EUR-Lex Access to European Union law
This document is an excerpt from the EUR-Lex website
Document 32008D0962
2008/962/EC: Commission Decision of 15 December 2008 amending Decisions 2001/405/EC, 2002/255/EC, 2002/371/EC, 2002/740/EC, 2002/741/EC, 2005/341/EC and 2005/343/EC in order to prolong the validity of the ecological criteria for the award of the Community eco-label to certain products (notified under document number C(2008) 8442) (Text with EEA relevance)
2008/962/KE: Deċiżjoni tal-Kummissjoni tal- 15 ta’ Diċembru 2008 li temenda d-Deċiżjonijiet Nru 2001/405/KE, 2002/255/KE, 2002/371/KE, 2002/740/KE, 2002/741//KE, 2005/341/KE u 2005/343/KE sabiex tittawwal il-validità tal-kriterji ekoloġiċi għall-għoti tal-Ekotikketta Komunitarja lil ċerti prodotti (notifikata taħt id-dokument numru C(2008) 8442) (Test b’relevanza għaż-ŻEE)
2008/962/KE: Deċiżjoni tal-Kummissjoni tal- 15 ta’ Diċembru 2008 li temenda d-Deċiżjonijiet Nru 2001/405/KE, 2002/255/KE, 2002/371/KE, 2002/740/KE, 2002/741//KE, 2005/341/KE u 2005/343/KE sabiex tittawwal il-validità tal-kriterji ekoloġiċi għall-għoti tal-Ekotikketta Komunitarja lil ċerti prodotti (notifikata taħt id-dokument numru C(2008) 8442) (Test b’relevanza għaż-ŻEE)
ĠU L 340, 19.12.2008, p. 115–116
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 09/06/2011; Impliċitament imħassar minn 32011D0337
|
19.12.2008 |
MT |
Il-Ġurnal Uffiċjali ta’ l-Unjoni Ewropea |
L 340/115 |
DEĊIŻJONI TAL-KUMMISSJONI
tal-15 ta’ Diċembru 2008
li temenda d-Deċiżjonijiet Nru 2001/405/KE, 2002/255/KE, 2002/371/KE, 2002/740/KE, 2002/741//KE, 2005/341/KE u 2005/343/KE sabiex tittawwal il-validità tal-kriterji ekoloġiċi għall-għoti tal-Ekotikketta Komunitarja lil ċerti prodotti
(notifikata taħt id-dokument numru C(2008) 8442)
(Test b’relevanza għaż-ŻEE)
(2008/962/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1980/2000 tal-Parlament Ewropew u tal-Kunsill tas-17 ta' Lulju 2000 dwar skema riveduta tal-għoti tal-ekotikketta Komunitarja (1), u b'mod partikolari t-tieni subparagrafu tal-Artikolu 6(1) tiegħu,
Wara li kkonsultat il-Bord għall-Ittikkettjar Ekoloġiku tal-Unjoni Ewropea,
Billi:
|
(1) |
Id-Deċiżjoni tal-Kummissjoni Nru 2001/405/KE tal-4 ta' Mejju 2001 li tistabbilixxi l-kriterji ekoloġiċi għall-għoti tal-ekotikketta Komunitarja għall-prodotti tal-karta fina (2) tiskadi fl-4 ta' Mejju 2009. |
|
(2) |
Id-Deċiżjoni tal-Kummissjoni Nru 2002/255/KE tal-25 ta' Marzu 2002 li tistabbilixxi l-kriterji ekoloġiċi għall-għoti tal-ekotikketta Komunitarja lit-televiżjonijiet (3) tiskadi fil-31 ta’ Marzu 2009. |
|
(3) |
Id-Deċiżjoni tal-Kummissjoni Nru 2002/371/KE tal-15 ta' Mejju 2002 li tistabbilixxi l-kriterji ekoloġiċi għall-għoti tal-ekotikketta Komunitarja lil prodotti tessili (4) tiskadi fil-31 ta' Mejju 2009. |
|
(4) |
Id-Deċiżjoni tal-Kummissjoni Nru 2002/740/KE tat-3 ta' Settembru 2002 li tistabbilixxi kriterji ekoloġiċi riveduti għall-għoti tal-ekotikketta Komunitarja lis-saqqijiet tas-sodod u li temenda d-Deċiżjoni Nru 98/634/KE (5) tiskadi fit-28 ta' Frar 2009. |
|
(5) |
Id-Deċiżjoni tal-Kummissjoni Nru 2002/741/KE tal-4 ta' Settembru 2002 li tistabbilixxi kriterji ekoloġiċi riveduti għall-għoti tal-ekotikketta Komunitarja lill-karta għall-ikkuppjar u karta grafika u li temenda d-Deċiżjoni Nru 1999/554/KE (6) tiskadi fit-28 ta’ Frar 2009. |
|
(6) |
Id-Deċiżjoni tal-Kummissjoni Nru 2005/341/KE tal-11 ta' April 2005 li tistabbilixxi l-kriterji ekoloġiċi u r-rekwiżiti korrispondenti ta’ valutazzjoni u verifika għall-għoti tal-ekotikketta Komunitarja lill-kompjuters personali (7) tiskadi fit-30 ta' April 2009. |
|
(7) |
