31992L0112

ID-DIRETTIVA TAL-KUNSILL 92/112/KEE

tal-15 ta' Diċembru 1992

dwar proċeduri għall-armonizzar ta' programmi għat-tnaqqis u eventwali eliminazzjoni ta' tniġġis ikkawżat mill-iskart mill-industrija tat-titaniumdioxide.

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 100 a tiegħu,

Wara li kkunsidra l-proposta tal-Kummissjoni ([1]),

B'koperazzjoni mal-Parlament Ewropew ([2]),

Wara li kkunsidra l-opinjoni tal-Kumitat Ekonomiku u Soċjali ([3]),

Billi d-Direttiva tal-Kunsill 89/428/KEE tal-21 ta' Ġunju 1989 fuq proċeduri għall-armonizzar ta' programmi għat-tnaqqis u eventwali eliminazzjoni ta' tniġġis ikkawżat bl-iskart mill-industrija tat-titanium dioxide ([4]) kienet annullata mill-Qorti tal-Ġustizzja fis-sentenza tagħha tal-11 ta' Ġunju 1991 għar-raġuni li ma kelliex bażi legali xierqa ([5]);

Billi, jekk l-Istati Membri jkunu ħadu l-miżuri meħtieġa biex jikkonformaw mal-imsemmija Direttiva, mhux meħtieġ għalihom li jadottaw miżuri ġodda biex ikonu konformi ma' din id-Direttiva, kemm-il darba l-miżuri ġa meħuda jikkonformaw ma' dawn ta' l-aħħar;

Billi l-vojt legali ikkawżat mill-annullament ta' l-imsemmija Direttiva jista' jkollu effetti ħżiena fuq l-ambjent u fuq il-kondizzjonijiet ta' kompetizzjoni fis-settur tal-produzzjoni tat-titaniumdioxide; billi huwa meħtieġ li terġa' tiġi stabbilità s-sitwazzjoni materjali maħluqa mill-imsemmija Direttiva;

Billi l-għan ta' din id-Direttiva huwa li jqarreb regoli nazzjonali relatati mal-kondizzjonijiet tal-produzzjoni tat-titaniumdioxide biex ikunu mneħħija d-distorzjonijiet eżistenti ta' kompetizzjoni bejn il-prodotti varji fl-industrija u biex ikun assigurat livell għoli ta' protezzjoni għall-ambjent;

Billi d-Direttiva tal-Kunsill 78/176/KEE ta' l-20 ta' Frar 1978 fuq l-iskart mill-industrija tat-titaniumdioxide ([6]), u b'mod partikolari l-Artikolu 9 tagħha, titlob li l-Istati Membri jfasslu programmi għat-tnaqqis progressiv u eliminazzjoni eventwali ta' tniġġis ikkawżat bl-iskart minn stabilimenti industrijali li kienu jeżistu fl-20 ta' Frar 1978;

Billi dawn il-programmi waqqfu miri ġenerali għat-tnaqqis ta' tniġġis ikkawżat minn skart likwidu, solidu u ta' gass li kellhom jintlaħqu sa l-1 ta' Lulju 1987; billi dawn il-programmi kellhom jiġu mogħtija lill-Kummissjoni biex tkun tista' tressaq proposti xierqa lill-Kunsill għall-armonizzazzjoni tagħhom fir-rigward tat-tnaqqis u eventwali eliminazzjoni ta' dan it-tniġġis u t-titjib tal-kondizzjonijiet ta' kompetizzjoni fl-industrija tat-titanium dioxide;

Billi, biex ikun protett l-ambjent akkwatiku, rimi ta' skart u tfigħ ta' ċertu skart, b'mod partikolari skart ta' aċidu solidu u qawwi, għandu jkun ipprojbit u rimi ta' skart ieħor, b'mod partikolari ta' aċidu dgħajjef u skart newtralizzat għandu jkun bil-mod il-mod imnaqqas;

Billi stabilimenti industrijali eżistenti għandhom iħaddmu s-sistemi xierqa biex jittrattaw l-iskart biex jilħqu l-miri meħtieġa sad-dati ffissati;

