzjoni sħiħa lejn provvista sostenibbli tal-enerġija.

5.8

Fir-rigward tal-fattibiltà tal-ħżin b'mod sikur tas-CO2 diġà hemm esperjenza konsiderevoli f'dan il-qasam, kif indikat fil-qosor hawn taħt:

6.1

Il-KESE jista' japprova l-mekkaniżmi fil-proposta għall-promozzjoni tat-turija tat-teknoloġiji tas-CCS fl-impjanti tal-enerġija, kif stipulat fil-Komunikazzjoni tal-Kummissjoni, iżda jixtieq jagħmel għadd ta' osservazzjonijiet:

6.1.1

Il-Kummissjoni għandu jkollha strateġija li tiżgura li l-Inizjattiva Industrijali Ewropea ma tisporġix fuq il-Programm Prinċipali Ewropew u l-Pjattaforma Ewropea tat-Teknoloġija għall-Impjanti tal-Enerġija mill-Fjuwils Fossili b'Emissjonijiet Żero (ZEP). Dawn l-attivitajiet għandhom ikunu koordinati b'mod xieraq u għandhom isaħħu lil xulxin.

6.1.2

Fil-Komunikazzjoni tagħha, il-Kummissjoni titkellem dwar it-“twessigħ tal-iskop tal-Inizjattiva Industrijali Ewropea lil hinn minn netwerk ta' proġetti”. L-għan ta' din id-dikjarazzjoni mhuwiex ċar. Jiġi enfasizzat ukoll il-fatt li l-finanzjament neċessarju għad irid jinstab. Liema valur miżjud jiġi pprovdut minn tali estensjoni u dan kif jorbot mal-miżuri msemmija hawn fuq fil-qasam tat-teknoloġiji tas-CCS?

6.2