EUR-Lex Access to European Union law
This document is an excerpt from the EUR-Lex website
Document 32016R0312
Commission Implementing Regulation (EU) 2016/312 of 4 March 2016 correcting Regulation (EU) No 37/2010 as regards the substance ‘tylvalosin’ (Text with EEA relevance)
Regolament ta' Implimentazzjoni tal-Kummissjoni (UE) 2016/312 tal-4 ta' Marzu 2016 li jikkoreġi r-Regolament (UE) Nru 37/2010 fir-rigward tas-sustanza “tilvalosina” (Test b'rilevanza għaż-ŻEE)
Regolament ta' Implimentazzjoni tal-Kummissjoni (UE) 2016/312 tal-4 ta' Marzu 2016 li jikkoreġi r-Regolament (UE) Nru 37/2010 fir-rigward tas-sustanza “tilvalosina” (Test b'rilevanza għaż-ŻEE)
C/2016/1291
ĠU L 60, 5.3.2016, p. 3–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
5.3.2016 |
MT |
Il-Ġurnal Uffiċjali tal-Unjoni Ewropea |
L 60/3 |
REGOLAMENT TA' IMPLIMENTAZZJONI TAL-KUMMISSJONI (UE) 2016/312
tal-4 ta' Marzu 2016
li jikkoreġi r-Regolament (UE) Nru 37/2010 fir-rigward tas-sustanza “tilvalosina”
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 470/2009 tal-Parlament Ewropew u tal-Kunsill tas-6 ta' Mejju 2009 li jistabbilixxi l-proċeduri Komunitarji għall-istabbiliment ta' limiti ta' residwi ta' sustanzi farmakoloġikament attivi fl-oġġetti tal-ikel li joriġinaw mill-annimali, u li jħassar ir-Regolament tal-Kunsill (KEE) Nru 2377/90 u li jemenda d-Direttiva 2001/82/KE tal-Parlament Ewropew u tal-Kunsill u r-Regolament (KE) Nru 726/2004 tal-Parlament Ewropew u tal-Kunsill (1), u b'mod partikolari l-Artikolu 14 flimkien mal-Artikolu 17 tiegħu,
Wara li kkunsidrat l-opinjoni tal-Aġenzija Ewropea għall-Mediċini fformulata mill-Kumitat għall-Prodotti Mediċinali għall-Użu Veterinarju,
Billi:
|
(1) |
Il-Kummissjoni ġiet mgħarrfa bil-fatt li fl-Anness tar-Regolament tal-Kummissjoni (UE) Nru 37/2010 (2), kif emendat mir-Regolament ta' Implimentazzjoni tal-Kummissjoni (UE) 2015/1492 (3), fir-rigward tas-sustanza “tilvalosina”, ir-residwu markatur “tilvasolina” kien indikat b'mod żbaljat bħala residwu markatur għall-ispeċijiet porċini. |
|
(2) |
L-Anness tar-Regolament (UE) Nru 37/2010 għandu jiġi kkoreġut biex jindika li r-residwu markatur għall-ispeċijiet porċini u għall-ġilda u għax-xaħam u għall-fwied tal-ispeċiijiet tat-tjur hija t-“Total ta' Tilvalosina u 3-O-aċetiltilosina” u li r-residwu markatur “tilvalosina” japplika biss għall-bajd tal-ispeċijiet tat-tjur. |
|
(3) |
Dan ir-Regolament għandu japplika b'mod retroattiv mid-data tal-applikazzjoni tar-Regolament ta' Implimentazzjoni (UE) 2015/1492 minħabba li r-residwu markatur għall-ispeċijiet porċini kien indikat b'mod żbaljat u għalhekk għandu jiġi kkoreġut. Għaldaqstant dan ir-Regolament għandu jidħol fis-seħħ bħala kwistjoni ta' urġenza. |
|
(4) |
Il-miżuri stipulati f'din id-Drettiva huma skont l-opinjoni tal-Kumitat Permanenti tal-Prodotti Mediċinali Veterinarji, |
ADOTTAT DAN IR-REGOLAMENT:
Artikolu 1
Fit-Tabella 1 tal-Anness tar-Regolament (UE) Nru 37/2010, l-entrata għas-sustanza “tilvalosina” tinbidel b'dan li ġej:
|
“Tilvalosina |
It-total ta' tilvalosina u ta' 3-O-aċetiltilosina |
Porċini |
50 μg/kg |
Muskoli |
L-EBDA ENTRATA |
Aġenti li jaġixxu kontra l-infezzjonijiet Antibijotiċi” |
|
50 μg/kg |
Xaħam u ġilda |
|||||
|
50 μg/kg |
Fwied |
|||||
|
50 μg/kg |
Kliewi |
|||||
|
Tjur |
50 μg/kg |
Xaħam u ġilda |
||||
|
50 μg/kg |
Fwied |
|||||
|
Tilvalosina |
Tjur |
200 gm/kg |
Bajd |
Artikolu 2
Dan ir-Regolament jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mit-3 ta' Novembru 2015.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta' Marzu 2016.
Għall-Kummissjoni
Il-President
Jean-Claude JUNCKER
(1) ĠU L 152, 16.6.2009, p. 11.
(2) Ir-Regolament tal-Kummissjoni (UE) Nru 37/2010 tat-22 ta' Diċembru 2009 dwar is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta' residwu fl-oġġetti tal-ikel li ġejjin mill-annimali (ĠU L 15, 20.1.2010, p. 1).
(3) Ir-Regolament ta' Implimentazzjoni tal-Kummissjoni (UE) 2015/1492 tat-3 ta' Settembru 2015 li jemenda r-Regolament (UE) Nru 37/2010 fir-rigward tas-sustanza “tilvalosina” (ĠU L 231, 4.9.2015, p. 10).