Billi l-istallazzjoni ta' dawk is-sistemi jistgħu jqajjmu diffikultajiet kbar tekniko-ekonomiċi fil-każ ta' skart aċidu dgħajjef u skart newtralizzat minn ċerti stabiliment; billi l-Istati Membri għandhom għalhekk ikunu kapaċi jiddifferixxu t-tħaddim ta' dawn id-disposizzjpnijiet, bil-kondizzjoni li l-programm ta' tnaqqis effettiv ta' tniġġis ikun imfassal u mogħti lill-Kummissjoni; billi fejn l-Istati Membri jġarrbu diffikultajiet simili, il-Kummissjoni għandha tkun tista' ttawwal il-limiti ta' żmien rilevanti;

Billi, fir-rigward tar-rimi ta' ċertu skart, l-Istati Membri jmisshom ikunu kapaċi jagħmlu użu minn għanijiet ta' kwalità b'tali mod li r-riżultati jkunu ekwivalenti f'kull rigward għal dawk miksuba permezz ta' valuri limiti; billi ekwivalenza simili għandha tintwera fi programm li għandu jkun mogħti lill-Kummissjoni; Billi, mingħajr preġudizzju għall-obbligi l-Istati Membri huma marbutin bihom permezz tad-Direttiva tal-Kunsill 80/779/KEE tal-15 ta' Lulju 1980 fuq il-valuri limiti tal-kwalità ta' l-arja u l-valuri ta' gwida għas-sulphur dioxide u particulates sospiżi ([7]), u d-Direttiva tal-Kunsill 84/360/KEE tat-28 ta' Ġunju 1984 fuq il-kumbattiment tat-tniġġis ta' l-arja minn impjanti industrijali ([8]), jaqbel li wieħed jipproteġi l-kwalità ta' l-arja billi jkunu ffissati standards xierqa ta' emissjonijiet fir-rigward ta' ħruġ ta' materjal bil-gass mill-industrija tat-titanium dioxide;

Billi, biex tkun verifikata l-applikazzjoni effettiva tal-miżuri, l-Istati Membri imisshom jagħmlu monitorjar fir-relazzjoni tal-produzzjoni attwali ta' kull stabbiliment;

Billi l-iskart kollu mill-industrija tat-titanium dioxide jmissu jkun evitat jew użat mill-ġdid fejn teknikament u ekonomikament ikun vijabbli u billi skart bħal dan imissu jkun użat mill-ġdid jew mormi mingħajr ma' jipperikola s-saħħa tal-bniedem jew l-ambjent,

Billi d-dispożizzjonijiet ta' din id-Direttiva ma jaffetwawx il-possibilta ta' l-Istati Membri li jżommu jew jadottaw, fl-oqsma koperti mid-Direttiva, disposizzjonijet aktar stretti għall-protezzjoni ta' l-ambjent.

ADOTTA DIN ID-DIRETTIVA:

Artikolu 1

Din id-Direttiva tistabilixxi, kif mitlub mill-Artikolu 9(3) tad-Direttiva 78/176/KEE, proċeduri biex jarmonizzaw il-programmi għat-tnaqqis u eventwali eliminazzjoni ta' tniġġis minn stabbilimenti ta' industrija eżistenti u hija maħsuba biex ittejjeb il-kondizzjonijiet tal-kompetizzjoni fl-industrija tat-titanium dioxide.

Artikolu 2

1. Għall-iskopijiet ta' din id-Direttiva:

(a) fejn jintuża l-proċess tas-sulphate:

- skart solidu għandu jfisser:

- fdalijiet ta' metall mhux maħdum insolubbli mhux imkisser bis-sulphuric acid matul il-proċess ta' manifattura,

- copperas, i. e. sulphate tal-ħadid kristallin (FeSO47H2O),

- skart ta' aċidu qawwi għandu jfisser:

- il-likuri omm li jirriżultaw mill-fażi ta' filtrazzjoni wara l-hydrolysis tas-soluzzjoni tat-titanyl sulphate. Jekk dawn il-likuri omm jkunu assoċjati ta' skart aċidu dgħajjef li kollu f'salt ikun fih aktar minn 0,5 % sulphuric acid ħieles u diversi metalli tqal ([9]), il-likuri u l-iskart meħuda flimkien għandhom jittieħdu bħala skart aċidu qawwi,

- skart ta' trattament għandu jfisser:

- salts tal-filtrazzjoni, ħama u skart likwidu li jirriżulta mit-trattament (konċentrazzjoni jew newtralizzazzjoni) ta' skart aċidu qawwi u li jkun fih diversi metalli tqal, iżda ma jinkludix skart newtralizzat u iffiltrat jew imferra' bil-mod li jkun fih biss traċċi ta' metall tqil u li, qabel kull taħlit, ikollu valur ta' pH aktar minn 5,5,

- skart aċiduż ħafif ikun ifisser:

- ilma tal-ħasil, ilma li jkessaħ, kondensaturi u ħama ieħor u skart likwidi, barra minn dawk inklużi fid-definizzjonijiet ta' hawn fuq, li fihom 0,5 jew anqas ta' sulphuric acid ħieles,

-skart newtralizzat għandu jfisser:

- kull likwidu li għandu valur pH aktar minn 5,5, ikun fih biss traċċi ta' metall tqil, u jinkiseb direttament bil-filtrazzjoni jew billi jiġi mferra minn skart aċiduż qawwi jew ħafif wara t-trattament tiegħu biex titnaqqas l-aċidità tiegħu u l-kontenut ta' metall tqil,

- trab għandu jfisser:

- kull kwalità ta' trab minn impjanti ta' produzzjoni u b'mod partikolari trab tal-ħadid mhux maħdum u koloranti,

- SOx għandha tfisser:

- sulphur dioxide u trioxide f'forma ta' gass li joħroġ fi stadji varji tal-manifattura u proċessi ta' trattament ta' l-iskart intern, inklużi qtar żgħar ta' aċidu;

(b) fejn il-proċess tal-klorin huwa wżat:

- skart solidu għandu jfisser:

- fdalijiet ta' ħadid insolubbli mhux imfarrak bil-klorin matul il-proċess tal-manifattura,

- metal chlorides u metal hydroxides (sustanzi ta' filtrazzjoni), li jirriżultaw f'forma solida mill-manifattura tat-titanium tetrachloride,

- fdalijiet ta' coke li jirriżulta mill-manifattura tat-titanium tetrachloride,

- skart aċidu qawwi għandu jfisser:

- skart li jkun fih aktar minn 0,5 % hydrochloric acid ħieles u varji metalli tqal ([10]);

- skart ta' trattament għandu jfisser:

- salts tal-filtrazjoni, ħama u skart likwidu li jirriżulta mit-trattament (konċentrazzjoni jew newtralizzazzjoni) ta' skart aċidu qawwi u li jkun fih diversi metalli tqal, iżda ma jinkludix skart newtralizzat u filterjat jew imferra' bil-mod li jkun fih biss traċċi ta' metall tqil, qabel kull taħlit, ikollu valur ta' pH aktar minn 5,5,

- skart aċiduż ħafif għandu jfisser:

- ilma tal-ħasil, ilma li jkessaħ, kondensaturi u ħama ieħor u skart likwidi, barra minn dawk inklużi fid-definizzjonijiet ta' hawn fuq, li fihom 0,5 jew anqas ta' hydrochloric acid,

- skart newtraliżżat għandu jfisser:

- kull likwidu li għandu valur pH aktar minn 5,5, ikun fih biss traċċi ta' metall tqil, u jinkiseb direttament bil-filtrazzjoni jew billi jiġi mferra minn skart aċiduż qawwi għal wieħed ħafif wara t-trattament tiegħu biex titnaqqas l-aċidità tiegħu u l-kontenut ta' metall tqil,

- trab għandu jfisser:

- kull kwalità ta' trab minn impjanti ta' produzzjoni u b'mod partikolari trab tal-ħadid mhux maħdum koloranti u trab tal-coke,

