Edizzjoni Speċjali bil-Bulgaru: Kapitolu 13 Volum 048 P. 178 - 179
Edizzjoni Speċjali bir-Rumen: Kapitolu 13 Volum 048 P. 178 - 179
Edizzjoni speċjali bil-Kroat: Kapitolu 13 Volum 038 P. 109 - 110
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32005R0037
Commission Regulation (EC) No 37/2005 of 12 January 2005 on the monitoring of temperatures in the means of transport, warehousing and storage of quick-frozen foodstuffs intended for human consumptionText with EEA relevance
Regolament tal-Kummissjoni (KE) Nru 37/2005 tat- 12 ta' Jannar 2005 dwar il-monitoraġġ tat-temperatura f’mezzi ta’ trasport, ħżin u magazzinaġġ ta’ ikel quick-frozen maħsub għall-konsum uman Test b’relevanza għaż-ŻEE.
Regolament tal-Kummissjoni (KE) Nru 37/2005 tat- 12 ta' Jannar 2005 dwar il-monitoraġġ tat-temperatura f’mezzi ta’ trasport, ħżin u magazzinaġġ ta’ ikel quick-frozen maħsub għall-konsum uman Test b’relevanza għaż-ŻEE.
ĠU L 10, 13.1.2005, p. 18–19
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 275M, 6.10.2006, p. 17–18
(MT)
In force
Language
HTML
PDF
Official Journal
|
6.10.2006 |
MT |
Il-Ġurnal Uffiċjali ta’ l-Unjoni Ewropea |
17 |
REGOLAMENT TAL-KUMMISSJONI (KE) Nru 37/2005
tat-12 ta' Jannar 2005
dwar il-monitoraġġ tat-temperatura f’mezzi ta’ trasport, ħżin u magazzinaġġ ta’ ikel quick-frozen maħsub għall-konsum uman
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jwaqqaf il-Komunità Ewropeja,
Wara li kkunsidrat id-Direttiva tal-Kunsill 89/108/KEE tal-21 ta’ Diċembru 1988 dwar l- approssimazzjoni tal-liġijiet ta’ l-Istati Membri relatati ma’ l-ikel quick-frozen għall-konsum uman (1), u b’mod partikolari l-Artikolu 11 tagħha,
Billi:
|
(1) |
Id-Direttiva tal-Kummissjoni 92/1/KEE tat-13 ta’ Jannar 1992, dwar il-monitoraġġ tat-temperaturi f’mezzi ta’ trasport, ħżin u magazzinaġġ ta’ ikel quick-frozen maħsub għall-konsum uman (2), tipprovdi l-kondizzjonijiet mitluba sabiex jiġi assigurat li t-temperaturi mitluba mid-Direttiva 89/108/KEE jinżammu b’mod sħiħ. |
|
(2) |
Meta d-Direttiva tal-Kummissjoni 92/1/KEE kienet adottata, ebda standard Ewropew għall-istrumenti għall-monitoraġġ tat-temperaturi f’mezzi ta’ trasport, ħżin u magazzinaġġ ta’ ikel quick-frozen ma kien stabbilit. |
|
(3) |
Il-Kumitat Ewropew għall-Istandardizzazzjoni stabilixxa standards dwar l-istrumenti biex jinqraw temperaturi ta’ l-arja u termometri fl-1999 u fl-2001. L-użu ta’ dawk l-istandards uniformi se jassigura li l-għodda użata għall-monitoraġġ tat-temperaturi ta’ l-ikel huwa konformi ma’ l-armonizzazzjoni tas-sett tal-kondizzjonijiet tekniċi mitluba. |
|
(4) |
Sabiex tiġi faċilitata l-applikazzjoni gradwali ta’ dawk il-miżuri mill-operaturi, l-użu ta’ istrumenti ta’ tkejjil installati skond il-leġislazzjoni fis-seħħ qabel l-adozzjoni ta’ dan ir-Regolament, għandu jiġi permess waqt perijodu transizzjonali. |
|
(5) |
Id-Direttiva tal-Kummissjoni 92/1/KEE tipprovdi għal deroga fir-rigward tat-trasport ta’ ikel quick-frozen bil-ferrovija. Din id-deroga m’għadhiex iġġustifikata u għandha tintemm wara l-perijodu transizzjonali. |
|
(6) |
L-impożizzjoni tal-kondizzjonijiet tal-qari tat-temperatura fuq għodod żgħar użati fin-negozju bl-imnut se tkun eċċessiva u għalhekk id-derogi preżenti għal vettrini ta’ l-imnut u kmamar żgħar kesħin użati għall-ħżin ta’ stokks fi ħwienet tan-negozju għall-bejgħ bl-imnut għandhom jiġu miżmuma. |
|
(7) |
Huwa rakkomandat li tiġi assigurata l-applikabilità diretta ta’ l-istandards il-ġodda għall-għodod tat-tkejjil u tar-regoli tekniċi li jistgħu jiġu diġà misjuba fid-Direttiva 92/1/KEE. Fl-interess tal-konsistenza u ta’ l-uniformità tal-liġi tal-Komunità huwa xieraq li titħassar id-Direttiva 92/1/KEE u tiġi sostitwita b’dan ir-Regolament. |
|
(8) |
Il-miżuri li huma provduti f’dan ir-Regolament huma fi qbil ma’ l-opinjoni tal-Kumitat Permanenti fuq il-Katina ta’ l-Ikel u s-Saħħa ta’ l-Annimal, |
ADOTTAW DAN IR-REGOLAMENT:
Artikolu 1
Suġġett u għan
Dan ir-Regolament jikkonċerna l-monitoraġġ tat-temperatura fil-mezzi tat-trasport, ħżin u magazzinaġġ ta’ ikel quick-frozen.