Id-Deċiżjoni tal-Kummissjoni Nru 2005/343/KE tal-11 ta' April 2005 li tistabbilixxi l-kriterji ekoloġiċi u r-rekwiżiti korrispondenti ta’ valutazzjoni u verifika għall-għoti tal-ekotikketta Komunitarja lill-kompjuters li jistgħu jinġarru minn post għall-ieħor (8) tiskadi fit-30 ta' April 2009. |
|
(8) |
Skont ir-Regolament (KE) Nru 1980/2000, saret analiżi f'waqtha tal-kriterji ekoloġiċi, kif ukoll tar-rekwiżiti korrispondenti ta' valutazzjoni u verifika, stabbiliti b'dawk id-Deċiżjonijiet. |
|
(9) |
Minħabba l-fażijiet differenti tal-proċess tar-reviżjoni għal dawk id-Deċiżjonijiet, hu xieraq li jittawlu l-perjodi ta’ validità tal-kriterji ekoloġiċi u tar-rekwiżiti tal-valutazzjoni u tal-verifika li jistabbilixxu. Il-perjodu ta’ validità għandu jittawwal għal perjodu ta' 7 xhur għad-Deċiżjonijiet Nru 2002/255/KE u 2002/371/KE, għal perjodu ta’ 8 xhur għad-Deċiżjoni Nru 2001/405/KE, għal perjodu ta' 10 xhur għad-Deċiżjoni Nru 2002/740/KE, għal perjodu ta’ 13-il xahar għad-Deċiżjonijiet Nru 2005/341/KE u 2005/343/KE, u għal perjodu ta’ 15-il xahar għad-Deċiżjoni Nru 2002/741/KE. |
|
(10) |
Id-Deċiżjonijiet Nru 2001/405/KE, 2002/255/KE, 2002/371/KE, 2002/740/KE, 2002/741/KE, 2005/341/KE u 2005/343/KE għandhom għalhekk jiġu emendati skont dan. |
|
(11) |
Il-miżuri pprovduti f'din id-Deċiżjoni huma skont l-opinjoni tal-Kumitat stabbilit bl-Artikolu 17 tar-Regolament (KE) Nru 1980/2000, |
ADOTTAT DIN ID-DEĊIŻJONI:
Artikolu 1
L-Artikolu 3 tad-Deċiżjoni 2001/405/KE qed jitbiddel b'dan li ġej:
“Artikolu 3
Il-kriterji ekoloġiċi għall-grupp ta' prodotti prodotti tal-karta fina, kif ukoll għar-rekwiżiti korrispondenti ta' valutazzjoni u verifika, għandhom jibqgħu validi sal-4 ta' Jannar 2010.”
Artikolu 2
L-Artikolu 4 tad-Deċiżjoni 2002/255/KE qed jitbiddel b'dan li ġej:
“Artikolu 4
Il-kriterji ekoloġiċi għall-grupp ta' prodotti televiżjonijiet, kif ukoll ir-rekwiżiti korrispondenti ta' valutazzjoni u verifika, għandhom jibqgħu validi sal-31 ta' Ottubru 2009.”
Artikolu 3
L-Artikolu 5 tad-Deċiżjoni 2002/371/KE qed jitbiddel b'dan li ġej:
“Artikolu 5
Il-kriterji ekoloġiċi għall-grupp ta' prodotti prodotti tessili, kif ukoll ir-rekwiżiti korrispondenti ta' valutazzjoni u verifika, għandhom jibqgħu validi sal-31 ta' Diċembru 2009.”
Artikolu 4
L-Artikolu 5 tad-Deċiżjoni 2002/740/KE qed jitbiddel b'dan li ġej:
“Artikolu 5
Il-kriterji ekoloġiċi għall-grupp ta' prodotti ‘saqqijiet tas-sodod’, kif ukoll ir-rekwiżiti korrispondenti ta' valutazzjoni u verifika, għandhom jibqgħu validi sal-31 ta' Diċembru 2009.”
Artikolu 5
L-Artikolu 5 tad-Deċiżjoni 2002/741/KE qed jitbiddel b'dan li ġej:
“Artikolu 5
Il-kriterji ekoloġiċi għall-grupp ta' prodotti ‘karta għall-ikkuppjar u karta grafika’, kif ukoll ir-rekwiżiti korrispondenti ta' valutazzjoni u verifika, għandhom jibqgħu validi sal-31 ta' Mejju 2010.”
Artikolu 6
L-Artikolu 3 tad-Deċiżjoni 2005/341/KE qed jitbiddel b'dan li ġej:
“Artikolu 3
Il-kriterji ekoloġiċi għall-grupp ta' prodotti ‘kompjuters personali’, kif ukoll ir-rekwiżiti korrispondenti ta' valutazzjoni u verifika, għandhom jibqgħu validi sal-31 ta' Mejju 2010.”
Artikolu 7
L-Artikolu 3 tad-Deċiżjoni 2005/343/KE qed jitbiddel b'dan li ġej:
“Artikolu 3
Il-kriterji ekoloġiċi għall-grupp ta' prodotti ‘kompjuters li jistgħu jinġarru minn post għall-ieħor’, kif ukoll ir-rekwiżiti korrispondenti ta' valutazzjoni u verifika, għandhom jibqgħu validi sal-31 ta' Mejju 2010.”
Artikolu 8
Din id-Deċiżjoni hija indirizzata lill-Istati Membri.
Magħmula fi Brussell, 15 ta’ Diċembru 2008.
Għall-Kummissjoni
Stavros DIMAS
Membru tal-Kummissjoni
(1) ĠU L 237, 21.9.2000, p. 1.
(2) ĠU L 142, 29.5.2001, p. 10.
(4) ĠU L 133, 15.5.2002, p. 29.
(5) ĠU L 236, 4.9.2002, p. 10.
(8) ĠU L 115, 4.5.2005, p. 35.