- klorin għandu jfisser:

- klorin f'forma ta' gass li joħroġ fi stadji varji tal-proċess tal-manifattura;

(ċ) fejn il-proċess tas-sulphate jew il-proċess tal-klorin huwa wżat:

- dumping għandu jfisser:

- kull tfiħ barra apposta ġo ilmijiet tal-wiċċ interni, ilmijiet tax-xtut interni, ilmijiet territorjali jew fil-baħar 'l barra ta' sustanzi u materjali minn vapuri jew ajruplani ([11])

2. It-termini definiti fid-Direttiva 78/176/KEE għandu jkollhom l-istess tifsira għall-iskopijiet ta' din id-Direttiva.

Artikolu 3

Id-dumping ta' kull skart solidu, skart aċiduż qawwi, skart ta' trattament, skart aċiduż ħafif, jew skart newtralizzat, kif imsemmi fl-Artikolu 2 għandu jkun ipprojbit b'effett mill-15 ta' Ġunju 1993.

Artikolu 4

L-Istati Membri għandhom jieħdu l-miżuri kollha meħtieġa biex jassiguraw li rimi ta' skart ġo ilmijiet tal-wiċċ interni, ilmijiet tax-xtut interni, ilmijiet territorjali u 'l barra fil-baħar ikun ipprojbit:

(a) fir-rigward ta' skart solidu, skart aċidu qawwi u skart ta' trattament minn stabbilimenti industrijali eżistenti li jużaw il-proċess tas-sulphate:

- sal-15 ta' Ġunju 1993 fl-ilmijiet kollha msemmija hawn fuq;

(b) fir-rigward ta' skart solidu u skart aċiduż qawwi minn stabbilimenti industrijali eżistenti li jużaw il-proċess tal-klorin:

- sal-15 ta' Ġunju 1993 fl-ilmijiet kollha msemmija hawn fuq.

Artikolu 5

Fil-każ ta' Istati Membri li jkollhom diffikultajiet tekniċi u ekonimiċi serji biex jikkonformaw mad-dati ta' applikazzjoni msemmija fl-Artikolu 4, il-Kummissjoni tista' tikkonċedi estensjoni, kemm-il darba programm għat-tnaqqis effetiv ta' rimi ta' skart simili jkun mibgħut lill-Kummissjoni sal-15 ta' Ġunju 1993. Dak il-programm għandu jwassal għal projbizzjoni definittiva ta' rimi simili sat-30 ta' Ġunju 1993.

Mhux aktar tard minn tliet xhur wara l-adozzjoni ta' din id-Direttiva, il-Kummissjoni għandha tkun informata dwar każijiet simili u għandha tkun ikkonsultata fuqhom. Il-Kummissjoni għandha tinforma lill-Istati Membri l-oħra.

Artikolu 6

L-Istati Membri għandhom jieħdu l-miżuri kollha meħtieġa biex jassiguraw li r-rimi ta' skart ikun imnaqqas b'mod konformi mad-dispożizzjonijiet li ġejjin:

(a) minn stabbilimenti industrijali eżistenti li jużaw il-proċess tas-sulphate:

- skart aċiduż ħafif u skart newtralizzat għandhom ikunu mnaqqsa sal-31 ta' Diċembru 1993 fl-ilmijiet kollha sa valur ta' mhux aktar minn 800 kg ta' sulphate totali kull tonnellata ta' titaniumdioxide prodotta (i. e. li jikkorrispondi għal SO4 ions li jkunu jinsabu fis-sulphuric acid ħieles u fil-metallic sulphates);

(b) minn stabbilimenti industrijali eżistenti li jużaw il-proċess tal-kolorin:

- skart aċiduż ħafif, skart tat-trattament u skart newtralizzat għandhom ikunu mnaqqsa sal-15 ta' Ġunju 1993 fl-ilmijiet kollha għall-valuri li ġejjin ta' klorin totali għal kull tunellata ta' titanium dioxide prodotta (i.e. li jikkorrispondu għas-C1 ions li jkunu jinsabu fil-freehydrochloric acid u fil-metallic chlorides):

- 130 kg fejn jintuża r-rutile newtrali,

- 228 kg fejn jintuża r-rutile sintetiku,

- 450 kg fejn jintuża s-slag.

