Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32006R0683

Regolament tal-Kunsill (KE) Nru 683/2006 tas- 27 ta' Frar 2006 dwar l-implimentazzjoni tal-Ftehim f'għamla ta' Skambju ta' Ittri bejn il-Komunità Ewropea u r-Renju tat-Tajlandja bis-saħħa ta' l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 dwar il-modifika tal-konċessjonijiet fl-iskedi tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka matul l-adeżjoni tagħhom ma' l-Unjoni Ewropea, li jemenda u jissuplimenta l-Anness 1 għar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni

ĠU L 120, 5.5.2006, p. 1–2 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 294M, 25.10.2006, p. 1–2 (MT)

⏵Dan id-dokument ġie ppubblikat f’edizzjoni(jiet) speċjali (BG, RO, HR)

Legal status of the document In force

ELI: http://data.europa.eu/eli/reg/2006/683/oj

25.10.2006   

MT

Il-Ġurnal Uffiċjali ta’ l-Unjoni Ewropea

1

REGOLAMENT TAL-KUNSILL (KE) Nru 683/2006

tas-27 ta' Frar 2006

dwar l-implimentazzjoni tal-Ftehim f'għamla ta' Skambju ta' Ittri bejn il-Komunità Ewropea u r-Renju tat-Tajlandja bis-saħħa ta' l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 dwar il-modifika tal-konċessjonijiet fl-iskedi tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka matul l-adeżjoni tagħhom ma' l-Unjoni Ewropea, li jemenda u jissuplimenta l-Anness 1 għar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 133 tiegħu,

Wara li kkunsidra l-proposta mill-Kummissjoni,

Billi:

(1)

Ir-Regolament (KEE) Nru 2658/87 (1) stabbilixxa nomenklatura għall-merkanzija minn hawn ’il quddiem magħrufa bħala “In-Nomenklatura Magħquda”, u stabbilita skond ir-rati konvenzjonali ta’ dazji tat-Tariffa Doganali Komuni.

(2)

Permezz tad-Deċiżjoni i 2006/324/KE tas-27 ta' Frar 2006 dwar il-konklużjoni ta’ Ftehim fl-għamla ta’ Skambju ta’ Ittri bejn il-Komunità Ewropea u r-Renju tat-Tajlandja bis-saħħa ta' l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 dwar il-modifika tal-konċessjonijiet fl-iskedi tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka matul l-adeżjoni tagħhom ma' l-Unjoni Ewropea (2), il-Kunsill approva, f’isem il-Komunità, l-imsemmi Ftehim bil-ħsieb li jikkonkludi n-negozjati mibdija skond l-Artikolu XXIV:6 tal-GATT 1994.

(3)

Ir-Regolament (KEE) Nru 2658/87 għandu għalhekk jiġi emendat u ssuplimentat għaldaqstant,

ADOTTA DAN IR-REGOLAMENT:

Artikolu 1

Fir-Regolament (KEE) Nru 2658/87, l-Anness 7 intitolat kwoti tariffarji tad-WTO li għandhom jinfetħu mill-awtoritajiet Komunitarji kompetenti, ta' Taqsima III ta' l-Anness I għandu jiġi emendat u supplimentat kif ġej:

1.

Il-kodiċi NM 1006 10, 1006 20, 1006 40, 1604 20 50 u 1604 20 70, mniżżla f' punt (a) ta' l-Anness għal dan ir-Regolament, għandhom jiddaħħlu fl-imsemmi Anness 7;

2.

Il-kodiċi NM 1006 30 għandu jiġi supplimentat bil-volumi kif imniżżel f'punt (b) ta' l-Anness għal dan ir-Regolament.

kif jidher fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ erba’ ġimgħat wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, nhar is-27 ta' Frar 2006.

Għall-Kunsill

Il-President

U. PLASSNIK

(1)  ĠU L 256, 7.9.1987, p. 1. Regolament kif emendat l-aħħar bir-Regolament (KE) Nru 1719/2005 (ĠU L 286, 28.10.2005, p. 1).

(2)  Ara p. 17 ta' dan il-Ġurnal Uffiċjali.

ANNESS

Minkejja r-regoli għall-interpretazzjoni tan-Nomenklatura Magħquda, il-kliem tad-deskrizzjoni tal-prodotti għandhom jitqesu li m’għandhomx iżjed valur indikattiv, peress li l-konċessjonijiet ġew determinati, fi ħdan il-kuntest ta’ dan l-Anness, bil-kopertura tal-kodiċi NM kif jeżistu fil-waqt ta’ l-adozzjoni ta’ dan ir-regolament. Fejn ex kodiċi NM huma indikati, il-konċessjonijiet għandhom jiġu determinati b’applikazzjoni tal-kodiċi NM u deskrizzjoni korrispondenti meħudha flimkien.

(a)

Kodiċi NM

Deskrizzjoni

Termini u kundizzjonijiet oħra

Numru tat-tariffa tal-prodott 1006 10

Ross għadu fil-ħliefa

Kwota ġdida annwali (erga omnes) ta’ 7 Tunnellati, bir-rata ta’ kwota ta’ 15 %.

Numru tat-tariffa tal-prodott 1006 20

Ross bla ħliefa

Kwota ġdida annwali (erga omnes) ta’ 1 634 Tunnellata, bir-rata ta’ kwota ta’ 15 %.

Numru tat-tariffa tal-prodott 1006 40

Ross miksur

Kwota ġdida annwali (erga omnes) ta’ 31 788 Tunnellata, bir-rata ta’ kwota ta’ rata 0 %

Numru tat-tariffa tal-prodott 1604 20 50

Ħut preparat jew priżervat (ħlief sħiħ jew f’biċċiet):

—

ta’ sardin, bonito, kavalli ta’ l-ispeċi Scomber scombrus u Scomber japonicus, ħut ta’ l-ispeċi Orcynopsis unicolor

Kwota ta’ rata ta’ tariffa annwali ġdida ta’ 2,275 Tunnellata li 1,410 Tunnellati minnhom ser jiġu allokati lir-Renju tat-Tajlandja, bil-bqija jiġu applikati erga omnes, b’rata ta’ kwota ta’ 0 %, minn rata ta’ kwota ta’ 25 %

Numru tat-tariffa tal-prodott 1604 20 70

Ħut preparat jew priżervat(ħlief sħiħ jew f’biċċiet):

—

ta’ tonn, skipjack jew ħut ieħor tal-genus Euthynnus

Kwota ta’ rata ta’ tariffa annwali ġdida ta’ 2,558 Tunnellata li 1,816-il Tunnellata minnhom ser jiġu allokati lir-Renju tat-Tajlandja, bil-bqija jiġu applikati erga omnes, b’rata ta’ kwota ta’ 0 %, minn rata ta’ kwota ta’ 24 %.

(b)

Kodiċi NM

Deskrizzjoni

Termini u kundizzjonijiet oħra

Numru tat-tariffa tal-prodott 1006 30

Kwota għal ross nofsu midħun jew midħun kollu

Żieda fir-rata tal-kwota tariffarja annwali ta’ 25,516-il Tunnellata (erga omnes) fil-kwota li hemm issa tal-KE15, bir-rata ta’ kwota ta’ 0 %.

Allokazzjoni tal-pajjiż ta’ 1,200 Tunnellata lir-Renju tat-Tajlandja għandha tiġi integrata fil-kwota attwali tar-ross nofsu midħun/midħun kollu tal-KE15, b’rata ta’ kwota ta’ 0 %.
Top