Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 52008XC0506(08)

Komunikazzjoni tal-Kummissjoni skond l-Artikolu 4(1)(a) tar-Regolament tal-Kunsill (KEE) Nru 2408/92 — Impożizzjoni ta' obbligi ta' servizz pubbliku, fir-rigward ta' servizzi ta' l-ajru skedati bejn Ostrava (OSR) u Londra (LTN) (Test b'rilevanza għaż-ŻEE)

ĠU C 111, 6.5.2008, p. 44–44 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

6.5.2008   

MT

Il-Ġurnal Uffiċjali ta’ l-Unjoni Ewropea

C 111/44

Komunikazzjoni tal-Kummissjoni skond l-Artikolu 4(1)(a) tar-Regolament tal-Kunsill (KEE) Nru 2408/92

Impożizzjoni ta' obbligi ta' servizz pubbliku, fir-rigward ta' servizzi ta' l-ajru skedati bejn Ostrava (OSR) u Londra (LTN)

(Test b'rilevanza għaż-ŻEE)

(2008/C 111/13)

1.

Skond l-Artikolu 4(1)(a) tar-Regolament tal-Kunsill (KEE) Nru 2408/92 tat-23 ta' Lulju 1992 dwar l-aċċess għat-trasportaturi ta' l-ajru tal-Komunità għal rotot ta' l-ajru intra-Komunitarji, ir-Repubblika Ċeka imponiet obbligi ta' servizz pubbliku, fir-rigward ta' servizzi ta' l-ajru skedati bejn Ostrava (OSR) u Londra (LTN)

2.

L-obbligi ta' servizz pubbliku, huma dawn:

—

Frekwenzi minimi — rotta u numru minumu ta' rotazzjonijiet kull ġimgħa

L-Ajruport Leoš Janáček ta' Ostrava (OSR/LKMT) — Londra — l-Ajruport ta' Luton (LTN/EGGW): 5 rotazzjonijiet.

—

Parametri minimi meħtieġa ta' l-inġenji ta' l-ajru

Inġenji ta' l-ajru b'kabina bi pressjoni konstanti b'kapacità minima ta' 30 post.

—

Ħidma kontinwa

Ma jistgħux jitħassru aktar minn 2 % tar-rotazzjonijiet minn numru totali ta' konnessjonijiet offruti fuq ir-rotot individwali, matul il-perjodu sħiħ tal-ħidma, bl-eċċezzjoni tat-titjiriet imħassra għall-raġunijiet esterni, bħalma huma t-temp, strajkijiet jew restrizzjonijet għall-ħidma imposti mill-ajruporti.

—

Skeda tat-titjiriet u struttura tal-konnessjonijiet

Mhux aktar minn 30 % tal-konnessjonijiet offruti taħt l-obligazzjoni għal servizz pubbliku jistgħu jkunu f'forma ta' koinċidenza bi trasferiment.

L-ewwel titjira mill-ajruport ta' Ostrava Leoš Janáček ma għandhiex titlaq qabel 04.30 ħin lokali; l-aħħar titjira għandha tasal mhux aktar tard mill-23.35 ħin lokali.

Żewġ kodiċijiet jew aktar huma permessi għall-istess titjira — qsim ta' kodiċi — għall-parteċipanti individwali.

Kooperazzjoni f'forma ta'-ftehim bejn linji ta' l-ajru ma' trasportaturi oħrajn mhix assolutament meħtieġa iżda hija permessa.

—

Tariffi

Il-prezz massimu għall-biljett mingħajr ritorn fuq ir-rotta OSR-LTN ma għandux ikun ta' aktar minn EUR 200.

Il-prezz massimu għall-biljett mingħajr ritorn jinkludi t-tariffa għall-vjaġġ mingħajr ritorn fil-klassi ekonomika mingħajr it-taxxa fuq il-valur miżjud.

—

Għandha tintuża is-Sistema Globali għar-Reservazzjoni.
Top