Fil-każ ta' stabbiliment li juża aktar minn tip wieħed jew mineral ta' ħadid, il-valuri għandhom japplikaw fi proporzjon tal-kwantità ta' dan il-mineral ta' ħadid użat

Artikolu 7

Minbarra fejn ilmijiet ta' wiċċ interni huma kkonċernati, l-Istati Membri jistgħu jiddifferixxu d-data tat-tħaddim imsemmija fil-punt (a) ta' l-Artikolu 6 sal-31 ta' Diċembru 1994 l-aktar tard jekk diffikultajiet serji tekniko-ekonomiċi hekk jirrikjiedu u kemm-il darba programm ta' tnaqqis effiċjenti ta' rimi ta' skart simili jkun mogħti lill-Kummissjoni sal-15 ta' Ġunju 1993. Programm simili għandu jagħmilha possibbli li l-valur limiti li ġej għal kull tunellata ta' titanium dioxide prodott jintlaħaq sad-data li tidher:

- skart aċiduż ħafif u skart newtralizzat: 1 200 kg - 15ta' Ġunju 1993,

- skart aċiduż ħafif u skart newtralizzat: 800 kg -31 ta' Diċembru 1994.

Mhux aktar tard minn tliet xhur wara l-adozzjoni ta' din id-Direttiva l-Kummissjoni għandha tkun informata dwar każi simili, li għandhom ikunu suġġetti ta' konsultazzjoni mal-Kummissjoni. Il-Kummissjoni għandha tinforma lill-Istati Membri l-oħra.

Artikolu 8

1. Dwar il-ħtiġijiet ta' l-Artikolu 6, l-Istati Membri jistgħu jagħżlu li jagħmlu użu mill-għanijiet ta' kwalità flimkien ma' valuri limiti xierqa applikati b'tali mod li l-effetti f'termini ta' protezzjoni ta' l-ambjent u l-evitar ta' distorzjonijiet tal-kompetizzjoni ikunu ekwivalenti għal dawk tal-valuri limiti stipulati f'din id-Direttiva.

2. Jekk Stat Membru jagħżel li jagħmel użu mill-għanijiet ta' kwalità, huwa għandu jressaq lill-Kummissjoni programm ([12]) li juri li l-miżuri jottjenu effett li, fit-termini ta' protezzjoni ta' l-ambjent u fl-evitar tad-distorzjoni tal-kompetizzjoni, huma ekwivalenti għal dak tal-valuri limiti sad-dati meta dawn il-valuri limiti jiġu applikati skond l-Artikolu 6.

Dan il-programm għandu jkun mogħti lill-Kummissjoni ta' l-anqas sitt xhur qabel ma l-Istat Membru jipproponi li japplika l-għanijiet ta' kwalità.

Dan il-programm għandu jiġi evalwat mill-Kummissjoni skond il-proċeduri stipulati fl-Artikolu 10 tad-Direttiva 78/176/KEE.

Il-Kummissjoni għandha tinforma lill-Istati Membri l-oħra.

Artikolu 9

1. L-Istati Membri għandhom jieħdu l-miżuri kollha meħtieġa biex jassiguraw li t-tfigħ fl-atmosfera jkun imnaqqas b'mod konformi mad-dispożizzjonijiet li ġejjin:

(a) fil-każ ta' stabbilimenti industrijali eżistenti li jużaw il-proċess tas-sulphate:

(i) fir-rigward ta' trab, it-tfigħ għandu jitnaqqas sal-31 ta' Diċembru 1993 għal valur ta' mhux aktar minn 50 mg/nm3 ([13]) minn sorsi maġġuri u ta' mhux aktar minn 150 mg/nm3 (2) minn kull sors ieħor ([14]);

