EUR-Lex Access to European Union law
This document is an excerpt from the EUR-Lex website
Document 32016R0622
Commission Regulation (EU) 2016/622 of 21 April 2016 amending Annex III to Regulation (EC) No 1223/2009 of the European Parliament and of the Council on cosmetic products (Text with EEA relevance)
Regolament tal-Kummissjoni (UE) 2016/622 tal-21 ta' April 2016 li jemenda l-Anness III tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi (Test b'rilevanza għaż-ŻEE)
Regolament tal-Kummissjoni (UE) 2016/622 tal-21 ta' April 2016 li jemenda l-Anness III tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi (Test b'rilevanza għaż-ŻEE)
C/2016/2224
ĠU L 106, 22.4.2016, p. 7–10
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.4.2016 |
MT |
Il-Ġurnal Uffiċjali tal-Unjoni Ewropea |
L 106/7 |
REGOLAMENT TAL-KUMMISSJONI (UE) 2016/622
tal-21 ta' April 2016
li jemenda l-Anness III tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1223/2009 tal-Parlament Ewropew u tal-Kunsill tat-30 ta' Novembru 2009 dwar il-prodotti kożmetiċi (1), u b'mod partikolari l-Artikolu 31(2) tiegħu,
Billi:
|
(1) |
Fis-27 ta' Marzu 2014, il-Kumitat Xjentifiku dwar is-Sikurezza tal-Konsumatur (“SCCS”) ħareġ opinjoni xjentifika dwar l-idrossidu tal-potassju (2), li kkonkludiet li l-idrossidu tal-potassju huwa sikur biex jintuża bħala sustanza li jrattab/ineħħi l-kallijiet b'konċentrazzjoni massima ta' 1,5 % w/w. |
|
(2) |
Il-Kumitat Xjentifiku dwar is-Sikurezza tal-Konsumatur ikkonkluda wkoll li l-użu sikur tal-prodotti kożmetiċi li fihom l-idrossidu tal-potassju ħieles f'konċentrazzjonijiet minn 0,5 % w/w, jiddependi mill-ġestjoni responsabbli tar-riskji permezz ta' twissijiet u ta' gwida estensiva għall-użu tagħhom. |
|
(3) |
Wara l-opinjoni xjentifika tal-Kumitat Xjentifiku dwar is-Sikurezza tal-Konsumatur, il-Kummissjoni tqis li l-idrossidu tal-potassju għandu jitqies sikur għall-użu bħala sustanza li jrattab/ineħħi l-kallijiet b'konċentrazzjoni massima tal-użu ta' 1,5 % w/w. |
|
(4) |
Fid-dawl tal-konklużjoni tal-Kumitat Xjentifiku dwar is-Sikurezza tal-Konsumatur dwar il-ġestjoni responsabbli tar-riskju għall-prodotti li fihom l-idrossidu tal-potassju ħieles f'konċentrazzjonijiet minn 0,5 % w/w, il-Kummissjoni tqis li l-prodotti kożmetiċi li fihom l-idrossidu tal-potassju għall-użu bħala sustanza li jrattab/ineħħi l-kallijiet għandu jkollhom avviż ta' twissija fl-istruzzjonijiet għall-użu. |
|
(5) |
Għaldaqstant, ir-Regolament (KE) Nru 1223/2009 għandu jiġi emendat skont dan. |
|
(6) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Prodotti Kożmetiċi, |
ADOTTAT DAN IR-REGOLAMENT:
Artikolu 1
L-Anness III tar-Regolament (KE) Nru 1223/2009 huwa emendat skont l-Anness ta' dan ir-Regolament.
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta' April 2016.
Għall-Kummissjoni
Il-President
Jean-Claude JUNCKER
(1) ĠU L 342, 22.12.2009, p. 59.
(2) SCCS/1527/14, http://ec.europa.eu/health/scientific_committees/consumer_safety/docs/sccs_o_154.pdf.
ANNESS
L-Anness III tar-Regolament (KE) Nru 1223/2009 huwa emendat kif ġej:
|
(1) |
l-entrata 15a hija sostitwita bl-entrata li ġejja:
|
|||||||||||||||||||||||||||||||||||||||||||||||||||||||||||||||||||
|
(2) |
tiddaħħal l-entrata 15d:
|
||||||||||||||||||||||||||||||||||
(*) Għall-użi l-oħra tal-idrossidu tal-potassju, ara n-Nru 15d tal-Anness III.
(**) Il-kwantità ta' idrossidu tas-sodju, tal-potassju jew tal-litju hija espressa bħala piż tal-idrossidu tas-sodju. Fil-każ ta' taħlitiet, l-ammont ma għandux jisboq il-limiti mogħtija fil-kolonna g.”
(***) Għall-użi l-oħra tal-idrossidu tal-potassju, ara n-Nru 15a tal-Anness III.
(****) Il-kwantità ta' idrossidu tas-sodju, tal-potassju jew tal-litju hija espressa bħala piż tal-idrossidu tas-sodju. Fil-każ ta' taħlitiet, l-ammont ma għandux jisboq il-limiti mogħtija fil-kolonna g.”