5.3.2016   

MT

Il-Ġurnal Uffiċjali tal-Unjoni Ewropea

L 60/90

(1)

Il-kultivazzjoni tal-qamħirrum ġenetikament modifikat MON 810 kienet inizjalment awtorizzata skont id-Direttiva tal-Kunsill 90/220/KEE (2) bid-Deċiżjoni tal-Kummissjoni 98/294/KE (3). Fit-3 ta' Awwissu 1998, Franza tat il-kunsens lil Monsanto Europe SA (minn hawn 'il quddiem “Monsanto”) għat-tqegħid fis-suq tal-prodotti tal-qamħirrum MON 810.

(2)

F'Lulju 2004, Monsanto nnotifikat iż-żrieragħ tal-qamħirrum MON 810 għall-kultivazzjoni bħala “prodotti eżistenti” skont id-dispożizzjonijiet tranżitorji stipulati fl-Artikolu 20(1)(a) tar-Regolament (KE) Nru 1829/2003 tal-Parlament Ewropew u tal-Kunsill (4). B'konsegwenza ta' dan, huma jistgħu jibqgħu jitqiegħdu fis-suq skont ir-reġim ta'“prodotti eżistenti” skont ir-Regolament (KE) Nru 1829/2003.

(3)

F'April 2007, Monsanto applikat għat-tiġdid skont l-Artikolu 23 tar-Regolament (KE) Nru 1829/2003 tal-awtorizzazzjoni għall-kultivazzjoni tal-qamħirrum MON 810. F'konformità mal-Artikolu 23(4) ta' dak ir-Regolament, il-perjodu ta' awtorizzazzjoni jiġi awtomatikament estiż sakemm tittieħed deċiżjoni dwar it-tiġdid tagħha.

(4)

Id-Direttiva (UE) 2015/412 tal-Parlament Ewropew u tal-Kunsill (5) introduċiet il-possibbiltà, għal Stat Membru, li jitlob li l-ambitu ġeografiku ta' awtorizzazzjoni għall-kultivazzjoni mogħtija diġà jkun aġġustat bl-effett li t-territorju kollu jew parti minnu ta' dak l-Istat Membru jiġi eskluż mill-kultivazzjoni. Dawn it-talbiet kellhom jiġu ppreżentati mit-2 ta' April 2015 sat-3 ta' Ottubru 2015.

(5)

Dsatax-il Stat Membru talbu, skont l-Artikolu 26c tad-Direttiva 2001/18/KE, il-projbizzjoni tal-kultivazzjoni tal-MON 810 fit-territorju kollu tagħhom jew f'parti minnu. Dawn it-talbiet waslu għand il-Kummissjoni qabel it-3 ta' Ottubru 2015: fit-3 ta' Lulju 2015 mil-Latvja; fis-27 ta' Lulju 2015 mill-Greċja; fil-15 ta' Settembru 2015 minn Franza; fis-17 ta' Settembru 2015 mill-Kroazja; fit-18 ta' Settembru 2015 mill-Awstrija; fil-21 ta' Settembru 2015 mill-Ungerija; fit-23 ta' Settembru 2015 min-Netherlands u l-Belġju; fl-24 ta' Settembru 2015 mill-Polonja; fil-25 ta' Settembru 2015 mil-Litwanja u r-Renju Unit; fit-30 ta' Settembru 2015 mill-Bulgarija, il-Ġermanja u Ċipru; fl-1 ta' Ottubru 2015 mid-Danimarka u l-Italja; u fit-2 ta' Ottubru 2015 mil-Lussemburgu, Malta u s-Slovenja.

(6)

It-talbiet kollha li waslu għand il-Kummissjoni jkopru t-territorju kollu tal-Istati Membri kkonċernati, għajr għall-Belġju, li kkomunika talba li tkopri biss it-territorju ta' Walloon, u għar-Renju Unit, li kkomunikat talba li tkopri biss it-territorji tal-Irlanda ta' Fuq, tal-Iskozja u ta' Wales. It-talba tal-Ġermanja ma tkoprix il-kultivazzjoni għal finijiet ta' riċerka.

(7)

Il-Kummissjoni ppreżentat kull waħda mit-talbiet tal-Istati Membri kkonċernati lil Monsanto. Monsanto ma oġġezzjonat għall-ebda waħda minn dawn it-talbiet fi żmien il-perjodu ta' tletin jum permessi mill-Artikolu 26c(3) tad-Direttiva 2001/18/KE u b'hekk ma kkonfermatx l-ambitu ġeografiku tal-awtorizzazzjoni għall-kultivazzjoni tal-qamħirrum MON 810. Skont l-Artikolu 26c(3) ta' dik id-Direttiva, l-ambitu ġeografiku tal-awtorizzazzjoni mogħtija liż-żrieragħ tal-qamħirrum MON 810 għall-kultivazzjoni għandu għalhekk jiġi aġġustat f'konformità mat-talbiet tal-Istati Membri kkonċernati, mingħajr ma tiġi applikata l-proċedura msemmija fl-Artikolu 35(2) tar-Regolament (KE) Nru 1829/2003.

(8)

Din id-Deċiżjoni hija bla preġudizzju għad-deċiżjoni li għandha tittieħed dwar it-tiġdid tal-awtorizzazzjoni skont l-Artikolu 23 tar-Regolament (KE) Nru 1829/2003.

(9)

L-informazzjoni rilevanti kollha dwar l-awtorizzazzjoni tal-qamħirrum MON 810 għandha tiddaħħal fir-reġistru Komunitarju tal-ikel u l-għalf ġenetikament modifikati, kif previst fir-Regolament (KE) Nru 1829/2003 u l-Istati Membri se jiġu infurmati b'din id-Deċiżjoni,