Artikolu 2
Monitoraġġ u qari tat-temperatura
1. Il-mezzi tat-trasport, ħżin u magazzinaġġ ta’ ikel quick-frozen għandhom jiġu armati bi strumenti tal-qari adattati għall-monitoraġġ, f’intervalli frekwenti u regolari, tat-temperatura ta’ l-arja li għaliha l-ikel quick-frozen ikun suġġett.
2. Mill-1 ta’ Jannar 2006, l-istrumenti tal-qari kollha użati għall-iskop tal-monitoraġġ tat-temperatura, kif ġie provdut f’paragrafu 1, se jkunu konformi ma’ l-istandards EN 12830, EN 13485 u EN 13486. L-operaturi ta’ l-ikel se jżommu d-dokumenti kollha relevanti li jippermettu l-verifikazzjoni li l-istrumenti li għalihom ġie referut hawn fuq huma konformi ma’ l-istandard EN relevanti.
Madanakollu, l-istrumenti tal-qari li jiġu installati sal-31 ta’ Diċembru 2005 skond il-liġi fis-seħħ qabel l-adozzjoni ta’ dan ir-Regolament, jistgħu jkomplu jiġu wżati sal-31 ta’ Diċembru 2009 l-aktar tard.
3. Il-qari tat-temperatura għandu jiġi ddatat u maħżun mill-operatur ta’ l-ikel għal perijodu ta’ għall-inqas sena, jew għal perijodu itwal jekk wieħed jikkunsidra n-natura u t-tul ta’ żmien li fih l-ikel quick-frozen maħżun jista’ jibqa’ tajjeb biex jittiekel.
Artikolu 3
Derogi minn Artikolu 2
1. Skond id-deroga minn Artikolu 2, it-temperatura ta’ l-arja waqt il-ħżin f’vettrini ta’ l-imnut, u waqt id-distribuzzjoni lokali, se jiġi mkejjel biss b’ta’ l-inqas termometru wieħed li jkun faċilment viżibbli.
Fil-każ ta’ vettrini ta’ l-imnut miftuħa:
|
a) |
il-linja tat-tagħbija massima tal-vettrina għandha tkun immarkata b’mod ċar; |
|
b) |
it-termometru għandu jitpoġġa mal-livell ta’ dik il-marka. |
2. L-awtorità kompetenti tista’ tikkonċedi derogi mill-kundizzjoni mitluba mniżżla f’Artikolu 2 fil-każ ta’ faċilitajiet ta’ ħżin fil-friża ta’ qies ta’ inqas minn 10 metri kubi għall-ħżin ta’ l-istokk fi ħwienet tan-negozju għall-bejgħ bl-imnut, sabiex ikun possibbli li t-temperatura ta’ l-arja tiġi mkejla b’termometru li huwa faċilment viżibbli.
Artikolu 4
Tħassir
Id-Direttiva tal-Kummissjoni 92/1/KEE hi mħassra.
Artikolu 5
Dħul fis-seħħ u applikabilità
Dan ir-Regolament se jidħol fis-seħħ fl-għoxrin ġurnata wara dik tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Madanakollu, għat-trasport bil-ferrovija, għandu japplika mill-1 ta’ Jannar 2006.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.
Magħmul fi Brussel, nhar it-12 ta' Jannar 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 40, tal-11.2.1989, p. 34. Direttiva kif emendata l-aħħar bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
(2) ĠU L 34, tal-11.2.1992, p. 30.