(ii) fir-rigward tas-S0x, rimi ġej minn stadji ta' digestion u calcination fil-manifattura tat-titanium dioxide għandu jitnaqqas sal-1 ta' Jannar 1995 għal valur ta' mhux aktar minn 10 kg ta' l-ekwivalenti ta' SO2 għal kull tunellata ta' titanium dioxide prodott;

(iii) L-Istati Membri jkunu jeħtieġu meżżi li jkunu nstallati għall-prevenzjoni ta' l-emissjoni ta' qtar aċiduż;

(iv) impjanti għall-konċentrazzjoni ta' aċidu skart m'għandhomx jarmu aktar minn 500 mg/nm3 SOx kalkulati bħala ekwivalenti għal SO2 ([15]);

(v) impjanti għall-ħruq tas-salts li jirriżultaw mit-trattament ta' skart għandhom ikunu attrezzati bl-aħjar teknoloġija disponibbli li ma tinħtieġx spejjeż eċċessivi biex jitnaqqsu l-emissjonijiet tas-SOx;

(b) fil-każ ta' stabbilimenti industrijali eżistenti li jużaw il-proċess tal-klorin:

(i) fir-rigward ta' trab, it-tfigħ għandu jitnaqqas sal-15 ta' Ġunju 1993 għal valur ta' mhux aktar minn 50 mg/nm3 (2) minn sorsi maġġuri u ta' mhux aktar minn 150 mg/nm3 ([16]) minn kull sors ieħor ([17]);

(ii) fir-rigward tal-klorin, ir-rimi għandu jitnaqqas sal-15 ta' Ġunju 1993 għal medja ta' konċentrazzjoni ta' kuljum ta' mhux aktar minn 5 mg/nm3 ([18]) u mhux aktar minn 40 mg/ng3 fi kwalunkwe ħin.

2. Din id-Direttiva hija bla ħsara għad-Direttiva 80/779/KEE.

3. Il-proċedura għall-immonitorjar tal-miżuri riferenza għat-tfigħ ta' l-SOx fl-atmosfera hija stipulata fl-Anness.

Artikolu 10

L-Istati Membri għandhom jimmonitorjaw il-valuri u t-tnaqqis speċifikati fl-Artikoli 6, 8 u 9 fir-relazzjoni tal-produzzjoni attwali ta' kull stabbiliment.

Artikolu 11

L-Istati Membri għandhom jieħdu l-miżuri meħtieġa biex jassiguraw li l-iskart kollu mill-industrija tat-titanium dioxide, u b'mod partikolari skart suġġett għall-projbizzjoni fuq rimi jew dumping fl-ilma jew fuq it-tfigħ fl-atmosfera huwa:

- evitat jew użat mill-ġdid fejn teknikament u ekonomikament vijabbli,

- użat mill-ġdid jew mormi mingħajr ma jippertikola s-saħħa tal-bniedem jew jagħmel ħsara lill-ambjent.

L-istess għandu jgħodd għall-iskart li jirriżulta mill-użu mill-ġdid jew trattament ta' l-iskart imsemmi hawn fuq.

Artikolu 12

1. L-Istati Membri li għandom ma ħadux il-miżuri meħtieġa biex jikkonformaw ma' din id-Direttiva għandhom iġibuhom fis-seħħ mhux aktar tard mill-15 ta' Ġunju 1993. Huma għandhom jinformaw lill-Kummissjoni minnufih dwar id-dispożizzjonijiet nazzjonali adottati biex ikunu konformi ma' din id-Direttiva.

Meta l-Stati Membri jadottaw dawn id-dispożizzjonijiet, għandu jkun fihom riferenza għal din id-Direttiva jew ikollhom magħhom riferenza simili fl-okkazzjoni tal-publikazzjoni uffiċjali tagħhom. Il-proċedura għal riferenza simili għandha tkun adottata mill-Istati Membri.

2. L-Istati Membri għandhom jikkomunikaw lill-Kummissjoni d-dispożizzjonijiet tal-liġi nazzjonali li jadottaw fil-kamp regolat b'din id-Direttiva.

Artikolu 13

Din id-Direttiva hija indirizzata lill-Istati Membri.

Magħmula fi Brussel,

fil-15 ta' Diċembru 1992.

Għall-Kunsill

Il-President

M. HOWARD

L-ANNESS

Proċedura għall-immonitorjar tal-miżuri ta' riferenza għal emissjonijiet bil-gass tas-SOx

Għall-iskopijiet tal-kalkolu tal-kwantitajiet ta' SO2 u SO3 u qtar aċiduż espress bħala ekwivalenti għal SO2, mitfugħ minn stallazzjonijiet speċifiċi, għandu jittieħed f'konsiderazzjoni l-volum ta' gass mormi fuq iż-żmien li jieħdu operazzjonijiet skeċifiċi fil-kwistjoni u l-medja tal-kontenut ta' SO2/SO3 imkejjel matul l-istess perjodu. Ir-rata ta' ħruġ ta' SO2/SO3 u l-kontenut għandhom ikunu stabiliti skond l-istess kondizzjonijiet ta' temperatura u umdità.

____________________

[1] ĠU C 317, tas-7.12.1991, p. 5.

[2] ĠU C 94, tat-13.4.1992, p. 158, u ĠU C 305, tat-23.11.1992.

[3] ĠU C 98, tal-21.4.1992, p. 9.

[4] ĠU L 201, ta' l-14.7.1989, p. 56.

[5] Sentenza tal-11 ta' Ġunju 1991, Każ C-300/89, Il-Kummissjoni v. il-Kunsill (għadha mhix publikata).

[6] ĠU L 54, tal-25.2.1978, p. 19; Direttiva kif emendata l-aħħar bid-Direttiva 83/29(KEE (ĠU L 32, tat-3.2.1983, p. 28).

[7] ĠU L 229, tat-30.8.1980, p. 30; Direttiva kif emendata l-aħħar bid-Direttiva 89/427(KEE (ĠU L 201, ta' l-14.7.1989, p. 53).

[8] ĠU L 188, tas-16.7.1989, p. 20.

[9] Skart aċiduż qawwi li ġie mħallat sakemm ikun fih 0,5 % jew anqas ta' sulphuric acid ħieles għandu wkoll ikun kopert b'din id-definizzjoni.

[10] Skart aċiduż qawwi li jkun ġie mħallat sakemm ikun fih 0,5 % jew anqas ta' sulphuric acid ħieles għandu wkoll ikun kopert b'din id-definizzjoni.

[11] Vapuri u ajruplani' għandha tfisser bastimenti li jżommu fil-wiċċ u ajruplani li jtiru ta' kull tip huma x'inhuma. Din l-espressjoni għandha tinkludi opra tal-baħar b'cushion ta' arja, sewwa jekk tmexxi lilha nfiha jew le, u pjattaformi fissi jew li jżommu fil-wiċċ.

[12] Informazzjoni simili għandha tkun provvduta skond l-Artikolu 14 tad-Direttiva 78/176/KEE jew separatament jekk iċ-ċirkostanzi hekk jirrikjedu.

[13] Metru kubu f'temperatura ta' 273 K u pressjoni ta' 101,3 kPa.

[14] L-Istati Membri għandhom jinformaw lill-Kummissjoni dwar dawk is-sorsi minuri mhux inklużi fil-qisien tagħhom.

[15] Għal proċess ta' konċentrazzjoni ġdid l-Kummissjoni tista' taqbel ma' valur differenti jekk l-Istati Membri jkunu jistgħu juru n-nuqqas ta' disponibilità tat-teknika biex jikseb dan l-istandard.

[16] Metru kubu f'temperatura ta' 273 K u pressjoni ta' 101,3 kPa.

[17] L-Istati Membri għandhom jinformaw lill-Kummissjoni dwar dawk is-sorsi minuri mhux inklużi fil-qisien tagħhom.

[18] Huwa kkonsidrat li dawn il-valuri jikkorrispondu għal massimu ta' sitt grammi għal kull tunellata ta' titanium dioxide prodott.